Friday, 22 May 2009

محسن السكري قتل سوزان تميم بسلاح ايران النووي

اغلب الظن، لأن زي ما مي سمعت ابو الغيظ ونقلت عبقريته الفذة لنا عشان تبقى ما بتحرمناش من حاجة، سلاح ايران النووي هو اللي مخلي اسرائيل ما تتخلاش عن سلاحها النووي، مع ان اسرائيل ابدت حسن نيتها اكتر من مرة، اقربها النهاردة لما نتانياهو عبر عن مشاعره الفياضة والمسالمة تجاه العرب حيث قال ان القدس عاصمة موحدة لاسرائيل، يعني الناس اهو، قلبهم زي اللبن الحليب، ومع ذلك ايران بتفشل كل المجهودات العربية واللي من ضمنها تقديم عرض استربتيز لاسرائيل كمكافأة لها على تجميد المستوطنات، خللي الناس تنباساط
وعليه، فغالبا سلاح ايران النووي هو السلاح المستخدم في قتل سوزان تميم، واكيد محسن السكري ده شيعي رافضي، وكمان عاطف المناوي (طبقا لكلام احمد شقير والله اعلم) ده مدسوس من ايران عشان يجيب لهشام طلعت اعدام
على فكرة، هو عاطف المناوياللي جاب لهشام طلعت اعدام، انا سمعته بنفسي عند وائل الابراشي، ووائل الابراشي فقد هدوءه المعهود وكان ح يقوم يلبسه الكرسي عشان بيتكلم كده:
كان فيه يا استاذ وائل قضية من كام سنة، كان فيه ايه؟ قضية من كام سنة، كان واحد وزير في الدولة كبير، كان ايه؟ واحد وزير في الدولة كبير، جه اتحبس واخد مؤبد (بيكتب الكلام اللي هو نفسه بيقوله) اتحبس واخد ايه؟ مؤبد، جات مراته اتقتلت، (بيكتب تاني) جات مراته ايه؟ جات مراته اتقتلت، ومش ح اطول عليك ولا ح اخد من وقتك، جات النيابة تحقق، جات النيابة ايه؟ تحقق، قامت (بيكتب تالت) قيدت القضية ضد مجهول..هاه؟ قيدت القضية ضد ايه؟ قيدت القضية ضد مجهول....لحد ما وائل الابراشي قال له: ايوة يعني ده ايه علاقته بالكلام ده؟
ح اقول لك ح اقول لك... ح اتخصر اهو، قامت بعد كام سنة...بعد ايه؟ بعد كام سنة
طيب هو لو وقف قدام القاضي يقول له:
هشام طلعت..هشام ايه؟ هشام طلعت، بريء، ماله؟ بريء، (ويكتب المرافعة اللي هو كاتبها تاني) وانا ح اقول لك بريء ازاي، انا ح اعمل ايه؟ ح اقول لك بريء ازاي
طب ما القاضي لازم يحكم بالاعدام عليه وعلى موكله وعلى العيلة كلها يعني
وهو غالبا المناوي ده متدرب في ايران، وهو غالبا ايه؟ غالبا متدرب في ايران، عشان يخسر القضية، عشان ايه؟ عشان يخسر القضية يقوم نتانياهو يزعل وايه؟
ايوة بالظبط كده
يدينا اعدام

99 comments:

77Math. said...

ههههههههههههههههه

إعدام إيه ؟

مهندس مصري said...

ههههههههههههه
إيه ؟
ههههههههههههههههههههههههههههههههههههههههه

Ahmed Shokeir said...

تصحيح بسيط يانوارة المحامي ده ماكانش فريد الديب ده كان عاطف المناوي محامي محسن السكري

طالب ثانوى said...

انا حاسس انى مسطول ومش فاهم اعدام
هههههههههههه

جبهة التهييس الشعبية said...

احمد
شكرا على التصحيح

بس على ضمانتك؟ اصلي شفته في برنامج تاني بيقولوا له يا استاذ فريد

انا ح اغير الاسم على ضمانتك
ولو طلع غلط ح اخليهم يمسكوا في رقبتك

طالب ثانوى said...

فريد الديب محامى هشام والمناوى محامى السكرى

رئيس جمهوريه نفسى said...

نوارة فعلا عاطف المناوي كان محامى السكري وفريد الديب كان محامى هشام طلعت زى ما قال الاستاذ أحمد

lastcrazyboys said...

فعــلا يا نــوارة فريــد الديب كان محامي هشلم طلعت مصطفى

انا محسن السكـري ..محاميه هو عــاطف المنياوي

عاطف ايييييه

=======

والله انتي فكرتيني بشخصية بحبها جــدا

شخصية ميييين

شخصية سليمان بيه

سليمان بيه مييين
سليمان بيه غانم


بتاع قوووم اييييه

mido said...

بقولكم ايه شوفوا الفيديو ده و ادعولى

:)))

مواطن مصري said...

لا حول ولا قوة الا ب الله


كل دة من الحر


ابقى شغلي المروحة او التكيف و انتي بتكتبي البوست



انا هقرائة من تاني يمكن انا الي مفهمتش

مى said...

