Friday, 29 May 2009

تسريب بعض الصور اللي اوباما كان عايز يضرب عليها

الديلي تلجراف نزلت بعضها هنا، وفيه صور الاغتصاب ما نزلوهاش، بس فيه مترجم مصري امريكي كان بيغتصب واحد؟ الواد ده جابوه منين؟ ايه؟ زميل اسلام نبيه واخد كورس انجليزي في الجامعة الامريكية وربنا وفقه وراح يغتصب اعارة؟ الخبر هنا
والصور هنا

45 comments:

mido said...

احنا عايزين الالبوم كله

جبهة التهييس الشعبية said...

الالبوم اللي نزلته الديلي تلجراف هو ده اللي موجود في اللنك التاني
لسة ما نزلوش بقية الصور
انا مش فاهمة حيوان مين اللي يسرب للديلي تلجراف؟
ما سربش ليه لاي حد يعمل فضيحة بجد

mido said...
This comment has been removed by the author.
mido said...

الفضيحة حتحصل حتحصل بس ايه لزمة نشرها طالما مش حنقدر نحاسب حد ؟ تعذيب للنفس و بس !

TAFATEFO said...

لا .. انتوا مش واخدين بالكم من حاجه

الصور اللي كان أوباما عمل على مقاضاة من فيها قضائياً لكن منع نشرها لأنها تزيد من المخاطر على القوات والرعايا الأمريكيين في العراق وأفغانستان عددها أكتر من ألف

أكتر من ألف

فيهم صوره لمترجم أمريكي (أمريكي) من أصل مصري .. يعني أمريكي

الدايلي تليجراف من أول ما أثارت القضية وهي تعمدت وضع صورة المترجم ده وكونه من أصل مصري

تفتكروا ليه؟؟

على فكره المترجم بيحاكم حالياً

نفكر بقى .. ليه؟؟

تالت المترجم أمريكي من أصل مصري

مهندس حر said...

الديلى تيلجراف يبدو إنها جريدة عندها فلوس لأنها بتدفع كتير للناس اللى بتسربلها حاجات من دى ..

لسة قريب الجريدة نشرت تسريبات تفاصيل مصروفات أعضاء مجلس العموم من بنود الإئتمان اللى بيقدمه المجلس ليهم للصرف على أمور شخصية تتعلق بعضويتهم فى البرلمان .. زى إن واحد منهم يحتاج بيت جديد فى لندن عشان يقدر يحضر الجلسات و حاجات زى دى.. التفاصيل أظهرت إن النواب الموقرين إساءوا إستخدام الأموال المتاحة ليهم و إشتروا بيها حاجات كتير لهم و لزوجاتهم بخلاف إن بعضهم تلاعب للحصول على أموال أكثر من خلال مثلا تغيير محل إقامتهم أكثر من مرة و فى كل مرة يحصلوا على أموال أكثر..

الفضيحة نتيجتها إنقلاب فى الحياة السياسية فى بريطانيا لدرجة إن أغلب البريطانيين بيتجهوا دلوقت لإنتخاب أعضاء مستقلين و غير حزبيين فى الإنتخابات القادمة..

الديلى تليجراف دفعت مبلغ ضخم للحصول على التفاصيل دى و بالتأكيد برضه دفعت كتير عشان تجيب الصور بتاعة أبو غريب..

TAFATEFO said...

The graphic nature of some of the images may explain the US President’s attempts to block the release of an estimated 2,000 photographs from prisons in Iraq and Afghanistan despite an earlier promise to allow them to be published.

مهندس حر said...

واضح إن قصدى من اللى فات إن أقولك إن الديلى تليجراف بتعرف تعمل فضايح كويسة يعنى اللى سرب لها الصور دى مش حيوان و لا حاجة..

TAFATEFO said...

“The most direct consequence of releasing them I believe would be to inflame anti-American public opinion and to put our troops in greater danger.”

هندسة وصفية said...

بس هو التسريب اشمعني جاي قبل زيارته لمصر
المفروض انه جاي يوجه رسالة للعالم الاسلامي
شكله بقي خرا
المهم في االاخر انا ****** و هما بيلعبوا بينا

سبهللة said...

الصور وجعة قلبى يا شيخة
ربنا يسامحك
وينتقم منهم
حاجة بجد
موجعة جدا
ان فى ناس بتتلذذ بتعذيب البنى ادمين
خاصة وهم عزل ومبروطين ومتعميين
حسبنا الله ونعم الوكيل

جبهة التهييس الشعبية said...

ايه يا مصطفى
مترجم امريكي من اصل مصري من اصل هندي
حيوان واغتصب طفل عنده خمستاشر سنة
ما يطلع ميتين امه في الارض يعني

جبهة التهييس الشعبية said...

