Tuesday, 22 March 2011

من هو هشام البسطويسي

تحديث:
اللنك ده صفحة التوقيعات وبيبن عدد الموقعين 
تحديث:
شباب اسكندرية اللي بيلموا التوقيعات، رجاء التنسيق مع محمد عبد السلام 0111860593 شييررررررررر ودي التوقيعات 


من صفحة البسطويسي رئيسا.. وبالمرة ما تنسوش توقعوا هنا


في 23 مايو عام 1951 ولد هشام محمد عثمان البسطويسي، على عكس الأطفال لم يكن يحلم بأن يصبح ضابطاً ؛ وإنما أن يعمل بالقانون مثل أبيه المحامي، وهو ما تحقق عام 76 بتخرجه من حقوق القاهرة..

وأثناء تدربه بمكتب أستاذه المحامي صلاح السهلي تعرف على حب عمره ورفيقة دربه ألفت صلاح السهلي، فتزوجها وسافرا إلى الإسكندرية حيث بدأ حياته العملية كوكيل نيابة بالجمرك..

ثمان سنوات قضياها تنقل فيها من نيابة الجمرك لنيابة الأحداث ثم قاضي بالمحكمة الجزئية، وخلالها رزقا بثلاثة أبناء محمد، وأحمد، ومصطفى، في عام 1988 رجعت الأسرة إلى القاهرة ليعمل البسطويسي في نيابة النقض ويقضي بها عشرة سنوات حتى عام 1998 عندما اختارته الجمعية العمومية لمحكمة النقض – عدا واحد – مستشاراً لمحكمة النقض، وفي عام 2000 تم ترقيته بفضل تقاريره القضائية الممتازة إلى نائب رئيس محكمة النقض.

أسير كلمة الحق

ثلاثون عاماً من العمل القضائي لم يوجه فيها للبسطويسي أي إنذار أو لفت نظر حتى تم إحالته للتحقيق الجنائي بقرار من وزير العدل مطعون عليه، وإجراءات قانونية انتهت بتوجيه اللوم إليه في 18 مايو الماضي، في الوقت الذي تشهد فيه تقاريره القضائية فضلاً عن شهادات زملائه ورؤسائه بانضباطه في العمل وانحيازه الدائم لكلمة الحق.

في عام 1992 أعير البسطويسي للعمل في الإمارات، وهناك قاد أول إضراب للقضاة المصريين احتجاجاً على وقف قاضيين مصريين عن العمل، وشاركه في الإضراب الذي استمر 25 يوماً صديق عمره المستشار محمود مكي، و المستشارين ناجي دربالة، وسيد عمر، وأحمد سليمان، وكانوا وقتها وكلاء نيابة خضر العود، لكنهم رغم كل الضغوط رفضوا فض الإضراب إلا بعد إعادة القاضيين المصريين إلى العمل، والالتزام بكل شروط القضاة المصريين، وبعد أشهر قلائل من الأزمة يحقق وكيل النيابة هشام البسطويسي في واقعة سكر بين في الطريق العام " وعندما يتدخل الأمير للعفو عن المتهم يرفض البسطويسي ويكتب على أمر العفو العالي كلمة الحق (لا شفاعة في حد) ويحول المتهم إلى المحكمة، لم يثنيه عن قراره الخوف من السلطان أو الرغبة في المال والجاه، فكلمة الحق أحق بأن تتبع.

ومضت سنوات الإعارة الأربع ليعود بعدها إلى القاهرة دون التجديد لعامين كما هو معمول به في الوسط القضائي، والطريف أنه لم يعر البسطويسي بعدها لأي مكان أخر في الوقت الذي يعار فيه أصحاب الحظوة مرتين وثلاثة.
قاضي المنصة
ثلاثون عاماً من العمل القضائي لم يشرف فيها البسطويسي على انتخاباتهم " النزيهة قدر الإمكان " كما يقولون، المزورة كما نحن متأكدون إلا مرة واحدة في الثمانينات، في دائرة مينا البصل، كان وكيلاً للنيابة وقتها، مشرفاً في اللجنة العامة بصحبة القاضي محمد بيومي درويش، وإزاء التدخلات الأمنية والتلاعب في الصناديق قرر القاضيان – بسطويسي ودرويش – إلغاء الانتخابات في الدائرة، ورغم كل الضغوط التي مارسها وزير العدل ومجلس القضاء الأعلى وتلويحهم لهما بالتفتيش القضائي إلا أنهما لم يرضخا للضغوط ولجئا إلى نادي القضاة بالإسكندرية، ومن يومها لم يتم انتداب المستشار هشام البسطويسي للإشراف على أي انتخابات .

كما لم ينتدب لوزارة أو شركة لأداء عمل غير قضائي، فللانتدابات ومزاياها أصحابها، وحتى عندما جاء دوره للانتداب لمحكمة القيم ؛ اعتذر عنه رافضاً بذلك زيادة في المرتب الشهري قدرها 1200 جنيه، لكن القاضي الحر أقر في اعتذاره المكتوب أنه " لا يشرفني العمل في محكمة استثنائية طالب القضاة مراراً بإلغائها "

ثلاثون عاماً أخلص قلبه لكلمة الحق يقولها على المنصة وأجره على الله لا يبتغي إلا وجهه، و لا يخشى فيها لومة لائم، ففي عام 2003 تقضي محكمة النقض برئاسة المستشار حسام الغرياني وعضوية المستشار هشام البسطويسي ببطلان نتائج انتخابات دائرة الزيتون – دائرة د.زكريا عزمي – بموجب الطعنين 959، 949 لسنة 2000، ويؤشر المستشار فتحي خليفة رئيس النقض على النسخة الأصلية للقرار بتعييب إجراءات التحقيق والقرار الصادر فيهما طالباً إعادة عرض الطعنين، فترد المحكمة بذات التشكيل في فبراير 2004 تعقيب رئيس محكمة النقض على الحكم في الطعن الانتخابي لأنه لا صفة له فيما يطلبه، " فلا صفة لرئيس المحكمة في التعقيب عليها أو إملاء طريق معين للتحقيق، أو توجيه الدائرة أو أحد أعضائها في شأنها".
فتش عن الرجل تحت الوسام
كأي مواطن مصري بسيط ينتظر البسطويسي أخر الشهر بفارغ الصبر، فبعد ثلاثين عاماً من العمل لا يملك سيارة خاصة أو شاليه في مارينا وإنما يقضي المصيف في شقة والده بالإسكندرية، ولا يملك إلا شقته في 10 ش توفيق وهبي بمدينة نصر، أما ثروته فهي أبنائه الثلاثة محمد وأحمد ومصطفى.

عندما توقف قلب مصر

شهر كامل قضاه البسطويسي معتصماً في نادي القضاة، حرمته الإحالة للتحقيق من مشاهدة مباريات كرة القدم التي يعشقها كأهلاوي صميم، كما منعه تحضير الدفاع وقراءة التحقيقات والمذكرات من قراءة كتب الفلسفة ومحمد حسنين هيكل كاتبه المفضل .
شهراً كاملاً من حصار الأمن، والاعتداء على القضاة بالضرب، وسحل المعتصمين أمام النادي، واعتقال المتظاهرين المتضامنين مع القضاة.

شهراً كاملاً من الضغط العصبي، والتوتر، والقلق سقط في أخره القلب المثقل بهم البلد رغم أن صاحبه لا يعاني من السكر أو الضغط أو حتى زيادة نسبة الكولسترول.

توقف القلب 4 دقائق كاملة وأوقظه سبع صدمات كهربائية وعملية قسطرة استغرقت ساعة ونصف أجراها د. أحمد عبد الرحمن بمستشفى كيلوباترا.

لم تفلح حملات التشهير المدفوعة حكومياً بالصحف السوداء في تشويه صورة المستشار هشام البسطويسي، ففور نشر خبر الأزمة الصحية التي يتعرض لها زارته (مواطنة مصرية من المعادي) كما تقول بطاقتها التعريفية على باقة الورد، ومن يومها لم تنقطع أمنيات الشفاء العاجل المصاحبة لباقات الزهور، والاتصالات الهاتفية المتسائلة عن صحته من مصريين خارج البلاد.

---------------
وزي ما احنا عارفين... كلنا حنوقع هنا

هيهيهيهيهيييييييييييي

لما انا بقى اخلص شغلي اللي وارايا حاكلمكم بالشيعبي بقى عن البسطاويسي وليه هو كويس، بالرغم من اني باستظرف البرادعي وباحترمه وكل حاجة

بس انا اللي يهمني اكتر اني اتخلص من اذناب النظام

يعني اخلص من عمرو موسى اللي حيبقى مبارك تاني، واخلص من احمد شفيق اللي قتل واتقتل، وما نتفاجئش بشخصية عسكرية مختارة تدير اول تيرم في الرئاسة

البرادعي ممكن ييجي رئيس اربع سنين بعد اول تعديل دستوري

لكن البسطويسي لازم لازم لازم لازم لازم هو اللي يحط الدستور

لأنه قاضي، وله تاريخ وطني، ومالوش اطماع في السلطة احنا اللي دبسناه، وبيفهم كويس في التريكس اللي في القوانين وبما انه مالوش مصالح فحيعمل دستور كويس، لأنه اساسا بيحب القضاء مش بيحب الرئاسة، احنا دبسناه وحملناه المسئولية، وشوية ابتزيناه وقلنا له واجبك انك تكتب لنا دستور وتفعله وبعد كده ابقى شوف انت عايز تشتغل ايه، واجبرناه يسيب شغله في الكويت وحسسناه بالذنب لو ما جاش يبقى بيتخلى عن مصر وبتاع ههههههههههههه احنا قادرين يعني

