Tuesday, 14 April 2009

نص التحقيق مع سامي شهاب

تحديث ابن وسخة... انا الظاهر ح اضطر ارجع اشتم قوي تاني زي ما كنت باشتم، تحديث ابن ميتين كلب:
انا ح ادخل انام قبل ما اقل ادبي اكتر من كده على الصبح بقى هي دي المفاجئات اللي ابو الغيط وعدنا ان شفتنا التحتانية تتدلدل لما نسمعها؟ ده انا كلي اتدلدلت دلوقت حالا 
ههههههههههه جو برضه... طب اعمل ايه طاه ماهو اللي ساب لي لنك نص التحقيق مع سامي شهاب
اليكم النص:
اسمك إيه؟
- محمد يوسف أحمد منصور.
■ أمال إيه سامي هاني شهاب؟
- هذا اسمي الحركي في تنظيم حزب الله.
■ كم عمرك؟
- ٣٩ عاماً.
■ متى حضرت إلى مصر؟
- في بداية عام ٢٠٠٥.
■ أين تسكن؟!
- ١٥ شارع هارون بالدقي، لكن ذهبت إلى لبنان أكثر من مرة، ومنذ ذلك التاريخ أصبحت القاهرة مقر إقامتي، وكنت أتردد على لبنان من حين لآخر لتلقي تكليفات، وما إلى ذلك.
■ هل كان أحد يعرف أنك شيعي؟ (شوف والنبي السؤال المتخلف؟ يعني المفروض اول سؤال يخص الامن القومي مش الامن المذهبي)
- لم أقل هذه المعلومة لأحد في مصر على الإطلاق، ولم أتطرق إليها، بل الجميع كانوا يعرفون أنني فلسطيني مقيم في سوريا، ولم أقل إنني لبناني.
■ معنى ذلك أنك لم تدعُ إلى المذهب الشيعي؟
(لا دي غباوة بقى)
- مطلقاً، لأن وجودي في مصر مرتبط بعمليات محددة ليس من بينها المذهبية، وقيادات حزب الله لا يلعبون على هذا النوع مطلقاً، لأننا نرى في الحزب أن ضرر المذهبية كبير على الأمة العربية والإسلامية.
■ لماذا أتيت إلى القاهرة؟!
- بتكليف من حزب الله.
■ وما هي هذه التكليفات؟
- تكوين مكتب لحزب الله باسم «مكتب مصر».
■ ما الغرض من إنشاء مكتب لحزب الله في مصر؟
- هذا المكتب يأتي ضمن وحدات تسمى داخل حزب الله «وحدة الطوق»، وهي الدول المحيطة بإسرائيل.
■ ما الهدف من وحدة الطوق؟
- دعم القضية الفلسطينية (اخص.. وكمان بتقول في وشنا؟ قلة ادب وبجاحة.
■ من قائدك المباشر من قادة حزب الله؟
- أنا رئيس المكتب، والقيادي المباشر المتابع لي من لبنان هو محمد قبلان.
■ ولماذا محمد قبلان؟
- لأنه يدرك طبيعة مصر، وعاش فيها فترة، وكان يتنقل فيها، وخاصة في سيناء، نظراً لمعرفته القديمة بمنطقة جنوب سيناء.
■ ماذا كان دوره؟
- كان يتردد على قرية النخيل في نويبع لمعرفة ما إذا كان هناك إسرائيليون يترددون على هذه المنطقة.
■ ما طبيعة عمل مكتب مصر؟
- إجراء عمليات استطلاع من على شاطئ نويبع وطريق طابا المصرية، وأثناء ذلك تعرّض قبلان لمشكلة مع الأمن المصري.
■ ما هي؟
- أثناء دخوله لكل المناطق تعرض له الأمن المصري وأخذ منه جواز سفره.
■ هل كان جواز سفر حقيقياً أم مزوراً؟
- كان معه جواز سفر مصري باسم حسان الغول.
■ وماذا حدث بعد ذلك؟
- عاد إلى القاهرة بعد هذه الواقعة والتقى حسن المناخيلي من بورسعيد، حيث كلفه متابعة منطقة نويبع لرصد منطقة رأس شيطان وأعطاه مبلغ ١٠٠٠ دولار لفتح كشك في المنطقة.
■ ماذا كان الهدف من وراء ذلك؟
- الهدف كان المتابعة ومراقبة الإسرائيليين.
■ وما الذي حدث بعد ذلك؟
- تم الاتفاق بين قبلان والمناخيلي على التواصل لاحقاً بعدما أعطاه رقم تليفون مصرياً.
■ ماذا عنك أنت أثناء هذه اللقاءات؟
- عدت أنا إلى بيروت، لكنني فوجئت بقبلان يراسلني من القاهرة، وقال لي إنّ من الممكن إدخال أشخاص إلى قطاع غزة.
■ هل كانت قيادة حزب الله تعلم بذلك؟
- نعم، وقد عُرضت هذه المعلومات على مسؤول مكتب فلسطين في حزب الله.
■ ما اسم مسؤول مكتب فلسطين؟
(وانت مالك هو انت بتحقق في فلسطين؟)
- يكنى أبو حسن، ولا أعرف شيئاً غير اسمه.
■ وما الذي حدث بعد ذلك؟
- يوجد خبير اسمه «عباس» من حزب الله جاء من بيروت واستقبله محمد قبلان في القاهرة، وتم شراء بعض المعدات من العتبة في القاهرة وتوجه بعدها إلى شمال سيناء.
ماذا عن ناصر أبو عمرة؟
- بعد ذلك تواصل قبلان مع ناصر أبو عمرة ووفّر له مواد متفجرة
«C٤» تختص بتقطيع الحديد وآثارها المفرقعة شديدة تفجر الحديد.
■ من أين حصل على هذه المعدات؟
- من شخص يدعى سامي العايض البدوي.
■ أين وُضعت؟
- وُضعت في منزل نمر الطويل بالعريش.
■ من هو نمر الطويل؟
- شخص يُكنّى خضر.
■ ما الذي حدث بعد ذلك؟
- توافرت المواد المتفجرة في منزل نمر الطويل.
■ وأين كان المدعو قبلان وعباس؟
- توجها إلى العريش شمال سيناء وصنعا حزامين ناسفين وحقيبتين من المتفجرات، وكان معهما جهاز «لاب توب» وظلا هناك ٣ أيام.
■ أين كنت أنت وقتها؟
- حضرت إلى القاهرة، فقد كنت في لبنان.
■ لماذا؟
- سافرت بتكليف من مسؤول وحدة فلسطين في حزب الله المكنى أبو حسن، حيث التقيت محمد قبلان وعباس في القاهرة.
■ ما الذي حدث في هذا اللقاء؟
- فوجئت بأن قبلان لم يرحّب بلقائي بسبب المشكلة التي حدثت عند طريق طابا، عندما كشف الأمن المصري عن جواز السفر الخاص بكلّ منا، وصادرته أجهزة الأمن.
■ لماذا إذن عدم الترحيب؟
- لأن معنى ذلك وجود ارتباط بيني وبينه في أرشيف الأمن المصري.
■ هل طلب منك شيئاً؟
- طلب مني بعدما قضينا الليلة مع عباس العودة إلى لبنان لكي لا يربط الأمن المصري بيننا.
■ هل استخرجتم جوازات جديدة بعدما كشفكم الأمن المصري؟
- نعم، استُصدرت جوازات سفر جديدة، وبالفعل سافر قبلان صباح اليوم التالي يرافقه عباس على طائرة الشرق الأوسط، وسافرت أنا على طائرة مصر للطيران إلى لبنان، حتى لا تكتشفنا أجهزة الأمن المصرية.
■ كيف نُقلت معدات التفجير إلى سيناء؟
- روى لي قبلان كيفية نقل بعض المعدات اللازمة في عمليات التفجير، وهي عبارة عن أسلاك كهربائية وشريط لحام وجلب ورولمان نقلها إلى الإسماعيلية، وهناك التقينا نمر الطويل، الذي وضع تلك الأغراض داخل خزان وقود السيارة وسافر بها إلى منزله الكائن في العريش، للتهرب من كمائن الشرطة الموجودة على الطريق.
■ ما تفاصيل نقل هذه المعدات، ومن هم الأشخاص الذين شاركوا في هذه العملية؟
- قبل قدوم عباس وقبلان من شمال سيناء إلى القاهرة كلف ناصر أبو عميرة من بورسعيد تخزين هذه المعدات بمنطقة كرم أبو نجيلة بالعريش، وعند عودتنا إلى لبنان تلقينا عدة مراسلات من إيهاب السيد موسى من بورسعيد أيضاً ويكنى بـ«مروان» عن حركة السياحة الإسرائيلية في مصر.
■ ما محتوى هذه المراسلات؟
- عبارة عن أعداد المترددين الإسرائيليين على المنطقة المحيطة بنويبع، وكان يجري عرض هذه التقارير التي كانت تأتي بشفرة بعد عملية فك التشفير على الرئيس المباشر محمد قبلان.
■ هل توصلتم إلى أعداد الإسرائيليين هناك؟
- تلقى قبلان اتصالين من حسن المناخيلي عن أعداد الإسرائيليين المترددين على رأس شيطان.
■ ما اسم الإسرائيليين في الشفرة التي بينكم؟
- «الجيران» وكان سبب اختيار هذه الكلمة في التشفير عدم وجود وسيلة اتصال آمنة مع المصدر، لكن بعد هذين الاتصالين ومعرفة قيادة الوحدة، بهذه الطريقة مُنع محمد قبلان من استقبال مكالمات هاتفية من هذا النوع حفاظاً على سلامته الأمنية ولعدم كشف مكان المصدر.
■ هل كان لك صلة بأي دولة من الدول الأخرى؟
- سافر محمد قبلان إلى السودان لإجراء بعض الاتصالات اللوجستية.
■ مع من في السودان؟
