Sunday, 24 May 2009

اما اطري على قلبكوا

انا برضه الماركيز دي ساد؟ :) الله يسامحكوا، طب طفاطيفو بيسجل لكوا حاجات حلوة تطري على قلبكوا، انا خليني للتعذيب وانتهاك حقوق الانسان، مع اني والله ما رضتش انزل لكوا موضوع عزت السعدني "شجاعة بنت مصرية" اللي بيحكي فيه عن بنت شجاعة وقفت على سلم نقابة الصحفيين متحدية معارضة حسني مبارك وقالت: يعيش الرئيس حسني مبارك، انا ح انتخب جمال مبارك لو اترشح، وصفحة كاملة بيتكلم عن شجاعتها، شفتوا بقى انا طيبة وقلبي حنين ازاي؟
انا قلت انكد عليكوا قبل ما تتفرجوا على الفيديو ده

59 comments:

mido said...

لأ طبعا انت مش الماركيز دي ساد الصايع ده :D

بدراوى said...

هو الفيديو اللى من لينك
طفاطيفو
private
ليه
؟

هو فيه ايه بالضبط
؟!

مش برده عمو عادل بن امام
و لا حاجة تانية
؟

بدراوى said...

و الفيديو
اللى حضرتك حاطاه
ده كمان
private

هو عزمى بشارة بيقول ايه بالضبط
؟!

مواطن مصري said...

يا نوارة


بيطلع دة
This video is private.


؟؟؟

mido said...

مين عندكم بيشتري الأهرام؟ في حد يلقي بنفسه الي التهلكة كده؟

TAFATEFO said...

مش تقولي .. أنا كنت عامله برايفت

ده في واحد قبله مسخرة .. مسخرة .. مسخرة بس أطول منه

بس ديكاف .. ويفتحوا واين .. ويقيدوا الشموع في دي ليتني أفطس من الضحك

جبهة التهييس الشعبية said...

انت يا مقروص عامله برايفت ليه؟ يعني ما طلعش من كمك تعمل عادل امام برايفيت
وانا اللي كنت باقول عليك قلبك شفيق جلال؟

مواطن مصري said...

هههههههههههههههههههههه لوووووووووووووول

TAFATEFO said...

كنت عامله برايفت علشان في فيديو تاني فقري وقبله .. بس قلت الجرعه النهارده أوفر دوز

ولما سخسخت قولت أشركك فيه

بس فتحته دلوقتي وأي حد يقدر يشوفه

هبعتلك لنك الفيديو التاني بس اتقلي عليه

TAFATEFO said...
This comment has been removed by the author.
TAFATEFO said...

على فكره اللي مسجل الفيديو واحد اسمه kifah

جبهة التهييس الشعبية said...

طيب ايه؟
لسة برايفيت وللا ايه؟

TAFATEFO said...
This comment has been removed by the author.
مهندس حر said...

مبارك فى مستشفى الجلاء؟؟؟
http://www.al-akhbar.com/ar/node/136962

مهندس حر said...

يعنى هو الزوج ليه حقوق ما حدش يمارى فيها بس هوه ممكن ما يمارسش الحقوق دى..

المشكلة .. يبقى إيه نوع الزوج فى الحالة دى..

mido said...

مهندس حر : زوج واقعي معتدل

mido said...

دكر بط حمش

mido said...

يا جماعة بيقولوا ايمن نور وشه و شعره اتحرق النهارده بحرق من الدرجة الأولي

مواطن مصري said...

و 20 في من شعر نور اتحرق بعد الاعلان عن ترشيح نفسة للرئاسة مرة ثانية

faissl said...

أنا ح اعمل نفسي عبيط ومشفتش الحتة النكد
واضحك بقه
ههههههه
ههههههإهههههآآآآآآهئهئهئ
هو ده عزت السعدني يا نوارة طووووووول عمره
وهو ده اللي كان بيحفظه للعيال في علاء الدين
وهو ده اللي قفلني منها وانا لسه عيل مش فاهم حاجة وكل همي اني ادور على بديل لمجلة سمير لم أجده إلى الآن...!

rooooe said...

جامد الراجل دة

TAFATEFO said...

ويا ترى حرق شعر أيمن نور إنتقام إلهي ولا تلكيكة علشان يختفي الفترة القادمة؟؟

أكيد أكيد أكيد أيمن نور صدرتله تعليمات واضحه من بره أو تهديدات واضحة من جوه بانه ميفكرش في لقاء ولا نص لقاء ولا سلام ولا يتنط ولا يعمل أي حاجه لغاية ما الرجل إياه يمشي

على فكره وجوه كتي هتـ أوف القترة القادمة بتعليمات أو بتهديدات

جبهة التهييس الشعبية said...

