Saturday, 11 April 2009

اسم الله عليك... يا سيدي ده التلوث بعيد عنك

انا ما لحقتش اشوفه على التلفزيون، شفته على النت هنا
ماما في التليفون قالت لي: حلو قوي. وبس، جو بعت لي رسالة على الموبايل: شفتي؟ مسح فيهم البلاط، مالك شفته بعد حفلة التوقيع قال لي: ده سلم الواد وقال انه من حزب الله...ليه كده؟
وانا ما اقدرش احكم غير لما اشوف، وشفت   
هههههههههههههههههه
هههههههههههههههههههههههههه
هههههههههههههههههههههههههههههههههه
الله يكسفهم، هو خلاص؟ النظام بتاعنا بقى مبعث الضوحك؟ هههههههههههه الراجل فطسان على روحه من الضحك، هههههههه انا عمري ما شفته بيضحك قوي كده، كنت فاكرة بقى انه ح يطلع متضايق، متنرفز، مكشر حتى
كل ما يجيب سيرة النظام المصري يروح كركركركركركر
الله يكسفهم، الله يكسفهم، الله يكسفهم، سيناريو ايه اللي ح يكتبوه؟ لا معلش يا سيد حسن، انا بادرس سيناريو عند رأفت الميهي ودي اهانة للسيناريو، ده كل ما حد فينا يقول حاجة رأفت الميهي يقول له: قول كلام منطقي، وماحدش يقول لي خالتي حصل لها كده، احكي حاجة تخش مخ الناس، يا اما ح تخرف يبقى تبين انك ح تخرف من الاول
اولا هو ما سلمش الواد زي ما مالك قال لي، هم اتصلوا بالسلطات المصرية من اياميها والمفروض انهم كانوا ح يسووا الموضوع من ساعة ما اتقبض عليه قبل الحرب بشهر وعشر ايام
ثانيا، ما مسحش بيهم البلاط ولا حاجة، ههههههههههه دول صعبانين عليه، طب والله العظيم حسيت انهم صعبانين عليه وبقى يا عيني مش عارف يعمل ايه؟ وعلى رأي علاء ولي الدين: واما شفتك زادت حيرتي، قلت ده عيل واهله ملبسينه لبس العيد وللا دي خلقة ربنا، مش قادر يشتمهم، عمال يضحك شوية، وبعدين يصعبوا عليه يحاول يكلمهم بالراحة: ليش النظام المصري بيفش خلقه فينا؟ وبعدين تحبكه النكتة يروح متريق عليهم، وبعدين يستعجب من غباوتهم: انا قلت فكوا عنا، والى من لا يعرف اللهجة اللبناني يعني حلوا عنا، يعني دعونا وشأننا
بالانجليزي: ليف اس الون.. بالهندي: نهي تشوردو
اكلمك بالمعلمين وبتوع المخدرات اللي انت بتقعد معاهم؟ ابوك ح يسيب البيت يابو السلاطين...هع هع هع.. اكلمك بالعوالم اللي انت بتقعد معاهم؟ الجدعان.. بيحيوا ابوهم اللي ح يطفش ويسيب البيت... ايييييييييييييييه بتقول اييييييييييييه
معلش يا سيد حسن، المية فيها تلوث ورصاص من الخزانات، والاكل فيه اشعاع، والهوا فيه عادم، معلش نعذر بعضينا
والتانيين اسكتوا بقى
اسكتوا بقى فضحتونا، حولتونا من الاخت الكبرى للاراجوزة الكبرى ارحمونا
وتقولوا له شقق وفيلل فخمة على الحدود ما بين غزة ومصر؟ انتوا بتستعبطوا؟ هو انتوا فاكرينه عشان في لبنان مش عارف؟ ما بيشوفش التلفزيون يعني؟
ده كان عمال يكلمكوا كأنه بيكلم عيل عنده خمس سنين: ليه يا بابا كده؟ ليه؟ قول سوري لعمو... كخ كده كخ
وافرجوا عن التسعة واربعين حرام عليكوا، ورجعوا الراجل بلده ده مواطن لبناني
مستحملين غباوتكوا علينا وساكتين بتفرجوا علينا الناس ليه؟ بعد كده اي حد ح يقابلنا في اي حتة ح يشاور علينا ويقع على ضهره من االضحك
اهو... اهو يا عااااالم اهو، اهو احنا بقى مستحملين الهبل ده بقالنا تمانية وعشرين سنة، عشان تعرفوا احنا شايلين ايه؟ ده احنا جمل
ملبوسة نسيت اقولها:
سبحان الله يا اخي  عشان ح يدخل ناس تتغابى برضه، يعني ايام حرب غزة الناس كلللللللللللللها كانوا عمالين يقولوا: وفين بقى حزب الله؟ مش بيساعدهم ليه بقى؟ يعني مستخبي اهو؟ ده حتى لما طلع صاروخ من عندهم راح قال مش انا يا عمو، يعني عامل عبيط، يعني ما بيتدخلش، يعني ما بيساعدش
ودلوقت اكيييييد اكيييييييييييييد اكييييييييييييييييييد هم هم نفس الناس، بنفس البنطلون بنفس الفانلة ح يطلعوا يقولوا لنا: وهو ازاي يبعت يساعد غزة عن طريق حدودنا؟ احنا من حقنا نحمي حدودنا، هو عايز يجرنا على حرب؟
اهم دول اللي جابوا لنا دوكهمة اللي بيحكمونا
ليه؟
عشان اصلا مش دي التهمة الموجهة من الدولة المصرية لحزب الله

109 comments:

مواطن مصري said...
This comment has been removed by the author.
جبهة التهييس الشعبية said...

شقة ايه اللي بتتأجر في رفح يا مواطن
يا مواطن حرام عليك يا مواطن
يا مواطن ح تجيب لي شلل يا مواطن
انا لو مت ما يعزيش فيا.. هو اللي قتلني

هو فيه شقق مفروشة على الحدود في رفح؟
يا راجل ح تموتني
ح تموتنييييييييييييي

مواطن مصري said...
This comment has been removed by the author.
مواطن مصري said...
This comment has been removed by the author.
جبهة التهييس الشعبية said...

انت سمعت الخطبة يا مواطن وللا ح تشلني ع الفاضي؟

هو فيه حدود مع غزة غير من مصر؟ اللهم من اسرائيل بقى

داخل غزة من مصر عشان يشيل لهم حاجات يدخلها

والكلام ده كان قبل الحرب

وقبضوا عليه
وحزب الله اتصل بيهم عشان يسووا الامر

بعدين ابتكروا القضية المخترعة دي بتاعة بيأجروا شقق وفلل وبيقلبوا نظام الحكم

مع انهم في الاول قالوا: واحد لبناني كان عايز يتسلل لغزة عبر الحدود المصرية

دلوقت مش جايبين سيرة التسلل لغزة خالص

بيتكلموا عن شقق وفلل وشاليهات في رفح
هو فيه شقق وفلل وشاليهات في رفح انت راخر؟

انت عايش في المريخ؟
ايه حكايتك يا مواطن
ما تسمع الخطبة

مواطن مصري said...
This comment has been removed by the author.
Anonymous said...

واضح ان تاكيدك الدائم علي انك بتدرسي سيناريو عند رافت الميهي دا نوع من عدم الثقة - لانك لو متمكنه من حرفة السيناريو كنت فهمتي انك الحركة دي من ضمن مسلسل التصعيد والسجال السياسي ما بين مصر والسعودية من جانب ومحور حزب الله ايران ومعها حماس بالمرة , وليس كل ما يقال او يذاع هو الحقيقة وانما هو سيناريو ولكن علي مستوي اكبر يتحكم في التصعيد الدرامي صعودا وهبوطا....... وبالرغم من سذاجة الدعاية المصرية من جانب فانها في مواجهه خطاب تصعيدي ثوري تهكمي من جانب اخر
ومع احترامي الكامل للسيد حسن نصرالله وكل مقاوم شريف
لماذا لايكون الدعم اللوجيستي من خلال مصر فقط ..... اين جنوب لبنان ... اين الدعم من خلال الشقيقة سوريا
بل اني اتسال اين السيد حسن نصر من اغتيال رجل ومناضل شريف مات غدرا في دمشق في العام 2008 وهو السيد عماد مغنية وهو من اكبر كوادر حزب الله في ذلك الوقت
لم نري ردة الفعل الا في خطابات السيد حسن الثورية الملتهبة الساخرة اللاذعة
اما دمشق مازالت تتمتع بعادتها منذ الازل وعلي طريقة موسكو
الا وهي الصمت والغموض

Ahmed Nasr said...

يعني فاتك المتش مباشر؟
انا شفته برة البيت..والناس عمالة تضحك وتضحك..وانا اقول ربنا يجحمك يا مبارك زي ما كسفتني فوسط العرب..

حواليا سعوديين ولبانيز ومن كل لون..وانا أكتر واحد بيضحك أصلا هههههه

طيف بدر said...

(1)
طوال حرب غزة كانت أبواق النظام الصهيوفرعوني في مصر تنعق : " أين العرب ليتقدموا و يحاربوا حمية لأهل غزة بدلا من الحرب لآخر جندي مصري ؟ " و لما قام حزب الله بمحاولة الدعم اللوجستي لحماس وقف النظام الصهيومصري ضد حزب الله ... قبل عامين خاض حزب الله حربا ضد الصهاينة بدون حاجة لأي جندي مصري و لم يطلبوا أي جندي مصري ، و لكن الشوفينية المريضة لدى الإعلام و النظام المصري مثلها كمثل الحشيش و البانجو .
نفس الأمر بالنسبة للسودان ، عندما أرسلت شاحنات محملة بالأسلحة إلى غزة تعاون النظام المصري مع شقيقه الإسرائيلي لضرب القافلة عبر الأجواء المصرية و لا عزاء للسيادة المصرية المزعومة .

mido said...

شفت مين لأول مرة في الحفلة ؟ و عايزين الصور و الفيديوهات

طيف بدر said...