- مع شخص يدعي خليل السوداني ليقوم بالسفر إلى مصر، لكن خليل رفض السفر، رغم أنه أخذ مبلغ ٣٠٠ دولار وتعلل بعدم تجديد جواز سفره.
■ ما الهدف من زيارة السودان؟
- التعرف إلى مهربين أفارقة وسودانيين لتهريب مقاتلين إلى غزة.
■ هل اتُّفق مع مهربين بالفعل على ذلك؟
- نعم اتُّفق مقابل ٢٠٠٠ دولار عن كل شخص يُدخَل إلى غزة، وبعد مضي الوقت اتُّفق على أن تكون النقلة بالسيارة بـ١٦ ألف دولار، سواء اشتملت السيارة على ركاب كثر أو راكب واحد فقط.
■ هل نجحتم في إدخال مقاتلين؟
- نعم، لكن بأعداد قليلة.
■ هل غيرت جواز سفرك بعد واقعة كشفه مع قبلان؟
- نعم في شهر يونيو (حزيران) ٢٠٠٨ كُلِّفنا إجراء جواز سفر جديد في لبنان، وكان اسمي فيه جمال هاني حلوي وصدر التكليف نفسه لمحمد قبلان بتغيير جواز السفر الذي كان يستخدمه.
■ ما الأعمال السابقة التي أناطك حزب الله بها؟
- انضممت إلى فصائل التعبئة العامة التابعة لحزب الله وتلقيت جميع التدريبات العسكرية التي أهلتني للمشاركة في العديد من العمليات العسكرية وأعمال المقاومة ضد الجيش الإسرائيلي، لكنني أُصبت في العمود الفقري وضُممت إلى الوحدة «١٨٠٠» المعنية بدعم القضية الفلسطينية ومتابعتها من خلال دول الطوق وتلقيت العديد من التدريبات على الأعمال الاستخبارية التي أهلتني لمتابعة العديد من المهام لإبراز أهداف الوحدة الرامية إلى دعم القضية الفلسطينية.
■ هل تلقيتم تكليفات بأعمال داخل مصر؟
- قيادات الحزب الحكيمة قالت لنا ونحن نؤسس مكتب مصر إن مصر خط أحمر وإن الهدف هو مساعدة فلسطين ودعمها، بل إن قيادات الحزب أصدرت أوامر صارمة بعدم استهداف الإسرائيليين داخل الأراضي المصرية حفاظاً على الأمن القومي المصري، وقالوا لنا إن الدخول إلى فلسطين هو الهدف ومقاتلة إلىهود هناك، وإن مصر يجب أن تكون بعيداً عن أي عمل.
■ هل أدخلتم ذخائر إلى فلسطين؟
- نعم، دخلت ذخائر ومقاتلون، وقد صدر تكليف لقيادات الوحدة «١٨٠٠» بتصعيد العمليات ضد اليهود داخل الأراضي الفلسطينية بعد اغتيال الحاج رضوان (الشهيد عماد مغنية) في سوريا العام الماضي، وجاء محمد قبلان بتكليفات التصعيد داخل الأراضي الفلسطينية للرد على اغتيال عماد مغنية.
---------
ايه ده؟ هو خر بكل حاجة كده ليه؟ لا ده بجد مقتنعين ان الكدب بيودي النار؟
التعليق ده عاجب طفاطيفو، ولو اني طنشت عليه، طنشت عليه عشان ح يدخلنا في جدل عقيم، صحيح عملية ايلات استغلينا فيها دول عربية كتير - ايام ما كنا مستعبدينهم - ، وصحيح اننا استغلينا حدود الاردن مع ان الاردن ما كانتش عايزة تتعاون واضطرينا نعمل زي سامي شهاب بالظبط
بس ده زمن غير الزمن احنا كنا اياميها بعيد عنكوا اعداء اسرائيل، دلوقت احنا بنحبها بنحبها بنحبها واول ما تقول اسرائيل يكاد عوكل يجهش بالبكاء من فرط الوجد، ده اولا، ثانيا ما اتقبضش عليهم، ولو كانت الاردن قبضت عليهم كانت شنبرتهم زي ما النظام المصري بيشنبر سامي بالظبط...هاه؟ لا مش زي ما بيشنبرهم بالظبط لان عبد الناصر كان عايش وحسين ما كانش يقدر يشنبر مصريين، وجيش كمان، وعبد الناصر عايش
انا بس اللي قالقني ومش عارفة افهمه البقين الحمضانين دول:
صحف مصريّة: إنذار بعمليّات ضدّ حزب اللّه
قالت صحف مصرية، أمس، إن القاهرة وجّهت إنذاراً شديد اللهجة إلى قيادة حزب الله عن طريق الحكومة اللبنانية. وتضمّن الإنذار مطالب مصرية محددة، أهمها التعهّد في بيان علني باحترام السيادة المصرية، وعدم استخدام الأراضى أو المياه الإقليمية المصرية في أي أنشطة أو عمليات سرية، في إطار ما يسمّيه الحزب دعم المقاومة الفلسطينية،(هههههههه) كذلك طلبت مصر من قيادات الحزب ـــــ عن طريق حكومة بيروت ـــــ تزويدها بجميع المعلومات عن عمليات سرية رصدتها أجهزة الأمن المصرية (الله... ايه فيلم سونيا الجاسوسة الحسناء اللي احنا بنمثله ده؟).وحسبما ورد في صحيفة «الشروق اليومية» على لسان مصادر وصفت بالمطّلعة، تضمّنت المطالب المصرية أيضاً حثّ الحزب على تحسين لهجته في الحديث عن مصر (ايوة قولوا كده بقى.. احترس نفسك وانت بتتكلم، يا سيدي خلص، بقين حلوين كده، الكلمة الطيبة صدقة).وهددت القاهرة في رسالتها إلى قيادة حزب الله بأنها سوف تضطر للقيام بعمليات نوعية ضد أهداف تابعة للحزب، (ايوة، هي الحتة دي اللي انا مش فاهماها... عمليات نوعية ضد حزب الله ازاي يعني؟ يعني العمليات النوعية دي ما سمعناش عنها لما حدودنا كانت بتنضرب تلات اسابيع، ما سمعناش عنها لما مجالنا الجوي كان بيخرق، ما سمعناش عنها لما القناصة الاسرائيليين قتلوا عشرات المواطنين والحرس الحدودي اللي واقف بيعمل شغله والعيلة اللي بتلعب قدام بيتها، ما سمعناش عنها لما بعتوا لنا اكل مسرطن ولا لما كل شوية يهددونا بانهم ح يضربوا السد العالي، ولا سمعنا عن عمليات نوعية ضد الصواريخ الاسرائيلية الموجودة في جنوب السودان وموجهة ناحية مصر، شكلها ايه العملية النوعية دي؟ شبه عملية ابو الغيط النوعية اللي هدد بيها ليبرمان لما توعده بانه لما يشوفه ح يحط ايديه في جيوبه؟) إذا رفض الاستجابة للمطالب والشروط المصرية.وطبقاً للمصدر نفسه، تقول الصحيفة إن القاهرة تنظر بإيجابية لهذا الاعتراف، إلا أنه غير كاف، وإن على الأمين العام لحزب الله أن يدرك أن مصر بلد كبير (ايوة، يعني بتاع تمانين كيلو كده)، ولها مكانة في المنطقة، وإن تعاطف الرأي العام مع حزب الله وأمينه العام قد تدنّى للغاية (هم عملوا احصائية؟ يعملوا احصائية بجد عشان يفرجونا على فرعون اللي استخف قومه فأطاعوه)، وهو ما يعني أن الإقدام على اتخاذ خطوات نوعية ضد أهداف تابعة للحزب سوف يحظى بتأييد الرأي العام (!!!!!!!!!!!!!!! ده ايه الفتوح ده كله)، أو على الأقل لن يكون محل معارضة مؤثرة (او على الاقل لو حد عارض ح نحبسه او على الاقل لو ما حبسناهوش ح نضربه او على الاقل لو ما ضربناهوش ح نهدده، يعني هم كانوا من امتى بيهتموا بالمعارضة مؤثرة وللا مش مؤثرة).وكانت الصحيفة قد كشفت في التقرير نفسه عن رفع درجة التنسيق بين أجهزة الأمن المصرية ونظيرتها في كل من السعودية والأردن واليمن (يا زين ما خلفتي يا زينب)، لرصد ما وصفته بـ«انتهاكات حزب الله وحلفائه لأمن وسيادة هذه الدول»
ايه الكلام ده بقى؟ ايه ده؟ احنا ح ندخل في حرب مع حزب الله؟ دول بيتكلموا بجد؟ وايه الشروط المحطوطة دي؟ عايزينهم يدوهم معلومات استخباراتية عن نفسهم عشان يدوها لاسرائيل؟ بجد؟ يعني النظام المصري لبس البالطوا وحط العصايا تحت باطه وماسك الجرنال المخروم؟ كده؟ كده؟ ماعادش فيها كسوف ياما اعملي معروف؟ ويا ا*** في زيركوا يا اروح ما اجيلكوا على رأي واحد عبقري لخص لي السياسة المصرية؟
طب يدوهم معلومات غلط طيب، وللا لسة مصرين ما يكدبوش عشان الكدب بيودي النار؟
هو مش ابو الغيط بتاع شفايفكوا التحتانية ح تتدلدل كان ايام حرب غزة بيقول: ليه حزب الله ما يساعدش غزة اشمعنى احنا؟
طب مش كان يوضح: ليه حزب الله ما يساعدش غزة عشان نقفشه ونسلمه لاسرائيل... ده ولا ايام الملك
روح.. الهي اشوف ودانك وهي متدلدلة يا بعيد