اقربها النهاردة لما نتنياهو عبر عن مشاعره الفياضة والمسالمة تجاه العرب حيث قال ان القدس عاصمة موحدة لاسرائيل،





و إنه كمان معندوش مانع يتكرم و

يقعد مع أى دولة عربية للحوار

و كمان مش حيحط شروط مسبقة عليهم


الله

شوفتوا التواضع


أما بقى بخصوص القدس

دخل مشروع قانون فى الكنيست

إنه مينفعش يتاخد أى قرار آخر

بالنسبة للقدس

إلا إذا حصل على

80

صوت فى الكنيست

البالغ عدد أعضائه

120

و اللى المفروض أى قرار فيه بيمرر ب

61

صوت


يعنى من الآخر كده

إعتبر القدس الموحدة "زى ما قلتى" عاصمته الأبدية


الراجل مش فاضى

عايز يتفرغ هوه و أصدقائه

للخطر النووى الإيرانى

مواطن مصري said...

بس انا بسئل سؤال جة في بالي


لية الوليد باع حصتة قبل نطق ب الحكم في الفور سيزون بأسبوعين

انا سمعت الخبر دة بس مش عارف صح ولا غلط

mido said...

جريدةالدستور : مسئول بمركز معلومات مجلس الوزراء: الحكومة تعتبر التدوين كلام فاضى و12% من المدونين يخفون بياناتهم خوفا من الأمن.

lastcrazyboys said...

mido

روح يا شيخ

الهي ربنا يـ......... ولا بلاش عشان

شكلك داخل على امتحانات
=================

ولا اقــولك روح ومتفوتـش.. إجــابة

حسن على said...

استباقا لحيثيات حكم القاضى المحترم المستشار قنصوة... اجد ان الحكم قد شابة فساد فى التسبيب وخطاء فى الاستدلال مما يستوجب نقضة ,وذلك لعجزة عن بيان الصلة بين مقتل سوزان تميم والسيد حسن نصراللة (مش هو لبنانى زيها برضة)...كذلك لم يوضح الحكم علاقة ايران بارتكاب الجريمة الامر الذى يخالف العرف العام والنظام العم ... وبعدين مقالشى حاجة على حماس ... طب ودة يرضى ربنا يعنى؟؟؟؟؟؟؟؟؟؟؟؟؟؟؟؟؟؟

جبهة التهييس الشعبية said...

ههههههههههههههههههههه

حسن علي

دي مش بس لبنانية زي حسن نصر الله
دي من اصل عراقي
يعني زي مقتدى الصدر
ومش بعيد تكون بعثية شيعية سلفية

اسكت اسكت
الموضوع شكله كبير قوي

بهجت الاباصيري said...

انا مش عارف الناس لا عاجبها ال 7 سنين بتوع العبارة .... ولا الاعدام كمان .... طب ايه المطلوب يموتوه رجما بالبلغ ... سيبوا القضاء يقول كلمته طلع كارت احمر , كارت اصفر ... يقدمله اعتذار علي ورقة بفرة .... القضاء زي ريشه كده لا يمكن يرجع في كلامه حتي لو الكره فاول

وطلعت مصطفي ها يتعدم .... لان القاعدة القانونية بتقول .... اذا كان في الجريمة زينب فان المتهم لا يعاقب .... دا غير ان الاعتراف سيد الادلة .... والدليل قالوله

وبما ان القضية دي فيها سوزان مش زينب
وبما ان هشام قال لمحسن يقتلها .... يبقي الجريمة متكاملة الاركان
طلع بقي فاعل اصلي او تايواني ... مش هيا دي المشكلة
وطبيعي ان اي محامي يدافع عن اللي بيوكله ..... ولا ينام من عشا يا عني

واشوفكم بعد المداولة

lastcrazyboys said...

مـواطــن :

ايه اللي مش واضح بالضبط

ده البوست ..من اوضح الحاجات .على الاقل مفهوش نظرية مؤامرة ..وفيديوهات مكلكعة
وعلى العموم..الموضوع مش موضوع حر
طب نقولها مـ الآخــر يمكن نوصــل لحــل

علم كــان الحـــلم

نايم وانت بتمشي انت...

عليــا كــدب حمــايــا..عليها كدبت حماتي

بيبي فيه لها قالت حماتي لكن
هديــة اداها

بيغازلها كــان حمايا

مواطن مصري said...

انا سمعت ان سوزان تميم شيعية


تنمتى لحزب الله
:DDDD

جبهة التهييس الشعبية said...

لا سوزان تميم سنة
اه والله باتكلم جد
وغالبا بقى دي مؤامرة شيعية
لان هيفاء وهبي شيعية
وللاسف عندنا ناس زي محسن السكري متعاونة مع الايرانيين عشان تشيع مصر فقتل سوزان وخلا هيفاء
شوف الكفر يا اخي

مواطن مصري said...
This comment has been removed by the author.
mido said...

احذروا المد المجوسي

lastcrazyboys said...

انتوا واخــدين الموضوع بهــزار

احنــا فعــلا مش عارفين نوايا إيـران ناحية مصـر "سياسيا"..عاملة ازاي

بس انا ممكن اكون مش بالع حكاية تشييع مصر دي

طب اذا كان من أساسيات المذهب الشيعي ..كره مصـر وبغض أرضها

مواطن مصري said...

السكري كان متصل ب الجماعات المسلحة في العراق لما كان شغال مع ساويرس


المؤامرة بدأت تنكشف الان


:)

mido said...

