Saturday, 23 May 2009

والله العظيم يا جماعة بيتكلموا عليه كأنه جوزنا

ومش أي جوز، ده احنا فلاحة ما بتفكش الخط عندها ست عيال وجوزها بيضربها كل يوم ولما يعيا تعيط عليه بعد ما كانت بتدعي عليه اول امبارح
اهو
قلوبنا مع الرئيس مبارك واسرته
بقلم‏:‏ اسامه سرايا
الذين يبصرون في عمق الشخصيه المصريه قوه هائله قادره علي حمايه مصر وضمان بقائها وقفوا طويلا امام ما جاء به الاسبوع الماضي من حدث اليم اصاب اسره الرئيس حسني مبارك‏,‏ فقد كانوا علي الدوام يصرون علي انه لاخوف علي مصر حين تمر بها احداث كبري‏..‏ صحيح اننا قد نختلف وقد يصل بنا الاختلاف حدود الشطط ولكن هناك قوه تسكن اعماقنا وتنادي بوحده مشاعرنا وجهودنا لتجمع بيننا جميعا فندفع بها الخطر او الحزن حين يصيبنا‏.‏ حيث يجمعنا الخطر علي امننا والخوف علي عزيز لدينا ترتبط به مصائرنا‏.‏ ولذلك توحدت مشاعر المصريين جميعا حول الرئيس مرتين خوفا عليه حين تعرض لمحاوله الاغتيال الاثمه في اديس ابابا واحساسا بمشاعره علي مصابه الاليم حين فقد بالامس حفيده‏..‏ انهما موقفان تطابقت فيهما المشاعر الانسانيه مع الحب والتقدير لشخصه ومسيرته وعطائه لامته‏.
لم يكن هذا الاسبوع مثل غيره‏,‏ فلقد كشف عما ظل مخبوءا في شخصيه المصريين‏.‏ ودفع الي سطح الحياه المليئه بالضجيج والخلاف والاختلاف بقيمه التوحد بين امه باسرها في المشاعر والاحاسيس والوفاء للرئيس المكلوم بفقدان من رعاه طفلا ورجاه شابا وتطلع اليه رجلا في قادم الايام‏.
لقد المت باسره الرئيس محنه قاسيه فاصطف المصريون باطيافهم وجماعاتهم حوله‏,‏ ولم يتخلف منهم احد‏,‏ وشاركوا جميعا الاسره الكريمه الامها وراحوا يمسحون الحزن عن قلوب اعتصرتها لوعه فراق الحفيد‏.
عز علي المصريين جميعا ان يعاني الرئيس الم الفراق في الاعز من الابناء‏.
كبر عند المصريين ان يواجه الرئيس تلك المحنه فاحتملوا معه الاحزان وهوت افئدتهم حبا واكراما‏.
ووفاء لعطائه الذي لم يتوقف‏,‏ وصدقه واخلاصه لامته‏.
ووفاء لمن تحمل عنهم عناء السعي المتواصل من اجل حاضرهم ومستقبل ابنائهم‏.
الذي حدث هذا الاسبوع هو ان امه فزعت وصدمت فعايشت مشاعر الحزن علي امل اسره عزيزه قد رحل‏.‏ ففي لحظات اصبحت مصر كلها امتدادا للاسره المصابه برحيل حفيدها‏.
(على فكرة يا اسامة يا سرايا، أمة يعني نيشن بتبقى بالتاء المربوطة، مش بالهاء، انا عاملة اقرا ومش فاهمه، ايه دخل امه الله يرحمها في الموضوع، فيييييين لما جمعت انه يقصد أمة، ياللي اتحرمتوا من التعليم الفرصة لسة قدامكوا من غير ما تدفعوا ولا مليم الراديو هو يعلمكوا، ياااا اللي قدي ح يفتكر برامج محو الامية اللي كانت بتتذاع في الراديو والتلفزيون، والله فيه ناس اتعلمت عليها)
وتوحدت في مشاعرها وفاء للجد والجده‏,‏ واجلالا لمشاعر الاب والام اللذين اختطف الموت في لحظات فلذه كبدهما واملهما في الحياه‏,‏ وكان وفاء المصريين لاسره الرئيس عنوانا علي الانسانيه الكامنه في عمق الشخصيه المصريه‏,‏ وتقديرا لعطاء هذه الاسره من اجل الرجال والنساء والابناء والاحفاد في ربوع البلاد‏.
ولقد احاط المصريون اينما كانوا باسره الرئيس‏..‏ يالمون لما المها‏,‏ ويجزعون لما اصابها‏,‏ ويدعون الله في كل وقت ان تجتاز محنتها‏,‏ وان يلهمها الله صبرا وسلوانا‏.
اننا نحن المصريين اشد حزنا وجزعا حين خطف الموت منا الحفيد الذي هو الاعز في الابناء‏,‏ وحين نفارق برحيله ذلك الامل الاخضر الذي زرعناه في ارض البقاء‏,‏ وتلك البسمه البريئه التي تتراءي في الافق البعيد‏.‏ ولكن عمق الايمان يتجاوز بنا الم الفراق واحزان الموت فنحتسب عند الله مصابنا‏,‏ واحسب ان هذه المشاعر التي فاضت من قلوبنا جميعا ستكون سندا للرئيس ولكل فرد من اسرته في تجاوز المحنه الاليمه‏.
(هههه مش ممكن، بلدي قوي يا حسين)
ايضا فان شخصيه الرئيس البطل صانع النصر ورجل التاريخ ستكون سندا لشخصيه الرئيس الانسان المومن‏,‏ فتساعدها علي تجاوز المحن لتصنع منها المنحه التي بشرنا بها الخالق عز وجل للصابرين المومنين المحتسبين‏.