57 comments:

عم مينا said...

بصي يا نوارة أنا هقولك رأيي و أمري لله مع ان عارف انه مش هيعجبك

قبل ما أقول أي حاجة.. أحب أوضح اني ايماني الشخصي.. حزب الله ما كنش هيعمل أي حاجة في مصر ضد سياح و كده.. و انه الموضوع كله كان شوية أسلحة هتتهرب و خلاص.. يعني من الأخر أنا مصدق حسن نصرالله في اللي قاله في الحديث بتاعه من كام يوم

تاني حاجة أنا ضد الحملة اللي معمولة في الصحف المصرية ضد حزب الله و شايف ان موضوع ايران اللي بيخش في كل حاجة ده بقي مثير للسخرية

لغاية هنا أعتقد احنا كويسين هاها

الحتة بقي اللي أنا مش موافقك فيها.. اني شايف انه من حق النظام المصري انه يحاكم الناس اللي استخدمت أرض مصر في شيء مصر مش عاوزاه.. يعني ممكن نتناقش في هي مش عاوزاه ليه؟ و انه المفروض انه مصر تسمح علشان تساعد الفلسطينيين

يعني اللي عاوز أقوله انه حزب الله من حقه انه يروح للقيادة المصرية و يقولها والله احنا نوايين نهرب شوية سلاح من عندكو بطريقة غير شرعية.. تقوم القيادة السياسية تقوله ماشي.. يبقي خلاص ما حدش يقدر يقوله حاجة.. بس بما انهم قالوله لأ.. يبقي ما ينفعش و الا يبقي مفيش دولة أصلاً.. يعني أنا مش شايف اننا نمسك ناس بتهرب سلاح من غير موافقتنا دي تعتبر حاجة غلط رغم ان ممكن تكون عدم موافقتنا دي غلط.. فهماني؟

Sosso said...

كده بررنا القصف على السودان. عشان كده كان بقول محبيناش نحرج السودان.لا اصيل يا سنبل. لازم المكتوب في هآرتس يعرفوه كل الناس

Anonymous said...

مفقوع زيك واكتر منك
الأخطر يانوارة
http://www.jewishvirtuallibrary.org/jsource/Environment/energy.html
ده لينك خطط اسرائيل الى 2020 وفيها موضوع تصدير الغاز عن طريق شركة شرق المتوسط متمثلة فى شخص حسين سالم

http://www.ampal.com/pages/invetsed/invested.php

وده لينك تانى بيقول انى شركة شرق المتوسط دى شراكة بين اميل الاسرائيلية والمستثمر المصرى

http://www.ampal.com/pages/profile/managmnt.php

تيجى بقى لآخر لينك تلاقيه بتاع شركة مرهاف
http://www.merhav.com/
برده دى شريك فى شركة شرق المتوسط وبرده دى اللى دخلت المبيدات المسرطنة فى مصر ايام يوسف والى علشان عندها شركة زراعية

الخلاصة عزيزتى اننا مش بنقرأ ولا بنربط معلومات عن بعض
الشريك المصرى شريك فى مرهاف وامبل الاسرائليتان عن طريق شركة شرق المتوسط وانى اسرائيل عندها خطة وعلنية وبتنفذها واحنا اللى نايمين فى مية اللفت فى النهاية بقى ده لينك لشركات الشريك المصرى
http://www.hks-group.com/docs/about_group.htm
انا خايف من حاجات كتير قوى قوى قوى وكمان عندى تفاؤول انى مصر فكرت وخلت كل العلاقات مع اسرائيل عن طريق الشريك المصرى ده واللى ممكن يكون دراع المخابرات المصرية للسيطرة على الوضع ومنع اى تدخلات من القطط السمان واهدار مصالح مصر يارب يكون تخمينى صح والا فاحنا خلاص بح بح بح

mido said...

شوفت فبركة الاهرام :

مخطط نصر الله استهدف تنفيذ 3 عمليات ضد مصريين وإسرائيليين.. ((((وسامى شهاب: العمليات تستهدف الوضع فى مصر لا مساعدة المقاومة بغزة))))

المصرى اليوم :

المتهم الأول فى قضية "حزب الله" (((يعتذر))) لـ"حسن نصر الله" عن سقوط "تنظيم مصر".

TAFATEFO said...

كويس

وإن كنت مش فاهم هو ليه قال كل حاجه كده؟؟!! هو ده سلو لبنان ولا ايه؟؟!! حاجه غريبه جداً

كان ايه لازمة ومتفجرات ومش متفجرات

!!!!!!!!!!!!!!!!!!!!!!!!!!!!!

بخصوص الرسالة المصرية .. واحد صاحبي ليه رد مختصر جداً على كلام أهبل زي ده (أكيد طالع من تحت ايد أبو الغيط) .. *** بحمامة

Sweet Jeje said...

"ولو كانت الاردن قبضت عليهم كانت شنبرتهم زي ما النظام المصري بيشنبر سامي بالظبط...هاه؟ لا مش زي ما بيشنبرهم بالظبط لان عبد الناصر كان عايش وحسين ما كانش يقدر يشنبر مصريين، وجيش كمان، وعبد الناصر عايش"
أنا عاوزة أفهم حسين إلي هوه يعني الملك حسين؟ ده إلي تقصديه ؟ إن ما كنتيش عاوزة تتكلمي عنه بإحترام ما تتكلميش عنه أساساً ، لأن مش من حقك تقولي إنه ما بيقدرش يشنبر مصري عشان الرئيس جمال عبد الناصر كان عايش لو الملك كان عاوز يشنبر حد ما بيستناش الإذن لا منك و لا من الرئيس عبد الناصر و كلامك ده معناه إن الملك حسين ما كانش يشنبر مصريين بسبب عبد الناصر إنما دلوقت الملك عبدالله نازل فيهم شنبرة عمال على بطال!!!!!!!!!!! إلي بيسمع بيصدق ، الأردن فيها فوق المليون مصري و ما حدش بيقولهم حاجة مع إنهم داخلين غير قانوني على فكرة ، أنا بقترح تدوري على حد تاني ترمي بلاكي عليه بلاش الأردن و الأردنيين
سلاااااااااااااااااام

مى said...

بجد كل ما أقرا اللى بيكتبه أو بيقولوا بشكتبة الحكومة فى موضوع حزب الله
أسأل نفسى ..هما الجماعة دول مصدقين نفسهم

يعنى كان لا يمكن حد يتصور فى أسوء أحلامه إن يدحدر بينا الحال و نعتبر مساعدة أهل غزة جريمة تستوجب العقاب
!!
!!
!!

وده بيفكرنى بفيلم لسامى العدل بيمثل فيه دور عفريت طيب
و كان فيه موظف حكومى أمنيته إن يغير المروحة العطلانة اللى فى الشغل
فحقق العفريت الأمنية
فاُحيل الموظف للتحقيق بتهمة تبديل العهدة حتى و لو بأفضل منها


فعوكل بدأ عهده و العلاقات المصرية العربية فى الحضيض
و رابين حبيبنا و حينسيبنا

و الراجل بصفته موظف قرارى لازم يسلم العهدة كما هى

لذلك النهاردة خناقة مع سوريا
و شد شعر لقطر
و رسايل خيبانة للسودان
و تهمة يضحك منها حتى الأطفال لحزب الله

و بيريز حبيبنا و ليبرمان حينسيبنا
.
.
.
.
تسليم عهدة يعنى

Anonymous said...

