طبعا انا مش متأكدة من صحة الكلام ده
1- لأن المصدر الأمني مش مذكور اسمه
2- لأن الخبر ما شفتوش غير على الموقع ده
3- لاني كنت قريت انه ح يعمل الخطبة في جامعة القاهرة ما اعرفش بقى غير رأيه وللا ايه؟
ومع ذلك الخبر ده ينفع يبقى صح
1- لأنهم يعملوها
2- لأنهم ما يعملوش غيرها
3- لأنهم اكيد يعملوها
4- لأنهم قطعا ح يعملوها
5- والله يعملوها
واهو فيه فرشة لحملة على الاخوان دلوقت حاليا مع انهم ما عملوش حاجة حاليا دلوقت، فانا دلوقت حاليا مش شايفة اي سبب حاليا دلوقت يخليهم يعملوا الحملة الفظيعة دي على الاخوان الا ان حلو الملامح ابو الرمش سارح ح يطلع علينا بطلعته البهية الشهر الجاي
اسم الله على مقامه من ساعة ما عتبها وهو جايب الخير في رجليه
(الدنيا يعني)
وكنا ناقصينه ييجي عندنا يتحفنا بنحسه عشان اصلنا بنرفل في السعادة فقال يفوقنا لبعدين نفتكر اننا في الجنة وللا حاجة وننسى اخرتنا
كفاااااية
ما تبسطهاش اكتر من كده
34 comments:
Masrawy.com have posted this topic:
http://www.masrawy.com/News/Egypt/Politics/2009/may/17/negm.aspx
have you red it?, they said that he attacked Mr. Hassan, i haven't seen the TV show.
الحوار لسة ما اتذاعش اصلا
حلو الشبشب ده اللى بتضربى بيه اوباما
:D :D
جرت العادة إن الإخوان يعيدوا فى المعتقل.. يعنى فى كل مناسبة سعيدة أو مش ولابد لازمن و لابد يلموا الإخوان لأنهم ما بيحلالهمش الإحتفال بحاجة من غيرهم.. عشرة بقى و العشرة ما تهونش إلا على ولاد الناس اللى مش كويسين..
و ربنا ما يقطعلهم عادة و لا حتى بعد سن اليأس..
و ايه الحوار الغريب ده كمان ؟
ده مش انا
ده يساري مصري هو اللي عامل البانر
الحوار بتاع المحور لسة ح يتذاع انا ما سمعتوش لسة
بس سألت بابا وقال لي ما قالش كده
الحوار ح يتذاع يوم الثلاثاء ان شاء الله
هو مش المفروض لما اوباما يجى نبين نفسنا متحضرين و محترمين ؟
يبقى ازاى نعتقل الناس كده و نسوء صورتنا قدام الضيوف ؟
!!!
أنا رأيي إن الشبشب ده كان يستاهلوا لما كنا لسة مخمومين فيه لكن بما إنه ما إحتاجش وقت طويل عشان يثبت إنه أسوا مما كنا حتى نتصور فآخره بلغه قديمة نص نعل و كان أصلها بيادة توارثتها عيلة النتن أربع أجيال و آخرهم إتدفن بيها..
طيب ما الاخوان ليهم اتصلات مع امريكا و السفيرة اعلنت ان فية اتصلات مع امريكا
ميدو
----
تصدق إنك راجل طيب؟؟.. نسوأ إيه يا راجل هى صورتنا تنفع تسوء أكتر مما هى سيئة و بعدين يعنى ها نختشى من مين.. مه حتى اللى يتكسف من بنت عمه ما يجيبشى منها عيال..
و إحنا عندنا بدل العيل فريق كوره بالإحتياطى و جماهير الدرجة التالتة كمان..
