Sunday 6 March 2011

لا امن الدولة حيتحل يعني حيتحل.. ويشتغلوا في المطافي

قبل اي حاجة: انا ان شاء الله اخلص البوست ده واتوجه الى لاظوغلي
عايزين اعداد كبيرة تتوجه الى هناك لان الناس هناك سامعين صوت تكسير وفيه حرايق قبل ما حد يسأل فين لاظوغلي، عند ميدان التحرير، عارف المجمع؟ فين مدخل القصر العيني من عند التحرير؟ في شارع جنبه على ناصيته هارديز، ادخله وامشي شوية.. حتلاقي لاظوغلي
انا سمعت وجهة نظر بلال فضل امبارح مرتين عشان افهم هو ليه شايف ان امن الدولة يمكن اعادة تشغيله تحت اشراف قضائي وانه ما ينفعش يتحل لأني باثق في رأيه وهو الحقيقة عنده حكمة ودي من الحاجات القليلة، ان الواحد يبقى نضيف وحكيم، سيدنا عمر عنده مقولة شهيرة بس مش فاكرة نصها، لكن معناها: اعمل ايه يا ربي؟ المحترم عبيط، واللي مش عبيط مش محترم.. في النادر لما تلاقي حد محترم ومش عبيط
المهم، سمعت كلامه اكتر من مرة
بس ما اقتنعتش خالص
1- يعني ايه اللي اتعود على القتل والتعذيب مش حيعرف يعمل غيرهم فبدل ما يروح يقتل ويعذب خصوصي ويبقى خارج عن القانون نشغله احنا ونخلي القضاء يشرف عليه؟
القضاء يشرف على ايه بالظبط؟ يشرف على القتل والتعذيب؟ 
اولا هو مش يا اما يشتغل في القتل والتعذيب بتاع الدولة يا اما يشتغل في قتل والتعذيب الخصوصي.. فيه خيار تالت: يشتغل شغلانة شريفة وياكل لقمة حلال، بمعنى انهم يتوزعوا على الاجهزة الاخرى، ويتوزعوا على اجهزة ما ينفعش يقتلوا ويعذبوا فيها، يعني ما يروحش مكافحة مخدرات ولا مكافحة جرائم ولا كل الكلام ده لانه حيمارس امراضه على المواطنين وبدل ما يلفق لهم تهم الارهاب حيلفق تهم المخدرات والجرائم، يروحوا حاجات ينفعوا بيها الناس، مافيه اختراع اسمه مطافي ومرور وسياحة وجوازات (اهو الجوزات ده حيخليهم يمارسوا هوايتهم في التلصص على الناس من غير اذية)، ومافيش حاجة اسمها اصله اتعود! اتعود يبقى مجرم فيا عيني مش حيعرف يعمل حاجة تانية؟ اتعود على الاجرام يتحبس، طب على فكرة وكل اللي في السجن دول اتعودوا على تجارة المخدرات والتزوير والدعارة والقتل والبلطجة والنشل والسرقة، ما نشغلهم باشراف قضائي بدل ما نحبسهم، اشمعنى يعني دول اللي يتحبسوا؟
ثانيا: لو خلاص مافيش قدامي خيار غير اني يا اما اشغله يا اما يعمل عصابة، انا عندي يعمل عصابة ويبقى خارج عن القانون ونقبض عليه ونحبسه احسن ما اورط كل الدولة في تشريع جرائم وكمان احط له قاضي يشرف عليه، ونجيب له لجنة طبية بقى كمان عشان يعرف يعذب من غير ما الفريسة تفطس في ايده
ده خيار مطروح ده؟ ان الدولة تعمل جهاز اجرامي باشراف قضائي والمواطنين يدفعوا له ضرائب عشان نحاول نقنن ميول بعض الشواذ للجريمة والتعذيب والقنص ونشغلهم لحسابنا بدل ما يشتغلوا ضدنا؟ احنا عايزين نعمل دولة ولا عايزين نعمل عصابة؟ 
لو محتاجين يتعالجوا نعالجهم على حسابنا، ما ياما دفعنا فلوس للجهاز ده عشان يعذبنا ويقتلنا ويزعزع استقرار امننا ويكسر نفس شعبنا، ندفع لهم فلوس عشان يتعالجوا اولى.. انشالله نعمل لهم اعانة بطالة يا سيدي ولا اني اشغلهم مجرمين بمرتب
وبعدين برضه يعني: حيبقى عندنا ميت الف محسن السكري؟ طيب يا ريت.. محسن السكري في السجن وواخد اعدام على فكرة، مش بياخد مني مرتب وبيتقال له يا باشا
2- ماحدش يحط لنا مقارنة مع الاف بي اي
الاف بي اي ده جهاز حقير ومنحط ومتورط في قتل مارتن لوثر كينج ومالكوم اكس وكل الناس الحلوة دي.. يا ترى كان واخد اذن قاضي عشان يقتلهم؟ وانا لا عايزة مصر تبقى زي امريكا ولا اسرائيل، انا نفسي بلدي تبقى محترمة.. متهيالي من حقي؟ مافيش بلد محترمة تأوي مجرمين وتشغلهم لحسابها
يا ريت الامريكان يعملوا ثورة ويحلوا الاف بي اي، والله ممكن نبعت لهم مليونية ولا اتنين نساعدهم
وبعدين احنا عندنا جهاز الامن العام، وده كفيل بحماية المجتمع 
3- معلش.. حد يذكر خمس انجازات وطنية عملها جهاز امن الدولة
طب تلاتة
طب واحد
بلال كان بيقول انه يعرف ضباط امن دولة عملوا حاجات كويسة... ايوة يعني ايه اللي ممكن ظابط امن دولة يعمله كويس حتى لو كانت نيته كويسة؟ الكويس مش من اختصاص جهاز امن الدولة ولا من مهامه حتى لو كان فيه ناس فيه نفسها تعمل حاجة كويس.. جهاز امن الدولة تخصصه الوحش بس
اكوس حاجة بعض ضباط امن الدولة ممكن كان يعملوها انهم يخفوا التعذيب، او انهم يدخلوا للناس اكل من ورا الظابط الوحش، او انهم يشوفوا ام الواد اللي محبوس في غيابات الجب على الباب فييجي على جنب كده ويقول لها: اطمني يا حاجة.. حيروح النيابة بكرة تقدري تشوفيه
طب ايه؟ دي شغلانة؟ ده لو اتقفش بيعمل الحاجات دي حيترفد ويروح في ستين داهية
ايوة يعني ايه الاختصاصات الكويسة لجهاز امن الدولة؟
الجرائم - سواء منظمة او غير منظمة - شغلة مكافحة الجرائم (وماحدش يقول لي ارهاب عشان مافيش حاجة اسمها ارهاب، الفعل يا جريمة يا مش جريمة، بصرف النظر عن كون الجريمة نابعة من افكار ولا نابعة من تار شخصي او اي اهداف، الجريمة جريمة والتفتيش في النية مش شغلانة القانون، ارهاب ده مصطلح استعماري، في البداية استخدم من دول الاحتلال ضد المقاومين، وبعد كده استخدم من دول الاحتلال برضه لتبرير اعادة احتلال بعض الدول، وبعدها استخدم من قبل الانظمة الديكتاتورية للسيطرة على الشعب، مافيش حاجة اسمها ارهاب، فيه فعل يتصنف جريمة او مش جريمة، وماحدش في الدنيا يتحاسب على افكاره، افرض واحد ماشي في كل حتة يقول: النصارى عباد الصليب.. النصارى الكلاب.. اللي اللي.. بس عاش ومات وهو بيقول القرف ده وما عملش حاجة، يتقبض عليه لبعدين يعمل جريمة؟ طيب ماهي دي شغلانة امن الدولة، انه يشوفك بتقول ايه، ويصنف كلامك، وعلى اساس تصنيفه لكلامك يقبض عليك لبعدين تعمل حاجة مش على هواه، دي شغلانة دي؟ دي خدمة للوطن دي؟)
مع ذلك، التنظيمات، والمخططات، الداخلية والخارجية، شغلانة المخابرات.. اه، المخابرات تشتغل شوية بدل براذر موسليمهود براذار موسليمهود، وقاعد مع الامريكان والاسرائيليين يتفق معاهم سنة 2007 على حرب غزة 2009/ 2010.. اه اه.. عمر سليمان، عمر سليمان خطط للحرب دي مع الامريكان وقالهم ما توقفوش الضرب الا لما احنا نقولكم عشان عندنا عملاء في داخل غزة واول ما يوصل لنا ان حماس سلاحها انتهى، ساعتها حنقول لكم بطلوا ضرب، وقال لهم انا زارع خلايا سرية في ايران لزعزعة استقرارهم والاطاحة بنظامهم
ادخلوا على وثائق ويكيليكس.. الواد اسانج لما لقى ناس في الاول بتقول عمر سليمان كويس قال في نفسه: يخرب عقلكم يا عبط.. خدوا خدوا، وراح منزل وثائق قد كده عليه، غير اللي كان منزله قبل كده وكانت فضايح، بس احنا مش فاضيين له دلوقت، جايين له جايين له، بس نخلص اللي في ايدنا
وبدل ما يعملوا الحاجات الخايبة دي، يتفرغوا لنا شوية وياخدوا بالهم من بلدهم ومن حماية بلدهم بدل المرازية في مخاليق ربنا وخدمة اسرائيل وامريكا حيث بقى ان عمر سليمان خلاص ما بقاش رئيسهم وهو كان عزيز قوي على اسرائيل وامريكا وبينهم محبة وعشرة.. خلاص مشي، يشتغلوا بقى، وانا وصلني انه ما كانش محبوب في الجهاز للسبب ده، اهو مشي اهو، حمد الله على سلامتكم
كفاية قوي جهاز المخابرات للتنظيمات اللي بتقولوا عليها ارهابية دي، سواء جاية من برة او جاية من جوة، وبصراحة بعد الثورة اتضح اننا ما عندناش اللي بتقولوا عليهم ارهابيين دول، بالذات فيما يخص الفتنة الطائفية، المسيحيين والسلفيين بينهم بوس واحضان اوفر اوفر اوفر.. ما شاء الله يعني مش عايزة احسدهم، بس الحب اللي بينهم عامل زي فيلم امر اكبر انتوني بتاع اميتاب بتشان، مأفورين قوي: حبيبي.. انت ما طلعتش ارهابي؟ 
- حبيبي.. انت ما طلعتش عميل لامريكا؟
وراحوا واخدين بعض بالحضن وقعدوا يرقصوا هندي في الغابة.. على الله بقى ابن عمها الشرير ما يطلعلناش في نص الرقصة، لازم نحل جهاز ابن عمها الشرير عشان يعرفوا يبوسوا بعض ويخلصوا الفيلم ده لأنه طول قوي عايزين نقلب على النشرة بقى ونشوف شغلنا
هو مش ستميت جهاز حيتجسس علينا ويقرفنا في حياتنا، ما فيه مخابرات عامة ومخابرات عسكرية وامن عام بقى ارحمونا شوية هو احنا في سجن؟ 
وانا قاعدة اهو.. مستنية في التعليقات واحد يقول لي بالنقط كده الحاجات الكويسة اللي عملها امن الدولة و"الضباط الشرفاء من امن الدولة" ههههههههههه دي عاملة زي الحرامي الشريف وتاجر المخدرات الجدع 
واظن فيه حرامي شريف وتاجر مخدرات جدع، لكن الظابط الشريف في امن الدولة ده بيبقى شكله ايه؟ شريف ازاي يعني؟ شريف يعني عنده في ذمة في اداء وظيفته؟ يبقى ابن كلب مش شريف ولا حاجة
ولا شريف يعني ما عندوش ذمة في اداء وظيفته؟ طيب وليه نجبر واحد على انه يشتغل شغلانة تأنب له ضميره؟ ما نشوف له شغلانة حلال بدل المشي ده
3- على فكرة.. فلوس امن الدولة دي فلوسنا.. والفلوس اللي بتدخل على ضباط امن الدولة دي مال حرام، وبيدخل على بيته مال حرام، وبيأكل عياله مال حرام، وما نبت من حرام فالنار اولى به
وفوق ده كله ده مالنا احنا، فيه شعب في الدنيا يدفع فلوس لجهاز عشان يتجسس عليه ويعذبه ويلفق له تهم ويعمل له بلبلة في داخل البلاد ويفجر له كنائس ويموت له ناس من التعذيب ويذله ويهدده ويخوفه؟ 
يعني محسن السكري اخد فلوس من سوزان تميم عشان يقتلها؟ لو حيشتغل في عصابة يبقى احسن، على الاقل مش حياخد فلوسه من ضحيته بالفردة كده، وفردة يساعده عليها القانون كمان وباشراف قضائي
4- انا موافقة جدا على عدم قبول استقالات ظباط امن الدولة، استقالات ايه دلوقت؟ مافيش استقالات طبعا
ومافيش مدبحة برضه.. اقصد اننا لو حاسبنا كل واحد بيشتغل في امن الدولة الحساب اللي يرضي ربنا حيطلع كل اللي بيشتغلوا فيه مجرمين بما فيهم العساكر والمخبرين، وحتى اللي في البوفيه اللي بيقدم الشاي والقهوة للضابط وهو سامع صريخ واحد بيتعذب وما بيفتحش بقه وقابل على نفسه ياكل عيش وجنبه ناس بتتظلم
بس كده مش حينفع المحاسبة دي، لان خلاص، هو مبارك كان عامل تشكيل عصابي علينا وواخد شرعية 
مش حينفع نعمل لهم المدبحة دي - ولو انهم يستاهلوها والله، كفاية انهم يقعدوا يتجسسوا على الناس ويسجلوا مكالماتهم ويشوهوا سمعتهم ويطلعوا عليهم اشاعات ويعملوا عليهم حملات اعلامية ويسجلوا مكالماتهم ويطلعوا صور بناتهم وهم لابسين مايوه ويلعبوا بدماغ الشعب ويخلوه يشتم في ناس بريئة ويعمل لنا ازمة دبلوماسية مع بلد عمرنا ما كان بينا وبينهم غير كل خير واخوة ومحبة ومودة ودمنا اختلط في حرب تحريرهم وحرب اكتوبر ولما اي حد منا كان يروح بلدهم كانوا بيشيلونا في عينيهم ولما تسافر فرنسا يستحيل تدخل مطعم صاحبه جزائري ويسيبك تدفع حساب .. الا صحيح، حد لقى ملف الجزائر يا شباب؟ وحد لقى ملف تشويه سمعة البرادعي؟ 
اهو.. مش ده البرادعي؟ مش بلال بيحب البرادعي؟ طب انا ما باحبوش لاسباب تانية خالص غير الاشاعات الكاذبة اللي روجها عليه امن الدولة (عشان مش مؤمن بمجانية التعليم، وعشان لما اتعمل عليه حملة ما خاضش معركة وخد بعضه وخلع، معلش انا فلاحة وما احبش البني ادم لما يلاقي هجوم عليه يطلع يجري).. مين بقى اللي طلع على البرادعي ان معاه جنسية تانية - ده كل الناس مقتنعة بالحكاية دي، مين اللي قال عليه عميل امريكاني وهو اللي ضيع العراق مع ان المعلومة الحقيقية ان الراجل فعلا ما عملش اي حاجة وحشة للعراق ومشوه قبل فتح ملف ايران لان خبرتهم معاه في ملف العراق خلتهم يقتنعوا انه مش حينفعهم الراجل ده؟ مع انه ما اخدش موقف نضالي ولا حاجة، هو قال اللي شافه، قال: ما لقيتش لحد دلوقت اي اسلحة دمار شامل
اهو.. قال "لحد دلوقت" يعني ما قالش مش ممكن يبقى فيه، ولا خطب ضد الامبريالية ولا حاجة، قال اللي شافه، وعشان كده ما عجبهمش
مين اللي اقنع كل سواقين التاكسي والبوابين والبياعين وسواقين الميكروباص ان امريكا هي اللي باعتة البرادعي في الوقت اللي بيقولوا فيه زويل محترم مع ان زويل هو اللي معاه جنسية امريكاني وبيشتغل في الادارة الامريكية مستشار لاوباما وواخد جايزة اسرائيلي وبيقول العلم مالوش وطن؟ اهو كل سواقين التاكسي والبوابين والبياعين ما يعرفوش الكلام ده
انا اسيب جهاز بيغسل مخ الناس كده واقول اصله حيعمل تشكيل عصابي؟
ما يعمل تشكيل زفت على دماغه والشعب يحاربه ويقف ضده احسن ما اسلم دماغ الشعب والكرامته وسمعته تسليم اهالي لمجموعة مجرمين "متعودين على التعذيب ومش حيعرفوا يعملوا حاجة تانية" ما انشالله ما عملوا حاجة تانية، اللي ياكل على ضرسه ينفع نفسه، عايزين يعيشوا بالحلال يتعلموا شغلانة تانية، مش عايزين يبقى يخشوا السجن
5- حيتم المحاسبة، بس مش المحاسبة العادلة.. لو حاسيبناهم حساب عادل كلهم حياخدوا اعدام وده مش حينفع كده، كده حتبقى مدبحة فعلا
يبقى فيه معايير للمحاسبة
- نوع الجريمة: قتل/ تعذيب افضى الى الموت او الى عاهة (آسفة لكل اتعذبوا، ولكل اللي انضربوا من امن الدولة وانا منهم، انا انضربت بس ما اتعذبتش، وعن نفسي خلاص، حاسة ان ربنا اخد لي حقي، ومش عايزة ادور على اللي ضربني، خصوصا انهم كانوا مغميين عيني ومش حاعرف هم مين ههههههههه، اصلهم كانوا هم ما كانوش هو، مش حينفع كل واحد مد ايده على مواطن يتحاسب مدام لا قتله ولا تسبب له في عاهة والا كلهم حيتحبسوا مش حنلاقي مكان في السجن) اضرار بالغ بمصالح الوطن، زي تعريض الوطن للخطر الداخلي او الخارجي، او احداث بلبلة من شأنها زعزعة الامن والاستقرار (هههههههه سبحان الله، التهم اللي كنتوا بتلبسوها لنا لبستكم بس المرة دي لبستكم عن حق)
- حجم المسئولية عن الجريمة، يعني اللي بيدي اوامر غير اللي بينفذ، مثلا، تفجير كنيسة القديسين، اللي ادا الامر مسئول اكتر من اللي نفذ الامر، كمان التنفيذ درجات، واحد اخد امر وقال لواحد تاني هات لي واد صايع اخليه يفجر الكنيسة، اللي راح اللي جاب الواد الصايع مسئوليته اقل من اللي طلب الواد الصايع، لكن كمان الشخص اللي فجر عن بعد مسئوليته اكبر من اللي ادا الامر، ومقاول الانفار اللي راح جاب الواد الصايع، لانه ارتكب جريمة بايده... مش حينفع تحاسب حد ضلع في الجريمة لكن مش من اختصاص وظيفته انه يعرف اهدافها، يعني اللي جاب القنبلة عارف هي جاية ليه ولو مش عارف، هو جايب قنبلة وده كافي، لكن مش شرط اللي جاب الواد عارف هم عايزين يعملوا بيه ايه... الخ
- فيه بعض الممارسات اللي لازم يا جماعة - على شناعتها وبشاعتها - يتم اصدار عفو عام عنها، زي مراقبة التليفونات وتشويه السمعة والافتراءات على الناس واعراضهم، وكل الحقارات دي مدام لم تلحق ضرر بدني ولا ضرر بالوطن، لان مش حينفع تحاسب على حاجة زي دي والا فعلا بقى عامل البوفيه حيتقبض عليه، مش بس عامل البوفيه، ده بتاع كشك السجاير اللي جنبنا اللي شغلوه غصب عنه وكان بيراقب الطلبة ويخلي ودنه معاهم وهم بيتصلوا بالتليفون من عنده، وكانوا بيشاوروا له على عيال معينة يحط عينه عليهم.. سواقين التاكسي اللي كانوا بيجيبوهم ويقولوا لهم انشروا وسط الناس الكلام الفلاني، وبرضه من ضمنهم سواق تاكسي في اول الثورة قعد يؤدي دوره بشكل كامل لحد ما طبطبت على كتفه وقلت له: ما تعملش كده... اصلهم حيمشوا ومش حينفعوك بحاجة، وساعة الجد هم حيهربوا ومش حينوبك حاجة ويمكن ساعة المحاسبة رجلك تيجي معاهم... راح التفت لي وبص لي شوية كده وبعدين سكت بقية السكة
حنحاسب الناس دي؟ مش حينفع 
6- اللي حيتحاسب حيتحاسب، واللي حياخد عفو حياخد عفو ومش حيشتغل في امن الدولة تاني ابدا، لانه عايز ينتقم، لا بقى، معلش، مدام بلال فضل بنفسه قال: اللي اتعود على التعذيب والقتل والقنص مش حيعرف يعمل حاجة تانية.. ده كلام يخوفنا اكتر اننا نحتفظ بالجهاز ده، وكمان نفضل نشغل فيه نفس العناصر اللي احنا شنشلناها وشرشحناها وخلينا اللي ما يشتري يتفرج عليها؟ ده احنا خلينا المية منهم بقرش، حيعملوا فينا ايه لو قدروا علينا؟ مدام هم في تكوينهم القتل والتعذيب والقنص، النوع ده من البشر انتقامي وشراني، ولو اشتغل تاني في جهاز زي ده حيحط خطة ويستنانا لما ننام ونغفل عنه وينتقم من الشعب كله، ما يتحطوش في اماكن تمكنهم من الانتقام منا ابدا
ومش حيتقطع عيشهم، ومش حتتقبل استقالتهم، حيشتغلوا في اجهزة اخرى، وبتوع شرطة السياحة بياخدوا فلوس معقولة قوي وتسترهم، ماهم مش لازم يدخل لهم مليون جنيه في الشهر يعني، ومش لازم يمارسوا هوايتهم في الاذية والضرب والاهانة، واذا غاوين يمسكوا مسدس، يشتغلوا في الحراسات، غاوين يتجسسوا يشتغلوا في المخابرات، طبعا قبل ما اسمع عمر سليمان عمري ما كنت اقترح ان امن دولة يشتغل في المخابرات عشان كنت فاكرة ان الذكاء شرط من شروط العمل في المخابرات، بس بما ان الحكاية طلعت براذر موسليمهود، فيعني ظباط امن الدولة السابقين ما تفش عليهم الكلب يعني.. وبرضه باقول نعمل لجان شعبية مخابرات استوحياطا احسن البلد بتمر بمرحلة حرجة واي عك حيودينا في داهية
نساعد يا شباب.. نساعد.. ماهو احنا لافعين البلد دي على كتفنا 
والله ما فاهمة اساسا الاجهزة دي كلها بتعمل ايه لما احنا اللي بنشيل ونحط ونحمي ونكشف وننظم ونصلح بوابير جاز... واخدين منا فلوس على الفاضي
هييييه، يالا، خليهم ياكلوا عيش، احسبوها اعانة بطالة 