ما عادى اما اسرائيل تقول كدا
انتى مش عارفة ان اسرائيل بتعتبر سيناء بتاعتها لازم تحافظ عليها وتاخد بالها منهاهو احنا لينا فيها حاجة يا سيتى ولا اية ......ههههههههههه

راجى said...

مع احترامى للمقاومة ، لكن ليه ودنك منين يا جحا ؟ ما عندهم مزارع شبعا والحدود اللبنانية مع فلسطين يضربوا منها الاسرائيلين وعندهم الساحل يضربوا من البحر ليه يعنى لازم من مصر؟ الحكاية ريحتها وحشة ودى غلطة من حزب الله وسقطة لا يفعلها الا الهواةلانهم اعطوا الفرصة يتقفشوا متلبسين
redhanded

MerMaid said...

hello Dear Nawarra,,i read ur daily post..and i kinda like what u write and i always come to seek your opinion.
there is no such a thing known as The egyptian homeland security or national security..what security?and what homeland??both are even non-existent.
Hasan Nasr Allah is a descent Muslim patriot regardles of what his nationality is and if he is sunni or sheia.
I am watching the BBC now and the stupid superficial arab citizens are insulting and accusing Hezbullah with fake charges.i dont beleive in our system or our police section, i actually dont trust them and cannot beleive a word.
Israel is not the enemy anymore,israel will watch them fighting and splitting and thats how Israel will invade them,,
the talk about that egypt is a great country with a great role in the arab region and we served the palestinian case alot and who is Hasan Nasr allah to interfer with Egyptian internaly policy..its crap and i am sick of it.
who is Hasan Nasr Alah??
u are such an ignorant..Hasan nasr allah is the greatest patriot in the arab world he is the only person who dared Israel and if Iran is supporting him..why are we so concerned??
i am so sick with the egyptian people and how they think..
P.C Osama saraya..is sick hypochrite and i just hate the guy.
;;;;;;;;;;;;;;;;
wallahy if u watched BBC now u will vomit.
sho2oon masr?? i like it when we say such big fat words.
bey2awello el sha3b el masry ded el nezam??? shit.


see u later Nawarra
i know i am not organized but its thoughts come into my head.
take care

elmosalem said...

متعيطيش - متعمليش فى نفسك كده احنا عاوزينك تخلى بالك من صحتك علشان تعيشى لحد اليوم اللى نشوف فيه حشد القوات المسلحة المصرية للهجوم على حزب الله.

جبهة التهييس الشعبية said...

يا عم مينا

طيب بص يا عم مينا انت الحقيقة الكلام اللي بتقوله وجيه ومعقول ولو انه مش وجيه قوي ولا معقول قوي

يعني كلامك بادي من الحلقة الاخير من المسلسل ومع ذلك
ماشي
شغال خلينا نبتدي من الحلقة الاخيرة من المسلسل

هو النظام المصري بيحكامهم على تهريب سلاح ومقاتلين لفلسطين؟

هو بيحقق معاهم عشان كده؟

وللا بيفبرك ويألف وشقق مفروشة والمذهب الشيعي والكلام الخرا ده؟

ده اذا ابتدينا من اخر حلقة في المسلسل

من الحلقة الاولى بقى في المسلسل يا عم مينا

الحقيقة ان مصر ارتكبت جريمة وفقا لاتفاقية جينيف

والمفروض ان حسني مبارك يروح مع البشير كده في المحكمة الدولية

لان وضع محظورات على الحدود مع مناطق الصراع دي جريمة حرب

وفقا لاتفاقية جينيف

وانا الحقيقة مش فاهمة هم الفلسطينيين مش بيشتكونا في المحكمة الدولية ليه؟

جبهة التهييس الشعبية said...

سوسو

اه

ما كانش عايز يحرج السودان شدوا له عضله


انونيمس

والله مش عارفة يا انونيمس

طبعا الكلام اللي بتقوله يخض ويفسر برضه

طب انا مش عايزة حسني مبارك على فكرة

بس مش عارفة الناس ح يبقى رد فعلها ايه؟ الناس العادية
انت عارف يا انونيمس احنا شعب مخه على قده وعنده اوتيزم وطني

ميدو

المتهم المفروض يقفل بقه بقى هو بيخر بكل حاجة ليه؟
ياللا ربنا يكون معاه وينجيه


طفاطيفو

هههههههههههههههههههه

انت يا مصطفى ابتديت تتغاظ وح تبتدي تبدع زي كل مرة

جبهة التهييس الشعبية said...

Sweet Jeje

يا ستي من غير ما تتعصبي صلي على النبي كده

مين اللي يفهم من كلامي ان الملك عبد الله بيشنبر المصريين؟

هو ايه اللي يخليه يشنبر المصريين اصلا؟

هم المصريين بيعملوا خلايا مقاومة لا سمح الله؟

الكلام ده كان زمان... احنا الحمد لله سوينا المعاش وبنقضي وقت لطيف

وبعدين انت زعلتي اني قلت حسين؟

طب ما انا قلت عبد الناصر

هو انا ح اديهم القاب على المدونة

وبعدين خلاص يا ستي ما تزعليش

جلالة الملك حسين

بس جلالة الملك حسين فعلا ما كانش يقدر يعمل حاجة تعارض عبد الناصر طول ما عبد الناصر عايش

دي حقيقة

والطبيعي ان لما حد بيقتحم حدودك عشان ينفذ منها عمليات عسكرية من غير اذنك الشخص ده بيتقبض عليه وبيتشنبر

بس لما عبد الناصر كان عايش بعت الناس على حدود الاردن ونفذوا اعمال عسكرية بدون موافقة جلالة فخامة عظمة الملك حسين

وما كانش يقدر يعمل حاجة لعبد الناصر

انا لا باهزأ الملك حسين ولا باهزأ عبد الناصر ولا قلت ان الملك عبد الله بيشنبر المصريين ولا اي حاجة من

انا قررت واقعة تاريخية

ahmed samir said...

طفاطيفو @

حكاية ليه اعترف بكل حاجه كدة
جو كتب عليها من كام يوم
و قال انهم بيستنوا يومين او تلاته لحد ما الحزب يعرف ان اتقبض عليهم و يعمل احتياطاته
و بعد كدة بيعترفوا بكل حاجه على اساس انهم بيفتخروا باللى عملوا و مش خجلانيين منه
و جو كمان قال انهم بيعملوا كدة حتى مع اسرائيل

انا عمال ادور على التعليق بتاعه عشان اجيبه ليك بالضبط بس مش لاقيه

****

زي ما قلت قبل كدة الملك حسين قبض على الضباط بتوعنا
اللى عملوا العملية و كان ناوى يقتلهم

فواحد من المخابرات قال الكلام ده لعبد الناصر اما كان فى زيارة للقاهرة
عبد الناصر قال للملك حسين ( انت حتفضل مشرفنا هنا فى مصر لحد ما الضباط بتوعنا يرجعوا )

تانى يوم كانوا فى مصر
و الكلام ده مش من تأليفى ده من ضابط من اللى عملوا العملية و اتقبض عليه فى الاردن

جبهة التهييس الشعبية said...

مي

لا

الا ليبرمان
لو سمحتي
ابو الغيط لما يشوفه ح يحط ايديه في جيوبه
انت ناسية وللا ايه؟

انونيمس

هم بيتكلموا في صحفهم على ان سينا راجعة راجعة

هي شكلها خربت خالص كده


راجي

بس يا راجي كل الناس بتدخل سلاح لحماس امال يعني كانوا بيقاوموا تلات اسابيع ازاي؟ وكان الناس عمالين يتريقوا عليهم

الناس اللي هو احنا طبعا

انتوا بتضربوا صواريخ العيد؟

ولما حد يدخل لهم سلاح يتقبض عليه

طيب يا راجي احنا ياما استغلينا دول عربية عشان مصالحنا وماحدش فيهم كان يقدر يفتح بقه معانا

انا عايزة افهم احنا ليه بنتعامل مع العرب زي ما امريكا بتتعامل مع العالم؟

طب امريكا بتفتري عشان ربنا مديها

احنا بقى: خد بايدي يابني خليني اضربك؟

MerMaid

وانت يا حبيبتي ايه اللي بيخليكي تتفرجي على البي بي سي؟

انت مستغنية عن صحتك؟

كمان انا ما اعرفش رأي الناس بجد
ما سألتش حد

اما اسأل اللي حواليا كده

بس عموما انت مصرية؟ انت لو مصرية ح تبقى عارفة ان المصريين مخهم يعني عامل ازاي؟ لهم طريقة معينة في التفكير كده
يعني سهل يتسخنوا
الرئيس الراحل انور السادات لما سخن المسلمين على المسيحيين الدنيا ولعت بسهولة من خطبة وكنايس كتير انضربت مع ان قبلها بيوم ما كانش فيه حاجة