قلوبنا اليوم مع الرئيس مبارك‏,‏ وقد تعلمنا منه الصبر علي الشدائد وتجاوز المحن‏,‏ وندعو الله له اليوم بالصبر الجميل وان يجزيه عنا جميعا خير ما عمل لمصر اطفالا ورجالا وشيوخا‏,‏ وندعو للسيده الجليله سوزان مبارك ان يجعل سجل اعمالها في رعايه اطفالنا زادا يعينها علي تجاوز المحنه‏,‏ التي المت باسرتها بفقدان حفيدها محمد علاء مبارك‏.‏ وان تجد في دعاء ملايين الامهات والاطفال الذين وجدوا منها الرعايه والحنان عزاء لها‏,‏ وان يجزيها عن اعمالها لكل اسره مصريه خير الجزاء‏.
قلوبنا مع الرئيس مبارك فهو كبيرنا الذي غير شكل الحياه في ربوع الوطن‏,‏ فعندما يمارس عمله‏,‏ يتغير كل شئ حولنا (ايه ده ايه ده الغباوة دي؟ هو بيمارس عمله بشكل موسمي مثلا؟ لممممما يشتغل ربنا بيكرمنا، لما بقى؟)‏,‏ وقد تحمل عن الوطن الالام الكثيره‏,‏ وهو دائما يستمع لشكوانا‏,‏ ويبني حاضرنا ويحصنه ويحمي غدنا لاطفالنا‏..‏ وفي عصره حصلت مصر علي الامن والامان‏,‏ ولاول مره واجهنا الحروب والاضطرابات بعقليه البناء‏,‏ ووصلت حكمته السياسيه للجميع‏,‏ واثرت في الجميع حتي لمن يتربصون بنا وبه‏..‏ فصان بها الحاضر والمستقبل العربي‏,‏ واستقرت في ضميرنا الواعي وعقلنا الباطن‏.
قلوبنا مع الرئيس مبارك واسرته‏..‏ فلقد وصل مصابه والمه الحقيقي الينا جميعا‏..‏ ونحن نستشعر معه ان فقدان حفيده الاثير صعب ومولم وكبير‏..‏ حيث كان بسمته ومبعث سعادته بعد معاناه والام وصعوبات عمل رئاسي لايتوقف ولايرحم‏..‏ ومع الالم والحزن جاءت لحظه كاشفه لما يخفيه العقل الباطن للامه (مش معقول، هههه، بيفكرني بزينات صدقي: كده خطر على عقلي الباطن) وتبرزه المحنه الا وهو الحب والوفاء عرفانا لجليل الاعمال والادوار والمهام التي قام بها الرئيس في حياتنا جميعا‏,‏ واستقرت في الضمير المصري‏,‏ وهي المشاعر الحقيقيه التي قد تسبق الولاء علي اهميته وضرورته لاستقرار الاوطان ورفعتها‏.
الذي حدث هذا الاسبوع من المصريين وفاء لقائد مسيرتهم وعرفانا بما قدم‏,‏ يكشف عن عمق الحب والتقدير اللذين يملان قلوب كل المصريين نحو الرئيس واسرته‏,‏ اذ لم يتخلف هذا الحب عن قلب مصري واحد اختار لنفسه ان يكون من المعارضين او المويدين في عالم السياسه وشئون الحياه‏.
(يا ابني ابوس رجلك، حط الهمزة والنقط بتاعة التاء المربوطة هو انت بتكتب بالعامي؟ ايه يا سنية؟: انا ح اقرا من غير النقط بقى)
لقد شخصت الابصار وانخلعت القلوب وخيم الحزن علي الجميع‏,‏ وبات الوفاء مصريا قادما من عمق الشخصيه المصريه‏,‏ يذكر الجميع بجواهر الشخصيه المصريه التي حفظت لمصر وجودها عبر القرون‏.
(انا مش قادرة اصدق الغباوة دي، معقولة واحد كاتب مقال طويل عريض ملخصه: مع ان الشعب بيكره مبارك بس صعب عليه؟)
في تلك اللحظه التي ذاع فيها الخبر المشئوم‏,‏ استجمع المصريون من ذاكره الايام مسيره امه في ظل قياده الرئيس مبارك‏,‏ وتداعت الي الذاكره الجماعيه تضحيات رجل نذر نفسه منذ شبابه المبكر لمصر حربا وسلاما وعملا واملا في مستقبل افضل لها ولاجيالها القادمه‏.
واصبح مبارك بتاريخه ومساعيه املا لكل المصريين في وطن امن وعمل دءوب يحقق الخير للجميع (اصبح؟ بعد ما حفيده مات يعني اصبح هو امل؟ اه صحيح، معاك حق، انا بقالي كام يوم هنا عندي امل ما كده، حتى اسأل الشباب هنا)‏,‏ عرفانا بانجازات توالت وصدق لمسناه‏,‏ ووطنيه عرفناها‏,‏ وكانت فجيعته هي فجيعتنا وحزنه هو حزننا‏,‏ فاحطناه بقلوبنا ودعائنا ان يفرغ الله عليه وعلي اسرته صبرا‏,‏ وان يجزيه عما قدم لمصر وامته خير الجزاء‏.
-----
هو مبارك قاصد يحط ناس اغبيا في مراكز كبيرة؟ اصل مش معقولة يكون مش ملاحظ يعني
----------
محمد نصير توفاه الله، الله يرحمه
------------
طبعا الحملاوي اتخلق عشان ينكد عليا: فيديو فين السنيورة بطول الرئيس باراك اوباما
------------
ح يصرفوا ربع مليون جنيه عشان يلمعوا قبة جامعة القاهرة عشان اوباما جاي؟ اغبيا دول؟ هي مفروض تبقى كده دليل على العراقة دي اقدم جامعة مدنية في المنطقة، يا سلااااام، طب ما يبيضوها له بالوان تشرح كده، مثلا خط فستدقي، خط لبني، خط بمبي
عشان الراجل نفسه تهفه على الايس كريم كده ويدخل الجامعة منتعش، وح يرصفوا الشوارع، ويغسلوا التماثيل، ويزرعوا ورد
كل ده عشان ابن نصابة جاي
بس فيه مشكلة، بعد ما يمشي، ح يكسروا الشوارع تاني، سهلة دي، الورد يتقلع، برضه بسيطة، لكن ح يوسخوا التماثيل ويصدوا القبة تاني ازاااااااااااااي؟ ارجو منهم التخطيط من دلوقت