على فكرة الديلي تلجراف من ناشرة صورة المترجم المصري ولا حاجة
ولا ناشرة صور الاغتصاب خالص
والصور المسربة صور خفيفة جدا
هم الفين صورة
مافيش منهم غير الصور دي اللي مش مبينة حد غير الواد ابو شنب ده اللي اتحاكم اصلا

مهندس حر said...

فاكرة الفقرة بتاعت جون ستيوارت عن المترجمين المثليين من أصل عربى اللى إتسرحوا من الجيش الأمريكى بس مش عشان إتهامات بالتعذيب لكن لأنهم مثليين؟

TAFATEFO said...

يا ستي أنا مش معترض على يطلع ايه

واحد أمريكي ليه صوره في ألفين صوره .. الأمريكي ده من أصل مصري

يتكتب عنه ليه؟؟

لا يا نواره دي واضحه خالص .. طب سيبك من دي

مش كل دول أمريكان؟؟ .. ايه فايدة أو قيمة ذكر أصلهم في حاجه زي كده .. مش لله وللوطن وجت كده

صوره من ألفين صوره بيظهر فيها مترجم من أصل مصري .. أمريكي بس من أصل مصري يشار إليها من أسبوعين عند إعلان زيارة أوباما .. ويشار إليها تاني دلوقتي

جبهة التهييس الشعبية said...

هو اللي اترفد من شغله عشان مثلي ده كان من اصل عربي؟ هو الواد الكذا كذا ده هو ده هو ال
؟؟؟؟؟؟؟؟؟؟
هو؟ هو؟

جبهة التهييس الشعبية said...

لا معلش انا مش فاهمة نظرية المؤامرة

واضحة؟ ايه اللي واضحة؟
لما واحد يبقى من اصل عربي متورط في تعذيب العراقيين وكمان اغتصابهم ده خبر
مش شايفة اي مؤامرة في الليلة خالص
من اصل مصري بس هو مش مصري
ايه بقى اللي واضحة؟ وايه قبل زيارته هنا؟ دي زيارة سودا يارب ما يعملها

مش متابعة معلش ما تكلمنيش بالغمز واللمز
وعايزين نعرف ده ابن مين ده عشان نفضحهم فضيحة المطاهر يوم طلوعه ع المعاش

وعايزين نعرف اسمه كمان
الله يخرب بيت البطن اللي جابته ابن الكلب
ده اوسخ واحد فيهم
مصري؟ مصري ابن الكلب؟

مهندس حر said...

دول مش واحد دول كذا واحد.. ما فيش داعى للفضايح..

جبهة التهييس الشعبية said...

كذا واحد ايه؟
كذا خول عربي بيشتغلوا مع الاحتلال؟
لا بقى
كده ما بقاش نافع خالص

مهندس حر said...

بصى كده..
http://www.pinknews.co.uk/aroundtheworld/2009/05/watch-daily-show-takes-on-army-white-house-over-gay-translators-firing/

TAFATEFO said...

أهو الهدف اللي حضرتك بتقوليه

انه يتقال ان مش الأمريكان اللي معدومي القلب .. وان الصور لما تطرح على المجتمع الأمريكي ميبقاش ليها رد فعل قوي تجاه الجيش الأمريكي

أهم عرب أهم .. وأفارقه وآسيويين كمان كانوا بيعذبوا

دلوقتي ده مجند أمريكي في الجيش الأمريكي .. بيحاكم في القضاء الأمريكي .. نتيجة جريمة ارتكبها وهو بيخدم في الجيش الأمريكي .. ايه دخل أصله المصري؟؟

ايه الهدف أصلاً من ذكر ان أصله مصري؟؟

TAFATEFO said...

يا تامر بيه .. ده اللي بحكي فيه

54 Arabic translators (and hundreds more servicemen) have been dismissed from the Army due to their sexuality.

من ضمن الهاندريدز اللي اتسحروا علشان سلوكهم الجنسي .. تم تصعيد موضوع العربي

ده أمريكي من أصل عربي .. بس مفيش مانع نحطه هو في الصورة .. ونتكلم عن أصل ده العربي وأصل ده المصري

ممكن حد يفهمني ايه دور الأصل في إدانة مجند؟؟ مش دي جرايم حرب باسم الجيش الأمريكي؟؟

جبهة التهييس الشعبية said...

يا عم اسمه دان تشوا

مش ممكن يبقى عربي، الا اذا كان يهودي عربي لان تشوا اسم يهودي

بس مش عربي
ومش هو الواد المصري
دان تشوا كان عنده الشجاعة وقال انه مثلي عشان كده فصلوه
لكن لو الابعد كان كده وهو مصري عمره ما حيقول
تلاقيه كان بيدعي انه بيعلق بنات
انت عارف بقى

TAFATEFO said...

