Monday, 7 March 2011

اللي حصل يوم 6 مارس

حابتدي من ليلة ستة مارس، يعني خمسة مارس بالليل، الشباب راحوا عند لاظوغلي عشان قالوا الحاجات بتتحرق هناك
استنوا شوية وبعدين مالك قال ان جه شيخ سلفي بعربية فاخرة لم كل السلفيين وقال لهم توكلوا على الله فما فضلش غير بتاع اربعين واحد فقرروا يروحوا تاني يوم
جيت صحيت لقيت مالك بيتصل بيا وبيقول لي احنا رايحين فيه ناس قابلتني وقالت لي الحاجة بتتحرق جوة وفيه صوت تكسير، فقلت له انا جاية وكتبت على التويتر قلت لهم احنا رايحين عند لاظوغلي
رحنا العدد في الاول كان بسيط وفضل يتزايد شوية بشوية. انا شخصيا ما حسيتش ان الجيش ممانع اننا ندخل، بس كان محتاج عدد اكتر عشان يحس بالضغط، لما العدد زاد دخل بتاع عشرة كده وخرجوا قالوا لنا مافيش حاجة، بصراحة ما صدقناش، لان اللي دخلوا دول دخلوا في غفلة منا ومش احنا اللي اخترناهم
كان فيه بقى بتاع خمس عيال كده من الاول مش مظبوطين، منهم اتنين مميزين قوي، واد عمالة ابص في وشه واقول: سبحان الله، يخلق من الشبه اربعين، الواد ده شكل ظابط امن مركزي كنا بنشوفه في الاربع ايام الاولانية، ومعاه واد صايع كده، شكله مخبر، وكان فيه مخبر تاني اتعرف عليه مالك، كان لابس ازرق، وقف شوية كتير كده، وبعدين خرج
فيه ظابط وقف وقال عايز اكلمكم فالناس حاولت تسمعه، قام الكام واد اللي واقفين في الاول قعدوا يقولوا له اسكت اسكت، فبقية الناس استكبرت قوي ان ظابط جيش يتكلم والناس تقول له اسكت، المهم
بعدها الناس راحت تعمل لجان شعبية عشان بلغهم ان فيه بلطجية جايين، وده بعد ما الواد اللي لابس ازرق واللي مالك اتعرف عليه مشي بحوالي ربع ساعة كده، مافيش يدوبك الناس عملت اللجنة الشعبية، شوية صغيرين والبلطجية هجموا فعلا، والناس قعدت تصفر عشان يتصدوا للبلطجية
البلطجية كانوا جايين بسنج ومطاوي وسيوف، كانوا بتاع خمستاشر واحد كده
فاغلب الناس راحت تحاربهم، وشوية من الناس راحوا للجيش يقولوا له: انتوا مش ناويين تعملوا حاجة؟
فظابط جيش قال احنا ما نقدرش نسيب هنا، احنا علينا انهم ما يجوش هنا
فواحد قعد يقول: اصل دول اهالي.. فواحد تاني قال: يعني ماحدش يقنعني ان الاهالي نازلين من بيوتهم يضربونا عشان مش عاجبهم اننا بنتظاهر، فظابط جيش قال: لا طبعا مش اهالي.. وبعدين قال: انتوا عايزين تخشوا ليه؟ المكان متشمع بالشمع الاحمر
فقلت له طب ورونا
المهم فضلنا واقفين كده، وهم قالوا، طب اختاروا انتوا منكم بتاع عشرين واحد يخشوا، ما احنا دخلنا عشرة قبل كده وطلع لكم شيخ بدقن وانتوا ما صدقتهوش، يعني نعمل ايه؟
فيه ناس قبل هجوم البلطجية كانت اميل للاقتراح ده، وكان الاغلبية ابتدوا يقتنعوا بالكلام ده، بس بعد ما البلطجية هجموا الناس كلها غيرت رأيها، وانا قلت لظابط: طيب لو المكان متشمع صحيح، ليه البلطجية هجموا، حضرتك عارف ان البلطجية دول امن دولة، عارف ولا مش عارف؟
فسكت
قلت له طيب، امن الدولة مش عايزنا ندخل ليه؟ لو مافيش حاجة جوة امن الدولة مش حيستموت كده عشان ما يدخلناش. قال لي: طب ايه العمل دلوقت؟ انا ما اقدرش ادخل كل العدد ده جوه، ماهو زي ما انتوا خايفين من البلطجية انتوا كمان بينكم مندسين وفيه مستندات مهمة، ما نقدرش ندخل كل دول، وبعدين احنا بنقول لكم ان مافيش حاجة جوة
فقلت له بس مجية البلطجية علينا بتقول ان فيه حاجة جوة، وانت عارف ان دول امن دولة.. فسكت
انا شخصيا حتى بعد هجوم البلطجية ما كانش عندي مانع اننا نختار عشرين واحد، بس الاغلبية غيروا رأيهم بعد ما البلطجية هجموا، وقالوا اكيد فيه ظباط ومساجين جوة وهم مخبيينهم، امال باعتين لنا البلطجية ليه؟
اه نسيت.. قبلها فاطمة بتقول انها بلغت واحد من الظباط ان فيه بلطجية جايين في السكة، وبتقول ان الظابط اتاخد قوي، وراح بلغ اللي معاه
بعد شوية قالوا لنا، طيب حندخلكم بس حيدخل عشرة عشرة، دخلوا اول عشرة ويادوبك طلعوا وقبل ما يتكلموا، الواد ظابط الامن المركزي والمخبر اللي معاه، زودوا تحرشهم بالجيش، ويزقوا في الحديد، فيه عيال هابلة سخنت معاهم، بس الاغلبية كانت بتقول سلمية وبتحاول تحوشهم، والواد الشرطة ده كل ماحد يحاول يحوشه يفضل يجعر ويشلق ويقول: اللي خايف يروووح... اييييه
ونقول له ما تزقش، يفضل يقول اييييه عايزين اييييه
ويقعد يتخانق مع الجيش ويقول للعسكري: انت بتحمي الطواغيت
طبعا العسكري مافهمش حاجة، مافيش حد اسمه طواغيت جوه
والواد المخبر اللي معاه قعد يجعر راخر ويزق في الجيش ولما نسكته يقول: الجيش ضربييييي ويشد في هدومه ويقول الجيش ضربنييييي.. ماحدش ضربه والله، انا واقفة وشايفة، هو عمال يزق في الحديد ويتخانق مع الجيش وماحدش ضربه ولا جه ناحيته الكداب ده
فجأة لقينا صواريخ بتضرب في السما في ميدان لاظوغلي، فحسيت ان الجيش قلق كده شوية، واحنا سألناهم ايه ده؟ قالوا لنا مش عارفين.. وواحد قال: "دي صواريخ كأن ناس بتحتفل بس بيحتفلوا بايه؟" بعد شوية جم بتوع الشرطة العسكرية وقفوا شوية وبعدين مش عارفة راحوا فين، بعدين نزلت قوات صاعقة الظاهر كان فيه قلق على البوابة هم شافوه من شوية بلطجية، انا مش عارفة ايه البلاغ اللي جالهم عن البلطجية، الظاهر جالهم خبر ان معاهم رصاص ولا ذخيرة ولا حاجة، لان بان عليهم قلق شديد قوي من مجية البلطجية
المهم، وانا واقفة على السور الحديد عشان امنع الناس انها تزق، واحد قال يا جماعة ظابط الجيش اهو واقف، بيقول لكم اللي عايز يدخل ييجي يمين، اعملوا صفين صف ستات وصف رجالة وكله حيدخل
فانا بصيت للواد الشرطة ده، وقلت له انت عايز تخش لو عايز تخش فعلا تعالى من هنا، اه، وكان واقف واحد تاني، بس ده شكله امين شرطة، هههههههههههه والله العظيم، عمال يتدلدل من السور ويزق السور، كل ما ارجعه واقول له ما تزقش السور يجعر لي برضه ويقول لي: انت مااااالك... انت اللي بتزقييييي... اوعيييي..
بس دول مش امن دولة، اقصد التلاتة دول الظابط والمخبر وامين الشرطة، شكلهم مش امن دولة، شكلهم شرطة بس غالبا امن مركزي، او جايبينهم من قسم ولا حاجة
نرجع للظابط، قلت له انت عايز تخش تعالى من هنا: برضه راح مجعر من غير سبب وقال لي: انت مااااالك.. انا واقف هنا
قلت له ما الناس حتدخل من هنا، ظابط الجيش اهو واقف بيدخل الناس
راح ده نازل من على السور واول ما شاف الناس خلاص بيتفتح لها الجنب اليمين عشان تدخل منه راح هو والمخبر وامين الشرطة وكام عيل تانيين جروا السور الحديد، الظاهر ناس تانية سخنت معاهم راحت قعدت تجر السور وانا حاولت امسكهم عشان امنعهم ما عرفتش، ولقيت واحد وسط الزحمة دي طلع حاجة طويلة كده شبه الحبل ولا حاجة
حتشوفوها في الفيديو ده في الاول



وبعدين الناس دخلت من الفتحة اللي اتفتحت وهم رافعين ايديهم، وبعدين سمعنا صوت ناس من ناحية البوابة، وبعدين سمعنا ضرب نار في الهوا، فقعدنا نجري، جرينا ناحية البوابة، وورانا الجيش بيضرب ذخيرة في الهوا وبيحرك الدبابة، لقينا البلطجية هاجمين علينا بالمولوتوف وشميت ريحة غاز مسيل للدموع مع هلتهم، الجيش شاف البلطجية من هنا، وجات له هيستيريا ذخيرة، واحنا اتعملنا ساندوتش (غادة صاحبتي قالت لي ان ساعتها ظابط جيش قال لها انه سمع ان عسكري اتقتل منهم على ايد البلطجية - الكلام ده طلع اشاعة، بس هم افتكروا كده فعلا) المهم يعني البلطجية ضربوا الجيش وضربونا، والجيش راح ضرب البلطجية وضربنا وبعدين نطلع احنا نستخبى على السلالم يروح طالع ورانا ويقول لنا انزلوا ويضرب شوية عشان ينزلهم، ننزل يروح البلطجية ضاربين علينا يقوم الجيش يقول: لا خلاص.. اطلعوا اطلعوا انتوا
وبعدين يضرب شوية عشان يطلعهم لحد ما دخلنا وزارة العدل، وفيه ناس جريت في الشوارع
المهم بعد ما فضوا الشارع والبلطجية هربوا راحوا داخلين لنا وزارة العدل، فاحنا خفنا منهم وقعدنا نطلع السلالم ونجري منهم وبعدين انا وبنتين تانيين رحنا مستخبيين ورا الحيطة، قام جالنا عساكر جيش قالوا لنا انتوا مستخبيين هنا ليه، رحنا مصرخين في وشهم، قالوا لنا بتصرخوا ليه؟ فحبيت انا اجري منهم رحت جارية عليهم فواحد منهم قال لي: انا عايز افهم انت بتجري ليه دلوقت؟ قلت له: عشان حتضربونا.. قال لي: مش حنضربكم ما تخافيش... تعالوا معانا.. فقلت له: طب ما تضربش، قال لي: والله ما حاضرب، تعالي بس عشان ننزلكم ونأمنكم من البلطجية
راحوا منزلينا ومودينيا على الرصيف على الجنب، لقيت بقى مالك عدلي وبثينة ومجموعة كده، الجيش قالوا لنا خلاص ما تخافوش، اقعدوا هنا.. فقعدنا، قام لما قعدنا قالوا لنا: يعني عاجبكم كده؟ مبسوطين انتوا كده؟ ما احنا ما كناش عايزين ندخلكم عشان فيكم الكويس وفيكم الوحش.. فراح مالك عادلي قال لظابط من الظباط: معلش حضرتك.. خلي بس بالك انت من نفسك، قام الظابط قال له: يعني ايه اخلي بالي من نفسي قصدك ايه؟
راحت بثينة قالت لهم: كده تسلمونا للبلطجية؟ قام الظابط قال لها: احنا؟ احنا مش بنقول لكم امشوا؟ قام ساعتها جه عسكري مصاب، قام واحد من المتظاهرين دكتور راح يعالجه، قاموا لما شافوا العسكري مصاب اتعصبوا كلهم، الجيش يعني، وقعدوا يقولوا: عاجبكم كده؟ وعسكري من العساكر قال: شعب ابن متنـ...
فواحدة من البنات اللي كانوا مستخبيين معايا ورا الحيطة قالت له: تقوم تضربونا عشان احنا كده؟ فما ردش عليها
بعدين الظابط قال: اللي عايز يمشي يمشي، فمالك وانا وداليا والبنت التانية قلنا حنمشي، فقالوا لنا طب حنبعت معاكم حد يطلعكم، وبعدين الظابط قال لبثينة وبقية القاعدين لو تحبوا تمشوا ابعت معاكم حد انتوا كمان، فبثينة كامل قالت له: لا انا خايفة من البلطجية، انا حاقعد معاكم، فقال لها طب خلاص براحتك، وبعت معانا واحد يطلعنا، واحنا ماشيين البنت التانية طلعت التليفون ما اعرفش بقى كانت بتتكلم ولا كانت بتصور فعلا، بس المهم يعني ان واحد من الجيش، هو مش ظابط ومش عسكري، اللي هو في النص بينهم ده، راح مزعق لها وقال لها هاتي التليفون، فقالت له: لا مش حاديك التليفون.. ده بتاعي
قال لها: ما تكتريش معايا وهاتي التليفون انا جاي لي اوامر
انا ومالك قعدنا نقولها ادي له التليفون يشوفه يا ستي، قالت: لا ده بتاعي.. عايز تاخده خدني معاه، قال لها طيب زي ما تحبي، تعالي معايا. وراحت معاه.
المهم مشينا احنا، لقينا واحد لابس ملكي كده الجيش قال له: طلعهم لو سمحت، وراح مطلعنا
اخدنا تاكسي ونزلنا على وسط البلد
بس كده
-----
انا قررت احكي الحكاية دون تعليق ودون تحليل، وحتى كلامي عن ظابط الامن المركزي مش تحليل، انا فعلا مشبهة عليه، واديكوا شفتوا تصرفاته
بعد كده عرفت ان بثينة كامل قبضوا عليها، وانا مش عارفة ازاي وليه يقبضوا عليها؟ اذا كانت هي كانت قاعدة معاهم وقالوا لها نوصلك قالت لهم لا انا قاعدة معاكم
ايه بقى؟ يتقبض عليها ليه؟

