Tuesday 15 March 2011

هاااااااااااااااااااااااااااااااااع هاااااااااااااااااااااااااااااااااااااااااااااع حلوا جهاز امن الدووولةةةةةةةة

تحديث:
راحت السكرة وجات الفكرة
مافيش حاجة اسمها امن وطني
على رأي مينا زكري، ما احنا عندنا امن قومي، وعندنا مخابرات عامة، ومخابرات عسكرية، عايزين مننا ايه بقى؟
كل الناس دي بتراقبنا
يا عمل لا.. لا يا عم لا
يعني ايه امن وطني يا عم.. وفين امن الشعب دلوقت حاليا؟ ويعني ايه مكافحة الارهاب؟ مافيش ارهاب عندنا اساسا، كل التفجيرات اللي حصلت اتضح ان امن الدولة والعادلي وجمال مبارك هم اللي عاملينها، حرام عليكم بقى سيبونا في حالنا انتوا عايزين منا ايه؟ ده حتى موضة البلطجية دي طلع كلهم امن دولة وفتحي سرور وصفوت الشريف وزكريا عزمي
لا يا عم لا.. لا يعم ما يفتح الله يا عم لا
اذا كنتوا مش عارفين تودوهم فين وعايزين تشغلوهم عايزين اشراف قضائي - بعد تحقيق كامل لاستقلال القضاء - واشراف مؤسسات مجتمع مدني حقوقية مستقلة على الجهاز ده
ده مراسل الجزيرة بيقول عدد العاملين بأمن الدولة اكثر بكثير من عدد افراد الجيش المصري
يعني ايه؟ يعني انا عشت عمري كله وسط شعب امنجي وانا مش عارفة؟ الشعب كله بيشتغل في امن الدولة؟ داهية يكون فيه ناس بتشتغل في امن الدولة لا اراديا مثلا وهم مش عارفين. يعني ايه؟ يعني انا كان ممكن اكون امنجية وانا مش حاسة؟
انتوا حتلسعوا لنا مخنا ليه؟
لا يا عم لا
مالك عدلي بيكتب صيغة قانونية دلوقت نجمع عليها توقيعات لشأمظة الثلاثي المرح والاشراف القضائي والحقوقي على الجهاز ده.. ويسموه بعد كده كوثر، جزارة السعادة، بوتيك عزيزة.. اللي هم عايزينه
----------

احنا عملنا ثورةةةةة
احنااااااااااااا عملنااااااااااااااا ثووووووووووووووررررررررررررررةةةةةةةةةةةةةةةةةةةةةةةةةةةةةة
حلوا جهاز امن الدولة
حلوووواااااا جهااااااااااااااااااززززز امن الدووووووووولةةةةةةةةةةةةةةةة
لكن لأ
لأ
ايه ده؟ يعني ايه قوة للأمن القومي لحماية الأمن الداخلي ومكافحة الارهاب؟
يعني ايه ارهاب؟
مافيش حاجة اسمها ارهاب اساسا.... ارهاب يعني اسلاميين
هي لها معنى تاني في اي حتة في العالم؟
هي الناس بتكافح الارهاب ازاي؟
استنوا فكروني كده؟ في بريطانيا قبضوا على بنت اسمها سمينة مالك عشان كتبت في البروفايل بتاعها: شاعرة الارهاب
في امريكا بيقلعوا المسلمين ملط في المطارات ويدوروا في حتت مش كويسة ويودوهم جوانتانمو
في الدنمارك بيعملوا خطاب كراهية ضد المسلمين ويقولوا حرية تعبير
في اسرائيل بيخلعوا ضوافر الناس
بيحتلوا الدول وياخدوهم يعذبوهم عند الانظمة المستبدة ويلففوهم كعب داير في كل اجهزة الامن في العالم زي ابو عمر المصري وبعدين في الاخر يعتذروا له ويقولوا له تشابه اسماء ويحددوا اقامته
مكافحة ارهاب يعني ايه؟
يفتح الله

61 comments:

AhmedEzzat said...

سبحان الله ! يعني كومنتي اللي فات طلع فشنك :( :D

مش عاوز اكون متشائم بس
1- ميدخلش في الامن الوطني اي ظابط من ظباط أمن الدوله السابقين
2- اشرااااف قضائي متخلف عقليا مبيتفاهمش !

3- بنود واضحه و صريخه لمهام الجهاز !

4- الغاء المحاكم الاستثنائيه اللي فيه !

لو كل دول حصلو = امن الدوله اتحل !

لو محصلوش = اتغير الأسم بس !

elzahraamegahed said...

