Wednesday 29 April 2009

البني ادم يا يبقى قليل الادب يا يبقى غبي ما ينفعش الاتنين

بادئ ذي بدء البزنس هو اللي خرب العالم وعمالين ناخد منه بونيات البونية ورا التانية والناس في العالم عمالة تقول: انتوا ضحكتوا علينا ليه؟ فهمتونا ان الاشتراكية دي حاجة عيب، اهو ماحدش فلت من الازمة غير الدول الاشتراكية، حتى جون ستيوارت عمل حلقتين يموتوا من الضحك على الموضوع ده
مين بقى اللي زي الحمار بيضحك على النكتة بعد تلات ايام؟
احنا طبعا، الناس كلها بتراجع اقتصاديات السوق واحنا لسة بنقول: ح نفتح السوق
فيه كتير دواجن اعدمت وفيه تجار هربوا الدواجن وفيه تجار ما اخدوش الاحتياطات الصحية المطلوبة
وعشان كده كان عندنا اصابات بفلفلوسا الطيور والحكومة اخفتها لان دي حاجة يمكن اخفاءها، احنا تمانين مليون يعني
فلفلوسا الخنازير يصعب اخفاءها بالمرة، لان لو واحد عطس في اتوبيس كل الناس ح تتعدي ودي بتموت على طول ما بتستناش على حد، وممكن في ظرف شهر نصفصف على خمسة بيشاوروا عقلهم
واذا كانت في المكسيك في ظرف يومين موتت 170 اظن احنا عارفين النظام الصارم الحاسم والطبي المتقدم اللي بيحكم مصر وعشان كده المية وسبعين دول ح يموت قدهم عشر مرات كل ساعتين
ده اخطر وباء واوسع انتشارا
قووووووووم قالوا دول كلهم يعني 200 الف خنزير نعدمهم ونخلص
طبيعي الناس اللي مرتبطة بالبزنس ده تخاف، طبعا يعني، اكل عيشهم، مين يرضى بخراب البيوت؟ ماحدش
الحكومة قالت ح ندفع لهم تعويضات، وطبعا مين بيصدق الحكومة؟ طب ايه رأيكوا ان فيه ناس مستعدة يلموا مننا تبرعات ويدفعوا للي بيشتغلوا في مزارع الخنازير، وسبحان الله المخ المصري الاصيل، مش خايفين يموتوا، يعني لو ح يخسر شغله يبقى يموت احسن
كل ده شغال وعادي
ايه ده بقى؟
لا وايه؟
خدوا دي كمان
وقد خلفت الأزمة بعداً طائفياً حيث أعلن عدد كبير من أصحاب مزارع الدجاج عن تنديدهم بقرار الدكتور أحمد نظيف رئيس الوزراء بإغلاق العشرات من مزارع إنتاج الدواجن، بينما لم يصدر قراراً واحداً بإغلاق أي مزرعة من مزارع إنتاج الخنازير.
الله؟ ده انا كنت باهزر، لما قلت "هي الفراخ مسلمة والخنازير مسيحية" كنت باهزر، باهزررررررررررررر
ايه الغباوة دي؟ يعني الاتنين عايزين يموتوا ولا ان يخسروا شغلهم ودي مفهومة، ده تراث مصري حتى في العبارة واحد طلع وقعد يلطم ويقول شقا تلات سنين قالوا له احمد ربنا انك طلعت قال لهم: يا ريتني ما طلعت
بالنسبة لمعظم الناس، بالذات الغلابة، الموت مش اوحش حاجة تحصل لهم، خراب البيوت هو اوحش حاجة
لكن ليه قلة ادب؟
ليه؟
ليييييييييييييييييييه؟
ايه دخل الفتنة الطائفية والدين في الموضوع؟ ويعني ايه نشتكي لاوباما؟ هم فاهمين معنى كلامهم وللا اهي هطرسة وخلاص؟ ماهو لو فاهمين تبقى مصيبة ولو مش فاهمين تبقى مصيبة اكبر، لو فاهمين انهم في كل كبيرة وصغيرة يستعدوا قوة استعمارية على بلدهم، بلدهم، بلدهم، اللي مش ناقصة استعمار كفاية عليها الاستعمار اللي فيها، وان الكلام ده بيوجع حقيقي، وبيحسس الباقيين بالرعب، وبيحطهم في تصنيف الطابور الخامس، وبيعمل اغتراب وهلع، تبقى مصيبة، ولو مش فاهمين ده كله (ووالله العظيم اغلب الظن انهم مش فاهمين اي ابعاد لده كله) تبقى مصيبة اكبر، يبقى اي حد ييجي يبخ في ودنهم ويقول لهم يخرفوا بكلام فارغ وللا يتصرفوا تصرفات هابلة يمشوا وراه من غير ما يفكروا، والمصيبة الاكبر لما تبقى طوائف الشعب المختلفة محكوم دماغها بناس بتوع بزنس، اهو بصوا بقى، مافيش في الدنيا اوسخ من السياسيين غير بتوع البزنس، واحد عايش حياته يلم في فلوس، ده يبقى ايه؟ يبقى ايه الكائن ده؟ الموضوع كله بزنس في بزنس، ورجال اعمال كبار متصارعين وضالعين فيه وعشان كده عايزين يحولوها لفتنة طائفية عشان يهددوا الدولة تقوم ما تضربش مصالحهم ومش مهم عندهم الناس تموت، واول ناس ح تموت اللي بيشتغلوا في المزارع نفسها وطبعا الناس تموت ارخص واوفر لهم، لو رجال الاعمال اللي ضالعين في الموضوع (سواء بقى الدواجن او الخنازير) اعدموا اللي عندهم لازم ح يدفعوا للعمال الغلابة، طب وهم من امتى بيدفعوا للعمال الغلابة؟ دول لو يطولوا يعملوا لهم عقد عبودية مش ح يتأخروا
واحنا دولة فوضى ومش ح يعرفوا يسيطروا على اي حاجة، ده الدنيا بتمطر خمس دقايق مصر بتتحول لمنطقة كوارث، وما عرفوش يسيطروا على انفلونزا الطيور وبقى الحمام الميت واقع في شارع جامعة الدول وفاتح منقاره
طب الخناقة ما بين الدولة وما بين رجال الاعمال والغلابة في النص خايفين على لقمة عيشهم، ايه دخل اوباما؟ وليه قلة الادب؟ دي اسمها قلة ادب، دي قلة ادب، مش ممكن البني ادم يبقى غبي وقليل الادب كمان، يختار حاجة من الاتنين، وحتى قلة ادب غبية كمان
مين الحيوان اللي شار عليهم الشورة المهببة دي؟ واحد اللي يهمه فلوسه وما يهموش ان الكلام ده بيتحفر وبيتخزن وبيطلع وقت اللزوم
طب ما ياخدهم يقابلهم باوباما عشان يسيب كل اللي وراه ويتفرغ لخنازير مصر
(ملحوظة خارج السياق: لو رحتوا خدوني معاكوا يمضي لي اتوجراف واتصور معاه، قبل ما يطردكوا طبعا)

Tuesday 28 April 2009

احلى نكتة سمعتها بخصوص انفلونزا الخنازير

تحديث: لقيت تقرير تاني اهو بيقول ان انفلوانزا الخنازير اتعملت في معمل

في العاشرة مساء اتنين ضيوف مش عارفة اساميهم واحد قال: عندنا ميتين الف خنزير في مصر وانا باقترح اننا نعدمهم فورا لاننا ما عندناش الاستعدادات اللي تخلينا نعرف نسيطر على العدوى
الضيف التاني: لا ده ممكن يعمل مشاكل طائفية
تم ترارارام تم تم
--------------
قريت تقرير اتشال بعد ما قريته بساعتين بيقول ان فيه احتمال يبقى سلاح بيولوجي او ان شركة دوا امريكية هي اللي صنعته عشان تعمل له مصل وتبيع وتكسب
سلاح بيولوجي في المكسيك؟ هم المكسيك كانوا عملوا لهم ايه؟ ما اعتقدش انه سلاح بيولوجي
سواء بقى اتصنع في شركة دوا، وللا سلاح بيولوجي، وللا ربنا نزله علينا
ادي اخرة الظلم والطمع
ربنا يستر، واسرائيل لقوا فيها حالة وبيقولوا في احتمال يكون عدا الناس اللي معاه في الطيارة والناس اللي كانوا في المستشفى
يااااااااااااااااا دي النيلة
ح يقعدوا يعطسوا لنا بقى وينشروا مصايبهم احنا كنا ناقصين
بعد كده ح يضربوا غزة كده: هااااااتشششششش هااااااااااااااااتششششششششش
----------
على فكرة، اعدام الخنازير مش ح يعمل فتنة طائفية ولا حاجة، انا ما اعرفش حد بياكل خنزير الا واحد مسيحي واتنين مسلمين عشان عاملين خواجات، معظم المسيحيين اللي اعرفهم بيقرفوا منه
واللي بياكلوه اكيد مش عايزين يموتوا، ده اكل عادي، زي الفراخ يعني، هو فيه اكل له دين؟ هو الخنزير مسيحي والفراخ مسلمة؟ طب لما اتخرب بيوت الفرارجية في انفلوانزا الطيور ما اشتكوش ليه من الاسلاموفوبيا؟
فتنة طائفية؟ لما ح يعدموا الخنازير قوم المسيحيين ح يسموا للمسلمين البهايم مثلا؟ والله ماحد بيعمل فتنة طائفية غير الامخاخ دي اللي متصورين ان المسيحيين دول كائنات فضائية قاعدين ما بيعملوش حاجة في حياتهم غير يفطروا ويتغدوا ويتعشوا خنزير حتى لو ح يموتهم تضحية في سبيل الله ويسكروا ويطوحوا ويضحكوا زي زوزو نبيل لما تمثل انها اتجننت: ممههووواااهاهاهاهاهاااااااااع هاهاهاهاهااااااااااااااع

مقال بلال فضل عن فنان بينبرنبه المثل

والله انا ما عارفة انطق اسمه الحاج دانيال بينبرنبه المثل ده
وبعدين طلع ياريته اسرائيل صهيوني كلب وش زي ليبرمان
ده بيعمل مقالب
طب روقا اجدع ناس وعايز يروح اليونسكو
احسن يارب يروح عشان يطلعوا منه بيسبوا الدين
طب واحمد عبد المعطي حجازي؟ وجابر عصفور؟ وحنفي ابو دقة وغير ابو دقة وغيره وغيره
انا بس عايزاكوا يا شباب تبقوا بالراحة على المثقفين اللي وقعوا في شركه، لانه لو راجل نصاب كده وعرف في فترة ينصب على ادوارد سعيد وعرف ينصب على مجموعة مثقفين عرب اوهمهم انه ضد الصهيونية يبقى ح يمشي ينصب على كل الناس
بالراحة... كلموهم بالراحة
الراجل ده باين عليه نصاب دولي

Monday 27 April 2009

هههههههههه اليهود زهقوا

ده اليهودي العشرمية اللي بيقول ان الصهيونية صناعة نازية، بس ده بقى مش اسرائيلي زي الست الاسرائيلية اللي قالت: انا اتزنقت هنا، اه والله قالت
I am stuck here
هههههههههههه هم الظاهر زهقوا من القعدة معانا.... واحد شاي؟
مقسومين دلوقت، ما بين ليبرمان اللي عايز يموتنا كلنا (اصلا هم بقوا زهقانين من الساسة بتوعهم ونازلين فيهم شتيمة وبيقولوا ولا فيه ديمقراطية ولا نيلة) وما بين ناس عمالة تقول: احنا مين اللي زقنا هنا؟ 
ولسة... انتوا لسة شفتوا حاجة؟ ده احنا بقى لما نطبع تطبيع كامل ونقرفكوا في عيشتكوا، بالذات مصر بقى بسياسات عوكل "المصريون قادمون" وح نجيلكوا بقى في شم النسيم بالفسيخ والملانة ونحبكوا نحبكوا نحبكوا.. ح تطلعوا من فلسطين بتسبوا الدين، طب تصدقوا بقى ان سواق التاكسي بتاع: التعلب بتاعنا هو اللي ح يقضي على اسرائيل.. طلع معاه حق، خليكوا بعيدي النظر هو عمال يزقنا عليهم عشان يحرر فلسطين ودي الطريقة الوحيدة، ده كان ربنا راحمهم مننا لما كنا رافضين التطبيع


