Wednesday, 2 March 2011

الفرعونية قبل مجلس الانس؟ طب مجلس الانس ارحم

فضلت ادور على اول خيط الاقتراح بتاع الانتخابات الرئاسية قبل البرلمانية ولقيت ان مصدر الاقتراح العجيب ده هو القاضية تهاني الجبالي
طيب.. انا عندي كام سؤال دلوقت
التعديلات الدستورية مستمرة في منح صلاحيات خرافية في ايد الرئيس، وبصراحة دي اكتر حاجة ضايقتني في التعديلات الدستورية بس تجازوتها على اساس انها دستور مؤقت، ولسه حنعمل قانون احزاب، وقانون انتخابات، وفيه برلمان حيشرف وكدهون يعني
بس بالصلاحيات اللي بيديها الدستور للرئيس، واللي حتى لو كان مدني حيبقى القائد الاعلى للقوات المسلحة، ومافيش غير احنا وهو ثالثنا الشيطان
انا حاعمل ايه؟
اقولكم، مش انتخبتوني خلاص؟ انا رئيسة شرعية
حاسحب كل ميزانية الدولة، عشان ميزانيتها في ايدي، واوزعها على صحابي، وعلى وسائل الاعلام، وعلى بعض المعارضين، ومعايا الداخلية، وانا القائد الاعلى للقوات المسلحة، حتى لو المجلس العسكري ما عجبوش اللي انا باعمله مش حيقدر يعمل لي حاجة، لان انا مش مبارك، انا رئيس شرعي منتخب، ولو وقف قدامي البلد حتتقسم، وحتلاقي الاعلاميين اللي انا دافعة لهم فلوس من ميزانية الدولة بيهللوا على المجلس الاعلى ويقولوا عايزينها عسكرية، ووالنبي ماحدش يقول لي: هي سايبة؟ انتوا الثورة نستكوا نفسكوا شوية، احنا مسروق منا 850 مليار جنيه قابلين للزيادة، ده اللي اكتشفناه، لسه اللي حنكتشفه، ده غير اللي اتحرق من المستندات، حاعرف اجيب فلوس من تحت الارض، واي حد حيشتم الرئيس المنتخب اللي لسه بيتمتع بزخم عاطفة الحملة الانتخابية حيبقى عدو الوطن، واي حد حيكشف فسادي حيبقى من فلول الحزب الوطني اللي عايز يبوظ الثورة.. انا رئيس منتخب وشرعي وفي ايدي كل السلطات اللي في البلد، اعمل ما بدا لي وابقى قابلني لو حد عرف يعمل معايا حاجة
وبعدين انزل صحابي، اللي انا عايزاهم انتخابات برلمانية، واعمل البرلمان اللي على هوايا، وانا صاحبة السلطة الاولى في كل حاجة، وعمالة اكرر في اني صاحبة السلطة الاولى والوحيدة
خلاص كده عملت البرلمان اللي كله صحابي، والناس لسه بتحبني عشان انتخبوني
خلاص بقى، اعمل التعديلات الدستورية اللي انا عايزاها، واحط في الدستور الخوازيق اللي انا عايزاها، واسرق وانهب على كيف كيفي
مين بيراقبني؟
---------------
انا مش قاضية ولا بافهم في القانون، لكن سؤالي اللي ماحدش من امبارح عارف يجاوب عليه:
لما الرئاسية تبقى قبل البرلمانية، مين الجهة اللي حتراقبني؟ بلاش تراقبني.. مين الجهة او الجهات او الاشخاص اللي ممكن مصالحهم تتعارض مع مصالحي حتى، ولما تتضارب المصالح ده يصب في مصلحة الشعب؟
مين حيحاسبني لما اعمل ما بدا لي؟ ما ايدي على خزينة الدولة لوحدي، وايدي على الداخلية ووزيرها لوحدي، وممكن اغيره واحبسه واجيب له مصيبة لو ما عجبنيش، وايدي على القوات المسلحة لوحدي ولو القوات المسلحة اكتشفت حقيقتي اخرها حتعمل انقلاب عسكري، عايزين احنا نوصل الامور لكده؟ والاعلاميين الواطيين اللي احنا شايفينهم كلهم حينافقوني، وماحدش يقول لي بس عندنا ابراهيم عيسى يراقبه، لو حصل وابراهيم عيسى مثلا او بلال فضل او اي معارض اتكلم عن الرئيس المنتخب وغرد خارج السرب حيبقى: يووووو بقى، ايه الناس اللي مش عاجبها حاجة دي؟
ازاي ناس عاقلة تسلم دقنها لفرد واحد وتديله البلد على المفتاح عشان خايفة من نفسها لتنتخب برلمان غلط؟ يعني احنا واثقين في فرد يبقى له كل السلطات في الكون ومش واثقين في الشعب؟ 
وبعدين الشعب اللي حينتخب برلمان غلط يبقى حينتخب رئيس غلط كمان
والوقت اللي حنقضيه في الحملة الانتخابية لرئيس كويس ونقنع الناس ان عمر سليمان وعمرو موسى جزء من النظام، ينفع نقضيه في اننا نقول للناس اللي يديك خمسين جنيه، خد منه الخمسين جنيه وما تنتخبوش
الناس بعد الثورة سخنانة - ماهو انا بابرم في الشوارع وباتكلم مع الناس ولا انتوا ما بتعملوش كده زي ما اتفقنا؟ - واسهل انك تقنعها ان النائب اللي اداها خمسين جنيه ده ابن كلب حرامي وان الحزب الوطني ده وحش من انك تقنعها ان عمرو موسى وحش على فكرة، لان عمرو موسى وش جديد بالنسبة لهم وواحد مبارك ظلمه، وعمر سليمان وش جديد نسبيا وما عملش خير ولا شر قدامهم (عمل شر كتير من وراهم، بس اثبت بقى)، لكن النواب اللي في وشهم واساليبهم اللي اتبعوها معاهم بالبلطجية والفلوس بعد الثورة سخنوا عليهم وحسوا انهم انضحك عليهم بعد ما اكتشفوا ان دول اللي كانوا بيساعدوا في سرقة فلوسهم ويرموا لهم عضمة
وفي كل الاحوال، لو فرضنا ان الانتخابات البرلمانية حتبقى الاول، حتكون النتيجة برلمان خمسين في المية قديم وناجح بالوجبة والخمسين جنيه، وخمسين في المية ناجح بنزاهة، بلاش، تمانين في المية وحش وعشرين في المية كويس، برضه عندنا رقابة عشرين في المية على المجلس ده، وينفع نقدم فيه طعون ونأخر انتخابات الرئاسة ونقعد نفك ونربط فيه ستين مرة
يعني في عز مبارك فيه كام واحد محترم عرفوا يخشوا البرلمان سنة 2005، بعد ما مبارك مشي مش حنعرف نعمل برلمان نصه فيه ناس محترمة؟ 
لكن واحد، يا صابت يا خابت، وهي الحقيقة حتبقى يا خابت يا خابت، لان السلطة المطلقة مفسدة مطلقة، اي حد في ايده سلطة مطلقة، ان شاالله يكون من الصحابة، حيفسد، اكيد، واحد ينام مواطن يصحى له ملك مصر وهذه الانهار تجري من تحته، ايه اللي يخليه يتبرع طواعية بملك مصر يعني؟ 
وارجع واسأل تاني: مين اللي حيراقبه؟ مين اللي حيشاركه السلطة؟ مين اللي لو غلط حيحاسبه؟ حيخاف من مين؟
اذا قلت لي ننزل ميدان التحرير: اولا على رأي تامر موافي، الشعب مش فاضي كل ست شهور يعمل ثورة، ده تحميل على الناس فوق طاقتهم، ده شعب فقير وعايز يأكل عياله، ثانيا، لو انت واثق قوي في الملايين تعمل ثورة كل ست شهور، الاولى انك تثق في الملايين انها تنتخب برلمان كويس او حتى نص كويس، برلمان نص فاسد احسن من فرد يا يطلع فاسد يا يطلع كان نضيف وفسد لما لقى نفسه ملك مصر
انتخابات رئاسية من غير برلمان معناه اننا بنجيب ملك... فرعون، وبنقول له: احنا واثقين فيك انك راجل امير وطيب وابن حلال ومش حتستغل سلطاتك عشان احنا اصلنا مش واثقين في الشعب
-----------
طبعا الحل الامثل مجلس رئاسي، بس المجلس الرئاسي مش حيتعمل الا لو الشارع عايزه، والشارع مش مستوعبه اساسا، ومش عارف هو ايه مجلس رئاسي ده ويفرق ايه عن اللي دلوقت
عارفين ليه؟ عشان ماحدش بيكلم الناس اللي في الشارع، برضه رايحين قاعدين مع المجلس العسكري
طيب بقى المجلس العسكري لا يأتمر الا بأمر الشارع المصري، وما بينزلش على اي طلبات الا لما يلاقي ملايين بتقول له: اعمل كذا، فبيعمل كذا، دي مرجعيته الوحيدة... يعني المجلس العسكري بيحترم الشعب والقوى السياسية مش بتحترمه من الاخر، عرفتوا ليه بيحبوهم اكتر ما بيحبوكوا؟ عشان المشير بيتفرج على جمعة ميدان التحرير على الهوا وبيسمع الهتافات هتاف هتاف ويشوف الناس عايزة ايه، وانتوا رايحين تجتمعوا بالمجلس العسكري تقولوا له: ده شعب حمار وغبي، باصوا لنا السلطة واحنا نظبطه.. لهم حق يحبوهم هم اكتر
وبصراحة بقى يبقى عداهم العيب... والعيب لا في المجلس العسكري ولا في الشارع، العيب في اللي مديين ضهرهم للشارع وعمالين يفتكسوا اقتراحات للمجلس العسكري
يبقى حاجة من الاتنين
يا يتعمل قوائم بمرشحين نثق فيهم ويبتدوا من دلوقت ينزلوا الشارع ويعملوا حملاتهم ويتكلموا مع الناس ويتزامن معاهم حملات نتكلم مع الناس في يعني ايه برلمان، وليه اللي بيديك خمسين جنيه ده راجل وحش؟ 
يا اما برضه يتعمل لجان شعبية تنزل كل المحافظات والمناطق الشعبية تقنع الناس بالمجلس الرئاسي
وارجع برضه تاني للمطلبين الاساسيين، لو مشينا حكومة شفيق دلوقت وجبنا حكومة كفاءات حتعرف ازاي تدور ورا بتوع الحزب الوطني الفاسدين وتقدمهم لمحاكمات وتفككهم بالقضايا بدل ما تفككهم بالقمع والاقصاء
ولو جبنا حكومة كفاءات حيبقى وزير الداخلية مدني وقانوني وبناء عليه حيحل امن الدولة اللي بيخدم على الحزب الوطني، والداخلية ساعتها مش حتبقى تحت امر الحزب الوطني زي ماهو حاصل لحد اللحظة دي
انما احط البلد كلها في حجر فرد، ايا كان الفرد ده، عشان برضه الاستعلاء على الشعب والتكبر عليه
ما قلنا اللي مش عاجبه الشعب يشوف له شعب تاني ويرحمنا احنا

138 comments:

lastcrazyboys said...

عندي كلمة "محشوووورة " في زوري مش عارف أحوشها ..حتى قبل ما اكمل قراية البوست

بس حضرتك لزززمن تعرفي إن الرئيس هو القائد الأعلى للمجلس العسكري تحت أي ظرف ..لأنه حضرتك يجب أن يكون صاحب القرار في حالة الحرب

نكمل قراءة بوست حضرتك ..وبعدين نرجع نتناقش مع حضرتك تاني في الكلام ده

بس اييه رأيك في كمية "حضرتك " ..ولا فشيييخ يا راجل" في مؤتمراته"

Jemy_King said...

بصراحة كلامك أقنعني شخصيا وغير رايي كتير بعد ماكنت مقتنع اننا المفروض نعمل الإنتخابات البرلمانية الأول .. بس أنا شايف فعلا ان الحل الأمثل هو المجلس الرئاسي المؤقت وحكومة التكنوقراط .. ولا انتخابات برلمانية ولا رئاسية دلوقتي خالص .. ياريت نوحد كل مطالبنا يوم الجمعة علي المجلس الرئاسي وحكومة التكنوقراط عشان تبقي الرسالة واضحة للمجلس العسكري

ahmed said...

على فكرة بتكلمي على أساس إن الدستور ده مش هيتغير .. أول ما الرئيس يمسك هيعمل جمعية تأسيسية والدستور هيتغير يعني السلطة مش هتبقى مطلقة زي ما بتقولي ومش بمزاجه ..

Boss said...

يا نوارة في اخبار بتتنشر دلوقتي ان صحيح الانتخاب بالرقم القومي بس لازم الناس تروح تسجل اسمها برضة في الاقسام
الكلام دة اتنشر في المصري اليوم ورصد وعدد كبير من المنتديات
المشكلة ان مهلة التسجيل محدودة جدا
لو الكلام دة صح يبقي موضوع الرقم القومي دة مالوش لازمة

Sherif said...

حكاية المجلس الرئاسى دى مش هتلد على الجيش وانت عارفة. خلينا نركز فى حملة توعية مستمرة, نشترك فيها كلنا, ولو بنشر كلمة الحق بين اصحابنا ومعارفنا, عشان يجى لنا برلمان عليه الطلا, نقدر نقول إنه بيقترب (لأول مرة فى التاريخ) من تمثيل الشعب المصرى

جبهة التهييس الشعبية said...

لا ماهو الدستور حيتغير

على مزاج صاخيب المخيل.. لانه هو حيبقى صاخيب المخيل

حنـــان said...

انقذو المصريين اللي في تونس يرحمكم الله

mutargim said...

أمانة يا أستاذتنا يا ست الكل يا راعية المواهب الشابة والعجوزة ..تقري مقالي ده ينوبك ثواب

http://al-agenda.blogspot.com/2011/03/blog-post_02.html

rosha said...

يسلم فمك يانوارة فى ناس كدا لازمتها فى الحياة اللت والعجن وعليها اقترحات ايه سم وتشوفيهم كأنهم قال ايه جابو التايه والنبى اتلهو على عينكو وبلاش تبرجلو الناس باقترحات زى الهم لازم طبعا انتخابات برلمانية الاول هو استهبال ايه هنجيب واحد ونسلملو الشعب يلعب بيه على كيفة ويبقى الشعب ضهرو للحيطة ارحمونا يااصحاب الاقترحات العجيبة داحنا لازم نرتب للريس الجديدبرلمان كدا مايخرش الماية فيه نواب تاكل الظلط محمرين عنيهم دايما للريس والوزرا وتخليهم يعملوها على روحوهم لوفكروا بس فكروا يجو على حق الشعب مجلس يعنى مايخرش المايه مش نجيب
فرعون ونسيبه يرتب ورقه وبعدين نعمله مجلس على كيفة اه عندنا فى الدستور بيقول الريس بيختار 30فى الميه من النواب بس الدستور مش قرأن وبعدين ليه اصلا يختار 30 فى الميه منه عشان يقولوله امين هو مجلس للشعب ولا مجلس ابوه

مواطن مصري said...