عايزين تعريف الارهاب
وعايزين اشراف قضائى

الارهاب بالنسبه لى هو حمل السلاح لغير غرض الدفاع عن النفس سواء كان اسلامى ولا ليبرالى ولا شيوعى ولا مسيحى ولا رقاص ولا عالمه

ممكن يبقى فيه ناس بتنشر افكار تحض على الفتنه والكراهيه ، دول برضه ما يبق4وش ارهاب طالما مفيش سلاح الفكر يواجه بالفكر

nour1971 said...

حرام عليكي مكملتش فرحتي انا شكاكه اساسا شككتيني في نفسي كده يعني كده كأن شئ لم يكن ولا ايه مش فاهمممممممممه فهمينييييييي

يوميات شاب منوفى said...

افرح ولا لا ياخوفى يابدران ليكون امن دوله جديد بس متخفى

FAW said...

لو الجهاز الجديد مبقاش مجرد إدارة في القاهرة فقط مكونة من ظباط تانية
يبقي مفيش فرق
لازم فروع المحافظات تتقفل و ظباطها يتوزعوا علي الجهات التانيه اللي في الوزارة

monasoly said...

يعنى ايه جهاز امن وطنى بدل امن الدوله ده كلام اسمه كلام سيكوباتى من ناس سيكوباتيه بالضبط كده زى تغيير اسم صفوت الشريف لصفوت القواد ما احنا عارفين انه تغيير مسمى لكن نفس المضمون وهنا اطالب د عصام شرف بالتدخل انت اللى قلت ساعات الحياد يبقى حيود والفرجه فجور .

masehee said...

طب نفرح شويه وبعدين نتخانق

Ahmed-Badr said...

حتخلى الواحد يتشائم تانى

تعريف الإرهاب فى اللغة العربية : ورد فى لسان العرب فى مادة "رهب" (رهب بالكسر، يرهب رهبة ورهباً، بالضم، ورهباً أى خاف ورهب الشئ رهباً ورهبه

يا حلاوة بعنى اى حد يخوفهم يسحلوه

كلام جميل , ميعرفوش كدة بالصلاة على النبى يقولولنا بيخافو من اييه بالظبط

masehee said...

طب نفرح شويه و بعدين نتخانق

Ziad said...

لا اكيد فى حاجه اسمها ارهاب بلاش نظريه المؤامرات البحته دى
بس الجهاز تبقى وظيفته معلوماتى مش تنفذى
و اى طلب هو عايزه لازم يعدى على قاضى الاول

Ziad said...

لا اكيد فى حاجه اسمها ارهاب بلاش نظريه المؤامرات الزيادى اوى دى

بس احنا عايزنه يبقى جهاز معلوماتى بس مش تنفيذى و اى حاجه هو عايزها لازم تعدى على قاضى الاول

Anonymous said...

وانا مصمم برضه على الإمساك بتلابيب كلام الجدع اللي اسمه منصور العيسوي عشان هيبقى لينا كلام كبير قوي مع الراجل ده وهتشوفي
اللي قاله تحديدا: ح نخليه للأمن الداخلي والأمن السياسي ومكافحة الإرهاب
الأمن السياسي
الأمن السياسي
الأمن السياسي
الإرهاب انتي قلتي عليه طبعا
إيييييييه بقاااا الأمن السياسي داااه..؟

الجبرتوته said...

اهم حاجه ان الجهاز الجديد ده يبقي عليه رقابه قضائيه ويكون هناك قانون واضح يحدد اختصاصه ويصدر عن مجلس الشعب مش كل وزير يحدد اختصاصه علي مزاجه ومع الغاء الطوارئ مش هيقدرو يقبضوا علي حد من غير اذن نيابه
فاضل ايه من الطلبات ايوه حل المحاكم الاستثنائيه العسكريه وامن الدوله بس ده متهيألي مش هينفه طول ما الجيش هو اللي بيحكم وطول ما حالة الطوارئ ساريه
فاضل تطهير الاعلام من الجراثيم اللي معششه في كل مكان

أبوشنب said...

عاجل : أمن الدولة حلت الجهاز

وهتركب جهاز جديد

وبيقولو الظباط هيلبسو بدله بينك بينك بينك
والعساكر رووز

والرتب عندهم هتبقى

حنين عالشعب
حنين أول

مدادي الشعب

مدلع الشعب

ورئيس الجهاز هيبقى اسمه جانا ريريجانا
يا مكبرنا يا مغذينا

وهيصرفو لكل مواطن ريموت عشان يشغل الجهاز ويطفيه على راحته

Bo Galal said...

copy amn eldawla & paste alamn elqame

Bo Galal said...

copy amn eldawla & paste al amn elqame

elzahraamegahed said...