42 comments:

مواطن مصري said...

حسنة قليلة تمنع بلاوي كثيرة


ناس يكتبها و يقف ب المقالة على باب الحسين
هههههههههههههههههههههههه


خدي الخبر دة طلعو القاعدة مش حزب الله


أعلنت وزارة الداخلية المصرية السبت 23-5-2009 أن الشرطة اعتقلت 7 من أفراد خلية تابعة لتنظيم القاعدة، كانوا وراء حادث التفجير الذي وقع قرب حي خان الخليلي الأثري وسط القاهرة، وأدى إلى مقتل فتاة فرنسية في الـ22 من فبراير/شباط الماضي.

وقد أعلن وزير الشؤون البرلمانية والقانونية المصري مفيد شهاب الإثنين الماضي أنه تم توقيف مرتكبي الاعتداء على السياح، الذي وقع في حي الحسين في القاهرة، لكنه لم يقدم تفاصيل وعدد الموقوفين.

وأفادت الوزارة في بيان أن المعتقلين هم امرأة فرنسية من أصل ألباني وبريطاني من أصل مصري وفلسطينيان وبلجيكي من أصل تونسي ومصريان أحدهما امرأة.
http://www.alarabiya.net/articles/2009/05/23/73617.html

مواطن مصري said...

سمعتي اغنية مش باقي مني غير شوية ضي في عينيا؟


دوري عليها و اسمعيها

TAFATEFO said...
This comment has been removed by the author.
بدراوى said...

شوفى التدوينة ديه
فى التبكيت
و امسكى اعصابك

http://tabkeet.blogspot.com/2009/05/bbc.html

بدراوى said...

دودو
-------
اه اتفضلى الفيديو
الخاص بالسيدة العجوز اللى فى المنوفية
كان طلبتها

أخت عندك
اسمها
دودو

انا كتبت اسمها فوق عشان تعرف

http://www.youtube.com/watch?v=0Ytf6aXp9Zg

مهندس حر said...

