Friday, 22 May 2009

قال بيقول لك 99 في المية من النقض في احكام الاعدام تقبل




 
وانا مش عارفة يعني ايه اللي مزعل عمرو اديب قوي كده، طب انا واحدة سنتيمنتالية مهترئة، بس ده قاتل، وانا مش ضد احكام الاعدام، ويستاهل الاعدام، عشان دي بني ادمة، بس ينفع اني اتعاطف معاه من الناحية السنتيمنتالية المهترئة
لكن هو زعلان ليه؟ هو عمرو اديب سنتيمنتالي مهترئ؟ ده عامل زي معلقين الكورة 
ثانيا..... واسمع انت عشان بتحب الكلام
قال بيقول لك خير اللهم اجعله خير المحامي آمر ابو هيف عضو مجلس شعب ان تسعة وتسعين في المية من نقض احكام الاعلام عفوا، الاعدام، بتقبل فراح عمرو اديب قال له: ويتخفف الحكم
قام قال له (واسمع انت عشان بتحب الكلام ده): وممكن ياخد براءة خالص
هو الراجل قال حاجة؟ هو بيقول ننكن، ننكن
وده ننكن يحصل ازاي؟ لما ياخدوا القضية في دايرة تانية خاااااااااااااااااااااااااالثثثثثثث، قووووم تعاد المحاكمة من اول وجديد
همممممم ادي احنا مستنيين
اصل الكلام كدهون مش راكب على بعضه، الكاتب محمد صفاء عامر، بيقول محكمة النقض بتشوف استخدام مواد القانون اذا كان صح وللا لا ومالهاش دعوة ده اعدام وللا سجن، وده الكلام الاقرب للمنطق، وعلى فكرة ده الكلام اللي قالهولي ناصر امين ايام محاكمة اسلام نبيه لما كنت خايفة من النقض، وقال لي غالبا النقض لا يقبل في القضايا اللي فيها القاضي بيغيب ويفلي في ملف القضية بالطريقة دي
بس طبعا زي ما احنا عارفين، مدام عضو مجلس الشعب قال ننكن ياخد براءة يبقى ننكن ياخد براءة، خصوصا ان المحامين بتوع المتهمين مصممين يقولوا ده مش حكم ده قرار! اي والله عليكوا، بيقولوا كده
حقة يا عيال لو اخد براءة، دي تبقى مسخرة، والمسخرة الاكبر لو اخد خمس سنين
عموما على ما ينظر النقض ح يكون املي اتحقق واللي في بالي اتعظ ان شاء الله

77 comments:

mido said...

عمرو أديب ده تعبان هو و اللي معاه بالمحامين واحد واحد و آمر أبو هيف ده اسكندراني حزن وطني مرشح نفسه في مجلس الشعب بس الانتخابات في دايرته موقوفة علي ما أذكر

جبهة التهييس الشعبية said...

ايه القرف ده
http://www.youtube.com/watch?v=ikN1dmURFUU

مهندس حر said...

الشخص ده كان ها يضيعلى التليفزيون لأنى سبق و حدفته بالجزمة فى لقاء له مع منى الشاذلى

mido said...
This comment has been removed by the author.
simplymoi said...

نوارة

أحاول أن تقارن أوباما وهو anti_christ نصر الله ومحمد عبد الله الذي هو. أبدأ تقويم المايا التي تتنبأ بنهاية العالم قبل 12/12/2012.
أحتاج رأيكم في منصبي. عفوا عن لغتي غوغل ترجمة تعليقاتي.

mido said...
This comment has been removed by the author.
4 said...

بس بفهم شلون واحد تسبب بقتل وحده

ويفكرون نقض الحكم

وين العدل!!

mohamad said...

المطربات بقالهم فترة حظهم مش كويس مع رجال الأعمال المصريين

ذكرى
سوزان تميم

ربنا بستر على هيفاء :-)

مى said...

فعلاً اللى صدر إمبارح قرار بالإعدام

علشان كده فى منطوقه مش لازم القاضى يقول

إنه بإجماع الآراء

و ده النقطة الوحيدة اللى قدر يتكلم فيها فريد الديب فى إحاديثة الإعلامية بالرغم من عدم حضورة الجلسةو قالك أنا مبحضرش جلسات النطق بالحكم


المهم إن القضية

بعد ما توصل من المفتى

و ترجع تانى للمحكمة

هنا بيصدر

الحكم

و اللى لازم فى منطوقه يكون بإجماع الآراء

Kontiki said...

عمرو اديب فاقد المصداقية اللى جاب شعبيتة من التجعير فى القنوات و بيوهم الناس انه بيقول الحقيقة بس الحقيقة الوحيدة فى الاعلام ان شلة التهليل و عرض مشاكل الناس كأنهم فعلا معارضين هم الوجة الاخر للعملة و للحكومة عشان تبقى الحكومة و المعارضة منهم فيهم مفيش حد غريب واكبر دليل على دة القبض على كل صاحب مدونة او جروب او اى حاجة فيها راى حر او فكر مستقل او مختلف دة من حيث المبدا عشان نتفق على عمرو اديب و شلة البيت بيتك و غيرة كمان بيعملوا نوع من قياس و توجية الرأى العام ناحية قضية معينة ماعلينا
ان هشام يأخد براءة خالص مستبعد براءة لية ! على اساس اية انه محرضش ! انه مكانش يعرفها ! كان قاعد فى بيتة لا بيه و لا علية لقى القضية لزقت فية ! محدش ينكر ان اى محامى شاطر ممكن يلاقى مليون ثغرة تخلى القاتل برىء ! وسيبك بقى من القانون و الثغرات و كل حاجة وفكرى مين اللى دفع فلوس وحرض مين اللى بسطوتة سهل كل السبل عشان البت اللبنانية تتقتل ! هو و لا الظابط المرتزق اللى معاه العملية محسوبة اللبنانيات بيحبوا المصارى زى عينيهم وممكن تبقى بنت لبنانية عادية ومترضاش و ميملاش عينيها غير اللى عندة فلوس كتير عشان يصرف على الفسح و الموضة و المكياج و السفر و الرجالة المصريين اقل رجل اعمال لو ربنها فتحها علية شوية بيبص لسكرتيرتة او اى واحدة متزوقة شوية و يحب يدلع نفسة فتخيلى بقى اللى عندة ملايين و عاوز كل اساليب الزواق و التدليع و الظباظ غلابة عندة سلطة لازم يشغل عقلة و مهارتة عشان يبقى معاة فلوس مرتب الحكومة مش بيكفى حد( دة لو فى حالة انه مش شريف )يامكتر الظباط الشرفاء اللى شفتهم بيطلبوا مساعدات وسلف عشان يتجوزوا ويلاقوا يفتحوا بيت و يامكتر الظباط الشرفاء اللى مديونين
و عايشين على قدهم
المعادلة سهلة فلوس وسلطة وجمال ونفوس مريضة
ومافيهاش حد برىء حتى المرحومة

سبهللة said...

دة لو اخد براءة
دى تبقى مهزلة

الكلمة نور said...

لو القرار رجع من الافتا متصدق عليه
والدايرة اللى حكمت اتغير منها فرد القضية تتعاد من اول قدام دايرة جديدة
ودا سهل يحصل
لان اى عضو فيها ممكن ينتدب لاى مكان تانى ;)
وعمرو اديب زعلان لان مدينتى هيا اللى بترعى البرنامج بتاعه ولان طارق طلعت مصطفى صاحبه
ولان الموضوع مش بالبساطه واحد قتل وهياخد اعدام الموضوع اكبر من كدا شوية
وهشام رغم الاغماء والجو ده راجل مش سهل خالص مالص
وان لم يكن له فى حسام ابوالفتوح عبرة
فاحالة الاوراق للافتا ممكن تكون عبرة ويعقل

TAFATEFO said...

