Thursday, 7 May 2009

مشروع بيان للقوى السياسية حول وقف تهويد القدس وإنقاذ الأقصى

يتابع العالم العربى والإسلامى، بل والعالم كله ما يحدث من جرائم إبادة وخراب ودمار على أرض فلسطين على يد المحتل الصهيونى الغاصب، فضلا عن الحصار الخانق الذى يتعرض له الشعب الفلسطينى بهدف كسر إرادته وإخضاعه وتركيعه وفرض الاستسلام عليه .. وآخر تلك الجرائم ما يجرى لمدينة القدس الشريف من مخططات وممارسات رَامية إلى تهويد المدينة، وتغيير هويتها التَّاريخيَّة، كمدينة عربيةٍ مسلمةٍ، ومكوِّنها الديموجرافي، لتحويلها إلى مدينةٍ يهوديةٍ عنصرية خالصةٍ، ضمن مخططات المشروع الصُّهيوني الذي يستهدف أمتنا العربيَّة والإسلاميَّة.
وإنَّ المجتمعين اليوم من القوى السياسية الوطنية والبرلمانيين وأحزاب المعارضة والمستقلين وأهل الرأى والفكر كجزء من نسيج الأمة يدينون بشدة هذه المحاولات من جانب الكيان الصهيوني، والتى تتم بمعاونةٍ كاملةٍ من مختلف الدوائر الصُّهيونيَّة العالميَّة، والحكومات التي تدعمها في الغرب، وعلى رأسها الولايات المتحدة وبريطانيا وفرنسا، وتحت سمع وبصر النظم والحكومات العربية والإسلامية.
وتوضح الحقائق والأرقام المفزعة للجرائم التي ترتكب في الفترة الأخيرة، أنَّ المخطط الصهيوني في القدس الشريف قد وصل إلى ذروته، فهناك أحياءٌ عربيةٌ بأكملها مهددةٌ بالتدمير والإزالة من سلوان إلى الشَّيْخ جراح، وأن ثمة تطهير عرقى يجرى على قدم وساق وفى وضح النهار ، حيث أن أكثر من 60 ألفًا من المقدسيِّين مهددين بالطرد من ديارهم.. تمامًا مثل أيام النَّكبة التي نعيش ذكراها الأليمة الـ61 هذه الأيام.. ثم تلك المصيبة الكبرى والتى تتمثل فى محاولة إقامة مجسم الهيكل المزعوم على أنقاض المسجد الأقصى المبارك بعد أن بات مهددًا بالانهيار بفعل أعمال التخريب الصهيوني التى تتم أسفله.
كل ذلك وغيره بغرض التغيير الديموجرافى والسياسى والدينى للمدينة المحتلة، وإضافة 280 ألفًا على هؤلاء الموجودين فيها، لإقامة عاصمة عنصرية للكيان المجرم الصهيونى الذى لم توجد قط إلا في غياهب تاريخهم المزور وتوراتهم المحرفة..
ولذلك فإننا نتوجه بالنداء إلى كل الأحرار فى العالم من أصحاب الضمائر الحرة ليقفوا صفا واحدا لإجهاض الإجراءات الصهيونية التى تهدد أحد أقدس المقدسات عند العرب والمسلمين، والذى يمثل إرثاً تاريخيًا وثقافيًا للإنسانيَّة كلها، لا يجوز تركه في أيدي شرذمة يهددونه بالفناء..
إنَّ النظم والحكومات التى انتفضت من أجل تماثيل بوذا في أفغانستان، لمنع تفجيرها باسم التراث الإنساني، تقف اليوم عاجزة صامتة متفرجة ، بل وربما متواطئة أو متآمرة مع الصهاينة دون أدنى اعتبار لهذا الإرث الإنسانى والدينى الذى لا يقدرُ بثمنٍ..
أما أصحاب القضيَّة من الفلسطينيين والعرب والمسلمين في كل مكانٍ، فالكل مدعو إلى التَّحرُّك سياسيا وإعلاميا وقانونيا، والمقاومة بكل أشكالها وأدواتها، والمرابطة في المدينة وفي باحات الأقصى وفى كل فلسطين في سبيل حمايته من هجمات قطعان المغتصبين الصهاينة ..
إنَّ ما يجري يثبت بالدَّليل القاطع سقوط كافة دعوات الاستسلام، وأنه لا سلام مع الكيان الصهيونى الغاصب، الأمر الذى يستلزم من الفلسطينيين وحدة الصف وجمع الكلمة والارتفاع إلى مستوى التحدى الذى تواجهه القضيَّة برمتها..
وفى هذا المقام فإننا ندعو الأمة كلها إلى ما يلى :
1. التحرك والضغط الفعال بالرأى العام والوسائل السلمية على الأنظمة والحكومات العربية والإسلامية لكى تقوم بدورها ومسئوليتها لوقف هذه الكارثة.
2. تحرك المنظمات الدولية والمحلية ومؤسسات المجتمع المدنى لوقف المخططات الصهيونية، ونزع فتيل محاولات الصهاينة لإشعال حرب عالمية كما فعلوا قبل ذلك فى التاريخ .
3. ضرورة قطع العلاقات مع العدو الصهيونى سياسيا ودبلوماسيا واقتصاديا وما يقتضيه ذلك من طرد سفرائه ووقف أعمال التطبيع معه
4. مراجعة الاتفاقيات التى أبرمت للسلام المزعوم بين الصهاينة وبعض الدول العربية والإسلامية وإعلان كل المخالفات التى تقع الآن ضد هذه الاتفاقيات المزعومة
5. دعوة البرلمانيين فى مصر وغيرها من الدول العربية والإسلامية بما فى ذلك فلسطين لأن يكون لهم دور فاعل فى التصدى لمخططات الصهاينة لتهويد القدس وهدم المسجد الأقصى.
6. إعلان يوم الجمعة 15/5/2009م يوم غضب عالمى لكل الشعوب العربية والإسلامية وأحرار العالم للوقوف صفا واحدا ضد الصهاينة ومشروعهم وعدوانهم وضد كل من يساندهم أو يقف معهم.
7. الدعوة المستمرة إلى تكرار مثل هذه الوقفات الغاضبة ضد الصهاينة كواجب أخلاقى وإنسانى ووطنى وشرعى وقومى
القاهرة فى : 12 من جمادى الأولى 1430هـ الموافق 7 من مايو 2009م

 

69 comments:

مواطن مصري said...

انا متفق مع اغلب الكلام الي فوق

بس انا شايف ان زوزوق وزير الاوقاف معاة حق لما قال لازم نزور القدس و نروح هناك سواء بتأشيرة عربية او اسرائيلية لوقف تهويد ألاقصى

mido said...

@مواطن مصرى

اتفضل

تحرير القدس بالآيس كريم

مواطن مصري said...

طيب يعني منروحش ألاقصى

طيب ما نروح ألاقى حتى لو مين حاكمها

جبهة التهييس الشعبية said...

روح يا مواطن
روح بفيزا اسرائيلي عشان الاسرائيليين يشيلوك في عينيهم والفلسطينيين يموتوا من النقطة ونخلص بقى والمشكلة تتحل

ماهم اصل كانوا ناقصين عبقريتنا احنا كمان

احنا لا بنحارب ولا لينا دور سياسي

دورنا الوحيد هو مقاطعة التطبيع الشعبي سلبا

خلينا نرميه ده كمان في الزبالة عشان نبقى رقاصة وفتاحة للزباين ماشاء الله ما شاء الله

mido said...

يا عم المواطن : احنا مش فاضيينلك الساعة دي ورانا تخصيب يورانيوم و تصنيع أنابل ذرية :D

مواطن مصري said...

طيب نسيبها للصهاينة

ما لازم نعمل حاجة نروح هناك فيزا فلسطيني فيزا جن ازرق بس نروح نصلي في الاقصى

عندك حل واقعي بعيد عن الحرب عشان احنا مش مستعدين للحرب

لو استعدينا للحرب هنقعد وقت و سنين و شهور

مواطن مصري said...

ههههههههههههههههههههه لول ميدووووووووووو



موضوع الذري دي اوشاعةةةةةةةةةةةة


قال عندنا ذري

Sosso said...

ya nawwara ana maro7tech falastin bass a3raf nes ra7et we chaft falastiniyyin bey3anou ah bass fer7ou ennou fih 3ara gat. Ennes elli ana a3rafhom 3malou enheyar 3asabi ba3d ezziyara bass wallahi mawqef elfalasteniyyin kan wadhe7 nefsohom el 3arab yero7olhom. Ana 3an nafsi ma2darch a5od 5atwa menno3 da. Ma3rafch leh 7aga sa3ba nafseti moch hatesta7mel 3a2li yorfodh el fekara me7taga qowwet a3sab begad.

