Thursday, 16 April 2009

عمل مشرف لكنه خطأ

"ما فعله حزب الله مقاومة مشرفة لكنه خطأ"
مافيش حاجة اسمها كده على فكرة، مافيش حاجة في الدنيا تبقى مشرفة وخطأ
ولا فيه عار صح، ولا حلال عيب، ولا حرام يجوز، ولا اخلاقي لكن ما يصحش، ولا غير اخلاقي لكن ضروري 
  ده مبدأ: اترقص آه اتقرص لا
ومبدأ الحكيمة شريهان "اترقص اه اتقرص لا" هو حلم انساني زي العدالة المطلقة لكنه غير معمول به في الحياة الواقعية
اللي بتترقص بتتقرص، واللي مش عايزة تتقرص مافيش داعي تترقص
الرقاصة الشريفة مالهاش وجود غير في افلام حسن الامام بس

52 comments:

ahmed samir said...

لأ انتى غلطانة انا المرة دى مش معاكى

في رجالة و مش رجالة فى الوقت نفسه
اللي بيحكمونا

واحد من العمال said...

السلام عليكم
نعم ما فعله حزب الله مشرف ولكنه ليس بخطأألا يكفى الفلسطينيين أن مصر الشقيقه التى كانت كبرى تفجر الأنفاق المتنفس الأخير لهم
أليس الخطأأن يصبح عدو اسرائيل عدو لنا وأليس من الخطأ أن تصبح اسرائيل شقيقه كبرى لمصر
أليس من الخطأ موقفنا من مذبحه أهلنا ولحمنا فى غزه ولم نستطيع إقناع حتى أنفسنا برجاحه موقفنا
ولله الأمر من قبل ومن بعد

ومع خالص تحياتى

Ahmed Nasr said...

هو الجملة دي مع احترامي لناس كتير قالتها..كتير فوق الوصف على فكرة!!

انما انا شايف انه معناها: حزب الله عمل عمل بطولي بس انا مش قده..
ولا قد اني اقول عليه بطولي واسكت..

طبعا هم قصدهم انه صح أخلاقيا لكن خطأ من الناحية النظامية أو التكتيكية يمكن..
بس انا شايف انه هيكون خطأ من الناحية التكتيكية فقط لو كان في طريقة تانية لدعم المقاومة منغير مشاكل مع حد..

لكن طبعا احنا عارفين انه لا يمكن تدعم المقاومة منغير ما تصطدم بالمعززين..

هو في نقطة انا لا زلت كل شوية برجع لها ومتمسك برأيي فيها:
سيادة الدولة طز
الحكومة طز
حدود الدولة طز

طالما اننا بنتكلم عن الانسان اللي على الأرض وضرورات حياته وحمايته..

الدولة والحدود والمؤسسات وكل الكلام ده هي مجرد شخصيات اعتبارية أنشئت بغرض حماية الإنسان..مينفعش تحت أي دعوى نهدر الانسان وحقوقه، سواء في الأكل أو الشرب أو الرعاية الصحية أو أي من ضرورات الحياة أو دفاعه عن نفسه..
عشان خاطر (دولة)، مجرد شخصية اعتبارية كان الأصل في اختراعها هو حماية الانسان!!..اذا كانت هتتحول لعائق يبقى طز..طز..طز

mido said...

غلطة حزب الله
هى انه افتكر ان النظام المصرى طربوش بأمنه و مخاابراته و جيشه ...الخ

مواطن مصري said...

التحقيق مع طلاب عراقيين وخليجيين رفعوا الأذان الشيعي بمصرhttp://www.alarabiya.net/articles/2009/04/15/70717.html

Anonymous said...

بالعودة الى نظرية ان الانسان كالبصلة مجموعة طبقات على بعضها البعض، ماينعش الانسان يقول انا جبان او انا مرتشي او انا باكل من السحت وحروح النار ماينفعش كده خالص
لازم نكذب على الحتة اللي بيعمللوها ختان منذ الصغر
الحتة اللي اسمها ضمير
علشان كده يااخوووتشي بتسمعي بقصة عمل مشرف ولكنه خطأ
علشان ايه بعيد عنك منكونش ملزمين بالدفاع عن الخطأ
قلنا حنحتله يعني حنحتله

Anonymous said...

