Monday, 14 March 2011

انا حاتكلم في التعديلات الدستورية عشان مبسوطة



بس الاول اقول لكم اللي حصل مع وزير التعليم العالي
1- قريت له كل اللي انتوا كتبتوه في التعليقات على المدونة هنا وعرضت عليه كل اللي قلتوه وهو كتب نقط، وحتى من ضمن الكلام اللي قلتهوله: محتاجين معايير للنجاح في الدراسات العليا وواحد كاتب بين قوسين معايير اخرى غير "انت عايز تنجح من اول مرة؟" فضحك وقال لي ده في طب اللي كتب لك كده ده.. انا عارف. وفعلا كاتب التعليق في طب الزقازيق
2- هو في اغلب الاجتماع كان بيسمع اكتر من اللي حاضرين واللي حاضرين كانوا معظمهم دكاترة جامعة، وكان فيه واحد من ستة ابريل خريج السنة اللي فاتت واتكلم وعرض برضه مطالب كتير كويسة والوزير كتب نقط، والوزير قال انا في الاجتماع ده مش حاتكلم قد ما اسمع..
3- قرر اجتماع تاني يشكل فيه لجنة منتخبة من الحضور عشان يقولوا توصيات اعادة الهيكلة 
4- كان فيه حضور كتير بس ابرز الناس د. عواطف عبد الرحمن، د. حسن نافعة، د. محمد ابو الغار، واساتذة كتير، منهم دكتور في طب اسكندرية وقال كلام كتير حلو قوي، طبعا فيه دكاترة زعلانين عشان الطلبة الظاهر هتفوا ضدهم ولا ايه، المهم يعني لو اتشكلت لجنة من الحضور ان شاء الله تبقى كويسة لأن معظم الحضور كانوا بيقولوا كلام كويس واقتراحات كويسة
5- فيه اقتراحات قالها الوزير كحل عاجل للتوتر في الجامعة لحين اتمام اعادة الهيكلة وهي
أ - حيطلب من كل رؤساء الجامعات والعمداء ورؤساء الاقسام تقديم استقالاتهم ثم اجراء انتخابات تكون بشكل ودي لحين اصدار لائحة لانتخاب رؤساء الجامعات والعمداء ورؤساء الاقسام، وقال ان ده لازم يتم انجازه في خلال شهرين ونص
ب- إجراء انتخابات اتحاد الطلاب
ج- نشر ميزانية الجامعات في الصحف، وقال انه مش حيقدر يعمل حد ادنى للاجور في الجامعة بشكل فوري، لكن يقدر بشكل فوري يعمل حد اقصى للمكافأة بحيث ما يحصلش نهب للميزانية
وقال ان دي حلول آنية، لحين إصدار قوانين ولوائح جديدة
------------
العاملين في التلفزيون عاملين اعتصام لاقالة القيادات الفاسدة.. والمسيحيين اللي قدام ماسبيرو قرروا تعليق الاعتصام حتى يوم 25 مارس 
-------
نرجع بقى نتكلم عن التعديلات الدستورية.. اصلي مبسوطة قوي اننا بنتكلم وكدهون بقى
اولا، خلاص بقى، انقلوا المحطة، اقصد محطة العمالة والثورة المضادة والكلام ده، ده استفتاء، يعني لا اللي بيقول نعم فلول، ولا اللي بيقول لا اجندا... بس اللي بيقول نقاطع ده مختل عقليا، ماحدش يزعله، اول ما حد يقول لك نقاطع خده في عربيتك لأقرب مصحة امراض عقلية، او ركبه تاكسي وحاسب له وشوش السواق: الخانكة يا اسطى.. بس ما تزعلوش وانتوا في السكة
نقاطع ايه يا عم حرام عليك... اول مرة في حياتنا حيبقى لنا كلمة وحتتسمع.. انت مفتري ليه؟ بقى اليوم اللي احنا حنصوت فيه بالرقم القومي وبمراقبة قضاء ومن غير تزوير تقول لنا نقاطع؟ نقاطع ليه؟ 
ماحدش يقاطع الاستفتاء.. احنا كلنا حنروح، سواء كنت فلول ولا اجندا كله حيروح..
هييييه.. حنصوت.. حنصوت يا عيال... والله كل ما افتكر اني حادلي بصوتي وحيتحسب افتكر سعيد صالح في العيال كبرت وهو بيقول لاخته: حتتجوزي :))
وعشان كده انا مش عايزاهم يأجلوا الاستفتاء
يأجلوه ليه؟ ما يسيبونا نصوت وننبسط.. يقولك اصل ما لحقناش.. ما لحقناش ايه؟
ما احنا بنتكلم مع بعضينا اهو
بص بقى يا سيدي
اول حاجة: لو النتيجة طلعت نعم.. مافيش مبارك آخر حييجي، ومافيش كارثة، ومافيش تسليم للبلد، ومافيش اجهاض للثورة، ولو النتيجة طلعت لا مافيش امريكان حيحتلوا البلد، ومافيش اسرائيل حتجيب  عميل لها يحكمنا، ومافيش تقسيم لمصر
عشان نبقى واضحين يعني
مافيش كارثة حتحصل من نتيجة الاستفتاء ده، ومافيش حد من اللي بيقول لا او نعم متآمرين على البلد.. خلاص، احنا خلصنا المحطة دي وقلبنا على محطة نجوم اف ام.. 
حنتكلم بقى مع بعض ونرغي.. ومالكش دعوة مين بيقول ايه؟ لك دعوة مخك بيقولك ايه؟ انا شخصيا مبسوطة ان فهمي هويدي متفق معايا في الرأي، بس لو كان مختلف معايا في الرأي ما كنتش حاغير رأيي، وجلال امين قال النتيجتين مش كارثة يعني، سواء نعم او لا، كله شغال، ذلك لأن عمو عزيز مات يا علية.. مات.. وتقدري تنقي يحيى شاهين او احمد رمزي زي ما تحبي.. عمو عزيز مش راجع تاني، صدقيني يا علية، عمو عزيز مش راجع
وحابتدي بمنطق اللي عايز يقول لا.. عشان انا عايزة اقول نعم فحاقول اللي مختلف معايا في الرأي بيقول ايه عشان ارد عليه
(يااا.. مختلف معايا في الرأي.. واستفتاء.. وتصويت.. احنا عيارنا فلت يا عيال) 
اللي بيقول لأ:
- بيقول احنا من حقنا دستور جديد.. ايه اللي يخلينا ناخد دستور مرقع؟ 
- ننتخب لجنة تأسيسية تعمل لنا دستور جديد
- واذا كنتوا خايفين من الجيش، نعمل مجلس رئاسي، والجيش يسلم له السلطات
- وبعد ما نعمل دستور جديد نعمل انتخابات رئاسية وبعدها برلمانية
ده اللي انا جمعته من اللي بيقولوا نقول لا
طيب
اولا فيه بعض الكلام الغلط اللي اتقال، وده سببه ان مش كل الناس قانونيين فممكن يكونوا فهموا غلط، بس أنا سألت قانونيين
المادة 189 مكرر مادة ملزمة، ولازم تتقري بالرجوع للمادة 189، يعني المادة 189 مكرر لما بتقول لكل من رئيس الجمهورية، المقصود بها، انه يرجع للمنهج المتبع في تشكيل اللجنة التأسيسية المكتوب في المادة 189 مش مقصود بها انه على كيفه يعمل او ما يعملش، لأن المادة تؤقت سنة و15 يوم من اصدار التعديلات، وهي مادة ملزمة، بإجماع القانونيين، اللي بيدعي انها مادة مش ملزمة دول الناس اللي مش قانونية واتلخبطت، لكن كل القانونيين بما فيهم اللي حيقول لا عارف انها مادة ملزمة
بالنسبة للمادة 190 دي برضه مافيش حد قانوني اتكلم فيها لأن القانونيين عارفين انها مادة معطلة اتعملت مجاملة للسادات وسقطت بانتهاء المدة الاولى للسادات، وما اتشالتش لأنك عشان تشيل مادة من الدستور عايزة لها غلبة، وبسبب معرفة اللجنة بأن المادة معطلة ما وضحتش النقطة دي، لكن اهم وضحوها وانا سألت فيها
نيجي بقى للرد على اللي بيقول لا، وانا ليه حاقول نعم، مع الوضع في الاعتبار ان اللي بيقول لا مش اجندا، وان النتيجة لو طلعت لا مش كارثة على البلد.. هي كارثة عليا انا لوحدي لأني مش عايزة المجلس العسكري يطول في الحكم
الكلام على ان الجيش ممكن يطمع في الحكم، بصراحة انا كنت متخوفة الاول، بس كل يوم بالاقي انهم مش طايقينا ومش طايقين يقعدوا في البلد ولا عايزين يبصوا في خلقتنا اساسا، فده مطمئن انهم فعلا مش طمعانين في الحكم، هم عايزين يشوفوا شغلهم وحاسين اننا دبسناهم واتخنقوا آخر حاجة منا
