Sunday 20 March 2011

عايزين نجمع توقيعات على ده


مالك عدلي المحامي من مركز هشام مبارك كتب الصياغة دي
عايزين نعمل موقع يجمع توقيعات بالرقم القومي
وكمان نلم توقيعات في المحافظات
ده اقتراحنا دلوقت، القوى الوطنية حتعمل احزاب وكده ان شاء الله، وانا شايفة ان ده استفتاح كويس لنزول القوى الوطنية في المحافظات، لأن اساسا المحافظات هي الاهم من القاهرة، المفروض اننا بعد اعلان النتيجة حنستعد بأحزاب، وقوائم، ونشطاء ينتشروا في كل المحافظات، وبرامج، واهم برامج يتم الحديث فيها مع الناس: التعليم والصحة والضريبة التصاعدية والحد الادنى للاجور، والاستفتاح يبقى كويس بجمع توقيعات في كل المحافظات على البيان ده:


لقد عانينا نحن المصريين علي مدي سنوات عدة من فساد النظام الحاكم في مصر وعانينا من الانتقائية في تطبيق القوانين ومورس علي المواطنين أبشع وسائل القهر التي أدت إلي تكميم الأفواه ونشر الرعب بين المواطنين البسطاء والسيطرة علي كافة وسائل الإعلام المرئي والمسموع والمقروء وسيطرة حفنة من رجال أعمال النظام الفاسد علي مقدرات هذا الوطن ، وبقاء عدد كبير من المسئولين المشهورين بفسادهم والذين لا يخشون في الباطل وتجميل النظام الفاسد لومة لائم مستغلين في ذلك كافة وسائل التضليل والخداع ومعتمدين علي آلة النظام القمعية التي أذاقت المصريين كافة صنوف العذاب وهي جهاز أمن الدولة الذي طالت يداه غالبية المواطنين المصريين بلا استثناء واشبعونا اعتقالا وتعذيبا وقتلا مما جعل المطالبة بمحاكمة الفاسدين وحل جهاز مباحث أمن الدولة علي رأس مطالب ثورة 25 يناير وبالتالي فإننا نطالب من جديد بالآتي :
أولا :استبعاد كافة أعضاء جهاز أمن الدولة من المشاركة في أية وظائف لها علاقة بالعمل الشرطي، وإشراف القضاء ومنظمات المجتمع المدني المستقلة على جهاز الأمن الوطني لضمان عدم منح أية فرصة لعودة السياسات البائدة في التعامل مع المواطن المصري، ولضمان تطبيق أحكام الدستور المصري وعلي وجه التحديد المواد : 40 ، 41 ،42 ،44، 45 والتي تنص علي :
- المواطنون لدي القانون سواء وهم متساوون في الحقوق والواجبات العامة لا تمييز بينهم في ذلك بسبب الجنس أو الأصل أو اللغة أو الدين أو العقيدة
- الحرية الشخصية حق طبيعي وهي مصونة لا تمس وفيما عدا حالة التلبس لا يجوز القبض علي أحد أو تفتيشه أو حبسه أو تقييد حريته باي قيد أو منعه من التنقل إلا بأمر تستلزمه ضرورة التحقيق وصيانة أمن المجتمع ويصدر هذا الأمر من القاضي المختص أو النيابة العامة وذلك وفقا لأحكام القانون ويحدد القانون مدة الحبس الاحتياطي
- كل مواطن يقبض عليه أو يحبس أو تقيد حريته باي قيد تجب معاملته بما يحفظ عليه كرامة الإنسان ولا يجوز إيذاؤه بدنيا أو معنويا كما لا يجوز حجزه او حبسه في غير الأماكن الخاضعة للقوانين الصادرة بتنظيم السجون
- للمساكن حرمة فلا يجوز دخولها ولا تفتيشها إلا بأمر قضائي مسبب وفقا لأحكام القانون
- لحياة المواطنين الخاصة حرمة يحميها القانون وللمراسلات البريديه والبرقية والمحادثات التليفونية وغيرها من وسائل الاتصال حرمة وسريتها مكفولة ولا تجوز مصادرتها أو الاطلاع عليها أو رقابتها إلا بأمر قضائي مسبب ولمدة محددة ووفقا لأحكام القانون