هشام طلعت ليه حكم من اتنين

يا اما إعدام أو مؤبد زي ما ياخد محسن السكري لو اقتنعت المحكمة بثبوت تهمة التحريض عليه

يا اما براءة لو مقتنعتش المحكمة بثبوت تهمة التحريض عليه

وكانت ناس كتير جداً متوقعة البراءة .. وفريد الديب بيقول ان الحكم ده غريب وانه فعلاً مش حاسس انه حكم وانه قرار ردع زي ما بيقول .. والرجل بيؤكد ان مفيش دايره تانيه من المريخ حتى ممكن تحكم على هشام بحيثيات مقنعة

lastcrazyboys said...

ايع الغريب في الموقف ده
ماهو لما واحد من رجال الأعمــال يقع

لزمــن وحتمن كلاتهم يقفوا معاه.

طبعا عارفين كلنا ان عمورة قبل ما يكون مذيع ..هو بسبس مان قد الدنيا

ثانــيا بالنسبة للنقض ومش نقض ده كلها اشكال ..وروتين لو في نيتهم حاجة

يعني العملية كلها نوايا في نوايا

لو في نية للبراءة ..يااخد براءة ..ليه لأ

ده عنــدنا في البيت الصبح بلبس في امانة الله وبتطيب ونازل زي مخاليق ربنا الاقيهملك ايييييه صوتهم جايب اخر الدنيا

ازااااااي ..ده مش قريب ماما سوزان ..ازاي بس

الناس عندهم قناعات ومش هتتغير

مش بقولك..بلد نوايــا


ننكن بقى ايه -على رأيك-"النوايا" دي تتزرع ..وحد ياخد باله منها

تطرح وتبقى فل

حواديت مصرية said...

هو فيه سؤال هل لو كانت الجريمة تمت فى مصر كان نفس المتهمين فى القفص ولا كان المتهم راحد عشوائى من الدويقة مثلا وبيقولك ان السبب فى ده ان النسبة المفروضة على هشام فى مشروع مدبنتى كانت عالية قوى دلوقتى بيقول هشام ياخدوا ميه فى الميه واطلع وبيقولك انه اتصل بعوكل وقاله انا الراجل بتاعك ازاى تسيبونى كده فقاله عوكل اعملك ايه مانت حمار مش دى سوزان اللى اتفقنا عليها

مواطن مصري said...

و النبي و النبي و النبي شوفي اليمنين بيتخانقو ع الهواء في الاتجاة المعاكس


و شتايم و بيقولك اليمن ديموقراطية لا تعرفها الدول العربية هههههههههههههه

http://www.youtube.com/watch?v=PfORm9U60gE


اتفرجي علية و ادعيلي

احمد سعيد said...

عمرو ازيط دة

انا لو اكرمته هقول عليه اراجوز

دة اكثر الالقاب احتراما اللى ممكن تتقال عليه

انا شفته مرة واحدة بس

ايام موضوع المحله

من يوميها

ونا مقاطع القناة كلها

ومجرد صورته

بتجيبلى حاله نفسيه

طب دا برنامج البيض بيضك عندى احسن من برنامجه

على الاقل بيضحكنى

كنوع من الكوميديا السوداء

انما عمرو

لاااااااااا

موووووووووز مووووووز موووز

lastcrazyboys said...

mohamad :

أولا ذكــرى مكنش ليها علاقة برجل اعمال ..ده كان جوزها

ثانيا وده الأهــم ..الراجل اللي اتهم بقتلها مات هو كمان في نفس الحادثة

جوزها كان كبش..زي ما اعتقادي ان طلعت برضه كان حتة مغفل لأنه لبس الطعم زي التاكس

ذكــرى يا استاذي اتقتلت لأسباب سياسية بحتتتتتة

ومتخلناش نفتح مواضيع ..ونفرش الغتر والعقالات

==============

مواطن

اه اليمن أم الديموقراطية العربية وساسها

بأمارة ابن الشاويش علي عبدالله صالح

أحمد -اللي ماسك القوات الخاصة-واللي مسيطر على الملاحات في عــدن

ومتورط في قضيــة فساد حيث
كشفت إحدى محاكم فلوريدا الأميركية أن العقيد أحمد علي عبد الله صالح نجل الرئيس اليمني متورط بمعية مسؤولين في وزارة الاتصالات اللاسلكية اليمنية بتلقي رشى من شركة اتصالات أميركية.

واللي تردد مؤخرا أنباء مؤكدة عن قيام عدد من أعضاء مجلس النواب بجمع توقيعات لاتخاذ قرار بتعيين الأخ العميد احمد علي عبدالله صالح قائد الحرس الجمهوري في منصب نائب للقائد الأعلى للقوات المسلحة.في خطوة اولى للتوريث

ااااه معلومة اخير علي سارق البيض..قصدي علي سالم البيض
"اخر رئيس لليمن الديموقراطية " اللي هي اليمن الجنوبي قبل الاتحاد عام 90

اعلن انه هيواصل االنضال مرة تانية عشان الانفصال من جديد
ورجوع اليمن الجنوبي

وكانت عمان لسسسسسسة ساحبة منه الجنسية بتاعتها امبارح

ده انتوا مش هتخلونا نفرش عقالات بس..لا عمم كمان

كفاااية بقى

حواديت مصرية said...

بيقولك ذكرى قابلت سوزان فى وقالتلها ماقلنا بلاش رجال اعمال مصريين انتى ماسمعتيش الكلام وبرضه هايفة ماسمعتش الكلام الدور الجاى عليها

TAFATEFO said...

طب ما كده ممكن جداً محكمة النقض تلغي الحكم

كان في حوار لـ عمرو الليثي مع عادل إمام .. عادل إمام أبدع فيه أم كل إبداع في الدنيا .. وخصوصاً في كلامه عن المقاومة وعن بتشتموا حسني مبارك ليه

كلامه عن المقاومة ده اللي رهييييييييييييييب .. صبي عالمة راخر بيتكلم

دا أبو الغيط ده نعمه

mido said...

طفاطيفو : أكيد سجلت حلقة عادل امام ؟

جبهة التهييس الشعبية said...

simplymoi

yes the google translation is terrible and I can't get a word, you said about Nassrallah that he is an anti-christ?
you meant that? or are you calling Obama an anti-christ?
the Maya calender? :) I don't believe in such things.. nobody knows the future except God

lastcrazyboys said...

أهــو بيكيفني في الحاجات دي

المقاومة في معركة الوعي والذاكرةلمــا بيلاقي ان المواضيع هتاخد مشاوير فرعية..وهنسيب الحاجة اللي احنا جايين عشانها ..ونقعد بقى نشوف ده بيبصلي ازاي
وده بيكلمني من غير نفس
بيرجع يقول : خلاص ياخونا ..حقكم عليا..ااااادي دماغتكم اهو..فوقوا بقى

جبهة التهييس الشعبية said...

بيقولوا حسني مبارك كلم هشام طلعت وقال له: تستاهل الاعدام... بقى هي دي سوزان اللي قلت لك تقتلها يا احول؟

بدراوى said...

