Sunday, 17 May 2009

الهي تتسخط خنزير مصري يا اوباما

حاضر يا حملاوي ح سبريد ذا وورد
اوباما ح يزود الفلوس والمعونة العسكرية اللي ح يبعتها لاسرائيل، امال فين الازمة الاقتصادية؟
لسة صاحية ع الصبح ع الخبر اللطيف ده 

10 comments:

مهندس حر said...

صباح الخير.. عالصبح..

سيبيك من الزيادة اللى طلبها أوباما فى الميزانية.. شوفتى إملاءات الكونجرس المتضمنة فيها؟

1- دعوة الإدارة لإحترام إدعاءات إسرائيل الخاصة بالقدس.

2- حظر إقامة مكاتب أو وكالات أمريكية فى القدس الشرقية تقوم بأى تعامل رسمى مع السلطة الفليسطينية.. و حظر عقد أى لقاءات مع مسئولين من السلطة دى فى القدس الشرقية.. و ده عشان ما حدش يشم من قريب أو بعيد أى شبهة إعتراف أمريكى بأى حق للفلسطينيين فى القدس الشرقية.

3- أى معونات مقدمة للسلطة الفليسطينية متروكة لتقدير الست هيلارى و عليها إنها تضمن للكونجرس أن السلطة ستبقى معترفة بإسرائيل و محاربة للإرهاب و مستعدة لإنهاء حالة الحرب مع إسرائيل.

4 - حظر أى مساعدة لخدمة البث الإذاعى و التليفزيونى الفليسطينية - التابعة للسلطة؟؟؟

طبعا لا يوجد أى ذكر لطلبات أو إشتراطات خاصة بإسرائيل أو الضغط عليها بأى شكل عشان تتكرم و تتعطف و تتنازل و تيجى على نفسها و تقبل حل الدولتين..

نسيتى تقولى و يبقى فى الخصوص منوفية تحديدا.. عدلى حسين ما بيعرفش باباه..

lastcrazyboys said...

وانتي مااااالك انتي

ليش حشرك بس ..انا نفسي اعرف

المدير العام بقى ..مش مدير صغنتوت زي بتوعنا

او "الجنرال مازنجر" على رأي اللمبي..وبيبعت الايراد لمجلس الإدارة

مش انتي اللي عماااالة تبعتيلنا في نظريات
وأفلام..بتقول انه ماهو إلا أداة ..طب راجل بيجري على اكل عيشه ..و"وفساتين ميشو اكيد متنسيهاش"..هنسيب شغلنا بقى ..ونقعد نمقق في حاجات الناس

بطلوا وركزوا في رزقكم ..ومبتبصوش لحد عشان ربنا يكرم

يساري مصري said...

نواره يا نواره
خدي دي هتعجبك :D
http://www.gaberism.net/2009/05/17/we-will-kick-ur-ass/

عبد من عباد الله said...

يا جدعان و احنا مالنا هى كانت فلوسنا !!!

احنا بنتعامل معاه على اساس انه قريبنا مثلاً !! او على اساس اننا احنا اللي انتخبناه و بنقوله بقى من حقنا عليك انك تعمل اللي احنا عايزيه !!

اتمنى انكم تقروا قصيده " من اوباما إلى العرب شعوباً و حكاما .. " لاحمد مطر .

Rania said...

ده لينك ملهوش علاقة بالبوست بس حبيت اعرضه عليكي وتقبلي اعتذاري للخروج عن الموضوع:

http://www.youtube.com/watch?v=a72FfurX0oM

جبهة التهييس الشعبية said...

من ناحية فلوسنا فهي فلوسنا طبعا
بترولنا وقطاعنا الخاص وضرايبنا كمان

انت ما تعرفش ان ضرايبنا بتروح للبنك الاحتياطي العالمي كفوايد للسلفة اللي هو اصلا واخدها من بترول العراق ومديهالنا

فلوسنا
اه فلوسنا طبعا

عبد من عباد الله said...

يعني دي ضرايبنا احنا بس ؟! كمصريين يعني ولا دي كل الدول كده ؟

يعني لو كل الدول كده يبقى بالطريقه دي من حقنا نقول لاوباما لأ و لروسيا لأ و انجلترا لأ و كمان الصين بلاش تستعبطي في القرارت بتعتك احنا دي برده فلوسنا يعني ..