شدوا له عضله

TAFATEFO said...

وعايز أفهم حزب الغد هيخوض الانتخابات الرئاسية القادمة ازاي؟؟ هو هيحصل لمرشح على الدعم النيابي ودعم المجالس المحلية اللازم؟؟

أشك جداً

جبهة التهييس الشعبية said...

الففففففف مبروك
وربنا نتعه بالسلامة وللا لسة؟

باقول على مبارك، مش هو في مستشفى الجلاء للولادة؟

مواطن مصري said...

اة صحيح اكبر مدونة ماتت

http://amis95.blogspot.com/
توفيت الأسبانية ماريا أميليا لوبيز التي تعتبر أكبر مدونة في العالم، عن عمر يناهز 97 عاماً في قريتها بأسبانيا

جبهة التهييس الشعبية said...

الجرنال نفسه بيقول انها اوشاعة
تبقى اوشاعة لحد ما يجيلنا خبر يقين
بلاش بقى ندخل نفسنا في متاهات ونحلم احلام وبعدين نحبط بعد كده
خلينا نتعامل مع الواقع عشان نقدر نتحمل اقل الخسائر النفسية اللي ممكن تلحق بينا

العشم وحش
اديكوا شايفين بتوع اوباما اللي هللوا له قاطعين خنس وتقريبا غرقوا وهم بيغسلوا وشهم في الطرمبة

mido said...

عضل ايه؟

جبهة التهييس الشعبية said...

والنبي تقعدوا لنا على جنب

هو ينفع واحد له سابقة جنائية يترشح للرئاسة؟
ده لو عليه قضية كمبيالات ما يقدرش يترشح للرئاسة

mido said...

حيترشح _الي اخر قطرة_ لانتخابات الرياسة و خلاص . عايزة منه ايه بقي ؟

TAFATEFO said...

هو أولاً أعلن عزم حزب الغد خوض الانتخابات

ثانياً .. عن طريق سلسلة من عمليات التقاضي قد يحصل على حكم يخول له ممارسة حقوقه السياسية

الموضوع قانوني بحت وهو من سوم ما طلع بيؤكد انه راسم سيناريو لسلسة القضايا اللي هتمكنه من الحصول على حق الممارسة السياسية

ده موضوع بسيط .. ولو غلب فيه يروح لمرتضى

TAFATEFO said...

قال زعيم الغد: "بالنسبة لترشيحي للانتخابات الرئاسية فهو قرار حزبي يتخذه قيادات الحزب وجمعيته العمومية سواء اختاروا ترشيحي أو ترشيح أي زميل آخر".
وتابع: "أما فيما يتعلق بمنعي من ممارسة العمل السياسي فلدينا حلول قانونية وخطوات سنقوم بها ستمكننا من الحصول على حقنا في ممارسة العمل السياسي وإلغاء قرار المنع لكني لا أستطيع الكشف عن هذه الخطوات في الوقت الراهن".

مواطن مصري said...

طيب اية البديل ييا نوارة


انانا نفسي اسامة غزالي حرب يترشح بس مينفعش عشان الحزب

لسة جديد

و البرادعي مش عارف لسة ولا لا


عندك حد بس ميكونش متطرف

جبهة التهييس الشعبية said...

اه عندي

طالبان

مواطن مصري said...

هههههههههههههههههههههه

TAFATEFO said...

أنا عندي واحد منتاز .. منتاز .. منتاز

ده يعملك كهربة الشقة كلها وتديله 500 جنيه .. ولو حبيته ييجي يفنشلك الكهرباء بعد ما تبيض ياخد 200 جنيه كمان

بس صنايعي عشّه على عشّه

مهندس حر said...

ماهو من إنحدار الأحوال إن يكون المرشح المتاح هو واحد زى أيمن نور .. صحيح واقعة التزوير واضحة التلفيق لكن المشكلة إنها على رأى إخوانا فى الشام تلبأله..

و على فكرة أنا مش ها أستغرب لو لقيتوه واخد حكم بإلغاء الحكم السابق.. بعد تمنع و حرب من النظام طبعا.. و بعدين حكم بشرعية جناحه من الغد.. برضه بصعوبة و حاجات.. و بعدها يا يرجع رئيس للحزب فى أقرب جمعية عمومية أو أقله يدخل فى الأمانة العامة للحزب و هوب يبقى المرشح لمنصب وصيف رئيس مصر القادم..