أخبار الحوادث
انهارده جايبة تغطية ممتازة للجلسة
هى جرنان اصفر
و انا مش بجيبه
بس الصراحة انهارده عاملة شغل كويس

بس اللى يفقع مرارة القرد

ان محمود صلاح قايل
ان الأن خرست الأصوات
التى قالت ان مصر سوف تطرمخ على القضية

و رؤساء الأحزاب الأراجوزات
يقولون
القضاء المصرى عادل
و لا يفرق بين غنى و فقير
الكل سواء امام القانون

تييييييييييييييييييت

بدراوى said...

اه قريت فى المصرى اليوم انهارده
ان المفتى
من 2003
ساعة اما تولى
لحد دلوقتى
جاتله
400
قضية اعدام
وافق
على 398
و رفض
2
بس

TAFATEFO said...

mido

لا مش أنا اللي سجلتها بس عندي .. واصبر على رزقك دانت هتضحك ضوحك .. مش ضحك .. ضوحك

مهندس حر said...

أوباما أعلن إمبارح إن بعض المحتجزين فى جوانتانامو ربما يبقون رهن الإعتقال لمدة غير محددة بدون محاكمة
http://www.washingtonpost.com/wp-dyn/content/article/2009/05/21/AR2009052104045.html?hpid=topnews

فتاه من الصعيد said...

بيتهيئلى عمرو مدايق علشان مدينتى الراعى الرسمى للبرنامج....او يمكن موش حابب يبان مبسوط وكده علشان الموقف موش لطيف...ده حكم اعدام برضه
المهم ما تخافيش مسمعناش حد خد اعدام وبعديها براءه الا فى الافلام العربى لما القاتل ابنه تخبطه عربيه ويتوب لله ويجرى ع المحكمه ويقول....احمد برىء....انا اللى قتلت منى...ويبكى من الندم والحسره
دمتى بخير....تقبلى مرورى

TAFATEFO said...

تحذير : هذا المحتوى خطر خطورة شديدة على الصحة الجنسية للبالغين .. لا ينصح به للرضع والأطفال والحوامل والمقبلين على الزواج .. وطفاطيفو غير مسؤول عن أي عواقب تنجم عن مشاهدة هذا المحتوى (بداية بالحموضة والغازات وانتهاء بالعجز الجنسي) .. ألا هل بلغت .. اللهم فاشهد

simplymoi said...

Hi nawara

I meant that Obama is the new anti-Christ, but on the other hand nasrallah is Mohamed abdalla, the one that we all are waiting for him. That is the only explanation that I had. Obama is so good that can change you in couple of minutes. THERE ARE NO WORDS THAT CAN DESCRIBE HIM. The way of world makes think of the end. There are injustice in everywhere. Hungry, death,blood and each of us hate the other make fun of their color, religion,class. sometimes I hate this life.

Thank your quick response.

مهندس حر said...

لمن قد يكون الخبر السابق عن أوباما غير واضح بالنسبة له..

الخبر ده معناه إن معتقل جوانتانامو ممكن يفضل مفتوح لوقت غير محدد أو على الأقل إن المحتجزين دول ها يتنقلوا لمكان تانى مشابه خارج أراضى الولايات المتحدة..

ليه؟

لأن القانون الأمريكانى لا يسمح بإحتجاز أى حد دون محاكمة..

البعض بيبرر موقف أوباما الجديد بأن فى بعض الحالات المحاكمة أصبح محكوم عليها بالفساد لأن المحتجزين تعرضوا للتعذيب و بالتالى تصبح كل الإعترافات اللى أدلوا بيها غير قانونية..

يعنى يعذبوهم و فى الآخر يضطروا إنهم يحتجزوهم للأبد عشان عذبوهم!!

طب والله الناس بتوعنا بقى ذوووق ذوووق على الآخر.. يعنى الواحد من دول يعذبوه و بعدين يودوه يتحاكم عادى خالص..

جبهة التهييس الشعبية said...

:)
simplemoi

Okay, it seems that you are Christian from your termenology, let me bring it home to the guys here because they won't get it,
you think that Obama is "al dajjal" and Nassrallah, hmmm I m not sure, but you think that he is the 'Mehdi'? or the Messiah? this is a guess for the explanation of Muhammad abdullah.
hmmmm, well, it is true that both guys are charming, one in the direction of evil and one in the direction of good
but I don't think that even Nassrallah thinks of himself that way, he thinks that he is God's slave who is trying to be sincere and honest as much as he can... that is why he sends his sons to war, lost one of them with content and jeopardizing his life
and if we wait to Muhammad Abdullah, he is waiting with us
Obama is the "dajjal"? I don't know, I told you, it is hard to hate him, I myself is exerting a lot of effort not to be drunk with his eloquent charming speeches in which he says nothing but the same rhetoric of Bush, but in a charming way. Yet, as a Muslim, I believe that there are certain traits for the Dajjal, for instance he is one-eyed, he will appear in the middle east, and as far as I remember he is an orphan with Jewish roots. I don't thik Obama corresponds to these specifications

جبهة التهييس الشعبية said...

طفاطيفو
اللي صحته الجنسية تنضرب من اراجوز زي دي يبقى هو بقى اللي بيتلكك
ههههههههههههههههههههههه

اما اشوفه
انا اول كلمه سمعتها: ماحدش يقدر يعمل حاجة لاسرائيل وانا باعلنها

الله عليه
الله عليه
ما بقاش الا الاراجوزات كمان

مواطن مصري said...

طفاطيفو عادل امام معاة حق اتفق معة في الي قالة بنسبة 80 في المية من كلامة

مواطن مصري said...

عادل امام عشان قال الحقيقة زعلانين منو بدل ما تشوفو الحقيقة و متعشوش الوهم الي صنعة الجزيرة

جبهة التهييس الشعبية said...

ده كلام سواقين ميكروباص ده

حتى عمرو الليثي ابن الاريال كان بيبص له بقرف وعايز يرجع في وشه

دودو said...

واللة اخر زمن صحيح
معدش الا الاراجوزات كمان على راى نوارة
يقعد وينجعص ويقول راية
زمن العجايب انا اول ماشفتة غيرت القناة بنى ادم مقرف
طفاطيفو
ياريت بدل ما تتحفنا بفديو عن كلام المخلوق دة
تحاول تنزل فيديو عن الفقرة اللى كانت قبلة
بتاعة الست الضريرة اللى فى احدى قرى المنوفية
علشان كلنا نشوف قد اية فية ناس فى البلد دى ذنبها هيفضل فى رقبة اللى فى بالى الى يوم الدين

مهندس حر said...

حد منكم فاكر د. عبدالوهاب المسيرى رحمة الله عليه..

اللى ما شافش الحلقة دى من برنامج بلا حدود مع عبدالوهاب المسيرى ياريت يشوفها لأنها بتقدم دلائل موثقة و نتائج رحلة عمر من البحث فى اليهود و اليهودية و الصهيونية و بتخرج بنتيجة واضحة و هى إن نهاية إسرائيل حتمية و إن المقاومة و إستمرارها ليها الفضل الأكبر فى جعل هذه النهاية تقترب..

http://www.youtube.com/watch?v=I7DBS1ZxPVM

مهندس حر said...

كلام عادل إمام هو إنطباعات شخص جاهل و لا ينبغى توقع ما هو أكثر منه.. المصيبة فيمن يعطى الرجل أكثر من حجمه سواء من صدقه أو من هاجمه..

بعنى لو الرأى ده قالهولك بياع بطاطا فى الشارع هاتهاجمه .. لأ .. ها تقول ده راجل بسيط و جاهل.. اللى لازم نفهمه إن فى زمانا ده أغلب الناس ما يفرقوش حاجة عن بياع البطاطا.. و من الطبيعى إنك تقابل أستاذ فى الجامعة وعيه و إدراكه للأمور لا يزيد فى شيئ عن البسطاء غير المتعلمين..

