Saturday, 18 April 2009

الصمت والصدى

انا باعيط دلوقت ومش فايقة اتكلم
لما يتعاد فيلم الصمت والصدى على الجزيرة شوفوه واقروا الفاتحة لسعد حلاوة
سلامتك يا مصر
---
تحديث:
الفيلم ح يتذاع على الجزيرة يوم الاثنين بعد الحصاد
ارجوكوا شوفوه... بيتكلموا عن مصر، بس مصر تانية، ومصريين تانيين، واحد فلاح ياخد رصاصة في جبهته عشان معترض اعتراض سلمي على دخول السفير الاسرائيلي لاول مرة لمصر بعد اتفاقية السلاخ يقوم وهو بيموت ياخد دمه من جبهته ويكتب بيه على الحيطة "تحيا مصر عاشت مصر حرة مستقلة" وبعدين يموت... اللي ممكن يعمل كده دلوقت يرفع ايده، انا ايديا على الكي بورد
وطبعا السؤال مش موجه للي بيدافعوا عن سيادة مصر ضد المقاومة والعدوان الفلسطيني على المعبر!!! ولا كانت تخطر على بال سعد حلاوة ولا كان يحلم بيها في اسوأ كوابيسه
الله يرحمه
هم بيوجعوا قلبنا ليه وجايبين لنا الفيلم ده؟ ناس رايحة لواحد جار عليه الزمن وساكن فوق السطوح يقول له فاكر لما كنت أمير وساكن في قصر؟ يا عيني عليك وعلى اللي صابك ... طب ح يعمل لهم ايه غير يحزن على نفسه؟

29 comments:

حـنــّا السكران said...

أنا شفته بالمرتين ..مبارخ و قبل شوية .. و لسه اّخر مشهد تبع سعد حلاوة بيمرّ بخيالي ..الله يرحمه

جبهة التهييس الشعبية said...

انا كنت باشوفه عند بابا والدش قطع عند اغنية مدد مدد

بابا حكى لي لما الاسرى الاسرائيليين جم والناس اتلمت عند محطة مصر عشان تتفرج عليهم

بيقول لي انا كنت رايح وفاكر ان ح يبقى فيه مذبحة خصوصا ان اسرانا في سبعة وستين كانوا سخنين

اول ما الاسرى نزلوا من القطر الناس راحت مصقفة

قلت له بيصقفوا للاسرى الاسرائيليين
قال لي بيعلموهم التحضر
قلت له امال حصل لنا ايه يا بابا؟

قال لي حصل لنا حسني مبارك

هو عمل فينا ايه هو واللي قبله؟ عملوا فينا ايه؟

كنت باتفرج على الفيلم وحاسة انهم بيتكلموا عن ناس تانية وبلد تانية

اديك بتشوف بنفسك الناس بتتكلم ازاي
احنا جرا لنا ايه؟

محمد فريد said...

ياارض الانبياء والاولياء والطاهرين الشرفاء ماذا دهاك لتعادي ابناءك؟
ياارضاً اغرقت فرعون وابتلعت قارون ودمرت جيش التتار وحطمت سطوة المتاجرين بالصليب واعادتهم الى بلادهم بالخزي والعار ماذا جرى عليك حتى تدخلي ثعبان الصهاينة على حرمك وحريمك؟
ياشعباً علم الدنيا كيف تزرع وتطعم شعوبها مالك تأكلين من زاد سمه البغاة قبل ارساله لاطفالك؟
يا بانية الاهرام كيف تسمحين للصخور ان تنتهك حرمة اللحم الطري في مساكن ورقية ؟
ياعملاقة الانسانية من اين تسلل هؤلاء الوحوش الى حكومتك؟
يامن كانت فلسطين في عهدتها وغزة بوابتها كيف تسمحين لتجار الدم وسماسرة الاعراض ان يبيعوا اخوانك في سوق الندامة؟
يامصر يامصر يامصر
اشتقنالك

Shams said...

عايزه اشوفه ما تعرفيش لو موجود على النت؟

حـنــّا السكران said...

http://al-akhbar.com/ar/node/130513

فتاه من الصعيد said...

استاذه نواره ما تزعليش ومعلش الناس متلخبطه...الناس مهمومه ...الناس اديلها كام سنه بتسمع تليفزيون الحكومه..واللى حصلهم انهم موش عارفين يصدقوا مين ويمشو ورا مين...بس الناس لسه بخير صدقينى
على فكره انا سمعت قصه الشهيد ايام الاحتفال باتفاقيه السلام...وبصراحه التعامل الامنى هو هو مااتغيرش...يمكن دلقتى لو حد عمل كده موش هيموتوه ...بس يمكن يأنس فى القسم شويه والمعتقل شويتين
دممتى بخير وبهجه...ان شاء الله

Anonymous said...

