Sunday 31 May 2009

نخلة لما تبقى تقع على ام نافوخك تفلقك نصين يا عادل

هو ده يا رب، هو ده يارب، طفاطيفو جاب لي صورته، وبيقول ان واقعة الاغتصاب دي مش مذكورة غير في الديلي تلجراف
ده بقى لنك لشهادات الضباط الامريكان قدام الكونجرس، عمالين يحكوا كوارث ويقولوا احنا اسفين، اسفين؟ يعني قتالين القتلا دول ح يسيبوهم؟ طب فيه واحد عمل عصيان عسكري وده كويس، فيه واحد تاني عمال يترعش وده خلاص ما بقاش نافع لكن الباقيين، ح يتسابوا من غير محاسبة بس عشان قالوا احنا اسفين؟ اه، يعني هي جات على دول، السيستم كله حقير، كمان افغانستان، هو ماحدش حاسس بيهم ليه؟ مش بني ادمين دول؟
عبده البرماوي بعت لي اللنك ده بيتكلم عن المقاولين، لا مش نادي المقاولين يا نبيه انت وهو، الكورة اكلت دماغكوا، اسمعوا
الخبر بيقول باللغتي العربتي الفسحاااااااااااااااااا
 الآتي بالمختصار يعني انا عارفة ان مالكوش خلق تقروا ده كله:
متعاقدو القطاع الخاص وابو غريب
يتم الآن التحقيق مع شركات مقاولات القطاع الخاص لضلوعهم في قضايا التعذيب في سجن ابو غريب. شركة سي ايه سي آي، وشركة تايتان. سي ايه سي اي قاولت على محقق، وشركة تايتان قاولت على اتنين مترجمين من ضمنهم مين؟ عادل نخلة الشاب المترجم المصري الامريكي اللي راح رفع راسنا واغتصب عيل عنده خماشر سنة. وهم كلهم على بعضهم اربعة فأط لا غير
ستيفين سيتفانويتش، جون اسرائيل، تورين نيلسون، والمقروص في وراكه عادل نخلة. كلهم كانوا بيشتغلوا في كتيبة المخابرات رقم ميتين وخمسة العسكرية. هلبت بقى سي ايه سي اي دي بتعمل اعلانات بتطلب فيهم مجموعة من المرضى النفسيين، اللي هم محققين عشان يروحوا اسم الله على مقامكوا افغانستان، والعراق وكسوفو وما اعرفش الاخرانية دي ايه دخلها.  وزالوكا العمود بتاع الاعلانات المبوبة وزائف خارية على الموئع بتاعها
هناهوت: لله واد مريض وابن **** وابن ***** عشان يكاونتر تيروريزم معانا
لا والاكادة بتطمن الناس المتقدمين الى انها بتعامل مستوظفينها احسن معاملة، وبتريحهم، (اه والله مكتوب كدهون ينفس ذات التعبير، بتكومفورتهم، لا مؤاخذة) وبيعملوا تحت "اشراف متوسط" يعني ما تخافوش، لا ح نخنقكوا ولا ح نقول لكوا جبتوا الاعترافات دي ازاي؟ بيني وبينك ربنا وهو شاهد عليك، تجيب لي اعترافات احبك، ولزمن ولا بد تلتزم بالتوب سكريتية
(اهو للي مش لاقي شغلانة، ح تروح تاكل وتشرب وتضرب وتغتصب وتاخد فلوس فيه احسن من كده؟)
ايه سر اللجوع للمعذب والمغتصب الخاص؟ لأن مؤخرا الجيش قلص عدد المعذبين والمغتصبين (الظاهر والله اعلم دماغهم لسعت وللا حاجة، بس انا قرايبي في امريكا بيقولوا ان المحاربين اللي جايين من العراق بيلفوا في الشوارع يشحتوا)
بس لا مش هو ده السبب انهم وفروهم، لانهم يتمنوا واحد مجنون، لكن هم وفروهم عشان مرتباتهم، اه، شفتوا النتانة؟
لا واسمع اللي جاية دي عشان انت بتحب الكلام ده
قالوا يوفروا مرتباتهم ويصنعوا بالفلوس دي اسلحة اكثر تطورا احسن، وبدل ما يبقى قاعد له كام واحد مهفوف على دكة الاحتياطي وبيدفع له مرتب وينكن يعمل مشاكل ولما يلاقي نفسه فاضي يغتصب زميله اللي قاعد جنبه
اهو يأجر واحد بالاغتصابة ولما يخلص شغله ياخد عرقه ويتكل على الله
وبرضه بدل ما يرجع لهم المقاتلين في الجيش مجانين او يفضحوهم زي الواد ده
طبعا فيه ناس مجانين اتقدمت للوظايف ومن ضمنهم اللي ينشك في جنابه رافع رايتنا سي عادل
عموما مش كل واحد اسمه عادل يبقى مصري، مش معاه جونسية امريكاوي؟ يبقى امريكاوي، انا ما اعرفوش يابني الراجل ده
طبعا الشركة طلعت بيان شبه الكلام اللي باقوله كده تقول فيه: لا ممكن ابدا تحملونا المسئولية، احنا يا عمي واسطة خير، قلتوا لنا هاتوا لنا محققين عملنا اوعلان واهي لقمة عيش يستنفع بيها الشيباب بدل مدة الايد وللا القعدة على القهوة
ايه بقى؟ مغسلين احنا وضامنين جنة؟ احنا عن نفسنا وفقنا اغتصابين في الحلال وادي اخرتها، وقال على رأي المثل، ما ينوب المعزز  الا تحقيق جنونه
انا ما اعرفوش يابني الراجل ده ايه اللي لما تقول له يا شفيق يرد؟ ما انشالله عنه ما رد
-----
احنا بقى عايزين صورة المضروب في مصارينه عشان نعمل لاهله فضيحة رباية السو اللي عرنا زيادة ما احنا معرورين
هو فيه ايه؟ هو احنا حد دعا علينا ساعة مغربية: روحوا، الهي تصبحوا على فضيحة وتتمسوا على جرسة ويشلحكوا دنيا وآخرة يا ولاد ازيس واوزوريس يا مقاطيع؟
عبده البرماوي قال لي الكلمتين دولم في الميل: 
 ده جزء من الفضيحة

المترجم المصرى عادل نخله اللى اسمه اتذكر متوظف عن طريق شركه اسمها تايتان

وأنا شاكك فى ضلوع طرف مصرى فى الحكيوه

بالذات ان فيه مترجم مصرى برضو اتقبض عليه بتهمة تهريب معلومات

أنا عارف ازاى المقاولين والشركات الامريكية بيشتغلوا من خلال شركات مصرية

عاوزه تبدأى حمله

سميها نحن نشعر بالعار

وطالبى بفتح تحقيق عن ضلوع شركات مصرية فى مد الاحتلال بالعمال سواقين ومترجمين وغيرهم

زى ما عملوا وجرسوا الشركات اللى اشتغلت مع صدام

فاكره الجلده واتهامه بالضلوع فى فساد مشروع النفط مقابل الغذاء

طب ليه نسكت عن ولاد الوسخه دول
--------------
انتهى كلام عبده البرماوي وح يدخل دوقت يمسح بيا البلاط، اولا: عشان قلت ان هو اللي باعت اللنك
 ثانيا عشان نشرت الميل بتاعه، بس اصله بيقول كلام واعر جوي، وانا واحدة على قدي، بصراحة مافهمتش هو بيقول ايه، اصل عبده ده انتوا ما تعرفهوش، اللهم صلي ع النبي متساف ومتنور ومتعلم ما شاء الله
حد بقى يقرا كلامه ويقول لي قصده ايه؟