Sunday 26 April 2009

هي الحياة مش مفهومة وللا العيا اثر على مخي؟

هو ايه اللي ودا عمر سليمان الكيان الصهيوني دلوقت بالذات في الفيلا دي بالذات؟ وايه الكلام اللي بيقوله ليبرمان ده؟ وليه لما الكل في اسرائيل نفسها بيقول: "خيطوا له بقه" طب ايه اللي عمله وزير داخلية وخارجية وموقفينه على البوابة؟
وليه نتانياهو جاي عندنا في الظروف دي بالذات وفي الفيلا دي بالذات؟ وجاي عندنا يهبب ايه دلوقت حاليا في اللي احنا فيه ده؟ وعملوا ايه في موضوع خلية النحل اللي قرصتهم؟ يا ترى دفعوهم ايجار الشقق المفروشة دوبل؟ وللا شمعوا الشقق بالشمع الاصفر؟
وبعدين اوباما ده اهبل؟
وبعدين الساحرة الشريرة هيلاري دي طلعت عبيطة؟
وبعدين ايه الا تعترفوا بالدولة اليهودية دي دلوقت حاليا؟
وفين عباس؟ غطسان يعني مش سامعين له حس
يا جدعان القدس عمال يخلوه من الناس ومخترعين حاجة كده زي توك توك تحت الارض عشان يمشي تحت المسجد الاقصى، وبصراحة بقى، واجيلكوا دوغري وماحدش يطق في وشي؟
الحجر اللي يتهد يتبني تاني
بس البني ادمين اللي بينطردوا من بيوتهم مش ح يرجعوا، واللي بيتقتل مش ح يقوم الا يوم القيامة
هو فيه ايه؟ فيه عاجة؟ انا بس كل اللي مضايقني دلوقت اننا طالعين زي الخازوق كده من غير لازمة وبنتصرف تصرفات مرتبكة قوي
احنا بنهبب ايه بالظبط؟
انا الدور اللي اخدته اثر علي جامد

جدة اوباما وشوية حاجات

تحديث:
انا اسفة خطأ شائع... المقصودة هي جدة اوباما مش عمته، عمته اتقفشت في هجرة غير شرعية، ده غير اخوه اللي اتقفش بهروين... العيلة دي ضايعة باين عليها
المهم، مش لاقية اللنك لانه كان منشور في الاهرام وانتوا عارفين الاهرام مانع الارشيف الا بفلوس
لا وبيقول انه مفلس

الحاجة جدة اوباما حبت تزور ابن اخوها وتنزل عليه في البيض الابيض تباركهوله وتنام في اودة المسافرين وتلاعب البت ميليا والبت ساشا وتجيب لهم سكر نبات وتحكي لهم حكاية ست الحسن وامنا الغولة
فيه حاجة مش عادية؟
وبعد شوية راحت الكنيسة تتنصر
فيه حاجة غريبة؟
وبعدين اهلها قالوا لها ح نولع في امك لو عملتي العملة دي
في اي حاجة خارجة عن المألوف؟
راحت الولية قالت خلاص خلاص مش ح اتنصر
كل ده لحد كده شغال وعادي وبيحصل كل يوم 
قوووووووووووووووووووم الولية تعليقا تقول ايه؟
تقول: في الحقيقة انا مسلمة ومؤمنة بالاسلام لكن انا كنت عايزة ازور باراك وما رضيتش احرجه لو رحت له وانا مسلمة
!!!!!!!!!!!!!!!!!!!!
هو فيه فرع للمنوفية في كينيا؟
---------------
في عشر ايام خليتين تجسس لصالح اسرائيل اتظبطوا في لبنان، لا سمعناهم بيقولوا على اسرائيل ليبرمان قرد، ولا شفناهم عملوا هيصة وهوليلة، مع ان دي ايه؟ اسرائيل
وايه؟
بتتجسس على المقاومة مش بتساعد المقاومة
وايه؟
مجندة ناس من الجيش اللبناني
ومع ذلك لا شتموا ولا شرشحوا ولا هللوا ولا زغردوا ولا وقفوا لاسرائيل تحت الشباك بالقبقاب.... ولاد الناس حاجة تانية برضه
---------------
كنا ناقصين انفلوانزا الخنازير اللي اوحش من انفلونزا الطيور وبيقولوا لا يمكن السيطرة عليها
ماحدش يقول لي مش بناكل خنزير... احنا ناس نحس، ممكن تنط لنا من البحر المتوسط ونصاب بيها واحنا مش بناكلها
زمان الهندوس شمتانين فينا وبيقولوا ان ربنا بينتقم مننا عشان عمالين ناكل في الحيوانات وسلط علينا الغضب الحيواني: جنون البقر، انفلوانزا الطيور واخرها والاكثر فتكا وهي انفلونزا الخنازير
ربنا يستر على السمك
على رأي سنبل: ماله الفول، ماله الفول

Saturday 25 April 2009

لينا كلنا... مش للاخوان بس

انصح نفسي وإياكم... والإخوان اللي خلعوا على حين غرة من غير ما يوضحوا لنا ايه اللي اتهددوا بيه بالظبط
بقراءة البوست ده

Thursday 23 April 2009

محمد حبيب.... انا مش فاهمة حاجة

"علشان الاخوان يتحركوا لوحدهم ويتم سحقهم والجيش يتدخل... لا"
!!!!!!!!!!!!!!!!!
"لازم ابقى عارف انا رايح فين... ورد فعل النظام ح يبقى ايه؟"
مش فاهمة حاجة
هم اتحركوا لوحدهم؟ طب ما العمال بيتحركوا والفلاحين بيتحركوا والموظفين بيتحركوا
وهو نفسه قال ارتفاع وتيرة الاحتجاجات
يبقى لوحدهم ازاي؟
وجيش ايه اللي يتدخل؟ ايه اللي جاب سيرة الجيش دلوقت؟

ايه ده؟ ايه اللي اخوان عملوه ده؟

ايه اللي انا سمعته في الجزيرة ده؟
انا عيانة وباخرف... سمعت خير اللهم اجعله خير ان مهدي عاكف ح يمشي، وان حبيب ح ييجي مكانه، وانهم قالوا لو اترشح جمال مبارك بشكل دستوري مش ح نعترض، واحنا مش ناويين نمشي في مظاهرات تاني، واحنا مش في مواجهة مع النظام المصري، وح نعمل تفاهمات مش صفقات
ايه ده؟
هم هددوهم بايه بالظبط؟
يا اما انا مش مركزة يمكن تعبانة وللا حاجة، حد يشرح لي ايه اللي حصل بالظبط

من لغاليغه ان ما كانش ده شغل عبد الله

لا مؤاخذت أنا اصلي عيانة وعندي برد شديد بس باصحى افتح التلفزيون على الجزيرة
الواد اوباما كان عنده استعداد يتحاور مع حماس ويقبل باختيار الشعب الفلسطيني بلا بلا بلا
وقابل الملك عبد الله ما تعرفش قال له ( هو كان قال احنا محتاجين نسمع اكتر) وفجأة لقينا هيلاري كلينتون طالعة في الكونجرس تقول كلام ولا كوندوليزا ايام جورج بوش
هررررررررررررر
يا لهوييييي هو قال له ايه؟ لا ولسة لما يقابل عوكل وبسبس
وعمر سليمان رايح اسرائيل عشان يبقى كلامهم واحد قدام اوباما
طب احلق لكوا شنب صفوت الاحمر الدوجلاس ان ما كان عوكل وبسبس ح يقعدوا قعدتين تانيين مع اوباما ويحولوه لهتلر
ما داهية يكون بوش مظلوم واللي كان بيبخ في ودانه هم البلاوي اللي ربنا رزانا بيهم.. ماهو.. ماهو راجل اتقلب بين ليلة وضحاها

Wednesday 22 April 2009

تحذيرات نيابية من مخطط أمريكي إسرائيلي لاحتلال مصر

مصراوي - خاص - تقدم عدد من نواب المعارضة والإخوان بمجلس الشعب بطلبات إحاطة إلي رئيس مجلس الشعب الدكتور أحمد فتحي سرور يدعون فيها الي عقد اجتماعات مشتركة عاجلة للجان الدفاع والأمن القومي والعلاقات الخارجية والشؤون العربية لفتح حوار حول مستقبل العلاقة بين القاهرة وتل أبيب ومصير اتفاقية كامب ديفيد.
وأكد النواب الدكتور جمال زهران ومحمد العمدة وحمدين صباحي ضرورة أن يكون مرتكز هذه المناقشات محاضرة آمن ديختر وزير الأمن الداخلي السابق التي كان قد ألقاها في معهد أبحاث الأمن القومي الإسرائيلي والتي تضمنت مخططات حملت إرهاصات إسرائيلية جديدة تكشف عن الوجه الحقيقي للتحركات الصهيونية داعين إلي ضرورة أن تقدم مصر على إلغاء اتفاقية كامب ديفيد والتي لم تعد تصلح في العديد من نصوصها للأوضاع المستجدة ويكون الإلغاء عن طريق بوابة مجلس الشعب.
وطالب النواب بالرد الفوري والقاطع حول ما أكدته المحاضرة من وجود حالة استنفار أمريكية إسرائيلية مشتركة صوب مصر وانهما يرصدان ويراقبان ومستعدان للتدخل في حالة ما وصفه بحدوث أحد سيناريوهات التغيير الدراماتيكي في مصر والتي وصفها بالكارثية لإسرائيل والتي حددها من احتمالات تمكن الإخوان المسلمين من الوصول إلى السلطة أو حدوث انقلاب على حد قوله أو حدوث فوضى واضطرابات في مرحلة من المراحل وانه خيار مستبعد بصورة كبيرة.
وحذر النواب من التصريحات الخطيرة للوزير الإسرائيلي السابق في قوله أن لإسرائيل تصورها الخاص في التعامل مع متغيرات الوضع في مصر اذ هي مستعدة لمواجهة أي طارئ بما في ذلك العودة الى احتلال سيناء مشيراً الى ان انسحاب اسرائيل من سيناء جاء بضمان ان تبقى رهينة وهذا الارتهان تكفله ضمانات أمريكية من بينها السماح لاسرائيل بالعودة اليها اذا تطلب الأمر وقوله أيضاً ان هناك قوات أمريكية مرابطة في سيناء تمتلك حرية الحركة والقدرة على المراقبة بل ومواجهة أسوا المواقف.
وطالب النواب في بيان لهم الحكومة الى ضرورة الكشف عن حقيقة ما أورده وزير الأمن الداخلي السابق من ان الولايات المتحدة وإسرائيل ينشران نظام للرقابة والرصد والإنذار قادر على تحليل الجينات التي يجري جمعها وتقييمها تحت تصرف القيادات في واشنطن وتل أبيب وما أشار اليه من وجود إستراتيجية استباقية لدى الولايات المتحدة واسرائيل لمواجهة أية متغيرات في مصر
واعتمدت الثقة الأمريكية على عدة عوامل منها اقامة شركة مع القوى والفعاليات المؤثرة والمالكة لعناصر القوة من رجال السلطة ورجال الاعلام وتأهيل محطات استراتيجية داخل المدن الرئيسية التي تمثل مراكز صنع القرار وفي المقدمة منها القاهرة والاسكندرية والأخطر من ذلك ما أكده من احتفاظ الولايات المتحدة بقوة التدخل السريع من المارينز في النقاط الحساسة بإمكانها الانتشار خلال بضع ساعات للسيطرة على مراكز عصب الحياة بالعاصمة

Tuesday 21 April 2009

هو عبد الله واوباما اتخانقوا وللا ايه؟

اتقابلوا النهاردة وشكلهم الاتنين مش طايقين بعض، اولا عبد الله مش بيبص له خالص، واوباما كل ما يبص له عرق في اورته ينفر
هو عايز يدبسه في اللاجئين وللا ايه؟
وعايز يقابل مبارك وحد كمان مش فاكرة مين، اه عباس، قال ايه عايز يستمع للعرب
طب ودول عرب؟

Monday 20 April 2009

اهو...مافيش ولا مصدر موثوق بيقول ان الاردن لها في الطور ولا في الطحين

تحديث:
الدول العربية كلها بعتت وفود وماحدش فيهم خرج ولا حاجة
اهي قناة الجزيرة
واهي العربية اللي هي اصلا العبرية وفرحانة قوي ان فيه ناس رموه بالطماطم، قال وبيقولوا المتظاهرون، كلهم يهود يعني، اقصد يهود صهاينة، عشان فيه يا عيني، فاكرين الولية ام شعر؟ يا عيني عاملة حتة دين فيديو عن التعليم والخدمات الاجتماعية، بيعملوا في الاطفال هناك حاجات غريبة، وحكت بقى ازاي قبضوا عليها مرة زمان اتاريها دماغها لسعت، المهم يعني الكلام ده لو حصل كانت العبرية كتبته بمنتهى الفخر عشان تثير النعرات بتاعة فارسي وعربي
وبعد كده انا اتفرجت على القناة الاردنية، ولو كانت حاجة زي دي حصلت كانوا قالوا، اصلا ما جابوش سيرة ان الاردن راحت
يا جماعة ايه اللي ح يودي اي دولة عربية مؤتمر العنصرية؟ هو احنا بنفهم في الكلام ده؟ انا باتكلم بجد، انتوا فاكرين يعني اللي حاكمينا مخهم عامل ازاي يعني؟ اي واحد فيهم ح تقول له ضد العنصرية ح يفتكرك مش بتحب عصير القصب عشان كده انت ضد العصرية، القصب يتاكل عقل كده احسن
وكمان ادي رويترز لو حاجة زي دي حصلت كانت اتحزمت ورقصت رويترز دي تقريبا اللي بيديرها حاخام وللا حاجة من كتر صهيونيتها
خلوا بالكوا يا جماعة، الاسرائيليين عايزين يقومونا على بعض، وعايزين يقولوا ان فيه دول عربية واقفة معاهم وبتساند الصهيونية، امال هم عمالين يسخنوا بين مصر وحزب الله ليه؟
لا
مهما كان، مهما كان، مش ممكن ابدا حاجة زي دي تحصل من اي دولة عربية، ابدا، اخرهم ما يحضروش، مش ممكن ابدا يخرجوا من القاعة عشان نجاد قال اسرائيل دولة عنصرية
اقصد مش ممكن لحد النهاردة ماحدش عارف بكرة فيه ايه
ما تستعجلوش المصايب
وخلوا بالكوا.. خلوا بالكوا، ماحدش مستفيد من الفتنة وتقويمنا على بعض غير ميييييييييييين؟
ايوة برافو عليكوا
على رأي امي: عايزين نهدي النفوس 