99 comments:

سبح بحمد ربك said...

عايزة اسمع تعليقاتك يا نوارة على الكلام ده ..لانك من شهود العيان كده ولان مركز النديم فى صفحته على الفيس قايل ان فى ناس اتقبض عليها والسلطات بتنكر ده

وبعدين ليه الشيخ السلفى جه خد الناس امبارح هل خوفا عليهم من الرصاص اللى سمعنا انهم بيضربوه ؟

mentalist_brockio said...

طيب والناس اللي دخلت فعلا قالو ايه

monasosh said...

عمري ما هافهم ليه لما قعدت احاول اوصلك عشان افهم منك اللي حصل لبثينة عشان اطمن اهلها ما عبرتنيش

منى سيف

elzahraamegahed said...

نواره ممكن تقرى تعليقاتى الكتير على البوست الى فات ،
أنا طول اليوم بكتب لك وأقول يا رب تقرااه وتقريبا اللىحكتيه انا تةقعته من دلائل كتير، ده بوست منهم انا نقلاه كوبى وباست
على فكره مشايخ السلفيين طوال عمرهم ماشيين بأوامر أمن الدوله وعلى فكره من أول لحظه وهما ضد الثوره وأفتوا بحرمتها وعلى فكره هما اللى حركوا مظاهرة أمن دولة اسكندرية وعلى فكره احنا بنهد ثورتنا

أرجووووووووووووووكى إهدى وفكررررررررررررى
وإدعى ربنا يبصرك بالحق والخير
ده غلط الدخول فى مهاترات محاصرة واقتحام والاستيلاءعلى وثائق أمن الدوله ده غلط غلط

بتخسروا من رصيدكم عند الجيش وعند الناس وعندنا احنا باقى الثوار، بلااااااااااش نزود الاحتجاجات والاضرابات فى حاجات مردودها مش هيفيد مسيرة الثوره
أنا شايفه الصوره من فوق لأنى بعيد

أرجوكى يا نواره فىه معركه سياسيه محتاجه انك تبقى مركزه عشان تديريها عشان تشكيلة الحكومه والمحليات والمحافظين والدستور ولااااااازمم يبقى رصيدك وصورتك عند الجيش وعند الناس كويسه وتسمح لك بانك تتظاهرى لو مرضوش

وده تعليق تانى منهم أنا نقلاه هنا:
نواره هقولك حاجه وما تزعليش فكرى فيها وعلى فكره انا مش من مصطفى محمود،
بس احنا بنساهم فى الثوره المضاده وبتوليع البلد واستثارة الجيش والناس عشان تفتيش أمن الدوله ده مش صح
الوثائق اللى معاكم دى لا تفيد الا الفضول؟

احنا كنا ننزل بأدبنا الجمعه الجايه ونصر على حل أمن الدوله


أهداف الثوره الرئيسيه بتنهار
حكومة الحزب الوطنى زى ما هى ما اتغيرش الا رئيسها واربع وزراء اللى واضح انه مالوش شخصيه ولا بصمه
واحنا كنا عايزين وزراء يطهروا وزارتهم من مراكز الفساد
أمن الدوله هيتحل ، طب الحكومه مش
هتتحل ، ولا رئيس الحكومه بس هو الى اتحل؟

الدستور ما اتعدلش والتعديلات طفيفه ومحدوده والاحتمال الاكبر ان الانتخابات الرئاسية تبقى الاول وده خطر وارجعى لكلام البشرى نفسه


الفتنه الطائفيه شغاله على ودنه واحنا ممكن نركز ونخلى الجيش يجيب الوشوش اللى متكرره فى مظاهرات انا اسف يا ريس وحقك على يا شفيق والمظاهرات اللى موجوده قدام ماسبيرو

أرجوكى اقرى الباقى

hassn hamdi said...

السلم ما عادش منه فايدة
الكلاب هيولعوا البلد
والبادي اظلم

elzahraamegahed said...

بالله عليكى اهدى وركزى احنا عايزين ايه ورايحين على فين وأولوياتنا ايه؟
وشفى تشكيل الحكومه الجديده وشوفى طريقه صح نضغط بيها .

elzahraamegahed said...

بصى يا نواره انتى مش حد عادى بالنسبه للثوره ولا انتى ولا شباب الائتلاف ولا الناشطين السياسيين،
الثوره فى منعطف خطييير:
الحكومه تشكيلتها تفرق جدا فى القضاء على رؤوس الفساد فى الوزارات
ن التعديلات الدستوريه محتاجين نتفقع عليها
أمن الدوله عايزينه يتحل
المعتقلين يفرج عنهم
كل ده يتعمل بضغط ومن غير ما نتورط فى غلط وهناخد الىى احنا عايزينه لاننا اصحاب حق
لكن اللى حصل النهارده ده اعتقد خسرنا


بالنسبه لخطورة تشكيل الحكومه هضرب لك مثال صغير بوزارة السياحه اللى مليانه فلوس وفساد وسرقه واللى جرانه قلبها شركه خاصه ده غير ان السياحه محتاجه وزير عنده نظره وفاهم مش بس فى السياحه وتنميتها لا يبقى عارف ادارات السياحه والمسئولين عشان ينضف ويعمل احلال وتبديل ويرمى المسئولين القدام ، تفتكرى عبد النور ايه علاقته بالسياحه او ايه هيبقى دوره الفتره الجايه، انا ما بتكلمش على حستن يونس ولا سيد مشعل ولا وزير الاأوقاف ولا حتى وزير القوى العامله اللى هو أمين صندوق مجاور اللى فرجنا على شفيق الدنيا بسببه، لكن الوزاره كلها ما اتغيرش فيها الا اربع وزراء ينفع ؟ ينفع وزير الصحه اللى كان فى لجنة السيسات يفضل ينفع؟

elzahraamegahed said...

بالنسبه للدستور والانتخابات

ده رأى ياسيين ونشطاء كتير بيأيدوه
اننا نرفض التعديلات الدستوريه واننا نصر على تعديل كلى للدستور وان يمد المجلس اشرافه على البلاد لحين عمل انتخابت برلمانيه بالقائمة النسبية وبعدها يكون هناك انتخابات رئاسية .
بمعنى ان الحل يبقى:
- نصوت برفض التعديلات الدستورية لاجبار المجلس على عمل دستور جديد
- نشتغل بنظام القائمة النسبية غير المشروطه فى نظام برلمانى (ميزة النظام ده أن الانتخاب بيبقى لبرامج الاحزاب مش لافراد وكل الاحزاب بتتمثل فى البرلمان حسب نسبة الاصوات اللى اخدتها ، يعنى بمقدار الاصوات اللى اخدتها الاحزاب بياخدوا عدد مقاعد فى البرلمان)
- المجلس يطول الفتره الانتقليه 3 شهور زيادة لحد ما الاحزاب الجديدة تشم نفسها وتلحق تعلن برامجها وكده كده هيبقى لها تمثيل لو اشتغلنا بالقائمة النسبيه
ولو المجلس مستعجل يشكل مجلس رئاسى يا اما يتحمل تلت شهور زياده وهو كده كده فى قراره قال 6 شهور او لحين انتخاب الرئيس


طارق البشرى قال انه عامل التعديلات الدستوريه على اساس ان الانتخابات التشريعيه هتبقى الاول ودلوقتى الجيش عايز يعمل انتخابات الرئاسة الاول
انتو عارفين خطورة صلاحيات الرئيس فى الدستور ؟
عارفين عيوب وقصور التعديلات دى ايه؟
كل الفقهاء الدستوريين قالوا أن إعداد دستور جديد لن يستغرق إلا أيام بسيطة
إيه الحكمة بأه من الترقيع وبدل ما نعمل استفتاء بهرجله كده والغالبية العظمى من الناس مش فاهم المواد لسه ولا هاضماها
والصراحة معظم القضاه والخبراء ليهم تحفظات على التعديلات نفسها
50 فى الميه عمال وفلاحين وكوته مرأه محدش جاب سيرتهم وما اتلغوش ليه؟! ومجلس الشورى ده لزمته ايه؟ ومفيش حد اقصى للسن ليه؟ الرقابه على الانتخابات للمحكمة الدستوريه اللى رئيسها بيعينه رئيس الدوله ليه (لان ممكن الرئيس يعين رئيس المحكمه فى فترته الاولى علشان يزور له الانتخابات فى فترته التانيه) ؟

فبدل ما نعمل استفتاء ووش ومفيش شرطه أساسا،
طب ما نعمل لجنة تأسيسيه لعمل دستور جديد
ملحوظه : التعديلات بتدى الحق فى عمل وثيقة دستور جديد لكن لا يوجد بها الزام ؟؟

mido said...

@الزهراء مجاهد

الحكومة اتغيرت كلها تقريبا
بلاش شغل الوسوسة ده، احنا ماشين صح وكل يوم بنحقق مكاسب

mahmoud elsaid said...

إنتهاء التحقيق مع بثينة كامل وعزة شعبان واستكمال التحقيقات غداً
------أنا بقول نهده شويه ونسيب الجيش يشتغل بجد
كده فيه وقيعه كبيره قوي

rami said...

الصراحة الي بيحصل ده تهريج واحنا مش بنخصر رصيد دحنا جلنا اسهال والظابط الي قال ده شعب ابن متن... ده بس نطق بالي بيدور فدماغ كل الي وقفيين من الجيش ملهوش اي ميتين لزمة لعب العيال ودخلونا نبص بصة لو فيه كام واحد اعلاميين وقفوا والباقي مشي كان بتوع الدخلية اتهرشوا والمراقبة حصلت بس خلينا واقعيين احنا قلبناها تهريج وكله عاوز يخش عشان يلاقي تويته يقلها لما يروح ويعمل مناضل بروح امه

ملكش دعوة said...

كل ما بشوف الخطر اللي بتتعرضوا ليه واللي ممكن يحصل لكم من البلطجيه والامنجيه بخاف عليكوا جدا ولما باسمع ذوي الاحتياجات الخاصه بتوع "كفايه كده بأه خربتوا البلد "ببقي عايزه اولع فيهم

ملكش دعوة said...

كل ما بشوف الخطر اللي بتتعرضوا ليه واللي ممكن يحصل لكم من البلطجيه والامنجيه بخاف عليكوا جدا ولما باسمع ذوي الاحتياجات الخاصه بتوع "كفايه كده بأه خربتوا البلد "ببقي عايزه اولع فيهم

ayman radwan said...

انا رايي با نواره انك مغلطيش بس احنا دلوقتي في مرحله المهم والاهم لازم نهتم بالدستور الجديد لانه اهم حاجه دلوقتي.
انا رايي الجمعه الجايه تبقي لاسقاط الدستور دستور جديد هو نقطه اللاعوده للنظام القديم

سمر الجيار samar Elgyar said...