بل إن الفطرة السليمة فى أحيان كتيرة بتتيح للبسطاء دول قدرة أفضل على تبين الصواب من الخطأ و الحقيقة من الخداع..

simplymoi said...

Dear nawara

I am Muslim and Arab, but I do not have Arabic keyboard plus I speak 3 languages in my home so my Arab is not that strong. First, Obama could be the dajjal and do not forget that his father is from Kenya( sort of middle east)and one eye could be Obama one of his eyes is weaker than the other. Nassarallah is the med hi. I am concern with the end so we can improve our selves and work for the little time we have.

lastcrazyboys said...

أولا أحســدك على القدرة على الترجمة الرائعة..واعترف اني قعدت مبلم اربع مرات اني استوعب في ايه

بس معلومات الدجال دي جديدة عليا..ذو جذور يهودية..ويتيم.؟.
!!!!!!!!

ثــانيــا بالنسبة للفيديو انا لاحظت حاجة مهمة جــدا
عــادل امام اكتشف اكتشاف مرييييع..وخطيييير كان غايب عننا طووول الفترة دي..ايه هو بقى

اسرائيل طلعت دولة فزيعة فزييييعة
بتضرب الأطفال الصغيرين


والله حبيبي عدول..الوحيد اللي بيعرف يضحكني من قلبي..اادي اللي بيشككوا في بقاء عادل على عرش الكوميديا

بس خدت بالك يا طفاطيفو من الحتة الشوفينية بتاعة الشعب المصري هو الوحيد اللي قاوم

==
سؤال خبيث..منيييييين المقاومة بتاعة حماس - اللي اتضح انه ميعرفش عنهم ايييييييي حاجة-والاطفال العــزل يعتبر تصرف اهوج وعبيط
ومنين احنا في ست سنين"لاحظوا انه شاور بايديه اتنين"قدرنا اننا نلم انفسنا بايه يا دوووله..بالمقاومة..بالاستنزاف

وبمناسبة حرب الجيش لجيش..هو مش بورسعيد الباسلة كانت مقاومة شعبية برضه ..!!!!ومش ضد واحد ولا اثنتان ....بل ثلاثة

ولا الكلام بتاع المدارس..والكتب كله هجايص

ده شيــكو كان عمال يبلغ على المقاومين وليلى فوزي منفعتوش في الاخر

مهندس حر said...

مواطن
-----
إيه ال20% اللى إنت مختلف معاه فيهم؟

77Math. said...

عادل إمام

هههههههههههههههههههههههههه
هههههههههههههههههههههههههه
هههههههههههههههههههههههههه

حاسة إني قدام واحد في ابتدائي

أقصى حاجة تردي بيها إنك
تقولي له بس يا بابا لما تكبر حتفهم


حموضة إيه وبتاع مين بس، ليه التخويف دا ؟

:D

مواطن مصري said...

اولا محدش يقول على تاني جاهل لان ممكن عادل امام يعرف اكتر مننا يكتتير و عندة خبرات فيالحياة عننا بكتير


ثانيا


خلينا واقعين و نشوف الي حصل في غزة

و نقد بحيادية و منخدش الامور ب العاطفة

او متكونوش مع حماس على اساس انها فوق البشر لا تخطىء ولا تنتقد


حماس فعلا اخطئت و صنعت انتصار من الوهم

زي النكسة

ولا النكسة في اعتباركم كمان انها انتصار ؟؟؟

مواطن مصري said...

لو على كدة يبقى مفيش حاجة اسمها ناكسة و انها انتصار لو بمفهومكم عن غزة

هندسة وصفية said...

علي فكرة بجد واضح ان كلنا مش فاهمين اي حاجة

مواطن مصري said...

لاست كريزي



وبمناسبة حرب الجيش لجيش..هو مش بورسعيد الباسلة كانت مقاومة شعبية برضه ..!!!!ومش ضد واحد ولا اثنتان ....بل ثلاثة


بورسعيد كان الجيش و النظام هما الي بيقاومو العدوان


مش مليشيات بتتصارع مع بعضيها على الحكم

tamer.sala7 said...

الاعادة دلوقتي حالا علي دريم تو

مواطن مصري said...

بخصوص عمر الليثي الراجل مشكور بيجيب حالات فقيرة في مصر


و بعدين على رائي المثل

يخلق من ظهر العالم فاسد و الفاسد عالم


و يا ريت كنا نتفرج من الحلقة في الاول و نشوف كفر منصور بتاع المنوفية الي افقر من غزة

دول مش يستاهلو بردو ان احنا نساعدهم و نساعد فقراء بلدنا ب الملاين الي بتروح لناس مش مصرين

TAFATEFO said...

بيتلكك.

طب شوفي دي .. عمل ايه حسني مبارك علشان يتشتم .. بتشتم رئيس الجمهورية لصالح حزب اللهبتجيبوه لنفسكم والله

أنا قلت دي في يوم ودي في يوم علشان صحتكم لكن عملتوا فيها سبع رجالة

هتزودوا يمين الله أسكانلكم حوار طنطاوي في المصور .. وقد أعذر من أنذر

3ishreen said...

نعمل ايه طيب هذا هو نصيبنا,,, وبعدين قال ايه واحد من الناس . المفروض عادل إمام يخليه في افلامه واستثماراته انا مش عارف ليش بيحشر نفسه في متل هالامور... يعني يمكن هو كان صادق فعلاً لما قال إحنا زهقنا بالروح بالدم نفديك يا فلسطين. المفروض بعدها يسكت وخلاص لانو كل إنسان حر يعبر عن نفسة وهو كذلك. بس بلاش فتاوي من إياها واللي بيقهر اكتر إعجابة المنقطع النظير بإسرائيل, جاب منين الإعجاب ده معرفش من ضرب الأطفال ولا من تدمير الملاجئ ولا من حصار الناس العزل ولا من ألآف المخطوفين (السجناء) في سجون بني صهيون يمكن خوف من النووي يمكن بس برضو وجهة نظري انو الاخ يخليه في اللفلام أحسن... على رأي من قال: طلبنا من الله إمام عادل فرزقنا بعادل إمام وعجبي
عشرين

مهندس مصري said...

بصي يا حاجة من الآخر
محكمة النقض بتحاكم مدى قانونية الحكم
يعني لو الحكم مكتوب كويس و الحيثيات متستفة و متضبطة بشكل قانوني صحيح ما يخرش المياه
يبقى لما محكمة النقض تراجع الحكم من حيث صحته القانونية مش حتلاقي فيه ثغرة
يبقى حتؤكد صحة الحكم قانوناً و تؤيده
محكمة النقض هي محكمة إجرائية و لا صلة لها بجوهر الموضوع
هي تراجع الإجراءات و نص الحكم و حيثياته
و ليس جوهر الموضوع

إذا وجدت ثغرة قانونية في الحكم ساعتها تنقضه و تحيل القضية بأكملها لدائرة محكمة جنايات أخرى تعيد المحاكمة من البداية

لكن بيقولوا إن المستشار اللي أصدر الحكم راجل منظم جداً و صعب قوي حد يطلع ثغرات وراه
:))

بالنسبة لعادل إمام
هو بالفعل اللي ينطبق عليه كلامه
هابلة و مسكوها طبلة

مهندس مصري said...