بدراوى said...

نوارة

و الله كل المطالب ديه حترسى على يوم الغضب

انا مش عايز احبطك بس حكومات ايه اللى تقطع علاقتها بالكيان الصهيونى و لا حتى التعديل فى الإتفاقيات

و لا فكرك روقة يونسكو حيقول كلام ضد تهويد القدس
السنة دى مولد اليونسكو و لازم يخيط بقه من اى كلام ضد اسرائيل عشان يعجب

للأسف ليس امامهم سوى الإدانة و الشجب و الإستنكار

نفسى علماء الأثار و زاهى حواس اللى كل شوية يكتشف معرفش فخذة فرعونى و لا كوارع فرعونى
يشوف اللى بيحصل فى المسجد الأقصى

كمان نفسى نفوق شوية و نعرف ان المشهور فى الصور ده مسجد قبة الصخرة
مش الأقصى
---
انا عندى صور على الميل للمسجد الأقصى من جوه
لو شوفتيها قبل كدة خلاص
لو مشوفتيهاش ممكن احطها فى تدوينة عندى و حضرتك ابقى انقليها

مواطن مصري said...

بدراوي دي اهانة ل الاثار ضروري بردو ان احنا نكتشف حضارتنا عشان ميتقلش انها ملك للصهاينة

زاهي حواس بتاع اثار


يعني يعمل اية شغلتة اثار و كشف الاثار مش عيب

و بعديين

شيخ المسجد بتاع منطقتنا سافر فلسطين

و صلى في مسجد الاقضى

و كان عن طرق شرعية لا عدى من انفاق ولا بتاع

بدراوى said...

يا أستاذ عمرو

انا مش معترض على ده

انا بس بقول يركز شوية مع المسجد الأقصى
يعنى يبقى هنا و هناك

و شيخ مسجدك عن طرق شرعية ازاى
؟!
و سنة كام
؟

lastcrazyboys said...

بقــدر مانا مش فخمتو حاجة خالص..وجي استفسر اذا كان البيان ده طلع ..ولا لسة في صدد الطلوع

بقدر مانا مصدووووم من كــلام مواطن ..إنت مؤمن بالكلام ده فعلا -ولا قاصد تكتبه هنا بالذات عشان تجيبلها نقطة-..عشان ساعتها مش هنتفلسف ونعيد ونزيد..ونتخض
ونقول بالفم المليان
إن المساعي لتهبيط الناس جاب نتيجة ..والردالة كلياتهم معاوزينش يحاربوا خلاص
وعبدالودود بححححح ..مات
مش هنعرف نحارب..مش هنعرف نحارب يا مواطن
هي دي اخرتها يا ولدي
طب دول ولايا ..وبنتّك على حتة انهم ناقصات عقل ودين ونستغلها في اللي في صالحنا
نقولهم :خلاص..متعملوش حسابكم ان ليكم ضهر تتسندوا عليه
بص يا مواطن
انا أعرف واحد معرفة سخصية ..ممكن يموت بحسرته ..لما يسمع البق ده
لأنه حارب لما دراعه اتقوس على الزناد
وشبع خطب..وهزيمة ..ونكسة وانتصارات
جي تقوله ايه
نعم ياخويا
مش هنعرف نحارب ..امال ايه..لأاااااااا
معليش بقى يا مواطن ..انا مش الواد اللي هو ..ولا ابو الوطنية
انما لو حكمت مقدرش اشوف البلد في ازمة ..واقعد اتفرج واحط ايدي في.............



جيبي

mido said...

محدش يجيب سيرة الرئيس مبارك الراجل عمل اللي عليه و أكتر و شرب المر في كل حروب مصر و يا ما دوخ لنجليز في الكنال ، و ياما حدف كنابل علي اسرائيل ، بصراحة كان يملي الطيارة كنابل كتير ، و طول مهو ماشي يحدف يحدف كنابل علي اسرائيل بايده الشمال و ماسك دركسيون الطيارة بايده الليمين و تنته علي ده الحال لحد محرر سينا . يبقي انتم عايزين ايه من الراجل بقي ؟ يا شعب جاحد .

مهندس حر (حسب البطاقة) said...

البيان جيد على أساس إنه أضعف الإيمان اللى مش فاضللنا غيره (...) و ده كفاية عشان نعلن تأييدنا ليه تانى لأننا ما فيش عندنا حاجة نعملها أكتر من كده (...)لكن عشان يبقى عندى أمل إن اللى البيان بيقول عليه ممكن يجيب نتيجة لازم أبقى متفاءل لدرجة البلاهة و العشم (إف لا مؤاخذة لا داعى للقباحة)
يمكن أكتر الأفعال إيجابية هى المرابطة فى الحرم القدسى و ده شيئ المقدسيين مش مستنيينا نقولهم عليه و بيعملوه بالفعل لكن لو فرضنا إن ده يمكن يحمى الحرم مين اللى ها يحمى القدس و الضفة كلها من المشروع الإستيطانى المهول اللى كأن حكومة النتن جاية مخصوص عشان تنفذه.. أكاد أجزم إنه توزيع أدوار مع كاديما اللى كان لازم ما يدخلوش الوزارة عشان كل كلام الزفت أولمرت بتاعهم يتلحس و ييبقى هدف العملية التسليمية الوحيد هو "إقناع إسرائيل بالقبول بحل الدولتين" و ده كلام الحاج أبومازن إمبارح بعد لقاءه بمبارك (تانى بلاش تعليق عشان نتجنب القباحة)

اللى إحتمال يمكن و إذ ربما ينفع يوقف المشروع الإستطانى الجديد هو إن الأخ أوباما يبين كرامة و يحمر عينه لإسرائيل و لو إن ده مستبعد تماما لأنه طبعا مشغول و لو مش مشغول فهو لسه فى حالة الصدمة بعد ما إكتشف إن نص البرنامج الإنتخابى بتاعه ما يقدرش ينفذه و لو مش ده أو ده فهو مش ناقص و لا عايز يزعل الإيباك منه.
و فرضنا إنه بين كرامة يعنى ما النتن ها يهزله كتافه و يقوله يا باشا إحنا حكومة يمينية و و لو الأحزاب الدينية إنسحبت الحكومة تقع و سعادتك ما ترضاليش البهدلة.

بخصوص المرواح للقدس.. نروح نعمل إيه لا مؤاخذة؟.. تفتكر هايكون لينا عين نقف نصلى بين إيدين ربنا فى المسجد الأقصى و إحنا لسه واخدين ختم الصهاينة على (...( لا مؤاخذة البازابورت دا حتى تبقى الصلاة باطلة لأنه لا صلاة بدون طهارة.

آخره تحبى نبصم فين عشان أخش اتنيل أنام ماهو برضه النوم سترة.

جبهة التهييس الشعبية said...

بص يا مواطن
من الآخر كده عشان ما تتعبش قلبي وتجيب شلل للزوار

لا

المرواح لاسرائيل غلط
وحش
كخ

البلد دي فيها ناس يحموها ولو مش عارفين يحموها يبقى جاتهم خيبة يستنوا اجيال محترمة تيجي تحميها

احنا تم تحييدنا من الصراع خالص
لا بقينا بنحارب ولا بقى لنا اي وزن في المنطقة

الوزن الوحيييييييييد لمصر

هي المقاطعة الشعبية لاسرائيل

ده دورنا الوحيد دلوقت

وربنا يمد لنا في اجل البابا شنودة اللي مانع المسيحيين من الحج للقدس

واللي يروح اسرائيل يبقى خاين

الا اذا كنت رايح تحارب ده موضوع تاني بقى

يبقى تنسق مع المقاومة وتروح تحارب

لكن اسم الله ح نروح نعمل لهم ايه بقملنا؟

ح نشرب معاهم شاي ونكشر في وش العساكر الاسرائيليين؟

يا سلام على النضال

جبهة التهييس الشعبية said...

وقول لشيخ الجامع بتاعك فيه واحدة بتسألك: انت متأكد ان صلاتك اتقبلت؟

TAFATEFO said...

هو مين متأكد ان صلاته اتقبلت

فينه مهندس مصري

جبهة التهييس الشعبية said...