فيه أخبار إن بثينة طلعت

elzahraamegahed said...

على فكره مشايخ السلفيين طوال عمرهم ماشيين بأوامر أمن الدوله وعلى فكره من أول لحظه وهما ضد الثوره وأفتوا بحرمتها وعلى فكره هما اللى حركوا مظاهرة أمن دولة اسكندرية وعلى فكره احنا بنهد ثورتنا

أرجووووووووووووووكى إهدى وفكررررررررررررى
وإدعى ربنا يبصرك بالحق والخير
ده غلط الدخول فى مهاترات محاصرة واقتحام والاستيلاءعلى وثائق أمن الدوله ده غلط غلط

بتخسروا من رصيدكم عند الجيش وعند الناس وعندنا احنا باقى الثوار، بلااااااااااش نزود الاحتجاجات والاضرابات فى حاجات مردودها مش هيفيد مسيرة الثوره
أنا شايفه الصوره من فوق لأنى بعيد

أرجوكى يا نواره فىه معركه سياسيه محتاجه انك تبقى مركزه عشان تديريها عشان تشكيلة الحكومه والمحليات والمحافظين والدستور ولااااااازمم يبقى رصيدك وصورتك عند الجيش وعند الناس كويسه وتسمح لك بانك تتظاهرى لو مرضوش

كانت الثورهحدده فى أهدافها وتسلك طرق شرعيه راقيه للحصول عليها فحققت ما أصرت عليه بالتخطيط والمثابره.
أما الآن أشعر أننى أمام شعب يعبر عن كبته وغضبه أكثر من رغبته فى تحقيق هدف معين وفى كل الاتجاهات وقد ترك هدفه الرئيسى دون أن يتحقق وأذ يسعى خلف طعم ربما لن يأكله أبدا

علاء زين الدين said...
This comment has been removed by the author.
مصر 30 said...

عندى إحساس مش متأكد منه
إن الجيش بيبعت إشارات بس الناس مش بتلقطها منه !! يعنى أوقات بيسيب الناس تدخل و أوقات بيحاولوا يلمحوا للناس إنهم يمشوا علشان مايدوش فرصة للبلطجية .. بس الناس معندهاش ثقة فى الجيش .. هل محتاجين نغير الإسلوب و يبقوا الناس أكثر تفاعلا مع الجيش و يلقطوا إشاراته ؟؟


http://www.youtube.com/watch?v=7aBpya1Fccc

http://www.shorouknews.com/ContentData.aspx?ID=403134

شوفوا الفيديوهات دى من برنامج بلدنا بالمصرى
لو شايفة إن تفكيرى منطقى او فى جانب من الصحة قولى علشان الموضوع بقى محير جدا

Salah said...

الموضوع فيه "عك" جامد للأسف ... لازم فى طريقة تحمى الشباب وتطلعهم من البلطجية ... ويبقى فى تنسيق عالى المستوى مع الجيش علشان ميحصلش اللى بيحصل ده.

Omadham said...

السلام عليكم و رحمة الله و بركاته
يا نوارة يا حبيبتي,
1- انت بتقولي كلام و بترجعي فيه. بدل المرة ألف قلتي إن ما فيش حاجه بتحصل من غير ضغط الشارع و تكتل شعبي. بتسمي الحبة اللي كانوا معاكي في لاظوغلي دول ضغط شعبي؟
2-الشرطة و غيرهم دول مش موظفين؟ و لما الموظف ما يعملش شغله يبقى يمد إيده آخر الشهر علشان يقبض ليييييه؟
هو الشعب بينضرب بالجزمة و لسه بيدفع للي ضربه و للا إيه؟
3-و كمان أتا شايفه ناس حلوة عمالة تقول العفو عند المقدرة, و أنا باقول العفو لا يصدر الا من المجني عليه. يبقى لما الناس اللي في المعتقلات دي تطلع نبقى نسألهم رأيهم مش كده و للا إيه؟

جبهة التهييس الشعبية said...

منى سيف
انت كلمتيني امتى؟

Khalid said...

إنتو رجعتوالنا مصر يا نوارة.. رجعتوا لنا روحنا وكرامتنا.. رفعتوا راسنا بره مصر وجوه مصر.. أرجوكي وأتوسل إليكي نركز أوي في اللي جاي وما نفقدش ثقتنا في الجيش.. ده كلامك اللي دايما بتقوليه وإنت دايما بتحترمي الجيش.. مش عايزين الجيش يخسر ثقته فينا هو كمان.. ربنا معاكم

جبهة التهييس الشعبية said...

ايه ام ادهم دي؟
انا ما قلتش كلام ولا رجعت فيه في البوست ده، انا حكيت بس وتعمدت اني ما اعلقش

elzahraamegahed said...

فيه مهم وفيه أهم
تشكيل حكومه عدله ما فيهاش الرموز القديمة
والدستور
ونصر على دوله برلمانيه
والقائمة النسبيه


والنبى تستخيرى ربنا ونهدى شويه على الشرطه لحد ما الأمن يرجع البلد عشان بس الناس اتخنقت وما يقلبوش علينا والسياحه ترجع والعجله تمشى وهما أمن
الدوله خلاص كلهم عملوها على نفسهم

elzahraamegahed said...

انا اول مره احس بضعف الجيش وبالرغم انى كنت منقوطه من الجيش من اول الثوره

ن بس فعلا مش قادره اتقبل فكرة ان الناس ما عدش لها كبير

وفى كل حته الناس بتستحلف لضباط الشرطه ، يا ستى هما ولاد ستين فى سبعين بس خدوا درس عمرهم وخلينا نركز فى اللى احنا عايزينه بالتوازى
وبعد ما تهدى الامور والامن يستتتب ويبقى فيه وزاره ماسكه نفسها ونعمل برلمان محترم أو نجيب رئيس على مزاجنا نخلى الداخلية يمسكها قاضى ينفضها لنا نفض

لكن دلوقتى معدش حد متحمل
بلاااش نخسر الناس والجيش واقتصادنا والأهم الغل هيعمينا عن أهداف الثورة الاهم

elzahraamegahed said...

شهوة الانتقاام من الشرطه لو استسلمنا لها قبل أن تنجح الثوره وأهدافها أعتقد أننا نكون انتقمنا من أنفسنا

Omadham said...

السلام عليكم و رحمة الله و بركاته
صلي على رسول الله
انتي دايما بتقولي ان لما الشعب يكون موجود بأعداد كبيرة , مليونيه, رد فعل الجيش بيكون مختلف. و مع كده اللي راحواالاظوغلي مش العدد اللي يشكل ضغط مهم زي ما قلتي قبل كده
هو ده كان قصدي. بس خلاص
و أنا معاكي ان الضغط الشعبي هو اللي حيحل الأزمة. أنا واحدة على قدي آه و لا ليا لا في الثور و لا في الطحين لكن رأيي البسيط هو
ليه نتوقف عند نقط زي الأصرار على دخول مكتب أمن دولة؟ أنتوا خلعتوا رئيس بحاله و أنتوا واقفين في ميدان التحرير, خلعوا الباقي من نفس المكان و بنفس الطريقة!
أيه ؟ عايزين تعملوا علي بابا و تدخلوا مغارة الحراميه تتفرجوا على الزلع؟ و كل واحد يطلع على يوتيوب يقول: لقينا بدل رقص و حاجات ياي عيب !!!
إيه الخيبة دي؟ ما تخليكوا صامدين في الميدان, مصلين , مطالبين بالحق و خلوا الجبل هو اللي ييجي لعمر
ما تقوليليش أن انتوا اللي حاتدخلوا لأماكن الفساد تطلعوا الفساد. ربنا نصركوا بأدوات محددة يبقى لازم تتمسكوا بالآليات دي. هما أدرى- الجيش و الناس الكبيرة زي القضاة الشرفاء و الصحفيين المخضرمين- يجيبوا الأدلة منين. اعتصموا في الميدان و خلوهم هما اللي بطلعوا المستخبي

احلام جوليا said...

عندي اكتئاب يا نواره حسه ان مصر كلها كانت عايمة فوق بير مجاري حكومة قذرة بنت اجهزة اكثر قذارة فوق بير مجاري كبير واجبرونا عن العوم بداخله شعبنا حلو قوي احلى بكتير مما كنانظن يظهر فعلا انهم كانوا بيقنعونا لهم سنين ان العيب فينا وان احنا السبب في الازمة الاقتصادية والسياسية وخلافه احنا الي بنخلف كتير ولازم ننظم الاسرة احنا الي بنتخانق مع جيرانا المسيحين ولازم نبقى ارقى احنا العيب فينا واتضح انهم بيهومونا احنا شعب حلو قوي وبيعمل كل حاجة بايده ومستعد يشيل مصر على كتافه ويحج بها كمان بس للاسف كم الاقذار الي عومنا عليها مينفعش نبني البلد من غير ما ننزح بير المجاري ده وننظفه ونحفر من جديد علشان نحط الاساسات يا نوارة واولها شيلوا من رئيس الجمهورية الصلاحيات الكتير ارجوكم لحسن احنا الي بنصنع الدكاتاتور والدكتاتور بيحفر بير المجاري

Ahmed said...

عشرة على عشر يا نوارة

ربنا يعينك ويوفقك .. بس رجاء

خلي بالك من نفسك انتي واللي معاكي

عشان مش عايزين خساير في الارواح تاني

انتو والله اهم من اي مكاسب ممكن تتحقق تانية .. انتو دلوقتي بقيتو اهم ! احنا محتاجينكو اكتر من المكاسب اللي عايزين تحققوها للبلد .. فخلي بالك من نفسي ربنا يحميكي

Ahmed said...

عشرة على عشر يا نوارة

ربنا يعينك ويوفقك .. بس رجاء

خلي بالك من نفسك انتي واللي معاكي

عشان مش عايزين خساير في الارواح تاني

انتو والله اهم من اي مكاسب ممكن تتحقق تانية .. انتو دلوقتي بقيتو اهم ! احنا محتاجينكو اكتر من المكاسب اللي عايزين تحققوها للبلد .. فخلي بالك من نفسي ربنا يحميكي

مش فاهمه said...

مش عارفه لحد دلوقتى ما فهمتيش ان الثورة بتتخطف لحد دلوقتى مش عارفين تختاروا حد يتفاوض باسم الثورة الكل اجمع ان مشروع البرادعى هو الأفضل و الكل بيردد الكلام اللى الراجل قاله من اول يوم تنحى فيه الرئيس انا مش من المغرمين بالبرادعى بس مافيش حل دلوقتى غير كده مش فاهمه منشفين دماغكم ليه و ماشين من دماغكم ابراهيم عيسى امبارح هو و ضيوفه تقريبا قالوا كده استفتاء على الدستور بعد 10 ايام و لسه مافيش شرطه و الوزرا هم هم و الأعلام زى ماهو و بعدين احنا حانصبر بس اما نشوف حاجه عدله

دكتور محمد said...

Dear nawara,

I think after careful reading for your post that.. It is the time to have a very careful steps now on. It is clear that the army is supporting the people and the people for the Army is tens of thousands and not just some hundreds..
It is clear that State Security now is playing with us and in the same time covering their crimes.
No more small protests like that one.. tens of thousands at least.
It is difficult but the only way to do something.
And I think cutting the head of the snake from the start was a must like if you as a group caught that hidden officer nothing would happen.
Allah ma3ana enshaa allah

ابن طفيل said...

الناس بتسق فيكي والحمد لله . ليه منفكرش قبل ما نتحرك الحركات القادمة .. محتاجين وقفة لاستعادة النظام ومراقبة أداء الحكومة الانتقالية... محتاجين وقفة تنظيم صفوف لحشد الشعب للبناء وحماية الاقتصاد .. نرجوكم ابدأوا في تشكيل لجان للاقتصاد والزراعة والسياحة والتثقيف والتعليم .. الشعب محتاج نخفف الضغوط اللي عليه مش نزود همومه

h said...

انا مش عرفه اعمل ايه جوزى من اول الثوره وهوا معاكوا وامبارح كمان راح لاظوغلى ومن ساعتها مرجعش ولقيت اسمه دلوقتى فى المعتقلين الى اتقبض عليهم امبارح مش عارفه المفروض اعمل ايه واجيب محامى منين وهيخرج الهارده ولا لأ بجد لو حد يعرف يساعدنى ويفهمنى المفروض اعمل ايه؟؟؟

h said...

انا مش عرفه اعمل ايه جوزى من اول الثوره وهوا معاكوا وامبارح كمان راح لاظوغلى ومن ساعتها مرجعش ولقيت اسمه دلوقتى فى المعتقلين الى اتقبض عليهم امبارح مش عارفه المفروض اعمل ايه واجيب محامى منين وهيخرج الهارده ولا لأ بجد لو حد يعرف يساعدنى ويفهمنى المفروض اعمل ايه؟؟؟

nomorecry said...