انا مش عارفة اهدا، لا بجد ايه موقف الاردن

يعني انشالله ما يكونوش راحوا اصلا، هي تمشي
انا ما سمعتش في الجزيرة انهم انسحبوا، حد عنده قناة اردنية يفهمنا ايه اللي حصل؟
ممكن جدا تكون المصدر جرنال اسرائيلي ويبقوا كدابين، ان شاء الله ان شاء الله ان شاء الله يبقوا كدابين
وتبقى على الاقل الاردن ما رحاتش خالص، ماهي مصر اسم الله على مقامها ما راحتش، هي مصر مالها ومال الكلام الفارغ ده؟ ما راحوش ليه بقى، مش مهم، لا تسألوا عن أشياء إن تبد لكم تسؤكم
بس بجد عايزة افهم موقف الاردن، كانت موجودة وانسحبت بجد؟ اللي يقول لي اه ما يقولش اه ويمشي
يقول اه ويحلف بالله العظيم انشالله يتفرم تحت قطر لو كان بيكدب وانا ح ادور على قناة اردنية افهم منها

الحمد لله، اللي هللوا في خطبة نجاد يهود

بصراحة كنت خايفة موت يطلعوا ايرانيين او عرب، اصل احنا مافيش منا خمسة في المجرة، ممكن جدا حد مننا يعملها، يجيبوا له موبايل بكاميرا ولاب توب ويقولوا له اعمل كده يا بابا يعمل على طول
انا عايزة اعرف جبتوا منين ان الاردن انسحبت، سيبكوا من صحيفة الوطن مع احترامي لكلام سيادتك وليكن ما يكون
عايزين جهة موسوء فيها
يااااااااااااا رب يطلع الخبر غلط

تعيطوا معايا

اشمعنى جو ينكد عليا ويسيب لي الفيديو ده


تعيطوا معايا
والاردن مشيت من كلمة محمود احمدي نجاد؟ ليه؟ عشان قال على اسرائيل عنصرية؟ هي اسرائيل دي ماسكة على العرب صور؟
على رأي غوار الطوشي: صارت الكلاب احسن منا
الانظمة دي ما بقتش نافعة خالص 

احمدي نجاد في مؤتمر دربن

والله شرفنا، هو صحيح قلب الدنيا وكانت خطبة صاخبة وشوية عيال صهاينة قعدوا يهللوا له، بس بيقول كلام جريء قوي، جدع والله العظيم وواقف كده حاجة تشرف، وكلامه متستف ومترتب وهادي، صحيح لابس الجاكتة اياها اللي ما غيرهاش من ساعة ما انتخب رئيس، بس نضيفة، مغسولة ومكوية، لا مش دراي كلين، شكلها مغسول في الغسالة، نص اتوماتيك كمان، بس مكوية، وناس كتير بيصقفوا له في كل جملة، وفيه ناس تانية مشيت وهو بيتكلم عشان يربكوه (ولاد الخايبة ما عندهمش اي طريقة جديدة هي هي نفس طريقتهم في كل حتة) بس كويس هو ما اتلخبطش وتلات عيال قعدوا يصرخوا فراح ضاحك بصوت، وقعد يشتم في الليبرالية والرأسمالية وقال انها انتهت م العالم
وبان كي مون قال الاسلامو فوبيا زي معاداة السامية
يا مسهل ياااااااا رررررررررررربببببب
كويس ان الصهاينة الاغبيا عملوا مظاهرة ضد مشاركة نجاد في مؤتمر دوربن، ليه؟ لان الهلولة اللي هم عاملينها دي ح تخلي ناس كتير تقعد تسمعه وهو بيتكلم
الله يعينه ويقويه ويخليه يعرف يجيب لنا حاجة عدلة في المؤتمر ده، تشريع يحمينا او تشريع يجرم الاسلامو فوبيا او اي حاجة، او حتى اعتبار ان الصهيونية شكل من اشكال العنصرية، طبعا مافيش حد ح يعرف يجيب حاجة ضد معاداة العرب، ليه؟ لان مافيش موكوس واحد راح يمثلنا ويشرفنا، الا اذا بقى نجاد جاب للعرب تشريع، يا لهوتييييييييييييي، دي تبقى كسرة عين مالهاش مثيل
على الله يعمل كده، احسن، احسن يا اتنين وعشرين جثة محنطة، يارب يجيب حاجة للعرب بالذات عشان يقلع الاتنين وعشرين قرد مالط، لا والنكتة بقى لما يجيب لنا تشريع يحمينا واحنا اللي نقول له مش عايزين احنا بنحب العنصرية انت مالك يا بايخ 
يارب ينصفنا يارب
مش مهم التشريع يتطبق وللا لا، المهم ان يبقى فيه تشريع يحمينا، ونقعد زي الباز افندي ونقدم بلاغات، ناس كده تتفرغ لتقديم بلاغات وشكاوى، مش ح يحصل حاجة في الاول بس مع تراكم الشكاوى ح يحصل حاجة، هو طلب بالغاء النظام الاقتصادي العالمي الحالي المعتمد على الاستغلال، والغاء حق الفيتو...  هو فين شافيز؟ مش كان ييجي يونس صاحبه؟
ييجي واحد، زي مالك مصطفى مثلا، يقول لي نجاد وشافيز بلا بلا بلا، اقول له اتوكس، تعرف تتوكس؟ ربنا يبقى يوعدنا بدكتاتوريات منتخبة تعمل لنا كرامة وتشرفنا زي الاتنين دول بدل اللي ماسكين في خناق حزب وحركة وقناة فضائية وبكرة يمسكوا في خناق فرقة موسيقية وللا فريق اشبال كرة القدم، ده ايه ميلة البخت دي ياربي؟
عموما الناس صقفت تصقيف لنجاد جامد قوي بعد ما خلص لحد ما خرج وبعد ما خرج، بالذات من الافارقة واللاتينو
مش لو كنت فالح يا عوكل كان زمانك انت اللي في المكان ده يا وكسة؟ يا وكسة، يا وكسة، حسبي الله ونعم الوكيل فيك، خليك قاعد كده تتقزم وتقزم فينا، خلينا كده نتفرج على اردوغان شوية ونجاد شوية ونقرقض في ضوافرنا
ياللا ماشاء الله لا قوة الا بالله، ربنا يوفقه ويحميه لبعدين انشه عين وانا عاملة زي اللي ابنها خايب وقاعدة تنبر على ابن الجيران الفالح كده، طب ابن الجيران وامه عرفت تربيه، وانا ما عرفتش اربي، بانبر ليه بقى؟
كل واحد بياخد اللي يستاهله، اللي بيحترم نفسه بياخد اللي بيستاهله واللي بيهزأ نفسه بياخد اللي بيستاهله

أمة السيد حسن.. وأمة السيد حسني!عبد الحليم قنديل

مقال لعبد الحليم قنديل جاني على الميل:
أمة السيد حسن نصر الله هي أمة السادة، وهي عنوان المقاومة، وآية الصدق والوعد النافذ، فقد حول السيد حسن حزب الله إلى أمة بذاتها، أمة من لحم ودم وعصب عربي خالص، أمة من رجال الله الذين لا يرهبون عدوا، ويستعينون بالصبر وحس الشهادة وحسن الاستعداد إلى حد الكمال الإنساني، ويقهرون الجيش الذي قيل أنه لا يقهر، ليس مرة واحدة بل مرتين، والثالثة تأتي، ونفخ في ريح أمة العرب المغلوبة على أمرها، والمنكوبة بحكامها وغاصبي سلطانها، وكان أول السطر في مقاومة عربية فريدة بزمانها ومكانها، مقاومة تبدأ بثقافة الاستشهاد، وتطور تكنولوجيا ملائمة، ولا تنتهي إلى هزيمة في ميادين النار، بل تستنزف طاقة العدو، وتحطمه في المعني والمبني، وتضع أنفه في الركام، وتحول قوة إسرائيل المهولة المفزعة إلى بيت عنكبوت، فلم تهزم المقاومة الجديدة أبدا، لا في لبنان ولا في فلسطين ولا في العراق، ولم تستخف بعقل أحد، ولا لجأت إلى مظاهر زيف، وكان حديث الصادق العظيم حسن نصر الله المتلفز إلى الشعب المصري مقنعا مئة بالمئة، فهو لم يرد شرا بأمن مصر كبلد عظيم، ولا بشعبه الصابر المظلوم، بل أراد ـ بمخاطرة رجاله ـ تقديم العون اللوجيستي للمقاومة الفلسطينية المحاصرة في غزة، وهذه ليست جريمة كما يتقول الصغار، بل شرف وواجب قومي وديني وإنساني ينهض إليه الكبار.
أما أمة السيد حسني مبارك فحدث عن خزيها بلا حرج، وهي ليست الشعب المصري طبعا، بل فئة باغية تسلطت على الشعب المصري، واغتصبت اسم مصر لها المجد في العالمين، وسامت أهلها العذاب وسرقتهم وأذلتهم، وهي فئة حكم عائلية في السياسة وإحتكارية ناهبة في الاقتصاد، وتبدو معلقة على خازوق أمني متضخم متورم، وحشدت لقتال الشعب المصري قوة أمن داخلي يزيد حجمها على ثلاثة أمثال حجم الجيش، وانتهت إلى وضع الجريمة المزمنة، وإلى جعل أمنها من أمن إسرائيل
والذي يراقب حملة النظام المصري ضد حزب الله، قد تصدمه ـ لأول وهلة ـ سوقيتها المزرية، فهي تصف حسن نصر الله بأنه عميل إيران، وكأن إيران هي الخطر الداهم على مصر، وبينها وبين مصر جغرافيا عشر دول على الأقل، بينما إسرائيل هي الخطر الملاصق لمصر، والساكن في قمة رأس نظامها الحاكم، وهو يصور حزب الله كما لو كان خطط لقتل مصريين، بينما لم يقتل حزب الله مصريا واحدا، لا في مصر ولا في خارجها، ولا أصاب مصريا بجرح، ولا خدش إصبع مصري واحد، ونظام مبارك هو الذي قتل عشرات الآلاف من المصريين، في القطارات المحترقة والعبارات الغارقة، وفي المظاهرات وطوابير الخبز وفي أقبية التعذيب، وفي الحرب البيولوجية التي انتهت بملايين المصريين إلى الهم والغم والسرطانات والفشل الكلوي والتهاب الكبد الوبائي، حزب الله لم يعتد على مصر، ولم يستهن بقيمتها الرمزية الكبرى، بينما نظام مبارك هو الذي أهان مصر، واختصر حجمها إلى رأس دبوس، وانتهى بها إلى وضع قزمي في حساب التاريخ، فقد واصل سكة تجريف دور مصر الموروثة عن سلفه السادات، وكانت المحصلة على النحو التالي، كانت مصر حتى حرب 1973 رأسا برأس مع كوريا الجنوبية في معدلات التنمية والتقدم والاختراق التكنولوجي، وبعد أكثر من 35 سنة، نزلت مصر من حالق إلى الفالق، وصارت تنافس ' بوركينافاسو ' على مؤشر الفساد الدولي، وقد كان المفكر الليبرالي الراحل د. سعيد النجار نافذ البصيرة، فقد تقابل بمحض المصادفة مع نجل مبارك قبل عشر سنوات، وقال له وقتها 'قل لأبيك أنكم تحكمون بلدا لا تعرفون قيمته'، وقد كان ماجرى مفزعا ومؤسيا، فقد نزلت قيمة مصر الكبرى إلى وزن العائلة الصغرى، وصرنا بلدا يستجدي اللقمة ويتسول الدور .
ثم أن حديث نظام مبارك عن 'السيادة المصرية ' يبدو مثيرا للسخرية، ويبعث ـ بصراحة ـ على عظيم القرف، وكأن دخول مقاوم من حزب الله يمس شرف مصر (!)، وكأن عشرات المصريين المتهمين ـ حتى إن صحت الاتهامات ـ بالتدريب على السلاح، ونقل العتاد للمقاومة الفلسطينية المحاصرة، كأن ذلك ـ ومثله ـ جريمة وانتهاك لسيادة مصر، رغم أن مصر كانت دائما ـ تحت الحكم الوطني ـ تدرب الفلسطينيين والعرب، وتزودهم بالسلاح، وتكنيكات الخروج والدخول إلى أي بلد وصولا للميدان، بل وكانت تنقل رجالا وعتادا إلى أراضي دول أخرى، وبدون علم سلطاتها، وتنفذ عمليات ضد إسرائيل من أراضي دول أخرى، وكما جرى في عملية إيلات الشهيرة، وهو نفس ما ينسب لحزب الله الآن، ودون أن يمس مصريا بسوء، وحتى قبل ثورة 1952، كانت المقاومة شرفا لا يحاكم بقانون العقوبات ولا بالإجراءت الجنائية، ففي قضية عربة الجيب الشهيرة، وقد ضبطت محملة بأسلحة وذخائر ومفرقعات، واعتقل المتهمون فيها، وقدموا اعترافات كاملة، كان حكم القضاء المصري الشامخ هو البراءة التامة، وتأسيسا على نبل الغاية الذي يبيح وسائلها كافة، وبصرف النظر عن علم السلطات أو غفلتها، وإجلالا لسمو مبدأ المقاومة، والذي لا يعلى عليه، ولا يقاس بأي اعتبار جنائي مما يتخرصون .
ثم من الذي انتهك سيادة مصر حقا ؟، أو الذي جعلها بلا سيادة وطنية، وفي وضع البلد المحتل سياسيا منذ ثلاثين سنة مضت، فقد أفضت ملاحق معاهدة كامب ديفيد إلى إهدار الإستقلال والسيادة الوطنية، وعادت سيناء إلى مصر على طريقة الذي أعادوا له قدما وأخذوا عينيه، فقد جرى نزع سيادة السلاح إلى مدى 150 كيلو متر في عمق الأراضي المصرية، ثم جاءت المعونة الأمريكية الضامنة، ونزعت ـ بمضاعفاتها ـ سيادة قرار السياسة والاقتصاد في القاهرة، ثم توالت غارات النهب العام ـ العائلي الإحتكاري ـ التي دمرت وجرفت كل عناصر القوة المصرية، ووضعتها تحت حد السلاح الإسرائيلي، وانتهت بمبارك إلى وضع رئيس شرم الشيخ، فهو يقيم غالبا هناك، وحيث السلاح المصري منزوع بالكامل، وحيث لاتعلو كلمة فوق صوت السلاح الإسرائيلي، وحيث قتلت إسرائيل ـ في السنوات الأخيرة ـ عشرات المصريين بلا تعقيب ولاتثريب، وحيث لا يجرؤ مبارك أن يرفع إصبعا، ولا أن يمضي قرارا فيه شبهة مصلحة مصرية ، ولعلها مشهورة قصة الجسر البري فوق خليج العقبة، والذي اتفقت الحكومتان المصرية والسعودية على إقامتة تسهيلا لحركة الناس والبضائع، وتعهد الحكم السعودي بتحمل عبء التكاليف، وعند لحظة التنفيذ تراجع مبارك، ولحس المتفق عليه مع السعوديين، فقد أصدرت إسرئيل أمرها وخضع مبارك، فهل هذا نظام يحق له الحديث ـ مجرد الحديث ـ عن سيادة مصر؟، اللهم إلا إذا كان يقصد الحديث عن 'سيادته' الرهينة لخدمة إسرائيل، وهو ما يجعل من وجود سيادته ـ في ذاته ـ أعظم انتهاك لسيادة مصر .
ودعك من حديث السفالات ضد السيد حسن نصر الله وحزبه، فهذه قمة الثقافة المتاحة في صحافة وسخافة الجندرما الأمنية، لكن ما يلفت النظر حقا هو الهوى الإسرائيلي الظاهر في حملة النظام المصري الإعلامية، فالمفرادات التي تستخدمها هي نفس مفردات الدعاية الإسرائيلية، ومن نوع وصف نصر الله بأنه عميل إيران وحكم الملالي، ووصف حزب الله بأنه منظمة إرهابية، ونقل تقارير إعلامية وأمنية إسرائيلية تبدي عظيم الارتياح لدور الأمن المصري، وتطلب المزيد من التنسيق الأمني، ووصل الأمر إلى حد السفور العميل لإسرائيل، فقد اتهم رئيس تحرير ' الأهرام' ـ الرسمية ـ حسن نصر الله وحزبه بأنه 'يريد الوقيعة بين مصر وإسرائيل' (!)، وفي يوم واحد كانت الإيقاعات تتوافق على نحو مدهش، إسرائيل كاتزمان ـ وزير النقل في حكومة نتنياهو ـ يطالب باغتيال حسن نصر الله، ومجالس الأنس (الشورى والشعب) في مصر تطالب باعتقال حسن نصر الله، بل وتنفيذ 'عمليات نوعية' ضد أهداف تابعة لحزب الله، إلى هذا الحد وصل التوافق بين حكم عائلة مبارك وأهداف حكومة إسرائيل، وهو أمر قد لايصح أن يصدم أحدا، فمصر التي جرى تقزيمها لا تجد دورا يخصها، وتلتحق بخدمة الدور الإسرئيلي والقوة الإسرائيلية، ويراد لأجهزة أمنها أن تلتحق بخدمة الأمن الإسرائيلي، وأن يتحول الإعلام المصري إلى نسخة عربية مترجمة من العبرية، وهذه أفدح جرائم أمة السيد حسني.