- اولا: الدستور الجديد حيتعمل وانا شايفة ان في كل الاحوال احنا حندي وقت
يا ندي وقت نقعد المجلس العسكري على ما نخلص الدستور الجديد
يا ندي وقت نمشي المجلس ونعمل انتخابات وبعدها نعمل الدستور الجديد على مهلنا
انا افضل الحياة المدنية في كل الاحوال.. مش بس عشان مش عايزة شرطة عسكرية ولا احكام عسكرية، عشان ما احبش اربط ناس جنبي وهم مش طايقيني وملويين في وشي، خلاص.. الجيش ضرب بوز في الشارع وما بقاش يضحك في وشنا، وانا كمصرية اصيلة، احب الناس تلاقيني ولا تغديني
الدستور الجديد حيتعمل حيتعمل... ما نمشي الناس ونقعد احنا مع بعض مع برلمان منتخب ورئيس منتخب وشرطة مضروبة علقة سخنة مش حتنساها ابدا وحتقعد شوية كتير متربية 
لأن الدستور الجديد محتاج مناقشات ومساجلات واخد وعطا، وممكن تكبر في دماغ حد، ينزل يعمل مظاهرة، ولا اعتصام، ييجي ينزل في المظاهرة واد مطول شعره، يستفز الجيش، ياخدوه يقدموه لمحكمة عسكرية، طب وليه النكد ده؟ ما تخلي اللي مطول شعره ينزل واللي حالق شعره يروح يشوف شغله في الصحرا
يعني مثلا.. المادة التانية مش حتتغير، حتنزل زي ما هي وحتفضل.. انا باواجهكم بالحقيقة عشان ماحدش يتشنج لي
ليه بقى؟ عشان هي دي الديمقراطية، الدستور الجديد يختلف عن الدستور المؤقت، لأنه حيتصوت عليه مادة مادة، والمادة دي لو نزلت او نزل خيار الغاءها او حتى تعديلها، الناس حتصوت لصالح شكلها كده زي ما هي
بس برضه من حق اللي معترضين عليها انهم يعبروا عن نفسهم، ولو عايزين يعملوا مظاهرة يعملوا، ولو عايزين يعتصموا يعتصموا، ولو عايزين يرغوا يرغوا.. صح؟ 
طب ده بالذمة ينفع في وجود الشرطة العسكرية يا ناس؟ يعني افرض نزلوا يتظاهروا، قام نازل لهم ناس تانية يتظاهروا مع المادة، ينفع في الجو ده، وفي السخونة دي، والشرطة العسكرية قاعدة، والاحكام العرفية، ومحاكم عسكرية، الناس تعمل العملة دي؟
المادة التانية ما تتكشفش على جيش... عيب
مثلا خمسين في المية عمال وفلاحين
ماهي دي برضه عايزة نقاش وحوار ومساجلات وخناقات الى اخره، والناس حتسخن وتنزل تتظاهر، مع وضد
طب هو احنا استعبدنا الجيش يا جدعان؟ ده جزاته انه عمل لنا اللي احنا عايزينه؟ حنفضل حاجزينه جنبنا ونعذب فيه ويعذب فينا؟ 
ما تسيبوه يخلص الست شهور بتوعه، وبعدها يمشي واحنا بقى نقعد نعمل اللي احنا عايزينه ونتكلم ونرغي
وبعدين ايه اللي يخلينا نعمل دستور جديد في ظل حكم عسكري؟ التاريخ حيكتب ان الدستور ده اتعمل في ظل احكام عرفية وما اخدش حقه من النقاش والمساجلات
ما هو النقاش محتاج شرشحة وخناق، والجيش ما بيحبش الصوت العالي ولما بيلاقي مدنيين بيشرشحوا لبعض بيرنهم علقة هم الاتنين
- بالنسبة للمجلس الرئاسي
المجلس الرئاسي حكم عسكري بمشاركة مدنيين
يعني مش حيفرق حاجة.. ما هو اصلا ده قائم دلوقت، عندنا وزارة مدنية ومجلس عسكري، كل اللي حيحصل انهم حيتم دمجهم
لكن قانون الطوارئ حيفضل ساري طول ما احنا ما عندناش دستور
الشرطة العسكرية حتفضل قاعدة طول ما المجلس الرئاسي قاعد 
المحاكم العسكرية حتفضل شغالة لأن الاحكام العرفية حتفضل موجودة لأن مافيش دستور اساسا
ومافيش حيبقى مجلس رئاسي مدني
لأنه سلطة غير شرعية، والجيش مش حيسلم السلطات لسلطة غير شرعية وغير منتخبة.. ايوة الجيش شرعي، لأنه جيش، ده جيش، له صفة، ايه صفة اعضاء المجلس الرئاسي؟ 
طب ما الدستور ده مؤقت اساسا، نمرره وبعدين نعمل انتخابات برلمانية، وبعدها رئاسية
انا ما يهمنيش مين اللي حيجي في البرلمان والرئاسة، ان شالله ييجي قرود في المجلس والرئاسة دلوقت
البرلمان والرئيس اللي حييجوا حيقعدا سنة يكتبوا لنا الدستور ويمشوا، وبعد ما يصدر الدستور الجديد، وناخد راحتنا بقى في النقاش والحشد والمظاهرات والكلام والاخد والرد، يصدر الدستور الجديد بالشكل اللي تصوت له الاغلبية وبعدين نعمل انتخابات رئاسية وبرلمانية جديدة بدستور جديد ونعيش وننبسط بقى
اللي بيقول: افرض البرلمان اللي جاي هو والرئيس خدونا على خوانة وكتبوا دستور يخدم مصالحهم
يا راااااجل... ياااااااااااا رااااااااااااااااجل، بقى خايف من سلطة مدنية منتخبة انها تاخدك على خوانة، ومش خايف من سلطة عسكرية في ظل احكام عرفية انها تاخدك على خوانة؟
طب لو السلطة المدنية اخدتك على خوانة تقدر تنزل تنام لها في الشارع
لكن لو السلطة العسكرية اخدتك على خوانة، بشعرك ده حتاخدك محكمة عسكرية لو نمت لها في الشارع
وبعدين تقول لي ننتخب لجنة تأسيسية؟ مين اللجنة اللي انت حتنتخبها؟ 
حتنزل قانونيين وقضاة انتخابات؟ طب دول ماحدش يعرفهم
يعني تخيل الخضيري نازل انتخابات وكاتب على وشه يس وي كان.. ايه يا جدعان ده؟ ثم الناس ايش عرفها مين قانوني كويس ومين قانوني وحش؟ ده مش تخصصها، الناس تخصصها انها تنتخب نواب يعبروا عن مصالحها والنواب يفهموا مين قانوني كويس وقانوني وحش، وتقدر تراقب اللجنة وهي بتعمل الدستور، احنا حنراقبهم ازاي؟
بس في الدستور الجديد عايزين نكتب ان المرشح للرئاسة ما يبقاش طيار، ولا حارب في اكتوبر، ويا ريت يبقى عنده فلات فوت عشان يبقى عمره ما دخل الجيش.. احسن دول بيزعلوا من كلام تاني خالص غير اللي بيزعلنا
يعني مرة مالك عادلي قال لظابط جيش: خلي بالك من نفسك
اتنرفز عليه وقال له: قصدك ايه اخلي بالي من نفسي؟ يعني ايه اخلي بالي من نفسي؟ انا اقدر اخلي بالي من البلد كلها لوحدي
مالك فاكر انه بيقول له كلمة حنينة، وده افتكر انه بيقول له انت ضعيف او مهدد
مرة ظابط جيش بيقول لي على الله تفضلوا تحبونا دايما، فقلت له ليه انتوا ناويين تعملوا فينا ايه؟ فقال لي مش احنا اللي حنعمل فيكم، قلت له ولا احنا حنعمل فيكم، راح ظابط صاعقة طلع فيا زي الطلقة وقال لي: ما حدش يقدر يعمل حاجة في الجيش المصري.. احنا جيش مصر.. فاهمة يعني ايه؟ جيش مصر ماحدش يقدر يعمل فيه حاجة ابدا
طبعا كل ده يسعدني ومقدراه، بس هو كويس لما يتوجه للعدو، لكن قعدتهم معانا هنا لو طولت، كل ما حنقول كلمة يقلبوا علينا؟ 
ماهي قعدتهم لو طولت كده يبقى حاجة من الاتنين، يا هم اللي حيحقلوا لنا شعرنا ويقلبونا زيهم، ويتعمل فينا زي ايام محمد علي اللي انتوا فرحانين بيه ده ويكتموا نفسنا وترجع نفسنا تتكسر تاني بعد ما رفعنا راسنا
يا اما احنا اللي حنطول لهم شعرهم وساعة الحرب ما نلاقيش حد يدافع عنا
لا احنا عايزين نغير طبيعتهم، وادي احنا شفناهم بعد غيبة واطمنا عليهم انهم ميت فل وسبعتاشر وان جيش مصر وطني وبخير، بس خلاص خليهم بقى كده ويروحوا
ولا عايزينهم يحولونا لمجتمع عسكري.. عايزين كل واحد يخلي باله من لغاليغه، احنا لينا لغاليغ مختلفة خاااااالص عن لغاليغهم
