Friday, 8 May 2009

بركاتك يا حاج اوباما انت والانسة كلينتون

يا سبحان الله يا اخي، اول امبارح الرئيس الباكستاني ابو فرق من النص زي فرق توفيق الدقن والراجل التاني بتاع باكستان اللي بيلبس الف ليلة وليلة قابلوا اوباما وعملوا مؤتمر مع الاميرة هيلاري وقعدوا يشحتوا، والله كانوا بيشحتوا عيني عينك: احنا محتاجين دعم، شجعني يا يبه، شجعني يا يبه
راحت قالت لهم: يعيش بتاع الكبريت
تاني يوم، سبحان الله ولا حول ولا قوة الا بالله باكستان تضرب اقليم سوات
ده اوباما ده ولي وسره باتع والله، هو المدهول مش عنده ازمة اقتصادية، وللا واخد فلوس الناس يشبرق بيها على توفيق الدقن والملك السمندل ملك الجان الاحمر عشان يموتوا له الغلابة؟
----
الملك عبد الله بن الحسين قابل اوباما من فترة، خرج اوباما بيسب ويلعن في ايران
والنهاردة الملك عبد الله اتكلم قدام البابا بنديكت وجاب سيرة القضية الفلسطينية وسبحان الله ولا حول ولا قوة الا بالله ولا اله الا الله
ما جابش سيرة اللاجئين ابدا ولا اشار لهم من قريب ولا من بعيد ولا كأن فيه لاجئين اصلا، واحنا عارفين طبعا ان اوباما قال لعبد الله: لاجئين يوك... انسى يا عمرو
ولما جاب سيرة القدس قال خدمتها حاجة تشرف اي ديانة
مدد يا سيدي اوباما
-----------
تحديث:
الحالة اللي اشتبه فيها امبارح طلعت سليمة الحمد لله، لحد اللحظة دي الحمد لله الحمد لله الحمد لله ما شاء الله لا قوة الا بالله يارب دايما يا رب استر مافيش ولا حالة في مصر، طفاطيفو لسة مكلمني
احتمال انهم يكونوا بيضحكوا علينا مش وارد، انتوا عارفين انا مش باصدقهم، بس منظمة الصحة العالمية عاملة رقابة على مصر زي ما عاملة رقابة على كل الدول، يعني لو كدبوا علينا المنظمة مش ح تكدب
يااااااااااااااااارب يلحقوا يعملوا لها مصل قبل ما تيجي عندنا يارب

123 comments:

مواطن مصري said...

ربنا يستر و طالبان متوصلش لنووي باكستان لو وصلو بعد الشر هنقول على العالم يلا السلام و حرب عالمية الثالثة تيجي

ربنا يستر و ميصلوش

جبهة التهييس الشعبية said...

اه يا مواطن

سبحان الله، طالبان توصل للنووي الباكستاني وان شاء الله طالبان تعمل حرب عالمية تالتة وتحتل امريكا، على قولك ربنا يستر

فتاه من الصعيد said...

استاذه نواره...انا يمكن قلت قبل كده ان امريكا بلد ليها سياسه واحده...يمكن الاسلوب يختلف بس الوضع هيبقى على ما هو عليه....وبعدين هو مركز مع افغانستان موش عارفه عملوله ايه....ونازل ضرب وطحن....وعلى رايك ممكن يوزع فلوس علشان الموضوع ده...بالنسبه لحكايه شرف لخدمه اى ديانه...والله هما باعوا القضيه من زمان بس زمان كانوا بيتكسفوا يصرحوا....دلوقتى البجاحه عينى عينك
سؤال....اول حاله دى يعنى ايه؟....انفلونزا الخنازير ولا ايه
دمتى بخير....تقبى مرورى

حواديت مصرية said...

بالذمة الملك عبد الله ده ملك والاردن دى دولة فعلا ليها حدود معروفة ومحددة ولها اى انتاج علمى او فنى واو حتى رياضى دولة تعمل حارس لاسرائيل وبشار ده رئيس فعلا وسوريا دى دولة فعلا وحدودها فين واحنا حدودنا فين رفح المصرية ولا الفلسطينية وعوكل ده رئيس فعلا والننوس اللى جاى فى السكة برغم انوفنا رئبس فعلا يااخوانا هو احنا ناس اصلا انا بيتهيالى ان احنا كعرب عالة على العالم عمالين ناكل ونشرب ونستهلك من مقدرات العالم ولا نقدم للعالم الا فضلات

جبهة التهييس الشعبية said...

مصطفى الحسيني كلمني ع الصبح يقول لي اكتشفوا حالة في عين شمس

اتأكدوا انا قاعدة قدام الجزيرة اهو

يارب يكون بيألف

جبهة التهييس الشعبية said...

انفلونزا الخنازير طبعا اما ايه؟

جبهة التهييس الشعبية said...

حواديت مصرية

لا احنا لا عالة ولا حاجة

امال هم بيعملوا الفلوس دي كلها منين؟

مش بيدوا الفتافيت للديكتاتوريات عشان تبيع لهم مواردنا والبنى التحتية والبترول والغاز حاجة ببلاش كده

ولسة اللي جاي اسود
احنا لو استمرينا على كده ح نشتغل عبيد في النظام العالمي الجديد

قال عالة قال

امال هم بيتخنوا كروشهم من مين؟

مش من دمنا؟

احنا لا بناكل ولا بنشرب ولا بنستهلك يا حبيبتي

احنا بنتاكل وبنتشرب وبنستهلك بفتح الهاء واللام

جبهة التهييس الشعبية said...

اسفه
بتسكين الهاء وفتح اللام

عاشق مصر said...

نوارة هانم

لم يخفي الامريكيون حقيقة ان ضيوفهم العرب لم يكن لهم يوماً مطلب قومي او خارج الحدود
لم يذهب عاهل سعودي او جلالة اردني او فخامة مصري الى البيت الابيض ومعه "مطلب" متعلق بفلسطين كل مافي الامر ان واحدهم كان يتحدث عن "انعكاسات"القضية الفلسطينة على استقرار بلاده وضرورة تحييد نظامه اذا امكن وضرورة "تأديب" النظام العربي الفلاني او الاسلامي العلاني لانه قد يشكل مثالاً يطالب به رعاياه
بالقطع تأثير الانظمة العربية على ديمومة الشتات الفلسطيني والاحتراب الاسلامي الاسلامي يفوق بمالايقاس التأثيرات الصهيوامريكية

فتاه من الصعيد said...

والله كان قلبى حاسس انها قربت....ربنا يستر....على العموم لو حصل اهل القاهره يخليهم فى بلدهم ومحدش يقرب مننا لا مؤاخذه.....والسلام يبقا من بعيد

مهندس حر (حسب البطاقة) said...

يا جماعة لازم تقدروا الزنقة اللى الأخ أوباما لقى نفسه فيها..

أيام الحملة الإنتخابية بتاعته حد إبن حلال من مساعديه قالو ما ينفعش تقول هاخرج من العراق و أخرج من أفغانستان كمان و غلا ها بتقال عليك راجل كبنش و جبان و لا تصلح إنك تبقى القائد الأعلى للقوات الأمريكية المظفرة.. و بما إن الرأى العام الأمريكى موته و سمه هو العراق يبقى العراق هيه اللى يتقال هانخرج منها أما أفغانستان فهى اللى إحتمى فيها جماعة القاعدة و بالتالى لازمن تقول إنك هاتنهى المهمة هناك و ها تستخدم كل القوة اللازمة.

الظاهر كده أوباما و هو بيقرا تاريخ ما قراش اللى حصل للإنجليز و السوفييت فى أفغانستان و ما يعرفش إن حسم الأمور بالقوة من قبل دولة محتلة فى أفغانستان هو أمر مستحيل تماما.. هو بيتعلم الحقيقة دى دلوقت.. إستنوا عليه سنة و الا إتنين و هاتلاقوه عامل إتصالات سرية مع طالبان و مدخلهم فى العملية السياسية و خارج من أفغانستان و سايبهالهم.

أما طالبان فى باكستان فقوة محلية فى الأقاليم الحدودية اللى فيها أغلبية من البشتون (العنصر السائد فى أفغانستان و اللى طالبان كلهم تقريبا منه).. ما فيش إحتمال إنهم يوصلوا للحكم فى باكستان.. ده ما يمنعش إن حكومة إسلامية ممكن توصل للحكم بس ما فيش أى إحتمال لأن أى حكومة باكستانية تتورط فى عداء حقيقى للولايات الأمريكية لأن عينهم هاتفضل على الهند قبل أى حد تانى.. و دى بقى يا أولاد سياسة الإحتواء المزدوج.. مافيش خوف من نمو الدور الهندى أو الباكستانى فى السياسة الدولية عشان الإتنين مثبتين بعض.

