Tuesday 22 March 2011

احنا فزنا..

انا شفتها في الورقي بس مش عارفة اطلعها في النت على عكس كل الناس
في صفحة "لغة العصر" الكمبيوتر والمعلومات، بتاعة الاستاذ جمال غيطاس، مكتوب عنوان: "احتلت المركز الاول في 4 من 5 لتقييم التأثير الجماهيري: مدونة جبهة التهييس الشعبية اكثر المدونات تأثيرا في صناعة الثورة"
وكتبوا يقولوا ان اصحاب المدونة دي نوارة واللي بيعلقوا عندها وان مشاركتهم في التعليق هي عملت المدونة كأنها وكالة انباء
شفتوا بقى احنا فزنا كلنا
طب السيدة في ضهركم وخصيمكم النبي لتوقعوا على التوقيعات دي وتشيروها وتطبعوها وتجمعوا عليها توقيعات من الناس العادية
والنبي والنبي والنبي 
ولما تجمعوا من الناس العادية يا تبعوا على الميل
fegypt20@yahoo.com
يا اما تتصلوا بمالك عدلي (على فكرة مالك عدلي جاله تهديد في التليفون، بس مش مشكلة، اتعلمنا ان اللي بيعوز يعمل حاجة ما بيهددش) على رقم 0101044264
ولو حتبعتوا بريد عايزين نصل العنوان:
1 ش سوق التوفيقية
مركز هشام مبارك
------
يالا وقعوا بقى، امال لما افوز بحاجة تشاركوني فيها من غير ما توقعوا :) وكاتبين يقولوا المعلقين اجمد حاجة وبتاع
انا عايزة اشوف بقى العدد الكبير خلينا نخلص من الثلاثي المرح ومن امن الدولة
-----
انا لقيت لنك الفوز بتاعنا :) 

56 comments:

Fatma said...

دي حقيقة يا نوارة واحلى حاجة لما كنتي بتبعتى المقال/النوت/البوست عالفيس بوك

مبرووووووووووووووك يا نوارة مصر ودايما حرة في الحق ورأيك من دماغك اللي تتوزن بالدهب ربنا يحفظك ويباركلك

Unknown said...

مبروووووووووووووك

negmat lail said...

http://www.ahram.org.eg/AIT/News/68647.aspx
الرابط عندك يا ستي اهو
سؤال بخصوص التويعات فيه ناس بتتخوف من تناقل الارقام القومية على لانترنت وبين الناس

خالدة سعيدة said...

نوارة انا بقدرك اوى بس فيه حمله شرسه على الناس وفيه تفرقه غريبه بين الشباب شبكه رصد اللى كل الشباب بيدخل عليها يعرف الاخبار عليها ضغط وهتتباع والله اعلم لمين وفيه صفحات كتيلرة بتتhttps://www.buydomains.com/EnterContactInfo.do?domain=rossd.com&x=1300758408103&utm_source=rossd.com&utm_medium=click&utm_campaign=TDFS-OOعرض لاختراق
http://www.facebook.com/photo.php?fbid=143663595699127&set=a.112403468825140.14817.100001664629534&theater
الوضع بقى خطير علينا وطنطاوى بجد بيسيطر على البلد من تحت لتحت
انا عارفه انك عارفه كل دة بس بجد لازم الوحدة ترجع تانى بين كل الصفوف 6 ابريل والائتلاف وخالدسعيد وشباب الاخوان عشان الموضوع بقى خطير

عندما ينطق القلم said...

تحياتي ليكي، ومبروك الفوز إللي أعتقد إنت ما حصلتيش عليه من مجلة فقط أيًّا كان اسمها، ولكن هذه المدونة وصاحبتها تستحق كل التقدير والاحترام، وتستحق مليون جائزة.
وللصدق نقول إن هذه المدونة هي ما جعلتنا نغير، ونسعي لفكرة التوعية بأهداف الثورة والتي قامت من أجلها وننشأ مدونة سميناها جبهة التوعية بأهداف الثورة:
http://gabhataw3ya.blogspot.com

Unknown said...

رجاء خاص
انا وقعت بس المشكله ان تنسيق و طريقة صياغة البيان عفويه جدا
و ناس كتير ممكن تعترض من طولها و قلة تنسيقها فيريد تعيدو تنسيقها بس

spawn think said...

mabrook ya nawara :)
http://www.ahram.org.eg/AIT/News/68647.aspx

محمد نور الدين said...