مقال امي عن وثيقة تفكيك اسرائيل

انا قلت برضه ماحدش فيكوا ح يشتري المصور، عيال ندلة
خدوا المقال
هل نندم لأننا لم نستسلم فورا؟
بقلم صافي ناز كاظم
مغالطة تقب من حين لآخر يزعم أصحابها أن "الحكمة" كانت تقتضي أن يقبل العرب قرار الجمعية العامة للأمم المتحدة الصادر 29\11\1947 بتقسيم فلسطين إلى دولتين: فلسطينية ويهودية، وأن العرب برفضهم قرار التقسيم، المجحف، قد أضاعوا على أنفسهم الفرصة النادرة، التي تستحق الندم عليها حتى آخر العمر، وقد جدد الأستاذ صلاح منتصر الدعوة إلى مهرجان الندم هذا في عموده "مجرد رأي"، بجريدة الأهرام 20\5\2009 تحت عنوان "الدولة التي رفضناها" مشيدا بقيمة "الفرصة" التي "ضاعت" ومقرعا الذين "عن جهل وعدم خبرة وقدرة على قراءة الواقع والتغيرات العالمية رفضوا الدولة التي ضاقت وكشت وراحوا يبوسون الأيادي اليوم للحصول على أقل منها مساحة وسيادة وسكانا!" ، وقد ذكرنا حضرته بأن قرار 29\11\1947 قد أعطى عصابات الإرهاب الصهيوني 56 ونصف % من مساحة فلسطين وأبقى للفلسطينيين 43 % فقط من أراضيهم ،وأفاد سيادته بأن اليهود - صهاينة أدق- قبلوا القرار وأعلنوا قيام دولتهم 14\15 مايو 1948 وحصلوا على إعتراف الدول الكبرى، "أما العرب فقد رفضوا قبول القرار وأعدوا جيشا عربيا مشتركا يطرد اليهود فيما سمي حرب 48 التي استمرت بضعة شهور لم يتمكن العرب فيها من زحزحة اليهود سنتيمترا واحدا من أراضيهم....".
مع صيغة التهكم والتصغير من شأن خطوة العرب بالإعداد لحرب 48 لابد كذلك أن أتحفظ على كلمة "أراضيهم" ،التي جاءت في صياغة الأستاذ صلاح منتصر، وهو يعلم أنها المنتزع من أرض أهل فلسطين وأن هذا "الإنتزاع" لايعطي مخلوقا حق الزعم أن الأرض المنتزعة "أراضيهم"!
ودعونا نتأمل قليلا تقسيم 29\11\1947 على حقيقته:
أولا، هو يقول للصهاينة الأغراب الذين لاحق لهم في الأرض الفلسطينية: تعالوا أعطيكم 56 ونصف % من فلسطين ، التي لا تعرفكم ولا تعرفونها، لتقيموا دولة لكم، هكذا من الباب للطاق من دون أي سند شرعي أو قانوني إلا منطق جبروت القوى العظمى التي أرادت أن تخضع الدنيا لإرادتها الجائرة بعد انتصارها في الحرب العالمية الثانية -1939\1945- تلك التي يسميها الأستاذ صلاح منتصر "التغيرات العالمية"، فكيف لا تسارع العصابة الصهيونية الطفيلية بقبول التقسيم بالترحاب، وقد أعطى من لايملك من لايستحق، وتعلن قيام دولتها، كيانا صهيونيا عنصريا، في 14\15 مايو 1948 ؟
ثانيا، يلتفت تقسيم 29\11\1947 إلى الفلسطينيين، أهل فلسطين وملحها عبر الدهور والعصور، ويقول لهم: نأخذ أكثر من نصف أرضكم ونبقي لكم 43 % منها بعد انتزاع مدينتكم "القدس" للتدويل مشاعا لمائدة اللئام ،فكيف كان من الممكن أن يستقيم هذا الجور وبأي موجب كان لابد من الإذعان لقوانين الغاب المفترسة وترك محاولة مقاومتها ؟
وإذا كان رفض التسليم الفوري للبغي والظلم والعدوان هو في رأي ضعاف العزيمة "جهل وعدم خبرة" فمتى كان الإنسحاق والتفريط والترحيب بالخسارة هو "العلم" و "الحداقة" ؟
هل هناك أمة تندم لأنها قاومت نصف قرن ،على الأقل، ولم تستسلم فورا ؟
الإجابة تأتي بالنفي القاطع في وثيقة "تفكيك إسرائيل – إسرائيل كيان غير شرعي"، التي طرحتها مجموعة من شباب المدونين في الشبكة العنكبوتية 24\2\2009 فيما لايزيد عن 6654 كلمة وتبدأ بكلمات النبل الإنساني التالية:
"بسم الله ، رب الناس أجمعين ، نعلن في البداية ، نحن مجموعة الشباب ، الذين أعددنا هذه الوثيقة ، حقيقة أننا لا ننتمي لأي تيار أو حزب سياسي ، ولم ننطلق في رؤيتنا من أي منطلق إثني أو عرقي أو ديني ونعلن انحيازنا التام للإنسان ولحقه في العيش بسلام وكرامة ، بغض النظر عن لونه ودينه وعرقه وجنسيته وانتماءاته ونعلن احترامنا لكل هذه المبادئ والعقائد ووقوفنا إلى جانب الحق والعدالة، وتتلخص رؤيتنا هنا في عدم إمكانية استمرار مايسمى بـ < دولة إسرائيل> ، ولدينا الحجج القانونية التي نضعها أمام العالم ، وليس الهدف من هذه الوثيقة اجترار الآلام على من يعرفون الحقائق ....وإنما نهدف إلى مخاطبة العالم بلغته وتحكيم القانون الدولي ...وليكن قانون القوى الإمبريالية ،التي صنعت الكيان الصهيوني، شاهدا من أهلها عليها...................................."
وتنتهي بقولها: "....ونحن إذ نضع هذه الوثيقة أمام البشرية جمعاء، نعلن استياءنا من هذا العجز والصمت لمعظم المنظمات الدولية والإنسانية بل وإنحياز بعض هذه المنظمات ضد الضحية ووقوفها إلى جانب المعتدي.................الجدير بالذكر أن هذه الوثيقة تم نشرها علي موقع مدونات أوباما-بايدن ، منتدى < ماي سبيس> ..... وعدة مواقع على الإنترنت، وقد لاقت هذه الوثيقة اندهاشا ثم تفكرا ثم استحسانا من عدد لابأس به من الغربيين....وتجدر الإشارة هنا إلى أن تيودور هرتزل بدأ مشروعه الصهيوني غير المشروع بوثيقة وجدت من يؤمن بها، ونحن نمتلك مشروعا مشروعا نريد ،فقط، أن نؤمن به." وقد تمت ترجمة الوثيقة إلى اللغات: الإنجليزية والفرنسية والأسبانية وجاري جمع التوقيعات على الشبكة العنكبوتية:



فريق عمل هذا التحدي الجميل هم: جو غانم وإيمان بدوي ومحمد قنديل ورحاب فواخري ومحمد شلطف ونوارة نجم وعاصم القاسم.

انا ما اعرفش اقول على كده غير: اتفو

نو اوفنس لاي حد
وسبحان الله يا اخي، ما تعرفش مين اللي راح عيط على كتفها الحنين قامت قالت كدهون
وكله على خساب صاخب المخيل
ما داهية الوفود اللي بتدخل في دين امريكا افواجا يرجعوا بقى يسبحوا بحمدها ونصبح الصبح نلاقي حكومة ائتلافية من حزب الفريدم هاوس وبرضه انا ابقى معارضة، ويفضل بطرس قاعد لي على التليفون يرد على الناس، هو هو، ما ترفدهوش بقى، احنا بقينا عشرة
ويمسكوني يشمطوني ما انا مش سايبة لي حبيب بقى ودول عيال، واللي يمشي ورا العيال يجرا له ايه؟ ايوة اسم الله عليكوا
للي ما اخدش باله من العلوان، اللي بيحصل ده اسمه اتفوووووووووووووووو
كنا ناقصين احنا اشباه الجلبي والعلاوي وكرزاي، عشان اصلنا احنا عايشين في الجنة ونعيمها ولازم نتقرف احسن ننسى اخرتنا
مش كفاية الفضايح على كل لون؟ كنا ناقصين دي كمان؟
وقال على رأي شكري سرحان في شباب امرأة: كفاية نجاسة بجى

Saturday 30 May 2009

المعبر عاشر.. بعد الخمستلاف

اتنكدوا على المسا بقى، ربنا يسعدكوا كده وتفخروا وتتفشخروا بالريادة، جاءتني الرسالة التالية على الميل:
تعقيبا على ماكتبتى بعنوان نداء انسانى الى اى حد بالدنيا للاسف اقول لك لم يعد احداااااااااااااا يسمع صموا اذانهم وعميت ابصارهم واقفلت قلوبهم تماما للاسف
هذه الحكاية ذكرتنى بما حدث معى انا واخى كان اخى مسافر لعلاج طفلته الصغيرة ذات العامين والمريضة بسرطان الدم وكان هو يرافقها وكنت انا طالعة بدلا من امها لانو لاتقدر نهائيا ... وبتعرفى لازم يكون معنا رجل ولانها طفلة بنت لازم تكون معها ست لو تعرفى انها كمان الطفلة منغولية .. المهم فى معبر رفح المشؤوم فقط سمحوا لاخى وابنته وقعدت ارجوهم واتوسل اليهم
وابدااااا واقلهم حرام الطفلة منغولية وسرطان دم بدها رعاية خاصة وابداااااا لاحياة لمن تنادى وحسبنا الله ونعم الوكيل تركت اخى وابنته بدموع عينى لاتتخيلى هذه اللحظات ولاتتخيلى طفلة صغيرة زهرة بريئة
 
هذه حكاية بامكانك تحكيها بس مابدى تنشرى اسمى ولا شووو لو سمحتى قد نحتاج هذا المعبر المسدود فى اى لحظة
-----
مبسوطين؟
وفخورين؟
ومتفشخرين؟
وانا كمان 

Friday 29 May 2009

من سريلانكا؟ طيبين قوي بتوع سريلانكا

حنيّة النظام المصري
د.إبراهيم حمّامي
يقول الخبر المنشور في الصحف المسماة بالقومية وفي جميع المواقع الرسمية المصرية: "بناء على توجيهات الرئيس حسنى مبارك ، أصدر الدكتور أحمد نظيف رئيس مجلس الوزراء قرارا " الأحد " بإيفاد طائرة مساعدات مصرية إلى سريلانكا التى تواجه بعض المشكلات الإنسانية بسبب الإضطرابات الأخيرة.
وقد صرح الدكتور مجدى راضى المتحدث الرسمى بإسم مجلس الوزراء بأنه تقرر أن تقلع طائرة مساعدات مصرية من القاهرة إلى العاصمة السريلانكية كولومبو تحمل عشرة أطنان من الخيام والبطاطين والمواد الغذائية والأدوية" انتهى الخبر.
الخبر بحد ذاته انساني محض في ظل المعارك الطاحنة التي انتهت قبل أيام بهزيمة نمور التاميل، وتشريد الالاف من المدنيين، لكن ما يستدعي التوقف هو هذا الموقف المصري الرسمي الذي يتحرك وبتوجيهات مباشرة من أعلى المستويات ويرسل المساعدات بالطائرات لمنكوبين على بعد آلاف الأميال، ويمنع المساعدات عن جيران له وضعهم أسوأ من سيريلانكا بآلاف المرات.
يحق لنا أن نتساءل أمام هذه النخوة والحنية لنقول:
· لماذا لم يشترط النظام المصري انجاز مصالحة بين الحكومة السيريلانكية ونمور التاميل قبل ارسال المساعدات، كما فعل ويفعل مع أبناء غزة؟
· التوجيهات تشمل البطاطين والخيام لايواء المتضررين، ماذا عن عشرات آلاف الفلسطينيين في غزة الذين تمنع عنهم السلطات المصرية الأغطية والخيام ومواد البناء، بل حتى الأغذية؟
· المساعدات "السيرلانكية" هي من مصر وقوت أهلها، بينما يمنع النظام المصري حتى المساعدات غير المصرية من الدخول، لماذا؟
· غزة وفلسطين تربطها بمصر وشعبها البطل العظيم أواصر الاخوة والعروبة والدين، ماالذي يربط مصر بسيريلانكا؟ أليست الانسانية؟ أين انسانيتكم أمام حصاركم لغزة؟
· مصر الرسمية تمد يد المساعدة لسيريلانكا، لماذا تمنع غيرها من مساعدة غزة، ألم يسمع النظام المصري أن هناك العشرات من الأطباء والاخصائيين والمتضامنين العرب والأجانب مضربين عن الطعام على معبر رفح بعد أن منعهم حراس أمن "اسرائيل"؟
· المساعدات لسيريلانكا أرسلت على عجل، ومساعدات غزة حُجزت في العريش حتى تلفت وتم اعدامها، من يتحمل المسؤولية؟
· سيريلانكا حظيت بتغطية اخبارية ملفتة ومتباكية، بينما غزة حظيت بتحريض رسمي غير مسبوق، ما الذي فعلته غزة لمصر لتنقلب عليها وتساهم في خنقها؟
الأسئلة كثيرة وكبيرة، والغصة في القلب أكبر وأكبر، ونحن نرى ونشاهد ونسمع ونشهد على تنفيذ حكم اعدام لمليون ونصف المليون فلسطيني، بأيد عربية مسلمة، تخنق وتحاصر وتهاجم، ثم تمتد بعيداً بعيداً هناك لمساعدة منكوبين في بلد لا رابط بينه وبين مصر العظيمة.
لكم الله وحده يا أهلنا في فلسطين السليبة وفي غزة الحبيبة، واعلموا أن الجبار المنتقم يُمهِل ولا يُهمِل
لن نزيد
---------
كفاية بقى دعا، انا الكلام ده بيخبط في جنابي
بس صحيح، لو لم اكن مصريا لوددت ان اكون سيريلانكيا، واحنا من هنا بنحب نحيي شعب سيريلانكا الشقيق ونتساءل ايه بقى نمور التاميل دول؟ انا اللي اعرفه انهم وحشين، بس مدام النظام المصري بيشتم فيهم يبقى لازم اراجع بقى واحاول اعرف ايه حكايتهم دول
وقال على رأي الشاعر عادل امام في قصيدة النمر والانثى: من سيريلانكا؟ طيبين قوي بتوع سيريلانكا
-----
ابقوا شوفوا الفيديو ده


