Friday, 18 March 2011

يا مسلمين ويا مسيحيين يا مصريين ويا عرب.. مافيش حاجة بتنفعنا غير قولة يا رب

تحديث:
وادعوا للسوريين.. سوريا ولعت هي راخرة
====
كلنا نصلي وندعي
ندعي لثوار ليبيا واليمن والبحرين ربنا ينصرهم ويقصم الظالمين
وندعي ربنا بكرة يعدي اليوم على خير، ويكفينا شر الفتن والفتانين، وشر الدسائس والمدسوسين، ويخير لنا ويختار لنا، ويتمم علينا النصر ويكمل ستره علينا
الليبيين زعلانين منا عشان ما اتدخلناش وساعدناهم
:'(
يا رب والنبي يارب
مالناش غير ربنا كلنا
قولوا يا رب

34 comments:

TheSane said...

متنسيش سوريا :)

محمد عبد الرحمن said...

امين .. بس بلاش تحلفينا بالنبى تانى الله يكرمك

assour said...

أنا خالتي اتجوزت هناك و ولادها الخمسة في بنيغازي، هم هم مقدرين اننا مش أحرار انفسنا و المؤسف ان مصر مغلولة اليد من زمان. ياااااا رب

dr said...

يا رب انصرهم يا رب بس هما ليه زعلانين مش الجيش اداهم اسلحه و لا ديه اشتغاله و لا ايه و النبي حد يرد عليا انا مش فاهمه حاجه

bahaa said...

امين يارب

Dania said...

السؤال ليش العرب بشترو الاسلحة بالمليارت وكل مرة لما نوقع في مشكلة بنجري لمجلس الذئاب ؟
شو كان صار لو العرب اتخذو قرار بمساعدة ليبيا ضد القذافي؟
واضح انو معظم الدول العربية تستخدم السلاح فقط ضد شعوبها.
خسارة انو الجامعة العربية بقيت مخلصة لسلبيتها و دولت قضية ليبيا

rahrom said...

اللهم عليك بكل طاى جبار اللهم زلزل الارض تحت اقدامهم واذلهم وسلط عليهم جنود الارض والسما ورد كيدهم فى نحورهم اللهم اقصمهم كما قصمت الجبارين من عبادك واجعلهم عبرةواشدد وطاتك عليهم وانصر عبادك المؤمنين وامنهم فى اوطانهم واصلح احوالهم واستر عوراتهم اللهم انهم خائفون فامنهم مظلومون فانصرهم ثكلى فانزل سكينتك عليهم وهئ لهم امر رشد يعز فيه اهل طاعتك ويذل فيه اهل معصيتك اللهم آميين

masry said...

MaLek X Moustafa
المجموعة دي, ومن اول بوست فيها بينص ع اننا ضد الدستور الحالي, اي كلام عن
قبول التعديلات, غير مرحب به هنا..

هو ده الجروب اللى انتى دعيتينا اننا ندخله من اجل ثورة كاملة وده الاخ مالك المناضل التاريخى


بالله عليكى يفرق ايه عن مبارك وفكر مبارك

torero said...

ربنا موجود
يارب

masry said...

يا رب بنقولها من اول يوم وباذن الله ربنا ينصر الحق

z-sobky said...

اليمن وسوريا وليبيا طبعا مفهوم
انما اللى مش مفهوم البحرين
الحاله هناك مختلفه
اللى فى البحرين ناس ليس لديهم اى ولاء لبلدهم ولا لوطنهم..دول وهما بيتظاهرو بيرفعو صور الزعماء الايرانيين وبيرفعو علم ابران
دول ناس عايزين فتنه طائفيه واللى هما بيعملوه مش ثورة حقوق مشروعه

nehad_mhlba05 said...

مصر تبدأ تسليح الثوار الليبيين
http://www.aljazeera.net/NR/exeres/2F80B136-D59E-47FA-9344-A4146C8197BD.htm?GoogleStatID=9

إعادة التفكير said...

نوارة..يوجد مخاوف من بكره متعلقة بحاجتين : الاولى انتشار الاقلام الصينية فى الاسواق والتى تمسح بعد ساعتين من الكتابة بها وممكن تتملى اللجان بيها..الحاجة التانية تحصل خديعه فى التصويت بان مثلا يقولوا هل ترفض التعديلاتت فاللى كان مقرر يقول لا هيقول لا والعكس والعكس..مش عارف هل ده بسبب ازمة انعدام الثقة اللى عملها النظام السابق ولا ايه..ربنا يستر ولازم نكون عندنا تصور لو الاجابة طلعت بنعم هنعمل ايه؟؟؟؟؟؟؟؟؟؟؟

مدونه ما كفايه بقى said...

