Thursday, 21 May 2009

We only seem to waterboard Muslims



لنك الخبر اهو، انا كان لازم اترجم الفيديو بس تعبانة باختصار
البت الشقرا دي جمهورية باين عليها، بتدافع عن التعذيب والراجل ده بيهاجم التعذيب وبيحكي على موضوع الووتر بوردينج اللي هو انهم يغطوا وش المسجون وينزلوا عليه مية بحيث يحس انه بيغرق، او يغطسوه في مية: بق بق بق عشان يعترف
بيقول ان مقاتلين من الجيش الامريكاني في فييتنام اتعرضوا للووتر بوردينج وان ده تعذيب وبعدين بيتكلموا عن نانسي بولوسي بتاعة الكونجرس وفي ادارة اوباما اللي ارتبكت في اقوالها بخصوص معرفتها بامر التعذيب، في الاول قالت هم ما قالوش وبعدين قالت هم قالوا بس ما فسروش، هبلت يعني، فهو بيقول لها لو من الاول ما عذبناش الناس ما كانش المأزق ده كله اتعمل، التعذيب تعذيب، لو ح نتكلم بوصفنا دولة فيها قانون التعذيب مش قانوني، راحت البت الشقرا قالت له بس دي اساليب معترف بيها وخالد الشيخ محمد ما اعترفش غير لما اتعذب! فهو قال لها لا، خالد الشيخ محمد كل اللي قاله كان قبل التعذيب، وبعدين قال لها: لو الووتر بوردينج حاجة كويسة، ليه مش الشرطة مش بتستخدمه مع المشتبه فيهم عشان تستخرج منهم المعلومات، لو الووتر بوردينج حاجة كويسة ليه ما استخدمناهوش مع مفجري اوكلاهوما عشان نعرف اذا كان لهم شركا وللا لا؟ فالست اللي جنبه قالت له: اه صحيح ليه؟ قال لها: انت بتسأليني، الظاهر اننا مش بنعذب غير المسلمين. راحوا مغلوشين عليه زي ما ح تشوفوا في الفيديو، وفي الاخر بيقول لها اديني ديك تشيني اعذبه ساعة وانا اخليه يعترف بانه قتل شارون تيت (ممثلة امريكية اتقلت في السبعينات) ده تلخيص مش كل اللي في الفيديو  

23 comments:

مواطن مصري said...

بصي يا نوارة انا مفهمتش حاجة بنسبة 40 في المية


اة و الله التعليم الخاص لية مساوىء بردو


بس الي فهمتو من الراجل انو ضد الحدود في العراق انا متفق معاة

انا مع ان كل واحد يخلية في بلدة يحمي حدودة جوة بلدة ميتدخلش في شئئون الدول التانية


انا فهمت كدة صح يا ريت الترجمة

:)

mido said...

رابط الفيديو ؟ عشان أقدر اشوفه

د / ماهر محمود said...

أنا مش عارف ليه بتستعملي الفاظ فيها شتيمة مع إني شفتك رقيقه وخجوله شفتك وانتي بتقرأي وثيقة تفكيك إسرائيل
ياريت تهدي الشتيمة شوية حتي لو بتشتمي العنصرية

بهجت الاباصيري said...

يامواطن يا مصري ..... انت طلعت منك اوت المرة دي ..... وايه حكاية التعليم الخاص دي ..... قصدك متحدي الاعاقة ياعني ؟
عموما البتاع دا بيتكلم علي وسائل التعذيب اللي كان بيستخدمها الامريكان عشان انتزاع الاعترافات من المعتقلين .... والرجل اللي شبه هولك هوجان بيقول ان ده تعذيب وغير اخلاقي وغير قانوني ... وما بيطبقش الا علي المسلمين .... واللي يقول ان الوسائل دي ضرورية فهو بيسال ليه ما بنطبقهاش في السجون الامريكية علي الامريكان ..... وقعد يقول انا خجلان من بلدي ... وعلي الطلاق بالتلاته مش ها سيبهم لانني مستقل ...... واللي يحبنا ما يضربشي ناي

دا ملخص الفيديو ..... علي قد فهم واحد بصمجي زيي

وتصبحوا علي خير

Lunatic said...