ولا شك أن مخالفة تلك الأحكام الواردة بالدستور المصري يضع كافة المسئولين عنه تحت طائلة قانون العقوبات بقائمة من التهالم تتضمن علي الأقل ارتكابهم جرائم الاحتجاز بدون وجه حق ، والتعذيب ، وتعطيل تنفيذ القوانين واللوائح ،وهتك العرض ، والقتل ، وإخفاء الأدلة عن العدالة ،وتعريض السلام الجتماعي والوحدة الوطنية للخطر ....... إلخ
إن جرائم جهاز أمن الدولة جميعها تستوجب فتح تحقيق جدي فيها والتحفظ علي كافة أعضاء هذا الجهاز بلا استثناء هؤلاء الذين لم يألو جهدا في انزال كافة ألوان العذاب بالمصريين الذين أوقعهم حظهم العثر تحت ايديهم ولم يثبت يوما اعتراضهم علي ما يكلفون به بل وعزلهم جميعا من وظائفهم وعدم توليتهم أية وظائف لها علاقة بأمن وأمان الوطن والمواطنين لثبوت أنهم أخلوا بواجبات وظائفهم وعطلوا تنفيذ القوانين واللوائح وخانوا الأمانة التي كان منوطا بهم أدائها وليس الاكتفاء فقط بحل جهاز مباحث أمن الدولة أو تغيير مسماه بل نريد القضاء نهائيا علي هذا الجهاز واستبعاد كافة أعضائه من المشاركة مستقبلا في أية وظائف لها علاقة بالعمل الشرطي ذلك الجهاز الذي أقل ما يوصف به أنه تنظيم إرهابي وليس مؤسسة وطنية .
ثانيا : التحفظ علي كل من رئيس مجلس الشعب السابق فتحي سرور ورئيس مجلس الشوري السابق صفوت الشريف ورئيس ديوان رئيس الجمهورية زكريا عزمي:
باعتبارهم المسئولين الرئيسيين عن إفساد الحياة السياسية والحياة البرلمانية في البلاد ومساهمين بشكل رئيسي في حماية رؤوس النظام الفاسد إن لم يكونو منهم بالأساس والذين يشكل تركهم طلقاء خطرا حقيقيا علي استقرار الوطن وأمن المواطنين ولثبوت ضلوعهم في جرائم ضد المواطنين المصريين، خاصة ضد الثوار في يوم 2 فبراير المعروف بالأربعاء الأسود أو "معركة الجمل" 
هؤلاء الثلاثة الذين ساهموا بشكل أو بآخر في التستر علي الآلاف من وقائع الفساد وعدم احترام أحكام القضاء ومساعدة المفسدين علي الإفلات من العقاب والذينم تشير إليهم اصابع الاتهام في العديد من الحوادث التي تم تدبيرها لإجهاض ثورة 25 يناير والمسئولين لسنوات عديدة عن ثلاثة من أهم المؤسسات في جمهورية مصر العربية ومسئولين سياسيا وإداريا وجنائيا عن كافة وقائع الفساد والاستيلاء علي المال العام التي تمت بداخل تلك المؤسسات ولهم دور لا يخفي علي أحد في افساد الحياة السياسية وااحزبية والبرلمانية في مصر
وبناء علي ذلك فإننا نطالب بسرعة التحفظ علي هؤلاء الثلاثة وتكليف الجهات الرقابية بالتحري عن ثرواتهم ومصادر تلك الثروات وفتح الباب للتحقيق في كافة وقائع الفساد التي شاركوا فيها إما مباشرة أو بالتستر علي مرتكبيها.
---------
لو سمحتوا
1- عايزين صفحة على الانترنت لجمع التوقيعات بالرقم القومي
2- عايزين نطبع البيان ده ونجمع عليه توقيعات من كل المحافظات
3- انا باعرض البيان ده على القوى السياسية كلها، بدون استثناء لأحد، أو إقصاء لأحد، ولكل الأحزاب الموجودة على الساحة واللي لسه بتتأسس. لو يعجبكم البيان ده وأهدافه يا ريت تتبنوه وتجمعوا عليه توقيعات واهو يساهم برضه في إننا نتصالح كلنا ونوحد الهدف الوطني على الأقل في المرحلة الحالية، ويساعد على انتشار كل القوى السياسية في المحافظات عشان يبقى فيه الفرص المتكافئة اللي انتوا كنتوا بتتكلموا عليها. 
البيان ده مرسل إلى:
المجلس الأعلى للقوات المسلحة
الحكومة المصرية
النائب العام
-------
عايزين روح التحرير بقى
:)
وشكرا