كمان علاقته بكل التيارات السياسية كويسة قوي، وما عندوش حزازات مع اي تيار سياسي، ولا عنده فوبيا من حد فيهم، وعنده في افكاره نقطة التقاء مع كل واحد فيهم، يعني مثلا بيلتقي مع الليبراليين في الحريات، وبيلتقي مع اليساريين في العدالة الاجتماعية، وبيلتقي مع الاسلاميين في الهوية والقضايا القومية والوطنية، ومواقفه كلها وطنية، رجل قانون صح
واحنا محتاجين رجل قانون يعمل لنا دستورنا
كمان البرادعي حيحتاج وقت على ما اللي عمله فيه مبارك يزول، حسبي الله ونعم الوكيل فيك يا مبارك، على ما ييجي البسطويسي ويعمل الدستور يكون البرادعي كسب شعبية وتكون الناس عرفت انه مش معاه جنسية امريكاني، ومش متجوز فرنساوية، وما باعش العراق، ويترشح في اول انتخابات بعد الدستور، خصوصا ان البرادعي قال انا مش موافق على الدستور ده ومش حاترشح بناء على الدستور ده

احنا لازم نحط منافس يكسب مصداقية قدام عمرو موسى لأن ناس كتير فاكرينه صلاح الدين الاليوبي مش عارفة ليه؟ واحمد شفيق لو اترشح حياخد المجموعة البرجوازية اللي كانت حتصوت لزويل عشان بيعرف انجليزي كويس وبما ان زويل مش حيترشح يبقى حيصوتوا لاحمد شفيق برضه عشان بيعرف انجليزي كويس
بس احمد شفيق عليه قضايا فساد كتير قوي، مش فاهمة ليه مش بيتحقق معاه فيها

والبسطويسي فرصته كبيرة ان شاء الله، على رأي جيمي، المصريين بيحبوا القاضي زي ما بيحبوا ظابط الجيش كده، وخصوصا انه من حركة القضاة المستقلين، يعني مش قاضي من بتوع مبارك

وانا شايفة انه لو عمل كذا مؤتمر في المحافظات حيبقى الفرصة كويسة بس يهتم بالصعيد شوية لأن بلغني ان الصعيد بيحبوا عمرو موسى

على الاقل نضمن ان الدستور اللي حيتكتب لنا يبقى دستور وطني، يضمن الحريات وفي نفس الوقت ما يفرطش في هوية مصر، بمعنى انه يبقى الدستور الائتلافي اللي احنا محتاجينه فعلا بحيث كل تيار سياسي يلاقي ان اولوياته تم تلبيتها في الدستور ده من غير ما يجور على زملاته ولا ياخد النصيب الاكبر
وده المؤتمر اللي عمله البسطويسي

86 comments:

مى محمد said...

انا موافقه جدا على دكتور هشام لانه فعلا راجل محترم بس حاسه انه ناقص دعايه كويسه وكمان لازم نوضح وجهة النظر دى كويس انه هوه اصلح واحد عشان يعمل لينا دستور جديد وخصوصا انه شغال طول عمره فى القانون وكمان سمعته نضيفه والبرادعى يجى دوره ثانيه بعد تغير الدستور يلا ربنا معاه

yasser said...

الله ينور يا ست الكل :)
عايزين نشد حيلنا مع الراجل علشان هو فعلا الشخصية اللي تستحق

Mazen said...

ونسيتى الراجل اللى ذاق معانا كل اصناف العذاب ... نسيتى حمدين صباحى ولا انت قاصدة؟

FATMA said...

نوارة الجميلة
ارجو ان نراعي الاتي في المرحلة القادمة

1- التوعية السياسية من خلال خطة عمل واقصد اب سياسة والحقوق وغيرها وتحديد المتطوعين وكل متطوع مسئول عن القرية او الحي او العمارة او علي الاقل اسرتهويجب عليكم توفير المادة العلمية للتوعية وانشاء صفحة ووضع خطة العمل

2-يتجمع كل الثوار كل المجموعات علي قائمة واحدة لاعضاء المجالس ورئيس واحد الان وبعد كده الاختلاف لكن المهم الفترة الجاية ووضع الدستور

tahrir said...

كل التقدير لكل قضاة مصر المخلصين
انا شايف انه لسه بدري شوياعلى الكلام ده
يا ريت نفكر دلوقت في المليون و اكثر اللي في ليبيا و عاملين زي الايتام او الشنطه اللي مالهاش صاحب المصريين في ليبيا في ازمةكبيرة قوي يا ريت نفكر فيهم الاول و بعدين نستلطف اللي نستلطفه

زعبلاوى said...

وحياة ابوكى يا شيخة والنبى بلاش حكاية ( المصريين بيحبوا القاضي زي ما بيحبوا ظابط الجيش كده )ماهو مبارك كان ظابط جيش , , العبى ذى الاخوان ما بيلعبوا ... قولى المصريين بيحبواويحترموا القاضى ذى حبهم واحترامهم لرجل الدين , ما انتى عارفه بقى ان الدين عندنا افيونه وهو اللى ماشى اليومين دول , وبعدين انا خايف من التعبان اللى اسمه عمر موسى ده ممكن يتفق من الاخوان وده لو حصل يبقى عليه العوض ومنه العوض فى الثورة , وبعدين مش كفاية يبقى البسطويسى علاقته حلوه بكل التيارات السياسية , ده خطوة اولى, ,بس لازم يبقى فيه تحالف مع اكبر قدر ممكن من التيارات ده
بالمناسبة ان شايف ان البرادعى احق وافضل , بس برضوا يهمنى ان عمرو موسى يغور فى داهية

اعقل مجنونه said...

تمااااااااااااام انا كدهع وش معاكم ، بس قولولى فى حمله لدعم البسطويسى فى القليوبيه ولا لا ، احنا لازم نشتغل من دلوقتى اى حاجه اقدر اعملها انا معاكم

Tears said...

و انا مقتنع بكلامك جدا و موافقة برغم انى من مؤيدى البرادعى بس كلامك منطقى خلى فعلا البسطويسى اول مرة عشان الدستور و عشان يكون فيه وقت لازالة اثار عدوان النظام عن البرادعي

لكن صدقينى مافيش فايدة من اقناعنا احنا المهم ان الغالبية ناس أميين و اول ما الشيخ قالهم قولوا نعم للاسلام و اللى يقول لا كافر مشيوا وراه يبقى الحل تروحى الاول تقنعى الاخوان بالبسطويسى و بعدها همه يقنعوا السلفيين و لو كل ده حصل يبقى ح يقدروا يمشوا سبعين فى المائة من الشعب وراهم ان شالله لو عايزيين بعرور يكسب ح يكسب

للاسف اللى قام بالثورة فعليا 8 مليون و مع الوقت و الزيادة وصلوا 15 لكن اللى بينتخب 45 مليون و اغلبهم فى قرى و نجوع و عشوائيات و مش عارفين غير قال الله و قال الرسول

mohamed kharoub said...

انا اقتنعت بكلامك يا نوارة جدا مع اني عايز واحد من 3 و هما البرادعي او ايمن نور لجاهزيته و حمدين صباحي بس انا اقتنعت جدا بكلامك عن البسطويسي بس فيه نقطة مهمة تطير كل كلامك اللي انتي قلتيه و هو ان اللي هيعمل الدستور لجنة تاسيسية منتخبة من أعضاء البرلمان القادم اللي هيختاره الشعب ....منين قولتي كده ساعة الاستفتاء و منين بتقولي دلوقتي انك عايزة البسطويسي يعمل دستور

mohamed kharoub said...

ثانيا انا مش عايز اتشائم ولا حاجة بس فعلا زحزحة عمرو موسي من قلوب ملايين المصريين شيء صعب جدا في الوقت الحالي

محمد طنطاوي said...

بالنسبة لشعبية عمرو موسى فى الصعيد اطمنى ملوش شعبية ، يمكن شعبية فى القاهرة أكتر والحقيقة هى مش شعبية اللىفى القاهرة هم باقى ازناب النظام ، لكن كمان الدكتور هشام محدش يعرفه فى الصعيد يعنى لازم يبقى فيه حملة لتعريف الناس بالرجل زى ما إنتى عملتى كده يا نواره لكن بمصادر وطرق مختلفة لازم كمان يبقى للدكتور هشام دور فى الحملة دى كمان عايز يبقى فيه تنسيق بين الدكتور هشام والبرادعى وأنا متأكد إن اللتنين متفقيين ووطنيين وعايزين يخدموا بلدهم وملهمش اى أطماع فى أى حاجة

محمد طنطاوي said...

لكن بلاحظ كمانبالفنسبة للتوقيعات إن النصارى خدوا جنب وواحد فى المية منهم اللى بيوقع مقموصيين من النيجة ومش فاهمين حاجة ولا عايزين يفهموا وعاملين إن هما عارفين الكفت الحقيقة هما عاملين زى فلول الحزب الوطنى كده

محمد طنطاوي said...

لكن المسلم بيوقع من غير ميشوف الورقة ولا يقرأها ولا يعرف اللى فيها بمجرد مبقوله عاملين توقيعات مليونية علشان كذا بيقول إيدك

بساطه said...

موافق ولكن .... بصراحه انا اتفرجت عليه وحبيته ولكن هو رافض سلوك الشو .. محترم .. لكن الشو مهم في رايي .... اعتقد انه محتاج مجموعة عمل تساعده في مسالة الشو والكاريزمه كمان ....الناس لازم تحس بقوة القائد امامها .... وانه ملعلع كده ... بلاش يبقى هادي بزياده.. ومش فاهم اشمعني الطبقه البرجوازيه عاجبها شفيق؟؟ غريبه ومش موافقك عليها خااالص

Mostafa said...