و بعدين مش نسعمة هيقول اية
ممكن تكوني ظلماة
و الراجل ممكن يكون جاي نيتة خير
مهندس حر :
أنا مش طيب كده :D
أقصد استكمالا للشو الديمقراطى بالافراج عن ايمن نور و العفو عن ابراهيم عيسى و عدم ملاحقة سعد الدين ابراهيم ...الخ
مواطن مصري
انت يابني شرقاوي؟
هو بالقوالة وللا بالافعال؟
واحد قال ح نخرج من العراق ولحس الكلمتين وح يسيب خمسين الف قوات احتلال فيها
قال ح نقفل جوانتانمو ورجع في كلامه وح ينقل معتقلي جوانتانمو لسجون تانية بنفس وضعهم القانوني
يعني مالهمش اي حقوق
هي كانت المشكلة في المكان وللا المشكلة في وضعهم القانوني اللي خلاهم في الوضع ده
قال ح نحاسب اللي عملوا التعذيب ورجع في كلامه وقال ح نخبي الصور وح نعفي الضباط اللي اشتركوا في التعذيب ومش ح نحاسب بوش
امال ح يحقق في قضايا التعذيب عشان يعاقب مين؟ الضحايا؟
قال ح نحل سلام في الشرق الاوسط ورفع المعونة العسكرية لاسرائيل عشرة في المية
يعني هو احنا كل اللي كان مزعلنا من بوش طولة لسانه؟ يعني لو كان راجل مؤدب ولسانه حلو وبيلاقينا ولا يغدينا كان يحتلنا عادي؟
المهم نركز فية شباب هناك في امريكا عشان زيارة الريس حنتيرة
شوف يا مواطن..
فيه نية و دى مكانها القلب..
و فيه لية و دى مكانها طاجن البامية..
الأولانية ما تقدرش تطلع عليها..
و التانية لو حتى ما كشفتش بنفسك على الطاجن ريحتها هاتوصلك فى آخر البيت..
و قديما قال الشاعر..
يا حلو عرفنا نيتك بعد ما بانت ليتك..
المهم عملتي اية في موضوع الخنازير
نوارة صحيح الكلام دة
؟
مصراوي - خاص - هاجم الشاعر احمد فؤاد نجم حسن نصر الله مؤكداً انه أخطأ فى حق المصريين ووصف الكاتب محمد حسنين هيكل بأنه "كذاب" والوطن العربى بأنه "جثة هامدة" وان المثقفين خذلوه متسائلاً "فين المثقفين دول ".
http://www.masrawy.com/News/Egypt/Politics/2009/may/17/negm.aspx
بيقولك في انفجرات في الجيش يا نوارة و انفجار كبير يا ريت تتأكدي
yady el 5arra qa3et el azhar b madenet nasr !!!!!!!!!
ana se2et keda
deh ganbena
ya3ny raye7 feen yad
raye7 2amt7en ya basha
rawa7 lomak yalla mafesh 2emt7anat mesh kefaya saybenko 2a3den fe byotko
da mesh b3eed yhagaro madennet nasr kolaha
انفجار يهز مستودع ذخيرة للجيش المصري
موااااااااااااطن
طيب ما الاخوان ليهم اتصلات مع امريكا و السفيرة اعلنت ان فية اتصلات مع امريكا
تفتكر علشان كده عوكل بيقبض عليهم قبل زيارة أوباما
!!
عايز يغيظ أمريكا مثلاً
!!
نوارة
لو سمحتى قولى لبنت خالتك تفتح المعبر
TAFATEFO
أين أنت
؟؟؟؟؟
المدونة من غيرك ينقصها النكهة المميزة
مهندس
فيه تعليق ما اتنشرش؟
الله يخرب بيتك يا بهيج
الهي نحس اوباما يصيبك
انا مش عارفة قاعد في امريكا لزق في اوباما مش بيرمي عليه اي بلوة من بلاويه ليه؟
معلش يا مهندس
ممكن تكتبه تاني؟
انا ح ادور عليه في الميل عموما
الله ما اكنش مسحته
هههههههههههههههههه
ده تعليق مهندس حر اللي طار حلو قوي
ههههههههههههه
اهو:
شوف يا مواطن..
