هو ايه اللي ودا عمر سليمان الكيان الصهيوني دلوقت بالذات في الفيلا دي بالذات؟ وايه الكلام اللي بيقوله ليبرمان ده؟ وليه لما الكل في اسرائيل نفسها بيقول: "خيطوا له بقه" طب ايه اللي عمله وزير داخلية وخارجية وموقفينه على البوابة؟
وليه نتانياهو جاي عندنا في الظروف دي بالذات وفي الفيلا دي بالذات؟ وجاي عندنا يهبب ايه دلوقت حاليا في اللي احنا فيه ده؟ وعملوا ايه في موضوع خلية النحل اللي قرصتهم؟ يا ترى دفعوهم ايجار الشقق المفروشة دوبل؟ وللا شمعوا الشقق بالشمع الاصفر؟
وبعدين اوباما ده اهبل؟
وبعدين الساحرة الشريرة هيلاري دي طلعت عبيطة؟
وبعدين ايه الا تعترفوا بالدولة اليهودية دي دلوقت حاليا؟
وفين عباس؟ غطسان يعني مش سامعين له حس
يا جدعان القدس عمال يخلوه من الناس ومخترعين حاجة كده زي توك توك تحت الارض عشان يمشي تحت المسجد الاقصى، وبصراحة بقى، واجيلكوا دوغري وماحدش يطق في وشي؟
الحجر اللي يتهد يتبني تاني
بس البني ادمين اللي بينطردوا من بيوتهم مش ح يرجعوا، واللي بيتقتل مش ح يقوم الا يوم القيامة
هو فيه ايه؟ فيه عاجة؟ انا بس كل اللي مضايقني دلوقت اننا طالعين زي الخازوق كده من غير لازمة وبنتصرف تصرفات مرتبكة قوي
احنا بنهبب ايه بالظبط؟
انا الدور اللي اخدته اثر علي جامد
34 comments:
أعجب عبارات الشجب والإدانة لما قاله ليبرمان كانت تلك التي صدرت من وزير الخارجية المصري أحمد أبوالغيط الذي كلما تكلم سبب كارثة وعبر عن عجز وضعف شديدين فقد قال أبو الغيط ردا علي الإساءات البالغة التي وجهها ليبرمان إلي مصر وشعبها ورئيسها: «لا يمكن لوزير خارجية مصر إلا أن يحترم الكبرياء المصرية وبالتالي فإن من أساء لهذه الكبرياء فعليه أن يتحمل مسئوليات وجميع عواقب ما قال من كلمات..»
فالبروفيسور «بن تسيون نتنياهو» والد رئيس الوزراء الإسرائيلي بنيامين نتنياهو أدلي بحديث إلي صحيفة «معاريف الإسرائيلية» نشرته يوم الجمعة الماضي الثالث من إبريل الجاري قال فيه: «إن التسوية السلمية مع الفلسطينيين علي مبدأ» دولتين للشعبين «هو مجرد وهم، وإن الحل الوحيد للصراع هو أن تفرض إسرائيل سيادتها بالقوة علي فلسطين الكاملة» وأكد والد نتنياهو علي أن ابنه بنيامين «يفكر مثله ولكنه لا يفصح عن أفكاره؛ لأنه يخشي من ردود فعل محلية ودولية تضرُّ بمصالح إسرائيل» وقال نتنياهو الأب إنه بصفته مؤرخ فإنه يعتبر أنه لا يوجد شعب فلسطيني، فالعرب الموجودون هنا ـ يقصد في فلسطين ـ تبنَّوا ـ حسب زعمه ـ اسم الشعب الفلسطيني فقط لكي يقارعوا إسرائيل ولهذا فلا يحق للفلسطينيين دولة ويجب أن تبقي إسرائيل مسيطرة علي «أرض إسرائيل».