انا رايي ان الدكتور عصام ان شاء الله هيحقق لنا كل اللي احنا بنطلبه من حل امن دولة وغيره والجيش بيحمينا وفعلا والله هما بيتعبوا جدا انا قرايبي مروحوش بيوتهم ولا شافوا ولادهم وده طبعا واجبهم بس لو فكرتي هتلاقي الجيش شغال في مليون جبهه واحنا مش عايزين نفتح جبهات زياده خلينا نركز في الاقتصاد خلينا نحلم ببكره احسن من غير ما نفكر في البلطجيه اللي ملوا الشوارع ولا امن الدوله لانهم كده هيكونوا قدروا ينجحوا لما يخوفونا ويمنعونا نفكر في بكره

nomorecry said...

انا رايي ان الدكتور عصام ان شاء الله هيحقق لنا كل اللي احنا بنطلبه من حل امن دولة وغيره والجيش بيحمينا وفعلا والله هما بيتعبوا جدا انا قرايبي مروحوش بيوتهم ولا شافوا ولادهم وده طبعا واجبهم بس لو فكرتي هتلاقي الجيش شغال في مليون جبهه واحنا مش عايزين نفتح جبهات زياده خلينا نركز في الاقتصاد خلينا نحلم ببكره احسن من غير ما نفكر في البلطجيه اللي ملوا الشوارع ولا امن الدوله لانهم كده هيكونوا قدروا ينجحوا لما يخوفونا ويمنعونا نفكر في بكره

nomorecry said...

انا رايي ان الدكتور عصام ان شاء الله هيحقق لنا كل اللي احنا بنطلبه من حل امن دولة وغيره والجيش بيحمينا وفعلا والله هما بيتعبوا جدا انا قرايبي مروحوش بيوتهم ولا شافوا ولادهم وده طبعا واجبهم بس لو فكرتي هتلاقي الجيش شغال في مليون جبهه واحنا مش عايزين نفتح جبهات زياده خلينا نركز في الاقتصاد خلينا نحلم ببكره احسن من غير ما نفكر في البلطجيه اللي ملوا الشوارع ولا امن الدوله لانهم كده هيكونوا قدروا ينجحوا لما يخوفونا ويمنعونا نفكر في بكره

مهندس مصري said...

كان المفروض مراسلين الجزيرة يدخلوا و يصوروا و ساعتها احنا نصدقهم

مش فاهمه said...

طيب و بعدين

الأخت الزهراء مجاهد بتتكلم كلام كويس ليه مش بنناقشه

Omadham said...

و بالمناسبه
انا واحده من أنصار جبهة التهييس الشعبية وأعتبر نفسي من المعجبين بيكي و بالشباب الحلو كله اللي هنا
و لو مش عاجبك كلامي يا ستي حقك على راسي و راس الواد أدهم ابني كمان
و اعتبري اللي قلته محاولة تهييس
ماشي؟

nour1971 said...

أنا مبقتش افهم حاجه خالص ايه الي بيحصل ده هو فيه ايه ، مش بالمنظر ده ابدا

علان العلانى said...
This comment has been removed by the author.
علان العلانى said...

لا يفوتكم الربط بين الأشياء

لماذا يستجيبون لمطالب الشعب المصري بالقطارة؟

هل يعتقدو أن ذلك سوف يشغل الشعب المصري بنفسه عن أخوانه واصهاره وابنائه وانصاره في العالم العربي؟

هل دور مصر الأقليمي صنعته الحقبة الناصرية أم انها من فعل الجغرفيا والتاريخ والعقائد والمقدسات والقيم واللغة؟

هل ما يحدث في ليبيا والبحرين واليمن والجزائر وبقية العالم العربي ليس له علاقه بما يحدث في مصر بين فلول النظام ومطالب الشعب؟

كيف نستطيع أن نحدق في الثورة المصرية بدون ان ننتبه للمدارات التى تدور فى فلكها المدار الأسلامي والمدار العربي والمدار الأقليمي والمدار العالمي؟

الحرية لنا ولغيرنا

mutargim said...

http://al-agenda.blogspot.com/2011/03/blog-post_8984.html
ست الكل ..الموضوع النوبادي مهم و عاوزك تقريه ضروري

Amir said...

نواره . صباح الخير . أنا مش من إلناس بتوع كفايه كدا و نروح ننام. لكن كمان لازم نعيد تكوين الصفوف و التفكير بشكل استراتيجي في التحركات القادمه. الحكومه الجديده محتاجه دعمنا. و دعمنا ده مش اننا نبطل تظاهر و لكن لازم نختر المعارك و نوجهها صح . و كمان لازم نقدر قوتنا و ان الناس الفتاه في المظاهرات قل عددهم و لازم نعيد الحسابت اننا ازاي نستغل العدد ده و في اي معركه. زي ما انت شايفه لما العدد قل البلطجيه ككتروا. علينا. كثير من رؤوس الفساد وقعت او قربت تقع. أنا راي اننا نركز علي اعطاء الفرصه للشرطة و مراقبتهم في تامين الشارع و لم المجرمين و البلطجيه علي السجون من الشارع. و لو لم نري تقدم نضغط علي الوزاره. بس لازم نديهم نفس حبه الوزاره الجديده كدا مش نتأمل نفس. ده فقط في اتجاه الأمن و الشرطه و طبعا فيه حاجات و طلبات ثانيه كثير. شكرًا شكرًا شكرًا لك . ولادي فخوريين بمصريتهم. أنا مش عارف اشكركم ازاي . ربنا معانا جميعا . و نبني مصر

utopia said...

ضرورى جداااااااا يا نوارة
بعد السلام عليكم
زى ما كان فيه مندسين من الشرطةى وسطكم لمحاولة الوقيعة بينكم وبين الجيش
فيه حاليا مخبرين وافراد شرطة فى كل مكان
فيه تجمعات فى مصر حتى المواصلات بيسخنوا الناس على المظاهرات والثورة
ده طبعا غير حملة شرسة من الذاعة والتلفزيون العام والخاص
باقترح الهدوء وعمل ائتلاف موسع لكل الجماعات الممثلة للثورة
ائتلاف واحد فقط
وعمل مؤتمرات جماهيرية لهم لمخاطبة الناس مباشرة فى اماكن عامة ولتكن حديقة الازهر او الحديقة الدولية
الناس بيتلعب فى دماغهم بشراسة يا نوارة وسمعت ان التصويت على التعديلات هايبقة مش مادة مادة
لا كله لكشة واحدة
يجب التركيز على تعديل الدستور كله
و توعية الناس واهم من ده كله
الاتحاد بين كل الائتلافات المنبثقة من الثورة...الاتحاد ضرورى جدا
وباقصى سرعة وكمان الظهور فى الاعلام بكثافة
المعركة شرسة جدا وبقت مسألأة حياة او موت بالنسبة لهم...وما تنسوش ان الجيش من الشعب وبيتاثر بالكلام
الله يكرمكم تتصرفوا هانلبس التعديلات الدستورية وهانرجع للخانة الاولى

مصراويه said...

طب وليه البهدله دى؟ هو انتى كنتى فاكره انهم هيسمحوا لحد يدخل اصلا
كله فى السيكو سيكو

Rowaa said...

ابنة مصر الغالية نوارة (حفظك الله انت وشرفاء مصر) آمين
ما جال بخاطرى لما قرأت ما عرضتيه هو ان البوليس والبلطجية بينفذوا مخطط لبلبة الشعب المتفرج على الاحداث كجزء ربما من ضمن مخططات الثورة المضادة والهدف اثارة الشكوك حول حقيقة من يحرق الملفات (وهذا يتمشى مع كلام الوزير الجديد للداخليه للاسف والذى يحاول كما سمعنا فى الرابط الذى وضعه لكى مصر30 http://www.youtube.com/watch?v=7aBpya1Fccc )
وكذلك مما فهمته من هذا الخطط هو افساد العلاقة بين الجيش والثوار الشرفاء

Rowaa said...

استكمالا لكلامى يانوارة
احب ان اعلق على هذا الرابط الخاص بكلام وزير الداخليه الجديد والذى على هذا الرابط
http://www.youtube.com/watch?v=7aBpya1Fccc
1- نية الوزير من الابقاء على جهاز امن الدوله مقتصرا وظيفته على مكافحة الارهاب. كلام مايع واستغفال للعقول. لان لم تكن لهم الا هذه الوظيفة الغير محددة المعالم لان الكلمة نفسها غير محددة المعالم وباسمها اعتقل كل من اعتقل وعذب كل من عذب واستبيح عرض كل من استبيح عرضه
استعادة الثقه بين الشعب والشرطة لن تكون من خلال هذا الفكر الذى جاء به وهو محاولة نفى قيام جهاز امن الدولة من اتلاف الملفات ( بما فى هذا من استخفاف بعقول الشعب مرة اخرى وكانه لم يدرك ان هناك ثورة تماما مثلما فعل شفيق)
استعادة الثقة بين الشعب والشركة لن تكون بدون حل هذا الجهاز تماما ومعاقبة بل وسجن كل من عمل به من اكبرهم لاصغرهم بما فى ذلك من يدعون انهم عبيد المأمور
لابد من بحث من الذى وراء فكرة تعذيب الناس وخاصة من وراء الفكرة القذرة الشاذة من تجريد المغتقل من ملابشة وكشف عوراته والاعتداء الجنسى على الرجال والنساء
ويجب على الشعب من رفض هذا بشدة ولابد من القصاص وتنفيذ حكم الهه فى هؤلاء بالرجم لاته هذا تحت الاغتصاب، ولابد ان ينتهى هذا العهد الغير شريف وهذا التعذيب ويصر الشعب على عدم تواجد اى ممن تورط فى هذا بيننا ولا فى ان وظيفة
فامثال هؤلاء الاانسانيين والغير شرفاء هو السجون والعقاب سواء من نفذ هذا فى ابناء الشعب او من اقر بهذا من المسئوليين
بصراحة عهد استغفال الشعب انتهى فلسنا مغفلين ولن يصلح ان يكون من يتولى امر من امورنابهذه العقلية والنظرة
لابد الا يرضى الشعب من هؤلاء الا القصاص من هذا الجهاز ومن باب اولى
حاكم البلد مدة 30 عاما وتوجهه له تهم هتك الاعراض بالاضافة الى البلاوى الاخرى

ملكش دعوة said...

@الزهراء مجاهد
انتي عايزه ايه بااظبط وبعدين مالك مرعوبه من وثائق امن الدوله كده ليه
انتي ليكي ملف ولا ايه !!!!!!!!!!!!!
وعماله تخبطي في كله ... ياريت تهدي انتي وتركزي في حاجه مفيده عماله تكرري في كلام مش مفهوم !!!! كفايه

مايهمش said...

حمد الله على سلامتكم

Rowaa said...

اما يانوارة بالنسبة لحهاز الشرطة الامنى فطبعا نحتاج اليه للقضاء على البلطجية والمجرمين المنطلقين فى انحاء البلد تحقيقا وتنفيذا لتوعد الرئيس المخلوع "اما أنا أو الفوضى" لكى نحقق الامن فلابد ان نعلم ان من اسباب شيوع الفوضى هو وجود جمال مبارك حرا طليقا بدون اتهام اومحاكمة سريعة كذلك مبارك وكل من اشترك فى اعمال العنف الحديثة بما فى ذلك احمد شفيق ووزير الداخليه الذى عينه مبارك بعد العدلى كل هذا
هو من اسباب انتشار البلطجية فهم الذين يؤجرونهم لاعمال الفوضى، اذا لابد من القبض على كل هؤلاء ومحاكمتهم على وجه السرعة ومحاكمة كل من يعطل هذا لانه يتواضئ على امن البلاد والشعب
ثانيا بدلا من نظام التجنيد بالجيش فعندنا شباب بالملايين زى الورد لا يجد وظائف فعلينا تجنيدهم للعمل الشرطى مع اختيار نخبة من ظباط الشرطة الشرفاء للقيام بدورات تدريبية سريعة لهؤلاء الشباب. ممكن يكون عندنا جهاز كبير من عدد لايقل عن 2 مليون شرطى من هؤلاء الشباب النزهين على شرط ان يكون الضباط من احهزة الشرطة الاخرى مثل المرور وغيرها من اجهزة الشرطة الغير متورطة مع جهاز امن الدولة والامن المركزى
كذلك يجب ضمن هذه الدورات لكل من يعمل فى هذا الجهاز التديب على الخلقيات والقيم التى على اساها تتعامل الشرطة مع الشعب والتاكيد على القيم الدينية والمثل العليا التى هى من سمات هذا الشعب الذى يستحق الاحترام والتقدير بدأ من اكثر ابنائه فقرا
ونريد ان يتعلموا نطرة الامام ابوحامد الفزالى الاصلاحية مع الناس لا النظرة المتعاليه
وان يكون هناك جهاز مراقبه للتاكد من استقامة هذا الجهاز وتكون تلك الهيئة تابعة للقضاء المستقل واليه ترفع تقاريرهاويكون للقضاء اليد العليا على هذا الجهاز الحيوى تساعده على اداء واجبه الوطنى على اكمل وحه وتقويمه فور حدوث اى انحراف

جبهة التهييس الشعبية said...