نواره الموضوع ده خطر جدا أنا بقالى كام يوم بيجى لى رسايل عن الجيش وعن ضرورة عزل طنطاوى وقله أدب من دى
أنا طبعا برد بس الموضوع زاد أوى وفعلا الثوره المضاده شغاله دلوقتى على الفتنه بين الجيش والشعب وربنا يستر

http://www.facebook.com/pages/%D8%B6%D8%A8%D8%A7%D8%B7-%D9%85%D9%86-%D8%A3%D8%AC%D9%84-%D8%A7%D9%84%D8%AB%D9%88%D8%B1%D8%A9/168595796526020?ref=nf

elzahraamegahed said...

احنا نقدر نقول لا للتعديلات الدستوريه ونحن اعدادنا كبيره اذا اضفنا اعداد المتنصرين وهم بالملايين وسوف يكون لنا صوت مؤثر في نتيجه الاستفتاء .لذلك أدعو جميع المتنصرين ان يذهبوا الي صناديق الاستفتاء ويدلو بأصواتهم وهذه فرصه لاظهار اعدادهم دون ان يعرضو انفسهم للخطر .
تعليق المتنصر ماهر الجوهرى للأقباط متحدون
http://www.copts-united.com/Arabic2011/Article.php?I=743&A=32849
ايه ده بأه؟؟؟؟؟؟؟؟؟!!!!!!! تقريبا كل تعليقات اخواتنا المسيحيين فى مواقعهم بالطريقه دى

بساطه said...

صبرك يانواره لما نفهم الاول... مالك طالعه زي القطه الي داسوا على ذيلها ليه؟؟؟ يعني معقول يشغلوا نفس الناس تاني؟؟؟ مش ممكن... يعني ... انا قلقت... مبسوطه ياختي

المعتقلون السياسيون في السجون المصرية said...

عارفه يا نوارة مع أني مختلف معاكي فكريا و عقديا ألا أني ساعات كتير بأحترم عقلك . دول بيحاولوا يلبسونه السلطانيه , طيب ما اللي انتوا عملتوه أسمه أمن قومي مش أجندات و كنتاكي و كلام من ده يبقيأ إرهاب ده كمان إرهاب من النوع التقيل.
بس خلي بالك هما بيظهروا موضوع الإسلاميين ده للناس علشان البروباجاندا و علشان دي السبوبه اللي بتجبلهم مم من ماما أمريكا لكن الحقيقة هما بياكلو اللي بيقرب من الكرسي و زمان كان الإسلاميين هما أكتر ناس قربه للكرسي لكن في الوقت الحالي طلع اللي عملو الإسلاميين بعيد أوي عن اللي وصلوا الثوار له .
فهمه دول الخطر القومي الحقيقي من وجهة نظرهم.
خدوا بالكوا ده محاوله أخيره لفرم الثوار والخطر المرة دي عظيم

محمد نبيل said...

نريد المطالبة بوضع آليات للرقابة على "جهاز الأمن الوطنى" وتحديد صارم لاختصاصاته ومخصصاته المالية، والا فانه لم يتم حل أمن الدولة ولا شىء وكل ماتم هو تغيير مسماه فقط. مقرات أمن الدولة المبنية كالقلاع والمجهزة بغرف التعذيب والأدوار تحت الأرض يجب استخدامها فى أغراض أخرى بعيدا عن وزارة الداخلية كأن تستخدم كمتاحف أو مكتبات عامة والا فيمكن أن تستخدم لأغراض التعذيب والاعتقال مرة أخرى لأنها مجهزة لذلك.

elzahraamegahed said...

مش عارفه الليينك اللى بيحطوه لصفحة ضباط من أجل الثوره مافيهوش حاجه مريبه، عادى خالص
بصى ده نص الرساله:

ارجوا من الجميع المشاركه في الجزء" الثالث من الثوره الا وهي
ضباط من اجل الثوره

ارجوا من الجميع المشاركه في الجزء الثالث من الثوره الا وهي
ضباط من اجل الثوره
لا يمكن فعل اي شئ ايجابي الا بالاطاحه بطنطاوي لانه لا يعترف اصلا بالثوره وهو خطر للمرحله القادمه ارجوا منك نشر موقع الظباط لانهم لن يتحركوا وحدهم والا سوف يكون انتحار نريد جمعه مليونيه مع الظباط لاطاحه رموز الفساد من الجيش الذين يتعاونون في مخطط اسرائيلي امريكي علي الثوره
جزاك الله خيرا وحما الله مصرنا الحبيب

تابعوا الصفحه وقريبا قريبا جدا تعرفون المطلوب"

Khalid said...

مطلوب من وزير الداخلية بيان واضح عن طبيعة عمل الجهاز الجديد.. وآليات عمله.. وكيفية مراقبة وتقييم آداءه

lastcrazyboys said...