مواطن ...
أنا نفسي أفهم إنت إيه اللي بتفهم فيه ؟؟
يعني من يوم ما انا وعيت على مدونة نوارة و إنت لا بتفهم في سياسة و لا تاريخ و لا جغرافيا و لا حتى في الطاولة ...
يا بني روح شوف شغلانة تنفعك ... اشتغل كدة في الخارجية المصرية ، أهو ده المكان اللي يلم أمثالك

mido said...

اه صحيح مواطن مصري راح الحفلة :)) ؟

Anonymous said...

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه


يسلم قلبك وفمك ويدك وكل ماله علاقة بك من قريب او بعيد

طيف بدر said...

افتكر كمان يا مواطن إن حزب الله من سنتين حارب الصهاينة من أرض لبنانية و مخدش مننا غير قلة الأدب و طولة اللسان و الوقوف في صف اليهود ضدهم .
الله يسامحك يا نوارة ... بقى ده بني آدم أشوفه قبل ما أنام ؟؟

جبهة التهييس الشعبية said...

اهو فيه واحد انونيمس غبي اهو والحمد لله عارف انه غبي عشان كده دخل انونيمس

فيه حاجة اسمها يدخل لغزة مساعدات من جنوب لبنان؟

فين يمين من شمالك يا انونيمس؟

ايدك اللي بتاكل بيها فين؟

طب لخبطهم على بعض

ها

فين يمينك من شمالك؟

مواطن مصري said...

على العموم لو هيحصل تطاول و عدم احترام انا اسف على التعليق عندك و شكراً

ahmed samir said...

و النبى يا بنى أدمين
ارحمونا
قطاع غزة عبارة عن حته أرض ليها مدخلين بس
مصر
و اسرائيل
واحد يفتى و يقولى لبنان
و التانى يقولى سوريا
و التالت يقولى الاردن

فى اختراع اسمه الخريطة
ابقوا بصوا عليه بصة

جبهة التهييس الشعبية said...

مين اللي تطاول عليك يا مواطن؟
انا كنت باكلم انونيمس

مواطن مصري said...

لكن لية لبناني في سيناؤ بيقدم دعم عن طريق سيناء و اعترف انو تبع حزب الله
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟



مش هنستنى لما يضرب السياحة في سيناء


ممكن اعرف عاوز يورط مصر لية ؟

جبهة التهييس الشعبية said...

ايوة يعني هم ليه نايمين لحد دلوقت؟
يعني هم ح يفضلوا نايمين لحد ما اكبر؟

تعرف تدخل غزة من كوالالامبور يا مواطن؟ ادخل من كوالالامبور

هم عن نفسهم مش عارفين يدخلوا من حتة غير من الحدود

امال احنا كنا بنقول افتحوا المعبر ليه يا مواطن؟
بنغلس يعني؟

Anonymous said...

وضح ان غبائنا متطابق , مافيش حاجة اسمها صاروخ
rocket
يعدي من جنوب لبنان في عز حرب غزة ويطير
ويطير ......... ثم يطير ويسقط علي اسرائيل
هوا في اتنين طاروا فعلا , وتنصل منهم السيد حسن نصره الله زي ما تنصل من التهم الموجهه لرجاله
هوا الدعم في تهريب السلاح بس وان كنت اشك ان حزب الله سعي لمثل هذا الامر وهو حميد
بيفكرني بحرامي مسكوه سارق مليون جنيه , فلما قالوه بتسرق ليه ..... قالهم دي مش سرقه دا اقتباس عشان اوزعهم علي الغلابه والمحرمين
وربنا ما يحرمنا من الغباء
فالغباء وسيلة للتعايش مع رقتك المفرطة وارائك الغاشمة والسديدة
امضاء
واحد غبي

جبهة التهييس الشعبية said...

انونيمس

لا ده انت غبي بجد
انا كنت اقصد غباوة قلب
لكن الظاهر انها غباوة قلب وغباوة مخ كمان

مواطن مصري said...

طيب مش هوا قال انا مستعد اضرب ما بعد حفا و ضرب صواريخ وصلت لعمق اسرائيل اثناء تحرير لبنان و الراجل عمل الي علية و كلنا كنا معاة و معاة في الدفاع عن لبنان


يبقى لية يبعت ناس لمصر ؟


دي النقطة الي لازمن نشوفها

mido said...

ده خبر منشوراليوم _السبت_ في الدستور: مفاجأة احتجاز 5 عمال يومية منذ 4 اشهر في مقر أمن الدولة بالعريش ثم وجهت لهم تهمة الانضمام لخلية حزب الله منذ أيام

جبهة التهييس الشعبية said...

على فكرة يا استاذ غبي
انا متشوقة جدا اني اعرفك وامسك مناخيرك لاني فعلا عمري ما شفت في غباوتك في عمري الطويل ده كله على الله ربنا يقصفه ويريحني ويريحك من رقتي اللي انت تستاهل اضعاف اضعافها والله

انا مش ح اقعد ادادي فيك زي حسن نصر الله النهاردة وهو بيدادي

عشان اللي زيك اول واحد لو حزب الله طلع صاروخ من عنده كان قال: حزب الله جر لبنان على حرب

انا عارفة عارفة
انا عارفك يا بتاع تانية تالت

Anonymous said...

بحكم القرابة بيني وبين انونيمس 1 اود ان اعلق على تعليقاته
اولاً-نوارة معتزة باستاذها في السيناريو وتفعل كما يفعله التلميذ البار باستاذه عندما يستشهد به في مجال اختصاصه.
ثانياً-حزب الله لم يترك باباً لدعم فلسطين لم يتركه، وعندما كان التهديد للضفة الغربية اختار بوابتها الطبيعية الاردن ومرر من هناك مااستطاع تمريره وايضا تمت مكافائته على عمله من خلال اعتقال بعض كوادره هناك الا ان الاردن اكثر ذكاءاً من التورط بملفات مفتوحة مع جهة اثبتت انها لا تمزح في قضايا الامة
ثالثاً: استخدم ويستخدم وسيستخدم حزب الله الارض السورية كلما كان هناك حاجة والفارق هناك ان ظهره محمي وعناصره لا يتعرضون للاعتقال كي تسمع عنهم.
رابعاً- مقتل الشهيد عماد مغنية ومن بعده توأمه السوري والساعد الايمن لبشار الاسد في مجال دعم المقاومة، ليس الا حلقة من حلقات الصراع المرير مع العدو الاسرائيلي وداعمه الامريكي وشريه الاعرابي مجسداً ببندر بن سلطان وخلاياه الارهابية في سوريا.
وحرص حزب الله على تسليط الضؤ على العدو الاسرائيلي بمفرده لا يعني الا انه مازال يعتمد سياسة ضبط النفس مع المحسوبين عليه كاشقاء. ولو كان حزب الله ينوي تصفية حساباته مع هؤلاء لما خرج ابو الغيط حياً من لبنان بعد ان عرض اسلحة وتدريب على خصوم حزب الله بهدف جره الى حرب اهلية.
ويومها لم يكن لحزب الله اي ملف مفتوح مع النظام المصري ليتبرع وزير خارجيته بفتح حرب لحساب من نعلم

Anonymous said...

تانية تالت ..... انتي عايزة تجبيلي تهمه
انا ساقط قيد ...... وتعلمت الكتابة علي سهوه ..... ودخلت النت فجأه ومن ساعتها مش عارف اطلع
وهاني رمزي سرق قصة حياتي وعملها فيلم
بس اوعي تحرميني من رقتك لانها هيا اللي مهونه عليا الغربة اللي انا فيها
اما السيد حسن نصر الله ربنا يعينه علي
غبائنا
لان منظره وحش انهم يقولوا ان قائد تنظيم الشقق المفروشة
حتي شكلها يبقي وحش

ahmed samir said...

ما توجعيش دماغك يا نوارة و النبي

جبهة التهييس الشعبية said...

ايوة يعني هم ليه نايمين لحد دلوقت؟

mido said...

مين اللي نايمين ؟

Anonymous said...

واخير يانظيري في التسمية
لحزب الله سياسة تسمى المعاملة بالمثل:اذا انكرت اسرائيل دورها في اغتيال الشهيد مغنية ينكر دوره في وضع سيارة مفخخة في مكان مخصص لاجتماع كبار قادة العدو وتتبنى المحاولة مجموعة احرار الجليل
ويقول ان عناصره تحديداً ليس لها علاقة باطلاق الصواريخ من الجنوب ...وفي نفس الوقت يعلن التعبئة العسكرية وتتضح جهوزيته للقتال امام قوات الطواريء الدولية والعدو الاسرائيلي.
هذه سياسته التي لم تجنى منها الام الا العز والمنعة ومن يريد سياسة اخرى اكثر جدوى فليتقدم وليحمل اللواء ويرينا مهارته

ahmed samir said...

هم مين اللى نايمين؟

جبهة التهييس الشعبية said...

لا ده السؤال بتاع مواطن مصري: يعني هم ليه بيدخلوا غزة من سينا

جبهة التهييس الشعبية said...

حسين عبد الغني بيقول ح يحصل تصعيد ما بين مصر وحزب الله

يعني ح تصعد له تعمل له ايه؟
هو ده راخر عمال المحلة؟

لا حول ولا قوة الا بالله
لكل داء دواء يستطب به الا الحماقة اعيت من يداويها

Anonymous said...

احمد سعيد

هذا مقطع رائع من مسرحية ريا وسكينة..يكرر فيه عبدالمنعم مدبولي سؤاله :
ايوة يعني هم ليه نايمين لحد دلوقت؟

مواطن مصري said...

هههه بس فاتك لما اتكلم على تنظيم لقاعدة بكرة تنظيم القاعدة هيشتمو في حزب الله


:))))

جبهة التهييس الشعبية said...

بالعكس
ده اتكلم باحترام شديييييد عن تنظيم القاعدة

انا انبسطت قوي قوي قوي قوي قوييييي
انه عمل كده

ده لما قال كده صقفت له وانا قاعدة في الاودة لوحدي كده زي الهابلة

محمد فريد said...