فيه كائن حقير جدا جدا جدا اسمها

kontiki

البت دي من ايام حسني مبارك وهي عايزاه يقعد

اللي يشوفها يتف على وشها، او يعمل بيبي على وشها حقيقة لان التفة خسارة في امها

وعملتها سبام

أحمد البستاوي said...

---
إنتو لسه مصدقين
إن وفاء قسطنطين
كات أميرة كات أسيرة
في الحقيقة كات مؤامرتهم حقيرة
أمن دولة أو كنيسة أو السلفيين
كلهم خاينين
---


القصة ليها سابقة . . اللي خلى أمن الدولة يستعين بمجموعة سلفية لتفجير كنيسة القديسين . . يبقى بالعقل كده استعانوا بيهم برضو لإثارة الفتنة في موضوع هو في حد ذاته حرية شخصية
بنت عادية موش عاجبها الفساد اللي شايفاه . . و ناقمة على الوضع . . بتحاول تصلح جوزها الفاسد ما بتعرفش . . النتيجة نوع من ميكانيزمات التحويل . . بتحول فشلها على حد تاني . . الحد التاني ده كان دينها نفسه . . و النتيجة النهائية بعد مدة إنها تترك الدين ده و تعتنق دين آخر
أمن الدولة يجد في القصة مثار للفتنة بين المسلمين و الأقباط . . فيتم تشجيع السلفيين على المطالبة بالبنت . . و يتم تشجيع الأقباط على المطالبة بالبنت .. و يتم تسليم الفتاة في النهاية . . بعد صداع كتير على النت للأقباط . . لكن بصورة تهريب . . و يخرج أمن الدولة زي الشعرة من العجين
كلهم خاينين
أمن الدولة و الكنيسة اللي ساعدتهم و السلفيين اللي مشوا وراهم من غير ما يفكروا هما رايحين فين
كلهم خاينين

----

أحمد البستاوي said...

‎---
يهدف النظام المالي الغربي إلى تثبيت قيمة السلع و سنمثل نظام النقد الحالي بمثال بسيط . . فلنفترض أن ثروة البلد كلها عبارة عن 10 حتت جبنة و إن البلد فيها فلوس نقدية عشرة جنيه يبقى سعر حتة الجبنة بجنيه . .
بس البلد فيها كمان بقرة (قوة إنتاج...ية) و دي موش للبيع البقرة دي بتنتج نقول ست حتت جبنة في السنة و إحنا بناكل . . و لا يعني ما ناكلشي . . قول حتة جبنة واحدة في السنة . . يبقى في آخر السنة لقينا البلد فيها 15 حتة جبنة و لسه فيها 10 جنيه . . يبقى ساعتها ثمن حتة الجبنة بقى 2/3 جنيه . .
النظام الغربي يقولك كده أصحاب الجبنة بيخسروا لأن سعرها نزل يقوموا يطبعوا خمسة جنية علشان يرجع البلد فيها 15 حتة جبنة و 15 جنيه . .
المشكلة إن الفرق ده لا صاحب حتة الجبنة استفاد بيه و لا اللي ح يشتريها حس بيه بصورة مباشرة . . الحكومة هيا اللي استفادت و المفترض إن الفرق ده هو أساس ميزانية الحكومة اللي بتشتغل منه
طيب لو نزلنا لأرض الواقع بنلاقي تطبيق الكلام ده إزاي . . الدولة بتقدر عدد حتت الجبنة (الزيادة المتوقعة في الثروة) . . تقدرها تقدير (صحيح أو جزافي) و تطبع على أساسها فلوس
طبعا التقدير ده ممكن يكون صحيح أو جزافي . . طيب . . المشكلة لو التقدير طلع جزافي و ما أنتجناش الست حتت المتوقعين . . يعني لقينا نفسنا انتجنا حتتين بس . . أكلنا واحدة و فضلت واحدة ساعتها البلد بقى فيها 15 جنيه و 11 حتة جبنة بس . .

يعني حتة الجبنة بقت بجنيه و تلت . . يعني الحاجة غلت . . فرق الزيادة ده هوا التضخم . .

طيب فيه طريقة تانية . . فيه
اللي احنا ح نعمله ح نبطل نطبع عملة . . و بالتالي البلد السنة دي فيها 10 حتت جبنة و عشرة جنية . . يبقى حتة الجبنة بجنيه . . السنة الثانية انتجنا 4 حتت و كلنا منها واحدة يبقى البلد فيها 13 حتة جبنة يبقى سعر حتة الجبنة 0.76923 جنية . . يعني سعرها نزل . .
ح تقوللي طيب و صاحب حتة الجبنة ذنبه ايه أحمله الخسارة دي . . ح أقولك مفيش خسارة أصلا لأن موش الجبنة بس اللي نزل سعرها . . لأ كل حاجة في البلد سعرها ح ينزل لكن ح تفضل محتفظة بقيمتها النسبية . . بمعنى أصح مفيش حاجة عندنا اسمها قيمة مطلقة . . القيمة نسبية بين السلع و بعضها . .
يعني التليفزيون سعره ح ينزل و إزازة الكوكاكولا سعرها ح ينزل . . لكن القيمة النسبية ح تفضل ثابتة تقريبا . . و القيمة الشرائية للجنية ح تزيد . . و هوا ده المطلوب . .
يعني موش بضاعتك بس اللي رخصت . . كل البضائع رخصت . .
من مشاكلنا الأساسية التضخم . . يعني النهاردة معاك 200 ألف جنيه و موش عارف لا تشتري بيهم حاجة عليها القيمة و لا تحطهم في مشروع يدر عليك دخل . . و السنة الجاية قيمة الـ 200 ألف بتقل . . يعني لو ح تعرف تجيب بيهم شقة النهارده كمان سنة ما يجيبوش . .
النظام المفترض بيخلي البلد كلها تبني مع بعضها . . يعني اللي بيشتغل و ينتج و يصنع و يزرع و يعمل أي حاجة في أسوان أو اسكندرية أو في أي حته في مصر بيزود ثروته و ثروة زميله اللي في دمنهور أو المحلة أو أي حتة تانية . .
بمعنى أصح لما تشتغل موش انتا لوحدك اللي ح تبقى غني . . البلد كلها ح يكونوا أغنياء . .
في تحليلنا ده بنلتقي مع الرأسماليين و بنعارض الماركسيين . . الماركسية تعتبر النقد صورة لخزن الطاقة البشرية على حين تعتبر الرأسمالية النقد سلعة أخرى و إن كان لها خصوصيتها . .
ح تقول لي النظام العجيب ده انته مخترعه إختراع . . ح أقولك النظام ده مطبق بشكل أو بآخر في أكبر إقتصاد عالمي حاليا . . أمريكا . . العملة الأمريكية المستخدمة في الدنيا كلها خارج الأسواق الأمريكية الداخلية هو نوع من التخلص من النقد الزائد . . تخيل لو دول العالم كلها رفضت استعمال العملة الأمريكية فيما بينها و رجع النقد ده كله لأمريكا . .
---
الشعب يحكم
http://afkar-soda.blogspot.com/

Rowaa said...

يا نوارة مصر لا ننسى عمر سليمان ودورة
الناس ناسية عمر سليمان واصابعه الخفية والتى تلعب لابد من محاكمته ومحاسبته على جرائم القتل التى تمت منذ اندلاع الثورة
ولا ننسى تورطه مع اسرائيل وتورطه فى التعذيب وتلفيق التهم

Nahla said...

أنا حاسة إني مش فاهمة... موقف الجيش كالعادة محير.

أنا مقتنعة إن محاولاتنا للوصول للملفات اللي لسة في أمن الدولة دي مقصودة... ما هم أكيد فرموا وحرقوا كل الحاجات المهمة ومش سايبين غير الملفات اللي تسبب انقسام وبلبلة... ده مش بعيد يكونوا فبركولنا ملفات وسابوها عشان نلاقيها (مع إني معتقدش انهم بالذكاء ده يعني)...
المهم... أنا حاسة إن إحنا كده بنفقد تركيزنا على أولوياتنا وبننجرف وراء تيارات حتتوهنا... فيه حكومة بتتعمل ودستور مخلصش وأمن دولة مطلوب حله مش التحري عنه... حاجات كتير ممكن تضيع في الزحمة...
أرجوكم نركز

علان العلانى said...

شهادة من الإسكندرية2011-03-07


أمس الأول تلقيت على هاتفي المحمول رسالة ممن لا أعرف هذا نصها: اليوم هو الأهم في تاريخ الثورة بعد الذي جرى في 28 فبراير، سحقنا أمن الدولة وأنقذنا المستندات، في الوقت ذاته وقعت في موقع «فيس بوك» على شهادة واحد من الذين اقتحموا مبنى مباحث أمن الدولة في الإسكندرية، وصف فيها وقائع الحدث منذ لحظاته الأولى وحتى نهايته كما يلي: كان صاحب الشهادة اسمه محمود حسان ومعه آخرون يمرون أمام مبنى أمن الدولة، فلاحظوا أن أجولة من الورق المفروم تخرج من المبنى وتوضع في عربات للقمامة، شكُّوا في الأمر، فسألوا المخبرين الذين يحملون الأجولة عن محتوياتها، فنهروهم وطاردوهم. جرى الشباب صوب موقع قريب للجيش وأبلغوهم بما حدث، فكان رد أحد الضابط أن ذلك ورق قديم يتم التخلص منه، لم يبدد ذلك شكوكهم فقرروا أن يأخذوا الأمر بأيديهم، تنادوا فيما بينهم وتجمعوا مع آخرين من زملائهم عند مسجد القائد إبراهيم، اتصلوا ببعض الإخوان للانضمام إليهم، لكنهم اعتذروا بأنهم مرتبطون بحفل في إستاد الجامعة، مع ذلك قرروا التوجه إلى مبنى أمن الدولة، في الطريق لحق بهم بعض أهالي الشهداء وعدد من السلفيين، وانضم إليهم كل من عرف وجهتهم، حتى إذا ما وصلوا قريبا من الجهاز، كان عددهم قد ناهز ألفى شخص.
الطريق كان مغلقا بالكتل الأسمنتية والأسلاك الشائكة. والمبنى كان محروسا بقوات الصاعقة. لكن ذلك لم يمنعهم من ترديد الهتافات ضد الجهاز. زاد عدد المتظاهرين الذين أحاطوا بالمبنى من كل صوب. لمحوا بعض ضباط أمن الدولة وهم يحاولون الهروب، ذكر منهم الرائد محمد فاروق والضباط محمد البرعي ومحمد عبد العزيز وهشام الخطيب. لاحقهم المتظاهرون بالصياح وذكروهم بأنهم كانوا يقومون بتعذيبهم، أحدهم ظل يصرخ قائلا: أنا رقم 24، هل تذكرونني. أنا من كبلتم يداي وراء ظهري طوال أربعة أيام دون طعام. هل تذكرون حين صعقتموني بالكهرباء؟
ظل الغاضبون يهتفون في حين طلب منهم رجال الجيش عدم عبور الحواجز، فكانوا يردون عليهم بهتاف «سلمية.. سلمية»، وهم كذلك خرج أحد عناصر الجهاز وألقى قنبلة مولوتوف على مجموعة من الواقفين فأصابت واحدا نقلوه إلى المستشفى، اشتدت الهتافات الغاضبة، وإذا بالرصاصات تنهال عليهم من داخل المبنى، تلفتوا حولهم فلم يعثروا على أثر لجنود الجيش، فلم يجد المتظاهرون بدا من الرد بإلقاء الحجارة عليهم، في الوقت ذاته بدؤوا في عبور الحواجز لاقتحام المبنى في حين كانت طلقات الرصاص تلاحقهم، وقنابل المولوتوف تلقى عليهم من فوق سطوح المبنى التي كانت من الكثرة بحيث سقط بعضها في شرفات البنايات المجاورة، الغريب أن الناس تصرفت بجسارة وإصرار شديدين، فلم يكترثوا بما يلقى عليهم، وكان البعض ينادي عليهم قائلين، استمروا، لو كنتم رجالا حقا لخرجتم من مخابئكم. اقترب المتظاهرون أكثر وحاولوا اقتحام المبنى من باب خلفي، ولم تثنهم النيران التي ظلت تطلق عليهم، لكنهم نجحوا في الدخول.
أول ما لاحظوه بعد الدخول أنهم شاهدوا أكواما كبيرة من الورق المفروم في بهو المكان، ووجدوا في حديقة المبنى قاعة لممارسة الرياضة لم يكترث من فيها بما يجرى وظلوا يمارسون تمارينهم الرياضية! ــ حاولوا صعود الدرج ولكن عناصر الصاعقة اعترضتهم، في الوقت الذي كانت فيه النار الكثيفة تتصاعد من الطوابق العليا. أصر المتظاهرون على الصعود ولم يستطع جنود الجيش إيقافهم، حينما شاهدهم من تبقى من ضباط أمن الدولة وهم يصعدون شرعوا في إطلاق الرصاص عليهم، مما أدى إلى إصابة ستة من جنود الجيش في ظهورهم، صعد المتظاهرون إلى الطابقين الأول والثاني، ففر الضباط واختبأوا بإحدى الغرف. تدخل ضباط الجيش لإخراجهم وتأمينهم، لكن الجماهير لم تتركهم ينزلون بسلام، فانهالوا عليهم بالضرب حتى غطت الدماء وجوه بعضهم وفقد آخرون وعيهم، أحد الذين أخرجوا من الحبس أحضر من الداخل بعض أدوات التعذيب التي كان بينها صواعق كهربائية «ومنجلة» من الصلب كانوا يضعون أصابعهم فيها ويضغطون بشدة حتى يفقد الواحد وعيه.
انتقد صاحب المدونة شهادة الإخوان الذين غابوا عن المشهد وانضموا إلى المتظاهرين في نهاية المطاف لكي يحصلوا على بعض المستندات من الجهاز، وامتدح وقفة السلفيين الذين ظلوا يرددون أنهم تعرضوا لتعذيب يفوق طاقة البشر، وحيا شجاعة فتاة اسمها ماهينور المصري لأنها تقدمت الجميع للحاق بأحد الضباط الذين حاولوا الهرب، وختم مدونته قائلا: لم نعد نخاف الرصاص ولا أمن الدولة، لأننا ولدنا من جديد.