احلي حاجة في قناة الجزيرة القطرية ....... انها مش لاقيه تاريخ لقطر تتكلم عنه , وقافشه في رقبت مصر

معلش 7000 الاف سنه هانوديهم فين .... والله ولا ميت زعيم خاين او وطني , ولا ميت قناه برضه تعرف تمسحهم او تشوهم

Anonymous said...

اية البضان الي انتوا فيه دة التعمق في الموضوع دة مش كويس

Dr.Online said...

هوا برنامج و الا تقرير و الا فيلم وثائقي

و اسمه ايه بالظبط ممكن لو عرفنا نشوفه من على موقع الجزيره

Dr.Online said...

بسرعه لو سمحتي

Dr.Online said...

انا عارف ان محدش هنا بيحب موقع لمصريين

بس انا بقراه

و الخبر دا ماشي مع كلام ليكي سابق و يمكن اكتر

http://www.almesryoon.com/ShowDetails.asp?NewID=62827&Page=1

مواطن مصري said...

انا مشفتش الفلم بس عداء طبيعي بينا و بين قطر متمثل في الجزيرة

لية ميجيبوش افلام عن القواعد الامريكية و مساعدة قطر في ضرب العراب ؟؟؟؟

كل سنة و انتي طيبة

جبهة التهييس الشعبية said...

dr. online

فيلم وثائقي

بس رائع
وفني
ومؤثر
وايه يا مواطن اللي انت بتقوله ده؟

مواطن مصري said...

بس لو واحد عمل فلم عن مثلا حكام قطر او قواعد الامريكية بتاعت قطر تفتكري هيتذاع ولا ؟


بس الفلم دة نزل ع اليو تيوب ولا لسة

جبهة التهييس الشعبية said...

احسن يا مواطن

احسن

احنا يدوبك اقزام وما نستاهلش الا اللي بيجرا لنا

يا مواطن الفيلم اللي عامله مها شهبا مخرجة مصرية

والفيلم بيفكرنا بامجادنا ايام ما كنا بني ادمين
وازاي وصلنا لكده وازاي اثرنا على كل اللي حوالينا

ماهي لو مصر كانت بخير ما كانتش قطر استضافت قواعد امريكية
وما كانتش الفصائل الفلسطينية انقسمت

وما كانش اتف علينا من كل ناحية

بس هي مش بخير
وعشان هي مش بخير
فالكل مش بخير

جبهة التهييس الشعبية said...

وبلاش والنبي نغمة القواعد العسكرية الامريكية في الخليج

بلاش خالص

عشان كللللللهم عدوا من قناة السويس

سيف said...

منتصر الزيات كاتب النهارده فى الدستور مقال نارى و بيقول حيرفع قضية على الاهرام علشان فبركت كلام على لسان سامى شهاب

Ahmad said...

مصدر مسئول يكشف تفاصيل جديدة في قضية حزب الله
مؤامرة ضد مصر شاركت فيها أطراف
عربية وإقليمية لإشاعة الفوضي
القاهرة ـ من أحمد موسي‏:‏
صرح مصدر مسئول لـالأهرام بأن التحقيقات الموسعة في قضية حزب الله‏,‏ كشفت عن مؤامرة كانت تستهدف الدولة ونظامها السياسي‏,‏ وتورط فيها دول ومنظمات إقليمية وعربية ومحلية‏,‏ وجري التخطيط لها قبل الحرب علي غزة بنحو عامين كاملين‏.‏ وقال المصدر إن لدي السلطات المصرية تفاصيل المؤامرة وعناصرها‏,‏ ودور كل جهة ودولة تورطت فيها‏,‏ وأشار إلي أن أجهزة الأمن نجحت في وضع يدها علي هذا المخطط التخريبي بدقة‏,‏ وتوقيتات حركته داخليا وخارجيا‏,‏ وتوفير الغطاء السياسي له علي المستويين العربي والإسلامي‏.‏ وكان الهدف تنفيذ العمليات الإرهابية ضد الأهداف السياحية والحيوية‏,‏ بالتزامن مع إحداث قلاقل وتظاهرات ودفع المواطنين للخروج إلي الشوارع في عدة محافظات لإشاعة الفوضي‏.‏ وعلمت الأهرام أن خلية حزب الله تلقت تمويلا ضخما للإنفاق علي مخططها التخريبي‏,‏ وتولت قيادة الحزب تحويل هذه الأموال إلي مجموعة حسابات في بنوك بثلاث محافظات مصرية هي‏:‏ الإسكندرية ومرسي مطروح وأسيوط‏.
-----------------------------------
حزب الله
حماس
ايران
الاخوان
2 من فتح
فنانات مصريات

و دلوقتي جهات و دول عربية و اقليمية

هما هيوصلو لحد فين؟؟

Dr.Online said...

