Wednesday 16 March 2011

مقال حلو قوي

وحانشره هنا
احمد سمير: نعم لترقيع الدستور والتعديلات غير المكتملة


أنا موافق وسأذهب لأقول نعم..
أنت ترى أنها تعديلات غير مكتملة وترقيع للدستور وتسألني لماذا نكتفي بترقيع دستور متخلف؟
عظيم.. اذهب ووجه سؤالك للمجلس العسكري.
فالواضح أننا متفقين أن سلطات رئيس الجمهورية لم تمس، ومع ذلك فهذه الصلاحيات لم يتم الحد منها، وللأسف لا استطيع محاسبة اللجنة التي صاغت التعديلات لأنها لجنه لم انتخبها ولا استطيع محاسبة المجلس العسكري لأنني أيضا ـ تصدق أنت ـ لم انتخبه.
والحل؟.. حضرتك تطرح فكره أننا نضغط على الجيش لينفذ لنا مطالبنا فهو قد جاء بالشرعية الثورية؟
احترم وجهة نظرك.. ولكنى لم انزل للثورة لنتحول في النهاية لحركة مطلبيه تطلب من حكامها أن يحكموها بشكل جيد وينفذوا مطالبها أنا شرير ومتطلع وطموح وأريد أن احكم.
أريد أن “احكم” من خلال مجلس منتخب ورئيس منتخب ولا أريد نخبه عسكريه أو مدنيه “تحكمني بشكل جيد”.. تقول..نحن غير جاهزين لانتخابات ومجلس الشعب لن يكون معبرا عنا.. لذلك نريد حكم انتقالي.
هذا ادعى لأقول أنا نعم، تريد سحب حريتي في أن اختار لصالح نخبه ترضيك.. وأنا ارفض توريطي في أي حكم غير منتخب سواء لعسكر ، أو لعسكر يتحكمون في مدنيين لا حول لهم ولا قوة من خلال مجلس مدني، أو لمدنيين غير منتخبين وليس عليه إجماع من خلال مجلس مدني يعينه المجلس العسكري.
ولأطمئنك، المجلس العسكري باق حتى أخر العام “بناء على طلب الجماهير” وسيسن قانون تعددية حزبية في مارس فهل نوافق على انتخابات في سبتمبر ونكون نظمنا نفسنا في أحزاب خلال هذه الستة أشهر أم نؤجل الانتخابات لـ 2358.
تقول.. الانتخابات ستفرز لنا الإخوان والوطني ليكتبوا لنا دستورنا؟
هنا لا أفهمك، الإخوان سيترشحوا بـ حوالي 35 % مثلما فعلت النهضة التونسية ـ لان مصلحتهم عدم المنافسة على اغلبيه الآن بالمناسبة ــ وبالتالي فهم سيشاركون في الصياغة ولن يكونوا الغالبية وهي مشاركه محسومة بنفس النسبة تقريبا سواء تمت صياغة الدستور من خلال مجلس الشعب او لجنه تأسيسية منتخبه أو حتى معينه من المجلس العسكري، فلماذا تكرار الفزاعة القديمة.
البعض يقول: الإسلاميون والوطني مع التعديلات وبالتالي فحن كمستقلين يجب أن نكون ضد؟.عذرا، أنت هنا تخطيء في تقدير خصمك، هناك الكثير ممن وافقوا على نعم لأنه سيناريو واضح ليس فيه وصاية.
ولا افهم “تهمة” أن الإخوان والعياذ بالله موافقين لأنهم يريدون مصلحتهم والانتخابات، كأن “الموقف الوطني” هو أننا لا نريد انتخابات ونريد معينون يصوغون لنا دستورنا.
عموما.. إذا تم التصويت بلا ، سأنزل معك للمطالبة بلجنة تأسيسية منتخبه لصياغة دستور جديد ، وإذا تم التصويت بنعم فلننظم أنفسنا في أحزاب ولنضغط من اجل قائمة نسبيه تطيح بالعصبيات وسلطة المال لنصوغ نحن دستورنا طالما لم “يصوغوا هم” لنا دستورنا الكامل الذي نريده.
حتى ذلك الحين سأحتفظ برأيي في أن أقول نعم أمام جدول زمني محدد لتسليم الجيش السلطة للشعب، لان العسكر وأحكامهم العرفية مكانها في الثكنات، وليس في فترات انتقاليه تتمدد يوما وفقا لما يطلبه المواطنون غير القادرين على انتخاب رئيس ولا مجلس شعب قادر على تحقيق أفكارهم.
باختصار.. أقول نعم اليوم لأتمكن من أقول لا غدا.

49 comments:

الاستاذ said...

الله يا نوارتنا

Shoukry said...

اولا، الموضوع محسوم في حاله التصويت بلا و دكتور يحيي الجمل قال انه هيكون فيه لجنه تآسيسه لدستور جديد يعني مفيش احكام عرفيه ولا حاجه من اللي بيقول عليها الكاتب

ثانيا، احمد شفيق لازم يمشي و الثورة لازم تكمل مطالبها (انا مع ان شفيق يمشي جملة و تفصيلا) و تيجي ناس تقول سيبوه عشان الاستقرار و الاقتصاد و يا جماعة دي كلها ٦ شهور... لا، لازم يمشي ده من مطالب الثورة. طيب الثورة كمان كانت بتطالب بدستور جديد مش تعديلات ... الكل مع مطلب الثورة الا الاخوان والوطني (في حاجه غريبه و اصرار عجيب) ... وطالع المتحدث باسم الاخوان يقولك عشان الاقتصاد و الاستقرار ... وعمالين يخوفوا الناس بالفوضي زي نظام مبارك بالظبط (يسري فوده قال ان السواق بتاعه قاله كده و كمان المنشورات بتاعتهم) ... مجموعة من الكدابين و الافاقين واصحاب المصلحة ... صحيح طز في البلد المهم مصلحتهم

ثالثا، ايه شرعيه المجلس العسكري في حاله التصويت بنعم؟ الدستور مش هيبقي معطل

رابعا، الصور دي فيها كلام كتير عايز اقوله
http://www.facebook.com/photo.php?fbid=1592254081773&set=o.117231745019442&ref=nf

http://www.facebook.com/photo.php?fbid=10150415521465023&set=a.10150281975375023.539855.812695022&ref=nf

خامسا، ارجوا النشر و ياريت اسمع صوتك :)

Unknown said...