http://www.al-sharq.com/articles/todaysarticle.php?id=64

Nahla said...

لقيت واحد قايل اللي عايزة أقوله بالضبط...

http://www.werakak.com/archives/7099

hassn hamdi said...

بصي يا نوارة:
فيه نقطة مهمة مش عارف احنا ازاي مش واخدين بالنا منها..
دلوقتي الجيش مصر على ان انتخابات الرئاسة تتم الاول والرئيس اللي جاي هوه اللي يحط دستور جديد (لو حب "ولكل من رئيس الجمهورية ...."، خللي بالك من كلمة "ولكل"، مفيهاش الزام خالص)
طب مين له حق تقديم مرشح للرئاسة؟
اي حزب بشرط يكون له مقعد واحد على الاقل في مجلس الشعب (المحلول أصلا)+المستقلين بشرط الحصول على توقيع كذا الف عضو من كذا محافظة
طب انه احزاب اللي هتقدم مرشحين للرئاسة والمجلس اصلا محلول؟
هل ينوي الجيش تطبيق القاعدة على انتخابات 2005؟ بمعنى يكون الحق للاحزاب اللي فازت في 2005؟ يبقى أكيد مرشح الحزب الوطني (اللي لسه ما تحلش لحد دلوقتي) هيكسب لأن فيه شرط مواقفة 30 عضو على الترشيح.. وطبعا باقي الاحزاب اللي كانت في 2005 تبع الحزب الوطني.. وسيبك من الاخوان لأن المجلس قال مفيش احزاب جديدة إلا بعد انتخاب الرئاسة...
نفسي أفهم اللف والدوران ده مقصود بيه ايه بالضبط؟
ازاي هتعمل انتخابات رئاسية قبل البرلمانية والمجلس محلول والانتخابات الرئاسية بتعتمد على الانتخابات البرلمانية؟
وليه رفض تأسيس اي احزاب في الفترة دي؟
أرجو التفكير جيدا في هذه اللعبة والحذر منها

مهندس مصري said...

يا جماعة أي ورقة ما عليهاش إمضاء و لا ختم و لا رقم صادر و وارد تبقى متفبركة
و هما فبركوا في آخر يومين قبل اقتحام مقراتهم ورق كتير و كانوا يا دوب بيكتبوه على الكمبيوتر و يطبعوه

pr4arab said...

الغريبة يا نوارة ان الجيش في بلدنا بيتعامل كأنه (قوات حفظ السلام) وملوش دعوة بأي شيء غير انه لما الدنيا تخرب يتدخل "بشوش" ويخبط "بالعقل" وبعدين يقولولك سيبوا الجيش ياخد راحته .. ما هوه واخدها فعلاً أمال لو ماكانش واخدها كان عمل ايييييه ؟؟؟

محمد طنطاوي said...

عايزين نبص شوية للمرحلة الجيه عصام شرف عملنا مشكلة بالحكومة بتعته أنا بعتله رسالة قلته فيها : "فرحنا بيك ولم تدعنا نفرح ، كنا نكره الوجوه القابعة على النظام البائد فأبيت إلا أن تذكرنا بها ، نسألك نفس السؤال الذى كنا نسأله لهم من قبل ، هل خلت مصر من الكفاءات هل هذه حكومة التكنوقراط ، هل هذا ما عاهدتنا عليه ، سيدى لقد خذلتنا وصدمتنا وسنجاهدك كما كنا نجاهد النظام البائد
والمطلوب الآن تحديد أهدافنا للجمعة القدمة / عدم قبول حكومة عصام شرف والمطالبة بحكومة تكنوقراط خالية من وجوه العهد البائد ، ومطالبة عصام شرف بالحفاظ على احترام شرعية مطالب الثورة لم تكن هذه بداية طيبة منه ولا يخدعنا حبه بصرفنا عن مطالبنا ، هذه واحده ، الثانية المطالبة بدستور جديد للبلاد والدستور موجود لا أقول ياخد يوم ولا اتنين ولا ساعة حتى ، ليه كلية حقوق القاهرة وكلية حقوق عين شمس وحلوان تقريبا كل كلية عندها قانون أشرف عليه فقهاء وقضاء يشهد لهم بالعلم والفضل وكل كلية مستعدة لتقديم الدستور حين يطلب منها ، وبعدين هناك قانون 1954 الذرى رفضه الفراعنه لأنه لا يحقق لهم مطالبهم فى سلب ونهب الشعوب آن الآوان لتناول هذا القانون فى هذه المرحلة ، وكنت أسمع عن قانون 1903 غير أنى غير متأكد من تحديد التاريخ بالضبط إلا أنا أساتذة القانون يشهدون بعدالته
ثالث مطالب الجمعة القادمة اخراج المعتقلين السياسيين سواء فى السجون العسكرية أو غيرها والمناداه بوقف الأحكام العسكرية عليهم ،
رابع مطالب الجمعة محاكمة أمن الدولة
وحاسس إن دا كتير على المجلس العسكرى اللى عودنا ميستجبش غير لمطلب كل جمعة لكن احنا لازم نصر عليم
نواره لو بتسمحى ضيفينى على الفيسبوك عندك

Tears said...

من الاخر كده بقالى كام يوم عندى قناعه ان الجيش من تحت كويس لكن من فوق لا و عطلنا كتير و اى حد بيفهم كان لما سيطر على البلد راح اخد مقار مباحث أمن الدولة لكن فضل شفيق و وجدى اخر اذرع طويلة للاخطبوط الحاكم متسابه تخرب و تحمى الفساد

دلوقتى الشرطة بتلبس بلطجية و تضرب الجيش و الثوار و هاجوا بوجود عصام شرف اللى انا بعتقد ان عليه ضغوط فظيعه عشان ياخد وزراء هو مش عايزهم و ده ح تفهمية من صفحة المجلس على الفيس بوك لو ركزتى فى الاسئلة و رد فعل الناس و بعدين فى تشكيل الوزارة و تعمد التباطىء لدرجة ان بقالنا يومين من غير وزير داخلية و بس عمال يكلم الاعلام يخرب الدنيا زيادة و يقولهم بقالى بره الداخلية 15 سنة

Nicholas Urfe said...

احنا في وضع عشوائي وكمان اسف اقول انه غوغائي
( بالمناسبة بقيت اخاف اعترض على اي حاجة بتحصل علشان ماحدش يكتب ثورة مضادة ويخوني ويتهمني )

- اشاعات

- اتهامات وتخوين ،،مثلا ضد المجلس العسكري وضد النائب العام،يعني لو على فرض انهم وحشين ( بقول فرض وانا شخصيا واثق فيهم ثقة عمياء ) فبرضو هدم كل مؤسسات الدولة ونظامها في وقت واحد هو غباء سياسي من رأيي

- عدم وجود الية ديموقراطية لتنظيم آراء الثوريين ،تعدد الاراء مش مشكلة ، لكن كل واحد بيتكلم وكان الجميع راضيين عن رايه ،مثلا بتوع الرئاسية الاول شايفين ان ده راي الشعب، بتوع البرلمانية شايفين كده برضو بتوع المجلس الرئاسي شايفين كده برضو ، شباب ائتلاف الثورة بيتكلموا على لسان الجميع بمطالبهم

والخوف اي حد يعارض ان يتم اتهامه انه ثورة مضادة أو مش بيفهم

- عنف واستهتار بنفاد صبر الجيش والشارع

ده رايي ، كتبته عشان يمكن ياثر في حد

- ضغط على الجيش في كل حاجة زي ما يكون الجيش ساحر

- ضغط على الحكومة الجديدة زي ما يكون الحكومة الجديدة تقدر تعدل 30 سنة فساد في ثانية وتنفذ كل حاجة في ثانية

- عدم ايمان بالشعب والديموقراطية لأني شايف مطالب كثير ممكن تتم لما يبقى عندنا مجلس شعب ومش دلوقتي بالضرورة

ليه عايزين شخص ينفذ مطالبكم ؟ ما تنفذوها بنفسكم عبر مجلس الشعب..هو لازم موضوع السوبر مان ده؟

أيمن البرى said...

يا جماعة انا مش عاوز اغرد خارج السرب لكن برضة لان الامور بتجرى كلها بسرعة اخاف تسقط منا نقطتين:

الدستور بالشكل ده و حيث أن الاتجاه الاقوى عند الجيش انه يعمل رئاسية الاول
كده التعديلات الموجودة غير كافية ولا تضمن نها مش هتجيب مبارك تانى هو او ما مسك قلنا عليه لا ليه فى الطور ولا الطحين و نظيف
بس طلع كل ده غلط .

ده يبقى نأجل الانتخابات و نعمل تعديلات اوسع لا يشترك فيها فقط قنونين لان الصياغة القنونية مهم بس بترجم توجه سياسى و ده بيكون ترجمة للارادة الشعب كله مش مجموعة صغيرة مع احترامى للجميع.

2. اعتقد ان تشكيلة الحكومة المعروضة لم تكن بتطلعات الناس لسه فيها وطنى وسياسات و ناس مش مقبولة.

3. هناك وزارات كان فيها فساد لم يصل اليه ابليس و علشان كده كان بيفكر يهاجر من مصر و هى كالتالى :

1.الاسكان و ماادراك ما ملف نهب و تخصيص الاراضى و التقديرات بتقول انها تفوق بكثير رقم 800 مليار جنية.

2. البترول و فيه نهب و بيع و ترسية عقود و دى برضه كارثة و فيه منجم الذهب بتاع مرسى علم محدش عارف عنه حاجة.

3. وزاة الثقافة والاثار و سرقات سوزان مبارك و زاهى حواس و بيع الاثار و عقود ترميم الاثار مع فاروق حسنى.

4.الانتاج الحربى و معروف التجاوزات.

5. الكهرباء و الناس فاكرة ان مفيهاش فلوس دى فيها فلوس يمكن اكثر من المالية و فيه اعفاءات لكبار رجال الاعمال و فواتر بالملاين لم تدفع.

5. وزارة السياحة و دى ممكن تكون عماد اقتصاد البلد و برضة كان فيها فساد.

6. وزير الصحة الحالى عضو لجنة السياسات و طلع اتوبيسات وزارة الصحة بالبلطجية يوم معركة الجمل.