لست كريزي بويز : كره مصر في العقيدة الشيعية نفسها _ يعني اللي الشيعي اللي يحب مصر يبقي كافر ؟ أنا رأيي انهم عايزين يمجسونا :D

حسن على said...

تطوير الحدث : محاموا المتهمين سينقضون الحكم على اساس ان المحكمة لاتحب البرتقال السكرى واانها مارست ضغوطا على القاتل محسن السكرى لتغير اسمة الى محسن (ابو سرة)ألا انة رفض. فجاء الحكم على هذة الصيغة. اما فريد الديب فسيدفع بان القتيلة كانت العقل المدبر للأخلال بأمن مصر القومى وان الحث على قتلها كان عملا وطنيا من الدرجة الاولى وسيقول الديب للقاضى بلكنة بائعى السمك ووبحركات بهلوانية مشهور بها...وحيطلع رغيف يقطعة على جبهتة ويقول :طب وحياة دى النعمة المتهم قام بعمل وطنى!!!!عايز حاجة بقى؟؟؟؟؟؟؟؟؟؟؟؟؟؟؟؟؟؟؟؟؟؟؟

مواطن مصري said...

القاهرة - محرر مصراوى - أكد الدكتور عبدالرحمن شاهين المتحدث الرسمي باسم وزارة الصحة إنه تم حجز 3 حالات للاشتباه في إصابتهم بأنفلونزا الخنازير فى مستشفى حميات العباسية .
وقال شاهين ان الحالات هى: السيدة ميرام حجاج على "سورية الجنسية" جاءت للقاهرة قادمة من ألمانيا، والطفلة دانيال سيد نادر 4 سنوات "سورية الجنسية"،والسيد محمد أحمد آدم " 22 عاما " عامل من محافظة القاهرة .
وقد اكد شاهين على أنه لا توجد أية حالات إصابة بأنفلونزا الخنازير فى مصر حتى الآن،مشيرا إلى أن نتائج التحاليل لجميع الحالات المشتبه فيها جاءت جميعها سلبية

http://www.masrawy.com/News/Egypt/Politics/2009/may/21/pigs_flu_sus.aspx

مى said...

لو فرضنا إن إيران ممكن و من الجايز

إنها تكون خطر محتمل


لكن بالتأكيد الصهاينة خطر قائم

و حقيقى

مفهوش لبس

فالمنطق بيقول

إنى مينفعش أبداً إنى أحط إيدى معاهم علشان أحمى نفسى من الخطر المحتمل

جبهة التهييس الشعبية said...

لا بجد
انا عايزة افهم الفرضية دي جاية منين؟
ايران ح تعمل ايه لمصر وايه بمصر؟
بجد يعني؟
ح تحتل مصر مثلا؟
يعني ايران دي لو فيها عافية تحتل حد
ح تسيب كل بترول العراق والخليج وتسيب وجع دماغ كردستان وتمسك في مصر؟
ليه؟
عشان مصر فيها ايه يتمسك؟
بجد يعني ايه الغرور اللي احنا فيه ده؟
ثم ايران تحتل حد؟ هي عارفة تمشي؟ بلد تحت حصار بقالها تلاتين سنة، وجنبها احتلال من فوقها ومن تحتها ومن كل ناحية
والامريكان عاملين عليها كماشة
طيب ما تنط على افغانستان يعني لو كان فيها عافية؟ ما طلبان قبل كده قتلوا لهم الدبلوماسيين بتوعهم ورموهم في الصحرا
ما راحتش اخدت بعضها وبلطجت زي امريكا كده وضربت افغانستان ليه قبل وجع الدماغ ده كله؟ ما راحتش نطت على العراق ليه ونكدت على الامريكان اللي قارفينها في حياتهم عيشتها ليه؟
ايه نية ايران من ناحية مصر؟ نيتها وحشة
ناوية تلعب بينا وتمشي معانا ومش ح تتجوزنا في الاخر
هي ايران فين ومصر فين؟
ما نتنيل على وزارة الزراعة اللي مليانة مواد مسرطنة ح تموت الموظفين هناك

مواطن مصري said...

اانا ب النسبالي بعتبر ايران و المتطرفين الصهيونين

و اقباط المهجر من المسيحين المتطرفين اعداء لمصر

mido said...

مكتفها و برده عافرت لحد مسيطرت علي الاقليم كله تقريبا_ارادة

جبهة التهييس الشعبية said...

طيب يا حبيبي

بس انت نسيت الاخوان والجماعات الظلامية

mido said...
This comment has been removed by the author.
مواطن مصري said...

دول تبع ايران
:DDD

جبهة التهييس الشعبية said...

طب والقاعدة تبع مين؟ ايران برضه؟

عزيز عيني said...

هو رأي المفتي مٌلزم للمحكمه ولا مجرد استشاري .... ؟؟؟؟ اصله راجل ناقص وانا عارفه

مهندس حر said...

إيران لا تريد من مصر أكثر من الحاصل حاليا و هو ببساطة إن كل أوراق الضغط الباقية فى المنطقة أصبحت فى أيدها بعد ما فى يوم من الأيام كانت فى إيد مصر .. بس الله يرحمه رمى كل الورق و قال 99%من الورق فى إيد أمريكا..