فيه حاجة حلوة قوى كمان ، الوأتى الناس خايفة من الصلاحيات المطلقة لرئيس الجمهورية فى دستور 71 ، اللواء / ممدوح شاهين عضو المجلس الأعلى للقوات المسلحة قال فى برنامج مصر النهاردة إن الدستور ده مش هايتفعل تانى لو كانت نتيجة الاستفتاء نعم ، و لكن المواد اللى اتعدلت هاتكون ضمن إعلان دستورى جديد هايطلعه الجيش بعد الاستفتاء ، و بردو لو كانت نتيجة الاستفتاء لأ ، الجيش هايعمل إعلان دستورى ، يعنى كده كده الدستور القديم مش راجع تانى ، بس الفكرة إن الناس لو قالت نعم ، الفترة الانتقالية هاتقصر و ده فى مصلحة البلد و مصلحة الجيش كمان ، لكن لو كانت النتيجة لأ الفترة اللى الجيش هايقعدها معانا هاطول ، آه فى حاجة كمان ، النهاردة شباب الأقباط اعتصموا تانى أمام ماسبيرو و اعتدوا على أفراد الجيش و كان فيه إصابة لجندى فى الجيش

Shoukry said...

دي كمان صوره عملها واحد من الاخوان. شايفه محاوله التهويل و التخويف من الفوضي
http://www.facebook.com/photo.php?fbid=10150120746186809&set=a.10150120746116809.279180.519726808&ref=nf

لو التعديلات دي مرت الاخوان هيحسوا ان كل الناس ولاحاجه لآنهم كلهم عارضوا لكن كلمه الاخوان هي اللي مشيت و هنلاقي حزب وطني في شكل
جديد. اكيد مش ده اللي كانت الثوره عايزاه.

Shoukry said...

ال المستشار محمد عطية رئيس لجنة الاستفتاء للصحفيين: «إذا تم رفض التعديلات الدستورية فإننا سنكون أمام فراغ تشريعي سيتم سده من خلال مرسوم يصدره المجلس الأعلى للقوات المسلحة»، من المنتظر أن يتخذ شكل «إعلان دستوري محدود» يحدد معالم «الفترة الانتقالية التي ستقود إلى سلطة جديدة ودولة مدنية حديثة».

Unknown said...

يا نواره هانم اهدي كده وصلي ع النبي احنا لما نقول لا كده احنا هنلزم المجلس العسكري انه يعمل مجلس رئاسي من 2 مدنيين وواحد عسكري لحين اجراء انتخابات برلمانيه ورئاسيه جديده وتشكل فيها لجنه لتعديل الدستور والكلام ده اكدوه 2 محترمين كبار هما الدكتور يحيي الجمل والمخضرم ابراهيم بيه عيسي انا شايف انك بتثقي في كلام بلال فضل ثقه عمياء ودي علي فكره حاجه مش وحشه لان انا بموت ف حاجه اسمها بلال فضل بس يا ريت نحكم العقل شويه الجيش كده كده قاعد فايه بقي حكايه حكم عسكر ومش عسكر والكلام ده؟الناس خافت لما شافوا الناس اللي كان الجيش معتقلهم فجابوا ورا وانتي واحده منهم لكن الجيش اتعامل بمبدأ اضرب المربوط يخاف السايب واحنا مش هينفع نخاف من حد تاني بعد كده يا ريت نحكم العقل ونركز شويه وشكرا لسعة صدرك وما تزعليش لو طريقتي دايقتك بس انا قربت اتجنن والله من الوضع اللي احنا فيه

mido said...

الى كل اللى حيقول نعم اقرا ده

رئيس لجنة «الاستفتاء»: الجيش سيصدر «إعلاناً دستورياً» إذا رفض الشعب التعديلات




وده يطمنى أكتر ان أقول

لأ

rifaa said...

This is absolutely correct. We need to grease the army skids quickly.

rifaa said...

This is absolutely correct. We need to grease the army skids as quickly as possible.

مصراويه said...

بس انا بارضو هصوت بلااااااا لا لا لا لا

Shoukry said...

هناك عجلة غير مبررة لاجراء الاستفتاء وخاصة فى ظل حالات عدم الاستقرار الامنى ، كما إن العجلة ستؤدى إلى استغلال بعض القوى السياسية للموقف الحالى تمهيداً لاقتناص البرلمان بعد ثلاثة شهور وسيغيب عن الساحة اصحاب الثورة ، فثلاثة شهور ليست كافية لتكوين أحزاب قوية تستطيع خوض الانتخابات البرلمانية ، وبذلك فإن التعديلات لم تحقق أمل الامة

محمود المصرى said...

بسم الله الرحمن الرحيم

يبدو ان هناك سوء فهم لدى كثيرين وانا اعذرهم فيه بسبب قلة المعلومات
الاستفتاء بنعم لن يعيد دستور 71 للعمل خلاص دستور71 فى التلاجة , لكن سيتم اخذ المواد فى حال اقرارها ووضعها فى اطار اعلان دستورى جديد يصدر عن القوات المسلحة .
يبقى مش عاوزين حد يكلمنا فى صلاحيات الرئيس ولا المادة 190 ولا عشرومية وعشرين .
ياريت الناس تراجع مواقفها فى اطار هذه المعلومات

Unknown said...