تصعيد من النظام المصري ضد حزب الله؟؟؟؟؟؟؟؟؟؟؟؟

الحمدلله اقترب الفرج
ياحوسني ياحوسني
امريكا مش عايزة تجر شكل مع دول تتنطح انت ليه يابني؟

حـنــّا السكران said...

لا .. أنا أضفت كلمة على الجملة اللي أرسلتها .. قلت : بكلّ أريحيّة .. و دي مهمة جدا ههههه ..المعنى المضحك موجود في ( أريحية ) ..

ahmed samir said...

هو حاول ما يستفزش القاعده
و قال انهم ليهم استراتيجية خاصة بيهم و مرجعية فكرية

السيد حسن عارف كويس انهم فى لبنان
فا مش عايز يدخل معاهم فى اشتباكات
داخلية

جبهة التهييس الشعبية said...

محمد فريد

حرام عليك... قدك ده عشان تشمت فيه كده؟

جو
ههههههههههه
اه صحيح
انا نسيت الكلمة دي

ههههههههههههههههه
ده كان ناقص يطبطب عليهم ويكبر لهم في ودنهم: صلوا ع النبي صلوا ع النبي

سيف said...

تقريبا في لعبة بتتنفذ للتأثير في شعبية حزب الله قبل الانتخابات النيابية

جبهة التهييس الشعبية said...

هم في لبنان هم مش في لبنان

هو اتصرف صح مية في المية

اولا قبل ما يقول عايزين يشبهونا بتنظيم القاعدة قال مع الاعتذار لتنظيم القاعدة

ورجع قال هم لهم وجهة نظرهم

انا فرحت قوي قوي قوي انه عمل كده

مافيش صهيوني بيشتم في صهيوني تاني مهما اختلفوا

احنا نشتم في بعض ليه؟

على الله بقى تنظيم القاعدة يلتفتوا للنقطة دي ويهدوا شوية هم كمان احسن ساعات تجيلهم جنونة كده وساعات ربنا يهديهم
يارب خالهم الطيب يحضر
وبعدين انا احب الناس تتصالح كده مع بعض حتى لو مختلفين
مدام عدوهم واحد

بس المصيبة يخلصوا من امريكا واسرائيل ويفضل لهم حسني قاعد زي القرد

ده شراني واحنا عارفينه
يعملها ويقعد ليوم القيامة

مواطن مصري said...

طيب لية حزب الله ميدعمش تحرير الجولان

مدام شكر في سوريا ها لية ها ؟

سيف said...

الخراء كله نزل علي دماغ أهالينا بسبب تنظيم القاعدة

TAFATEFO said...

امال أنا ليه معجبنيش في الخطاب غير استعداء العماد ميشيل سليمان .. عجبني جداً طيب إذا في حدا بيفهم لغة عربية .. واضح .. بيفهم .. جيبوا شباب الابتدائي اقرولهن هذا النص ..

بخصوص الاتهامات أنا فهمت من الخطاب حاجتين مكنتش أحب انه يقولهم أبداً .. أبداً .. أبداً

- آه في خلية لحزب الله .. بس مش كل دول فيها

- آه الناس دي كانت بتشرف على تهريب (سلاح - مؤن - إلخ) عبر الأنفاق إلى غزة

مكنتش أحبهم يكونوا حقيقة .. ومكنتش أحب ان السيد يقولهم أصلاً

TAFATEFO said...

وبعدين انا احب الناس تتصالح كده مع بعض حتى لو مختلفين
مدام عدوهم واحد


أنا عايز أفهم ايه العدو المشترك لحزب الله وتنظيم القاعدة لو أمكن

مع الشكر

وبعدين هو لفظ تتصالح في التعبير عن طبيعة العلاقة السابقة أو الحالية أو القادمة بين حزب الله والقاعدة ده لفظ منطقي أو معقول أصلاً؟؟!!!!!!!

TAFATEFO said...

ولما قال هم لهم وجهة نظرهم .. مقالش ان هو متفهمها أو يحترمها أو أو أو

أصلاً دي وجهة عمى .. القيام بعمليات تخريبية على الأرض العربية بغية التخلص من الديكتاتوريات دي وجهة عمى مش وجهة نظر

:@

جبهة التهييس الشعبية said...

هو ما قالش ان فيه خلية لحزب الله في مصر

هو قال واحد كان رايح ينقل حاجات لغزة وطبيعي انها تبقى من الحدود

فين قاله ان فيه خلية؟

هاتهالي دي

ولا ما يشتمش تنظيم القاعدة حتى لو مختلف معاهم تماما

وماحدش يشتم تنظيم القاعدة حتى لو مختلف معاه

واللي احنا فيه مش سببه تنظيم القاعدة

وماحدش في اسرائيل بيشتم الخلايا الصهيونية الارهابية اللي تنظيم القاعدة جنبها ملاك ينقصه الجناحين عشان احنا نشتم تنظيم القاعدة

ماحدش شتم مائير كاهانا اللي قتل الناس وهي ساجدة في الحرم الابراهيمي عشان احنا نشتم تنظيم القاعدة؟

ايه لزوم الموضوعية اللي مالهاش لازمة دي

هو مش ح يشتغل معاهم ولا ح ينسق معاهم
بس هو مش ح يشتمهم
يشتمهم ليه؟

جبهة التهييس الشعبية said...

مواطن مصري
ههههههههههههههه
لا انت بتهزر؟
ده فعلا: هم ليه نايمين لحد دلوقت

مواطن مصري said...

هو مش قال الاخ اللبناني و رفاقة

يعني كان فية رفاق في مصر

TAFATEFO said...

رابعا إن الإخوة الذين تعاونوا مع الاخ سامي قد لا يصل إلى عشرة ولا أعرف من أين جاء الخمسون متهما في كل الأحوال كثير من هؤلاء الشباب الموقوفين هم أصلا ليسوا على صلة مع هذا الأخ ربما يكون لهم ظروف أخرى، موضوعات أخرى لا أعرف لكن إذا أرادوا أن يقولوا هذه الخلية خلية حزب الله مؤلفة من خمسين شخصا هذا أيضا غير صحيح.

أنا مش معترض على ده .. لكن مكنتش أتمنى يكون صحيح وإن كان صحيح .. ومكنتش أتمنى انه يقوله مع انه صحيح

Anonymous said...

حزب الله ناوي يعمل اضراب يوم 6 ابريل لحد ما يفرجوا عن المتهمين
ولو ما افرجوش ها يخلوا ايمن نور يطلق جميلة اسماعيل

واحد غبي

حـنــّا السكران said...

ههههههه بس كلمة مالك موتتني من الضحك هههه حرام عليك يا أخي .. اختار جملة غير ( سلّمهم الواد ) ..

قول : ده اعترف انه من الحزب ههههه

ـ طبعا أنا فاهم مالك كيف قالها و ليه قالها هيك من غير ما اعرف مالك بشكل شخصي ..و هنا أنا عايز أقول حاجة .. مالك فاهم النظام المصري طبعا أكتر مننا نحنا اللي مش مصريين .. بكتير ..في قاعدة ثابتة موجودة لدى المواطن اللبناني و السوري خصوصا , بتقول بشكل لا يدعو إلى اللبس . إنه المواطن المصري حتى لو كان ظالم و شقي .. بيبقى في النهاية إنسان طيب و ممكن النفاذ إلى قلبه و طيبته المصرية بطريقة أو بأخرى .. مالك عارف أن كلّ النظريات تسقط عند أعتاب النظام ههههه , إحنا مش عايزين نصدّق الكلام ده .. عشان كده فوراً بنحاول الإعتماد على نظريتنا احنا مع كلّ مصري لا على التعيين .. و كرمال هيك ..احنا دايما بنقول ..مصر و مصر و مصر..لأنه الإيمان اللي جوّا بالإنسان المصري , لم يمت أبدا , بل أكاد أقول أنه لم يتزحزح , رغم الإتفاقيات اللي كبّلت الدولة و رغم المشاكل الخاصة ( الداخلية ) اللي بيعاني منها هذا الإنسان ..
و لازم أقول طبعا , إن النظرية دي او الكلام نابعة من الإنسان الطيب عندنا , مش من الإنسان العنصري اللي بيشوف جاره اللبناني أو جاره السوري , كأنه إنسان من كوكب اّخر ,, أو زيّه زي الجورجي أو الأفغاني و لا يربطه به أي رابط .لأنه عندنا من الأشكال دي كتير , أنا بتكلم على اللي لازالوا مؤمنين بالأمة ككل و بدور و عظمة الإنسان المصري , زي السيد حسن و كتير جدا غيره من كل التيارات .
لذلك أعتقد ان مالك قالها و هو بيشوف النظام المصري في خلفية المشهد . مش مشهد السيد حسن بيسلـّم أحد رجاله .. و لاّ أنا غلطان ؟ هههه

TAFATEFO said...

اللي احنا فيه نتيجته تنظيم القاعدة .. مش سببه

ويعني ايه نشتم تنظيم القاعدة .. هو في حاجه اسمها نشتم تنظيم؟؟!!

:D:D

لكن ما عبر عنه الشيخ حسن نصر الله(على رأي أبو الغيط وبركات في أخبار الجمعة) بانه وجهة نظر .. دي وجهة عمى مش نظر

مفهمش موضوع القيام بأعمال تخريبية داخل البلدان العربية يروح ضحيتها ويتحمل نتائجها مواطنين بهدف محاربة الأنظمة والديكتاتوريات

دي وجهة عمى مش وجهة نظر

جبهة التهييس الشعبية said...

يا جو

هو انا الحقيقة اتخضيت، يعني ده الواد ممكن يتشنبر بالطريقة دي

يارب يخافوا من حزب الله وما يعذبهوش

مش اتخضيت انه بيقول احنا بنعدي حاجات لغزة من الحدود

لالالالالالالالالالا
ده حقهم واللي مش عاجبه يشرب من اوسخ بحر

انا بس مخضوضة ع الواد بعد الخطبة دي
مش عارفة ح يعملوا فيه ايه

مواطن مصري said...

اتفق معاك يا اخ طفاطيفو ف اعدائي هم القاعدة و اسرائيل و بعدها من يخطط بعمليات ارهابية في مصر

Anonymous said...