هل لإيران أطماع فى المنطقة؟

مش بالشكل اللى البعض يحب يصوره.. نظام الجمهورية الإسلامية فى إيران نشأ فى حالة عداء مع أمريكا منذ اليوم الأول.. و نجح فى التصدى للمحاولات الأمريكية المستمرة للقضاء عليه بما فى ذلك حرب الخليج الأولى مرورا بمحاولة إثارة فتن داخلية بين الأقليات الإثنية العربية فى الجنوب و الأزرية فى الشمال و طبعا الحصار الإقتصادى اللى معطل كتير من مشروعات التنمية اللى إيران محتاجاها مع الإضطرار للحفاظ على معدل عالى جدا للإنفاق العسكرى إلخ,,

كل اللى إيران بتحاول تعمله هو مد نفوذها فى المنطقة لتجميع قدر من أوراق الضغط لإستخدامها فى رفع العسف الأمريكى عنها.. و على فكرة ده شيئ مشروع بالنسبة لدولة قدرها إنها تكون قوة إقليمية زيها زى مصر و زى تركيا.. بس فى الوقت اللى إيران و تركيا بيمارسوا دور القوة الإقليمية بذكاء لتحقيق مصالحهم فمصر تخلت عن أى دور إقليمى لما تخلت عن القضايا الإقليمية..

جبهة التهييس الشعبية said...

الحقوا الحقوا الحقوا

http://www.saveegyptfront.org/news/?c=170&a=21338

مهندس حر said...

نوارة
------
إبراهيم داوود كتب فى الدستور الإسبوعى فى شباك تفاصيل تحية للسيد الوالد بمناسبة عيد ميلاده .. المقال جميل لكن ما عرفتش أجيبه على النت..

على أى حال.. رجاءا تبلغى شيخ شيوخ حارات مصر تحياتنا و تمنياتنا بطول العمر و دوام الصحة و ربنا ما يحرمنا من صوته لأنه ما عدلناش كتير فى زمن صمت الخرفان..

جبهة التهييس الشعبية said...

لا وبصوا ده
http://www.jpost.com/servlet/Satellite?cid=1242212436655&pagename=JPost%2FJPArticle%2FShowFull

مواطن مصري said...

هههههههههههههههه الموقع دة شكلة هيتقفل قريب

:)))

مهندس حر said...

و الله أنا قلت كده من ساعة ما مابانش فى الجنازة.. على أى حال كل شيئ ها ينكشفن و يبان..

lastcrazyboys said...

خضتيييييني ..يا شيخة

انا مبقتنعش بالكــلام ده
هاتيلي مصدر تكــون ليه الريــادة..
وحتى لو الجزيرة ..والبي بي سي
وكلللل الاجهزة الاعلامية جابته متوصل بخراطيم

مش هصدق

====
وعشــان كـده احنا اخترناااااه

مهندس حر said...

وماخدتيش بالك من دى؟

http://fr.jpost.com/servlet/Satellite?cid=1242212380830&pagename=JPost%2FJPArticle%2FShowFull

مهندس حر said...

و النبى إقرى الدرر الآتية:

Mubarak's intensive efforts in the international realm during his 28-year rule - including his efforts to advance peace between Israelis and Palestinians and more recently to contain Iranian influence in the region - have not gone unnoticed by his people.

And it is largely due to these efforts that some Egyptian citizens are hopeful that Mubarak's son, Gamal, who is chairman of the ruling party's powerful policies committee, will eventually assume his father's post.

أنا ما ليش نفس أترجمها..

جبهة التهييس الشعبية said...

ههههههههههههههه
ده الحلاق برضه مؤمن زيي ان حسني مبارك مش ح يموت

مواطن مصري said...

اهو حتى الاسرائيلين مش شمتانين


عيبة اوي لما نشمت احنا

:)

مواطن مصري said...

هههههههههه هما قنوات اسرائيلي معلنوش الحداد و شغلو قرأن

جبهة التهييس الشعبية said...

لا
بس انا مش عايزاه يعيا ولا حاجة
ما تضربوش
بس ربنا يهديه
انا عندي امل ان ربنا يهديه ويعرف غلطه بقى، ويعرف انه فضل يعاملنا وحش من غير سبب وانه ظلم الفلسطينيين والسودانيين وانه اتصرف غلط وكان بيصاحب ناس وحشة والناس الكويسة فضل يقرفهم في عيشتهم من غير ما نعمل له حاجة وكان فاكر ان امريكا واسرائيل ح ينفعوه واهم ما عملولوش حاجة واننا غلابة وكان يقدر يرضينا باي حاجة واحنا كنا ح نتراضى ونحبه
هو احنا فيه بينا وبينه ايه؟ مش هو اللي فضل يعاملنا وحش ويذل فينا؟
بس
يعرف كده بس
نفسي يعرف بس انه غلط في حقنا وفي حق ناس غلابة تانيين مالهمش ذنب في اي حاجة هم كانوا الفلسطينيين والسودانيين عملوا له ايه؟ ولا حتى بيكرهوه ولا حاجة
هو اللي كرههم فيه

مهندس حر said...

إيه يا بنتى ده؟

هوه إحنا على ذمته؟ و غضبانين فى بيت أمنا و باعتلنا ناس يصلحونا؟؟

جبهة التهييس الشعبية said...