Haykel his favorite writer??? yiks..mish mowafikoon

محمد نبيل said...

أنا أتمنى البرادعى أو البسطاويسى يوصلوا للرئاسة وزيك برضه مش عايز عمرو موسى يبقى رئيس ومش عايز أحمد شفيق برضه بس افتكر ان شفيق مالوش فرصة أصلا.

عمرو فكرى said...

الحمد لله
اتبسطت اوى بجد لما عرفت انك مع البسطويسى
انا عامل حملة بعرف الناس بيه وكدة واخيرا لقيت انى مش لوحدى :D

ana ga3an said...

انا مقتنع جدا بالبسطويسي
بس انا عندي تساؤل واحد
ازاي مغضوب علية
وازاي يطلع اعارة؟؟

kooky kak said...

على عينا وراسنا راجل محترم بس أنا اللي مخوفني يحصل منافسة بين الشرفاء زي البرادعي والبسطويسي وايمن ونور وحمد ين صباحي ووتوزع الاصوات و تحصل فرقة بين المحترمين وفي الاخر المستفيد يبقى عمرو موسى ولا احمد شفيق ولا حد من أتباعهم
ليه ميحصلش اتفاق ما بينهم ويكون لكل واحد فيهم دور في الحكومة الجديدة ويرشحوا من بينهم شخصية واحدة يتفقوا عليها عشان الناس كلها تبقى كلمتها واحدة

Babah said...

سلام


موافق على سيادة المستشار، بس عشان نصنع قاعدة

قدراة على مواجهة الناس التانية دي خصوصاً عمرو موسى

لازم نخرج من الفيس بوك بقا معظم الناس ماعندهمش نت

وبماأن إنتخابات مجلس الشعب قبل إنتخابات الرئاسية

أنا شايف إن شباب الثورة لازم يرشح نواب لمجلس الشعب

كدة حتعرف تأثرو أكثر وبناء عليه أنا عايز أشوف نوارة

و 20 شاب من شباب 25 يناير أعضاء في مجلس الشعب القادم.

Babah said...

سلام


موافق على سيادة المستشار، بس عشان نصنع قاعدة

قدراة على مواجهة الناس التانية دي خصوصاً عمرو موسى

لازم نخرج من الفيس بوك بقا معظم الناس ماعندهمش نت

وبماأن إنتخابات مجلس الشعب قبل إنتخابات الرئاسية

أنا شايف إن شباب الثورة لازم يرشح نواب لمجلس الشعب

كدة حتعرف تأثرو أكثر وبناء عليه أنا عايز أشوف نوارة

و 20 شاب من شباب 25 يناير أعضاء في مجلس الشعب القادم.

سامية جاهين said...

ساعات ما بافهمكيش بجد يا نوارة.. طيب ماهو البسطويسي صوته اتنبح قبل الاستفتاء: لا للتعديلا لا للتعديلات. التعديلات دي حتصعب علينا المسألة.

إشمعنى ساعتها كنته ضده ودلوقتي معاه؟ أنا مش باعترض على وجهة نظرك على فكرة أنا بس باحاول أفهم. طالما البسطويسي ممتاز وشريف ومحترم ووطني ومن الناس وللناس.. ليه قررتي ساعة الاستفتاء تتجاهلي كلامه؟

Mohamed said...

يا نواره طب ليه ما نقنعش الأثنين انهم يشتغلوا مع بعض كرئيس ونائب ليه, ما هو د/ البرادعي برضه راجل قانون, وسمعت انه شارك في وضع دستور من قبل. كمان احنا محتاجين حد خبره كبيره دلوقتي بالعلاقات الدوليه, و د/ البرادعي عنده علاقات بالدنيا كلها حتي إيران

Mohamed said...

يا نواره طب ليه ما نقنعش الأثنين انهم يشتغلوا مع بعض كرئيس ونائب ليه, ما هو د/ البرادعي برضه راجل قانون, وسمعت انه شارك في وضع دستور من قبل. كمان احنا محتاجين حد خبره كبيره دلوقتي بالعلاقات الدوليه, و د/ البرادعي عنده علاقات بالدنيا كلها حتي إيران

Mohamed said...

يا نواره طب ليه ما نقنعش الأثنين انهم يشتغلوا مع بعض كرئيس ونائب ليه, ما هو د/ البرادعي برضه راجل قانون, وسمعت انه شارك في وضع دستور من قبل. كمان احنا محتاجين حد خبره كبيره دلوقتي بالعلاقات الدوليه, و د/ البرادعي عنده علاقات بالدنيا كلها حتي إيران

Sharm said...

انا فرحان لاني شايف اكتر من واحد ينفع يبقى رئيس مصر

البرادعي و البسطويسي شخصيات محترمة لها ثقلها و تاريخها و ان كنت هرشح البرادعي فهذا لا يمنع ابدا اني احترم البسطويسي جداااااااااا

أبو هاجر said...

ست الكل مساء الخير
رئيس مصر القادم ليس شأنا مصريا خالصا
في أحدى التعليقات السابقة لفت انتباهك إلى مسألة الرئاسة و الرئيس هذه العملية تحكمها توازنات داخلية وخارجية دقيقة جدا وحساسة جدا وتزدادا تعقيدا في وتشابكا في الوضع المصري ذلك يتطلب وعيا آخرا وفهما آخرا . بعبارة أكثر وضوحا انتخاب رئيس مصر القادم ليبس شأنا مصريا خالصا
لأن مصر دولة كبرى، لأن مصر دولة محورية ، لأن مصر هي قاطرة العرب لأن مصر لها معاهدات مع الجارة الأخرى. ذلك كله يتطلب ضمانات حقيقية وهذه هذه الضمانات تقدمها وتضمنها جهات سيادية وقوية وفاعلة وصاحبة القول الفصل . يعني هذه الضمانات لا تقدمها نوارة نجم و لا جبهة التهييس الشعبية ولا شوية الشباب الملتفين حولها .
هذا على المستوى الخارجي أما على المستوى الداخلي لابد أن تراعى التوازنات المختلفة وهي متعددة ومعلومة داخل مصر ومحاولة تجاهلها أو التلاعب أو القفز فوقها سيؤدي إلى كارثة حقيقية، لأنها تمس مصالح فئات وجماعات ومجوعات مختلفة تشكل النسيج الوطني و المجموعة الوطنية المصرية ذلك يتطلب أيضا أن تقدم لهذه التكوينات الاجتماعية ضمانات حقيقية لها ولمصالحها . هذه المعطيات كلها لابد من مراعاتها عند الحديث عن رئيس مصر القادم . ذلك يتطلب وعيا آخرا وفكرا آخرا وممارسة سياسية أخرى يعني يتطلب الكثير و الكثير من النضج السياسي . المحصلة يا ست الكل وبجملة واحدة أقول لك رئيس مصر القادم سيكون رئيسا توافقيا وإذا اقتنعت ست الكل بهذه الفرضية وبهذا الرأي تتغير قواعد اللعبة السياسية مما يتطلب أن تتحالف قوى وطنية في برنامج الحد الأدنى وتقدم مرشحا واحدا ذلك يعني قبل الحديث عن الرجل المحترم هشام البسطويسي لابد أن تتحالف قوى وطنية من أجل هذا الهدف إذن هناك عملا أخرا وطنيا كبيرا يتنافى مع ما تقومين به ، لأنه من جهة عملا متسرعا ،ومن الجهة الأخرى تشتيتا وبعثرة للمجهود الوطني.
أجمل التحيات لأجمل نوارة
انا خايف يا النوارة في المستقبل القريب أننا لما نريد الحديث معك نمر عبر السكرتيرة لكن في ذلك الوقت تصبحين نوارة لكن من بلاستيك

أبو هاجر said...

ست الكل مساء الخير
رئيس مصر القادم ليس شأنا مصريا خالصا
في أحدى التعليقات السابقة لفت انتباهك إلى مسألة الرئاسة و الرئيس هذه العملية تحكمها توازنات داخلية وخارجية دقيقة جدا وحساسة جدا وتزدادا تعقيدا في وتشابكا في الوضع المصري ذلك يتطلب وعيا آخرا وفهما آخرا . بعبارة أكثر وضوحا انتخاب رئيس مصر القادم ليبس شأنا مصريا خالصا
لأن مصر دولة كبرى، لأن مصر دولة محورية ، لأن مصر هي قاطرة العرب لأن مصر لها معاهدات مع الجارة الأخرى. ذلك كله يتطلب ضمانات حقيقية وهذه هذه الضمانات تقدمها وتضمنها جهات سيادية وقوية وفاعلة وصاحبة القول الفصل . يعني هذه الضمانات لا تقدمها نوارة نجم و لا جبهة التهييس الشعبية ولا شوية الشباب الملتفين حولها .
هذا على المستوى الخارجي أما على المستوى الداخلي لابد أن تراعى التوازنات المختلفة وهي متعددة ومعلومة داخل مصر ومحاولة تجاهلها أو التلاعب أو القفز فوقها سيؤدي إلى كارثة حقيقية، لأنها تمس مصالح فئات وجماعات ومجوعات مختلفة تشكل النسيج الوطني و المجموعة الوطنية المصرية ذلك يتطلب أيضا أن تقدم لهذه التكوينات الاجتماعية ضمانات حقيقية لها ولمصالحها . هذه المعطيات كلها لابد من مراعاتها عند الحديث عن رئيس مصر القادم . ذلك يتطلب وعيا آخرا وفكرا آخرا وممارسة سياسية أخرى يعني يتطلب الكثير و الكثير من النضج السياسي . المحصلة يا ست الكل وبجملة واحدة أقول لك رئيس مصر القادم سيكون رئيسا توافقيا وإذا اقتنعت ست الكل بهذه الفرضية وبهذا الرأي تتغير قواعد اللعبة السياسية مما يتطلب أن تتحالف قوى وطنية في برنامج الحد الأدنى وتقدم مرشحا واحدا ذلك يعني قبل الحديث عن الرجل المحترم هشام البسطويسي لابد أن تتحالف قوى وطنية من أجل هذا الهدف إذن هناك عملا أخرا وطنيا كبيرا يتنافى مع ما تقومين به ، لأنه من جهة عملا متسرعا ،ومن الجهة الأخرى تشتيتا وبعثرة للمجهود الوطني.
أجمل التحيات لأجمل نوارة
انا خايف يا النوارة في المستقبل القريب أننا لما نريد الحديث معك نمر عبر السكرتيرة لكن في ذلك الوقت تصبحين نوارة لكن من بلاستيك

ahmed said...