TAFATEFO

الدعم يتطلب الفعل والفعل على قسمين :
شراكة في القتال وهذا ماحاول حزب الله فعله من خلال استفزاز اسرائيل بالصواريخ التي اطلقها اصدقاء له ولم يوفق لان اسرائيل ابتلعت محاولة تسلل وثلاثة عمليات رشق بالصواريخ احداها اعلنت اسرائيل انها رعد طبيعي "ظن"السكان انها صواريخ
والثاني هو دعم المحاصرين بالمال والسلاح وبوابته الطبيعية والوحيدة مصر
واعلان السيد عن الامر واجب لان احد كادراته معتقل مع المجموعة التي كانت تساعده والتنصل من تبعات الفعل ليس سياسة معتمدة عند الحزب
وانت بالذات كنت تأمل في هذا الامر وبامكانك العودة الى تعليقاتك ايام الحرب يعنى السيد لم يفعل الا ماطلبته انت فعلى ماذا تعترض بالظبط؟

TAFATEFO said...

anonymous

مش عارف تصدقني ولا لا .. بس وصلني وقتها من مصدر مجهول انه فعل ويفعل ,, وتأكدت من ده .. والمصدر فهمني ليه مينفعش يتقال انه يفعل .. وليه الموقف مينفعش يكون معلن

واقتنعت

تأكدت أكتر لما قابلت حد أكدلي ان في خلايا من كل الجهات .. من أول ضباط في الجيش .. ولحد خلايا يتزعمها غير مصريين للمساهمة في تهريب المؤن والسلاح عبر الأنفاق إلى غزة

كان نفسي يبقوا كلهم مصريين ولذلك مكنتش أتمنى يكونوا غير مصريين

ومكنتش أتمنى السيد يعلن ده على الملأ .. لأني اقتنعت بكلام المجهول

وبعين مين قال اني ممكن أعترض على حاجه ؟؟ أنا بس مكنش عايز ده يتقال

Anonymous said...

كان ياماكان في قديم الزمان كان في واد شطور وجميل وقمور راح ع العراق يدعم اخوانه هناك قام ياعيني اتقفش غدر بعد ما اعي الامريكان.
جاه الشاطر حسن وبعت اخوانه عدو الصحارى والوديان واقتحموا مقر وزارة وهما لابسين بدلات الوحدات الخاصة وخطفوا منها اربع ضباط امريكان وقال الشاطر حسن يطلع القمور نطلع دول
قام بوش عمل نفسه اطرش
وعنك ياعيني قامت مجموعة تانية بخطف انكليز حكومتهم بتخاف من التطنيش
وقال الشاطر حسن لو ده منفعش حنقول من تاني

TAFATEFO said...

واعلان السيد عن الامر واجب لان احد كادراته معتقل مع المجموعة التي كانت تساعده والتنصل من تبعات الفعل ليس سياسة معتمدة عند الحزب

ده مبرر .. وإن كنت مفهموش ومقتنعش بيه بصراحه .. لكن أحترمه

جبهة التهييس الشعبية said...

يا مصطفى المقتطف اللي انت جايبه ده ما يقولش ان فيه خلية لحزب الله في مصر
مجموعة بتودي حاجات لغزة من ضمنهم واحد بس من حزب الله والمجموعة لازم تعدي من الحدود

دي حاجة تانية غير الخلية يا مصطفى


انونيمس كبس عليه النوم وابتدى يخطرف

Anonymous said...

TAFATEFO

نحن قوم لا نترك اسرانا في السجون

وكيف يمكنك ان تطلق اسراك اذا لم تعترف بهم من الاصل؟
ومااعلنه السيد بعد مرور كل هذه الفترة الطويلة من الاعتقال والصمت لا يعني الا شي واحد ...ان الجهود لاطلاق سراح ودي كما حدث مع الاردن قد فشلت وان الامر يتطلب مستوى آخر من العمل

حـنــّا السكران said...

المعروف عن حزب الله أنّ رجاله لا ينكرون انتماءاتهم عندما يسقطون في قبضة الإسرائيلي , فما بالك في بلد عربي و هم يقومون بعمل يساعدون فيه الفلسطينيين , و ده مش للفخر بس . دي استراتيجية حماية كمان ,
ـ أحد رجال المقاومة اللي أسروا في حرب تموز , قال على التلفزيون الإسرائيلي ردّاً على سؤال : لو عاد بك الزمن هل كنت ستتبع كلام السيد نصرالله ؟ قال : لو خاض البحر لخضته أمامه .
هذا فخر الرجال , لكن القيادة لديها معايير أخرى . هي تعلن فورا عن فقدان كادر . و لا تتنصل منه . خصوصا بعد انتفاء المخاطر الأمنية المترتبة على المعلومات التي يملكها الكادر و التي يكون الكشف عنها أمر خطير في الساعات الأولى لإلقاء القبض على الكادر . أثناء الإحتلال الإسرائيلي لقرى الجنوب , كان الشباب الذين يقعون في الأسر يصرّون على الصمت في الساعات الأولى أو اليوم الأول رغم صنوف العذاب الذي يذوقونه , و ذلك لإعطاء الفرصة لرفاقهم المتواجدون في المنطقة للإنسحاب بعد أن يعرفوا أن زميلهم سقط . و بذلك تصبح المعلومات الميدانية لا قيمة لها بعد الساعات الأولى . لأن الخطط ستتغير .
أما في حالة الشاب سامي . فأعتقد أن حزب الله أبلغ السلطات المصرية منذ البداية بعيدا عن الإعلام , أن الشاب يتبع للحزب . هذا ما فهمته .لكن السلطات المصرية أرادت أن تكبّر الموضوع الان لأسباب سياسية لا تخفى على أحد ..
ـ مصطفى .. أنت ما وصلك أي شيء من المدّ الشيعي ؟؟
أعتقد أنهم لو أرادوا ( الإمتداد ) في مصر شيعيّاً , لكان مصطفى و نوارة أول الأشخاص الذين يمكن الإتصال بهم ( لمدّهم ) بالفكر الشيعي ... عن طريق الأنابيب .

Anonymous said...

أخشى أن يحشرك الله يوم القيامة مع حبيب حياتك. فالمرء يحشر مع من يحب.

مهندس مصري said...

أنا وصلت مصر
:)
أجازة لمدة شهر و نص

بالنسبة للخطاب
متفق معاكي يا نوارة

جبهة التهييس الشعبية said...

محممممممممممد

الف حمد الله بالسلااامة

جبهة التهييس الشعبية said...

الانونيمس الاهطل ده

"تخشى"
ان يحشرني الله مع حسن نصر الله؟

لا ما تخشاش

ادعيهالي انت بس وربنا يسمع منك

Dr.Online said...

http://www.almesryoon.com/ShowDetails.asp?NewID=62518&Page=1

الكلام دا معناه ايه؟

Ahmad said...

ده معناه انه موقع المصريون ده طول عمره بيعزز

بدراوى said...

أ/ نوارة

مع كامل احترامى لحسن نصر الله

لكن انا مش مع التصنيف اللى بيقول

اللى ضد نصر الله يبقى مع الحكومة

لأنى انا ضد نصر الله فى اشياء كثيرة
و ضد الحكومة او النظام فى مصر
ف اشياء كثيرة برده

و ليا سؤال

طالما السيد حسن نصر الله
بيقول

قلت فكوا عنا، والى من لا يعرف اللهجة اللبناني يعني حلوا عنا، يعني دعونا وشأننابالانجليزي: ليف اس الون.

خلاص هوا كمان
يفك عنا
يعنى يحل عنا
و لا يدعو الشعب المصرى للثورة
و اقتحام الحدود

و يبقى شيل ده من ده يرتاح ده عندنا
يا نحلة لا تقرصينى و لا عايزة منك عسل

يعنى من الأخر هو يفك عنا
و احنا نفك عنه
برده

لكن يقول فكوا عنا
و هو عمال يدعو المصريين للثورة
و اقتحام الحدود

ارفض ده

و كفاية تقديس زيادة لشخصية حسن نصر الله

كأن الراجل مبتطلعش العيبة منه

Ahmed Nasr said...

أعتقد انه حسن نصر الله رد على نفس الكلام في سياقه!!..واضح انك مسمعتش الخطاب!!

قال فكوا عنا فيما يخص حزب الله، أما فلسطين فبالعكس نحن نطالب..

ومعلش هو ممكن تطلع منه العيبة..أكيد يعني..بس في اللي قاله بخصوص فلسطين بالذات..ولحد دلوقتي، مقالش غير الحق!!

خاطر said...

أتفق تماماً مع تعليق الأخ بدراوي

نصيحة لنفسي أولاً ولجميع القراء... اللي عايز يفهم أى حدث سياسي أو غير سياسي يجنب عواطفه تماما .. يعني إستقبال الخبر بلا أي ميول

آسف جدا لو تعليقي زعل حد لكن اللي شفته من غالبية التعليقات إن ناس كتير عندها زرار ستارت (تاتش سكرين) ومنور أحمر على طول .. مستني بس أى هوا إخباري يعدي من جنبه عشان يصفق بحرارة

Ahmed Nasr said...

يا ريت يا أخ خاطر يعمل بنصيحتك الناس اللي صدعتنا باسطوانة الاساءة لمصر..

Anonymous said...