:D :D :D :D :D :D
لا وفرحان قوي بنفسه، استغفر الله العظيم يارب، لا حرام انا مش باتريق عليه والله،
طب والله تعاطفت معاه، على الاقل شجاع وبيواجه، وبعدين انا مش فاهمة ايه ازدواجية المعايير دي؟ اذا كان زواج المثليين مسموح بيه عندهم، ومقبولين في المجتمع الامريكي يبقى ليه يترفدوا من الجيش؟ ماهو يا قابلينهم يا مش قابلينهم، بيلخبطوهم ليه؟ على الاقل يرسوهم على بر عشان برضه يبقوا عارفين يقولوا وللا يخبوا وللا يعملوا ايه بالظبط، انما يقولوا لهم اه انتوا مقبولين وبعدين يدوهم على قفاهم؟ هم منافقين في كل حاجة كده؟
بس ما يترجمش المتنبي غلط :)، المتنبي ما قالش الكلام ده يا كداب، وبعدين فيه حتة كلها كده: هبلولولولولولول، ما فهمتش بيقول ايه؟
هو ده ال
fluent in Arabic?
دي احسن حاجة عندهم يعني؟ هههههههههههههههههه

تسريب بعض الصور اللي اوباما كان عايز يضرب عليها

الديلي تلجراف نزلت بعضها هنا، وفيه صور الاغتصاب ما نزلوهاش، بس فيه مترجم مصري امريكي كان بيغتصب واحد؟ الواد ده جابوه منين؟ ايه؟ زميل اسلام نبيه واخد كورس انجليزي في الجامعة الامريكية وربنا وفقه وراح يغتصب اعارة؟ الخبر هنا
والصور هنا

Thursday 28 May 2009

طب والنبي ده اسمه ايه؟

انا ح اتبنى حملة جو لإلغاء اي اشارة سلبية الى الرقص والرقاصات واستبدالها بكلمة "وزير" "وزير ثقافة" "مرشح اليونسكو" بصوا والنبي دينا بتقول ايه في المصري اليوم؟ بتقول انا ضد التطبيع حتى في الرقص، سامع يا فنان؟ 
انا من زمان وانا باحترم الرقص والله، وانا في ابتدائي كان نفسي اطلع رقاصة وقمعوني في البيت هنا وضيعوا مستقبلي، وقعدوا يقولوا لي عيب وحرام، يعني لو كنت طلعت وزيرة ثقافة كانوا انبسطوا؟
نفسك تطلعي ايه يا حلوة؟ "نفسي اطلع نعيمة عاكف في ياما القمر ع الباب" ومن وراهم اشتريت صاجات لما طلعنا رحلة للقلعة مع المدرسة، وماما زعقت لي، ليه بقى؟ مالها نعيمة عاكف في ياما القمر ع الباب؟ الحقيقة كانت بترقص حلو قوي في الاغنية دي، مع ان مزيكتها صعبة ومحتاجة واحدة زنبلك في الخطوات

دقة الامثال الشعبية

اذا كنت عايز تتأكد من صحة المثل المصري اللي بيقول: "الخـ... يقدر على اللي ما تقدرش عليه ميت شـ..." اتفضل انقر هنا
وفي كل ده كله مش غايظني غير الكلمتين دوكهمة:
ويأتي اعتذار حسني بعد يومين من نشر الصحف الإسرائيلية تفاصيل ما وصفته بـ"صفقة" بين الرئيس المصري حسني مبارك ورئيس الوزراء الإسرائيلي بنيامين نتنياهو، يتم بموجبها دعم إسرائيل للمرشح المصري مقابل "لفتات طيبة" من مصر، فيما لم يصدر أي رد رسمي من الحكومة المصرية حيال ذلك.
الله؟ انت بتعجزنا ليه يا جدع؟ هو احنا فينا حيل نلتفت؟ وبعدين ح نعمل معاهم لفتات اكتر من كده ايه؟ ده احنا اتروشنا من كتر اللفتات
وذكرت صحيفة "هاآرتس" في تقرير لها نشر يوم 25-5-2009 أن "مبارك ونتنياهو اتفقا خلال لقائهما الأخير في منتجع شرم الشيخ المصري على صفقة سرية تقضي بموافقة إسرائيل على تعيين حسني أمينا عاما لليونسكو مقابل بوادر نية حسنة جوهرية تقدمها مصر لإسرائيل".
انا والله مش عارفة ايه الجوهرية اللي ممكن نقدمها لاسرائيل؟ حد عارف؟ انا باسأل بجد، فيه حاجة لسة ما عملنهاش؟ اللهم الا اننا نموت لهم الفلسطينيين بالجيش بتاعنا عشان هم زهقوا من كتر القتل
تاني حاجة: ايه اهمية اليونسكو يعني؟ رئاسة اليونسكو ح تعمل لنا ايه؟ بجد والله، اصل لو فيها فايدة او مصلحة ما جراش حاجة لو الراجل يقول كلمتين كده ويتمسكن لحد ما يتمكن، انا برضه مش عايزة اسيء النية، يمكن يكون نيته خير، من غير شتيمة، ولا اصوات انا باسمع كل حاجة من وانا قاعدة هنا في مكاني على فكرة
بس اللي اعرفه ان منصب رئاسة اليونسكو ده منصب شرفي زي امانة القلل المنتحرة ويمكن اهفأ كمان
ايه بقى؟ ها؟ ايه؟ ايه الفايدة اللي ح تعود على مصر من انها ترأس المنصب ده؟
تالت حاجة: ايه اسرائيل دي اللي توافق وللا ترفض؟ هي خلاص كده؟ وش كده يعني؟ هي مين دي وللا ايه اهميتها وللا اضافتها الحضارية وللا الصناعية وللا الثقافية وللا التاريخية عشان يبقى لها الوزن ده كله بحيث لما ترفض واحد ما يشمش ريحة منصب ولما تقبله يبقى خلاص ضمن المنصب في جيبه؟ انا بجد عايزة امارة للفتونة دي، دي امريكا نفسها ما قالتش الكلام ده 

شوية اغبار

اول حاجة اشتروا المصور، معلش، اصل ماما كاتبة عن وثيقة تفكيك اسرائيل
تاني حاجة اقروا البوست ده عند كريم البحيري
تالت حاجة فيه رواية لواحدة، اظن من جنوب افريقيا، قديمة، اسمها 
things fall appart
انا مش فاكرة اسم الكاتبة، لاني قريتها من حوالي خمستاشر سنة، بس بدل ما تقعدوا تتخضوا من موضوع اتفاق اسرائيل مع دول حوض النيل عشان تخفض حصتنا (الاولى تتخضوا من الصواريخ اللي متوجهة ناحية السد العالي في افريقيا - صواريخ اسرائيلي طبعا) وبدل ما تتساءلوا: ليه يعني؟ ده احنا بنعمل معاهم احلى واجب، ده احنا حتى مدينهم غازنا وبترولنا وسراطنا ببلاش ويقولوا لنا ادبح يا زكي قدرة يدبح زكي قدرة، ايه بقى؟ ليه الرزالة دي؟ 
اقروا الرواية دي عشان تعرفوا ازاي كل الاشياء تنهار. بتقع، اسم الله عليها، انشالله انا اللي اقع من الدور الاتناشر وهي تفضل سليمة، بس هي بتقع، وادي احنا موجودين، والله اعلم، ح نعرف نسندها وللا لا، بس احنا معاها يعني، ح نروح فين؟ 
عموما ان شاء الله مافيش حاجة تخض، يعني ح يعطشونا؟ ح يضربونا؟ مصر الجائزة الكبرى؟ احنا معانا ربنا ح يعملوا فينا ايه يعني؟ قال يا قرد ح يسخطوك
بس عشان تعرفوا ان اللي بيعيش ندل مش بيموت مستور ولا حاجة، هو مفضوح من اول لحظة استندل فيها وبرضه بياخد على قفاه، الندل لما يحتكم يقدر ولا يعفيش، والندل نهايته على قد ندالته، ومن غير زعل كده، اللي يوافق على الندالة ويبرر لها يستاهل اللي يجرا له، وادي احنا مع بعض، ح نروح من بعض فين
----
امي شافت دينا الرقاصة وهي بتعيط في قناة الحياة عشان اتهمت بانها رقصت مع واحدة اسرائيلية، وقالت انا بارقص في النايت كلب ده بقالي سبع سنين، واحدة زبونة جات تتصور معايا، ح اقول لها طلعي الباسبور؟ والله ما كنت اعرف انها اسرائيلية. ومفحوتة من العياط
الرقاصة
الرقاصة مفحوتة من العياط عشان اتهمت انها رقصت مع واحدة اسرائيلية
طب دي تنفع ننتخبها رئيسة جمهورية وح تبقى انضف من اللي فوقينا... اقصد الشقة اللي فوقينا يعني

Wednesday 27 May 2009

نداء انساني الى اي حد في الدنيا دي


فاكرين انتوا الراجل ده، كلنا شفناه وهو بيتشاهد، بس هو مامتش، اسمه محمد حمدي هو في مستشفى فلسطين دلوقت في الدور التاني
مش دي المشكلة، ولا المشكلة انه مصارينه فيها فسفور ولا ان رجله اتقطعت ولا انه مركب حنجرة وبيقول: "هنا ياضي" (انا راضي) "هنا هامد"
(انا صامد)
"هنا بهب الله"
أنا باحب الله... وبيقول: رجلي سبقتني على الجنة..انا شفتها على باب الجنة
المشكلة انه له اخ اسمه عادل حزيق (تقريبا مش شقيق او الاسم مركب مش عارفة) كان مرافق معاه، قاعد مع اخوه مش بيعمل حاجة غير يحميه ويدخله الحمام ويقرا قرآن
اتقبض عليه وهو في قسم العريش دلوقت عشان يرحلوه، اتقبض عليه ليه؟ مش عارفة؟ يمكن عشان كان بيقرا قرآن؟
انا مش عارفة اقول ايه؟ طبعا مافيش احتياج اني اقول ان واحد زي ده من غير رجل ولا مصارين ولا زور مش ممكن ابدا باي حال من الاحوال يبقى في المستشفى لوحده
بس مش عارفة اقول اكتر من كده ايه؟ مش عارفة اهزأ مين؟ اهزأني وللا اهزأنا وللا اهزأ اللي لسة شايفين بعنيهم ان ربنا فوق الكل، وان حتى اللي عليه ميت حارس ومقفول عليه باب من جوة باب ربنا بيوصل له ومافيش حد كبير عليه
اعمل ايه ياربي؟ ليه يقبضوا على المرافق اللي معاه؟ ويرحلوه ليه؟ ليه اصلا كده؟ ليه يعني؟ ليه؟
انا لو ينفع انا اسيب ماما واقعد معاه، بس هو محتاج راجل في الظرف ده، طب ما اخوه كان قاعد معاه يا ناس