فيه نية و دى مكانها القلب..
و فيه لية و دى مكانها طاجن البامية..
الأولانية ما تقدرش تطلع عليها..
و التانية لو حتى ما كشفتش بنفسك على الطاجن ريحتها هاتوصلك فى آخر البيت..
و قديما قال الشاعر..
يا حلو عرفنا نيتك بعد ما بانت ليتك
ربنا ياخده بهيج زفت ده..
قوليلى إنك نزلت تعليقات لقيتيها فى الميل عندك و إلا يبقى أنا لازم أغير النضارة.. أنا كل ما أعمل ريفريش ألاقى تعليقات ظهرت فى النص!!
يعنى مثلا تعليق مى ما كانش موجود آخر مرة قبل الرد بتاعك؟
مش الإخوان بس اللي بيقعوا بمناسبة خطاب أوباما
في كلام مش مؤكد عن حد تاني واقع .. مفيش تفاصيل
!!!!!!!!!!!!!!!!!!!
الحملة الجديدة على الإخوان ممكن يكون ليها علاقه .. ودي إشاعه؟؟
الكلام كتير .. وبيكتر
لو حد عارف مين واقع يقول
موقع جبهة إنقاذ مصر بيقول انه عمر علاء وان سوزي قطعت زيارتها للندن
؟؟؟؟؟؟؟؟؟؟؟؟؟؟؟؟؟؟؟؟
اللي سمعته ان لافد مش تمام loved
هو مين التيار الإسلامي .. اللي أعرفه انه في صفوف الإخوان
الخبر مؤكد طبعاً وقضية أمن دولة جديدة وحملات اعتقال للعديد من القيادات .. بس ده في صفوف الإخوان
ايه الأجنحة المختلفة للتيار الإسلامي حالياً؟؟ ومين المعتقلين من صفوف الأجنحة دي؟؟
اة نسيت انا من كام يوم قريت مقال ان الحكومة بتدعم السلفين و شيوخها انهم يظهرو في التلفزيون لمواجهة الاخوان
كلو في الاخر متشددين و النظام لم يتعلم من خطأ السادات
- فيه كلام عن إن القضية الجديدة الخاصة بالإخوان هيتكشف منها عمليات تكوين ميليشيات معدة للتدخل فى أى صراع جديد بين حركات المقاومة ضد إسرائيل سواء فى غزة أو جنوب لبنان؟؟؟ الأخ خالد بتاع اليوم السابع قال إن المصرى اليوم هاتتكلم عن حاجة زى دى بكرة..
- الحكومة بتفكر من مدة إنها تكتشف علاقة عملياتية بين الإخوان و حماس و عندها أمل إنها تربط من خلال العلاقة دى بين الإخوان و إيران و حزب الله..
- ليه؟؟؟؟؟
- لأن إيران و حزب الله ده يبقى دراع مرسى بتاع إسرائيل و إسرائيل ماسكة دراع أمريكا و أمريكا ماسكة دراع عووكل.. و عووكل نفسه يطحن الإخوان طحنة نهائية ماحقة عشان يبقى مطمن على مستقبل الواد من بعده.. بس أمريكا موش يحب الأذية و موش سيب عوكل يطحن إخوان مساكين.. بس لو إخوان إعملتوا كومبينة سوا سوا مع إرهابيين بتوع حماس و حزب الله يبقى موش حيلو و عوكل ممكن يطحن إخوان زى ما هو عايز..
- سيناريو تانى أمريكا ما يهمهاش الإخوان و إنشالله يولعو .. بس الحكاية اللى فاتت بتاعة حزب الله ثبت إنها حققت نسبة مشاهدة عالية فى تليفزيونات أمريكا و إسرائيل و بما إن الشو نجح لازم يتواصل مع حلقة جديدة فيها تطورات مثيرة و تقديم أبطال جدد و مافيش مانع من تلميع الوجوه المحلية يبقى مافيش أحسن من الإخوان و أهو همه أبطال محليين ليهم شعبية مطلوب القضاء عليها من خلال ربطهم بالشرير بتاع الحلقة الأولانية..