ولا مواخـــذة يعني ..ولا يااااكل معايا الكلام ده

طب مانا كنت بتعامل مع ناس امنجية ولا كان بيهمني

بس طوول ما زكية زكريــا ..وموافي والداكتوور فتيحــة في الهوااء الطلق

تبقى مصر لسسسة في مرحلة الطلق ..وماتدولدش

ويانا يا هما

لا نجـــوت إن نجــوا

nosseir said...

ما لقوش اى اسم تانى غير الوطنى دة؟
الواحد بقى عندة حساسية من اى حاجة فيها الوطنى دة

Unknown said...

مبارك مأنتخ في شرم

مفيش محاكمات لقتل الشهداء

اخلاء سبيل شوية ظباط و التضحية بشوية كباش

البشوات اللي اتقبض عليهم مهيصين في السجن

اخلاء سبيل عيشة و شوية حرامية

تعذيب في المتحف المصري

ضرب الباقي من اعتصام التحرير

ضرب الباقي من اعتصام الاقباط

صفوت و زكريا و مش عارف مين كلهم سارحين

تغيير اسم امن الدولة

للاسف هيكل كان عنده حق

بس برضه الجيش الحقيقي اللي ممسوك بالقادة غصب عنه مش حيسكت
و الشعب مش حيسكت

و كفاية نعم و لا

لان ببساطة الاستفتاء حيطلع نعم عشان الطبخة تكمل و يجي الوطني البرلمان

صفوت عمل حزب التحرير

و مصيلحي بتاع التضامن رشح نفسه بالفعل

و بقي فيه ناس بتقول خلاص بأه

بس فيه رب اسمه القادر القهار العدل

لا اله الا الله

حسين محمد said...

انتي شكاكة زيادة أوي
لازم اشراف قضائي بعد استقلال القضاء طبعا
لكن لاحظتي حاجتين مهمين أوي
في البيان
تم اغلاق الادارات والفروع والمكاتب في المحالحافظاتظ
يعبي مش هيبقوا حوالينا في كل حتة
الحاجة التانية والمهمة أكترهي
سوف يتم اختيار ظباط جهاز الامن الوطني قريبا ه
يعني زي ما كنا عاوزين أغلب القدام هيتم توزيعهل ‏

monasoly said...

نواره انا مش عارفه ايه حكايه ان المجلس العسكرى يرمى عضمه لينا كل شويه لا عاوزين لحم فين قبل الثلاثى المرح طنط سوزان وجمال وعلاء لازم يبقوا سداسى انا اشتركت بالموافقه على صفه الفيس بوك لاعدام العادلى ومحاكمه الثلاثى انا عاوزه صفحه تانيه لسوزان وجمال وعلاء اما ابوهم عريس الدوله فهوه هايموت لوحده

Anonymous said...

يا ريت تكون من مطالب الثورة كمان حل الحزب الواطي و جميع الاحزاب الكرتونية و اللي كانت بتستفيد و تفيد في الفساد السياسي و الاجتماعي و المادي كمان قبل 25 يناير و منع اعضاؤهم من الترشح لاي انتخابات مقبلة لاي عضوية ولو حتي عضوية شيخ بلد او حارة لمدة لا تقل عن عشرة اعوام علي الاقل و تغليظ العقوبة لمن يتلاعب او يتمسخر بالشعب و يرشح نفسه بالاشغال الشاقة و مصادرة امواله و كفاية اكتر من تلاتين سنة قاعدين علي الكراسي يقولوا ايوه و عاضر و نعم لاي تشريع او قرار غير قانوني ليس في مصلحة الشعب المصري بل و احيانا في مصلحة اسرائيل و يمتصون دماء الشعب و يستغلون عضويتهم في الكسب غير المشروع يعني لسرقة مصر و المصريين و كلهم اما فاز بالتزوير و الارهاب و الرشوة او بالتعيين من زعيم العصابة لضمان اعطاؤه فروض الطاعة
و الموافقة العمياء علي اي شئ يريده هو او حزبة او الدلوعة ابنه
تونس سبقتنا و حلت الحزب الفاسد عندهم ............ لحد امتي تظل تونس تغلبنا و تسبقنا؟ يا خوفي ليطلعوا القمر قبلنا كمان

O S A M A said...