Tuesday 26 May 2009

أنا بابوظكوا؟

احمد عاطف المخرج مسكني النهاردة شبحني وقال لي اني بابوظ اللي بيدخلوا لي وبادلعهم
انا؟
بيقول لي اني مش باحمل الناس اي مسئولية وبارمي كل المشاكل والعوائق وعدم الانجاز واسباب الفشل على الدولة وكده انا بادلع الناس
:""""(
مع ان والله انا حواليا ناس كتير، وبيدخل هنا ناس كتير بيحاولوا يعملوا حاجات كويسة هو ذنبهم ان شغلهم مش ظاهر ولا متبلور ولا عليه سبوت اعلامي؟
طب انا عايزة اشتشيركوا اشتشارة كانونية وتقولوا لي ليه عشان مكالمة احمد نقلت لي دماغي الحقيقة
دلوقت انا باشوف ناس، كتير والله، ومنهم كتير من اللي بيدخلوا ويعلقوا هنا بيعملوا الاتي:
بيشوف هو عايز يعمل ايه وبيعرف يعمل ايه وبيحاول يحسن من الحاجة دي او المهارة دي على قد ما يقدر بصرف النظر عن هو خريج ايه، وبيحاول يعمل حاجة ولو بسيطة في سكة اللي هو بيحبه وبيعرف يعمله
طبعا سيبنا من النظام الامريكاني بتاع
think big... look far see far
ده كلام فارغ، الامريكان هم اللي خربوا العالم زي ما انتوا شايفين كده، لان الثينك بيج واللوك فار بيحسس الانسان بالعجز والفشل وانه عمره ما ح يعرف يعمل حاجة، ويخليه زي المواطن الامريكاني كده: بيجري جري الوحوش وملهي في روحه وما عندوش اي فرصة للتأمل
بس الحمد لله انا باشوف ناس كتير بتنتج، ممكن واحد خريج حاجة ما يشتغلش فيها خالص، انشالله بيحب يعمل كراسي، يفضل يعمل في كراسي عشان دي الحاجة اللي هو بيحبها
والانتاج في حد ذاته حاجة مهمة قوي، مش مهم ايه اللي بعد الانتاج، المهم ان الواحد بينتج، تاني انتاج ح يبقى احسن من اول انتاج وعاشر انتاج ح يبقى احسن من خامس انتاج
وده بيحصل وباشوفه
طب ليه فيه حالة عامة من الفشل؟ مع ان كل واحد بيحاول يعمل الحاجة اللي بيحبها على قد ما يقدر ويحسن نفسه فيها، والله، انا شايفة الاتهامات للافراد بانهم عالم فشلة ومش عايزين يعملوا حاجة اتهام مجحف، ناس كتير بتعمل انتاج وبتفكر، ولان اصلا كده كده مافيش فرص لا في المجال اللي هو اتخرج فيه ولا في غيره فبيفكر بقى يعمل حاجة بيحبها
طب ليه فيه فشل عام؟
وانا مش بادلع حد، يعني مش كفاية اللي الناس فيه؟ وللا بادلع؟  

الضراير اتصالحوا

ايوة كده، الراجل جاي كمان كام يوم تعبان من الشغل ومش عايز يسمع خناقاتكوا بقى، هو بيعمل ده كله عشان مين؟ مش عشانكوا انتوا وعيالكوا؟ ما تنكدوش عليه بقى، تحضروا له لقمته وتبخروا له الاودة وتمسحوها بالجاز وتشيشوها عشان يتغدى ويشرب الشاي ويرتاح له ساعة. الحكومة الشاطرة الشاطرة هي اللي تراضي ولي نعمتها وما تحسسوش انها تعبانة ولا متضايقة، ما يبقاش برة البيت شقا وجواه شقا ومشاكل بقى، وهو ما كانش ح يتجوز عليكوا سعد الدين ابراهيم الا اذا كنتوا قصرتوا معاه، لو لاقي الراحة في بيته ما كانش بص برة، وبعدين اهو ابو السعود بقى من العيلة، هي صحيح حاجة تحرق الدم، عشان كده اسمها ضرة، بس مشوا حالكوا بقى، يعني ح يطلقه؟ ربنا ما يرضاش بخراب البيت، لو عايز يطلقه ما كانش اتجوزه، ولما عينه زاغت ما عملش غير شرع ربنا، مش احسن ما كان يمشي في البطال؟ ولو مش عايزكوا كان طلقكوا برضه بشرع ربنا واداكوا حقوقكوا، بس هو باقي عليكوا الراجل وعلى العشرة
خلاص بقى، ارضوا بنصيبكوا انتوا الاتنين، وسعد برضه يعرف انه كان داخل على عليكوا، ويراعيكوا بقى عشان يعيش، والا بقى اوباما يزهق منه ويطلقه لان القديمة تحلا ولو كانت وحلة، وانتوا برضه ام العيال
انا مش قلت لكوا سيبوني احلم يا خبر بفلوس بكرة يبقى ببلاش؟ قعدتوا تنكدوا عليا في الحلم والخبر بقى ببلاش اهو، حرام عليكوا، كنتوا سيبوني اصدق انه ح يتعظ لمدة يومين بس، كان لزومها ايه الواقعية دي؟ يا باي

أوأووووووووو

والسيد حسن بقى بيتكلم كتير من ورايا ليه؟ ح اشوفه على النت بقى، ولو ان كل الناس داخلة على الموقع دلوقت ومهنج
حرب تالت؟ احنا حيلنا اتهد بقى ومع كل حرب عوكل بيثبت رجليه، ما ينفعش يحودوا على كوريا ويرحمونا احنا شوية؟
الا صحيح، عمل اجتماع امبارح، هيييييييييييييه، الحمد لله، الواحد كان قلقاااااااان عليه بشككككككككككككل
ادي احنا اطمنا
غوروا من وشي الساعة دي... انا اصلي مبسوطة، مبسوطة قوي، قوي، قويييييييييييييييييي

Monday 25 May 2009

مفاجئات هيفاء وهبي وهبك

مع الاعتذار للاخوة الزمالكاوية اللي زيي، الموقع كله احمر
ثانيا، حد شاف هيفاء وهبك النهاردة مع منى الشاذلي؟ انا استفوجئت بكذا ميزة، او كزا ميذة
1- هيفاء وهبي مش طالعة حلوة زي ما بتطلع في الكليبات، خدودها ساقطة من كتر العمليات ومش عارفة تضحك
2- انها تطلع اصلا في العاشرة مساء، منى كان شكلها مزمزأ من الموضوع ده مش عارفة ليه، الظاهر حاجة اعلانية عشان الفيلم الجديد
3- المفاجئة الاكبر: هيفاء وهبي ذكية ونبيهة
حاجة غريبة قوي، انا بصراحة ما توقعتش خالص انها تبقى بالنباهة دي، اصلي عمري ما سمعت لها حوار الحقيقة، انا توقعت مثلا ان مخها مش ح يزيد عن مخ سمية الخشاب اللي مرة قالوا لها انت ليه بتتجوزي دايما رجال اعمال اغنيا قالت : ده رزقي، وحسبي الله ونعم الوكيل في اللي بيبص لي في رزقي
الظاهر رزقي كان بيغير والناس بصت عليه، ماهو يقفل الباب يعني هو راخر
بس هيفاء دي مخها نضيف، طب ايه اللي رماها الرمية دي لما مخها نضيف؟
4- مفاجئة رابعة، ان منى الشاذلي انسحبت من لسانها، كالعادة، وقالت لها ما شفتيش قضية سوزان تميم، ولمحت ان يعني: بكرة جوزك يقتلك انت كمان، ههههههههههه والله منى الشاذلي دي عسل، مافيش اي فلتر على بقها خالص كده؟ بس مش دي المفاجئة
المفاجئة ان هيفاء ارتبكت وزي ما تكون اتخضت بجد وبان على وشها الخوف وصوتها ارتعش
طب وانتوا حد بيضربكوا على ايدكوا؟
ايه اللي ودا هيفاء وهبي العاشرة مساء بقى؟  

نداء

Sunday 24 May 2009

كل الناس بتستعبط الا جمال مبارك

ماحدش يدخل عند حملاوي تاني، اديني حذرت اهو وقد بعجر من فنظر

اما اطري على قلبكوا

انا برضه الماركيز دي ساد؟ :) الله يسامحكوا، طب طفاطيفو بيسجل لكوا حاجات حلوة تطري على قلبكوا، انا خليني للتعذيب وانتهاك حقوق الانسان، مع اني والله ما رضتش انزل لكوا موضوع عزت السعدني "شجاعة بنت مصرية" اللي بيحكي فيه عن بنت شجاعة وقفت على سلم نقابة الصحفيين متحدية معارضة حسني مبارك وقالت: يعيش الرئيس حسني مبارك، انا ح انتخب جمال مبارك لو اترشح، وصفحة كاملة بيتكلم عن شجاعتها، شفتوا بقى انا طيبة وقلبي حنين ازاي؟
انا قلت انكد عليكوا قبل ما تتفرجوا على الفيديو ده