كلامك كبير ومحترم كالمعتاد
لو قصدك بالفترة بتاعة الدستور السنة ونص وبعد كده انتخابات يجى البرادعى كلام معقول
لو قصدك اول 4 سنين يبقى كتير
البرادعى ساعتها هيبقى عدى 74 سنة
انا لسه شايف ان احسن حاجة هى التحالف بين الاتنين عشان يقدرو يواجهو موسى
نتيجة الاستفتاء محسسانى ان مينفعش اى تفرقة فى الاصوات لازم
تحالفات
انا قلت نعم بس مفرحتش بالنتيجة لان ده بيدل ان ممكن بعد حملات انتخابية ضخمة موسى يمسك عادى جدا


لو البرادعى رئيس بفكرو السياسى وده نائب بفكرو القانونى محدش هيقف قدامهم وهيعملو احلى شغل والله
ويسلام لو ايمن نور معاهم رئيس وزرا شاب كده وثورجى وعنده رؤية
ساعتها والله هيبقى احلى شغل بجد
ياريت ينوارة تحاولى تجمعى الناس على فكرة التاحالفات لان غير كده كلنا هنخسر

السلام عليكم said...

اصلا احنا كلنا فى مكان عملى بنحب جدا هشام البسطاويسى وكلنا ناويين نرشحه لانه اصلح واحد ونزيه وتفكيره منظم جدا وهو بالفعل احسن واحد

البرادعى اصلا محدش طايقه على الاقل فى محيط اللى حواليا وهم يعنى الطبقه المتوسطه او اعلى شويه لانه مش عارفيين ايه مميزاته ده حتى ايام مبارك كل ما يحد الجد نلاقيه سافر وختى ايام الثوره كان عامل كده زى اللى بيشطب شقه وكل شويه يروح يشأر على العمال ويشوف وصلوا فى التشطيب فين ويرجع يروح بيتهم علشان كده انا مش مستغربه انه كل ما يروح مكان ينضرب

السلام عليكم said...

اصلا احنا كلنا فى مكان عملى بنحب جدا هشام البسطاويسى وكلنا ناويين نرشحه بمشيئه الله لانه اصلح واحد ونزيه وتفكيره منظم جدا وهو بالفعل احسن واحد
ويعجبنى فيه ان بيتكلم بوضوح وبالصريح مالوش فى اللوع يقول اللى يقدر عليه واللى مايقدرش
البرادعى اصلا محدش طايقه على الاقل فى محيط اللى حواليا وهم يعنى الطبقه المتوسطه او اعلى شويه لانه مش عارفيين ايه مميزاته ده حتى ايام مبارك كل ما يحد الجد نلاقيه سافر وختى ايام الثوره كان عامل كده زى اللى بيشطب شقه وكل شويه يروح يشأر على العمال ويشوف وصلوا فى التشطيب فين ويرجع يروح بيتهم علشان كده انا مش مستغربه انه كل ما يروح مكان ينضرب

عمرو موسى بقى اللى ممكن ينتخبه الستات الكبار فى السن اللى هم بيتوع يا عينى هو بس عملكوا ايه وحش وفلول الحزب الوطنى علشان هو منهم

السلام عليكم said...

لو الاخوان اتفقوا مع عمرو موسى انا مش حاعمل حاجه فى حياتى انأء اليل واطراف النهار غير انى ادعى عليهم وعمرى ما انتخب منهم حد وحاعمل حمله مضاده بكل قوتى
انا لغايه دلوقتى مش قادره اغفر لهم انهم قعدوا مع عمر سليمان اثناء الثوره مش قادره اعرف مهما كانت الضغوط اللى عليهم رضخوا ليه كان حيعمل فيهم ايه زياده دول بيخرجوا من سجن علشان يدخلوا المعتقل وكل شويه كانوا بيصادروا اموالهم يبقى كانوا بيبكوا على ايه

Sherif said...

تعقيبا على "محمد خروب": طبعا معاك حق, البرلمان هو اللى مفروض يعمل الدستور, بس فى ديمقراطيتنا الوليدة جدا جدا, سيظل هناك تأثير قوى للشخصيات, وما بالك بشخص الرئيس؟ وجود البسطويسى فى هذا الظرف من شأنه خلق مناخ يشجع على صياغة دستور توافقى ومتوازن, بشرط إن البرلمان أصلا يكون متوازن, إنما لو جه البرلمان إخوان وسلفيين وفلول وبس فانسى: لا البسطويسى ولا البرادعى ولا الجن الأزرق هيقدر يعمل دستور متوازن. وعشان كدة كنا عاوزين نقول لا للتعديلات, إنما ياللا, معادش ييجى منه.

wafaa11 said...

اللعب شغال يا نوارة
امناء الشرطة هيهجوا علي بتوع ماسبيرو
الثورة المضادة طالعة من ماسبيرو

احرار ماسبيرو محتاجين مساعدة
مش حيفيد ننتخب مين لان الانتخابات حتتظبط زي الاستفتاء

لازم نلحق الثورة

امناء الشرطة عاوزين محمود وجدي
و العيسوي مش قادر يمشي البلد
لانهم بياخدوا اوامر من الحزب الوطني

نلحق الثورة و منتلهيش في الانتخابات

بساطه said...

عندي رأي تاني شرير شويه ان الناس الي انشاءالله هتنزل تعمل حمله للبسطويسي ... تقول ليه عمرو موسى لا .. وعيوب وبلاوي عمرو موسي وغيره .... وبطريقه بلدي عشان البسطا يفهموا ... يعني بدل ما نقول اصلوا من النظام السابق .... نقول الي قاعد في ريحه وحشه بيتعود عليها وبيبطل يشمها ... لكن الي جاي من بره بيشمها وبيتفاجئ بيها وبيدور هي جيه منين وينضف مصدر الريحه الوحشه ... مش عايزين نتعالى عناس .... وعلى فكره .. اننا نقول عيوب الاخر ده بيحصل في كل الانتخابات في العالم ذي ما انتي عارفه

mona said...

العزيزة نواره

بما ان اسمك من ضمن المشاركين فى قناة التحرير رجاء توصيل هذا الطلب للقناه الله يخليكوا و ينصركوا بلااااااش محمود سعد بلاش ارجوكم كفايه و اعتقد انه بعد الملايين التى حصدها ايام التهريج و الضحك على عقول الناس و الأحاديث الرشيقه السعيده مع علاء مبارك و المدام هو ليس بحاجه للعمل من أجل لقمة العيش او للتمسح بالثوره و جيلها كفاااااايه حرام

مهندس مصري said...

أنا فعلاً شايف البسطويسي أفضل مرشح للرئاسة في الفترة الحالية

Hoda said...

يا استاذه انا بقترح اضافة طرف رابع للبيان اللى وقعنا عليه ، وبعتقد انه اهم واحد لازم يقال او يتغير فى اقرب وقت وهو النائب العام الحالى شخصياً وافتكر ان تباطؤه وتواطؤه واضح جداً منذ بداية التحقيقات مع ملفات الفساد .. انا لا اثق فى هذا الرجل وهو من احد رجال النظام البائد الفاسد .. وحتى الان لا ارى اى اجراء قانونى جاد او تحقيق ادى الى حبس او حاجه تطفى نارنا بصراحه .. يكفى انه صهر امين اباظه واللى لغاية دلوقتى لم يوجه له اى اتهام مباشر ولم ولن تتم اى محاكمات وكله تسييف وتضييع للوقت واستنطاع متعمد ومقزز للغاية .. اطالب بنائب عام نزيه ومحترم ومحاكمه فعليه لكل الفاسدين اللى تسببوا فى انهيار البلد واقالة ومحاكمة كل رؤساء المؤسسات الحكومية عايزين تغيير بجد

negmat said...

هكذا علقت على مقالة للمعتز بالله عبد الفتاح في الشروق .....ارشح سيادتك واسماء اخرى مثل نوارة نجم ان تنزلوا تكلموا الناس في مؤتمرات شعبية لتقتربوا اكثر من الناس العادية وليس المثقفين فقط الذين يقراون الجرائد والانترنت.. كما ان ليس كل الناس المثقفة تعرف تتكلم وتحلل ..احيانا ممكن بدل ما يكحلها يعميها...وارشح ايضا بلال فضل ..و ياريت ترشيح اسماء اخرى

بنت الصعيد said...

البرادعي يكتسب شعبية!!
انتي بتحلمي يا نوارة
الراجل ده مبيعملش حاجة تستاهل الشعبية بس نزل على الثورة بالبراشوت

خيبتي رجائي فيكي بصراحة..انا عندي انتي تنفعي رئيسة اكتر منه

أرنوب said...