و هو برده بقى من حقه يقول لمصر لأ و اوروبا تقول لمصر برده لأ ... ده غير بقى لو حتكلميه على الفلوس حيقول امال المعونه دي بتعمل ايه سعادتك فلوس ايه يا ام فلوس ..... ده حيبقى كلامه طبعاً .

و بعدين حتى لو كان كده شوفي احنا فين و اليهود فين ؟ شوفي كام يهودي واخد جائزه نوبل و هما كام واحد على بعض اساساً على مستوى العالم و شوفي كام عربي و كام مسلم واخدين جائزه نوبل ؟! شوفي هما الجامعات عندهم فين و احنا فين ؟!

لما نبقى احنا اقوياء صح اول واحد حتلاقيه بيقولنا رضاكم لو سمحتوا هو اوباما او اللي زي اوباما يعني .

جبهة التهييس الشعبية said...

اي دولة مديونة لامريكا ضرايبها بتروح فوايد الدين ده

http://video.google.com/videoplay?docid=7886780711843120756&ei=JxwQStjXFKiQ2wLH_ay7AQ&q=the+obama+deception

ومالناش حق ننطق عشان احنا سالفين منهم فلوس

انت
انت كبيني ادم بتشتغل وتدفع ضرايب وتدفع الزبالة على الكهربا مع ان شركة الزبالة متوقفة عن العمل بقالها شهرين
انت شفت من الفلوس اللي احنا استلفناها اي حاجة؟

انا راضية ذمتك

عبد من عباد الله said...

ههههههههههه و الله بمناسبه الزباله على الكهربا دي انا لحد دلوقتي لسه مشفتهاش ، مش بتجينا زباله على الكهربا خالص ( مش عارف يمكن احنا نضاف اوي ) ..... يا ريت بس ميكنش حد سامع الكلام ده لحسن الفاتروه الجايه الاقي زباله مصر كلها محسوبه عليا ..


انتي بتقولي ان الضرايب دي بتروح فوايد الدين ده ... اوك يعني دي مش تبرع مننا ليهم يعني او منِه احنا منينا بيها عليهم المفروض يعني ان ده حقهم بالقوانين و الحاجات دي ...

اما الفلوس اللي احنا اخدناها دي اللي انا معرفش هى كام بظبط او بفايده قد ايه و لا اي تفاصيل عنها ... بس كوني انا حسيت بيها و لا هى نفعتنا ولا لأ ولا هى اتصرفت في حاجات ضروريه و لا راحت في حاجات ملهاش لازم و لا ناس سرقوها الله اعلم بقى دي حاجه بقى انا معرفهاش الحقيقه ..

زي ما انا معرفش يا ترى احنا خدنا منهم معونه بجد ووصلتنا فلوس و لا ده كلام على ورق و في الاعلام و احنا مخدناش مليم و بيضحكوا علينا اساساً ... بنفس الطريقه انا برده معرفش ضرايبنا دي بتروح ليهم و لا برده لأ و كلام على ورق و في الاعلام و مفيش حاجه بتوصل ....... حقيقي الله اعلم بس انا بتكلم على اللي المفترض انه صحيح و ان الكلام ده مصدق ..

و ارجع تاني و اقول كون اني اديت لبباكي فلوس وهو مدهاش ليكي مثلاً فدي مش مشكلتي انا ..... فاهمه قصدي ؟

معلش انا عارف اني واجع دماغك

مهندس حر said...

بغض النظر عن البنك الإتحادى الفيدرالى و عن القروض و فوايدها.. أمريكا واكلة فلوس العالم فى كرشها بشكل بسيط جدا.. المواطن الأمريكى عايش فى بيت بالرهن العقارى و نايم واكل شارب و بيتفسح بالدين على الكروت الإئتمانية اللى بتضمنها بنوك أمريكية بتبيع الديون دى فى صورة أوراق مالية بتصدرها و بيشتريها ناس من كل مكان فى العالم و أهمهم صناديق سيادية لدول عربية و بنوك مركزية فى العالم كله منها البنك المركزى بتاعنا.. يعنى إحنا دخلنا و مواردنا السيادية بترول و ضرايب و قناة السويس بتروح أمريكا يشترى بيها واد أمريكانى جاكوزى يحطه على حمام السباحة و يتصور فيه هو و الجيرل فريند قوم إنت تدخل تشترى أم الفيلم و تدفع فلوس تانى بدل ما تشترى حوض قدم أو حتى يكون عندك حمام تحط فيه حوض القدم أو شقة فيها حمام من أصله..