ماحدش متأكد ان صلاته اتقبلت

بس فيه مشواير تخوف

ده مشوار يخوف

يعني مثلا مرة واحد زميلي صلاة ورا واحد شاذ لا مؤاخذة من غير ما يعرف انه هو الامام
وبعدين راح راجع مصلي تاني
ولو ان يعني ما اعتقدش انه كان مفروض يصليها تاني ولا حاجة لكن هو نفسيا ما كانش مرتاح
بس انا باتكلم نفسيا
نفسيا هو مرتاح من مشوار زي ده؟

عشان لو هو مرتاح يشرح لي ازاي هو مرتاح؟

ازاي هان عليه يعدي جوة اسرائيل وما يحاربش
ماهو بقى يعني راجل وامام مسجد ورايح الشوق واكله عشان يصلي في المسجد الاقصى للدرجة دي

يبقى اولى يجاهد بقى
مش رايح يعدي على الناس وهي بتموت يصلي وينبسط والجيش الاسرائيلي برة وهو يدخل ويخرج زي الولايا

نفسيا استوعبها ازاي وللا حس انه مرتاح ازاي؟

مش الناس بتصلي عشان ترتاح نفسيا برضه وللا ايه؟
وللا انا بيتهيالي؟
مش هي ارحنا بها يا بلال برضه؟

طب هو كان مرتاح في الوضع ده ازاي؟

مواطن مصري said...

كل واحد حسب نيتة يا نوارة و ربنا بيحاسب على حسب نيتة كل مواطن يممكن يكون نيتة خير


و نيتي خير و نيتك خير
انما صعب انك تعرفي نية الشيخ اية او تقولي ان صلاتة اتقبلت ولا لاء

يعني انا ممكن اكون بفكر بطريقة انتي شايفهاا انها غلط و العكس بس النية بتكون سليمة

TAFATEFO said...

بص بقى يا مواطن

مش زي ما بيقولولك عيبه وكخه والكلام ده

لو اتاخد كلام حمدي زقزوق كله هيتفهم ويترد عليه زي ما عملت ناس أفاضل مع احترامهم ليه لأنه بشر وليه رأي شخصي قد يراه البعض أو المعظم أو الكل مخالف للصواب

حمدي زقزوق كان بيتكلم في مسجد النور في مؤتمر لمناهضة تهويد القدس .. وقال .. ان السطات الإسرائيلية بتعتدي على المسجد الأقصى وتحفر تحته .. وان ده خطر عظيم بيتهدد المسجد الأقصى .. وان أعمال الحفر مستمره منذ أكثر من 40 عام .. واننا المفروض نبذل كل ما نستطيع في سبيل منع هدم المسجد الأقصى .. ونرابط فيه لمنع هدمه والتصدي لمحاولات المتطرفين الصهاينة للاعتداء عليه (وده بيحصل والأهالي عاملين دوريات فيه زي ما قال أكتر من مره الشيخ عكرمة) .. وقال .. انه بيدعوا المسلمين للذهاب للقدس ولو بتأشيرات إسرائيلية للحفاظ على الطابع الإسلامي في المدينة ولدعم أهلها وللذود عن المسجد الأقصى

ده رأي شخصي للدكتور حمدي زقزوق .. اللي مبيشكش حد في نيته وانه لا يقصد بذلك تطبيعاً .. هو شايف ان ده مش تطبيع شعبي .. وهو شايف ان الضرر من ختم الجواز بالختم الإسرائيلي أقل (في رأيه) من الخطر المحدق بالقدس والمسجد الأقصى

أيده سفير فلسطين اللي كان على يمينه

لكن رد عليه الكثيرين منهم طنطاوي ونصر فريد واصل وكتييييييير بس الأهم في رأيي بحكم موقعه هو رد فضيلة مفتي القدس عكرمة صبري

"نحن نرحب بإخواننا المسلمين فى كل وقت يرغبون فيه في زيارة الأقصى ومقدساتنا فى فلسطين، ولكن الأمل أن تتم الزيارة تحت العلم الفلسطيني الحر، وليس بتأشيرة إسرائيلية تكرس للاحتلال ولا ترفعه عن كاهل الأقصى.

أدرك تماما الهدف النبيل الذي جعل وزير الأوقاف المصري يطلق تصريحاته، خاصة فى ظل استمرار الحفريات الصهيونية أسفل الأقصى ومحيطه بهدف تقويضه، ولكننا نرفض أن تتم تلك الزيارات من خلال إسرائيل حيث أن القيام بزيارة المقدسات وهى تحت الاحتلال وبتأشيرة إسرائيلية يعنى استغلال تلك الزيارات لتهويد كل المقدسات، فمادام المسلمون قد وافقوا اليوم على زيارة مقدساتهم بعد الحصول على التوقيع الصهيوني، فسيقبلون غدا التعامل مع كل أرض فلسطين على نفس الوتيرة، وهذا يعنى بوضوح أن الزيارة لن تكون فى صالح الأقصى، بقدر ما ستكون فى صالح أعدائه الذين سيربحون دون شك."

فهمت بقى ليه بيتقال لا؟؟

TAFATEFO said...

ليه بتبالغي؟؟

أهل القدس والمرابطين في المسجد الأقصى لحمايته بيصلوا فيه وبيحموه .. ويمكن مفيش في ايدهم حاجه تاني يعملوها

وبعدين انتي صدقتي صحيح انه راح المسجد الأقصى وصلى فيه .. ولو اتعرض على حد يروح يصلي في المسجد الأقصى ويرجع من غير تأشيرة إسرائيلية ومن غير ما يجاهد هيرفض يعني؟؟

بس اللذيذ انه مراحش بطريق غير شرعي ولا عن طريق إسرائيل

ودي فزورة البوست ده .. زي الطبيعة بتاعة العولمة .. والكتاب اياه

يا ترى كان طاير على ارتفاع منخفض علشان الرادار .. ولا حفر نفق تحت الأرض .. ولا أحاط نفسه بفقاعة كهرومغناطيسية

:D:D:D

مهندس حر (حسب البطاقة) said...

بما إنى ما عرفتش أنام قلت أنكد عليكى و على زوارك مع إن اللى جايبه مش جديد و غالبا سمعتوا عنه اللينك التالى لمقالة على موقع البنتاجون عن زيارة وزير الدفاع الأمريكى الشقيق لمصر http://www.defenselink.mil/news/newsarticle.aspx?id=54176

المقال فيه كلام لطيف جدان عن روح التعاون و المحبة و غيره .. المهم هو الحته اللى ترجمتها كالتالى:
(يقوم فريق من سلاح المهندسين بالجيش الأمريكى (موجود) فى مصر بإختبار نظم متطورة للكشف عن الأنفاق يزمع إستخدامها للقضاء على عمليات تهريب السلاح على طول الحدود بين مصر و قطاع غزة.. الفريق سيقوم أيضا بتدريب قوات الأمن المصرية على إستخدام النظام الذى سيتم شراؤه فى إطار برنامج المعونات العسكرية..(

أهو ده الدعم و الإسناد اللوجيستى على أصوله.. و اللى جايله نوم يقوم ينام و يتغطى كويس و ألا ما فيش داعى للغطا هو فيه أمن و أمان أكتر من كده؟

TAFATEFO said...

@mido

أنا مش فاهم .. هو ليه شوية بتوع آخرهم أبو شلن زي صاحب المقال اللي مأكملتش قرايته ولا اللي اسمها نشوى الديب بتاعة الحزب السناوي (العربي الناصري) بيدوا نفسهم الحق يتطاولوا على واحد علشان رأيه مش على هواهم؟؟

هو امتى الناس دي هتفهم انهم كما يصف المثل من يحب التأميز؟؟

ده ايه البلاوي دي

الرجل ده رأيه .. ولا يشك أحد في نيته .. ولا هما كلهم ولاد ستين تيت دول لا يأتيهم الباطل .. الرجل ده رأيه أصاب أو أخطأ لا ينال من احترامه

عالم زباله

جبهة التهييس الشعبية said...

لا يا مصطفى حرام عليك

ايش جابنا احنا للمقدسيين

هم دورهم انهم يبقوا موجودين وما يخرجوش ويصلوا كل يوم وكل فرض لو قدروا - بس مش بيقدروا عشان نقاط التفتيش - ويخلفوا عيال كتير قوي هناك

ده دورهم

انت بتخلط ليه يا مصطفى؟

وللا انت قاصد تغلس عليا

ما اظن واضح من كلامي اني باتكلم عن اللي بيسافر من برة


ما راحش بالطريق الشرعي ازاي؟

مين اللي قال كده؟

مواطن مصري said...

أبوالغيط: لا فرق بين الخطر النووى الايرانى والاسرائيلي

http://www.masrawy.com/News/Egypt/Politics/2009/may/6/aboughait_nuclear.aspx

عشان اعصابك ترتاح

:DDDDD

جبهة التهييس الشعبية said...