موافق بشدة وفعلاً لا وجه للمقارنة بين الرجل وبين عمرو موسى .. بس أنا باقولك من دلوقتي أهه .. عمرو موسى هوه اللي حينجح .. ليه ؟ عشان (بوصلة شعبنا الدقيقة) اللي إنتي بتزعلي قوي لما حد ينتقدها وتقوليله : دورلك على شعب تاني .. ياترى حتدوري إنتي على شعب تاني لما ينجح عمرو موسى باكتساح ؟

Hesham Elshipli said...

السلام عليكم ورحمة الله وبركاته
السيدة نوارة الانتصار أحمد فؤاد نجم

تحية طيبة وبعد

للأسف لم تردى على تعليقى السابق
ولكن هذا لا يمنعنى من مواصلة الرد

فأنا لا أعلم الظروف التى منعتك من الرد على كلامى

المهم
ان من اكبر الدلائل على استبداد النظام السابق هو عدم وجود شخصيات صالحة للرئاسة بصورة واضحة

فالنظام السابق كان يحرص كل الحرص على اقصاء المواهب والشخصيات القيادية من الصورة

وهذا واضح جدا الان

أعود الى ما كتبتيه عن السيد هشام البسطويسى

فما كتبتيه عنه هو المكتوب على موقع

Wikipedia.org

وأنا لا أعتمد اعتماد كامل على هذا الموقع فى استقاء مصادر معلوماتى

لأنه يسمح لأى انسان بكتابة ما يريد على الموقع كما تعلمين

وأكبر دليل على صحة كلامى هذا
هو المقال الذى نقلتيه عن موقع ويكيبيديا

فالمقال من المفترض انه سيرة ذاتية عن السيد هشام ومع ذلك فالمقال يبدو

وكأنه يمدح فى الرجل
ويمهد لدخوله العملية الانتخابية
!!!!!!!!!!!!!!!!!!!!!

والدليل الاخر على صحة كلامى
مكتوب على موقع ويكيبيديا
فى أعلى الصفحة

وسم هذا القالب منذ: مارس_2011

أى بعد الثورة
وبعد الكلام على الانتخابات
هل تريدى ادلة أخرى؟

!!!!!!!!!!!!!!!!!!!!!!!!!!!!!!

انتى قلتى ان
المصريين بيحبوا القاضي زي ما بيحبوا ظابط الجيش كده

والكلام ده غير صحيح بالمرة

لان القضاة والمستشارين ووكلاء النيابة

هم أشبه بضباط الشرطة فى قسوتهم وغرورهم

أينما يذهب الواحد منهم الى اى مكان يطأ رؤوس الناس بقدمه

هذا الكلام يعلمه ويعرفه جيدا من أدى حظه العاثر الى التعامل مع وكيل نيابة او مستشار

وأنا هنا لا أتحدث عن البسطويسى خاصة
ولكنى أتحدث بصفة عامة ولا أعمم الحكم فأنا ضد التعميم

ولكنى أيضا فى نفس الوقت لا أستطيع الاعتماد على مقال مشبوه على موقع ويكيبيديا

وانا حاليا لا أمتلك معلومات موثقة عن الرجل الذى يريد أن يحكم البلاد

القاضى هشام البسطويسى

نقطة أخرى هامة

وهى كلامك عن البرادعى
انا لا أدعى علم الغيب
ولكنى أقول

أن هذا الرجل لن يحكم مصر أبدا

فالشعب أذكى من أن ينتخب هذا الانسان

اما عمرو موسى فأنا أتفق معكى فيما كتبتيه عنه

لا أريد لأن أطيل فى الرد هذه المرة
خاصة أننى منشغل بعض الشىء

تحياتى لكى
وأرجو أن تتقبلى الرأى الاخر بصدر رحب

حفظ الله مصر

حبيبة said...

عن نفسى مكنتش اعرف هشام البسطويسى واول مرة اسمع اسمه كانت الايام اللى فاتت بس واضح انه تركيبة من كل الناس الموجوديم على الساحة دلوقتى يعنى زى ما قولتى كده انه له نقطة التقاء مع كل التيارات الموجودة لكن فعلا الراجل ده مش معروف عند عامة الشعب واللى واكل الجو اوووى هو عمر موسى والبرادعى طبعااااا مش طايقين سيرته المهم لازم يكون فى دعاية للبسطاويسى اكتر من كده وخصوصا عند الناس البسيطة اللى ملهاش فى النت ولا حتى القنوات الفضائية ومتوجهين اتجاه عاااام لعمرو موسى وزى ما قريت لحد من الموجودين ان لازم الاخوان يقتنعوا بيه ويدعموه عشان نضمن اكبر دعم له والراجل بصراحة ماشاء الله سيرته الذاتية زى الفل وكمان واضح انه متدين وده هيعجب ناس كتيير وعاجبنى انا شخصيااالازم ننزل للناس فى الشوارع يا نوارة لالالالالالالالالالازم يارييت ترتببى حملة وانا مستعدة اكون معاكى وكل مجموعة حسب منطقتها فكرى فى الموضوع وابقى عرفينا

Adb El-Hameed Riad said...

انا مشكلتى معاه انه هو الى اقترح موضوع الماده الى بتلزم البرلمان بوضع دستور جديد وانا قريت الكلام ده من هنا بس بعد كده جه غير رايه وقال دستور جديد ومكنشى عاجبه التعديلات ومداش اى تفسير لسبب تغير موقفه والصراحه انا مبحبش الناس الى بتغير موقفها من غير اسباب مفهومه

25jan said...

انا بس عايزه اعرف هوه ده الي عنده مشاكل مع شغل الستات,هوه ده الي جمعيات حقوق المرأه كانت معترضه عليه?,ياريت حد يرد عليه

Frozen_chick said...

انا بحترم اوي المستشار هشام البسطاويسي بس متحمسة أكتر لدكتور البرادعي لأنه ضحى كتير وهو اول واحد دعا الجموع للنزول للشارع... والله لما كان بيتكلم قلت الراجل ده بيحلم وسبحان الله حلمه بقى حقيقة

المهم انا مؤيدة لفكرة تحالف البرادعي والبسطاويسي... عايزين نتوحد ضد قوى الشر زي ما بتقولي (عمرو موسى وشفيق)

لو نزلوا هما الاتنين ببرنامج موحد البرادعي رئيس والبسطاويسي نائب او العكس حتى مش مهم... او عشان نرفع الحرج يبقى ائتلاف ونضم داعمي المرشحين مع بعض بدل التشرذم (حلوة التشرذم) ياريت تقري فكرتي وتحاولي توصليها للمسئولين يا ست نوارة وياريت تقوليلهم يدوني شقة في الاسكان الشعبي

adel_losh said...

السلام عليكم
انا رأىى ان فرصة البرادعى ان شاء الله كويسة جدا ياريت تركزى معاه وبلاش تفتيت للأصوات

حياة الظل said...

الراجل ده بيقول كلام زي الفل
بيكفي ان اول مرشح لحد الحين يخلي اهم اولوياتوا هي حقوق الانسان وكرامة المصري ووضع قوانين يقوم على حماية المواطن وهذا اساس الحكم واساس الدولة الاقتصاد والتعليم والصحة ممكن تتعاون فيه الشعوب والدول ام الوظيفة لاساسية للدولة هي حماية الفرد وحفظ كرامتة والباقي مقدور عليه

hardway said...

يا أرق نـــــــــوارة..في عالم الترشيحات الرئاسية
شعرتم الآن ان المخطط ماشي صح........
لدرجة ان أمناء و مندوبين الشرطة حاليا
بلطجية الحزب الحاكم سابقا..عاملين مظاهرات ...تفتكروووووووووا طالبين ايه؟؟؟
وزير داخلية مدني....!!!!!!!!!!!!!!
...شفتم.. مهزلة أكثرمن ذلك
نكمل..بعدين..كفايه ..كده

محمد نبيل said...

الى بنت الصعيد اللى بتقول البرادعى نزل على الثورة ببراشوت أمال الجمعية الوطنية للتغيير والمطالب السبعة ومواجهته لنظام مبارك والتشويه اللى اتعرض له كنتيجة لكدة كل دة كان ايه ؟!

nour1971 said...

ينصر دينك يا استاااااذ ه هو ده الكلام و هي دي بدايت الخطواط و علي رأي المثل ينصر دينك يا استاذذذذذذذذ نفيسه

nour1971 said...

الثوره المضاده شغاله علي ودددددددددنه بيتظاهروا النهارده علشان عايزين وجدي و بيقول لك العيسوي زي العدلي ايه الملل ده . دي ناس عايزه الحررررق و اللهي مع اني متضايقه من العيسوي انه مطلعشي خد بخاطر البردعي ولا هو ولا شرف بس همي احسن من غيرهم انشاء اللهالظاهر اننا حا نعد في الثوره المضاده دي كتير فلازم نهئ نفسنا علشان نسكت الناس اللي زهقت و اللي ابتدت تقول الكلام اللي همي عاوزينه ان فين ايامك يا مبارك و ابتدوا يشتموا في الثوره اللي كانت السبب في كل القرف اللي البلد فيه حسبي الله و نعم الوكيل فيهم يا رب

مش فاهمه said...

فكرة هايله حكاية البسطويسى الأول و بعدين البرادعى اصل بصراحه البرادعى ده دماغ و دماغ كبيره قوى لكن لللأسف مش مقبول عند قطاع كبير

محمد نبيل said...

د. أحمد خالد توفيق يكتب: من وحي السنجة (1)

http://dostor.org/opinion/11/march/22/38647

hardway said...