ست الكل يسعد صباحك
سؤال شخصي أنت حاسبتني معكم والا لا

خالدة سعيدة said...

نوارة فيه حمله غريبه وشرسه من طنطاوى على مواقع الاخبار اللى على النت
http://www.facebook.com/photo.php?fbid=143663595699127&set=a.112403468825140.14817.100001664629534&theater
وكمان بيضغط عليها للبيع

https://www.buydomains.com/EnterContactInfo.do?domain=rossd.com&x=1300758408103&utm_source=rossd.com&utm_medium=click&utm_campaign=TDFS-OO
الوضع بقى غريب لازم من توحيد الصف تانى بين شباب المسلمين و6 ابريل خالد سعيد والائتلاف والناس
حتى دة ظاهر فى التصريحات بعد التعديلات ان الجيش لسه قاعد لاخر السنه وان فيه اعلان دستورى وتكوين لجنه تاسيسيه للدستور يعنى عملها كوكتيلك يافرغلى
والناس مبقتش شايفه غير الجوامع والكنايس عشان يسمعلهم تانى
وقاعدين على المواقع بيكفروا فى بعض فقط لا غير بجد انا مش عارفه الوضع ممكن يسوء
امهات الشهداء طالعين امبارح بيعيطوا مستنيين حق عيالهم اللى ماتوا واللى مش شايفين منه حاجه وحاسين ان الناس مبقتش فى ثورة وان الموضوع ابتدى يتقلب بمجرد حوارات على التليفزيون وخلاص

Unknown said...

لنك لغة العصر أهو: http://www.ahram.org.eg/AIT/News/68647.aspx

Aabed said...
This comment has been removed by the author.
الحسينى said...

مبروك يا باشا
صباح الفل

abdul hamid said...

تمام جارى العمل

Anonymous said...

والنبي والنبي، بصي يا نوراة يا عسل إحنا نوقع على شئ أكبر زي دستور لكن إحنا كده بنعمل زي ما قال هيكل وصلنا للقمر بصاروخ وطلباتنا بسيطة

Mogahed Salem said...

احنا عاوزين نعرف عدد التوقيعات بقت كام وعاوزين تحديث للرقم

المهدى said...

وقعت رغم إنى زعلان منك وأضعك مع كبار ما كان يعرف بالكتاب الإسلاميين الذين تهافتوا وأضلوا حتى شباب الإخوان الذين كانوا على أتم الإستعداد للوقوف فى وجه كبارهم وسياسييهم ولكن ما هى مصلحة فهمى هويدى ( راجعى مقالاته فى الشروق وكيف كان من صقور الثورة وأصبح من حمائم نعم ) وما مصلحة سليم العوا الذى أعترف بخطيئة حسن الظن به وأعتقد أن وهم صناعة دولة مدنية ذات مرجعية إسلامية سيطر عليهم وظنوا أنهم منظريها القادمين ولم ينتبهوا إلى التحالف المخيف الذى نشأ لتصفية الثورة تماما وشق وحدة الأمة ودفعها إلى دهاليز إجراءات وتفاصيل مقيتة
السؤال المحورى فيه حد ممكن يبنى قبل ما يهد

Unknown said...

مافيش خوف من وضع الرقم القومى على الانترنت لان الصفحة مشفره وانا شخصيا اتأكدت من ده قبل ما اوقع
The internet page where you can sign is encrypted (SSL) and I checked it carefully before I signed. You can see for yourself.

الف مبروك با نوارة. والله تستاهلى واكتر.

طارق المناديلى

Anonymous said...

مبروك يا احلى نواره مبروك يانوارة الانتصار طول ما مصر فيها ناس زيك اكيد اكيد مصر هتبقى احسن بلاد العالم مبرووووووووووووووووووووووووووك

Unknown said...

http://www.ahram.org.eg/AIT/News/68647.aspx

Unknown said...

لنك لغة العصر أهو: http://www.ahram.org.eg/AIT/News/68647.aspx

المهدى said...

نظرة أخرى لنتيجة الإستفتاء تثبت أن هناك 2-3 مليون صوتوا على التعديلات بنعم أو بلا والباقى يعنى 83-89% صوتوا بنعم على تصفية الثورة كل سلفيين تحريم التظاهر وكل مسيحيين البابا شنودة وكل الحزب الوطتى كانوا خارج الثورة وباقى نعم كانت نعم للإستقرار يعنى برضه تصفية الثورة اللى هى ضناكى حد يعمل فى ضناه كدة

مواطن مفروس said...