نواره انت بصحة وعال العال
ببساطة هو ده الدور اللي مرسوم لنا واحنا بنفذه زي ما بيقول الكتالوج بالضبط
بس خلاص
مش عارف الناس طالعة بعمر سليمان السما ليه؟ ايه الفرق بينه و بين مبارك ؟
صحيح بما انك مريضة انصحك بتجربة عصير البرتقال بالثوم و بعديها اذا احتاج الموضوع بصلة
ياحاج حسيني ..حلوة قوي البدلة بتاعتك دي .... دي بيير ابو قردان
ياعم فكها وخليك ايزي ميزي وسيبك من الاوفشيال ستايل دااا....دا نت يا بشمهندس , ياعني دنيا المرح وعالم الاطفال
ياريت تغير البدلة لاني كل ما اجي اشوف التعليقات احس ان احنا في عزاء
والبقاء لله يا حاج
نوارة ايه الفيلا دي؟
يا بنتي ديل الكلب عمره ما يتعدل و لو علقوا فيه قالب
متوقعة إيه من نظامنا الحاكم يعني غير تقديم كل فروض الولاء و الطاعة لإسرائيل و أمريكا
ليبرمان ده شخص تافه واتفه من ان الواحد يعلق عليه
خلي بال انفلونزا الطيور و الخنازير منتشرة بما اننا بيجلنا الانفلونزا بسرعة ربنا يستا و يحفظنا
احنا لية منصدرش الخنازير المصابة ل ااسرائيل و نخلص
:)
الحياة اللي مش مفهومة كمان ساعات بتعيي
انونيمس
لا اجمل تعبير قاله ابو الغيط لما قال: لن اقول الا انني حين اره ستكون يدي في جيوبي
الحسين اللزومي
ايوة
دور ايه بقى؟
ايه دورنا بالظبط
بنعمل ايه يعني
سيف
!!!!!!!!!!!!!!
مين اللي طالع بعمر سليمان السما؟
دول تلاقيهم ناس لسة بتحب المخابرات من ايام رأفت الهجان
منه لله صالح مرسي
الله يرحمه بقى
انونيمس
عصير البرتقال بالثوم؟ وبعدين بصلة؟
انا عايزة اموت شهيدة
صحيح عايزة اموت بسرعة
بس شهيدة
مش شهيدة التوم شهيدة بجد
انونيمس
مش فاهمة تعليقك
هندسة وصفية
ههههههههههههههه
انت لازم صغيرة
ما شفتيش مسرحية الدخول بالملابس الرسمية
مهندس
ما انا مش معترضة والله
انا عايزة افهم بيهببوا ايه؟
ما يكلمونا
بابا بيقول لي: يكلموكوا ليه؟ هم مش مستنضفينكوا اصلا
طب ليه؟
ده احنا ناس زي الفل
presedoti
لا ليبرمان مش تافه
ليبرمان راجل صادق وبيقول كل اللي في قلب الصهاينة
مواطن مصري
اسرائيل مش بياكلوا خنزير
:)
مش باقول لك هم فولة واتقسمت نصين بس ربنا نفخ في صورتهم وقبوا على وش الفتة
اللي علي علي يا سيدي
فين ايام ما كانوا مستخبيين في حجرنا وعمالين يقولوا لنا: يا مامي يا مامي مشيهم يا مامي ح يموتوني
ابو باشا
طب الحمد لله
انا قلت حصل لي حاجة
احنا نشوف حاخام طلع ليهم فتوة حتى لو ندفعلة فلوس يحلل بيها اكل الخنزير ليهم
:))))
أول حالة انفلونزا الخنازير وصلت اسرائيل و ادخلت المستشفى حسب وكالة الانباء
http://news.xinhuanet.com/english/2009-04/26/content_11261417.htm
رابط الخبر
اهي دحلت اسرائيل و تنضف فلسطين من فتح و حماس و الصهاينة
و يا رب احفظ مصر الفترة الجاية
