Thursday, 23 April 2009

محمد حبيب.... انا مش فاهمة حاجة

"علشان الاخوان يتحركوا لوحدهم ويتم سحقهم والجيش يتدخل... لا"
!!!!!!!!!!!!!!!!!
"لازم ابقى عارف انا رايح فين... ورد فعل النظام ح يبقى ايه؟"
مش فاهمة حاجة
هم اتحركوا لوحدهم؟ طب ما العمال بيتحركوا والفلاحين بيتحركوا والموظفين بيتحركوا
وهو نفسه قال ارتفاع وتيرة الاحتجاجات
يبقى لوحدهم ازاي؟
وجيش ايه اللي يتدخل؟ ايه اللي جاب سيرة الجيش دلوقت؟

88 comments:

Anonymous said...

لأ العمال اتحركوا عشان أكل عيشهم انما الاخوان حيطالبوا بدستور جديد و انتخابات نزيهة الخ

Anonymous said...

أنا شايف كلامه مفهوم .

م/ الحسيني لزومي said...

المفروض كان توضحي الرد كان عن اي سؤال حتي نستطيع ان نقيم الاجابة
في حدود علمي ما يفهم هو ان الاخوان كجماعة او تنظيم له فكر واحد واسترتيجية واحده عندما يتحركون وهم اكبر قوة سياسية منظمة في مواجهة النظام فمن الممكن لنظام متهالك كالنظام المصري خائف من اي شئ ان يسحقهم وباعتبار انهم قوة غير شرعية في نظر النظام.
اما العمال او الفلاحين او اي تجمعات اخري عندما تتحرك فهي من مشارب مختلفة لاتحكمها قيادة واحدة ولا ايديولوجية واحده فمن الممكن ان يتم التعامل معها بالقمع لا بالسحق
والله اعلم

رامز عباس يشدد ان الاخوان ممكن يدولك علي قفاك said...

نفسي افهم


هو مش معروف ان الاخوان هم الوجه الاخر للنظام الراسمالي الذى اغرق الاقتصاد وبعزق ما سمته نوارة نجم ونسميه نحن الشعب ضرائبنا وفي الاخر مفيش خدمات

اذا لا امل في حركة اخوان مهدى عاكف

مى said...

ربنا يشفيكى و يعافيكى يا نوارة


النظام دلوقتى عامل زى الكلب المسعور

كل هدفه توريث الواد

و لو على جثث مليون مصرى

مش فارقة معاه ..بناقص

واضح من كلام حبيب فى الجزيرة و على موقع الإخوان .. إنهم لا يمكن يوافقوا على الوريث

يبقى أكيد و لازماً مع نظام الكلب المسعور

إنه حتحصل مواجهة

فهما بيطلعلوه يافطة

مكتوب عليها

إنت مش حتستفرد بينا

لإننا إذا إتحكرنا لازم حنكون فى حركة جماعية مع كتير من الفئات

و لحد ده ميحصل

إحنا يا عم بقولك إنت واقعك إسود

و القادم أسوء

علشان بس متجبهاش مننا و تعملنا شماعة

الإنتخابات جاية فى ألفين و عشرة

فمتسنش سنانك علينا

إحنا سيبينهالك مخضرا و مش ناويين

لا نقاسمك و لا نشاركك و كفاية علينا العمل الإجتماعى

لحد ما ينقشع الغبار

اللى فات ده رؤيتهم اللى غستشفيتها من كلامهم المعلن و المنشور

رأينا إيه بأه ده حاجة تانية

هما صح و لا غلط ده عايز نقاش

لكن ده أبداً ميقللش من إحترامى ليهم

جبهة التهييس الشعبية said...

ايوة يا رامز دي قصة تانية

لكن فيه ايه؟

ده اللي انا اقصده

مش في مجال اننا نناقش فكر الاخوان ورأسماليتهم

هو عشان رأسمالي يقوم يفاجئنا المفاجئات غير السارة دي؟

جبهة التهييس الشعبية said...

يا مي

يعني هم هددوهم بالجيش؟

ماهو معناه ايه ان محمد حبيب يقول الجيش يتدخل؟

هددوهم بالجيش؟

هددوهم بالجيش؟

يا مصيبتي؟
يا مصيبتي؟
ياااااااااااا مصيبتي؟

جبهة التهييس الشعبية said...

لالالالالالالالالالا
لالالالالالالالالالالالالالالا
مش ممكن
انا باخرف وعندي حرارة

جيش ايه اللي ح يهددوهم بيه

اكيد اكيد مافيش حاجة من دي حصلت

Anonymous said...

الكلام في الموضوع ده انتهي عند الاخوان و عاكف قال لن نقبل بجمال رئيسا الا عبر انتخابات نزيهة و منافسة حقيقية

مى said...

بصى يا حبيبة

التهديد مش لازم يكون بصورة مباشرة

لكن إنتى ممكن من خلال تصرفات اللى قدامك


تحسبى

إلى أى مدى ممكن يكون رد فعله

و أعتقد إن الإخوان حسبوها

و كانت النتيجة تصريحتهم النهاردة

يبقى أكيد كانت النتيجة الواضحة أدمهم

إن النظام ممكن يستخدم كل أسلحته


و أوافق م/الحسينى لزومى
فيما ذهب إليه


دعائى لكى بالشفاء

Ahmad said...

هو انتي متضايقة لا سمح الله و لا بس مش فاهمة؟؟
مصيبة تكوني متضايقة
الاخوان عارفين انه وصولهم ااحكم كستحيل عشان ده مش قرار المصريين ده قرار اسرائيل
فهيركبو الموجة مؤقتا كالعادة

مواطن مصري said...

الحكومة و الاخوان لا فارق بينهم

رامز عباس said...

بصي اساسا الاخوان كتنظيم يلعب جيدا بورقه الدين وله انصاره في كل مصر يستطع اعلان اي شيء ولو مخالف للمنطق زى منتي مستغربه


هما بيحاولوا يقولوا علي احداث زى تدخل الجيش لانهم عارفين حجمهم الكبير ورغم كبر حجهم مناصروش العمال ولاا الفلاحين الغلابة اتمني يا نوارة نوعي الشعب بالخطرين

الحزب الوطني اللي كل شريف بيكافح فساده والاخوان


وعاوز انبهك لنقطه لو الاخوان جم الحكم حريه الراي والتعبير هتكون في الباي باي

ربنا يستر

رامز عباس said...