Saturday 23 May 2009

والله العظيم يا جماعة بيتكلموا عليه كأنه جوزنا

ومش أي جوز، ده احنا فلاحة ما بتفكش الخط عندها ست عيال وجوزها بيضربها كل يوم ولما يعيا تعيط عليه بعد ما كانت بتدعي عليه اول امبارح
اهو
قلوبنا مع الرئيس مبارك واسرته
بقلم‏:‏ اسامه سرايا
الذين يبصرون في عمق الشخصيه المصريه قوه هائله قادره علي حمايه مصر وضمان بقائها وقفوا طويلا امام ما جاء به الاسبوع الماضي من حدث اليم اصاب اسره الرئيس حسني مبارك‏,‏ فقد كانوا علي الدوام يصرون علي انه لاخوف علي مصر حين تمر بها احداث كبري‏..‏ صحيح اننا قد نختلف وقد يصل بنا الاختلاف حدود الشطط ولكن هناك قوه تسكن اعماقنا وتنادي بوحده مشاعرنا وجهودنا لتجمع بيننا جميعا فندفع بها الخطر او الحزن حين يصيبنا‏.‏ حيث يجمعنا الخطر علي امننا والخوف علي عزيز لدينا ترتبط به مصائرنا‏.‏ ولذلك توحدت مشاعر المصريين جميعا حول الرئيس مرتين خوفا عليه حين تعرض لمحاوله الاغتيال الاثمه في اديس ابابا واحساسا بمشاعره علي مصابه الاليم حين فقد بالامس حفيده‏..‏ انهما موقفان تطابقت فيهما المشاعر الانسانيه مع الحب والتقدير لشخصه ومسيرته وعطائه لامته‏.
لم يكن هذا الاسبوع مثل غيره‏,‏ فلقد كشف عما ظل مخبوءا في شخصيه المصريين‏.‏ ودفع الي سطح الحياه المليئه بالضجيج والخلاف والاختلاف بقيمه التوحد بين امه باسرها في المشاعر والاحاسيس والوفاء للرئيس المكلوم بفقدان من رعاه طفلا ورجاه شابا وتطلع اليه رجلا في قادم الايام‏.
لقد المت باسره الرئيس محنه قاسيه فاصطف المصريون باطيافهم وجماعاتهم حوله‏,‏ ولم يتخلف منهم احد‏,‏ وشاركوا جميعا الاسره الكريمه الامها وراحوا يمسحون الحزن عن قلوب اعتصرتها لوعه فراق الحفيد‏.
عز علي المصريين جميعا ان يعاني الرئيس الم الفراق في الاعز من الابناء‏.
كبر عند المصريين ان يواجه الرئيس تلك المحنه فاحتملوا معه الاحزان وهوت افئدتهم حبا واكراما‏.
ووفاء لعطائه الذي لم يتوقف‏,‏ وصدقه واخلاصه لامته‏.
ووفاء لمن تحمل عنهم عناء السعي المتواصل من اجل حاضرهم ومستقبل ابنائهم‏.
الذي حدث هذا الاسبوع هو ان امه فزعت وصدمت فعايشت مشاعر الحزن علي امل اسره عزيزه قد رحل‏.‏ ففي لحظات اصبحت مصر كلها امتدادا للاسره المصابه برحيل حفيدها‏.
(على فكرة يا اسامة يا سرايا، أمة يعني نيشن بتبقى بالتاء المربوطة، مش بالهاء، انا عاملة اقرا ومش فاهمه، ايه دخل امه الله يرحمها في الموضوع، فيييييين لما جمعت انه يقصد أمة، ياللي اتحرمتوا من التعليم الفرصة لسة قدامكوا من غير ما تدفعوا ولا مليم الراديو هو يعلمكوا، ياااا اللي قدي ح يفتكر برامج محو الامية اللي كانت بتتذاع في الراديو والتلفزيون، والله فيه ناس اتعلمت عليها)
وتوحدت في مشاعرها وفاء للجد والجده‏,‏ واجلالا لمشاعر الاب والام اللذين اختطف الموت في لحظات فلذه كبدهما واملهما في الحياه‏,‏ وكان وفاء المصريين لاسره الرئيس عنوانا علي الانسانيه الكامنه في عمق الشخصيه المصريه‏,‏ وتقديرا لعطاء هذه الاسره من اجل الرجال والنساء والابناء والاحفاد في ربوع البلاد‏.
ولقد احاط المصريون اينما كانوا باسره الرئيس‏..‏ يالمون لما المها‏,‏ ويجزعون لما اصابها‏,‏ ويدعون الله في كل وقت ان تجتاز محنتها‏,‏ وان يلهمها الله صبرا وسلوانا‏.
اننا نحن المصريين اشد حزنا وجزعا حين خطف الموت منا الحفيد الذي هو الاعز في الابناء‏,‏ وحين نفارق برحيله ذلك الامل الاخضر الذي زرعناه في ارض البقاء‏,‏ وتلك البسمه البريئه التي تتراءي في الافق البعيد‏.‏ ولكن عمق الايمان يتجاوز بنا الم الفراق واحزان الموت فنحتسب عند الله مصابنا‏,‏ واحسب ان هذه المشاعر التي فاضت من قلوبنا جميعا ستكون سندا للرئيس ولكل فرد من اسرته في تجاوز المحنه الاليمه‏.
(هههه مش ممكن، بلدي قوي يا حسين)
ايضا فان شخصيه الرئيس البطل صانع النصر ورجل التاريخ ستكون سندا لشخصيه الرئيس الانسان المومن‏,‏ فتساعدها علي تجاوز المحن لتصنع منها المنحه التي بشرنا بها الخالق عز وجل للصابرين المومنين المحتسبين‏.
قلوبنا اليوم مع الرئيس مبارك‏,‏ وقد تعلمنا منه الصبر علي الشدائد وتجاوز المحن‏,‏ وندعو الله له اليوم بالصبر الجميل وان يجزيه عنا جميعا خير ما عمل لمصر اطفالا ورجالا وشيوخا‏,‏ وندعو للسيده الجليله سوزان مبارك ان يجعل سجل اعمالها في رعايه اطفالنا زادا يعينها علي تجاوز المحنه‏,‏ التي المت باسرتها بفقدان حفيدها محمد علاء مبارك‏.‏ وان تجد في دعاء ملايين الامهات والاطفال الذين وجدوا منها الرعايه والحنان عزاء لها‏,‏ وان يجزيها عن اعمالها لكل اسره مصريه خير الجزاء‏.
قلوبنا مع الرئيس مبارك فهو كبيرنا الذي غير شكل الحياه في ربوع الوطن‏,‏ فعندما يمارس عمله‏,‏ يتغير كل شئ حولنا (ايه ده ايه ده الغباوة دي؟ هو بيمارس عمله بشكل موسمي مثلا؟ لممممما يشتغل ربنا بيكرمنا، لما بقى؟)‏,‏ وقد تحمل عن الوطن الالام الكثيره‏,‏ وهو دائما يستمع لشكوانا‏,‏ ويبني حاضرنا ويحصنه ويحمي غدنا لاطفالنا‏..‏ وفي عصره حصلت مصر علي الامن والامان‏,‏ ولاول مره واجهنا الحروب والاضطرابات بعقليه البناء‏,‏ ووصلت حكمته السياسيه للجميع‏,‏ واثرت في الجميع حتي لمن يتربصون بنا وبه‏..‏ فصان بها الحاضر والمستقبل العربي‏,‏ واستقرت في ضميرنا الواعي وعقلنا الباطن‏.
قلوبنا مع الرئيس مبارك واسرته‏..‏ فلقد وصل مصابه والمه الحقيقي الينا جميعا‏..‏ ونحن نستشعر معه ان فقدان حفيده الاثير صعب ومولم وكبير‏..‏ حيث كان بسمته ومبعث سعادته بعد معاناه والام وصعوبات عمل رئاسي لايتوقف ولايرحم‏..‏ ومع الالم والحزن جاءت لحظه كاشفه لما يخفيه العقل الباطن للامه (مش معقول، هههه، بيفكرني بزينات صدقي: كده خطر على عقلي الباطن) وتبرزه المحنه الا وهو الحب والوفاء عرفانا لجليل الاعمال والادوار والمهام التي قام بها الرئيس في حياتنا جميعا‏,‏ واستقرت في الضمير المصري‏,‏ وهي المشاعر الحقيقيه التي قد تسبق الولاء علي اهميته وضرورته لاستقرار الاوطان ورفعتها‏.
الذي حدث هذا الاسبوع من المصريين وفاء لقائد مسيرتهم وعرفانا بما قدم‏,‏ يكشف عن عمق الحب والتقدير اللذين يملان قلوب كل المصريين نحو الرئيس واسرته‏,‏ اذ لم يتخلف هذا الحب عن قلب مصري واحد اختار لنفسه ان يكون من المعارضين او المويدين في عالم السياسه وشئون الحياه‏.
(يا ابني ابوس رجلك، حط الهمزة والنقط بتاعة التاء المربوطة هو انت بتكتب بالعامي؟ ايه يا سنية؟: انا ح اقرا من غير النقط بقى)
لقد شخصت الابصار وانخلعت القلوب وخيم الحزن علي الجميع‏,‏ وبات الوفاء مصريا قادما من عمق الشخصيه المصريه‏,‏ يذكر الجميع بجواهر الشخصيه المصريه التي حفظت لمصر وجودها عبر القرون‏.
(انا مش قادرة اصدق الغباوة دي، معقولة واحد كاتب مقال طويل عريض ملخصه: مع ان الشعب بيكره مبارك بس صعب عليه؟)
في تلك اللحظه التي ذاع فيها الخبر المشئوم‏,‏ استجمع المصريون من ذاكره الايام مسيره امه في ظل قياده الرئيس مبارك‏,‏ وتداعت الي الذاكره الجماعيه تضحيات رجل نذر نفسه منذ شبابه المبكر لمصر حربا وسلاما وعملا واملا في مستقبل افضل لها ولاجيالها القادمه‏.
واصبح مبارك بتاريخه ومساعيه املا لكل المصريين في وطن امن وعمل دءوب يحقق الخير للجميع (اصبح؟ بعد ما حفيده مات يعني اصبح هو امل؟ اه صحيح، معاك حق، انا بقالي كام يوم هنا عندي امل ما كده، حتى اسأل الشباب هنا)‏,‏ عرفانا بانجازات توالت وصدق لمسناه‏,‏ ووطنيه عرفناها‏,‏ وكانت فجيعته هي فجيعتنا وحزنه هو حزننا‏,‏ فاحطناه بقلوبنا ودعائنا ان يفرغ الله عليه وعلي اسرته صبرا‏,‏ وان يجزيه عما قدم لمصر وامته خير الجزاء‏.
-----
هو مبارك قاصد يحط ناس اغبيا في مراكز كبيرة؟ اصل مش معقولة يكون مش ملاحظ يعني
----------
محمد نصير توفاه الله، الله يرحمه
------------
طبعا الحملاوي اتخلق عشان ينكد عليا: فيديو فين السنيورة بطول الرئيس باراك اوباما
------------
ح يصرفوا ربع مليون جنيه عشان يلمعوا قبة جامعة القاهرة عشان اوباما جاي؟ اغبيا دول؟ هي مفروض تبقى كده دليل على العراقة دي اقدم جامعة مدنية في المنطقة، يا سلااااام، طب ما يبيضوها له بالوان تشرح كده، مثلا خط فستدقي، خط لبني، خط بمبي
عشان الراجل نفسه تهفه على الايس كريم كده ويدخل الجامعة منتعش، وح يرصفوا الشوارع، ويغسلوا التماثيل، ويزرعوا ورد
كل ده عشان ابن نصابة جاي
بس فيه مشكلة، بعد ما يمشي، ح يكسروا الشوارع تاني، سهلة دي، الورد يتقلع، برضه بسيطة، لكن ح يوسخوا التماثيل ويصدوا القبة تاني ازاااااااااااااي؟ ارجو منهم التخطيط من دلوقت