7- بلال قال المجلس العسكري مش حيسمح بحل امن الدولة
:)
بس احنا حنسمح... واحنا ما نهونش عليه يكسر خاطرنا ويبيتنا زعلانين ونفسنا في حاجة ما عملهاش لنا، ما هو كل شوية يقول لنا: خشوا يا عيال بقى، فاحنا لما بنزن عليه وندبدب له على الارض ونقول له: والنبي والنبي والنبي عشان خاطري عشان خاطري.. في الاخر بيقول: طب خلاص.. بس تخشوا بقى.. حاشيل الدش والله ومافيش فسحة يوم الجمعة لو ما سمعتوش الكلام
-------------
اخيرا: المسيحيين كانوا حاسين بالاضطهاد انهم ممنوعين يشتغلوا في امن الدولة
ها؟
لسه حاسين بكده؟ انا شخصيا حاسة اني مضطهدة ومهانة انهم حاسين ان المسلمين يطلع منهم كل الاجرام ده لكن ما تجيش من مسيحي فعشان كده مش حيشغلوه ههههههههههههههههههههه
الا صحيح
قصدهم ايه ولاد الكلب دول؟ يعني ايه ما يشغلوش مسيحي؟ قصدهم ايه؟ قصدهم ان المسيحيين اطيب مننا؟ ولا انبه مننا؟ ماهو مش عايز من ضابط امن الدولة غير انه يبقى غبي وشرير... انهي واحدة اللي شايفينها موجودة في المسلمين ومش موجودة في المسيحيين؟ 
:((
لا زعلت بجد
-------------
يااااااااا رب سكينة فؤاد تقبل منصب وزارة الثقافة
يا رب
يا رب
يارب 
يا رب
يا رب
يا رب
يا رب
يا رب
اهو كده نضمن ان اللوحة والاثار اللي اتسرقوا مننا حيرجعوا، وكمان حتعمل لهم فضيحة المطاهر

96 comments:

Unknown said...

الله عليكي انا برضه كلام بلال مدخلش دماغي و جوزي قاللي طب ما هما مرتزقة علينا اصلا ايه الفرق و الفرق بقي اللي انت قولتيه نحطهم فالسجن
انا خايفة يا نوارة ان امن الدلة ما يتحلش و ان كل القيادات ما تتشالش اصل القيادات بالذات كلهممممممممممممم لازم احكام قوية اوي
و انا راي بالنسبة لعمال البوفيه لاني حاسة انهم مأثرين فيكي اوي اننا نشغلهم ايه مخبرين فترة كده كل واحد يقول مين اللي كان بجد مفتري فالتعذيب و مين عادي شغال و مين اللي كان بيخللي الاسلاميين يسجدوا لحسنس مبارك و يقولولهم ربنا ما يقدرش علي حسني مبارك
ارجوكي هنزن ازاي بقي بعد ما جاب لنا شرف و المفروض نتهد من وجهة نظر المجلس؟

Anonymous said...

اييييييه .. ده؟؟؟ انبوبة بوتاجاز ... انفجرت في وش بلال فضل .... واحدة .. واحدة ... الراجل بيتكلم على امثلة من امريكا اللاتينية .. حدث فيها هذا الترويع من ظباط سابقيين كونوا ميليشيات بعد خروجهم من الخدمة ... الفكرة جديرة بالمناقشة ... اولا .. ما قالش انهم هايكملوا تعذيب وقتل تحت اشراف قضائي ... وما قالش انهم ما يتحاسبوش .. بالعكس قال لا يتم قبول استقالتهم ...إحنا عارفين إن كلهم كانوا فاسدين لكن مش هاتقدري تثبتي ده طبعا عليهم كلهم لكن أنا شايف ان من يتم ثبوت الاتهام عليه يعاقب ويبعد من وظيفته ... والباقي - مش معناه انه برئ - يتم وضعه تحت رقابة شديدة لحين إعادة تاهيله .. واقتناعه إن ممارساته القديمة لن تستخدم مرة أخرى ... بالتوازي مع تحجيم عمل الجهاز ككل وحصر اختصاصاته ودمجه في مجلس أعلى للامن القومي .... بس خلاص ... كملي ... الانفجار .. بقى

مهندس مصري بيحب مصر said...