لا مواطن بيقول سافر عن طريق شرعي لا عدى من انفاق ولا بتاع

ح يشلني مواطن

انا خلاص

ما بقتش نافعة في حاجة

بقت هي الانفاق اللي شرعية يا مواطن والسفر عن طريق الاحتلال هو اللي شرعي؟

حرام عليك ح تموتني

مواطن مصري said...

على فكرة توضيح سافر ع طريق السلطة الفلسطينية


و انا اسف يا نوارة لو رائي بيشلك بس احنا بنتبادل الاراء باحترام

مواطن مصري said...

اة صح اتفرجتي على مجلس الشورى النهاردة



قمة في الكوميدية بطرس غالي النهاردة مسك نائبة كانت بتتكلم عن الموازنة لا يوجد فيها بند ل استثمار الزراعة و طلع و قال الموازنة مفيهاش بند للزراعة

و قال ان فية 200 مليون جنية نقل موظفين و قال مينفعش ازود العلاوة على حساب النقل

TAFATEFO said...

آه مخدتش بالي منها دي .. هو كاتب بطرق شرعية فعلاً .. أنا كنت فاكره قصده من غير جواز سفره ما يتختم

هو في أنفاق أصلاً بتودي القدس ؟؟ :D:D

TAFATEFO said...

مش تقول كده يا مواطن يا أخي .. فضيلة الشيخ سافر عن طريق السلطة الفلسطينية

صلاته مقبولة ان شاء الله

mido said...

مصطفي : المقال مغلطش في وزير الأوقاف

mido said...

مصطفي : علي سالم كانت نيته يتحاور مع اسرائيليين ضد الارهاب الصهيوني و كان بيقو ل نيته سليمة ولا عشان مش عالم دين يبقي ابن كلب

حـنــّا السكران said...

مخطط تهويد القدس و مصادرة بيوت المقدسيين أو هدمها .. بيمرّ من غير شوشرة .. أنا حاسس انه في مؤامرة من أنظمة عربية بالذات للتغطية على هذا الأمر باختلاق فقاعات إعلامية ضخمة حول أمور أخرى .. ما يحصل رهيب و خطير جدا .. هناك مصلدرة لمنازل بالعشرات و مخططات تنفذ على الأرض لمصادرة مئات المنازل و طرد أهلها .. لا أسمع أي ضجيج .. حتى أنّ شعار ( الدولة اليهودية الصرفة ) الذي يطلقه أعضاء الحكومة الصهيونية الان , لا يعمل أي صدى في المنطقة و كأنه أمر عادي .. الجماعة عندنا بيجتمعوا مع بعض كي يحتفلوا بذهابهم إلى البيت الأبيض , و يتفقوا مع بعض قبل الذهاب ماذا سيقولون هناك , و كيف سيؤلبون الإدارة الأمريكية على جيوش حماس الجرارة التي تغزو الكوكب و على كتائب سامي شهاب القادمة من المريخ لمحو الحضارة العربية ... أنا حا تجنن ... تهويد القدس بيمرّ بأصعب و أخطر مرحلة في التاريخ ...و إحنا ساكتن تماما ..أنا شايف إنه تحرير أي شبر من الأراضي العربية المحتلة .. يمرّ من القصور العربية .. يجب تحرير الدول العربية من ساكني هذه القصور .. هؤلاء الأشباح الذي ألقوا بظلـّهم فوقنا حتى محوا كرامتنا , و يكادوا يمحوا وجودنا أيضا .
ـ أنا مش سامع حس خالص من الدبلوماسية العربية ( و الله كل هالمصطلحات عيب تطلق عليهم . لأنهم لا أنظمة و لا دبلوماسيين , مجموهة عصابات بقر ولاد بقر .و احنا بقر أكتر منهم عشان تاركينهم ) ... يا جماعة انتم سمعتوا أي مسئول ( أعرابي ) بيعلـّق على تصريحات نتنياهو و أعضاء حكومته حول ( الدولة اليهودية الصرفة ) ؟؟ أو حول مصادرة و هدم بيوت المقدسيين اللي بتحصل كل يوم ؟ .

ـ هم يصفـّون القضية فعلاً .. و التصريحات ضد حركات المقاومة و ضد الخطر الإيراني اللي جاي يقتلعنا من الوجود .. و هالضجة الإعلامية حول هذه الأمور .. هي جزء من الخطة ..

جبهة التهييس الشعبية said...

بتقولوا مين يا ولاد؟
السلطة الفلسطينية
كان السلطة قاعد هنا والست والدته الفلسطينية هانم قاعدة هنا
والشيخ بتاعك على كلمة واحدة ما اصليش يا بابا ما اصليش يا بابا

هو الراجل ده مش بينخع عليكوا يا مواطن؟

جبهة التهييس الشعبية said...

بتقولوا مين يا ولاد؟
السلطة الفلسطينية
كان السلطة قاعد هنا والست والدته الفلسطينية هانم قاعدة هنا
والشيخ بتاعك على كلمة واحدة ما اصليش يا بابا ما اصليش يا بابا

هو الراجل ده مش بينخع عليكوا يا مواطن؟

جبهة التهييس الشعبية said...

هو ابو الغيظ ده مش ح يخرس بقى؟

وقال لك احنا بنخصب اليورانيوم

قال احنا بنخصب اليورانيوم

جبهة التهييس الشعبية said...

اوعوا تكون اسرائيل بتخصب اليورانيوم عندنا عشان ما يضرهمش هم وللا عشان نلبسها احنا

TAFATEFO said...

@mido

نفسي مره واحده قبل ما أموت تبطل تحور كلامي

فين في كلام وزير الأوقاف انه قال روحوا اتحاوروا مع الصهاينة؟؟

وفين مره قلت ما يوحي ان علشان مش عالم دين يبقى ابن كلب؟؟

وبعدين ابقى كمل كلامك وقول وثنية وتقديس .. وان عندي ناس فوق الحساب .. وقوللي كل يؤخذ منه ويرد إلا صاحب هذا القبر .. مقولتش ليه؟؟

كا هو المشكله أصلاً قولتها من زمان .. جربوا تسمعوا الناس وتناقشوا اللي بيقولوه .. ولما تختلفوا معاهم متسبولهمش

حاول تفهم مره الناس بتقول ايه وايه دوافعها وايه وجهة نظرها وناقشها

بس ليه؟؟ ما علشان أكون كويس لازم أي واحد يقول رأي شايف انه غلط أسلخه .. وأشتمه .. وأتريق عليه

انما الدعوه الزقزوقيه .. وحموكوا في كنكه .. والست هانم بتاعة لماذا يصر حمدي زقزوق .. هو ده الكويس

متبقوا تسمعوا الناس بتقول ايه؟؟ أيوه رأيه بحكم المصالح المترتبه عليه ومضاره يبقى خالفه الصواب

بس خالفه الصواب لكذا وكذا وكذا دي ميقولهاش لا احد متخلف .. نقاش ايه وبتاع ايه

أنا أشتمه .. وأتريق عليه .. وأحطه في خانة الطبعين والداعين للتطبيع .. وخصوصاً بقى لما يكون شخص محسوب على المؤسسة الدينية .. بكده أبقى حلو وأمور .. صح

ماشي يا سيدي .. اكتبلي بس لستة بأسماء اللي مضايقينك وأنا أتريقلك عليهم .. ووالله والله والله أنا أعرف أتريق أكتر من عشرين زيك وزي الأخ صاحب المقال والأخت بتاعة السناوي .. بس هتقول ايه .. أصلي وثني يابني ربنا يعافيك ويشفيني

TAFATEFO said...

معلش يا سيدي

دا خاين وعميل .. وبيحاول يطبع مع الصهيونيه .. ويمكن لإسرائيل سيطرتها على الأراضي امحتله .. ويهيئ لها جعل القدس عاصمتها .. ويبرهن للعالم ان إسرائيل بتصون المقدسات وبتكفل حرية العبادة

ما هو ابن تيت

صقفلي .. وتعالى بوسني من هنا ومن هنا

فرنشات لا .. بقولك أهو

TAFATEFO said...

شوف اللي بتقولك الشيخ بينخع

بقى الشيخ المصلي التقي الورع الصائم القائم الراكع الساجد بينخع؟؟

أعوذ بالله من ظنك يا شيخه

ناقص تقولي وسعت منه

TAFATEFO said...

@ جو

بابا الفاتيكان هيزور إسرائيل .. وطلب استعادة (مش فاهم موضوع الاستعاده ده) 6 دور عبادة مسيحية في القدس

الرئيس ضغط على مكتب وزير الداخلية (وزير الداخلية هه) بالموافقة .. الحاخامات رفضوا ليه؟؟ لأن المطلب المجحف ده بيهدد كون القدس عاصمة للأمة اليهودية

ده جواب نهائي

بتسأل على موقف الأنظمة العربية .. بتنكت صح؟؟

إن الدم الفلسطيني ليس رخيصاً ولا مستباحاً .. عايز ايه بقى؟؟

مهندس مصري said...