بدراوى

لا يستقيم كلامك مع المنطق الا اذا تفضلت بوضع تايم لاين وتسلسل احداث:
لبنان يشتعل دعماً لمصر اثناء العدوان الثلاثي
ثورة شعبية في لبنان سنة 58 ضد سياسة الاحلاف التي تستهدف مصر والقوات الامريكية تنزل على شواطيء بيروت
غضب عارم في لبنان على اثر النكسة
مصر تتدخل في الازمة الاردنية الفلسطنية وترتب خروج الفدائيين من الاردن الى لبنان
مصر ترعى اتفاقاً يمنح منظمة التحرير الفلسطنية في لبنان صلاحيات واسعة ويقيد السيادة اللبنانية
لبنان برمته مع مصر في حرب رمضان
مصر ودول عربية اخرى تتخذ من لبنان ساحة للصراع وحرب اهلية تندلع سنة 1975
مصر توقع اتفاق سلام منفرد واولى الضحايا لبنان الذي يتعرض لاجتياح واسع سنة 1978
بهدف امتحان مدى صمود الاتفاق المصري الاسرائيلي بيغن وشارون يجتاحان لبنان حتى عاصمته وتقارير تتحدث عن خسائر بالارواح بلغت مليون انسان بين قتيل وجريح ومفقود ومهجر

يابدرواي ليس من العدل ان تكون عربياً عندما تحتاج للمساعدة وتستفيد من دعم امتك العربية، واسرائيلياً عندما يطلب منك ان لا تتآمر على اخوانك في فلسطين ولبنان وان تلتزم الحياد في الصراع العربي الاسرائيلي

حـنــّا السكران said...

هو احنا ليه بنفكّر انه الاختلاف في اي حاجة يبقى بطولة ..و يبقى احنا بنفهم اكتر من غيرنا ..و احنا مش شوية رعاع واقعين في هوى فلان و بنقدس فلان ..؟؟؟

لا يا سيدي ما حدا بيقدّس شخصية نصرالله ..و كلمة الحق مش تقديس و لا ضعف شخصية و لا سقوط في الحب الاعمى لفلان الفلاني و خلاص ما عدنا قادرين نشوف عيوب الحبيب ..

اتفضل قل لي لو سمحت عشان انا جاهل .. وين غلط معك نصرالله او مع الشعب المصري ؟؟ و مين اللي قال لك انه عيب عليه يتمنى عليك انك تثور زي ما كل بني ادم مقهور و مظلوم بيثور على واقعه .. ليه عيب عليه ؟؟ و ليه ده بيعتبر تدخل في شؤوننا المقدسة ؟؟ العيب مش عليه .. العيب علينا أجمعين لما بيكون جنبنا ناس مسجونة في قفص و ناس تانية عمالة تدبح فيهم و تجوّعهم ,,و احنا قاعدين بنتفرج بكل جبن ( جبن أيوه جبن ) و مش عايزين نعمل أي عمل يدلّ على اننا بشر لا بل بنشارك في سجنهم و دبحهم بالعمل او بالصمت الجبان , و لما حد يتمتى .. يتمنى ..مش يأمر .. علينا نكون بني ادمين .. نرفع الصوت و نقول له عندك .. اوعى تقرّب من كرامتنا و تتدخل في شؤوننا .. يجب انك تراعي الخصوصية الوطنية و ( العزة بالإثم ) بتاعتنا .. اللي ما بتظهر إلا قدام حد محترم بيحترمنا وبيطلب مننا و هو فاكر إننا أخوته .. لكن لما عدو بيقتل فينا و بيدفن أسرانا أحياء و بيطلع واحد كلب ابن ستين ألف كلب بيقول خلي مبارك يذهب إلى الجحيم و عايزين نضرب السد العالي و لما 79% من الإسرائيليين بيصوّتوا لصالح إعادة احتلال سيناء ( السنة دي ) ساعتها بنسكت كلنا .. عشان عارفين نتيجة المرجلة الزائفة هنا ..
السيد حسن نصرالله مش إله و لا قديس و لا نبي .. لا هو بيشوف نفسه في المكان ده و لا احنا بنشوفه فيه .. المشكلة ( عندنا مش عنده ) انه بيشوف نفسه إنسان و رجل .. و بيشوفنا ناس بنستحق نعيش كالرجال .. لو كان حسن نصرالله عدو فعلا .. كنا قدّسناه رعبا و خوفا.. أو خرسنا لما بيتكلم ..
تقديس ؟؟؟ قال تقديس قال .. و يفك عن الشعب المصري ؟؟ هو ليه تمنى و باس ايد الشعب المصري عشان يعمل حاجة ؟ ليه ؟ كده لله في لله ؟؟ أو في حاجة تصعب على الكافر قبل المؤمن .. بتحصل قدام عينينا و لازم نكون بشر و نعمل حاجة ..بلاش نضحك على بعضنا و نغفر لنفسنا مصايبنا بحجة انه فلان .. تجرأ و تدخل .. تجرّأ و قال لنا اضغطوا في الاتجاه الفلاني لوقف المذبحة الحاصلة قدام عينيكم زي ما اي شعب حر كان حيضغط ..وبلاش نحتمي ورا كذبة الوطنية المصرية و الوطنية السورية و الوطنية المغربية و القطرية و الليبية و الزفتية ... عايزك بس تعطيني مثال واحد اننا الان و في الظروف دي و في القرن الواحد و العشرين .. دليل واحد صغير بيفيد اننا شعوب عندنا ذرة كرامة أو شعوب بتطبق حرف واحد من أديانها أو من أخلاقها الانسانية غير الطقوس فقط .. لما تيجي رايس لقلب بيروت و يخرج كلاب الحكومة اللبنانية و يبوسوا جزمتها و لبنان بتنزل عليه الاف الاطنان من القنابل الامريكية اللي جاية في خط جوي سريع الى اسرائيل .. و يجي حد يقولي الوطنية اللبنانية؟؟ ولاّ المرجلة و الوطنية اننا نروح ندبحهم في صبرا و شاتيلا .. عشان لبنان الفينيقي الأصيل العنصري النازي صاحب الوطنية العالية المقدسة ..و لما حد يقول لك الفلسطينيين محطوطين في قفص جنب منك و الابواب مغلقة عليهم من كل اتجاه و بينضربوا بأبشع و اقوى أنواع الاسلحة .. أطفال و نساء و رجال و شيوخ بينقتلوا قدام عينك و انت و انا مستكترين عليهم حتى انهم يهربوا .. يهربوا يا رجل !!!!! و جاي تقول لا ما حدا يقرّب ناحية الخصوصية و الوطنية المصرية و فلان مش قديس و فلان ما بيحق له حتى يتمنى علينا نعمل حاجة .. هو فاكر نفسه مين ؟و يطلب مننا ليه ؟ هو قديس و لاّ نبي ؟ ما يفك عننا و شيل ده من ده ..لا يا سيدي ..ده ما بينشال عن ده ..مش لانه احنا مش عايزين نشيله ..لا .. لأنه الطبيعة و الجغرافية و العقل و المنطق و الجنون كلهم بيفرضوا انه ده ما بينشال عن ده .. و ده مش ممكن يرتاح من ده .. حتى لو بقينا نقول خطب ز تحليلات من الان لألف سنة جاية .. الصهاينة انفسهم مش راحمينك و لا رج يرحموك ..كما انه مش رح يرحموا اللبناني و لا الفلسطيني و لا السوري و لا الاردني ..

القصة مش قصة تقديس نصرالله ..السؤال أو الكلام كان مفروض يكون على الشكل التالي : انتم ليه بتحترموا حسن نصرالله ؟؟ بنحترمه عشان هو محترم .. فقط ..
أما عن التقديس و القداسة , رغم اني قلت رأيي العام في الكلام هنا .. لكن أحب أقول رأيي شخصي .. أيوه أنا لما بشوف نصرالله و براجع كل تجربتي معاه من أولها للان .. و بشوف نفسي كيف ساكت و خانع و بشوف كل العاملين في الشأن العام و السياسة و العسكر في الوطن العربي من وقت صار نصرالله قائد فصيل مقاومة للان .. أيوه .. بقولها على راس السطح .. حسن نصرالله يكاد يكون قديس .هو و أي مقاوم فلسطيني أو لبناني أو عراقي بيقاوم الإحتلال و الظلم.
ده رأيي و أنا حرّ فيه .. لكن مش من حقي أو حقك أو حق أي حد ..يقول لنصرالله أو للمقاوم و المظلوم و القتيل الفلسطيني: انت ما بيصير تتمنى على الناس تعمل حاجة كويسة و نبيلة و إنسانية حاجة في سبيل حق ..و ضد ظلم و قتل و دمار .
انت من حقك ترد على نصرالله و تقول له : أنا مش عايز أعمل حاجة كويسة .. مش عايز ..أو ما بقدر .. و بس .و هو لما قال ( فكوا عننا ) قالها بوضوح : رجاء لا تتاّمروا علينا ..مش عايزين حاجة غير تحلوا عننا .. عارف ليش قال هالكلام ؟؟ لأنه الحكومة المصرية كانت بتتاّمر عليه هي و كلاب السي اي ايه و الموساد في حكومة بيروت .. و كانوا بيعطوا الإسرائيليين إحداثيات تفصيلية لمواقع و بيوت شباب المقاومة ... و احنا مستكترين على الرجل يقول أرجوكم اتركوني بحالي .. و مستكترين عليه يقول أرجوكم ساعدوا الناس اللي بتندبح جنبكم ..لأنه ليس لهم مفرّ في هذه الدنيا إلاّ من الباب اللي انتم قافلينه في وجوههم .

