ايه اللي انا سمعته في الجزيرة ده؟
انا عيانة وباخرف... سمعت خير اللهم اجعله خير ان مهدي عاكف ح يمشي، وان حبيب ح ييجي مكانه، وانهم قالوا لو اترشح جمال مبارك بشكل دستوري مش ح نعترض، واحنا مش ناويين نمشي في مظاهرات تاني، واحنا مش في مواجهة مع النظام المصري، وح نعمل تفاهمات مش صفقات
ايه ده؟
هم هددوهم بايه بالظبط؟
يا اما انا مش مركزة يمكن تعبانة وللا حاجة، حد يشرح لي ايه اللي حصل بالظبط
7 comments:
نوارة
-------
مالك مشدودة كدة و مستغربة و مندهشة
اولاً موضوع مهدى عاكف حيمشى بقاله شهر كامل اصلاً
ثانياً الأخوان عادتهم و لا حيشتروها
هماه كدة شوية مع جمال و شوية ضد جمال
و ليهم وقت يعملوا حركات كدة مع النظام شوية
و مع المعارضة شوية
ساعت اما يلاقوا حدث مهم و شهير
يخشوا فيه و يركبوا الموجه
زى موضوع اضراب 6 ابريل
2008
اللى مشاركوش فيه
و قالك حندرس الموقف الأول
انتى بتتكلمى فى ايه
!
الأخوان جماعة واطية زيها زى الحزب الوطنى
مع تقديرى لبعض الأفكار المحترمة لهم
لكنهم كعادة كل من يمارس السياسة
لازم يبقى واطى عشان ياكل عيش سياسى على قفانا
ايه يا نوارة الكلام الغريب ده ؟
وحياة خالتك ركزي شوية
انتي جبتي الكلام ده منين ؟
فعلا هو قال إنه هيترك منصبه منذ فترة لكن لم يحدد من سيخلفه
و سلامتك من المرض
يا استاذة نوارة
دى صور لك قديمة عندى http://shayunbiqalbi.blogspot.com/2009/04/blog-post_22.html
تحياتى لك
استاذه نواره...الف سلامه تانى...اشربى لمون دافى
بس على فكره دى موش تخاريف ....ولا فى تهديد
الاخوان بيلعبو سياسه صح...واكيد لاقوا مصلحتهم مع الحكومه...وعلى فكره ده موش رأى دى حقيقه من واحده تعاملت معاهم عن قرب...وعارفه بيفكرو ازاى...على فكره الاخوان تنظيم سياسى موش دينى...والسياسه ملهاش ثوابت
تقبلى مرورى...دمتى بخير
احمد عبد الفتاح
كويس انك جيت
انا الكلام ده سمعته من حسين عبد الغني في الجزيرة
ما تفهم لي ايه الحكاية وتقول لي يا احمد وانا برضه ح اتابع الحصاد
يا جماعة اتفرجوا على الحصاد الكلام ح يتقال دلوقت على موضوع الاخوان عشان نفهم
http://www.ikhwanonline.com/Article.asp?ArtID=48084&SecID=211
Post a Comment