ياأرق نـــــــــوارة.........
في شرق اوسط جديد
يا سيدتي الفاضلة
أحنا تم أشتغالنا...بس أشتغالة ......
اخر حاجة
أشتغاله من الغرب ....
محدش جلس في هدوء.. واسترجع التاريخ ..من 2001
وكان المطلوب وقتها.. العراق...
كيف بدأ المخطط...
استرجع...أسترجع..استرجع..
بهدوء
النهارده....2011
المطلوب ..حاليا.. ليبيا
مخطط جديد...أسلوب جديد......تنفيذ جديد......!!!!!!!!!!!!!!!!!!
وترتيب جديد للبيت قبل الانقضاض
هو معقول يا نــــــــــــاس
الثورات تصبح كفيروس الانفلونزا.......
مـعقـول..!!!!!!!!!!!!!!!
نكمل..بعدين..كفاية..كده

thejasmintree said...

كل الكلام اللى قلتيه جميل ،بس مش كفايه،رئيس مصر(ومصر مش اى اى)لا بد ان يتمتع بخصائص وصفات اكبر بكثير من اللى انت شايفاها فى البسطويس،وصراحه انا مش شايفه اى حد من المرشحين الحاليين يصلح لرئاسة مصر،وان كنت ارى ان البرادعى انسبهم،لكن مسألة السن مهمه،عايزين رئيس شاب مصر محتاجه جهد كتير،
انا عندى اقتراح
بدل مانتناقش دلوقتى نختار مين،خلينا نتناقش فى معايير الاختيار وانا متفائله ان ربنا اللى ساعدنا نخلص من كابوس مبارك اكيد حيساعدنا فى الكشف عن الشخص المناسب للمرحله القادمه واللى هو دلوقتى فى علم الغيب
بالنسبه لمادة الدستور اللى بتتعرض لشروط الترشيح ارجو ان تحدد الا يزيد السن عن60عاما،وايضا ان تكون الزوجه مصريه من ابويين مصريين،وكفانا ما رأيناه من بنت الانجليزيه !!!!

AhmeD 3llaM said...

وما نيل المطالب بالتمني ولاكن تأخذ الدنيا دعايه واعلان واشاعات وحورات واسلاميات ومادات تانيات من الدستورات المعدلات من قبل الشعب الذكي الشعب
اللئيم اللشعب الي مقطع الدنيا بفردة
موس

زي عمدة قريتنا يا بيبه لما يقول
ولادنا الي خايبين يا فندي
واحد بيسالني ها مين الي مسك ولا عملو ايه قالو ولا لسه... حاجه كده زي يونس شلبي في مدرسة المشاغبين
قلتله انت قلت ايه
قالي ايوه اااه طبعا
قلتله هما اتفقو علي ان الانتخابات بتاعت مجلس الشعب في شهر 9الي جاي
رد وقالي يعني الاسعار هتنزل ولا ايه
قلتله في المشمش

أسماء - فلسطين للأبد said...

طلب بتتمناه ام شهيد وهو ان صورة ابنها تظهر وسط صورة الشهداء وتشوفها علي التلفزيون...ام الشهيد ابراهيم رضا محمد (اللى كان لسه ماتمش 14 سنة) اتمنت الامنية دي وقالت ان المطرية فيها حوالي 22 شهيد محدش اخد باله منهم ولا حتي عملوا لقاء مع اهلهم وأكيد فيه غيرهم فى مناطق تانية .. يا ريت يا نوارة لو تقدرى توصلى الطلب ده لمحمود سعد أو منى الشاذلى أو اللى تقدرى توصليله من المذيعين ... دى حاجة هاتفرق مع الأمهات دى كتير ودى أقل حاجة ممكن نقدمها لهم
أسماء

أسماء - فلسطين للأبد said...

نسيت أقولك يا نوارة ده رقم ام ابراهيم
0161164719
يا ريت لو تقدرى تتصلى بيها وربنا يا رب يجازيكى كل خير

amr said...

دعوه لحضور المؤتمر الجماهيري الحاشد الذي تنظمه الحمله الشعبيه لدعم ترشيح القاضي / هشام البسطويسي لرئاسه الجمهوريه وذلك يوم الجمعه القادام الموافق 25 مارس بمدينه اسيوط مقابل ميدان جامعه الازهر عقب صلاه المغرب

AhmeD 3llaM said...

للاسف احب ابشركم ان هذا الرجل المحترم لن يفوز برئاسة الجمهورية
وكذالك البرادعي
وايضا ايمن نور
ولا حمدين صباحي
والمنافسه بين احمد شفيق الممل وعمرو موسي الكارت المحروق

طب نعمل ايه
نلجئ للسلفيين هيقولولك لاء يا عم دا راجل بيشرب سجاير ولايس دبله ذهب

نروح للاخوان يقولك سوف نجتمع لان الامر شوري بيننا


نلجئ المسيحيين هيقولك
هيعملنا دور عباده موحد ولا ايه

نلجئ للعلمانين المتطرفين
يقولولك هيشيل كلمة رب من الدستور اساسا

نلجئ للمثقفين
هوه محترم بس البرادعي شويه كمان طبعا راجل كفئ بس انا شايف ايمن نور بعد ما ظهرت برائته
شويه طبعا هنتخبه دا كفايه انه شريف
شويه حمدين شويه عمرو شويه شفيق شويه بلال شويه الخنساء بنت تماضر

ويتفرق دمه بين القبائل

الخكم ليس لنا الحكم عند الاغلبيه المتساقه
يبقي دورنا نسوق بقي
نشتغل ديني وعاطفي ونطلع اشاعات علي كل المنافسين ونسوء سمعتهم
ونخترع اكاذيب واحاديث

شوفت البسطويسي عمل ايه
ايه
دا هوه الي دخل البترول في الكويت وبقت اغني دول امريكا اليونانيه
وهكذا

amr said...

دعوه لحضور المؤتمر الجماهيري الحاشد الذي تنظمه الحمله الشعبيه لدعم ترشيح القاضي / هشام البسطويسي لرئاسه الجمهوريه وذلك يوم الجمعه القادام الموافق 25 مارس بمدينه اسيوط مقابل ميدان جامعه الازهر عقب صلاه المغرب

Eldemokraty said...

مصادر بالمجلس العسكرى: الانتخابات البرلمانية سبتمبر المقبل والرئاسية آخر العام
ده خبر في جريدة المصري اليوم
http://www.almasry-alyoum.com/default.aspx

يعني لسه شويه على الرئاسه علشان الإنتخابات البرلمانيه هتبقى الأول

وبمناسبة الرئاسه
مش المفروض أعرف البرنامج بتاع الرئيس إلي هيتولى الإشراف على تنفيذه خلال فترة الرئاسه وبناءا عليه هبدأ أصوت بالموافقه عليه أو لأه حتى لو جنسيته أمريكي هتفرق في إيه بالنسبه ليه كمواطن مصري هل ان الرئيس بتاعي أمريكي أو مصري مأصل هتفرق في إيه.... حقيقي أنا مش شايف فرق وإفتكروا جميعا ان الرئيس السابق كان مصري مأصل

المهم أي رئيس هيجي هديله صوتي وفقا للبرنامج بتاعه مش وفقا لجنسيته او حتى مراته

وهبقى مطمن أكتر لما أحس ان رئيس الجمهوريه هو تحت القانون بمعنى سيتم محاسبته على عدم تطبيقه لبرنامجه الذي أعطيته صوتي من أجله ومحاسبة كل من وقف وساهم في تعطيل تنفيذ هذا البرنامج

وهبقى مطمن أكتر كمان لما أحس انه فعلا مشرف على كافة الخطط الوزاريه وحريص جدا على تطبيقها وتنفيذها

وهبقى سعيد جدا جدا لما الفقير هو إلي يحس بالتغيير

وشكرا

اه نسيت حاجه ونبي يا ست نواره انا عايز أعرف هو إيه الإعلان الدستوري إلي هتنزله القوات المسلحه
انا بجد فعلا محتار انا قلت لأه علشان ينزل إعلان دستوري بدستور جديد
وغيري قال نعم علشان يحافظ على الماده الثانيه من الدستور وبعد كده القوات المسلحه تعمل إعلان دستوري

ممكن تفهميني بعد إذنك هو إيه الإعلان الدستوري إلي هتنزله القوات المسلحه بشيء من التفصيل ؟
طلب أخير
ولو سمحت إقرأي المقال ده وهتحسي فعلا أن مفيش حاجه أتغيرت وعلشان تعيش الديمقراطيه او الحريه لأزم يموت الجهاز ده انما مش هينفع الإتنين يعيشوا مع بعض .. معادله صعبه .. وأتمنى ان الشعب يرجع تاني إيد وحده ضده
http://elbadil.net/%D9%85%D8%A6%D8%A7%D8%AA-%D8%A7%D9%84%D8%A3%D8%A6%D9%85%D8%A9-%D9%88%D8%A7%D9%84%D8%B9%D8%A7%D9%85%D9%84%D9%8A%D9%86-%D8%A8%D8%A7%D9%84%D8%A3%D9%88%D9%82%D8%A7%D9%81-%D9%8A%D8%AD%D8%AA%D8%AC%D9%88/

والسلام ختام واتمنى من حضرتك الرد على إستفساري

وشكرا تاني

wafaa11 said...