50 comments:

Unknown said...

ما تضيفوا عليها حل الحزب الوطني و منع كل اعضاء الحزب الوطني من ممارسة الحقوق السياسية!
علشان دماغنا تستريح ؟!

Unknown said...

انا معاكم لكن ممكن نعمل موقع للتوقيع الالكتروني للمصرين في الخارج لاني نفسي اشارك في بناء بلدي و مش عارف ازاي

أرنوب said...

هوه ده الكلام يا نوارة ..

OneOfOne said...

I can create an app on my site for that, unless you already have something else

aboel3nen said...

الله ينور يا نوارة ... بس ناقص فعلا حل الحزب

Unknown said...

لا انا ما نسقتش مع حد يعمل موقع

انا نسقت مع مالك عدلي بس يكتب البيان

مى محمد said...

انا معاكى يا نواره هخلى الحج والحجه يوقعو وكمان اخويا الكبير والبت اختى الى اتجوزت عقبالى وعقبال السامعين يارب يوقعو شوفى عايزه مين تانى وانا هجبهولك من ودنه
ملحوظه
والنبى السلام امانه لعم نجم وقوليله بت مجنونه اسمه مى بتسلم عليك

Unknown said...

يا ريت كمان تضيفى عليه حل الحزب الوطنى زيادة على ذللك توعية الناس أن الدين لله و الطن للجميع !!!

مى محمد said...

انا معاكى يانواره انا هخلى الحج والحجه يوقعو وهخلى اخويا الكبير واختى الى اتجوزت كمان توقع بس والنبى السلام امانه لعم نجم

Unknown said...

يا ريت بالمرة يبقى حل الحزب الوطنى ،،، وتوعية الناس ان الدين لله والوطن للجميع !!!
شكراً

مى محمد said...

لابالب

nosseir73 said...

موافقة بس متنسوش مفيد شهاب وحل الحزب الوطنى وياريت سرعة محاكمة القتلة و علانية التحقيقات معهم

OneOfOne said...

I will write an app then and give you the link as soon as possible.

Unknown said...

علشان تشتغلوا على نضافه بعيد عن كل بلطجي وبعيد عن كل مخطط لازمم تتخلصوا الأول من مصدر الخطر
علشان تقدري تتخلصي من حاجه اسمها فلول الحزب الوطني لازم تحلي الحزب الوطني

وده مش هيجي إلا بمليونيه كبيره في كل ميداين مصر للقضاء على الحزب الوطني بس يجب ان يتم الحشد من اليوم بكل الأساليب والإتفاق مع كافة جبهات الثوره وأيضا الإتفاق مع كافة القوى المعارضه والتنسيق أيضا مع الإعلام لكي يتم الحشد وحل هذا الحزب الظالم

وسموها مليونية القضاء على الحزب الوطني

وبعدين الدستور كده كده هيتغير أهم حاجه لازم الكل يبقى تحت القانون

انا مش فاهم انا لما قرأت الدستور لقيت في مواد كتير لازم تستند للقانون والدليل هتلاقي مصطلح في الدستور إسمه وفقا للقانون ؟

طيب القانون بتاعنا عقيم شويه يبقى الدستور بردوا هيبقى عقيم حتى بعد التغيير ولا إيه

محمد نور الدين said...