هما حاطين العربي والمصري أصلاً علشان كده

فكرتوني بنكتة بوش وبلير وطبيب الأسنان الواحد والمليون مسلم

مئات من المسرحين من الخدمة منهم عربي الأصل

2000 صوره منهم صوره لمجند من أصل مصري

ايه بقى اللي مش واضح بدي أفهم؟؟

جبهة التهييس الشعبية said...

ده صيني كمان

شوف صورته

http://www.huffingtonpost.com/2009/05/28/obama-protested-in-beverl_n_208509.html

مش عربي خالص

TAFATEFO said...

ما ممكن يكون أرابيك ترانسلاتور يعني مترجم للعربيه

:D:D:D:D:D

جبهة التهييس الشعبية said...

انت ايه اللي بتقوله ده يا مصطفى؟
هو فيه جنس امريكاني يعني؟
ما امريكا دي خلطة
هي المشكلة في الواد المصري انه اغتصب؟ وللا في ان السيستم سمح لهم انهم يغتصبوا؟ هو امريكاني
زي الافريقي الامريكاني زي المكسيكي زي اليهودي زي الابيض

وكون انهم يغتصبوا ستات ورجالة ويعذبوا عشان هم شايفينهم حيوانات
والجيش بتاعهم بيربيهم على اننا حيوانات ومش بني ادمين ودي الاوامر اللي بتجيلهم

لكن المفروض ان الحيوان المصري يعرفنا، ويعرف على الاقل اننا مش حيوانات زي ما بيعلموهم في الجيش
عشان كده باقول ده اوحش واحد فيهم
وايوة هو يستاهل يتجرس
ومافيهاش اي مؤامرة على العرب ولا المصريين اللي ما عندهمش قلب
هو يستاهل الجرسة لاننا اهله

جبهة التهييس الشعبية said...

الواد دان تشواه بيقول:
السيف والرمح والقرطاس والقلم وبعدين خرف شوية وبعدين قال واسمعت كلماتي من به الصمم وراح قايل

translation: I am gay
!!!!!!!!!!!!!
ده اترفد عشان مترجم فاشل

مهندس حر said...

داهية سودا.. آسف يا جماعة
Arabic not Arab
أنا بأعترف بهبلى.. كان لازم آخد بالى.. بس غالبا المترجمين دول ممكن يكون منهم ناس من أصل عربى..

جبهة التهييس الشعبية said...

والنبي لتشوف الفيديو بتاعه

مهندس حر said...

مصطفى
-----
إنت صح أرابيك هى اللغة مش الجنس .. عربى للجنس بتترجم أراب

مهندس حر said...

نوارة أنهى فيديو؟

TAFATEFO said...

خلطة .. طيب

يعن مهياش مثلاً تكون بمناسبة زيارة أوباما للمنطقة اللي بتتعارض أهدافه من الزيارة مع أهداف ومطالب المنظمات اليمينية واللوبي الصهيوني في أوروبا وأمريكا معاها

ولا مثلاً دعاية مضادة لعنصرية ووحشية الجيش الإسرائيلي

بالنسبه لي أنا مع الشك ده (نظرية المؤامرة) ومع شك عبدالله الأشعل ان الهدف من الزج بكلمة مصري وعربي وغيره الإيحاء أن ليس الأمريكيين وحدهم من قاموا بالتعذيب وانتهاكات حقوق الإنسان في سجن أبو غريب

بالنسبه لي برضه شايفها واضحه ومش شايفه أي علاقه بالخليط الأمريكي .. ما كل الـ2000 من الخليط .. وكلهم أمريكان

اشمعنى المترجم اللي من أصل مصري - عربي هو اللي تفرد لقضيته كل هذه المساحه .. وهو اللي يتعمد الإشارة لقضيته ووصفها وفي التوقيت ده بالذات؟؟؟

مع انه أمريكي زي الـ2000

مواطن مصري said...

هما مش قالو ان شركة الامن بلاك واتر هي الي بتقوم بمهام التحقيقات في ابو غريب؟؟

حتى شركات الامن بتعين مترجمين عرب

؟؟؟


هما مش لغو في العراق شركات الامن على حد علمي
؟؟؟

بدراوى said...

نوارة ازيك

هو المترجم ده امريكى من اصل مصرى
!!!

هو احنا وصلت ريادتنا لأبو غريب

ما شاء الله
!!!

فضيحة المترجم المصرى فى أبو غريب.. محاولة جديدة لتوريط القاهرة قبل زيارة أوباما


http://www.youm7.com/News.asp?NewsID=103579
-------
تورط مترجم مصرى فى فضائح أبو غريب


http://www.youm7.com/News.asp?NewsID=103338

بدراوى said...