Friday 22 May 2009

قال بيقول لك 99 في المية من النقض في احكام الاعدام تقبل




 
وانا مش عارفة يعني ايه اللي مزعل عمرو اديب قوي كده، طب انا واحدة سنتيمنتالية مهترئة، بس ده قاتل، وانا مش ضد احكام الاعدام، ويستاهل الاعدام، عشان دي بني ادمة، بس ينفع اني اتعاطف معاه من الناحية السنتيمنتالية المهترئة
لكن هو زعلان ليه؟ هو عمرو اديب سنتيمنتالي مهترئ؟ ده عامل زي معلقين الكورة 
ثانيا..... واسمع انت عشان بتحب الكلام
قال بيقول لك خير اللهم اجعله خير المحامي آمر ابو هيف عضو مجلس شعب ان تسعة وتسعين في المية من نقض احكام الاعلام عفوا، الاعدام، بتقبل فراح عمرو اديب قال له: ويتخفف الحكم
قام قال له (واسمع انت عشان بتحب الكلام ده): وممكن ياخد براءة خالص
هو الراجل قال حاجة؟ هو بيقول ننكن، ننكن
وده ننكن يحصل ازاي؟ لما ياخدوا القضية في دايرة تانية خاااااااااااااااااااااااااالثثثثثثث، قووووم تعاد المحاكمة من اول وجديد
همممممم ادي احنا مستنيين
اصل الكلام كدهون مش راكب على بعضه، الكاتب محمد صفاء عامر، بيقول محكمة النقض بتشوف استخدام مواد القانون اذا كان صح وللا لا ومالهاش دعوة ده اعدام وللا سجن، وده الكلام الاقرب للمنطق، وعلى فكرة ده الكلام اللي قالهولي ناصر امين ايام محاكمة اسلام نبيه لما كنت خايفة من النقض، وقال لي غالبا النقض لا يقبل في القضايا اللي فيها القاضي بيغيب ويفلي في ملف القضية بالطريقة دي
بس طبعا زي ما احنا عارفين، مدام عضو مجلس الشعب قال ننكن ياخد براءة يبقى ننكن ياخد براءة، خصوصا ان المحامين بتوع المتهمين مصممين يقولوا ده مش حكم ده قرار! اي والله عليكوا، بيقولوا كده
حقة يا عيال لو اخد براءة، دي تبقى مسخرة، والمسخرة الاكبر لو اخد خمس سنين
عموما على ما ينظر النقض ح يكون املي اتحقق واللي في بالي اتعظ ان شاء الله

محسن السكري قتل سوزان تميم بسلاح ايران النووي

اغلب الظن، لأن زي ما مي سمعت ابو الغيظ ونقلت عبقريته الفذة لنا عشان تبقى ما بتحرمناش من حاجة، سلاح ايران النووي هو اللي مخلي اسرائيل ما تتخلاش عن سلاحها النووي، مع ان اسرائيل ابدت حسن نيتها اكتر من مرة، اقربها النهاردة لما نتانياهو عبر عن مشاعره الفياضة والمسالمة تجاه العرب حيث قال ان القدس عاصمة موحدة لاسرائيل، يعني الناس اهو، قلبهم زي اللبن الحليب، ومع ذلك ايران بتفشل كل المجهودات العربية واللي من ضمنها تقديم عرض استربتيز لاسرائيل كمكافأة لها على تجميد المستوطنات، خللي الناس تنباساط
وعليه، فغالبا سلاح ايران النووي هو السلاح المستخدم في قتل سوزان تميم، واكيد محسن السكري ده شيعي رافضي، وكمان عاطف المناوي (طبقا لكلام احمد شقير والله اعلم) ده مدسوس من ايران عشان يجيب لهشام طلعت اعدام
على فكرة، هو عاطف المناوياللي جاب لهشام طلعت اعدام، انا سمعته بنفسي عند وائل الابراشي، ووائل الابراشي فقد هدوءه المعهود وكان ح يقوم يلبسه الكرسي عشان بيتكلم كده:
كان فيه يا استاذ وائل قضية من كام سنة، كان فيه ايه؟ قضية من كام سنة، كان واحد وزير في الدولة كبير، كان ايه؟ واحد وزير في الدولة كبير، جه اتحبس واخد مؤبد (بيكتب الكلام اللي هو نفسه بيقوله) اتحبس واخد ايه؟ مؤبد، جات مراته اتقتلت، (بيكتب تاني) جات مراته ايه؟ جات مراته اتقتلت، ومش ح اطول عليك ولا ح اخد من وقتك، جات النيابة تحقق، جات النيابة ايه؟ تحقق، قامت (بيكتب تالت) قيدت القضية ضد مجهول..هاه؟ قيدت القضية ضد ايه؟ قيدت القضية ضد مجهول....لحد ما وائل الابراشي قال له: ايوة يعني ده ايه علاقته بالكلام ده؟
ح اقول لك ح اقول لك... ح اتخصر اهو، قامت بعد كام سنة...بعد ايه؟ بعد كام سنة
طيب هو لو وقف قدام القاضي يقول له:
هشام طلعت..هشام ايه؟ هشام طلعت، بريء، ماله؟ بريء، (ويكتب المرافعة اللي هو كاتبها تاني) وانا ح اقول لك بريء ازاي، انا ح اعمل ايه؟ ح اقول لك بريء ازاي
طب ما القاضي لازم يحكم بالاعدام عليه وعلى موكله وعلى العيلة كلها يعني
وهو غالبا المناوي ده متدرب في ايران، وهو غالبا ايه؟ غالبا متدرب في ايران، عشان يخسر القضية، عشان ايه؟ عشان يخسر القضية يقوم نتانياهو يزعل وايه؟
ايوة بالظبط كده
يدينا اعدام

Thursday 21 May 2009

هشام طلعت مصطفى اخد اعدام؟

انا لسة صاحية وماما قالت لي الخبر عملت كدهو
انا لا بافهم في القانون ولا نيلة، بس هو ينفع المحرض على القتل ياخد اعدام زي القاتل؟ يعني حتى لو عملوا استئناف ح يتخفف ياخد ايه يعني؟ مؤبد
ح اموت واعرف ازاي ممدوح اسماعيل ما اخدش مؤبد حتى؟
وبعدين ايه الحالة السنتيمنتالية المهترئة اللي انا فيها دي؟ صعبان عليا ليه؟

We only seem to waterboard Muslims



لنك الخبر اهو، انا كان لازم اترجم الفيديو بس تعبانة باختصار
البت الشقرا دي جمهورية باين عليها، بتدافع عن التعذيب والراجل ده بيهاجم التعذيب وبيحكي على موضوع الووتر بوردينج اللي هو انهم يغطوا وش المسجون وينزلوا عليه مية بحيث يحس انه بيغرق، او يغطسوه في مية: بق بق بق عشان يعترف
بيقول ان مقاتلين من الجيش الامريكاني في فييتنام اتعرضوا للووتر بوردينج وان ده تعذيب وبعدين بيتكلموا عن نانسي بولوسي بتاعة الكونجرس وفي ادارة اوباما اللي ارتبكت في اقوالها بخصوص معرفتها بامر التعذيب، في الاول قالت هم ما قالوش وبعدين قالت هم قالوا بس ما فسروش، هبلت يعني، فهو بيقول لها لو من الاول ما عذبناش الناس ما كانش المأزق ده كله اتعمل، التعذيب تعذيب، لو ح نتكلم بوصفنا دولة فيها قانون التعذيب مش قانوني، راحت البت الشقرا قالت له بس دي اساليب معترف بيها وخالد الشيخ محمد ما اعترفش غير لما اتعذب! فهو قال لها لا، خالد الشيخ محمد كل اللي قاله كان قبل التعذيب، وبعدين قال لها: لو الووتر بوردينج حاجة كويسة، ليه مش الشرطة مش بتستخدمه مع المشتبه فيهم عشان تستخرج منهم المعلومات، لو الووتر بوردينج حاجة كويسة ليه ما استخدمناهوش مع مفجري اوكلاهوما عشان نعرف اذا كان لهم شركا وللا لا؟ فالست اللي جنبه قالت له: اه صحيح ليه؟ قال لها: انت بتسأليني، الظاهر اننا مش بنعذب غير المسلمين. راحوا مغلوشين عليه زي ما ح تشوفوا في الفيديو، وفي الاخر بيقول لها اديني ديك تشيني اعذبه ساعة وانا اخليه يعترف بانه قتل شارون تيت (ممثلة امريكية اتقلت في السبعينات) ده تلخيص مش كل اللي في الفيديو  

Wednesday 20 May 2009

مش الجبهة عدت المليون؟

اه والله صحيت الصبح لقيت العداد عامل كدهون
يا مرحب بالمهيسين يا مرحب
01003252
بس زعلانة
عشان غالبا هم تلاتة بيقفلوا الصفحة ويفتحوها عشرتلاف مرة في اليوم لان العدد مش بيزيد بالريفريش، يبقى اكيد بيعملوا كلوز ويجيبوا الصفحة اكتر من مرة عشان يوهموني انهم ناس كتير... اكيد يعني
:""""(((

دول عربية تدرس مكافأة إسرائيل لوقف الاستيطان

مش كفاية عليا حديث علي جمعة في الإج إجك، داخل لي مهندس مصري يكمل عليا
أنا قلت واحنا مالنا، هو احنا حيلتنا رشاوي؟ لقيت لك الكلمتين دولم:
ومن الدول العربية التي تخوض هذه المناقشات دول في الخليج وشمال أفريقيا، فضلا عن مصر والأردن اللتين تقيمان أصلا علاقات دبلوماسية مع إسرائيل.
فضلا عن مصر والاردن اللي هم ح يعملوا ايه؟ ح ننام نصحى نلاقي حريمنا حوامل من الاسرائيليين مثلا كنوع من انواع المكافئة على وقف الاستيطان الاستعماري في بلدنا؟
فيه كده يا ناس؟ فيه حاجة اسمها لو ما سرقتش محفظتي ح اديلك بيتي مكافئة؟
وياترى دي صدقة جارية على روح المرحوم؟ ماهي اسرائيل مسكينة ويتيمة
عموما ده كلام كان قبل النهاردة، انا لسة عندي امل ان الموعظة الكبيرة بتاعة النهاردة تغير مستقبل مصر والمنطقة كلها، اه والله، عندي احساس وامل كده ان شاء الله ان احنا النهاردة في منعطف تاريخي، خصوصا ان اصلنا بان واكيد عرف دلوقت اننا ما نستاهلش منه ده كله
مين عارف؟
يمكن الافترا اللي هنا ده كله يتغير ونلاقي نفسنا بتنا في حال وصبحنا في حال تاني
ربنا كبير
وللا ايه؟