بقالك يومين عاملة فيها طيبة و أنا عندى أمل و
I have a dream..

عشان تعرفى إنك شريرة.. فيه حد يا مفترية ينقل مقالة كاملة لكلب السرايا عديم المرايا ده..

طب أنا واحد صاحبى كان باعتلى مقالة بتاعت حبيبك الأستاذ قرد بتاع الجعورية فى ذات نفس الموضوع.. جيتش أنا بقى و رحت دالقها هنا و موسخ الأرض و مطرطش على الناس الغلابة.. طب أنا أغسل الشاشة سبع مرات منهم مرة بالتراب إزاى يعنى..
روحى يا شيخة الله يسامحك..

TAFATEFO said...

وطبعاً مقال أسامه سرايا ميجيش حاجه في حبيتشي وحبيةش قلبي ماما عبله ودعاءها لأسرة الأبطال بالصبر (تقولش آل ياسر) وانهم استحملونا كتير

مهندس حر said...

عمنا أوباما.. لازم تعترفى إنه يختلف عن بوش..

ده حاجة تانية خالص.. بوش بالنسبة له مجرد عيل بيلعب ببندقية رش.. يعنى الأخ بوش خالف القانون.. يعنى لا هو أول و لا آخر رئيس أمريكى يعملها.. خالف المبادئ المزعومة للديموقراطية الأمريكية.. برضك مش جديد.. إنما الراجل ده ببساطة عايز يغير القانون و يعيد صياغة المبادئ و هو مبتسم فى هدوء و الناس قاعدين فاشخين ضبهم و بيضحكوا و حاجة آخر ساكالانس..

ده إحنا هانشوف أيام سودة..

Kontiki said...

شكلهم ناويين على جنانى مش كفاية الدرة بتاعه جمال مبارك فلسفة سوء توزيع الثروة احسن من عدالة توزيع البؤس
طيب طفل والله يرحمه مات ولقى رعاية طبية على اعلى مستوى وسافر يتعالج برة بس عمرة خلص امر الله ربنا يرحمه
ويرحم اموات المسلمين جميعا و يصبر قلب امة
خلاص فهمناها حفظناها صم
لية بقى طفل مستشفى الشاطبى اللى عندة سرطان واللى اهلة معندهمش قوت يومهم محدش بيعيط علية
لية الطفل اللى بيترمى برة الحضانة عشان تكلفتها فى اليوم 850 جنية محدش بيعيط علية
لية اللى بيسيب التعليم وهو عندة 12 و 13 سنة عشان مش لاقى يدفع مصاريف مدرسة ولا يجيب لبس ويبقى اسمة متسرب محدش بيكتب مقال عشان خاطر يحل مشكلتة
ماشى
الله يرحمنا جميعا احياء او اموات
ربنا يرحمنا برحمتة

mido said...

طب ايه رأيكم ان أيمن نور اتمنع من حضور العزا !

mido said...

و بيقولوا النهارده واحد علي موتسيكل حاول يحرقه و أصابه

بدراوى said...

بقول لحضرتك
هو ممكن كلامك يبقى بلون تانى
غير لون اللى ما يتسمى سرايا
اصل انا قريت المقال امبارح كله
و معدتى سابت
مش ناقص تانى

اه يا بطنى
---
كفاية ممتاز على الصبح بدرى
:-(
---
اه صحيح حضرتك متعرفيش تعرفلنا بلال فضل بقاله يومين مش بيكتب مقاله
و كاتبين يعتذر و يعاود قريباً
انا شاكك انه كتب مقال عن وفاة حفيد الريس بطريقة مش ظريفة فاتمنع او كدة
ياريت لو عند حضرتك معلومات تقوليها

mohamad said...

درة - ألماسة - تحفظ لتدرس للأجيال القادمة

مش قلت هنقرى درر من عيون أدب مسح الجوخ المعاصر

جماهير هذا النوع من الأدب الطليعي تنتظر مقالة القط الرائع في أركان العالم الأربعة . . حيث قيل أن قسيمة حجز النسخة الأسبانية من أخبار اليوم أصبحت تباع بمئات الدولارات فى أمريكا الجنوبية

مهندس حر said...

مصطفى
-----
يا بنى دى ست طيبة و غلبانة و مالهاش دعوة بحاجة.. ظلمها اللى عمل منها مرجعية و مصدر فتوى و حاجات تانية مش عارفلها إسم..

المشكلة فى شعبنا اللى محتاج نص نعل جديد لدماغه بدل ما هو ماشى حافى..

هرطقة said...