حواديت مصرية said...

الاخت نوارة مااقصده هو احنا كحكومات ورؤساء وقادة هم اللى خلونا عالة وكنت بسال واحد شيخ فى المسجد عن حكاية البطالة والفقر والشباب فقالى يامعشر الشباب من استطاع منكم الباءة فليتزوج ومن لم يستطع فعليه بالصوم فرديت عليه بلفظ معروف فى الاوساط الشعبية وهو لفظ من تلات حروف اوله الف وهو صاحبى مافيش مشكلة وقلت له يعنى الشاب محروم من السيكو سيكو كمان سيادتك عاوز تحرمه من الاكل فقال لى انت بتنكر الحديث حولت افهمه ان المشكله ان كان يتفع الصوم ايام الصحابة وايام عمر الذى اقسم بالا يذوق اللحم حتى ياكله افقر الناس ولكن هل ينفع الصوم ايام القصور وامارة شرم الشبخ فقالى اطع ولى الامر وان كفر وان فسق يانهار ازرق الناس دى بتجيب الاحاديث دى منين يعنى المطلوب منى اقعد واعرى راسى وادعى على اللى ظلمونى

TAFATEFO said...

رقابة ايه؟؟ مفيش حاجه اسمها رقابة .. احنا اللي بنبلغ

هيعملوا رقابة ازاي يعني

امبارح رويترز قالت ان في كونفيرمد كيس .. والساعه 12 الوقائي كلم عبدالرحمن شاهين المتحدث الرسمي وقاله انفي .. وهو أعلن ان نتائج التحاليل سلبية وان الحالة سليمة .. مش عارف الكلام عن تريزا ولا مين .. بس تريزا هي بتاعة عين شمس

محدش هيضحك على حد .. مفيش حاجه اسمها كده متقلقيش

مواطن مصري said...

ملك عبد الله الي جدو كان بياخد مرتب شهري من ال c i a


الي خلع في حرب 48 و دخل باوامر من المخبرات الامريكية بردو

الي كان وزير الدفاع السوري جاسوس اسرائيلي

الي جولان محتلة حتى الان


و بعدين انا نفسي يخلصو من طالبان دي عماللي قلق جامد جداً ربنا يستر

ملحوظة على جمب الاردن ليهعا علاقات قوية مع اسرائيل و فية مركز بحث علمي مشترك

و ايران هتبيع و سوريا هتعمل سلام

مواطن مصري said...

اة غيتس اشاد بدور القوات الباكستنية و قال لو لقينا ان الجماعات الظلامية طالبان هتوصل لنووي في تلك الحالة هيرسل قوات امريكية

TAFATEFO said...

تنبؤات الطوسي اشتغلت

ملحوطه على قفزه (جمب) إيران هتبيع .. وسوريا هتعمل سلام

أحا بقى يلا

TAFATEFO said...

وبعدين انت أول واحد في مصر يقول طالبان عاملالي قلق

الله يرحمك يا سعاد يا يونس .. الله يرحمك

TAFATEFO said...
This comment has been removed by the author.
TAFATEFO said...

كل البني ادمين مخلوقين من عند ربنا اذكيا ماحدش غبي الا بمزاجه وده نابع من انه الابعد ما بيحسش، وغلظة الحس طبعا اختيارية، وكل ما غلظ حس البني ادم كل ما ربنا ضلم على مخه.

وانا عندي نظرية غير علمية مبنية على مافيش اساس خالص ولم يثبت عليها اي دليل ما قريتهاش في اي حتة والفتها من دماغي في لحظة تجلي.

يا ترى حضرتك درستي كل العوامل المحيطة بيكي وحضرتك بتطلعي النظرية دي؟؟ أشك

راجعي نفسك كده هتلاقي في كلمات تتعدل في نص النظرية دي

مواطن مصري said...

الله يسامحك يا طفاطيفو

TAFATEFO said...
This comment has been removed by the author.
جبهة التهييس الشعبية said...

حواديت مصرية

هههههههههههههههههههههههه

والناس ح تصوم اكتر من كده ايه؟

طفاطيفو

مع احترامي لكلام سيادتك وليكن ما يكون

وزارة الصحة المصرية لا تحظى باي احترام من جانب المواطن المصري
بسبب تاريخها الاسود
وحاضرها المدوحس

ويكفي ان الاسطى حاتم الجبلي
المستحق عن جدارة لقب اسطى باشا هو اللي ماسكها

وماحدش بيصدقهم
من الاخر كده
واللي يعمل بانيك فعلا ان الناس تحس انها منها لوزارة الصحة
وانا شخصيا لو المسئول الوحيد عن الاشراف على الوباء هي وزارة الصحة

يبقى انا اسفة انا مش مصدقة اي بيانات بيقولوها
لانهم بيكدبوا
وطول عمرهم بيكدبوا وواضح ان ماما ما قالتلهمش ان اللي بيكدب بيروح النار

فلو مافيش مونيتور زي ما الست مندوبة الصحة كانت بتتكلم في الجزيرة يبقى فيه كارثة ح تحصل

مصر كدابة
مصر كدابة
وخايبة
كدابة وخايبة
يعني المفروض يخصصوا لنا احنا ميزانية عشان يلحقوا كدبنا وخيبتنا


مواطن

اه يا مواطن

سبحان الله فعلا طالبان بتعمل قلق جامد

بالذات البنطلونات ام حجر ساقط دي

شكلها كده يقلق

وبعدين ايه الصديري اللي هم لابسينه ده؟

بصراحة ده مش لبس ناس الواحد يطمن لها خالص

TAFATEFO said...

يا سيدي أنا آسف .. حقك علي

بس مش كده .. صدقني مش كده

طب فهمني يا مواطن .. فهمني وبالله هقعد ساكت وأفهم

إيران هتبيع ايه؟؟ وايه خطورة ان سوريا تعمل سلام (من وجهة نظرك وانت بتنادي بيه) مع ان ده هيكسر محور الشر (الي بتطلق عليه أمريكا كده) وايه الخطر المحدق اللي مقلقك ومطير من عينك النوم من طالبان؟؟

فهمني ووالله أوعدك اني هحاول أفهم

جبهة التهييس الشعبية said...

الله يسامحك يا طفاطيفو

طيب يا مواطن

ما تزعلش امسحها فيا

بس يا حبيبي العالم كله مفزوع وقلقان من الاتي: انفلونزا الخنازير/ ان امريكا تضرب ايران/ الازمة الاقتصادية العالمية/ ان اسرائيل هي اللي تضرب ايران ويبقى فيه حرب نووية ومصر تبقى في ديل اسرائيل وعشان كده مخضوضين لبعدين نكون بنخصب اليورانيوم على اساس اننا معمل خصوصي لاسرائيل/ تهويد القدس وطرد الشوية اللي فاضلين في فلسطين


دي الحاجات اللي بتقلق العالم


انت الوحيد في العااااااااااااااالم كله اللي قلقان من طلبان


ولا حتى امريكا قلقانة منهم

TAFATEFO said...

معمل خصوصي لتخصيب اليورانيوم لإسرائيل.

طيب

واضح ان العيب في

مواطن مصري said...

فهمتني غلط يا طفاطيفو

الكل الي معجب بنظام البعثي في سوريا ان سوريا استحالة تعمل سلام مع اسرائيل انا بقولك و اغلب الناس ان هيتعمل سلام مع اسرائيل و هيبقى فية انسحاب من الجولان

و ان ايران الفترة القادمة بعد الانتخبات هتحسم اذا كان هيبقى فية علاقات مع امريكا ولا لا بس في الاغلب ان ايران و امركيا هيتصالحو

TAFATEFO said...

معلش علشان موضوع الثقة في وزارة الصحة ده عاملي استبحس (وفي ناس بتعايرني بيه) .. تاني

محدش هيخبي حاجه

وحتى لو بقى عندنا كونفيرميد كيس دي مش كارثه

التعامل الأمثل مع المشكله والوباء (الوباء) اللي هيجتاح العالم مفيش فيه بند اسمه الخوف والرعب

زي ما الإهمال يخشى منه .. وخطر

التعامل المبالغ فيه والخوف الزائد هو كمان غلط .. أقل خطورة لكنه غلط

العالم كله بيتعامل مع وباء .. وزارة الصحة مش هتخبي حاجه ان شاء الله .. حتى وجود كونفيرميد كيسز أو ديث ميستدعيش الرعب

الموضوع مش بسيط .. لكنه لا يستدعي كل هذا الخوف والرعب والتكذيب والشك

الخوف صحيح لنكون احنا اللي بنخصب :P:P

آل بيخصبوا عندنا آل .. هو في زي الرجل المصري .. احنا زي الفل ومش محتاجين مساعدات خارجية .. كل واحد يقف قدام المراية ويشد نفسه ويقول .. أنا زي الفل .. أنا بمب .. أنا حديد .. وهيلاقي نفسه زي الفل

محدش يقلق

اقف قدام المرايه وقول .. أنا زي الفل .. أنا بمب .. أنا حديد 3 مرات

وبالعند في ناس مش هنلبس طرح

مهندس حر said...