مبروك لكل اللي قالوا نعم علي التعديلات

http://gate.ahram.org.eg/News/52218.aspx
أقام المحامى محيى كامل راشد وحمدى سيد مهنى وثروت محمد صالح دعوى قضائية أمام محكمة القضاء الإدارى طالبوا فيها بوقف تنفيذ قرار مبارك بالتخلى عن منصبه ووقف تفويض المجلس الأعلى للقوات المسلحة-الصادر فى 11 فبراير 2011- لإدارة شئون البلاد، لمخالفته الدستور والقانون.
جاء فى الدعوى أن تولى القوات المسلحة البلاد خالف المادة 152 والتى تنص على أنه (لرئيس الجمهورية ان يستفتى الشعب فى المسائل الهامة التى تتصل بمصالح البلاد العليا).
وأشارت الدعوى أن مبارك خان القسم الجمهورى ولم يحافظ على الدستور بعدم عرض القرار على الشعب فى استفتاء عام ،مطالبا -فى تصريحات خاصة لموقع أخبار مصر- بإجراء استفتاء عام يعرض على الشعب لإبداء رأيهم فى رجوع مبارك من عدمه،موضحا أن متظاهرى التحرير وإن وصل أعدادهم لـ10 مليون فهذا لايعنى مباركة كل الشعب لقرار التخلى.
كما أن قرار تولى القوات المسلحة لشئون البلاد مخالفا للمادة 84 التى تنص على انه (فى حالة خلو منصب الرئيس أو عجزه الكامل يتولى مهام الرئيس رئيس مجلس الشعب وإن كان المجلس منحلا يتولى رئيس المحكمة الدستورية العليا البلاد).
وأكدت الدعوى إلى أن مبارك هو الحاكم الفعلى للبلاد مادام لم يمر أكثر من 60 يوما على التخلى،مشيرا إلى أحقية أى مواطن سحب هذا القرار.
وكشفت الدعوى أن محاكمة الرئيس مبارك باطلة لأنها جاءت عن طريق إحالة للنائب العام مستندات خاصة بالرئيس السابق مبارك للمحكمة مخالفا لمواد القانون،وإن كان يصح محاكمة مبارك فلابد أن تكون محاكمة خاصة.

wafaa11 said...

http://gate.ahram.org.eg/News/52218.aspx

أقام المحامى محيى كامل راشد وحمدى سيد مهنى وثروت محمد صالح دعوى قضائية أمام محكمة القضاء الإدارى طالبوا فيها بوقف تنفيذ قرار مبارك بالتخلى عن منصبه ووقف تفويض المجلس الأعلى للقوات المسلحة-الصادر فى 11 فبراير 2011- لإدارة شئون البلاد، لمخالفته الدستور والقانون.
جاء فى الدعوى أن تولى القوات المسلحة البلاد خالف المادة 152 والتى تنص على أنه (لرئيس الجمهورية ان يستفتى الشعب فى المسائل الهامة التى تتصل بمصالح البلاد العليا).
وأشارت الدعوى أن مبارك خان القسم الجمهورى ولم يحافظ على الدستور بعدم عرض القرار على الشعب فى استفتاء عام ،مطالبا -فى تصريحات خاصة لموقع أخبار مصر- بإجراء استفتاء عام يعرض على الشعب لإبداء رأيهم فى رجوع مبارك من عدمه،موضحا أن متظاهرى التحرير وإن وصل أعدادهم لـ10 مليون فهذا لايعنى مباركة كل الشعب لقرار التخلى.
كما أن قرار تولى القوات المسلحة لشئون البلاد مخالفا للمادة 84 التى تنص على انه (فى حالة خلو منصب الرئيس أو عجزه الكامل يتولى مهام الرئيس رئيس مجلس الشعب وإن كان المجلس منحلا يتولى رئيس المحكمة الدستورية العليا البلاد).
وأكدت الدعوى إلى أن مبارك هو الحاكم الفعلى للبلاد مادام لم يمر أكثر من 60 يوما على التخلى،مشيرا إلى أحقية أى مواطن سحب هذا القرار.
وكشفت الدعوى أن محاكمة الرئيس مبارك باطلة لأنها جاءت عن طريق إحالة للنائب العام مستندات خاصة بالرئيس السابق مبارك للمحكمة مخالفا لمواد القانون،وإن كان يصح محاكمة مبارك فلابد أن تكون محاكمة خاصة.

wafaa11 said...

و عاوزين يعملوا استفتاء

و يطلعوا الشيوخ يقولوا نعمممممممممم

mohra said...

مش فاهمه ايه علاقه الرئيس بالدستور؟؟خلاص بعد نعم اللجنه التأسيسيه للدستور هتكون من مجلس الشعب و هيتم انتخابها أساسا قبل انتخاب الرئيس ..يعنى هو بره الموضوع و أنا رأيى بلاش تشجعى تفتيت الأصوات بين البرادعى و البسطويسى و يا ريت الناس تضغط لكده (رغم ان البسطويسى قال لن أكون نائب ؟) و من رأيى المتواضع ان ده هيخسرهم هما الاتنين و هيحكتسحنا عمرو موسى و لا حول و لا قوه الا بالله..انا من البرادعويه على فكره

يلا شباب said...

السلام عليكم
ازيك يا استاذة نوارة اوتسمحيلي اقولك يا نوارة بس المهم انا متابعك من اول ماشوفتك في حلقة بلال فضل والصراحة المدونة بتاعتك مكيافاني اوي اوي والصراحة انا بحبك وحطك مثلي الأعلى في الصحافة انتي الأستاذ إبراهيم عيسى وبلال فضل
على فكرة انا اسمي محمود مصطفى محمد محمد بس اسم الشهرة محمود الزهري
طالب في الفرقة الأولي (مدبلر) كلية التجارة مغصوب عليها والله أصلي كان نفسي ادخل كلية قسم انجليزي
الرقم القومي 29112012610159
واني صعيدي من سوهاج مركز المراغة
على فكرة انا واخد ملاحظة عليكي انك لاتاتةوعجانة يعني بترغي كتييير
و ملاحظة تاني انك طالعة لابوكي لسنك زي المبرد فالحق
وخلاص كدة النهارده وكلمك بكرة

وده إيميلي لوعايزه تكلميني
melzohary@hotmail.com
والفيس بوك بتاعي mahmoud elzohary
حاطط صورة علم مصر

kandil86 said...

انا معاكى جدا يا نوارة كلامك زى العادة مترتب وموثق بجدول زمنى وان سمعت مئتمرة الصحفى وهو شخصية مريحة جدا من زمان بالنسبة لى وانا كنت مع فكرة بلال فضل بتاعة البرادعى رئيسا والبسطاويسى نائبا بس انا لما سمعتة قلت خسارة يبقى نائب لانة عندة رؤية محترمة وكمان لى عندك اقتراح عايك تفعلى حملة لتوعية الناس ى سياسيا فى شوارع مصر والبيوت وتكون تحت رعايتك انت والاستاذ بلال فضل وتعلنى عنها فى المدونة ارجو الاهتمام لان لوقت ضيق

mona said...

احب اقول اقتراح ياريت نفكر فية مع بعض. ممكن البرادعي و البسطاويسى يكونوا اءتلاف واحد. يعنى البرادعى رئيس و نائبة الدكتور هشام و كدة نكسب اتنين مصر محتاجاهم جدا الفترة القادمة. لو الاثنين على تذكرة انتخابية واحدة يبقى هنألف قوتنا بدل التشتت واحنا محتاجين البرادعى للادارة الخارجية و خصوصا وقت الازمات الصعبة دة. الدكتور هشام صغير فى السن نسبيا وهياخد خبرة كويسة لو عمل كنائب الرئيس

ملكش دعوة said...

البسطويسي راجل فله لا غبار عليه لكن عايز حملات اعلانيه مكثفه عشان يقدر يقف ادام البرادعي وموسي وغيره ويا ريت مؤسسه ضخمه تتولي موضوع الدعايه دي وتأييد الاخوان هيضيف اصوات كتير ما يقعد معاهم قعده عرب ويظبطوا مع بعض ومعلش زياره للبابا مش هتخسر ولو اني حاسه ان النصاري مش عاجبهم اي حد علي الساحه ولما بيشموا ريحه الاخوان بيهنجوا معرفش ليه مع ان الناس عماله تمسح لهم جوخ والمدعو نجيب جبرائيل بيتلت ...معرفش علي ايه
بس الدعايه هي اللي هتعمل شغل

ملكش دعوة said...

البسطويسي راجل فله لا غبار عليه لكن عايز حملات اعلانيه مكثفه عشان يقدر يقف ادام البرادعي وموسي وغيره ويا ريت مؤسسه ضخمه تتولي موضوع الدعايه دي وتأييد الاخوان هيضيف اصوات كتير ما يقعد معاهم قعده عرب ويظبطوا مع بعض ومعلش زياره للبابا مش هتخسر ولو اني حاسه ان النصاري مش عاجبهم اي حد علي الساحه ولما بيشموا ريحه الاخوان بيهنجوا معرفش ليه مع ان الناس عماله تمسح لهم جوخ والمدعو نجيب جبرائيل بيتلت ...معرفش علي ايه
بس الدعايه هي اللي هتعمل شغل

Bienveillant أوفياء مصر d'Égypte said...

أنا با حاول إنشاء (منظمة مجتمع مدنى للبحث العلمى) - طيب ما تنشروا لى الكام سطر إللى جايين دول عندكم

نسعى إلى تأسيس
NGO Science_Egy منظمة مجتمع مدنى للبحث العلمى فى مصر

المجتمع المدنى له حرية حركة قد لا تتمتع بها حكومات .
العالم يدعم منظمات المحتمع المدنى .
العلم ليس حكراً على أحد .
يمكنك دعوة أصدقائك للموافقة على هذه العريضة ووضعها بموقعك/صفحتك .

The creation of a non-governmental organization (NGO) for scientific research in Egypt is our objective.
I guess you may sign in and invite your friends to join and put this cause on your and their relevant pages/sites.

L’établissement d’un ONG pour soutenir la recherché scientifique en Égypte est notre objective.
Appelez et invitez vous amis à y participer, c’est gratuit.
Les efforts des sociétés civiles en Égypte est un espoir pour faire sortie le pays de ses crises.
Sans liens étroites entres le peuple et les chercheurs, l’application de la recherche sera toujours vague et vides.
Actuellement, le monde appuie les ONG de plus en plus. J'imagine que vous allez inviter vos amis à rejoindre / afficher cette cause sur vos pages/cites

لكى توقع على العريضة الخاصة بهذه الحملة على (عرائض الـ فيس بوك) أدخل على الموقع التالى

http://www.causes.com/causes/594057?recruiter_id=141304585

احلام جوليا said...