كل مساء و ست الكل بألف خير

لأنني غير قادر على ضم صوتي فأنا معكم بقلبي.
ست الكل تعديل بسيط في بداية البيان : نحن المصريون وليس المصريين .
تحياتي الصادقة

من أجل حقوق المصري said...

عايزين صفحة على الفيس بوك من محترفي إدارة الصفحات
عايزين نطبق مقولة : مافيش ظلم تاني ، مافيش خوف تاني

walid sharawy said...

نحو تقليص حصانة اعضاء مجلس الشعب و حصرها في مدة اقصاها مرتين فقط

Unknown said...

إزاي نوصلك التوقيعات بعد تجميعها ؟

Unknown said...

بالنسبة للتوقيعات

oneofone

تطوع مشكورا انه يعمل موقع

وحنعمل ميل نستقبل عليه التوقيعات ان شاء الله

بس بالرقم القومي لو سمحتوا

شكرا

Tamer Nabil Moussa said...

كلام جميل



انا مع كل ما هو فى صالح ام الدنيا


مع خالص تحياتى

hardway said...

حنستعد بأحزاب، وقوائم، ونشطاء ينتشروا في كل المحافظات، وبرامج، واهم برامج يتم الحديث فيها مع الناس: التعليم والصحة والضريبة التصاعدية والحد الادنى للاجور
كده.........تمام ياأرق نوارة في حوض البحر الابيض المتوسط
ندخل في البيان اللي عاوزة توقيعات عليه
1- عبارة عن اجراءات بوليسيةوأمن دولة
2-كلام عن حبس وقبض وتقييد حريةوتفتيش وعدم تفتيش وحرمة مساكن والتعذيب ، وتعطيل تنفيذ القوانين واللوائح ،وهتك العرض ، والقتل ، وإخفاء الأدلة عن العدالة ،وتعريض السلام الجتماعي
3- حبس الشامخ بسلامته ودكتور النسا وسيد قراره
ده كلام متظاهرين...مظاهرات وقفات انتفاضات
مش كلام ناس عايزة تشارك في حكم مصر
عن طريق احزاب والتمثيل في مجلس تشريعي
فين الكلام الاولاني في بداية حديثك
ياأرق نـــــــــــــوارة
بعد %77 نـــعم

Magdy El-Serafy said...

إلغاء كلمة إرهاب من توجيه التهم. مكافحة جريمة منظمة آه مكافحة ارهاب لا

من أجل حقوق المصري said...

شوفي الفكرة دي بسرعة، بلاش حد وقولي رأيك، ولو عايزة تعديلات قولي
https://spreadsheets.google.com/viewform?formkey=dFFsMGdWcUYxNFpyREFpZjhTN2FoRWc6MQ

ربنا يخليلنا غنيم وجوجل

من أجل حقوق المصري said...

https://spreadsheets.google.com/viewform?formkey=dFFsMGdWcUYxNFpyREFpZjhTN2FoRWc6MQ مافي ظلم تاني ، مافيش خوف تاني

Unknown said...

تمام،، احنا كده حننزل الفورم ده

محمد نور الدين said...

ما يصحش تنزلي الفورم بالخطأ اللغوي

Doha said...

ana m3akom , yareet neqdar newaqa3 online lilnas elly mish gwa misr

Doha said...

ana m3akom,yareet yareet telaqo hal lilnas elly 3aisha barah

د. هانى احمد said...

رجاء اضافه سرعة القصاص للشهداء والمصابين مش يتم الافراج عن وائل الكومى ومن على شاكلته ال ايه بضمان وظائفهم المحترمه جدا فى امن الدوله المحترم جدا ؟؟ لا وفى عيد الام علشان يقهروهم.. مقصوده دى ولا ايه واقرار مميزات خاصه لاسر الشهداء.والتدخل لمعرفة تعريف النائب العام لمن هو شهيد.. اعتقد دى نقطه مهمه جدا اذا عايزين توصلوا لقلوب الشعب المصرى

OneOfOne said...