- ليه نعمل الرئاسية قبل البرلمانية؟
انا مش عارفة ليه حاسة ان اللي عايزين يقولوا لا للتعديلات عايزين يبتدوا من الآخر للأول
الدستور وبعدين الرئاسية وبعدين البرلمانية؟ حد بيعمل كده؟ مش الناس تمشي بالترتيب الطبيعي؟ 
دلوقت اللي بيقال ان الدستور المعدل بيدي صلاحيات كبيرة للرئيس
طيب والرئيس اللي من غير دستور خالص بقى؟ اهو ده صلاحياته مالهاش اي سقف، لا وكمان لوحده من غير ولا حتى برلمان معين، مستفرد بينا في خلوة شرعية من غير اي محرم، ومصر طول عمرها مزة ومغرية والشباب بيطمعوا فيها، ومافيش قانون ولا دستور حاكمه، لا بصلاحيات كبيرة ولا صغيرة، ومش معاه برلمان يقول له اختشي يا ولا.. دي لو اختك كنت عملت معاها كده؟ 
لا يا هنادي... مافيش احسن من الحلال
الناس اللي بتقول كده خايفة من اتنين
الحزب الوطني - اللي اساسا الشعب عامل عليه ثورة، الجيش قال ان اللي شاركوا في الثورة 20 مليون مصري
كل واحد فيهم وراه اسرة على الاقل اتنين موافقين على اللي هو بيعمله، يعني حوالي ستين مليون مصري، الحزب الوطني ماشي يقول يا حيطة داريني، ثم ان الحزب الوطني مش حزب ايديولوجي عشان يتخاف منه كده، كل اللي فيه بتوع مصلحتهم
يعني لما يلاقوا مصلحتهم مع الشعب حيعملوا للشعب الاعيب شيحا عشان يرضى عنهم، الى جانب ان قوة الحزب الوطني في رأس المال الفاسد، وادينا شغالين اهو وربنا يكرمنا ونشيع فتحي سرور وصفوت الشريف وزكريا عزمي وبقية رجال الاعمال الفاسدين، بس عايزين نشد حيلنا شوية، اللي يعرف حاجة عن اي حد ياخد بعضه ويطلع على النائب العام
القوة التانية هي امن الدولة
واهو ده بقى اللي عايزين نقضي على شأفته، يا جدعان لو سمحتوا اسمعوا كلامي مرة واحدة في حياتكم واجمعوا توقيعات كتير واطلعوا بيها على عصام شرف عشان يجمد العمل في امن الدولة ويتحفظ على العاملين فيه لو عايزين انتخابات برلمانية محترمة 
الناس التانيين اللي خايفين منهم هم الاخوان المسلمين
طيب الاخوان المسلمين مش حيترشحوا بأكتر من 35 في المية من المقاعد، ومش حياخدوهم كلهم
اشتغلوا بقى على بقية المقاعد
ودي سهلة ان شاء الله.. سهلة جدا
ان شاء الله بتوع الائتلاف مثلا حيحضروا قوائم مرشحين للمجلس، وعايزة بقية الناس كلها تحضر قوائم مرشحين للمجلس
اول ما نخلص من الاستفتاء كل الاحزاب حتتعمل بالإخطار، آمل ان كل اللي محضرين نفسهم يعملوا احزاب يكونوا كمان محضرين قوائم، ولو مش محضرين قوائم، يعملوها من دلوقت حالا
وننزل بقى نلف في الشوارع، وانا شخصيا حانزل الف مع قائمة الائتلاف واطبل وازغرد 
ويطلعوا في التلفزيونات ويتكلموا ويرغوا بقى وكده.. دي تتعمل في عشر ايام وسهلة جدا، وبعدين فيه شخصيات كويسة ولها قبول وعايزين نطلب منها انها تترشح في مجلس الشعب والشورى عشان تبقى موجودة والدستور بيتعمل، انا عارفة انهم مش بيحبوا يشتغلوا في السياسة، بس ده واجب وطني، يقعدوا السنة دي يخدمونا ويراقبوا لنا الدستور وهو بيتعمل وبعدين يطلعوا من المجلس لما الدستور يتعمل
يعني مثلا، ابراهيم عيسى، وبلال فضل، وحسام عيسى، وعلاء الاسواني، وحمدي قنديل، وجلال أمين، وعوطف عبد الرحمن، وحسن نافعة، وعبد الله الاشعل، واسامة الغزالي حرب، وعايدة سيف الدولة، وشخصيات كتير مش فاكرة منهم دلوقت غير دول، المهم اغلبهم يبقوا يسار وليبراليين وفي نفس الوقت محبوبين، عشان الاتجاهات التانية مقدمة نفسها كويس، يترشحوا في البرلمان، سواء الشعب او الشورى، وحيقشوا اصوات كتير، وحيبقى وجودهم مهم والدستور بيتعمل، وحيدخلوا المجلسين يعني حيدخلوا المجلسين واديني دبستهم اهو ولازم يخدمونا.. غصب عنهم، وبعدين يطلعوا لو مش عايزين يكملوا وعايزين يتفرغوا لشغلهم، وممكن انتوا كمان تطرحوا اسماء تنزل في انتخابات البرلمان كمستقلين او تابعين للاحزاب اللي حيتم اشهارها فور الانتهاء من استفتاء الدستور، انا مستنية اسماء تكتبوها في في التعليقات بس تراعوا انها تكون اسماء لها شعبية ومحبوبة وفي نفس الوقت ما تبقاش من الاتجاه الاسلامي لان الاخوان حينزلوا اظن باسماء حلوة برضه وكويسة مش حينزلوا باقفال ولا حاجة، فكده يبقى الاسلاميين ممثلين بأحسن حاجة عندهم، احنا عايزين فعلا برلمان ائتلافي عشان ده اللي حيعمل الدستور
وبكده، حتى لو الوطني دخل البرلمان، فيه ناس شخصيات عامة، ومن اتجاهات مختلفة، ومحبوبة، ولها وجهة نظر مختلفة، ولها تأثير، وصوتها مهم حتبقى موجودة، وينسقوا مع بعض، وبكده يبقى على الاقل خمسين في المية من البرلمان ناس جديدة نوفي مش وطني ومش اخوان.. كمان الاخوان مش حيعملوا حركات قرعة في البرلمان، الاخوان مهتمين انهم ينحازوا للثورة ولمبادئها ولما يبقوا في النص ما بين الوطني واي حد تاني، اكيد مش حيختاروا الوطني، اذا ما كانش عشان مش عايزين يخسروا الشارع، يبقى على الاقل عشان بينهم وبين الوطني تار بايت، اما اذا فرض ان بعض اعضاء الوطني نجحوا الحزب الوطني اساسا بتاع مصلحته، يعني لو حس انه حيتشأمظ وحيبان انه رجعي وضد الثورة حيقعد كانن وساكت في حاله، ده اذا ما زايدش على الباقيين في الثورية كمان
انا بس عايزة اعرف، هل البرلمان والرئيس المنتخبين بعد ما يعملوا الدستور، حيبقى لهم حق في الترشح تاني؟
اصل انا عايزة يصدر قانون سواء بقى في قانون الانتخابات، او ملحق للدستور او اي حاجة، تخلي الرئيس واعضاء المجلسين ما يقدروش يترشحوا لأول دورة بعد اصدار الدستور الجديد، وبكده نضمن انهم مش حيعملوا لمصلحتهم الشخصية الى جانب وجود شخصيات عامة في المجلسين
وعايزين من دلوقت نحضر اسماء لشخصيات عامة تنزل انتخابات المجلسين، وندبسهم وغصب عنهم يدخلوا يعني يدخلوا
ولازم نحضر نفسنا لكل الاحتمالات
يعني لو النتيجة طلعت نعم يبقى قوائمنا جاهزة
لو النتيجة طلعت لا
يبقى حضروا بديل لو سمحتوا يضمن لي اننا ما نستمرش في الحكم العسكري، ولا رئيس بلا سقف قانوني يحكمه ينفرد بينا واحنا شعب مالناش الا سمعتنا ثورتنا ومش عايزين الشيطان يبقى تالتنا
لأني لحد دلوقت مش شايفة بدائل لما نقول لأ
وبعدين انا عايزة افهم.. هو البرادعي مش بيطلع في التلفزيون كتير ليه؟ انا عايزاه في الفترة الانتقالية دي، وبعدها عايزة البسطويسي في الاربع سنين
ومش عايزة البرادعاوية يفتحوا بقهم تاني، خالص.. الراجل كل ما يطلع في التلفزيون ويكون رصيد كويس عند الناس يروح البرادعوية طالعين زي الخازوق لوحدهم ويعكوا في الكلام لحد ما يكرهوا الناس فيه تاني
الراجل ده ربنا باليه بمحبيه.... اسكتوا شوية.. اسكتوا وسيبوه يتكلم هو