طفاطيفو
=========
إعمل سكان يا بني
العمر واحد و الرب واحد
و قل لن يصيبنا الا ما كتب الله لنا

TAFATEFO said...

طلبنا من الله إمام عادل، فزقنا عادل إمام.

TAFATEFO said...

والحلقة كاملة أهي لمن يجرؤ أقصد لمن يرغب

مهندس مصري said...

شوفي دي بقى
من عندنا

أتاري الصوات كان مالي شارع المحكمة يوم الإتنين اللي فات
أنا سمعت طراطيش كلام بس لسه عارف التفاصيل


جنايات دمنهور: إعدام 24 مصرياً قتلوا 11 شخصاً بنزاع على أرض

كتبهاالسندباد ، في 19 مايو 2009 الساعة: 11:16 ص

قضت محكمة الجنايات في مدينة دمنهور شمال مصر الاثنين بإعدام 24 شخصا أدينوا بالقتل خلال معركة بالأسلحة الآلية جرت عام 2008 بسبب نزاع على قطعة ارض ، وراح ضحيتها 11 شخصا.

وقال مصدر قضائي إن أوراق القضية أحيلت إلى المفتي للتصديق على إعدامهم. ورأي المفتي في أحكام الإعدام استشاري وجرت العادة على ألا يعترض على أي منها.

وقررت المحكمة النطق بالحكم النهائي في القضية في يونيو 2009 بعد ورود رأي المفتي.

ونقلت وكالة الأنباء الفرنسية الاثنين عن المصدر القضائي قوله إن تسعة من المحكوم عليهم بالإعدام حوكموا غيابيا إذ أنهم ما زالوا فارين.

كانت معركة بالرصاص نشبت في مارس 2008 بين حراس جمعيتين لاستصلاح الاراضي في منطقة صحراوية بالمحافظة قتل فيها أحد عشر من الجانبين، ووقعت المعركة بسبب خلاف بين الجمعيتين على ملكية 1500 فدان.

ويمثل هذا الحكم سابقة في تاريخ المحاكم المصري من حيث عدد المحكوم عليهم بالاعدام .
http://zahmedz.maktoobblog.com/1604700/%D8%AC%D9%86%D8%A7%D9%8A%D8%A7%D8%AA-%D8%AF%D9%85%D9%86%D9%87%D9%88%D8%B1-%D8%A5%D8%B9%D8%AF%D8%A7%D9%85-24-%D9%85%D8%B5%D8%B1%D9%8A%D8%A7%D9%8B-%D9%82%D8%AA%D9%84%D9%88%D8%A7-11-%D8%B4%D8%AE%D8%B5/

mido said...

مواطن مصري : قصدك ايه بان احنا أولي بالمساعدات من أهل غزة ؟ المساعدات جاية من دول عربية و اتركنت لحد معفنت لا هم اخدوها و لا دخلوها غزة _ جتهم القرف

mido said...

مواطن مصري : انت بتحترم مبارك و طريقته في التعامل مع الأزمات ؟ طز في مبارك و طز في عادل امام و طز في عمر سليمان _ ليك شوق في حاجة ؟

مواطن مصري said...

كل واحد حر في ارائة ولا يصح ان يكفر احد عادل امام بسبب رائية


او رائي اي شخص


انا فعلا بختلف مع حماس هذا لا يعتي ان اي شخص يختلف معها يبقى كافر او خائن

و حماس ليست المقاومة لوحدها

بدراوى said...

Tafatefo

الحلقات ديه كاملة

خمس اجزاء بس

اصلك كاتب
p1

يعنى ايه
؟

مواطن مصري said...

و مين قال اني معجب بمبارك

هو انا لازم ابقى اشوف سلبيات بس او اشواف ايجابيات بس

؟؟


انا محايد اتفق مع مبارك لما اشوف من وجهة نظري انو عمل حاجة صح


اختلف معاة لما اشوفة انو عمل حاجة غلط


انما مش بقدس ناس و اخليهم فوق البشر لا يخطئون

طالب ثانوى said...

انا عاوزك تشوفى التعليقات اللى عل البوست دة
http://t5at5a.blogspot.com/

مهندس حر said...

مواطن مصرى
----------
إنت ليه بتصر إنك تقول الناس كلام ما قالوهوش.. يعنى أنا قريت التعليقات لا لاقيت حد قال كافر و لا حد قال خاين.. الناس و منهم أنا قالوا جاهل و أهبل و ده مش سب ده توصيف..

الجاهل هو الشخص الذى لا يعلم بأمور ثم يتحدث فيها.. و الراجل واضح إن معلوماته شديدة التواضع و مع ذلك مصر يهلفط فى الكلام..

و الأهبل بالفصيح يعنى الأبله هو شخص بيعانى من نقص فى القدرة العقلية يمنعه من فهم الأمور الواضحة .. و الراجل فعلا واضح إنه فشل رغم عمره و الخبرات اللى بتقول عليها إنه يفهم بعض أتفه الأمور و أوضحها..

طيب الناس اللى حاكمينا و عارفين إنهم فاهمين بس مصالحهم بتقتضى منهم يستهبلوا فيها.. لكن ده أهبل أصلى مش تايوانى و بالتالى ما ينفعش أبدا نقول عليه لا كافر و لا خاين..

إلا إنت قلت عليه كده ليه..
إخص عليك
ههههههههههههههههههههه

lastcrazyboys said...

بالصــلا عالنبي كده ..نبــدأ الكلام بشوية موضوعيــة

اولا أشكر "طفاطيفو" على انه وفر الحلقة كاملة عشان مايبقاش اسلوب انتقائي

ثانيا: على الرغم من اختلافي مع عادل امام في عدة محاور

لكن هل لاحظت الكلام عن المجتمع والديموقراطية تبدأمن خلالنا ..من الشارع

الكلام ده مفيش اتنين يختلفوا عليه..واننا نمر بأزمةثقافية ومجتمعية
شفت الحتة اللي بيتكلم فيها عن الفرق بين رجال الأعمال اللي هنا واللي هناك

انا اتكيفت صراحة من الحتة دي

اصل انا مبعرفش امسك الــواحد امسح بيه البلاط..واقفله عالوحدة
واعمل من طنطا..لما اللي يعمله يبقى حاجة كويسة

ولو بصيت هتلاقيني النهاردة بالتحديد في ردودي السابقة مثلا جايب نص خطاب للسيد حسن نصرالله
كموقف ايجابي
==
بجد عايزين نجرب حاجة النهاردة ..ولفترة محدووودة
ماتيجوا نعمل كده زي استفتاء
الحتة دي عاجباني..لا الحتة دي مش قد كده..لا الحتة دي غلط

وكل واحد يحتفظ بالتوصسفات لنفسه

الاخوان شايفين انه " فاسق..جبان رعديد..وليخسأ الخاسئون"

اليساريين طبعا شايفين انه " مجرد برجوازي متعفن ..لا يعدو عن كونه نتاج الذين يتسلقون على اكتاف وجهود الطبقة الكادحة"

والليبراليين شايفينه طبعا "حبيييبي..وابن حبيييبي....انت فين من زمان "

كلللل ده شبعنا منه

انا مش عايز تحليل شخصيات ..نحلل المرة دي ..مواقف

مهندس حر said...

مصطفى..

عاجبك كده؟ أدينى كنت ها أغرق الشاشة بكوباية شاى..

هوه إحنا ليه لسة مش قادرين نفهم يعنى إيه ممثل..

ممثل يعنى راجل تديله ورق يحفظ دوره و المخرج يفهمه الدور و يديله توجيهات و بعدين الأخ يبدع فى تقمص الشخصية و تجسيدها و توصيل أحاسيسها ليك عبر الشاشة..