معاكي حق البرلمانية الاول

قبل الرئاسية و لما نتخب البرلمان

نعدل الددستور و نعدل صلاحيات الرئيس

انما لو جة رئيس و شاف صلاحيات بتاعتة

هيتفرعن

انا عندي البرلمان الاول

و الجيش ضامن لو الجيش شاف بقايا

الحزب الوثنمي رجعو تاني يتدخل

و يحل البرلمان زي تركيا

rosha said...

عندى سؤال يانوارة انا طبعا مش فاهمه ادك انا فى سؤال منرفزنى هو ضرورى وطبيعى اصلا ولا دى افتكاسة عندنا حكاية ان الرئيس لازم يكون القائد الاعلى للقوات المسلحة هو ماينفعش يكون الرئيس بس ولا هو اوفر لازم الاتنين سوا

rosha said...

سؤال تانى واعزرينى بردك على الجهل والنبى انا مكسوفة وفى نص هدومى وانا بسأل يعنى ايه تكنوقراط والله ماتضحكى ولا اضحكى ربنا مايحرمك من راحة البال والضحك بس ماتضحكيش اوى هاواوعى تقولى لحد انى مش عارفة يعنى ايه تكنوقراط خليها فى سرك اصل بسمع الكلمة دى 100 مرة بس محدش فهمنى يعنى ايه وشكرا

AME said...

صباح الخير،

إيه العك ده؟.. هى ثورة ولا حركة ولا شوية إضطرابات وأزمة و تفوت كما نسمع من خطاب السيد شفيق؟!!
العالم دول لسه شاغلين بفلسفة إبرك على نفسه لما يفطس أو يزهق أو يسيب الدنيا و يمشي.

بصوا هما كلمتين : يفضل الشارع وميادين التحرير تضغط لحد ما النظام يسقط. و الدستور كله بالسلامة، ثوب مهلهل و مرقع. إرميه يا أخي.. بيقولوا فيه دستور 1954 جاهز و ممكن يبقى الدستور المؤقت من غير وجع قلب و لجان و فتاوي في الفاضي.
و لا يتم إنتخاب رئيس قبل ما يبقى فيه برلمان.
أما الخلطة المايعة اللي إسمها نصه ملوخية و نصه بدنجان دي... يعني جبة برلمانية و شوية رئاسية ما ينفعش. باطل.. هى برلمانية و ستين برلمانية بوضوح.
و ما حدش محتاج يخترع حاجة جديدة هنا..
النظام اللي لسه بارك على نفسنا نظام قديم، كذاب، غبي وعجوز.. ومش مسألة سن. ولو إنهم حتى لو مسألة سن عجايز. تفكير عتيق، إحترف الكذب و التلفيق وشيلني و أشيلك. مصدق نفسه ومتخيل إنه لسه كفء.

ضغط الشارع زي ما أحدث تنحي المخلوع، يقدر برضه يحقق بقية المطالب. و ما قدمناش غير كده. فالذي يحمي و يحرك الجيش هو الشارع و ليس العكس..

الجزيرة لعبت دور مهم في الوصل بين الناس.. فاللي فيكوا له إتصال بيهم يعرفهم إنه فيه إعتصامات ومظاهرات يوم الجمعة وكل جمعة إلى أن تتحقق المطالب. و بلاش تحليلات كتير.

سمعت إمبارح حديث السيد شفيق، الراجل ده يطمح إنه يبرك على قلبها لطالون. هادي قوي وما بيقولش أي جملة مفيدة منتهية بنقطة محترمة تفيد معنى. و لسه بيسمي الثورة إضطرابات و أزمة حاليةّ!!.. هما حيفوقوا إمتى؟َّ!

فإحنا بقى نشطب الجملة الإعتراضية الماسخة دي، ومن أول السطر .

تاني... الشعب مش بيهرج.. إسقاط النظام يعني إسقاط كل النظام.
و ما يراهنوش على إنه الشعب أهبل و حينسى و يستكين تاني.
NEVER AGAIN!!!!!!!

Rana said...

أولًا كدة: القعدة بتاعة التعديلات الدستورية اللي قعد فيها الجهابذة يتناقشوا البيضة الأول ولا الفرخة مافهمتش منها حاجة مفيدة، وبالتالي توصلت إن مش هتفرق معايا أصلا الرئاسية الأول ولا البرلمانية مادام فيه دستور جديد هيتعمل.
أحيانًا الإغراق في التفاصيل بيعمل مشاكل..

ثانيُا: انا مش مقتنعة أوي بالمجلس الرئاسي لأنه ممكن يفتح جبهة خلاف تانية على الشخصيات اللي هيتم اختيارها، ومافيش شخصية أيا كانت مصداقيتها ودورها هيتفق عليها الناس، خصوصا إن الغلبة دلوقتي للإخوة اللي مديين ضهرهم للشعب زي مانتِ قلتي.

فبدل مانستغل الفرصة في توعية الناس بالانتخابات، هنقعد نتخانق على مين ينفع في المجلس الرئاسي واشمعنى ده آه وده لأ، إلى حد كبير المجلس العسكري وجوده مانع تقسيم التورتة على المعارضة الهزيلة (واللي مش هزيلة برضه) لأن كل مجموعة هتتعصب للي عايزاه ونبقى بنلف في دايرة مفرغة. وممكن تنتهي الفترة الانتقالية على مفيش.

"طيب بقى المجلس العسكري لا يأتمر الا بأمر الشارع المصري، وما بينزلش على اي طلبات الا لما يلاقي ملايين بتقول له: اعمل كذا، فبيعمل كذا، دي مرجعيته الوحيدة... يعني المجلس العسكري بيحترم الشعب والقوى السياسية مش بتحترمه من الاخر، عرفتوا ليه بيحبوهم اكتر ما بيحبوكوا؟ عشان المشير بيتفرج على جمعة ميدان التحرير على الهوا وبيسمع الهتافات هتاف هتاف ويشوف الناس عايزة ايه، وانتوا رايحين تجتمعوا بالمجلس العسكري تقولوا له: ده شعب حمار وغبي، باصوا لنا السلطة واحنا نظبطه.. لهم حق يحبوهم هم اكتر
وبصراحة بقى يبقى عداهم العيب... والعيب لا في المجلس العسكري ولا في الشارع، العيب في اللي مديين ضهرهم للشارع وعمالين يفتكسوا اقتراحات للمجلس العسكري"

أحسن كلام في الموضوع!

Ebn 5aled said...

mawdoo3 el cable dah 3amel 3and el nas ala2

http://213.251.145.96/cable/2010/01/10CAIRO99.html

AME said...

بالنسبة للإنتخابات،
ما فكرتوش في السبعة مليون مصري اللي بره؟ لازم يكون لهم حق الإنتخاب ببطاقاتهم أو حتى ببسبوراتهم في سفارات مصر في الخارج. طبعا يبدو ذلك شغل إضافي. و محدش عارف السفارات دي شغالة إزاي. وولائها لمين و إزاي ما تتزورش الإنتخابات؟.
ثم إذا كان الإنتخاب بالبطاقة، يبقى تسجيل إيه و ما تسجيلش؟,, ووقت محدود ليه؟

ساعة الإنتخابات كل مواطن معاه بطاقة يقدر يمارس حقه وواجبه الوطني في إنتخاب من يمثله.
فالدعوى الآن إنوا اللي ما عندوش بطاقة، و طبعا اللي ما عندهومش بطاقات ما بيقروش النت أيضا، يعمل بطاقة إذا كان يقدر، عشان يمارس حقه كمواطن مصري.
هى فوضى؟!

fatmaalzaree said...

وليه منصب الرئيس ده ما يكونش حاجه شرفيه فقط والاساس هو رئيس الوزرا ولو اداء رئيس الوزرا وحش يتشال زي ما هو حاصل ف دول كتير

fatmaalzaree said...

عاوزين حكومة كفاءات ومصر مليانه الحمد لله ورئيس وزرا محترم ومنصب الرئيس يكون شرفي كفايه فراعنه بقي طهقنا

نسيم الفجر said...

نوارة أنا قريت مقال على -المصري اليوم -بيقول انه التعديل الدستوري الخاص بعمل دستور جديد بنصه دا غير ملزم للرئيس الجديد أنه يعمل دستور جديد الكلام دا صحيح ؟؟

الجبرتوته said...

والله عندك حق ده كمان رايي افضل جاجه مجلس رئاسي وبعدين دستور وبعدين الانتخابات هو ده الطريق المنطقي لدوله ديمقراطيه بجد والا تضحيات الشعب تروح هدر بس فيه صفحه علي الفيس بوك نفسي تشوفيها وتعلقي عليها
http://www.facebook.com/#!/note.php?note_id=10150101590205108&id=721805393

wagdy said...

ده علي اساس ان الله حيجي رئيس ما حيصدق يروح عامل كل البلاوي دي بسرعة بسرعة و يطلع ديك ام كل الناس بسرعة بسرعة قبل الانتخابات البرلمانية ...ايه الكفته دي هو احنا خنختار ابو لهب....لا معلش صعبة قوي قوي قوي ... ده لو مبارك ف اول مدة ليه ميعملش كده

Tears said...

صاحب الاقتراح ده هى حركة كفاية و حركة ستة ابريل و ابراهيم عيسى و د.محمد او الغار و جمال زهران و البرادعى و نور و وائل قنديل و عدد كبير من القضاة فى تيار الاستقلال و ائتلاف الثورة

لان لو انتخابات تشريعية اتعملت دلوقتى قبل الرئاسية و فيه امن الدولة منحرفه و الداخلية معوجه ح يبقى كلها تزوير و لو فرضنا انها مش مزورة فحيبقى كلها يا اخوان يا حزب وطنى لان دول المستعدين و البلطجية لسه منتشرين و مش ح يسيبوا الناس تنتخب و دول اللى ح يحطوا الدستور اللى ح نقعد بيه خمسين سنة و دى كارثة انما اسهل نختار رئيس جمهورية محترم و ينظف البلد بالذات الداخلية و يلم جماعة اسف ياريس عشان الدنيا تنظف و بعدين ننتخب مجلس الشعب و لجنة من القضاة تعدل الدستور و يحصل استفتاء عليه انما غير كده يبقى مافيش حد ح يلحق مجلس الشعب لان لسه الاحزاب بتؤسس و محتاجة وقت توصل للناس بالذات فى ظل اعلام غبى موجهه

الموجود دلوقتى ده مش دستور مؤقت انما ده القديم مرقع و عشان كده المطالبة بمؤقت و ده سبب ان التعديلات الدستورية فيه عليها تحفظ من ثروت بدوى و الجبالى و عدد كبير

ياريت تقرى فى الموضوع لان الناس مش فاهمه فى القانون و انتى كده بتاثرى فيها و بترسخى فكرة نتيجتها اننا ح نعيد الفيلم من الاول بتاع مبارك و ح نجيب مجلس فيه شوية نصابين لا يعبر عن الشعب و ح يعملوا فرعون جديد من اجل الحفاظ على الفساد

http://www.dostor.org/politics/egypt/11/february/28/37214

http://www.dostor.org/politics/egypt/11/march/1/37286

اكلمى مع المستشار البسطويسى و خدى رايه فى فكرة ان انتخابات الرئاسة الاول

Baba Muhamed said...

انا موافقة على الكلام ده الجيش والشعب والباقى سلطة

Mai Shams El-Din said...

بس الفكرة إننا لو عملنا انتخابات برلمانية بالوضع ده من غير إتاحة حرية تكوين الأحزاب مش هنكون عملنا حاجة... هنبص نلاقي إن القوى المنظمة الوحيدة (زي الإخوان والوطني) في وشنا من تاني... أنا شايفة إن الحل الوحيد قبل كل ده هو تعديل كامل للدستور يقيد صلاحيات الرئيس وبعد كده مش مشكلة البرلمانية ولا الرئاسية الأول....وعمل مجلس رئاسي يتولى تعديل الدستور وفتح حرية الأحزاب والتمهيد لانتخابات حقيقية هو الضامن الوحيد اللي مش هيخلي فيه ديكتاتور تاني يتحكم فينا بصراحة

Mai Shams El-Din said...

بس الفكرة إننا لو عملنا انتخابات برلمانية بالوضع ده من غير إتاحة حرية تكوين الأحزاب مش هنكون عملنا حاجة... هنبص نلاقي إن القوى المنظمة الوحيدة (زي الإخوان والوطني) في وشنا من تاني... أنا شايفة إن الحل الوحيد قبل كل ده هو تعديل كامل للدستور يقيد صلاحيات الرئيس وبعد كده مش مشكلة البرلمانية ولا الرئاسية الأول....وعمل مجلس رئاسي يتولى تعديل الدستور وفتح حرية الأحزاب والتمهيد لانتخابات حقيقية هو الضامن الوحيد اللي مش هيخلي فيه ديكتاتور تاني يتحكم فينا بصراحة

AME said...

شرفونا تجدون ما يسركم. لسه مبتدئة على الهباب الفيس بوك!
http://www.facebook.com/note.php?saved&&note_id=100992443315471

mohamedelsebaey said...

1111111

ابو اجنده said...

انا عاجبنى بعد نظر الدكتور البرادعى جدا
هو اول من اقترح مجلس رئاسى وحكومة تكنوقراط او كفائات زى ما بتحبى تسميها
وفتره انتقاليه عشان الاحزاب الجديده تشتغل

wagdy said...

تصدقي ممكن فعلا ...انا قرييت تاني و حسييت انو ممكن جدا.....بس برضه الصح مجلس رئاسي .... و يؤجلو الانتخابات سنة.... وبعدين صعب برضة خمسين ف المية من اعضاء المجلس نضااف يطلعو و يفرضوا نفسهم صعب ..عشان محتاج وقت و قانون احزاب جديد....عشان ده الرئيس اسهل .....بس برضه ممكن مش عارف

مهندسة حنان said...

اللعبة الجيدة

قريت خبر فى المصرى اليوم بالصدفة بيقول ما معناه ان الناس بتروح أقسام الشرطة تسجل أساميها عشان تقدر تنتخب فى الاستفتاءات و الانتخابات الجاية بالرقم القومى!!! هنجت شوية و مافهمتش!! أروح القسم أنيل ايه اذا كان كل البشر و على رأسهم أعضاء المجلس الأعلى للقوات المسلحة و طارق البشرى شخصياً قالوا الانتخابات بالرقم القومى!!! انا سمعت الكلام ده بنفسى فى التليفزيون و قريته بنفسى فى النت و الجرايد يبقى ايه بقى؟؟؟







قلت أروح القسم اتأكد بنفسى ما هما خلوا الواحد يشك فى نفسه. المهم رحت قسم النزهة اللى انا تبعه، أول حاجة لقيت فيه ناس كتير و سألت فى الاستعلامات فى القسم قاللى:


كملوا على اللينك ده

http://www.facebook.com/photo.php?fbid=494830276149&set=a.36956176149.57626.625406149&theater#!/note.php?note_id=129418610463884&id=191774947500317

wagdy said...