143 comments:

mohamed said...

انا كنت محتار وقلقان وبعد ما قريت كلامك بقت واثق ومطمن الحمد لله

احمد خليل said...

نعمل اية دمك خفيف وبتكتبى حلو كلام مترتب بس انا حقول" لا " يمكن مقتنع بكلام البرادعى والبسطويسى اللى بيحقق كل اللى انت عايزاة ومش حيفرق فى الوقت واضمن من الترقيع والصربعة اللى مالهاش لازمة

مصر 30 said...

يا نوارة أنا بعت لك مايل عند أ. صافي ناز .. يا ترى شفتيه ؟

liliy pink said...

يسلم بقك وقلمك يا نواره انتى قلتى الكلام المفيد ياريت كلنا نرمز على الخطوات المقبله الوقت بيجرى ولازم نستعد كويس علشان مانقعدش نندب بعد كده لو كل واحج فينا عمل الواجب بتاعه بما يرضى الله ان شاء الله ربنا يكرمنا وانا فرحانه قوى بالفقره الاخيره بتاعتك
الناس اللى خايفه من الحزب الوطنى ومن الاسلاميين لازم تفكر كويس قبل ما تقول انها عايزه الانتخابات الرئاسيه قبل البرلمانيه
لومشينا بالترتيب المنطقى يبقى ان شاء الله ربنا حايكرمنا

يقول أنى امرأة said...

طيب يا نوارة ما البرادعى قال انه مش هيترشح غير لما يتعمل دستور جديد .. لو الدستور فضل زى ما هو مش هيترشح... ومش عارفه البسطويسى رائيه ايه ولو الاتنين مترشحوش هنلاقى بقى عمرو موسى وشفيق هو الى قدمنا وسعتها هتبقى كااااااااااااااارثه

منتديات رجال الاعمال said...

والله انا دماغي باظت من كتر الاراء سواء مع او ضد التعديلات وكل رأي ليه اسبابه المقنعة ,,, منك لله ياحسني
ماهو لو كنا متعودين ع الانتخابات وع الاراء وكده ما كناش اتلخبطنا كده

Shoukry said...

Add to the list you omitted Ibrahim Issa :)
http://dostor.org/politics/egypt/11/march/14/38048

mossad_elkheshen said...

كلام معقول جدا....على بركة الله

عمرو said...

ليه لازم نقول لأ
http://www.facebook.com/notes/amr-abdel-aleem/%D9%84%D8%A7-%D9%84%D8%AA%D8%B1%D9%82%D9%8A%D8%B9-%D8%AF%D8%B3%D8%AA%D9%88%D8%B1-1971-1-%D8%B3%D9%8A%D9%86%D8%A7%D8%B1%D9%8A%D9%88-%D9%88%D8%AF%D9%86%D9%83-%D9%85%D9%86%D9%8A%D9%86-%D9%8A%D8%A7%D8%AC%D8%AD%D8%A7/132637066809850?notif_t=like

Omar said...

يعني كل اللي اقدر اقولو اني زهقت من بوووووز الجيش فعلا وبعدين مش مبوز بس انا حاسة انو بدأ هيتف علينا واحنا ماشيين...فانا مع القرار الذي يسرع برجوع الجيش من حيث اتي شاكرين لة فضل نة استحمل شقاوة الشعب

elghazawy said...

صباح الفل يا نوارة
لجمعيه التأسيسيه يا نواره مش قانونيين، دي ناس تمثل كل القوي الاجتماعيه والسياسيه ودورها الرئيس الحوار حول الدستور غير اللجنة الفنيبه للصياغه
القصد يا نواره اعادة الحياه السياسيه
النقابات والاحزاب الجديدة وخلافة
هو ده القصد
والموضوع ليس

dreamer_9020 said...

استمرار رؤساء الجامعات و العمداء لاخر السنه خطر على الطلبه .. هينتقموا مننا

ahmed said...

لو الدستور 71 اتفعل رئيس المحكمة الدستورية هو اللى هيقوم بمهام الرئيس !!!!!!

Nahla said...

أنا حقول نعم... عشان لو قلت لأ مفيش بدايل مقنعة

Nahla said...

بس أنا شايفة من اللي حواليا إن الغالبية حيوقولو لأ يا نوارة

milt15 said...

دلوقتي تفكير مختلف شوية عن التعديﻻت الدستورية
أنا كنت مجهز نفس أني أقول نعم للاستفتاء بس لقيت النتجية مجحفة جدا اني أقول عليها نعم
طب لو قلنا ﻻ واتفهمت على انها التعديﻻت دي ﻻ ترقى واتعملت تعديت تانية فيه نظام محاسبة للرئيس واجبار على انتخاب ل...جنة تأسيسية وتحد من الصﻻحيات الفرعونية وغيره من الاعتراضات اﻷساسية عالدستور
وبصراحة أنا شايف ان تعديلها مش صعب
ده لو رحت اتجمعت ب 10 من دكاترة كلية حقوق عندنا في المنصورة يوم
هتتعمل التعديﻻت دي
يعني بفهمي القانوني اللي مش على مستوى الناس المختصة
لما تشيل بنود بتاعة القائد اﻷعلى للقوات المسلحة والقائد اﻷعلى للشرطة (مادة 184 كلها)وانه الرئيس اﻷعلى للمخابرات
وتشيل من يتجمع المجلس اﻷعلى للقضاء برئاسة رئيس الجمهورية
جملة برئاسة رئيس الجمهوري
وتشيل قدرته على نص القوانين
تبقى مشيت شوط كبير
ولما تحط نظام للمحاسبة ان المواطن العادي يرفع عليه وعلى مجلس الشعب والوزرا قضايا لمحاسبتهم
ممكن تبقى من اختصاص محكمة النقض مثﻻ بدل المحكمة الابتدائية
وتحط الزام بانتخاب اللجنة التأسيسية خﻻل مدة معينة من تولي المنصب واﻻ يفقد المنصب
وبالنسبة لحاجة زي النائب اللي بالتعيين ممكن يبقى تاني أكتر عدد في الاصوات في الانتخابات هو النائب
وياخد صﻻحيات من الدستور بدل ما يبقى النائب خيال مآته كده
ده حتى الاشراف القضائي اللي يعتبر الانجاز في التعديﻻت كان ممكن يصدر من غير تعديل دستوري
بقانون يشرح المادة 88
اللي فيها كما ينص القانون

المهدى said...

معاك حق مافيش خوف على الثورة سواء فى حالة نعم أو فى حالة لا ولو تفتكرى ده اللى قلتوهولك تانى يوم مالمخلوع انخلع وده لطبيعة الثورة يعنى العشرين مليون اللى قولتى عليهم وكمان ضمانة المؤسسة يعنى فعلا عمو عزيز مات
المشكلة مش فى التعديلات لو على التعديلات يبقى ألف نعم كمان المشكلة مش فى إن الجيش يطمع فى السلطة لإن ده مستحيل
المشكلة الحقيقية فى الوقت إحنا محتاجين وقت لإن فعلا فى فلول وفى أجندة
الجيش مصمم إنه يقطع النظام السابق بمشرط الجراح مش بالفاس ولا حتى بالجزمة والنظام السابق مش حزب وطنى ولا أمن الدولة النظام السابق أمريكا ومصالح عالميةولو بالمشرط يبقى محتاجين وقت
يعنى مثلا لو كنا إستعملنا الفاس أو الجزمة وشلنا شفيق وحلينا أمن الدولة كانت التكلفة حتكون أقل ( من غير دم )
سمعت أن الإنتخابات حتبقى فى سبتمبر والرئاسية فى يناير لو كدة يبقى طبعا نعم
وبرضه الخوف مش على الثورة الخوف على تكلفة البناء الجديد

dina said...

الاسامي يا ستي
والدة حضرتك :)
فهمي هويدي
احمد خالد توفيق
ناصر امين بتاع العدالة الانتقالية ده
عبد الرحمن يوسف
نهي الزيني

onkpictures said...

يا نوارة انتي بتسيطري عالناس بكلامك اللي دمه خفيف
عامله زي حسني طابخة المصريين و عاجناهم و بتلعبي عالحتة اللي بيحبوها
اخخخخخخخخخ منك يا شيخة

sasa.alzanaty said...