بعدين هو مش دينك و ربّك و نبيّك و قراّنك و إنجيلك و أخلاقك و إنسانيتك و طبيعتك البشرية.. كلهم بيطلبوا منك ترفض الظلم و تثور عليه و تردّ الظلم عن المظلومين و تساعد أي انسان بيستنجد بيك و انت بتشوفه بيندبح و بيعاني قدام عينك .. ولاّ خلاص .. مفيش غير شرع و أخلاقيات الحاكم اللي دايس على رقابنا ..و خلانا نعتبر انه هو كرامتنا و هو وطنيتنا و هو أخلاقنا و هو واهب الحياة و العزة و الكرامة ..لا الحكومة المصرية و لا اي كومة عربية قادر فرد فيها يفتح فمه قدام ليبرمان ..و لو مسح فيهم الارض و طلب منهم بالأمر يروحوا الى الجحيم .
قال يحل عننا قال ... هو و أمثاله القلائل فعلا لازم يحلوا عننا .. هم بيعملوا ايه أصلا وسط أمة أصبح معظم أبنائها ناسيين انهم بشر ..و لا هو و لا غيره قادر بقى يقنعهم انهم بشر
ـ خلاص خلينا نهتف بحكمة و شجاعة حسني و سعد الحريري و جنبلاط و غيرهم و غيرهم ..لان هؤلاء بيتعاملوا معانا بالجزمة و بالبيع و الشرا مش بالاحترام

و عيب .. عيب جدا نجيب سيرة احمد ياسين أو حسن نصرالله .. لان ده شيء غير حضاري نهائيا .. انتم عايزين ترجهونا لألف سنة ورا ولاّ إيه ؟ ليفني هي الحضارة ..و الاقرار بحق اسرائيل بالحياة هو الحضارة و هو اللي بيثبت اننا محترمين و عندنا انسانية ...أنا لا اعترف بحق اسرائيل بالحياة ..و لا أخجل من ذلك ..لأن حياة اسرائيل تعني موتي قتلا أنا و أهلي ..بل موت الحجر و الشجر .
ـ انا ما قلت كل اللي قلته في وجه الشعب المصري ..أنا قلته في وجهي انا أولاً و وفي وجوهنا جميعا .. لأننا بقينا كلنا أمة من الجبناء و الرعاع ..إلا قلّة قليلة . قاعدين نتخانق بين بعضنا و اسرائيل بتعتبرنا زيادة عن حاجة البشرية .. عدد فائض يجب الخلاص منه .. مجموهة من الاغبياء المتخلفين ..كده الاسرائيليين بيشوفونا ..وبيقولوا ده في العلن مش في السر .. و احنا بنتسابق عشان نشوّه صورة نفسنا ..
ليفني بتحرج بتقول : احنا عملنا عليهم شوية بلطجة ... و لا راجل مننا تجرّأ و قال : القحبة دي بتقول إيه ؟؟؟ ..والله نحن نستحق ما هو أكثر من ذلك .

حـنــّا السكران said...

عشان ما ينفهم كلامي انه ضد الاخ بدراوي اللي انا بحترمه ..أنا غاضب من نفسي و من حالنا و من واقعنا ..من حق الاخ و غيره يكونوا ضد السيد نصرالله في مليون تفصيل ..لكن بلاش نشارك في تشويه صورة نفسنا أكتر ما هيّ مشوهة
و اختلافنا في التفاصيل ما يكون على حساب وجودنا و حقنا في الحياة و الدفاع عن كرامتنا بوجه هالعدو الحقير و هالانظمة العفنة . احنا بنتعرض لحملات إبادة و تشويه سمعة و قتل نفسي و جسدي من سنين طويلة .. بلغ ذروته في حرب غزة الاخيرة .. لازم نصحى و نشوف نوع المخلوقات دي اللي بنواجهها إيه هو .. الصهاينة دول نوعهم ايه ..جنسهم ايه ..
والله العظيم والله العظيم .. لو كان عبدالوهاب المسيري الله يرحمه .. حي يرزق و جاء و ضربني 100 كف في نص الشارع .. رح انحني له احتراما و انسى أي ألم .. مش لأنه هو فلان ابن فلان و لا لأنه مصري و لا لأنه اكبر مني .. بس لانه تعب في حياته في سبيلي انا و في سبيل كرامة أمة بحالها .. ده كاتب و مفكر .. ما بالك بمقاوم .

بدراوى said...

حنا السكران
--------------
انا ارفض تقديس اى شخص
حتى لو كان ذلك الشخص فيه ما يستحق التقديس

انا لم اقل ان محبى نصر الله رعاع او غيرها من الألفاظ

كل ما اقوله اننا يجب ان نعامله كبشر و فقط
صحيح انه يفعل و يفعل و يفعل
و انتصاره حرب يوليو 2006

لكن حقنا عليه ان نختلف معه
ما معنى
ان يقول مثلاً
لن نقوم باى اعمال عدائية فى مصر
!!!
بيهددنا يعنى

و فى الأخر من الخاسر المصريون
فقط

اللى النظام بيستخدم تصريحات نصر الله
اسوء و اقبح و يمكن اقذر استخدام
زى القضية الفشنك
بتاعت حزب الله

حسن نصر الله
بحترمه
اه

لكن لو سمحت يجب ان يحرص على المصريين قليلاً
عشان احنا عندنا نظام ابن مجنونة
مستعد يبيع البلد
عشان يعمل فيها اسد و بتاع سيادة وطنية
و عشان قانون الطوارىء الممل
----
اتفق معاك بشده
فى انى بقول النظام المصرى
لو هو حريص على الكرامة و السيادة
يبقى كلها
مش يروح يتشطر على حماس
و الفلسطينين
و على حزب الله
و ايران

لكن لما اسرائيل تنتهك المجال الجوى المصرى
فى
مذبحة غزة الأخيرة

و لما صاروخين يقعوا

تلاقيه النظام خذ ديله فى سنانه
و كأنه واكل سد الحنك
--
اخيراً
انا احترمك كصديق
و مدون و كاتب
و اتمنى الا يكون هناك اى ضيق
ناحيتى
لمجرد الإختلاف بيننا
----
انتظر تدوينة لى
عن السيادة المصرية
قريباً
ححطها
ان شاء الله

جبهة التهييس الشعبية said...

يا راجل
يااااااااااااا راجل

يااااااااااااااااااااا راااااااااجل

ده انا اللي باحب حسن نصر الله لو اتكلمت عن عمر خالد وللا القرضاوي بنفس ال
casuality
اللي باتكلم بيها عن نصر الله بيتلعن ابويا

يعني معلش احنا اخر ناس نتكلم عن الوثنية والاصنام

احنا مش ورانا حاجة غير الاصنام

هو انا مثلا عشان قلت الراجل من حقه يقاوم ومن واجبه انه يساعد المقاومة ومن واجبنا اننا نساعدهم على الاقل عشان نأمن حدودنا الشرقية بدل ما يبقى مافيش حد واقف في وش اسرائيل خالص عشان ترجع سينا زي ماهم دايما بيقولوا في كل صحفهم "لما نرجع سينا" على اساس ان ده في المضمون يعني بس يخلصوا من الناس المزعجة اللي عاملة لهم مقاومة

لما اقول كده ابقى باقدس نصر الله؟

بدراوى said...

معلش يا أ/ نوارة
اعذرينى
انا متلخبط
خالص
بخصوص نصر الله
و متلخبط
اكثر
لأنى مع الأسف
مش لاقى
وطن
ليا
و لا لاقى كرامة
و لا سيادة

حسبى الله و نعم الوكيل
فيك يا فخرى

الا قوليلى حضرتك
هو انا ليه البعدا عندنا
لو قولنالهم اعملوا حركة رجولة على اسرائيل
يقولك عايزين تورطونا فى حرب

ده على كدة لو كل بلد بقى شمت نفسها
و احترمت كرامتها و ردت على اللى اهانها
حيبقى عندنا حروب كثير
طبقاً
للمنطق الغريب للبعدا الجدد
!!!

TAFATEFO said...

هو انا مثلا عشان قلت الراجل من حقه ---- ومن واجبه انه -----

لما اقول كده ابقى باقدس ----؟


No Comment

حـنــّا السكران said...

أبدا أبدا يا أخ بدراوي ,, لا يوجد أي ضيق ..لولا اكون واثق اننا بنقدر نختلف و نحترم بعضنا و احنا مختلفين زي لما بنكون متفقين . ما كنت بكتب كلمة وحدة .. أرجو ان يكون ها الامر واضحا .
ـ من حقك الاختلاف مع السيد نصرالله و مع أي انسان فأنت تملك عقلك رأيك .
أنا أنزعج علينا جميعا , بسبب الخلط في الامور عندما نختلف في تفصيل ما .
ـ هو لما بيقول انه لم و لن يقوم ( كحزب ) بأي اعمال عدائية لا في مصر و لا غيرها , هو بيرد على اتهامات يا بدراوي ..هو بيوضح استراتجيته ..وده شيء طبيعي و من حقه بعد كل الاتهامات دي .. و مش شايف انه كلامه لازم يزعل حد ... حد مننا نحن الشعوب يعني .. الانظمة مش حد .
ـ احترامي لك يا أخي

TAFATEFO said...
This comment has been removed by the author.
مواطن مصري said...

هو انا مثلا عشان قلت الراجل من حقه يقاوم ومن واجبه انه يساعد المقاومة ومن واجبنا اننا نساعدهم على الاقل عشان نأمن حدودنا


يساعد من عندة مش ن عندنا و دة امن قومي مصري و تدخل في شئوننا المصرية و ان هو نسي احنا بنساعد فلسطين بقالنا قد ااييييية

كل واحد يلتزم بنفسة مجاش اليوم الي مجموعة مليشيات تدخل فيما لا تعنيها و تلعب ب الامن المصري القومي

الامن المصري القومي خط احمر و احنا دولة تدير شئونها و نختلف نتفق معاها و لكن لن نسمح باحد ان يتدحل في الامن المصري ايا كان

مواطن مصري said...

اخ طفاطيفو لتاني مرة انا معاك في الرأي يا نوارة في حاجة اسمها دولة و تدافع عن نفسها و هي الي بتدير شئونها الخارجية سواء اتقفنا اختلفنا معاها و بين مليشيات لو عاوزة تساعد تساعد من عندها مش من عدنا

احنا مش في لبنان يا نوارة

Ahmed Nasr said...

مين ده اللي يعود عليه "احنا" في زعمك "احنا بنساعد الفلسطينيين بقالنا اد ايه"

جبهة التهييس الشعبية said...

مين اللي قال اننا بنساعد الفلسطينيين؟

مين اللي قال كده؟

مين يا احمد

جاوبني رد عليا قبل ما ارمي نفسي من الدور الاتناشر

جبهة التهييس الشعبية said...

اه
ده مواطن مصري

احنا ساعدنا الفلسطينيين امتى؟
ده سنة اربعة وخمسين عبد الناصر كان عايز يعمل تسوية مع بن جوريون وبن جوريون ما رضيش غير بالشروط اللي وافق عليها السادات بعد كده
بس ما كانش ساعتها فيه مبرر ان عبد الناصر يقبل الشروط دي سنة اربعة وخمسين

الحقيقة ولا سنة اربعة وتمانين
الشروط دي ما يقبلهاش غير واحد مصورينه في اوضاع مخلة

المهم

امتى يعني ساعدنا الفلسطينيين؟
امتى يعني؟
ده لو حد ضيع فلسطين يبقى احنا يا مواطن

بس احنا مش بنرضى نقول كده عشان الشوفونية الهيستيرية اللي عند المصريين

فيه حاجة في الاكل على فكرة

طب والله العظيم تلاتة فيه حاجة في الاكل

TAFATEFO said...