فلسطين

عباس: الحكومة الفلسطينية المستقيلة ستعود قريبًا
أوقاف غزة تحذر من مخطط استيطاني جديد يهدف لبناء 13 ألف وحدة في القدس
مصادر إيرانية: نجاد يطلب من الأسد نقل مكاتب حماس إلي طهران
الاحتلال يعلن نيته فتح شارع قرب الحرم الإبراهيمي وسط الخليل خلال الأسبوع القادم
الأمن المصري يفجر عددا من الأنفاق الحدودية جنوب قطاع غزة
الإعلان عن حالة خامسة من أنفلونزا الخنازير في دولة الاحتلال الصهيوني
تقرير: في القدس.. حرب صامتة لحسم ديموجرافي لصالح اليهود
نتنياهو يضلِّل أوباما / صالح النعامي
http://www.almokhtsar.com

مهندس مصري said...

أوقاف غزة تحذر من مخطط استيطاني جديد يهدف لبناء 13 ألف وحدة في القدس
التاريخ: 11/5/1430 الموافق 06-05-2009 | الزيارات: 40
المختصر /

المختصر/ حذرت وزارة الأوقاف في حكومة غزة من مخطط استيطاني جديد يهدف إلى بناء 13 ألف وحدة استيطانية جديدة في الجزء الشرقي من مدينة القدس، لاسيما في حي الطور وبيت حنينا وشعفاط وتل عدسة وجبل المكبر، ضمن مشروع إسرائيلي أُطلق عليه "المشروع الهيكلي الجديد".

واستنكر وزير الأوقاف طالب أبو شعر في بيان صحافي أوامر الهدم الجديدة التي سلمتها سلطات الاحتلال، لعدد من المواطنين من منازل المواطنين الفلسطينيين في أحياء متفرقة بمدينة القدس المحتلة، وعمليات المداهمة لعدة أحياء مقدسية بهدف إجراء مسحاً على ورش البناء وتصوير المنازل المهددة بالهدم خاصة في أحياء الأشقرية وبيت حنينا وشعفاط والشيخ جراح.

وأكد أبو شعر على أن استمرار الصمت العربي تجاه "الجرائم الإسرائيلية" على المسجد الأقصى ومدينة القدس هو صمت غير مبرر وغير منطقي، وأن الأمتين العربية والإسلامية مطالبة بأن تنهض بكل طاقاتها لحماية كل فلسطين وخاصة المسجد الأقصى المبارك، مشدداً على ضرورة هبة عربية وإسلامية لنصرة المسجد الأقصى ومدينة القدس.

وأدان الوزير أبو شعر منع الاحتلال الإسرائيلي عمليات ترميم وصيانة 1500 مبنى وعقار بالبلدة القديمة وفرض القيود التي تحول دون تنفيذها ومنع إدخال مواد البناء، معتبراً أن عمليات البناء الاستيطانية وهدم منازل المقدسيين والاعتداءات المتتالية على المسجد الأقصى المبارك والمدينة المقدسة، بمثابة تصعيد إسرائيلي خطير وغير مسبوق ومخطط له على أعلى المستويات الصهيونية.

المصدر: فلسطين اليوم
http://www.almokhtsar.com/news.php?action=showgroup&id=2&issus=251

مهندس مصري said...

تقرير: في القدس.. حرب صامتة لحسم ديموجرافي لصالح اليهود
التاريخ: 11/5/1430 الموافق 06-05-2009 | الزيارات: 43
المختصر /

المختصر/ سجّل الربع الأول من العام 2009، تصعيدًا إسرائيليًا غير مسبوق فيما يتعلق بالصراع الديموجرافي في مدينة القدس، ومحاولات الجانب الإسرائيلي حسمَ هذا الصراع لصالحه عبرَ سلسلة من الخطوات والإجراءات.

ومن أبرز القرارات التي اتخذها الاحتلال الإسرائيلي لتهويد المدينة المقدسة قيامه بعزل تَجَمّعات سكانية كبيرة يقارب عدد سكانها 160 ألف مَقْدسيٍّ خارج الحدود البلدية المصطنعة للقدس، حسبما كشف أحدث تقرير صادر عن الأمم المتحدة.

وبحسب التقرير فإنّ هذا العدد يزيد عن التقديرات الفلسطينية المحلية التي كانت تتحدث عن عزل 125 ألفًا في أحياء و بلدات "الرام، ضاحية البريد وكفر عقب وسميراميس ومخيم شعفاط وضاحية السلام وبلدة عناتا"، وهي أكثر التجمعات السكانية المقدسية كثافة.

وكانت أبرز الإجراءات الإسرائيلية حتى نهاية العام المنصرم 2008 بهذا الشأن استكمال بناء الجزء الأكبر من جدار الفصل العنصري حول المدينة المقدسة، مما جعل هذه البلدات والأحياء بهذا العدد الكبير من سكانها معزولة عن القدس، وهو إجراء يهدد هؤلاء بفقدان حقهم بالإقامة في مدينتهم مستقبلاً، وبالتالي تكون السلطات الإسرائيلية المحتلة قد نجحت في التخلُّص من هذا العدد الكبير من السكان دفعة واحدة، بعد أن كانت إجراءات الطرد الصامت والتطهير العرقي تستهدف أفرادًا أو مجموعات صغيرة بذريعة عدم إثبات مركز الحياة في المدينة المقدسة.

تشريد 5 آلاف مقدسيّ

وتهدد إجراءات الهدم مئات المنازل التي قررت بلدية الاحتلال في القدس تشريدها منذ مطلع العام الجاري 2009، بمعنى فقدان المأوى لأكثر من خمسة آلاف مقدسي يقطنون في نحو 1100 وحدة سكنية تلقى أصحابها إخطارات بالهدم، ليضاف هذا العدد من السكان إلى نحو 500 نسمة غالبيتهم من الأطفال والنساء هدمت مساكنهم منذ مطلع العام الجديد.

وفي تقرير لها، استعرضت "وحدة البحث والتوثيق" في مركز "القدس" للحقوق الاجتماعية والاقتصادية، أهم المعطيات المتعلقة بالديموجرافيا الفلسطينية في القدس، والتي تشير إلى أنّ عدد المقدسيين داخل أسوار البلدة القديمة من القدس وصل حتى مطلع العام 2009 إلى نحو 36 ألفًا، بعد أن كانت معطيات سابقة تحدث عن عدد يتراوح ما بين 33 ألفًا إلى 34 ألفًا.

ويفسّر المركز هذه الزيادة إلى انتقال عشرات العائلات المقدسية للسكن في البلدة القديمة بسبب الحواجز والجدار الذي فصل هذه العائلات عن مركز حياتها وتعرضها للتهديد المباشر بإسقاط حقها في الإقامة من قبل وزارة الداخلية، رغم أنّ ظروف السكن في البلدة القديمة صعبة جدًّا حيث الازدحام الشديد في المساكن، واضطرار بعض الأُسَر إلى تحويل محلات ومشاغل أحذية إلى مسكن لإيواء أفرادها كما هو الحال في خان الأقباط أحد الأسواق الشهيرة دخل أسوار المدينة المقدسة.

في مقابل ذلك تشير معطيات مركز "القدس" إلى وجود ما يقارب ثلاثة آلاف مستوطن يَقْطنون "حارة الشرف"، أو ما يسمى "بالحي اليهودي" الذي أُقِيم على أنقاض الحارة الفلسطينية بعيد سقوط المدينة المقدسة عام 1967. إضافة إلى نحو 1000 مستوطن آخر يقطنون في 70 بؤرة استيطانية مُوَزعة على الحيين الإسلامي والنصراني في البلدة القديمة.

ويسعى الإسرائيليون إلى زيادة عدد المستوطنين في البلدة القديمة لمواجهة الكثافة السكانية الفلسطينية العالية، من خلال سيطرتهم على مزيد من العقارات المتاخمة للمسجد الأقصى والمجاورة لما يسمي بالحي اليهودي.

ويرى خبراء فلسطينيون وإسرائيليون في مجال الديموجرافيا أنّ جميع الإجراءات والخطوات التي اتخذتها بلدية الاحتلال في القدس بإدارتها اليمينية الحالية والقاضية بهدم مئات منازل المقدسيين ستفشل في اقتلاع الأعداد الهائلة من المقدسيين، لأنّ معدل النمو السكاني الفلسطيني يصل إلى 3 أضعاف النمو السكاني اليهودي غير الديني، ونحو ضعفي النمو السكاني اليهودي الديني. وبالتالي فإن حسم الصراع السكاني والديموجرافي هو في استمرارية هذا النمو والتزايد في أعداد السكان.