I will sign the new form and canceled my app.

شمس العصارى said...

التوقيعات كويسة
بس ليه متبقاش قضية
والمحاميين الوطنيين كتير والحمد لله

Dr. El shaikh said...

ازاي يا نوارة نطالب بتنفيذ مواد من دستور طالبنا باسقاطه؟؟؟؟؟؟؟؟

Dr. El shaikh said...

ا نوارة ازاي ممكن نطلب تفعيل مواد في قانون احنا طالبنا باسقاطه؟؟؟؟

O S A M A said...

غير مخصص للنشـــر
يا لهوي يا نوارة حرام عليكي يا شيخة مش كده انتي دلوقتي بتنشري البيان وكل حاجة طيب مهو غيرك الاحزاب الواطية والاخوان بيخشوا وأكيد اساسا مراقبين موقعك وغير موقعك زي غزوة لاظغلي وزي ما البرادعي ما اعلن انه هينزل في الدايرة الفلانية مينفعش كده يا ناس عايزين شوية سرية بس مش كتير والله وع الاقل في التفاصيل مش بعيد ياخدوا الكلام ده وينزلوا من بكرة يخلوا الناس يوقعولهم عليه وهما جاهزين ياريت منعلنش اي حاجة قبل ما نكون جاهزين للتنفيذ تاني يوم دي اول حاجة
تاني حاجة يانوارة انا عايز اتواصل معاكي بشكل شخصي ومش عارف ازاي وعايز اشتغل معاكم بقوة

Unknown said...

ليه مقبضوش على زكريا عزمي وفتحي سرورو وصفوت الشريف, وزكريا عزمي لسه بيمارس شغله, قال ايه بحجة ان عقده وفترة عمله لسه مانتهتش - الكلام ده مش من عندي كان على مصر النهارده من كام يوم على لسان عضو المجلس الاعلى.
وبعدين مبارك وعياله وحرمه لسه مانتخين في شرم ومافيش كلام عن اي حاجة
وانه لم يتم حساب احد بعد من المعتدين على المتظاهرين, بل الادهى انهم يفرج عنهم على زمة التحقيق
ونضيف عليه انهم لم يعطونا اي جدول زمني سواء من الجيش او حكومة عصام شرف
وقيادات الاعلام , والمحليات زي ماهي؟؟؟؟!!!
وبعدين لغاية امتى حد يفهمني بمكن ما بفهمش

O S A M A said...

استني يا نوارة الرسالة اللي فاتت غلط اتسرعت مقريتش الموضوع كله وحسبت انه نص تجمع عليه التوقيعات لحزبنا وفيه حقوق المواطنة و و وكده زي حملة البرادعي كده ومكملتش النص ساعتها معلش فركش

Medhat Nabawi said...

أنا خارج مصر وأضفت توقيعي بالرقم القومي ده صح ولا لازم رقم جواز السفر

Medhat Nabawi said...

أنا خارج مصر وعايز أشارك في أي شيء لكن محتاج التوجية

Anonymous said...

نوارة معلش أنا آسف عالكومنت ده ووالله ولا قصدي تخوين ولا حاجة بس أنا فكرة فيحاجة كده يمكن قلق زيادة فعايز اسالك:

1- مين اللي هيبقى معاه التوقيعات ده بالاسم الكامل والرقم القومي؟ ناس مضمونة؟ إنتي مثلا وناس عارفين إنها مش هتستغل الكلام ده؟

أنا بسأل كده عشان كنت سمعت واحد كان بيقول إن ممكن لو الإنتخابات اتعملت الكترونية تبقى بالاسم والرقم القومي اونلاينوده ممكن يخلي لو حد غير موثوق فيه معاه قائمة زي ده يستخدمها استخدام غلط

أنا آسف يعني ويمكن يكون سؤال اهبل بس أنا قلت اطمئن

Unknown said...