هل ضرورى إن الممثل يكون له فكر أو ثقافة أو حاجات من دى؟

لأ طبعا.. ما هى هيفا بتمثل أهوه و خالد يوسف بيقول عليها كويسة.. ثقافة إيه اللى تتوقعها من واحدة بتقولك بوس الواوا..

المشكلة بقى إن عادل إمام هوه فعلا واحد من الناس .. يعنى فيه كتير فاهمين الأمور بطريقته و بيقولوا نفس كلامه و أكيد إنتوا قابلتوا منهم كتير..

و بعدين هانروح بعيد ليه ما إحنا عندنا مواطن مصرى أهه..

مواطن مصري said...

http://malek-x.net/node/611

تعريفات مستهلكة


تدوينة جامدة لمالك

مهندس حر said...

lastcrazyboys

قلتلى بقه نحلل مواقف.. قصدك أفكار بقه؟

طيب انا مش هاحلل أفكار عدولة لأنه مافيش منه رجا و بصراحة ما يهمنيش.. أنا ها أناقش أفكار أخونا المواطن عشان مننا و علينا و يهمنا أمره..

يعنى هوه مثلا بيقول إن مش كل حاجة حماس تعملها تبقى صح..

موافق.. حماس مجموعة من البشر و ليسوا ملائكة و يجوز عليهم الخطأ بكل تأكيد..

هوه بيقول حماس غلطت و تسببت فى الحرب الصهيونية على غزة فى بداية السنة دى..

هنا أنا أختلف معاه.. يعنى إيه هى الخيارات اللى كانت متاحة لحماس.. بمعنى أوضح إيه هى الخيارات اللى سابهالها الصهاينة و الأمريكان و الخرفان العرب؟
البقاء تحت الحصار بدون عمل أى شيئ..
يسلموا سلاحهم و ينخرطوا فى العملية السلمية..
يستأنفوا أعمال المقاومة اللى ليها أثر سلبى كبير جدا على إسرائيل..

طبعا الخيار الأول ما منوش فايدة ويبقى معناه أن ترقد فى إنتظار الموت جوعا..

الخيار التانى أظن يعجبك.. بس هوه حضرتك يعنى شايف العملية السلمية تستاهل.. يعنى يرموا سلاحهم عشان إسرائيل تتعطف و تتنازل و تقبل تقعد على الترابيزة؟

طب يا بنى ما هى إسرائيل قعدت على أم الترابيزة من سنة 93 و العرب رقصولها ستريبتيز على الترابيزة المخروبة دى و لاعبوها ستريب بوكر على ذات نفس الترابيزة.. تقدر تقولى خدوا منها إيه من يوم أوسلو؟

ولا أى حاجة.. صفر أكبر من صفر المونديال بتاعنا.. لغاية دلوقتى إسرائيل مش عايزة حتى تقبل حل الدولتين و عمك أوباما اللى مستنيينه يعدل المايلة كل خطته دولة فليسطينية منزوعة السلاح و القدس دوليه!!

يعنى لا قدس و لا كلام عن حق العودة و لا حتى قال الدولة دى ها تقام على أنهى أرض .. و الوضع الحالى معناه 40% من الضفة الغربية و قطاع غزة و شفيتم..

طب بذمتك و أنا راضى ذمتك ده كلام ممكن بنى آدم عنده دم يقبله؟

و بعدين ليه لما هوه عنده وسيلة ثبت عمليا و بإعتراف الصهاينة نفسهم إنها بتدفع إسرائيل كلها نحو الإنهيار.. يبقى يتخلى عن الوسيلة دى ليه؟

عشان يحقن دماء المدنيين؟

و هو كان قال لإسرائيل تضرب المدنيين و هى مش مسئولية المجتمع الدولى إنه يمنع إسرائيل من ضرب المدنيين..
وبعدين همه مش ذات نفس المدنيين كانوا بيموتوا كل يوم تحت الحصار..
و بعدين قبل ما يبقى فى حماس ة قبل ما يكون فيه مقاومة كان الصهاينة توانوا للحظة عن قتل المدنيين فى دير ياسين و غيرها و ماكانش حد حتى حدفهم بطوبة فى دماغ أمهم..

أنا لسة راضى ذمتك.. كانوا يعملوا إيه؟؟

TAFATEFO said...

p1 means part1

لأن لسه الأسبوع الجاي الجزء الثاني .. في آخر الفيديو الخامس هتلاقي "في الحلقة القادمة" ومش هرحمك

كلامه عن الديموقراطية ده كلام أهبل .. يعني الديموقراطية تبدأ مننا احنا .. بيفكرني بابن ستين تيت نظيف لما طلع في أمريكا وقال الشعب المصري غير مهيئ لاستقبال الديموقراطية .. وكان الرد عليه بسيط .. ورينا حد اتعلم السباحة نظري

علشان أعرف أعوم لازم تنزلني البحر

وبعدين ايه علاقة الديموقراطية بانتقاد الريس اللي هو بيسميه شتيمة ؟؟ وبعدين بيتكلم عن صحة الرئيس اللي رصد الكلام عنها ابراهيم عيسى ويقول قاله امشي اتفضل مش عايزين منك حاجه وبيسميها شتيمه

أتاري الناس دلوقتي بتقول مبارك تعبان ومظهرش من ساعة وفاة محمد علاء ومحدش مستجري يفتح بقه بنص كلمه .. ولا يمكن بيعملوا بنصيحة حمدي رزق واستوعبوا المعلومة اللي أكدهالهم لما قال

الرؤساء لو تعلمون بشر

بالله عليك يا حاجه تقولي ايه في كلامه يقبل أو ممكن نتفاهم فيه؟؟

مهندس مصري said...

قرار غير مسبوق لـ«جنايات دمنهور»: إحالة ٢٤ متهماً فى «مذبحة وادى النطرون» للمفتى

كتب أحمد شلبى، ياسر شميس ١٩/ ٥/ ٢٠٠٩

أصدرت محكمة جنايات دمنهور قراراً، أمس الأول، وصفه الكثيرون بـ«التاريخى»، حيث أحالت أوراق ٢٤ متهماً إلى فضيلة المفتى، وأجلت النطق بالحكم على ٦ آخرين، فى القضية المعروفة بـ«مذبحة وادى النطرون»، التى وقعت فى مارس قبل الماضى، عندما نشبت معركة بالأسلحة الآلية بين مجموعة من الخفراء المعينين لحراسة أراض ملك لجمعيتى «الأمل» و«الطيارين»، وانتهت بمقتل ١١ شخصاً وإصابة ٢ وإلقاء القبض على ٣٠ متهماً، أحالهم النائب العام إلى الجنايات بتهمة القتل العمد.

ترجع أحداث القضية إلى مارس ٢٠٠٨، عندما تلقت أجهزة الأمن إخطاراً بوقوع معركة بين خفراء جمعية الأمل وأقرانهم فى جمعية الطيارين، المكلفين بحراسة الأراضى الخاصة بأعضاء الجمعيتين، وقال المتهمون فى تحقيقات القضية إنهم مجرد خفراء يتلقون تعليماتهم من أصحاب الأراضى التى يحرسونها،

وطالب دفاع المتهمين أمام المحكمة باستدعاء أصحاب تلك الأراضى، ومن بينهم قضاة وأساتذة جامعة ومسؤولون كبار لسماع شهاداتهم، إلا أن المحكمة لم تستجب - على حد قول الدفاع.