على فكره يا نواره أنا خايف رجلك تيجى فى القضيه اٍكمنك روحتى عملتى مقابله فى قناة المناره و قابلتى سمير القنطار
تصدقى يا نواره يمكن الموضوع ده كله أنتى المقصوده بيه هههههههههههه
صبرتى و نلتى

TAFATEFO said...

كل شئ نسبي

جبهة التهييس الشعبية said...

انونيمس

والنكتة بقى لو كتبوا في الجرايد: القبض على خطيبة سمير القنطار

والراجل يصحى الصبح: خطيبتي؟ اتقبض على خطيبتي انا؟
هههههههههههههه

جبهة التهييس الشعبية said...

طيب يا مواطن

انت مش راجل ليبرالي؟
دول عراقيين اللي هم اصانص الشيعة من الاساس
وخليجيين والخليج فيه شيعة كتير خصوصا في البحرين

اشمعنى انت مع حرية العقيدة للبهائيين والشيعة اللي مسلمين زيك مش قابلهم

ماهو اللي ما يقبلش مذهب مختلف من نفس دينه يبقى الادعى ما يقبلش اديان تانية

elmosalem said...

سمعت خير اللهم اجعله خير ان منطقة ابوالرشراش (ميناء ايلات) دى ارض مصرية محتلة والنظام المصرى مكتم عليها

حد ينورنا

مواطن مصري said...

حرية ععقيدة للمصرين انتي مش عارف ان فية خلايا نائمة في البحرين و الخليج ؟؟؟؟



انا مع حرية العقيدة ل ابناء مصر داخل الوطن

مواطن مصري said...

العمالة الايرانية عملة خطر في دول الخليج

جبهة التهييس الشعبية said...

والنبي يا مواطن
انت تصورك ايه عن المصريين؟

يعني المصريين معمولين من دهب وبقية الناس معمولة من خرا؟

ايه ام العنصرية اللي انت فيها دي؟

طب بامارة ايه يعني؟

حرية العقيدة للمصريين بس؟

جديدة دي

Anonymous said...

النهارده كان فيه بالليل حمله أمنيه غير مسبوقه فى 6 أكتوبر على الشقق المفروشه و المؤجره للعرب بصفه عامه و العراقيين بصفه خاصه
من الآخر كده 6 أكتوبر مقلوبه و فيه لجان أمنيه ضخمه على الطرق و بيتحققوا من شخصيات ركاب السيارات لحد دلوقتى
الدنيا مقلوبه بجد

جبهة التهييس الشعبية said...

اه
يبقى هم زهقوا من العراقيين اللي ساكنين في ستة اكتوبر

الظاهر فيهم مجموعة مفلسة وللا حاجة

طيب يعني مش احنا اللي ساعدنا في ضرب العراق؟

اهي دي بقى ام الوساخة اللي انا باكرهها في السياسة المصرية اللي بقالها عقود متحكمة فينا

نخوزق الناس ولما يقولوا اي نقول لهم وانا مالي هه

يعني نساعد امريكا في ضرب العراق ولما يهربوا عندنا نزهق منهم

طيب يروحوا فين يعني؟

مواطن مصري said...

قطر ساعدت امريكا و الكويت ايضا


و بعدين مصر من الدول الي فتحت الباب للعراقين انهم يقعدو في مصر

lastcrazyboys said...

غريبـــة دي حكاية حرية العقيــدة للمصريين ..بس

خانك التوفيق هذه المرة يا صديقي الليبرالي

لأنك قد تقول أنا مع حرية العقيدة مالم تمس سيــادة بلدي

أنــا عن نفسي المسيحين اللي هما مسيحين ..وشركاء وطن ويحيا الهلال مع الصليب
لو شميت ريحة أي حاجة هتيجي من تحت رأسهم - مش تمسني سخصياً-..لا تمس البلد

....سأعتذر لكل أصدقائي المسيحين

ثم أقتلـــــهم

TAFATEFO said...

انا مع حرية العقيدة ل ابناء مصر داخل الوطنتلعب سبت حد؟؟

جبهة التهييس الشعبية said...