هو ده بقى اوباما
اللى عاملين فيه راعى السلام و الحرية

**********
%&*$#@#$%*)&%X

مواطن مصري said...

بعيدا عن الخبر

التقت اليوم، الخميس، وزيرة الخارجية الأمريكية هيلارى كلينتون، مع 17 ناشطا حقوقيا ومدونا مصريا. فى مقر الخارجية الأمريكية، حيث ناقشت معهم حالة حقوق الإنسان فى مصر وزيارة أوباما، وذلك لعمل حالة من التوازن بين مقابلة الوفد المصرى الرفيع الذى يزور واشنطن، وبين لقاءات المنادين بحقوق الإنسان، وذلك على هامش زمالة حقوق الإنسان الذى نظمته منظمة فريدوم هاوس الأمريكية.

ومن المشاركين فى اللقاء رندا أبو الدهب مدونة ومحسن كمال الناشط بمركز أندلس، وماجد سرور من مؤسسة عالم واحد ومى كسبة ناشطة حقوقية، ونور محمد ناشطة حقوقية وباسم فتحى من حركة شباب 6 إبريل، وغيرهم من نشطاء حقوق الإنسان.


http://www.youm7.com/News.asp?NewsID=103510


مش 6 ابريل رفضت الاتصال بامريكا و المنظمات الحقوقية في الاول و طلعت بيان

انها ضد الاتصال


رجعو تاني يتصلو لية تاني ؟؟

rooooe said...

مجانين والله مجانين الناس دي مجااااااااانيييييين يا اما هما الي مجانين يا اما احنا الي مجانين بس هو في حد من الطرفين مجنون اكيد يعني والله معنا وتحية خاصة للظباط الامريكيين بتوع سجن ابو غريب علشان وقفوا وساندوا من اجل راية السلام

مدير التحرير said...

صباح الخير
الصور قديمة و موجود أغلبها عندي من اكثر من 5 سنين و في غيرها الغريب محدش جابهم

Pink said...

ممارسات الجنود الامريكان في حرب العراق مسؤلية ادارة بوش و لا تسأل عنها ادارة أوباما. اما اثارة موضوع الصور الآن فالغرض منه افساد توجهات ادارة أوباما للتقارب و محاولة استعادة ثقة العرب و المسلمين. و من يقف وراء محاولات الافساد هذه له مصلحة في استمرار حالة العداء بين امريكا و العرب و المسلمين و كما يقول المثل الفرنسي ابحث عن المرأة في كل جريمة فيمكن القول أبحث عن اسرائيل في كل مصيبة للعرب و المسلمين.

مواطن مصري said...

http://www.alarabiya.net/writers/writer.php?content_id=74185
اليونسكو.. لماذا أنا مرشح؟

خمسة فضفضة said...

نواره انتي تقصدي ان الصور اللي في الملف دي جديده
ازاي ؟؟ انا شفتها كلها قبل كده
كمان شفت فيلم تسجيلي بيتكلم فيه كل الحراس اللي موجودين في الصور دي
والناس اللي اتحكم عليهم وواحد من الميجورات اللي حققوا معاهم وواحد من اللي حللوا الصور
وجابوا كل حاجه بالتفصيل الممل وازاي الصور اتاخدت وايه ظروفها وصورة الراجل اللي مات من التعذيب وفضلوا راكنين جثته يومين لحد ما ريحتها طلعت دول حتي كمان كانوا بيعملوا تمثيل للي الفروض انه حصل فعلا

عارفه الفيلم ده مطلع تلات ارباع الحراس دول ملايكه وتم التغرير بيهم
وكمان التحقيقات ماادانتش الا كام صوره كده والباقي ال ايه اعتبروها اساليب عاديه من اساليب التحقيق عشان يضعفوا من مقاومةة السجين ويعترف بكل حاجه زي مثلا الصوره اللي فيها السجين مربوط للسرير وهو عريان او الصوره اللي فيها الكلاب
تخيلي دي اساليب عاديه ومسموح بيها

الله يسامحه بقي اللي كان السبب واللي اداهم فكره ان العرب دول ولاد تييييييييييييييت مايجوش الا بضرب الجزم

Youssef said...

I saw some of these pictures before. I doubt they are new ones.

كلاكيت تانى وتانى said...

اية كل دة ساعات بيركب داغى ومبقدرش افهم قد اية بجد السادية ممكن تبقى شئ بيسعد وبيحقق كينونة افراد اقل ما يقال عنهم انهم حيوانات مش بشر يا الله بشاعة ومرض ولا ادمية منفرة
حسبنا الله ونعم الوكيل

الخوجة said...

ايه ده الصور الجديدة اهه
http://group121.blogspot.com/2009/05/photos-of-us-soldiers-alleged-rape.html