7. الزراعة و فيها ملفات الارضى الى اتخصصت زراعة و اتعملت قصور و تاجر ناس فيها بمليارات و بعدين مواضيع الزراعة و الثروة الحيوانية و كلام كبير.


عرفنا ان فيه كارثة يا نلحقها يا اما النتائج هتكون مش بتساوى التطلعات و التضحيات و الخسائر الاقتصادية و عطلة الناس دى علشان نحقق حلم
.
الوزارات المذكورة المرشحين لها لازم يكونوا فوق مستوى الشبهات و تكون كفاءات غير عادية لانهم :

هيظهروا الفساد و نحاسب المسؤلين عنه و نرجع حق الشعب

و التانى يصلح ما افسد مبارك وعصابته خلال 30 عاما

فتحى البردعى بتاع الاسكان عليه مخالفات و قضايا و اتهامات كثيرة لا يصلح يمسك مكان حساس علشان يغطى و يزيد الفساد فيه
و كمان البترول و الثقافة

ارجوكم لازم نوصل صوتنا:
للمجلس العسكرى
لرئيس الوزراء
لكل الناس
الوزارة دى وزارة حرب على الفساد و ووزارة انقاذ وطنى لاقتصاد بيحتضر

عاوزين بخلص من خطوة علشان نبنى بجد
مفيش وقت نجرب واحد ويسرق تانى وبعدين نكتب على فضائح عاوزين ناس محترمة و فاهمة
ارجوكم ده خطيييييير

Nicholas Urfe said...

المطلب الجديد كمان
:

دستور جديد بالكامل !

طيب ماهو ده ممكن يحصل يا اما لما يبقى عندنا مجلس شعب يا اما لما يبقى عندنا رئيس حسب الخطة اللي اتوضعت في الاول؟؟

وتاني حاجة ان فيه ناس بتتكلم عن ان الدستور مازال يعطي الرئيس صلاحيات خرافية ، طيب بذمتكم هو اي رئيس هييجي دلوقت هيكون غبي لدرجة انه يستخدم اي صلاحيات واسعة ضد الشعب؟؟

ليه ؟ اعمى ؟ مجنون؟ مش عايش في البلد وشايف اللي حصل؟

Tears said...

نوارة حد يحمى ضابط الشرطة اللى معتصم قدام المحافظة ...ده مقدم و بيقول معاه مستندات خطيرة عن فساد فى الداخلية و اراضى اتنهبت و ان فيه ناس فى المباحث تجار مخدرات

الضابط ده ممكن يتقتل لانه متساب و ماحدش سأل فيه..ياريت تبلغى ابراهيم عيسى حتى من باب الفضول الصحفى ..هنا فيديو و تفاصيل

http://www.koraall.com/index.php?option=com_content&view=article&id=9329%3A2011-03-07-00-54-12&catid=27%3A2010-07-07-15-26-15&Itemid=38

http://www.youm7.com/News.asp?NewsID=364081&

لازم نشوف ايه حكاية حركة ضباط لكن شرفاء و الكل يساعدهم...الجيش لو عليه ح يغرقنا و اديكى شايفة كل حاجة بيعاند فيها فى الاول و نتيجتها بتكون تغطية على خراب

Rowaa El-magazy said...

يا نوارة رجاء النظر فى هذا

http://egyprotest-defense.blogspot.com/2011/03/blog-post_4488.html

elzahraamegahed said...

د. حازم الببلاوى عن شروط الحكومة الانتقالية الناجحة:
«الحكومات الانتقالية»، فرغم أنها تكون عادةً حكومات وقتية، فإنها قد تكون أخطر الحكومات لأنها تعمل على إزالة نظام قديم زائل ووضع أسس لنظام جديد قادم. وهذه مهمة مؤقتة بطبيعتها، ولكنها مهمة صعبة وخطيرة فى نفس الوقت، لأنها تضع أسس نظام سياسى جديد قد يستمر لقرون. ومن هنا أهمية «الحكومات الانتقالية».

وقد نتهاون مع حكومات «تسيير الأعمال» لأنها مؤقتة لأسابيع أو حتى شهور وليس لها من دور سوى القيام بأعمال الإدارة دون التصرف أو إجراء تغييرات مهمة. وبالمثل فقد نتحمل حكومات عادية غير كفؤة، لبعض الوقت، لأنها تعمل فى إطار نظام قائم ومستقر، وفى جميع الأحوال فلا يمكن أن يتجاوز عمرها عدة سنوات.

أما «الحكومات الانتقالية» فإن خطورتها ترجع إلى أنها تضع أسس النظام السياسى القادم الذى قد يستمر لعقود أو حتى قرون.

وإذا كانت هذه الأسس معيبة أو مختلة، فقد تؤدى إلى معاناة الشعب لأجيال طويلة قادمة. فهذه الحكومات للفترات الانتقالية هى التى تضع الإطار العام للأسس الدستورية، وهى المسؤولة ليس فقط عن تقديم مقترحات للمستقبل بل هى المنوط بها تصفية ومحاسبة أسس النظام السابق.

ولذلك فإن عدم التوفيق فى اختيار هذه «الحكومة الانتقالية» هو أخطر بكثير من التهاون فى بقاء حكومة تسيير أعمال أو حتى فى اختيار «الحكومات العادية».

فالحكومة الانتقالية تقوم بأخطر مهمة فى وضع أسس النظام القادم وتصفية الأوضاع البالية، وأى تهاون فى هذين الأمرين قد تكون له نتائج بعيدة الأمد وقد تعيش معنا لأجيال قادمة. الثورة شىء مهم ونادر فى نفس الوقت، واختيار «الحكومة الانتقالية» المناسبة هو الضمان الوحيد لحماية آمال الثورة وترجمتها إلى مؤسسات قادرة على تحقيق تطلعاتها فى المستقبل.

http://www.almasry-alyoum.com/article2.aspx?ArticleID=289381&IssueID=2063

أعتقد إن د. شرف لازم يحترم ثقة الناس فيه ويعمل تعديل فى الوزاره ويشيل الرموز القديمة ويجيب ناس عنده قدره على تطهير الوزارات

حاجه غيظانى : د. شرف كدكتور فى كلية هندسه صعب عليه انه يعرف دكتور من هندسه قسم كهرباء بدل يونس وبالمثل ما يعرفش يجيب دكتور من قسمه وتخصصه للنقل

ده دكتور جامعه ، حاجه مستفزه

xn--pgbo2do.com said...

الحمد لله انك بخير يا نواره
انا كنت موجود في الليلة اللي قبل الليه دي
واللي ضربونا ومشونا كانوا عيال صيع كده من شباب السيدة الجيش وقع بينا وبينهم
بس ياريت تتأكدي من خبر اعتقال بثينة والناس اللي معاها ياريت

elzahraamegahed said...

بخصوص كنيسة أطفييييييييييييح
أنا شوفت فى المظاهرات اللى قدام ماسبيرو ناس من الل كنت بشوفهم فى مظاهرااات انا اسف يا ريس
هااتو الراجل الضخم أبو شنب كبير اللى بيجى كومبارس فى التليفزيون وهاتوا حسن اللى بيشجع الاهلى وبيبقى دايما شايل صورته

الاتنين دول شكلهم مميز جدا وموجودين فى مظاهرات المسيحيين دلوقتى وكانوا موجودين فى مظاهرات تاييد الاستقرار ايام حسنى وكانوا موجودين فى مظاهرات مصطفى محمود

القوات السلحة تجيبهم وهنعرف مين باعتهم ومين دافع لهم ومين له مصلحه فى خراااااب اليلد

والفيديوهات موجود وتقدروا ترجعوا لها

علان العلانى said...

بين صنع التاريخ والتورط فيه

ما هي تخوفات الجيش ومن من يخاف وليه وعلى إيه بالضبط؟

وإيه حكاية القبض المتدرج على الشباب المتظاهر وسجن بعضهم؟

وإذا كانت هناك إجراءات مدبره لمنع دخول شباب المتظاهرين للمبنى فما هو الجهاز المدبر لهذه الإجراءات؟


هل طبقة رجال الأعمال وكبار المستفيدين من النظام السابق جالسين يتفرجون على ما يجرى وينتظرون سفارة الحكم أم إن لهم دور في ما يجرى؟

من الذي تعاقد مع البلطجيه الذين هاجموا المتظاهرين ولحساب من اندس المندسون؟

لماذا لم يقبض الجيش على فرد واحد من البلطجيه حاملي السلاح ويقبض على عمرو البحيري بادعاء حمله لمسدس صوت؟

هل قرار دخول بعض المتظاهرين داخل المبنى عفوي بناء على تقدير الموقف بين المتظاهرين وحراسة الجيش أم انه سيناريو موضوع؟

وهل ما تم من تدخل الجيش لحماية بعض المتظاهرين عفوي أم انتقائي ومدروس؟

أما موضوع بثينة فكيف تكون صياغة سؤاله؟

هو فين عمر سليمان وبيعمل إيه؟

وبعد

في وعي البلطجي والبلطجيه

يحاول البلطجي إن يجرك جرا إلى العنف لان ذلك هو ما يجيده و الفوضى هي مناخه المفضل الذي يتنفس فيه وما يربكه هو النظام وما يخنقه هو وضوح هدفك وشفافيته ومشروعيته
7 March 2011 08:47

elzahraamegahed said...

حصري و عاجل: التقي الدكتور رئيس الوزراء د.عصام شرف بالمجموعة التي تظاهرت حول المجلس وهم العاملين بقطاع الآثار حيث أعرب د.شرف عن موافقته للنظر في فصل قطاع الآثار عن وزارة الثقافة، وبمناقشته إنشاء وزارة جديدة بالتشاور مع المجلس الأعلي للقوات المسلحة.

الخبر ده من على صفحة شرف،
ممكن بأه طالما الراجل بيستجيب تكلمى شباب الائتلاف يوصلوا له إن احنا عايزين ناس مالهمش أى علاقه بالنظام السابق علشان ينضفوا وزارتهم من الفساد المستشرى فيها، عشان البلد تنضف مره واحده ونخلص

ده لو انتو كمان شابفين ان الوزاره محبطه زى ما انا محبطه ومغمومه من امبارح.

أنا مش طايقه اشوف سيد مشعل ، حسن يونس، ماجد جورج ، ده حتى الجدادأشرف حاتم بتاع لجنة السياسات ، ولا الحسينى بتاع جامعة الازهر ما سمعتش حد شكر فيه

بصى هو ال7 الجداد، جمال الدين ، وعمرو عزت سلامه ، وسمير رضوان كويسيين،
حلوين العشره دول والباقى يجيبهم من دكاترة الجامعات ، وهو دكتور جامعه ومش هيغلب

hadeel_gamal said...

تسريب المعلومات و الوثائق من امن الدولة جزء من الثورة المضادة علشان نتلهى عن اهداف الثورة الحقيقية و لاثارة الفتنة بين افراد الشعب امن الدولة تعرى و سقط خلاص

hadeel_gamal said...

عايزين نأكد اننا رافضين رفض تام للدستور المؤقت و اننا بنطالب بدستور جديد

Menna Mohammad said...

يانوارة فيه حاجات اهم من فضايح امن الدولة دلوقتى مش عاوزين نضيع وقتنا والدستور لسه مش متظبط ومازال كل شئ فى يد رئيس الدولة والإنتخابات فربت عاوزين نركز فى الأهم ثم المهم

withered said...

"اللهم إني أعوذ بك من جلد الفاجر وعجز الثقة" يا جماعة الصبر والعمل الدؤوب انتوا ناسيين يعني ايه أمن الدولة ؟ يعني أكبر منظمة ارهابية في مصر . لا بد من العمل الجماعي الدؤوب والثقة بالله واخلاص النية لله .أمن الدولة أهم عند الأمريكان والغرب أكثر من مبارك.حاجة كمان.. كنت عاوز أعرف رأيكم في اختيارات د عصام شرف خصوصا في وزير الداخلية ووزير الثقافة.

kooky kak said...

حمد لله على سلامتك
المسألة محتاجة تنظيم وخطة
امن الدولة ورجال الاعمال والحزب الوطني بيلعبوا ألعابهم القذرة ولا يمكن السكوت عليهم وبيهيجوا الناس والجيش واقف متفرج
أهم شئ في رأيي هو حشد الناس وعدم تركهم فريسة للافكار اللي بيشربهالهم فلول النظام البائد
ازاي نحشد الناس؟
مش كل الناس طبعا بتدخل النت بس الاغلبية بتتفرج على التليفزيون
لازم النشطاء يرتبوا أفكارهم ويتواجدوا بكثرة في الشارع والنت والصحافة والتليفزيون لتوعية الناس وحشدهم مرة تانية
التليفزيون المصري لسه بيلعب الاعيبه القذرة ونفس الوجوه الحقيرة وكمان الصحافة
فين شرفاء الاعلام لازم يكون فيه تنسيق معاهم

ana-wana said...

