Monday, 13 April 2009

بخصوص السيادة والشعب الشديد

شديد شديد يعني.... اي حد ح يقرب من حدوده، فيما عدا القوات الاوروبية، والقوات الامريكية، والطيران الاسرائيلي، والقنابل الاسرائيلي، والكاميرات الامريكية الاسرائيلية، والسياح الاسرائيليين اللي بيعدوا من غير فيزا ولا ختم ولا بطاقة ولا تفتيش
اي حد غير دول ح يقرب من الحدود
(وخصوصا الجعانين واللي بيساعدوا الجعانين)
ح نقطططططععععععععععععععه
لا ده احنا جامدين قوي وقال على رأي عيل قريبي عنده عشر سنين: ما تشتمش لو سمحت، انا ماحدش يشتمني ولا يضربني ولا يهزأني غير مامتي بس
اللنك اللي فات ده بتاع الاتفاقية اللي بين اسرائيل وامريكا واللي ابو الغيط قال احنا مش ملتزمين بيها
طبعا احنا مش ملتزمين
احنا رجلنا فوق رقبتنا
--
انا مش مبسوطة من كام حاجة: 
1- ضعف الخط الدرامي والاعتماد على المصادفة زي الافلام الهندي
2- تشتيت المشاهد بادخال خطوط ثانوية لما يحتاسوا ويلاقوا الاحداث في الخط الاساسي مش منطقية
3- غموض غير محبب ينم عن غباوة، يعني ايه مات بطريق الخطأ من سلاح واحد زميله؟ هو اكيد واحد زميله او فوق زميله بشوية
4- الكومبارسات كتير قوي ومش بيضيفوا للفيلم حاجة وكلهم بيكرروا نفس الكلام
5- فيه لخبطة في الفورم، يعني احنا مش عارفين ده فارس (هزلي يعني) وللا
لايت كوميدي
وللا اكشن
باينه افلام مقاولات
ما ييجوا دوغري ويخلوهم محترمين...يعني فيه حد في البلد دي عايز يقنعني ان دي اول مرة في حياة حزب الله يبعت مساعدات لحماس؟ فيه حد عايز يقنعني في البلد دي ان حزب الله بس هو اللي بيبعت مساعدات لحماس؟
وفيه حد عايز يقنعني ان كل السلاح اللي بيدخل بقاله سنين ده كان بيدخل من حتة تانية غير الحدود؟ من البحر زي ما قال ابو الغيط: دي سوريا هي اللي بتبعت لهم السلاح من البحر... بالتعاون مع مين بقى؟ مع اسرائيل؟ ماهي اسرائيل اللي مسيطرة على البحر
حد عايز يقنعني ان كل اللي دخل من الحدود ده ما كانش بطناش من النظام المصري؟
واتزنقوا
اتزنقوا
اسرائيل وامريكا وقعوا اتفاقية ما فكروش يستعنوا النظام المصري ويتصلوا بيه في التليفون عشان يبلغوه بنص الاتفاقية وللا حتى ياخدوا رأيه وامريكا لمت عزالها وجات وقفت على الحدود
لو النظام المصري قال بصريح العبارة: ادي الله وادي حكمته، انا مش عارف اتصرف، اتزنقت، وجنبي قوة نووية، وعندي اتفاقية بتقول اني لو هرشت اسرائيل ح تعتبرها اعلان حرب، وانا خايف وما اقدرش ادخل في حرب، آسف.... مش ح ينفع اطنش زي ما كنت باطنش بمزاجي تاني 
كانت الناس احترمته اكتر من الفيلم الهندي الساقط اللي هم عاملينه جتهم نيلة
ملحوظة مالهاش اي علاقة بالموضوع (او لها علاقة الله اعلم): فيه واحد بعت لي على الموبايل بيقول لي انت منتصر الزيات مترشح لانتخابات النقابة

32 comments:

بدراوى said...

إسرائيل دخلت على الخط
شوفى اللينك ده
من اليوم السابع برده

يديعوت أحرونوت:إحباط عملية إيرانية لاغتيال مبارك

http://www.youm7.com/News.asp?NewsID=88745
---------------------
شوفتى صفوت الشريف
بيقول

مصر صخرة تتحطم عليها مؤمرات
الطامعين
----------------
واضاف الشريف : ان مصر بثقلها وتاريخها ودورها القومي .. ستكون دائما حائط الصد المنيع ضد اي اختراق .. من اي قوة اقليمية او خارجية .. وستكون دائما الصخرة التي تتحطم عليها مؤامرات ودسائس المتآمرين والطامعين .


ههههههههه
ضحكت بشكل
!!!

فتاه من الصعيد said...

الصعيدانا معاكى ان السلطات المصريه كانت عارفه بتهريب الاسلحه قبل كده ..بس لسه عند رايى ان سبب الحكايه هو خطاب حسن نصر الله ...النظام المصرى خاف على نفسه من اى مخطط ضده ينفذه حزب الله بمساعده الاخوان
عايزيين نعمل وقفه ونلم مساعدات للحكومه علشان تدرس دراما معاكى..السيناريو فيه اخطاء كتير
ملحوظه ..كنت بعلق عند حضرتك تحت عنوان هو فيه ايه..علشان انا قلت رأيى ده قبل كده

Appy said...