انا كتبت الكلام ده على صفحة الائتلاف وفي كذا حته ومش لاقي حد يعبيرني يا جدعان حد يرد عليا.
--------------------------
يا شباب الائتلاف عشان خاطر الشعب والناس الي ماتت وعشان البلد , احنا بتضحك علينا وانتم لو مش حاسين بكده او عندكم معلومات غير الي عندنا ياريت تقولوهولنا, المطالب مش بتتحقق ولا اتجدولت ومن الاخر احنا بنتضرب على قفانا , انا اسئلكم ان تطالبوا بمظاهرة مليونية - بلاش الجمعة الجاية عشان ما تختلطش بمظاهرة الناس الي رافضة لنتيجة الاستفتاء ممكن الجمعة الي بعديها - واعتصام حتى يتم الاتي ,او على الاقل جدول زمني للاتي :
1- القبض على رؤس النظام لتقديمهم للمحاكمة , صفوت الشريف, زكريا عزمي, فتحي سرور
2- القبض على حسني مبارك وعائلته (اني اخشى من موضوع الاشاعات بتاع ضغط دول الخليج)
3- وضع جدول زمني لحل المحليات, لايستقيم ان تظل المحليات تعمل كما هي
4- اقالة رؤوس الفساد من قيادات الصحف والقنوات الاعلامية , لا يعقل ان يكون اسامة سرايا لسه في مكتبه
5- اظهار التحقيقات الخاصة بمن قتل الشهداء اول باول , والتحفظ عليهم , مش ممكن ان وائل الكومي يطلق سراحة هذه مهزرة
6- الاعلان عن الجدول الزمني الذي وعد به دكتور عصام شرف لتحقيق مطالب الثورة
7- الاعلان من قبل الجيش على الخطوات اللاحقة للاستفتاء بجدول زمني

هذه المطالب ان لم نستمر في النزول والاعتصام والتاكيد على اهميتها وانشغالنا بالاستفتاء وفسافس الامور, سيتم الالنفاف على الثورة , والانقضاض عليها بعد ان نكون قد اختلفنا وتشرذمنا على امور تافه
هذه ثاني مرة اضع هذا التعليق, ومن تواجدي في الشارع وعملي مع الشباب شايف ان كل الي ارفهم بيئيدوا الكلام ده, ياريت تعبرونا وتردوا على التعليقات

Unknown said...

يعني ايه كوكاكولا زيرو
يعني تبقى رئيس وشعبك يثور عليك, فتقعد على حساب شعبك انت واهلك في منتجع في شرم الشيخ

Hossam said...

ياريت تكون فيه صفحة أو اشارة لتوضيح أسماء الموفعين على البيان لاعطائه قوة و شفافية

Hossam said...

لقد اثلت ال Facebook سرعة الانتشار والتأثير لذا يا ربت لو أى من المشاركين يفوم بعمل Group ونشره؛ اذا كان قد تم ذلك بالفعل ياريت اللينك يتم ارساله

yahia said...

http://www.facebook.com/pages/%D8%B5%D9%81%D8%AD%D8%A9-%D8%AA%D8%AC%D9%85%D9%8A%D8%B9-%D8%A7%D9%84%D8%AA%D9%88%D9%82%D9%8A%D8%B9%D8%A7%D8%AA-%D9%85%D9%86-%D8%A3%D8%AC%D9%84-%D8%AD%D9%82%D9%88%D9%82-%D8%A7%D9%84%D8%A5%D9%86%D8%B3%D8%A7%D9%86-%D8%A7%D9%84%D9%85%D8%B5%D8%B1%D9%8A/173113672740428?sk=wall&filter=1#!/pages/%D8%B5%D9%81%D8%AD%D8%A9-%D8%AA%D8%AC%D9%85%D9%8A%D8%B9-%D8%A7%D9%84%D8%AA%D9%88%D9%82%D9%8A%D8%B9%D8%A7%D8%AA-%D9%85%D9%86-%D8%A3%D8%AC%D9%84-%D8%AD%D9%82%D9%88%D9%82-%D8%A7%D9%84%D8%A5%D9%86%D8%B3%D8%A7%D9%86-%D8%A7%D9%84%D9%85%D8%B5%D8%B1%D9%8A/173113672740428?sk=wall&filter=1
الصفحة على الفيس بوك

yahia said...