هاااااااااااااااااااااااع هااااااااااااااع عبايط بيسوقوا عبايط مهو لو اللي بيقرا معاكي فاهم انه اللي بتقوليه ده رغي مساطب مهوش مقالة فيها فكر واللي يقولك والله زي السكر يا نوارة والتاني قال ايه خلاص هيموت ويتجوزك عشان قلتي اللي يقفش يقفش على امه لو بيفكروا كانوا عرفوا اننا انشاء الله هنمسكك وزارة العبط والزيطة
دلوقتي يا زكاوة انتي مين قال معندناش ارهاب؟؟؟ انت بتقولي كدة طيب انتي مين يعني عشان تفهمي البلد فيها ايه يا جنرال نوارة من اساسه؟؟؟ دلوقتي السلاح بقى ف البلد زي الرززز بخمسين وبمية واغلاهم 500 طيب مش عندنا صنف الناس اللي لابسين جلالليب قصيرة بدقون طويلااااااااا وعقل صغير موووت وبيفتوا دول افتوا عندنا انكم خوارج ويجب ايقافكم عند حدكم لأنكم خرجتم عن الحاكم لأ وانكم خوارج اوسخ من الخوارج القدام لأنه القدام كانوا عايزين يرفعوا راية الدين والناس زي البقر وراهم بدام مربيين دقن واحنا بنحبس على عبطك والله على قد مانقدر وبشجاعة وعقل وادب اكتر منك يااااانتي ومبقاش حد دلوقتي بيخاف من الكلام أيا كان ولو افتوا انك فسق خلاص مش اختراع انك تموتي وافتوا انه المسيحيين بيلوا دراعنا عند ماسبيروا عازرك والله انت عايشة ف مية البطيخ وتحسبي نفسك مثقفة وعارفة عشوائيات مصر طيب لو اتحل يا حجة وحصلت اي عملية تتحاكمي؟؟؟ مش هيا دي المسؤولية ولا ايه؟؟ تقدري تنشري الرسالة دي بشجاعة كده كمقالة حتى لو هتتريقي عليها ونسمع رأي الناس
ومش فاهم انا يعني انا مستعد زي ما قلتلك يتجسسوا عليا ليل ونهار ويراقبوا تلفوني طول ما هما مبيستخدموش المعلومات دي ضدي ولو استخدموها نحاكمهم في دولة القانون الا لو أنتي بقا بتعملي حاجة غلط
طيب والله المسجد اشتغل تاني المساجد بقت بتاعت ابوهم مش بتاعت ربنا اسيبك وانزل يا حجة وفي الاخر اقولك متحسبيش كل الناس بتخسبها بالعقل لأ في ناس عايزين ناس يفسرولهم كلام التلفزيون حتى وفي الاخر والحمد لله انك واضح انك اقلية في الجمعة الاخيرة وحتى التصويت ع الدستور الحمد لله انه الناس بتفكر وبقول لأ للدستور اللهم شماتة اللهم شماتة فكل عبيط هيودينا فداهية

O S A M A said...

هاااااااااااااااااااااااع هااااااااااااااع عبايط بيسوقوا عبايط مهو لو اللي بيقرا معاكي فاهم انه اللي بتقوليه ده رغي مساطب مهوش مقالة فيها فكر واللي يقولك والله زي السكر يا نوارة والتاني قال ايه خلاص هيموت ويتجوزك عشان قلتي اللي يقفش يقفش على امه لو بيفكروا كانوا عرفوا اننا انشاء الله هنمسكك وزارة العبط والزيطة
دلوقتي يا زكاوة انتي مين قال معندناش ارهاب؟؟؟ انت بتقولي كدة طيب انتي مين يعني عشان تفهمي البلد فيها ايه يا جنرال نوارة من اساسه؟؟؟ دلوقتي السلاح بقى ف البلد زي الرززز بخمسين وبمية واغلاهم 500 طيب مش عندنا صنف الناس اللي لابسين جلالليب قصيرة بدقون طويلااااااااا وعقل صغير موووت وبيفتوا دول افتوا عندنا انكم خوارج ويجب ايقافكم عند حدكم لأنكم خرجتم عن الحاكم لأ وانكم خوارج اوسخ من الخوارج القدام لأنه القدام كانوا عايزين يرفعوا راية الدين والناس زي البقر وراهم بدام مربيين دقن واحنا بنحبس على عبطك والله على قد مانقدر وبشجاعة وعقل وادب اكتر منك يااااانتي ومبقاش حد دلوقتي بيخاف من الكلام أيا كان ولو افتوا انك فسق خلاص مش اختراع انك تموتي وافتوا انه المسيحيين بيلوا دراعنا عند ماسبيروا عازرك والله انت عايشة ف مية البطيخ وتحسبي نفسك مثقفة وعارفة عشوائيات مصر طيب لو اتحل يا حجة وحصلت اي عملية تتحاكمي؟؟؟ مش هيا دي المسؤولية ولا ايه؟؟ تقدري تنشري الرسالة دي بشجاعة كده كمقالة حتى لو هتتريقي عليها ونسمع رأي الناس
ومش فاهم انا يعني انا مستعد زي ما قلتلك يتجسسوا عليا ليل ونهار ويراقبوا تلفوني طول ما هما مبيستخدموش المعلومات دي ضدي ولو استخدموها نحاكمهم في دولة القانون الا لو أنتي بقا بتعملي حاجة غلط
طيب والله المسجد اشتغل تاني المساجد بقت بتاعت ابوهم مش بتاعت ربنا اسيبك وانزل يا حجة وفي الاخر اقولك متحسبيش كل الناس بتخسبها بالعقل لأ في ناس عايزين ناس يفسرولهم كلام التلفزيون حتى وفي الاخر والحمد لله انك واضح انك اقلية في الجمعة الاخيرة وحتى التصويت ع الدستور الحمد لله انه الناس بتفكر وبقول لأ للدستور اللهم شماتة اللهم شماتة فكل عبيط هيودينا فداهية

بساطه said...

