تحديث، اللي فوق ده تعقيب الاستاذ محمد سيف الدولة على وثيقة تفكيك اسرائيل
انا محرجة، بس ح انزل الفيديو اللي اتكلمت فيه عن وثيقة تفكيك اسرائيل عشان فيه صورة السيد حسن، وعشان الوثيقة طبعا :) تصوير ايمان بدوي
ايمان بتحمل تعليق الاستاذ محمد سيف الدولة على التلخيص واول ما تحمله ح ينزل
انا حبيت اقول لكوا حاجة، قريتوا الخبر ده؟
عيب علينا
المفروض كانت تيجي مننا، احنا الفقرا واللي مفروض نحس بالفقرا، اسرائيل عايزة تحسن صورتها، ما داهية بقى عرب يروحوا يلتحقوا بالجامعة دي على النت، ما انا عارفة عرق النتانة ده
المفروض ان اكاديميين عرب يعملوا الجامعة دي على النت، لان تخيل بقى اسرائيل ح تنزل علم ببلاش؟ اكيد لا، ح تقعد تزور في التاريخ وتعمل زي الناس في دماغ العالم ببلاش وكمان محملاهم جميلة
15 comments:
برافو نوارة بجد برافوووووو مجهود رائع وفكر محترم وثقة بالنفس واحداث منظمة ووثيقة مجمعة بصورة تجبر من يستمع اليها للأنصات للنهاية واستخدمتى نفس الأسلوب الغربى فى شرح وجهة النظر دون أهانة أحد الأطراف أو المساس به
جعلة الله فى ميزان حسناتك وكل من ساهم معك فى كتابتها وترجمتها وتدقيقها
عزيزتى
الهدف دائما اذا أحسن وضع اسسة وخطة تنفيذة سيتحقق فى النهاية
تحياتى وتمنياتى بالتوفيق وشكرى وتضامنى معك
مبروك
استاذه نواره
النت عندى زفت ولا بعرف شوف اى فيديو
بس انا صوت على الوثيقه من فتره وخليت كل العيله تدخل وتصوت عليها عجبنى فيها انك مستشهده ببنود من القوانين الدوليه
بالنسبه للخبر....لما المليونيرات العرب يفضوا من رمى فلوسهم على نوادى انجلترا وجميلات الكليبات يبقوا يفكرو فى الفقرا
مجهود رائع
دمتى بخير....شكرا لمرورك
لما تفضى إدينا لينك للموقع اللى الوثيقة عليه..
جهد رائع ليكى و لكل من شارك.. و رغم إنى مش دايب فى دباديب السيد حسن نصرالله إلا إن صورته حلوة فى مكانها الطبيعى و هو فعلا رمز من رموز المقاومة و رمز للإنجاز اللى ممكن تحققه..
وثيقة تفكيك اسرائيل ماهي على جنب المدونة يا يا راجل
لا مؤاخذة يافندم العتب على النضارة قعر الكوباية بقى..
أنا دخلت و بصمت بصوابعى العشرة بس برضه طلع توقيع واحد.. هههههههه
جارى إرسال اللينك لأصدقائى و معارفى و الكل كليلة.. و شكرا مرة تانية على مجهودك..
برافو بس بقولك اية ما تبعتي نسخة انجليزي للست الي شبهة الساحرات الي بتجبيها هنا دي و تقرائها
يعني على اساس الوثيقة متبقاش جوة العالم العربي
او انتي ترجميها ل انجليزي في فيدو ب اليو تيوب
!!اصدقيني القــول ..ليكي يد في الكلام ده
===
خبراء مصريون يطالبون بإخضاع أوباما للفحص الطبي لدى زيارته
May 14 2009 21:30
بعد مشكلة ايجاد المكان الذي سيلقي منه الرئيس باراك أوباما كلمته التي سيوجهها الى العالم الإسلامي من مصر، ظهرت مشكلة جديدة تتعلق بخضوع الزائر ومرافقيه لفحص انفلونزا الخنازير أسوة بالقادمين الى مصر من أمريكا.وذكرت صحيفة “المصري اليوم” في عددها الصادر امس نقلاً عن مصدر رسمي ان أوباما والوفد المرافق سيخضعون للاجراءات المتبعة من قبل رئاسة الجمهورية، بينما فريق التأمين إذا كان قادماً عبر المطارات أو الموانئ العادية، ستطبق عليهم اجراءات الحجر الصحي المعتادة