ويُشار إلى أنّ لجنة إسرائيلية شكلت بعد احتلال القدس عام 1967 أطلق عليها "لجنة جفني"، تقف وراء ما يسمى قانون التوازن السكاني الذي طُبّق في العام 1973، وكان الهدف من ورائه مراقبة التزايد السكاني الفلسطيني في القدس بحيث لا يزيد عن 22% - 24% من إجمالي عدد السكان.

وقد ارتبطت المعضلة الديموجرافية بقضية البناء الفلسطيني في القدس، حيث تبنّت الحكومات الإسرائيلية المتعاقبة سياسةً خاصّة فيما يتعلق بالتنظيم والبناء في القدس وأخضعت لاعتبارات سياسية تحددها التوجهات السياسية الإسرائيلية العليا القائمة على نهب أراضي المقدسيين وتقييد النمو الديموجرافي الفلسطيني ومكافحته من خلال مكافحة البناء الفلسطيني في المدينة المقدسة، وعلى هذا الأساس طبقت السياسة القائلة بمنع البناء على 70% من أراضي الضفة، وعلى 86% من أراضي القدس.

المصدر:الإسلام اليوم
http://www.almokhtsar.com/news.php?action=showgroup&id=2&issus=251

مهندس مصري said...

الاحتلال يعلن نيته فتح شارع قرب الحرم الإبراهيمي وسط الخليل خلال الأسبوع القادم
التاريخ: 11/5/1430 الموافق 06-05-2009 | الزيارات: 39
المختصر /

المختصر/ أعلنت سلطات الاحتلال الإسرائيلي نيتها فتح طريق أمام حركة المواطنين الفلسطينيين قرب الحرم الإبراهيمي في مدينة الخليل جنوب الضفة الغربية خلال الأسبوع القادم بعد إغلاق منذ أكثر من ثمانية أعوام.

ويصل الطريق المغلق أمام حركة المواطنين والسيارات ما بين الحرم الإبراهيمي ومستوطنة "كريات أربع" ويعرف باسم طريق "وادي النصارى".

وأكد جيش الاحتلال أنه سيقيم نقطة مراقبة عسكرية في ذلك الشارع لحماية المستوطنين، الذين من جهتهم هددوا باستهداف المواطنين الفلسطينيين وسياراتهم في حال تم تنفيذ القرار.

المصدر: فلسطين الآن


أضف تعليقك | طباعة | أرسل لصديق
----------------------------------------

الأمن المصري يفجر عددا من الأنفاق الحدودية جنوب قطاع غزة
التاريخ: 11/5/1430 الموافق 06-05-2009 | الزيارات: 50
المختصر /

المختصر/ قالت مصادر فلسطينية وشهود عيان إن السلطات المصرية فجرت أمس الثلاثاء عددا من أنفاق التهريب على الشريط الحدودي بين قطاع غزة ومصر.

وذكرت المصادر أن أصوات عدة انفجارات دوت بشكل عنيف في المناطق المحيطة بالشريط الحدودي أتضح أنها ناجمة عن تفجير الأمن المصري لعدد من الأنفاق المنتشرة على طول الحدود مع القطاع بعد اكتشافها.

وذكر شهود عيان في المنطقة أن حالة من الذعر أصابت العاملين في الأنفاق وان عددا منهم فر من الموقع خوفا من الانفجارات.

وتتحدث المصادر الفلسطينية عن تشديد السلطات المصرية مؤخرا إجراءاتها الأمنية على الشريط الحدودي لمحاربة التهريب عبر مئات الأنفاق التي تنتشر أسفل الشريط لنقل البضائع إلى القطاع المحاصر إسرائيليا منذ عامين ونصف.

المصدر: فلسطين الآن
http://www.almokhtsar.com/news.php?action=showgroup&id=2&issus=251

lastcrazyboys said...

معرفش ابو الغيظ جــاب الكــلام ده منين

اللي أعرفــه ..ونعرفه جميعا ان احنا
ولاد جنيــة
بنعرف نخصب أييييييي حاجة

إلا اليورانيوم..يورانيوم ايه ده كمان
هي حصلـت

MerMaid said...

hey nawarra how are u?
i just dont know how to write a comment to Tafatefo on his blogs becoz i dont know which one he follows.
so plz allow me to write it here..

Sir,Do u know the reason why Islam used the power of a sword to spread??
I just want you to answer this question and tell me whats next:
What was the main reason in islamic propagation into the west?? was it Qaeda and taliban?? or was it the peacful and simple followers of this peacful religion??
was it the power of a sword??or was it the power of a good Muslim??
which one will make u more comfort about saying i am a muslim
will it be Ahmed zewail"the good arabic muslim""
or will it be Bin laden and the suicide bombers

we all complain about being oppressed and being descriminated..but what is the reason behind that??
isnot it Qaeda??and Taliban??
will u ever be one of them??
i dont Think God will ever ask us to kill each other to spread Islam.
what do u think
??
uactually i read on ur blog ta word for Bilal Fadl..thats so confusing.

thanks nawarra

مواطن مصري said...

خلي بالك ياا نوارة هيمنعو الصلاة في الاماكن المغلقة و ربنا يستر عشان الكل بيتكلم الكلام دة بعد الجمعة يعني هما عارفين ان المرض دخل مصر بس مكتمين و وزير الصحة هيطلب من الجيش التدخل

كل واحد يشتري القناع

MerMaid said...

if u wrote " Truth about Islam" in the search bar u will find hundreds of websites againt islam and their reason is " islam is a violent religion killed thousands of people"

do u still insist on Qaeda and taliban being the right muslims in the wrong battle.

I doubt.

مواطن مصري said...

بس سمعتي الخبر الي بيقول ان مصر معندها برنامج سري بس منفتش امتلاك مصر يوناريوم
؟


و فية تحقيق بيتعمل عن مصر الكلام دة لية خرج بعد ما البرادعي مشي

MerMaid said...

@ Mowaten masry

do u think that Israelis will give u a visa??to pray at Al Aqsa??

u are so dreamy

but i am with u, that if it is the only solution..i will get the israeli visa
why not??it is just a stamp or document..peice of paper.
I mean if one day i want to travel to ALQuds for any reason,and a visa is all i need i will get it.

Thanks

mido said...

@tafatefo

ايه كل الكلام ده ؟

بقولك صاحب المقال مغلطش ولا تطاول على وزير الاوقاف

سيف said...

حمدي قنديل لـ «الدستور»: لم أتلق أي اتصال من حسن نصر الله ولم أزر مقر قناة المنار.. «

mido said...

كل واحد يشترى القناع


هههههههههه
ههههههه

مواطن مصري said...

mermaid i agree withe you its paper don't mean something to me

عاشق مصر said...

العقيد حسني مبارك اعتقل في المغرب!
http://www.bahrainforums.com/printthread.php?t=354448

TAFATEFO said...

@MerMaid

لما اتكلمت عن القاعدة وطالبان وظروف نشأتهم وأهدافها (كلامي كان عن نشأة القاعدة وطالبان على فكره نشأت لما الملا عمر خد 30 رجل علشان يرجعوا بنتين مخطوفين وبعدين اختفى وجاب 1500 رجل مسلح للسيطرة على أفغانستان) .. لما بتكلم على نشأتهم يا فندم وانها كانت للدفاع عن قضية عادلة .. وبستفهم يعني ايه الإسلام بريء منهم .. (مع تأكيد مرتين ان قتل الأبرياء ليس من الإسلام في شئ وان الإسلام برئ من ده وان طالبان مثلت صورة مشوهة لحكم الشريعة .. وان القاعدة لما انتهى دورها في مواجهة الغزو الروسي رفضت تسيب السلاح وقد يبدو انها اختارت عدو صح لكنهاخاضت معركه غلط) .. مش بدافع عن تنظيم القاعدة ولا طالبان

أنا بدافع عن مبدأ أصيل وهو استخدام القوة في المعركة الصحيحة .. زي استخام المقاومة في فلسطين للقوة في التحرير .. ميجيش حد يقول ان الإسلام رسالة سلام .. لا ده الإسلام رسالة عدل .. فمن اعتدى عليكم فاعتدوا عليه بمثل ما اعتدى عليكم .. والإسلام فرض الجهاد إذا دخل العدو بالديار فرض عين (مبقولش ان حضرتك بتقولي كده لكن البعض بيقول كده)

إذا كانت مقاومة الغزو السوفييتي لأفغانستان والإبادة الجماعية عمل غير مشروع أو إرهابي حد يقول