جزء من قصيدة لعلي عبد العزيز

مهداه للراسمالييين الجاشعين من الحزب الوطني وحركة اخوان مهدى عاكف


كان للغلابة وطن
بيرضوا بقليله
يحبوا كل اللي فيه

ارضه وسماه ونيله

يوم الحصاد يفرحوا

ويغنوا ممواويله

كان للغلابه وطن

Ahmad said...

http://www.aljazeera.net/NR/exeres/EDFF7225-0ECB-4585-B237-CF86F0C2C7A1.htm

TAFATEFO said...

وده اللي نشرته رويترز

ahmed samir said...

الأخوان ليهم قواعد شعبية كبيرة قوي
عشان كدة لو اتحركوا كلهم مرة واحدة
الجيش اللى حينزلهم مش الامن المركزي
عشان العدد الكبير

و ثانياً لأن دي حتبقى معركة حياة او موت للنظام
جمال حيمسك يعني حيمسك
فيحستعمل اقوى اسلحته و هو الجيش

عمرو فهمي said...

ردا على الكلام الي فوق

كان فين الاخوان فى 6 ابريل؟ ?

جبهة التهييس الشعبية said...

انا واحدة صاحبة عيا ودايخة ومافياش حيل ارد

عيب على الجميع لما ناس تتهدد للدرجة دي وتقمع وانتوا متفرغين تشتموهم

هم يعني ما يشبهوش نتانياهو اللي رئيس المخابرات راح يقابله والريس بتاعكوا اللي بيهددهم؟

جرا لكوا ايه؟

مواطن مصري said...

الديموقراطية لها انياب اذا تحرك الاخوان او اي جماعة متطرفة مسم او مسيحي متطرف
فسوف تظهر تلك الانياب

:)


:D


شفتي الزمالك قطع الاهليييييييي

مواطن مصري said...

@ احمد سمير لعلمك الاخوان مش عاوزين الحكم هما عاوزين يبقو كدو و هيعملو صفقة مع جمال

أحمد عبد الفتاح said...

متيقلي اللينك ده يرد علي جزء من الكلام
http://www.ikhwanonline.com/Article.asp?ArtID=48084&SecID=211
ده تصريح للدكتور حبيب ان رويترز حرفت كلامه عن التوريث

TAFATEFO said...

هو الناس دي بتشتم في الإخوان ليه

الإخوان ليهم عيبين

1- انهم بيكدبوا .. قعدوا ولا زال بعضهم يردد دايماً احنا مش دعاة سلطة ولا نتطلع للحكم .. وده كدب .. ولو حقيقي يبقى أنيل من الكدب

2- انهم مش مقدرين قيمتهم الحقيقية .. كذا مره اتقال ان القيادات ترفض تعريض البلد لفوضى عارمة وتعريض حياة الناس للخطر .. بس للأسف أنا مقتنع ان عند درجة معينة من استنفار القوى .. تنتصر دون مواجهة تذكر

ووالله الإخوان لو اتحركوا هيبقى عندهم القوه دي .. القوه اللي هتخلي المدافعين يذعروا ويهربوا من المواجهة

الإخوان لو اتحركوا بصفتهم مصريين مش إخوان .. وتحركوا بمطالب شعبية قطاعات كبيرة جداً هتتحرك معاهم .. وهيجبروا النظام على الإصلاحات اللي بيطالبوا بيها بالحسنى وعمرها ما هتتحقق

TAFATEFO said...

طب 6 ابريل .. نور ركبها .. وممثلين ركبوها

أهو عدم مشاركة الإخوان في 6 ابريل بينت حجم نور الحقيقي .. والإخوان قالواانهم هيشاركوا في فعاليات الجامعات اللي أعلن عنها قبلها

وايه حكاية 6 ابريل 6 ابريل؟؟ 6 ابريل 2008 بتاع المحلة .. وناس ركبته وعملوا فيها أبطال وهما لا ليهم في الطور ولا في الطحين

مع تحيات البطلة الشهيدة ساره فتحي

جبهة التهييس الشعبية said...

عندي بس تحفظ على موضوع ستة ابريل

ستة ابريل الاولانية نجحت بالعمال والاخوان ما شاركوش فيها

اربعة مايو اللي بعدها الاخوان شاركوا فيها وفشلت

ومشاركة الاخوان من عدمها في الاضرابات بالذات ما كانتش بتعمل فرق

واحنا دلوقت مش في معرض لتقييم الاخوان
اظن دول عشرة عمر يعني وكلنا عارفينهم

المهم دلوقت ايه اللي حصل لهم عشان يحصل ده كله

انا باسأل ليه

لان لو الحكومة حطت الاخوان تحت ضرسها لدرجة انهم يخافوا كده يبقى ح يعملوا فينا احنا ايه واحنا ضهرنا للحيط

ايه فيه ايه؟

احداث سبتمبر جديدة وللا ايه؟

Maga said...

د. حبيب: "رويترز" حرفت تصريحاتي حول موقفنا من التوريث

http://www.ikhwanonline.com/Article.asp?ArtID=48084&SecID=211

ahmed samir said...

انا متفق مع كلام مصطفى

****
@ مواطن مصري

يعنى رأيك انهم مش عايزين الحكم
طيب عايزين ايه؟

TAFATEFO said...

يا ستي ده رويترز حرفت تصريحات حبيب .. وجه حسين عبدالغني اجتزء تصريحات رويترز

كلام حسين عبدالغني عن الجيش كان اجتزاء لموضوع المظاهرة المليونية (أو مئات الآلاف) ومبرر التنسيق بين الإخوان والسلطة بسببها (واللي أنكرها أحد رجال أمن الدولة في تقرير رويترز) .. المظاهرة دي لو متمتش بالتنسيق مع الدولة هينزل الجيش طبعاً

يعني رويترز حرفت واجتزءت من كلام حبيب .. وحسين عبدالغني قال اللي فهمه واللي افتكره من تقرير رويترز

TAFATEFO said...