اللي طالع بالمخابرات و سليمان السما الاعلام المحلي و الدولي و مرشحينه لخلافة مبارك و بيقولوا بيحترموه أوي في امريكا و اسرائيل
علي فكرة جمال فهمي في الدستور مهاجم عمر سليمان امبارح_ بالنسبة لرأفت الهجان و الروايات: متنسيش روايات رجل المستحيل أدهم صبري عملت دعاية ضخمة جدا لجهاز المخابرات العامة و حيتعمل فيلم قريب
اللوا عمرسليمان اللى طالع فى النشرة كل شوية وعامل فى امها جيمس بوند هو مجرد راجل أقرع وبشنب وكان بيشتغل لوا.. بس كدة...وولا فية امن قومى ولا طيز الطور لامؤاخذة يعنى..........................حسن على
حلو اوى موضوع طيز الطور ده
يعنى دا مؤسسة فى الدولة يابوعلى؟
ولا منصب؟
والمسئول عنه يبقى اسمه ايه؟
ممكن يبقى جودت الملط
واهو الشئ بالشئ يذكر
ولا يمكن نظيف واهو زى مابيقولوا
وبضدها تعرف الاشياء
بس للحق لو فى مؤسسه باسم عضو من اعضاء الطور
فابو الجرن هو الطور نفسه
وربنا راجل عبيط هو
ولو بيعرف يقرا وقرا الكلام اللى قاعد يبخه فى الجرايد هيضحك على نفسه
يللا ربنا يفكها من عندهم ويطلع سلاسه انفلونزا مخصوصه للمرسيدس وتزيحهم كلهم
معلش انا اكتر واحد احترمو ي المخبرات هو اللواء عمر سليمان على الاقل عند خبرة عسكرية و رجل دبلوماسي و
الي بيغلط فية هو عمل حاجت احنا مش بنعرف نعملها يعني الراجل ممكن يكون بيعمل حاجات لصالح مصر و فلسطين بس احنا مش عارفينها
و بعدين
ما فتح و حماس عمرهم مش هيتفقو ولا هما عاوزين اتفاق و دة كلو بسبب حماس الي رافضة الصلح
ربنا ياخدهم هما الاتنين فتح و حماس او يهديهم
الله يرحم ياسر عرفات الي كان ظابطهم
و الله العظيم بغض النظر اختلفنا اتفقنا مع ياسر عرفات بس كانت كلمتو مسموعة عند الكل و كان لية مشروع و على ايامو كانت قضية فلسطين كلها
مش قضية معبر و مليشيات
و بعدين اة احنا ممكن نختلف مع عمر سليمان انما متوصلش ل اهانات شخصية في القوات المسلحة
همة فحلين بصل, تدشيهم وتزلطيهم حتقومي من العيا زي الحوصان
بالنسبة لحكاية الفيلا المشبوهة فانا زي ما حضرتك عارفة بعيدة قوي عن الفلل والسرايات
كان بودي اساعدك لو عاوزة مساكن شعبية او مساكن الايواء العاجل او حتى العشوائيات
ربنا يبعدنا عن الفلل
بالمناسبة إيه رايك بجوازة هيفاء وهبي؟
لفهم ماحدث ويحدث وسيحدث في اي مجتمع بشري علينا ان نمعن النظر في التيارات التي تحركه
وان نشرح بدقة ستة عوامل داخل التيارات وهي على التوالي:
نوع القيادة
الموارد
الاهداف
نمط التحرك التكتيكي من بدايته الى خاتمته
عامل الصد
عامل الدفع
واذا اردنا تطبيق هذه المعادلة على الحالة المصرية، ينبغي دراسة النظام كتيار محرك وحيد في ظل قرار القوى المؤثرة باعتناق الجمود كاسلوب لا تحيد عنه الا في اتجاه الحركة التي يسبقها حدث ويتلوها ترتيب يعيد الامور الى ماكانت عليه