كلام مقنع جدااا
وفعلا ناس كتير عالفيس واضح من كلامهم انهم رايحين يقولو لا علشان الاخوان حيقولو نعم وخلاص

Anonymous said...

التصويت بنعم,لترقيعات دستور مبارك,سيؤدى أهم خدمة,لمراكز الردة على الثورة,وسينزع من الثورة,أعظم إنجازاتها,ألا وهو,روحها النقية.أى أساس,لأى بناء,إن اختلط بفساد,فالإنهيار محتم.هل نقبل بهذا,بعد أن قدمنا للعالم,وللتاريخ,واحدة من أعظم ثورات الشعوب,من أجل الحرية والعدالة ؟! د.شريف عبد الحكم

Eng.Tamer said...

نوارة نقطة الخلاف بينا مش امتى هيجى دستور جديد ... و لكن نقطة الخلاف فى الكيفية
لو انا صوتت بنعم هتكون النتيجة هى
1- نصف مجلس الشعب هيكون عمال و فلاحين حتى لو انا اخترتهم ...برضه عمال و فلاحين يعنى فى الغالب هيكونوا بحد اقصى تعليم متوسط ... هل اللى هيحطلى دستور اعيش بيه اللى فاضل من عمرى ناس نصهم تعليمهم متوسط ؟؟

2- تانى مشكلة ان لو قلت نعم بعد ما ينتخب مجلس شعب و مجلس شورى و يتعمل دستور جديد كل دول هيتم اسقاطهم بفعل الدستور الجديد تلقائيا و هيبقى لازم اعمل انتخابات مجلس شعب (( و شورى لو فضل )) و كمان انتخابات رئاسية (( او هيتم تعيين الرئيس بواسطة البرلمان لو الدستور قال ان مصر برلمانية ))

طيب ودنك منين يا جحا ... انا هكسب ايه لما اعمل 7 انتخابات فين حين انا اقدر اعمل 3 بس ... ده انتخابات مجلس الشعب لوحدها بتهد البلد ... عايزنى اعمل 7 انتخابات فى سنة و نص او سنتين

ده بالظبط كأنك بتاخد طريق راس الرجاء الصالح و انت عندك قناة السويس موجودة و حلوة و زى الفل

mahmoued abdulsattar bayomi said...

طالما ان الاخوان هيقولوا نعم فانا كمان هقول نعم اية دة يانوارة شوفتي عبود الزمر دا الراجل دة الاعلام مصورة لينا علي انة الخليفة السادس والله انا حاسس كدة ان الاخوان هما الا هيمسكوا كل شيئ في مصر وطبعا ليهم حق لانهم هم من قاد مصر الي هذا التغيير وعشان كدة انا هقول نعم وتحيا كونداليزارايس صاحبة الفوضي الخلاقة

Ibrahim said...

أنا عايز بس اقول معلومة

تعرفوا إن دول أوربا الشرقية بعد الإنتقال من الديكتاتورية للديمقراطية

معظمها لم يحل الحزب الشيوعي ،، يعني لسه شغال بنفس الاسم

و بعضهم غير اسمه فقط

و اللي بيحصل بس إنهم بيحاسبوهم عن ما فعلوا بالشعب ،،

طبعا يا جماعة أنا مبحبش الحزب الوطني و الحمد لله عمر ما كان ليا علاقة بيه

بس حاسس فعلا إن فيه ناس بتلعب بينا

ثانيا ،، يعني أيه حزب وطني ؟؟؟

طب عايز حد يقولي أيه أفكاره أو ايه برنامجه ؟؟؟

الحزب الوطني استحالة ينتهي لأنه جماعة مصالح ،،، مش حزب سياسي ليه فكر بالمعني المعروف

يبقي نكبر دماغنا منه ،، و نحاول نحط إجراءات

تمنع استغلال المال في السياسة (( اعتقد فيه قانون بالمعني ده )) ،، تمنع استغلال العصبيات القبلية (( زي فكرة القائمة النسبية )) ،، تمنع الفساد (( تفعيل دولة القانون و الجهات الرقابية و الإعلام الشفاف ))

ساعتها هيكون العمل السياسي حمل ثقيل و ليس سبوبه

و يعني لو حتي أصحاب المصالح دوول وصلوا للبرلمان ،، هيكون كل هدفهم إنهم يرضوا الشعب عشان ينتخبهم تاني

خلاااص ،،، ايه المشكلة المهم ميكونوش حرامية

بس الواضح جدا إن فيه ناس مبسوطة كده و مش عايزه انتخابات و يقعدوا يقرفوا في المجلس العسكري و مجلس الوزراء

بدل انتخابات و ديمقراطية و قرف ممكن تهمشهم

Omar said...

لماذا لايعتبر المجلس العسكري المواد التى سيتم الاستفتاء عليه بأنها بيان دستورى محدود يتم من خلاله تنظيم الانتخابات البرلمانيه والرئاسيه القادمه ويكون التصويت على هذه المواد فقط دون أن يكون معناه الموافقه على باقى مواد دستور 1971 بما فيها صلاحيات الرئيس الغير موجود أصلا وبذلك سنقول جميعا نعم ويأتى مجلس الشعب والشورى بعد ذلك ليؤسس لجنه دستوريه تحدد صلاحيات الرئيس الذى سينتخب بما يرتضيه الشعب أى يأتى الرئيس وقد حددت مهامه سلفا اذا كان مقصدنا جميعا هو مصلحة الوطن. من أدرانى أن عمر سليمان أو شفيق لن يكون رئيس الجمهوريه القادم وخصوصا بعد تغيير اسم أمن الدوله. صحيح انى ممكن أطعن على الانتحابات البرلمانيه لكن مافيش آليه تمكن أيا من من الطعن بالتزوير على الانتخابت الرئاسيه وساعتها لن نلوم الا أنفسنا تقدري تقولى لى ساعتها هاتقدري تعملى أيه مش هاتقدرى تحشدى معك 1000 فى مظاهره.

