Friday, 15 May 2009

هم مش كانوا قالوا ناسا كدبت موضوع انشقاق القمر ده؟

امال وانا باتفسح لقيت الصورة دي على موقع ناسا ليه؟
بس بصوا، انا ما باعرفش في الحاجات دي، فمش فاهمة قوي، حد بيفهم يفهمني، ووالنبي بلاش دكاترة ومهندسين حد بيعرف في الحكاية دي بجد يفهمني، مش واحد يستحمرني ويفتي على قفايا، ح اصدقه ويبقى ذنبي في رقبته
ايه بقى؟ ها؟ ايه؟

20 comments:

فتاه من الصعيد said...

هى الصوره دى موش من 2002
اصلى موش بفهم اوى برضه
بس اصلا ما سمعتش انهم كدبوها

جبهة التهييس الشعبية said...

يا بنتي مش ايام ما المسلمين هللوا لها قوي قام طلع كام واحد زي الخازوق، مسلمين برضه، يقولوا ان الصورة دي متفبركة وان ناسا كدبتها؟
طب ماهي موجودة على موقع ناسا اهو

mido said...

أنا شفت الصورة في الأهرام في صفحة الاعجاز _ كذبوها امتي ؟

mido said...

و الصورة مازلت عندي من كذا سنة

جبهة التهييس الشعبية said...

وانا ايش عرفني؟

اهم قالوا في المجموعات البريدية ان ناسا كذبتها
انا شخصيا لا سمعت ناسا وهي بتقولها ولا بتكذبها
انا مؤمنة بقول الشاعر: يا حاسدين الناسا مالكم ومال الناسا

لكن لما حد بعت الصورة على مجموعة بريدية قام واحد تاني اتشملل وقال له بووووووووو دي طلعت كدبة
وبعدين لقيتها اهو على موقع ناسا

Appy said...

يا حجه ادخلى على الدداش بوورد بتاعت مدونه الهولوكست شوفى فيه ايه طالع ليه المسج دي حد يلحق وينقلها انا مش بعرف انقل

This blog has been locked due to possible Blogger Terms of Service violations. You may not publish new posts until your blog is reviewed and unlocked.

This blog will be deleted within 20 days unless you request a review.

مهندس حر said...

ممكن أفهم المسلمين الأولانيين هللوا ليه قوم التانيين إدعوا إن ناسا كذبت برضه ليه؟

mido said...

كدبة ازاي؟ اثر لانشقاق القمر و مازال موجود و الصورة تكدب الغطاس

Sonnet said...

وهو كذلك
بلاش دكاترة ومهندسين
بس انا حبيت أمسى عليكى يانوارة
تحياتى

Sonnet said...

و بالمرة أنا اتفسح فى صورةاليوم من ناسا
http://apod.nasa.gov/apod/ap090515.html

و التى تشبه
face of a staring owl

http://www.usbr.gov/mp/ccao/newmelones/images/wildlife_barn_owl.jpg

مهندس حر said...

ميدو
----
إبدأ من الصفحة اللى نوارة جابت اللينك بتاعها و إمشى ورا اللينكات الموجودة فيها .. هتلاقى صور تانية و كلام..

إذا فضلت شايف إن الظواهر اللى بيتكلموا عنها دى تنفع تكون ناتجة عن معجزة شق القمر.. تعالى وضحلى إزاى..

mido said...

مهندس حر : طب و اوجع دماغي ليه :D‏ حتي لو مفيش أثر للحدث ده أنا مصدق انه حصل

جبهة التهييس الشعبية said...

انا كمان مصدقة
انا بس عايزة اعرف مين اللي بيستحمرني

اللي قالوا ان ناسا قالت
وللا اللي قالوا ان ناسا ما قالتش

الواحد لما ياخد على قفاه يحب يعرف برضه الجيهة اللي عملت كده

مهندس حر said...

أنا واثق إنكم مصدقين زى ما أنا مصدق.. لأن ما حدش مننا محتاج أكتر من الآية القرآنية الواضحة عشان يصدق..

الإستحمار اللى إنتى بتتكلمى عنه ناتج عن هوس و هوس مضاد.. هوس بعض غير المتخصصين اللى بيفتوا بدون علم فى أمور الإعجاز العلمى للقرآن و فى حالات كتير بيستعينو بمواد - صور فوتوغرافية و أفلام فيديو إلخ- يتضح بعد كده إنها متفبركة أو مصطنعة أو ما لهاش علاقة..

الهوس المضاد من ناس كارهة القصة دى من أصلها و معتبرين إن أى مادة يستعين بيها الطرف الأول هى متفبركة و مصطنعة بدون ما يبحثوا أصلا أمرها و بالتالى مستعدين يكدبوا بشكل أهبل و ينسبوا لأى جهة ناسا أو غيرها كلام ما قالوهوش..