عجبني كلامك عن هشام بسطويسي ولو سمحولنا هنا بالتصويت في السفارات حصوت له باذن الله ولو اني مش عارفة انت قلت مرحش اعارة تاني بعد الامارات ورجعتي قلتي انه رجع من الكويت وساب شغله كان بيشتغل ايه في الكويت سؤال ياريت تجاوبيني عليه وبإذن الله ننتخبه ؟

احلام جوليا said...

نوارة محتاجين حاجة مهمة قوي اكتر من التوقيعات الي بتجمعيها على ثلاث افراد فقط محتاجين محكمة الثورة ايوه يا نواره النائب العام لوحده لن يستطيع ان يحقق في كل قضايا الفساد وحده الكم والوقت والاجراءات القضائية ضده وضدنا كلهم حيساعدوا في هروب الاموال وعلى ما يحقق تكون المستندات والادلة طمست وضاعت وتكون التجميد على اموال الفاسدين خلاص انتهى وصرفوا اموالهم لازم محكمة للثورة من الشرفاء واحكام سريعة احكام قضاء عسكري زي اي ثورة ناجحة ما بتعمل مش لازم نقلد تونس لازم نتعلم من اخطاء تونس وغيرها ونبقى احسن بن علي لن يحاسب حتى الان بيصرخوا في تونس ومبارك شكله حيفك هو كمان خدي بالك قطر بتقدم عروض لرجال الاعمال الحرامية بتوعنا الفاسدين وحتاخدهم وتديهم جنسيات وكمان هم كده كده مخبين اموالهم في الخليج والاهم ان الدول الخليجية رفضت تجمد اموال مبارك والفاسدين لان ببساطة مبارك كان من زمان بايع لهم مصر والمصريين تسهيلات واراضي بسعر التراب في مصر للعرب على الرغم من ان المصري لا يمكن يسمح له بشراء طوبه ملك في الخليج لكنهم هم اشتروا ارخص ما يشتري المصري وطبعا شبكة العنكبوت الي نسجت في ثلاثين عام بين مبارك ورجال الاعمال وامراء الخليج اكبر بكتير من قدرات النائب العام والثوار الحل الوحيد ارفعوا الضغط من على المجلس العسكري عاوزين محكمة ثورة ورجل قوي ونزيه زي البسطويسي علشان البلد تقف على رجلها تاني والاموال ترجع مش خلاص عفا الله عما سلف ترجع الاموال بسرعة فات من الست شهور شهر يعني فاضل خمس شهور يا نواره ومصر حتتفضح والحكومة المصرية بقيادة جيش او حتى رئيس جمهورية حتمد ايدها وتطلب منح وقروض وتشحت من العرب ومن الاجانب وده معناه انهم حيملوا علينا شروطهم وحنلاقي نفسنا بنطاطي وبندي رجال الاعمال كمان شهادة خبرة وبوسة ونوصلهم للمطار علشان يروحوا الخليج لازم نلحق يا نواره في خمس شهور نحاكمهم ونطلب رد فلوسنا والفلوس تخش خزانة الدولة قبل ما نتفضح ونشحت ويزلونا ويقولوا لنا مش قلنا لكم الحقي يا نواره ونبهي على الثوار لازم محكمة ثورة ومحاكم عسكرية للفاسدين خدي بالك الجيش مش ملاحق ومعندوش استعداد يتورط اكتر من كده كتر خيره بس انتم لازم توصلوا لعصام شرف ولا لاي حد يقدر يشوف حل للحكاية دي

nora said...

نواره...ارجوك وصلى صوتى للمسؤلين قبل اصدار البيان الدستورى ان يشتمل على تخفيض سن الترشح لمجلس الشعب وان تلغى نسبة العمال والفلاحين هذه الدوره حتى لا تكون هناك طعون كثيره على المرشحين تحت هذه الصفه...ومافيش وقت للطعون والعطله,,وكمان علشان المجلس القادم مهمته مناقشة الدستور الجديد وده عايز درجه عاليه من العلم والثقافه وليس فقط معرفة القراءة والكتابه

يقول أنى امرأة said...

نوارة متنزليش التعليق دة انا بس عايزاكى تقولى له انه لازم ينسق مع الاخوان لو الاخوان اتجهو لترشيحه هيفتحوله مجال فى اماكن كتير وهما هيشتغلو ع الموضوع كويس ودة هيفرق معاة اوى احنا عايزين نركز كويس مع اى حد يساعد فى الحمله

Hesham essa said...

اختى نوارة
شوفى لو تم ترشيح المستشار هشام البسطويسى
انا تحت امركم أنا بعمل فى جده ولكن عندى استعداد للنزول مصر ان كان دورى عندكم يكون احسن
اما فى حالة امكانية انه يصوت المصريين فى الخارج فان شاء الله يكون لنا دور هنا
ونحن عىل استعداد لتقديم اى دعم باى صورة
وعاشت مصر حرة ابيه

Lawdog said...

plan B Nawara ..
If the possibility of Amr Moussa winning the presidential election is high and we all feel the indicators .. then having a Plan B for Bastawissy is in Order .
Since having a vice president is mandatory .. we would like this position to be filled by free elections just like the presidential seat ..

Don't get me wrong .. I would love to see Bastawissy president .. but planning for the worst case scenario is wise .. Hence .. why not thinking of the vice president chair for him .. this way we ensure his participation in the decision making .. just a thought ..

Lawdog said...

plan B Nawara ..
If the possibility of Amr Moussa winning the presidential election is high and we all feel the indicators .. then having a Plan B for Bastawissy is in Order .
Since having a vice president is mandatory .. we would like this position to be filled by free elections just like the presidential seat ..

Don't get me wrong .. I would love to see Bastawissy president .. but planning for the worst case scenario is wise .. Hence .. why not thinking of the vice president chair for him .. this way we ensure his participation in the decision making .. just a thought ..

Lawdog said...

plan B Nawara ..
If the possibility of Amr Moussa winning the presidential election is high and we all feel the indicators .. then having a Plan B for Bastawissy is in Order .
Since having a vice president is mandatory .. we would like this position to be filled by free elections just like the presidential seat ..

Don't get me wrong .. I would love to see Bastawissy president .. but planning for the worst case scenario is wise .. Hence .. why not thinking of the vice president chair for him .. this way we ensure his participation in the decision making .. just a thought ..

احلام جوليا said...

حاجتين عجبوني في التعليقات
1- اولا لاجل الورد يتسقي العليق يا نواره علشان هشام البسطويسي يكسب معلش يهادن الاخوان ويتفق معهم هم اقوى حزب الان ويقدروا يسيسوا الشعب كله معاه
2- لازم نتحد على واحد كويس يعني لو كلنا اختلفنا شوية البسطويسي وشوية حمدين صباحي وشوية ايمن نور وشوية البرادعي وكلهم طبعا اسماء ناس محترمة الي حيحصل اننا حنقسم الاصوات والمستفيد الجبهة التانية وعمرو موسى ولا ايه حبيت بس ايد الفكرتين الي عجبوني من التعليقات

احلام جوليا said...

نوارة ابدأوا الدعاية لهشام بسطويسي من الان واهتموا بانكم تنزلوا لمستوى فهم الناس علشان الناس تسمع لكم متقولوش كلام كبير علشان ميحسوش انكم بتتعالوا عليهم شوفوا ازاي توصلوا لهم
نصيحة تانية دكتور هشام الناس مبتحبش الي يبان عليه صفات الطيب تحب الانسان يكون طيب ويبان عليه صفات القوي يعني زي عمر بن الخطاب رضي الله عنه فلازم ياخد باله من طريقة كلامه في التليفزيون والندوات بلاش التواضع الزايد

hayat ank said...

نقلا عن الجزيره مباشر قام المخلوع بالتعامل فى البورصه المصريه باسماء مختلفه اول امس مطلوب التحقيق مع رئيس البورصه الحالى

hayat ank said...

احنا عايزين البسطويسى يحط الدستور مش يحكمنا بالدستور ان سمعت عن حكومه تجنن فيها البرادعى رئيسا للجمهوريه واحمد زويل رئيس للوزاراء والبسطويسى وزير للعدل مجدى يعقوب للصحه وعصام حجى للبحث العلمى والبازللتعليم وعمروحمزاوى للشباب وابراهيم عيسى للثقافه دكتوره زينب الديبي للزراعه وعمرو خالد مفتى وشوفوا مصر ها تبقى ازاى

marwa said...

نوارتى ياقمر بصى ياسيتى انا عاندى فكرة تنهى اللى عمله المأسوف على شابببه مبارك فى د/ البرادعى وتجيب من الاخر مع كل الناس
القضااااااااااااااء
مطلوب من البرادعى انه يرفع قضيه كدة محترمه ومتينه ضد اشهر صحيفه او اى حد من اللى كانوا واخدين توكيل تشويه صورته , وياخد من المحكمه صك براءته ويكون هو دة حمله الدعايه بتاعته
وبما ان ناسنا واهالينا مبيثقوش غير فى مؤسستين فقط القضاء والجيش فكدة خلاص ياباشا الناس هتسلم وتقول اميييين
بس الشطارة فى الفكرة دى التحرك بسرعة لآن مفيش وقت وزى ماهو معروف المحاكم حبالها طووووووووووووووويله
هه بقى ياسيتى ايه رأيك فى الفكرة الشريرة دى