Unknown said...

نوارة انا فلوووول... ههههه... وطبعاً باستقبل جميع النظرات اللي من الآخر "يا فلول يا بتاعة الاستقرار" بس عادي ..لو طلع الأغلبية لأ أكيد هحترم رأي الأغلبية، وعموماً انا كل ما تحاصرني أمواج لأ اجي عندك هنا أخد نفسي وأطمن ان في ناس غيري مقتنعة بنعم وهما مش وطني ولا إخوان...
نوارة ..هو ليه اللي بيقولوا نعم معندهمش مشكلة مع اللي بيقولا لأ.. واللي بيقولوا لأ بيبصوا للي بيقولوا نعم علي انهم إما خونة أو أغبية...!!!!

Unknown said...

نوارة انا فلوووول... ههههه... وطبعاً باستقبل جميع النظرات اللي من الآخر "يا فلول يا بتاعة الاستقرار" بس عادي ..لو طلع الأغلبية لأ أكيد هحترم رأي الأغلبية، وعموماً انا كل ما تحاصرني أمواج لأ اجي عندك هنا أخد نفسي وأطمن ان في ناس غيري مقتنعة بنعم وهما مش وطني ولا إخوان...
نوارة ..هو ليه اللي بيقولوا نعم معندهمش مشكلة مع اللي بيقولا لأ.. واللي بيقولوا لأ بيبصوا للي بيقولوا نعم علي انهم إما خونة أو أغبية...!!!!

Unknown said...

نوارة انا فلوووول... ههههه... وطبعاً باستقبل جميع النظرات اللي من الآخر "يا فلول يا بتاعة الاستقرار" بس عادي ..لو طلع الأغلبية لأ أكيد هحترم رأي الأغلبية، وعموماً انا كل ما تحاصرني أمواج لأ اجي عندك هنا أخد نفسي وأطمن ان في ناس غيري مقتنعة بنعم وهما مش وطني ولا إخوان...
نوارة ..هو ليه اللي بيقولوا نعم معندهمش مشكلة مع اللي بيقولا لأ.. واللي بيقولوا لأ بيبصوا للي بيقولوا نعم علي انهم إما خونة أو أغبية...!!!!

Anonymous said...
This comment has been removed by the author.
Unknown said...

دلوأتي الفزاعه بتاعتكم الجيش

خلاص قول نعم دلوأتي بس على فكره مش هتقدر تقول لأ بكره

ليه إلي يخليك تقول نعم أنهرده هيخليك تقول برده نعم بكره مع أختلاف القوى هو أمن الدوله احكامه مكنتش عرفيه ولا إيه ولا أحكام الجيش علشان بتطلع في التلفزيون بتبقى عرفيه وأحكام امن الدوله بتبقى مستخبيه

الظاهر عليك نسيت المعتقل ونسيتوا يعني إيه سجن مفتوح المده على الأقل في السجن الحربي عارفين مكانك فين إنما في سجن أمن الدوله لا مؤأخذه معمول فيه ترب يعني مقبره ومحدش يعرف مكانك فين اصلا

وكان كل ده بأوامر من الرئيس وبعلم منه

وأحب أفكرك أن لسه في معتقلين في أمن الدوله لحد النهرده مخرجوش ولا أهلهم يعرفوا عنهم حاجه

وعلى العموم السلطات زي ماهي لم يتم تقليصها وكل إلي شفناه كلام بس

وخليكوا فاكرين انتوا هتنتخبوا رئيس جمهوريه من خلاله " الدستور المترقع" وكمان مجلس شعب وشورى من خلاله" الدستور المترقع" يعني حاجات عظيمة زي دي هيطلعها دستور زي ده


اسمحلي انا بقول لأ بإقتناع علشان عارف لأه ليه

بس إلي بيقول أه هما مين الإخوان رأئيهم بيترتب على رأي قائدهم يعني قائدهم لو قال لأه هيقولو له برده طبيعي يعني الحزب الوطني رأيه بيترتب على رأي مين على رأي قائد برده

أنما رأي إلي بيقول لأه بيترتب على رأي مين على رأي إنه بيعارض وخلاص لأ طبعا أسأل وأنته هتلاقي الرد إلي يقنعك فعلا هما قالوا لأه ليه هتلاقي معظمهم فاهم

لا بيتحجج بجيش ولا أحكام عرفيه ولا الكلام ده ولا بعدوا صهيوني ولا بالقذافي ولا بالسوداني


ومعذرة أنا بقول لأ بإقتناع من داخلي وبدون تردد

علشان مش عايز أرجع لعيشة الذل تاني واكون سبب في رجوعي ليها تاني

ده رأي

لالالالالالالالالالالالالالالالالالالالالالالالالالالالالالالالالالا

O S A M A said...

بعد اعلان كامل الحترام والتقدير للأستاذة نوارة وانا متأكد اننا جميعا نريد صالح هذا الوطن مهما اختلفنا
فهذا اللينك فيه سبب اعتراضي على التعديلات
http://www.mediafire.com/?8p4haou6r97gd1m

ayman radwan said...