http://www.facebook.com/pages/%D8%B5%D9%81%D8%AD%D8%A9-%D8%AA%D8%AC%D9%85%D9%8A%D8%B9-%D8%A7%D9%84%D8%AA%D9%88%D9%82%D9%8A%D8%B9%D8%A7%D8%AA-%D9%85%D9%86-%D8%A3%D8%AC%D9%84-%D8%AD%D9%82%D9%88%D9%82-%D8%A7%D9%84%D8%A5%D9%86%D8%B3%D8%A7%D9%86-%D8%A7%D9%84%D9%85%D8%B5%D8%B1%D9%8A/173113672740428?sk=wall&filter=1#!/pages/%D8%B5%D9%81%D8%AD%D8%A9-%D8%AA%D8%AC%D9%85%D9%8A%D8%B9-%D8%A7%D9%84%D8%AA%D9%88%D9%82%D9%8A%D8%B9%D8%A7%D8%AA-%D9%85%D9%86-%D8%A3%D8%AC%D9%84-%D8%AD%D9%82%D9%88%D9%82-%D8%A7%D9%84%D8%A5%D9%86%D8%B3%D8%A7%D9%86-%D8%A7%D9%84%D9%85%D8%B5%D8%B1%D9%8A/173113672740428?sk=wall&filter=1

Abdullah Amer said...

تسلمي يا نوارة...ويا ريت يا جماعة نخترق حاجز الانترنت اللي كنا بنعيش فيه زمان ونطلع للنور ونطالب بحصة ولو ساعة في أم الإعلام المصري اللي هوا بتعنا ( المفروض يعني ) ..ونطلع في الساعة دي بأرآء الشباب والكبار والبنات وناس من الشارع وأفكار ..وتكون ليها أولوية في التفكير والتعليق والتطبيق...ويا ريت ما يكونشي فيها النخبة لأنهم بيتكلموا في كل حتة وكل البرامج
...الساعة دي تكون ملك للشعب يرغي ويعبر براحتة وينتقد ويطالب بكل اللي هوا عايزه...ويا ريت لو يكون معانا بس مسؤول كبير ( زي رئيس الوزراء ) ويكون عشان يستقبل الآراء دي ويرد عليها...وعلى سبيل المثال موضوع الغاز اللي رجع تاني...رجع ليه وعشان ايه..أنا من حقي أفهم...

Abdullah Amer said...

أنا عرفت إنك بتشوفي التعليقات قبل ما تتعرض ( مم يعني إن كلامي ده مش هيتعرض قبل ما تشوفيه ومكن تمسحيه أو تعرضيه اللي يريحك ) واسمحيلي أعبر ليكي عن مدى إعجابي بيكي ..أثناء الثورة وبعدها..وحاولت أخترع أبلغ عبارات الإعجاب..وملقيتش غير إني أقولك...إني أتمنى تقبلي ايدي للزواج وأهدي لكي كلي وكياني وما املك وما سأملك....مع العلم إنك مش هتقبلي وأنا متزوج وعندي طفلين...لكن فكرت إني لو شفتك على ملأي من البشر هقولك كده حتى لو كانت الإجابة قطعا بالرفض ...لكن هيفضل الإطراء الناتج لديكيا من إن واحد فقير يهب نفسه ليكي هو التعبير عن الإعجاب.....

مصطفي محمود said...

http://www.manshetat.com

Unknown said...

انا فعلا نفسى يتقبض على الثلاثى ويتم حل الحزب الوطنى وتغيير كل قيادات الصحف والمحليات والمحافظات، الكلام ده فى رأى مهم جدا، وشكرا.

سارة العطار said...

انا بثق فى كلامك جدا يا نوارة من ساعت ما اتعرفت عليك عن طريق مداخلاتك على قناة الجزيرة ايام الثورة