حلوة أوى حكاية إننا معمل خصوصى لإسرائيل.. يعنى ده لو إحنا حبينا همه مش ها يرضوا و كمان نخصبلهم يورانيوم؟ ده همه الود ودهم إننا نبطل نخصب أى حاجة فى الدنيا إنسان أو حيوان أو نبات أو جماد.. و بعدين همه محتاجين حد يخصبلهم يورانيوم ما همه هاريينه تخصيب و عندهم فى عين العدو أكتر من 100 راس..

إنتى طبعا بتهزرى .. مش كده؟ .. لا داهية لتكونى مابتهزريش!!

جبهة التهييس الشعبية said...

يعني انت مش محتاج تعرف من اي فراش في وزارة الزراعة ان الاسرائيليين بييجوا عندنا وعندهم اكسس للمعامل بتاعتنا
او اي فراش في وزارة البحث العلمي
(والله ما باهزر روح وزارة البحث العلمي واسأل بتاع السيكيورتي اللي على الباب: بيجي هنا يا عم وفود اسرائيلية؟
يييييييي... كل شوية)

ولا محتاج تعرف ان كل العالم عارف ان مفاعل ديمونة بيتآكل وبيسرب وتقريبا بقى اكسبايرد وهم محتاجين مكان تاني يعملوا فيه التجارب بتاعتهم

ولا محتاج تسأل اي بتاع امن عن الاقسام اللي بيخاف الموظفين يدخلوها من كتر ما الريحة عمتهم لان فيه اقسام اتخزن فيها مواد مسرطنة جابها الوفد الاسرائيلي ونسيها باين وللا قرر انها ما بقتش مهمة في البحث بتاعه وهم في وزارة الزراعة مش عارفين يتصرفوا فيها وابتدت تسرب والموظفين بيوجوا وخافوا يكتبوا شكوى لبعدين يترفدوا
خد بعضك لحد وزارة الزراعة برضه واسأل بتاع السيكيورتي اللي على الباب مش لازم تطلع لحد الموظفين

كل ده مش مهم تعرفه

اتفرج على الاخبار يا اخي

يا اخي احنا عاملين وحدة مع اسرائيل زي الوحدة اللي كنا عاملينها مع سوريا

لا سوريا ايه فشر

ده احنا كنا ذالين انفاس السوريين وقال ايه هم اللي زعلانين ان الوحدة اتحلت

هيئة الطاقة فعلا لقت يورانيوم مخصب عندنا

بذمتك ودينك يا شيخ
احنا ح نخصب يورانيوم؟

ليه؟
ح نخصبه ليه

ومع ذلك
ما تسألش لا فراشين ولا بتوع سيكيورتي

اسأل جرسون في سيناء عن النزلاء وطبيعة شغلهم ايه

بس خلاص

انا على فكرة مش باحب اعيش في الاوهام عشان مش عايزة اواجه نفسي

واحد خايف من طلبان
وواحد واثق في وزارة الصحة المصرية
وواحد فاكرنا بنخصب يورانيوم ومش متصور ان العلماء الاسرائيليين داخلين خارجين علينا

انتوا عاملين زي الامريكان اللي بيقولوا اسرائيل ما عندهاش نووي

what is your proof

مواطن مصري said...

لية لا ممكن يطلع يكون عندنا يوناريوم و مخبين حبة ع جمب زي ما اسرائيل كانت عاملة كدة لحد ما جة موردخاي فعنونو و كشف الرؤس النووية

Pink said...

Facts and Fiction about Bird flu and Swine flu:
Bird flu kills more than 60 percent of its human victims, but doesn't easily pass from person to person. Swine flu can be spread with a sneeze or handshake, but kills only a small fraction of the people it infects. So what happens if they mix? This is the scenario that has some scientists worried: The two viruses meet and combine into a new bug that is both highly contagious and lethal and can spread around the world. Obviously the low health standards in raising pigs with free mixing with chicken, makes Egypt a probable place where this could happen.

TAFATEFO said...

@ مهندس حر

دي كلمه تقولها

طبعاً بتهزر .. بتهزر طبعاً

:D:D:D:D:D

طبعاً الكلام عن العالي التخصيب .. مش الـ 20% بتاع أنشاص

مهندس حر said...

آه قبل ما نسى من أول مرة قريت البوست عايز أقولك .. إزاى بس ياشيخة تقولى الآنسة كلينتون أمال الشاب الوسيم الطول بعرض بيل كلينتون ده يبقى إيه لوح لتزانة؟

جبهة التهييس الشعبية said...

اه صح

هو احنا عندنا يورانيوم احنا اللي مخصبينه ومخبيينه على جنب عشان ناكله بعد الغدا

صح صح صح

مصر قالت انا ما اعرفش اليورانيوم ده جه منين؟

الخبر جه امبارح على رويترز: ما اعرفش اليورانيوم المخصب جه منين

طبعا مصر بتتخابث

مصر بتخصب اليورانيوم من ورا اسرائيل طبعا

عشان لئيمة لئيمة لئيمة

مهندس حر said...

يا ستى أنا عارف الحاجات دى.. لكن كلها أمور ما ينفعش يتنقل بيها أى تكنولوجيا (خطرة) لينا.. إلا إذا كان قصدك إننا بنأجر لهم أرض و معامل يشتغلوا فيها من غير أى تدخل مننا.. يعنى هو عوكل ميت فى غرام أهاليهم آه بس هوه إيه اللى يرميه على كده؟

لو ده صحيح يبقى إحتمال الخرفشة اللى بسمعها تحت السرير بالليل دى واحد صهيونى مش فار.

TAFATEFO said...

طب أوضح لحضرتك حاجه بسيطه

السورانيوم العالي التخصيب هو أساس أي سلاح نووي .. من أول القنابل القذره إلى ما شاء الله

وكالة الطاقة الذرية ملقتش يورانيوم مخصب .. لقت آثار يورانيوم مخصب

مفيش حاجه اسمها احنا عندنا يورانيوم مخصب .. أو ان إسرائيل بتخصبه عندنا

الكلام ده فعلاً مينفعش يكون غير هزار

العلماء الإسرائيليين عندنا هل ده معناه انهم بيخصبوا يورانيوم؟؟ شفتي أماكن تخصيب اليورانيوم وأجهزة الطرد المركزي في صور نجاد؟؟ دي حاجه متتعملش في مركز البحوث ولا مش عارف ايه

دي مش لعبه

احنا معندناش منشآت نووية (وده للأسف ده يا ريت فعلاً) دي تكنولوجيا مختلفه مش مسموحلنا أصلاً نحصل عليها .. وولا حاجه تتعمل في العلن في مش عارف ايه مركز البحوث ولا الكلام ده

نواره هانم .. وكالة الطاقة الذرية بتفتش على كل منشآتنا .. تقرير آثار اليورانيوم عالي التخصيب ده حاجه قديمه (نشرتها تاني صحيفة أمريكية) كانوا لقتها وكالة الطاقة الذرية وحققت فيها ووصلت ان ده كان مع درع ولا مش فاكر ايه استوردناه وكانت عالقة بيه الآثار دي

استهدي بالله كده

دي مش لعبه .. ولا ي الحاجه اللي لو (جدلاً جدلاً يعني) بنعملها هنطلع عليها إسرائيل وأجهزة الاستخبارات الأمريكية .. ولو عملنا مقاعلات نوويه زي ما بيقولوا بقالهم أد كده .. بيقولوا اننا هنستورد الوقود النووي (وده اللي رافضاه طهران وعايزه تخصب يورانيوم وتنتج وقودها النووي علشان متبقاش تحت سيطرة الغرب)

استهدي بالله .. وأيوه أنا أثق في بيانات وزارة الصحة اللي بتطلعها بخصوص اتش ون ان ون .. والحاجات الغلط أو المش دقيقه أو الملعوب فيها بقول لحضرتك انها غلط وانها مش دقيقه وانها مفبركه

جبهة التهييس الشعبية said...