انا احترم رايك وطرحك للامور الذي يعبر عن عمل ديموقراطي حقيقي ويبشر بالمستقبل.
لكن ما يفعله الاخوان المسلمين من استخدام صريح للدين وبان قول نعم واجب شرعي واساس حملتهم التي تبني علي الشائعات من تخويف الناس من قول لاءه باي وسيله لايعبر ابدا عن ان الاخوان المسلمين يمكن ان يستئمتنو علي هذه البلد مع عدم وجود قواعد دستوريه تمنعهم من هذه الادعاءات السخيفه باسم الدين .

O S A M A said...

بعد اعلان كامل الحترام والتقدير للأستاذة نوارة وانا متأكد اننا جميعا نريد صالح هذا الوطن مهما اختلفنا
فهذا اللينك فيه سبب اعتراضي على التعديلات
http://www.mediafire.com/?8p4haou6r97gd1m
ولو تنشري وجهة النظر اللي بتقول لأ باقول لأ ليه هيكون ده حيادي جدا منك والامر راجعلك وشكرا

Unknown said...

Non, non et non aux modifications constitutionnelles du 19 mars 2011

سوف أقول لا للتعديلات الدستورية الخايبة دى

سوف أقول (لا) فى الاستفتاء على التعديلات الدستورية لأنه لازم ناخد وقتنا لعمل أحزاب جديدة - واندماج بعض الأحزاب القديمة - وإزاحة باقى أركان النظام السابق التى مازالت تحكم مصر فى كل موقع فى البلد ومنها الجامعات والشركات والإعلام - وأرى أنه لايمكن انتخاب رئيس جديد إلا بعد وضع تعديلات دستورية جديدة - غير التى سوف يتم الاستفتاء عليها يوم السبت 19 مارس 2011 - تعديلات جديدة تزيل توحـّـش سلطات رئيس الجمهورية بالكامل وتنص على أن مصر يحكمها (نظام برلمانى) وليس (نظام رئاسى) - فـ (النظام البرلمانى) هو الضمان لعدم توليد فرعون جديد على مخ وفشة وكبد وقلب مصر - وكفاية كده بقى فراعنة فى البلد دى - الشعب ما عملش ثورة عشان يجى له فرعون جديد - والا عشان يحكمه الإخوان والا عشان يحكمه الحزب الوطنى من تانى - دول ودول ناس كدابيين عمرهم ما بيصدقوا فى كلمة بيقولوها - وإذا جاء هذا الاستفتاء بـ (نعم) فسوف يحكم البلطجية والإخوان والحزب الوطنى البلد دى من تانى - بعد يوم واحد من ظهور نتيجة الاستفتاء - وحايكونوا سمن على عسل مع بعضهم - وبمبارك ومن غيره ماهما طول عمرهم سمن على عسل - والا انتوا نسيتوا إن الأخوان قالوا قبل 25 يناير إنهم لن يشاركوا فى مظاهرات 25 يناير؟ - وعلى العموم أحسن أنهم مشاركوش فيها عشان ما يقولوش فى يوم من الأيام إن هما إللى عملوا الثورة دى فى مصر - - - وأنا مش فاهم إحنا مستعجلين على انتخابات مجلس شعب بمناسبة إيه بالظبط ؟ مجلس شعب بـ %50 عمال وفلاحين؟ - بالذمة ده حايبقى مجلس شعب بجد ده والا حايكون مجلس أنس برضه - بس من غير تزوير فتحى سرور - وحايلاقوا واحد تانى يزور بداله ؟ مش حا يغلبوا - ده رأيى - وكل واحد معاق من عرقوبه - وعلى العموم أن شابف النتيجة من دلوقت إناه حا تكون بـ (نعم) عشان الشعب عمره مادخل استفتاء وقال عليه (لأ) - والظاهرات غير الاستفتاء - ممكن فى المظاهرات يقول لأ - لكنه فى الاستفتاء حايقول نعم - ومحدش يقول لى ليه - فالسبب واضح جداً وهى أمية هذا الشعب - فهو يقد ر يتكلم لكنه مابيعرفش يقرأ - وإذا كانت النتيحة بـ (لا) فسوف يكون المعنى هو إن إحنا إللى منا بنعرفش نقرأ - مش الشعب - عموماً حانشوف - لكن أنا باأقول بأعلى صوتى :

لا للتعديلات الدستورية الخايبة دى

Unknown said...

أنا كتبت مقال على مدونتى لو حابة تبصى عليه

عنوانه
‫نعم لـ"نعم" و لا لـ"لا"
http://5olio-speak.blogspot.com/2011/03/blog-post.html

Unknown said...

العزيزة نوارة

كتاباتك ومقابلاتك قبل واثناء الثورة رائعة

لكن لاحظي انة لم يتم الاستجابة لمطالب الشعب المصري بتغيير النظام واختيار مجلس رئاسي مدني لادارة البلاد والغاء الدستور وجل حقيقي لامن الدولة ومحاسبة اركانة
شكواك دائمة ومحقة من استمرار الاعتقالات والاهانات والمجاكمات العسكرية للثوار
وعديد من المواضيع الجوهرية الغير محلولة والتي يرفض المجلس العسكري الاستجابة لها
مثل محاسبة اللصوص فى رأس النظام وقادة الحزب الوطني

يقول الثائر الكبير جيفارا ان نصف الثورة هو انتحار
وللاسف فى مصر ما زلنا فى مرحلة اقلمن نصف ثورة

يذهبون الان لاستفتاء ترقيع الدستور
فلول الحزب الوطني تؤيد ذلك
الاخوان - للاسف - يؤيدون ذلك اعتقادا منهم ان هذة فرصتهم وهم واهمون وانتهازيتهم لم تعلمهم دروس الغدر بهم واقصائهم كما حصل مرارا فى مصر وغير مصر
موقفك من الاستفتاء والموافقة علية غير منسجم مع سياق مواقفك الاخرى
ان ابقاء الدستور - حتى بعد ترقيعة - هو ما سيشرع ويؤسس لدكتاتورية جديدة وديكتاتور جديد بغض النظر عن اسمة، سواء كان عمرو موسى اوالبرادعي او حتي الوطني والقومي والمصري الحقيقي حمدين صباحي

أقول لك وبكل محبة انك مخطئة فى دعم ترقيع دستور السادات ومبارك

مش فاهمه said...