انا هنزل واقول
لالالالالالالالالالالالالالالالالالالالا
بس لو النتيجة طلعت نعم اشطه هبقى فرحان بالديمقراطية
ولاهم من كده انى مش هقابل جدى الله يرحمه فى الاستفتاء او الانتخابات

nosseir said...

انا كنت الاول اقول نعم للتعديلات وكنت مقتنع
وبعدين دخلت على صفحة كلنا خالد سعيد واقتنعت بانى اقول لا..وانة لازم دستور جديد من الان
ودلوقتى بعد ما قرأت كلامك اقنعتينى تانى بأن اقول نعم
اية البتنجان اللى انا فية دة !!!

ayman radwan said...

انتي بتحلمي فعلا ومش عايشه علي ارض الواقع اسالي علي ثوره رومانيا ايه الي حصل فيها :
1- حيحصل تزوير وبلطجه في الاستفتاء وده كله حيلبس في وش الجيش لانه مش حيقدر يسيطر علي اللجان ولمي البلد بقي ساعتها.
2-الحزب الوطني مش قايم بس علي الفلوس قايم علي العصبيات بتاعت القبائل في الصعيد خصوصا الي اعضاء الحزب بيجهزو نفسهم خلاص للانتخابات وبيقولو انهم كانو مضطرين زيهم زي الشعب.
3- في حاجه مهمه كمان احنا بنلف وبندور حاوليها ان الجيش ملئ بالفساد وفعلا غير قادر علي حمايه نفسه عشان يحمي البلد وحيحصل صدام بين قاده الجيش وبين اي رئيس منتخب لو ضدهم في افكارهم
4- المجلس العسكري لحس كلامه وجل الانتخابات لشهر سبتمبر يعني حتي برنامج بتاع سنه و15 يوم ده مبقاش واقعي وهما مش ماشيين بيه وراجعي تصريح احد الاعضاء في برنامج مصر النهارده
5- تباطئ الجيش في اتخاذ اي قرارات وثقته في واحد زي زكريا عزمي يتسمي تواطئ علي الشعب مش تباطئ
6- قانون الطوارئ الي اتسحل بيه الشعب لاكثر من تلاتين سنه بسبب ومن غير سبب ليه ودلوقتي اضافله الاحكام العسكريه ليه القانون ده ميطبقش علي الحراميه والفاسدين زي عزمي وسرور وصفوت ولا هو القانون للغلابه بس.

انا مش طالب صدام مع الجيش لان دي كارثه لكن طالب استمرار الضغط عليه لتنفيذ مطالبنا ومتنسوش انه عمرهم ما نفذو مطلب من نفسهم خالص الا لما احنا اصرينا علي مطالبنا

nosseir said...

بس على فكرة ..افضل حاجة الدستور الجديد يتعمل ويكون الجيش فى الشارع
هقولك لية...انا متأكد ان مثلا الاقباط هيطلعوا معترضين على المادة بتاعت الشريعة الاسلامية
لو الجيش مش موجود...الناس هتضرب فى بعض..وتبقى فتنة...الشرطة مش هتقدر تسيطر على الوضع..وخصوصا انها لسة مكسورة من الشعب
لالالا ...انا رجعت فى رائى وشايف ان نعمل الدستور الجديد الان....يعنى لا للتعديلات الدستورية

سامية جاهين said...

يا نوارة أنا بعت لك مقال ع الفيس بوك ومش عارفة اذا كنتي شفتيه ولا لأ فححطهولك هنا تاني وحاقول لك نفس الكلام اللي قلته هناك:

يا نوراة.. لو طلبت منك تقري المقال ده كويس، حتفتكريني باخوّنك عشان بتقولي نعم للتعديلات؟ أتمنى لأ.. إنت عارفة أنا باقدرك قد إيه ولو ما كنتيش تهمنيني ما كنتش حاولت أفهم وجهة نظرك وافهّمك وجهة نظري. أرجوكي تاخدي من وقتك شوية وتقري المقال بتأني وتدقيق. خصوصا الجزئية اللي بتتكلم عن حجة كسب الوقت
http://www.facebook.com/notes/amr-abdel-aleem/%D9%84%D8%A7-%D9%84%D8%AA%D8%B1%D9%82%D9%8A%D8%B9-%D8%AF%D8%B3%D8%AA%D9%88%D8%B1-1971-1-%D8%B3%D9%8A%D9%86%D8%A7%D8%B1%D9%8A%D9%88-%D9%88%D8%AF%D9%86%D9%83-%D9%85%D9%86%D9%8A%D9%86-%D9%8A%D8%A7%D8%AC%D8%AD%D8%A7/132637066809850

elzahraamegahed said...

شكرا انك وصلتى صوتنا لوزير التعليم العالى

بالنسبه لى انا مقتنعه انى اقول لا بس هصوت بنعم
لانى خايفه من وجود الجيش وخايفه اكتر واكتر من مناقشة المواد الجدليه فى الدستور فىالوقت ده والبلد وضعها مش مستقر وكله شغال بسياسة لوى الدراع

Sgheita said...

you made me luagh but I will stay no zay ma el barad3y wel bastaweesy bey2olouh.. magless be 50% 3ommal we fala7een mesh hayenfa3ni.. we ana seme3t bewdany el ragel el lewa beta3 el geish fee misr el nahardah bey2oul el parliament hateb2ah fee september wel presidential fee december ya3ny homma keddah keddah 2a3deen sannah fa zay ma tounis delwa2ty 3amlah e3lan dustoury we shaghallah fel etegah el sa7ee7 e7na kaman why not?!

جبهة التهييس الشعبية said...

كل واحد يقرر حيقول نعم ولا لأ
بعد ما نقلبها في دماغنا
وكلنا حنروح ان شاء الله مافيش مقاطعة
بس اهم حاجة لازم نحضر بالظبط حنعمل ايه بعد كل نتيجة

يعني لو طلعت لأ.. احنا محضرين بديل ايه؟

ولو طلعت آه.. يبقى لازم لنا نحضر ناس يدخلوا البرلمان، حتى لو كانوا من اللي بيقولوا لأ على التعديلات

عمرو said...

ليه لازم نقول لأ للتعديلات الدستورية
http://elshare3.blogspot.com/2011/03/1971-1.html

baron said...

و الله يا نواره انا بقول نعم و مش شايف اي ضرر في اني ارقع حاجة مؤقته لحد ما المجلس العسكري يمشي لانه فعلا زي ما بتقولي مبقاش طايق خلقتنا من كتر النكد اللي عيشناه فيه
و بعدين نعم او لأ مشهتجيب حسحس تاني مصر لان مدام انا هحدد مدة رئاسة في الترقيع او حتي في الدستور الجديد يبقي فله


و انا مبسووووووووووووووووط جدااااااااااااااااااااااااا
لسبب واحد اني اول مره اشوف استفتاء في مصر مش معروف نتيجته قبلها
ههههههههههههههههههههه

Sgheita said...

أكد عيسى أن التعديلات المقترحة إذا تم التصويت عليها بالرفض يوم 19 مارس الحالي سيكون الدستور معطل وسيضطر المجلس الأعلى للقوات المسلحة إلى تغيير الدستور, وأشار عيسى إلى ضرورة اعمال العقل في الاستفتاء على التعديلات, قائلا.."لا يوجد هناك طريق للحرية ولممارسة صحيحة للديمقراطية سوى إعمال العقل والقول بأن نرضى بالتعديلات الدستورية المقترحة عشان نخلص كما يردد البعض هو وهم كبير" ofcourse here 3eessa is ibrahim 3eesa.. we 7attah malek hay2oul la2 mesh ghalat terga3y fe kalamek el geish mesh zah2an we bas ya Nawwara el geish leeh agenda we homma mesh 3obt hanakhodhom fe douka law 2olna na3am fa yemsho bessor3a.. homma 3arfeen beye3meloh eih.. elli beye3mel mo7akmah 3askariyah lewa7ed lafa2oloh ennoh ma3ah tabangah 3alashan ba3d ma darabouh etssawwar (a2sod tab3an amr el be7eiry) mesh zah2aneen homma mobayeteen el neyyah.. khaleena waqe3yeen waht we take we take with persistence that this is our rights.. matlakhbateesh el nas el nas bet7ebek we betesma3 kelmetek we dih mas2ouliyah

Rania said...

لا يا نوارة الثورة اسقطت نظام واسقطت معاه دستور فاسد كان بيحمي الفاسدين..كفاية بئى..
انت استشرت قانونيين..واحنا كمان ومش كلهم متفقين مع التعديلات
كتير بيئولو لا

Rania said...

مش كلالقانونيين يا نوارة مع التعديلات كتير منهم بئولو لا..ده كتير كمان يقولون الدستور سقط بسقوط النظام.. ولا دول ما سمعتيهمش ولا سألتيهم؟؟

Nicholas Urfe said...