انا مش عارفة انت عندك كام سنة بس لو تفتكري لما سخنوا المصريين على ناجي العلي
:)
اساسا هم ولا دريانين مين ناجي العلي ده ولا يعرفوه
بس قالوا لهم بيشتم مصر


المسالم

انت يا حاج مسالم مش مسالم خالص

جايب لي فيديوهات طائفية ومذهبية وعايزني انزلها

ح اقول لك حاجة يا مسالم

السني اللي يكره الشيعة يبقى اكيد بيكره المسيحيين

زي ما كان عندي واحدة صاحبتي ارثودوكس بتشتم في الكاثوليك فخاصمتها

لانها لو بتقول كده على الكاثوليك امال رأيها ايه في اللي مش من دينها خالص

واللي يكره حد لمجرد انه من مذهب مختلف او من دين مختلف يبقى محتاج مخه يتفرمت تاني

مش عارفة اقول لك ايه

بس يعني لا دين ولا اخلاق ولا انسانية تسمح لك انك تكره الناس عشان لهم وجهة نظر تانية عقائدية مش بتئذيك في حاجة

وانا لما باكره اسرائيل والصهيونية مش باكره اليهود

لاني مؤمنة باليهودية

ولو حتى مش مؤمنة بيها

زي البوذية والهندوسية
في النهاية دي ديانة واي ديانة لازم تحترم لو عايزة ديني يبقى محترم

انا باكره الصهيونية عشان ده فكر عنصري بيسيء للديانة اليهودية وبيحولها من ديانة روحانية لفكر عنصري

مش باكرههم عشان يهود
وعشان تبقى فاهم فيه ناس يهود اتولدوا في فلسطين المحتلة وواخدين جنسية اسرائيلي وضد الصهيونية وضد اسرائيل

هم قليلين قوي

بس البني ادم في اصله كويس وفي اصله عايز يعيش ويخلي غيره يعيش

ده اولا

ثانيا يا اخ مسالم

يعني انت مسلم وللا مش مسلم

انت شفت بيريز وهو رايح يزور زعيم الطايفة السفردية وزعيم الطايفة الاشكينازية

وانت جاي وجايب لي معاك فيديوهات تشتم في الشيعة

عيب يعني

غير ان المدونة لا ترحب بالطائفية ولا المذهبية ولا العنصرية

مواطن مصري said...

نوارة من الاخر انتي في الموضوع دة مش محايدة


معلش متزعليش مني

انا متوقع لو ايران ضربت مصر هتتضامني مع ايران اكتر من الوطن

الاشخاص هيموتو و هيروحو انما البلد الي هتفضل موجودة

و مصر مش وكالة من غير بواب

و نصر الله و حزب الله مش قديسين او رسل و انهم فوق البشر و كل حاجة بيعملوها تبقى صح على طول
المبدأ دة غلط

عاوز يساعد يساعد من عندة اوز يساعد كان استئذن من مصر انما ميدخلش زي الحرامي لمؤخذة

النهاردة حزب الله و بكرة الصومالين القراصنة و بعدة مليشيات المهدي

نوارة معلش متخديش كل حاجة ب العاطفة

تحياتي

مواطن مصري said...

نوارة مش كل واحد يرفع شعار المقاومة و الخ يبقى لا يخطء دة منطق غلط

TAFATEFO said...

أحمد سمير

أنا سمعت القصة دي قبل كده تقريباً منك .. لكن برضه ده لا يغير من الوضع شئ .. مصر استباحة تهريب جنود عبر الحدود (وده شئ طبيعي جداً جداً ومنطقي جداً جداً وبيحصل كل يوم امال أجهزة المخابرات بتقشر كوسة وبصل ؟؟ ولا تكونش بتعجن للشعب العيش) وانتهاك سيادة دول والقيام بعمليات ضد إسرائيل عبوراً من أراضيها

وده اللي عمله حزب الله

الفرق ان عمليتنا كانت ضد إسرائيل .. أيام ما كانت عدو

دلوقتي إسرائيل مش عدو .. وبكده احنا بنواصل الدفاع عن أمن إسرائيل

Anonymous said...

بصى مجدى الجلاد محترف مسك العصايا من النص بيقول ايه فى المخبر اليوم :


فـ «حسن نصرالله» له ما له، وعليه ما عليه.. وأنا شخصياً لا أتفق معه كثيراً، سواء فى ((تدخله غير المقبول فى شؤون مصر وشعبها))، أو فى ((استهداف «حزب الله» لأمنها وأمانها))
-----------------------------
ولكننى أرى، فى الوقت ذاته، أن حملات «التلاسن» المتبادلة بين القاهرة وحزب الله لن تفيد سوى إسرائيل

و النبى هو حزب الله بيرد القرف ده أصلا ؟

Anonymous said...

يواصل مجدى الجلاد فى لمخبر اليوم و يقول :

المنطق قائم على أن (((حياد مصر))) إنما هو حياد مفروض، وليس مقصوداً حتى نحقق للفلسطينيين ما حققناه لأنفسنا على طاولة المفاوضات.. والاستراتيجية هى تلك التى قطعها الرئيس مبارك على نفسه منذ توليه الرئاسة، حين أكد أن السلام لم يكن خياراً شخصياً للرئيس الراحل أنور السادات، وإنما هو خيار شعب والتزام دولة.ألطم


بيقولك حياد مصر

المفروض مصر تبقى محايدة فى القضية الفلسطينية ؟

و كمان بيقولك خيار شعب

ينهار أسود

هو انت يا نوارة أخترت الخيار ده أمتى ؟
!!!

TAFATEFO said...

الصورة اللي ناشراها المصري اليوم مختلفة كتير ومش واضحة

http://media.almasry-alyoum.com/photo.aspx?ID=97103&ImageWidth=240

جبهة التهييس الشعبية said...

مش عارفة يا طفطف

ح اسألك حد من مركز هشام مبارك
اكيد حد فيهم شافه

مواطن مصري said...

انا كمان الهجوم الشرس بتاع الصحافة القومية بردو ضدو لائنة مش منطقي

لكن منخدش كل حاجةب العاطفة

جبهة التهييس الشعبية said...

لا يا مواطن

انت اللي شوفوني

انت ما عندكش مانع ان مصر تستغل اراضي عربية بدون اذن الحكومات عشان تحمي مصالحها

وشايف ان ده مدعاة للفخر

وما عندكش مانع ان مصر تجوع ناس وتقفل في وشهم المعبر

وتسيبهم يموتوا ويتقتلوا

عشان تحمي مصالحها

وما عندكش مانع ان مصر تعمل اتفاقية تضر بمصالح غيرها عشان ترتاح هي

لكن ماحدش من حقه يحمي نفسه ولا ينجد الناس اللي بتموت ولو ح يعمل كده يعمل كده بعيد عننا

مش ده كلامك

طيب يا مواطن

اذا كان ده رأيك

وللا رأي اي مواطن مصري تاني

انتوا فاكرين نفسكوا ايه عشان تعملوا في الناس كده؟

انت تفرقوا ايه عن الامريكان اللي نازلين فشخ وقتل في العالم عشان مصالحهم وفلوسهم وسعادتهم واستقرارهم

انت مخلوقين من دهب وبقية الناس مخلوقة من خرا؟

ازاي بتطالب المواطن الامريكي انه يدين سياسة بلده اللي نازله قتل في الناس واستغلال ليهم

وانت شوفوني ومش قابل ان حد حتى يواجهك بحقيقتك؟
وشايف ان من حقك وقت ما تحب تستغل غيرك ووقت ما تحب ترمي غيرك في الزبالة

مصر استغلت القضية الفلسطينية لخدمة مصالحها

وبعدين قررت تغير معايير اللعبة

ماشي
كل دولة بتدور على مصالحها

لكن على حساب ارواح الناس؟

تسيب الناس تموت من الجوع والقنابل ومش بس تقفل الباب في وشهم واللي يساعدهم كمان تنكل بيه وتقبض عليه

وشايفين ان ده عدل

خليك حقاني

خليك حقاني وحط نفسك مكان غيرك

انتوا فاكرين نفسكوا ايه عشان تعملوا في الناس كده؟؟

ليه متكبرين وفاكرين نفسكوا من حقكوا تتحكموا في مصاير الناس كده؟

تفرقوا ايه عن الامريكان؟

بتلوموا على امريكا ليه اذا كنتوا زيها؟

طب امريكا ربنا نافخ في صورتها ومديها من وسع واهم ليهم حق يتكبروا

انما عريان الطيز ويتأمز تأميز ويقول باب الخمارة فين؟

Anonymous said...