ممكن المجلس الأعلي للقضاء يراقبو.... حلوة دي

amer said...

كلام من ذهب و لكن سيظل كلام لحين تنفيذه و لا تنفيذ ألا بتوحيد الجهود و الألتحام التام مع الشعب صاحب الثورة الشرعي و بالتالي صاحب القرار الشرعي الوحيد في مصر و لا عبره لأي مؤسسة او جماعه .. الشعب هو صاحب القرار الشرعي الوحيد و اؤيد بأن يكون الخطاب في المرحلة الحالية و القادمة للشعب دون سواه ... بارك الله فيكي و في مجهودتك ( رجاء حذف كلمة صحابه من مقالك لأن الصحابة كلهم عدول و المقام هنا لا يتسع للخوض في ذلك بارك الله فيكي )

ابراهيم رزق said...

ازيك يا نوارة يا بطلة

المشكلة يا نوارة ان كل من هب و دب عمالة يتكلم و يقولك دى مطالب الثورة صفوت حجازى عمالة يهدد الجيش و لا كانه بيتكلم باسم تنظيم القاعدة مش باسم الثورة و شادى الغزالى اللى ظهر عمالة يهدد و يقولك انا باتكلم باسم الثورة
مفروض يا نوارة يتم اختيار مجموعة من الشخصيات المحترمة التى نثق بها اعلاميين و ساسة و قانونيين و يجتمعوا و يقرروا ما هو المطلوب بدلا من التشتت و حملات التخوين و كل واجد ينام يحلم يقولك دى مطالب الثورة عايزين العملية تمشى
خالص تحياتى

gingin said...

سلام يا نوارة
كلامك دايماً بيعجبني ومنطقي بس في حاجة مش قادر أبلعها وما كان ليها لازمة:
حتى لو كان صحابي حيفسد!
الصحابة ليسوا أنبياء ولكنهم واجب إحترامهم والأدب معهم ليس لشئ إلا لأنهم من نصروا النبي صلى الله عليه وسلم وبلغوا لنا الدين.... ولم يكن هناك موجب لضرب المثل بهم....بس معليش لكل جواد كبوة يا نوارة العرب

dolly said...

انتي عارفة انا خايفة من ايه ؟ النظام السابق هيرمي مرشح واحد في انتخابات الرئاسة و كل المستفيدين من النظام ده هينتخبوه : اما احنا بقا عندنا ولا 10 مرشحين و اصواتنا هتتشتت عليهم و الاخر مرشح النظام المخلوع كدة هيكسبنا : الحل لازم نختصر كل دول في مرشحين اتنين بس لان المرحلة دي حساسة اوي

utopia said...

السلام عليكم
كلام ممتاز بس هو يا تنتن؟ يا تنتن؟
ليه يتفرض علينا انصاف الحلول
عاوزين مجلس رئاسى ويا ريت يكون من رؤساء المحاكم الرئيسية
وحكومة مؤقتة مستقلة ويروح الجيش يشوف حاله واحنا نشوف شغلنا مع الحكومة والمجلس الرئاسى
وعندك الميدان يوم الجمعة والميكرفون والناس واحنا معاكى
كلمى الناس ولو وافقوا يبقا اشطة
وبلاش تعديلات دستور دلوقتى كتر خيرهم
يجيبولنا المجلس الرئاسى والوزارة و يعملوا لنا دستور من اول وجديد على نظافة....ليه المساومات دى انا مش عارف؟؟؟؟

utopia said...

اه وبالنسبة لوجوب تسجيل الاسم فى قسم الشرطة علشان الانتخاب بالبطاقة الشخصية
يبقى ما عملناش حاجة
وعندى احساس انها تلكيكة
هو احنا بنشحت ولا ايه؟؟؟؟

جبهة التهييس الشعبية said...

ملحوظة:
رئيس الجمهورية وهو رئيس المجلس الاعلى للقضاء وهو اللي بيعين رؤساء المحكمة الدستورية

الدستور وحش جدا في مجمله، فرعون فرعون يعني

وكمان فرعون من غير برلمان فيه انشالله تلاتة يقولوا له حرام عليك يا مفتري؟

دي خلوة شرعية بينا وبينه وكده سمعتنا حتبوظ

جبهة التهييس الشعبية said...

فيه شريحة كبيرة جدا ما كانتش بتصوت في الانتخابات البرلمانية حتنزل تصوت ودي لها ثقل

فيه شريحة تانية كانت بتصوت بخمسين جنيه وناوية ما تعملش كده تاني

باقي العشاير

يبقى احنا كده قدامنا على الاقل خمسين في المية من البرلمان بتاعنا

انتوا ناسيين ان اللي كانوا بيصوتوا كانوا تلاتين في المية من المسجلين بس؟

علان العلانى said...

مراجعات
1.لقد انتهى عهد الفرعون الى الابد بعزم شباب مصر وها هو الشعب يزيل النظام من اساسه أما عن المتخوفون بحق او بغرض على الدستور والقانون والدولة فقد كانا هناك دئما اللعوبه فى يد مبارك وزمرته ولكنهما الان فى يد الشعب والشعب الذى جعل العالم يرفع راسه مدهوشا منذ الوف السنين فى مواجهة الاهرام التى هى قبر الفرعون سوف يبدع الحلول التى لا تخطر على بال الغارقين فى نصوص الدستو اتركو النصوص وانظروا الى شباب مصر فهو يملك الحلول كلها فى قلبه وضميره

ahmad.hossam27 said...

رئيس وزراء تونس الجديد اللى يادوبك بقى له يومين امر بتاسيس مجلس دستورى مهمته وضع دستور جديد وليس ترقيع الدستور القديم ومنك لله يا شفيق

ahmad.hossam27 said...

رئيس وزراء تونس الجديد اللى يادوبك بقى له يومين امر بتاسيس مجلس دستورى مهمته وضع دستور جديد وليس ترقيع الدستور القديم ومنك لله يا شفيق

ahmad.hossam27 said...

رئيس وزراء تونس الجديد اللى يادوبك بقى له يومين امر بتاسيس مجلس دستورى مهمته وضع دستور جديد وليس ترقيع الدستور القديم ومنك لله يا شفيق

ahmad.hossam27 said...

بصراحة بقى احنا انضحك علينا فى موضوع الدستور واستغلوا اننا بنحب طارق البشرى وهنقبل اى حاجة يعملها

قلنا دستور جديد قالوا ما ينفعش وعاوز وقت وكلام اهبل من ده وادينا شوفنا ان تونس بتعمل دستور جديد

حتى تعديلات الدستور غير كافية وبها ثغرات كثيرة فاين حرية اقامة الاحزاب واين استقلال القضاء واين الحد من صلاحيات الرئيس وهل فيه رئيس هييجى ويوافق على وضع دستور جديد للحد من صلاحياته

وبعد كل ده يضحكوا علينا بموضوع الرقم القومى وبعدين يطلع زى البطاقة الانتخابية ولازم نروح القسم ونقدم طلب ويدونا مهلة يومين بس وطبعا الاولويةفى القسم للمحاسيب وبتوع الحزب الوطنى

اعقل مجنونه said...

بقولك إيه يا نونو ممكن تفهمينى الكلام اللى مكتوب فى اللينك دا

http://www.facebook.com/note.php?note_id=129418610463884&id=191774947500317

ahmad.hossam27 said...

بصراحة بقى احنا انضحك علينا فى موضوع الدستور واستغلوا اننا بنحب طارق البشرى وهنقبل اى حاجة يعملها

قلنا دستور جديد قالوا ما ينفعش وعاوز وقت وكلام اهبل من ده وادينا شوفنا ان تونس بتعمل دستور جديد

حتى تعديلات الدستور غير كافية وبها ثغرات كثيرة فاين حرية اقامة الاحزاب واين استقلال القضاء واين الحد من صلاحيات الرئيس وهل فيه رئيس هييجى ويوافق على وضع دستور جديد للحد من صلاحياته

وبعد كل ده يضحكوا علينا بموضوع الرقم القومى وبعدين يطلع زى البطاقة الانتخابية ولازم نروح القسم ونقدم طلب ويدونا مهلة يومين بس وطبعا الاولويةفى القسم للمحاسيب وبتوع الحزب الوطنى

ahmad.hossam27 said...

بصراحة بقى احنا انضحك علينا فى موضوع الدستور واستغلوا اننا بنحب طارق البشرى وهنقبل اى حاجة يعملها

قلنا دستور جديد قالوا ما ينفعش وعاوز وقت وكلام اهبل من ده وادينا شوفنا ان تونس بتعمل دستور جديد

حتى تعديلات الدستور غير كافية وبها ثغرات كثيرة فاين حرية اقامة الاحزاب واين استقلال القضاء واين الحد من صلاحيات الرئيس وهل فيه رئيس هييجى ويوافق على وضع دستور جديد للحد من صلاحياته

وبعد كل ده يضحكوا علينا بموضوع الرقم القومى وبعدين يطلع زى البطاقة الانتخابية ولازم نروح القسم ونقدم طلب ويدونا مهلة يومين بس وطبعا الاولويةفى القسم للمحاسيب وبتوع الحزب الوطنى

FATMA said...

اهم حاجة الان صلاحيات الرئيس لا تنتظر الان نعدلها واستقلال القضء ولا تعينه جهة تنفيذية
وبعدين همه ليه بيستهلكوا وقتنا ليه ما يعملوش الي احنا عايزينه

wagdy said...

يا فضيحتي حتي القضاء...... الله يخروب بيوتكو......خلاص حد يقول الكلام ده للحاجة تهاني الجبالي تشوف لنا صرفة..........

شمس الليل said...

يا جماعة انا اتخنقت
امبارح كنت مقتنعة ان الرئاسية الاول
وبعدين دلوقتى بتقولوا البرلمانية الاول
انا بصراااااااااحة نفسى ف مجلس رئاسى ويحط دستور بلا برلمانية بلا رئاسية

Ahmad said...

حكومة نظيف سرقت البلد عيني عينك ،ونعرض حـرامية مصـر بالاسماء والتفاصيل وأسماء لم تكن على البال

http://www.facebook.com/note.php?note_id=10150105151536993&id=821910496

Dr.Online said...

حسب فهمي الرئيس الجاي رئيس مؤقت على دستور مؤقت فترة سنه برضه... يعني زي المجلس الرئاسي

و بشرعية الثوره مش من حقه يرفض دا او دا... حتى الدستور المتعدل اتقال فيه انه مؤقت

بعد جمعيه تأسيسيه للدستور مش على مزاج صاحب المحل ﻷن الدستور بيبقى بناء على استفتاء شعبي عام و ياريت يبقى استفتاء بالماده مش تصويت على كل الدستور مره واحده

بعد كدا يتعمل مجلس شعب
يكون السنه خلصت
يخرج الرئيس المؤقت و تتعمل انتخابات رئاسيه جديده

Dr.Online said...

ردي عليا لوسمحت و يا ريت تضيفيني في التويتر

welkas said...

All your worries, Nawara, stem from the time-old image we have about the President. Our next President will merely be an executive secretary overseeing the progress of the government's plan, and representing the Egyptian nation to the world. That's it. That said, he must be stripped out of all the means which could grant him any more powers than that.

I think the vision is starting to get clearer to all of us, and I can see the signs for a well-defined road map:

1. Dismantle the entire government, ministers and governors of locals, cancel emergency law, and start a comprehensive process of legal questioning.
2. Form a Transitional Presidential Council (TPC) consisting of a member of the military establishment (defense affairs) and four civilian members (prime, interior, foreign, and justice affairs)
3. Draw a new constitution.
4. Run presidential elections under independent judiciary supervision.
5. Expand the (TPC), under the President elect, to form a 'caretaker?' government.
6. Allow a period of 12-18 months for new political parties to formulate and organize their parliamentary elections campaigns.
7. A Liberal, progressive, civil, parliamentary republic of Egypt declared from Tahrir square by December 2012. How about that :)

But before I get carried away and start celebrating.. we must, first and foremost, embark on a parallel path to open 30 year-old files of corruption, embezzlement, police brutality, political detention under the emergency law,.. and it must start with the immediate investigations and prosecutions of every single person responsible and was involved in killing, wounding, torturing, terrifying, or falsely accusing innocent people on and after January 25th.

welkas said...

* وظائـف خالية * مطلـوب رئيـــس للـدولة المصــرية

نحن نقبـل طلبات عمل لشغل وظيفة – الرئيــس التنفيذى الأول للجمهــورية المـصـــرية – المعروف بإســم ( رئيـس الدولــة ) . ينبغى على المترشحـين للعمل أن يرفقوا مع طلب العمل مستندات موثقة تشمل
ا. السيرة الذاتيــة
ب. شــهادات تشهــد له بالفضـــل وحسن الأداء
والتى تتلاقى بالضرورة مع المتطلبات التاليــة:
1. النــزاهة
2. العلم والمعــرفة
3. الكـفـــاءة
4. الديبلوماســـية أى ( ســعة الحيلة – مهــارة فائـقــة فى إدارة الحــوار )
5. حســن الصــوت والصـــورة
6. الســـن من: ال 47 إلى 60 .

raif wasfy hanna said...

طبعاً لازم الإنتخابات البرلمانية تتعمل الأول .. بيد أن الفترة الزمنية المتبقية على ميعاد إجرائها الذي حدده المجلس العسكري قصيرة للغاية ولا تسمح بتاتاً لقوى المعارضة (الحقيقية وليست الأحزاب الورقية اللي إنتي عارفاها) أن تنظم نفسها (حبذها لو تندمج في حزب واحد قوي) وتشكل كياناً يعرفه الشعب بأفراده فرداً فرداً فتكون بذلك قادرة على المنافسة الإنتخابية ومواجهة قوى أخرى عريقة ومنظمة بعضها فاسد والبعض الأخر رجعي ظلامي ولم يستوعب بعد زخم الثورة ودمائها الجديدة النقية وأهدافها السامية .. الوقت إذن هو ما يلزمنا .. بعبارة أوضح : لابد من تطويل الفترة الإنتقالية التي يحكم فيها المجلس العسكري أكثر من هذه الشهور الستة التي لا تكفي لإنتخاب مجلس شعب محترم يعبر عن الشعب وثورته .. أرجوكي لا تقولي ما يقوله الأخرون عن الخوف من العسكريين لحسن يطمعوا في السلطة ويقعدوا علطول زي ما حصل في ثورة يوليو .. الأمر مختلف تماماً هذه المرة ولا يتعلق هذا الإختلاف بالثقة في المجلس العسكري وأنما بالثقة في الشعب الذي صار واعياً ولن يسمح بهذا أبداً .. ألم تكتبي إن الشعب هو (بوصلة) المجلس العسكري ؟ إذن لا خوف هناك .. لا داعي للصربعة في أمور خطيرة تحدد مصير الوطن ولا يصح إطلاقاً أن تأتي مسلوقة وعلى عجالة

Islam Mahrous said...