يالهوييييييي يانواره كان عندك حق .... دول هيجيبوا نفس الظباط القدام.. وبيقولك خبرات مش ممكن الاستغناء عنها وقال ايه اكتر ناس هتنبسط بالقرار همه ضباط امن الدوله.. علشان يعيني كانوا مثقلين قبل كده بمهام السلطه وتكليفاتها ..اقطعوا قلبي ياضينايا .. كده الحكايه اتعقدت واحنا مش هينفع ناخد على قفانا ونسكت

حسين محمد said...

لسه وزير الداخلية حالا قال انه كل ظباط الجهاز ا
الجديد هيكونوا من العناصر الجيدة في علاقتها ب
بالمواطنين وما فيش من عناصر الجهاز القديم
غير اللي كانوا مش ليهم علاقة بالمواطنين

Unknown said...

بصي يا نواره انا عندي فكره وياريت تقلبيها كده مع نفسك وتقوليلي رايك ايه احنا ف الاستفتاء نقول لا ...وعشان نرجع الامن نيجي ع نفسنا ونعمل مبادره صلح مع الشرطه تمام؟ وشباب الثوره يلتقوا بيهم وترجع الميه لمجاريها ويتعمل دستور جديد ويتكون مجلس رئاسي لحد ما تتعمل انتخابات جديده ايه رايك .؟؟؟ بس ردي عليا الله يخليكي عشان انا قربت اتجنن

Anonymous said...

حتى لو كان تغيير اسماء .. بداية : ألف مبروك.

بالنسبة للعريضة اللي ناوية تعمليها يلا هاتيها يا أختنا نوارة وانا همضي علينا وابصم بالعشرة .. بلا أمن قومي بلا زفت .. الأمن القومي الشعب ضامنه بثورته .. أمن الدولة ده مجرد وجع قلب للشعب

عايزين كل شيئ يكون واااااااضح و تحت اشراف محترم .. مش عايزين نلف حوالين نفسنا.

eng.sos said...

يا نوارة افتينى ونبى
لما يبقا عبـــــــود الزمـــــر بطل شعبى والناس تستقبله بفرح وبيطلع فى كل الفضائيات وكل الصحف ويسألوه هل سترشح نفسك للرئــــــــاسة ويرد كمان بانه هيفكر
يبقى اكـــــــــيد فــــى حاجــــة غلــــــــــــط

eng.sos said...

يا نوارة افتينى ونبى
لما يبقا عبـــــــود الزمـــــر بطل شعبى والناس تستقبله بفرح وبيطلع فى كل الفضائيات وكل الصحف ويسألوه هل سترشح نفسك للرئــــــــاسة ويرد كمان بانه هيفكر
يبقى اكـــــــــيد فــــى حاجــــة غلــــــــــــط

Ryad Shita said...

يا نوارة استعجلوا الاستاذ مالك عدلى ينتهى من الصيغة القانونية للاعلان عاوزين نلحق نوزعها ونلم عليها توقيعاتنا انا مش هاهدى الالما احس اننا قضينا على الثلاثى الغير مرح دة يا ريت يضيف اسم مرتضى منصور معاهم علشان مايفضلشى حد من الناس دى فى البلد

Baba Muhamed said...

لاأتفق معاك يا نوارة، ممكن نطلب مراجعة الخطوات والتاكد من مهمة الجهاز بس كلامك فيه مبالغة شوية

Om Kiki said...

قالك مرة واحدة "أمن" دولة إتجوزت واحد حزب "وطني" ... راحوا خلفوا واد سموه "أمن وطني" .... يلاهوي!!!!! ...... أول مرة أألف نكته .. وواضح إنها بايخة طحن ... ربنا يستر ...

salwa ibrahim said...

Aywa ya Nawara, mafeesh wala Amn Dawla WALA wala Amn watney, ,feeh police wa mokhabrat wa amn qawmy,leh amn wataney taney howa lazem 7ad yerrazel 3ala elsha3b wa khalass.

محمد طنطاوي said...