Sunday 19 April 2009

طب والله ولاد حلال

طب والله ولاد حلال، مش احسن ما يكدبوا؟ قالك مالها العنصرية يعني مش فاهمين؟ وحشة؟ وقالوا ان المطالب اللي متقدم بيها المسلمين عشان التصدي للاسلاموفوبيا دي ضد حرية التعبير وكمان المؤتمر معادي للسامية
(واكيد يعني حظر العبارات المعادية للسامية مش ضد حرية التعبير زي ما انتوا عارفين)
ناس تانية ولاد حلال... هاآرتس
دخل لي واحد منبعج من طريقة كتابة الخبر، لما قريته قلت: طب والله ولاد حلال

امي فضحتني النهاردة

في الجزيرة مباشر، عمالة تتكلم بادب تتكلم بادب، المذيعة تستفزها، ابدا، المتصلين يضايقوها، برضه مؤدبة
الناس تقول عليا ايه؟ ح تبوظ لي سمعتي اللي بقالي سنتين بابني فيها
انا ما رضيتش اقول لحد قبل البرنامج غير لقلة مندسة تبعي كده، بس دلوقت اقدر اقول لكوا انه ح يتعاد بكرة الساعة تسعة صباحا ان شاء الله واتناشر بعد نص الليل
وانا من موقعي هذا باعلن عدم مسئوليتي عن ادبها اللي مالوش مبرر وعدم مشاركتي في الجريمة دي
انا بس باقول لكوا عشان هي اتكلمت عن السيد حسن حبيب حياتي وردت على الناس اللي بيشتموه بمنتهى الادب وقالت: انا جاية اهدي النفوس
ههههههههههه
امي معلش..

اوباما فوقيه طيارة وحواليه سرينة

بيخطب في المؤتمر بتا الامريكيتين ده، اللي قابل فيه شافيز وشافيز نادا عليه في وسط الاجتماع من بعيد: اوباااااامااااااااا
وراح مديله كتاب عشان ينضف له مخه، شافيز ده عسل، برضه مرة راح مؤتمر مش فاكرة ايه وراح مطلع لهم كتاب وقال لهم اقروه (بتاع ناعوم تشومسكي) وانا جايب معايا كذا نسخة بكذا لغة عشان تقروه كلكوا
اوباما دلوقت بيخطب وصوت كذا هيلكوبتر فظيييييع وكذا سرينة وهو بيتكلم اتوتر وشكله مرتبك

تحفة فنية لاكسلانت ناو ناو

طبعا لما اليوم عدا وما نزلتش مقال ممتاز القط تنفستوا الصعداء وقلتوا ان ربنا ستر، بس انا باقول لكوا مستر اكس مالوش نهاية، وربنا ما سترش ولا حاجة، ح يسترها مع اتنين قتالين قتلا ازاي
ونحب نبتدي بنظرة عاملة على اخبار اليوم بتاعة امبارح والعلاوين اللي اختيرت بدقة وعناية: حزب الله الجريمة والعقاب... عمالقة واقزام... عمال وفلاحين... لوريل وهاردي.... فول وطعمية.... لب وسوداني.... خيار وقوطة
واهم انجاز ادبي اتحقق امبارح هو مقال اكسلانت ناو ناو: عمالقة واقزام
اليكم المقال:
لماذا مصر؟‮!‬
لماذا تواجه ــ الآن ــ حملات مسعورة (ده هو النظام المصري اللي بيواجه حملات مسعورة!)،‮ ‬ومحاولات رخيصة،‮ ‬للتدخل في شئونها الداخلية (اه صح، حتى بالامارة عندنا انتخابات وحزب الله تدخل وعمل شوشرة عشان يأثر على الانتخابات بتاعتنا)،‮ ‬أو تراود بعض الطامعين أحلام بإمكانية المساس بسيادتها وأمنها.؟‮!‬
‬لماذا ــ الآن ــ يعتقد حزب الله ــ الذي يعيش في وهم القوة والخيلاء ــ أن استباحته لسيادة لبنان (ايه ده؟ هو حزب الله طلع جرين لاندي؟ وانا اللي كنت فاكراه لبناني وموحد بالله)،‮ ‬وأسلوبه في ممارسة الابتزاز والبلطجة علي بعض الدول العربية ــ وبدعم مباشر وسافر من إيران ــ قد يصلح لغة للتعامل مع مصر.؟‮!‬
(جاوبوا بقى يا متعلمين يا بتوع المدارس ردوا على التساؤلات الفلسفية)
بالطبع،‮ ‬الاجابة تستدعي إعادة قراءة سريعة للدور المصري،‮ ‬خلال الشهور القليلة الماضية،‮ ‬فيما‮ ‬يخص القضية الفلسطينية،‮ ‬وتحقيق التهدئة والمصالحة بين الفرقاء‮. ‬كذلك دور مصر أمام تزايد النفوذ الايراني بالمنطقة،‮ ‬ومحاولاته ــ بدعم مباشر من قطر وسوريا ــ‮ ‬التدخل في شئون المنطقة العربية،‮ ‬وتكوين تحالفات ضد قوي الاعتدال بها‮ (الاعتدال ده بقى شتيمة زي السلام كده). ‬دور مصر كفيل بأن‮ ‬يجعل أصابع الاتهام تشير إلي القوي والدول،‮ ‬التي ساهمت مصر في تعرية مواقفها (الله هو كل الشغل على مصر؟ هي اللي بتعزز وهي اللي بتعري؟ مافيش اي مساعدة كل حاجة في المطبخ على دماغنا؟)،‮ ‬والكشف عن حقيقة محاولاتها الرخيصة،‮ ‬لعرقلة أي محاولة للاتفاق أو التهدئة‮. ‬ويخطئ كل من يعتقد أن دور مصر في الكشف عن حقيقة المؤامرة ــ التي كانت تهدف إلي تصفية القضية الفلسطينية نهائياً،‮ ‬مروراً‮ ‬بأحداث‮ ‬غزة ــ يمكن أن يمر مرور الكرام بالنسبة لبعض الدول والقوي،‮ ‬التي تحاول مستميتة بسط نفوذها وإعلاء صوتها،‮ ‬رغم أنها ــ في حقيقتها ــ مجرد ثرثرة فارغة،‮ ‬ومحاولة لإثبات الوجود‮!!‬
ولم يكن‮ ‬غريباً‮ ‬ــ أيضاً‮ ‬ــ أن تنجح أجهزة المخابرات والأمن المصرية في الكشف عن حقيقة هذه المحاولات،‮ ‬والقبض علي مرتكبيها،‮ ‬الذين كانوا يخضعون لرقابة مشددة منذ فترة،‮ ‬تتيح لأجهزة الأمن مزيداً‮ ‬من الإفصاح عن حقيقة المؤامرة،‮ ‬والكشف عن كل مرتكبيها،‮ ‬وبأدلة دامغة لا تقبل الجدل أو النقاش.
اسمعوا الكوبليه اللي جاي ده... واسمع انت عشان بتحب الكلام ده:
لقد توهم البعض أن مسئوليات مصر وهمومها الداخلية،‮ ‬وخطواتها المتسارعة من أجل البناء،‮ ‬وتحقيق مستويات معيشية أفضل لشعبها،‮ ‬يمكن أن تثنيها عن الحفاظ علي أمنها وسيادتها،‮ ‬والضرب بيد من حديد علي‮ ‬يد كل من تسول له نفسه المساس بأمنها واستقرارها ومقدراتها ‮ ‬تناسي هؤلاء الأقزام تاريخ مصر عبر كل العصور في الذود عن ترابها،‮ ‬وحماية أمنها القومي،‮ ‬وامتلاكها لأقوي الجيوش وأجهزة الأمن‮.‬