مش كده
النظرية ان المسلم معندوش قس اعتراف
أما المسيحي فبيخافوا يعترف للقسيس في الكنيسة بكل أسرار العفانة اللي بيعملوها
علشان لو المسيحي ضميره أنبه ما يعترفش أثناء طلب الغفران من القسيس بكل البلاوي بتاعتهم

Unknown said...

متفق مع كل حرف في المقال، عموما أنا عندي إقتراح، يعملو كشف كده بأسامي الناس إل بتشتغل في أمن الدولة قبل ما يسرحوهم - أو من باب أولى يحاكموهم. و بعد كده يتعاملوا زي المسجلين خطر كده. أي جريمة تحصل بعد كده البوليس حايبقى عارف يبتدي بمين و هو بيدور عالجاني

مش فاهمه said...

يا نوارة الدنيا مش قفش مافيش اى حته فى الدنيا كلها كل اللى فيها وحشين و انت نفسك بتقولى ان بلال فضل مخه كبير كبرى مخك انت كمان اكيد فيه ناس شرفاء و بعدين فيه ناس اكيد بتشتغل على الجواسيس و كشفهم و ماتنسيش فيه عدو على الحدود اكيد برضه حاتلاقى مجموعه كانت بتتولى امر الخارج معلهش يا نوارة ماتنسيش ان عصام شرف كان بيشتغل فى النظام و انك انت بتشتغلى جهاز للدوله و انا و غيرى بنشتغل فى اجهزة للدوله مش الكل وحش و التهم اللى ممكن تتوجه لنا هى السلبيه او السكوت عن الخطأ لكن ماينفعش نبصم على قفا الناس كده النهارده المعتز بالله قال كلمه جميله على اللى حصل فى جنوب افريقيا علينا ان نسامح ولا ننسى لازم حانتعايش مع بعض ما باقولش نتسامح مع اللى حاتثبت عليه التهمه لأ مع اللى مافيش عليه تهم مثبوته
و بالمرة بقه عايزين نعرف شبكه العملاء اللى كانت منتشره بيننا و بتكتب التقارير و بيتجسسوا على المصريين دول بقه ولا ضباط و لا نيله دول ناس زينا كده و فى مناصب مدنيه دول الىل عايزين نوصلهم دول هم المصيبه اللى بيعملوا وشايات و بينتقموا مننا و اكيد كانوا بيبتزوا البعض الشبكه دى لازم تتفضح خلينا علشان نسامح البعض من امن الدوله تكون تمنها يفضحوا لنا شويه عملاء و احنا نسامحهم بس ما ننساش

nosseir said...

انتى فظيييييييييييييييييييييييعة بجد
بتموتينى من الضحك وفى نفس الوقت كلامك موزون
وانا سمعت بلال فضل امبارح فى دريم برضة...ولا اوافق على كلامة بخصوص الابقاء على امن الدولة...الـ اية عشان ما يبقوش مافيا...خلاص ..نطلع المساجين والبلطجية من السجون ونشغلهم شرطة بالمرة...كلام غريب يا بلال
الصح فعلا هو دمجهم فى اجهزة الشرطة المختلفة

nour1971 said...

نواره يا أستاذتنا كلامك جميل جداااااا و مقنع جددددددددا بجد بجد مش عارفين

من غيرك كان مبن الي حا يعرفنا بالبلاوي السوده دي كلها مقترحاتك تمام التمام

انا فعلا سمعت بلال فضل امبارح و انا باحترمه جددا زيك كده بس قلت معقوله

منحسبشي الناس دي دي ياما بهدلت و موتت ناس ملهاش زنب في اي حاجه دول

لازم يتحاسبوا علي عمايلهم السوده ولازم يتحاكموا محاكمه علنيه و الزفت العدلي

الي انا شاكه انه في مصر ملوش ولا صوره ومخلوش حد يصوروا طب اقتنع

ازاي انه فعلا هو الي بيتحاكم لازم الحجات دي كلها تبقي علني علي عينك

يا تاجر ولا انتي رأيك ايه. عايزين نركز كمان شويه علي الدستور الي حا ننزل

علشان نقول رأينا فيه انا مش عجباني التعديلات ده اسمه هبل ده حا يعملنا

فرعون تاني لازم يتحط دستور جديد ميديش للرئيس اي صلاحيه خالص ولا انتي رأيك ايه عايزين نركز في الدستور بعد ما نخلص امن الدوله وعي الناس علي الحكايه دي

احمد خليل said...

ماهى وظيفة جهاز امن الدولة؟؟؟ مراقبة السياسيين ولا يوجد اى عمل اخر..الوظيفةدى يجب ان تلغى وندور لهم على اى شغل تانى... حراسة الفنادق حراسة المسؤلين اى وظيفة ادارية ما فيهاش اتصال بالشعب ..وبلاها امن دولة ما لوش لازمة حقيقى مالوش لازمة ، خصوصا والثورة عملت معاهم واجب... ويوم ولا اتنين امن الدولة بح
الشعب الان بيخلص بنفسة ومش محتاج حد يصدر قرارات باعادة التاهيل..هو بياهل بنفسة وقال لعصام شرف عنك انت احنا حنأهلهم

Unknown said...

تقصدي :)
أشكو إلي الله جلد الفاجر .. وعجز التقي

Om Kiki said...

أولاً كلامك معقول ومنطقي .. رغم إني أفضل إنهم يصدروا أمن الدولة لسيبيريا .. أعتقد هيكون مناسب لينا وليهم!!

teen eagle said...

كالعادة إنتي تحفه

بلال بيهرتل من فرط الخوف معلش
بعدين
ما تزاوليناش مش بلال فضل ده صاحبك

و كمان ابراهيم عيسى اللي اقترح فكرة انتخابات رئاسيه الأول ده
مش استاذك

متلخبطيناااااش

ملحوظتين

انتي مش فلاحه
الفلاح بيحب مش بيرضى
بيحب ياخد على قفاه
انتي من الشرقيه
اصول عربيه يعني زي حالاتي

ملحوظه كمان
السلفيين مش ممكن يكونوا عند امن الدوله
اعهدهم قبل و بعد 25 اجبن من كده
الملتحين دول حسب ما قالي اهلي الخبره
دول شباب الجماعه الاسلاميه
خصوصا ان في ناس طلعت منهم من المعتقلات
و تار بايت
و هما بيتميزوا بالشده
مش ساكنين خاضعين لولي الامر زي الفكر الوهابي

على العموم يا رب ينصرك في لاظوغلي

و انبسطي هناك على الاخر

teen eagle said...

كالعادة إنتي تحفه

بلال بيهرتل من فرط الخوف معلش
بعدين
ما تزاوليناش مش بلال فضل ده صاحبك

و كمان ابراهيم عيسى اللي اقترح فكرة انتخابات رئاسيه الأول ده
مش استاذك

متلخبطيناااااش

ملحوظتين

انتي مش فلاحه
الفلاح بيحب مش بيرضى
بيحب ياخد على قفاه
انتي من الشرقيه
اصول عربيه يعني زي حالاتي

ملحوظه كمان
السلفيين مش ممكن يكونوا عند امن الدوله
اعهدهم قبل و بعد 25 اجبن من كده
الملتحين دول حسب ما قالي اهلي الخبره
دول شباب الجماعه الاسلاميه
خصوصا ان في ناس طلعت منهم من المعتقلات
و تار بايت
و هما بيتميزوا بالشده
مش ساكنين خاضعين لولي الامر زي الفكر الوهابي

على العموم يا رب ينصرك في لاظوغلي

و انبسطي هناك على الاخر

Unknown said...

بصى يا حاجة نوارة ، أنا قعدت أقرأ نص ساعة فى كلامك الكتير قوى عن أمن الدولة ، و ان كان ده نقطة فى بحرهم ، لكن خلينى أقولك بعض انجازاتهم على لسان الاخوة من الجماعات الاسلامية و الذين أقسم بالله ان أكثرهم لم يحمل سلاح فى عمره ، لكن على أى حال اتقبض عليهم و خدوا احكام من عشرة الى عشرين سنة ، بيقولوا الآتى : ضابط أمن دولة اسمه وليد كان يأتى للمساجين و مرة عرف ان عندهم مصاحف قوم ايه .... لم كل المساجين على الحوش واخد منهم كل المصاحف وقام حرقها قدامهم ، مرة تانية جابهم وخلاهم يلفوا حولين شجرة و يقولوا لبيك اللهم لبيك ، مرة تالتة جابهم قدام حيطة عليها صورة حسنى مبارك وأمرهم بالسجود للصورة ،،،، باختصار جوانتانامو و أبو غريب بالنسبة لهم شوية عيال فى البلاى سكول ...
ياريت الكابتن بلبل فضل يراجع نفسه فى الكلام اللى قالوا مع منى الشاذلى
اللى مش مصدق يشوف الفيديو ده

الفيديو للكبار فقط +21 =================== http://www.facebook.com/pages/tryq-alnjat-The-Way-Of-Salvation-WOS/134278526590953

Unknown said...

بصى يا نوارة باختصار و بدون كلام كتير عشان انا جالى صداع بعد ما قرأت البوست الصغير ده ، دى نفحة من انجازات أمن الدولة

الفيديو للكبار فقط +21 =================== http://www.facebook.com/pages/tryq-alnjat-The-Way-Of-Salvation-WOS/134278526590953

Malek said...

التقى الدكتور عصام شرف، رئيس الوزراء، عددا من الوزراء المرشحين لحمل الحقائب الوزارية صباح اليوم، من بينهم الدكتور عبد الله الحسينى هلال، وزيرا للأوقاف، وسمير الصياد وزيرا للتجارة والصناعة، والسفير نبيل العربى وزارة الخارجية، خلفا لأحمد أبو الغيط، والمستشار محمد عبد العزيز الجندى لوزارة العدل خلفا لممدوح مرعى، والمهندس هانى ضاحى وزارة البترول خلفا لمحمود عبد اللطيف الذى جاء بحكومة شفيق منذ أيام، والدكتور عماد أبو غازى الأمين العام للمجلس الأعلى للثقافة ليتولى حقيبتى الثقافة والآثار ، واللواء منصور العيسوى وزيرا للداخلية، ومحسن النعمانى وزيرا للتنمية المحلية، وأيمن أبو حديد للزراعة.

كما أكدت المصادر أن "شرف" قرر الإبقاء على كل من الدكتور حسن يونس وزيرا للكهرباء والطاقة، والسفيرة فايزة أبو النجا وزيرة للتعاون الدولى، وسيد مشعل للإنتاج الحربى، وماجد جورج للبيئة وهم الوزراء الثلاثة الذين استمروا فقط من حكومة أحمد نظيف، مع الإبقاء أيضا على إبراهيم مناع لحقيبة الطيران المدنى والدكتور فتحى البرادعى للإسكان والمجتمعات العمرانية، بالإضافة لعمرو عزت سلامة بالبحث العلمى، وأحمد جمال الدين موسى للتعليم وجودة عبد الخالق للتضامن الاجتماعى وعاطف عبد الحميد للنقل والمواصلات.

assour said...

اتفق معك تماما، يشتغلوا في المطافي و تحت المراقبة بس خللي بالك ده باشا و البواسل ما بينساش و يمكن يولع في الناس مش بطبيعتي يطفيها، لازم حل تاني، و لو اتوزعوا حيكلموا بعض ومش بعيد يعملوا مافيا في كل مكان هم فيه، محمد علي قتل المماليك، إحنا مفروض منقيات للصحرا يزرعوها كام سنة كده

zara shaishaa said...

Amr El Behairy, did you hear anything about his release.

Unknown said...

نوارة الدنيا
يقال انه فى لا بد من التضحية بالفروع الفاسدة وقصها حتى تحافظ على نمو الشجرة

و ده كان سرطان فى نسيج مصر و انا معاك فى كل كلمة

بس ياجماعة فيه موضوع مستعجل
استكمال ملاحظات تعديل الدستور الى هيتعمل عليه استفتاء و هو لسة عليه كلام يا اما نرفضه و نبدأ نعدل من الاول

الموضوع التانى و ده مهم برضه:
يا جماعة مهم الآن تشكيل الحكومة اللى هتعمل كل ده ترد كرامة المواطن
تحاسب اللصوص و اللى سهلوا السرقة
تفسخ عقود بيع القطاع العام و المصانع اذا ثبت فيها رشوة و كلها يمكن اثبات الرشوة بسهولة و بالتالى اعتقد ممكن يلغى البيع و نرد على المشترى بطلب تعويض منه و كذلك نحبس المرتشى

نخطط رؤيا لكل وزارة و روية للحكومة مع بعضها
بعد 5 سنوات اكتفاء ذاتى من القمح
بعد 5 سنوات قناة السويس تذخل كام مليار
بعد 10 سنوات نخلص ممر التنمية و نزرع
بعد كام سنة نوطن 2 مليون مصر فى سيناء بدل ماهيه فاضية لليهود
و كام مستشفى جديدة و كام مدرسة و كام جامعة

نشوف افكار ابداعية جديدة
احنا عندنا فى سيناء انقى رمل فى العالم للزجاج ممكن نمول مصنع و لا نشارك شركة عالمية و نشغل عمالة و بعقود مفيهاش ظلم و لا استنفاذ للثروات

الدكتور (محمد النشائى )بتاع فيزيا الكوانتم و كان مرشح لجائزة موبل فى الفزياء :ممكن نستفيد بيه فى مصانع تستغل موضوع الكوانتم بدل ما هو قاعد فى المانيا

و هاكذا لازم نوقف نزيف السرقة و نزود مصادر

موضوع المياه و افريقيا لازم نقولها ياحبيبتى يا افريقيا من تانى

موضوع هام : هناك اشاعات عن بقاء (البردعى) للاسكان و دى كارثة
مش معقول ابراهيم سليمان و بعدين المغربى و بعدين البردعى

الراجل ذمتةالمالية ليس فوق الشبهات و صاحب فضيحة مصنع دمياط الشهير ( اجريوم)اسألوا اهل دمياط

لا يمكن نخلص من حرامى بمشروع حرامى
فين (ممدوح حمزة) و اللى زيه
فين ناس تفكر فى شقة لشاب مش قصر لحرامى
حرااااااام
و سيد مشعل ليه تانى تانى

برجاء التنبيه

Unknown said...

