هاتوا لي بقى اسم الدايرة دي بقى عشان نعيد الاستفتاء، او نقفل الموقع ده

تحديث:
فيه حد هنا معلق على البوست لفت نظرنا لحاجة: كل اللي بيصوت بيمضي في الكشف، ازاي الاستمارات تبقى عددها اكتر من عدد الموقعين؟ 
ده سؤال برضه
عموما احنا مستنيين الموقع يقول لنا فين في المنوفية؟
فين في المنوفية؟
فين في المنوفية؟
تحديث:
طيب
كريستيان دوجما ده حنجيب ضرفه مبدئيا يعني
عشان ده فيديو نازل سنة 2007



وده فيديو كريستيان دوجما منزلاه على انه بتاع الاستفتاء بتاع دلوقت

بس ده فيديو تاني غير الفيديو اللي احنا شايفينه ده مختلف عن الفيديو اللي نازل على تشانل تانية باسم كريستيان دوجما برضه
والورقة اللي في الفيديو اللي احنا متاكدين انه قديم
الفيديو اللي نزل على تشانل تانية مش التشانل دي الورقة فيه شبه الورقة بتاعة الاستفتاء بتاع دلوقت، بس مش عارفين الاتنين تشانل دول لهم علاقة ببعض، ومش عارفين الفيديو اللي نازل في التشانل الاولانية في المنوفية فعلا ولا لا، وفين في المنوفية، وفي لجنة اتقفلت ولا لا؟ وليه اللي صور ما بلغش، ولا بلغ؟ ولما بلغ حصل ايه؟ كل دي اسئلة لازم نعرفها، عشان انا اتصلت ببتوع شايفنكم وقالوا لي الفيديو ده بالنسبة لنا ولا حاجة مدام اللي حطه ما قالش في انهي دايرة
تحديث:
الدستور الاصلي بيقول ان فيه فيديوهات من 2007 بس مش عارفة يقصدوا الفيديو ده ولا لا
اهم حاجة بس نعرف فين في المنوفية، واللي حط الفيديو يقول يا اما حيتعلق
--------
تحديث:
عايزين نعرف كام حاجة
اولا: الدايرة دي فين في المنوفية؟
ثانيا: اللي صور ليه ما بلغش في ساعتها؟
ثالثا: هل فيه لجان اتقفلت في المنوفية وممكن دي تبقى واحدة منهم؟
رابعا: هم اصحاب الموقع ماقالوش ليه مكان الدايرة؟ حنروح الدايرة دي وحنبلغ واللجنة دي حتتقفل ونتائجها حتتلغي.. بس يقولوا هي فين؟ 
خامسا: وكتاب الله المجيد.. وحق دم الشهدا، لو الفيديو ده اشتغالة ما حاخلي الموقع ده يشتغل تاني وحاعمل له فضيحة المطاهر واخليه عبرة لكل من يعتبر
سادسا: وكتاب الله المجيد.. وحق دم الشهدا، لو الفيديو ده صحيح ما حاخلي حد فيكي يا كرة ارضية ما يشوفه وتبقى فضيحة بجلاجل ومش حنسكت ابدا
فمن قصيرها كده، لو الفيديو ده افتكاسه شيلوه وانا حاسامحكم
ومن قصيرها كده، لو الفيديو ده حقيقي، الاتنين دول ييجوا من ودانهم لأن وشهم باين واللجنة دي كل نتائجها تتلغي
تحديث:
الفيديو مش من 2007 والغلط عندي انا، لأن دي صورة استمارة 2007 ومش شبه الاستمارة اللي في الفيديو
عايزين نعرف الفيديو ده فين في المنوفية؟ ووش المراقب باين، وفيه ناس بتقول انه بيصوت لمكفوفين، بس كل ده مكفوفين
مافيش الكلام ده
اللي رفع الفيديو لازم يقولنا فين بالظبط عشان احنا حنقلب الدنيا دلوقت حالا وحنخلي اللي ما يشتري يتفرج
-------------
بما إن استفتاء 2007 كان من اربع سنين فممكن ابقى غلطانة او اختلط عليا الامر، لكن انا متذكرة الفيديو ده من استفتاء 2007 ويمكن اكون غلطانة

الفيصل ان الموقع اللي نزل الفيديو ده يجيب لنا اسم الدايرة واهو المراقب وشه باين الحمد لله ولو الفيديو ده صحيح وحصل فعلا السنة دي في الاستفتاء ده يبقى حنطالب بالغاء الاستفتاء كله وحنعيده من اول وجديد.. ولو الفيديو ده فعلا قديم من 2007 زي ما انا متهيألي يبقى ده آخر يوم للموقع ده

هم مش حاطين اسم الدايرة بس بيقولوا في المنوفية

يجيبوا اسم الدايرة وانا اقلب الدنيا على الفيديو ده