يا خراااااااااااابي

مين قال لك انهم بينقلوا لنا اي نيلة على دماغنا؟

ايوة طبعا بيأجروا

يا لهوي
امال انا باقول ايه من الصبح

امال المواد المسرطنة اللي في وزارة الزراعة اللي الوفد الاسرائيلي سابها في المعمل ومشي دي

تفتكر لو كانوا بينقلوا خبرات لينا كانت وزارة الزراعة احتاست فيها وبقت مش عارفة تتخلص منها؟

خصيمك النبي تروح تسأل بتاع السيكيورتي بس تحلف له انك ما تجيبش اسمه

قول له فيه اسرائيليين بيأجروا معامل وللا لا

قال ينقلوا لنا تكنولوجيا قال

دول حتى ما قالوا لنا نخلص من زبالتهم اللي بيسيبوها بعد ما يمشوا ازاي؟

صباح الفل

جبهة التهييس الشعبية said...

بمناسبة ايه اللي جابره على كده

money talks

TAFATEFO said...
This comment has been removed by the author.
مهندس حر said...

لأ إمبارح واحد هيبة كدة من هيئة الطاقة الذرية قالك إن آثار اليورانيوم المشع دى لاقوها على دروع رصاص كانت مغلفة مواد مشعة مستوردة.. النكتة بيقولك إن المواد كانت على الدروع من بره يعنى تعتبر بتشكل خطر تلوث إشعاعى على كل اللى تعامل معاها و المفروض حسب كلامه إننا ما إكتشفناش المواد دى إلا لما لجنة التفتيش جت؟؟

مش عارف ليه ما حدش إهتم بإن القصة دى فى حد ذاتها فضيحة لو كانت صحيحة و تبقى أفضح لو كانت كذبة لأن الواحد لما يكدب مش المفروض إنه يطلع نفسه حمااار.

أنا على فكرة ما قلتش إننا بنخصب يورانيوم لا فى السر و لا فى السرير و لا حتى فى خيالنا.. بس حكاية إسرائيل بتخصب عندنا بعلمنا أو من ورانا ما تركبش لأن المواد المذكورة أكتشفت أكيد فى موقع معروف للوكالة الدولية و بيتم تفتيشه دوريا و أكيد لو بنتعاون مع إسرائيل فى حاجة زى دى مش هاناخد العالم بتوع الوكالة يزوروه و لو بيعملوها من ورانا يبقى إحنا مش ها نعرف المكان من أصله.

جبهة التهييس الشعبية said...

مش ح نعمل مفاعلات نووية

يييييييييييييييييييييييي

احنا ح نعمل ايه؟
احنا مش ح نعمل حاجة

الاسرائيليين بييجوا يأجروا الاماكن اللي بيعملوا فيها التجارب بتاعتهم

يا اخي اسأل ابراهيم يسري المستشار
اسأل اي عيل ماشي في الشارع

واقرا الخبر على رويترز

وما تزهقنيش

وطبعا وزارة الصحة مش محل ثقة

عملت ايه قبل كده يخلي الواحد يثق فيها؟

انت بقى عايز تعيش في الوهم اعمل لك ايه؟

خلاص

وزارة الصحة ممتازة
كل شيء ماشي حسب الخطة الموضوعة
والخطة دي خطة لوذعية
ليس لها مثيل في العالم
وطبعا اهم نقطة فيها الصدق والشفافية والنزاهة والحرص على صالح المواطن

اما بخصوص التجارب فدي تجارب سلمية
ومافيش اي اسرائيليين بييجوا عندنا الا في حدود ما يفيد الوطن والصالح العام

مصر لها ريادة

وبتوع طالبان لو ما قلعوش الصديريات اللي بيلبسوها احنا ح نضطر ناخد موقف

احذروا غضب مصر

على الله تكونوا ارتحاتوا كلكوا

فيه انتخابات لمجلس الشعب سنة 2010 تقدروا تترشحوا فيها كلكوا
ح تنجحوا

جبهة التهييس الشعبية said...

فيه بلد محترمة تقول مش عارفة اثار اليورانيوم اللي على ارضي جه منين؟

اه فيه

احنا بلد محترمة طبعا
ولينا الريادة كمان

TAFATEFO said...

هيأجروا معامل لتخصيب اليورانيوم؟؟

وأيوه زي ما مواطن بيقول ممكن المنظمات الإرهابية تحصل على يورانيوم كافي لصنع قنابل قذره (متشال على جنب) وكان ده ممكن يحصل أو حصل من الدول اللي انفصلت بعد انهيار الاتحاد السوفييتي

ايه المانع

وممكن جداً مصر يكون عندها يورانيوم مخصب ومثبت ان عندنا أسلحة كيماوية وبيولوجية وسبق وعبدالناصر استخدم أسلحة كيماوية في حرب اليمن

هل عندنا أسلحة نووية أو يورانيوم ممكن يستخدم في سلاح نووي؟؟ محدش يعرف

هل سعينا للحصول على تكنولوجيا نووية زي ما ليبيا سعت مع عبدالقادر خان .. آه ممكن وأكيد حصل أو ممكن يكون محصلش

في دليل؟؟ لا

هل احنا بنخصب يورانيوم؟؟ مفيش أي دليل على كده ومفيش أي اشتباه من قبل وكالة الطاقة الذرية

هل إسرائيل بتخصب يورانيوم عندنا؟؟ ههههههههههه

TAFATEFO said...

بخصوص مجلس الشعب

اترشحي حضرتك واحنا هندعمك .. واهي تبقى فرضه وتعملي قايمه مدعومة من حزب الله؟؟

:D:D:D:D:D

مهندس حر said...

المصرى اليوم بتقولك إن التقرير عامل أزمة بين مصر و بين الوكالة و إن وزارة الخارجية بتتساءل عن كيف تسرب تقرير المفروض يتعرض على مجلس أمناء الوكالة فى الإجتماع اللى جى.. الموضوع منشور معاه طبعا صورة محمد البرادعى و ده اللى خللانى أفكر..

حد فيكو فاكر الكلام اللى الستور قالته عن إن فيه ناس فى حزب الوفد بيفكروا إن البرادعى يرشح نفسه للرئاسة فى الإنتخابات اللى جاية.. رئيس الحزب نفى.. ناس فى الحزب أكدوا .. الدستور واخدة الموضوع جد و نشروا كلمة للراجل قالولك عليها تنفع البرنامج بتاعه.. البرادعى شخصيا حسب معلوماتى ماتكلمش..

يا ترى يا هل ترى القصة دى ممكن تكون مهموز إحترازى لإحراج الراجل اللى بيعمل مشاكل لبلده وبيسرب تقارير بتحرج مصر؟؟

جبهة التهييس الشعبية said...

يا سلام يا اخ مصطفى

انا مش ح اقول لك غير الكلمتين اللي كان دكتور الحديث بتاعي يقولهم لما واحد فينا يعمل بحث ويتكلم فيه عن موضوع تاني ويشرح في مناهج هو ما اخدهاش:

ما شاء الله يا ولدي، فتح الله لك... دماغك بساطور العلم

وانار بصيرتك... بفلاش الكاميرا لحد ما الدنيا تحمر في عينك

وقيد لك جيشا من... النسوان يقرفوك في عيشتك

يا ابني ده بحث تدخل بيه السجن مع مرتبة الشرف

e7na said...

نواره واحد صاحبى فى الحجر الصحى بيحكى عن مساخر
الاطباء ولا حد عملهم محاضرات يشرح لهم طبيعة المرض ولا فيه اى اهتمام
التعليمات باحتجاز اى واحد عليه مظاهر برد وانفلونزا
......
حاجه تانيه
دى دراسه اكيد هتعجبك
http://www.aljazeera.net/NR/exeres/AA7ACE40-FFB2-4687-83EE-9E4F864317C5.htm

مى said...

لو ده صحيح يبقى إحتمال الخرفشة اللى بسمعها تحت السرير بالليل دى واحد صهيونى مش فار




اترشحي حضرتك واحنا هندعمك .. واهي تبقى فرصه وتعملي قايمه مدعومة من حزب الله؟؟




ما شاء الله يا ولدي، فتح الله لك... دماغك بساطور العلم

وانار بصيرتك... بفلاش الكاميرا لحد ما الدنيا تحمر في عينك

يا ابني ده بحث تدخل بيه السجن مع مرتبة الشرف





مناقشة تحففففففففة


يجيوا بأه اللى بيقولوا السياسة وجع دماغ


أضحك الله سنكم

TAFATEFO said...