1. i wanna thank this guy for being sincere.
2. this blonde is a bitch.

Pink said...

@ ميدو

الرابط يظهر عند انتهاء الفيديو

http://www.youtube.com/watch?v=FSra-McRZEc&feature=player_embedded

حمل برنامج فلاش بلاير لتشاهد الفيديو هنا

هندسة وصفية said...

:)
سيبك من الاربعين في المية

انه ضد الحدود في العراق

ممكن تعرب الجملة دي يا مواطن
علي كدة الراجل ده من مباحث مكافحة الحدود
دانت بتلوش بقي
سمعت كلمة بوردينج و العراق
بقت مكافحة الحدود

Pink said...

السيدة الشقراء هي
Elisabeth Hasselbeck
أحدي مقدمات برنامج التوك شو
"The View"
أمل الرجل فهو
Jesse Ventura
من ابطال المصارعة السابقين و الحاكم السابق لولاية مينيسوتا و معروف بميوله الديمقراطية وأراءه السياسية المعتدلة

Servant of Christ said...

حتي أوباما مش عاجبكم؟

الصورة اللي سيادتك فرحانة بيها ووضعاها علي صدر المدونة ملهاش اي معني .. وطبعاً الراجل لسه ملحقش يكمل كام شهر عشان حضرتك تحكمي عليه إنه "كلب" .. ولا هو عشان ساب دين الله الحنيف وبقي مرتد؟؟؟

حرية إيه وزفت إيه اللي انتي بتتكلمي عنها بقي؟؟

فعلاً العرب ظاهرة صوتية !!

lastcrazyboys said...

أباصييييري ..انت مية مية

اهم حاجة في البقين اللي قلتهم "شبه هوجن"..انا ذات نفسي كنت متجنن من علاقة هوجن بالسياسة ..ده مراته سايباه وماشية مع عيل صغير..محدش يسألني ليه

الراجل بيتكلم عن التعذيب البدني ..والمستخدم في انتزاع الاعتراف ..والبت اللي زي لهطة القشطة اللي فيهم ..بتقول ماهو المفروض الناس دول أعــداء الوطن
وهو بقى شايف ان المفروض بقى طيب نستخدم الوسائل دي محليا..ونغطسهم في المية وكلام من ده
أو بلاش الاتنين بتوع تفجيرات اوكلاهوما
ماهما اعداء وطن
وقام راقعها البق المفيد
احنا مبنستخدمش التعذيب غير مع المسلميييييين..بس
انا مكسوف اني من الوطن

ورغى بقى في كذا حاجة وديك تشيني هو اللي عدو الوطن

هي طبعا : لأااااااااده حسين أفندي ابن الحاج وهدان، أنا عارفاه ده لا يمكن يكون من أعداء الوطن".

وحاجات كتييير

بس اللي يهمنا البق اللي هو قاله

احنا مبنغطشس غير المسلمين في المية عشان نطلع منهم اعترافاااااات
=========

هو انا مش جهبذ بس اللي عرفت استلقطه

إلا بالحق انتوا سمعتوا اللي حصل

مش العيال بتوع الجامعات مش هيمتحنوا يوم 6/4

وفي دكتووور واحد....بس من اللي قالولهم متجوش..همس في ودانهم اصل في شخصية مهمة جاية

ألا انتوا ..اتعرفوش يا ولاد ..يطلع مييييين؟

جبهة التهييس الشعبية said...

طب والنبي الكابتن ده الواحد يرد عليه يقول له ايه؟

الواد منصور، ما بيجمعش

حرية ايه وزفت ايه؟
انا اقول لك

حرية اني يبقى لي رأي في اوباما واني ما احبوش زي ما انا عايزة واحط الصورة اللي انا عايزاها في مدونتي

والزفت ان واحد زي حضرتك يدخل يخرف بكلام طائفي مريض ما يخطرش في بال واحد عمره العقلي خمس سنين


ربنا يخلي لك اوباما وتتربى في عزه

lastcrazyboys said...

