Sunday, 3 May 2009

يا شباب اتفرجوا عشان خاطري

انتوا ما اتفرجتوش على الفيلم ده ليه؟




انا مش عارفة اذا كان فيه سابتايتل عربي للفيلم وللا لا، بس هو الفيلم اصله مش مسألة شتيمة في اوباما حيث ان اوباما ما يخصناش الفيلم جايب صورة حسني مبارك وبيتكلم ازاي باع مصر، ازاي مضى على اتفاقيات عشا يبيع البلد وايه اللي خلاه يعمل كده
هو اساسا طبعا مش احنا اللي نهمه، اللي يهمه انه يكشف مجلس الاحتياطي الاتحادي
وبيقول كده:
In 1947 they settled a parallel shadow government through the national security act, from 47 on, the national security state began a long process of absorbing federal and state bureaucracies, on the same time undermining the constitutional power of congress and dominating the executive branch. By controlling the issuance of currency and credit the private federals reserve was able to buy up most of the fortune fife hundred. And if a company wouldn’t sell, the bank would unleash federal regulators to run them out of business. Private central bank in Europe, the United States in England took tax payer money and loaned it over thirty percent interest the third world nations. The bankers within bribe the leaders of these countries not to pay back the loans the third world puppets sign on agreements stating when the country defaulted the bank will be given all the natural resources and the infrastructure of the one sovereign lands. But worst of all, the countries would pledge the future taxes paid by the people in perpetuity as profit to the private banks.
في عام 1947 قاموا بتأسيس حكومة ظل موازية من خلال قانون الأمن القومي. من سنة 1947 وما بعدها، بدأت دولة الأمن القومي عملية طويلة لامتصاص المؤسسات الفدرالية والبيروقراطية للدولة. وفي ذات الوقت، قامت بتحجيم الدور الدستوري للكونجرس وتفعيل الدور التنفيذي.
ومن خلال التحكم في إصدار العملة والائتمان، تمكن الاحتياطي الاتحادي من شراء معظم ثروة الخمسمائة. وإذا امتنعت إحدى الشركات عن البيع، يقوم البنك بإطلاق العنان للمشرعين الفدراليين لتحطيمهم.
البنك المركزي الخاص في أوروبا، بنك الولايات المتحدة في إنجلترا، أخذا أموال دافعي الضرائب وأقرضوها بفائدة تزيد عن ثلاثين بالمائة إلى دول العالم الثالث. يقوم البانك برشوة قادة هذه الدول (وراحوا جايبين صورة حسني مبارك) حتى لا تدفع البلاد القرض. ومن ثم، يوقع "الدمى" قادة العالم الثالث على اتفاقية تنص على شرط جزائي في حالة عجز الدولة عن سداد الدين فيسضع البانك يده على كل الموارد الطبيعية والبنية التحتية لدولة ذات سيادة. لكن الأسوأ من ذلك كله، هو أن هذه الدول تقدم ضمان وهو الضرائب المستقبلية المدفوعة من الناس بشكل دائم كفائدة للبنك الخاص.
يا شباب اتفرجو الفيلم مهم

16 comments:

الكلمة نور said...

الفيلم مش شغال

جبهة التهييس الشعبية said...

ماهو انا عملت حسابي وحطيت له لنك على كلمه: ده ليه؟

لو مش عارف تفتح اللنك كمان افتح جوجل فيديو واكتب

the obama deception

الكلمة نور said...

وصلت سعادتك من غير تأتيت
وانشالله ميرسى

مصعب صلاح said...

السلام عليكم
موضوع رائع
بس احنا عارفين من زمان ان سونة باع البلد
وعلشان كده هو حبيب أمريكا واسرائيل
تقبلي مرروي

lastcrazyboys said...

التحميل شغال ..بس اول خمس دقايق فيه بيقولوا انه عايز تركيز ..مش أواخر الليــل

---
وعلى العموم خدي الخبر ده ..عشان تطلعي من جو الكآبة بتاع اليومين دول
ورغم تحفظاتي ..لكن عمري ما بدخل تصوراتي الشخصية
ومشاعري تجاه أحد في الحكم على اعماله
كمان
صحيح كمان أناملقتش الخبر في الموقع الرسمي
بتاعه..بس مين عارف
www.arabtimes.com/portal/news_display.cfm?Action=&Preview=No&nid=3851&a=1 -

حسن على said...

البوست دة تهنئة يعيد ميلاد عم عوكل الحرامى وولدة مشرط... والسؤال هو : هما قشطوا الاجزخانة باستعمال "عنكب" ولا الحاجة زوهرة"؟؟؟؟"

ahmedyosry21 said...

the video is not working ya shamlola!

ahmedyosry21 said...

the vedio does not work "ya shamlola"

Anonymous said...

بجد انتى شاطرة يا نوارة وكلامك صح عادة ازا ماكنش كله

بس انا معلش مش فاهمة اى شىء معلش يعنى انا مش زكية زيكم ياريت تفهمينى اكتر لانى عايزة افهم بجد وضحى اكتر

جزاكى الله خيرا يا نوارة

جبهة التهييس الشعبية said...