ياااااااااااااا رب يا نوراه بس بلاش والنبى دى :)

أنتى هتقولى نعم مش كده؟ أنا هقول نعم زيك لأنى بثق فيكى

شوفتى صور القالى فى اليمن النهارده على الجزيره أى نعم الصور تقطع القلب بس برده يا بختهم على الأقل رايحين عالحنه دوغرى

عقبالى ياااااااااا رب

مش ناويه تيجى تنورينى فى المدونه بقى؟ :)

ده هيبقى يوم عيد يوم ما تدخلى مدونتى بجد والله

تحياتى لكى وللشاعر يا قمر

mahmoud said...

يارب ينصر كل العرب بس بلاش والنبى الله يخليكى

hardway said...

يا أرق نــــــــوارة في تاريخ مصر الحديث
معقــــــــول الاستفتاء الغريب بتاع مدونتك
36% نـعم
60% لا
انت لسه بتحلمي..............عايزة تتقرصي برضه
نتيجة الاستفتاء
نـــــــــــــــــــعـــــــــــم

wutever said...

يا رب يا نوارة

قارئة said...

هو مش وقته أبدا وعارفة أنك مشغولة جدا بس في حاجة مش لاقية حد أقولهاله غيرك وقلبي واجعني. تصدقي يا نوارة في ناس كويسين و بحبهم ومتأكدة أنهم كانوا في الثورةوبيدافعوا عنها وكمان مش أخوان لكن مش عمالبن يشيطنوا الاخوان... وعندهم سعة أفق وكدة...لما جت عند البحرين قالوا لأ المسألة فيها ايران و بعدين البحرين سنية أصلا لكن الشيعة خلفوا كتير... مش فاهمةومتغاظةلأن الناس دي عمالة تتقتل وتتدبح ولا حد سائل عنهم. ده من أيه ده؟ وليه كده؟ والتفكير ده مش مؤشر خطر لو له شعبية في مصر؟ نورينا نور طريقك ربنا لو كان عندك وقت.

Sabertooth said...

Maraseely T. Zakzouk · American University in Cairo
سيناريو بسيط للى هيحصل لو وفقنا على التعديلات.
بعدأن افتى الاخوان و السلفيون بأن هذه التعديلات ترضى الله و رسوله.
1- اعلان موافقة الشعب على التعديلات.
2- انتخابات مجلس الشعب تسفر عن اغلبية مستقلين بالاضافة لكتلة فى حدود الخمس للاخوان المسلمين التى سينجذب اليها معظم النواب كما كان يحدث مع الحزب الوطنى.
3 - انتخاب رئيس للجمهورية.
4 - تكوين لجنة لوضع دستور جديد من مجلس الشعب الذى يسيطر عليه الاخوان.
5 - حدوث تنازع شديد بين مجلس الشعب و رئيس الجمهورية على سلطات كل منهما فى الدستور الجديد رئيس الجمهورية يريده نظام رئاسى و الاخوان يريدونه برلمانى.
6 - اللجنة المشكلة من مجلس الشعب الذى يسيطر عليه الاخوان تعطى صلاحيات واسعة للبرلمان و تجعل من منصب الرئيس منصب شرفى.
7 - الرئيس يهدد مجلس الشعب بالحل اذا اقر هذا الدستور.
8 - انصار الرئيس يتظاهرون فى ميدان التحرير و فجأة يهجم عليهم انصار الاخوان المسلمون و معهم السلفيون و الحزب الوطنى بالسيوف و العصا و تحدث معارك طاحنة لان الاخون وقتها و من معهم يعتقدون انهم يجاهدون فى سبيل الله اولئك الكفار فى ميدان التحرير.
9 - الضحايا يتساقطون فى كل مكان من الشعب فى تلك المواجهات بين انصار المجلس و انصار الرئيس و الاقت...صاد ينهار و المصالح الحكومية تدمر.
10 - الجيش يتدخل لضبط الامور فيعذل الرئيس و يحل البرلمان.
11 - الاخوان يعلنون أن حل البرلمان مؤامرة من امريكا و اسرائيل و ان الاداة هو الجيش.
12 - الجيش يدخل فى مواجهات طاحنة مع الاخوان لانهم حسب اتقادهم مازالو فى جهادهم لرد الحكم المغتصب منهم.
13 - الجماعة الاسلامية و تنظيم الجهاد و السلفيون ينظمون للاخوان فى حربهم المقدسة..... و الباقى انتوا عارفينوا الخراب طبعا.
http://dostor.org/politics/egypt/11/march/17/38355
إيه رأيك في الكلام ده ؟؟؟

ryad.younis said...