بمناسبة ان الجيش اتخنق فانا اللي اعرفه ومش عايز افتي لكن جربته في اسرتي ، ان في حالات الطوارئ والاستنفار دي الفرد العسكري ايا كانت رتبته بيبقى تحت ضغط شغل رهيب وبتبقى حالته النفسية صعبة لأنه بيشتغل وقت اكتر ومش بيروح وتحت اوامر كتي من قياداته، الشرطة والامن المركزي ما استحملوش 4 ايام في ايد الشعب وركبهم فكتهم وما بقوش عارفين يقفوا على طولهم ، تخيلوا الجيش بتاعنا بالمقارنة بالشرطة ناشفين قد ايه وبقالهم كام يوم في الشارع معانا، الناس دي فعلا لازم ترتاح وترجع الصحرا اللي بتحبها

Rania said...

مش كل القانونيين يا نوارة مع التعديلات كتير منهم بئولو لا..ده كتير كمان يقولون الدستور سقط بسقوط النظام.. ولا دول ما سمعتيهمش ولا سألتيهم؟؟

مهندسة حنان said...
This comment has been removed by the author.
مهندسة حنان said...

تمام كلامك يا نيكولاس

مهندسة حنان said...

أكيد نعـــــــم للتعديلات

لا خوف من فلول الوطنى .. كفاية إن إسمهم فلول

حبيت الإخوان جداً.. و حاسة إنى كنت ظلماهم كتير.. و لكن عزائى إن الصورة كلها كانت ضباب

ومبسوطة خالص من تفاؤلك

elashkeef said...

انا هاقول لا لاني عايز دستور جديد
رد اللي بيقولوا نعم انه الدستور الجديد هياخد وقت و هنفضل تحت الحكم العسكري الفترة دي
ده صحيح نظريا
لكن عمليا الوضع مختلف شوية
ازاي؟
فيه شوية قضايا رئيسية هي محل الخلاف و اللي هتطول عمل الدستور الجديد
1- المادة التانية
2- برلمانية و لا رئاسية و لا شبه رئاسية
3- نسبة العمال و الفلاحين
في رأيي يتعمل استفتاء حلو و صغير كده على التلات نقط دول كل نقطة على حدة
و زي ما تطلع النتيجة سهل بعد كده الفقهاء الدستوريين يعملوا الصياغة القانونية في شهر او اتنين
الدستور يخلص في حدود شهر مايو
الانتخابات البرلمانية في يوليو / أغسطس
الرئاسية في أكتوبر
و حتى لو تأخرنا شهر او اتنين كمان في الدستور مش هتكون هي دي المشكلة يعني
آه و لو فيه نقط كمان محل خلاف تنزل في استفتاء صغير مع التلات نقط
ما اعتقدش النقط الخلافية الرئيسية هتزيد عن ست او سبع نقط بالكتير اوي

hussein014 said...

انتي متأكدة ان المجلس والرئيس الجايين هيكونوا مؤقتين؟
صبحي صالح قال ان المجلس هيستمر المدة الكاملة حتى ولو كان بيخالف الدستور الجديد وكذلك الرئيس
بعد الموافقة على التعديلات وتفعيل الدستور القديم المعدل المجلس العسكري هتكون صفته في الحكم ايه تبعا للدستور القديم المعدل

elzahraamegahed said...

أهمم حاجه بالنسبه لى بعد إن شاء الله ما الاستفتاء يتقبل إن انتخابات مجلس الشعب تبقى بالقائمه النسبيه غير المشروطه،
المفروض القايمه الفرديه دى تتلغى

والموضوع ده المستشار البشرى يعملنا
قانون بيه علشان نقضى على موضوع الناس اللى بتشترى الاأصوات والناس تتدرب على انها تنتخب برامج وافكار مش افراد

hussein014 said...

انتي متأكدة ان المجلس والرئيس الجايين هيكونوا مؤقتين؟
صبحي صالح قال ان المجلس هيستمر المدة الكاملة حتى ولو كان بيخالف الدستور الجديد وكذلك الرئيس
بعد الموافقة على التعديلات وتفعيل الدستور القديم المعدل المجلس العسكري هتكون صفته في الحكم ايه تبعا للدستور القديم المعدل؟؟

mohamed serag said...

انا مقتنع انى اقول نعم بس فيه نقطه مهمة وهى نقطة قانونية ارجو تسألى فيها....دلوقتى الدستور معطل وبعد ما نقول نعم هايحصل ايه؟ حاجة من اتنين...يا اما يشغلوه تانى وبعدين ييجى واحد زى مرتضى منصور يطعن على التعديلات على اساس ان تفويض الجيش مش دستورى وبالتالى التعديلات بتاعت الجيش تبقى باطلة وكل اللى هايتبنى عليها باطل.....الحاجة التانية ان التعديلات تبقى هى لوحدها اللى شغالة وساعتها يبقى مفيش دستور شغال اساسا والمواد التانية بتاعت مهام المجلس والرئاسة تبقى مش موجوده لانها معطلة ويبقى الرئيس والمجلس باطلين برضة على ايد مرتضى....ايه رايك؟

palindromier said...

أنا حاولت انشر تعليق او اتنين بس للاسف لم يروا النور الظاهر اني تم تصنيفي كعنصر من عناصر الثورة المضادة معلش حابعت التعليق ده كمان علي طريقة قل كلمتك وامض ثم سأصمت الي الابد
طوال سنين حكم مبارك الجيش اصبح شريك في كل شيء في الفساد في التربح (من خلال الميليتاري انكوربوراشين ) والخيانة (عن طريق الاضعاف الممنهج لقدرات الجيش القتالية) ولكنه آثر ان يبقي في الظل ليحصد قادته الارباح من غير ما ىتعبوا نفسهم بالدخول في لعبة السياسة اللي مش جايبة همها وبقت موضة قديمة اوي انن العسكريين يحكموا بشكل مباشر
والنهاردة لما اتاكد قادة الجيش ان مبارك رايح رايح وعرفوا الف في المية ان غالبية الضباط الصغيرين والمتوسطين علاوة علي المجندين حينضموا للشعب قالك بيدي لا بيد عمرو وقرروا التضحية بمبارك بس فيه هنا مشكلة ازاي يحتفظوا بنفوذهم السابق من غير مايضطروا يوسحوا ايديهم في القرف اليومي بتاع الحكم؟ قالك نعلن زهدنا في الحكم وترفعنا عنه ونعلن كمان عن جدول زمني لنقل السلطة والانتخابات قوم الشعب العبيط أبو قلب طيب يحطنا علي راسه من فوق وقطاع لابأس بيه من قادة الثورة يهتف ويقول جيشنا حبيبنا وساعتها مش مهم مين اللي يمسك وزارة تسيير الاعمال ولا حتي مين اللي يمسك رئيس جمهورية طالما احنا اللي بنرسم الخط العام للدولة اللي يضمنلنا مصالحنا وكمان رضا القوي الكونية عننا
قعدنا نقول أقيلوا شفيق أقيلوا شفيق لغاية ما صدقنا ان هو المسيخ الدجال بتاع الثورة المضادة لغاية ما سمعناه بيتكلم في الحلقة اياها مع الاسوانى لقيناه لابيحل ولا بىربط زي بالظبط فيليب تاتاليا اللي كان ددون كورليوني فاكره هو اللي واقفله زي اللقمة في الزور لسنين طويلة فلما قعد في الاجتماع مع قادة العصابات لقاه pimp ولقي بارزيني هو المصيبة الكبيرة اللي مستخبية ورا الستار طول السنين دي
÷هل فيه حد يختلف علي وطنية طارق البشري امال التعديلات طلعت كده ليه هل حد يقدر يشكك في اخلاص يحي الجمل أو شرف عصام شرف امال مش بيحلوا امن الدولة ليه ومش بيفوروا وزارة الداخلية ليه لانهم مع الاحترام الكامل لشخوصهم الكريمة عاملين زي عرايس الماريونيت اللي بيحركها رجل العرائس الماهر وما لهاش ارادة مستقلة عنه
وبكده يبقي الجدل حول التعديلات الدستورية أشبه باللي بيناقش قواعد مباراة ملاكمة وهوا عارف ان خصمه كده كده حيضربوه تحت الحزام اذا كنا أخيرا بنعترف دلوقتي ان المجلس الرئاسي ري قلته عشان حيبقي ستار للمجلس العسكري واذا كنا شفنا مما سبق ان كل الوزرا الشرفاء وغير الشرفاء بينفذوا ارادة المجلس العسكري فهل يوجد عاقل يتصور ان الرئيس القادم او رئيس الوزرا القادم حيكونوا اكثر استقلالا من مسعود يلمظ ولا تانسو تشيلر ولا حتي بولنت اجاويد اللي كان العسكر التركي ممشيهم علي العجين ميلخبطوهوش ومخليهم كما لو كان مبارك قصدي اتاتورك هو اللي بيحكم من القبر
حسني مبارك ما كانش بيخرف لما قال لمش عارف مين في التليفون الجيش عمل عليا انقلاب عمر سليمان ما كانش بيكدب لما هدد بان البديل لقبول تعديلات مبارك هو الانقلاب العسكري مدير امن دمنهور ماغلطش لما قال في التسجيل بتاع اليوتيوب علي الثورة انها ماكملتش ده مش معناه اننا منقدرش نكملها لكن الخطوة الاولي هي اننا نبطل نبلبع الحبوب الزرقا بتاعة الماتريكس عشان نفوق من الوهم اللي احنا عايشين فيه

Patty said...