متهيألى كل اللى اقترح اقتراح الرئاسة قبل البرلمان كانوا بيقولوا عشان الإخوان ما يستولوش على المجلس ده اللى انا سمعته من التلفزيون

Talal Hefnawy said...

والنبي يا نوارة متنسيش موضوع إلغاء سلطه رئيس الدولة في تعيين ثلث أعضاء الشعب و الشورى.. ده هتبقى مهزلة لو استمرت

Talal Hefnawy said...

آدي مثال لإنسان محترم رفض يبيع ضميره سنة 2008 و يبيع أرض القرية الذكية لصديق أحمد نظيف بسعر التراب و فضل الإستقالة عن منصبه على المشاركة في مهزلة و سرقه مصر. دكتور مهندس علي الحفناوي رئيس القرية الذكية سابقاً و إبن الدكتور مصطفى الحفناوي صاحب فكرة تأميم قناة السويس .. مصر مليانة رجاله كويسين.. اتمنى إن الرجل دة إسمه ينضاف للقائمة بتاعه الناس المحترمة جداً واللي ممكن يساهم في مصر بعد الثورة.

http://www.gn4me.com/alalamalyoum/inner.jsp?edition_id=2082&art_id=2847822

zara shaishaa said...

Yes, for at least one year or even two with a very professional government to clean up the stage, while new parties are building their bases and educating the people about their rights in the new democracy. The clean up after Mubarak ruin and the build up for the new police force, education, while giving the judiciary system to rebuild itself and clean its branches and becoming independent to be able to take its right roll in the society. The year or two, under the presidential counsel would be for cleaning up and rebuilding for all the most important agencies in the country, judiciary, police force under civilian control, and education system. Something wonderful could happen to have all the unemployed graduated work all over the country in relinquish the illiteracy in everywhere in Misr.

mentalist_brockio said...

اول حاجة لو فعلا نويتي تترشحي وتعملي حكومة من اياهم ياريت تشوفيني باي وزارة ولو حتى الداخلية

الحل ان الناس تتوحد ورا مطلب واحد انهم عايزين مجلس رئاسي يعمل فترة انتقالية حقيقية مينفعش نشتت الناس ب99569872 مطلب وكله في ست شهور على راي عبد الحليم قنديل دول بيعملو فترة انتقالية عشان ندخل في فترة انتقالية بعد الانتخابات المفروض الناس اللي بتتكلم في التليفزيون واللي بيقابلوا المجلس العسكري واللي بيكتبوا في الجرايد يفهمو الناس احنا عايزين مجلس رئاسي ليه وايه خطورة الانتخابات دلوقتي

esam said...

يا أستاذة نوارة مع احترامى لأراء حضرتك
اللى انا دايما بتابعها وبشوف فيها فعلا تفكير راجح وسليم بس أسمحى لى ان اختلف معك هذة المرة لو تم انشاء مجلس رئاسى الأن بعد طرد شفيق ياراجل وزبانيته
أعتقد اننا يجب ان نقوم بوضع دستور جديد يقوم بتقليص صلاحيات الرئيس تماما وبعد الأستفتاء على الدستور نقوم بعمل الأنخابات الرئاسية وبذلك سوف يأتى الرئيس الجديد بناءا على الدستور الجديد وبعدها بفترة نقوم بعمل الأنتخابات التشريعية وبهذا يكون قد مر عام تقريبا من الأن ويكون قد تم تعديل قانون الأحزاب من الأن فبعد عام كامل سوف يرى الشعب الصورة أوضح وسوف يكون وقتها الحزب الوطنى فى مزبلة التاريخ
وشكرا لك يا أستاذة

ahmad.hossam27 said...

ازاى الرئيس الجديد هيوافق على دستور جديد فيه تقليل من صلاحيات الرئيس؟

الوقت الحالى هو فرصتنا الذهبية لوضع دستور جديد زى تونس حيث لايوجد رئيس فعلى او برلمان مشكوك فيه

ahmad.hossam27 said...

ازاى الرئيس الجديد هيوافق على دستور جديد فيه تقليل من صلاحيات الرئيس؟

الوقت الحالى هو فرصتنا الذهبية لوضع دستور جديد زى تونس حيث لايوجد رئيس فعلى او برلمان مشكوك

elzahraamegahed said...

كنت عايزه اقترح إن شاء الله يبقى
العددد كبير الجمعه ، وتبقى فرصه وتعتصموا لو يومين لحد ما تاخدوا موافقة المجلس العسكرى على جدول زمنى بالطلبات وياريت يبقى منها:
- اقالة حكومة شفيق
- تغيير المحافظين
- حل المحليات
- حل أمن الدوله
- البدء فى هيكلة الداخلية

عايزين بس جدول زمنى ، كذا فى موعد أقصاه كذا

مع ضرورة التشديد على موافقة ائتلاف شباب الثورة على الأسماء التى يقترحها المجلس العسكرى لشغل وظائف الوزراء والمحافظين الجدد، أوو العكس وهو إن الشباب أساسا هما اللى يقترحوا أسماء على المجلس ليختار منها

أصل الصراحه لعبةالكراسى المتحركه بتاعة يشيلوا مجاور يجيبوا أمين صندوقه ، يشيلوا سامح فهمى ويجيبوا أنيل منه ، يشيلوا العادلى ويجيبوا وصيفه بقت قرف قرف، فلازم تبقى شخصيات توافقيه

elzahraamegahed said...

طيب ما علشان الكلام يوصل لاكبر عدد من الناس لازم يبقى تحت ايدك وسيله اعلاميه ، شباب الثوره لازم يبقى له مساحه تتخصص له فى التليفزيون المصرى وشوفو البرامج اللى عليها اقبال مشاهده واتكلموا فيها.
بالنسبه للانتخابات الرئاسية قبل البرلمانيه أنا بيتهيألى ممكن بس يكون الرئيس جاى لمدة سنه أو سنتين كفتره انتقاليه.

elzahraamegahed said...

أنا اقترحت موضوع الاعتصام لحد ما يوافقوا على جدول زمنى علشان نخلص والوزارة تتشكل بسرعه لأن الامن لازم يرجع حتى عشان الاثار اللى بتتسرق، ونفوق لموضوع حوض النيل ونشوف ورانا اايه
لأن المجلس حاطط على قلبه مراوح وساب البلد أيام المخلوع والعه والبلد عماله تخسر ملايين والناس عماله تزيد وما خدوش قرار الا بطلوع الروح

فلو مشينا معاهم جمعه جمعه ده هينجزوا على نهاية الست أشهر

بس ربنا يسهل وتبقى مليونيه محترمه يااااااااااارب

lo2lo2a said...

اولا انا عن نفسي مااعرفش يعني ايه مجلس رئاسي

ولو فيه ناس زي كتير يبقى لازم حد يفهم ولازم تتكلموا عنو ف وسائل الإإعلام سواء صحف او تلفزيون
وتبقوا تنوهوا انكو هتتكلموا فين وامتى والناس اللي ع النت تنشر
وكده كدا فيه ناس كتير متابعه اللي بيحصل

اما بالنسبة لحكاية ان رئيس يبقى لو كل السلطات يبقى كإن الثوار ماعملوش حاجة هيبقوا جابوا واحد ممكن يبقى النهاردة كويس بس لما حد يطبلوا ويجاملوا وماحدش يحاسبوا ( من أمن العقاب أساء الأدب ) يبقى هيبقى افظع من اي رئيس

بالمناسبة ياريت لو بتقرئي التعليقات
تكلمني على تويتر انا عاوزه اسمعك
lo2lo2a82

ربنا مع اللي بيحب البلد زيك
ويارب دائما تبقى الصوره واضحه قدامك

25jan said...

ايه الكلام الجميل دة موافقه على كلمه قلتيها,المثقفين احيانا مابيحترموش الناس البسيطه

elzahraamegahed said...

معلش حاجه بسيطه الجمعه اللى فاتت أنا تابعتها من التليفزيون لأنى بره مصر ، بس أعتقد إن كان فيه اذاعتين بالميدان وده ادانى احساس وجع قلبى بان الناس انقسمت على نفسها
ونمت واالله يومها مغمومه ومقهوره،
أتمنى إنى أكون فهمت غلط ولو فيه انقسامات يبقى يا ريت ما ننشرش غسيلنا عشان بتقولى بيتابعوها على الهوا وبيكتبوا تقارير ، وده الصراحه الانطباع اللى جالى ان الناس ما عدتش متحده واتشرذموا وهيفضلوا يتقسموا لحد ما يصفوا نفسهم

معلش نيجى على نفسنا عشان ما ننقلش صوره تعكس ان الثوره بتضعف

ayman radwan said...

http://www.youtube.com/watch?v=BQivxx27y0s&feature=player_embedded
ياؤيت تنزلي الفيديو ده عندك يانوراه هو لاحمد شفيق بيقول فيه ان الي بيحصل دلوقتي مش ثوره طبعا.

محمد طنطاوى said...

أنا من المنادين بالمجلس الرئاسي المؤقت وحكومة التكنوقراط، لكن المهم مش عايزين نطمن إن التعديلات الدستورية دى تعديلات مؤقته لازم نتعامل معاها على إنها تعديلات ثابتة ، علشان نعرف نقاومها لأنها فى الحقيقة تعديلات ليست فى صالح مطالب الثورة على أقل تقدير إلا ما كان منها من تحديد للفترة الرئاسية ودى فى الحقيقة أهم ما فيها المهم لازم نقلص من صلاحيات سعادة الرئيس القادم إحنا مش هنخرج من فرعون علشان ندخل على فرعون تانى إحنا مش عايزين فراعين تانى كفاية خلاص سرقونا وخربوا بيوتنا ، لازم نعامل رئيس الجمهورية على إنه موظف موظف موظف ، لازم كمان تتحط مادة لمحاسبة رئيس الجمهورية أثناء فترة توليه للرئاسة والسادة الوزراء كمان والمخافظين لازم لازم

ahmed said...

فى حاجة تانية مهمة جدا محدش اخد باله منها و هى ان انتخاب الرئيس اولا هيخلى المنافقين و المنتفعين يتزاحموا على الحزب بتاعه و يدخلوا البرلمان على اسمه و مبادئه و يحصل على اغلبية مطلقة و نرجع للمربع رقم واحد تانى

Sgheita said...

http://www.dostor.org/politics/egypt/11/february/24/36902
this is barad3y's article it agrees with you in the beginning that the current dustour gives too much power to the president so he says there are three things required now (he said four but the first was el e3lan en dustour el 7aly mo2aqat and it's done) the first prerequisite for insuring democracy the making of 'magless re2assy mo2aqat' la yantamy lel netham al qadeem menhom wahed men el geish if this is done then we can trust them a little bit more than inferad wa7ed bel soltah and we postpone sa3etha el parliament elections leghayet ma benwa3y el nas he says about hasty parliament elections الانتقال السريع للسلطة لن يستفيد منه سوى الأحزاب والجماعات القائمة، تاركة الأغلبية الصامته بعيدة عن الساحة السياسية، ومؤدية إلى انتخابات شكلية
unless we are very sure that elmagless el a3la lel gowat el mossala7a will not allow magless re2assy madani mo2aqat

elzahraamegahed said...

فيه ناس كتير ودى الاغلبيه بتكون رأيها بناء على اللى بيقوله الناس، يعنى من الصبح لو حمله اعلاميه اتعملت ان لازم تبقى الدوله برلمانيه وده أحسن وكده،
ممكن تتكلمى مع حد تقولى له ايه رأيك برلمانيه ولا رئاسية يرد يقولك برلمانيه تقولى له ليه يقولك الناس كلها بتقول كده وفلان وفلان جم فى التليفزيون وقالوا كده، أنا أمى مهندسه وبتفكر بالطريقه دى فى حاجات كتير ،

قليلييين أوى اللى بيعملوا نقد ويدوروا على الرأى والرأى الاخر علشان يحكموا،

فلازم يبقى فيه شحن إعلامى بأن المجلس الرئاسى ده حاجه جامده وهو أحسن حل لكل مشاكلنا،
ياريت بأه الاعلاميين المساندين للثوره فى برامجهم ما يبقاش لهم سيره الا الكلام فى الموضوع ده عشان نشحن الناس

25jan said...

http://www.facebook.com/note.php?note_id=10150101590205108&id=721805393
خدعة الرقم القومي
الشرطة فى "خدعة" الشعب
الحقي يا نواره

علان العلانى said...

متابعات

http://www.alquds.co.uk/index.asp?
fname=data\2011\03\03-01\01z999.htm&arc=data\2011\03\03-01\01z999.htm

ماذا عن دمنهور؟

هناك خبر فى الجزيرة مباشر ولكنه ليس مؤكد من مصدر ثاني

elzahraamegahed said...

سؤال: هو الانتخابات بالقائمة النسبية مش تساهم برضه فى حل موضوع الخمسين جنيه مقبل صوت لفرد معين ولا ايه؟
أنا اللى فاهماه ان الانتخاب هيبقى لبرامج أحزاب مش لاشخاص ؟،

عموما خاطبوا الناس على قدر عقولهم يعنى
اللى بياخد فلوس قصاد صوته محتاج ياخد معلومه مباشره إن اللى بيدفع لك فلوس ده ماعندوش حاجه يقدمها غير الخمسين جنيه وده بيرشيك فيبقى مش محترم فأوعى تثق فيه لأن من هنا ورايح اللى هيحكم مصر مش رئيس لا اللى هيحكمها مجموعة الناس اللى بننتخبها ومها اللى ياخدوا قرار حرب وسلام وبناء بيوت ومستشفيات وكده

خدى بالك فيه ناس بتدى مرتبات شهريه وحاجات كده فانك تقولى له الاجل البعيد والاجل القصير وان الاعانه لا تقارن اهميتها ببناء دستور وتشريعات وكلام كبير ، هيقول فى نفسه احيينى النهارده وموتنى بكره

Yasser said...

انتي قربتي تجنني اهلي يا ست نوارة يا نوارة الثورة و الدنيا كلها
شوية شوية علشان الواحد مخه قرب يأكسد

Yasser said...

سعادتك قربتي تجنني اهلي يا ست نوارة يا نوارة الثورة و الدنيا كلها
شوية شوية علشان الواحد مخه قرب يأكسد و الدنيا كلها عكس عكاس خالص

hamda22122 said...

كل واحد يروح يقابل المجلس العسكرى يحذلاهم من الاخوان وكانهم امنا الغولة اللى هتبلع مصر مع العلم ان الاخوان فاضل يحلفوا بالطلاق بالثلاثة انهم لن يرشحوا احد للرئاسة وان مجلس الشعب سيرشحوا نفس العدد الذى رشحوه فى الانتخابات السابقة اى 120 عضو فقط ولكن كل واحد يستخدمهم فزاعة جديدة الان مش عرافة يجيبوا مرسوم من المريخ علشان الناس تهدى وتفكر صح فى اولويات المرحلة بدل الهبل اللى كل يوم نسمعه

Vendetta said...