طبعا يزعلوا .. واحنا كمان لازم نتكسف على طولنا .. ياخيبتنا
دولة 3 مليون ماسكهم عيل اهبل واحنا قاعدين نتفرج لحد ماجت أمريكا
مع ان مصر كانت اكتر دولة ممكن تتدخل عسكريا وعندنا مليون حجة والموضوع كان هيخلص فى ساعات
ربنا يتوب علينا من معرصين المجلس
ويرزقنا بواحد أشد من عم شرف الراجل الطيب أوووووى المحترم ده اللى لحد دلوقت مطلعش يقولنا رأيه فى الترقيعات

أنا مبتريقش علبه ولاحاجة بس البلد محتاجة دكر من الآخر .. يعنى صايع ويمشى كلامه عالمجلس العسكرى

ryad.younis said...

طبعا يزعلوا .. واحنا كمان لازم نتكسف على طولنا .. ياخيبتنا
دولة 3 مليون ماسكهم عيل اهبل واحنا قاعدين نتفرج لحد ماجت أمريكا
مع ان مصر كانت اكتر دولة ممكن تتدخل عسكريا وعندنا مليون حجة والموضوع كان هيخلص فى ساعات
ربنا يتوب علينا من معرصين المجلس
ويرزقنا بواحد أشد من عم شرف الراجل الطيب أوووووى المحترم ده اللى لحد دلوقت مطلعش يقولنا رأيه فى الترقيعات

أنا مبتريقش علبه ولاحاجة بس البلد محتاجة دكر من الآخر .. يعنى صايع ويمشى كلامه عالمجلس العسكرى

محمد طنطاوي said...

ربنا يسمع منك يا نواره ومن حق الليبيين يزعلوا لكن نعمل إيه فى جيشنا وحكومتنا

بساطه said...

قطع قلبي الليبيين وهما بيستجيروا بثوار مصر ... وبزعل من الي يقول .. واحنا نقصينهم .. طب على فكره نقصينهم .. والي بيحصل في الوطن العربي بغض النظر عن البحرين لاني مش فاهمهم مصلحه لينا كلنا .. وعلى فكره السوريين فيهم ناس بتحب بشار معأنهم مهربين عيالهم بره سوريا بسبب ابوه ومبيدخلوش سوريا لحد النهارده بسببه.. شبه ناس عندنا زعلوا عالمخفي وعاشقين العبوديه ... لان امي سوريه وقريبي كتير منهم ممنوعين من دخول سوريا وبيطلب منهم مبالغ كبيره عشان يسمحولهم بدخول سوريا وفي الاخر يمنعوهم تاني .. ومع ذلك الوليه زعلانه عشان ابنها بيشتم بشار وهي جيه تزوروا في مصر يا في امريكا .. حاجه عجب

ana ga3an said...

يا نوارة
1000 مقاتل
من "حزب الله" وصلوا تباعاً إلى سورية خلال الأيام القليلة الماضية,
وهم او الغيث من اصل
5000 مقاتل
لمساندة حزب البعث السوري والحكومة
ضد اي مظاهرات
واقامتهم حالياً في معسكرات الحرس الجمهوري

lastcrazyboys said...

الموظفة في اللجنة عملت محضر عشان تثبت ان الورق وصل متـأخر

ولاحظت ان الصناديق جاية من غير شمع ولا اقفال ..فسألت الناس ..تشتغلوا على كده

الشيعب كله قااال : لع :)

نستنى لو لحد بكرة ..بس كله يتشمع

اللواء / هانى نوح said...

لجان التصويت تحتاج ضرورى إلى مصدر إضاءه بديل فى حالة انقطاع الكهرباء لأن الفرز سيتم ليلاً فى مقر اللجنة .. خوفاً من عبث الخفافيش

hardway said...

صــــباح نـــــــــعم
لأرق نــــــــــوارة
خـير لم تراجعي رسائلك علي المدونة الالكترونية حتي الان .....
لسه نايمة..ولا.........واقفة في اللجان من الفجر لذا لم تراجعي المدونة لتقرري نزول التعليقات من عدمه..........!!!!!!!!!!!
تأكدي ان نتيجة الاستفتاء هو أنعكاس لرقي وتحضر وتاريخ شعبنا العظيم ......و نأسف لعدم تلبية تطلعاتكم..في زمننا الحالي..
مازال امامكم وقت .....حتي تصبح تجربتكم في حيز التنفيذ.........
أصبروا..و صابروا ...
لكن معلهش بلاش ..بلال..وخالد يوسف..
والحاجات الغريبة دي
لا.تنسي.او تتناسي.....نتيجة الاستفتاء
نــــــعـــــــــــــــم

basbosa said...