انا فعلا محتارة كلامك يا نوارة فيه نقاط كتير مقنعة بس انا ضميرى مش مرتاح انى اقوا نعم للتعديلات انا زيك مش عايزاها حكم عسكرى تانى بس برده مش عايزاها ليها اى صبغة تانية غير المدنية و المدنية و بس و بعدين حد يفهمنا لمل نقول نعم حتبقى الخطوة اللى بعد كدة انتخاب البرلمان بمجلسيه من الاحزاب الموجودة اللى هى اصلا مش موجوده هو احنا عندنا احزاب لا معندناش يبقى حننتخب مبن للبرلمان انا معنديش استعداد اتحط فى موقف اختيار بين الاخوان و الحزب الوطنى ليه منبداش الاول بتشكيل الاحزاب و بعدين نستفتى عل الدستور ليه بيستعجلونا يعنى ايه الجيش مش طايقنا هما لحقوا يقعدوا ميستنوا شوية مهى برده بلدهم

yara_ali17 said...

مساء الفل يا نوارة .. انهاردة انا متفقة معاكي في حاجة واحدة بس إني فعلا مبسوطة ان عندنا استفتاء شعبي كمان كام يوم و اننا عشنا و شوفنا اليوم ده و مناظرات و تجهيز لانتخابات ... كل ده كلام يشرح القلب الحزين و زي مانكون في حلم جميل و مش عاوزين نصحى !!!!
نيجي بقى للمهم .. دلوقتي انت اكيد سمعتي امبارح ان القوتين اللي موافقين على تعديلات ( او ترقيعات ) الدستور هما الوطني و الاخوان و ياريت تكوني سمعتي نبيل لوقا قال ايه في اون تي في .. و انت شوفتي بعينك بتوع الوطني في الشارع غيروا لهجتهم و بيكلموا الناس .. و طبعا مش محتاجة اقولك ان الخوف مش من القاهرة و المدن اد ما الخوف من الاقاليم ..
http://shorouknews.com/Columns/column.aspx?id=408178
اللينك ده لمقالة ضياء رشوان في الشروق .. مهم عشان نفهم منه ان حالة البلد دلوقتي مش مؤهلة لكل دي انتخابات و الوقت مش في صالحنا خالص يا سلطان ...
اللي عاوزة اقترحه و زي اراء كتير موضوع مجلس رئاسي منتخب هو اللي نحاول نفهمه و ندرسه الفترة اللي جاية محتاجة فريق انقاذ مش اضافة اعباء جديدة علينا .. كمان و ده مهم جدا جدانركز مع تحركات الحزب اللاوطني .. ( ده فوبيا جديدة اسمها فوبيا الوطني ) بيتحرك حلو و بيلبس اقنعة جديدة و فترة سنة ده كافية جدا عشان يلم نفسه تاني ... و يا سلام بقى لو اخدلوا 40 % من مجلس الشعب و لا حاجة
و بعدين من الاخر كده .. هي الناس كانت عملت ثورة و اتسحلت في الشوارع و انضربت و اتهانت من اللي يسوى و مايسواش و ماتوا اخواتنا في عز شبابهم عشان نرجع تاني نرضى باللي يترملنا !!! لا لتعديلات الدستور و نعم لرأي الشعب !!!

mohamed serag said...

ولتاكيد كلامى شوفى تهانى الجبالى بتقول ايه هناhttp://www.alwafd.org/index.php?option=com_content&view=article&id=23593:%D9%82%D8%A7%D9%86%D9%88%D9%86%D9%8A%D9%88%D9%86-%D8%B4%D8%B1%D8%B9%D9%8A%D8%A9-%D8%A7%D9%84%D9%85%D8%AC%D9%84%D8%B3-%D8%A7%D9%84%D8%B9%D8%B3%D9%83%D8%B1%D9%8A-%D9%85%D9%86-%D8%A7%D9%84%D8%AB%D9%88%D8%B1%D8%A9-%D9%84%D8%A7-%D8%A7%D9%84%D8%AF%D8%B3%D8%AA%D9%88%D8%B1&catid=102:%D8%A7%D9%84%D8%B4%D8%A7%D8%B1%D8%B9%20%D8%A7%D9%84%D8%B3%D9%8A%D8%A7%D8%B3%D9%8A&Itemid=105

hossam said...

لو نتيجة الاستفتاء طلعت لا هيكون فيه بدائل كتير كويسة خاصة ان الجيش قد قام بتعطيل الدستور القديم:
1-عمل دستور جديد
2-زيادة التعديلات الدستورية بحيث تقلل من صلاحيات الرئيس ثم عمل استفتاء جديد
3-الاحتفاظ بدستور 1971 الاصلى ولكن بعد ازالة كل التعديلات السيئة اللى عملها السادات ومبارك ومن الممكن ان نتعامل مع هذا الاقتراح كدستور مؤقت

hossam said...

لو نتيجة الاستفتاء طلعت لا هيكون فيه بدائل كتير كويسة خاصة ان الجيش قد قام بتعطيل الدستور القديم:
1-عمل دستور جديد
2-زيادة التعديلات الدستورية بحيث تقلل من صلاحيات الرئيس ثم عمل استفتاء جديد
3-الاحتفاظ بدستور 1971 الاصلى ولكن بعد ازالة كل التعديلات السيئة اللى عملها السادات ومبارك ومن الممكن ان نتعامل مع هذا الاقتراح كدستور مؤقت

hossam said...

لو نتيجة الاستفتاء طلعت لا هيكون فيه بدائل كتير كويسة خاصة ان الجيش قد قام بتعطيل الدستور القديم:
1-عمل دستور جديد
2-زيادة التعديلات الدستورية بحيث تقلل من صلاحيات الرئيس ثم عمل استفتاء جديد
3-الاحتفاظ بدستور 1971 الاصلى ولكن بعد ازالة كل التعديلات السيئة اللى عملها السادات ومبارك ومن الممكن ان نتعامل مع هذا الاقتراح كدستور مؤقت

shhab said...

ههههههههههههههههههه
يالهوي علي الكوميديا بجد انا مش قادر امسك نفسي من الضحك
فعلا كلام محترم اووووي
انا شايف من ضمن الناس اللي تخش مجلس الشعب
د محمد ابو الغار و احمد جاد الله عضو مجلس الامناء
و في ناس محترمه كتير

Tears said...

نوارة انتى بانية كلامك كله على موضوع ان الجيش يمشى بعد ست شهور و دى معلومة مش صحيحة و راجعى حديث خيرى رمضان اول امبارح مع اللواء شاهين

قال بالضبط انتخابات المجلس فى سبتمبر و الرئاسة اول العام القادم

اللى بيحصل ده ح يخلى المجلس كله تيار اسلامى سواء اخوان او غيرهم و ح ينتج دستور يخلينا نترحم على ايام مبارك و ده سبب ان كل الكتاب الاسلاميين بس هم المتحمسين و ان الاخوان همه القوة الوحيدة اللى اعلنت تايدها طبعا بجانب الحزب الوطنى

انا مقتنعه بوجه نظر علاء الاسوانى و بلال فضل و تهانى الجبالى

orashed said...

يا نوارة .. الله يكرمك يا شيخة ..حاولي تختصري البوست شوية. لما بلاقي البوس طويل اوي بقول خلاص هبقى اقراه بعدين عشان معنديش وقت كفاية دلوتقي، ومش بفتكر بع
كدة او مش بييجي وقت اقراه

hossam said...

الدستور الجديد لن يستلزم وقت طويل لان اساتذة القانون عندهم افكار لدساتير كثيرة وبعضها جاهز فعلا فقط تحتاج لبعض التنقيح

Gihan said...