بالظبط كده التوعية للشارع المصري مطلوبة لان ملايين الملايين منهم مش عارف يعني ايه مجلس رئاسي و ليه بنطالب به دلوقتي قبل اي شيء

اقترح ان في يوم الجمعة يكون في منشورات توعية بالنقطة دي تحديدا و تتوزع على المتظاهرين و منهم تنتشر لاكبر عدد ممكن من الشعب

ثانيا تاني برفض اي تدخل من اي افراد مسمين نفسهم تجمع و لا ائتلاف و لا اي كانت الصفة بتاعتهم لانهم برضه مش بيمثلوا غير نفسهم و مش بيتكلموا غير عن اللي هم بس شايفينه مناسب و ده غلط

زي ما قلتي المجلس بيشوف الهاتافات بتقول ايه و بينفذها لان هي دي مطالب الشعب فعلا

قعدات الشاي و القهوة دي مع المجلس مش مفيدة في اي شيء نهائي

rosha said...

يانوارة انتى قصدك مجلس رئاسى يقعد فترة 12 شهر مثلا وفى الفتره دى نجهز للانتخابات البرلمانية انا بسألك بالتفاصيل عشان افهم وافهم الى حواليا زى مانتى طلبتى مننا والبرلمان الى يجى هو الى يجيز الدستور الجديد وبعدين نعمل انتخابات رئاسية انا كده فهمت صح ولا غلط

rosha said...

يسلم فمك يانوارة فى ناس كدا لازمتها فى الحياة اللت والعجن وعليه اقترحات ايه سم وتشوفيهم كأنهم قال ايه جابو التايه والنبى اتلهو على عينكو وبلاش تبرجلو الناس باقترحات زى الهم لازم طبعا انتخابات برلمانية الاول هو استهبال ايه هنجيب واحدة ونسلملو الشعب يلعب بيه على كيفة ويبقى الشعب ضهرو للحيطة ارحمونا يااصحاب الاقترحات العجيبة داحنا لازم نرتب للريس الجديدبرلمان كدا مايخرش الماية فيه نواب تاكل الظلط محمرين عنيهم دايما للريس والوزرا وتخليهم يعملوها على روحوهم لوفكروا بس فكروا يجو على حق الشعب مجلس يعنى مايخرش المايه مش نجيب
فرعون ونسيبه يرتب ورقه وبعدين نعمله مجلس على كيفة اه عندنا فى الدستور بيقول الريس بيختار 30فى الميه من النواب بس الدستور مش قرأن وبعدين ليه اصلا يختار 30 فى الميه منه عشان يقولو امين هو مجلس للشعب ولا مجلس ابوه فيه

rosha said...

يسلم فمك يانوارة فى ناس كدا لازمتها فى الحياة اللت والعجن وعليه اقترحات ايه سم وتشوفيهم كأنهم قال ايه جابو التايه والنبى اتلهو على عينكو وبلاش تبرجلو الناس باقترحات زى الهم لازم طبعا انتخابات برلمانية الاول هو استهبال ايه هنجيب واحدة ونسلملو الشعب يلعب بيه على كيفة ويبقى الشعب ضهرو للحيطة ارحمونا يااصحاب الاقترحات العجيبة داحنا لازم نرتب للريس الجديدبرلمان كدا مايخرش الماية فيه نواب تاكل الظلط محمرين عنيهم دايما للريس والوزرا وتخليهم يعملوها على روحوهم لوفكروا بس فكروا يجو على حق الشعب مجلس يعنى مايخرش المايه مش نجيب
فرعون ونسيبه يرتب ورقه وبعدين نعمله مجلس على كيفة اه عندنا فى الدستور بيقول الريس بيختار 30فى الميه من النواب بس الدستور مش قرأن وبعدين ليه اصلا يختار 30 فى الميه منه عشان يقولو امين هو مجلس للشعب ولا مجلس ابوه فيه

مهندسة حنان said...

عمر سليمان متهم بسرقة أراضى
------------

تقدم اليوم الأربعاء المقدم معتصم فتحي ضابط سابق بهيئة الرقابة الإدارية ببلاغ للنائب العام المستشار عبد المجيد محمود يتهم ” عمر سليمان ” نائب رئيس الجمهورية المخلوع, و “محمد إبراهيم سليمان” وزير الإسكان الأسبق وآخرين باستغلال مناصبهم السابقة والاستيلاء على أراضى وأموال الدولة .

وقال مقدم البلاغ الذي حمل رقم 4096 لسنة 2011 عرائض النائب العام إنه و بحكم وظيفته السابقة تلقى أوراق و مستندات تؤكد قيام ” محمد إبراهيم سليمان ” وزير الإسكان السابق بتخصيص أراضي وفيلات تابعة لهيئة المجتمعات العمرانية الجديدة بمختلف المدن الجديدة لمسئولين بالدولة وأسرهم وأقاربهم, وقيامه أيضاً بالإشراف على أعمال التشطيبات والديكورات الخاصة بفيلاتهم السكنية.


تكملة الخبر هنا

http://elbadil.net/%d8%a3%d9%88%d9%84-%d8%a8%d9%84%d8%a7%d8%ba-%d8%b6%d8%af-%d8%b9%d9%85%d8%b1-%d8%b3%d9%84%d9%8a%d9%85%d8%a7%d9%86-%d9%8a%d8%aa%d9%87%d9%85%d9%87-%d8%a8%d8%a7%d9%84%d8%ad%d8%b5%d9%88%d9%84-%d8%b9%d9%84/

مهندسة حنان said...

صدقك و هو كذوب
-----------
زاهى حواس الإخوان منعوا الوطنى من سرقة الآثار

قال زاهى حواس وزير الدولة للآثار إن نواب الإخوان المسلمين فى مجلس الشعب منعوا نواب الحزب الوطنى فى برلمان 2005 من إجراء تعديلات على قوانين الآثار من شأنها عدم حمايتها من اللصوص و تسهيل سرقتها كما كان يريد نواب الحزب الوطني.

وكشف زاهي حواس لبرنامج "الحياة اليوم" إنه لا صحة إطلاقا لبعض الدعاوى التى تقول إن الإخوان يستهدفون الآثار.

و جدير بالذكر أن شباب الإخوان شكلوا لجان لحماية المتحف المصري من سرقته بواسطة بلطجية الحزب الوطني يوم الأربعاء الدامي في موقعة الجمل


http://klmty.blogspot.com/2011/03/blog-post_2422.html

mustafa said...

بصراحة انا شايف اننا نقلل طلباتنا عشان نقدر نحققها ...بمعنى ان الطلب الرئيسى لابد ان يكون حكومة تكنوقراط وزى ما انت قلتى ان ده هيساعد فى زيادى تفكيك الحزب الواطى وكمان فى تكميم امن الدولة او الغاءه كليا لو فيه حل كويس اتقدم بهذا الاقتراح.......النقطة الثانية اننا مش لازم نقلق من الانتخابات البرلمانية ياجماعة لان اللى خلى فى 2005 فى انتخابات نصف نزيهة فى الانتخابات ده اكثر من 120 نائب معارض ده غير الافندية اللى كانوا معارضة وقلبوا وطنى بعد النجاح...وبالتالى الانتخابات الجاية هتجيب نواب اكثر بكثير واظن انهم هيبقوا اغلبية كاسحة كاسحة كاسحة.....انما اللى عامل الهيصة ده الاحزاب التعبانة اللى لو ادينالها 5 سنين برضه مش هيبقوا جاهزين للانتخابات بالاضافة للاخوة اللى حاطين الاخوان فى عقلهم ومحسسنا ان الاخوان غول هيبلع البرلمان ...............

مهندسة حنان said...

معظم من يتبنون
الرياسة أولاً

عبده مشتاااااااق لا يهمهم شعب و لا مصلحة بلد .. و عايزين يخطفونا قبل ما نفوق

elzahraamegahed said...

مش عارفه أنا غريبه ولا ايه؟
أنا أصل عمرى ما حبيت الجيش ولا احترمته بالدرجه الرهيبه دى عادى كده ومعرفش حد من معارفى ولا قرايبى مولعين بغرام الجيش أوى كده،
هى الناس عموما عندها هيبه للبدله العسكريه سواء كانت للجيش والشرطه يمكن أكتر وعشان كده معظم الناس بتبقى عايزه تدخل ولاها الشرطه اكتر من الجيش

فما تاخديش على قلبك اوى كده يا نواره
أو يمكن انا شواذ القاعده؟

ملحوظه: أبويا لواء شرطه سابق بس بكره الضباط مع اقرارى انه فيه قله محترمين فيهم وانه مماراسات كتير منهم داخله فى اطار سيستم لازم يتغيرعشان هما يتغيروا،

معلش اضرب مثال زمان كان الشيخ بيضرب العيل بالفلكه فى الكتاب والتحفيظ كان بيبقى بالضرب لكن دلوقتى الضرب فى المدارس مصيبه

أنا اصلى سالت بابا وهو بالمناسبه عمره ما خدم فى امن الدوله على الضرب قالى بمنتهى البساطه كده اه الضرب لازم عشان المتهم يقر وبيقولى عادى دول منحسين وواخدين على الضرب وبعدين الضرب بيبقى اقلام عصيان تزنيب، لكن كهربا والقسوه الجامده دى ما بتبقاش فىالاقسام العاديه وده مش خروج من ضابط على القاعده ده سيستم، هو السيستم يتغير وكله هيتظبط

اه حاجه مهمه بالنسبه للضباط المرتشين واللى بيشتروا من غير ما يدفعوا منتشره أوى بسبب إن الضباط بقى معظمهم ان ماكنش كلهم قبل ما يدخلوا كلية الشرطه بيدفعوا ووكلاء النيابة كمثل ، واللى بيدفع جنيه بيبقى عامل حسابه يلمه عشره

فياريت القبول فى الوظائف الحساسه دى يبقى فى لجنة الاختبارات قضاه،،
والموضوع مش قلة مرتب خاالص لان فعلا المرتب هزيل بس فيه امتيازات كتير بتعوض ، صناديق واراضى وشقق ومستشفيات ومصايف وعلاج شهرى والخ

elzahraamegahed said...

وبالمناسبه محمود وجدى معروف بين الضباط انه عنيف وهو متورط فى قتل وتصفية لوا ء وابنه بأمر من سوزانمبارك عشان خاطر اخوها ثابت

وللعلم يا جماعه مش كل الضباط بالسوء الرهيب ده ، الداخليه فيها بس دول هتلاقيهم محطوطين فى حتت مالهاش لزمه زى المطافى، الترحيلات ، الشكاوى ، مديريات الامن ،وهتلاقى ترقياتهم متاخره، ومش ماسكين مناصب جامده
ولو تلاحظوا فى الثوره فى 2 ضباط من اسكندريه انضموا للثوار وسابوهم وفى القاهره ، هما قله بس فيه
ويا ما منهم ناس بتصلى وبتعرف ربنا فعلا

بس هو السيستم كله زبااااااااااااااله ويساعد اى حد انه يبقى ظالم ، سلطه ومفيش رقابه ولا حساب

khaled said...

احلي حاجة في الموضوع ..انك لو طلعتي علي الناس وقلتي "بوروروم" حتلاقي تعليقات بتقولك ينصر دينك يا تفيدة ..وزغاريد وتهاليل ..يا بختك انا والله بحسدك علي حب الناس..
لكن والله وانا باقرأ البوست بتاعك - وخللي بالك انا من الناس اللي بتحب تقرأ ليكي كتير ..بس لما تركزي الاول - كنت حاسس وانا بقرأ اني باسمع خطبة من خطب القذافي .. واستغربت في اخر البوست لما مالقتكيش قايلة "" الي الامام ..الي الامام .. ثورة ..ثورة "" ورحتي خابطة الترابيزة بايدك ..
يا نوارة العملية عايزة شوية تعقل وروية ..لو انتخبنا مجلس الشعب الاول حتروح منا البلد ..المحافظين شغالين في كل حتة .. وبيضبطوا للانتخابات الجاية .. المحترفين الالي عارفين بيغملوا ايه كويس هما الحزب الوطني .. والناس ما تعرفش غيرهم خاصة خارج القاهرة واحنا مش مستعدين ..اتحداكي تقوليلي لو جبتلك اسماء اهل المنيا كلهم وقلتلك اختاريلهم اسم المرشح اللي انت عاوزاه وهما يختاروه ..اتحداكي تعرفي اسم مناسب ..وانتي العلامة بقي شوفيالناس العادية تعمل ايه؟؟ .. انا اعرف بلد في اسيوط عائلة واحدة هي التي يتم الترشح منها منذ انشاء مجلس الشعب ..
مصر مش القاهرة وبس ..ولا يخطر ببال اي بني ادم عاقل ان يقول ان امامنا فرصة لتصحيح الوضع خلال شهرين ..انت عاوزانا ننبه الناس في كل محافظات مصر عن مين الكويس والوحش - بافتراض ان الناس حتسمع كلامنا ؟؟؟ انت حتضطري تتعاملي مع اكثر من 450 عضوا يعني 3000 مرشح مثلا ..
قارني ده باننا حنتعامل مع 5 او 6 مرشحين للرئاسة ..سهل اننا نتعقبهم ونكشف خلفياتهم ونوعي الناس وتفهمهم مين كويس ومين وحش وليه وبالمستندات غير ان اغلب ناس مصر يعرفهم .. اما انك تفرقي مجهودنا علي كل اعضاء مجلس الشعب ..مصيبة ..
حاجة تانية لو الرئيس الجديد ما اتعادلش سهل تقنعي الناس بالثورة ضده ..لكن حتثوري وتعتصمي ضد اعضاء مجلس الشعب واحد واحد ؟؟.
الحاجة الاخيرة ..انتي بتخترعي العجلة من الاول.. ما هو الرادعي صوته اتنبح - ولو ان صوته مش طالع ويترفز - الا ان الراجل عنده تصور واضح ومنظم ومتكامل ..مش بيرمي كلمتين من النرفزة وخلاص ..وكتبنالك اكتر من مرة ادعموا الراجل للتحدث مع المجلس الاعلي ..مش للرئاسة بس للاعداد للرئاسة ..ولا يمكن لو متنا كلنا الجيش حيوافق علي مجلس رئاسي ..وطبعا مش عايزين نصطدم مع عصبية وقبلية سعادتك اللي خلتنا نفتكر ان اسمك ""نوارة الجيش المصري"" مش ""نوارة احمد نجم"" .. لكن مستحيل حيوافق علي مجلس رئاسي ..عقيدة الجيش الثقة فقط فيما هو عسكري والاستهانة بما هو مدني ..والثقة في رجاله فقط ..
معلهش اخر حاجة ..لو كلنا من دلوقت اصرينا علي رفض التعديلات الدستورية - بشرط عدم طرحها للاستفتاء لانها لو طرحت ستعتمد -وخفضنا صلاحيات الرئيس والزمناه بدستور جديد في موعد محدد ..ودعمنا رئيس انتقالي منتخب لمدة عام او عامين ..يشترط الا يترشح لمدد مقبلة طوال حياته سنضمن ان يقود مرحلة انتقالية معقولة الي انتخابات عادلة..ده اسهل كتير في القبول للقوات المسلحة

HiTmAn47 said...