السجن؟؟

يا فندم .. يا ست الكل

احنا عندنا كيماوي وبيولوجي .. هو حد أنكر؟؟

احنا (ممكن نكون) مبنتنتجش .. لكن عندنا .. طبعاً عندنا

امال وديناه فين؟؟؟ عملناه مزيل عرق

عايزه دليل أو كلام يوثق اللي بقوله أبعتهولك .. بسيطه دي .. بس على الله تقتنعي

ثانياً .. هو دكتور الحديث كان بيقول لحضرتك يسلط عليكي جيش نسوان يقرفوكي في عيشتك؟؟

هو أنا موافق على قاتراح جيش النسوان .. بس المهم يكونوا حلوين .. و خرس

مهندس حر said...

يا ست نوارة ما تزعليش أنا خلاصة كلامى إن القصة بتاعة النونو دى مالهاش أساس من الواقع يستاهل البحث فيه و هى قصة للإستهلاك المحلى غرضها ممكن يكون إن حد من الغلابة يصدق إن حكومتنا الذكية ممكن تكون بتخصب و مدكنة أو غرضها تشويه صورة الحاج البرادعى أو غرضها إنها تنسى الناس هوجة الهجوم على حزب الله عشان النظام إحتمال يكون ناوى يهدى اللعب معاه أو أى معنى تانى فى بطن الحوت.

عدم الثقة فى تصاريح مسئولى الصحة شيئ أنا موافقك عليه .. كل الجماعة المسئولين أو شبه المسئولين عندنا مصابين بداء الكذب القهرى و بيكدبوا بسبب و بدون سبب و بينكروا إن الشمس طالعة و العرق يبقى بينز من قفاهم..

جبهة التهييس الشعبية said...

طيب

ahmed samir said...

نقطة ع السريع تدعيماً لمصطفى

تخصيب اليورانيوم محتاج اجهزة حديثة مش عندنا و اسرائيل مش حتديهالنا ببساطه

و لو هي محتاجه تعمل مفاعل جديد غير ديمونة عندها صحراء النقب بحالها تعمل فيها اللي هي عاوزاه

TAFATEFO said...

بصوا .. وبصي حضرتك علشان انتي صعب تصدقي في الحاجات دي (لو مش عايزه تصدقي علشان حضرتك برج القوس)

شوفي بروفيل مصر واتبعي اللينكات كده وعيشي .. ولو مقتنعتيش متناقشيش أنا كمان بعرف أحجر دماغي

وبعدين أنا لو دخلت السجن هقول على كل حاجه وهفضح الدنيا .. منا مشيلش الليله لوحدي .. هعترف بكل حاجه وهكشف كل أوراق التنظيم

لبيك يا نصر الله

:D:D:D:D:D:D:D

جبهة التهييس الشعبية said...

مش بتخصب هنا
وبس مش ح اقول اكتر من كده
ما اللي عايز يعرف حاجة ما ينزل ويعرض نفسه للمخاطر ويسأل بنفسه بدل ما يقعد يفتي وهو بوزه للكي بورد

فيه شوية حاجات بتحتاج زيارات ميدانية

الحاجة تانية

لا الدكتور ما كانش بيقول لي انا الكلام ده ولا لاي بنت

كان بيقوله للولاد
عشان هم اللي كانوا خايبين
:)

بنات طول عمرها شاطرة

جبهة التهييس الشعبية said...

اه وبالمناسبة هو اللي كان بيقول كده:
خير تلامذة الرسول زوجه عائشة
عشان الرجالة فتايين

هههههههههههه
كان راجل عسل والله

كان بيهزأ واحد عامل بحث عن حديث ناقصات عقل ودين وبيقول ان العلم اثبت ان الستات اغبيا "وهذا من الاعجاز العلمي في القرآن" هههههه الراجل ده ياما شاف مننا والله

جبهة التهييس الشعبية said...

عايزهم خرس ليه يا مصطفى
عشان تتكلم انت؟

TAFATEFO said...
This comment has been removed by the author.
TAFATEFO said...

هو مين قال ان الست الخرسه مبتتكلمش؟؟

بتتكلم أد الرجل بس

:D:D:D:D:D

جبهة التهييس الشعبية said...

امال لو ما كنتش يا مصطفى باعتة لك التفاصيل في رسالة وقايلة لك مش عايزة اقول الكلام ده على المدونة؟

وللا هو استعراض ومنظرة وخلاص عشان عارف اني مش ح ارد عليك هنا؟

TAFATEFO said...

OFF

معرفش تقصدي أنهي رد انه استعراض علشان مش هتقدري تردي .. بس التعليق اللي مش عاجبك شيليه أو قوليلي أشيله .. عادي يعني

TAFATEFO said...
This comment has been removed by the author.
جبهة التهييس الشعبية said...

انا مالي

ده دكتور حديث ازهري هو اللي قال كده

وانا مالي بقى بتتنقم مني ليه؟
ما تتنقم منه هو

وبالمناسبة دي بقى احب احكي لك الواقعة كاملة

الراجل اتعدل كده واتنحنح

انا ناسية اسمه، والله الانسان قليل الاصل، انا ياما اتعلمت منه وفي الاخر انسى اسمه ربنا يجزيه الخير

المهم

اتنحنح واتعدل ومسك البحث وقال:

الاخ فلان الفلاني

الراجل وقف

انت يابني اللي كتبت البحث ده؟

- ايوة يا دكتور

ما شاء الله، لوحدك؟

ايوة يا دكتور -
لا باسم الله ما شاء الله
عيني عليك باردة ربنا يحرسك

انت يابني امك غبية؟

- ايه يا دكتور؟

جاتك اوا يابني بارك الله فيك

وراح راصص له الموشح اللي قلت لك عليه

هو في معهد الدعاة

دكتور حديث ورفيع قوي كده

روح دور عليه واضربه

جبهة التهييس الشعبية said...

وعلى فكرة هو الوحيد اللي كان بيخلينا نعمل ابحاث
مع ان مش مفروض في معهد الدعاة نعمل ابحاث

بس الظاهر كان بيتسلى علينا بقى
هههههههههههه

مهندس حر said...

إقتباس "إنت يابنى أمك غبية؟

ده المفروض بيدرس للدعاة كلام المصطفى عليه الصلاة و السلام؟ و علوم الحديث؟.. ربنا يكرمه.

TAFATEFO said...
This comment has been removed by the author.
TAFATEFO said...

مفيش دكتور حديث مشهور بطولة اللسان وخفة الدم في جامعة الأزهر غير دكتو طه حبيش

جبهة التهييس الشعبية said...

اه طبعا
لان الدعوة اقناع
ودي الوسيلة الوحيدة اللي يقنع بيها واحد كاتب يقول
ولقد اثبت العلم صحة كلام الرسول صلى الله عليه وسلم حيث اثبتت الدراسات خفة عقول النساء وضيق افقهن وسوء فهمهن
ورصة طويلة كده مش فاكرة منها قوي غير كام كلمة - لان الكلام ده كان من حوالي عشر سنين - بس اللي فاكراه كويس
انه قال واثبت العلم ان النساء قاطبة اغبياء بالفطرة

ده ايه العظمة دي

الراجل قال له: اولا يا حاج داروين انا ما طلبتش ادراج الاعجاز العلمي في القرآن والسنة لان ده له تخصص لوحده انا نفسي ما اقدرش اتكلم فيه
ثانيا ابحاث دي ايه اللي طلعت كل امهاتنا اغبيا وضيقات الافق
واحنا بقى رباية نسوان اغبياء بالفطرة
طب عايشين ليه؟

وانا عجبتني قوي انت يابني امك غبية؟ دي

براعة استهلال جميلة

ده كان واد رخم
الله يكون في عون مراته
ما كانش يرضى يدينا ولا كشكول: ما انتوا بتجيبوا نمر اعلى مننا

وكان عاملها مسابقة ما بين النسوان والرجالة وما اتهدش غير لما الراجل سأله: انت امك غبية؟

TAFATEFO said...

جتك أوا يابني بارك الله فيك دي اللي جامده جداً

مهندس حر said...

فى السياق ده يبقى سؤاله جه فعلا فى محله.. معلش اللى ما يعرفش يقول عدس.

جبهة التهييس الشعبية said...

والله ما فاكرة اسمه يا مصطفى
ودي من قلة اصلي
ده كان راجل علامة
وما بيطلعش لا في وسائل اعلام ولا حاجة
وموسوعة متحركة

mido said...

مخدتيش بالك من المائة افغاني اللي كانوا في _فرح_و اتضربوا بالطيارات بحجة مطاردة طالبان

mido said...

مصر فعلا تملك أسلحة بيولوجية و تقريبا مفيش دولة الا و تملك الأسلحة دي

mido said...