وكمان رويترز ولاد اللذينا منزلين التقرير بعنوان منيل بنيلة

الاخوان المسلمون في مصر لن يخاطروا بمواجهة مع الدولة

وهنا حدث اللبس

TAFATEFO said...

لو الحكومة حطت الاخوان تحت ضرسها لدرجة انهم يخافوا كده يبقى ح يعملوا فينا احنا ايه واحنا ضهرنا للحيطقصدك يعني ان الإخوان هما اللي ظهرهم للشجرة .. ولا تقصدي انهم مدفوعين ومسنودين على إيران .. وان إيران بتمولهم لنشر الفكر الشيعي وبث الفتنة الطائفية

ألا صحيح؟؟ كل المتهمين ما عدا سامي شهاب سنة (على ما أعتقد) .. امال ازاي بيتهموهم بنشر الفكر الشيعي؟؟

بيقولك الشيعة بيصلوا من غير وضوء .. وده شرعاً مكروه

TAFATEFO said...

وعلى فكرة النهارده للمرة الأولى الصحف متصدرتهاش عناوين عن خلية حزب الله

تفتكري انهم قرروا يلموا الموضوع؟؟ ولا أنا اللي مبصيتش كويس؟؟

سؤال كمان : هو ليه الحكومة وكل رجالها لما بيحبوا يلبسوا حد بيدخلوها في الدين .. و معرفش حد فيهم بيصلي غير زكريا عزمي

جبهة التهييس الشعبية said...

لا هم تنظيم
لكن احنا على باب الله

جبهة التهييس الشعبية said...

هههههههههههه
ايه موضوع بيصلوا من غير وضوء ده؟

انا مش قايلة لك لما تهزر تبقى تديني كلاكس كل حاجة جايزة دلوقت؟

TAFATEFO said...

بيب بيب

احنا على باب الله.

يحنن

مواطن مصري said...

ابو حميد الاخوان الوجة الاخر للحكومة فزاعة بيستخدموها لضرب المعارضة الشريفة و تكفيرها

mido said...

نوارة لو سمحت اعملي تحديث بنفي محمد حبيب لما نشرته رويترز

احساس لسه حى said...

عزيزتى

اكيد تحرك الاخوان النظام مش بيتعامل معاه زى اى تحرك من اى اتجاه فى مصر

وكلامه واضح جدا ومعناه وجيه ومقبول

سلام

احمد سعيد said...

انا بحترم الاخوان كفكر
وبعارض بعض سياسات زعمائها فى الفترة الاخيرة

طيب دلوقتى هما خايفين يتحركوا لوحدهم عشان النظام ميستفرضش بيهم

طيب كويس قوى

هل البديل انهم يحطوا رجل على رجل ويقعدوا يسخنوا الناس عشان الناس اللى تتحرك وياخدوا هما النصر السياسى عالجاهز؟؟؟

اعتقد ان الفكرة دى مستفزة

ومع الاسف الاخ مهدى عاكف نفذها كذا مرة

ودة خسر الاخوان كتير من مصداقيتهم فى الشارع


دا غير الصفقات المضروبه اللى النظام ضحك عليهم بيها وطلعوا بلوشى فى الاخر

ودة برضه خسرهم كتير من مصداقيتهم


بالنسبه لموضوع الجيش

دة فزاعه النظام بيخوف بيها معارضيه

لو البلد كلها قامت


ونا بقول كلها مش مدينه ولا محافظه


البلد قامت بجد وبرجوله


ولو المليون ونص عسكرى امن فشلوا فى قمعها


وطلعوا السلاح اللى متشون فى المخازن ولسه مستعملوهوش الى الان وفشلوا برضه


اعتقد ان ساعتها الجيش مش هيقدم جديد

لكذا سبب

اولا ان الجيش متهالك فعلا

ثانيا ان التدخل العسكرى لن يتم الا عن طريق قوات المشاة والمدرعات

ودول لن يقدموا جديد

شرط حاجه واحدة

ان الناس تفضل متماسكه وماتخافش من الدبابه

الدبابه مش هتخش ورا الناس الحوارى

وممكن جدا يتعملها فخاخ

اينعم مش هتدمرها طبعا

بس هتوقفها

وبكدة هتكون اهميتها معدومه

اما المشاة

فقوات قليله جدا

لن تؤثر فى الصورة بعد فشل ملايين الداخليه

كما انها تدريبها اسوأ بكتير من الامن المركزى

كما ان ولائها مش مضمون

يعنى وارد جدا انضمام عناصر كتييير من الجيش لصفوف الشعب

والعدد القليل يكمن فى انه مش هيحصل استدعاء ولا تعبئه

اللى هما اساس القوة

مش معقوله هنقولك تعالى من الشارع اللى بتحاربنا فيه والبس خوزة وامسك سلاح وحارب نفسك!!!

يعنى الجيش لن يضيف جديد للمعادله للعناصر اللى قولتها بالاضافه لعناصر اخرى تتعلق بنوعيه التسليح والخطط

الشعب لو ثار قدامه 3 عقبات بس

اولا اليأس

ثانيا الجبن

ثالثا الامن المركزى

لو تغلب على التلاته دول

اعتقد انه لن تقف امامه اى عقبات اخرى

كما ان قادة النظام ليسوا بالقدر الكافى من الشجاعه عشان يحاربوا حتى اخر نفس

دول من اول قلم هيفلسعوا على برة

يعنى الكلام اللى اتقال دة كلام فارغ

والنظام عمرة ماهينزل الجيش عشان الاخوان

ولو الشعب كله اتحرك الجيش مش هيقدم جديد

انا حاسس ان فيه بوادر صفقه جديدة من الصفقات الفاكسه اياها

والكلام دة مجرد تلكيكه من الاخ ليستخدمها كمبرر للتنازلات اللى هتحصل بعد كدة


اة

محنا خايفين من الجيش بقى

ومش فى ايدينا حاجه

انا بحترم الاخوان جدا على فكرة

الا انى مخنووووووق جدا من سياساتها الاخيرة

وواضح ان زمن ما بعد عاكف هيكون اسوأ

ربنا يستر عليهم

من القيادات الغبيه

TAFATEFO said...