كلامك عسل يا نوارة وكمان كله حكمة في نفس الوقت..... فكرة المطافي وشرطة السياحة والحاجات دي كويسة بس ما يستيقلوش.... ليه ملاحظة معلش انا زعلت منك شوية علشان بتقولي مش عاوزه البرادعي ...أمال عاوزة عمرو موسي بتاع التنظيم الطليعي ولا ايه؟؟؟؟؟؟

Mohamed Abouzeid said...

أمن الدولة كان شغال في ظل قانون للطوارئ وده كان مش مخلي لسلطاته أي حدود .. بمجرد تقرير قانون للحريات وحقوق الانسان .. وقانون للإرهاب (الجريمة المنظمة) عشان متزعليش ممكن الجهاز يبقى عليه اشرف قضائي ويبقى اسمه مكافحة الجريمة المنظمة ويبقى تحت إدارة مشتركة من القضاء ومنظمات حقوق الانسان (هيئة الأمن القومي ) ...

Unknown said...

أنتي النهاردة مالكيش حل . هااااايلة . عجبني جدا أنك بتفرقي بين الأشخاص والأفكار . بلال قد يكون صديقك لكن لما يقول فكرة مش مقتنعة بها ترفضي وتفنديها وده الجميل جدا لأني كنت قلقانة شوية من اقتناعك الكامل بكل أفكار بلال وابراهيم عيسي . أنا زيك باخد منهم اللي أشعر انه صح ومش بسلم دماغي تسليم مفتاح . أه نسيتي يا ستي الرقاصة الشريفة المحترمة . اللي من الكباريه للبيت . علي فكرة تفنيدك للأفكار رااااائع برافو يا نوارة . وتفاءلك النهاردة برضه رااااائع . بارك الله فيكي . بس الله يخليكي بلاش يبقوا في الجوازات لأنهم فعلا بيغلسوا علي خلق الله الطيبيبن,

dardasha_2000 said...

عاجبني البوست ده يا نوارة فعلا معاكي حق فعلا لازم الجهاز ده يتحل و يتفكك تماما و يتحاسب كل واحد اشتغل فيه, أنا مكنتش أعرف كتير عن الجهاز ده بس بعد ما شفت الفيدوهات الي نزلت على النت من أمبارح ذهلت .. بس أنا كان عندي تعليق يا ريت لو تعرفي توصليه لأي حد مختص أو اي يحد يقرا الكومنت يوصله .. أكوام الورق المفروم دي مش لازم تترمي دي ممكن تجميع بعضها صحيح هتبأه شغلانه صعبه و طويلة بس ممكنه خصوصا لو شارك فيها ناس من المعمل الجنائي و الي ليهم خبره في استرجاع الملفات المهلكة

heba said...

أنا باحبذ فكرة اكشاك السجاير والتريكو اللي اقترحها مينا ذكري لأن المطافي برضو مهنة عايزة ناس شجعان وجدعان

أرنوب said...

أنا متفق معاكي في حل وإلغاء جهاز أمن الدولة .. مش عشان الممارسات الوسخة اللي إنتي قولتيها (كلها مش حتتعمل تاني بفضل تعديل مادة الدستور اللي بتخلي رئيس الجمهورية يقعد في منصبه لغاية ما يموت ) أقصد أنه لن يكون له مصلحة - ما دام ماشي ماشي - في إنه يجند الجهاز بالشكل الوسخ ده للإبقاء على نظامه .. أنا متفق معاكي عشان الجهاز فعلا مالوش لازمة ويستطيع جهاز المخابرات القيام بنفس وظائفه (الوظائف الحقيقية الضرورية مش تعذيب خلق الله) وأهو على رأيك نوفر مصاريفه ... ده حتى أمن النظام (وظيفته الفعلية اللي كان بيعملها) طلع خايب فيها .. بدليل قيام ونجاح ثورة الخامس والعشرين :)

Hesham essa said...

الله يعينيك يابلال يافضل على البارودة اللى انطلقت فى وشك
هوه بلال يستاهل منك كل الردح ده
طيب افتكريلوه انه استضافك فى البرنامج بتاعه وقال عليكى كلمتين اقل بكتيييييييييييير مماتستحقيه
رايك عاجبنى احنا محتاجين شوية هوبا من دول علشان القادة العسكريين يتحركوا
قطعنا راس الفساد والان تم فتح بطن الفساد ناقص زيول الفساد وهم كتير
بس ياريت نعجل بموضوع اللجان الشعبية للامن اصل الناس فى الشارع خلاص مخها وقف من مواقف البلطجية
تعرفوا ان شاء الله مصر حتنتصر نصر كبير قوى لان ربنا سبحانه وتعالى بيوفق ناسها من غير ما تحس
يعنى تشوط من اول الملعب تشوط من اخره بتدخل جون
واحسن جون دخل فى ...... امن الدولة
وارفع راسك انت مصرى

طائرٌ حر said...

كنت كاتب كلام كتييييييييييير بس للأسف الشديد راااااااح
على كل حال يا نوارة مصر
اتفق معاكي انه لا بد من حل امن الدولة..و لكن يجب يجب يجب:محاكمة الظباط و المخبرين المتورطين في القتل و اعدامهم بتهمة الخيانة العظمى و القتل العمد

محاكمة كل المتورطين في اغتصاب و تعذيب السجناء بتهمة الخيانة العظمى و القتل المعنوي و اعدامهم في ميدان عام

محاكمة كل المتورطين في التفجيرات و الارهاب و الفتنة الطائفية بالاعدام في ميدان عام بتهمة الخيانة العظمى

لا مجال للتسامح مع امن الدولة يا نوارة..بدل الرقص التي اهانت اعظم رجال مصر تشهد و تطالب باعدامهم
السجون التي استضافت شباب مصر حتى صارو شيوخ تصرخ و تطالب تعويض عن الاعمار التي ضاعت و احزان قلوب الامهات و يتم الابناء في حياة اباءهم
شوايات و عصيان و ادوات تعذيب تمنع اي رحمة بكلاب لم يستخدموا مخهم ثانية و ليس لديهم انسانية حتى او رحمة تجعلهم يرفضوا او يخففوا من الام هؤلاء المساكين

كلنا اصابنا الحزن على الخنازير ايام هوجة الانفلونزا و هي حيوانات ..فما بالك بإنسان ؟

انا لا أطالب بتعذيب هؤلاء..انا أطالب برؤوسهم في ميدان عاااااااااااام

Unknown said...

نواره..... المكان ده فيه معظم الاسطوانات والملفات اللي تم شحنها من مقار امن الدولة بمصر ، عنوانه حدائق الأهرام أمام البوابة الرابعة طريق الفيوم المبنى هايتعرف عالطول من ضخامته .... مصدري شخص موثوق به جدا من
داخل المبنى ... المطلوب انتي عارفاه ، أنا اسمي إيهاب موبايلي هابعتهولك لو انتي حابه تتأكدي

Tears said...

دول مجرمين و كانوا بيشوهوا سمعه الدكتور البرادعى و يقولوا مدعوم من امريكا و ايران

هنا وثائق مخطط التشهير بالدكتور البرادعى اللى فيها الاشاعات اللى كانوا بيروجوها

http://youm7.com/News.asp?NewsID=363949&SecID=65&IssueID=0

Hossam said...

Dear Nawara, you are just perfect.

الجبرتوته said...

الله ينور عليكي يانواره والله يسلم كي بوردك ههههههههههههه بس بصراحه فيه انجاز لامن الدوله حرام نبخسهم حقهم عشان احنا شعب طيب .
هو لولا افتراهم وافعالهم السوده المهببه كانت الثوره قامت وطيرتهم هم وباقي العصابه !!!ههههه
علي العموم هم فعلا بعد اللي حصل امس وفضايحهم هم واللي مشغلينهم ما عادش ينفع ان الجهاز ده يشتغل تاني باي صوره من الصور خصوصا بعد ما ظهر مستند بيقول انهم كانو ناويين يخدعوا الشعب ويعملو حل صوري لامن الدوله عشان يمتصو غضب الشعب والباقي مفهوم طبعا وبعدين اللي بيقولو خايفين يعملو عصابه ماهم عصابه فعلا الفرق انهم الان عصابه يحميها الفانون بعدكدا هيبقوا عصابه تحت طائلة القانون
امس قرات مش فاكره فين ان ضباط أمن الدوله بياخدوا تدريبات في اسرائيل قلت يا خرابي اتاريهم بيعاملوا الشعب علي ان هو العدو .. مفيش حاجه بعيده عنهم

Anonymous said...

كلام جميل,بس هيه مش لازم تبقى مدبحه همه ممكن يدخلوهم السجن مدى الحياه او ٢٥ سنه يعني بعد كده مش هيبقى فيه حيل يعمل حاجه
بس الناس ده مش لازم تمشي وسطنا كده عادي ابدا,ازاي نآمن لهم في
حاجه

magdy shaheen said...

امن الدولة مش محتاج كل الافراد دى كل الي محتاجة مكتب فى مديرية الامن للمعلومات التى تخص امن الدولة من تجسس وامثالها وهو يعمل بالتنسيق مع المخابرات وبس وباقى الادارات الي موجودة يجب ان تتحول الي اقسام شرطة لامن المواطنين ومواجهة البلطجية الي هما اصلا ملوا بها البلد مة علشان الانتخابات ومرة علشان العلاوات وغية وطبعا علشان نوارة وفى الوقت الي مش البلطجية عندهم شغل ينزلوا يتحرشو ويخطفوا سنط السيدات ويبيعوا المخدرات

Unknown said...

أنا بقول ظباط أمن الدولة يتسرحوا ، و يتحطوا تحت المراقبة، و كل يوم بليل الساعة 6 يروحوا القسم يمضوا

أمينة سمير said...

أمن الدولة كافر كافر كافر بمقاييس الأديان كلها وبمقاييس الإنسانية

شوفوا ازاي كانوا بيعذبوا المعتقلين وبشتموا ربنا
http://www.youtube.com/watch?v=HEk2UzVXvp0

ابراهيموفيتش said...

أنا بقى لعلمك اصلا يعنى عندى اقتراح مفتكس آخر حاجة طحن موت قوى خالص جدا ابدا يعنى ههههه طالما الأخوة البعدا ذى ما بيقول بلال فضل خلاص اتعودوا على القتل والقنص ومينفعش يعملوا حاجة تانية غيرها يبقى خلاص نعمل جهاز جديد ونسميه جهاز أمن الشوارع وتبقى مهمتهم الجديدة قتل وقنص القطط والكلاب والفيران الضالة اللى مالية الشوارع اهو مرة فى حياتهم يعملوا حاجة تفيد البلد جتهم القرف لما يقرفهم

elzahraamegahed said...

احنا وثقنا في ائتلاف الثورة وخذلونا ، ايه بأه الحكومه الجديده دى ، هو حسن يونس بفكره الجديد المواكب للمرحله هو اللى هيحارب الفساد فى وزارته وهيعيد هيكلتها ، طب وسيد مشعل ؟ !! أنا المشكلة عندى دلوقتى شرف واضح انه مش فاهم ان احنا عايزين وزراء يكون فكرهم لا ينتمى للمرحلة السابقه عشان ينضفوا لفساد اللى فى وزارتهم ، وده طبعا مش هيعمله البردعى اللى محافظ واللى اختاره شفيق
أرجوكم ايه الفرق بين شفيق وشرف؟؟
مشينا وراكم وقعدنا نطالب بتغيير شفيق عشان هو بينتمى للمرحله السابقه ومش هيغير فى الهياكل الادارية اللى تحته، وده بأه اللى هيعمله البردعى ولا يونس ولا مشعل و، اه وبالمناسبه هو عبد النور ايه علاقته بالسياحه المصد الرئيسى للدخلالقومى بمصر؟ طب هو يعرف وزارة السياحه ماشية ازاى وعند فكره عن الفساد اللى فيها؟ طب هو ايه فركه عن التنمية السياحية؟
هى مصر فعلا عقمت ؟؟
يا ريت حد يفهمنى ايه علاقة اللى الدكتور الببلاوى كاتبه فى المقاله دى وبالتهريج اللى حصل فى تشكيل الحكومة الجديده
http://www.almasry-alyoum.com/article2.aspx?ArticleI

ابراهيموفيتش said...