1763 مبروك هو عدد التعليقات
28048 مبروك هو عدد المواقع التى بها رابط للمدونه
بس كدة كفاية عليكي مبروك لينا كلنا يا نوارة يا اجدع بنت في مصر كلها

-_- said...

نوقع .. منوقعش ليه

aneeszaki said...

مبرووك للمدونة اللي خلتني أنزل التحرير
وأتمنى يكون في سعة صدر في تقبل الرأي المخالف
و لازم نكون عارفين إن هدفنا كلنا بلدنا
ألف مبروك كمان مرة

:)

aneeszaki said...

مبروك للمدونة اللي خلتني أنزل التحرير.
و أتمنى يكون في سعة صدر أكتر في تقبل الرأي المخالف و لازم نعرف إن هدفنا كلنا هو بلدنا.

ألف مبروك كمان مره.

أنيس زكي :)

ابراهيم رزق said...

نوارة يا بطلة

الف الف الف مبروك طبعا انتى تستاهلى

عايزين بقى الحلاوة و ياريت تزورى مدونتى المتواضعة

خالص تحياتى

ahmed said...

مبروووووووووووووووك ليكى يقمر
بجد انا بحبك واحترمك جدااااااااا

smsm elmsry said...

استاذة نوارة انتصار تحية لجرئتك
بس انا لى رجاء لابد ان يكون هناك توعية من خلال مدونتك بان ترجع روح الميدان تانى المسلم والمسيحى المثقف والسياسى السلفى والاخوانى المتعلم والصنايعى لو ده تم فى الفترة دى كل الحرامية هيتجابو لسبب بسيط ارجو ان نتفهمو جيدا :-
الشعب يعتبر مساند قوى جدا للجيش ويعطيه شرعية لتنفيذ متطلبات الشعب وان كان هناك بعض الفاسدين داخل المؤسسة العسكرية لكن لابد ان الشعب يعطى شرعية ويرجح كافة الميزان للشرفاء ان يتخذو قرارات بعيدا عن المحسوبية او اصدقاء الامس لازم نتجمع تانى عشان نبقى قوة وصوتنا يتسمع ... شكرا

سمية صلاح مقلد said...

بتشتغلينا يانورا ماشي عشان واثقين فيك

سمية صلاح مقلد said...

بتشتغلينا يانورا والله احنا عشان واثقين انك بتحبي البلد واحنا كمان احنا عملنا شير ياعسل

NAGWA said...

نوارتي
أنا حطيت توقيعين انا وممتى أدعولى ربنا ما يحرمنى منها ولا من خدمتها أبدا
ربنا يوفقنا ببخير لمصر يا نواره
بنحبك كلنا وبنتمنا أحلامنا تتحقق
و1000000000مليون مبروك ليكي ولينا

بساطه said...

مبروووك يانواره... ان الله لا يضيع اجر من احسن عملا .... وقل اعملوا فسيرى الله عملكم ورسوله والمؤمنون...... احسبك على خير واحسنتي العمل انشاءالله

ملتقى تنمية المرأة said...

ألف مبروك يا نوارة، بجد المدونة تستاهلها

ملتقى تنمية المرأة said...

ألف مبرووووووك وبجد تستاهلوها

Unknown said...

الف مبروك يا ألذ بنت مصريه
أه ما انا بنت مصريه وبحب البنات الجدعان
تم التوقيع منذ اليوم الأول لنشر البيان وجاري الزحف على ايميلات الأصدقاء والزن على الودان امر من السحر
وكمان مية مبروك لجميع المعلقين

Unknown said...

حسين يعقوب غزوة الصناديق فى الإستفتاء على التعديلات الدستوريه
www.youtube.com

OberonSky said...

نوارة يا بنت بلدي !!! مبروك عليكى و على مصر و على الناس اللي بتقرأ جبهة التهييس!! تستحقي الفوز و أكتر على مجهوداتك و نشاطك في الثورة ديه =)

أنا بقلي كم يوم مش بأكتب تعليقات سفر و بهدلة بقى لكن رجعتلكم!!

ربنا معنا و ينصرنا على الثلاثي المرح و كمان نقفل باب الحزب الوطني و يا سلام لو نحاكم مبارك و عيلته

arrow said...