استنوا استنوا.. والنبي تاكلوا الحتة الملبسة دي شوفوا:
تناسوا كيف نجحت مصر في قهر اسرائيل،‮ ‬في حرب السادس من أكتوبر،‮ ‬وحقق جيشها أروع ملحمة في تاريخ العسكرية بالنسبة لفن الخداع الحربي،‮ ‬ولم يكن الكشف عن خلية حزب الله،‮ ‬التي حاولوا زرعها بمصر إلا عملاً‮ ‬روتينياً،‮ ‬لا أعتقد أن قيادات الأمن المصري تحسبه ضمن إنجازاتها الكبيرة،‮ ‬لأنه لم يكن سوي مجرد ــ أداء جيد ــ نظراً‮ ‬لضآلة وجهل القائمين عليه،‮ ‬(دول بقالهم اربع سنين) الذين اعتقدوا أن حروب العصابات أو البلطجة،‮ ‬قد تسبب رمشة عين لأجهزة الأمن المصرية (رمش عينه اللي جرحني رمش عينه)،‮ ‬التي تملك القوة والقدرة علي أن تلاحق كل من يحاول المساس بحبة رمل من ترابها،‮ ‬وفي أي مكان كان‮ (صحرا ان كان او بستان)!!
يبدو أن تزاحم الاحداث وتداعياتها ــ بعد أحداث‮ ‬غزة ــ لم يترك لنا الفرصة كاملة لكي نعيد قراءة الموقف،‮ ‬من واقع الدور والجهد المصري الذي‮ ‬يستحق بكل جدارة أن نسجله،‮ ‬باعتباره معركة دبلوماسية وسياسية‮ ‬غير مسبوقة،‮ ‬خاضتها مصر دفاعاً‮ ‬عن أمتها العربية والإسلامية‮.‬


معركة قادها الرئيس مبارك بنفسه،‮ ‬منذ اندلاع الاحداث الاخيرة في‮ ‬غزة،‮ ‬وخطابه للرأي العام الذي كشف فيه خيوط المؤامرة الكبري،‮ ‬التي كانت تحاك لقضية فلسطين باعتبارها قضية العرب الاساسية.‬
ركز لو سمحت في تفاصيل المعركة غير المسبوقة ولا الملحوقة بقيادة حصان الدين الاليوبي
معركة لم تتوقف عند حد الاتصالات واللقاءات،‮ ‬والعديد من الانذارات والتحذيرات لإسرائيل،‮ ‬(اللعنة على الابراج) بضرورة الوقف الفوري للعدوان‮. ‬ولكنها شملت استراتيجية متكاملة للتعامل مع الموقف،‮ ‬اعتمدت علي كشف ابعاد المخطط الاسرائيلي لفصل‮ ‬غزة عن الضفة الغربية،‮ ‬واختزال القضية الفلسطينية كلها في‮ ‬غزة،‮ ‬ثم في معبر رفح (وقدمت مصر عددا كبيرا من الضحايا في هذه المعركة الدامية... حيث ضحت بشعبها كله اللي اصيب تلته بالسرطان وتلتينه بضغط الدم والسكر في اثناء خطواتها المتسارعة للبناء والتعمير وعثمان احمد عثمان وعشان كده قفلت المعبر عشان ما تختزلش القضية الفلسطينية في المعبر)‮.‬

كما اعتمدت علي ضرورة قناعة الفلسطينيين ــ بغض النظر عن انتماءاتهم ــ بأهمية الوفاق والمصالحة،‮ ‬لأن الانقسام الفلسطيني تحول ــ للاسف الشديد ــ إلي أكبر ذريعة تستخدمها اسرائيل،‮ ‬وكل من يدعمونها لتحقيق أحلامها التوسعية (مين اللي بيدعموها لو سمحت احب اعرف يعني)،‮ ‬ورغبتها في ابتلاع كل الاراضي الفلسطينية‮.‬
غير أن هذه الاستراتيجية المصرية المتكاملة،‮ ‬قد أخذت في اعتبارها ــ أيضا ــ التحول الخطير الذي حدث في الرأي العام العالمي،‮ ‬والذي كان حديثه عن خطورة صواريخ القسام التي يطلقها بعض اعضاء حماس،‮ ‬بنفس حديثه عن خطورة الترسانة العسكرية الاسرائيلية،‮ ‬والاستخدام المفرط للعديد من الاسلحة المحرمة دوليا،‮ ‬وهو تصور خاطيء،‮ ‬نجحت فيه اسرائيل لحد كبير،‮ ‬اعتماداً‮ ‬علي الانقسام والفرقة الفلسطينية،‮ ‬والتي يحيطها سياج عربي مهلهل‮.‬
(يقوم يبقى الاستنتاج الطبيعي كما هو آت)
جاءت الإستراتيجية المصرية كاشفة،‮ ‬ومنذرة بخطورة محاولات الهيمنة،‮ ‬وتزايد النفوذ الإيراني،‮ ‬وخاصة بمنطقة الخليج العربية‮.‬
(الله الله الله الله...شايف التسلسل الفكري المنطقي المترابط)
وهو النفوذ الذي تجاوز مرحلة السفور،‮ ‬ليصبح تهديدات مباشرة لسيادة بعض الدول،‮ ‬مثلما حدث من تهديدات للبحرين،‮ ‬واستمرار احتلال ايران لجزر الامارات العربية،‮ ‬وعدم القبول بتحويلها للتحكيم الدولي،‮ ‬وأيضا‮ ‬تزايد النفوذ الإيراني داخل العراق،‮ ‬وما يمكن أن يحمله في المستقبل القريب من خطر الانقسام وتفتيت العراق‮.‬
وجاءت المبادرة المصرية لتحقيق التهدئة،‮ ‬وبدء الانسحاب الاسرائيلي وفتح المعابر،‮ ‬مقرونة ببدء مفاوضات المصالحة الفلسطينية،‮ ‬وقيام حكومة وحدة وطنية تمهد لإجراء انتخابات رئاسية وتشريعية،‮ ‬وتكون قادرة علي تحمل مسئوليات مرحلة إعادة الإعمار في‮ ‬غزة‮.‬ وتزامنت مع ذلك ــ أيضا ــ دعوة الرئيس مبارك لمؤتمر إعمار‮ ‬غزة،‮ ‬والذي شاركت فيه قيادات ‮٧٨ ‬دولة من كل أنحاء العالم،‮ ‬وكان نجاح المؤتمر منقطع النظير،‮ ‬سواء في مجال التعهدات المالية للإعمار (لمينا لهم نقطة كويسة... تمر فيهم بقى؟ ابدا زي القطط تاكل وتنكر)،‮ ‬أو من حيث تحميل المجتمع الدولي لمسئولياته تجاه الشعب الفلسطيني الذي يئن من وطأة الاحتلال،‮ ‬وهو الامر الذي يشكل حافزاً،‮ ‬ودفعة جديدة لرعاية دولية لعملية السلام‮.‬
كانت توجهات مصر واضحة،‮ ‬وتخضع لمتابعة علي مدار الساعة من الرئيس مبارك،‮ ‬تخللتها عشرات اللقاءات والاتصالات،‮ ‬وزيارات الوفود المصرية للعديد من الدول العربية وفي المحافل الدولية‮. ‬وذلك لضمان أقصي قدر من النجاح،‮ ‬رغم كل التأثيرات السلبية،‮ ‬ومحاولات بعض الاقزام لاعاقة مصر عن القيام بدورها،‮ ‬باحثين عن أي ادوار سياسية،‮ ‬بغض النظر عن الثمن الذي تتكلفه،‮ ‬حتي لو كان دماء الفلسطينيين الابرياء‮.‬
(انا عايزاك تتدخل جوة آلة الزمن وتتخيل انك بتقرا الكلام ده بعد ميت سنة من النهاردة)
ولأن لبعض العرب تاريخا طويلا في نكران الجميل لمصر ولشعبها،‮ ‬لم يكن‮ ‬غريبا ان تشهد تلك الاحداث محاولات سافرة وساذجة،‮ ‬لاعاقة الدور المصري‮.. ‬وكلنا نتذكر أحداث قمة الدوحة الاولي،‮ ‬التي كانت ساحة يصول فيها الرئيس الايراني ويجول،‮ ‬بعدما وجهت له قطر الدعوة لحضور القمة،‮ ‬مع خالد مشعل،‮ ‬والعديد من قادة حماس‮.‬
(عملوا تطبيع مع ايران وحماس يعني)
انتهت القمة إلي كل ماكان متوقعا لها من فشل ذريع،‮ ‬في تحقيق اي شيء سوي صور القادة الذين حضروها،‮ ‬والذين أدرك بعضهم انهم وقعوا في فخ نصبته قطر وإيران،‮ ‬في محاولة لاضفاء الشرعية علي التواجد الايراني بالمنطقة(!!!!! انا اسمع، والله اعلم، خير اللهم اجعله خير، ان ايران دي بقالها الاف السنين موجودة في المنطقة واسرائيل هي اللي بقالها ستين سنة في المنطقة بس وان الاضفى شرعية واعتراف بوجودها هي اتفاقية السلام مع السادات وان ايران دي ايام الشاه كان اسمها شرطي المنطقة، وكانت الدولة الوحيدة في التاريخ اللي بتاخد معونة قد المعونة اللي بتاخدها اسرائيل والوحيدة اللي اتسلحت زي اسرائيل لانها كانت بتحمي اسرائيل وان بيجن قال لكارتر ما تديش السادات سلاح احسن ده مكروه لبعدين يتعمل معاه زي ما اتعمل مع الشاه ويبقى السلاح في ايد ناس احنا مش عايزينهم يتسلحوا وان لما كانت ايران شرطي المنطقة ايام الشاه، لا كانت شيعة، ولا كانت مجوسية، ولا كانت بتحاول تبسط سيطرتها على المنطقة لانها اصلا كانت مسيطرة على المنطقة ولا حد جاب سيرة الاحتلال الايراني وكان كل العرب بيمسحوا للشاه جوخ.. هذا والله اعلى واعلم وبه الهداية والتوفيق وياخدني ويريحني)،‮ ‬وهو الحلم الذي لايزال يراود قادتها،‮ ‬الذين لا‮ ‬يعرفون من فنون النضال سوي الخطب الرنانة،‮ ‬وباسلوب اتحادات الطلبة التي تفوق فيها الرئيس الإيراني أحمدي نجاد‮ (اخصصصصص هو احمدي نجاد طلع سوسو صديقة الطلبة؟)..
وجاء مؤتمر قمة الكويت لكي يعزز (برضه؟) من دعوة مصر للمصالحة وتحقيق الوفاق العربي،‮ ‬وأعقبه مؤتمر القمة المصغرة بالرياض،‮ ‬ثم مؤتمر القمة العربية بالدوحة‮. ‬وخلال تلك القمة وجه الرئيس مبارك رسالة تحذير،‮ ‬ويبدو أن درجة استيعاب بعض الحكام والمسئولين العرب لاتتيح لهم فهمها،‮ ‬أو الوقوف عند مغزاها ومعانيها‮.. ‬كان الرئيس حازماً‮ ‬عندما قال‮ »‬إن احترامنا لبعضنا البعض ـ فعلا وقولاً‮ ‬ـ‮ ‬يفرض الامتناع عن التدخل في الشئون الداخلية،‮ ‬لاي من دولنا‮. ‬صحيح أن الانفتاح الديمقراطي في بعض مجتمعاتنا،‮ ‬قد يغري البعض بأن يسعي للزج بنفسه في أمور لا تعنيه،‮ ‬إلا أنه من المهم أن يدرك الجميع أن محاولات التدخل في الشأن الداخلي لاي دولة،‮ ‬هي محاولات مرفوضة،‮ ‬تستعدي الدول بعضها علي البعض،‮ ‬وقد تصل بالعلاقات الي مراحل التأزم والمواجهة وهو مايجب تفاديه‮«.‬
(صدق حسني مبارك الخالد، بس كان مفروض قبل المقتطف يتوضا ويقول: بسم القائد الاعظم هاي هئ)
رسالة‮ ‬يبدو أن البعض لم‮ ‬يفهم معانيها،‮ ‬أو‮ ‬يدرك مغزاها،‮ ‬والذي تلخصه مواقف مصر،‮ ‬التي تظل كبيرة رغم أنف كل الحاقدين والموتورين،‮ ‬الذين لا‮ ‬يجيدون سوي النظر تحت أقدامهم‮.‬
(ماهو ربنا انعم علينا بيك يابن كثير العصر عشان تفسر لنا ما استغلق علينا من فهم بعض ايات الذكر المباركي ونسيت تذكر الاية اللي يقشعر لها بدن المؤمن "المونيتور المونيتور، اللي بيدخل باخطر اسرائيل واللي بيخرج باخطر اسرائيل ما تقوليش فلسطين بقى دي ارض محتلة" واعتقد والله اعلم ان كلمة "المونيتور المونيتور" بتفك السحر وتبعد العكوسات)
لا أعتقد أن حسن نصر الله قد خانه ذكاؤه،‮ ‬وهو يقدم علي الهواء مباشرة اعترافات دامغة تدين المتهمين،‮ ‬الذين تم القبض عليهم،‮ ‬ذلك أنه ــ وكل من يدعمونه في إيران أو قطر أو سوريا ــ يعلم جيدا ان مصر تمتلك كل الدلائل والقرائن،‮ ‬التي تدين هؤلاء المرتزقة‮.. ‬توهم قادة إيران،‮ ‬والدول التي تتحالف معهم بالمنطقة،‮ ‬ان مصر مستباحة أمام جرائمهم ومحاولاتهم السافرة‮. ‬ومن هنا‮ ‬كان الاعتراف مقرونا بحجة ساذجة،‮ ‬وهي ان المتهمين كانوا يقومون بعملهم من اجل دعم الفلسطينيين،‮ ‬وهي حجة قد يتوقف بعض السذج أمامها،‮ ‬باعتبارها تمثل نوعا من البطولة التي توجب الثناء،‮ ‬وليس المحاكمة‮. ‬لكن اعترافات المتهمين والأدلة التي سيقدمون للمحاكمة بموجبها،‮ ‬تؤكد ــ بما لا يدع مجالا للشك ــ أن هذه الحجة مجرد ستار خادع،‮ ‬وان الهدف الحقيقي لتواجد هذه الخلية،‮ ‬هو محاولة زعزعة الأمن والاستقرار،‮ ‬والقيام بعمليات داخل مصر،‮ ‬وأخذهم خيالهم المريض إلي الاعتقاد بأنها قد تُلهي مصر،‮ ‬أو تؤثر علي دورها العربي‮.‬
(برضه... برضه... حتى بعد ما الصحف الاسرائيلية كتبت تقول مصر بتتبلى عليهم عشان تكره الناس فيهم بس احنا بقى مش مفروض نبين اننا فرحانين عشان نسيبهم يشتغلوا)
فالطامعون في القيام بدور مصر كثيرون (لا على مين؟ احنا الاوردر في ايدينا اهو واسمنا ح ينزل على الافيش قبل اسم الفيلم كمان)‮. ‬ومصر باعتبارها تمثل ثقل العالم العربي وقوته الرئيسية،‮ ‬اصبحت هي العقبة الأساسية أمام امتداد النفوذ الإيراني،‮ ‬ومحاولة الهيمنة علي منطقة الخليج،‮ ‬تماما مثلما كان دور مصر في وقف المخطط الصهيوني لابتلاع كل الأراضي الفلسطينية (وزي ما احنا عارفين الدور ده توقف تماما حيث ان ما بقاش فيه اراضي فلسطينية اصلا)،‮ ‬وتصفية القضية إلي الأبد،‮ ‬وذلك من خلال الدعم اللا محدود،‮ ‬الذي تقدمه إيران وقطر وسوريا لحركة حماس،‮ ‬وزيادة شُقة الخلاف مع السلطة الفلسطينية برئاسة محمود عباس،‮ ‬وتدخلهم الفاضح ــ من خلف الستار ــ لعرقلة جهود الوفاق والمصالحة،‮ ‬التي ترعاها مصر‮.‬
-----
رجاء من الاخوة الزوار طباعة المقال وبروزته وتعليقه على الحيطة كتحفة فنية