إذا كان تخليص البلد من تناحر مسلح وفوضى تعم البلاد وتهديد لطريق التجارة مع باكستان واختطاف وعمليات سلب ونهب حد يقول

لكن في الوقت نفسه .. النشأة اللي هدفها نبيل تحولت لوبال .. فتنظيم القاعدة عمد للقيام بعمليات إرهابية حول العالم هدفها تهديد المصالح الأمريكية (مع ان رأيي ان هدفها التمكين لأمريكا وإعطاءها مبررات لأي شئ عندما تحتاج هذه المبررات) وطالبان فرضت حكم رجعي قمعي

كل اللي بقوله يا فندم إن الإسلام مش برئ من المسلمين .. الإسلام برئ من أفعال وتوجهات مشينة يمارسونها باسم الإسلام

هرد على أسئلة حضرتك بقى بعد ما وضحت تعليقي كان المقصود بيه ايه

مهندس حر (حسب البطاقة) said...

mermaid.. don't believe it is just a piece of paper. Some people here and everywhere in the Arab world still don't recognize the Jewish State. We don't believe that the two states solution is the only possible end of this struggle and definitely it is not the right solution.
Accepting to get a visa issued by the said state and having your passport stamped by a Zionist official is a clear recognition of the state and its (legitimate) authority (even as an occupation force) over Palestinian territory and particularly El-Quds.

TAFATEFO said...

Do u know the reason why Islam used the power of a sword to spread??.

وهل يفتح السيف قلباً؟؟ دي شبهة من الشبهات التي استخدمها بعض المستشرقين للنيل من الإسلام .. وتشويه صورته

جوستاف لوبون رد على ده "إن القوة لم تكن عاملاً في نشر القرآن، وإن العرب تركوا المغلوبين أحرارًا في أديانهم، والحق أن الأمم لم تعرف فاتحين رحماء متسامحين مثل العرب، ولا دينًا سَمْحًا مثل دينهم، وقد أثبت التاريخ أن الأديان لا تُفرَض بالقوة، ولم ينتشر الإسلام - إذن – بالسيف، بل انتشر بالدعوة وحدها، وبالدعوة وحدها اعتنقته الشعوب التي قَهَرت العرب مؤخرًا كالترك والمغول، وبلغ القرآن من الانتشار في الهند - التي لم يكن العرب فيها غير عابري سبيل - ما زاد عدد المسلمين إلى خمسين مليون نفس فيها.. ولم يكن الإسلام أقل انتشارًا في الصين التي لم يفتح العرب أي جزء منها قَطُّ.."

أما إستخدام السيف فلم يكن أبداً لإكراه الناس على الإسلام بل كان لتحرير الإنسان ، وتحييد القوى الظالمة التي تبدأ بالعدوان

الشبهة الواهية دي قال فيها حافظ إبراهيم "جهل وتضليل أحلام وسفسطة"

كل أسئلة حضرتك بعد كده واضح جداً ان جوابها أبداً ليس القوة .. وان مفيش في كلامي ما قد يفهم منه اني أقصد انهم بيستخدموا القوة لنشر الإسلام .. ده مش صحيح ولا هما بيزعموا كده .. دول بيقولوا لقتال أعداء الإسلام .. والعمليات اللي بتروح ضحاياها أبرياء واستخدام العنف والعمليات الإرهابية ليس من الإسلام في شئ

حاجه أخيرة

ردي على براءة الإسلام من القاعدة وطالبان كان علشان شميت الريحه دي كتير .. ريحة ان الإسلام رسالة سلام وتسامح فقط .. واستخدمت في النيل من المقاومة .. الإسلام رسالة عدل .. والعدل لابد أن يستند على القوة وإلا كيف ترهب من يبتغي عداءك وظلمك؟؟

المقاومة والجهاد لتحرير أرض فلسطين المحتله .. أو للوقوف في وجه الغزو هو فرض عين وهو من الإسلام ومن أفضل الأعمال

TAFATEFO said...

الرد على شبهة انتشار الإسلام بحد السيف ده كتيييييييير أوي بس ده مثلاً رد فضيلة الإمام العلامة (:P:P:P:P:P) يوسف القرضاوي

TAFATEFO said...

علشان مواطن مصري اللي مقتنعش بتوضيح علة رفض زيارة الأقصى اللي قالها فضيلة مفتي القدس عكرمة صبري .. ده نص فتوى الجامعة الإسلامية بغزة واللي بيوضح أسباب رفضهم لزيارة القدس لمن هم خارج فلسطين

يا ميرميد هانم .. دي مش مسألة ختم على ورق .. دي مسألة موازنة فوائد ومضار للفعل

يا ريت تقروا نص الفتوى

"إننا في لجنة إفتاء الجامعة الإسلامية بغزة نرى أن زيارة المسجد الأقصى المبارك ، أو السياحة إليه غير جائزة بالنسبة للمسلمين عامة ، عربهم وعجمهم ، وخصوصاً القادة ، والمسئولين ، وصناع القرار ، وقادة الرأي ، والصحفيين ، والوفود الرسمية وغير الرسمية .
ويستثنى من هذا التحريم أبناء فلسطين ، سواء من بقي منهم داخل فلسطين المحتلة ، أو الذين هاجروا إلى الشتات ، وذلك من باب ما يسمى بالسياسة الشرعية،وسبب هذا التحريم يعود إلى :

أولاً :ـ
إن القدس بما فيها الحرم هي أرض وقف إسلامي ، قد احتلها أعداء الله من يهود ، والحكم الشرعي المترتب على ذلك هو وجوب تحريرها من دنسهم ، وهذا فرض عين على كل أبناء فلسطين ، وفرض كفاية على من يليهم من المسلمين ، ولما عجز المسلمون من أهل فلسطين عن تحرير أرضهم وحدهم صار الجهاد فرض عين على من جاورهم من المسلمين ممن يسمون ( بدول الطوق ) ، ولكن لما حدث أن وقعت بعض دول الطوق معاهدات سلام مع أعداء الله ، واستنكف الباقون عن الجهاد بحجة عدم تحقيق التوازن العسكري _ الذي ليس له اعتبار في ميزان الإسلام _ انتقل الجهاد إلى الدائرة الأوسع ليصبح فرض عين على كل المسلمين أينما كانوا وأينما حلوا ؛ لقول النبي صلى الله عليه وسلم ( الإسلام يعلو ولا يعلى عليه ) ؛ ولما قرره علماء هذه الأمة من أن الجهاد فرض عين على من دخل العدو أرضهم ، فإن عجزوا ، فعلى من يليهم ، ثم على من يليهم .. وهكذا حتى يستغرق الجهاد الأمة بأسرها .
ولما كان حال زعماء المسلمين من الخنوع والاستسلام لأعداء الله وتخاذلهم عن تأدية فريضة الجهاد ، فإن هذا لا يعفي سائر المسلمين من القيام بهذه الفريضة ما وسعهم ذلك ( فلا يكلف الله نفساً إلا وسعها ) .
وإذا كان المسلمون لا يستطيعون القيام بالجهاد المباشر لتحرير فلسطين ، بسبب منع حكامهم لهم وإغلاق الحدود أمامهم نتيجة ولاء الحكام لأعداء هذه الأمة ، فإن للجهاد أوجه أخرى من بينها :

أ. الامتناع عن زيارة المسجد الأقصى ، أو السفر إليه ، سواء من الدول التي وقعت معاهدات سلام مع يهود ، أو من الدول التي لم توقع ، فمعاهدات السلام هذه لا يقرها الشرع ولا يعترف بها ، وأي زيارة للمسجد الأقصى هي عبارة عن إقرار بشرعية هذه المعاهدات ، وإقرار بالسيطرة اليهودية على القدس ، خصوصاً إذا كانت هذه الزيارات ذات طابع سياسي أو ثقافي ، أو ديني ، أو ما شابه ذلك .
ب. مقاطعة الكيان الصهيوني الغاصب على كافة الأصعدة ، وفي كل المجالات السياسية ، والاجتماعية ، والثقافية ، والاقتصادية .. وغيرها ؛ لأن التواصل مع العدو في هذه المجالات يعني تقديم الدعم المادي والمعنوي له لمواصلة عدوانه على الأمة ومقدساتها .

ج. تربية أبناء المسلمين على أن القدس أرض إسلامية ولا يجوز التفريط فيها ، وغرس حب الجهاد في نفوسهم ؛ لتحريرها من أيدي الغاصبين .
د. تقديم الدعم المادي والمعنوي للمجاهدين من أهل فلسطين ، حتى يستطيعوا الصمود في وجه أعدائهم ، والتصدي لهجمتهم الشرسة على الأرض والمقدسات ، وتمكينهم من الثبات على أرضهم وعدم تركها ، أو الرحيل عنها _ كما يريد الأعداء _ .