وفى جلسة أمس الأول، طالبت هيئة المحكمة الحرس بإخلاء القاعة قبل جلسة النطق بالحكم، واستعان الحرس بـ«٤» سيارات أمن مركزى، حاصر أفرادها المحكمة وأهالى المتهمين،

وفور صدور القرار، ثار المتهمون، وقالوا لـ«المصرى اليوم» إن المتهمين الحقيقيين يجلسون الآن فى قصورهم، ونحن مجرد كبش فداء، حسب كلامهم، وقالت مصادر قضائية إن هذا القرار يعد قراراً تاريخياً.
http://www.almasry-alyoum.com/article2.aspx?ArticleID=211634

مهندس مصري said...

إحالة ٢٤ متهماً إلى «المفتى» فى «مذبحة وادى النطرون»

كتب أحمد شلبى، ياسر شميس ١٩/ ٥/ ٢٠٠٩

أصدرت محكمة جنايات البحيرة، أمس، قراراً تاريخياً فى القضية المعروفة بـ«مجزرة وادى النطرون»، حيث قررت إحالة ٢٤ متهماً بينهم ٩ هاربين، إلى فضيلة المفتى، تمهيداً للحكم بإعدامهم شنقاً، لإدانتهم بقتل ١١ شخصاً وإصابة ٢ آخرين، فى المعركة التى وقعت فى مارس من العام الماضى، إثر النزاع على ١٥٠٠ فدان فى منطقة «الوادى الفارغ» بين شركة «الأمل»، التى يترأسها الطيار محمود سالم، وجمعية «العدالة» التى تضم رجال قضاء ونيابة عامة، وقررت المحكم تأجيل محاكمة ٦ متهمين آخرين لم تحل أوراقهم للمفتى.

تعود التفاصيل إلى مارس ٢٠٠٨، ببلاغ بالعثور على جثة أحد الأشخاص ملقاة على الطريق العام أمام معهد مندوبى الشرطة فى وادى النطرون، وتبين أنها لشخص يدعى أبوحسيبة عبدالعظيم محمد «٤٥ سنة»، من أسيوط، عامل زراعى بوادى النطرون،

وبعد فترة جاء أحد أقاربه يدعى البدرى محمد أحمد ليبلغ بأن قطاع طرق اعتدوا عليهم، وبمناقشته، قرر أن هناك مشاجرة بمنطقة الوادى الفارغ، وعدداً كبيراً من القتلى، وأكدت بعض المصادر أن مجموعة الرجال الذين كانوا يقيمون فى الأرض تابعون للجمعية، وكانوا يقيمون فى منزل بالأرض، وأن مجموعة من المسلحين هاجموهم بالأعيرة الآلية عندما أطلق بعضهم النيران من مسافة ٢٠٠ متر،

وعندما خرجوا لاستطلاع الأمر، كانت هناك مجموعة تختبئ بالقرب من المنزل، وأطلقوا عليهم النيران، مما أسفر عن مقتل ٩ أشخاص ونقلت الجثث إلى مشرحة المستشفى العام، ونقل المصابون لمستشفى اليوم الواحد بوادى النطرون، وكانت هناك صعوبة كبيرة فى التعرف على الجثث، لأن الجناة جردوا القتلى من بطاقاتهم الشخصية وهواتفهم المحمولة حتى تختفى شخصياتهم.

وألقت أجهزة الأمن القبض على ٢٩ متهماً فى القضية وتم إخلاء سبيل ٣، وأحال المستشار عبدالمجيد محمود، النائب العام، المتهمين إلى الجنايات بتهمة القتل العمد، وأصدرت محكمة جنايات البحيرة حكمها فى القضية. صدر الحكم برئاسة المستشار محمود سمير، وعضوية المستشارين عبدالله خطاب وسعيد صبرى وأمانة سر إبراهيم متولى.

وقال شهود عيان من المحامين والمترددين على المحكمة، إن هيئة المحكمة طلبت من الحرس أن يُخرجوا جميع الأهالى من قاعة المحكمة قبل جلسة النطق بالحكم، واستعان حرس المحكمة بأربع سيارات أمن مركزى، وأحاط أفرادها القاعة وآخرون التفوا حول الأهالى داخل ساحة المحكمة، وقتها توقع الأهالى أن حكماً سيصدر فى القضية بعد الانتهاء من سماع مرافعة الدفاع.

وبمجرد أن صدر الحكم ثار المتهمون داخل قفص الاتهام، وبعضهم قال: «لم تستطيعوا محاكمة الكبار فأعدمت الصغار، ليس لنا علاقة بتلك القضية، والمتهمون الحقيقيون يجلسون الآن داخل قصورهم وفيللهم، بينما نحن المتهمون المقبوض علينا مجرد خفراء نحرس لهم أملاكهم، وفى النهاية نُعاقب».

وقال ماهر نعيم، أحد المحامين عن المتهمين، إنه وفريق الدفاع طالبوا المحكمة بسماع شهادة عدد من أصحاب تلك الأراضى وبعضهم قضاة وطيارون ومسؤولون كبار، إلا أن المحكمة لم تستجب لطلباتهم، وأكد المحامى أن القضية اعتمدت على مجرد أقوال مرسلة لعدد من الضباط، بالإضافة إلى اعترافات عدد من المتهمين على بعضهم البعض.

أسماء المتهمين

نصرالله عبدالعزيز منصور

محمد الغمرى غنيم

جمال إسماعيل محارب

عصام سلامة

خالد عبدالرؤوف عبدالعظيم

عواد عمر على

علام أحمد محمد

أسامة فراج محمد

إبراهيم سامى

أحمد إسماعيل على

جمعة على صالح

جمعة محمد الصياد

رمضان عبدالله مفتاح

أحمد عبدالله مفتاح

راضى على حنيش

فرج أبوبكر عبدالله

ياسر سويلم سليمان

عطية عبدالحكم نصرالله

إسماعيل على عبدالله

عبداللاه على عبدالله

رجب عبداللاه على

عبدالله حامد عبدالكريم

محيى الدين السيد عبدالرحمن

صلاح إسماعيل البربرى

http://www.almasry-alyoum.com/article2.aspx?ArticleID=211602

simplymoi said...

nawara

Why did you cancel the new post?????
Do not worry if they put in the hellhole. One million people will yell"SET NAWARA FREE"

just kidding why did cancel that fast?

طائرٌ حر said...

صباح الخير يا نوارة ..بصي أنا هاختلف معاكي شوية في موضوع هشام لأني حاسس إن الراجل ده برئ..و لعلمك أنا ساكن في الرحاب(يعني المفروض اتقرصت منه في الفلوس) و كذلك كنت باشتغل في اسكندرية للإنشاءات و سبتها (مرتباتهم زفت ) و بالتالي المفروض اكون ضده لاني حاسس انهم اخدو مني كتير ..لكن يظل شهادة الحق لله أحق ان تقال ..لم أعلم عليه من هذه الناحية الا خيرا..الراجل ده مش بتاع صياعة ده بتاع جواز و حلال..الراجل ده مخه نضيف و عقليته اقتصادية..الراجل ده تربية واحد من الاخوان المسلمين ..و رغم انه بعد عنهم الا انه يظل الأسس اللي اتعلمها ما سابهاش..
الراجل ده لا يمكن يقتل..لكن يظل مش هوا ده اللي مخليني احس انه برئ..