اعرف بس مين

اللي بيكتب المسلسلات دي!؟؟!؟!؟

mido said...

أحمد موسى الامنجى الكبير

اسألوا مصطفى عنه
:D

واضح انهم بيصعدوا الأزمة

Anonymous said...

ماهي لو مصر كانت بخير ما كانتش قطر استضافت قواعد امريكية
وما كانتش الفصائل الفلسطينية انقسمت

وما كانش اتف علينا من كل ناحية

بس هي مش بخير
وعشان هي مش بخير
فالكل مش بخير

وما كنتش الازمة العالمية حصلت
وماكنش حائط برلين وقع
وما كنتش جورباتشوف اتبني منهج البروسترايكا
وماكنتش ايران حاربت العراق
وماكنش صدام غزا الكويت وبعدين امريكا دخلت العراق
وماكنتش جورجيا خبطت معا روسيا
وما كنتش الصين بقت تاني اقوي اقتصاد في العالم

وماكنتش حماس قفشت في رقبت فتح ...... وماكنوش هما الاتنين يحلفوا 100 طلاق انهم ما هيتفقوا ابدا

احمد سعيد said...

ههههههههههههه

ياعم احمد

حد برضه يقرا مقالات احمد موسى

ياراجل دة غلب اسامه سرايا وكرسى عصالله

معلش يعنى

ولو انى مش بحب اشتم عالنت

والتزمت بالموضوع دة من زمان

بس بما انه احمد موسى

فمش هبخل عليه انه يكون صاحب السبق

انه اول واحد خلانى اقل ادبى

لانه انسان عرص وافاق

من شعر رأسه لاخمص قدميه

فعلا يعنى
مش مبالغه

والبلد دى عمرها ماهتتعدل طول مافيها اشكال وسخه زى الكلب دة

:)

جبهة التهييس الشعبية said...

اخرسو

ده انا باحضر لكوا حتة دين بوست

كل واحد يحضر جنبه شفشق كركديه

مواطن مصري said...

نوارة كنت بعتلك تعليق راحلك

انا مهما اختلفت مع نصر الله بس انا ارفض ان يكون فية تصفيات جسدية ضدة او يكون فية عمليات قذرة من نوعية فلم ميونخ

انا مهما اختلفت و لكن فية مصالحة

في اية في القرأن بتقول فيما معانها لو فية فريقين مسلمين اتخانقو نصالحهم الاول لو فشلت المصالحة نقف مع الحق لغايت ما التاني يرجع و يتصالح انا مش متذكر نص الاية

تحياتي

tamer.sala7 said...

ابوس رجلك بلاش

حد فينا يجيله شوجر ولا حاجة

واللي بيقعوا دلوقتي الصغيرين و حيبقي ذنبنا فر رقبتك

e7na said...