احنا مش عايزين رقابة قضائية على جهاز أمن الوطن اللى هو من اختراع منصور العيسوى احنا مش عايزينه خالص ونقول لسعادته متشكرين على الاختراع بلدنا مش عايزة اختراعات وتجارب فاشلة بلدنا عايزه نيات صادقة تخدم البلد
ياجماعة أنا بكل صدق وأمانة بقولكم من خلال خبرتى القليلة اللى حصل هما غيروا الاسم من جهاز أمن الدولة لجاهز أمن الوطن متشكرين على الإضافة
يا دكتور عصام شرف عايزين نيات صادقة عايزين نيات صادقة عايزين نيات صادقة
عيب كده بلدنا وثورتنا وحق الشهدا وحق الناس اللى فى المعتقل وحق الناس اللى اتعذبت والناس اللى اصبح عندها عاهات أمانة إن فرطوا فيها مش هانفرط فيها أبدا حسبنا الله ونعم الوكيل
دلوقت بدل منادى بإلغاء جهاز أمن الدولة ننادى بإلغاء جهاز أمن الوطن ومش عايزين التفاف تانى ويدورولهم بقى على إرهاب فى بلد تانى
بلدنا أمانة

Magdy El-Serafy said...

اسم الجهاز مش مهم و احنا مستحيل نخلص من المناورة حول الاسم. ممكن يعملوا مثلا "شعبة المعلومات". اسم شيك و مش ممكن حد يعترض عليه لكن هيؤدى وظيفة امن الدولة تاني. الحل نطالب بحاجتين. أولا الرقابة - بالذات المالية (لانها تكشف كل حاجة) و ثانيا الغاء كلمة ارهاب من كل التعاملات الرسمية و القانونية و الرجوع الى قانون العقوبات فى الجريمة. لان كلمة ارهاب معناها الضمنى محاسبة على النوايا و الظواهر. و حتميا ده سيؤدى الى الحجر على الاراء و القمع و السلسلة اياها من العك اللانهائى.

ِAmira hassan said...

قالك مرة واحدة "أمن" دولة إتجوزت واحد حزب "وطني" ... راحوا خلفوا واد سموه "أمن وطني"
وطني ليه مكانوا سموه اجندات او قله مندسة هي الثورة مش قامت و كده

محمد طنطاوي said...

كان من مطالبنا للدكتور عصام شرف إن وزير الداخلية يكون مدنى ويكون قاضى وكنا بنطالب بإشراف عضو أو لجنة من جمعية حقوق الإنسان على قرارات السيد وزير الداخلية مثل هذا القرار الزائف ولكن د / عصام خذلنا

هراء لا داعى له ..... said...

شخصيا موافق جدا على إسم كوثر دا

mutargim said...

مقالة خفيفة كده ...يارب تعجبك يا أستاذة
http://al-agenda.blogspot.com/2011/03/blog-post_15.html

EgyptToThePoint said...

ما يؤكد الشكوك أن الوثبقة المسربة من أمن الدولة بخصوص حله صوريا وإعلاميا مذكور فيها إسم مشابه لـ"قطاع الأمن الوطني" وهو "جهاز الأمن الوطني" كإسم من الأسماء المطروحة!!!!!!

zmmorabya said...

اول ما يخلص النص نزلوه على الجروب او صفحتك... يلا بسرعة بقى عاوزة الحق اطبعه قبل يوم الجمعة =DD

دومآ للأمام said...

الحمدلله
الث ور ة
تكمل نجا حها
وإن شاء الرحمن نعم للدستو ر

معليش جديد فى الكتابة

Unknown said...

هل في مظاهرة يوم الجمعة الجاية لإسقاط أمن الدولة ولا إيه النظام ؟؟؟
إحنا معملناش ثورة علشان نفضل نتعذب
عايزين ثورة تانية على أمن الدولة
وإلا مابقناش عملنا حاجة غير اننا غيرنا أسماء وبسسسسسسسس

Unknown said...

أيام جمال عبد النصر الرئيس العظيم لمصر كان أمن الدوله إسمه البوليس السياسي

تغير إسمه في عهد الرئيس المخلوع لأمن الدوله

حاليا في عهد القوات المسلحه إسمه الأمن الوطني

الإرهاب هي التهمة الرسميه التي يقبض بيها هذا الجهاز على كل من طالب بالحربه

يعني من الأخر الجهاز ده كان شايف كل معظم شعب مصر إرهابيين

وبعدين انا مش هحكم عليه من خلال كلام

أولا: انا هحكم عليه من خلال تاريخ

وطبعا كلنا عارفين تاريخه أسود من قرن الخروب وإل شايف غير كده يبقى إسمحولي أقول له أنت ما بتشوفش