إيه رأيكم أهو لو ما جاش منى فى التحليل السياسى ممكن ؟أكتب سوب أوبرا و أكسب أكتر..
مهندس حــــر
أرجح السيناريو الثانى
و هذا يثبت
إنك ليك فى التحليل السياسي
TAFATIFO
حمد الله على السلامة
لو إنك بقيت زى الطيف
بيومض فجاءة فتنور الدنيا
ثم ما يلبس أن يختفى
@ مي
الله يسلمك .. ده ايه الدلع ده
:D:D:D
انشالله ميرسي
الإعتقالات بتاعة الإخوان عندنا في دمنهور
الأمن المصري يعتقل 24 عنصرا من الإخوان
الإخوان قالوا إن الاعتقالات تأتي في إطار ما وصفوه بالتعامل الأمني العنيف (رويترز-أرشيف)
اعتقلت أجهزة الأمن في مصر نحو 24 من عناصر جماعة "الإخوان المسلمين, في حملة دهم بمحافظة البحيرة.
وذكرت مصادر أمنية أن المعتقلين يواجهون تهما تتعلق بـ"نشر فكر جماعة محظورة والانضمام لجماعة أسست على خلاف القانون والتخطيط لأعمال تخل بالأمن والسلم الاجتماعي في البلاد".
وأوضحت المصادر في تصريحات نقلتها وكالة الأنباء الألمانية أنه تم إلقاء القبض على المعتقلين أثناء اجتماعهم في منزل أحدهم بمحافظة البحيرة (180 كلم شمال غرب القاهرة)، بينما كانوا يخططون لتنظيم مظاهرات وفعاليات قالت المصادر الأمنية إنها تهدد الأمن الاجتماعي.
وطبقا للمصادر نفسها, عثرت قوات الأمن بحوزة المتهمين على مطبوعات وكتب وأسطوانات مضغوطة تدعو لفكر الجماعة.
في المقابل ذكرت الجماعة أن المعتقلين ألقي القبض عليهم في منازلهم كل على حدة دون أن يصادر أي شيء من منازلهم.
وأشارت الجماعة إلى أن القبض على أفراد من عناصرها يأتي في إطار "التعامل الأمني العنيف معها.
وذكرت الجماعة في موقعها على الإنترنت أن المعتقلين من مدينة دمنهور عاصمة محافظة البحيرة وأبرزهم المهندس أسامة سليمان وأشرف الكاتب ومحمد الدهبي وأحمد عيد.
ونفت الجماعة وجود أي صفة تنظيمية للاجتماع الذي تحدثت عنه الأجهزة الأمنية, واتهمت الأمن بإلقاء أحد أعضائها من الدور الرابع بعقار بشارع الموازين بدمنهور أثناء حملة الاعتقالات، حيث "أصيب بأربعة كسور بالفخذ والحوض والرجل اليسرى وعظمة الأنف".
في الوقت نفسه تقدم عضو الكتلة البرلمانية للإخوان المسلمين في مجلس الشعب زكريا الجنايني ببيان عاجلٍ إلى وزير الداخلية حول الوقعة، ووصفها بأنها "تعد واضح على القانون والدستور والحريات، وتضاف إلى سجل مصر السيئ في حقوق الإنسان".
وتحقق نيابة أمن الدولة العليا حاليا مع 13 قياديا بالجماعة بتهم وضع خطط لمساعدة ما يسمى بالتنظيم الدولي للإخوان.
يشار إلى أن الجماعة تشغل نحو 20% من مقاعد البرلمان المصري, وتشارك بقوة في انتخابات النقابات والاتحادات المهنية والتجارية والمجالس المحلية.
المصدر: وكالات
http://www.aljazeera.net/NR/EXERES/EF8843D9-819F-422A-9F75-DFD673DBED25.htm
Post a Comment