فى فيلم الاستاذ محمد ناصر ثلاثون عاما والسلام ذكر حكاية سعد وسليمان خاطر وتنظيم ثورة مصر وزار قبر سليمان خاطر وتحدث لاهله
ما شفتش الفيلم بس هنا مقال لنزار قبانى عن سعد
....
مجنون واحد فقط خرج من هذه الأمة العربية الكبيرة العقل المتنحسة الجلد الباردة الدم ، العاطلة عن العمل .. فأستحق العلامة الكاملة.. فى حين أخذنا كلنا صفرا.. مجنون واحد تفوق علينا جميعا و أستحق مرتبة الشرف فى ممارسة الثورة التطبيقية فى حين بقينا نحن فى نطاق التجريد والتنظير .. هذا المجنون العظيم أسمه سعد إدريس حلاوة .. وعلاماته الفارقة مجنون .. حسب آخر تخطيط دماغ أجرى له فى مستشفى أنور السادات للأمراض العصبية أما بالنسبة لنا ؟ نحن أهل الجنون فإن سعد إدريس حلاوة . كان مصريا مثقفا ، ومتوازناً ، وهادىء الطباع ، نال شهادة البكالوريوس فى الهندسة الزراعية وربط قدره بتراب مصر ، وبالنسبة لتاريخ المقاومة المصرية فإن سعد إدريس حلاوة هو أول مجنون عربى لم يحتمل رأسه رؤية السفير الإسرائيلى يركب عربة تجرها الخيول إلى قصر عابدين فى القاهرة و يقدم أوراق أعتماده إلى رئيس جمهورية مصر . فأخد مدفعا رشاشاً و أتجه إلى قاعة المجلس البلدى فى قرية أجهور فى محافظة القليوبية وأحتجز سبعة رهائن مطالباً من خلال مكبر الصوت الذى حمله معه بطرد السفير الإسرائيلى لقاء الإفراج عن رهائنه ، هذا هو مجنون مصر أو مجنون الورد .. التى تناقلت وكالات الأنباء قصته بأهتمام كبير فى حين قرأ العرب قصته كما يقرأون قبل النوم قصة مجنون ليلى .. وأنا شخصيا ـ وأنا أيضا ـ أحب المجانين وأعتبر نفسى عضوا طبيعيا ً فى حركتهم و أعتبرهم أشجع وأصدق حزب سياسى يمكن أن ينضم إليه الأنسان العربى .. سعد حلاوة كان الأصدق و الأصفى و الأنقى فهو لم يقتنع بأسلوب المقاومة العربية و بيانات جبهة الصمود والتحدى .. فقرر أن يتصدى على طريقته الخاصة ويخترع مقاومته ، إذا كان سعد حلاوة مجنونا فيجب أن نستحى من عقولنا وإذا كان متخلفا عقليا فيجب أن نشك فى ذكائنا .. هو قاوم أفتتاح السفارة الإسرائيلية فى القاهرة على طريقته الخاصة فقاتل وقتل .. فى حين نحن لم نقاتل و لم نقتل .. كل ما فعلناه أننا حملنا ميكروفناتنا .. وبدأنا البث المباشر .. أذعنا أسطوانة أخى جاوز الظالمون المدى وبكينا .. وأستبكينا و فرطنا كل دواوين شعراء الأرض المحتلة .. ورقة ورقة .. هددنا برفع مليون علم فلسطينى لقاء رفع علم إسرائيلى واحد .. أخرجنا من المخازن لافتات نحتفظ بها من أيام وعد بلفور .. ومشينا فى مسيرات أشترك فيها كل الأموات الذين عاصروا الحاج أمين الحسينى وفوزى القاوقجى وأخرجنا من أرشيف الإذاعة كل المونولوجات والطقاطيق والإستكشات السياسية التى نخزنها فى مؤنة البيت وكل الخطابات الحماسية أبتداء من خطابات ميرايور وروبسير و الحجاج بن يوسف الثقافى .. إلى خطابات أدولف هتلر من إذاعة برلين .. وعندما دخل السفير الإسرائيلى ألياهو بن اليسار إلى قاعة العرش وقدم أوراق أعتماده سفيرا فوق العادة و مطلق الصلاحية إلى الملك محمد أنور بن فاروق بن فؤاد بن السادات توقفنا عن إذاعة القرآن الكريم و نصبنا الصلوات و بدأنا نستقبل المعزين .. سعد إدريس حلاوة هو مجنون مصر الجميل الذى كان أجمل منا جميعا و أجمل ما به أنه أطلق الرصاص على العقل العربى الذى يقف فى بلكونة اللامبالاة فى يوم 26 فبراير 1980 ويتفرج على موكب السفير .. و لكن العقل العربى لا يصاب .. فهو عقل مصفح ضد الرصاص و ضد المعارضة وضد الأحتجاج و ضد النابالم وضد القنابل المسيلة للدموع .. العقل العربى عقل متفرج وأستعراضى و كرنفالى لذلك كان لابد من ولادة مجنون يطلق الرصاص على اللاعبين والمتفرجين جميعا فى مسرح السياسة العربية .. ومن هنا أهمية سعد حلاوة فقد أرسله القدر ليقول جملة واحدة فقط ويموت بعدها : هذه ليست مصر .. هذه ليست مصر .. و القصة أنتهت كما تنتهى قصص كل المجانين الذين يفكرون أكثر من اللازم و يعزبهم ضميرهم أكثر من اللازم .. أطلقوا النار على مجنون الورد حتى لا ينتقل جنونه إلى الآخرين .. فالجنون يتكلم لغة غير لغة النظام لذلك يقتله النظام

e7na said...

قولى لى رايك فى القصه دى ضرورى

http://ensazaman.blogspot.com/2009/03/blog-post_29.html

Anonymous said...

Download:

http://www.bramjnet.com/vb3/showthread.php?t=852410

Khaled Selim said...

الفيلم في ستة أجزاء على اليوتيوب
فعلاً يوجع القلب
خصوصاً آخر تلات دقايق

http://www.youtube.com/watch?v=AMKW73st684