احمد سمير

لا ازاي
دول رجالة وطول عمر ولادك يا بلدنا رجالة

واحد من العمال

لا فض فوك

احمد نصر

لا هي مسألة ايديولوجية اكتر يا احمد

يعني يا الواحد مع حركات التحرر الوطني بالمقاومة المسلحة ضد الاحتلال يا الواحد ضدها

لو الواحد مع المقاومة المسلحة ضد الاحتلال يبقى ما ينفعش يقول عليها خطأ بس مشرفة

يا اما الواحد ضد المقاومة المسلحة ضد الاحتلال ولا عادي اللي عايز ييجي يحتلنا اهلا وسهلا احنا ناس مضيافة

يبقى ساعتها مفهوم هو ليه بيقول على اعمال المقاومة غلط

يعني هم شايفين حماس بتضرب صواريخ وعندها سلاح وهم بيقولوا انهم مع المقاومة

طب بمخهم السلاح ده بيدخل ازاي؟ وبييجي منين؟

وللا هم ما كانوش عايزين يعرفوا
وهو ده بقى من وجهة نظرهم: ما كنتش تتقفش بقى

ولو اتقفشت ما تعترفش

ولو اعترفت واتعمل ضدك كل الحملة الفظيعة دي

يبقى سوري
مش ح اقدر اقف معاك مية في المية

ده موقف كده بيتقال عليه مثل شهير: لا يـ... ولا يخلا من النجاسة

ميدو

هو غالبا زي ما هاآرتس بتقول

اللي زنق النظام المصري وخلاه يضطر يكشف الخلية ويقول عنها الكلام ده ان الموساد كربجه

ازاي يعني بقالهم سنين والنظام المصري مش عارف؟

ده عند امه يا ادهم

ايه ده؟ ده انت اسمك ادهم بجد
:)

انونيمس

ههههههههههههههه
الله يحظك

قلنا ح نحتله يعني حنحتله

طفاطيفو

يعني ايه كل شيء نسبي مش فاهمة
انا ما باتكلمش عن النسبية
انا باتكلم عن اتساق المواقف
بالذات فيما يخص قضايا التحرر الوطني دي مافيهاش اي حلول وسط

مافيش حاجة اسمها معاك حق بس غلطان

يا معاك حق يا غلطان

المسالم

ايوة ام الرشاش مصرية محتلة

وماحدش بيجيب سيرتها

وصواريخ في جنوب السودان متوجهة للسد العالي وماحدش بيجيب سيرتها

واحنا واخدين خازوق معتبر وكل الناس بتجيب سيرته

عايز حاجة انت النهاردة
:)
هو ده النظام اعترض بقى على حكمة ربونا

TAFATEFO said...

أنا مع حرية العقيدة مالم تمس سيــادة بلدي....

سبت حد بتتلعب بتلاته .. تلعب؟

جبهة التهييس الشعبية said...

lastcrazyboy

انت كريزي فعلا

تقتل المسيحيين ازاي يعني؟

هو فيه حاجة اسمها حاجة تمس البلد من تحت راس المسيحيين؟

ايه الكلام الطائفي ده؟

جبهة التهييس الشعبية said...

كريزي

انت ليبرالي؟

طب على الله المسيحيين يسمعوك

اسمع يا سيدي

انا لا ليبرالية ولا باطيق الليبراليين

واللي اعرفه ان البني ادمين بني ادمين
والمواطن مواطن
ومافيش حاجة اسمها خطر على بلد ييجي من تحت راس دين
فيه حاجة اسمها خطر ييجي ضد بلد من تحت راس ناس

ناس

صادف انهم بيدينوا بدين معين

زي اسرائيل كده

يعني عشان الاسرائيليين يهود يبقى كلهم يتقتلوا؟

جبهة التهييس الشعبية said...

ههههههههههههههههههههه

حرام عليكوا

ح تلحسوا لي الشوية اللي فاضلين في مخ الجدع

طفاطيفو

انت كويس؟ طب قوم اشرب كوباية مية

سيف said...

لأ (أدهم) اسم المدونة فقط

elmosalem said...

شكرا على المعلومات الاضافية

انا كنت فاكر ان سينا رجعت تانى لينا - ماعدا ام الرشراش لا لا لا - ماعادااااا ام الرشراششششش

كنت عاوز بس احجز خازوقين ليا وللاولاد لما يكبروا

TAFATEFO said...
This comment has been removed by the author.
TAFATEFO said...

@ مواطن - لاست كريزي

شوفولنا رابع .. ونفرش بولة استيميشن

والكوز هيسيق

سيف said...

دلوقتى مبارك بقى اسمه

محمد حسنى (البارك ) او محمد موباراك)!---

mido said...

هو مأمون فندى

ده شغال ايه ؟

سمعت ضياء رشوان بيقول عليه كلام و جاب سيرة البنتاجون و كده ؟!!