كلامك غير منطقى يا نوارة لسبب بسيط ان حصل ثورة و ثورة بجد مش زى انقلاب عرابى ولا انقلاب 52 اللى سموه بعد كدة ثورة .... و تعديلات الدستور اجبرت الرئيس القادم ان اول حاجة يعملها هى انتخاب لجنة تأسيسية لعمل دستور جديد فى خلال 6 شهور

ميقدرش و لو كان مين انه يقول يبقى الوضع كما هو عليه و تفضل معاه كل السلطات .... لان الشعب هيكون لسة فى نفس الحالة الثورية

يقول أنى امرأة said...

نوارة انا اتلغبط لسا ابراهيم عبسى كان بيتكلم فى البرنامج بتاعه اننا مش عايزين انتخابات برلكانيه الاول و ان دة مش فى مصلحتنا ؟؟؟؟؟؟؟؟؟؟ فين بقى الصح فى اللغبطه الى احنا فيها دى ارسو على رائ بقى عشان نفهم .... وبعدين انت مرضتيش ع موضوع الرقم القومى ... الامهات و الناس الى بتشتغل عايزة تتاكد انها تنزل القسم ولا لاءة انت عارفه الى معاها عيال هتنزل تجر العيال و الى بيشتغلو هياخدو اجازة او كدة فالناس عايزة تتاكد

Tears said...

http://www.shorouknews.com/ContentData.aspx?id=400334

xn--pgbo2do.com said...

معلش
انا رأيي يبقي فيه حاجه عامله زي مباحث الانتخابات
دي تبقي شرطة او مدنية
لو عرفوا ان فيه واحد بيدفع فلوس مقابل أصوات يتشطب فورا

أيمن البرى said...

الحمد لله الناس كل يوم بتوصل لنقاط اقرب للهدف
المتفق عليه ان فيه اتجاه من التعامل مع الثورة ( بمعنى ازاحة نظام و استبداله بنظام آخر بما فيه من رئيس و وزراء و محافظين و رؤساء الجامعات و قيادات كل حاجة جت بتقارير امن الدولة بما فى ذلك 45 الف فى المحليات كلهم حزب وطنى ) و تحويل دماء الشهداء و خروج الملاين و مواجهة الموت إلى مجرد ترقبع فى نظام مبارك و كما يحب شفيق ياراجل يسميها.
الكل ايقن انه لا بد من استمرار التظاهر يوم الجمعة و تحديد الاولويات و الاتفاق عليها حتى يتم تنفيذها.
ذكر احد الكتاب كيف قام المجلس العسكرى بقيادة سوار الذهب بالسودان بمحاصرة مقر امن الدولة بكتيبة مظلين و القبض على كل القيادات و اعتقالهم بسجن الاعتقالات بعد 24 ساعة فقط من الثورة على النميرى
فحل امن الدولة سهل بشرط توافر الارادة و هو اسوء مخلفات مبارك ولا بد من ازالته فورا لانه سبب كل الاطرابات بالبلدبالاضافة للقبض على اى رجل اعمال يتهم فى التورط فى اعمال بلطجة للتحقيق معه و القضاء على فلول الثورة المضاده.
المناقشات جيدة ولكن هى برلمانية و ليست رئاسية و لابد من توافر ضمان الا تأتى باحد من الحزب الوطنى مثل قرار حظر اعضاء الوطنى 5 سنوات.
موضوع انتخاب المغتربين بالسفارات ده مهم لانهم اكثر من 10 ملاين

أحمد البستاوي said...

الحل الوحيد هو الدولة المركزية - الحكم للشعب
http://afkar-soda.blogspot.com/

hoopoe bird said...

تنبيه- هام
المجلس العسكري واضع رصيده في بنك الشعب

مصرية حرة said...

http://www.facebook.com/notes/rnn-شبكة-رصد/لماذا-نطالب-بحل-أمن-الدولة-هام-للغاية/191999290834922
لو سمحتم احنا عايزين محاكمة حكومة شفيق على كل ما حصل و اللي فات..
ومن هنا ورايح مفيش سعادتك وحضرتك و احلام سموك اوامر ومفيش 7 عربيات للوزير و مراته و لجيرانه ..
ولازم يكون برلمان لرئاسي و مجلس رقابي من قبل القضاء..واهي دول الغرب قائمة و الموضوع مش كيميا..
اعتصام لحد تحقيق المطالب
وعلي فكرة من حقنا نأمم جميع الشركات المسروقة و يديرها مجاميع من الشباب وبعض الخبراء الشرفاء..ووشوش الحزب الوطني الغير معروفة بدأت تحاول الاندساس و عايزين نعمل لهم لستة سودا ..دي رقابتنا و مسئوليتنا

FATMA said...

لست قانونية ولكن ايه رايكم توفيرا للوقت والمال والمجهود الانتخابات البرلمانية والرئاسية معا
وقوي المعارضة الشبابية تتحد مع بعض وتنزل انتخابات عشان نفوت الفرصة علي بتوع الحزب
ايه رايك يا نوارة

Ahmad atef said...

مساء الفل يانوارة
أنا لسة امبارح كاتب تعليق علي النوت بتاعت عمرو سلامة بخصوص الوعي السياسي للمصريين ودللت له علي أنه متوفر ومفيش خوف ان شاء الله من سوء الاختيار
دليلي -مش تفاؤل وثقة وخلاص- هو المرحلة الأولي من انتخابات 2005 والتي جرت بحوالي75%نزاهة أسفرت عن نجاح ساحق لكل الناس المحترمين ولاأعني الإخوان فقط بل حتي الأسماء ...المحترمة جميعها خارجهم(سعد عبود-جمال زهران-علاء عبد المنعم وغيرهم) وخد بالك ماكانش النظام اتفضح زي الأيام دي ولا كان الوعي السياسي للناس زي الأيام دي
يعني...هي وجهة نظري أننا نثق أكتر في الشعب اللي عمل أعظم ثورة في التاريخ الحديث ومانستهينش بوعيه وان شاء الله مش هيخذلونا

assour said...

عزيزتي نوارة اكتب لك في خطاب مفتوح اقتراح بإقامة استفتاء شعبي بتوقيعات اسم وبطاقة و محل سكن بالموافقة الشعبية على الستة اهداف الرئيسة للثورة و طلبات الائتلاف كلها بوضوح تام، في كافة المحافظات في ذات اليوم في الميادين الكبيرة مثل يوم الجمعة امضاء و رقم بطاقة كل واحد في الميادين دي.. و من ثم الحصول على توقيعات و موافقة بقية الشعب من خلال لجان تمر على الناس في الاشارات و في البيوت احيانا او في اماكن العمل ، وكلها طلبات تستهدف ارساء الديموقراطية اللي حتجيب الرخاء و عيشة المنجهة اللي كل الشعب بيفهمها كويس قوي، سواق التاكس عارف الظباط والسكع على القفا، بياع البطاطا عارف عربيته بتتاخد و بيدفع ايه عشان يجيبها، بياعة الخضار شرحه، الموظف عارف لو زاد مرتبه 300 ج حيكسب ايه، و هكذا و الطلبات دي اللي بتودي السكة دي مباشر.
لو ده اتحقق اعتقد اقل شئ حيمضى 10 مليون بالساهل ، مع داتا بيز بسيطة على النت تثبت ان مافيش حد مضى مرتين و بالتالي دليل ملموس للاعمى و الاصم واللي بيستهبل و اللي عامل عبيط ان الشعب ورا الطلبات دي مش "شباب" بلا هدف واحد عاوز شفيق و واحد عاوز فل و واحد عاوز مهلبية...لا شعب بالكامل بيقول لا .
و خللي بالك الصعيد لسة ما قالش حاجة حتى هذه اللحظة. مجرد اقتراح طلع من اجتماع في المكتبة امبارح و تم تثبيطه من المنظمين اللي شكلهم حزب وطني لامم شوية الناس النظيفة عشان يشغلهم عن المشاركة بتقسيمهم لمجموعات لكاكة تلك في الدستور والاحزاب و ازاي حيفهموا عم حسن بتاع الخضار و سواق التاكس ان الثورة حلوة ليهم، طبعا عم حسن و ست ام منص فاهمين كل حاجة بس عاوزين سكة بتودي مش حديث و كلام و توهان.
مع تقديري لك

Dalia Essmat said...

اؤيد بشدة ما قلتية ان ثبات الوضع كما هو علية واصدار بعض التعديلات الدستورية ثم اجراء انتخابات رئاسية او برلمانية لن يصل بنا الى اهداف الثورة ، لان هذا السيناريو يتطلب تجهيز الارض اولا لضمان نجاح مشروع الديموقراطية، وبالتالى يتطلب مرحلة اصلاحية كبرى يتم فيها اعداد الدستور الجديد وتغيير القوانين المقيدة للحريات السياسية وانتخاب مجالس محلية وطنية تكون هى الاساس و البروفة للانتخابات البرلمانية ونحن فى هذة المرحلة الان ولكن للاسف لا يتم فيها التجهيز . لان السلطة العليا فى البلاد فى يد الجيش ، ولن ينجح فى انجاز الاصلاح والتجهيز المطلوب برغم امانتة فى الانحياز اليها لان عينة على الامن والحدود اولا ولان دى مش شغلتة ثانيا و الحل ان يستعين بصديق لادارة المرحلة الاصلاحية الان وليس بعد ستة اشهر، بمعنى يريح دماغة من خوتة المطالب المدنية و اليات التحول الديموقراطى و يتفرغ للمطالب الامنية ، بمعنى ان المجلس الاعلى للقوات المسلحة يعلن تسليمة سلطة رئاسة البلاد وقيادة المرحلة الانتقالية الاصلاحية الى مجلس رئاسى يعمل طبقا للدستور المعدل (بعد الغاء الدستور القديم المعطل فقط حاليا) يمثل فية عضو من الجيش مسئول عن الملف الامنى الداخلى و الخارجى (يعنى مطلب الكرامة ) و عضو قانونى مسئول عن ملف الحريات العامة وتاسيس الديموقراطية بما فيها دستور جديد ومحاكمة الفساد (يعنى مطلب الحرية)وعضو اقتصادى مسئول عن ملف الاقتصاد و التنمية (يعنى مطلب العدالة الاجتماعية) بس خلاص بالنسبة لحكومة شفيق فالمجلس الرئاسى سيعمل ما يراة فى صالح المهام الموكل بها يقيلها كلها او يبقى من يبقى لن تكون هى المشكلة لان المجلس الرئاسى سيكون لة السلطة الكاملة عليها و ستعمل بتوجيهات مباشرة منة .والمجلس الرئاسى مدتة سنة ونصف بحد اقصى . ترشيحاتى للاعضاء المدنيين العضو القانونى المستشار هشام البسطويسى و العضو الاقتصادى الدكتور جلال امين و طبعا العضو العسكرى يختارة المجلس الاعلى للقوات المسلحة عايزين تصويت على المقترحات لتوحيد الصفوف لان وحدة المطالب هى الضامن الوحيد لتحقيقها

مدونة النسر المصرى said...

الاستاذه الفاضلة نواره نجم وجميع الاصدقاء والمدونين.. أتشرف بدعوة سيادتكم لحضور حفل كتابى الجديد(جمهورية ميدان التحرير)

5مارس القادم بالمركز الاكاديمى للصحافة

.

ولسيادتكم جزيل الشكر





صدر حديثاً فى الأسواق كتاب (جمهورية ميدان التحرير) مجموعة قصصية للكاتب/ ياسر حسن.

يلخص فيه على مدار 18 يوماً مادار إبان قيام ثورة 25 يناير .



ويشمل الكتاب وهو من القطع المتوسط 25*17.5 عدداً من القصص القصيرة للثورة والمواقف التى حدثت قبل الثورة بيوم وتنتهى عند إلقاء خطاب عمر سليمان خطاب التنحى الشهير.



والكتاب هو عبارة عن قصص مرتبط منفصل ببعضه يعبر عن الاحداث التى صاحبت الثورة من جميع الطوائف المصرية التى شاركت او لم تشارك فيها.

يشمل الكتاب 27 قصة قصيرة مبسطه لجميع الأعمار وتناسب المثقف بكافة انتمائاته.



جمهورية ميدان التحرير هى تجربة فريدة يقوم بها المؤلف تلخص حياة الثورة بتعبيرات القصص الاسهل على القارئ ووصولاً لحالته المعنوية المرتفعة الان .وقد تكون قد حدثت بالفعل تلك الاحداث لكنها كما يقول المؤلف من مخيلته.



صدر للمؤلف من قبل عدداً من الاصدارات من قبل مثل:م



كتاب (الحرب على لبنان جريمة ضد الانسانية)



كتاب ( حسن البنا الأرض الطيبة صفحات من نور)



كتاب ( فن التدوين)



كتاب( أغيثوا غزة)



كتاب (شمولية التربية النموذجية) تحت الطبع



كتاب(جمهورية ميدان التحرير-مجموعة قصصية)

مي said...

عاجل جدا
امبارح اتفرجت على وائل الإبراشي في برنامج مانشيت مع القرموطي، ومن ساعتها دقت أجراس الخطر ، وأنا أزعم إن أجراس الخطر لما بتدق عندي بيكون حدسي صحيح، طبعا هي مش مسألة حدس،.

الموضوع إن الإبراشي بدأ يعمل دعاية لعمرو موسى.
قعد يشكر فيه ويذم في البرادعي.

والناس بتحب وائل الإبراشي علشان هوة بيقول اللي الناس عايزاه، هو بيسعى في الأساس إن الناس تحبه فقط ، ما بيدورش على مصلحة مصر.

وللأسف الناس بتحبه وهتسمع كلامه، يبقى الثورة قامت والناس استشهدت علشان عمرو موسى يمسكها على الجاهز.

أنا زمان كنت بقول لو جمال مسك هموت وبعدين قلت لو عمر سليمان مسك هموت . ودلوقت بقول لو عمرو موسى مسك هموت وأموت وأموت ميت مرة

fafy said...

متضايقه من ان الريس لازم يراقبوه مجلس الشعب طب على اساس ايه ان بتوع مجلس الشعب ميه بالميه هايكونوا نزهاءلو فضلنا نلف حوالين نفسنا كده ونخون مش هانخلص وهانخسر كتير

مي said...

امبارح شفت برنامج مانشيت وكان القرموطي مستضيف وائل الإبراشي وكانوا بيتكلموا عن مرشحين الرئاسة ، الإبراشي قعد يشكر في عمرو موسى متناسيا ماضيه الأسود وذم في البرادعي لما شبع.

المهم أنا حصلي الرعب ، بعد الثورة ودم الشهداء ييجي واحد مدعي زي عمرو موسى ياخدها على الجاهز

الناس بتحب الإبراشي لأنه بيقول اللي الناس عايزاه علشان شعبته ترتفع ومش علشان مصر في الأساس.

لو عمرو موسى مسك أنا هموت وأموت وأموت ميت مرة

khaled said...