@ مواطن

انت نسبتلي رأي .. مش رأيي

اقتباسي كان على نواره هانم لما اتهمت كل من دافع عن القرضاوي وصت الأزمة بالوثنية (و و و و و) وهي دلوقتي بترد على نفسها

كان الكل بيقول زي ما نواره هانم قالت بالظبط .. مع تبديل أسماء وأفعال

وده مش موضوعنا .. ده للتذكير بس

مواطن مصري said...

يا سلام امال عمر سليمان بيعمل بيلعب كورة مع الفلسطينين ما تسألي الفلسطينين مين سبب الانقسامات و انقلاب حماس مش عاوزين نتكلم في اجت فاتت

مصر هي الدولة العربية الي بتساند فلسطين و العرب الي باعو ملك الاردن الخاين

قطر الي عندها قواعد الكويت فيها قواعد
سوريا محتلة

TAFATEFO said...

وزي ما هو مش مقبول شوية الهجص اللي بيقولهم مبارك وزبانيته .. واللي هما امتداد لمقولة السادات ان دي آخر الحروب وان مصر تحملت الكثير و لا فلسطين بعد اليوم .. مش مقبول برضه نقول امتى مصر ساعدت القضية الفلسطينية وعملت لها

مصر ساعدت القضية الفلسطينية وعملت لها سواء في مرحلة المواجهة

فقبل ثورة 23 يوليو 1952 كان ما يجرى في فلسطين موضع اهتمام الحركة الوطنية المصرية، وكانت مصر طرفاً أساسياً في الأحداث التي سبقت حرب عام 1948، ثم في الحرب ذاتها التي كان الجيش المصري في مقدمة الجيوش العربية التي شاركت فيها ثم كانت الهزيمة في فلسطين أحـد أسباب تفجر ثورة 23 يوليو 1952 بقيادة الضباط الأحرار الذين استفزتهم الهزيمة العسكرية، وتوصلوا إلى استنتاج بأن فساد أوضاع الحكم في مصر آنذاك كان أحد أسباب الإخفاق العسكري.

وفى عهد الرئيس جمال عبد الناصر كانت قضية فلسطين في مقدمة اهتمام قادة الثورة خاصة بعد حادث غزة الاستفزازي ضد الضباط المصريين عام 1955، وبسبب مواقف قادة الثورة، كانت إسرائيل طرفاً مشاركاً في العدوان الثلاثي على مصر عام 1956، ثم قامت بعدوانها الواسع المنفرد في عام 1967 بعد مواقف مصر السياسية الواضحة في دعم قضية فلسطين، والوقوف في وجه الأطماع الإسرائيلية في المياه والأراضي العربية، ورفضها لتهـديدات إسرائيل للدول العربية.
وانتهاء بحرب 73 وقرار السادات (اللا معقول) بإنهاء الصراع مع إسرائيل في كامب ديفيد حسب رؤيته بدون مشورة أصحاب القضية الذين عارضوا ما أراده السادات واعتبروه تفريطاً في القضية .. وعندها انتهى دور المواجهة وبدأ الشقاق ومرحلة "لا فلسطين بعد اليوم وكفانا ما بذلناه في سبيل القضية".

سياسياً ودبلوماسياً بعد توقيع معاهدة السلام

وتوجه الجهد السياسي والدبلوماسي المصري إلى مساندة الموقف الفلسطيني، فساعدت مصر في إجلاء القيـادة الفلسطينية عقب محنتها في لبنان، وفى الاتفاق الأردني ـ الفلسطيني (1985) وفى إعلان القاهرة لوقف العمليات الخارجية (1985) وفى الانتفاضة الأولى (1987) وفى إعلان الدولة الفلسطينية (1988) وبدء الحوار الأمريكي الفلسطيني، ثم في مشاريع ومبـادرات التسوية (1989) وفى مؤتمر مدريد (1991).. ثم أيدت مصر اتفاق أوسلو الذي ارتضاه الفلسطينيون 1993، وقامت برعاية العديد من الاتفاقات التنفيذية له في القاهرة وطابا بعد ذلك ، وصولاً إلى الانتفاضة الثانية حيث استضافت مصر القمة العالمية في شرم الشيخ ثم مفاوضات طابا وقامت مصر بسحب السفير المصري من إسرائيل نتيجة الإفراط الإسرائيلي في استخدام القوة ضد الفلسطينيين، وساندت الموقف الفلسطيني دولياً

بس الوضع الحالي لا هو المواجهة وحمل القضية (مع الإقرار بانها وقتها كانت قضية مصرية أيضاً وكان الأغراض المعلنة لإسرائيل من النيل إلى الفرات واعتبار فلسطين مسألة أمن قومي إلخ....) .. ولا حتى دور العراب والوسيط في المفاوضات

مصر دلوقتي بتعزز .. بس ده مش معناه اننا نقول مصر معملتش .. لا عملت .. وكبرت وشاخت وبقت تعزز

* الهيئة العامة للإستعلامات

مواطن مصري said...

نوارة في تواجد ليبرمان سوف نكون في مرحلة لا حرب ولا سسلم و مش بعيد يكون فية اشتباكات مصرية اسرائيلة على الحدود

مواطن مصري said...

بس انا بحب ارائك يا طفاطيفو

TAFATEFO said...
This comment has been removed by the author.
TAFATEFO said...

سوف نكون في مرحلة لا حرب ولا سسلم و مش بعيد يكون فية اشتباكات مصرية اسرائيلة على الحدود

طب آدي بقى التصريح الثاني الحصري والخطير للعالم الفلكي مواطن مصري ود اللي الطالع بيقوله .. بعد تصريحه السابق واللي خص بيه مدونة جبهة التهييس الشعبية بانه متفائل بمستقبل العراق في السنوات القليلة القادمة ويتوقع لها الإزدهار

فيه ايه يا عمرو بيه؟؟ أنا فعلاً نفسي أفهم في ايه؟؟

TAFATEFO said...

ثمة أسبابا أكثر أهمية دفعت الرئيس الأميركي إلى تفضيل مخاطبة العالم الإسلامي من أنقرة.

إذا جاز لي أن أجتهد في تحري هذه الأسباب فأزعم أن في المقدمة منها سببين،

أولهما أن تركيا بلد ديموقراطي تجرى فيه انتخابات نزيهة، ويتم فيه تداول السلطة، وتمارس فيه الحريات العامة بغير قهر أو تعذيب أو طوارئ. ولأن الوضع في مصر على النقيض تماما من كل ذلك، فإن أي رئيس في دولة ديموقراطية لابد أن يختار البلد الديموقراطي منصة لتوجيه رسالته، وإلا فقد صدقيته.

السبب الثاني، أن تركيا بلد يتنامى دوره الإقليمي وثقله الدولي، على العكس من مصر التي تقلص دورها حتى أصبحت مشغولة بمخاصمة قناة «الجزيرة» وملاحقة حزب الله وبتغليب طرف على آخر في الموضوع الفلسطينى. وفي حين كبرت تركيا عندما حلت مشكلاتها مع جيرانها، ونشطت في محيطها الإقليمي حتى توسطت بين روسيا وجورجيا وبين سورية وإسرائيل وبين باكستان وأفغانستان، ودخلت على خط الوساطة بين الفلسطينيين، فإن مصر التي غاب رئيسها عن آخر قمتين عربيتين لم تحل أيا من المشكلات المحيطة بها. إذ بعدما كانت مشتبكة مع إيران وسورية، فإنها أضافت إليهما قطر أخيرا. حتى بعض الملفات المتعلقة بأمنها القومي خرجت منها (دارفور وجنوب السودان مثلا). بالتالي فقد كان منطقيا حين تمت المقارنة بين الأوزان أن تستبعد القاهرة وترجح كفة أنقرة على الفور.

هذه الخلفية تستدعي السؤال التالى: هل كان من الممكن أن يغير أوباما رأيه لو أنه اطلع على ما تنشره صحفنا القومية عن خطورة الدور، الذي تقوم به مصر إقليميا ودوليا، في ظل «قيادتها الحكيمة»، التي صنعت «أزهى عصورها»؟


http://tinyurl.com/d338oz

Ahmed Nasr said...

طفاطيفو، انت دخلت بينا متاهة ملهاش معنى..

مواطن بيقول "احنا"
احنا دي معناها الحاضر..يعني يا جيلي وجيلك، يا جيل بابا وماما..مش أبعد من كدة..

(احنا) بنتكلم على كلمة (احنا)، احنا مساعدناش حد..
والحكومة المصرية آخر من يتكلم عن دور مصر لأنها حكومة معززة..

والناس اللي ساعدت في يوم من الأيام، زمان يعني، الأموات منهم والأحياء، متبريين من الحكومة دي والحكومة دي متبرية منهم..وابقى فكرني لما انزل مصر ممكن أبقى اقابلك ببقية باقية ممن جاهدوا في فلسطين..اسمع منهم..

TAFATEFO said...

يا فندم ولا دخلت متاهة ولا حاجه

احنا ساعدنا الفلسطينيين امتى؟
ده سنة اربعة وخمسين عبد الناصر كان عايز يعمل تسوية مع بن جوريون وبن جوريون ما رضيش غير بالشروط اللي وافق عليها السادات بعد كده


نواره رداً على أحمد نصر استشهدت بان الزعيم جمال عبدالناصر كان بيسعى لتسوية منفردة مع إسرائيل بدون حل القضية الفلسطينية .. وبرضه أنا مفهمتش احنا بان المقصود بيها جيل حضرتك ولا حاجه .. ومفتكرش انها تتفهم كده

مع اعتراضي على الضمير الغامض اللي شغال علطول ده .. لكن لو مقصود بيه الشعب فمفيش مزايدات .. ولو مقصود بيه النظام المصري فمحدش ينكر ان النظام المصري يقوم بالتعزيز الآن .. لكن برضه محدش يقعد يقول مصر ساعدت القضية الفلسطينية امتى

ومبارك وأبو الغيط لما بيتكلموا برضه بيتكلموا تاريخياً من بداية القضية .. مبيتكلموش عن جيلي وجيل حضرتك

ومش مختلفين

TAFATEFO said...