لا بقى لعملك انا عندى اقتراح آخر افتكاس يعنى حلو حلو حقيقى .. طالما بلال فضل بيقول ان الأبعدين دول يعنى خلاص اتعودوا على القنص والقتل ومينفعش يعملوا حاجة تانية غير كده يبقى الحل اننا ننشأ جهاز جديد ونسميه جهاز أمن الشوارع وتبقى مهمتهم قنص وقتل القطط والكلاب والفيران الضالة اللى بقت مالية الشوارع اهو يعملوا حاجة مفيدة فى حياتهم جتهم القرف

elzahraamegahed said...

بصى يا نواره فيه استفتاء على مواد ما سمعتش حد الا وانتقدها يومم 19 مارس ناس كتير نازله تقول نعم فى الاستفتاء لمجرد انه البشرى على راس اللجنه مع اعزازنا له وفيه حكومة قديمه فضلت زى ما هى مع تلت اربع تغييرات بس ، كل ده محتاجك تركزى كده مع شباب الثوره وتشوفوا هتوجهونا ازاىى؟
عشان احنا مخنوقيين من التعديلات الدستورية ومن الحكومه الجديده دى؟ ومن فكر شرف لأنه واضح انه مش فاهم ان فرحتنا بيه كانت علشان هو فكره تبع الثوره فيجيب ناس ما بينتموش للفكر القديم فيعيدوا هيكلة وزارتهم واداراتهم لتتفق مع الفكر الجديد بعد القضاء على بؤر الفساد والتكتلات القديمة


يا ريت بأه تركزوا فى تشكيلة الحكومة الجديده وفى فكر شرف الغريب ده؟!! وفيه ضغوط عايزين نعملها علشان يبقى فيه لجنة تأسيسيه لدستور جديد وفيه على فكره دستور جديد بيتعمل فى حقوق القاهره وقرب يخلص خلاص

ابراهيموفيتش said...

انا عندى اقترح احسن من انهم يشتغلوا فى المطافى .. طالما انهم خلاص اتعودوا على القتل والقنص ذى ما بلال فضل بيقول ومعدش ينفع يعملوا حاجة غير كده يبقى احسن حل هو انشاء جهاز جديد ونسميه جهاز امن الشوارع وتبقى مهمة الأبعدين فيه هههه هى قتل وقنص القطط والكلاب والفيران الضالة اللى بقت مالية الشوارع اهو يعملوا حاجة مفيدة فى حياتهم جتهم القرف

Anonymous said...

والله مانا عارفه اقول ايه اه ياما اه من القهر اه قلبى بيوجعنى بيوجعنى اوى طول عمرى اسمعاها بتتقال بهزار وبجد ومن تحت لتحت اوعى امن الدولة كنت اعرف ان بعبع والعجيب انى كنت اعرف ان فى تعذيب بس لما شوفت بعينى وسمعت حقايق حسه كانى اتخبطت على راسى ومش قادرة اصدق ان البشاعة توصل للدرجه دى مش تعذيب وجرايم وفتنة وظلم وقتل لا وغسيل مخ وتدمير وعى شعب حتى المعارضة الى وهمتنا انها معانا وبتبطبب على جروحنا طلعت اغلبها مأجورة لعبة مرسومة عشان مانفوقش ملك وكتابه لعملة واحدة بس ماتفرقهمش اه اه زرعو بين كل الناس كره دا كداب ودا بصباص ودا راجل مش مظبوط والمسلم عايز ينهش عرضك يامسيحى ودا مسيحى عميل وخاين وهيضربك فى ضهرك خلونا نفتح عينا على بعض عشان مانشوفش مصايبهم يامن استحللتم اعراضنا وسفكتم دمائنا يامن امنتم علينا ولم تصونو الامانه يامن اردتم ان تفقدونا البصر ان تسلوبنا حق الحياة انظروا اين انتم واين نحن يالله يالله يامنتقم ياجبار انت ولينا وانت حسبنا وملاذنا الله اكبر فوق كيد الباطشين الله اكبر الله اكبر

elzahraamegahed said...

أنا شايفه إن أمن الدوله لابد أن يتحول لجهاز معلوماااااااااااتى لا غنى عنه فى حدود مسائل:
- الارهاب والتطرف الديننى المسلح
- الفتنه الطائفيه
- تحريات عمن يشغلون مناصب هامه بالدولة

وأن لا يكون هذا الجهاز المعلومات مصحوب بأى سلطه
,ان يلغى كافة اشكال التعذيب أو الاعتقال من أساسه
,ان يكون عمله خاضعا للرقابة

بالنسبة لموضوع امن الدولة، مش معنى ان المستشفيات ما بتقدمش خدمه كويسه او ان فيه مستشفيات الواحد بيدخلها عنده مغص يطلع متقلب فى أعضاؤه إن إننا نلغى المستشفيات ومش معنى ان المبيدات مسرطنه اننا ما عدناش نستخدم مبيدات ، لا الحل اننا نطور عمل المستشفيات عشان تبقى للعلاج والمبيدات نجيبها تبقى لمكافحة الافات.

قولى لى لو دوله اجنبية جندت مصريين يعملوا فتنه بين مسلميين ومسيحيين (زى ما ما أمن الدوله كان بيعمل عكس وظيفة، مين يكتشفه ويتصدى له)

ولو فيه متطرفين مسلحيين بينا مين يكتشفهم ؟

طب والتعيينات فى الوظائف الحساسه مش محتاجه ان يبقى معروف الشخص ده سيره وسلوكه وانتمائه عامل ازاااى؟


ملحوظة أخيره: مش كل الضباط فعلا بالسوء ده عن تعاملاتى مع قرايبى ومعارفى بس منهم كتير ومش كلهم طبعا قابلين فى اطار جديد من المحاسبه والرقابه يقدموا أداء أفضل ،

Unknown said...

ياسلام يا ام محمد لو المجلس ابو العساكر اصدر قرار بحل قمل الدوله...عليا الترالالي لانزل ارقص في الشارع وتبقي ليلة يا عمده.......للاسف الشديد كان ليا اصحاب كتير فيهم....منهم ناس نضيفه علي فكره....بس السياسه العامه للجهاز ده سياسة كفره ولاد كلب......هما نفسهم ماكانوش فاهمين بيعملوا كده ليه......وده عذر اقبح من ذنب........وكنت اعرف منهم واحد مسيحي علي فكره واستغربت اوي انه رائد في امن الدوله....يعني المسيحيين شغالين برضو .....ادعي بس من قلبك ربنا يريحنا منهم ومن قرفهم.....يااااااااااااااااا......مش متخيل مصر هتبقي اد ايه حلوة وعروسه وبتضحك من غير امن الدوله.......يارب انت ولي ذلك والقادر عليه......يااااااااااااااااارب

Anonymous said...

أمن الدولة,لا حل له,إلا الحل,ومتفق معك فى كل كلمة,إلا فيما يخص البرادعى,فهو لم يرد,لأن النظام كان يملك كل الإعلام,والمعركة كانت غير متكافئة,بالمرة,فكان السكوت حكمة,وكان مشغولا بالمعركة الكبرى القادمة,أعنى حرث الأرض للثورة,والأهم,كسر جدار الخوف,حيث كان أحد أكبر مساهماته,فى إنجاح ثورتنا الحبيبة.فى النهاية,كلنا فلاحون,والبرادعية,من طين هذا البلد الأمين

mona.lashen said...

انا مش قصتى حل جهاز غريب من ناس غريبه ولا هاقعد اشفلهم شغلانه ولا افكرلهم واحقق معاهم مش وقتهم دلوقتى
اللى وقتو بقه بجد هو ليه اللى اتحرق اتحرق واللى اتبشر خلصنا ليه فى حجات معينه فضلت وهل هيا مقصوده ولا لا طاب بلاش السؤال ده هو ليه امن الدوله فى مدينه نصر سبحان القادر القوى على كل شئ اتفتح الباب من غير مواجهات ولا اى حاجه كده فاجئه اتفتح هو لسه فى حاجه تانيه هاتحصل ومستنينها ولا ايه؟؟؟؟؟؟

Anonymous said...

تذكروا,عندما طردت حكومة الكويت,١٨من العاملين المصريين,الذين تجمعوا تأييدا للبرادعى,دون أى احترام لهم ولحقوقهم؟!كان المصريون"هفية"كل الشعوب,بفضل مبارك..,لماذا لا نقوم بحملة,لتعوضهم حكومة الكويت,أدبيا وماديا,خصوصا وأن عددنا الآن,على صفحة خالد سعيد,أكثر من مليون,يعنى أكثر من الكويتيين كلهم.وياليت البرادعى,ينتخب رئيسا لمصر,فيكتمل ثأرهم,إن الله عزيز ذو انتقام

AME said...

عصرية سعيدة عليكوا..
تسلمي يا نوارة من كل ردئ..أطن إنه فيه حاجات ممكن تتصلح، وحاجات كتير لسه محتاجة تُخترع (بضم التاء وفتح الراء). أنا مع حل أمن النظام لأنه ما كانش أمن دولة. شفت الفيديوهات و الصور، حاجة ترعب. و بعدين أهم حرقوا و فرموا الورق!
الحقيقة ما أعرفلهمش حسنات و فعلا مشكلة حنعمل إيه بييجي ثلاثة مليون بني آدم ما بين عساكر وضباط أمن الدولة و عساكر وضباط الأمن المركزي؟.. ثلاثة مليون بني آدم مشوه بشكل أو بآخر و بدرجات مختلفة..

البلد محتاجة مشاريع عملاقة عشان تمتص العاطلين أصلا و اللي حيتوفروا. أنا رأي نخير العساكر و الضباط دول بين إنهم يتقاضوا مرتباتهم حتى سن المعاش و هما في بيوتهم أو يتعلموا مهمن تانية و يدخلوا يساهموا في خدمة و بناء الوطن.
غير كده، يا ترى الوزارة الجديدة إتشكلت؟ يارب الدكتور ممدوح حمزة وزير إسكان، والدكتور مصطفى حجازي وزير تخطيط. و ما رأيك يا نوارة في د. يحي الجمل؟.. ليه حيحتفظوا بيه نائب؟
أما عن إعجابك ببلا فضل، فهو مثل غيرة بيجتهد و يخطئ لكنه مش بالذكاء اللي إنت موهومة بيه.
نوارة إنت لازم تدخلي تؤدي دور عام في الوقت القادم. بالإضافة للصحافة طبعا. إيه رأيك تبقى رئيسة تخرير جريدة شباب الإئتلاف، أو أي جريدة جديدة مبدعة ما تقولش غير الخقيقة و تفتح أبوابها للشباب من حميع الأعمار!..
ودمتم بخير..

negmat lail said...

نفس موقف التاكسي ده حصل مع اخويا ونفس الرد زيك ونفس التناحة من سواق التوك توك

بولة استميشن said...

ينصر دينك يا نواره
و حياة ربنا انت ست بمليون شنب
بجد انا هعمل جايزه للى يقولى امن الدوله عمل ايه كويس فى البلد دى

بولة استميشن said...

ينصر دينك يا نواره
اولا انا مش متخيل الثورة العظيمة دى من غيرك
ثانيا
انا هقدم جائزه ماليه قيمه للى يجبلى 3 حاجات كويسين لجهاز امن الدوله
و بعدين ما يشتغلوا فى المطافى هى المطافى عيب دى شغلانه شريفه و محترمة

الشبكة المستقلة said...

عيب كدة يا نوارة اكيد امن الدولة عمل حاجات كتير كويسة
..............
مممممممممم
مش قادر افتكر حاجة مع اني بفتكس كويس
آة انا لي واحد قريبي عمل اختراع جامد جداً و سرقتة منة شركة ادوية امريكية راح لامن الدولة راحت عملت لة تحديد اقامة و قعد 20 سنة يربي فراخ في منور بيتهم و كانو بيدولة مرتبة بالكامل و يوصلهولة لحد البيت
شفتي باة اهوم مش عاوزين يتعبونا

BLOGGER said...

روحي يا شيخة الهي يزيد طول لسانك كمان و كمان
يا فقعة اللي بقالهم 30 سنة في الأهرام و مش بيقولوا كلمتين عدلين

MaMaDo said...

ya nawaara, Tarek Abdel Latif Mohamed da sa7by w lessa mo3taqal, 3ayezek te7oty sorto 3andek fel blog please. If please I want to send you his photo or you can find me on facebook on your group mamado amano

MaMaDo said...

ya nawaara, Tarek Abdel Latif Mohamed da sa7by w lessa mo3taqal, 3ayezek te7oty sorto 3andek fel blog please. If please I want to send you his photo or you can find me on facebook on your group mamado amano

أحمد البستاوي said...

الشعب يحكم
http://afkar-soda.blogspot.com/

Unknown said...

يا ريتك بتعرفي يا نوارة شو بحبك على الأقل هناك نساء ظفرها بستين رجل

محمد نور الدين said...