فزاعة بيستخدموها لضرب المعارضة الشريفة و تكفيرها.

يضربوا المعارضة الشريفة؟؟ أتاريهم مش نافعين في حاجه

صدق اللي قال .. اللي ييجي على الولايا عمره ما يكسب

TAFATEFO said...
This comment has been removed by the author.
فؤاد عبدالله said...

برأي الشخصي الاخوان المسلمين سنيور انتهوا من اللحظة التي سمحوا فيها باستخدامهم من قبل السعودية والنظام المصري في الحرب على المعارضة في الوطن العربي وعلى الروس ضمن الحلف مع المعسكر الغربي
واصبحت الاخوان المسلمين سينور عبارة عن شركة ضخمة لتوريد الانفار وتأجير الكفاءات لكل نظام راغب
والاخوان المسلمين سينور جزء من تركيبة الوضع القائم ويضيرهم ان يتغير الى مجهول يخافونه على مصالحهم التي اتسعت وثروات بعضهم التي جاوزت الحد
يبقى الكلام عن الاخوان المسلمين جونيور وهم باعتقادي الامل الحقيقي الذي ينبغي الرهان عليه

جبهة التهييس الشعبية said...

انا برضه مش عارفة افهم دلوقت
هو ايه وجه شتيمة الاخوان حاليا دلوقت؟

يعني افهم الناس تعترض على الاخوان لما يترشحوا للانتخابات

لكن دول منسحبين من كل حاجة والموضوع كده شكله يخض

وواحد طالع يقول الجيش ح يتدخل

اللي فاهم حاجة يقول لي

اللي مش فاهم حاجة
وقته دلوقت شتيمة الاخوان؟ وللا هي بقت موضا؟ كل اللي عايز يبقى مثقف يشتم الاخوان؟

مواطن مصري said...

يا ننوارة النظام عمل صفقة مع الاخوان خلاص هيمسكو جمال في نفس الوقت هتستخدم الاخوان و الجامعات اياها و دة غير بكري الخ في تشويهة صورة اي شخص يقف امام جمال


الصورة واضحة وضوح الشمس


الناس مخدوعة في الاخوان عشان بيقولو قال الله و قال الرسول مش اي حد يقول كدة يبقى على طول هما صح


الاخوان صناعة امنية مية في المية

فؤاد عبدالله said...

نوارة هانم

اسهامات الاخوان المسلمين على الكثير من الصعد ستبقى ولا يستطيع ان يجحدها كاره او ان ينساها محب
ولكنها للاسف وبرأي الشخصي جسد من ذهب بعقل من تنك
ومفاصل من زجاج
والاخوان سنيور لم تكن على مستوى المسئولية الشرعية والتاريخية في الكثير من المحطات المعاصرة
والاخوان جنيور بحيويتها وصدقها واندفاع شبابها لكل خير هي الامل الذي نراهن عليه
اذا كان كلامي شتيمة انا اعتذر عنها واصر على مضمونها وانا اخوان

مواطن مصري said...

و بعدين هما لازم الاخوان يكونو البديل عندنا ناس محترمة

عندنا حزب الجبهة اسامة غزالي حرب راجل محترم و حزبة بقى لية جمهور في الشارع

عندنا الدكتور البرادعي بيقال ان الوفد هيرشح البرادعي للرئاسة لو كدة انا هنتخب البرادعي

لو حبكت من الحزب الحاكم ممكن قوم رشيد على جمال

على فكرة رشيد محمد رشيد لية كاريزمة و مقبول في الشارع المصري دةة غير انو مدني

و بتاع تجارة و صناعة

انما الجماعات الدينية في مصر معندهاش برنامج واضح دة حتى حزب الاخوان المزعوم


يمنع مشاركة الاخوة المسيحين و المرأة فية يعني حزب عنصري زي بتاع هتلر



و لية مثلا العمال ميعملوش تكتل و يعملو بديل يرشحوة في انتخبات الرئاسة؟؟

مواطن مصري said...

وقال حبيب ان الاخوان المسلمين لن يعارضوا سعي جمال الى المنصب اذا جاء ترشيحه مع اصلاحات مثل انهاء قانون الطواريء واعادة الحريات المدنية واجراء انتخابات حرة ونزيهة وهي شروط قال حبيب انه ليس من المرجح ان تفي بها مصر.

http://www.masrawy.com/News/MidEast/Reuters/2009/April/23/774204.aspx

ها وضحت الصورة

جبهة التهييس الشعبية said...

لا يا مواطن
انا سامعة محمد حبيب بودني في الجزيرة وهو بيقول ترشيح جمال مبارك فيه خطر شديد على الحياة السياسية كلها في مصر

الاخوان مش ح يعارضوا لانهم منسحبين من العمل السياسي وانا عايزة افهم ليه؟

ايه اللي حصل يعني؟

مصر 30 said...

للأسف أنا مكنتش متابع أى حاجة من اللى حصلت او اللى إتقالت و بالتالى ماينفعش أقول رأيى فى أى حاجة .. بس اللى لفت إنتباهى كلمة إن الجيش يتدخل و دى كلمة غريبة جدا !!! ماعرفش إذا كان ده تهديد إتقال فعلا ؟ هل هو توقع مثلا ؟؟؟ فى كل الحالات ده يبقى كلام فارغ و فرقعة إعلامية ودوشة هدفها الشوشرة على حاجات تانية بتحصل .. لأن فى ظل التعداد الضخم جدا للأمن المركزى و فى ظل تسليح الأمن المركزى الرهيب و اللى يوازى تسليح جيش بإستثناء المدفعية الثقيلة و الدبابات و الطيران .. فمين اللى يحتاج إنه يستخدم الجيش قدام الناس و هو عنده تجهيز زى المن المركزى بالإضافة لأن الجيش مبقاش مجهز إنه يواجه مظاهرات او شئ من هذا القبيل و الأكثر كفاءة منه فى مواجهة الشعب او أى مظاهرات او إضرابات هو الأمن المركزى و اللى تم تدريبه و إعداده نفسيا للمواقف دى ... يبقى كلام التهديد بالجيش ده كلام فارغ الهدف منه اى حاجة تانية غير إنه يبقى تهديد فعلا

مصر 30 said...