عيب كده يا نوارة

فى بنت تقول عريان الطيز ؟

هههههههههه
ههههه

Anonymous said...

هدى اعصابك :))

TAFATEFO said...

عاوز يساعد يساعد من عندهأرى ان نوارة مدينة لمواطن باعتذار على اتهامها ليه بالشوفينية

حـنــّا السكران said...

و أنا أشدّ على يد صديقي مصطفى و أرى ما يراه :P

Anonymous said...

حاسس ان جريدة الشروق داخلة في مرحلة التعريص و اللعب في العناوين و المصادر

TAFATEFO said...

@ جو

قولها يا جو يا خويا دي تعبت قلبي خالص

بررررررررررريه

Anonymous said...

احمد الجار الله بيلحس جزمة النظام في الأخبار النهارده

فتاه من الصعيد said...

استاذه نواره انت متعصبه ليه؟؟؟
زعلانه علشان لهجه مصر مع حزب الله ...عادى مصر تكلم حزب الله كده علشان تقدر تكلمه كده ...وما تقدرش تكلم اسرائيل كده
ليه بقا انتى عارفه ليه
احنا موش زى امريكا امريكا دوله استعماريه واحنا شفتينا داخلين على السودان وبنخلص فى لبنان
وانا شايفه ان لولا حزب الله اتحدى النظام ما كنش كل ده حصل ...وكده فلسطين خسرت المنفذ الوحيد ليها...وما كانش له لازمه الصدام مع نظام ممكن يبيع اى شىء فى سبيل البقاء

MerMaid said...

Yes I am egyptian,but i want to say something,Egypt is the government and the people ,,Egypt doesnt have toungs or limbs,its tounge is the government and its limbs are the Egyptian people.
so we have a rotten tounge and a paralized limbs so how will we react to any current event???crap..i guess.
i am 23 years old and i lived most of my life outside egypt so i am not very aware of the limited egyptian presidential history. but i know that most of the egyptian people superficial and not aware of whats really going on back stage.
i think our main dilemma is that we live in the past,we built the pyramids and we are the masters of all civilizations, we had supported every arabic cause, we have been through wars for others sakes..then what??we were forced to sign accords lessened and harmed our role as leaders in the region,and then the presidential retreat happenned,creating a full generation of ignorants and system subordinats.
I dont see any flash of light sparkling ahead in the dark tunnel.

Thanks..good luck

Pink said...

ما هذا المنطق المكيافيلي ان الغاية تبرر الوسيلة ؟ لأ طبعا الغاية ان صحت نبيلة و لكن الوسيلة غبية و مشبوة.
هل ممكن اي واحد من الذين يبررون قيام حزب الله بتهريب السلاح الي حماس عبر اراضي مصر و بدون موافقتها, هل يسمح ان يستباح منزله بنشاطات مشبوهة غصب عنه بحجة ان الهدف النهائي سوف يكون لفعل الخير و نصرة المظلوم؟
من المضحك ان حزب الله يريد ان يحارب اسرائيل كما تحارب ايران اسرائيل, بالوكالة يعني و بعيدا عن ارض لبنان.
و ما الذي دعا المسؤلين الايرانيين للتدخل في صف حزب الله او التدخل اصلا في الموضوع؟ هذا يثير الشبهة و الشك في العلاقة المشبوهة بينهما و حقيقة الدور الايراني. لماذا لم يصدر عن تركيا موقف مشابه لموقف ايران و تركيا اثبتت بمواقفها في حرب غزة انها فعلا مناصرة للشعب الفلسطيني و حقوقة المشروعة؟
و بغض النظر عن اختلافنا مع النظام المصري لا يمكن السماح لاي جهات اجنبية بحيازة و نقل السلاح عبر الاراضي المصرية بحجة مساعدة حماس او اي حجة اخري. نعم هناك معاهدة سلام مع اسرائيل و سواء قبلنا هذا او لم نقبل علي الاخرين ان يعوا ان مصر لن تسمح باي نشاطات تهدد معاهدة السلام و الذي لن يفيد نقضها في ظل الاوضاع الراهنة الا ايران و اسرائيل.

اتعجب من هذا الحماس الزائد لحزب الله و ايران. فهل هذا سيحل مشاكل مصر الداخلية و ينشر الديمقراطية و تداول السلطة و يكل مشاكلنا الاقتصادية و الاجتماعية و يقضي علي الامية و ينقلنا لعصر غزو الفضاء و يقضي علي الفتن الطائفية؟؟؟؟
في السابق قرأت و لم اصدق ان ايران اخترقت الاعلام المصري و صحافة المعارضة و اليوم اري جرائد معينة و اقلام بعينها اكثر ايرانية من ايران نفسها. رب ضارة نافعة

سيف said...

مسيلمة الگــذاب‮ ‬ حي يرزق في حزب الله‮!‬ فرفشى شوية يا أختى مع لحاس الجزم أحمد الجار الله

:))

Anonymous said...

طب ما عدا ان اسرائيل تقول كده - هي تخصص رمي جتت
وعايز افكرك بس ان ايران كانت بستورد سلاح من اسرائيل بتمويل ورعاية من امريكا ايام حرب العراق وايران ..........في عز ما كانت عمالة تعيط علي القضية الفلسطنية
ودلوقتي اسرائيل بتبيع سلاح لروسيا - وتراجعت عن صفقة سلاح للصين عشان خاطر عيون امريكا

باختصار اسرائيل صبي المعلمه الكبيرة في المنطقة

سيف said...

ده مقال منطقى و معقول جدا وقصير أيضا

خالد محمود رمضان يكتب.. قصة حزب الله الصحفى ده شاطر أوى وليه انفرادات تقيلة فى الدستور

حـنــّا السكران said...

بصراحة كان ناقصهم احمد الجارالله

Appy said...

نواره ليه توضيح بس للكل يعنى بعد اذنك اللى مش عاوز يصدق هو حر بس هي وجه نظري وكمان حاجات واضحه
اولا التنظيم ده مش فى مصر من يوم ولا اتنين ولا تلاته ولا شهور ده من سنين
ده اولا
ثانيا لو زي ما بيدعوا انهم مكنوش يعرفوا وانهم كشفوه يبقى المخابرات كانت بتعمل ايه بتاكل باميه مثلا
امن الدوله كان بيعمل ايه بيقشر بطاطس وهيعملها محشي
زي ما فجاه اكتشفوا الانفاق
طيب حد منهم يدينى عقله ويمشي حافى وانا هصدق
نواره كل حاجه بعلم منهم بس التوقيت اسرائيل لما قالت انها فعلا اللى كشفت احب اقولك اه اي نعم هى اللى كشفت وحطت السيخ المحمي فى صراصير ودننا فلازم الصحافه تعمل كده وامن الدوله وكل الاجهزه تشغل الفولت العالي لاننا اتحرجنا فى وجهه نظرهم علشان اتفاقيه كنكه ديفيد اللى بتنص على اننا منساعدش اي دوله انها تهاجم اسرائيل من ناحيه مصر ارجعوا للاتفاقيه تاني لو سمحتوا
ليه بقى عن طريق مصر علشان الانفاق يا شباب مش علشان حاجه تانيه علشان هى الامان بالنسبه للناس دي
والانفاق الامن على علم بيها وش كده
وبرضه هدناها عللشان اسرائيل ومش كلها
ولو تلاحظي انهم فجاه فجروها وهدوها فى مصر يعنى كانوا على علم باماكنها
لان مش معقول البدو هما اللى بيلغوا عن حاجه هما اللى عملوها يعنى ويقولوا تعالى انا عندي نفق
يا ريت بجد حد لو شايف راي صح او غلط يقول

م/ الحسيني لزومي said...

اولا:- هيه دي مصر يا عبله (مع الاعتذار لعبله)
ثانيا:- اسرائيا تقول علي حسن نصر الله اذا قال صدق وهاهو كلامنا عنه.
ثالثا :- لا ادري لماذا اجدني اعقد مقارنه تراجيدية بين الجاسوس مصراتي التي تبول علي المحكمة وسب مصر والمحكمة والقضاة علنا ولما تبول علي القضاة ولما حاول الضابط منعه وجه اليه لكمة افقدته توازنه وقد افرجت عنه الحكومة دون مقايضة او بدل وبين هؤلاء الابطال الذين يساعدون المقاومة الفلسطينيه والذي كان من الواجب ان نكرمهم بدلا من ان نحاكمهم
رابعا:- اما مسألة السيدة المصريه فانا اتفق معك اين هي
خامسا:- مشكلة حسن نصرالله انه فعلا حطم اسطورة الجيش الذي يقهر علي ارض الواقع وليس بنضال الميكروفونات

ahmed samir said...