طــب تصدقي إني كنت فاكرك احسن من كــده

بقى عشان الواد غلط تقومي تدعي عليه ..وتقوليله "تتربى في عزو"..لأ..وايييه منقية الموضوع اللي بيتكلم عن التكريم اللي هيستحقه ..وهيناله باذن واحــد أحــد
===

ملحــوظة صغنتوتة ..التعليق ده مش على موقفي من اوباما..عشان محدش يمسكها عليا بعدين
موقفي هو هو ..
بس الطريقة اللي هو عايز يفرض بيها رأيه استفزتني تخلي الواحد يقوله

طب د........أم اوباما
على اللي حطوه

مهندس حر said...

البت الشقرا فعلا جمهورية تيبيكال.. الولية اللى على يمين الأخ فينتورا (يساره بالنسبة للمشاهد).. ستاند أب كوميديان مشهورة و ديموقراطية .. اللى جنبها أهم الموجودين ووبى جولدبرج ممثلة و ناشطة نسوية و الغريب إنها ما تدخلتش فى الموضوع بس أكيد لأن كلام الراجل عجبها و سابته يقطع البت إليزابيث و أهو على أساس إنه ضيف و ماشى إنما هيه قاعده فى أرابيزها..

إنتى بالفعل ترجمتى تقريبا كا اللى إتقال..

نانسى بيلوسى رئيسة الكونجرس الترجمة الحرفية لمنصبها هى المتحدث بإسم الكونجرس بس فى أمريكا ده معناه رئيسة الأغلبية الديموقراطية فى الكونجرس و المتحدثة بإسمها و فى نفس الوقت ترأس الجلسات و خلافه..

الموضوع بتاع الست دى نكتة صحيح لأنها فى الأول قالت ما حدش قالنا إن فيه تعذيب.. بتوع السى آى إيه قالوا: لأ عملنا بريفينج .. يعنى إخبار موجز بالمعلومات و قلنالهم.. قوم هى رجعت تقول هم قالولنا بس كانوا بيخطرونا بس مش بياخدوا رأينا و بعدين هما قالوا ممكن يعذبوا و ما قالوش إنهم ها يعذبوا فعلا..
They didn't say they would. They said they could!!!

مهندس حر said...

فيه حاجة ممكن تكون كويسة فى الفيديو.. فينتورا بيعلق على تسمية التعذيب بوسائل الإستجواب المحسنة!!
Enhanced interrogation techniques
و ده المصطلح اللى إخترعه ديك تشينى و فينتورا بيقول : ده تعذيب و أنا ما يهمينيش المصطلحات اللى تشينى يخترعها عشان يغطى لا مؤاخذة مؤخرته..

الراجل مش بيقل أدبه لأن يغطى مؤخرته مصطلح عادى و معناه يخفى أخطاؤه..

المهم إن المصطلح نفسه بتستخدمه إدارة أوباما حاليا و معظم الميديا الأمريكية..

و على فكرة منفذ عملية أوكلاهوما أو أى مجرمين أو إرهابيين يتم إستجوابهم داخل أمريكا ما كانش ينفع إستخدام التعذيب ضدهم لأن ده كان ها يتيح ليهم إنهم يرفعوا قضية و يكسبوها و ياخدوا براءة من التهم الموجهة ليهم.. و ده السبب الرئيسى اللى خلى الأمريكان يعملوا معتقل جوانتاناموا لأنه فى قاعدة أمريكية على أراضى كوبية مغتصبة و بالتالى ليس على أرض أمريكية قانونا بخلاف حتى القواعد الأمريكية الأخرى فى أى مكان فى العالم..

mido said...

Pink : أصل أنا داخل موبايل و مش شايف الفيديو علي الأوبراميني

كنز أيامى said...