أتوقع بعد تسليط جريدة الدستور الضوء علي البرادعي كمرشح رئاسي انتهاء دوره و دفنه اعلاميا من قبل اعلام مبارك

mido said...

ليه التعليقات مش بتظهر علي الريدر؟

mido said...

انا حاسس ان _الانسة_ كلينتون مش مالية منصبها زي السلعوة كوندي

TAFATEFO said...

فيديوهات التسجيل النادر اللي بيروي فيه مبارك ذكرياته واللي أذاعه التليفيزيون المصري في ذكراه الـ82 أهولذيذه ذكرياته دي .. هما قصروا مذاعوش الحوار كله بس لذيذه

عاشق مصر said...

بالاذن من الاستاذ مصطفى

القنبلة القذرة هي عبارة عن مخلفات المستشفيات من المواد المشعة وهي متوفرة في 99 بالمائة من المستشفيات الحديثة

استعانة الاسرائيليين بمنشئات على الاراضي المصرية لاجراء ابحاث تتضمن يورانيوم مخصب امر ممكن من الناحية الفنية لان المنشئات الممنوعة والمكلفة هي منشئات التخصيب نفسها لا الناتج عنها والذي يعتبر سلعة يتم تداولها على نطاق واسع ويتم بيعها في الاسواق السوداء ايضاً
البصمة التي وجدت على الاراضي المصرية ليورانيوم مخصب قد يكون ناتج عن ذخائر امريكية تم تخزينها او تمريرها عبر الاراضي المصرية وهناك احتمالات اخرى لا يمكن الجزم بواقعتيها
على فكرة البرنامج النووي الليبي الذي تم تسليمه الى الولايات المتحدة كعربون مودة كان في مراحله النهائية واعتبرت اوساط المخابرات الاسرائيلية عدم معرفتها بتقدمه اخفاقاً كبيراً يستدعي المحاسبة

احمد سعيد said...

مهندس حر
.............

ايوة يازعيم

مع الاسف هما فعلا مبيتعلموش

ومش بيقروا التاريخ

ولو قروة بيفهموة بالمشقلب

دا فعلا هو الغباء المبين

احمد سعيد said...

حواديت
..........

يالهوىىىىىىىىىىى

انت مصر تنكشنى

دا انا مبقوق من النوعيه دى بقه

الشيخ اللى قابلته دة لو كان قالى انا كدة مكنتش هقوله اللفظ الثلاثى اللى انت قلتهوله

اعتقد انى كنت هعمل معاة حاجه اكتر احتراما
:D

احمد سعيد said...

صحيح يانوارة

مصطفى كلامه مظبوط

لان الناس دى بتاخد تقاريرها مننا احنا

لو المرض اتنشر على نطاق ضيق

معتقدش انهم هيعرفوا طالما حكومتنا المظفرة بتنكر

لسه لما يخرج ويتفضح


وبعدين انت عايزة مشكله ووباء ييجى العالم ومينوبناش من الحظ جانب

ياشيخه عيب عليكى

دى حتى نبقى سبه فى جبين عوكل

دا نظام جاذب للاوبئه والكوارث

احمد سعيد said...

مش بتخصب هنا
وبس مش ح اقول اكتر من كده
ما اللي عايز يعرف حاجة ما ينزل ويعرض نفسه للمخاطر ويسأل بنفسه بدل ما يقعد يفتي وهو بوزه للكي بورد

فيه شوية حاجات بتحتاج زيارات ميدانية

الحاجة تانية

لا الدكتور ما كانش بيقول لي انا الكلام ده ولا لاي بنت

كان بيقوله للولاد
عشان هم اللي كانوا خايبين
:)

بنات طول عمرها شاطرة

__________________________________

اةةةةةةةةةةةةةةةةةةةةةةةة

هو انتى منهم ؟؟؟؟؟؟

انا كان قلبى حاسس من زمان

Pink said...

@ Tafatefo,
What exactly happened ?
The lethal mutant (between swine flu and bird flu ) has not been formed yet. if emerged, it will cause an uncontainable pandemic. The current swine flu virus alone is not that dangerous in itself except for lack of previous immunity and unavailability of vaccine for 5-6 months.

lastcrazyboys said...

أهم طلعوا بيان انه جي قريب

موظف..موظف ..بس برنس


بيتهيألي لو خفوا الخنقة اللي حواليه شوية ..ممكن النسوان تعمل زي يوم ما اميتاب ما جه

واللي هتقلع الطرحة يمضيلها عليها

واللي تصوووووت
" بس طبعا مش على قرار تهويد القدس"

وهتبقى ليلة

اي والله ..حاجة مـ الآخــر


على فكــرة بيعيدوا برنامج تحت المجهر عالجزيرة ..بعنوان " هي أشياء لاتشترى

مواطن مصري said...

علن المتحدث باسم البيت الأبيض روبرت غيبس الجمعة 8-5-2009 أن الرئيس الأمريكي باراك أوباما سيوجه رسالة مهمة إلى العالم الإسلامي في الرابع من يونيو/حزيران المقبل من مصر، وأوضح غيبس أن أوباما سيلقي خطابا في مصر يتناول علاقات أمريكا بالدول الإسلامية

وكان أوباما تعهد ببداية جديدة مع العالم الإسلامي خلال خطاب تنصيبه في الـ20 من يناير/كانون الثاني، مؤكدا أن بلاده ستبدأ "وبشكل مسؤول في ترك العراق لشعبه وإرساء سلام في أفغانستان".

وأضاف وقتها أنه "بالنسبة للعالم الإسلامي نسعى لنهج جديد للمضي قدما استنادا إلى المصلحة المشتركة والاحترام المتبادل"، وقال "سنبدأ في إعادة العراق إلى شعبه، وسنحقق السلام الصعب المنال في أفغانستان"، وحذر أوباما المتطرفين في كل أنحاء العالم من أنهم لن ينجحوا في إضعاف الولايات المتحدة، مؤكدا أن بلاده "ستنتصر عليهم".

وسبق لأوباما أن أكد خلال زيارته الأخيرة لتركيا باعتبارها أول بلد إسلامي يزوره أن أنقرة تلعب دورا مهما كجسر بين العالم الإسلامي والغرب، وقال آنذاك وفي أعقاب محادثاته مع نظيره التركي عبدالله جول إنه من الممكن التوصل إلى شراكة نموذجية بين أمريكا، ذات الطابع المسيحي، وتركيا ذات الأغلبية المسلمة.

مهندس مصري said...

هههههههههههههه
أنا بأسمع و ساكت
و اللي ما يشتري يتفرج

جبهة التهييس الشعبية said...

اسفة على تأخير تنزيل التعليقات
كنت في فرح

ورجعت اعيط
انا الظاهر مش وش نعمة

mido said...

بيقولو في اصابة بانفلونزا الخنازير في مصر

TAFATEFO said...

@mido

فرح اسم المقاطعة .. روبرت فيسك كان كاتب مقال حلو امبارح في الاندبندنت

ده المقالودي ترجمته

mido said...

مش قلت مش بتحبي الافراح :) ؟ و عيطتي بقي من التأثر ؟ :D

mido said...

فرح مين ؟ :D

TAFATEFO said...

@ pink

آسف مقريتش الكلام كله فافتكرت قصدك على الهيومان فلو

الكلام عن تحور البيرد فلو لو احتمع مع الاتش ون ان ون في خنزير لينتقل بين البشر ويكون قاتل

هو هو نفس الكلام عن تحور البيرد فلو داخل البشر واكتسابه قدرة الانتقال بين البشر

سيناريو كارثي .. هيحصل ولا لا وهيحصل امتى محدش يعرف

بس طبعاً وجود نيو سترين زود المخاوف من حدوث ده

ربك ستار

مهندس حر said...

@TAFATEFO

شكرا على رفع الحديث بتاع طويل العمر..
تصدق أنا بقالى كذا سنة ماتفرجتش عليه و هوه بيتكلم (كل ما ألمحه بغير المحطة أو أرمى الجرنال من إيدى) بس ليه وحشة.

المهم انا راهنت نفسى إنه لزمن ولابد هايجيب سيرة المجارى.. و طبعا كسبت الرهان.. الراجل بقالو ربع قرن كل ما يتكلم يفضحنا و يقول إننا كنا بنعمل بيبي فى الشوارع لحد ما لم لا مؤاخذة ..... و عملنا مجارى .. تقول إيه؟ إنجازات.

مواطن مصري said...