اللي محسسني ببراءته هو ان الآية ف بلدنا مقلوبة..يعني القاتل (زي ممدوح اسماعيل و يوسف عبد الرحمن و راندا..وغيرهم)يا إما بياخد براءة يا إما بياخد سجن مخفااااااااااااااااااااااااااااااااااااااااااااااااااااااااااااااااااااااااااااااااااااااااف.. أما البرئ فالإعدام حاضر و بقوة و الإتهام جاهز و الأدلة متفبركة..ربما يكون سبب الغضب الشعبي هو ان الرجل واحد من الحزب الوطني..ربما لان البعض(مثل طلعت السادات الحقود المنوفي الجعان) كان عاوز حتة من الكعكة و لما هشام نفضله ولع الدنيا عليه..ربما لان البعض اتهمه بمساندة الاخوان في الانتخابات الاخيرة..ربما حاجات كتير..لكن انا عندي شبه يقين بانه لا حرض و لا قتل..

نيجي للسكري..الواد ده اما مكري (مستأجر) و إما برئ هوا كمان ..

مش معقول يا ناس ظابط امن دولة متدرب و متظبط يعمل كل الغلطات دي..مش ممكن بحال من الاحوال..إلا إذا كان عاوز يتمسك..

الموضوع فيه ان.. و ان كبيرة كمان..و إلا إشرحيلي سبب زيارة عز (و هو العدو اللدود) لهشام في السجن ؟يا ترى بيشمت فيه؟ يا ترى بيفاوضه و يبتزه..يا ترى كان عاوز منه ايييييييه؟

الراجل ده برئ..انا متأكد

احمد سعيد said...

ياجماعه

سيبكم بقى من اتش دلوقت وركزوا معايا شويه


حد عندة تعليق على الكلام دة :

:
:
:


مبارك اطلع سليمان علي نيته تركه السلطة له إلا أن عمر سليمان ابدي رفضا مطلقا ان يكون خلفا لمبارك مفضلا ان يستريح هو الآخر مقترحا بقاء مبارك الأب بقدر الإمكان أو الدفع بجيل الشباب ممثلا في جمال الابن مبديا استعداد للعب دور في إقناع قادة الجيش بقبول جمال وهو الأمر الذي يرفضه مبارك الأب وقال لعمر سليمان بالنص ليس لدي استعداد أن اخسر ابنا آخر من أبنائي وان كانت سوزان مبارك تتحمس له بقوة، وقد فسر موقف سليمان بأنه لايثق في جدية الطرح ولا يريد أن يدخل في صراع مع العائلة.




وفي اطار تلك الترتيبات لا يزال مبارك يترنح ويعاني من حالة غيبوبة جراء الصدمة يستيقظ منها وينام ويخشى الأطباء الذين يوالونه بكورسات رفع المعنويات والأدوية المقوية أن تتطور حالته لنوع من الموت السريري علي غرار ما يواجهه شارون، ووفق مصدر بمؤسسة الرئاسة فإن عمر سليمان اتصل بوزير الخارجية بناء علي تكلبف من حسني مبارك وهو علي سرير المرض ورتب معه أمر السفر إلي واشنطن لتخفيف حدة الخوف الأمريكي والصهيوني من حدوث فراغ في السلطة بمصر ينتهي بتسليمها لأشخاص لايؤمنون بعملية التسوية وضد المنهاج الإسرائيلي الأمريكي ،حيث يتوقع أن يطلع سليمان الأمريكان بالتفصيل علي خطة نقل السلطة في مصر حال تعرض مبارك لأي مكروه وينتظر أن يتلقى المسئولان ردا أمريكيا وضوء اخضر علي هذا الطرح ومن هنا يتوقع أن تشهد الأسابيع المقبلة تطورات خطيرة جدا بعد أن تحالف رأس المال مع السلطة ومع الأمريكان من اجل توريث الحكم واحتمالات حدوث صدامات دموية شديدة لاعتراض عناصر فاعلة في المخابرات والأمن القومي وهيئة أركان الجيش.
كماان مبارك سيلقي خطابا مقتضبا سيعلن خلاله انه أدي دوره الوطني ويريد أن يستريح بعد أن تقدم به العمر، وفور انتهاء الخطاب سيدفع الحزب الوطني بالجماهير التي ستتلقى أموال من رجال أعمال نظير خروجها لإرهاب الجيش وهي تهتف بالرو ح والدم نفديك يا جمال وفق الطريقة السورية ، وسيجتمع مجلس الشعب ويدعو لانتخابات رئاسية جديدة وسيتم الدفع بجمال مبارك في مواجهة محمود أباظة من الوفد ورفعت السعيد من التجمع وسامح عاشور او احمد حسن من الحزب الناصري إلي جانب قادة الأحزاب التي لا وجود لها وسيتولى الأمن قمع أية تحركات شعبية واعتقال أي بوادر تمرد بمؤسساته وضربها بعنف.


ها

ايه رأيكم فى الكلام دة ؟؟

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

جبهة التهييس الشعبية said...

I removed the post because the whole thing depended on an old link, stupid me, didn't realise the date
now, people still say that he is devastated morally and physically

no more news

مواطن مصري said...

علنت المنظمة الدولية "عمل المواطنين لتفكيك السلاح النووي بالكامل" التي تعرف باسم "إيه سي دي إن" أنها أعدت تقريرا مكونا من 33 صفحة، يظهر وجود عشرات الأطنان من اليورانيوم المنضب في قطاع غزة جراء الهجوم الإسرائيلي.

وأوضحت منظمة (إيه سي دي إن) أن كمية اليورانيوم المنضب ربما تصل إلى ما لا يقل عن 75 طن عثر عليها في التربة وباطن التربة في قطاع غزة.

ورجحت احتمال استخدام الجيش الإسرائيلي لليورانيوم المنضب خلال الهجوم البري والجوي على القطاع أثناء عملية (الرصاص المصهور) في الفترة ما بين 27 ديسمبر/كانون الأول 2008 و 18 يناير/كانون الثاني 2009.
http://www.alarabiya.net/articles/2009/05/23/73606.html

هما المفروض المتطرفين لصهاينة يتحاكمو

مهندس حر said...

أحمد سعيد
--------
هو فين السؤال؟

إذا كان السؤال.. هل هذا الكلام منطقى أى ممكن الحدوث؟

الإجابة نعم..

ناس كتير سبق و قالوا إن مبارك شخصيا معارض فى توريث جمال أو على الأقل شايف الموضوع لسه بدرى عليه.. يعنى البلد لسه مش مستعده ليه.. و عشان كده نفس الناس كانت بتقول إن مبارك ها يرشح نفسه فى 2011..

ناس كتير برضه إتكلمت عن عمر سليمان كخليفة محتمل خاصة لقربه الشديد من مبارك منذ حادثة أديس أبابا..

لو تصورنا إن الحوار اللى بتحكى عنه ممكن يحصل فعمر سليمان الذكى لن يقبل الرئاسة لأنه سيشك أنها محاولة لإستطلاع رغبته أو طمعه فيها..

بقيت السيناريو معقول فيما عدا إن رجالة الحزب مش محتاجين يعملوا مظاهرات ضخمة أو كلام من ده.. أولا لأن ما حدش خايف من الجيش.. الجيش ما فيهش قادة ذوى طموحات و ده شيئ مبارك حرص عليه طزال السنسن الماضية و بالتالى هو جسم بلا رأس.. ثانيا ما فيش حد ينظم مظاهرات أو تحركات جماهيرية كبيرة حاليا لأنه لا يضمن السيطرة عليها و الوضع يسمح بإنفلات مثل تلك الأمور و تحولها إلى فوضى خاصة إذا حصل اللى بتحكى عنه..