بس بره أنا متمسك بوعدك (اللي اعتبرته وعد) .. ومش متنازل عنه

جبهة التهييس الشعبية said...

ايوة دي حقيقة

وحرب ستة وخمسين اتفرضت علينا مش عشان متبنيين القضية الفلسطينية ولا حاجة

عشان دخلنا كتلة عدم الانحياز

وقبل سبعة وستين احنا ما كانش عندنا اي نية اننا نهاجم اسرائيل

اسرائيل هي اللي عملت تحرشات على حدودنا

واسرائيل تحرشت بمصر طول الوقت

اما منظمة التحرير

فمصر عملتها لمصلحتها
لان اسرائيل لما فضلت تتحرش بمصر وتعتدي على حدودها
وتضرب غزة (وغزة وقتها كانت تابعة لمصر - وعشان تبقى فاهم الامن المصري ضرب الغزاوية لما عملوا رد فعل لجرائم المستوطنين، طول عمره وسخ يعني)

فمصر كان لازم عشان مصلحتها وامنها تعمل حركة مقاومة تدين بالولاء ليها

مش تضحية عشان فلسطين ولا حاجة

وانت رايح تجيب لي من الاستعلامات

بذمتك مش مكسوف من نفسك

انا بس مش عايزة ادخل معاك في مناقشة عشان انت بتلبس في وش ما بتطلعش منه ولا بالطبل البلدي ومهما الواحد يقول لك مافيش فايدة

ومصر دخلت كل حروبها مع اسرائيل مضطرة

وعشان خاطر نفسها مش عشان خاطر فلسطين ولا نيلة

ودعمها لياسر عرفات كان دعمل لامتداد استراتيجي

يعني كنا بنعمل زي ما ايران بتعمل كده
وما كانش حد بقى يجرؤ يقول لنا بتعملوا عشان مصلحتكوا ولا نيلة

عشان احنا كنا بلطجية على العرب ما تشوفناش بقى
كنا ممشينهم على العجين
ما تعرفش ايه السر يعني على كل الوكسة دي

وحرب الاستنزاف وتلاتة وسبعين كانوا عشان اتهزمنا في حرب ما كناش عايزين نحاربها واتفرضت علينا

يبقى ساعدناهم ازاي يعني؟

احنا لو ساعدنا فعلا يبقى ساعدنا الجزائر

لكن احنا في تمانية واربعين ضيعنا نص فلسطين وسبعة وستين ضيعنا الباقي
يا ريتنا كنا سبناهم في حالهم

جبهة التهييس الشعبية said...

عبد الناصر قال للسفير الامريكي: انا مش ضد حق اسرائيل في الوجود
بس يبقى فيه تسوية عادلة

الكلام ده سنة اربعة وخمسين بروح اهله يعني كان بيقول الكلام ده ليه؟ ما يقعد ساكت

كان فاكر انه بيتناصح عليهم

قام بن جوريون حط له بعض، باقول بعض، بعض من الشروط اللي كانت موجودة في كامب ديفيد

قام عبد الناصر قال ما معناه يا سلام هم يعني كانوا ماسكين علينا صور لا طبعا هي دي تسوية عادلة

بس السادات بتاعك بقى رضي بالشروط دي مضروبة في عشرة

هم نفسهم بقوا مش مصدقين نفسهم

بس يعني عبد الناصر صحيح ما قبلش الذل من بن جوريون خصوصا انه كان عمال يقول ح نحرر كل ارض اسرائيل من مش عارفة ايه

لكن يعني ما كانش صلاح الدين الايوبي ولا حاجة
هو كان مهتم يأمن حدوده ويعمل تنمية داخل مصر وخلاص
واي حاجة في اطار الوطن العربي تفيده، تفيده بس، كان يعملها
مش يعني الاوهام اللي احنا عايشين فيها ياما مصر ضحت من اجل مش عارفة ايه والكلام الخرا ده
لا ضحينا ولا نيلنا

وطبعا مفهوم اني باتكلم عن الانظمة
مش نظام مبارك بس
كلهم

جبهة التهييس الشعبية said...

وبالمناسبة يعني

الشعب متعاطف لكن مافيش في ايده حاجة يعملها يعني

ما راحوش افواجا يعني يحرروا فلسطين
دول لما بينزلوا مظاهرة بنقول كتر خيرهم

TAFATEFO said...

:D

وأنا متفق مع كل كلمة كتبتيها حضرتك .. احنا مضحيناش من أجل القضية الفلسطينية .. مصر لم تضحي بأي شئ (تقريباً منذ إرسال الجنود عقب قرار التقسيم) في سبيل القضية الفلسطينية .. بس كان سؤال حضرتك

احنا ساعدنا الفلسطينيين امتى؟
--
--
امتى يعني ساعدنا الفلسطينيين؟
امتى يعني؟


مش امتى ضحت مصر من أجل القضية؟

والنقل من موقع الاستعلامات للسرد والترتيب .. وإن كان موقع الإستعلامات :

- القمة العربية اللي دعت إليها مصر عام 1946 .. قمة أنشاص

- تهريب عرفات من الأردن

- عقد المصالحة الأردنية الفلسطينية ..

بمعنى آخر .. مصر في أي مرحلة عمرها ما بدت أي شئ على أمنها .. واهتمامها بالقضية الفلسطينية هو من صميم الإهتمام بالأمن المصري (قبل ما يكون من أجل الإنسانية والعروبة والإسلام ) من الطبيعي ان تهتم مصر بما يجري في فلسطين نظرا للجوار الجغرافي ولتأثير هذا الجوار على حالة الأمن في كلا من مصراسرائيل ، ثم نظرا لان
مصر بلد عربية تماما كجارتها فلسطين وما جرى تاريخيا على فلسطين جرى على مصر فهما معا في دائرة الفعل السياسي الداخلي والخارجي . وتدل قراءة التاريخ في هذه المنطقة بان مصر كانت تعد فلسطين خط دفاع استرتيجي عنها من هنا حاول الفراعنة القدماء ان تتبع فلسطين لمصر سياسيا. وظل هذا هو النهج لدرجة انه عندما فكر ابراهيم باشا بن محمد على باشا ان يوسع دائرة حكمه اندفع اولا الى فلسطين .


مفيش تضحية .. في مساعدات .. ومتفق مع حضرتك في كل كلمة كتبتيها وده نفس الكلام اللي اتقال رداً على تصريحات مبارك باشا وأبو الغيظ بعد بدء محرقة غزة

متفقين يا فندم .. الإعتراض كان على ساعدت .. بس محدش قال ضحت

TAFATEFO said...

السادات بتاعك

رب لا أسألك رد القضاء .. مش هرد

بس السادات ده بتاعنا كلنا .. وكان رئيس على حضرتك وعمره ما كان رئيس علي

:P:P:P

آل السادات بتاعك !! وعمرو خالد بتاعك !! .. بس أنا موافق على بتاع القرضاوي .. حد يكره؟؟

مش بتاع السادات يا فندم .. ومش بتاع عمرو خالد

متعمليش بتاتيع عافية .. مهياش القوس دي كمان

جبهة التهييس الشعبية said...

:)
لا القرضاوي هو اللي بتاعنا كلنا

لكن السادات وعمرو خالد دول بتوعك انت

انا ما باستخدمش باك

TAFATEFO said...

دي بتنقي

:D:D هايل

مواطن مصري said...

مليش دعوة ب القرضاوي
:)))

Anonymous said...

ركّزت تقارير صحافية مصرية على أن الكاتب والصحافي المصري محمد حسنين هيكل التقى الأمين العام لحزب الله حسن نصر الله أول من أمس، في لبنان، وأن هيكل التقى رئيس الجمهورية اللبنانية ميشال سليمان، ورئيس مجلس النواب نبيه برى، ورئيس الحكومة فؤاد السنيورة.
وعن لقائه نصر الله، قال هيكل لصحيفة «المصري اليوم» إنّ اللقاء استمر خمس ساعات، بدأ في العاشرة من مساء الثلاثاء، حتى الثالثة من فجر الأربعاء. أضاف: «اعتذر نصر الله عن ارتباطات عديدة عندما علم بوجودي». ونفى هيكل أن يكون اللقاء قد تطرق إلى القضية المتعلقة ببدء تحقيقات النيابة المصرية مع ٤٩ فرداً بتهمة الانتماء إلى حزب الله، والإعداد لعمليات تخريبية في
مصر.
وقال: «حينما بدأ اللقاء لم أكن أعرف أي شيء عن هذا الموضوع. ولم يتطرّق إليه نصر الله هو الآخر».جريدة الاخبار اللبنانية

Anonymous said...

طيب..اذا كان الشعب المصري الشريف سيصدق حجة النظام المصري في خطأ استخدام ارض عربية بطريقة مخابراتية لقتال اسرائيل كونها المعبر الوحيد لغزة /فلسطين..اذا لابد للشعب المصري الشريف ان يلغي من ذاكرته فلم العبور الى ايلات ونقد عبور منفذي العملية لتنفيذ العملية ارض لبنان والاردن لفلسطين ..!!!0
هذه الحركة تريد تأسيس فكرة جديدة في ذهن المصريين وهي تأكيد التطبيع في اللاوعي العربي من خلال الدفاع عن فكرة تدخل حزب الله تحت قاعدة في الذهن اساسها عدم قانونية استخدام اي ارض عربية مخابراتية (ولو كانت المنفذ الوحيد لدعم فلسطين)؟ الحرب حرب قواعد وافكار في خلفياتها وليس قصة هبله كالتي يروج لها النظام المصري وحلفاءه من الكتاب الفاشلين!00