دلوقت بعد ما قريت المكتوب فى الجزيرة و رويترز و موقع الإخوان من الواضح إن لا حصل تهديد و لا حاجة و إن كلمة الجيش و التى لم يأت ذكرها إلا فى رويترز لم يكن المقصود بها على ما أعتقد إلا شكل من أشكال صيغ المبالغة و إستخدام كلمة قد يكون لها تأثيرها فى الغرب الذى قد لا يدرك تماما معنى كلمة الأمن المركزى ... و بالتالى فإن الموضوع خد حجم أكبر من حجمه لأنه لم يقل ما لا نعلمه .

سامر said...

1 قائد ذو رؤية وصادق ولديه الاستعداد للتضحية بنفسه
2 طليعة واعية ومخلصة لهدفها وقيادتها
3 عمل متصل على الارض لايهدأ ولا يقبل بانصاف الحلول ولا يبالي بالحسابات المادية
4 النصر طال الزمان او قصر

1 قيادة تشبه البيروقراطية الفرعونية
2 طليعة من المثقفين والمنظرين ومخلصة لقيادتها البيروقراطيةاكثر من اخلاصها لهدفها
3 عمل ظرفي يصعد مع موجات الصعود وينحدر معها ويتعامل مع اهدافه كما يتعامل التاجر الحريص مع تجارته يقدم اذا كان هناك يقين بالربح ويحجم اذا ظن انه سيخسر
4 الاحباط والهزائم طالت المسيرة او قصرت

Anonymous said...

أحمد سعيد : انت بتهزر ؟ تدريب الأمن المركزي افضل من الجيش ؟

mido said...

أظرف حاجة يا أحمد ان السيناريو اللي قلته لنجاح العصيان المدني مش هو اللي خايف منه الاخوان ! هم خايفين يتحركوا لوحدهم و هنا قمعهم حيكون سهل زي حبيب مقال

Anonymous said...

ده رد الراجل علي اللي اتقال انه كلامه
http://www.ikhwanonline.com/Article.asp?ArtID=48084&SecID=211

Anonymous said...

يا مواطن يا مفترى

ده كلام حبيب المنقول من على موقع الاخوان
أشار حبيب إلى أن جمال مبارك وحزبه ليس لديهم أي نية صادقة ولا رغبة جادة في الإصلاح، وأن كل الممارسات تدل على الاستئثار بالسلطة والانفراد بالحكم؛ مما أدَّى إلى أزمة الحكم المتمثلة في الاستبداد والفساد، علاوةً على الإخفاق في التعاطي مع المشكلات الحياتية التي يعاني منها المواطن المصري.



وشدد على أنه ليس لجمال مبارك وحزبه الاستعداد لإزالة القيود التي وُضعت في الانقلاب الدستوري "بتعديل 34 مادة منه"، حتى يستطيع أي مواطن مصري الترشح لمنصب رئيس الجمهورية ويعود القضاة للإشراف الكامل على الانتخابات، وتطلق الحريات العامة، وتنتهي حالة الطوارئ، وتُلغى المحاكم والقوانين الاستثنائية، وكذلك المادة 179 التي وضعت الوطن كله في دائرة الاشتباه.



وأضاف د. حبيب متسائلاً: هل يمكن لجمال مبارك أن يبتعد عن سلطان أبيه والإمكانات الضخمة وغير المحدودة والمسخرة تحت يديه ويصبح رجلاً عاديًّا شأنه شأن كل المواطنين؟، وإذا حدث ذلك كله فليس هناك ما يمنع في أن يترشح جمال مبارك كأي مواطنٍ مصري للانتخابات الرئاسية، غير أنني أشك في ذلك تمامًا.
انتهى
اقطع دراعى ان مكنتش يا مواطن حضرة الظابط لواء عقيد امل دولة سيد رجل الفلكة عشان تشوفى يا بنت ابونا نجم انتى مهمة اد ايه معينينلك واحد مخصوص
ماشية معاكى يا ستنا





مواطن غلبان
سيد الستمونى

TAFATEFO said...

يا مواطن خب مصراوي هو نقلاً عن رويترز .. يعني نفس التقرير اللي حبيب أكد ان فيه مغالطات

وبعدين برادعي ايه بس .. الوفد ميقدرش يرشح البرادعي ولا أي حد لأن الوفد محصلش على 5% من المقاعد النسابية في الانتخابات الأخيرة ولا هيحصل عليها في الانتخابات الجاية .. وحزب الجبهة تأسس في 2007 .. فمبيتهيأليش من حقه يطلع مرشح رئاسه أصلاً علشان المفروض يكون مضى على تأسيسها 5 أعوام .. وبرضه صعب حزب الجبهة ياخد 5% الانتخابات اللي جاية

ريح نفسك يا مواطن .. مفيش في مصر حد قادر (تفاؤلاً يعني مش لازم يقدروا فعلاً) على الحصول على دعم الأعداد المطلوبة للترشيح "يؤيد المتقدم المستقل للترشيح‏250‏ عضوا على الأقل من الأعضاء المنتخبين لمجلسي الشعب والشورى‏,‏ والمجالس الشعبية المحلية للمحافظات‏,‏ على ألا يقل عدد المؤيدين عن ‏65‏ من أعضاء مجلس الشعب‏,‏ و‏25‏ من أعضاء مجلس الشورى‏,‏ وعشرة أعضاء من كل مجلس شعبي محلي للمحافظة من ‏14‏ محافظة على الأقل‏,‏ واستكمال الـ ‏20‏ الباقين من المجالس النيابية والمحلية‏" .. مفيش حد قادر على حشد الدعم لمرشح غير الإخوان

وبعدين افهم كلام حبيب وابقى اتكلم .. هو بيقول ان محدش يقدر يعارض ترشيح جمال لو تم بطريق دستوري .. انما المواد التفصيل والقوانين الاستثنائية وتزوير الانتخابات النيابية وبعدها نتائج الانتخابات الرئاسية ده اللي الكل بيعارضه

TAFATEFO said...

الاخوان مش ح يعارضوا لانهم منسحبين من العمل السياسي..

فين بس الكلام ده يا نواره هانم؟؟؟؟ فين مكتوب ده؟؟!! محدش قال كده خالص .. ومحدش أصلاً يقدر ياخد قرار بكده

Ahmed Al khashab said...