على فكرة كده عيب قوي

القنوات المصرية (الرسمية والخاصة) تاعبة نفسها على الفاضي وحتى مش بتعمل شغل مهني
1- مافيش اسرة في الدنيا كلها من اقصى الارض الى اقصاها، سواء غنية او فقيرة، تفقد طفل عمره 12 سنة فجأة  وح يبقى عندهم دماغ يتفرجوا على التلفزيون، حتى الفقرا واللي تحت القصف اللي متعودين على الموت ومصاحبينه ومتوقعينه في اي لحظة، مش ح يتفرجوا على التلفزيون لما يفقدوا طفل بالطريقة دي
بمعنى: مافيش داعي لموشح النفاق المبالغ فيه ده لأن المعنيين ما بيتفرجوش دلوقت وأغلب الظن انهم ما طلبوش من الاعلام المناحة اللي هو عاملها دي، لانهم برضه اغلب الظن مش فايقين، الراجل كان في الجنازة مش عارف يمشي ولا قادر يقف على رجليه، واللي بيعيش في رغد وسلطة الصدمات اللي زي دي بيبقى وقعها اكبر عليه من اللي عايش في ضنك طول عمره ودايما متوقع الأسوأ من الحياة، عشان كده المصريين بيقولوا الفقر حشمة، يعني غالبا كلهم دلوقت واخدين حقنة مهدئ ونايمين
2- مافيش اي مهنية في المناحة دي، يعني اذا كان ولابد مناحة اعلامية يبقى تتعمل بالاصول الاعلامية المتعارف عليها، يعني عرض اوسع لتفاصيل الجنازة، الاتصال بالمستشفى او الطبيب المعالج، الاتصال باحد المقربين للعائلة للاطمئنان عليهم اذا كانوا هم مش قادرين يتكلموا، ولو ان الاعلامي الشاطر يحاول برضه انه يتصل بيهم يمكن يعرف ياخد كلمتين ويبقى سبق، ويا سلام بقى لو عرفوا يتصلوا بالمستشفى في فرنسا، وللا الطبيب الانجليزي لمعرفة سبب الوفاة اللي لحد دلوقت ماحدش عرفه
انما ايه التخلف الاعلامي اللي هم فيه ده؟ يخلوا رويترز تكتب تقول التلفزيون المصري بيذيع اغاني دينية للاطفال؟ يعني الناس تقول علينا ايه؟ معاتيه؟ ثم مين اللي ح يفتح التلفزيون ويسمع اغاني دينية للاطفال؟ ايه الجليطة دي؟ وايه الحوارات المتخلفة دي؟
3- احنا ناس طيبين، وولاد اصول، صحيح في التلاتين سنة اللي فاتوا اخلاقنا ساءت (وانا الأسوأ اخلاقا) وطباعنا اتغيرت بسبب ما جار علينا من الزمن وغير الزمن، بس تلاتين سنة ما يضيعوش رباية سبعتلاف سنة، مهما كان احنا ناس متربية وعندنا احساس ومن ساعة ما خرجت لحد ما جيت من بين اللي اعرفهم كويس واللي ما اعرفهمش غير طشاش واللي ما اعرفهمش خالص، حتى اللي ماشيين في الشارع، ما بيقولوش غير كلمة واحدة سبحان الله كأنهم متفقين عليها: ربنا يصبره وينور له بصيرته. (نصا والله، كأنهم حفظوا الكلمتين دول مع بعض) بس ما تضايقوناش بقى، احنا ناس غلابة، وخلقنا في مناخيرنا، ومافيش مرة امشي فيها في الشارع الا والاقي ناس بتضرب بعض (على الاقل تلات خناقات ضرب من غير كلام في الرايح وتلاتة زيهم في الجاي) وراح لنا ناس في عبارة وبمنتهى الجليطة الاعلام كان بيذيع ماتش ساحل العاج من غير اي مراعاة للالف ميتم اللي في البلد، ويترقصوا ويغنوا، وراح لنا بعدهم ناس تحت صخرة، لا حد اقيل ولا حد اتحاسب ولا حتى حد قرالهم الفاتحة في التلفزيون، ومن كام سنة طار تلاتلاف في قطر، وما شفناش هشام عباس وايهاب توفيق ولا اغنية دينية واحدة 
(دول جابوا من اول دعوة ابراهيم ونبوءة موسى)
ده غير سرطان الاطفال، وضيق العيشة، والناس اللي ماشية في الشارع بوزها شبرين
اقصد يعني، احنا ناس نعرف الاصول، بس تعبانين، ومزاجنا مش تمام، على رأي مالكوم اكس
our temper is like a snake
والضغط العصبي والحياتي بيولد جوانا، غصب عننا، شوية شر ادي احنا بنحاول نكبحه، فإيه؟ ما تتكوش علينا قوي، مافيش داعي واحد يطلع يتكلم على اساس ان ده اول واخر طفل جنازته تشيع: مش ممكن، جنازة فيها سكينة غرييييييبة، كأن مافيهاش حد، مع انها كانت امم، ربنا بيدينا علامات وامارات، ليه؟ لان دي جنازة طفل
صح، دي جنازة طفل من ضمن الاطفال اللي جنازاتهم بتتشيع كل يوم (واللي احنا قتلنا منهم عدد لا بأس به في يناير اللي فات، وانا بشكل شخصي حاسة ان ايديا ملطخة بدم اطفال غزة) ومحمد علاء اكيد من اهل الجنة، وطبعا ملاك زي كل الملايكة اللي بيروحوا، وشفيع لوالديه ان شاء الله، وبلاء كبير وكل حاجة، واجره على قد المه
كلنا عارفين الحكاية دي، مش محتاجة عشرميت برنامج تلفزيوني متكلف بضرايبنا عشان تحكوا لنا الحكاية دي تاني
الله يرحمه، ويصبر امه وابوه، وحتى عمه اللي اول مرة في حياتي اشوفه في الحالة دي، ويكون في عون جده وجدته وينور بصيرتهم جميعا
كل اللي شفتهم واتكلمت معاهم النهاردة وانا منهم بندعي لهم بالصبر والسلوان وبنور البصيرة واكيد ان شاء الله الطفل ده في الجنة، مافيش داعي الاعلام يعمل زي الدبة اللي قتلت صاحبها ويطلع مننا الشر اللي اتولد جوانا غصب عننا
4- ساويرس مشغل قرآن على او تي في؟
يا جدعان ما تضغطوش علينا 

Tuesday 19 May 2009

الخبر في الجزيرة: وفاة الطفل محمد علاء مبارك

البقاء لله، محمد علاء مبارك، 13 سنة، توفاه الله والخبر تأكد في الجزيرة
ربنا يرحمه ويصبر امه وابوه، التلفزيون المصري ما جابش سيرة، ساعات البني ادم من كتر حرصه مع غباوته يبقى جلياط، يعني الولد توفاه الله، رحمة الله عليه، مش يذيعوا خبر ويعزوا على الاقل امه؟ مكتمين على ايه؟ نفسي افهم عقلية الابيض واسود ومسلسل هارب من الايام دي ح تخلص امتى، دول لسة ما وصلوش للتلفزيون الملون، هو فيه حاجة بتختفي؟
اهو كل الناس عرفت اهو وقالت وهم مخبيين خبر الدنيا كلها عرفته
ملحوظة: ده طفل مالوش ذنب في اي حاجة، وربنا ما يوري حد اللي امه فيه دلوقت، وارجو من المعلقين مراعاة حاجة زي دي
تحديث:
الخبر نزل في كل حتة في الدنيا مش بس في الجزيرة، عدا مين؟ اسم الله عليكوا
على فكرة ولا حتى الصحف المصرية، هي دي الريادة، كتر خيرهم والله، يعني انا لما شفت الخبر وصورة الولد وهو طفل عيطت، بس لما قلبت على قناة مصرية ضحكت، ربنا يرفه عنهم
البي بي سي
الفجر
الجريدة