ولم تشر الصحيفة الى طبيعة الاجراءات، إلا ان الصحيفة نقلت عن خبراء مصريين انهم طرحوا اسئلة تتعلق بمدى خطورة هذه الزيارة وتسببها في دخول فيروس انفلونزا الخنازير الى مصر، باعتبار ان الولايات المتحدة ضمن قائمة الدول التي حدثت بها حالات وفاة بسبب الفيروس.ونقلت الصحيفة عن خبراء مطالبتهم بضرورة خضوع أوباما والوفد المرافق له، والذين يقدر عددهم بنحو 1000 شخص، للفحوص الطبية قبل دخولهم مصر، معتبرين ان عدم خضوعهم للكشوف الطبية يعد جريمة في حق الشعب المصري، لإمكانية نقل العدوى عن طريقهم وقالت الصحيفة ان جميع الشخصيات المهمة الأجنبية القادمة من الدول التي ظهرت فيها حالات اصابة بانفلونزا الخنازير وعددها 33 دولة يخضعون للحجر الصحي ولم يتم اعتراض شخصية مهمة طوال الفترة الماضية
وكان البيت الأبيض قد اعلن ان أوباما سيقوم بزيارة مصر بداية الشهر المقبل لكي يلقي كلمة قد وعد بها الى العالم الإسلامي توضح الخطوط العريضة لسياسة إدارته تجاه دوله ومجتمعاته.وأعلنت السفارة الأمريكية أنه لم يجر تحديد المكان الذي سيلقي منه أوباما كلمته بعد.وتشير تقارير مصرية الى ان وفداً دبلوماسياً وأمنياً أمريكياً زار القاهرة هذا الاسبوع لم يتوصل الى قرار بشأن المكان المناسب لكي يلقي منه أوباما كلمته في حين اشارت بعض التسريبات الصحافية الى احتمال ان يلقي أوباما كلمته من منتجع شرم الشيخ على البحر الأحمر
======
إلا صحيح سا ست نوارة ..هو موضوع " الوسيكة" ده ممكن يجيب نتيجة..ولا من بــاب "أهــو ..بنعمــل اللي علينا
"
ربنا يجعله في ميزان حسناتك يا نوراة
بغض النظر عن الوثيقة
انتي جميلة بجد :)
أنا نشرتهم عندي برضه
و تصوير الأستاذة إيمان حلو والله
و كويس إنك إلتزمتي بالنص و ما إتخانقتيش مع النظام العربي كله
@lastcrazyboys
سؤال إن كانت الوثيقة ممكن تجيب نتيجة ده مهم..
بس قبل ما نسأله فى أسئلة تانية زى إيه نوع النتيجة اللى إحنا عايزينها و إيه المدى الزمنى اللى إحنا متوقعين الوصول للنتيجة فيه..
إذا كان الصراع بصور مختلفة عمره أكتر من قرن و إذا كان جبهة من أهم جبهاته هى عقول و قلوب المراقبين اللى منهم كتير مؤثرين و أقصد بيهم شعوب العالم اللى ممكن يكون لبعضهم أثر مهم..
لو حطينا الكلام ده فى إعتبارنا فوثيقة من هذا النوع و جهد زى المبذول فى مدونة الهولوكوست الجديد و جروب الفيس بوك و كتير كتير من المبادرات الفردية و الجماعية المماثلة كلها بتصب فى المجهود الحربى على جبهة العقول و القلوب.. لو إكتسبنا فى كل يوم مؤيد جديد لوجهة النظر العربية أو حتى جعلنا مؤيد للصهيونية يتشكك فى أخلاقية خياره ففى مكسب تحقق و فى تراكم كمى مع الوقت قد يفرز تغير كيفى فى صالح قضية الشعب الفلسطينى..
المدى الزمنى ليس ذى أهمية فى قضايا الشعوب لأن الشعوب لا تموت..