اللى عمال يتكلم و يقول الإخوان وجه اخر للنظام و عملوا صفقات معاه و اشتغالات مش ليها لازمة

حضرتك جبت الكلام ده منين

يعنى أنا إيه اللى يخلينى أنزل انضرب و اعتقل و الاقى مخبر لازق لى فى الرايح و الجاى و فلوسى تتأخذ و اتبهدل

علشان أكون حسب وجهة نظرك أنى بعمل مسلسل مع الحكومة على الشعب

و يا ترى بقى فى الحلقة الثلاثين كعادة المسلسلات المصرية الأمور هتفرج علينا و نأخذ حاجة
و لا احنا شرير المسلسل اللى هيأخذ على قفاه برضه
ده غير ضرب القفا اللى كنا بنأخذه طول المسلسل

أنا مش فاهم انت بتتكلم على إيه
أنت فى قاعد فى بيتكم
تتكلم على النت و لا شفت بهدلة و لا شفت حاجة

احنا بنضرب على قفانا كل يوم
انا بخرج كل يوم من بيتنا و كل خطوة بمشيها جوايا الف هاجس انى هأعتقل و اتبهدل و يطلع عينى

وفى الاخر الاقى واحد زى حضرتك شايفنى منفوخ ضرب
و تقولى ده اكيد مكياج انا حاطه

انا طول عمرى مش بتفقع من اللى بيكسل يعمل حاجة على امل انه هيقوم بس مش عنده مقدرة حاليا

بس بتفقع من واحد نايم و عمال يكسر فى ناس بتشتغل بداله

انا اسف استاذة نوارة على إستخدامى لغة قاسية فى الرد
لكن الأستاذ اللى عمال يختلق أكاذيب فقعنى اخر حاجة

ahmed samir said...

@ مواطن مصري

يا حاج حرام عليك
مين دول اللي صناعه أمنية
الاخوان تنظيم من ايام الملك يا حاج

و أما هما متفقين مع النظام
ليه كل شوية يقبض على بتاع عشرين تلاتين واحد منهم فى المحافظات؟

انا مش بشجع الاخوان لكن مش لدرجه انهم فزاعه عملها النظام

هرطقة said...

انتى مستغربة ليه شتيمة الاخوان
الصراحة انا مستغرب رد فعلك على المكتوب
من امتى الاخوان ليهم موقف وطنى
طول عمرهم جماعة واطية همها مصلحتها بس
وعلى كده.. أى حجج أو تخوف أو مواقف مقلوبة بتبقى مفهومة منهم
دول بيحفوا بقالهم سنين على صفقات مع العصابة الحاكمة
العصابة هى اللى تقلانة عليهم

محمود سعيد said...

فى الحقيقة أنا كمان مش فاهم بالضبط فين المشكلة

هل المشكلة فى الكلام فى أنه مش صادق أو مش دقيق
فى حكاية أنه بيقول مش هانتحرك لوحدنا
بينما هو مش دقيق فى أنه متصور أنهم لوحدهم وهما فى الحقيقة مش لوحدهم

ولا أصلاً فى منهج مش هنتحرك لوحدنا
فى المبدأ ذاته ولا فى التصريح اللى إنتى شايفة إنه مش دقيق ده
يبدو من كلامك أنه عن كون كلامه يفهم منه أنه مفيش حد بيتحرك بينما الحقيقة إن الناس بتتحرك وده اللى إنتى معترضة عليه صح ؟

إذا فأنا رأيى إن الإخوان حالياً متفقين كمبدأ أنهم لا يشاركوا فى تسييس ما هو غير سياسى فى أصله
ومن وجهة نظرهم إحتجاجات العمال والفلاحين هى إحتجاجات فئوية للمطالبة بحقوق مهضومة
وأنه لا فائدة من ركوبها سياسياً .. ومن الأفضل لها أن تبقى فئوية وأن تكون مفرقة غير مجمعة

والإخوان مش نقابة عمالية مثلاً
هما تواجدهم الإعلامى حالياً وفى سياق الحوار الصحفى ده بوصفهم مجموعة سياسية وهو هنا بيتكلم عن التحرك السياسى

والإخوان مش مجرد مجموعة سياسية والسياسة جزء منهم
فيهم طلبة فى الجامعة .. وفيهم كمان طلبة فى الثانوى
وفيهم عمال وفيهم مهنيين (وجوه المهنيين النقابات)
وكل ديه أقسام فى الجماعة ولجان

المفروض يكون السؤال بتاعك هل بيتحركوا كعمال إخوان فى الاحتجاجات العمالية ولا ومبيتحركوش
هل بيتحركوا كإخوان فى النقابات واحتجاجات الأطباء والصيادلة ولا ومبيتحركوش
هل بيتحركوا كإخوان فى العمل الطلابى ولا ومبيتحركوش

بينما واضح ليا من سياق حوار د.حبيب أنه بيتكلم عن مشاركتهم كإخوان فى العمل السياسى

أما لو كان فى المبدأ فده كلام تانى

Ahmed Al khashab said...

يا حاج هرطقة
فكك يا عم الحاج
إخوان إيه
دول جماعة دينية
خليك فى الهرطقة بتاعتك احسن

يا رب و كمان مرة يا رب
ربنا يفتح عليك
و نشوفك بتحج قريب
قول معايا آمين

TAFATEFO said...

من امتى الاخوان ليهم موقف وطنى.

ولا سافروا غانا مع مشجعي ليبتون .. ولا شجعوا بذمة في ماتش زامبيا

طول عمرهم جماعة واطية همها مصلحتها بس.

رفعت السعيد يا اخواتي

جبهة التهييس الشعبية said...

اه
رفعت السعيد متنكر في كذا اي دي

وان حد يرد عليا ويقول لي ايه بالظبط اللي حصل؟

ابدا

جبهة التهييس الشعبية said...

بس غريبة
ماحدش دخل وقال قتلة النقراشي ليه؟

TAFATEFO said...

هو النقراشي مات؟؟

لا حول ولا قوة إلا بالله .. سبحان من له الدوام

TAFATEFO said...