انا ما شفتش حد شمتان يا مواطن
ده اولا
ثانيا
ايه حتى اسرائيل مش شمتانة؟ وهي اسرائيل تشمت فيه ليه؟ ده خدمها خدمة العبد للسيد
احنا اللي لو كنا ناس وحشة كنا شمتنا فيه لانه اذانا كتير وظلمنا كتير وفضل علينا اسرائيل وبقى يذل فينا ويأكلنا اكل مسرطن ويبيع البلد ويرفد العمال ويشرد الفلاحين عشان يراضي امريكا واسرائيل على حسابنا
كان فاكر انهم هم اللي ح يحموه
مع اننا يعني ما كناش بنكرهه ولا عملنا له اي حاجة خالص، ده حتى في فترة التسعينات الرأي العام كان معاه مع انه عمل جرايم حرب في الصعيد وعذب ناس كتير وقتل بالزوفة ومع ذلك الناس وقفت جنبه
وادي احنا ربنا بيعاقبنا عشان سكتنا وشجعناه على اللي عمله في الناس في الصعيد
ياللا ربنا يهديه ويعرف غلطه بقى
ركب ذنوب وركبنا معاه ذنوب وشيلنا دم ناس ابريا ما كانوش عايزين مننا حاجة غير لقمة ودوا وبخلنا عليهم

جبهة التهييس الشعبية said...

مهندس حر
ههههههههههههههه
ههههههههههههههههههههه
طب والله لو تسمع الناس وهي بتتكلم في كل البرامج عشان تعزي
كأنهم بيتكلموا على جوزهم: مهما نزعل منه ده عشرة تلاتين سنة
هههههههههههه
ههههههههههههه

TAFATEFO said...

looooooooooooooool

mido said...

ربنا يهديك يا نوارة

مواطن مصري said...

ياللا ربنا يهديه ويعرف غلطه بقى



بنت اصول و ناس طيبين



بس انتي ملحظتيش ان فية
:D


بس شيمون بيرز لية ماعلنش هو كمان حداد؟

ديالا said...

والله يانواره انتي عسل بس انا احساسي فعلا بيقول انه خلاص مش فاضل كتير علي فتره حكم الريس واحسن حاجه انك مدعيتيش عليه ودعيتيله بالهدايه قادر ربك يقبل دعوتك لانه بشر زينا وممكن يتوب عن غلطاته وربنا يتقبل

مهندس حر said...

لأ شوفتى فى التحقيق الولية أكيد قالتلهم اللى نعرفوا أحسن من اللى ما نعرفوش.. قوم همه ترجموها إزاى:

the devil that you know is better than the devil that you don't know.

إنما همه قصدهم يهدوا النفوس

جبهة التهييس الشعبية said...

الله، انتوا بتكلموني على اساس اني مجنونة يعني؟
هو لو لا قدر الله يعني لو اي حد اتعرض لموقف زي ده مش اول حاجة بيفكر فيها انه يراجع حساباته برضه وللا ايه؟
مش ده اللي بيحصل مع كل البني ادمين؟
اكيد كل انسان بتجيله لحظة ويندم على اللي عمله ولما يحصل له ابتلاء اكيد بيراجع نفسه
مش كل الناس كده؟ هو يعني معمول من شباشب؟ ماهو معمول من طين زينا
مش يمكن يراجع نفسه؟
اسكتوا انتوا بس
ان شاء الله يراجع نفسه ويعرف غلطه ويعتذر لنا ويرجع كل الفلوس و... مش عارفة بقى ح يصلح كل البلاوي اللي عملها ازاي
بس على الاقل يعني يعترف بيها
ان شاء الله ان شاء الله
بس انتوا ماتقاطعوش

mido said...

أه حيرجع الفلوس

مهندس حر said...

ههههههههههههههههههههههههههه
و الله إنتى بتفكرينى بواحدة قريبتى .. ست طيبة و رأيها إن كل بنى آدم جواه الخير بس على عينه غشاوة و ربك لما يريد يزيل الغشاوة عن عينيه يبعتله بلوى تفوقه..

بس دى عندها 86 سنة و زهايمر..

بطلى فروة الحمل الوديع اللى إنتى متلفحة بيها بقالك يومين دى لحسن ها تفطسينا..

ديالا said...

خلاص خلاص تيجي كلنا ندعي ونقول يارب الريس ربنا يغفرله ويتوب قبل مايقابل رب العباد بس بجد بجد ندعي علي الاقل حتي ناخد ثواب هه قلتي ايه يانواره؟ندعيله؟

جبهة التهييس الشعبية said...

بس يا بهيج

بهيج بيقول لكوا انه من شهرين بعت لي في تعليقاته ان الدكاترة مدين له شهرين وسلوكه تفلسع

عايز يقول لكوا يعني انه له سبق
وعمال يكتب عشرميت تعليق

طيب يا بهيج
اديني قلت لهم اسكت بقى
والدكاترة كمان كانوا عارفين انه ح يحزن على حفيده ويعيا؟
اه
وبيقول لنا اننا شعب فاضي مالوش لا شغلة ولا مشغلة
:)
على اساس انه هو وكيل وزارة يعني

جبهة التهييس الشعبية said...

ديالا
احم
لا ندعيله ربنا يهديه الاول ويرجع الفلوس اللي عليه
وبما انه كده كده يعني تعبان فيلغي الاتفاقيات اللي مضاها كلها واللي خرب بيها بيتنا وخلانا نشحت الهوا اللي بنشمه
ويأمم رجال الاعمال اللي هو اصلا اداهم فلوس من جيبنا
ويفرج عن كل المعتقلين
ويفتح المعبر
ويدفع دية السودانيين اللي قتلهم في الشارع
ويشيل قانون الطوارئ
ويعمل انتخابات
ويوعدنا ان ابنه ابو دم تقيل مش ح ييجي
وبعدين ربنا يتوب عليه ويغفر له

جبهة التهييس الشعبية said...