مش عارفه نظره ساذجه قوى و ثقه غير مبررة فى الأخوان و استهتار باذناب الحزب الوطنى فى القرى و المحافظات مش عارفه مين بيضحك على مين ثورة يعنى ثورة و يحيى الجمل و عصام شرف كما لو كانوا بيقولوا لنا ماتقلقوش قولوا لأ و احنا معاكم علشان كده حأقول نعم و مش حأثق فى حد تانى مش حأثق غير فى الحاله اللى احنا فيها دى احنا فى ثورة و زى ما قولتى يا نوارة قبل كده ان ترك الميدان كان خطا و رجعتى فى رأيك ياريت تتراجعى دلوقتى لأن كثيرين بيثقوا فيكى

مش فاهمه said...

انا خايفه تكونى اتأثرتى بكلام الشيخ الشعراوى رحمه الله اللى بيتكرر دلوقتى من كتر ما بيتكرر على قناة الحياة اوعى يا نوارة بجد تكونى افتكرتى اننا قضينا خلاص على الفساد ولاز م نحط الظالم و المظلوم الأتنين على رجلينا و نترك الثورة و نتفرغ علشان نبنى الأمجاد حأزعل قوى

nosseir said...

الجنين فى بطن مامتة بيقول لالالالالالالالالالالا

Unknown said...

كلام مية مية

يقول أنى امرأة said...

نوارة عايزة اسالك راى بلال فضل و المستشار البسطويسى ايه و ابوس ايدك ترضى عليا عشان انا عمرى ما سالتك حاجه و عبرتينى .. ثانيا لو قلنا نعم كدة البرادعى مش هيتقدم للرئاسه انا مش عارفه موقف المستشار البسطويسى يبقى قدمنا مين بعد كدة ايمن نور و عمرو موسى و شفيق و مرتضى منصور و غطينى وصوتى ... والله لوالبسطويسى رائيه انه هيتقدم للترشيح ع التعديلات دى يبقى نعم لكن لو لقينا نفسنا فى مواجهه الاسماء التانيه يبقى لا و الف لا .... اخيرا بقى يا ريت الله يسترك تفهمى الناس ان الاخوان مش بالغباء انهم يعلقو يفط مكتوب فيها ان قول نعم واجب شرعى الاخوان دول مش بشتغلو عردحلجيه دول ناس عندهم مخ و مثقفين و الله

بوبو said...

طيب انا عندي سؤال قد يكون غبي بس لازم اساله: لو انا قلت نعم وناس كتير قالت نعم ايه اللي هيلزم الاخوان انهم ميترشحوش غير بنسبة 35% زي ما المقال بيقول؟ بيتهيالي مفيش حاجة تلزمهم.. يعني هما هيعملوا لمصلحتهم وبس.. طيب مش دا هيخليهم هما والحزب الوطني اللي يحطوا الدستور الجديد؟ طيب ما هي دي مصيبة.. ولا انا فاهمة غلط؟ يا ريت حد يجاوبني على السؤال دا عشان انا كنت ناوية اقول نعم بس جوزي خلاني قلقت من جديد

hossam said...

اللى يخلينا نستحمل الجيش لغاية ما يعمل انتخابات رئاسة وشعب وشورى يخلينا نستحمل كمان شهرين ثلاثة لعمل دستور جديد

hossam said...

اللى بيقول اصل ده قرار المجلس العسكرى ومش ادامنا اختيار اقول له من امتى احنا بنعتمد على المجلس العسكرى انه ياخد المبادرة احنا اتعودنا نضغط عليه بقوة والحاح حتى ينفذ مطالبنا كما حدث فى موضوع اقالة شفيق

hossam said...

وكمان الحل بتاع تفعيل دستور 1971 الاصلى يعنى بدون التعديلات اللى عملها السادات ومبارك والعمل به كدستور مؤقت هذا الاقتراح لن يطيل فترة الحكم العسكرى ولا حاجة

hossam said...

وكمان الحل بتاع تفعيل دستور 1971 الاصلى يعنى بدون التعديلات اللى عملها السادات ومبارك والعمل به كدستور مؤقت هذا الاقتراح لن يطيل فترة الحكم العسكرى ولا حاجة

Anonymous said...

يا ريت تكون من مطالب الثورة كمان حل الحزب الواطي و جميع الاحزاب الكرتونية و اللي كانت بتستفيد و تفيد في الفساد السياسي و الاجتماعي و المادي كمان قبل 25 يناير و منع اعضاؤهم من الترشح لاي انتخابات مقبلة لاي عضوية ولو حتي عضوية شيخ بلد او حارة لمدة لا تقل عن عشرة اعوام علي الاقل و تغليظ العقوبة لمن يتلاعب او يتمسخر بالشعب و يرشح نفسه بالاشغال الشاقة و مصادرة امواله و كفاية اكتر من تلاتين سنة قاعدين علي الكراسي يقولوا ايوه و عاضر و نعم لاي تشريع او قرار غير قانوني ليس في مصلحة الشعب المصري بل و احيانا في مصلحة اسرائيل و يمتصون دماء الشعب و يستغلون عضويتهم في الكسب غير المشروع يعني لسرقة مصر و المصريين و كلهم اما فاز بالتزوير و الارهاب و الرشوة او بالتعيين من زعيم العصابة لضمان اعطاؤه فروض الطاعة
و الموافقة العمياء علي اي شئ يريده هو او حزبة او الدلوعة ابنه
تونس سبقتنا و حلت الحزب الفاسد عندهم ............ لحد امتي تظل تونس تغلبنا و تسبقنا؟ يا خوفي ليطلعوا القمر قبلنا كمان

Unknown said...