ست الكل كل مساء وأنت بألف خير
لقد شممت في كلامك رائحة الشوفينية،والتعصب لبلدياتك ،أو قد تكون أسبابا أخرى ، لأنني كنت أول من لفت انتباهك أمس أن الشرطة مؤسسة دستورية ولا يوجد بلد في الدنيا بدون جهاز شرطة التي تعرف أنها من أجهزة الدولة . كما شرحت أيضا أن ما سمي بإعادة الهيكلة تعني في ما تعني إخضاع هذا الجهاز لقوانين الجمهورية وسلطة الدستور والهيكلة تعني أيضا تطهير هذا الجهاز وجعله في خدمة الأمن القومي للبلد وليس للأشخاص. وبعد تعليقي هناك من رد علي بحدة وقال مافيش حاجة اسمها إعادة هيكلة. و اليوم تغيرت النغمة ماشي يا ست الكل.
وعلى ذكر الجزائر فهذا موضوع يحتاج إلى وقفة خاصة لكن في هذه العجالة وبدون أدنى مبالغة ولا مجاملة فإن ثورة مصر التي لعبت دورا جبارا في شحذ الوعي الثوري على امتداد أمة العرب. لكن هناك شيئا خاصا أحدثته في الذهنية الجزائرية كان يتطلب عشرات السنين حتى يتم ذلك وسألخص ذلك في نقاط
أولا الجزائريين اكتشفوا مصر الأخرى ، مصر العميقة التي كانت مغيبة و التي لم يكونوا يعرفونها . أنا أتحدث عن المواطن العادي الذي اكتشف مصر الأخرى التي أبهرته
أما المسألة الأخرى و تعد الأكثر أهمية ، وهي اكتشاف الجزائريين في ثورة مصر، ما لا يملكونه، ما يفتقدونه ، ما هم في أمس الحاجة إليه ، إنها الثورة السلمية . ولهذا اليوم في الجزائر يمارس نقدا ذاتيا إلى حد جلد الذات .لقد ابهرهم شباب وشابات ميدان التحرير. وإن صح التعبير لم تبهرهم الثورة ،بقدر ماأبهرتهم جماليات الثورة .

hoopoe bird said...

امتي ربنا يرحمنا من هبل
قنصل الوز العجوز ده
لسه طمعان في رياسه
هبلك بالهبل
جامعتك العربيه خربتها ابعد بعيد عنا
الكلام ده مخصوص لعمر موسي
قنصل الوز

Sameh said...

شكرا على مقالك الممتاز
أعجبني الجزء الخاص بمكافحة الإرهاب لأنه معناه انهم حيقدروا ياخدو الناس بمجرد الفكر
فيه ناس كتير بتكفر حتى نفسها والمهم طول ما هم مابيعملوش جرايم مش حق حد إنه يحبسهم لازم نكون واعيين لهذا

bahaa said...

تحياتى لكى ولعقلك المرتب بس ان عاوز اقولك كمان ان امن النيله حتى الحاجات والخدمات الى كان مفروض يعملها لاسياده فى النظام طل اخيب من الخيابه يعنى لم يحول دون وقوع انتفاضه 18-19 يناير وايضا لم يحول دون عمليات السطو على محلات الذهب ولا العديد من الغتيالات وم يحول دون اغتيال السادات وكان ينبغى حله حين ذلك ولكن للامدهش انه رقيت قياداته واخيرا هو فشل فشلزريع فى حمايه النظام فى ثوره يناير بل انه اسهم باسلوبه الاجرامى واللا انسانى فى توحد كل الشعب لاسقاط النظام يعن كمان كان مجرم وبلطجى وخايب طيب بقى نبقى عليه ليه

Unknown said...

1.
الصنف اللى من اهل النار و لم يره الرسول (ص) : اناس بايديهم اسياط كاذناب البقر يضربون بها الناس - يعنى زى امن الدولةاكدهاللى كان عندنا اذا لم يتوبوا-

2.و ربنا فى القرآن اخبرنا انه من قتل نفسا بغير نفس او فسادا فى الارض فكأنما قتل الناس جميعا و من احياها فكأنما احيا الناس جميعا.

3.الناس فاكرة ان حد السرقة قطع اليد ده لو سرق حاجة و انت مش واخد بالك لكن لو سرقة بالاكراه بيكون الحد قطع يد و رجل لان فيه ترويع للناس الحد بيزيد لو معاه تخويف للناس لان ذنبه عظيم.

4.فى حادثة الهجرة رفض المشركون فى البداية دخول بيت الرسول (ص) لقتله قالوا تقول العرب روعوا اهل محمد لم يسمحوا لانفسهم اقتحام البيت باليل رغم انهم جاءوا لقتله لوجود مروئة تمنعهم من نشر الفزع فى البيوت.

برجاء مقارنة ده بتصرفات امن الدولة و لن اعلق.

5.لو حد منا قرأ العسكرى الاسود ليوسف ادريس و ان الطبيب رفض فى نهاية القصة أن يعالج الشخص اللى مارس التعذيب فى السجون.

6.امريكا لما كانت بتغلب فى مساجين جونتا ناموا كانت بتستعين بخبرات امن الدولة فى مصر و البلاد اللى زيها.

الناس دى كانت بتعتبر كل مصرى مشروع ارهابى اذا غلط مرة وفكر.

لن اطيل بس لا يمكن مسامحة اى شخص مارس او امر او علم بالتعذيب و قبل به او تستر عليه او سهل له بسن قوانين تساعده على ذلك يعنى حتى صحافة و حتى اعضاء مجلس الشعب و طبعا مجلس الشورى ملوش لازمة من الاول.

انا مش عارف المانيا عملوا ايه فى الجستابوا ممكن نستفيد من خبراتهم.

elzahraamegahed said...

أنا اسفه يا نواره
أمن الدوله وضباطه لازم يتحلوا
أنا شوفت فى المظاهرات اللى قدام ماسبيرو بخصوص كنيسة أطفيح ناس من الل كنت بشوفهم فى مظاهرااات انا اسف يا ريس
هااتو الراجل الضخم أبو شنب ضخم اللى بيجى كومبارس فى التليفزيون وهاتوا حسن اللى بيشجع الاهلى وبيبقى دايما شايل صورته

الاتنين دول شكلهم مميز جدا وموجودين فى مظاهرات المسيحيين وكانوا موجودين فى مظاهرات تاييد الاستقرار ايام حسنى وكانوا موجودين فى مظاهرات مصطفى محمود

القوات السلحة تجيبهم وهنعرف مين باعتهم ومين دافع لهم ومين له مصلحه فى خراااااب اليلد

Osama said...

لا فعرضك بلاش المطافى أرجوكى البلد كلها تولع تانى يوم
يشغلوهم فى جنينة الحيوان .... خليهم يلعبوا مع الأسد

lifecollections said...

امن الدولة لا يزال يعمل و انظر الى التشكيل الوزارى للدكتور عصام شرف نجد ان كل الوزراء اما اعضاء لجنه السياسات او اعضاء بالحزب الوطنى او الطبقه الثانيه من المشتاقين للمناصب يا شباب دى مش وزاره ثوره دى وزاره امن الدولة يعنى انشال احمد شفيق و جه عصام شرف و الوزراء لم يتغيروا

lifecollections said...

من شكل الوزاره الجديده برئاسه عصام شرف جميع اعضائها اما اعضاء لجنه السياسات او اعضاء الحزب الوطنى او الطبقه الثانيه من المشتاقون الى المناصب بالاضافة الى اسمين محترمين للخداع . هذه ليست وزاره ثوره و ارى محاولات الالتفاف على الثوره من قبل النخبه الفاسده لا يزال الطريق الى تحقيق اهداف الثوره طويلا اجمدوا يا شباب

Unknown said...

انا آسف انا عارف ان فيه امن دولة لازم يتشال و فيه قانون طوارئ و دستور بيتغير
لكن برضة فيه حكومة بتتشكل و فى اخطر مرحلة فى تاريخ مصر الحديث
لازم
يا جماعة فى موضوع ده نرجو المساعدة فيه

لن اقول اصبح عندنا وطنى فوبيا و لكن فيه مقال لكاتب كان بيعلق على كيف يختار الطاغية اعوانه:

انه فى عهد النميرى فى السودان و هو طاغية برضه كان فيه استاذ جامعى اتهم فى قضية اخلاقية و اثناء التحقيق جاءت اوامر بحفظ التحقيق و بعدها بفترة فى مفاجئة للجميع تم تعين هذا الاستاذ رئيسا للوزاراء.
و لا تعليق

2.كمال الشاذلى السابق لاحمد عز فى قيادة اغلبة الوطنى
و صاحب المقولة الشهيرة ( احنا ممكن نعمل اى حاجة فى البلد دى ما عدا احياء الموتى) و الحمد لله انه اخذ باله من الاخيرة

الراجل ده لما الناس اشتكت له من ان كثير من اعضاء مجلس الشعب بكتبوا شيكات بدون رصيد و بيستغلوا الحصانة غلط
قال ( احنا بنقيهم كده علشان ما يفتحوش بقهم).

الكلام ده يبرر الخوف و الاتهام لكل ما كان جزء من النظام القديم و بالذات بتوع الحزب الوطنى
مهما ادعوا البطولة و الفروسية الآن و خاصة لو استمر معاهم مدة

اننا و مما تكشف لنا من احدث تبين لنا و اتفقنا على ان بلادنا كانت مخطتفة و محكومة من قبل عصابة,
و العصابة لا تقبل يكون بها واحد شريف او نظيف
تماما زى ما هو ممنوع تكون مستور بملابس على شواطئ للعراة هيقولوا لك ممنوع يا استاذ انت كده بتجرح مشاعر الناس الموجودين من غير هدوم؟

وزارة الاسكان فى مصر :عشرين سنة مع ابراهيم سليمان و تقريبا ست سنوات مع المغربى و نتيجة لتفانى الرجلين فى العمل : متر الارض وصل كام و الشقق وصلت كام و العشوائيات كام و سكان المقابر كام و السرقات و الفساد كام
و كام

فيارب حد شريف و محترم و فاهم يمسك الوزارة المسكينة دى نفسنا شبابنا يلاقى شقة يتجوز فيها
بلاش اسر غرفة واحدم من غير حمام
بلاش عشش
بلاش شباب مش لاقى يتجوز

بلاش فتحى البرادعى ده بتاع دمياط يا جماعة و بتاع فضيحة مصنع اجريوم بلاش حرام كفاية

الناس الشرفاء و الخبراء فى مصر كثير و كلهم احسن من اختيار مبارك بكثير
احنا شيلنا مبارك ليه بنحب ناخذ حاجة من ريحة المرحوم.

و وزارة الكهرباء كمان دى فيها فلوس زى المالية و اكثر لازم حد كويس برضة

و الانتاج الحربى كمان

ارجوكم بلاش حبايب مبارك بلاش وطنى تانى ارجوكم الموضوع لا يحتمل

كلمة اخيرة
موضوع تعديلات الدستور فيها كلام كثير قيل و هو كلام يحترم فياريت تأخذ حقها فى الدراسة
لا نريد سلطات مطلقة نريد
رئيس شرفى يقابل الدول و الوفود زى تركيا و اسرائيل
و رئيس وزراء لو لعب بذيله او معرفش نشيلة تانى يوم.

الموضوع كبير و بيصنع تاريخ
لينا و لاولادنا و اجيال كنت خائف نسيب لهم مصر خرابة بدون غاز بدون موارد بدون مستقبل
الحمد لله اليوم المصريون يصنعون التاريخ.

monasoly said...

مساء الخير يانواره معلش انا مكنتش متابعاكى لحد ما شفتك بالصدفه على برنامج عصير الكتب لكن اد ايه انا فرحانه بيكى ان فى بنت بلد واعيه وبتفكر كده وعليا النعمه كلامك احسن من مضادات الاكتئاب اللى انا ببلبعها بقالى عشر سنين وانا معاكى ان مباحث امن الدوله يتحل ومش فاهمه كلمه اعاده هيكله دى معناها ايه يعنى مثلا هيجيبواجزار يشفى اللحم من على جهاز امن الدوله ويسيبوا على العضم واللاهايغيروا تصاميم بنا مبانى امن الدوله ؟

ساعي الخير said...

الحمد لله رب العالمين
يا نوارة العفو عند المقدرة أو هتبقي أكبر مسخرة
و المهم و الأهم من حل جهاز أمن الدولة هو أمن الدولة نفسه
المهم هو أمنك الشخصي و أمني و أمن كل الناس هو ده فعلاً أمن الدولة و علشان أمن الدولة الحقيقي بأعيد و أكرر طلبي منك بأنك تخاطبي و تدعي كل المهتمين بأستعادة الأمان و الأمن لكل مصر لكل طفل و رجل و أمرأة و شاب و فتاة علي أرض مصر
بأن يطلبوا من المجلس الأعلي للقوات المسلحة و رئيس الوزراء تبني الأجر الذهبي ( الحد الأدني للأجور مقيم بسعر الذهب جنيه و ربع ذهب كأجر أساسي مع تغيير نظام الأجور الذي يعطي أجر أساسي رمزي) حفاظا علي تحقيق مطالب الناس الحقيقة و ليست الفئوية كما يزعمون و هو ما يساعد علي انضباط الأعمال و حفظ الحقوق و يكسب مناصرين حقيقين و يقطع الطريق علي المشككين من المنتفعين من الرشوة و الفساد من النظام سابقاً
و نبهي كل محب للخير بأن يطالبوا بأن يصدر المجلس الأعلي للقوات المسلحة أو رئيس الوزراء بيانا ً ( علي أن يضع لذلك القواعد المنظمة في أسرع وقت ) يطلب فيه من شباب كل حي و منطقة التطوع للخدمة العامة في أقسام الشرطة و الأطفاء كل في حيه و منطقته _ لمدة من شهر إلي ثلاثة أشهر _ و ذلك لأنشاء مجموعات دفاع مدني تزاول العمل الشرطي من الضبط و الأحضار و تنظيم المرور و تقديم البيانات عن الحالة الأمنية تعمل تحت أشراف رجال الشرطة و ذلك لخبرتهم الأدارية و يكون لرجال الشرطة الأشراف و التعريف بالمهام و كافة الأجراءات الأدارية الأصيلة في عمل الشرطة أو تقوم الشرطة بعملها في ظل رقابة شعبية كقوة تعضدها و تراقبها في الوقت ذاته و هي متطوعي الدفاع المدني علي أن يكون لهم بطاقات رقمية معتمدة و شارات واضحة كمدنيين و ليس زياً خاصاً يميزهم عن رجال الشرطة و ذلك في أطار تطبيع العلاقات مع الشرطة و التعرف علي مجهوداتها و تقديم الدعم لها في واجباتها و هو أيضاً يعبر عن نوع من الرقابة الشعبية لعودة الثقة يا نوارة لله ألحقي خلق الله زي ما طالبتي مع الناس بأسقاط نظام مع الناس برضه أبني نظام و إلا علي الدنيا السلام و ذنب الناس و دمهم هيبقي في رقبتك إذا ساهمتي في الهدم و ما ساهمتيش في البنا و الهدم سهل و البنا الله يعين و اللهم أني أشكو إليك جلد الفاجر و عجز الثقة يارب ما تعجزي عن نشر الكلام و ابلاغه لكل من تتوسمي فيه القدرة علي ايصاله لمجلس الوزراء و القوات المسلحة
وموفقين ... للخير ,,,,,

elzahraamegahed said...