يااااااااااارب

mutargim said...

Saturday, March 19, 2011
مش عيب

ياتعديلات الدساتير اللي فيها عيب

مش عيب عليكي ..خلقتي شق في صفي

رأيين خطأ بس مافي حيلة في التصويب

مش فرق ياما إذا كان الجواب يشفي

سلطتي سيف اختلافك طبعه فينا رهيب

جرحك نفذ شق شريان الحياة بكفي

Hany said...

انا غيرت رأيى ح اقول نعم.. ليه؟ انا لاقيت كلا الفريقين عندهم سيناريو اسود فى حالة نعم او لا والاتنين متساويين فى كده.. بس لاقيت فريق لا ، غير واضح قى الخطوات ولكن فريق نعم ،الخطوات واضحه
يبقى بعد استبعاد المغانم السياسيه والسناريوهات السودة او التخوينيه لكل من فريق نعم او لا, يبقى الاصلح للبلد وللثورة وده هو الاهم ان اقول نعم لان الخطوات اوضح

Hany said...

انا عايز اسأل بالنسبه لدول الخليج اللى فيها خلطه بيين السنه والشيعه.. هو مين اللى حط الحدود لكل دوله وعمل التقسيمه دى.. مش هما الانجليز...يعنى سابوا قنابل كامنه بين السنه والشيعه ومن خلالها يحصلوا على مصالحهم.. طب ليه بننجر للى هما رسمينه وندى لمشكله سياسيه بعد دينى.. معتقد الشيعه ربنا يحاسبهم عليه مش احنا و كذلك بالنسبه لمعتقد السنه.. يبقى فعلا كن عادلا تختفى كل الاحتجاجات

أبو هاجر said...

ست الكل يسعد صباحك
أمرك يا النوارة أقول معك يا رب
أما فيما يخص سوريا فقد كتب مقالا في 2001 عن الوضع السوري ،كان ذلك بعد صدور بيان المثقفين السوريين الذي يعرف ببيان 1000 مثقف. حاولت أن أكمل ما لم يقله بيان المثقفين السوريين. ويبدو أن ما قلته في تلك الفترة لازال صالحا كأداة تحليل، وربما فهما أيضا . ورغم توازن المقال إلا أن السفارة السورية ضاق صدرها وردت علي . صحيح الرد كان هادئا، لكنه كان ينطوي على الكثير من الخبث الشامي، كاد أن يسبب لي مشاكل أمنية .
أما فيما يخص الاستفتاء الذي تابعت معظم المناقشات، لقد تكوّن لدي انطباع آخر حول الموضع ألخصه في بعض الجمل ، تقول أن الثورة قضت على الفرعون الخارجي، لكن يجب أن تواصل زحفها حتى تقضي على الفرعون الذي يسكن الوجدان المصري . ورغم أن الثورة ،في إحدى جوانبها تأكيد وبعث الإرادة الإنسانية الحرة و المستقلة، إلا أن الكثير ظل خائفا من أشياء غير موجودة ، من أشباح . من يخاف من حزب لم يكن أصلا موجودا إلا بشكل صوري. فهذا لا يعكس قوة الحزب إنما يعكس عمق الخوف الذي يمتد إلى سبعة آلاف سنة.
أجمل التحيات وأصدقها للنوارة

واحد من الناس said...

مش عارف بس حاسس ان الكلام ده مش خير لان توقيع القاضي كافي في حالة عدم وجود ختم ولا النية على اختراع حاجات علشان لو التصويت مش على هواهم يعملوا ضجة وصوت عالي , يبدو ان شبابانا الليبرالي محتاج حد يعلمه احترام الاخر http://www.facebook.com/notes/%D8%A7%D8%A6%D8%AA%D9%84%D8%A7%D9%81-%D8%B4%D8%A8%D8%A7%D8%A8-%D8%AB%D9%88%D8%B1%D8%A9-%D8%A7%D9%84%D8%BA%D8%B6%D8%A8-%D8%AB%D9%88%D8%B1%D8%A9-%D9%A2%D9%A5-%D9%8A%D9%86%D8%A7%D9%8A%D8%B1/%D8%B5%D9%88%D8%AA%D9%83-%D9%85%D8%B3%D8%A6%D9%88%D9%84%D9%8A%D8%A9/117768268300322

امل said...

يااااااااااااارب .. يارب أنصرنا .. ثبتنا .. أجمع قلوبنا على الحق .. أعنا على أنفسنا .. وعلى أتمام هذا الأمر على خير ما يكون .. (اليمن )