د. عمرو حمزاوي علي او تي في - مصر بلدنا - يؤيد انتخابات رئاسية قبل الانتخابات البرلمانية ...

حسين العسقلاني said...

أ. نوارة أرجو من حضرتك تقرأي هذا المقال لأهميته مع الشكر الجزيل لكِ
http://melhamy.blogspot.com/2011/03/blog-post.html
بقلم: محمد إلهامي
مقال وتحليل متعلق بمواقف الجيش في الاحداث الأخيرة وحتى الآن

ساعي الخير said...

الحمد لله رب العالمين
أتعمل دستور أتفصل جلابية كستور كل ده مش مهم المهم أن يكون فيه مبادئ واضحة متفق عليها بين الناس تتصاغ في بنود دستور في بنود قانون ما لناش الدعوة المهم أنه يكون مفهوم أن ده حق لا يمكن التنازل عنه تحت أي ظرف من الظروف و تحت أي مسمس من المسميات زي أيه زي الأجر الذهبي و الحد الأدني للأجور مقيم بسعر الذهب جنيه و ربع ذهب و زي أن كل عامل من حقه يعرف واجبات وظيفته بالتفصيل علشات تتحدد المسئولية عن الفساد و زي تغيير نظا الأجور الرمزية اللي بيقابلها شغل رمزي علي قد الفلوس و مثل وجود فترة زمنية محددة للفصل في أي قضية لأن العدالة البطيئة ظلم بين و زي حاجات كتير تاني لكن تغيير الأضخاص و اللعب بالدساتير ما لهوش لازمة المهم تحقق العدل القائم علي مبادئ واضحة يتفق عليها زي الماجنا كارتا كده يعني و موفقين للخير

emy said...

والله مش عارفه اقول ايه يانواره واحد قريبي كان واقف في لجنه شعبيه ايام الثوره وشافو عربية امن فيها امين شرطه ضرب عليهم نار لكن الجنه الشعبيه والجيش قبضو عليه واتصاب وفوجئت بقريبي بيقول انه شاف حاجه صدمته قولت ليه ايه قال ان شاف امين الشرطه بيشتغل في الشارع عادي اذن لم يعاقب او يحاكم عسكريا لذلك يانواره تساءلت اومال البلطجيه والامناء الي هاجمو على الثوار في التحرير عمل الجيش معاهم ايه حاكمهم ولا خرجهم كان لم يكن شيئا احنا محافظه صغيره لذلك الناس بتحفظ بعضها اومال المحافظات الي زي القاهره والاسكندريه مش هيعرفوهم وسط ملايين وزمانهم شايفنكو وبيضحكو عليكم علشان فكرينهم اتحاسبو واتحاكمو يا نواره والله حاجه تحزن

elzahraamegahed said...

اللواء اسماعيل عتمان فى مداخله لمصر النهارده الآن:
اللى فى التحرير واللى بيعملوا مظاهرات مش شباب الثوره، شباب الثورة مع القوات المسلحه وعايزن البلد تمشى والحكومة تكمل شغلها والوزارات تشوف اللى وراها
وعلق على مداخله كان عملها أستاذ أحمد الخشن أحد المراقبين بالجهاز المركزى للمحاسبات والذى يطالب مع 2500 ممن يعملون بالجهاز بإقالة الملط وتغيير المادة الخاصة بالجهاز المركزى للمحاسبات فى الدستور وهى تقريبا الماده 118 لأانه بيقول أنه هناك منع ليهم من أداء عملهم وإظهار الحقائق والتقارير كاملة ،

المهم االلواء عتمان علق وقال دول مطالبهم فئوية واللى عنده مشكله يشوف الوزاره المختصة ويقدم لها مشكلته
مع إن أحمد الخشن قال إنهم معندهمش أى مشامكل فئوية وإنهم ضد أية مطالبات خاصه ولكن فيه قيود تمنهعم من كشف الفساد

اتفرجوا والنبى على الجيش

مفيش أى نيه لاقالة شفيق ونفس الكلام القديم أن اللى فى التحرير دول مش 25 يناير وإن شباب الثوره متمسكين بشفيق

قيادات الجيش دى كلها محتاجه تتفور لأن عندهم إدراك مختل للواقع ، ولو كانوا فعلا قلبهم على البد كانوا نحوا مبارك من بدرى مش يستنوا لما البلد وولعت وقلبت بعصيان مدنى
وبالطريقة دى عمرهم ما هيشيلوا شفيق بالسنسنه وجمعه جمعه والكلام ده
محتاجين إنهم يجبروا ويعرفوا إنها ثورة بجد ،
عمرهم ما هيشيلوا شفيق إلا بتجمع ضاغط وكبير
إن شاء الله الرد يوم الجمعه يبقى حافل وضاغط

وبالمناسبه تامر أفندى أمين عمل مقدمة بتاع ربع ساعة عن شفيق ومدى تمسك الناس بيه للاستقرار ولشخصة واخلاقه ومطاراته وبلوفراته ،و عرض للحياد إنه فيه ناس تانيه مش عايزاه عشان تبع النظام السابق ، وأخذ يتساءل طب الحل ايه بأه نعمل استفتاء على الفيس بوك ولا شعبى ولا ايه لأن فيه ناس كتير متمسكين بيه وهو أحد حسنات النظام السابق

قمة الاستفزاااااااااااااز

rico said...

والله انتي جننتيني وجننتي اهلي (وزمالك) معاكي كمان يا نواره انابحاول اقنع نفسي اننا هنعدي الظروف المنيله بنيله دي واقول يا واد هتتعدل سيبها علي الله وسيبك من حكايه البيضه الاول ولا الفرخه اللي قربت تجنني والتعديلات الدستوريه هتريح الكلام ولكن اخيرا وبعد صدور التعديلات قررت اني ما افكرش ف الموضوعده تاني بس رجعت لقيتني مش عارف انام بس تصدقي انك بتقري افكاري؟؟؟؟ ايوووووووووون بتقري افكاري لان انا كنت بقول لاصحابي امبارح ان المجلس الرئاسي هو اللي هيظبط التظابيط ويفيش الهوامش اجي انهارده الاقيكي بتتكلمي فيه يا سبحان الله ولذلك انا رأيي ان انا اهاجر اه والله لان الوضع شائك جدا لدرجه ان في شوكه دخلت ف صباعي فاهمشي وامري لله

خالد said...

http://hurria-masry.blogspot.com/2011/03/blog-post.html

Hany said...

حلقه العاشرة مساءا مع المستشار البشرى اقنعنى جدا بان لازم انتخابات مجلس الشعب افضل وأكثر امن لمصر ان تكون قبل انتخاب الرئيس. وبعدين مجلس الشعب ده ح يكون مؤقت برضه لان بعد الدستور الجديد الكامل سوف يتم عمل انتخاب جديد للمجلس يعنى لو كان مجلس وحش فى فرصه لتحسينه.
اما ان ينتخب الرئيس اولا فمعناه سيكون ممتلك لكل السلطات التى لم تعدل بعد وكمان مفيش مجلس شعب ممكن يفرمله يبقى ممكن يعمل اللى هو عايزة.. يبقى النقطه دى اصبحت واضحه جدا ومش عايزة جدل.

Hany said...

اذا كان الرئيس ينتخب اولا يبقى لازم تقيد سلطاته فى الدستور المعدل او دستور جديد.
المهم لازم الثورة تقدم البديل الجاهز فعلا مش قولا.. يعنى لازم الناس تشوف البديل وتقارن.. مثلا الدستوريين اللى بنتقدوا التعديلات ليه ميحطوش دستور جديد فى خلال يومين زى ما بيقولوا ويعرض على الناس مع مقارنته بالقديم.
ليه ما يتمش اعلان اسماء مقترحه لحكومة الخبراء وتعلن على الناس وتعريف منجزات اعضائها..
عرض حل المعضلة التى تساعد على عدم تعاطف الناس مع الثورة تدريجيا وهى التوافق بين التظاهر لطلب الحقوق والحاله الاقتصاديه لمصر.. دى نقطه مهمه جدا

MOHAMED said...

نوارة أنا يشرفني أني أنقل لك تجربتنا
في موريتانيالكي تستفيدوا منها
في موريتانياكان يحكمنا ريئس من 1984 حتي 2005
كان الفساد والتعيين علي أساس الولاء للحزب الحاكم الحزب الجمهوري وكان اللي ترشح معاه في الأنتخابات وجاب نتيجة كويسكة يدخل سجن فورا
كان السجن ملئ بالمعارضين من كل التيارات الفكرية إحنا الطلبة كنا كل يوم بنتظاهر ونضرب وطبعا ماكانش فيه لا مراسل للجزيرة ولا تلفون أبو كاميرا ولا فيس بوك ولا الكلام ده المهم في عام 2005 أستجاب ضباط في الجيش لمطالبنا وقام بأنقلاب أطاح بالرئيس و أعلن فترة أنتقالية من عامين و أعلن أنهم لن يترشحو للأنتخابات ولا الحكومة الأنتقالية وأقاموا منتديات للحوار وخرجت بتوصيات بتعديل الدستور وتحديد مدة الرئاسةبفترتين أنتخابيتين وتم إجراء الأنتخابات البرلمانية أولااااااااااااااااااااااااااا وده مهم جدااااااااااااااااااااا لأني عايز أوضح لك ليه من بعد تم إجراء أنتخابات رئياسية وفاز رئيس مدعوم للأسف من رموز الفساد لفلوس اللي سرقوها مولو بها حملة هذا الرئيس ولكن لم تسلم السلطة رجعت رموز والفساد ولكن البرلمان كان ليه بالمرصاد وحاول منعه ولكن الرئيس عنده صلاحية حل البرلمان وهدد بحل البرلمان ولكن البرلمانيين أستنجدو بالقادة العسكريين فقام الرئيس بإقالة القادة العسكريين وذالك تمهيدا لحل البرلمان وإجراء أنتخابات تأتي ببرلمانيين دمي ولكن الجيش قام بسجن الرئيس وطلب منه الرجوع في قرراه ولكنه رفض
المهم انا عايز أقولك إيه الأنتخابات البرلمانية أولا
لا تقعوا في هذا الفخ

Amal said...

ليه ما يعملوش الدستور الأول اللي بيحد
من سلطات الرئيس
الدساتير موجودة و ممكن يجتمعوا اساتذة القانون و يعملوا دستور ممتاز نستفتي عليه
ده مش محتاج وقت كثير
بعد كده ننتخب الرئيس
بعد كده المجالس

Amal said...

ليه ما يعملوش الدستور الأول اللي بيحد
من سلطات الرئيس
الدساتير موجودة و ممكن يجتمعوا اساتذة القانون و يعملوا دستور ممتاز نستفتي عليه
ده مش محتاج وقت كثير
بعد كده ننتخب الرئيس
بعد كده المجالس

Amal said...

ليه ما يعملوش الدستور الأول اللي بيحد
من سلطات الرئيس
الدساتير موجودة و ممكن يجتمعوا اساتذة القانون و يعملوا دستور ممتاز نستفتي عليه
ده مش محتاج وقت كثير
بعد كده ننتخب الرئيس
بعد كده المجالس

moo said...

اولا احب اهنيك على رجاحة عقلك وفيه بعض الحلول 1- انتخابات برلمانية الاول مع ما فيها من سلبيات ستكون ارحم من اعطاء هذا الكم من السلطات لاى مرشح وان كان طاهر فسوف تفسده 2- عمل لجنة جديدة لوضع دستور جديد يتم فيه تحديد مهام الرايس ويكون الاستفتاء فيها على المواد مادة مادة ويكون الموكل بادارة البلاد خلال هذه المرحلة مجلس رئاسي مكون من 5 اعضاء قضائى وعسكري ووثلاث شخصيات سياسية عامة 3- يجب من الان تطعيم جهاز الشرطة بعناصر مدنيه متطوعة تساعده وتراقبه وتكون مدعومه من خلال المجتمع المدنى فى كل بلد وهى التى سوف تساعد على ضبط الشارع ساعة الانتخابات وتكون خير عون للقضاة فى الاشراف

قرفة said...

ويل يا ويل
علاء الاسواني ادار اجمل حوار
ومع رفضي لشفيق كرئيس وزراء وبقول انه لااااااااااازم يمشي لكنه كرجل شعرت باحترام ليه
وقد يكون احجساسي من ضمن نتايج الثورة المضادة
ولكن في النهاية ارى ان الحوار ده لم يخدم الثورة بل بالعكس
في وقت خطر جدا جدا ومكانش يجب انه يتم الان
ولا انتي ايه رايك

BT said...

طيب وليه اصلا نزنق نفسنا فى الحته ديه
ما نعمل أعلان دستورى مؤقت و ننتخب عليه رئيس جمهوريه الأول و بعدين مجلس الشعب و الأفضل من ده كله مجلس رئاسى
مشكله مجلس الشعب ان اللعب فى انتخاباته اسها خصوصا فى القرى و المدن الصغيره
و المستشار طارق البشرى النهارده على دريم قال ان العمل بالدستور القديم قائم بعد التعديلات
يعنى لسه هنرجع نشتغل بالدستور الملفق ده طول الفتره الأنتقاليه
ليه الطريق الصعب اللى كله عقبات و احتمالات نجاحه او فشله قريبه و احنا فى ايدنا بديل احتمالات نجاحه اكتر زى الأعلان الدستورى المؤقت و الغاء الدستور القائم
بصراحه مش فاهمه و لمصلحة مين نجهد الناس و نقلقهم لفتره اطول ونستنزفهم نفسيا و معنويا علشان تزهق وتتلخبط و تنزوى تانى

Mohammed said...

بدل مكل واحد يطلع برأي لوحده ليه متتجمعوش شباب إئتلاف على أحزاب على مستشارين و تطلعوا برأي واحد متفق عليه يتعلن في التحرير لأن الجيش بيسمع الميدان كويس أوي بدليل لما قالوا في إجتماعهم مع موسى و البرادعي و أبو المجد الميدان كل شوية بيزود طلباته معناه بيسمعوا
يبقى نتفق و الصوت يطلع واحد حاولي توصلي للناس الكلام ده

BT said...

وبعدين بتقولى برلمانيه الأول أضمن وبعدين رئاسيه طيب ما هى نفس الحوسه مهو صلاحيات الرئيس هى هى و ممكن يحل مجلس الشعب كمان
مادمنا بنشتغل على الدستور القديم يبقى لا برلمانيه و لا رئاسيه هتنفع التنين هينفع فيهم اللعب
يعنى هو وجود البرلمان كان منع حسنى يعمل اللى هو عاوزه
فكروا يا جماعه أكتر الله يخليكم
انا قلقانه للمجهود ده كله يروح
نواره اتكلمى مع المستشار البسطويسى وقوللنا رأيه الله يخليكى

cherif.hakam said...