هو لما الريس كان متأزم (وحقه طبعا كانسان مكلوم) وأجل سفر أمريكا
مين اللى كان بيقوم بأعمال رئيس الجمهورية
ولى العهد؟!
ماهو أكيد برضه كان متأزم ومش مجمع

مسلم مصري said...

عاجل: فين اصطباحة بلال. هذا ثالث يوم لا تنشر فيه. هل عندك خبر. شامم ريحة مش عاجباني.

كلاكيت تانى وتانى said...

ايمن نور تعرض لمحاولة حرق فالطريق وهوة جوة عربيتة واصابتة حروق من الدجة الاولى ومعظم شعر رأسة وهشام طلعت نقل على اثر انهيار حاد فى الدورة الدموية للمستشفى للعلاج بسبب حكم الاعدام

فتاه من الصعيد said...

هههههههههههههه
انت ربنا هيجازيكى خير استاذه نواره على الضحك اللى بنضحكه لما بتجيبى ليناالمقالات دى.....اصلى موش بقرا الاخبار بتاتا
بس اكتر حاجه عجبانى الحته دى .....اننا نحن المصريين اشد حزنا وجزعا حين خطف الموت منا الحفيد الذي هو الاعز في الابناء‏,‏ وحين نفارق برحيله ذلك الامل الاخضر الذي زرعناه في ارض البقاء‏,‏ وتلك البسمه البريئه التي تتراءي في الافق البعيد‏.
مين اللي زرع.....احنا ما زرعناش حاجه.....طيب علشان هى وسعت منه شويه.....وكمان قال اتعلمنا منه الصبر....المفروض اتعلمنا معه الصبر
دمتى بخير....تقبلى مرورى‏

فتاه من الصعيد said...

ولا باين بيكتب فى الاهرام....ولا الجمهوريه....؟؟؟؟اصلى بطلت اشتري جرايد قوميه وكله بيدخل فى بعض

77Math. said...

أنا ماقدرتش أكمل

ايه دا ؟

أنا عايزة أرجّع :(

عندي حالة غثيان مستعصية :(

وطنط عبلة اللي أصلا ماشية تحب على روحها، مش بعيد المفتي كمان يقول وإن ذلك من الولاء والطاعة لوليّ الأمر، ومن لا يحزن فقد أصابه جزء من النفاق وعدم الإحساس بأننا جزء من المشكلة يقدح في إيمان العبد !


إنا لله وإنا إليه راجعون
في كل حاجة حلوة في الدنيا

حـنــّا السكران said...

( لا خوف على مصر حين تمرّ بها أحداث كبرى )..طيب الحمد لله طمنتنا انه هيدا نموذج من نماذج الأحداث الكبرى اللي ممكن تصيب مصر ..

ــ و تـَعـظـم في عين الصغير صغارها

و تصغر في عين العظيم العظائم

آخر الرجال المحترمين said...

أظرف حاجة قريتها هى أول وآخر حاجة لإنى بعد كده صحيت لقيت أهلى ملمومين حواليا فى المستشفى بعد ما جالى الضغط والسكر والسكتة القلبية والسكتة الدماغية يعنى من الآخر هنجت... وكان مقال رئيس تحرير الجمهورية محمد على {والله الاسم خسارة فيه} إبراهيم قال سيادته {{لن أستطيع مهما أوتيت من ألفاظ وكلمات أن أنقل المشهد الحزين.. شهقة "علاء" شقت قلبي وأدمته.. وشعرت أن روحه تغالب جسده الذي وهن وتريد اللحاق بالجثمان المسجي أمامنا.
ولو كنت قريبا من هذا الشاب المؤمن الذي ابتلاه الله بامتحان في إيمانه ويقينه.. لقلت له إن الرسول - عليه أفضل الصلاة وأتم السلام - تعرض لامتحان مماثل عندما فقد ابنه الوحيد إبراهيم وهو صغير السن.. حزن الرسول وبكي بكاء مرا وانفطرت قلوب الصحابة علي بكائه الذي ترك خطوطا سوداء علي وجهه الشريف وقال "إن القلب ليحزن والعين لتدمع وإنا لفراقك يا إبراهيم لمحزونون".. وقال بعض الصحابة إن الشمس كسفت حزنا علي ابن النبي فنهاهم الرسول.
لقد اختار الله الجنة ونعيمها للرئيس مبارك وقرينته ولابنهما علاء وزوجته.. والصابرون فقط من عباد الله يبشرهم الله بجنته في حياتهم ويرسل لهم بشارات ونذرا حيث يقول في محكم آياته "أم حسبتم أن تدخلوا الجنة ولما يعلم الله الذين جاهدوا منكم ويعلم الصابرين".. الصابرون مع المجاهدين في سبيل الله في مرتبة واحدة. وهما الفئتان اللتان اصطفاهما المولي ليبشرهما بمكانهما في الدار الآخرة}} نقابلكم التعليق الجاى علشان الدكتور مانع عنى قراية الجرايد وقالى خليك فى المودنات وبس..
وأخيراً أستعير كلمة السيد المبجل أبو حفيظة اتمسوا بالخير أمووووه

بدراوى said...