كلامك مظبوط يا نوارة و elisabeth hasselbeck دى جمهورية اصلى و كانت بتقدم مؤتمرات العاهة سارة بالين و الناس دى بتكره اوباما كرهنا لشارون

Zeinobia said...

Elisabeth Hasselbeck دى واطية
و مكروهة اقوى كمان
يا نوارة اللحظات دى مش اقوى لحظات تالقها الجمهورى
فى لحظات اقوى
الست دى مستفزة بالفعل

دودو said...

المذيعة الشقرا دى كنتى عايزة تشوفيها وهما بيناقشوا الحرب على العراق
او سحب القوات الامريكية من العراق
او اى حاجة من الجرايم اللى المخفى بوش وادارتة عملوها
بتدافع دفاع اعمى ومستميت
لدرجة ان ممكن تقومى تولعى فى التلفزيون من كم العنصرية وقلب الحقايق

مدير التحرير said...

البنت الشقرا طول بتموت حب في جورج بوش الابن و بدافع عنه طول الوقت في البرنامج و تسببت في طرد مذيعة كانت ضد الحرب على العراق من البرنامج

soreal said...

and the funniest thing is:
this overly republican Elisabeth Hasselbeck actually voted for obama during the last election


back in the 80s, someone i knew told me about "el masra7 eltanfeest".. where you can criticize the government to make the viewers feel good about them selves, and eventually end up doing nothing about it

so to me, par from the entertainment value, what happens in "the view" is only an act, at least as far as the presenters concerned

i3lam tanfeesy ya3ny...

فتاه من الصعيد said...

البت الشقرا دى اصلا مستفزه...وعنصريه
وفعلا هما بيعذبوا المسلمين علشان جوانتانموا موش ارض امريكيه دى قاعده عسكريه ولا تخضع للقانون الامريكى....وكمان امريكا بتعمل ما يسمى بالمعتقلات السريه فى بلاد مختلفه وبتعذب فيها....ويا ريتها ترسى على الواتر بورد
دمتى بخير....تقبلى مرورى

Pink said...

البنت الشقراء
البنت الشقراء
البنت الشقراء
؟؟؟؟؟؟؟؟؟؟؟؟؟
هذا الوصف تكرر من بعض المعلقين و المعلقات
للعلم فقط و بعيد عن آراءها المتطرفة
Elisabeth Hasselbeck
زوجة و عندها طفلين و حاليا حامل في الثالث , و هذه هي الحسنة الوحيدة انها تعتني بمظهرها كأنثي و لم تترك العنان لزيادة الوزن بحجة الحمل و الولادة. اقول هذا حتي اثير بعض من دوافع الغيرة عند بعض السيدات الآئي يهملن في مظهرهن و خاصة الوزن بمجرد الزواج او الحمل او بحجة "اصلها الجينات" و كأن الجينات لا تبدأ عملها الا بعد الزواج و الانجاب

فهلاو said...

لازم تقرى تقرير اللوا تاجوبا الاصلى فيه اسم المترجم المصرى
المهم من كل ده هو ذكره لاسماء الشركات الاسرائيلية اللى كانت بتدير عمليات التحقيق لصالح المخابرات الامريكية
غريبة طبعا وجود شركات تقدم خدمات من النوع ده بس ده معروف فى امريكا
والشركة دى فيها شركا بيديرو شركة بتدير السجون فى امريكا نفسها
وثيقة التحقيق المتطورة اللى اوباما فتح باب التحقيق فيها ونفسه يجيب رجل تشينى ويدخله السجن شاركت فى وضعها نفس الشركة دى
الشركة دى دربت ضباط امريكيين على اعمال الملاحقة وحرب العصابات مستخدمة مسرح عمليات معمول مخصوص للمخابرات الداخلية الاسرائيلية
طب ايه اللى وصل المصريين اللعبة
سؤال لا يجيب عنه الا تحقيق بحجم التحقيق اللى اجراه الجنرال تاجوبا
ومراجعة قوايم المصريين اللى خدمو فى شركات تقدم خدمات عسكرية
ده مخالف للقانون عندنا بالمناسبة