إلا همه مالهم المهندسين و الدكاترة ما بقاش كلامهم بيتبلع الأيام دى ليه؟؟ و ألا يعنى عشان مالناش نقابة تحمينا تقوموا تعملوا فينا كده؟؟

lord of darkness said...

اولا انا الحمد لله مسلم و متأكد ان القمر اتشق لان الرسول قال كده و احنا مصدقينه كلنا
نيجى بقه للصوره
ايا كان اللى في الصوره فهو مش مشكلتنا عشان اللى بيعرف شويه انجليزى و يفتح اللينك ده

http://www.astrosurf.com/lunascan/AS10-31-4645.htmlهيلاقى انهم قايلين ان طول الشق اللى فى الصوره دى 300كم بس يعنى هو مش بطول محيط القمر ولا حاجه عشان نقول ان ده الدليل على انشقاق القمر و اصلا فيه صدوع فى الارض زى ده و اكبر منه كمانمعنى كده ان الارض هيا كمان اتشقت
عالعموم كلنا مقتنعين ان القمر انشق
لكن ولا ناسا قالت ده اتشق وطبعا ما رجعتش فى كلامهااللى هيا ما قالتوش احنا بس اللى عندنا ناس بتحب تشتغلنا و توجع دماغنا و خلاص

lord of darkness said...

اولا انا الحمد لله مسلم و متأكد ان القمر اتشق لان الرسول قال كده و احنا مصدقينه كلنا
نيجى بقه للصوره
ايا كان اللى في الصوره فهو مش مشكلتنا عشان اللى بيعرف شويه انجليزى و يفتح اللينك ده

http://www.astrosurf.com/lunascan/AS10-31-4645.htmlهيلاقى انهم قايلين ان طول الشق اللى فى الصوره دى 300كم بس يعنى هو مش بطول محيط القمر ولا حاجه عشان نقول ان ده الدليل على انشقاق القمر و اصلا فيه صدوع فى الارض زى ده و اكبر منه كمانمعنى كده ان الارض هيا كمان اتشقت
عالعموم كلنا مقتنعين ان القمر انشق
لكن ولا ناسا قالت ده اتشق وطبعا ما رجعتش فى كلامهااللى هيا ما قالتوش احنا بس اللى عندنا ناس بتحب تشتغلنا و توجع دماغنا و خلاص

جبهة التهييس الشعبية said...

مهندس حر
هههههههههههههههههه

ح اقول لك بس من غير زعل

اصل احنا عندنا في مصر اعتقاد عام ان المهندس والدكتور بيفهموا في كل حاجة

الدكتور اكتر كمان
الناس بتتعامل مع الدكتور على انه يحيي ويميت

وطبعا الاحساس ده بيتنقل للمهندسين والدكاترة
فتلاقيهم كل حاجة يجاوبوا عليها

انا عندي واحدة صاحبتي بقالها خمستاشر سنة بتتعالج عند واحدة تانية صاحبتي مهندسة

على اساس ان اكيد المهندسين والدكاترة دول جايبين مجموع كبير
يبقى اكيد بيفهموا في كل حاجة

عشان كده قلت بلاش مهندسين ودكاترة احسن لو واحد فيهم قال راي

مجرد رأيه يعني، بني ادم وبيعبر عن نفسه، الناس ح تقتنع على اساس ان ده قرآن

فحفاظا على دماغ الناس يعني

مش قمعا للمهندسين والدكاترة والله

جبهة التهييس الشعبية said...

لورد اوف داركنس

انا كده فهمت

ربنا ينور لك طريقك

Pink said...

هناك شيئين لا استطيع فهمهما
لماذا نلهث وراء الاكتشافات العلمية و نتخذها سببا لترسيخ ايماننا بمعجزات ثبت ذكرها في الدين؟ بدون ان نشعر فاننا نؤكد بالفعل ان ايماننا بهذه الاكتشافات اقوي من ايماننا بما ذكره الله و الا فلماذا ننظر الي صورة ناسا كاثبات علمي علي حدوث معجزة شق القمر ؟
الله العلي القادر علي كل شئ عندما قال كن فيكون و انشق القمر, فهل قدرة الله سوف تعجز عن اعادة القمر الي سابق عهده فنري اخدود مكان انشقاق القمر؟ اريد ان اقول لماذا يجب ان يكون هناك اثر علي القمر لهذا الحدث ؟

elalwy said...

انفضلي مولاتي اقتباسات من موقع ناسا مباشرة
وآخر لمخطوطة هندية قديمة تتحدث عن مشاهدتهم لإنشقاق للقمر
http://egy-yafatma.com/vb/showthread.php?p=82204#post82204