احنا سايبين الحكومه المصيبه اللى اتشكلت ب 3 وزراء من حكومة نظيف و12 وزير من حكومة شفيق وسايبين التعديلات الدستوريه القاصره والمعيبه ورايحيين تفتشوا أمن الدوله وتستفزوا الجيش ليه؟
لييييييييييييييييييه؟

طارق البشرى قال انه عامل التعديلات الدستوريه على اساس ان الانتخابات التشريعيه هتبقى الاول ودلوقتى الجيش عايز يعمل انتخابات الرئاسة الاول
انتو عارفين خطورة صلاحيات الرئيس فى الدستور ؟
عارفين عيوب وقصور التعديلات دى ايه؟

Anonymous said...

والله الناس دي خسارة تشتغل في المطافي لأنك ممكن تتتوقعي منهم أي حاجة يعني مثلا ممكن يلاقوا نفسهم فاضيين يروحوا مولعين في بيت عشان يقعدوا يتسلوا ويتفرجوا على العساكر وهما بيطفوه أنا عندي إقتراح للناس دي ممكن تشتغل في حديقة الحيوان ويشتغلوا حراس لقفص الأسود عشان لو حبوا يعملوا رجالة على الأسود
هيتنفخ...................

ساعي الخير said...

الحمد لله رب العالمين
أحنا بنقترح علي المجلس الأعلي للقوات المسلحة و مجلس الوزراء لأن هم في أيدهم القرار اللي ممكن ينظم كل الطاقات البشرية و يوجهه الوجهه الصحيحة و ده لأن المجهودات الفردية في الحقيقة مش مؤثرة زي نشاط الجمعيات الخيرية اللي أنتي هاجمتيه قبل كده لأنه بيقوم بشغل الحكومة و يخفف نتيجة أخطائها و هو التخفيف عن الناس مطلوب لكن مش علاج لأساس المشاكل علشان كده بأقترح أن المجلس الأعلي للقوات المسلحة و مجلس الوزراء يدعو الشباب إلي الألتحاق بفرق التعمير
حيث أنه ما دام الشباب متحمسين لدهن الرصيف و كنس الشوارع يبقي معلش بقي نخش ع الجد و بأسرع وقت يتشاف أقرب أراضي صحرا صالحة للزراعة و تتخطط بمساعدة الشباب دول و تتبدر محصول الموسم سوي قمح أو علف للدواجن و المواشي و ده علشان نتجنب أزمة الغذاء اللي بيقولوا عالمية أو أننا نتعرض لنقص في أمدادات الحبوب و يشمتوا فينا بتوع الرشوة و نظام حسني و في الأول و الآخر علشان ننفع نفسنا و اللي ياكل علي ضرسه ... ينفع نفسه بدل ما يطلع الناس بلطجية علي بعض في الطريق لأ و ليه يا ناس يا فل الخير للكل كله يزرع و ده مؤقتاً لحد التعمير المنظم وفق الخطة الشاملة بتاع ممر التعمير و تعديلات مشروع توشكي و أحسن من البطالة ... الأيد الشغالة و لما هيطلع محصول ان شاء الله يبقي معقول و تكون فرق العمار للزراعة تحت أشراف مهندسين من وزارة الزراعة و خريجي زراعة أقله يمارسوا عملي و
الناس تتعلم و علشان محدش يجبي علينا يبقي أكلنا من زرع أيدينا و موفقين للخير

mohra said...

i really liked the part about zweel ..i am saying it for years and people r looking at me as a strange envious person

Unknown said...

ياريت يا أستاذة تقومي بدعوة الحيش للقبض علي ضباط أمن الدولة اللي قطعوا الورق و حرقوه و تقديمهم لمحاكمة عسكرية عاجلة ... فهم قوات عسكرية قامت بأعمال تضر الصالح العام و تخفي قرائن مهمة .. و مفيش مانع يعدموا قيادات الجهاز يعني من أول اللواءات و حتي أمناء الشرطة ... عشان يتم القضاء علي محدثي الفتتن و الثورة المضادة

rifaa said...

Nawarra, why isnt the police back to the streets? I am told they are Za3laneen? What kind of stuff is this? Are we in kindergarten, we play fiha Lakhfiha? They have a job, they get paid to do the job, they need to do their freaking job. They think that people one day will beg them to come back. This will never happen and quite honestly if this silly game continues then the next demand will be to abolish this whole ministry of interior. If the police here in the US does that and say they wont come to work as it happened in Louisiana during Catrina, the US army went in there, arrested the uncooperting police, and shot at those who rioted. Police in the US is not allowed to demonstrate or riot as they are entrusted with weapons. This silly game went on for too long and has to be addressed quickly.

rifaa said...

Nawarra, why isnt the police back to the streets? I am told they are Za3laneen? What kind of stuff is this? Are we in kindergarten, we play fiha Lakhfiha? They have a job, they get paid to do the job, they need to do their freaking job. They think that people one day will beg them to come back. This will never happen and quite honestly if this silly game continues then the next demand will be to abolish this whole ministry of interior. If the police here in the US does that and say they wont come to work as it happened in Louisiana during Catrina, the US army went in there, arrested the uncooperting police, and shot at those who rioted. Police in the US is not allowed to demonstrate or riot as they are entrusted with weapons. This silly game went on for too long and has to be addressed quickly.

elzahraamegahed said...

نواره هقولك حاجه وما تزعليش فكرى فيها وعلى فكره انا مش من مصطفى محمود،
بس احنا بنساهم فى الثوره المضاده وبتوليع البلد واستثارة الجيش والناس عشان تفتيش أمن الدوله ده مش صح
الوثائق اللى معاكم دى لا تفيد الا الفضول؟

احنا كنا ننزل بأدبنا الجمعه الجايه ونصر على حل أمن الدوله


أهداف الثوره الرئيسيه بتنهار
حكومة الحزب الوطنى زى ما هى ما اتغيرش الا رئيسها واربع وزراء اللى واضح انه مالوش شخصيه ولا بصمه
واحنا كنا عايزين وزراء يطهروا وزارتهم من مراكز الفساد
أمن الدوله هيتحل ، طب الحكومه مش
هتتحل ، ولا رئيس الحكومه بس هو الى اتحل؟

الدستور ما اتعدلش والتعديلات طفيفه ومحدوده والاحتمال الاكبر ان الانتخابات الرئاسية تبقى الاول وده خطر وارجعى لكلام البشرى نفسه


الفتنه الطائفيه شغاله على ودنه واحنا ممكن نركز ونخلى الجيش يجيب الوشوش اللى متكرره فى مظاهرات انا اسف يا ريس وحقك على يا شفيق والمظاهرات اللى موجوده قدام ماسبيرو

elzahraamegahed said...

موقع عصام شرف عامل استفتاء على احتفالية بنجاح الثوره
هى دى الثوره المضاده ؟
نجحت الثوره باماره ايه؟
أما نبقى نغير الوزاره بتاع الحزب الوطنى
ونغير الدستور نبقى نتكلم
صحيح مطرح ما تآمن خاااف

elzahraamegahed said...

خلااااااااااااص خليكى يا نواره انتى وشباب الائتلاف والنشطاء دوروا على الوثائق

وسيبوا الوزارات زى ما هى وسيبوا عمرو موسى يجي ويسيب البلد زى ما هى
وسيبوا الناس توافق علىالتعديلات الدستورية المبتوره

احنا وثقنا فيكم والثوره امانه فى رقبتكم

الحكومه دى ما تنفعش
التعيل الوزارى ده ما ينفعش
عصام شرف مالوش بصمعه فى تغيير الحكومه و بيشتغلنا وبيلتف على الثوره وبيدعو لاحتفاليه بنجاح الثوره

elzahraamegahed said...

لاااازم يا نواره انتى والنشطاء والائتلاف تعرفوا انكم مسئولين قدام ربنا عن الثوره دى فلازم ترسواشويه عشان ثورتنا ما تضعش

الحكومه ما اتغيرتش ولا الدستور ولا مجلس رئاسى ولا احزاب ولا محافظين وهنتكروت كمان اربع اشهر ونلاقى فى وشنا عمرو موسى ومجلس شعب كله حزب وطنى واخوان
ومع السلامه يا ثوره

أرجوكم ما تلبخوش نفسكم بحوارات فرعيه وركزوا الحكومه هتحلف اليمين بكره

DIY CNC said...

جلاد الأمس سيصبح ضحية الغد


المهم انهم يتحجمو يبقى عليهم رقابة صارمة من المخابرات والا حيتحولو الى الى مؤسسة للجريم المنظمة رجعو تاريخ المفيا الروسية وضباط الkjp بعد انهيار الأتحاد السوفيتى الأهم من كدا انهم ومن خلال عقليتهم الوطية وحبهم للجريمة حكونو احسن جوسيس لأسرائيل انا عارف ان فيه حد حقول انى بتفرج على افلام كتير را جع التاريخ وانتا تعرف انى مش بابالغ وشكرا

mutargim said...

جرى ذكرك ضمن هذا المقال يا أستاذة ، ويارب يعجبك
http://al-agenda.blogspot.com/2011/03/blog-post_06.html

د. هانى احمد said...

مقطع رائع عن الثورة المصريه.. الى الجميع لنكون ايد واحده ولتستمر الثورة والى الجحيم يا مجرمى امن الدوله.. ممكن يشتغلوا فى تنظيم المرور فى شوارع مصر ودى تبقى كفاره بسيطه اوى عن اللى عملوه فى مصر وناسها الحلوة..

http://www.youtube.com/watch?v=Vj16WMlI9LA&feature=player_embedded

utopia said...

معلش احنا بنتقرطس......شكرا قوى يا جيشنا
قرطسنا قرطس:(((

د. هانى احمد said...

انا مش فاهم هل امناء الثورة اعطوا د عصام شرف قائمه باسماء من يعتقدوا انهم لاينتمون الى النظام البائد؟؟ طبعا واضح ان ممكن يكون فيه تدخل من الجيش فى الاختيارات وده اللى اعترف بيه شفيق قبل ما ياخد سكه... يبقى لازم فيه فرض رأى من قبل الثورة ولازم يكون فيه ايجابيه بتقديم اسماء وخيارات متعددة.. مش احنا بنقول مصر عامره بالاحرار ذوى الكفاءات.. ولما الجيش يرفض خيارات الثورة.. يبقى اعتصامات حتى يرضخ.. ده رأىى

د. هانى احمد said...

ايه رأيكم فى اللنك ده لجمع توقيعات لعمل دستور دوله برلمانيه.. ممكن حد يوضح ايه عيوب الدولة البرلمانيه

http://www.facebook.com/event.php?eid=187625314610719&notif_t=event_invite

محمد طنطاوى said...

عايز أحكيلكم عن اللى حصل معايا أول إمبارح ليلة السبت فى ميدان التحرير لأ كمان ليلة الجمعة بعد صلاة الفجر جه ضابط من القوات المسلحة يحكى معانا شوية فسألته عن أحداث يوم الجمعة الماضية فقلى الجيش حس ان هو اتهان والجيش مبيقبلش الإهانة وقلى إن إن الجيش عمل كده بأوامر من قائد المنطقة وهو برتبة لواء ، سألته عن عشرين بنت احتجزهم الجيش وما زالوا فى الحجز قلى القوات المسلحة مبتحتجزى بنات وسألت تانى بعد مقلى قلتلى بنت كانت معاهم فى السجن وطلعت هما ما زالوا هناك ، قال كمان إن الجيش مش هيقدر يديكو كل حاجه مرة واحدة لأسباب مش لازم تعرفوها ومش لازم أقولوا عليها ، قال كمان حاجة مهمة إن انتوا مش هتقدروا تحاكموا المخلوع ليه ، لأن الدستور ينص على إنه لا يحاكم إلا فى حالتين وهما : أولا : الخيانة العظمى . ثانيا القتل العمد ، والخيانة العظمى هى إثبات كونه عميل لدولة ما ، وطبعا لازم وثائق طيب منقدرش نقول إن اللى ماتوا بالفشل الكلوى والسرطان مش دا كان قتل عمد عموما كل دا مطروه واحنا عارفين ومتأكدين إنه كان أكبر عميل لكن المهم المستندات ميفعش شهادة الإسرائيليين بإنه كان كنز استراتيجى لإسرائيل ، كل شئ قابل للطرح والمناقشة عموما كد كد هيتحاكم عند تغيير الدستور ، نسيت أقول إن احنا سألناه مش كونه خرج من الرئاسة أصبح مواطن عادى لا ينطبق الدستور بتاعه عليه ، قال لأ الستور ينص على كده سواء فى السلطة أو خارج عنها مدى الحياة ، طيب صبحنا الصبح ودخل علينا النهار وكانت مظاهرة أكبر من مليونية ، دخل علينا الليل وابتدينا نقل ، وابتدا أمن الدولة يشتغل علينا أول حاجه ابتدا الشغب وعربية الإسعاف كل شوية تدخل وتطلع وبعد مقفلت بعض المنصات اللى كانت لسه شغالة عند المنصة اللى كنت واقف عليها ابتدت البلبة ومرة وحده ست أو سبع شباب أو أكتر سحبوا بنت من قرب المنصة وهتكوا ملابسها كمحاولة اغتصاب، عذرا هاكما بعدين علشان الصفحة مكفتش

محمد طنطاوى said...