Monday 18 May 2009

حدث بالفعل

Based on a true story
الشخصيات: الفلاح الفصيح، الخنيس، العبثي، كحيت الأليط، الأستاذ يا ناس يا شر كفاية قر، مراقب الأنفار، وانا مالي هه، الاستاذة على كيفي، المخبولة، الهلف
المكان: مكان ما في القاهرة/ مصر
الأحداث
الاستاذة على كيفي: شفتوا اللي حصل في الخنازير يا عيني؟
الفلاح الفصيح: الله يحرق الخنازير على اللي بيربيهم
المخبولة: الله؟ وعلى اللي خلقهم كمان؟
الفلاح الفصيح: استغفر الله العظيم
الاستاذة على كيفي: ده بيرموهم في الجير الحي احياء
المخبولة: وكتبوا في الجرنال ان رموهم في النار
العبثي: والله ما فيه خنازير غير اللي بيعملوا في الحيوانات كده
الهلف: اصل الخنزير ما بيحسش
العبثي: نعم؟
الهلف: ايوة، الخنزير ما بيحسش، ده كلام علمي يا استاذ، مش لما واحد يبقى ما عندوش دم يقولوا له يا حلوف؟
المخبولة: ومين بقى اللي قال لك الكلام العلمي ده؟
الهلف: واحد صاحب مزرعة خنازير... قال لي بيضربوهم بالعصايا عشان لحمهم يزيد
يا ناس يا شر كفاية قر: يعني معنى كده انهم ما بيحسوش؟ وهو ده بقى مصدرك للكلام العلمي؟ صاحب مزرعة خنازير
الهلف: انتوا بتدافعوا عن الخنازير
العبثي: مش حيوانات؟
الفلاح الفصيح: حيوانات ربنا محرمها
العبثي: يبقى مكرمها...
الهلف: مكرمها؟ ده فيها نص يا استاذ
المخبولة: مش ربنا اللي خلقها وخلاها تولد كل اربعين يوم وفي نفس الوقت امرنا ما ناكلهاش؟ يبقى ربنا بيرحمها مش بيكرهنا فيها؟
الفلاح الفصيح: تصدقي صحيح، الفكرة دي ما خطرتليش على بال خالص
الهلف: صحيح ايه؟ ما كانتش اتحرمت بنص، انت عارف؟ الخنزير الدكر بياكل صغاره، عشان كده النتاية بتطرده برة الحظيرة
العبثي: والقطط كمان بتعمل كده
الهلف: بس الخنزير ما بيحسش، خلاياه الحسية ميتة
العبثي: لعلمك فيه بني ادمين هم اللي ما بيحسوش... خالص بقى
الهلف: ده كلام علمي
(الكل بيضحك)
الهلف: دي حيوانات قذرة، فيه حيوان ياكل روثه، ده حيوان بياكل روثه ولو نام على صغاره ممكن يموتهم من كتر عدم احساسه، عشان كده بيرضعهم شوية ويجري ويرجع يرضعهم تاني
المخبولة: يعني بيحس اهو... انت بتاكل كلاب؟ عمرك اكلت كلب؟ عشان مش بتاكله تقوم تعذبه؟ وبعدين ايه حيوان قذر حيوان قذر، عيب عليك ده انت فلاح، ده الفلاح الجاموسة عنده اهم من مراته وولاده
الهلف: اه... طب وايه دخل الجاموسة في الخنزير؟ الخنزير قذر
المخبولة: آه، لكن طبعا الجاموسة بتعمل بيبي في الحمام وبتشد السيفون وبتغسل سنانها بعد الاكل
الفلاح الفصيح: اااااااااه، جبت الكلام لجمايسنا، ايه اللي جاب سيرة الجاموسة دلوقت، جمايسنا في زرايبها مالهاش دعوة بحد
الخنيس: مالكوش دعوة بجمايسنا ولا لينا دعوة بخنازيركوا
الهلف: اه صحيح يا عبثي، ده انت بتاكل خنزير، لا مؤاخذة، معلش، جرحتك
العبثي يتنفض وهو بيبرطم
العبثي: فيه بني ادمين هم اللي خنازير بجد
المخبولة: دي اخلاق دي يا هلف؟ احنا بنتكلم في ايه دلوقت؟ ينفع تقول لزميلك الكلام ده؟
المخبولة تقوم وراه: استنى انا جاية معاك
العبثي هامسا: انا مش عايز اكلم الهلف ده تاني، لا وكمان بيعايرني عشان انا مش مسيحي وباكل خنزير
الاتنين بيدخلوا بارتيشن تاني والتانيين قاعدين بيدخنوا
الكحيت الاليط: يا راجل؟ بقى فلان الفلاني (ممثل) شاذ؟ اخص الله يقرفه
الخنيس: وانت ايه اللي مضايقك في الـ..
ياناس يا شر كفاية قر: باقول لك ايه؟ ما تقعدش تقول لي مثلي... مثلك انت
الكحيت الاليط: مش عارف، انا باتضايق منهم قوي، دول مرضى
العبثي: ده الكلام ده في الستينات، دلوقت بيقولوا خمسين في المية سلوك وخمسين في المية جينات
الكحيت الاليط: طب والواحد يعمل ايه في التربية عشان يتأكد ان ابنه ما يطلعش كده؟
الخنيس: يعني لو جينات ح تغيرها ازاي؟
المخبولة: ييييييييييييييييييييييييي يا اخي بيقول لك خمسين في المية جينات خمسين في المية سلوك
الخنيس: لا، الجينات ح تخلي عنده الميل الجنسي، لكن السلوك انه ما يندمجش في الممارسة
المخبولة: التدخين جينات، وممكن لو واحد اتربى في بيئة مافيهاش تدخين يطلع ما بيدخنش رغم ان عنده الجينات
الكحيت الاليط: طب انا لا ابويا ولا امي بيدخنوا وانا بادخن
العبثي: يا اخي بتقول لك جينات جينات، الجينات دي مش من ابوك وامك بس
الخنيس: اللي بتقولوه ده كلام مش علمي، مافيش حاجة تمنع اللي عنده ميل جنسي معين انه يغيره، ده علم، كمان من الملحوظ ان نسبة كبيرة من النساء الاوروبيات، ان لم يكن اغلبهم، بيبقوا باي سيكشوال.... انا لمست ده بنفسي من خلال الشات
الفلاح الفصيح يدخل وهو بيوجه كلامه للمخبولة
الفلاح الفصيح: انت زعلتي عشان الخنازير يا استاذة؟
المخبولة: مش كده، بس واحد بيقول الخنازير ما بيحسش
العبثي: ده هو اللي خنزير وما بيحسش
يا ناس يا شر كفاية قر: لا بص يا فلاح يا فصيح، الا التعذيب، دي مخلوقات ضعيفة، ربنا ما يرضاش بالتعذيب، اللي فعلا يستاهل ينزل في الجير الحي ويتسلخ حتة حتة ولاد الكلب اللي بيخطفوا العيال الصغيرة ويتاجروا في اعضائهم، اهم دول ينزلوهم حتة حتة في الجير الحي، لحد ما يغطسوهم وقبل ما يموتوا يطلعوهم ويرجعوا يغطسوهم تاني
العبثي يقوم عشان يخرج: لااااا النهاردة يوم سادي ابن كلب
يا ناس يا شر كفاية قر: انا بقى سادي
المخبولة: انا بس عايزة اقول لك حاجة، التعذيب بيضر اللي بيعذب زي ما بيضر اللي بيتعذب
يا ناس يا شر كفاية قر: انا بقى باحب التعذيب، ماهو انت لو ابنك، لا قدر الله، حسيتي انه اتخطف واتقتل واتقطع واتاجر في اعضائه ما كنتشي قلتي الكلام ده، كنتي اخدتي ساطور وقطعتيه ستين حتة وما استنتيش البوليس
المخبولة: ايوة دي مشاعر انسانية طبيعية بس القانون مش هدفه الانتقا....
يا ناس يا شر كفاية قر: ما تقوليليش الكلام ده، حطي نفسك مكان الام وللا الاب
الكحيت الاليط: ايوة ما هو ح ياخد اعدام، ايه لزوم التعذيب؟ التعذيب ده انتقام واصلا الاعدام ده لوحده حاجة صعبة
يا ناس يا شر كفاية قر: يبقى يتعدم في ميدان عام
المخبولة: يعني انت ترضى تخلي بنتك اللي عندها خمس سنين تتفرج على واحد بيفرفر
يا ناس يا شر كفاية قر: لا، انا بنتي ما تتفرجش، واللي عايز ما يتفرجش ما يتفرجش، بس المهم انه يبقى رادع
الخنيس: مش ح يبقى رادع، ومش ح يحل المشكلة، اللي ح يحل المشكلة ان يبقى فيه عدالة اجتماعية
الكحيت الاليط: عدالة اجتماعية ايه يا عم؟ واحد بواب يخلف لي تسعة وتقول لي عدالة اجتماعية؟ ده مفروض يتعدم هو وولاده
الخنيس: قبل ما تعدمه، روح اعدم اللي بيعمل فرح لابنه بتسعة مليون دولار
المخبولة ويا ناس يا شر كفاية قر في لحظة واحدة: يتعدم هو وولاده؟ مين ده؟
الكحيت الاليط: البواب اللي يخلف تسعة، ده يستاهل الاعدام، يخلف وبعدين يشتكي الفقر
يا ناس يا شر كفاية قر: يا راجل اتقي الله
المخبولة: لاااااا ايه اليوم الغريب ده؟
وبعدين تقوم وتطلع في المكان الاول وهي بتكلم العبثي: ايه اليوم الغريب ده؟ واحد يقول الخنازير ما بتحسش وواحد يقول البواب اللي يخلف تسعة يتعدم وواحد عايز الناس تتعذب وواحد يقول كلام علمي جبته من الشات الاوروبيات باي سكشوال
الهلف: انت بتقارني ما بيني وبين الكحيت الاليط، ده واحد عايز يموت بني ادمين، لكن الخنزير ما بيحسش
يا ناس يا شر كفاية قر بييجي بيقعد على الانترنت وبصوت هادي
يا ناس يا شر كفاية قر: اهو، بص يا هلف، تشريح الخنزير اهو، وبيحس، وخلاياه زي خلايا البني ادم، بيحس، بيحس، ربنا اللي خالقه
الهلف: يعني بيحس؟ ده مش كلام علمي
مراقب الانفار: والله انا ليا راي في الموضوع ده، هذه ايات ودليل على ان الاسلام هو الحق
الاستاذة على كيفي: يا سلام، ازاي بقى؟
مراقب الانفار: لان ربنا حرم الخنزير واهو بينقل مرض
على كيفي: يعني الواحد يفهمكوا ازاي؟ لو اكلت عشرين كيلو خنزير مش ح يجيلك انفلوانزا الخنازير، وبعدين طب ما ربنا ما حرمش الفراخ، ماهي بتجيب مرض وبيموت
وانا مالي هه: انت عارفة يا استاذة ان اسرائيل زعلانة قوي على اعدام الخنازير
المخبولة: واسرائيل تزعل ليه؟ هي مالها؟
وانا مالي هه: ما انت عارفة بقى صلة اللي بين الخنازير واليهود
(الجميع ما عدا الهلف ومراقب الانفار)
الجميع: ياااااااااااااا سلاااااااااااااااااااااام
المخبولة: مش ممكن، حضرتك مش ممكن تكون عايز تقول لي ان الاسرائيليين حاسين بحنان القرابة ما بينهم وبين الخنازير وعشان كده زعلانين عليهم
وانا مالي هه: امال يعني تفتكري زعلانين ليه؟
الفلاح الفصيح يضحك لحد ما عينيه تدمع
المخبولة: ويا ترى الخبر ده شفته فين؟ ماحدش فينا سمع بيه خالص، ثم اسرائيل مافيهاش خنازير
وانا مالي هه: على الوكالات
الكحيت الاليط: مخبولة، انت زعلتي عشان باقول البواب لازم يتعدم
المخبولة: تفتكر ايه؟ لا والله فرحانة قوي
الكحيت الاليط: انا مش قصدي يعني يتعدم يتعدم، بس هو المسئو..
المخبولة: انت بتحمل الضحية المسئولية، هم لهم حق يخلفوا ويعيشوا زي البني ادمين، انت كنت لسة بتتكلم عن السويد من شوية وبتشكر فيهم، السويد مافيهاش الغنا الفاحش اللي عندنا ده، مصر فيها فلوس، ومدام فيها فلوس يبقى من حق الناس كلها تخلف وتعيش زي البني ادمين مش واحد يبقى معاه مليارات وواحد يتلام عشان بيخلف وهو فلوسه مسروقة
الكحيت الاليط: بس رجال الاعمال دول كل حاجة تجيبوها عليهم، يعني انت عايزة اشتراكية؟
المخبولة: على فكرة السويد اللي عاجباك دي اشتراكية
العبثي: اففففففففففففففففففففففف النهاردة يوم غريب قوي
-------------------
الحوار اعلاه مدمج ولم يتم تحريف فيه حرف واحد