مهندس حر
86 سنة
:(

جبهة التهييس الشعبية said...

يا بهيج ما اقدرش انزل الخبر اللي انت جايبه ده لاني ما اقدرش اقول: بهيج (اللي هو ماحدش يعرفه ولا يعرف اسمه الحقيقي غيري) سمع ان فيه حد سمع كذا كذا

كده ابقى باروج اشاعات
لما تتأكد من مصدر موثوق ابقى انزل تعليقك

ديالا said...

يانهار ابيض هيعمل كل ده قبل مايموت يابنتي ده عشان يصلح كل ده عايز ولا مليون سنه بصي لا هو يعتمد علي ربنا واحنا بقي نصلح الي اتكسر طب وازاي هنصلحه؟انتي في رايك الي اتكسر ممكن يتصلح؟

مهندس حر said...

إنتى يا بنتى هاتخلينى أسحب ترشيحى ليكى أول رئيسة وزرا بعد أربعين سنة..

إنتى فاكرة إنه لو حب يعدل المايلة ها يقدر؟

و ألا فاكرة إن اللى حضر عفريت يعرف يصرفه؟

lastcrazyboys said...

على فكــرة بقى

بس من غير زعــل
الخبر التاني اهبــل قوي

ايه يعني لما يبعتولي نعي

حاجة رسمية

وبروتكول

قلشت منك ..المرة دي

مواطن مصري said...

متخفيش جمال هيكمل مشوار العبور للمستقبل المجهول
:)

جبهة التهييس الشعبية said...

ههههههههههههههههههههههه
ديالا عايزة تخلص: انت بس اتكل على الله واحنا مسامحينك يا حاج واما نشوف ح نصلح اللي هببته ازاي
هاهاهاهااااااييييييي

لا يتصلح ما يتصلحش ليه؟

ولا مليون سنة ولا حاجة
هم رجال الاعمال الموجودين دلوقت حرامية
وش كده مافيهاش فصال
اقربها هشام طلعت على سبيل المثال لا الحصر
واحد كان بيشتري الارض بملاليم ويطرحها في البورصة وهي لسة رمل ويعمل عليها اعلانات بتاعة مدينتي ويلم فلوس الناس يبني بيها شوية والباقي يصرفه على الانسة سوزان ثم على قتلها
احمد عز
اذ فجأتن احتكر الحديد وهو اسم الله على مقامك كان حتة جربوع ما يسواش تلاتة نكلة
كده يعني
قدامنا حاجة من الاتنين
يا نأمم الناس دي
يا نحطهم تحت رقابة
رقابة قانونية مشددة تمنع الاحتكار ورفع الاسعار وتتحط صناعتهم ضمن خطة تنمية محددة
مش يروحوا يبنوا بيوت للاغنيا ويسيبوا الفقرا في الشارع
وحكاية يرجع الفلوس اللي عليه
ماهو لازم يرجع الفلوس اللي عليه ما ينفعش يتكل على الله وهو معاه فلوسنا، ده لو مات في الكعبة ربنا مش ح يسامحه كده
الاتفاقيات اللي ينفع تتلغي تتلغي
واللي عليها شرط جزائي فيه وسائل كتير للتحايل عليها او وضع قوانين جديدة تحد منها او تعمل رقابة عليها
الفلاحين اللي انطردوا من اراضيهم يرجعوا
ويبقى فيه مشروع قومي عشان يسهل تجميع الجهود
وليكن ممر التنمية وللا حتى تشجير مليون فدان في سيناء وده مشروع قديم مش عايزين يعملوه عشان اسرائيل مش موافقة
مع انه ح يغير خريطة المطر في مصر
ومهم جدا
مشروع توشكى ده بقى نلبسه للوليد ابن طلال خليه يشربها
تتحل تتحل ان شاء الله
ومش محتاجة وقت كبير ولا حاجة
احنا اصلنا في البدروم
يعني مافيش اسوأ من كده
واي تحرك في صالحنا
عارفة لما بيت يبقى وسخ قوي وتقفي تقولي يعني انفض الاول وللا امسح وللا اكنس
اي حاجة ح تنفع لان اي حاجة ح تبقى نضافة ماهو البيت مجلخ اصلا
على الاقل اول حاجة تعمليها تطلعي الزبالة
اهي دي شغلانة سهلة وح تفرق في نضافة البيت
اهو احنا كده
لو ابتدينا بس نطلع الزبالة ح تفرق معانا قوي

جبهة التهييس الشعبية said...

لاست كريزي بوي
هو من العادات الدبلوماسية انه يكتب في برقية عزاء رسمية: حاسس بيك يا خووووووييييااااااااااه حاسس بيك يا ضنايييييااااااااا
ده الضنا غالي واعز من الولد ولد الولد يا حبييييييييبيييييي

مواطن
لا ما احنا اتفقنا انه بقى ربنا ح ينور له بصيرته ومش ح يجيب جمال بقى ولا حاجة

يعني يا خبر بفلوس بكرة يبقى ببلاش
جرا ايه لما احلم لي شوية
ده انتوا ناس تنشف بحيرة فيكتوريا صحيح

ديالا said...