ثانيا : نشوف القيادات والضباط الخاصين بتوع الجهاز المعفن ده راحوا فين .. ببساطه شديده تم نقلهم لجهاز الأمن الوطني ومكافحة الإرهاب..يبقى فين التغير ياعلم ياهو

ثالثا : عمل الجهاز المعفن ده بيعتمد إعتماد كلي على قانون الطوارئ حد يقنعني ويخبرني أن قانون الطوارئ أتلغى .. يبقى فين التغيير يا عالم ياهوو

رابعا: الدستور العقيم إلي أنتم رايحين تستفتوه عليه ان شاء الله مدي صلاحيات لرئيس الجمهوريه انه يتحكم في أي حاجه ...يعني بإختصار ممكن يتحكم في جهاز الأمن الوطني ومكافحة الإرهاب... صح ولا أنا بخترع يعني .. لا صح ياعالم ياهوو

خامسا : افكركم بس ان بقاء الجهاز المعفن ده مرتبط ببقاء الدستور المترقع ده

إفتكروا دائما اهم اعداء الديمقراطيه

جهاز امن الدوله "الأمن الوطني ومكافحة الإرهاب" - جهاز الأمن المركزي بكل قواته -غياب الحقوق والواجبات - السلطه المطلقه -الطوارئ -ودستور عقيم بترجم كل ده بشكل قانوني "شرعي يعني "

وتقريبا كده مفيش تغير إلا بالضغط
وشكرا

حسن على said...

فعلا لدينا من الامن كثيرا جدا مما يصلح للتصدير لأى من النظم القمعية التى مازالت تقاوم الانقراض ولا نحتاج لآى جهاز جديد, هى ناقصة جهاز جديد ياسيد" منصور العيسوى"؟؟؟؟؟؟؟؟؟؟؟؟؟

mutargim said...

http://al-agenda.blogspot.com/2011/03/blog-post_7160.html

والنبي ده كمان يا أستاذة

Moataz Ragheb said...

بس أنا بشوف اننا محتجين الجهاز ده بس بشكله الصحيح و يكون علية أشراف حقيقي عشان الأرهاب اللي بعتقد أنه موجود في كل العالم مش بس مصر و ممكن يتواجد في اي وقت مش معنا ان امن الدولة كان ليه يد في حاجات كتيره حصلت اننا نصدق ان مفيش خطر ..... ده رأي اللي ممكن يكون مالوش أي قيمه بس أنا حبيت أشارك يعني و على فكره انا متابع جيد لكتاباتك .... معتز راغب

Unknown said...

الجيش بتاعنا ده كفاااااااااااااءة
ربنا يحميهم و يبارك فيهم
حاولوا تشوفوا مصر النهاردة

كيوبيد said...

احنا عاملين زى المثال البلدى الى بيقول ودنك منين ياجحا راح لف من اخر الدنيا الجهاز اتحل ده واقع على الارض لازم نفرح بيه ونسعد له الجهاز الجديد ملسوع من سابقا لكن مش معنى كده ان احنا نسكت لا انا بطالب ان احنا نحط مجموعه من القواعد فى شكل طالب ونجمع توقيعت عليه من الشعب علي الى المفروض الجهاز يكون عليه من قوانين وانو يكون تحت اشرف قضائى كامل وكل المطالب والاقترحات ونروح بيه لوزير الدخليه ونبلغه للمجلس العسكرى احنا اصحاب الشرعيه احنا الثوره الشعب هو الثوره وهو الى لازم شرعيتو واحكامو ومطالبو تنفذ فى تاسيس الجهاز الجديد علشان مش نعيد الكره مره كمان ونعمل زى المثال الصينى بتاع الرجل الى ربى الدب وفى الاخر الدب كلو ده راى وده اقترحى والله الموفق لينا جميعا

hossam said...

اشمعنى تونس يعنى قدروا يستغنوا عن امن الدولة وما عملوش جهاز ثانى بدلا منه

hossam said...

اشمعنى تونس يعنى قدروا يستغنوا عن امن الدولة وما عملوش جهاز ثانى بدلا منه

kbahey said...

نوارة

لو عايزة تعرفي ان امن الدولة اتحل بجد و لا بس اعيد تسميته، وصلي النقط دي للمسئولين و شباب الثورة يتابعها باستمرار

http://www.facebook.com/note.php?note_id=206568042687874

labied said...

يانورة الثورة و عملها بعدو ببدايتو
حتى بنؤول الثورة دي صحيح ثورة حتثقف المصريين.
حتعلمهم كيف يعملوا عقولهم و يبردوا مزاجهم .
في ناس كثير تريدها تكون فتنة حتى متصيير عدهم ثورة و حتى مايفيق العرب ابدا.
الله يعينكم بس مابتكلو
أملنا فيكم كبير
اللهم أحفض مصر و أهل مصر و ثورة مصر
لبيد العراقي