مصر هي أغنى بلاد العالم بكل الموارد الطبيعية و البشرية ، مصر هي اللي انقذت العالم من السنوات العجاف بتنظيم سيدنا يوسف عليه السلام ، محتاجين كل حفيظ عليم مثله هو اللي يفرض وجوده أولا،،،،،،و و نوعيه الشهداء الأحياء اللي الحمد لله ثبت وجودهم و قاموا بالثورة لازم هم اللي يفرضوا وجودهم.

kooky kak said...

ليه نرضى بالقليل واحنا نقدر نخليهم يعملوا دستور جديد لو قلنا لا
ليه الاصرار الغريب للحزب الوطني على أنهم يحشدوا الناس عشان يقولوا نعم
ليه التعديلات دي هي نفسها اللي قال عليها حسني قبل ما نخلعه
الدكتور يحيى الجمل ومسئول من المجلس العسكري قالوا لو كانت النتيجة بلا سيتم تعطيل الدستور بالكامل وصياغة دستور جديد
لا للتعديلات من أجل دماء الشهداء التي لا ينبغي أن يكون ثمنها رخيص للدرجة دي

Unknown said...

نفرض و جودنا أولا و بسرعة؛عايزين ندخل لمرحلة قتل أي فتنة و وضوح الشرعية واتخاذ القرار من صوت شريف،،،، مصر هي أغنى بلاد العالم بكل الموارد الطبيعية و البشرية ، مصر هي اللي انقذت العالم من السنوات العجاف بتنظيم سيدنا يوسف عليه السلام ، محتاجين كل حفيظ عليم مثله هو اللي يفرض وجوده أولا،،،،،،و و نوعيه الشهداء الأحياء اللي الحمد لله ثبت وجودهم و قاموا بالثورة لازم هم اللي يفرضوا وجودهم.أرجوكم عايزين نعدي فترة الغليان لفترة أهدأ.

حاج محمد said...

ﻻ ﻻ ﻻ ﻻ ﻻ ﻻ ﻻ ﻻ ﻻ ﻻ
أنا مذهول منك يانوارة - وزعلان قوى إنك بتحضى الناس تقول نعم
دى تبقى غلطة كبيرة قوى
ليه بتتخلى عن مطلب أساسى للثورة؟؟؟؟؟؟؟؟؟؟؟؟؟؟؟؟؟؟
الدستور سقط - الثورة أسقطته
ليه عايزة تعدلى شئ مات وشبع موت؟؟؟؟

هانى السيد said...

نعم رغم انى لا اخوان ولا حزب وطني

Unknown said...

مقال جميل للأستاذ يوسف زيدان فى المصرى اليوم
http://www.almasryalyoum.com/node/354360

Anonymous said...