ومفيش حاجه حصلت أصلاً

حوار لرويترز مع د. محمد حبيب .. حرفت رويترز التصريحات

بس

Anonymous said...

مواطن مصري
يارب الزلعة اللي انت شايلها تنكسر
على دماغك

مهندس مصري said...

ما هو بالمخ كده حتخشي إنتخابات إزاي بدون إشراف قضائي

حيتم منع المرشحين من تقديم اوراق ترشيحهم اصلاً
يعني منع من المنبع

و اللي حيترشح حيتم التزوير ضده و غسقاطه
يبقى الترشيح في ظل الظروف دي هو ضحك على النفس قبل ما يكون ضحك على الناس
و اللي مش مصدقني يراجع انتخابات الشورى و المحليات الاخيرة اللي تمت بدون إشراف قضائي

احمد سعيد said...

الاخ احمد الخشاب
...............

ماهى المشكله فى اللى انت بتقوله دة

النظام بيحيد الاخوان فى بعض المواقف

والاخوان مصابين بتردد كبير

والمشكله انه دايما ييجى فى الوقت اللى محتاج للحسم

ومعركه النفس الطويل اللى بيقولوا عليها

واللى انا شايفها فى صالح النظام مش فى صالحهم خااااااااااالص


طيب


فيه ايه فى المقابل

المقابل ان اكتر ناس بتتبهدل فى البلد هى الاخوان

انا ليا جارى شيخ كبير فى السن من الاخوان

كل كام يوم ييجوا ياخدوة من بيته وش الفجر

طيب

لما انتو متبهدلين وطلعان عنيكوا

يبقى ليه التردد

وليه التخاذل احيانا زى ماحصل فى 6ابريل 2008

جيش ايه وبلا ازرق ايه اللى حبيب خايف منه

طب ماهو ايام عبناصر الاخوان كلهم كانوا اما فى السجون او على المشانق او فى الترب

وماتسحقوش يعنى ولا حاجه

وراحت ايام عبناصر وراح صلاح نصر وحمزة البسيونى

وبقيوا الاخوان فى الاخر


دلوقتى الاخوان بيعملوا ايه غير انهم بيتكلموا

وبيتبهدلوا


عالفااااااااضى

ونا بقولها

بهدلتكم دى بدون طائل

الا الاجر والثواب طبعا

ودة مش بسبب فكر الاخوان

دة بسبب بعض القيادات المترددة والمتخاذله احيانا

دة اللى خانقنى ومزعلنى
وحارق دمى

اعتقد ان الامام حسن البنا لو كان عايش

مكانش هيرضى باللى بيحصل دة


انا بوجهلك كلامى لانك كما يبدوا من كلامك انك من الاخوان


اعتقد ان الصورة عندك اوضح من عندى

انت رأيك ايه ؟؟؟

Some One said...

ياجماعه !! ازاي الجيش يحاب اهله ؟

هم العساكر في الجيش دول مش اهلنا ؟

يعنفي تفتكرو لما الشعب كله يقوم والجيش تدخل الجيش هيحارب اهله ؟ يعني اخويا او قريبي في الجيش هييجي يضربني ؟ ولا يضرب اهلي ؟

الموضوع بعيد جدا طبعا لو الشعب كله قام مره واحده الجيش عمره ما هيعمل حاجه


دا بخلاف اساسا ان الي في الجيش زهقانين من الي دخلوهم ومن الحكومه والي بتعمله فيهم


ماعتقدش ان الجيش هيضيف جديد واعتقد اصلا انه ساعتها مش هيكون في جيش .. بس ممكن يكون في انقلاب عسكري تاني لو في ظباط اتحدو وعملو زي ثورة يوليو

بالنسبه للاخوان .. ممكن يكونو بيهدو اللعب مع الحكومه بعد ما اتهمتهم بالتعاون مع حزب الله وحماس فقالو ان صورتهم كدا هتهتز فبدأو يطلعو تصريحات تلخبط الناس

Anonymous said...

مهم الاخوان صناعة الاحتلال الانجليزي كما هي حماس صناعة اسرائيلية -- رأي احد المثقفين المصرين

Ahmad said...

برضه مش فاهم
لما الاخوان هما القوة الوحيدة الحقيقية الي ممكن تحشد مؤيدين ليها في انتخابات الرئاسة
سواء من المجالس النيابية او الشعبية او من الجماهير
ليه ينسحبو و يسيبوها لجمال لو غرضهم الاصلاح
انا الي اعرفه عن الجهاد في الاسلام غير كدة خالص
مقصدش قتال اقصد ايجابية الجهاد الي قريت عنه مكانشي فيه نقطة سلبية واحدة
باي وش تنتقدو موقف الحكومة لما كانت ضد حماس في الفترة الي فاتت و قالت انها بتجر الحرب و الدمار علي الشعب الفلسطيني كله
و جايين دلوقتي تدافعو عن الاخوان لما رجعو و حسبو حساباتهم و قرروا ينسحبوا
مش غريبة شوية؟؟؟

TAFATEFO said...

@Ahmad

ينسحبوا من ايه؟؟ وايه علاقة ده بحماس وغزة؟؟

Anonymous said...

ولما احب اكلم الشعب المصرى اكلم مين؟

هرطقة said...

من 4 سنين تقريبا
لما ظهر الاختراع اللى اسمه كفاية
ولأول مرة يتقال بالصوت العالى لا للتمديد - لا للتوريث
الاخوان عرضوا انهم يعملوا مظاهرات فى حب سونة سنسن
لكن محدش عبرهم
ييجى بقى حد ينفى انهم عايزين يعملوا صفقات بأمارة ايه

مواطن مصري said...

@نيومس انا معك في هذا الرأي

مهم الاخوان صناعة الاحتلال الانجليزي كما هي حماس صناعة اسرائيلية -- رأي احد المثقفين المصرين




ابو حميد الملك عمل الاخوان مع الانجليز لضرب الوفدين و السادات الغلطة الوحيدة انو نزل الاخوان من جديد لضرب اليسارين المعارضين لية يعني

بيخدمو النظام


و الاخوان مش ملائكة عشان واحد يقول انهم مش بيغلطو و صح ع طول


دة غير انا مقتنع كمان ان حماس صناعة اسرائيلية و ميغركمش منظرهم


نوارة فاتك نص عمرك النهاردة فاتك حفلة ريما
:)

Anonymous said...