ِشوفى التحليل ده
ههههههههههههههههههههههه
------------------
مصر المستقبل
بقلم:محمد علي إبراهيم
ما الفرق بين القاعدة.. ونصرالله؟
كلاهما يسعي لتخريب الاقتصاد المصري
للأسف.. الإرهابيون اتحدوا مع أبطال المقاومة السابقين

لولا يقظة أجهزة الأمن المصرية لتوغل تنظيم "القاعدة" في مصر منذ زمن بعيد.. لحسن الحظ أن الله قيض لمصر عيوناً ساهرة تحميها من شرور وآثام الحاقدين.
أعداء الوطن أصبحوا شبكة عنكبوتية تداخلت فيها دول مع تنظيمات.. وميلشيات مع إرهابيين.. والغريب أنه رغم الإرهاب الذي يطل من عيونهم والدماء التي تقطر منهم والأنياب المليئة بالسموم التي يغرزونها في أرزاق وأرواح المصريين. فإنهم يجدون مدافعين لهم في الصحف الخاصة أو في الإعلام "البديل".
الإعلام "البديل" هو مصطلح سأستخدمه من الآن فصاعداً لوصف الإعلام غير الوطني الذي لا ينتمي لمصر.. الإعلام الذي يدافع عن الإرهاب تحت زعم حقوق الإنسان أو المقاومة ضد الاحتلال.. الإعلام البديل سيعيب علي كل تحرك يؤدي إلي ضبط جناة وإرهابيين. وسيرفع شعارات خائبة تدافع عن القاعدة وحزب الله وكل تنظيم يتم ضبطه في مصر.
أجهزة الأمن اليقظة اخترقت "جيش الإسلام الفلسطيني" عبر الإنترنت واستطاعت التوصل للخلية الإرهابية التي دبرت تفجيرات الحسين يوم 22 فبراير الماضي وربما تكون ضالعة في حوادث إجرامية أخري.
جهاز مباحث أمن الدولة تمكن من الإيقاع بالخلية التي أظهرت التحقيقات أن لها علاقة بتنظيم القاعدة.. خطورة الخلية انها المرة الأولي التي تحاول القاعدة الضرب في مصر واستهداف بعض خطوط إمدادات البترول والمنتجعات السياحية وتركيع مصر اقتصادياً.

وحتي مع اختلاف أهداف هؤلاء عن الخلية السابقة التي تم رصدها ويتم التحقيق مع أفرادها وأعني بها خلية حزب الله.

فإن الواضح أن استهداف مصر اقتصادياً وضرب مواردها هدف اتفق عليه
الإرهابيون والذين يزعمون انهم أبطال مقاومة.. عملاء حسن نصر الله استهدفوا السفن المارة بالقناة وقتل السياح الإسرائيليين واستئجار منازل يتم منها إطلاق القذائف علي الملاحة التجارية بالقناة.. ومثلهم عملاء "القاعدة" الذين خططوا لنسف خطوط امدادات البترول والمنتجعات السياحية بسيناء.

لقد اعلن حسن نصر الله مؤخرا "نعم نحن علي علاقة مع ايران وتدعمنا ونفتخر بدعمها لنا.. ماهو المخجل في ذلك!!"
وفي الوقت ذاته تكشفت قبل اسبوع علاقة اسامة بن لادن زعيم تنظيم القاعدة بايران.. كما أن كثيراً من العمليات التي نفذتها المنظمة الارهابية في العراق كانت بأوامر ايرانية وأموال فارسية
.
أرجو أن يفهم زملاؤنا الصحفيون
وأصحاب الاعلام "البديل" في الفضائيات المأجورة أننا لانجد فارقا بين ميلشيات حسن نصر الله التي احتلت بيروت وقالت إن هذا يوم مجيد. وبين تنظيم القاعدة الذي يخطط لاحتلال العراق لصالح ايران وتخريب اقتصاد مصر.

لقد حفظ الله مصر كما قلت بأن حماها برجال أمن علي أعلي مستوي ومشهود لهم بالكفاءة عالميا. لكن المهم الآن أن يدرك الرأي العام ان ماتفعله بعض الصحف والفضائيات هو "تضليل" ..

الاختراق الذي تسعي اليه القاعدة ونصر الله وآخرون هدفه رزق المصريين واستقرارهم وتحويلهم الي دولة شبيهة بلبنان أو العراق أو اليمن.. لكن الله

يرد دائما كيدهم لنحورهم بفضل العيون الساهرة اليقظة. ويبقي أن يطهر الاعلام "البديل" قلبه من الحقد الأسود علي هذا البلد الآمن المستقر.