لا ومكملتيش ليه بقيت الافلام بيتهموا اهل سيناء بالعماله والخيانه وفى نفس الوقت قالوا ان اللى ساعدهم فى القبض على المشبهوين حسب اقوالهم اهل سيناء طيب مين رايح فاين وجاي منين

Appy said...

استنى استنى عارفه اللى بيعملوه ده فكرنى بالفيلم بتاع ايظن
المقطع بتاع هاله فاخر انا لابسه بدلع رقص وفى بيت دعاره هههههههههههههههه
مش عارفه ليه اللى بيعملوه ده بيفكرنى بكده حسه انهم مش فاهمين او مستهبلين على فكره هما على درايه تامه بكل اللى كان بيحصل ما بين رفح المصريه والفلسطنيه

Anonymous said...

مزيج من القومية والوطنية الصادقة والجوع والرغبة بالاثراء.
جعلت الحدود المصرية الفلسطينية معبراً طبيعياً لكل انواع السلع
وحتى عندما نقل الاسرائيليون افلام عن التهريب هناك صارحهم نظراءهم المصريين بالقول : المرتبات الضئيلة والبطالة تشكلان السببين الرئيسيين لعدم قدرتنا على كبح هذه العمليات "مزيد من التسول المقرف"ولهذا تضمنت الاتفاقية الاسرائيلية الامريكية التي اشارت لها نوارة فقرة كاملة تتحدث عن تعويضات مالية للمهربين وفرص عمل لبدو سيناء

حـنــّا السكران said...

أيوه دخلت الصحافة الصهيونية على الخط متل ما قال الأخ بدراوي .

يديعوت احرونوت بتعنون : إحباط محاولة إيرانية لإغتيال مبارك أثناء حرب غزة
و ها اّريتس بتعنون :

إسرائيل تبتسم لأن مصر وحزب الله يتعاركان .

مواطن مصري said...

بصي انا هجبلك وحيد حامد يخرج الفلم مخرج عشرة على عشرة
:)

حـنــّا السكران said...

أنا أول مرة بقرأ نص التحقيقات مع سامي :

( ■ هل تلقيتم تكليفات بأعمال داخل مصر؟

- قيادات الحزب قالت لنا ونحن نؤسس مكتب مصر إن مصر خط أحمر وأن الهدف هو مساعدة ودعم فلسطين بل إن قيادات الحزب أصدرت أوامر صارمة بعدم استهداف الإسرائيليين داخل الأراضى المصرية حفاظاً على الأمن القومى المصرى وقالوا لنا إن الدخول إلى فلسطين هو الهدف ومقاتلة اليهود هناك، وأن مصر يجب أن تكون بعيداً عن أى عمل.)

حـنــّا السكران said...

شيمون بيريز :

إنهم يتقاتلون بمنأى عنّا ,,و هذا أمر جيد .

...........

أنا اللي مزعلني التضخيم الإعلامي و الشتائم و التحقير , في قضية يقول عنها المحامي المطّلع على تفاصيلها , أنها محصورة بجنحة تسلـّل عبر الحدود و تهريب عبر الحدود .

ذو النون المصري said...

حتي قناة البدر عامله برنامج حوالي الساعه تسعه و اخد وقت طويل كلام عن المجرم نصر الله و حزبالله الارهابي
كنت مندهش جدا من قناة مثلها و دخولها في السياسه بدون اي سابق عهد بالسياسه اصلا
شفت البرنامج بالصدفه فاهتميت بكلامهم و قررت اتابع ما يقال
لكن اغرب شيء انم الكلام عن اجرام نصر الله كان بيتقال بحرقه شديده و كان مبارك حسب قول احدهم زعيم و بطل

مواطن مصري said...

شوفتي دة
http://www.alarabiya.net/views/2009/04/13/70510.html
خلية حزب الله في مصر

جبهة التهييس الشعبية said...

بلاش منتصر الزياااااااااااات
بلاااااااااااااااششششششش

والواحد مش عايز يتكلم اكتر من كده
انا لا عايزة اغلط في الراجل ولا عايزة اتكلم ضده

بس بلاش منتصر الزيات

جبهة التهييس الشعبية said...

يعني يا مواطن بتقرا ابراهيم نافع وبتتفرج على حالة حوار

على طفاطيفو: يا بيه الحاجات اللي بتعملها دي عيب وحرام ويتهز لها سبع سموات

مواطن مصري said...

طلعي الي جواكي يا نوارة اتكلمي عن منتصر الزيات

جبهة التهييس الشعبية said...

هو يا جماعة ماحدش واخد باله من اللي بتقوله رحاب آبي؟

دي عمالة تقول مصايب يا جماعة

ahmed samir said...