مبروك يانوارة ، والله تستاهلى كل خير

Anonymous said...

الموافقة على ترقيعات دستور مبارك,عواقبها خطيرة,وكذلك,ماتزال البلد مليئة بعناصر حزب الفساد الصهيونى,الذى لم يحل,فى أخطر المواقع تأثيرا ؟! والعسكريون سلوكهم يثير شكوكا وتساؤلات وعلامات استفهام كثيرة,أو,على الأقل,كانت التظاهرات,فقط,هى التى تجبرهم على فعل أقل القليل ؟!! الحزب الوطنى,بمعاونةالسلفيين والدراويش,يضعون مخطط الثورة المضادة,على طريق النجاح. د.شريف عبد الحكم-باريس

أنسانة-شوية وشوية said...

مبررررررررررروك يا احلى نوارة

بجد ومن غير مبالغة انا كنت بضطمن وبعرف كل الاخبار من عندك هنا

الله ينور وربنا يبارك :)

عمرو فكرى said...

مبروك :)

mimi said...

نوارة
أنتي قدوة في صبرك وتفاؤلك وقوة عزيمتك وشجاعتك
مبروك يا حبيبتي

Unknown said...

ألا تشبهين صفاء المصيف
بل أنت أحلى وأصفى سماء
ففى الصيف تعصف ريح الذبول
وتعبث فى برعمات الربيع
ولا يلبث الصيف حتى يزول
وفى الصيف تسطع عين السماء
ويحتدم القيظ مثل الأتون
وفى الصيف يحجب عنا السحاب
ضيا السما وجمال ذكاء
وما من جميل يظل جميلا
فشيمة كل البرايا الفناء
ولكن صيفك ذا لن يغيب
ولن تفتقدى فيه نور الجمال
ولن يتباهى الفناء الرهيب
بأنك تمشين بين الظلال
اذا صغت منك قصيد الأبد
فمادام فى الأرض ناس تعيش
ومادام فيها عيون ترى
فسوف يردد شعرى الزمان
وفيه تعيشين بين الورى

مهندس مصري بيحب مصر said...

هههههههههههه
ألف مبروك يا نوارة
أنا بقى قريت المقالة و فرحت لك و قفلتها و خلاص
فوجئت باللي بيقول لي إن إسم مدونتي مكتوب في نفس المقال و انا ما أخدتش بالي منه خالص
رجعت أدور لقيت إسم مدونتي محطوط في الرسم
البياني فوق كرقم 6 من حيث عدد الزوار لكن مدونتك رقم 1 طبعاً بفرق رهيييييب

:))

hardway said...

يا أرق نوارة....في الأهرام
المخطط ماشي صح.. صح..الصح
مــــــــــــــــاشـي صـح..
د/ عبد المنعم سعيد علي اليمين
ا/ أسامة سرايا علي الشمال
الشابة/ نوارة نجم في الوسط
كتك خيبة يا كونداليزا رايس....
أتعلمي يا خيبة الخيبة ....
كيف ينشأ الشرق الاوسط الجديد
لكي عذرك.... لما يكون زعيمك كما قالت عليه
والدته
ده أغبي اولادي
...نكمل بعدين..كفاية كده دلوقتي

iman said...

نوارة الانتصار أحمد فؤاد نجم يا بنتى ده إسم حد عادى!!!! مبروووووك

أنا بحبك اوى انتى تستاهلى كلل خير

بس الله يخليكى بلاش ضهر السيدة و خصيمك النبى و الكلام ده هه بلاش علشان خاطرى

واحد مش فاهم حاجة said...

للمرة الواحد بعد المائة اسمع احالة انس الفقي ويطرس غالي الى محكمة الجنايات هو مفيش حد جديد ولا ايه فين زكريا عزمي ولا صفوت الشريف يجماعة فين فتحي شرور -مقصودة- وعلي الدين هلال ليه البطء ده ازاي زكريا عزمي لسه رئيس ديوان رئيس الجمهورية ومقيش رئيس جمهورية لماذا لايحكام مبارك وعائلته فين حل امن الدولة الي سميتوه قطاع الامن الوطني -اسم الدلع بتاعه -انتم بتشتغلونا ولا ايه

مش فاهمه said...