بالنسبة لموضوع علاقة حزب الله بإيران
و الكلام بتاع كل شوية ده

الناس بتنسى او مش واخده بالها
ان حزب الله شيعه يعنى معظمهم اتعلم فى حوزات النجف فى العراق او قم فى ايران
يعنى العلاقة قديمة و مش علاقة عمالة دى اشبه بالصداقة

بالضبط زي اما يجى واحد من جنوب شرق اسيا يتعلم فى الازهر عندنا اكيد بيبقى ليه علاقة مختلفة مع مصر و المصريين

جبهة التهييس الشعبية said...

انا موافقة على كلامك يا ابي

Anonymous said...

Pink

متقولنا سيادتك ايه هى الجرايد او وسائل الاعلام الاكثر ايرانية من ايران

و هات لينكات كدليل على كلامك

Anonymous said...

يـــــــــــــــــــــــــــاااااااااااااااه
دي السكة طويلة قوي
عموما انا لسه راجع من ممر التنمية واحب اطمنك ان الزيتون هناك ما شاء الله الزيتونة الواحدة قد البطيخة يا عني شبه العنب اللبناني بالظبط , وبالمناسبة لما قلتي ان اسرائيل مش موافقه علي المشروع ده ... دا كان علي اساس انها ناوية تحتل ليبيا ومش عايزة قلق علي الحدود ولا ايه
ولا انت كنت تقصدي ممر جيمي

ولا علي اساس انها الاسطورة اللي ممكن تعمل اي حاجة في اي حته
عموما انا ناوي احضر ماتش الاهلي والزمالك الجاي .... يا ريت لو اسرائيل مش موافقه , وعرفتي اي اخبار عن الحكاية دي يا ريت تنبهيني ..... لحسن يقفشوني في الاستاد وانا مش ناقص

احمد سعيد said...

مبدئيا احنا عندنا سوء تقدير شديد
وحول عقلى زى ماقلت قبل كدة

قبل كل حاجه لازم نحدد اولوياتنا

مصر اولا ولا القوميه اولا

والقوميه العربيه ام الاسلاميه

ولا العداله البشريه بشكل مطلق ..

يعنى الناس اللى اتنفضت وهبت مرة واحدة لما سمعت سيرة مصر

وامن مصر
وحلاوة مصر
وخفه دم مصر
وقوام مصر

؟؟؟؟؟؟؟؟؟؟؟؟؟؟

!!!!!!!!!!!!!!!!!

طيب يعنى ايه مصر

مصر دى من 200 سنه كانت مصر والسودان والشام كله واحد

بلد واحدة اسمها مصر

وقبلها بفترة كنت تزود عليهم كمان الحجاز

واحيانا شمال افريقيا

انتو بقى قصدكم على انهى حدود فيهم ؟؟؟؟



هى مصر عندكم خطوط مرسومه على خريطه

ولا ارض وبشر وروابط وتاريخ

اعتقد انها الاخيرة

ولما تبقى مصر كدة

يبقى كل اللى بيحصل فى فلسطين ولبنان يهمنا
ويخصنا
ودول اهلنا

اما بقى لو كنتم من اهل المبدأ الاول

يبقى محدش يزعل بعد كدة

لو مصر بكرة اتقسمت لاى سبب

واليعاذ بالله يعنى

بس هنفترض جدلا

وجت اسرائيل احتلت دوله الشرقيه

يجى رئيس المنوفيه مثلا يقول احنا ملناش دعوة

وامن المنوفيه فوق كل اعتبار

وقبضنا على متسللين يحاولون مد العدو الشرقاوى بالسلاح لمقاومه اليهود حبايب القلب!!!!

ينفع كدة

لو انت من اصحاب المبدأ الاول يبقى ينفع

ومتفتحش بقك

وبعد بكرة لما يحتلو جمهوريه باب الشعريه النموذجيه المتحدة
ويدبحوا اهلها نفر نفر

اوعى حد من قرايبهم اللى فى امبراطوريه شبرا العظمى يتكلم
او حتى يفتح بقه

انتو عايزين تزعلوا الناس مننا ؟؟

دى اسمها سياسه
ومش اى حد يفهم فيها

دول الصفوة بس

عشرين نفر من وسط 80 مليون

هم دول اللى حباهم الله بجينات الذكاء السياسى
ودول اللى هيقودوا سفينه شبرا لبر الامان

لينعموا بقطف ثمار الرفاهيه
تحت جميزة ابو سماعيل

على شط ترعه السلام الابدى

ينفع كدة


اعتقد لأ


من الاخر

وبدون اى تشنج
واللى عايز يشتم يشتم
واللى مش عاجبه يخبط دماغه فى المقطم

وبما ان الشىء يرجع بالمساق لاصله

والبلدى يوكل

يبقى لما الامن القومى الفحلقى اللى هوة مش موجود اصلا
وانداس وبينداس كل يوم بالجذمه
وداس عليه عزام عزام وعمل عليه زميله التانى بى بى
فى المحكمه

لما الوهم دة يبقى على حساب حياة الابرياء

وعلى حساب الحق والعدل

يبقى دة ميرضيش ربنا

ويبقى ملعون ابو دة امن قومى

وملعون ابو دى حدود

الحدود دى وهم
وهم مش عارف ازاى احنا لسه عايشين فيه

اللى يخترق الحدود علشان خاطر اخوانه مش مجرم
دا بطل

واللى يدوس امن وهمى مزعوم لبلد اصبحت سياستها مع الاسف غير محترمه على الاطلاق يبقى بطل مش مجرم

واللى يقتل اسرائيلى جوا مصر ولا برة مصر ولا حتى فى المريخ بطل مش مجرم

واللى يهرب اكل ولا سلاح انشالله حتى لو نووى ولا بيولوجى يبقى بطل مش مجرم


ملعون ابو دة امن قومى

ملعون ابو دى حدود

ملعون ابو دة نظام

فالحق احق ان يتبع

chereda said...

شوفي يانواره مسالتيش نفسك ليه الضجه دي في الوقت ده بالذات المحكمه الدوليه بتاعه الحربري جهزت ورقها خلاص والاتهام هايطول اما بشار الاسد اوحسن نصرالله فلازم الجو العام يكون علي الاقل مشحون ضد حزب الله فيه حاجات بتحصل دلوقتي هاتلاقي فيها الف سبب للحمله ضد حزب الله

TAFATEFO said...

أحمد سعيد

يا سيدي

عم مينا said...

نوارة أسف للتأخير في الرد

معلش خلينا في الحلقة الأخيرة علشان لو أعدنا نتكلم علي الحرب بتاعة غزة و المعبر مش هنخلص

أنا معاكي ان نشر المذهب الشيعي و الشقق مفروشة ده كلام فاضي.. بس ده كله كلام علشان الحملة تبقي حلوة و لطيفة.. يعني أنا بتعامل مع الكلام ده انه كلام جرايد.. و أنا شايف ان الإعلام بيبالغ قوي في الموضوع.. و ده لأن كل رئيس تحرير من دول عاوز يوري انه هو المدافع الأول عن النظام و فاهمين ان اللي هيشتم حسن نصرالله أكتر هو اللي هيكسب
المهم ان في الاخر في محكمة هي اللي تقول الناس دي كانت هتعمل حاجة في مصر و لا الموضوع كان مجرد تهريب أسلحة.. و أنا مع محاكمتهم حتي لو كان مجرد تهريب أسلحة للأسباب اللي شرحتها في التعليق اللي فات..

جبهة التهييس الشعبية said...

عم مينا

:)
اسف على التأخير
والنبي انت متربي قوي

طب لا اسفك مش مقبول
:D
شفت الادب اخرته ايه بقى؟

انت مع محاكمتهم
طيب انت مع محاكمة ابطال ايلات لنفس الاسباب اللي انت شرحتها؟

عم مينا said...

هاهاها

لا الأدب ده بس علشان أهدي من أعصابك شوية.. أصل أنا شايفك اليومين دول متنرفزة شويتين و عارف انك هطلعيهم عليا لو تعليقي ما عجبكيش و أنا مش
قدك هاها

بصي يا ستي.. بالنسبة لموضوع ايلات فأنا معاكي ١٠٠٪ و لو كانوا اتمسكوا أيامها كان هيبقي من حق الأردن تحاكمهم بالقانون و كنا ساعتها هنطلع نتهمهم بالعمالة و الكسكسة لإسرائيل و كل الكلام ده.. هي دي السياسة يا نوارة.. الأدوار بتتبدل حسب الظروف.. كل واحد عنده قضية من حقه يدافع عنها.. و اللي يقرر انه يقاوم و يستخدم أراضي بلاد تانية لإنجاح مهمته لازم يبقي عارف ان العملية فيها ريسك و ده اللي احنا عملناه أيام عملية ايلات.. لأن كان ممكن الولاد دول يتمسكوا فعلاً وقتها.. احنا أيامها اخدنا ريسك و ربنا ستر و العملية نجحت.. حزب الله حظهم وحش و اتئفشوا..