الفكرة إن النظام فى النهاية مبسوط لأن الأمريكان شايفين فى نور بديل ملائم و النظام حريص على إن أمريكا تفضل معتقده كده لأن نور فى النهاية آخره وصيف أو مس كونجينياليتى خصوصا بعد ال20% من شعره اللى طارت..

جبهة التهييس الشعبية said...

http://www.alarabiya.net/articles/2009/05/23/73582.html

مهندس حر said...

لا و الله جدعان .. و بتكلم جد..

لأن إيه اللى يخلى إعلان عن منتجع إيلات اللى تبقى نقطة لا مؤاخذة كده فى تييت الخريطة.. يروح حاطط أم الخريطة كلها..

الهدف هو ترسيخ صورة ذهنية بعينها.. وأحيانا بيكون الهدف إلغاء صورة ذهنية تانية.. زى إعلان سياحى تانى لإسرائيل بتظهر فيه قبة الصخرة..

77Math. said...

دلوقت بس طريتِ ع قلبي

77Math. said...

آخر زمن

بقى يبرد قلبنا انهم شالوا خريطة من ع الحيطة

هـــــــــئ

مواطن مصري said...

ههههههههههههههههه لندن



لندن


ههههههههههههههه طيب


عشان بس تسمعو كلامي لمما بقول ان الدولة الدينية = الدولة العنصرية

جبهة التهييس الشعبية said...

اكتر حاجة بتعجبني: الكلام المترابط

مهندس حر said...

بمناسبة د. عزمى بشارة و هو مهتم بتأصيل مفاهيم و مصطلحات الصراع للكشف عن عمليات تزييف الواقع بتسمية أشياء بغير إسمها و غير ذلك من أساليب غسيل المخ اللى بنتعرض ليها كل يوم..

المقال التالى نشر له فى الشروق منذ أسبوع:

http://www.shorouknews.com/Column.aspx?id=42778المقال طويل و ربما لا يتاح الوقت للجميع لقراءته لذا أقتبس الفقرة التالية:

[يطرأ ارتباك هائل عندما يأتى من ليس لديه صفة تفاوضية وليس مخولا للتفاوض باسم حركة تحرر أو حزب او دولة للقاء شخص آخر لديه مثل هذه الصفات. الأول يحاور حوارا غير ملزم لأحد إما بنية حسنة، أو ليتسلى، أو ليشتهر أو ليؤثر فعلا لأهداف معينة، أما الثانى فيفاوض باسم جسم أو بشر خوّلوه تمثيل قضية. وكل ما يقوله يحسب عليه. فنجد مثلا صحفيا أجنبيا أو مثقفا ليبراليا إسرائيليا «مؤيدا» لحقوق الشعب الفلسطينى يطالب حاكما عربيا أو قائدا فلسطينيا بتنازلات لإرضائه أو لينقلها إلى رأيه العام، فيما هو غير مخول بتقديم أى تنازلات.. فهو يحاور فقط بصفته الفردية. فى مثل هذه الحالة يتحول هذا المثقف أو الصحفى الى أداة تطبيع علاقات، تبدو كأنها متكافئة وهى غير متكافئة. كما يتحول إلى أداة فى خدمة بلده إذ يجلب تنازلات سياسية من خصم دون أن يستطيع تقديم مقابل أى مقابل لا شىء.]

و ده بيوضح الفكرة وراء الرفض القاطع و المطلق لأى نوع من التطبيع حتى مع المعارضين و دعاة السلام من الإسرائيليين.. طبعا بخلاف إن أى مثقف إنسانى التوجه لا يمكن أن يحمل الجنسية الإسرائيلية اللى هى فى ذاتها إنتهاك لحقوق إنسانية..

TAFATEFO said...

عندك حق يا مواطن

بس تعمل ايه في الأغبيا ولاد التيت .. بالأصالة عن نفسي أعلن اني من هنا ورايح هسمع كلامك

أكيد في عظة في الآخر

مهندس حر said...

يا إخوانا هو ليه نرفض نتعلم من اليهود.. دول حتى ولاد عمنا..

يعنى مش همه فزوا فى وش العالم كله و قالوا إزاى تسمو الأنفلوانزا دى أنفلوانزا الخنازير قوم تانى يوم كل الناس بقت بتقول إيه إتش وان إن وان..

و بعدين هوه مش المثل القديم بيقول الزن عالودان أمر من السحر..

جبهة التهييس الشعبية said...