رامز عباس said...

تضامنوا مع كريم البحيري لقد تم فصله من عمله لمجرد وقوفه مع زملائة

كريم يعيش بالقاهرة متحاملا نفقات كتيرة وتم فصله اضافة لمعاناته


كان يمكن ان يعيش بجوار الحيط ويكبر دماغه لكنه اصر ان طريق انتزاع الحقوق يحتاج لشجاعه


تضامنوا مع كريم

eAi said...

هههههه حلوة دي , بس بجد هو في كدة؟

lastcrazyboys said...

نمرة واحــد الموضوع بتاع اسامة سرايا بالطبع يدخل تحت بنــد المواضيع التي لاظائل من الحديث فيها
لأنــه أولا الراجــل بيحلل أكــل عيشه ..وأنا مية مرة قلتلك مبحبش ابص لحد في لقمته..عشــان ربنا يكرمنا
ثانيــا: هل اسامة سرايا نموذج متفرد..أم هو هو انعكاس لما كتبه جمال حمدان في تفصيله لـ"شخصية مصــر"..واسألي أي حد سافر برة -مهما وصل النفاق والموالسة- هل وصلت لحد المصريين؟؟
حتى ما ندخله في نطاق المجاملة والآداب -تعرفي احنا الشعب الوحيد اللي بيقول حضرتك لأي حد وخلاص-
طبعا هيقولوا انت ضد الآداب..فأحب أقولكم اني لا ضد الآداب ولا حتى الزراعة ولا الآثــار..ولا اي كلية في الدنيــا
بس الآداب لا تختزل في بقين يابــاشا..ومعاليك..وكلام بس
الأخلاق هي ما يتصرفه المرء بناء على ماحوله من انطباعات واحداث و "تبسمك في وجه اخيك"و"اغاثة الملهوف" والخناقات اللي بطلناها لما واحد كان يغلس"مش هقول يتحرش" على بنت ماشية قدامنا

هورد نكتة على الحكاية دي عشان تعرفي ان شهرتنا وصلت الآفاق في الكلااااام
واحدة "من بلد عربي" عملت لجوزها عشا رومانسي على ضوء الشموع
وقعدت طول الليل تقول له كلام حلو..وهو داخل ينام قال لها : المرة الجاية سيبي ورقة الطلبات فوق التسريحة وهجيبلك كل حاجة وانا جي من غير حركات مصريين
===
المفروض ان القصد من النكتة ان الراجل
"جلنف" ومحوقش فيه التمدن
============
بالنسبة للقبة واوباما : لا تعليق

==============

بدراوي: ايه المستغرب من كده

القاعدة والمقاومة اللبنانية فعلا وجهان لعملة واحدة

وخد الكلام من شخص يختلف مع كلا الجانبين في عدة أشياء "زي حالاتي" ولا اظنني يوما سأكون من مريدي أي من الجهتين

كلتا الجهتين تعملان لحساب ..نفسيهما

ولا يوالون احد إلا المقاومة..والنضال

قد اختلف مع توجهاتهم..لكنني اتحدى الكاتب نفسه اذا أثبت أن لأي أحد يد في تحريك الجبهتين

والتشابه الثاني :انهما يشكلان الوجه الأكبر من الرعب الذي يقلق الامبريالية ..والصهيونية العالمية

واترك لكم استنتاج باقي الأوجه

عشان انا رغيت كتيير ومش عارف اتابع فيلم ال باتشينو
هع هع هع هع

mido said...

بدراوى :

هى المصرى اليوم حجبت مقال بلال فضل

عندك فكرة ؟

mido said...

موقع دكتور أيمن نور و خبر عن حرقه

بدراوى said...

mido
---
لأ معنديش اى فكرة
بس الموضوع مقلق
و انا بس بخمن
انه فقع مقال عن وفاة حفيد الريس كان فيه كلام يبان انه شماته فإتمنع
ده مجرد تخمين
مش على اساس معلومات خالص

TAFATEFO said...

ده مين اللي يقول ان في تيار واحد في الدنيا دي لا يحركه أحد ولا يقف وراءه أح ولا يوالي إلا المقاومة والنضال؟؟

طب أنا عايز مثال واحد .. واشرحهولي معلش .. وإذا كان على فيلم آل باتشينو قوللي عليه وأنا أوصلهولك أو فهمني لما يخلص

mido said...

مدونتك حققت رقم قياسى جديد



your rank according to alexa yesterday
60,412


7 day avg 79,164
:D

mido said...