انا اول مرة اخد بالي اني باقول: الفلستيني
مين الشعب الفلستيني ده؟
:)
فيديوهات مهمة جدا
وفكرة اننا نعملها انجليزى ممتازة و الله
ياللا شدى حيلك يا نوارة
وانا اجى اصور على طول
لازم تشوفوا الفيديوهات
والله يكرمك نوارة حطى الفيديو التالت
اللى عن رفح المصرية وحصار غزة
دة مهم قوى برضو
ايمان بدوى
مهندس حرّ
أنا أشكرك جداً على كلامك المهم ..و الذي كان في عقولنا بالفعل وقت إعداد هذه الوثيقة ,
أريد هنا أن أضيف إلى كلامك و أعيد و أكرر ما هو معلوم لكل صاحب فكر , أنّ هذا الكيان المسخ الماثل أمامنا , كان في يوم من الأيام , مجرّد فكرة مستحيلة في عقل رجل واحد ثم اجتمع عليها عدة رجال و نساء و اّمنوا بها دون أن يستندوا إلى أية حقوق إنسانية أو أخلاقية إلى أن وصلت إلى ما هي عليه الاّن .. و من يظنّ أن إسرائيل أصبحت أمراً واقعاً باقٍ ما بقيت قباب القدس و أجراس بيت لحم , هو شخص عاجز اّثر أن يكون من أمة شاهدة على الأحداث فقط لا فاعلة أو مؤثرة .. يراد لنا الان أن نمحي ذاكرتنا و أن نؤمن بأبديّة فكرتهم و بحقيقتها و بأحقيتها .. و هذا ضد العقل و ضد قوانين البشر و الطبيعة .. غداً أو بعد غد أو بعد عشرات السنين , هذا الواقع المشوّه لن يبقى أبداً ما دام هناك من يريد تصحيح الأمور و إعادتها إلى نصابها , ما دام هناك مؤمن بحق و ساعٍ إلى ترسيخه في ذاكرة أمة يراد لها أن تكون عالة على البشرية بعد أن كانت منارة .. هناك فينا من أصبح يسخر من حقوقه ,,و هذه كارثة الكوارث ..هذا إعلان موت جماعي .. يجب أن نكسب أنفسنا الاّن و أجيالنا غداً ..بترسيخ هذا الحق و المطالبة به ما دامت الشمس تشرق .. و ستعود فكرة قيام اسرائيل إلى أصلها .. فكرة حقيرة كانت خطأ في حق الإنسان و الطبيعة ...
المهم ألا نيأس و ألا نكلّ نملّ أو نستسلم ..و أيضاً ألاّ نعتمد على أنظمة الخصيان العربية هذه .
تحياتي لك و احترامي و شكري الجزيل .
مهندس حر
==
شكــرا جزيل الشكــر على توضيح الرؤية ..ولكــن تقدر تقول انه زاد هما إلى همي ..بدلا من أن يفرج عنيكلامك زي ما يكون عايز يشدني تاني لحلم أنا كنت خلاص ..مش هقول استسلمت ..ولكن كنت نويت خلاص ارمي فيه الحجر
http://lastcrazyboys.blogspot.com/2007/11/blog-post_1655.html
كنــت قد قدمت أوراق ترشيحي في جماعة " الميكافيليين الجدد" لأنهم قالوا لي ان هذه البلاد لا تقبل أقل من هذا المجموع
لكن يبدو انني رُفضت - كالعادة- ..لأنه يبدو إني "مش وش نعمة"..وهتفضل قطرات الحلم دي تطاردني حتى آآآآآخر المطاف
يا سيدي..في حقبة الناصية كان الناس يعيشون على حلم..ويصحون عليه..وكانوا على ثقة منه
في عهد السادات..هو قال لهم: سيبكم من الشعارات ..ويا تلحق يا متحلقش
حاليا..الناس ماشية بمبــدأ الشعار لغاية معينة..وهو ده الأوسخ..سامحني في التعبير
باختصار انا مش عايز اكمل مسيرة ابويا ورفاقه ..ابويا ده راجل عاش الحلم ..ومعرفش يلحق فسابهم
بس مشكلته انه لسسسسة عايش الحلم
ابويا مانهرش -قدامنا على الأقل- غير تلات مرات ..يوم وفاة الشعراوي..ويوم ما مات أخوه اللى رباه..ويوم خصخصة "عمر أفندي" شوف الكوميديا السوداء لحد فين
واحد بينهار عشان بيخصخصوا عمر أفندي..!!! ساعتها مفهمتش انه الشيب اللي في شعره هو اللي انهار لما اتضح انه كان على بخخخخ مفيش
جدير بالذكر ان ابويا ده كان من الناس القلاااائل ..اللي في زمن العولمة ..لسة بيجيب حاجاته من عمر أفندي ..تخيل ليه
عشان حلم عبدالناصر بأن الفلوس دي تاخد دورتها وترجع......للشعب
============================
نـــــوارة
====
بغض النظر عن فلستيني "..ولو اني مخدتش بالي منها ..أقدر أقول بجد إني صعقت..وصدمت ..وبدون مبالغة..من طريقة القاءك
لم أتوقع ان لسة في حد بيعرف يتكلم بهذه اللباقة ..واللغة المتمكنة
هي كلمة "دولي" هي اللي خدت بالي ..والأصح بفتح الدال ..لا بضمها
"ولو ان كده بتمشي"
واسمحي لي أن اضيف إلى القابك بعد هذا التشبث بالأمل..
بالاضافة الى نوارة الانتصار
نوارة المقاومة..والانتظــار
Post a Comment