Ahmed Nasr said...

تعليقا على حكاية حرية العقيدة لأبناء مصر داخل الوطن..
يعني لو خرجوا برة الوطن المفروض يكفروا؟!

طبعا يا نوارة انا بتكلم انطلاقا من الآيديولوجيا بتاحتي أصلا هههههه
ده بخصوص الطزات الثلاث يعني..

أما بخصوص الناس اللي بتقول صح بس غلط فانا باتكلم عن ناس مؤيدة للمقاومة فعلا بس وقعت في فخ المش عارف ايه..أنا شايف أنصاف الحلول هتضحك الناس علينا..

lastcrazyboys said...

لا انا الظــاهر اتفهمت غلط

وكمان بتسخني المسيحين عليا

!!!...علني كــده

لا بجد والله ..أنا كان قصدي انه لو حد حــب يعيث في الأرض فســادا .."باسم الدين""..واخدة بالك ..باسم الدين ..
حبيت بس اوضح لمواطن انه مشكلتنا مش مع المذهب الشيعي ..بقــدر ما هو حرص على أمــن مصر أمــام أي حد

مش بقول لو واحد صاحبي مسيحي وواحد تاني مسلم اتخانقوا حطلع "......"ام المسيحي

عــايزة تزقيني قــدام المدفع والفتيل والع

طب خدي بالك انتي بقى من السهام المصوبة
http://www.almesryoon.com/ShowDetails.asp?NewID=62733&Page=1
_______

إلا بالحق بعيد عن المواضيع ده هي عربيتك ماركتها ايه؟؟

elmosalem said...

سؤال فنى

ينفع الواحد يدخل اسرائيل بالبطاقة - طب اشمعنى اليهود بيدخلو مصر بالبطاقة.

هوه ليه لما بخبط على ماما وبابا فى اودتها بليل بلاقى الترباس مقفول.

TAFATEFO said...
This comment has been removed by the author.
mido said...

يا أستاذة أنا اسمي (محمد) لكن المدونة مسميها (أدهم) :)

مواطن مصري said...

lastcrazy
.أنا كان قصدي انه لو حد حــب يعيث في الأرض فســادا .."باسم الدين""..واخدة بالك ..باسم الدين

اتفق معاك و زود بعد باسم الدين باسم المقاومة القومية العربية ايضا

مواطن مصري said...

طفاطيفو مليش في الاستميشن تعالى بصرة

او شطرنج
:)

جبهة التهييس الشعبية said...

لا دي سفسطة يا مصطفى
لان اللي يلتزم بالقانون يبقى يلتزم بالقانون

يعني مصر اصلا مخالفة للقانون وبتطبق القانون على غيرها

وكده يبقى مافيش حاجة اسمها صح بس غلط وغلط بس صح

دي اسمها سفسطة

مواطن مصري said...

القدس (رويترز) - ذكر تلفزيون القناة الثانية الاسرائيلي يوم الاربعاء ان وزير الخارجية المصري احمد ابو الغيط قال ان القاهرة لن تتعامل مع وزير الخارجية الاسرائيلي المتطرف افيجدور ليبرمان.http://www.masrawy.com/News/MidEast/Reuters/2009/April/16/767140.aspx

mido said...

لست كريزي بويز : متخدش أخبار من موقع _المصريون_

Anonymous said...

المنظومة الاخلاقية والقانونية التي يتبعها الانسان كفيلة بتحديد مفهوم الخطأ والصح وبدون وجود مرجعية مشتركة يصبح ماتعتبره انت غير جائز واجباً في نظري ومااعتبره حلالاً حراماً من وجهة نظرك
وهكذا دواليك
والازمة الوسخة التي ندور في حلقاتها منذ مائة عام او يزيد هو تلف المنظومة الاخلاقية والقانونية التي تجمعنا كعرب وتحولها الى مجموعة قوانين لا شرعية لها ولا لمن وضعها تحت اكراه السفارات وبلطجة الدول الكبرى

ماتسميه تزويراً في اوراق رسمية اسميه انا طباعة بيانات تفيد في تنفيذ الواجب
وماتسميه تهريب عبر الحدود اسميه نقل حاجات حيوية للبقاء من بلدي مصر الى بلدي فلسطين
وماتسميه عمل سري منافي لقانون القطر اسميه انا عمل يتسم بالكتمان نتيجة طبيعته ومخالف بالضرورة لقوانين غير وطنية فرضت علينا بالاكراه
واكاد اجزم ان وضعي القانوني يماثل وضع مخالفي القوانين المصرية من الفدائيين ايام معركة التحرر من الاحتلال البريطاني

Ahmad said...