وعوروها فى وجهها ، واختفوا والسباب اللى تدخل علشان يحمى البنت هجم عليه بعض الشباب ظنأ منهم إن هما اللى عملوا كده واتعور 3 شباب ، وجت عربية الإسعاف تانى ، وبعدين هاج الشباب على بعضة وسكتنا ، وابتدا القلق حاولت اعرف الموضوع سألت أكتر من واحد أكدى انهم من أمن الدولة وإن البنت كانت معاهم حمدت ربنا وكان أكتر حاجة وجعتنى هى الحاجة دى ، وبعدين دخلت الساحة ساحة الاعتصام وابتدينا نأمن نفسنا بعد معرفنا إن اللادى مش هتعدى بالساهل ، سكعنا ست بصوت معنا فى الساحة ولمت الناس خلتنا اتفجعنا مع إنها كانت هى وبنتها يعنى مفيش حاجة لكن الملاحظ إن فى نفس الوقت هجم علينا بعض البلطجية من الناحية التانية وعور واحد مننا عرفنا إن العملية كانت مترتبة ، فى نفس الوقت اللى راح فيه بعض الشباب مننا عند مدرية الأمن والناس اللى هناك قالوا إن هما من السكان رمت عليهم قنابلف ملتوف وقزايز لكن سكان إيه اللى تعمل كده دول قالوا احنا اتعرضنا للموت ، وكان ده فى نفس الوقت لأحداث اسكندرية ، قعدنا وكل شوية خناقة ، الناس اللى بتتخانق دى ماكنتش مننا ، وبعدين جم خمسه بلطجية وضربوا واحد مننا بالشومة على إيديه وجريوا وقبضة عليهم الشطة العسكرية على فكرة نسيت أقولكم إن الجيش انسحب من التحرير الليلة دى ، وبعدين جم شوية بلطجية تانى واختفوا ، كانت ليلة قلق فى قلق لأن كنا عارفينت إن أمن الدولة مش هيعدى الموضوع بسهولة بعد ماطلبنا بحله ، وصبحنا الصبح وجت ست فى عربية اسعاف معاجوزها فى العربية كأنه ميت ومعاها بعض أولادها بتقول إن عنده نزيف فى المخ وإن قعد اللادى كله فى المستشفى من غير علاج وإن المستشفى رفضت علاجه وقالت لازم يدفع 4 تلاف جنيه رحنا معاها للقصر العينى وكنا حوالى عشرة وحودنا على الجيش والضابط قال أنا جى معاكم وبعدين بعت معانا عسكرين رحنا وفى النهاية قبلوه وسبناه تحت الرعاية
عايز أقول إن العتصام اصبح الآن خطر على الثورة ليه بقول كده لأن العدد فى الساحة أقول فى الساحة مش فى التحرير أصبح قليل جدا أنا متأكد إن شباب الـ 25 اللى فى الساحة هما من انقى الثوار لكن بقول إن مشكلهم من الـ 25 فيه كتير مندس بل إن فيه بعض الخيم إحنا شكينا فيها وكان شكنا فى محله من الخيمة دى بنتين هما شكلهم من البلطجية بنت منهم ذى الغول مسترجله والتانية مقطعا بلطلونها من على رجليها وبتشرب سجاير ، البنت اللى زى الغول دى طلعت وجت طبعا هاتتفتش لكن رفضت الأخت اللى واقفه على الأمن كانت شاه فيها حاولت تفتشها اتخانقدت معاها وشتكتها وقلتها انتى بيئة ، برضه هكمل بعدين

محمد طنطاوى said...

وفى الحقيقه هى اللى بيئة ، طيب جم جماعة اصحابها بعد كه وطبعا هيتفتشوا ونفس الكلام حصل واتطور الموقف وبقى فيه مد للأيادى الأخ اللى واقف على الأمن مرضهش الموقف فراح وقف البنت بالعافية راحت البنت البلطجية دى سحبت الخشبة وراحه تضربه بيها وفى نفس الوقت التانية راحت تمد ايدها على وضربته فعلا ضربة اهانتنا كلنا اللى بيعمل كده مش مننا ، قتلهم اللى بيحصل دا تشويه للثورة وإن كده فيه خطر عليها تصوروا لو واحد صور الموقف دا احنا قلييلين فى السحاة وهما بانت قوى افعالهم الخسيسة علشان عددنا قل كانوا بيعموا كده فى الأيام اللى فاتت لكن مكنوش بينين لما عددنا كان كتير لكن دلوقت إحنا فى خطر قلتلهم نخليها كل جمعة أو كل جمعتين زى مقال الدكتور محمد البلتاجى وندى الدكتور عصام فرصة لكن أنا خفت كمان بعد معرفت إن الدكتور عصام ابقى على شوية وزراء من العهد البائد حسيت إن هو كمان خلى بينا فين حكومى التكنوقراط اللى كنا بنقول عليها معقول دا يحصل طب احنا لينا عشم فى مين بقى طب نعمل إيه أنا شايف إن الجمعة الجاية نطالب بحكومة التكنوقراط ونطالب الدكتور عصام بالحفاظ على مطالب الثورة ، ولازم المجلس العسكرى يعرف إن الثورة خسرت كتير بسبب تأنيه فى تحقيق المطالب وإنه يتبنى بقية المطالب بسرعة بقى كفاية كدا ولازم محاسبة جهاز أمن الدولة مش بس حله لازم يتحابوا ومنشغلش بالنا نشغلهم إيه دول ميعذبوناش ويخربوا بيوتنا وبعدين نفكرلهم فى شغل دول مجرمين لازم يتحاسبوا على جرايمهم أنا بنادى إن كل من عنده فديو لأمن الدولة يبعتو على الفيس بوك للمجسل الأعلى الضابط قلى إنه بيسمع كويس ياريت لو فيه حاجه ذى كده نبعتها علطول دى أمانة ودا جهاد ،
وعايز أقولك يا نوارة إن الثورة مش شباب الائتلاف شباب 25 بيرفضوا إن يكون ليهم ائتلاف وبيقولوا إن دول بعبروا عن نفسهم وإن فيه أكتر من ائتلاف بقولك كده لأنه شفت وسمعت عن شباب بستضفوهم على قناة الجزيرة والعربية من ائتلاف الثورة والله مبيعرفوا يتكلموا منهم واحد اسمه ناصر عبد الفتاح الأستاذ بيقول إن أمن الدولة مهم وانهم بيقدموا خدمات للمجتمع الثورة وشباب الثورة بريئة من هذا الكلام ، ياريتك تبعتى لقناة الجزيرة وتقوليليها متركز علفى ائتلاف الثورة وإنها تحسن اختيار من تستضيفهم أمانة عليكى لأن انتى أقرب منهم منى

Anonymous said...

الشعب يريد دستور جديد,قبل أى انتخابات.لا لترقيع الدستور

حـنــّا السكران said...

كيفك يا نوارة .
هذه وثائق عن التشهير بالبرادعي و اتهامه ( بالتعاون على ما يبدو مع جريدة السياسة الكويتية القذرة ) بتلقّي الدعم المالي من إيران .
أيضا وثيقة أخرى عن مراقبته و جميع أفراد عائلته و أقاربه أيضا و مراقبة هواتفهم :

http://www.facebook.com/photo.php?fbid=192358214137733&set=a.191188174254737.42435.191013450938876&ref=nf

http://www.facebook.com/photo.php?fbid=192428927463995&set=a.191188174254737.42435.191013450938876&ref=nf

elzahraamegahed said...

الوزراء والمحافظين والمحليات هم النظام الحقيقى
غيرنا الرئيس ورئيس حكومته لكن حكومته زى ماهى وعمر ما وزير من القدامى دول هيغير ولا هينضف فى قيادات وزارته
عصام شرف خذلنا

elzahraamegahed said...

على فكره مشايخ السلفيين طوال عمرهم ماشيين بأوامر أمن الدوله وعلى فكره من أول لحظه وهما ضد الثوره وأفتوا بحرمتها وعلى فكره هما اللى حركوا مظاهرة أمن دولة اسكندرية وعلى فكره احنا بنهد ثورتنا

أرجووووووووووووووكى إهدى وفكررررررررررررى
وإدعى ربنا يبصرك بالحق والخير
ده غلط الدخول فى مهاترات محاصرة واقتحام والاستيلاءعلى وثائق أمن الدوله ده غلط غلط

بتخسروا من رصيدكم عند الجيش وعند الناس وعندنا احنا باقى الثوار، بلااااااااااش نزود الاحتجاجات والاضرابات فى حاجات مردودها مش هيفيد مسيرة الثوره
أنا شايفه الصوره من فوق لأنى بعيد

أرجوكى يا نواره فىه معركه سياسيه محتاجه انك تبقى مركزه عشان تديريها عشان تشكيلة الحكومه والمحليات والمحافظين والدستور ولااااااازمم يبقى رصيدك وصورتك عند الجيش وعند الناس كويسه وتسمح لك بانك تتظاهرى لو مرضوش

elzahraamegahed said...

:د. نبيل فاروق
التاريخ كنز عظيم لمن يقرأه ويفهمه ويعيه. ويستوعب دروسه

فبقراءة التاريخ، تنبأت من٫ سنوات، من خلال ماكتبته، بأن الأمن سيكون السبب الرئيسى لسقوط النظام.
وبقراءة التاريخ، وصفت الثورة وتداعياتها، قبل ستة أشهر من اندلاعها
ومن التاريخ، أيقنت بانتصارها.

ومن التاريخ كذلك، علمت كيف ستحدث الثورة المضادة، وكيف ستستغل حماس الشباب واندفاعهم، لتحقيق أهدافها، وإشاعة فوضى عارمة، تتيح لها العودة، والانقضاض على من حطموا بعضهم البعض.

وعبر تصفح التاريخ أيضاً، ارى الثورة المضادة تتحقق، بأيدى نفس من قاموا بالثورة، من منطلق الغضب، والعناد، ونار التقمة فى النفوس، والرغبة فى إثبات الذات، وإرهاف الآذان لكل شائعة وكل وسوسة شيطانية، فى غياب عقل يسعى للتيقن، أو حكمة تحتم التروى، وإعمال العقل، وتدبر الأمر.

ومما أراه، ومماخبرته من التاريخ، يمكننى أن أقول، لكل من يسعون لإشعال الأمور، ويزهون ويستمتعون بإثبات أنهم قادرون على هذا (ومنهم بعض تلامذتى للأسف)، هنيئاً لكم، فبأسلوبكم هذا، قريباً ماتحتفلون بانتصاركم. وخراب مصر، التى لا فى خاطركم، ولا فى دمكم

بالتأكيد.

elzahraamegahed said...

دلوقتى فيه معتقلين ومنهم نشطاء مهمين يله بأه الثوار ينظموا ن فسهم عشان يعملوا وقفه عشان يسيبوهم أو يتوسلوا للجيش انه يسيبهم .

بدل ما ننظم نفسنا عشان نضغط فى تشكيل الوزاره أو فى تعديلات الدستور أوحل المحليات

المهم احكى لى حاصرتوا أمن الدوله ، أهم أى حاجه استفزيتوا الجيش زهقتوا الناس كرهتوهم فينا ، شوية فوضى محسوبين علينا حصلوا النهارده ، كام وثيقة خدها الشباب ، اتفرجتوا على نداءات الجيش فى تليفزيونات العالم علشان والنبى ما تنشروش أسرار البلد،،بس المهم متأكدين إن اللى عملتوه النهارده ده مش ضد الثوره؟ طب متأكدين ان انتو مش ماشيين على حطه من بعض أباليس أمن الدوله؟
كسبتوا ايه؟

farid_moussa said...

إنتي قولتي يتحل يبقي لازم يتحل وممكن يشتغلوا في المرور علشان يطلع عين أهلهم ويتعلموا الأدب

Tears said...

نوارة انتى كويسة؟

فيه حد على تويتر بيقول ان الجيش قبض عليكى انتى و بثينة كامل بس مش عارفه دى اشاعه و لا بجد

يارب تكونى بخير و تطمنينا عليكي

هنا فيه مصيبة يظهر عدلى مش بس فجر القديسيين انما ده رائد فى مجاله

http://yfrog.com/hs9zzmfj

George El Khal said...

يا نواره: ما فيش شعب محترم يرضي بوجود جهاز مثل أمن الدوله لانه إقرار بأننا شعب من الخونه أو فاقدي الأهليه تجب مراقبتنا باستمرار..... أرجو عدم التمثل بال إف بي آي الأمريكي لانه أمر مختلف تماما