ثانياً :ـ
إن سياحة المسلمين من سائر بلاد العالم ، وزيارتهم للمسجد الأقصى المبارك ، تستغل من قبل يهود في ترويج أحقيتهم في إبقاء القدس تحت سيادتهم ، ذلك ضمن الادعاء بأنها عاصمتهم الأبدية ، وذلك عن طريق تسويق زيارات المسلمين للأقصى على أنها تندرج ضمن حرية العبادة والتسامح الديني ، وبذا يظهر اليهود أمام العالم مدى ديمقراطيتهم في سماحهم للمسلمين من دخول القدس والعبادة فيها ، ومن ناحية ثانية فإن زيارة المسلمين للقدس تستوجب الحصول على إذن من اليهود ، وفي هذا إعلاء لهم ، ورفعةً لشأنهم ، واعتراف بأحقيتهم في السيطرة على القدس ، وكذلك يمكن أن تتاح الفرصة بشكل أكبر لاختراق الدول الإسلامية من قبل يهود عبر اصطياد الزائرين من المسلمين ، وإسقاطهم في وحل العمالة والتعاون مع الأعداء ، وهذا نعرفه نحن أهل فلسطين جيداً بسبب صراعنا الطويل مع هذا العدو ، واحتكاكنا المباشر به ، ومعرفتنا الحقيقية لطبيعته .

ثالثا :ـ بالنسبة للمسلمين الفلسطينيين ، فإن من الواجب عليهم التوجه إلى المسجد الأقصى المبارك كلما استطاعوا إلى ذلك سبيلا ، خصوصاً في هذا الوقت الذي يتعرض فيه المسجد الأقصى للخطر من قبل أعداء الله يهود عبر المحاولات المتكررة لهدمه ، والحفريات من تحت أركانه ، ومنع المسلمين من الوصول إليه للعبادة ، وهذا في حد ذاته نوع من أنواع الجهاد .

رابعاً :ـ يجب على القائمين على وسائل الإعلام في الدول الإسلامية فضح الممارسات الصهيونية بحق المقدسات الإسلامية في القدس الشريف ، وإظهار صور الجنود الصهاينة وهم يدنسون ساحات الأقصى المبارك بخيولهم وأسلحتهم ، وهم يلاحقون المصلين الوافدين للمسجد الأقصى ويمنعونهم من حق الصلاة فيه.
وفي الختام نقول بأن زيارة الأقصى للصلاة فيه تحرم على المسلمين من غير الفلسطينيين ، إذا جاءوا قاصدين تلك الزيارة ، أما إذا جاء شخص من المسلمين لزيارة أقاربه ، أو أصهاره في فلسطين ، ثم اصطحبوه للمسجد الأقصى للصلاة فيه ، دون أن يكون لهذه الزيارة أي مغزى سياسي أو ثقافي ، أو ما شابه ، فإننا لا نرى بأساً في ذلك .
والله تعالى أعلى وأعلم "

TAFATEFO said...
This comment has been removed by the author.
TAFATEFO said...
This comment has been removed by the author.
مواطن مصري said...

معلش يا طفاطيفو يبقى امريكا بردو نيتها سليمة لما بتنشر الديموقراطية ب السيف لدفاع عن قضية هي في نظرهم عادل كدة مش هنخلص

TAFATEFO said...

@MerMaid

يابني انت فاهم انت بتتكلم عن ايه؟؟ شبهة نش الإلام بحد السيف دي مردود عليها وخلصانين منها .. انت بتفهم ازاي أصلاً؟؟ يعني ايه الطريقة اللي تفهم بيها الكلام؟؟

بنقولك مفيش حاجه اسمها انتشر الإسلام بحد السيف تقول يبقى أمريكا ونشر الديموقراطية

بس أنا فاهم (بنفس طريقتك انك تقصد المقاومة)

شفتي حضرتك .. مش قلتلك هيطلع واحد تيت يساوي بين أمريكا ودعوى نشر الديموقراطية .. وبين المقاومة

بس ده يترد عليه يتقال له ايه .. سناء يونس ماتت

مواطن .. انت عارف نكتة الرجل اللي كان عايز ربنا يكلمه زي ما كلم سيدنا موسى؟؟

مهندس حر (حسب البطاقة) said...

مع كامل إحترامى للجميع يبدو أن الحوار يتفرع فى إتجاهات غير متعلقة بالموضوع الأصلى بشكل مباشر.. الموضوع الأصلى حسب فهمى هو وجود تطور (كمى و نوعى) لعمليات تهويد القدس و الإعتداء على المسجد الأقصى و تغيير الوضع على الأرض بفصل القدس عن الضفة الغربية تمهيدا إما لفكرة إستبدال الأراضى التى روج لها أولمرت أو الأصح جعل قيام دولة فليسطينية قابلة للحياة أمرا مستحيلا (لأنه لا يمكن قيام دولة بدون إقليم متجانس و له حدود واضحة) يعنى ما ينفعش تعمل دولة على أرض مخربأة.

الأخ مواطن مصرى واضح إنه مقتنع بأن إقبال المسلمين على زيارة القدس يمكن أن يسهم فى مواجهة المشروعات الصهيونية.. و يبدو من الردود إن غالبيتنا بتختلف مع هذه المقولة و مع إجتهاد وزير الأوقاف فى هذا الشأن.

مش عارف بقه إيه اللى جاب سيرة طالبان و القاعدة و لا مسألة إنتشار الإسلام بالسيف..

طالبان و القاعدة مسلمين بس مش مسلمين صح يعنى فهمهم للإسلام أكيد خاطئ و الدليل إن النتائج اللى وصلوا ليها خاطئة و النتائج الخاطئة تشير إلى مقدمات خاطئة.

العرب المسلمين أنشأوا دولة من حدود الصين إلى حدود فرنسا بالسيف (حد ينفع يجادل فى كده؟).. ده كان فى العصور الوسطى و اللى فى الغرب كان عنده دولة قامت و توسعت بغير السيف ساعتها ييجى يكلمنا.. و اللى منهم ينكر إن إلى جانب الحملات الصليبية ضد المسلمين فى أسبانيا و فلسطين كان فيه حملات ضد السلاف الوثنيين لنشر المسيحية بينهم يبقى برضه ييجى يكلمنا.

حق إستخدام القوة فى الدفاع عن الوطن و تحرير الأرض مش محتاج مرجعية إسلامية لأنه مكفول و معترف بيه للجميع سواء
كانوا مسلمين أو بوذيين أو هنود حمر.. لكن ما حدش قال أو إعترف بحق حد فى نشر نظام سياسى أو فكر أو عقيدة أو نمط حياة بإستخدام القوة.. يعنى ما فيش علاقة مع اللى أمريكا بتعمله.

TAFATEFO said...

أقاموا دولة بالسيف غير نشروا الإسلام بالسيف

مع ان في دول كتير دخلت تحت لواء الإسلام زي الهند والصين ولم يرفع فيها سيف

وفي دول كتير كان رفع السيف فيها لتخليص أهلها من طغيان وظلم المسيطرين عليها زي مصر مثلاً

ولذلك لم يكن أبداً غزو .. ولكنه كان فتح

لم يقتل رجل ولا امرأة .. لم يهدم بيت .. لم تقطع شجره لم يتعرض أحد لحرية العبادة والاعتقاد

TAFATEFO said...

أقصد طفل ولا شيخ ولا امرأة

يعني لما لا رجل ولا امرأة يتقتلوا .. مين اللي هيحارب .. المعيز

:D:D

مهندس حر (حسب البطاقة) said...

@TAFATEFO
إقتباس "أقاموا دولة بالسيف غير نشروا الإسلام بالسيف"

ده اللى قصدته .. بس اللى أهم إننا مش مضطرين نقعد ندافع عن الموضوع ده دلوقت.. اليبب الوحيد إن فى ناس فى الغرب بيحلالهم يجيبوا سيرته إن فى ناس عندنا لسه عايشه فى القرون الوسطى و بتستخدم مصطلحاتها و معتبرين إنهم بيمثلوا الإسلام الصيح و للأسف فى تعاطف كبير معاهم بين بسطاء المسلمين لأسباب كتير و النتيجة إن الغرب بيضطر أو بيعجبه يصدق إن وجود الناس دى و تعاطف عدد كبير من عامة المسلمين معاهم هو أمر كامن فى الإسلام ذاته و مش نتيجة ظرف سياسى الغرب و صنائعه هم السبب الرئيسى فيه.