طب واجنا يانواره بايدنا ايه ندعي وخلاص ولا ندعي كمان علي رجال الاعمال احنا بجد نعمل ايه تعرفي انا خلاص مبقاش عندي امل في بكره طول ماشويه الناس دي ماسكه البلد(ملحوظه سغيره عشان متفهمش غلط)انا حبي لحسنس حب شخصي)بس مش معني كده اني راضيه عن اسلوبه في الحكم ده اذا كان هوا اساسا الي بيحكم

lastcrazyboys said...

طب ميجيبش جمــا ليه

ايه التناقض اللي احنا فيه النهاردة

مش لسة عمالة تقولي ان اللي بيحصل ده
......فيلم ..كلهم ولاد وسـ

منين بقى مش عايزين جيمي ..مش جيمي ساعتها يبقى احسن الوحشين
من وجهة نظرك بتاعة البيت

واهو عارف دهاليز البيت ..وعلى الله يبدأ ينضف ورا اللي فات

ديالا said...

ايوه صحيح هو جيمي لو مسك الحكم هتبقي ديجه هي سيده مصر الاولي الله ايه الحلاوه دي ده احنا والله هنتظبط وانا هنبقي اخر جمال وحلاوه

جبهة التهييس الشعبية said...

لاست كريزي بوي
ههههههههههه
ده انت كريزي بجد
يا عم ايه التناقض في اننا مش عايزين جمال وانه يصلح غلطه
ماهو اصلا فرض جمال علينا وهو خواجة ما بيعرفش يقول كلمتين عربي على بعض من ضمن اخطائه
هو جمال ده يعرف ايه في حياته
ح نفترض انه ربنا هداه هو كمان
(ياللا بقى انشالله ماحد حوش ماهي الدنيا ليل والواحد بيحلم يبقى نشطح زي ما احنا عايزين)
واتعظ وجاور السيدة نفيسة
ده يفهم ايه في حياته ده؟
يعني انا لا باقول لك نروح نجيب ابطال مقاومة ولا حاجة
ولا حتى طارق البشري ولا محمد سيد سعيد مثلا
بس مش معقولة يبقى عندنا علماء وناس متخصصة في التنمية ونجيب واحد ما يعرفش غير مامي وبابي وصحابي في المدرسة
يعني فاروق الباز عايش وعامل مشروع تنموي وما عندوش اي ميول لاستعداء القوى الغربية اللي احنا بالين هدومنا من كتر الخوف منها
بس بالمعقول
مش ح يقلعنا هدومنا زي دلوقت
وبعدين مش مهندس بيقول لك اللي حضر العفريت ما يصرفوش؟
اذا كان هم العفريت اصلا
وانا كل املي ان العفريت ربنا يهديه وينصرف
ينصرف بامر الله
لا تئذيني ولا ائذيك

مهندس حر said...

lastcrazyboys

جمال مش لسه ها يحكم هوه بيحكم فعلا و آثار حكمه واضحة خلال السنسن الخمسة اللى فاتت..

النتيجة الأكيدة لإستمرار أساليب الحكم الحالية هى إننا كلنا هانكون تحت خط الفقر فى خلال كام سنة و قبل كده ها تكون الفوضى سائدة فى كل مكان.. و لأنها ها تكون فوضى عشوائية فالناس العادية هى اللى ها تكون الضحية فى حين إن النظام ها يفضل مستمر لوقت غير محدد..

TAFATEFO said...

يصلح غلطه.

احنا زي الفل وصاغ سليم

هو ناقص حاجه واحده .. ان أبو مبارك يشوف أم الشعب ويعرف ان هي دي الست الي غلط معاها وجاب منها الشعب زمان وان مبارك والشعب اخوات .. وإذ فجأة يقول لـ مبارك .. وإ فجأتن برضه مبارك يبص للكاميرا .. والشعب يبص للكامير التانيه .. وفي نفس واحد يجري مبارك والشعب ناحية بعض ويحضنوا بعض

ويبقى في واحد شرير واقف فوق ومعاه مسدس ووشه لمبارك .. فمبارك يشوفه هيضرب نار على الشعب .. فيلف بالشعب علشان يفديه من الرصاصه فتيجي فيه

وبعدين طبعاً ييجي أميتاب والمذه بتاعته يغنوا أغنية نهاية الفيلم وهما راكبين الفيل

جبهة التهييس الشعبية said...

صح يا مهندس حر
كلامك مظبوط مية في المية
بس ان شااااااء الله ان شاااااء الله
يتعظوا كلهم ويرحمونا
وينصرفوا
ينصرفوا
واحنا مسامحينهم
لا ح نطلب محاكمتهم ولا ح نهوب ناحيتهم

lastcrazyboys said...

لااااا..انتي حسستيني اني اخترته

انا قلت على حسب نظريتك بتاعة البيت اللي طلعت كلللل الشخصيات ..ولود كذا ..وكذا

وبعدين اطمني مش هيمسك عشان سبب وجيه انتي قلتيه
يفهم ايه ده في الامور العسكرية

ومجابهاش من الشرخ الجواني

ميعرفش الاتوبيس شكله من جوه ازاي

ولا يعني ايه طابور

====

بس مش معاكي في حتة ماما وبابا دي

ميديش حتى..طب بذمتك لما بيطخن صوته زي عزت ابو عوف في المؤتمرات
مبتاخديش بالك البنات بتوع الحزب بيبقوا مريلين ازاي

وعشرميييية بت قبل كده قالولي : انا محبش واحد شخصيته ملغية..بتاع ماما وبابا

مهندس حر said...