جــو

فهمي هويدي كان لسه فى دريم من شوية
و قال ان 15 ألف نسخة من الجرايد
القومية المصرية بتروح لبنان
من بعد بدء الهيصة دي
ايه صحة الكلام ده؟؟؟

esraa said...

شوفتي تحليل فهمي هويدي للموقف
ورابطه للاعلان عنه دلوقتي بالانتخابات اللبنانيه

الخشبي said...

منتصر الزيات في برنامج بين قوسين على قناة المنار:
سامي شهاب بخير وحملني رسالة إلى السيد نصرالله:
لو خضت بنا البحر والجمر لخضناه معك

TAFATEFO said...

نصيحة

كلامك عن منتصر اليات نتيجة فهم خاطئ لتصريحات منقولة

الرجل بيقول اعترافاتهم .. وبينفي عنهم أي تهم غير التهم المثبتة والمقبولة

سيبك من كلام انتخابات النقابة ونظرية المؤامرة ومتجرحيش في الرجل

راجعي التصريحات تاني من فضلك

mido said...

ابو مازن يهنىء الرئيس الاسرائيلى بعيد الفصح

جبهة التهييس الشعبية said...

لا يا طفاطيفو
مش عشان كلامه
انت جبت الاستنتاج ده منين؟

اذا كنت كاتبة البوست وباقول بلاش منتصر من قبل ما يقول التصريحات دي

وانا عندي اسبابي ومش عايزة اقولها وبلاش منتصر الزيات

TAFATEFO said...

لو النظام المصري قال بصريح العبارة: ادي الله وادي حكمته، انا مش عارف اتصرف، اتزنقت، وجنبي قوة نووية، وعندي اتفاقية بتقول اني لو هرشت اسرائيل ح تعتبرها اعلان حرب، وانا خايفايه الكلام ده؟؟ معناه ايه الكلام ده؟؟ ده تهريج

ازاي تنسوا ان أولمرت لا يرتدع إلا من مبارك .. إزاي تنسوا ان إسرائيل لا تخاف إلا مصر لأنها لو أخدت موقف غير اللي عايزاه مصر فهي تخشى أن لا تكون في الوجود .. نستوا ازاي ان أول ما مبارك قال وقفوا الحرب في غزة .. استجابوا مذعنين لأمر السيد الرئيس (الكهل البغيض) .. مش حيدر بغدادي قالكوا كل ده؟؟ ليه موعيتوش كلام الرجل الكباره ده؟؟ انتوا بتهرجوا على فكره

TAFATEFO said...

هو بصراحة بلاش أي حد ميقلهمش قولوا لا ومنعرفش

:@

Tarek said...

ممكن افهم ايه ده , ده ضرب من تحت الحزام ولا ده خبر معروف http://www.ahram.org.eg/Index.asp?CurFN=fron12.htm&DID=9917

TAFATEFO said...

ومن المفيد أن نراجع تصريحات رؤوس الخيبة

سعود بك الفيصل .. ومــــيليشيـــــــــا حزب الله .. وما سمي بالانتصار .. وخطأ التفكير

مواطن مصري said...

عشان منتصر تبع حبيابنا الحلوين

TAFATEFO said...

@Tarek

طب أراهنك بقى ان ولاد الهبلة دول ميعرفوش إذا كان طلال حمية ولا لا .. طلال حمية كان نائب الحاج عماد وكان توأمه

وكان اسم من ثلاثة متوقع خلافتهم للحاج عماد

وأراهن ان المتخلفين ولاد التيت دول ميعرفوش إذا كان هو طلال حمية فعلاً ولا لا

قال الأهرام تنفرد قال .. يا ولاد المتحابين بقى بطلوا غبا

*** كده

TAFATEFO said...

@Tarek

وبعدين ايه موضوع قراية الأهرام ده؟؟ يا حبيبي صحتك بالدنيا مش كده

وانت تلاقيك داخل على مشروع

TAFATEFO said...

خبر قديم من محيط نقلاً عن يديعوت أحرونوت ينقل توقع المخابرات الإسرائيلية خلافة طلال حمية للحاج عمادبس حلو موضوع توثيق الخبر بذكر ان السيد نعيم قاسم أصدر قراراً دي

:D:D

عثل عثل يعني .. بيوثوقوا الخبر

ahmed samir said...

مصطفى@

عايزين يعملوا فيها العالمين ببواطن الأمور
و انهم اخترقوا الحزب و عرفوا اسراره

حـنــّا السكران said...

أحمد

ما بعرف والله ..أنا أصلا مش في لبنان الان .

ـ بس هيدا شي متوقـّع و الحريري رح يدفع و يزيد .و لو بيقدر بيجيب كلّ النسخ و بيوزّعها عالبيوت .

Tarek said...

يا جدعان ده تسريب مخابرات واضح فشخ بأمارة دخول مصر و الأسم المستعار بس دى كده قلة أصل أوى انا مش متخيل ان الموضوع يوصل لكده
و الله يا أخ مصطفى اهو من باب اعرف عدوك :))