لاول مرة بختلف معاكى يانوارة المفروض نهدى شوية ونسيب الجيش ،ايه لزمتها نروح لمقر امن الدولة اللى الجيش مسيطر عليه ماهو خلاص بقا فى ايد الجيش..طب مانتو روحتو اهو عملتوا ايه
بلاش نخسر من رصيدنا عند الجيش والناس ارجوكم كده الحكاية هتاخد منعطف تانى احنا مش عايزينه

hossam said...

انتبهوا يا جماعة
ازاى الجيش يعمل تعديلات دستورية واللجنة اللى عملت هذه التعديلات بتقول انها معمولة على اساس ان الانتخابات البرلمانية تبقى قبل الرئاسية
وبعدين ييجى الجيش يقول ان الانتخابات الرئاسية هى اللى هتتعمل
الاول
حد يفهمنى ده معناه ايه؟

hossam said...

انتبهوا يا جماعة
ازاى الجيش يعمل تعديلات دستورية واللجنة اللى عملت هذه التعديلات بتقول انها معمولة على اساس ان الانتخابات البرلمانية تبقى قبل الرئاسية
وبعدين ييجى الجيش يقول ان الانتخابات الرئاسية هى اللى هتتعمل
الاول
حد يفهمنى ده معناه ايه؟

hossam said...

انتبهوا يا جماعة
ازاى الجيش يعمل تعديلات دستورية واللجنة اللى عملت هذه التعديلات بتقول انها معمولة على اساس ان الانتخابات البرلمانية تبقى قبل الرئاسية
وبعدين ييجى الجيش يقول ان الانتخابات الرئاسية هى اللى هتتعمل
الاول
حد يفهمنى ده معناه ايه؟

khaled said...

نوارة ..خللي بالك علشان الكلام بتاعك بيتفهم غلط وناس بتروح واخداه وطالعه زي المدفع مطلعه اللي نفسها ..
الجماعه السلفيين يوم السبت كانوا اول ناس وصلوا عند لاظوغلي ..وفضلوا لغاية الساعه 3 الفجر والجيش كان بيقول لما عددكم يكبر شوية ممكن ندخلكم - ده الضابط بميادرة شخصية منه - المهم العدد ما زادش عن 200 واحد والشيخ اللي جه في العربية تقريبا قالهم ان ميعاد صلاة الفجر قرب ومافيش عدد كفاية وانهم يروحوا يصلوا الفجر ويناموا شوية وييجوا تاني الساعه 10 ..وده اللي حصل واسألي مالك ...مش كل واحد بقي يسيب المصايب كلها ويروح قايلك امن الدولة مشغل السلفيين والكلام الفارغ ده ..
الحاجة التانية الجيش المرة دي ما اتصرفش غلط ... الجيش بصراحة عنده حق ...كان عنده اكنر من اخبارية ان كلاب امن الدولة احتمال يحاولوا يدخلوا المبني ويولعوا فيه ...والنيابة كانت بعتت حد استلم المبني وشمع الغرف .. وبقي تحت مسئولية الجيش وده سبب العصبية والتوتر اللي كان موجود من الضيا ط..
احنا بصراحة ضغطنا عليهم جامد الفترة اللي فاتت ولا بنراعي ظروفهم ولا تعبهم ...
الحاجة التالتة مش كل اللي جريوا ورانا بلطجية ..كتير منهم اهالي المنطقة وكانوا خايفين ان مذبحة تحصل لو حاولنا ندخل لاظوغلي ..زي ايام محاصرة الداخلية في يناير ..

بصي بصراحة احنا خدتنا البطولة ..والملحمة بتاعت اسكندرية سخنتنا ولما امن الدولة في مدينة نصر وقع بسهولة جدا حسينا اننا محتاجين نصر جامد علي امن الدولة فسخنا علي لاظوغلي اكتر من اللازم .. وعدم الشفافية وعدم الوضوح وازمة الثقة الموجودة زودت الازمة .. وانا برغم اني رافض تماما لسياستك بتاعت الجيش حبيبنا والحيش ابونا وامنا وحيعملنا اللي عاوزينه ..وبالرغم من اني خدت القصر العيني من اوله لاخره طيران من صوت العصيان الكهربا ..لكن انا بصراحة لا الوم الجيش وانا لو مكانه كنت اديتك علقة محترمة بسبب الاصرار اللي مالوش معني علي الدخول ..
خلاص امن الدولة كمقار واماكن خلصوا ..بس العلاقة مع الجيش حتزداد توتر الايام اللي جاية ..الناس دي في الشارع من فترة ..واحنا ما قمناش بدور الشعب معاهم ..والمسافة بينا بتزيد كل شوية ..
مش قادر اقول نهدأ شوية لان مصطفي محمود مليان كلاب ومرتضي منصور بينفخ في الناس هناك لانه فيه في دماغه حاجة ..ولو احنا بطلنا مظاهرات حيبان ان احنا ينرجع لورا ...واعدادنا بتقل ..
الحاجة التانية ما ينفعش نضغط علي الجيش اكتر من كده بالذات في الحاجات الي هو مسئول عنها زي مجلس الوزراء والشعب والداخلية ..
عاوزين نحسن علاقتنا بالجيش وعاوزين نحسن علاقتنا بالاخوان ..لان عدم وجود الاخوان معانا اخر مرتين كان سببه اننا اتطحنا واديكي شفتي ان احنا فاشلين في موضوع اللجان الشعبية والتعامل مع البلطجية .. احنا احسن ناس تجري طبعا ..انا مش عارف ازاي وصلت من عند المجمع للقصر العيني في لمحة عين من صوت الكهربا بس ..لكن بصراحة ايام التحرير شياب الاخوان كانوا زي الاسود واحنا بصراحة بخسناهم حقهم وحطيناهم ورانا والنتيجة الجري والبهدلة ..
الجيش محتاج مننا معاملة خاصة بس مش زي بتاعتك ..يعني مش بالكلام ..ممكن نجمع من بعض فلوس ونشتري لهم الحمامات المتنقلة اللي كانت في التحرير .. ممكن اللي زي حضرتك ومعاهم الستات الكبار يعملوا اكل في البيت ونروح نوزعه عليهم ..ودولهم ورد زي ايام التحرير ..نعمل مجموعات صغيرة ونزل نسلم عليهم ونقعد نتكلم معاهم ونتفاهم معاهم
الحاجة الاخيرة فيه واحد تاني اسمه خالد بيكتب معانا هنا علشان ما تتلخبطوش بين رائي ورأيه .

Mohammad said...

مافيش محامى محترم يتقدم ببلاغ للنائب العام ببلاغ للتحقيق فى اللى مكتوب هنا
http://klmty.blogspot.com/2011/03/blog-post_6406.html

Samah said...

ممكن يانوارة ضروري تعرفيني مين الشيخ السلفي اللي عمل كده ؟؟
لو تعرفيه ول شكلا ابعتيلي صورته ضرووووووووووري على الإيميل
أو حتى نوع العربية اللي هو راكبها علشان نتأكد فع هو سلفي ولا لأ

Hany said...

خلوا بالكم من لغم المعلومات المسربه عمدا من امن الدوله لاحداث فتنه والاهاء عن التصويت على الدستور المعدل.. وطبعا زى ما قلت اذا صمموا يعملوا استفتاء على كل المواد كلها مرة واحده و مش مادة مادة يبقى فيها لغم حطوة الترزيه المفروضين على المستشار البشرى.. ولايمكن عمل استفتاء فى ظل قانون الطوارئ وعلى دستور يحتفظ فيه الرئيس بكل الصلاحيات الالهيه.. ليه منعملش زى تونس.. رئيس مؤقت يعين لجنه دستوريه محايدة ويوضع دستور جديد للبلاد.. يا نوارة مصر انت قلتى ممكن تكلمى المستشار البشرى ولازم توضحى له مخاوف الثوار وتطلبوا مقابله معه ومع الدستوريين و هو معروف باخلاصه

Mohamed said...

معلش سؤال - هى المظاهرة بتاعة كنيسة اطفيح اللى كانت امام مبنى التليفزيون عفوية و الا مخططة؟

سؤال بس هموت واعرف الرد.

widi711

Tears said...

http://www.facebook.com/note.php?note_id=168612413191025&id=168595796526020

شفت ده صدفة بس مش عارفه اعلق

يارب

حياة الظل said...

ههههههههههههههههههههههههههههههههههههههههههههههههههههههههههههههههههههههههههههه
هم يبكي وهم يضحك
اقتباس من كلام خالتو نوارة

فحبيت انا اجري منهم رحت جارية عليهم فواحد منهم قال لي: انا عايز افهم انت بتجري ليه دلوقت؟ قلت له: عشان حتضربونا.. قال لي: مش حنضربكم ما تخافيش... تعالوا معانا.. فقلت له: طب ما تضربش، قال لي: والله ما حاضرب، تعالي بس عشان ننزلكم ونأمنكم من البلطجية

هههههههههههههههههههههههههههههههههههههههههههههههههههههههههههههههههه

أبو هاجر said...

بيبي يا ست الكل يعني كان لازم هذه الكلمة الله يسامحك

Boss said...

من كام بوست فاتوا قلتي ان المهم هو الشعب وهي دي الفكرة اللي لازم نركز عليها
ائتلاف شباب الثورة قال انة مش هينزل مظاهرات
ناس كتيرة ملت وناس اكتر شايفة ان اللي حصل كفاية وخصوصا ان الغالبية العظمي كان محركها الغضب من القهر والظلم والفساد
والان رموز الفساد المكروهين في السجون
كل من لة تار عند الشرطة وامن الدولة احس بالتشفي بعد مشاركتة في اقتحام امن الدولة او مشاهدة الشرطة تعود الي جحورها
وشعبنا عاطفي كما تعرفين وبعد ذهاب فورة الحماس فان المشاركة ستقل
اعتقد ان اي تحرك الان سيكون لة اثر سلبي
الاولوية الان في التوعية السياسية والحملات الاعلامية المكثفة وخصوصا ان الكلام عندما يأتي منكم سيكون لة تأثير اكبر بكثير لان الشعب الان يعرف اعداؤة ولم يعد يصدق الوجوه المتعفنة علي التليفيزيون المصري

cherif.hakam said...

لشهدائنا الغاليين,لن تذهب أرواحكم هباء:دستور جديد بجمعية تأسيسية منتخبة من الشعب-حل أمن الدولة-حل حزب الفساد والكفر الصهيونى-محاكمة رؤوس الفساد-إعادة تأهيل الشرطة ووزير مدنى لها-تغيير كل المحليات

cherif.hakam said...

ياشعب مصر,ألثورة,روحها دستور جديد,قبل أية انتخابات,رئاسية كانت,أم تشريعية.صوتوا بالرفض للتعديلات الدستورية.لا للترقيعات الدستورية.دستور جديد,بجمعية تأسيسية منتخبة من الشعب.دستور الحرية والعدالة الاجتماعية.دستور من الشعب للشعب

rahrom said...

لو سمحتى يانوارة انا بس عاوزة افهم بجد ليه سيد مشعل ده لسة موجود هو دواء ولا حاجة هانموت من غيره مش ده اللى كان بيطلع عمال المصانع الحربية الغلابة بالعافية علشان ينتخبوه والحكومة طلعته علشان يسقطوا بيه بكرى هو احنا مش هانخلص بقى وكمان ظباط ايه اللى هايعملوا اضراب هم كانو اشتغلوا اصلا علشان يضربوا هما ييعذبوا ويبلطجوا يايضربوا فيه ايه وايه الحل احنا رايحين على فين انا خايفة جدا ومش مبسوطة

xMetatron said...

لو سمحت تقوليلي لو تعرفي البنت اللي اتكلمت في اخر الفيديو تبقى مين..عشان انا شايفها من اول ايام الثوره..ليها تويتر او حاجه؟

lidosss5 said...

نفسي اعرف في حد قرا تعليق او رأي لشيوخ السلفيين من اول الثورة ولغاية دلوقتي فين ابو اسحق الحويني وفين محمد حسين يعقوب ... الشيوخ دول مش عايشين معانا ولا ايه؟؟؟ ولا البلد مش بتهمهم

lidosss5 said...

عايز اعرف فين مشايخ السلفيين من بداية الثورة... فين ابو اسحق الحويني وفين محمد حسين يعقوب... هم مش عايشين معانا في البلد ولا ايه؟؟؟؟