هو انا عندي كذا نقطة في تعليقي عالمقال و مش لاقي الصراحة أي اجابة و ده سببي اني هاقول لأ:
- انا مش فاهم ايه الكلام الفاضي ان لو قلنا لأ هنعد في حكم العسكر مدة أطول و مش هنعرف نطلع دستور محترم .. ايه الكلام الاهطل ده ..لتكونوا سدقتوا انكم كنتوا محكومين ولا مؤاخذة بدولة مدنية .. ما تفوقوا احنا بقى لنا 59 سنة محكومين بحكم العسكر من أول الرئيس مرورا بالمحافظين و رؤساء مجالس ادارة الشركات و اللي كان منهم مدنى كان قاعد على قلبه الأمن و هو طرطور ... خلاص حبكت أوي على سنة من ست شهور .. و الله عجايب
- الحاجة التانية ان التعديلات فيها اجحاف شديد جدا ان ما كنش تمييز عنصري ضد مصريين من لحمنا و دمنا لمجرد انهم متمتعين بجنسية أجنبية كفلهم الدستور الحق فيها و نيجي دلوقتي نعايرهم و ناسيينان عددهم حوالي 8 مليون لا يقلوا وطنية عن مصريين الداخل و دمهم حامي يمكن أكتر من الصعايدة و فيهم أكتر من 850000 من حملة الدكتوراه و الماجيستير و الدراسات العليا و نيجي نقوله لا ماتصوتوش ولا ليكم حق في الترشح للرئاسة عشان نقاء العنصر المصري... عار عالمصريين انهم يتحججوا بنقاء العنصر و الكلام المقرف ده ..دا آخر واحد اتكلم عن فكرة نقاء العنصر بالصورة الفجة دى هو هتلر الله يحرقوا
-ايه سياسة التخوين ان اللي هيقول لأ هيخرب البلد و هيضيع الاستقرار و يدمر الاقتصاد و ندخل في نفق مظلم مع ان سواء نتيجة الاستفتاء طلعت نعم أو لا النتيجة واحدة بس لا هتوصل رسالة شديدة اللهجة للمجلس العسكري مفادها : اتعدلوا و بلاش تتعوجوا شغلكوا ما بقاش مظبوط .. المفروض كل خطوة المجلس ياخدها تزود الاجماع الوطني مش تفرق و تشتت الناس و الكلام ده مش جايبه من عندي.. ارجعوا لحوار هيكل
- ايه التفاؤل الشديد ده بالبرلمان اللي جاي و كأنه المنقذ مع ان ولا واحد مننا بيشم على ضهر ايده و عارف كويس أوي ان المجلش الجاي بطيخة : يا تطلع حمرا يا تطلع قرعة و بلاش مآوحة ما حدش فعلا عارف بأي حال من الأحوال شكل المجلس يبقى ليه نجازف بالثورة عشان نحط رقبتنا تحت رحمة مجلس بطيخة؟؟
- ايه الغموض ده سواء قلنا نعم أو لا محدش راضي يقول بوضوح هيتم احياء الدستور الساقط ولا لأ ولا المواد اللي لو اتوافق عليها و يارب يا رب ما يتوافقش ها تتحط في اعلان دستوري .. وهوا في أصلا اعلان دستوري ولا لأ و النشطاء السياسيين و اللي اتحكم عليهم ظلم ليه ما طلعوش .. هو احنا هانبدأها غباوة من الأول ولا ايه؟؟
- ثم ان مش عاجبني خالص طريقة الاخوان والسلفيين غيرهم في طريقة تسويقهم للناس بضرورة الموافقة عالتعديلات بطريقة رخيصة و مقرفة و كأن اللي هايقول لأ كافر و زنديق و خائن واللي هايقول أيوة ربنا هيدخلوا الجنة وهياخد صك الغفران ..ايه التهريج ده؟؟
- طبعا الحزب الواطي أعلن موافقته عالتعديلات وطالما وافق يبقى أكيد في ان والتعديلات فيها خير ليه و أكيد هابيقى فيها شر لينا والله أعلم هما بيخططو لسة لايه ؟.. هما ما بيتهدوش بقى!!
- يتفضل حاجة أنا عايز أعرفها و الصراحة مش عارف أي اجابة ليها خالص و يا ريت يا نوارة تحاولى تجاوبيني عليها و هي مين اللي هيمسك رئاسة اللجنة القضائية العليا اللي هاتشرف على انتخابات الرياسة .. في طراطيش كلام عالمدونات انه هايكون ممدوح مرعي ؟؟ أنا مشعارف ازاي هو مش المفروض اللي هايمسكها يكون رئيس المحكمة الدستورية؟؟ و الله ما عارف بس يا ريت تقوليلنا ميييين اللي هيمسكها أحسن دي تبقى خيبة تقيلة لو مسكها الزفت ده؟؟
كفاية كدة ولو في أي كومنت تاني هاكتبه بس بليز ما تنسيش تردى على حتة ممدوح مرعي

أرنوب said...

الإخوان سيترشحوا بـ حوالي 35 % مثلما فعلت النهضة التونسية ـ لان مصلحتهم عدم المنافسة على اغلبيه الآن
أيوه .. إسم الله عليك .. (الأن) حط بأه خمستلاف خط تحت كلمة (الأن) دي .. ماذا عندما تنتهي هذه (الأن) ونوصل لما بعدها ؟ ماذا لو كان ما بعدها هو حكم أبدي للإخوان بعد ما يوصلوا للسلطة ويلغوا الدستور لأنه (علماني كافر) لو لسه مش واخد بالك ؟ عندك ضمان إن ده ما يحصلش يا أمور ؟

Unknown said...

صلاحيات الرئيس التي لم تعدل

مادة(112): لرئيس الجمهورية حق إصدار القوانين أو الاعتراض عليها

مادة(122): يعين الرئيس قواعد منح المرتبات والمعاشات والتعويضات والإعانات والمكافآت التى تتقرر على خزانة الدولة.

مادة(123): يحدد الرئيس القواعد والإجراءات الخاصة بمنح الالتزامات المتعلقة باستغلال موارد الثروة الطبيعية والمرافق العامة، كما يبين أحوال التصرف بالمجان فى العقارات المملوكة للدولة والنزول عن أموالها المنقولة والقواعد والإجراءات المنظمة لذلك.

مادة(141): يعين رئيس الجمهورية رئيس مجلس الوزراء ويعفيه من منصبه ويكون تعيين نواب رئيس مجلس الوزراء والوزراء ونوابهم وإعفاؤهم من مناصبهم بقرار من رئيس الجمهورية.

مادة(142): لرئيس الجمهورية حق دعوة مجلس الوزراء للإنعقاد وحضور جلساته وتكون له رئاسة الجلسات التى يحضرها

مادة(143): يعين رئيس الجمهورية الموظفين المدنيين والعسكريين والممثلين السياسيين، ويعزلهم على الوجه المبين فى القانون.
كما يعتمد ممثلى الدول الأجنبية السياسيين.

مادة(144): يصدر رئيس الجمهورية اللوائح اللازمة لتنفيذ القوانين، بما ليس فيه تعديل أو تعطيل لها أو إعفاء من تنفيذها، وله أن يفوض غيره فى إصدارها ويجوز أن يعين القانون من يصدر القرارات اللازمة لتنفيذه.

مادة(145): يصدر رئيس الجمهورية لوائح الضبط.

مادة(146): يصدر رئيس الجمهورية القرارات اللازمة لإنشاء وتنظيم المرافق والمصالح العامة.

مادة(149): لرئيس الجمهورية حق العفو عن العقوبة أو تخفيفها.

مادة(150): رئيس الجمهورية هو القائد الأعلى للقوات المسلحة وهو الذى يعلن الحرب

مادة(182): ينشأ مجلس يسمى (مجلس الدفاع الوطنى) ويتولى رئيس الجمهورية
رئاسته ويختص بالنظر فى الشئون الخاصة بوسائل تأمين البلاد، وسسلامتها

مادة(184): الشرطة هيئة مدنية نظامية، رئيسها الأعلى رئيس الجمهورية