مبروك عليكى و علينا كلنا انا كنت باكتب عندك و مش باكتب فى مدونتى لأنى مش عايزه اكتب و خلاص لأ انا عايزة اوصل وجهة نظرى لأكبر عدد ممكن و علشان كده و انا باكتب عندك باحس ان اللى حايقرأ لى اكتر بكتير من لو كتبت عندى علشان كده ضحيت هنايا فداها :))
بس بجد يا نوارة ده يحملك مسئوليه جامده خدى بالك ناس كتير بتتأثر بيكى

هاتروق وتحلى said...

مبرووووووووووووووووووووك لاجمل مدونة

Rowaa said...

السلام عليكم يا نوارة
معذرة ان ما اكتبة لا علاقة له بالبوست وانما رسالة ارسلها لكى وللقراء الافاضل من اخواننا الليبيين سيقوموا باعتصام غدا أمام جامعة الدول العربية الساعة واحدة بعد الظهر بعون الله

وهم يناشدوكم ان تجمعوا اكبر عدد منكم لمساندهم وجزاكم الله كل خير وهم يرسلون سلامهم لكم جميعا و لكى يا نوارة

"وسلامي وتحياتي إلى احبابنا في مصر العزيزة وللاخت الحبيبة نوارة وجزاهم الله عنا كل خير"


رواء

magdy shaheen said...

مبروك نوارتنا يلا نعمل حزب

labied said...

السلام عليكم يانورة و مبروك عليك و علينا.
أنا لست مصري الجنسية و لكني عربي مصري الهوى
المرحلة القادمة مرحلة هامة و حساسة جدا.
الثورة لاتنتهي و لم تنتهي فهي عجلة الدهر.
انكم بدأتم الثورة عندما حركتم الوجدان الساكن للشعب. الثورة كانت دائما كامنة في داخل ذلك الوجدان.
و لقد حركتم وجدان شعوب أخرى في البلاد العربية.
أنا أسألكم هل انتهت الثورة الصناعية؟
لقد تحولت من صناعة النسيج و القطرات و المصنع إلى ثورة المعلومات التي بفضلكم و بفضلها بدأت ثورة المستضعفين في مصر و العالم العربي.
أنا لا أضن أنه لكم ألحق في إغلاق المدونة التي كان لها الأثر الأكبر في هذه الثورة.
إن هذه الصفحة يجب أن تتحول إلى صفحة تهدي من يقرأها إلى تشغييل العقل و الصيطرة على العاطفة. يجب أن توجه الشباب لكي يسمع و ينصت و يفهم حقا مايقوله إبن الشارع، و الفلاح و العامل.
يجب على الشاب المثقف أن ينقل مايريده هذا الإنسان إلى وجدان المثقفين الأخرين. و عليهم جميعا أن يعملوا بجد لإخصع الحكومات على تحقيق مايريده هؤلاء الناس.
كما أن على الشاب أن يحرك وجدان الناس و يبعدهم عن أخذ مالا يستحقون من الوطن.
ليحرك وجدان الناس كي يعلموا أن السعادة ليست في الثراء على حساب الناس، بل هي إثراء الناس بما من الله عليه من عقل و مال و حكمة.

Unknown said...

ممكن أعرف إيه موضوع جمعة إسقاط التعديلات الدستورية...يعني هو إيه يا يفوز صوتي و إلا الطوفان خلينا إيه للحزب البائد ، لا حول و لا قوة إلا بالله

د. هانى احمد said...

مبروك يا نوارة ودايما الى الاحسن مادام فيه اخلاص..

موضوع طنطاوى ده فعلا يقلق واللى بيقول مفيش دليل.. ابسط حاجه التباطئ المقصود فى اتخاذ القرارت الحاسمه ضد اعداء الثورة واعوانهم لاجهاض الثورة ولكن يقظة شبا ب الثورة وابتكار وسائل جديده للتواصل والتلويح بارادة الشعب وقدرة الثوار على حشده سوف تحجم من تأثير القله فى الجيش التى تريد توجيه الثورة بعيدا عن اهدافها

Walid Bey said...

مبروك يا نوَّارة

Rowaa said...

الف مبروك يا نوارة
هى مدونتك فعلا بالنسبة لى هى المصدر المؤتمن اللى اعرف منه واتابع اخبار الثورة وافهم منه ايه اللى بيحصل خاصة من خارج مصر
جزاكى الله عنا وعن مصر كل الخير
ومرة ثانية مليون مبرووووووووك

رواء