كان مفروضا أن نبنى كل شيئ,على دستور جديد,وبكره الناس هاتشوف,ان انتخابات,سواء مجلس شعب,أو رئاسية,مبنية على دستور مرقع,ستكون نتائجها كارثية,وستفشل الثورة.ثورة=دستور جديد,قبل أى شيئ آخر..,بعد كل الدم ده,والشهداء,والتضحيات,والصبر على كل شيئ,ومازلنا غير قادرين على الرِؤية الواضحة,بعيدة المدى,وفرضها على المجلس العسكرى؟!ياعينى عليكى يامصر

DomDam said...

نوارتنا
معلش خارج سياق الموضوع
اخدتي بالك القذافي قال ايه؟
http://www.dostor.org/politics/middle-east/11/march/2/37346
وقال القذافي في كلمة أمام تجمع من أنصاره في طرابلس نقلها التلفزيون الليبي على الهواء مباشرة ان ليبيا ستدخل حربا دموية سيموت فيها الاف والاف الليبيين اذا تدخلت الولايات المتحدة أو قوات حلف شمال الاطلسي.

هو بدل مايهدد الغرب بان جنودهم حيتقتلوا لو دخلوا بيهددهم بان الليبيين حيتقتلوا بالالاف
ده بقى واخد شعبه رهائن!!!

ahmad.hossam27 said...

انا اتفق تماما مع hany,amal

طارق البشرى فى العاشرة مساءا قال انه عمل التعديلات الدستورية على اساس ان انتخابات مجلس الشعب تكون قبل انتخابات الرئاسة لان لو جاء الرئيس اولا فانه سيستغل صلاحياته فى الدستور القديم والتى لم يتم تعديلها بعد .....يعنى لو احنا عاوزين انتخابات الرئاسة اولا يبقى لازم قبلها يكون فيه مزيد من التعديلات الدستورية للحد من صلاحيات الرئيس

ahmad.hossam27 said...

انا اتفق تماما مع hany,amal

طارق البشرى فى العاشرة مساءا قال انه عمل التعديلات الدستورية على اساس ان انتخابات مجلس الشعب تكون قبل انتخابات الرئاسة لان لو جاء الرئيس اولا فانه سيستغل صلاحياته فى الدستور القديم والتى لم يتم تعديلها بعد .....يعنى لو احنا عاوزين انتخابات الرئاسة اولا يبقى لازم قبلها يكون فيه مزيد من التعديلات الدستورية للحد من صلاحيات الرئيس

sosots said...

فى أول كلامك قولتى ان لما الدستور اتعدل وجدتى انه برده عاطى لرئيس الجمهورية صلاحيات كتييير جدا لكن عاديتها عشان ده دستور مؤقت طب وليه نعديها ما نطالب بتعديل دستورى كامل لا يختلف عليه نسبة كبيرة ولا يعطى كل هذه الصلاحيات للرئيس ويتعمل إنتخابات رئاسية جيده وبعدين التوعيه اللى تحصل ان مفيش رئيس تانى هيبقى فرعون أو إله وان لازم لو قرر حاجه مش فى صالح الشعب يكون فيه اللى يحاسبه وبعدين بمنطقك ده مش شايفه انك بتقولى اننا هننزع الثقه من اى واحد هيترأس مصر حتى لو كل المصريين وافقوا عليه فعلا وده طبعا مستحيل ومش عاوزيين تبقى نتيجة الانتخابات 99.9 وبعدين مفيش رئيس هيجى ويفضل 4سنوات فقط وممكن يبقى زى اللى قبله ابدا يعنى مش لو الناس ماتقدرش تنزل الشارع كل 6 شهور ممكن تنزل بعد اربع سنين لو معجبهاش الرئيس الجديد ولقيته هياخد مده كمان وحتى لو على إفتراض انه هياخد مده كمان يبقى 8 سنين برده مش هيلحق فيهم يتجنن ويبقى فرعون تانى

sosots said...

فى أول كلامك قولتى ان لما الدستور اتعدل وجدتى انه برده عاطى لرئيس الجمهورية صلاحيات كتييير جدا لكن عاديتها عشان ده دستور مؤقت طب وليه نعديها ما نطالب بتعديل دستورى كامل لا يختلف عليه نسبة كبيرة ولا يعطى كل هذه الصلاحيات للرئيس ويتعمل إنتخابات رئاسية جيده وبعدين التوعيه اللى تحصل ان مفيش رئيس تانى هيبقى فرعون أو إله وان لازم لو قرر حاجه مش فى صالح الشعب يكون فيه اللى يحاسبه وبعدين بمنطقك ده مش شايفه انك بتقولى اننا هننزع الثقه من اى واحد هيترأس مصر حتى لو كل المصريين وافقوا عليه فعلا وده طبعا مستحيل ومش عاوزيين تبقى نتيجة الانتخابات 99.9 وبعدين مفيش رئيس هيجى ويفضل 4سنوات فقط وممكن يبقى زى اللى قبله ابدا يعنى مش لو الناس ماتقدرش تنزل الشارع كل 6 شهور ممكن تنزل بعد اربع سنين لو معجبهاش الرئيس الجديد ولقيته هياخد مده كمان وحتى لو على إفتراض انه هياخد مده كمان يبقى 8 سنين برده مش هيلحق فيهم يتجنن ويبقى فرعون تانى

Logaina said...

الشعب يريد
نتقدم أولا بالشكر والتقدير لقواتنا المسلحة الباسلة بقيادتها الرشيدة الوطنية والتي هي جزء من الشعب وأبناءه والتي حافظت علي نجاح الثورة وأكدت شرعيتها وشرعية مطالبها ونطالب المجلس الاعلي للقوات المسلحة بما يخول له من سلطات لإدارة البلاد بالآتي:
تخصيص 3 قنوات تليفزيونية خاصة محايدة وأرقام تليفونات للمداخلات عليها وجريدة خاصة يومية و موقع علي النت تحت اشراف شباب 25 يناير والشخصيات الإعلامية المعروف عنها تأيدها الكامل للثورة بل ومشاركاتها فيها لتكون بمثابة وسيلة لتوصيل صوت الافراد والشعب وعرض شفاف لما يتم اتخاذه من اجراءات لتحقيق مطالب الشعب واجراء الإستفتاءات الخاصة بتسهيل واسراع الانتهاء من المهام الموكلة للجان التالية
لجنة دستورية
لجنة إدارية
لجنة قضائية أمنية
والتي يطالب الشعب المجلس الاعلي بتشكيلها لتحقيق المطالب الثلاثة
اسقاط الدستور الحالي و البدء في وضع الدستور الجديد
1 يقوم المجلس العسكري بتشكيل لجنة دستورية من أعضاء اللجنة الأولي والثانية و يضم إليها جميع رجال القانون والدستور الذين انتقضوا المواد المعدلة علي أن تضم هذه اللجنة أفراد قانونيين من أطياف متعددة من الشعب وتعتبر بمثابة لجنة مفوضة من الشعب الذي يتم التواصل معها من خلال الوسائل الاعلامية السابق ذكرها و يفوض المجلس الاعلي لهذه اللجنة كامل اللسلطات و الصلاحيات لتنفيذ وتحقيق ما يوكل إليها من مهام وهي :
1. إصدار "إعلان دستوري" لتنظيم البلاد وذلك تمهيدا لإعلان اسقاط الدستور الحالي المعطل إستنادا لشرعية الثورة
2. مراجعة المواد المعدلة لإنتخاب رئيس الجمهورية والوصول إلي مواد بشكلها النهائي الذي يسمح باضافتها للدستور الجديد
3. يضاف إلي هذه المواد مواد خاصة بتحديد صلاحيات الرئيس المحددة
4. تقوم اللجنة بمناقشة وتحديد
أ‌. خطوات الإنتخابات الرئاسية والبرلمانية مع وضع جدول زمني لها
ب‌. الخطوات العملية المحددة للإنتخاب بالرقم القومي
ت‌. الخطوات الخاصة بتصويت المصريين بالخارج
ث‌. الشروط العامة لإنشاء الأحزاب بالإخطار

2 بعد الانتهاء من الخطوات السابقة في موعد أقصاه 25 مارس يعلن المجلس الاعلي للقوات المسلحة
أ‌. سقوط الدستور الحالي وبدء العمل بالإعلان الدستوري
ب‌. إعلان إطلاق حرية تكوين الاحزاب بالإخطار والشروط المتعلقة بها
ت‌. اعلان التعديل للمواد السابق ذكرها والخطوات التنفيذية السابقة ومواعيدها الزمنية

5. تشرع اللجنة في دراسة المسودات للدساتير التي اجتهد فيها بعض رجال القانون ودراسة دستور عام للبدء في وضع دستور جديد للبلاد ويتم ذلك من خلال الاستمرار في عرض هذه المناقشات من خلال وسائل الإعلام المخصصة لهذا الغرض لتقديم دستور جديد للبلاد في موعد أقصاه تحدده اللجنة نفسها

Logaina said...

اسقاط الحكومةالحالية و تعيين حكومة تكنوقراط لتسيير أمور البلاد لحين اعلان الدستور الجديد
1 يقوم المجلس العسكري بتشكيل لجنة إدارية من الشخصيات العامة المعروف عنها النزاهة و يضم إلي هذه اللجنة أفراد من أطياف متعددة من الشعب وتعتبر بمثابة مفوضة من الشعب الذي يتم التواصل معه من خلال الوسائل السابق ذكرها لتوصيل صوت الافراد لهذه اللجنة ويعكس شفافية النقد والرد و عمل استفتاءات
و يفوض المجلس الاعلي لهذه اللجنة كامل اللسلطات والصلاحيات للقيام بمهامه وهي:
أ‌. إختيار الوزراء لهذه الحكومة و المحافظين و رؤساء المحليات و ذلك في موعد أقصاه 25 مارس
ب‌. صياغة المهام والتكليفات الخاصة بهذه الحكومة لتسييرأمورالبلاد في ضوء تحقيق مطالب الثورة
2 يعلن المجلس الاعلي للقوات المسلحة الحكومة الجديدة لتسيير أمور البلاد و تحلف امامه اليمين علي ان تستكمل عملها لحين إصدار الدستور الجديد للبلاد وانتخاب السلطة التشريعية حيث ستوضح وقتها كيفية اخيار الحكومة و يحدد شكل الدولة البرلماني

استرجاع الحالة الامنية المستقرة للبلاد
1 يقوم المجلس بتشكيل لجنة قضائية / أمنية/عسكرية/ مدنية من رجال الامن الشرفاء وممثلين من حقوق الإنسان والمجتمع المدني والقضاة ورجال القانون والعسكريين لإدارة شئون البلاد الامنية ويكون دور وسائل الاعلام السابق ذكرها هو تلقي البلاغات و التحقيق في صدقها واعداد قوائم المعتقلين و القوائم السوداء والبيضاء لرجال الامن وتكون مهامه الآتي
أ‌. إختيار وزير للداخلية الذي يقوم بدوره في اختيار مديرين الأمن للمحافظات من الشرفاء تحت اشراف اللجنة
ب‌. إعداد قائمة سوداء من جميع ضباط وأمناء الشرطة وتقديمهم للمحاكمة العلانية
ت‌. تشكيل لجنة للتحقيق في قضايا الفساد وعلي رأسها الجرائم المنتهكة في حق الثوار والمواطنين و قضايا الفساد السياسي ثم المالي
ث‌. الإفراج الفوري علي جميع المعتقلين في أحداث الثورة
ج‌. الإفراج عن المعتقلين السياسييين في السجون وأمن الدولة وذلك خلال شهر من الان مع تأمين هؤلاء المعتقلين من التصفية الجسدية خلال هذه الفترة
ح‌. إعادة هيكلة جهاز الأمن بكل قطاعاته للحفاظ علي الأمن الداخلي مع رؤية عامة تنسيقية مع أجهزة الجيش الحافظة لأمن الحدود
خ‌. تشتمل هذه الهيكلة علي اعادة هيكلة الاجور والمرتبات لرجال الأمن
د‌. إصدار بيان موضح لحقوق المواطنين و كذلك صلاحيات رجال الأمن التي تمكنهم من االقيام بعملهم بمفهومه الجديد وهو الحفاظ علي الأمن العام و الداخلي
ذ‌. إعداد قائمة من رجال الامن الشرفاء لتكريمهم
ر‌. صياغة القوانين التي تنظم علاقة الجهاز بغيره من أجهزة الدولة و المواطنين
ز‌. إلغاء قانون الطواريء وفقا للحالة الأمنية للبلاد

2 يعلن المجلس العسكري الشكل النهائي لجهاز الامن ومفهومه الجديد بقطاعاته - خلال شهر من الان

اعتماد ما سبق والشروع في تنفيذه يعد السبيل الوحيد لوقف المظاهرات وترك الميدان و بوابة تحقيق مطالب الثورة

cherif.hakam said...

بالنسبة لشفيق,لانخدع باللطف الزايد,والبونبونى,دول بالنسبة لهم,حياة أو موت,فى ناس سرقت ميليارات,وناس نصبت,وناس خدت أراضى ومشاريع بالميليارات برضه,دى أرض مدينتى مكسبها مائة وخمسون ميليار,والغاز,..,ومحاسبة اللى قتلوا الناس بالمئات,كل ده عايز وقت,علشان يترتب,وكل يوم يمر,فيه مكسب,التلريخ هايبين,ان أكبر نظام مافيا,يعنى جريمة منظمة,بل أدهى, مقننة,حكم مصر.شوية أدب ولطف,وبالأخص تناحة وعدم احساس,مش مشكلة

assour said...

يا مجلس انتقالي يا دستور جديد،غير كده ولا حاجة و الجيش عايد دكتاتورية مضيفة زي الصين

cherif.hakam said...

شفيق رحل,لم نخدع باللطف الزايد,والبونبونى,دول بالنسبة لهم,حياة أو موت,فى ناس سرقت ميليارات,وناس نصبت,وناس خدت أراضى ومشاريع بالميليارات برضه,دى أرض مدينتى مكسبها مائة وخمسون ميليار,والغاز,..,ومحاسبة اللى قتلوا الناس بالمئات,كل ده عايز وقت,علشان يترتب,وكل يوم يمر,فيه مكسب,التاريخ هايبين,ان أكبر نظام مافيا,يعنى جريمة منظمة,بل أدهى, مقننة,حكم مصر.شوية أدب ولطف,وبالأخص تناحة وعدم احساس,مش مشكلة

DomDam said...

المستشار طارق البشري طلع مع منى الشاذلي قال اللي انتي قلتيه بالضبط
عجبني قوي لما منى قالتله ماهو لو عملنا مجلس الشعب دلوقتي حيبقى زي البطيخة يا حمرا يا قرعة
قالها طب ماهو الرئيس برضه حيبقى بطيخة، يبقى انهي احسن؟ بطيخة واحدة و لا 508 بطيخة؟
بس احلى حتة عجبتني لما قالها ان الملايين طلعت في جميع المحافظات تطالب بمطالب واحدة في منتهى العقل، يبقى ازاي ماثقش في الملايين دي انها تنتخب برلمان كويس؟
الله ينور عليه، و عليكي انتي كمان
و على الشعب كله
:))))
انا فرحان قوي الحقيقة