هرت مساء أمس الجمعة، حالة اشتباه جديدة بأنفلونزا الخنازير فى مصر، حيث أعلنت مصادر طبية بمستشفى المطرية أن المستشفى استقبل المريض "عربى حسنى محمد عبد الرازق" أول أمس الخميس، مصابا بارتفاع فى درجة الحرارة ورشح وقيئ، وكلها أعراض تشير إلى إصابته بالمرض . وبعد الاشتباه فى إصابته بأنفلونزا الخنازير، أحاله الطبيب حمدى طبل طبيب أمراض الباطنة بالمستشفى إلى مستشفى حميات العباسية، وتم إبلاغ قسم المطرية الذى أكد مصدر مسئول به أن المصاب يعمل بمزرعة خنازير بقرية البارومين مركز أشمون بالمنوفية ويقطن فى عزبة النخل بالقاهرة.


ربنا يستررررررررررررررررررر

على سلكني مدينة نصر و الرحاب شراء الاقنعة و اليانسون

ربنا يستر

http://www.youm7.com/News.asp?NewsID=97167

TAFATEFO said...

هو ليه كله بتزهقوا من حواراته .. أنا مبزهقش منها .. أنا بحب كل الحوارات اللي بيروي فيها واحد كانت ليه حياة حافلة بالتجارب ذكرياته أو سيرته الذاتيه

أنا بعشق السير الذاتيه

حتى لو قالك انه من أول ما استلم حط خطط اقتصاديه وكان بيصر ان الحكومة تحقق المستهدف منها

بس مقالناش هو كان حاطط الخطة خمسينية مثلاً؟؟ هو على فكره غلط وقال خمسينية بدل خمسية

ليكون المنيل كان حاططها خمسينية فعلاً ويبقى فاضله معانا 22 تانيين

مهندس حر said...

الراجل الطيب بوكيمون بتاع الأمم قرر إن مافيش داعى لأى تحقيقات تفصيلية فى الإنتهاكات المزعومة من قبل إسرائيل خلال الهجوم على غزة.. لو حد لسه فاكر كان فيه تحقيق للأمم فى إنتهاكات ضد منشآت المنظمة و قتلى من موظفيها و من مدنيين (أطفال غالبا) كانوا بيحتموا من القصف فى المنشآت دى .. التقرير إنتهى إلى إن الجيش الإسرائيلى تعامل ببعض الإهمال و قليل من التهور بالخصوص ده و أوصى بتحقيقات تفصيلية فى إنتهاكات أخرى بس بوكيمون قالك مافيش داعى..

اللذيذ إن إسرائيل رفضت التقرير و قالت إنه منحاز لوجهة نظر الإرهابيين.. و باراك قال إن الجيش الإسرائيلى هو أكثر جيوش العالم أخلاقا و إن اللوم بخصوص الضحايا يقع كله على الإرهابيين ..

ده بس لزوم الأحلام السعيدة و تصبحوا على خير.

مهندس حر said...

@TAFATEFO

أنا ما عرفش إنت عندك كام سنة لكن لو إنت خدت المقرر من أوله زى حالاتى إذ ربما كنت تزهق .. ده حتى أنا فاطر حتت من أول خطاب ليه لأنى كان لازم أحفظه كله عن ظهر كلب عشان نشاط جماعة مش فاكر إيه فى المدرسة.. و على فكرة كان قال فى الخطاب ده إنه مش ها يرشح نفسه أكثر من مدتين حتى ساعتها الناس كانت بتقول و هوه مين قاله ها ينجخ فى التانية... هههههع.. شوف يا أخى الناس بتوعنا كانوا طيبين قد إيه؟؟ مش هاقولك كانوا مسميينه إيه أيام ما كان لسه نايب بس هو إسم جبنة مثلثات مشهورة.. و أهو بالهنا و الشفا إخترناه و طفحناه ..

TAFATEFO said...

ولسه الإسم لغاية دلوقتي زي ما هو .. بس بقى لافاش

وقريت كتير من خطب جلالته من موقع الاستعلامات المصرية

هو أنا بكره جمله القصيرة .. والأخوة المواطنون

أنا بحب السير الذاتية عموماً .. ولو أفرجوا في يوم عن مذكراته اللي مودعها في هيئة سيادية واللي مسجله بصوته متأكد اني هستمتع

TAFATEFO said...

بس صحيح

كلام مبارك عن الفترتين مكانش في خطاب .. ده كان في تصريحات صحفية

دورت على التصريح الصحفي المهبب ده لما طلعت عيني ملقيتوش

TAFATEFO said...

كل اللي أعرفه ان ده كان على الصفحة الأولى للأخبار

تاريخ كام والعدد ممكن الحصول عليه ولا لا معرفش

في جرنال نشر صورة للتصريحات دي واتقفل طبعاً

lastcrazyboys said...

عقبال ما نفرح بيكي ..ويتقبض عليكي ليلتها بتهمة الارتباط بشخص يشبــه السيد حسن نصرالله..وتبقى على رأي "اللبنانيين "نفرح فيكي
=============

مهنــدس حر: انتوا ليه واخدين موضوع المجاري ده تريقة ..لازم نتكلم بموضوعية شوية ..أظن بحكم موقعك هتقدر تفهم يعني ايه بنية تحتية ..وبعدين بنية تحتية على الصحراء ..بسيطة" زي ما حصل في الخليج" تختلف عن بنية تحتية في مكان مأهول ..غير صعوبة الموارد من اساسه
المجاري فعلا انجاز ..والمترو انجاز ....وفي حاجات كتير بينبهني ليها الناس اللي كانت غايبة عن البلد فترة ..بس احنا نبطل العادة المصرية العريقة في التقطيييع وربنا يكرم
============

مهندس حر said...

@lastcrazyboy

المجارى و التليفونات إنجازات على عينى و على راسى بس دى إنجازات وزير أو إنجازات حكومة بحالها مش إنجازات رأس الدولة.. يعنى لو حد سألك عملتوا إيه فى مصر التلاتين سنة اللى فاتت تقوله عملنا مجارى و صلحنا التليفون و الفرنسويين عملولنا مترو أنفاق و اليابانيين بانولنا أوبرا و الصينيين عملولنا قاعة مؤتمرات بدل ياعينى ما كنا بنقعد الناس فى الطل؟؟

منجزات عصر مبارك يلخصها بوضوح صفر المونديال.. يعنى بعد 30 سنة فى سلام و وئام و بوس و أحضان و أشياء أخرى و المفروض إنك متفرغ لبناء البلد و التقدم بإمكانياتها و لسه مش قادر تنظم مسابقة كورة؟

TAFATEFO said...

مجاري؟؟

ده احنا عندنا شبكة صرف صحي متهالكة .. وفي خرائط ليها تقريباً مفقودة وبقالهم أد كده بيقولوا ان لازمها إحلال وتجديد وإلا المرفق ده هينهار

أصلاً انت لو حللت أي تاب ووتر هتلاقي فيها ايشيرشيا كولاي .. وممكن حضرتك تتأكد من ده ان مياه الصرف الصحي بتختلط بمياه الشرب

يا رجل ده احنا البلد الوحيدة في الدنيا اللي بيتباع فيها مياه نقية .. ميه نضيفه بتتباع في أزايز .. وتقولي انجاز

28 سنه بيعمل في خطط خمسيه وإصلاح اقتصادي ورخاء (بتاع سنة 80 ده) وتقولي المترو انجاز؟؟

هو مين محتاج أد ايه علشان ينهض بدولة .. مش يزيد الفساد فساد .. والخراب خراب .. والمواطنين فقر .. والحريات قمع

طب أنا بحب أقرا خطاباته علشان أشوف ابن الكدابين ده كان بيقعد يقول أهدافه وخططه وأولياته ايه .. وحالنا دلوقتي ايه

امسك أي بند .. تنمية .. إصلاح اقتصادي .. تقليل الإستهلاك .. زيادة الانتاج .. الحريات .. الديموقراطية .. حكم الشعب ............... إلخ .. وشوف بقينا فين شوف شوف بقينا فين يا حسني وهي راحت فين .. شوف خدتنا لفين يا حسني وشوف سابتنا فين .. فى سكه زمان راجعين .. فى سكة زمااااااااان

سرقه ونهب وعبودية وجوع وفقر ومرض وأصحاب حظوه وقمع ومعتقلات وتكميم أفواه

TAFATEFO said...

وبعدين حسني قال ربي إني نذرت لك نفسي وجهادي فتقبل مني

بس الظاهر ربنا مقبلش منه

مهندس حر said...