الاخوان صناعة انجليزية!!وحماس اسرائيلية!!!و انت مواطن مصرى امنى امريكانى





ستامونى

TAFATEFO said...

ابو حميد الملك عمل الاخوان مع الانجليز لضرب الوفدين و السادات الغلطة الوحيدة انو نزل الاخوان من جديد لضرب اليسارين المعارضين لية يعني

بيخدمو النظام
..

4 مرات أقرا الجملة دي لغاية ما فهمتها .. ويا ريتني ما فهمتها

انت هايل يا مواطن .. هايل

الله يرحمك يا سناء يا يونس

Anonymous said...

مصطفى

و ليه مشفتش اللى بيقولك الإخوان حبوا يعملوا مظاهرة فى حب حسنى
!
!
!!!!!!

لكن محدش عبرهم

مش عارف يقصد ايه و فين و إمتى ده حصل

يااااااااااااااري تقولنا يا حاج هرطقة

هرطقة said...

ده بلسان يوسف ندا فى برنامج شاهد على العصر

Anonymous said...

مش يوسف ندا ده اللي معترض علي تنحي المرشد !؟

Anonymous said...

هرطقة

متكلمنيش على برنامج يوسف ندا اللى مش كل الناس شافت برنامجة فمنقدرش نحكم قال و لا مقلش
و اللى كمان عايش فى سويسرا


لكن إنت يا باشا عايش فى مصر
عمرك سمعت انهم نظموا و لا حتى فكروا ينظموا مظاهرة لحسنى

و لو عايزين ينظموا بالعقل كده منفعتش ليه زى ما انت قلت
لقلة العدد مثلاً!! و لا حسنى منعهم يأيدوه

و لا هوه اسهل حاجة نتهمهم بالتعاون مع النظام !! و يبقى القبض عليهم و تعذيبهم و مطاردتهم فيلم من اخراج يوسف شاهين

Anonymous said...

بما إن حماس طلعت صناع إسرائيلية ، يبقى أكيد نوارة نجم كمان صناعة الحكومة المصرية وكل اللى بتعمله ده كاموفلاج ... الله ينور عليك يا مواطن

إلا قوليلى يا نوارة ، إنتى مستحملة الجدع ده إزاى؟ فيه سبب خفى للموضوع ده

Anonymous said...

من 4 سنين تقريبا
لما ظهر الاختراع اللى اسمه كفاية
ولأول مرة يتقال بالصوت العالى لا للتمديد - لا للتوريث
الاخوان عرضوا انهم يعملوا مظاهرات فى حب سونة سنسن
لكن محدش عبرهم


من 4 سنين يعنى 2005 اللى الحكومة قبضت فيها على على
3000 من الاخوان و حبايبهم و نسايبهم
و بعدها بكام شهراحالت مجموعة من القيادات للمحكمة العسكرية
بتهمة مظاهرة جامعة الازهر
اللى مثلوا فيها شهداء حماس

يبقوا ازاى كانوا حيتظاهروا لحسنى

و لا يكونش مظاهرة الازهر كانت للهتاف لحسنى ... بس العيال العملا بتوع الجامعة حولوها لحماس
علشان كده منفعتش!! أى كلام

يا حبيبى احترم عقول الناس

Anonymous said...

بس علشان تعرفوا اد ايه التشوية اللى بيتقال على الاخوان

حتى الواقع اللى احنا شايفونه و معاصرينه من 4سنين



بيزوروه

و تبعاً لهذه النظرية المهلبية يبقى الإخوان صناعة
هتلرية نازية ماسونية انجليزية حكومية

و حماس و حزب الله اسرائيلية ايرانية تركية مشتركة .. للبنات و البنين

Ahmed Al khashab said...

غير معروف
بجد أنت جامد موت
أضحكتنى والله

أحب أشكر أستاذ أحمد سعيد على لغة الحوار المحترمة اللى اتكلم بيها
و اتمنى من جميع الناس اللى بتشتم يتعلموا منه الإحترام ده
كان يكون مختلف فى الرأى بس بيحترم الإنسان اللى بيكلمه
فشكرا أستاذ أحمد سعيد

بالنسبة لكلام حضرتك
انا كان كلامى على التخاريف اللى كان عمال يقولها بعض الأشخاص اللى لا غبار على إنهم مش ليهم أى لازمة أساسا
و كانوا يتهمون الإخوان وحماس و كل ما هو إسلامى بالعمالة

أم إن حضرتك تقصد أن الإخوان فيها ضعف
فأنا أرى إن الإخوان حاليا بتعيش فترة سيئة جدا من الضعف و لا أظن أنها مرت به قبل كده

كلامى غريب طبعا ، البعض يرى أنها فى أفضل مراحل حياتها

بس لأن الضعف اللى بتكلم عليه مش يحس بيه إلا أفرادها

احنا ممكن نفصل الموضوع ده فى فرصة تانية علشان الصلاة دلوقتى فمضطر أقوم

بس أنا متفق معاك إن فيه ضعف
رغم إختلافى معاك حول نقطة السادس من ابريل 2008

بإذن الله الله يبقى فيه تانية للحديث حول ذلك الموضوع يا أستاذ أحمد سعيد

و شكرا للأستاذة نوارة على إستضافتها لنا على مدونتها

استأذن علشان الصلاة

مش هتيجى تصلى يا حاج هرطقة

هرطقة said...

مسلى قوى اسلوبك فى الكلام يا أخ مجهول ده
يوسف ندا هو مفوض العلاقات السياسية الدولية في جماعة الإخوان
تقرر تلغى كلامه عشان عايش فى سويسرا
وتتكلم عن "التشويه" عشان انت مشفتش البرنامج
ومكسل (أو خايف) تدور عليه عشان تتأكد بنفسك

هرطقة said...

لأنى رجعت للحلقات شخصيا أحب أصحح خطأ أنا وقعت فيه
ألا وهو التوقيت
عرض الأخوان انهم يتظاهروا فى حب حسنى كان قبل كفاية بعدة سنوات
ونأسف لخطأ الذاكرة