انا عن نفسي مش ذكية

مين ذكي بييجي عندنا هنا؟
:)
لو شفتوه في المعركة اقتلوه

بصي يا ستي

الفيلم على بعضه بيتكلم عن ان اوباما ده لا هو صاحب قرار ولا حاجة

وان من سنة 47 والعالم محكوم بمؤسسات رأسمالية عمالة تتغول وتكبر وهي حاطة في خطتها انها تشتري العالم بالناس اللي فيه
بحيث تبقى الثروات اللي في العالم كله ملك مجموعة صغيرة جدا من الناس يتعدوا بالعشرات مش اكتر
وبقية بلايين البشر يبقوا بيشتغلوا عندهم حاجة كده زي عبيد واللي مش ح يشتغل ح يموت من الجوع او بغيره

وبيشرح ازاي ان معقل الناس دي في امريكا وفي البنك الاحتياطي الاتحادي بالتحديد

وان اوباما او غيره ماهماش غير اقنعة للنظام ده، هم اللي بيقوموا الحروب، هم اللي بيدعموا ناس ضد ناس واللي ما يرضاش بالنظام ده ينضرب على دماغه ويتجاب ارض

اشتروا كل حاجة في امريكا ومافيش "فعليا" حاجة اسمها ملكية خاصة

اي مواطن امريكي عايش في بيت وعنده عربية ممكن في اي لحظة يترمي في الشارع لان كل الحاجات دي من املاك الناس دول وهو شغلته يدفع لهم ضرايب واقساط بفوايد

وده هو النظام العالمي الجديد اللي اعلن عنه بوش الاب سنة تسعين

البنك الاتحادي ده بقى عايز يشتري كل ثروات العالم التالت وبناه التحتية وباللفظ كده: يستعبد (عبودية حقيقية مش مجازا) السكان في المنطقة دي

بيعملوا ايه بقى؟

بياخدوا ضرايب المواطنين الامريكان ويدفعوها كسلفة لدول العالم التالت

قادة دول العالم التالت اللي بتستلف بتاخد رشوة في مقابل انها تعمل على تخريب البنى التحتية بحيث البلد ما تقدرش تنتج وتسدد الديون اللي عليها

في نفس الوقت القادة دول بيمضوا على اتفاقيات تقول ان في حالة عجز الدولة عن سداد الدين تكون البنى التحتية والموارد الطبيعية في الدولة مملوكة تماما للبنك

ودي الطريقة اللي اتباعت بيها مصر
وعشان كده مبارك قاعد على قلبنا
لان لسة فيه حاجات كتير ما اتباعتش

جبهة التهييس الشعبية said...

اه ونسيت اقول لك

ان الفيلم بيقول ان المجموعة دول من الناس عرفوا يخلقوا حكومة خفية تتحكم في الدستور والتشريعات وده من خلال جهاز الامن القومي الامريكي

Anonymous said...

جزاكى الله خيرا يا نوارة وشكرا على الاهتمام والرد

وانتى طبعا زكية يا هانم

Dr.Online said...

يا جماعه الفيلم دا خطير جدا

و الافكار و الاحداث اللي بيطرحها بيقول ان فيه امبارطوريه دكتاتوريه استعماريه بيحكمها اشخاص مبيربطشي بينهم غير الرغبه في السيطره بيعملو مخطط كلنا ماشيين فيه و مش داريين

الحريات ..... الملكيات .... اضربوها في الخلاط و هما هياخدوها مننا و احنا مش حاسيين

معقول فيه كدا

اظن ان كلمة نظرية المؤامره اصلا معموله عشان توصف الموضوع دا و بعد متوصفه بيها يبقى مينفعشي توصف اي حاجه تانيه لأنها ببساطه هتتلاشى و تتقزم امام عملقة المخطط دا

لو هوا صحيح


اللي عامليين الفيلم دا مش بيتكلمو بس

حاطيين ورق و افلام و تاريخ كتير في الموضوع

انا عن نفسي خلاني افكر
و هدور
و احاول اعرف اكتر

الفيلم ممكن ينزل من على يوتيوب كمان

Anonymous said...

English subtitles for the video:

http://subscene.com/The-Obama-Deception/subtitles-76170.aspx

it maybe translated to arabic from any of you translators!

طائرٌ حر said...

انا حملت الفيلم و هو جميل بصراحة,و بيني و بينك لا أدعي إنه جديد لأن المعلومات دي عندي من زمان.. دوري على فيلم زي ده بعنوان Illuminati
الفيلم ده عندي و بيتكلم عن الأصول الماسونية لفكرة النظام العالمي الجديد.. بالمناسبة لو كنتي شفتي فيلم روبين ويليامز Bicentennial Man هتلاقي في آخره بيتكلم عن حكومة العالم
و خدي المقطع ده و شوفيه و تحديدا عند مؤشر الوقت لما يكون 5:43 / 8:44
اللينك:
http://www.youtube.com/watch?v=paYAfXr7VJ4

حكومة العالم.. في النظام العالمي الجديد.. وربنا يستر

Anonymous said...

انا لم أشاهد الفيلم بعد

لكن أتذكر حلقه لأحمد منصور فى برنامج بلا حدود مع خبير أقتصادى صينى
ذكر فيها معلومة مهمة جداً
وهى إن
بنك الاحتياطي الفيدرالي الأميركي
على عكس جميع المصارف المركزية فى العالم لا تملكه الحكومة الأميركية وإنما هو بنك خاص تتحكم فيه بعض العائلات ومعظمها عائلات يهودية

وهذا البنك هو المتحكم الحقيقى فى السياسية الأمريكية والسياسة الاقتصادية فى العالم فهو المسئول عن إصدار الدولار العملة الدولية وسياسة الإئتمان العالمية

يمكن مشاهدة الحلقة أو قرأءة نصها هنا

http://www.aljazeera.net/NR/exeres/3751E695-37AD-43C0-9AE9-D44E1989208D

؟؟محمود؟؟==