ما تبقاش ناشف على الراجل كده.. هوه فعلا عمل إنجاز فى موضوع المجارى لأنه وصلها لحتت ما كانتش واصلالها.. طبعا الشبكات الجديدة ساعتها أصبحت متهالكة دلوقت و طبعا أساليب التنفيذ و الإشراف على المرافق معروفة فى بلدنا و بالتالى الشبكات كلها عيوب و ده طبعا بينطبق على كل الكبارى (اللى بترمى العربيات من عليها)
و الطرق الجديدة زى المحور اللى صرفوا على تصليحه قد ما صرفوا على إنشاؤه عشر مرات و خلافه..
طبعا الواحد لازم يعترف إن فيه أمور أصبحت أفضل يعنى إنت ممكن تطلب واحد فى التليفون و هو فعلا اللى يرد عليك -حقيقى- ده غير إنك أصلا بترفع السماعة تلاقى حرارة و قبل كده إنت بتقدم على تليفون و بيركب بعد أسبوع أو إتنين مش الورثة همه اللى بيستلموه.. الكلام ده كويس ما حدش قال حاجة بس مرة تانية دى إنجازات رئيس قطاع فى وزارة بكتيره مش إنجازات دولة و نظام.. يعنى المجحوم بوش لما رشح نفسه فى الدورة التانية ما قالش للناس هو عمل كام محطة رفع مجارى فى الفترة الأولى.. قالهم هو قتل كام مسلم فى أفغانستان ووعدهم بالمزيد فى العراق بعد كده.. أو بمعنى أصح قالهم إنه دافع عن حريات الشعب الأمريكى و نمط معيشته اللى بيهدده الإرهابيين الأوباش و أكد ضرورة إستمراره لإستكمال الحرب على الإرهاب.. طبعا بوش مش النموذج المثالى لرجل الدولة بس الأمريكان كلوها و بللعو بأربع سنين من حكمه تانى.

إنجازات رئيس جمهورية بتتعلق بالأرقام التلخيصية لنمو الإقتصاد و مؤشرات عدالة توزيع مكتسبات النمو ده على فئات الدخل المختلفة.. و بتتعلق بالتنمية الإجتماعية و إنتشار التعليم و إرتفاع مستواه و إنخفاض نسب البطالة..
على المستوى الخارجى بتتعلق الإنجازات بالحفاظ على مجال التأثير للدولة و توسعته إن أمكن و الحفاظ على مصالحها و جعل أمنها القومى أكثر منعة و الحصول على علاقات تفضيلية مع دول العالم تتيح فرص أفضل للنشاط التجارى .. المهم فى حالة دولة زى مصر الحفاظ على الدور المؤثر فى المنطقة و تحمل مسئولية الدفاع عن مصالح الأمة و تحقيق تقدم ملموس على طريق التوصل لحل عااااادل للقضية المحورية قضية فلسطين..

حد بقى يقول عمل إيه طويل العمر فى الحاجات دى و بعدين نبقى نعد الإنجازات.

mido said...

عايز تعرف المياه اختلطت بالصرف و لا لأ ! خد عينة من مية الحنفية و حطها في وسط فيه سكر اللكتوز في درجة حرارة ٤٤ اذا تخمرت و طلعت حمض و غاز يبقي فيه صرف في المية

احمد سعيد said...

عظمه على عظمه ياعم مصطفى

TAFATEFO said...

يا موافي بيه :D:D:D:D

التليفونات إنجاز؟؟

انت هتعمل زي ممتاز القط

يا ممسكنا الـ 010 و 011 و 012

مال ده بالإنجازات

خلاص .. أنا بقى بحمله مسؤولية اندثار الفيديو

جبهة التهييس الشعبية said...

هي الحالة ايه؟
اشتغلت؟

اخبار الحالة اللي مشكوك فيها ايه؟
طلعت عندها فلفوسا الخنازير؟

نفسي اعرف
هم على ماي سبيس جابو منين اننا بنحب الاغتصاب وان الاسلام بيدعوا لاغتصاب اي ست اي راجل يشوفها؟

يكونش عشان نكتة: وين الاغتصاب؟

سبهللة said...

نوارتنا وزعيمتنا
وحشتيييييييييينى اوى اوى

======
ربنا يستر علينا من الوباء دة
اللهم ارحمنا بما ترحم به عبادك الصالحين

مواطن مصري said...

نوارة و نبي اعملي بوست شرديهم هنا او ابعتي اللينك هنا


طفاطيفو انت نسيت كاس الامم الافريقية و الدوري بتاع الاهلي دة انجاز بردو
:D

مواطن مصري said...

منازلهم من زجاج .. ويقذفون الناس بالطوب
الشيخة موزة كشفت ديموقراطية قطر!
طردت مدير مركزها عندما طالب بحرية الصحافة!
زوجة الأمير دعت صاحب الرسوم المسيئة للرسول .. وألصقتها ب "مينار"!
الصحف القطرية اتهمته بعدم احترام الوضع الداخلي .. ونسوا ما يفعلونه بمصر!!


شوفتي دة

المقال انا معاة قال يعني قطر بلد الحريات و قال احنا ل اعلامنا الي نظيف اوي يا عزيزي كلنا لصوص
http://www.algomhuria.net.eg/algomhuria/today/fpage/detail00.asp

بس الصراحة الي عاوز اعلام حر يقبلة على نفسة الاول قبل غير

يعني قبل على قطر انها تنتقد على امير قطر الي انقلب على ابية

قبل ما تنتقد دول اخرى زي حال قطر

مواطن مصري said...

قطر "الجزيرة" تنتقِد لكنها لا تقبل النقدhttp://www.annaqed.com/ar/content/show.aspx?aid=15028
قطر "الجزيرة" تنتقد العالم كله وتعجز عن تحمل آراء مواطنيها

قطر التي تملك قناة الجزيرة صاحبة شعار "الرأي والرأي الآخر"، والتي تستضيف على مدار العام مؤتمرات وندوات الحوار بين الأديان والطوائف المختلفة، لم تتحمل رأيا مخالفا من مواطن قطري كتب ينتقد بعض الممارسات الخاطئة في قناة الجزيرة ويتحدث عن الإصلاح الإداري ومحاربة الفساد وتحصين المؤسسات الوطنية بالكفاءات المؤهلة.

mido said...

حالة الفلفلوسا سلبية علي حسب الوزارة

mido said...

مواطن مصري : مش عيب لما صحفي يقول علي قطر تساوي امرأء و قناة _ عيب أوي و بعدين في حد يقوا لصحفي التبولة و البعرور و حسن بقو

TAFATEFO said...

فيلم التوطين مرفوض أم مفروض أهو

هوا 5 فيديوهات

mido said...

مدير مدينة مبارك للأبحاث: «زويل» تقدم بـ 13 منحة بحث علمي لجامعات إسرائيل

مهندس حر said...

يا د.مصطفى..

أنا ممكن أعديلك أى حاجة بس تقلى ممتاز وقط يبقى ده سب علنى واضح و صريح..

و بعدين إنت باينلك مالكش تقل على قراية التعليق لو طول شوية.. يعنى أنا قلت إن التليفونات تنفع إنجاز لموظف فى وزارة المواصلات مش رئيس جمهورية.

احمد سعيد said...

هههههههههههههههه

مواطن مصرى ؟؟؟

هوا انت بتقرا الجامهوريه ؟؟؟؟؟

ههههههههه


طيب

TAFATEFO said...

لا قريت

بس حبيت أرخم

:D:D

ايه الايميل بقى أبعتلك التحقيقات؟

مواطن مصري said...

انا نفسي اشوف مثلا تقرير ع الجزيرة ينتقد الفساد داخل قطر او مثلا ينتقد القاعدة الامريكية في قطر


او يجيب زيارة شمعون يبيريز لقطر

هما حكومة قطر منزلة من السماء لا تقبل النقد

و مش بيغلطو

مهندس حر said...

د.مصطفى الإيميل فى البروفيل و عالعموم انا بعتيلك ميل عشان ماتحتاجش تدور.. شكرا مقدما يا باشا..

TAFATEFO said...

أنا كمان نفسي أشوف برنامج على القناة الأولى بينتقد النظام .. ونفسي أشوف على الصفحة الأولى للجمهورية الخائن .. أو في الأهرام إسرائيل العدو

مش تأييداً للجزيرة .. بس *** البجاحة لما تعادوا الجزيرة وقطر (اللي وصفها أحمد رجب بالزائدة الدودية) وتعايروهم وانتوا معيبه

الحرية مقطعه بعضها أوي هنا .. علشان نروح نعاير غيرنا

شيمون بيريز في قطر .. عزنه مشرفناش هنا مليون مره

مواطن مصري said...

طفطف راجع كلامي

انا قلت الي بينادي ب الراي و الراي الاخر يطبقة على نفسة الاول

ميتنقدش دول تانية تحت شعار الراي و الراي الاخر و هو لا يقبل ان حد ينتقدة