يا فرحة امك بيك يا حاج ليفني

الحاج ليفني ايريال فخور قوي ببنته وبيحكي عن بطولاتها.... على الله يكون جالها ايدز، ويا ترى... احم.... صداقتها مع كوندي كانت من اجل اسرائيل برضه؟ اتاري عوكل جان بيقول تسيبي ليفني جامدة وصدقيني يا سمدار لما اقول لك ان الستات جامدين

Saturday 18 April 2009

ماعدش فيها كسوف.. ياما اعملي معروف

فين صورة شافيز وجميل عازر ولينا زهر الدين والنجم الصاعق بطل سبيس تون؟


الأهرام تكشف الأبعاد الكاملة لقضية حزب الله



المؤامـرة الكـبري ضد مصـر


دول عربية وإقليمية وثلاث منظمات تورطت في المخطط التخريبي


قضية حزب الله لم تكن القيام بأعمال إرهابية فقط‏,‏ بل كانت البداية لإحداث ثورة وقلاقل ضمن مؤامرة كبري علي مصر خطط لها بعناية وبسوء نية للإخلال بالوضع الأمني داخل البلاد وإشاعة جو من الفوضي والبلبلة وتنفيذ أهدافهم الآثمة‏,‏ ما تكشف من تفاصيل وخيوط تجمعت لدي الدولة في مصر أكد حجم ما كان يحاك لها في ظلمات الليل‏,‏ فالدولة المعتدلة كانت هي هدف هذا العمل الإجرامي‏,‏ وشاركت أطراف دولية في المخطط التخريبي‏,‏ ولعل ما فضحته التحقيقات مع أعضاء خلية حزب الله‏,‏ يستدعي التأمل بعمق والبحث عن جذور المشكلة للوقوف علي حقيقة المؤامرة الكبري وتحديد أطرافها وأدوار كل طرف في تلك اللعبة المأساوية‏.

(طبعا انا من عادتي اني اعلق على الكلام العجيب... بس يجب اني اقر واعترف لقد عقد لساني)


بالدليل والبراهين تقدم الأهرام الحقائق المفزعة التي وضعت أجهزة الدولة يدها عليها‏,‏ وتحدد كيف كانت هذه القضية ولماذا الإعلان عنها الآن‏,‏ ومن الذي أرسل عملاءه وأدوارهم؟‏!


غزة أولا



بدء العمليات العسكرية في قطاع غزة‏,‏ كان توقيته معلوما‏,‏ بل ومحدد سلفا لأطراف عديدة هي ثلاث دول وثلاث منظمات وبوق اعلامي معروف دوره التآمري‏..‏ والدول هي‏:‏ ايران وسوريا وقطر‏..‏ والمنظمات هي‏:‏ حزب الله وحماس والإخوان في مصر‏,‏ والبوق الإعلامي هو قناة قطر التابعة لدولة الجزيرة‏..‏ فقد شهدت الفترة السابقة علي بدء الاجتياح العسكري الاسرائيلي لغزة‏,‏ والذي حددته علي سبيل القطع حركة حماس بإعلانها المفاجئ بعدم التزامها بوقف التهدئة‏,‏ وأطلقت الصواريخ بشكل لم يكن مفهوما إلا لأطراف المؤامرة‏,‏ وعكس وجود خطة مؤامرة كبري متفق عليها بين قيادة الاخوان في مصر واجنحتهم بالدول العربية والأوروبية وجناحها العسكري المتمثل في حماس‏,‏ وأيضا تنظيم حزب الله وكل من إيران وسوريا وقطر‏,‏ وذلك وفق أدوار نسبت الي كل طرف وحددت معالمها بدقة‏,‏ بل وتوقيتاتها للتحرك علي ثلاثة محاور‏:‏ سياسية وعسكرية وإعلامية‏.

(هيهيهيهيهي ح اموت من الضحك.....هاهاهااااايييييييييييييي ايران وسوريا وقطر وقناة الجزيرة ههههه وكمان هم اللي طلعوا عملوا الحرب على غزة؟ وهم اللي قفلوا المعبر طبعا، وطلعت هي حماس اللي وقفت التهدئة؟ الله... مش ابو الغيط في مجلس الامن قال ان اسرائيل هي اللي خرقت التهدئة؟ يعني كان بيكدب في مجلس الامن؟ "واطلقت الصواريخ بشكل لم يكن مفهوما" هو انتوا من امتى بتفهموا اي حاجة عشان تفهموا دي بالذات يعني؟)


ومن الحقائق المذهلة حول هذه المؤامرة كانت تلك الأدوار للدول والمنظمات والبوق الإعلامي.


(ده عوكل كتب لهم في ورقة كل الناس اللي مضايقينه وقال لهم هزأوهم لي... طب ليه حركة كفاية وايمن نور وسعد الدين ابراهيم مش في المؤامرة دي؟ بحبح ايدك يا راجل بحبح انشالله ماحد حوش... وكوريا الشمالية كمان، نوع من الواجب يعني مع امريكا، وبالمرة عمر البشير وطالبان وجزر القمر، كلهم عاملين مؤامرة ضد مصر، عشان غيرانين منها ومن شعرها الاصفر اللي بيرط على اورتها


الدور الإيراني




وبالتبعية له حزب الله الذي يتولي مسئولية أمانته الشيعي حسن نصر (: الشيعي دي محسساني انها: المجذوم‏,‏ والمعروف بعلاقاته الوطيدة بالنظام السوري والذي تسلم ثلاثة أرباع أسلحة الجيش السوري قبل إجلائه عن الأراضي اللبنانية‏,‏ وقامت ايران بدفع الفاتورة لسوريا‏,‏ وقد تحركت ايران عبر المحاور الثلاثة السابقة (اللي هم ايه معلش اصلي تهت) من خلال إعلام رسمي وتصريحات رئيس نظامها وتصديرها لصواريخ جراد لحماس‏,‏ فضلا عن تحركات للقائمة بالأعمال في مصر‏,‏ وتبعه في كل الأدوار حزب الله وأمينه العام‏ ايه ايه ايه؟ ايه الجملة دي؟ لا باتكلم بجد والله، فيه غلطة مطبعية؟ مين ايه؟ القائمة بالاعمال؟ فين؟,‏ وكان لإيران السبق في الايعاز لدويلة قطر (ههههه ايه الشرشحة دي؟) بالدعوة لتنظيم مؤتمر قمة عربي‏!‏ بمشاركة ايران وحماس رغم الإعلان السابق من مصر للدعوة لذات المؤتمر ولنفس الغرض‏
احم...اللي فهم حاجة يقول، يعني ايه الايعاز لدويلة قطر بعقد قمة عربية؟ وبعدين مصر ما دعتش لمؤتمر قمة عربية، مين المشوه اللي كتب الكلام ده؟

الدور السوري
وقد تبلور في توجهات وسائل الإعلام الرسمية السورية وتصريحات رئيس الدولة واحتضانه قيادات حماس خالد مشعل وجميع مسئولي اللجان للحركة‏,‏ وما واكبه فتور غير مسبوق في العلاقات المصرية ــ السورية‏,‏ ودفعه للافتئات علي مصر ودورها السياسي‏,‏ وتمسكه بعقد مؤتمر الدوحة‏.‏ الذي لم يكتمل نصابه‏,‏ وحضره أحمدي نجاد وخالد مشعل بالمخالفة لقوانين ولوائح جامعة الدول العربية ودون مشورة من الدول العربية الكبري وكانت سوريا ترأس القمة العربية في ذلك الوقت ولم تتحمل مسئولياتها طبقا للقوانين واللوائح التي تنظم العمل بالجامعة‏.
!!!!!!!!!!!!!!!!!!!!!!!!!!!!!!!!!!!!
أأ..إإ....ها؟
هي دي خناقة ضراير؟
الدور القطري
وكالعادة بدأ إعلاميا من خلال قناة الجزيرة‏,‏ والتي تخلت كالمعتاد عن حيادها وسعت لتأليب الرأي العام المصري والعربي وتأجيج مشاعرهم والايحاء بشكل فج بتورط مصر وتواطئها مع اسرائيل وأمريكا ضد حماس‏,‏ مرورا بالدور السياسي الذي لعبته قطر في الدعوة لمؤتمر مواز لذات القمة وذات الهدف‏,‏ ومحاولة كبار مسئولي هذه الدويلة‏.‏ إفشال توجهات مصر واتصالاتها ببعض دول المنطقة وبتركيا والاتحاد الأوروبي وتنظيمها المؤتمر بالتنسيق مع النظامين الايراني والسوري وأنظمة عربية أخري ("انظمة عربية اخرى" احتياطي ماحدش عارف بكره شايل ايه... يمكن السودان يمكن موريتانيا اللي بتعمل ثورة كل سبع ساعات بس كان حقهم يقولوا انظمة اخرى وخلاص ما كانوش يقولوا عربية احتياطي يمكن فنزويلا تدخل في الموضوع حد عارف بكرة فيه ايه؟ على فكرة الحشيش ده مكميك... مش نضيف، معلش اسألوا ابويا بقى، الحشيش النضيف ما يعملش الدماغ الوسخة دي)‏,‏ بشكل يوحي بأنهم جميعا جمعتهم المحن من جراء مشاكلهم الداخلية والدولية‏,‏ ولاننسي التركيز الجزيري نسبة إلي دولة الجزيرة‏,‏ علي خطب حسن نصر ومشعل والتصاقها اللافت بالمظاهرات الاخوانية في الشوارع والطرقات المصرية‏,‏ وتسليط الضوء علي الكلمة المنفلتة من مرشد الجماعة المنحلة (ما انفك ما انخلع)‏,‏ علي درجات سلم نقابة الصحفيين في ختام إحدي المظاهرات التي نظمتها الجماعة‏,‏ وكرر ما سبق أن قاله أمين حزب الله‏,‏ بدعوة القوات المسلحة والجماهير للخروج علي الحاكم
الإخوان في مصر
ولعل المتابع للأحداث يلاحظ أن ذلك الدور جاء متدرجا‏,‏ بمعني أن وتيرته قد تصاعدت قبيل الاجتياح الاسرائيلي لغزة وأثناءه وبعده‏,‏ وسعت الجماعة المنحلة قبل الغزو لاستعادة التنسيق مع بعض القوي والتيارات السياسية المعارضة لتشكيل جبهة موحدة يمكن تطويعها لتحقيق ذات الأهداف‏,‏ وتبنت المطالبة بفتح معبر رفح علي غرار حسن نصر قبل الغزو ووقف ضخ الغاز لاسرائيل بشكل دراماتيكي ومسرحي‏ (ايوة... ده احمد ابو الغيط هو اللي كاتب الموضوع ده، ماقالوش ليه الشيخ حسن؟),‏ وحركت أحد الرموز القضائية لطرق أبواب المحاكم بحثا عن حكم يجيز خروج مظاهرة شعبية حاشدة الي العريش ومنها الي معبر رفح لفتحه بالقوة‏,‏ وأطلقوا علي تلك الحملة الحملة الشعبية لفك الحصار علي غزة سعيا لتحرك جماهيري واسع تحركه المشاعر الوطنية والاسلامية‏,‏ ويؤجج مشاعرة من خلال قناة الجزيرة‏,‏ ويعتمد علي الإيحاءات بأن مصر كانت تعلم بالغزو وساعدت عليه‏,‏ بل أن حماس نفسها كانت صاحبة القرار الأول والأخير علي نحو سنتطرق اليه‏..‏ وقد اصدرت قيادة الجماعة المنحلة بالتنسيق مع حماس تكليفات لكوادرها بالاستمرار في تنظيم التحركات الجماهيرية بدعوي الاحتفال بانتصار حماس والمطالبة بفتح معبر رفح وجمع أموال طائلة من الشعب المصري الذي يعاني من جراء الأزمة الاقتصادية الخانقة (وطبعا زي ما انتوا عارفين حماس هي اللي عملت الازمة الاقتصادية الخانقة للشعب المصري) وبزعم اعادة إعمار غزة ثم استولت عليها كالمعتاد‏,‏ ولعل الدليل علي ذلك ما ضبط بحوزة عناصر الجماعة من أموال ومجوهرات في إحدي القضايا التي استهدفت كوادرها بإحدي محافظات الوجه البحري مؤخرا‏‏
طب والله العظيم تلاتة ما فاهمة حاجة، والله العظيم ما باستعبط
ايه المؤامرة دي؟
"مؤامرة... مش عارف مين كان بيكلم مش عارف مين، بيقول له مش عارف ايه"