هم ليه فزوا في وش العالم وقالوا كده؟ ايه الضرر بالنوسبة لهم يعني

مهندس حر said...

عشان يا ستى لحم الخنزير محرم عندهم!!!

غريبة مش كده؟؟

يعنى مليار و نص مسلم ما عملوهاش بس اليهود بيحبوا قوى يحصلوا على أدلة إحترام لديانتهم و عقائدهم حتى فى توافه الأمور..

طريقة تفكير و جايبة نتيجة!

مواطن مصري said...

و النبي يا نوارة مش دول اولى ب المساعدة



شكرا عمر الليثي و الي رفع الفيديو الحمد الله على النعمة الي هو فيها


http://www.youtube.com/watch?v=0Ytf6aXp9Zg

جبهة التهييس الشعبية said...

يعني هو عشان الخنزير حرام عندهم مش عايزين حد ينطق اسمه؟

طب على كده دول لو كان عندهم خنازير كانوا عملوا لها هولوكوست هم كمان

ده مش احنا اللي مجانين بس

طب الحمد لله، الواحد كده حس بونس

بدراوى said...

الكويت طلع فيها انفلونزا

بدراوى said...

طبعاً
اقصد انفلونزا خنازير
مش حاجة تانية

ههههههههههههههههههه

مهندس حر said...

درة من درر أوباما من حديث ليه مع النيوز وييك..
فى إجابة عن سؤال حوالين معتقلى جوانتانامو و اللى قرر إن بعضهم لازم يفضلوا محتجزين لمدة غير محددة و دون محاكمة

You've got a situation where, in some cases, individuals should not have been detained, but after having been detained for six years may not have a very friendly view towards the United States

أنت فى موقف فيه حالات لأفراد لم يكن ينبغى إحتجازهم و لكن بعد أن تم إحتجازهم بالفعل لمدة 6 أعوام ربما لا يشعرون بود كبير تجاه الولايات المتحدة..

الله يا باشا.. حطلى خط تحت لم يكن ينبغى إحتجازه.. أصلا يعنى .. و بعدين لما إحتجزناهم و إستمتعوا بضيافتنا الكريمة جدا لمدة 6 سنين بحالهم فهمه ربما و خدلى بالك من ربما ما يكونوش فريندلى جدا و لاحظ جدا تجاه الولايات المتحدة.. قوم إيه بقى..

ما توديهمش محكمة تحكم بإطلاق سراحهم لأنهم أصلا متاخدين غلط و غلط دى تشمل حالات تشابه أسماء و إشتباه على أسس غير موجوده.. و بالتالى يبقى نخليهم عندنا فى ضيافتنا قيمة سنة - خمسة يمكن عشرة و يمكن أكتر دى حاجة بقى يبقى الرئيس القادم ينظر فيها هوه إحنا هاناخد زمانا و زمن غيرنا..

اللى ليه مزاج يستمتع بمزيد من الدرر الحوار هنا..
http://www.newsweek.com/id/197891/page/1

مهندس حر said...

إنتى ما سبقلكيش خدتى بالك القنوات السعودية و الإماراتية بترجم خنزير إزاى فى الأفلام الأمريكانى..

مهندس حر said...

يا مواطن إعمل حملة تبرعات و أنا ها أبعتلك مساهمتى على جابر إبن حيان..

بس خليها بعد إمتحاناتك..

بدراوى said...

الحوار مع اوباما
بالعربى كاملاً

http://newsweek.alwatan.com.kw/Default.aspx?pageId=127&mgdid=757714

مهندس حر said...

بدراوى
------
تصدق أول ما شفت الصورة قلت هو الراجل ربى شعره إمتى؟ و بعدين لما مسحت النضارة لقيتها حاجة على الحيطة..

يعنى يمكن ما يربيش شعره بس أكيد ها يربيلنا الخفيف..

مهندس مصري said...

يعني هو أوباما حيستلف من عندنا ترزية القوانين بتوعنا
و لا عنده الترزية بتوعه ؟

مش حيفرج عنهم و حيفضل حابسهم بدون تهمة و بدون محاكمة لإنه خايف يكون في نيتهم يهاجموا أمريكا

يا خي ...

مهندس حر said...

لأ المفروض تسأل نفسك إذا كان راجل طيب طحن زى أوباما فى بلد ديموقراطى طحن زى أمريكا ها يعمل قوانين تسمح بكده..

أمال قانون الإرهاب اللى بيطبخوه بقاهم 5 سنين عندنا ها يبقى شكله إيه؟