انت عارف يا مواطن لو واحد حب يعمل كتالوج للمواطن المصرى بجد
مش هيلاقى احسن منك يشرحه
هتبقى انت اول صفحه فيه
روح ياشيخ ربنا يسهلك طريقك
ويكفيك شر نفسك
ويعالجك من العكوسات اللى انت عايش فيها
ويضحكك لغايه ماتسخسخ ونفسك يتقل وتعرف ان الله حق
وبعدين يا مواطن انت بتسخن علينا ولا ايه؟
هو كل ما ظابط يغلط تخوفونا بالجيش
ولما قاضى يغلط يقولك القضاء لا بلاش
روح شيخ يارب تدخل الجيش عسكرى لمدة عشر سنين
ويحكم فيك صول منوفى غبى
حلمبوحة @
فحلين بصل ايه بس يا حلمبوحة ؟
:D
انت عايزة تموتيها
:))
يليق بالمواطن الحصرى صاحب اللوجو الفرعونى ان يغيرة للوجو القديم المشهور "صوت سيدة"واللوجو جميل فعلا ويمثل كلب يستمع الى صوت سيدة من جرامافون...اما "طيظ التور" فيقول القاموس عنها: مشهورة...وهى تنتج كثيرا من (الجلة )اسم اللة على مقامكو ...والتعبير شائع فى العامية المصرية ولة شبية فى عاميات اخرى كثيرة. عمر سليمان رئيس جهاز المخابرات لا يليق بة العمل كحامل حقيبة) فى الخارجية صاحب هذا المنصب لة ماهو اهم من نقل الاراء والظهور اليومى امام الشاشات ليقول ..لاشىء خلط الاوراق والادوار يسىء للمنصب ولصاحبة ولمن كلفة بالمشاركة بتمثيل دور كومبارس صامت..يحمل لوح خشبعلى كتفة ليبدو انة يفعل شيئا ما ....حسن على(
نوارة
ازيك
شوفى مقال بلال فضل
عن موضوع حزب الله
http://belal-fadl.blogspot.com/2009/04/2642009.html
كنت قريتها يا بدراوي
و إيه رأيك فى المقال
؟
بلال فضل...بلال فضل ...بلال فضل
:
:
:
:
اسأل الله ان يحجزك ظالم بين اربع جدران وان يسلط عليك جراذين متعطشة للدم وان يكون من يستطيع مدك بالغذاء وبالسلاح للدفاع عن نفسك ... قاريء مخلص لافكارك
قادر ياكريم
نوارة ابقى اشتري رواية تغريدة البجعة حلوة اوي هتعجبك
إيه ده يا مواطن؟ إنت عايز تبعت انفلونزا الخنازير لاسرائيل وتموت الإسرئيليين؟ إيه الظلامية بتاعتك دى؟ مش دول شعب من حقه يعيش فى سلام مع الفلسطينيين؟ والدين لله والوطن للجميع والزمالك للتمثيل المشرف فى الدورى كل سنة؟...... فين شعاراتك السلامية البتنجانية الإشتراكية المنبثقة من مبدأالتعايش السلمى بين البنى آدمين فى العصر الحميرى اللى إحنا عايشين فيه؟
خيبت أملى فيك يا راجل... تفرق إيه انت كده عن بتوع حماس الإسلاميين الوحشين اللى عايزين يموتوا اليهود؟
نوارة ازيك
سلامتك يا بينتى الف سلامة كنت عاوزة اقولك سلامتك من المرض و السياسة بس مش حينفع انا معتبرة البلوج دة المكان الوحيد اللى فيه ناس بتفهم وبتحب بلدها بجد مع انى بخاف عليكى شوية الدار مش امان اوى يعنى انا بعتلك ايميل قبل كدة حكيتلك فيه موضوع شخصى ايام البوست لما رحتى تعملى محضر قريته ولا لا ؟
Post a Comment