وغالبا مشارك فيها قناة سبيس تون والام بي سي ماكس، خصوصا انها بتقتطع الكلام اللي مصر كان لها ريادة في ترجمته زي
fuck you
تبا لك
ماما بتقول ان غالبا هو جميل عازر الرأس المدبر، لانه بيبص لنا بجنب عينه بصات مريبة، ودايما يطلع في النشرة لوحده
بس انا شاكة في البت لينا زهر الدين، وغالبا هم بيحاولوا يلهونا بجميل عازر وليلى الشايب عشان يشتتونا عن الراس الكبيرة اللي هي بت لينا ثم انها رفيعة قوي وده دليل على انها بتغل في نفسها
دور حركة حماس
وركز قوي في دور حماس لو سمحت
وهي الحاضر الغائب فيما سبق وما سيلحق به‏.‏ فقد كانت حماس معول هدم في الكيان الفلسطيني‏,‏ وسعت للأنقسام والاستئثار بجزء من كيان الوطن والخروج علي الشرعية‏,‏ وتقليد حسن نصر ومحاولة الايحاء بأنها تسعي لأسر جنود وضباط من الجيش الاسرائيلي‏,‏ وأخذت تلوح برفضها تمديد التهدئة ثم قامت في تاريخ انتهاء التهدئة باطلاق صواريخها العبثية ـ علي حد قول الرئيس محمود عباس ـ لدفع إسرائيل للقيام بدور عسكري دون الالتفات للشعب الأعزل في غزة‏,‏ والنكبات التي تلحق باطفاله ونساءه‏,‏ وشيوخه وبنيته التحتية ومصادر رزق أبناءه وكلما تحدثت مصر عن تلك الخطوة بأنها غير مدروسة خرجت علينا تصريحات عناصر حماس القابعين في دمشق ومن خلال قناة قطر التابعة لدولة الجزيرة (ومن خلال الرسائل المشفرة عبر سبيس تون) أن مصر تواطئت مع إسرائيل ضد أبناء غزة‏.‏ ولعل المتابع لتلك الفترة يلاحظ التمهيد الاعلامي والسياسي من جانب الجهات المتورطة في المؤامرة‏,‏ وهي الإخوان وحزب الله ودول ايران وسوريا وقطر وقناة الجزيرة.
(ومؤسستا ايف سان لوران وكارتييه والبت اللي بتشحت بقالها خمستاشر سنة جنب جامعة عين شمس)
ووفقا لحسابات حماس والتي خرج علينا بها رئيس مكتبها السياسي فإن قراءته المغايرة للواقع وغير المدروسة كانت تتوقع علي حد قوله في تصريح معلن من دمشق ان الغزو الإسرائيلي لن يتجاوز ثلاثة أيام وهي مدة كافية لتحقيق مايلي‏:‏‏
*‏ إضطلاع جماعة الأخوان وأجنحتها الأوروبية وبدعم من الجزيرة باستشارة حماس شعوب المنطقتين العربية والإسلامية‏,‏ فضلا عن مسلمي الغرب والهاب مشاعرهم (وطلع مسلمي الغرب كمان ضالعين في المؤامرة..طب وسيدنا جبريل؟ اخباره ايه معاهم؟ دي مؤامرة الهية وللا ايه؟)‏,‏ وتولي قيادة الجماعة في مصر تنظيم المسيرات والمظاهرات الحاشدة والوقفات الاحتجاجية‏,‏ ودفع المواطنين للخروج إلي الشارع واشاعة جو من الفوضي بهدف السيطرة علي مجريات الأمور واختزال كل تلك الأمور في مهمة فتح معبر رفح بالقوة الأمر الذي سيؤدي من وجهة نظر مرشد الجماعة المفزوع الي تغيير النظام القائم بالقوة استجابة للمطالب الشعبية (هو المعبر لما يفتح نظام الحكم ح يتقلب؟)‏,‏ أو إجباره علي الاستجابة لتلك المطالب‏,‏ بما يؤدي إلي الغاء اتفاقية السلام (وكمان اتفاقية السلام ح تتلغي؟ يعني اللي خلا مصر تقفل المعبر هي اسرائيل؟ امال كانوا بيقولوا لا ليه؟)‏,‏ وبالتالي نشوب حرب جديدة‏,‏ وهو ما تتمناه ــ الجماعة ــ لتغيير النظام لمصلحة أهدافها التآمرية‏.‏‏
(هو لو نشبت حرب نظام الحكم يتغير ليه؟ ده المفروض ان في الحروب الناس بتصطف ورا نظام الحكم حتى لو معارضة له ده انا حتى فيه بعض معارضين قالوا لي "مش من مصلحتنا ان مبارك يحارب اسرائيل لان ده ح يزيد شعبيته"..الا اذا كانت الحرب مع نظام الحكم نفسه
*‏ توفير الغطاء السياسي العربي والاسلامي لتنفيذ تلك الخطة من خلال الادوار المنوطة بالدول الثلاث وانطلاقا من قرارات قمة الدوحة إذا ما كان قد اكتمل نصابها‏.
طب والله العظيم الحشيش مكميك... يا اما دي صراصير بقى
‏‏*‏ الايحاء بفتح جبهة جديدة مع إسرائيل لتخفيف الضغط علي غزة وعناصر حماس‏,‏ عن طريق اعادة تفعيل جبهة حزب الله‏,‏ وهو ما بدأ بالفعل في تنفيذه باطلاق ثلاثة صواريخ من الجنوب تجاه المستعمرات الإسرائيلية الشمالية‏,‏ وسرعان ما اكتشف حزب الله أن ليس بمقدوره انجاز هذا العمل‏,‏ وخرجت علينا القناة القطرية لتبث تصريحات قادة الجيش الإسرائيلي لتؤكد أن إسرائيل قد حصلت علي تأكيدات من قيادة حزب الله بأنها بعيدة عن هذا العمل‏,‏ ولا تتحمل مسئولية هذه الصواريخ وقذائف الهاون‏,‏ وما صاحب ذلك من صخب إعلامي ثم هدوء تآمري مطبق‏.‏
انا زهقت من كتر الضحك... وبقي وجعني
عودة لحزب الله في المؤامرة
هو كان راح فين؟
كان الدور المنوط بحزب الله وفق ما أدعي أمينه العام بتحمل تلك المسئولية بأن يمهد لتنفيذ الشرارة الأولي بإندلاع الاحداث في مصر في وقت سابق علي الاجتياح الإسرائيلي لغزة‏...‏ فقد بدأ الاستعداد لاطلاق تلك الشرارة بأيدي عناصر الحزب في وقت مبكر مع نهاية عام‏2005‏ وبداية‏2006‏ وكانت هذه الفترة بداية نسج خيوط المؤامرة‏,‏ وفي وقت لم تكن هناك مشكلة لمعبر رفح‏,‏ ولم تكن حماس في مواجهة مع إسرائيل‏,‏ ولم تكن استأثرت بغزة فالامور كلها مستقرة‏,‏ لكن النية كانت مبيته والمؤامرة كانت تنسج بليل (ما ينفعش الصبح؟) ويخطط لها بإمعان‏,‏ اعتمادا علي عنترية حزب الله وإجرامه الممعن فيه والضمانات التي ساقها مسئولو الحزب للدول والكيانات التنظيمية‏,‏ فكان من المقرر البدء في التخطيط لتنفيذ العمليات الارهابية في مصر عقب كلمة أمين عام الحزب في يوم عاشوراء‏ (انا الظاهر مش نايمة كويس، هو ايه علاقة 2006 بعاشورا 2009؟),‏ والتي حرض فيها الجماهير والجيش المصري للخروج علي الحاكم وأشاع بعملياته اللوجيستيه في أوساط بدو سيناء جوا من الاضطراب والبلبلة وشبه الفوضي في هذه المنطقة المقدسة من أرض مصر (شفت الارنب ويا القطة راكبين تاكسي وبيقول هو..هي تقول له حطة يا بطة وهو يقولها بسبس نو)‏,‏ وتبعه في ذلك المسلك المرشد المفزوع بأن كرر ذات الأقوال ولجأ لذات الأفعال وسعي لتثوير الشارع‏,‏ ونتذكر حالات العصيان المدني والتظاهرا ت التي نظمها البدو في‏2007‏ و‏2008‏ بشكل لم يسبق حدوثه في تلك المنطقة ولأسباب لا يعملها إلا الله من حيث الظاهر‏,‏ ومن الباطن كانت تلك الأعمال اللوجيستية التي تحدث عنها حسن نصر في خطابه الاعترافي ودفاعه عن عملياته الفاشلة في هذا الوطن وفقا لما أجراه من دراسات مستفيضة حول الكيانات البدوية وأماكن تمركزها طبقا لاعترافات عناصر خليته
(واضرابات العمال كمان، وفلاحين سراندو، والقرصاية، وطوابير العيش، وحادثة القطر، وغرق العبارة، كل ده كان من تخطيط حزب الله مع سبيس تون وجميل عازر، ده لما طفاطيفو قال ان حزب الله هو الماس الكهربائي وهو اللي عمل انفلوانزا الطيور عشان فتح على الطيور وهي بتستحمى كان عنده معلومات استخباراتية بقى...همممم بقى طلعت رأفت الهجان يا طفاطيفو؟

الموقف يستدعي تحديد بعض الأدلة الملموسة لتحقيق الرابط بين تلك الدول والمنظمات وفقا للتسلسل الزمني لاحكام هذه المؤامرة الكبري ويتضح مما يلي‏:

اسمع بقى الادلة الدامغة

‏1‏ ـ أن هناك ضمن خلية حزب الله المحبوسين‏,‏ خمسة من أعضاء جماعة الإخوان المنحلة المنضمين والمنخرطين في صفوفها بالبلاد والمضطلعين علي مجريات العمل‏,‏ والعالمين بترتيبات ذلك المخطط‏,‏ والموصلين لمرشد المنحلة وهم‏:‏ عبدالله ماهر ابراهيم عوض‏,‏ وعبد الرحمن موسي سليمان ضرغام مصريان واللذان انخرطا في الجماعة منذ سنوات‏,‏ وكذلك نمر فهمي محمد الطويل وناصر خليل معمر أبو عمره وشاهين محمد شاهين من أعضاء الجماعة وهيكلها التنظيمي في شمال سيناء والثلاثة من فلسطين‏,‏ والخمسة من أكثر عناصر الخلية ارتباطا باللبناني محمد يوسف منصور المعروف باسم سامي شهاب

‏2‏ ـ التحرك الإخواني بدأ قبيل إندلاع حرب غزة والاجتياح الاسرائيلي بمحاولات لم تنطل علي أجهزة الأمن المصرية ودارت جميعها حول معبر رفح‏.‏ واستدرج بسذاجة منقطعة النظير أحد المستشارين للقيام بدور قضائي في هذا الاطار (يعني القضاء المصري ساذج؟ طب كتر خيرهم ده بس من اصلهم، عمري ما شفت نظام بيشتم في القضاء بتاعه)‏,‏ فضلا عن التحرك الجماهيري المفاجئ من أقصي مصر إلي أدناها بمجرد إندلاع أحداث غزة (طب كويس انهم قالوا تحرك جماهيري واسع، يعني طلعت الجماهير كمان متآمرة على مصر)‏,‏ وكان يشارك في كل تحرك أحد رموز الجماعة المنحلة وتوزيع المنتمين لها من نوابهم في مجلس الشعب لقيادة هذه التحركات والاحتماء بالحصانة البرلمانية‏ (هيهيهيهي وكمان البرلمان متآمر؟ طب لما القضاء المصري، والجماهير المصرية، والبرلمان المصري متآمرين ضد مصر، مين مصر بقى؟ ياريت يشاوروا لنا عليها )..!