و أعتقد انه مصر كانت واضحة جداً في الفترة اللي فاتت و بالذات من وقت حرب غزة انها ضد خيار المقاومة.. و الكل فاهم ده.. زي ما قلتلك النقاش بتاعنا ممكن يكون اذا الخيار ده صح و لا لأ.. بس هو ده اللي القيادة السياسية قررته.. و أعلنته بوضوح و علي الكل انه يفهم القواعد الجديدة لللعبة و يتعامل علي اساسها

جبهة التهييس الشعبية said...

عم مينا

هههههههههههههه

لا
هو مافيش مسيحيين قلالات الادب
ده لما مينا قال لي ان فيه اتنين مسجلين خطر في اسكندرية مسيحيين ضربوا مسلم

قلت له سيبك من انهم ضربوا مسلم
(مسجل خطر برضه يعني خناقة حرامية عملوها مسلمين ومسيحيين)
بس اتنين مسيحيين مسجلين خطر دول يتحطوا في متحف ولما يموتوا يتحنطوا ويتكتب تحت جثثهم في المتحف: باكورة الانتاج المسيحي من المسجلين خطر

:)
المهم

هههههههههههه
ايه ده يا مينا ده؟
ايه التعليق المفرط في الليبرالية ده؟
يوقع محفظته مطرح ماهو عايز؟

طب يا مينا
هم نفسهم مش بيقولوا احنا ضد مقاومة
مش عندهم الشجاعة الكافية انهم يقولوا كده
بيكدبوا ليه؟

وبعدين هم كده بيشتغلوا لصالح مين؟

لصالحنا احنا؟

اولا
لا
لو كانوا اتقفشوا في الاردن ما كانش حد يقدر يحاكم افراد الجيش المصري حتى لو متسللين وداخلين بشكل غير شرعي

يبقى ليه البلطجة دي يا مينا

يعني انا اللي اقصده انت الواحد يبقى مع الحق
والا ما نلومش بقى مواطن امريكاني لما يقول ايوة احنا من حقنا نحتل العراق ونموتكوا
because we can and that is life
مرة واحد امريكاني قال لي كده

انت يرضيك؟

يخلصك انت يا عاطف؟

TAFATEFO said...

@عم مينا

الأردن مكنتش هتطلع تقول ده كان هدفهم تهريب الداخل ونشر المذهب المصري و و و و و وأروا شقق مفروشة وجابوا فيها نسوان

تهمة الدعارة اللي كانت ناقصة

ومحدش اعترض على المحاكمة .. مش لأنها الصح .. لأن الناس عارفة النظام .. النظام اللي حاصر غزة وتواطء على حرق أهلها .. لا يؤمل منه تعاون مع يساعد المقاومة في غزة

النقطة الثانية انه يتم توجيه القضية للمحاكمة العسكرية .. وأظن المعنى مفهوم

الثالثة : التوقيت وعلاقته بالانتخابات اللبنانية وتوزيع الصحف في لبنان والهجمة الشرسة على شخص الأمين العام لحزب الله والافتراء على تنظيم حزب الله بأنه تنظيم إرهابي متبنياً التوصيف الأمريكي .. احنا تخلينا عن خيار المقاومة واخترنا السلام .. بس ده مش معناه اننا نتخلى للدرجه دي .. لدرجة العداء لخيار المقاومة وأصحابها والتآمر عليهم (حزب الله 2006 - غزة - حزب الله الآن)

وأي خطوة في طريق التآمر العلني ده لا بد من استنكارها والتصدي لمحاولات تشويه المقاومة

عم مينا said...

هاهاها

طب يخلصك انتي يا ماما؟

أنا بجد مش قادر أمسك نفسي من الصحك عن موضوع المسجلين الخطر المسيحيين دي هاها

التعليق بتاعي مش مفرط في الليبرالية و لا حاجة.. أنا بس بجيبلك من الاخر علشان شايفك عمالة هتموتي نفسك علي حاجة بقيت واضحة زي الشمس
القيادة السياسية بتاعتنا شالت ايدها خلاص من القضية الفلسطينية.. و بمعني أصح المقاومة الفلسطينية.. يعني الدور الوحيد اللي هنلعبه في الفترة اللي جاية هو نعد نبعت عمر سليمان هنا و هناك علشان نعمل منظر و خلاص..
و احنا دورنا قبل كده ما كنش كبير قوي بس علي الأقل كنا هربلهم سلاح (يعني الأنفاق دي ما كانتش سر و لا حاجة و كانوا سايبينها بمزاجهم)

لكن في حاجتين دلوقتي غييروا الإستراتيجية
١) الإتفاقية الأمنية الأمريكية الإسرائيلية.. و مش خوف منها و لا حاجة بس هما مش عاوزين وجع دماغ اليومين دول بالذات انهم متوسمين خير في الحج أوباما مش عاوزين يزعلوه من أولها
٢) ما تنسيش ان زمان أما كانوا بيسيبوا السلاح يتهرب كان بيروح لما كان يسمي بالفسطينيين.. دول وقت فيه حاجة اسمها حماس و فيه حاجة اسمها فتح و السلاح ده ساعات بيستخدم في نزاعات ما بينهم.. فمينفعش في الوقت اللي هو أصلاً بيساند فيه فتح يبقي عمال يسلح حماس و يقوي من موقفهم داخل فلسطين..

نرجع بقي لموضوع ايلات اللي انت بنفسك قلتي المفيد اللي فيه.. الأردنيين ما كانوش هيحاكموهم لأنهم كانوا جيش و ده كان ممكن يؤدي مثلاً لقطع العلاقات مع الأردن.. و لأن في النهاية في الوقت ده كان كل العرب مجتمعين وراء رأي واحد.. و هو اننا لازم نحرر الأرض و مفيش حل غير المقاومة.. دلوقتي الوضع مختلف لأن أولا حزب الله ده مش جيش لبناني.. ده مجرد حزب كوه بلد.. يعني لا يمثل الدولة اللبنانية.. فمفيش مشاكل حتحصل بين البلدين.. بالعكس الحكومة اللبنانية أكيد مبسوطة قوي دلوقتي هاها ثانياً هو عارف انه مفيش اجماع ولا حاجة من العرب علي اختيار المقاومة ع علشان كده الدنيا مش هتتقلب عليه و لا حاجة.. بالعكس كل يوم بيجيله تليفون مش عارف مين يساند مصر في قضية حزب الله

عم مينا said...

Tafatefo

أكيد الأردن ما كانتش هتطلع تقول كده هم مش بالغباء ده.. احنا النظام بتاعنا غبي.. غبي غبي يعني.. هم لو عاوزين بجد يغلسوا كانوا المفروض يطلعوا القضية زي ما هي.. تهريب أسلحة.. و كله بالقانون.. و محدش كان هيقدر يفتح بقه ساعتها.. لأنه حتي حسن نصرالله اعترف بكده.. بس تقول ايه بقي و لا لمين..
و الحاجة التانية ان الأردن ما عندهاش أسامة سراية و عبد الله كمال و محمد علي ابراهيم.. الناس دي ثورة قومية و ده الوقت المناسب لاستخدامها

أما النقطة التانية فأنا معاك فيها.. و أنا فعلاً قلقان ان القضية تتحول للقضاء العسكري لأن ساعتها أكيد هتتبخ

حواديت مصرية said...

الواحد مابقاش فاهم حاجة احنا بقينا صغيرين لدرجة اننا مرة نعادى قناه الجزيرة ونشوش عليها ومرة نعادى حزب الله وكان مصر بكل الكلام الفارغ اللى بيقولوه بقت فى كفة وقناه الجزيرة فى كفه الموضوع بسيط جدا ناس عاوزة تساعد حماس وماتقدرش تعمل كده من جنوب لبنان لان اسرائيل انسحبت من هناك وفيه قوات دولية للمراقبة فقرروا يساعدوا عن طريق مصر وبعدين احنا فى مصر مش عاوزين خلاص كان الموضوع اتلم بدال الهبل ده قلب نظام الحكم واغتيال حسنى مبارك وشخصيات اخرى وكلام فارغ احنا صغرنا قوى وبقى شكلنا وحش المستفيد من كل الهبل ده اسرائيل والاردن كمان قبضت على حمساويين بتهمة التخابر لصالح حماس حاجات عبيطة جدا زى ماقبضوا فى السعودية على مصرى يتجسس على السعودية لصالح مصر الظاهر الراجل كان بيحاول يعرف سر المفاعلات النووية فى السعودية والتطور التكنولوجى فى حلب الغنم احنا فعلا نستحق وصف العالم الثالث والله الثالث مظلوم المفروض الرابع او حتى فوق السطوح

TAFATEFO said...

@ عم مينا

الأردن معندهاش مين؟؟ مش محتاج أحلفلك ان عشرة آلاف دولار يخلوا كل كلب من دول أسير إحسانك .. دول سيدهم الكرباج والورق الأخضر

ولو معاك 20 ألف أخضر ممكن يتعملك حلقة لك شوز كمان

الناس دي بتخدم بضمير يا بيه