دى أنا موافق عليها.. يسيبوها خربانة خربانة بس يخلعوا يروحوا يناموا فى دفى فلوسهم فى سويسرا فى جزر الكيمان مطرح ما يحبوا.. و إحنا بعون الله ممكن نصلح اللى خرب.. يعنى هوه فيه بلد إتخربت و حيت تانى زى مصر؟

مهندس حر said...

أميتاب كبر يا بنى.. ينفع سلمان خان؟

جبهة التهييس الشعبية said...

مصطفى
هههههههههههههههههههههه
المصيبة لجمال يتجوز الشعب مع ان الشعب اخته

لاست كريزي بوي
بنات ايه دول بقى اللي يريلوا عليه بدمه السم الناقع ده
ياللا مش عايزة اغلط فيه وهو مكروب
ربنا يهديه وينصرف ينصرف بامر الله لا يئذينا ولا نئذيه

اشتاتا اشتاتا
يطلع من صباع رجلنا يطلع من عينا يطلع من نافوخنا
المهم يطلع

مهندس حر
لا
يرجعوا الفلوس
معلش
انا ما احبش حد يقلبني في الفلوس ابدا

ديالا said...

يلا يانواره فرصه هايله الفجر بيأذن يعني هتدعي بقي بالي نفسك فيه ويارب ينصرفوا قبل مانصحي في يوم مانلاقيش في دوله علي الخريطه اصلا اسمها مصر ونلاقيها دوله (جيمي وشركاه

جبهة التهييس الشعبية said...

ديالا
وانا مستعدة احبه والله بس يرحمنا

TAFATEFO said...

انتوا تعرفوا إله عند المصريين القدماء اسمه من
min

؟؟؟

مهندس حر said...

ديالا
----
تصدقى أنا صليت الفجر و دعيتله دعوه ربنا يجعلها من حده و من نصيبه

جبهة التهييس الشعبية said...

ييييييييييييي
بهيج بيقول لكوا جمال ما ينفعش يتجوز الشعب لانه لا يجوز ان ينكح ما نكح اباه

خلاص؟
ادخل اتخمد بقى

مهندس حر said...

يا ستى يتجوزه أحسن من اللى عامله فيه من غير جواز.. أهو على الأقل ساعتها ممكن نرفع عليه قضية نفقة و نجرجره فى المحاكم و نفرج عليه خلقه..

مواطن مصري said...

هههههههههههههههههههه بيهج تحفة و الله

الكلمة نور said...

بس فى راجل وشه ابيض طلع امبارح وافتى
انه فعلا مينفعش
بس ينفع الاتنين يبدلوا على نفس التوك توك

وانت عارف ان فى عالم من ابوقتاتة اثبت ان الانسان اصله توك توك

مواطن مصري said...

مهندس حرر بس ممكن يسبق و يرفع طاعة

77Math. said...

مانكح أبوه يا نوارة

لا تلحنوا في عرض الشعب !

مهندس حر said...

فى الحالة دى ممكن نخلعه
هههههههههههههههههههه

مى said...

إحنا بس ندعيله

و واضح إننا سرنا واصل

إحنا إستلمنا

ديالا


إمبارح و هيه طيوبة و أمورة

بتقول بابى سوزى و مامى عوكل

سلمناها بعد الفجر

و هيه بتقوله موت إنت بس و خلصنا

مى said...

محدش سمع الخبر بتاع إرجاء زيارة عوكل لواشنطن

لما جه أول إمبارح فى الجزيرة

؟؟

قالوا

إنه بيطلب من واشنطن

تأجيل

الزيارة لوفاة حفيده

و يدرس البيت الأبيض

إلغاء

الزيارة لنفس السبب



يعنى الراجل طلب التأجيل هما قالوله متشكرين

مهندس حر said...

مى
---
الزيارة إتلغت من إمبارح ده حتى رئاسة الجمهورية أكدت الخبر و قبلها المتحدث بإسم البيت الأبيض..

جبهة التهييس الشعبية said...

ايوة انا لسة سامعة حالا عمرو اديب ان رأي المفتي استشاري
بس قبل كده سمعت مفتي الجمهورية بيحكي ان حصل في تاريخ الافتاء المصري مرتين ان المفتي ما وافقش على الاعدام فلغوا الاعدام
مش عارفة بقى هل اخدوا بمشورته وللا اياميها لما حصلت كان رأي المفتي مش استشاري

مى said...

مهندس حــر

هوه فعلاً خبر الإلغاء إتنشر إمبارح

لكن الليلة اللى قبلها

قالوا

إنه فيه طلب لواشنطن بتأجيل الزيارة

اللى ردت و قالت

و يدرس البيت الأبيض الإلغاء لنفس السبب


فإمباح أعلنوا بصورة جازمة إلغاء الزيارة




أنا صحيح اللاب جديد و معصلج

لكن التلفزيون ماشى تمام

جبهة التهييس الشعبية said...

هو عمرو اديب زعلان ليه؟