‏‏3‏ ـ التصريحات الصحفية لمرشد المنحلة لثلاث صحف عربية قبل الإجتياح علي غزة أظهرت بشكل واضح أن حماس تعد إمتدادا لجماعة الإخوان في مصر‏,‏ وأن الجماعة ترحب بالمد الشيعي الأيراني في المنطقة العربية (المنحلة قالت نرحب بالمد الشيعي؟ يمكن عشان هيفاء وهبي...ماهي منحلة بقى) وتأييد استمرار ايران في نشاطها النووي‏,‏ حتي لو كان غير مخصص للأغراض السلمية‏.‏ والتأكيد علي أن حسن نصر يحظي بتأييد الشعب المصري والعربي وأنه بطل قومي(مش باقول لكوا الجماهير متآمرة)‏..!

‏‏4‏ـ كانت السقطة الكبري لعاكف مرشد المنحلة والتي كشفت عن تنسيقه المسبق في المواقف مع أمين حزب الله‏,‏ ما ردده في الوقفة الاحتجاجية التي نظمتها الجماعة أمام نقابة الصحفيين يوم‏29‏ ديسمبر‏2008,‏ حيث جاءت تصريحاته متطابقة مع تصريحات نصر الله والتي طالب فيها الجيش بالتمرد علي الحاكم وأن يهبوا للدفاع عن الشعب الفلسطيني الأعزل‏,‏ ولم يكتف بذلك‏,‏ بل أصدر تكليفاته لأتباعه ومريديه داخل البلاد وفي الخارج‏,‏ يتنظيم فعاليات جماهيرية في توقيت متزامن من يوم الإثنين‏29‏ ديسمبر‏2008‏ تلبية لدعوة أمين حزب الله في خطابه السنوي الذي ألقاه في اليوم السابق علي ذلك‏.‏وبرغم تقديرنا الكامل لأجهزة الأمن في إفشال هذا المخطط التخريبي وكشف خلاياه والمتورطين فيه وإجهاض تلك المؤامرة وتحديد أطرافها (لا ثانية واحدة، الكلام ده معناه ان دعوة نصر الله لاقت قبول لدى بعض الاطراف داخل مصر؟ امال اجهزة الامن افشلت ايه؟ وليه قالوا ان الدعوة دي لم يستجب لها احد في مصر كلها؟)‏,‏ فإن الرأي العام (اللي هو مين بقى؟ مش الجماهير طلعت متآمرة؟) الذي أدان اختراق حزب الله للسيادة المصرية‏.‏ يتساءل‏:‏ ما الموقف الأمني من جماعة الأخوان طالما هي الحليف الرئيسي لحزب الله‏.‏ والتي سارع محاموها بشكل محموم للدفاع عن المتهمين في الخلية الارهابية برغم ثبوت تورطهم‏,‏ وهل سيتمتع الرأي العام بالتغير الدراماتيكي في موقف المنحلة ولا يقتنع بتواطئها مع حزب الله بجملة تصريحات جوفاء ويصدق ما صرح به نائب المنحله لصحيفة خاصة تتحدث باسمهم بأن بعض المتهمين كانوا في الجماعة وتركوها لسبب أو لآخر‏ (لا صراصير يعني صراصير ومبلعها بمنقوع براطيش تعبئة تحت السلم، ليه النتانة دي؟ مش بيدوك مرتب كويس تشتري حاجة نضيفة؟).‏وكأن التاريخ يعيد نفسه فقد سبق لأستاذه حسن البنا وفي موقف مماثل وعقب حوادث تفجيرات نفذتها خلايا الجماعة ممن يسمي النظام الخاص بالاعلان أنهم ليسوا أخوانا وليسوا مسلمين‏.‏وحتي لانلقي علي الجماعة تلك التهم جزافا‏.‏ فإن الأهرام تضع أمام الرأي العام وثائق تنظيمية ضبطت فيما يعرف بقضية الذراع الماليه للجماعة والتي أحيلت للقضاء العسكري وحكم فيها‏,‏ ونشر في هذا المكان يوم‏24‏ أبريل الماضي ما يؤكد تلك الاتهامات ومنها‏:

‏‏*‏وثيقة بعنوان المجموعات الساخنة (مجموعات نسوان لابسة بكيني يعني؟) وتعرف الوثيقة هذه المجموعات بأنها فرق للمهام الخاصة لايعلم من الجماعة بوجودها سوي ذوي السلطة فقط وأعمالها سرية حتي عن مسئوليها أحيانا‏,‏ ونرجو مطابقة ذلك علي خلية حزب الله وعناصر الأخوان الخمسة المنخرطين فيها‏.‏‏

انا ليه حاسة اني غبية قوي، كتير باحس اني غبية، بس المرة دي اكتر مرة في حياتي كلها احس فيها اني غبية

*‏وثيقة ثانية ماذا نحن فاعلون‏,‏ والتي أوضحت معالم العمل الجهادي لدي التنظيم الأخواني ومنها‏:‏ أن يبذل كل مايستطيعون لمساعدة المجاهدين في أي مكان ومحاولة إيصال الأموال لهم بأي وسيلة والوجود والمرابطة في مناطق الجهاد المحتمل مثل رفح وجنوب لبنان والاردن إنتظارا لفرصة الجهاد والدخول إلي مرحلة دعم المقاتل الفلسطيني بتشكيل مجموعات من دول الطوق مصر والاردن ولبنان وسوريا لاختراق الحدود بشكل تقني (اخص عليهم وعلى وشهم، اخرجوا آل لوط من قريتكم إنهم أناس يتطهرون)‏,‏ وتزويد حماس وباقي فصائل المقاومة بالسلاح‏,‏ وإدخال الراغبين للجهاد إلي الأراضي المحتلة‏,‏ وهذا ما حدث بالضبط في تنظيم حزب الله بل وبذات المسمي الطوق‏.

امال ايه اعمال تخريبية داخل مصر دي؟ انا غبية قوي، مش فاهمة حاجة خالص، طب والله كتاب تلخيص نظرية النسبية بتاع اينشتاين كان اسهل، طب والله العظيم كان اسهل

‏‏*‏ إعداد كتائب مستعدة وفي أي لحظة لتنفيذ الخطة في توقيتاتها‏,‏ ووضع برنامج محدد الوقت لبدء التدريب علي حمل السلاح‏,‏ والتركيز في الخطاب الدعوي علي الجهاد وإنشاء قناة تبث أرضيا من لبنان ولا تتبع أسلوب الدعاية للاخوان‏,‏ ولكن بهدف توعية الشعوب تاريخيا وثقافيا‏,‏ لما تتطلبه المرحلة‏.‏‏

وكمان عايزين يوعووا الشعوب؟ اتفوووووو ناس واطية صحيح، يسيبوا الشعوب في حالها، ايه اللي يوعينا احنا؟

*‏ الجهاد هو السبيل الوحيد للنجاة في الدنيا والآخرة وهو الواجب الشرعي ضد الحكام واليهود والكفار‏.‏تلك كانت المؤامرة التي خططوا لها بعناية قبل سنوات (هاهاهاهاهاهاااااااايييييييييي لا لا لا لا، انا باطالب بالقبض على الصحفي اللي عمل التحقيق ده، طب والله انا شاكة فيه، ده عميل للاخوان وحزب الله، وعامل مخطط لتحسين سمعتهم وصورتهم، وفوق البيعة بيتعاطى حبوب هلوسة، ده لازم ينضم لقضية حزب الله فورا، وياخد اعدام ده لو حسن نصر الله ومرشد المنحلة كتبوا عن نفسهم ح يتواضعوا لله ومش ح يرضوا يزكوا نفسهم بالطريقة دي) وجاءت هذه القضية لتظهر الحقائق كاملة أمام الرأي العام‏ (وطبعا الرأي العام دلوقت هو الصحفي ورئيس التحرير وابو الغيط وجمال مبارك...ملاعين السما السابعة على رأي ام زينب، ماهو ما فضلش بعد المقال ده غيرهم اللي مش متآمر على مصر، بعد اتهام القضاء ومئات الالاف من المتاظهرين من "ادنى مصر الى اقصاها" ومسلمين الغرب واعضاء البرلمان),‏ عما كان ينتظر هذا الوطن‏,‏ لكن رعاية الله ورجالا علي مستوي المسئولية لديهم الوعي والقدرة‏,‏ كان وراء كشف من أرادوا العبث بالوطن وأمنه‏

جزاكم الله خيرا يا اخ احمد موسى وجعل هذا التحقيق في ميزان حسناتك

الصمت والصدى

انا باعيط دلوقت ومش فايقة اتكلم
لما يتعاد فيلم الصمت والصدى على الجزيرة شوفوه واقروا الفاتحة لسعد حلاوة
سلامتك يا مصر
---
تحديث:
الفيلم ح يتذاع على الجزيرة يوم الاثنين بعد الحصاد
ارجوكوا شوفوه... بيتكلموا عن مصر، بس مصر تانية، ومصريين تانيين، واحد فلاح ياخد رصاصة في جبهته عشان معترض اعتراض سلمي على دخول السفير الاسرائيلي لاول مرة لمصر بعد اتفاقية السلاخ يقوم وهو بيموت ياخد دمه من جبهته ويكتب بيه على الحيطة "تحيا مصر عاشت مصر حرة مستقلة" وبعدين يموت... اللي ممكن يعمل كده دلوقت يرفع ايده، انا ايديا على الكي بورد
وطبعا السؤال مش موجه للي بيدافعوا عن سيادة مصر ضد المقاومة والعدوان الفلسطيني على المعبر!!! ولا كانت تخطر على بال سعد حلاوة ولا كان يحلم بيها في اسوأ كوابيسه
الله يرحمه
هم بيوجعوا قلبنا ليه وجايبين لنا الفيلم ده؟ ناس رايحة لواحد جار عليه الزمن وساكن فوق السطوح يقول له فاكر لما كنت أمير وساكن في قصر؟ يا عيني عليك وعلى اللي صابك ... طب ح يعمل لهم ايه غير يحزن على نفسه؟

يعني احنا دلوقت ح نعرف اخبارنا من الاعلام الاسرائيلي؟

طب ده الاعلام الاسرائيلي ما بيبطلش فشر ولا ابو لمعة، ح نعرف منين بقى؟
يعني اذاعة اسرائيل قالت ان مصر بتعد مذكرة لملاحقة سماحة السيد دوليا
وبعدين فيه كام حاجة اسرائيل قالتها ومصر نفتها
والاتنين اكدب من بعض والواحد بقى ح يبقى زي الكلب الحيران باناتهم
بالنوسبة لكتائب شهداء الاقصى مجموعة ايمن جودة (دول يقربوا لابو جودة؟) ههههههههه احسن، شوفوا مين ح يعبرهم ببمب العيد حتى، يعني هم اتركنوا على مصر؟ ح تديهم سلاح يعني؟ انا مش عارفة هي الناس كلها جايبة العشم فينا ده منين؟ مين ابن الكلب اللي تآمر على تحسين صورتنا بالطريقة المريبة دي؟
بيفكروني بسنية لما افتكرت عرفة الشواف دكتور عيون ويقول لها: لا
ما تقولش لا
بس
ما تقولش بس
مش
ما تقولش مش ما تقولش مش ما تقولش مششششششششش ده انت اللي ح ترجع النور لعينيا
كنت رجعته لنفسي يا ماما
حماس وحزب الله يقولوا: ما كانش والله العشم تعمل كده يا حسين، مش ده اللي متوقعينه من مصر
وكتائب شهداء الاقصى تراهن علينا على اساس ح نديهم ايه؟ شم النسيم جاي ح نديهم فسيخ ورنجا.... وبيض ملون ياااااااااللا شالله ماحد حوش
الا اذا كانوا هم اصلا ما بيعملوش حاجة خالص من الاساس، ماهو مش ممكن فصيل مقاوم بجد بيعمل اي حاجة ليها لازمة في حياته ويراهن علينا الا اذا كان اعضاءه كلهم شموا تلوث، دول باعتين جواب لمحمود عباس بيطمنوه يعني
ايه اللخبطة دي؟ محمود عباس؟ ومبارك؟ ومقاومة؟ بيقاوموا مين دول؟
على رأي طفاطيفو: ابعتي لي حد يلطم وانا اصوت او اصوت وهو يلطم بس نتعاون
ما يهدوا بقى... الموضوع كده باخ منهم قوي واتظفلط ومش عارفين يتحكموا فيه، هو حصل ايه؟ ايه الظيطة والظمبليطة في الصالون اللي هم عاملينها دي؟ عايزين ايه دلوقت حاليا؟
ماحد يشوفوهم عايزين ايه عشان يسكتوا، ايه الفركيشة اللي عاملينها دي
هو النظام المصري ماله بقاله فترة هادم اللذات ومفرق الجماعات كده؟
يفركشوا القمم العربية (ويطلعوا يقولوا لنا كده وفرحانين: هيييه هيييه)، ويفركشوا مجلس التعاون الخليجي، ودلوقت بيفركشوا فصائل المقاومة
هم مالهم بقوا فسية شيطان كده؟ عاملين زي الراجل العاطل الفاشل اللي مالوش لازمة في الحياة وكل يوم يقرف مراته وينكد على عياله عشان يحسسهم بوجوده