Tahyyes.org users come from these countries:

* 68.6% Egypt
* 9.9% Saudi Arabia
* 4.2% United Arab Emirates
* 2.4% Qatar
* 2.0% Kuwait

* 0.7% Jordan
* 12.4% OTHER

مواطن مصري said...

http://www.almasry-alyoum.com/article2.aspx?ArticleID=212189
أيمن نور يعلن فى شوارع بورسعيد خوض انتخابات الرئاسة المقبلة.. ويؤكد: «لدىَّ أحكام ستظهر فى الوقت المناسب»

حسن على said...

ربنا مايحكمك على وليا ياشيخة... المركيز دى ساد ذات نفسة ماكانش يقدر يعمل العملة دى . تنشرى المحتويات الكاملة ل"مجرور" من النفاق الاسن المخجل لكل من كاتبة و لمن كتب اليهم والريحة عدوانية وسامة ومخجلة معا. كان ناقص تركبية حمار بالمقلوب وتدهنى وشة نيلة وتحلقيلة حواجبة وتخلى العيال يزفوة. ستظل هذة الفضيحة تلاحقة حتى بعد ما يهرب لبلد تانية

حسن على said...

مطلوب حمار اخر-لامؤاخذة- لتجريس السيدة كحلاوى (الحونينة) التى لم تجد مكاناأخر غير التلفزيون لتذرف دموعها فية تلك الدموع التى لم نرها فى مناسبات وكوارث الاف المصريين من قبل هو تعداد قبيلة نفاقستان بقى متوالة هندسية؟؟؟؟؟؟؟؟؟

Duffy said...

Did any one read Abdullah kamal's article in rosa al yousef?

http://rosaonline.net/alphadb/article.asp?view=5323


Do such writers really believe what they write?

allah yerhamo we yerhamana e7na kaman, this is tooooo much

lastcrazyboys said...

ايوة يا سي طفاطيفو

الواحد مايعرفش يتهنى بفيلم يعني ..ده

Scent Of a Woman
يا جدعاااان

==المهم انا عارف انك عايز تقول ان القاعدة صناعة مخابراتية امريكية
..
والمقاومة البنانية صناعة ايرانية

مقدرش طبعا افند الكلام ده ولا اؤيده

انا مش قلتلك ان لي مـآخـذ عليهم

بس الي انا اعتقده ..انهم ممكن يكونوا قاموا بمساندة خارجية

معرفش بقى هل ليك رؤية خاصة انهم "مازالوا" بتحركوا بأهداف ورؤى خارجية وماهم إلا واجهة

اعرض لي رجاءً ماتراه

حتى يتسنى لنا المناقشة

=======

سامحني اذا طلبت ان المناقشة هتكون بكرة وكتأخر ..عشان الاتوبيسات هتتحرك بكرة السـاعــ9ـة من الجزيرة
والواحد لازم يكون نايم وفايق عشان "المقاومة " بتاعتنا احنا
وما اظنش بقى دي مقاومة مأجورة دي كمان

مفيش اصدق من كده

TAFATEFO said...

بس لفظ صناعة ده مقصدتوش خالص

عموماً .. بما انك أهلاوي فأدعوا الله أن يرد كيدكم في نحوركم وترجعوا خائبين مدحورين ان شاء الله وبعدين نبقى نكمل كلام

قول آمين

:D

مهندس حر said...

من المحزن حقا أنه فى إطار تدنى كل شيئ فى هذا البلد فإن كفاءة النفاق قد إنحدرت كثيرا أيضا..

يعنى بالذمة ما فيش حد فيكوا بيحن لأيام إبراهيم سعدة..

بعض ما يكتبه أسامة كرايا -ده إنجليزى- يجعلنى أترحم حتى على أيام إبراهيم نافع .. و الجعر بتاع الجعورية بيخلينى مستعد أقرا لسمير رجب..

TAFATEFO said...

يعني وهو كان حد فيهم بطل؟؟

ما هو إبراهيم نافع وسعده وسمير رجب ما زالوا يطلوا علينا

وخصوصاً ابن التيت سمير رجب اللي لسه واخد الصفحة بتاعته وبيحط الآية ويرص جنبها الكلام

دودو said...

بدراوى باشا


الف شكر على الفيديو
وياريت كلنل نتفرج علية ونتامل فية كويس قوى
لان حال الست دى بيعبر بقوةعن حالةحاجات كتير فى مصر

lastcrazyboys said...

أمال كان قصدك ايه بالضبط

مانا طلبت منك ايضاح الصورة للنقاش
-==============
والحمــد لله ربنا رد فعلا كيد الخائنين

في نحورهم

ولا أظن التآمر ..والـ........هو السبيل للوصول الحقيقي

وليبق دائما

"الأهــلي فـــوق الجميع"