في الزمن الي احنا عايشينه فيه عمل مشرف لكنه خطأ بدليل ان القذافي قال لعبد الله الكذب وراك و القبر قدامك
بريطانيا صنعتك و امريكا بتحميك
و انا مستعد ازورك و تزورني و صافي يا لبن حليب يا قشطة
ده غير انه امام المسلمين و ملك ملوك افريقيا و خاقان البحرين و البرين في نفس ذات الوقت

TAFATEFO said...
This comment has been removed by the author.
TAFATEFO said...
This comment has been removed by the author.
TAFATEFO said...

ماتسميه تزويراً في اوراق رسمية اسميه انا طباعة بيانات تفيد في تنفيذ الواجب

وماتسميه تهريب عبر الحدود اسميه نقل حاجات حيوية للبقاء من بلدي مصر الى بلدي فلسطين

وماتسميه عمل سري منافي لقانون القطر اسميه انا عمل يتسم بالكتمان نتيجة طبيعته ومخالف بالضرورة لقوانين غير وطنية فرضت علينا
.

اختصاراً لكل ده قلت انه خطأ فرضته الضرورة .. وده مجرد اختلاف تسميات ملوش أي معنى

أنا بعتذر عنه .. لأنها فعلاً سفسطة

Anonymous said...

TAFATEFO


انا لا الومك، انا ارثي لحالي وحالنا جو غانم على سبيل المثال يسب ويلعن من لم يخبروه بوجود ديانة جديدة ويعتذر بانه لم يتعمد ان يكون كافرا بها هو فقط لم يبلغ بوجودها
وحالي وحالك يشبه حاله

TAFATEFO said...

زمان كنا نقول إن مشكلة العالم معنا أنه لا يعرف الإسلام حق المعرفة، وأننا مساهمون في ذلك بتقصيرنا وعجزنا عن تمثيل ديننا تمثيلاً مشرفاً، الآن أصبح جُل ما نتمناه أم يعرف كثير من المسلمين دينهم حق المعرفة قبل أن يحاربوا الآخرين باسمه وهو منهم براء.

بلال فضل 13-4-2009بدراوي بك

مواطن مصري said...

و الله بلال فضل راجل دماغ و متفق معاة في المقال

جبهة التهييس الشعبية said...

هو بلال بينكد علينا ليه؟

هو احنا كنا ناقصين؟

TAFATEFO said...

المقال نكد فعلاً

بس الفقرة الأخيرة المنقولة مزجتني

أحب أنا الناس تقول بقى .. لولا اني عارف انه مينفعش .. نفسي جرنال يوزع مليون نسخة بمانشيت وصور متجاورة لأحوال الشعب المصري .. والمانشيت فوقها بخط أحر وخلفية سوداء

فوقوا بقى يا ولاد الـ(تيت)وأنا موافق على أي تيت ابتداء من المش نضيفه .. وحتى المش مظبوطه

أكون أو لا أكون said...

أنا لا أفهم لماذا تصريحات الحكومه ضعيفه هكذه؟

لا والمقال اللي في البوست اللي فات شيء مخزي...!
أعتقد إنهم يقصدوا الإساءه للسيد حسن... من خلال تبيين للناس أن له علاقات مع فنانات...

لا حول ولا وقوه إلا بالله...

ESLAM EGYPTIAN said...

كل تصريحات حزب الله بخصوص تلك القضية صادقة ،ومن المعروف أن هناك أتفاقيات تحتم على النظام المصرى منع أى مساعدات عسكرية تقدم للفلسطنيين عبر الحدود المصرية وحتى لو كانت المساعدات انسانية فيجب فى البداية موافقة الاسرائليين أولا عليها، وبما أن لاتستطيع الحكومة المصرية المصارحة بذلك فهى تسعى استغلال الأزمة الحالية فى تحقيق أهداف خارخية وداخلية منها أثباتها للاسرائليين وللأمريكيين خصوصا جديتهم فى القضاء على أى محاولات تهريب لأسلحة وقنابل وغيرها من المساعدات العسكرية عبر الحدود المصرية وكذلك السيطرة على البدو واحكام قبضتها على سيناء عاما