د. سكينة فؤاد
حمدي قنديل
عبد الحليم قنديل
بثينة كامل
وائل قنديل
نوارة نجم

بالاضافة للأسامي اللي أنت اقترحتيها
بس يا ريت يا نوارة تكتبلنا مقال عن رأيك في تدخل الشيخ محمد حسان في الصلح بين الأقباط و السلمين خصوصا انه معروف عنه ارائه المتشددة و كمان هو كان ضد ان الناس تطلع في المظاهرات 25 يناير.
مش عارفة أنا حسه ان الطيار المتشدد بقى له تواجد قوي و بيستعان بهم في الاعلام و المجلس الأعلى للقوات المسلحة مع ان اللي عمل الثورة مش أي طيار ديني و مع ذلك أنا شايفة ان هما اللي بيظهروا أكثر من الائتلاف في الاعلام

كمان لازم رموز الاعلام اللي موجودة حاليا سواء في التلفزيون الحكومي أو الخاص يتغير أمثال معتز الدمرداش و عمرو أديب و خيري رمضان .

Khld Hasan said...

قرأت المقال
وبصراحة
ما ضايقنيش في مقالك غير الواد اللي مطول شعره ومش ناوي يتلم ده وكل مرة يستفز الجيش ويخليهم يشدوه من شعره.
وبقترح حاجة من اتنين:
إما انك تبلغي عنه لو تعرفيه ونرتاح
أو نحلق كلنا زلبطه وبالتالي حيتعرف
ونسلمه للجيش

وقبل ما أنسي
نعم للتعديلات الدستورية
وما ننساش إن الشعب اللي ثار لسه موجود ما هاجرش وفي أي وقت مستعد يغير محل سكنه لميدان التحرير للدفاع عن ثورته.
و رئيس الجمهورية احنا اللي حنختاره لازم يكون واحد من ثوار التحرير وهو حيكون أحرص على مطالبنا.

رورى ثروت said...

لا يانواره لا فكرى كويس حتى لو قلنا نعم وحصل قلق والدنيا شعللت علشان تضارب الاراء الجيش هيضطر ينزل تانى يحمى البلد لان ساعتها المندسين والمخربين هيشتغلوا على ودنه ونلاقى نفسنا قدام الجيش تاانى بس المره دى الشرعيه هتبقي ليه هو مش لينا احنا مش هيفضل هو رايح جاى هفيه وساعتها الحكم هيكون عسكرى للابد ده راى والله الموفق (:

hossam said...

الفترة بين عمل التعديلات الدستورية والاستفتاء فترة طويلة فلو هناك حسن نوايا كان ممكن يستغلوا هذا الوقت فى زيادة التعديلات بحيث تقلص من صلاحيات الرئيس ولا تتركنا فى مهب
الريح بدلا ان يعطوا مهلة للجنة 10 ايام فقط كانوا زودوهم شوية وخلصونا من موضوع سلطات الرئيس دى

hossam said...

الفترة بين عمل التعديلات الدستورية والاستفتاء فترة طويلة فلو هناك حسن نوايا كان ممكن يستغلوا هذا الوقت فى زيادة التعديلات بحيث تقلص من صلاحيات الرئيس ولا تتركنا فى مهب
الريح بدلا ان يعطوا مهلة للجنة 10 ايام فقط كانوا زودوهم شوية وخلصونا من موضوع سلطات الرئيس دى

zahran said...

فية مشكلة كبير ان الناس مش هتعرف لجانها الانتخابية يا ريت الحكومة تنزل معرفة اللجان على الانترنت بالرقم القومى فى ناس كتير مش هتتنتخب بسبب الموضوع دة ارجو الاهتمام

zahran said...

فية مشكلة كبير ان الناس مش هتعرف لجانها الانتخابية يا ريت الحكومة تنزل معرفة اللجان على الانترنت بالرقم القومى فى ناس كتير مش هتتنتخب بسبب الموضوع دة ارجو الاهتمام

zahran said...

فية مشكلة كبير ان الناس مش هتعرف لجانها الانتخابية يا ريت الحكومة تنزل معرفة اللجان على الانترنت بالرقم القومى فى ناس كتير مش هتتنتخب بسبب الموضوع دة ارجو الاهتمام

m_mortada3 said...

بصى احلى حاجة انى لما اقرا لك احس انك المدونة بتتكلم مش عمال اقرا وبس

الحقيقة انى لحد الان من عارف اوصل لقرار لحد ما عملت احصاء عن المؤيد والموافق وطبعا كنتى من المؤيدين وياريت ما عملته لانى زاد حيرتى كمان وكمان
الاحصاء منشور على المدونة دة ---مدونة بحب الدنيا ....بس عادى
http://mortada3.blogspot.com/
ياريت يتعمل مناظرة بين الفريقين وبلاش نعمل حشد للناس وكأنه قطيع

hossam said...

كما يقول محمد سراج : هل لو تم قبول التعديلات سيتم بعد ذلك تفعيل الدستور القديم وبداخله هذه التعديلات ام سيتم التعامل فقط مع هذه التعديلات كدستور مؤقت لحين عمل دستور جديد؟
الاجابة عن هذا السؤال هتفرق معانا كتير قبل ميعاد الاستفتاء

mahmoud said...

ايوة يانوارة بس احنا كده بنسلم دقننا لناس غير اللي احنا عايزنهم يعني احنا مش عايزين الوطني والاخوان يرسموا الطريق بتاع البلد وهم مرشحين للاغلبية وكمان حاجة مهمة الجيش لو خلع اي مصيبة حتحصل مش حتبقي في وشه وحيتقال انه سلم السلطة لشرعية منتخبة لكن تصدره للصورة دلوقتي حتخليه مسؤول عن النتائج لو طلعت وحشة وبالرغم اننا مش عاوزين صورته تتهز بس وجوده احسن مايجي ناس صورتهم مش مهمة اصلا ويخربوها اما بخصوص الشرطة العسكرية احنا عندنا تكتلات تجبرهم يحترمونا واللي يطول شعره مننا ويتعوج يستحمل وخلاص ده غير ان اصرار الاخوان علي هذا السيناريو بيدل انهم اتفقوا مع الجيش وانتي قولتي ان الجيش مش بيسمع ذبذبات اقل من مليون مابالك بقي بالاخوان وبالرغم من كده انا مش ممانع بس انا خايف من فلول الوطني وامن الدولة وامبارح عرفت ان نبيل لوقا بباوي هو المتحدث باسم الوطني تقريبا وانا مش طايقهم كلهم وبيقولوا بيطهروا الحزب ده لو فيه حد شريف يمشي اصلا من الحزب المشبوه ده اللي خرب مصر انا شايف ان دول مصاصي دماء ماحزش في نفسهم دم الشهداء ولسة عايزين يهلبوا تاني ومعتمدين علي رئيس يقدروا ياخدوه تاني في صفه عن طريق قوتهم في الاستثمار والفلوس فيلاقي القوة معاهم فينحاز لهم ويرجعوا تاني زي الاول ولو بعد عشر سنين ده لو ماجاش رئيس اصلا منحازلهم من الحرس القديم يبقي مجرد وجود الحزب ده وعدم تفكيكه خطر ووجود امن الدولة خطر يجب اانا نجهز عليهم عشان ماتقوملهمش قومة تاني زي ماالمسلمين طاردوا فلول التتار لو سيطرنا علي المخاوف دي انا موافق علي السيناريوا بتاعك

ahmed essa said...

لا للتعديلات الدستوريه والتعجيل باجراء الانتخابات سيؤدي بلا شك الي عوده فلول الحزب الوطني والاخوان دون غيرهم من القوي السياسيه الاخري
نفسنا في حياه ديمقراطيه بمعني الكلمه سأمنا انصاف الحلول

nosseir said...

شوفوا السيناريو دة
1 الشعب يقبل التعديلات وتتم اتخابات برلمان تأتى باغلبية من التيار الدينى وبعض القوى الاخرى
2- انتخاب رئيس
- بكدة يكون ست اشهر تمت وينسحب الجيش لثكناتة
4- البدء فى مناقشة الدستور الجديد
5- تذداد حدة الخلافات حول المواد الحساسة
6- ترجع المظاهرات مرة اخرى وبقوة والجيش طبعا مش موجود
7- تذداد حدة المظاهرات والشرطة مش هتعرف تسيطر والانفلات المنى يذيد
8- عودة الجيش مرة اخرى لضبط الامن

عشان كل دة انا بقول لا للتعديلات...ونعمل دستور جديد الان وفى حضور الجيش عشان يعرف يسيطر على الوضع..وبعد اقرار الدستور الجديد والانتخابات البرلمانية والرئاسية يرجع الجيش لثكناتة .. وبدون مظاهرات اخرى ولا وجع دماغ

Eldemokraty said...

ردي بإختصار على كلامك كله بس من غير زعل

ده رأي مبني على خوف
ودائما أراء الخوف يسمع لها لأن كتير أوي خايف
وانا قلت قبل كده من أهم علامات زهاب العقل هو الخوف

وأحب أفكرك إن الجيش أضعف من أمن الدوله

والجيش هو إلي هيمشي ( بعد 6 شهور زي ما حضرتك عايزه )وأمن الدوله هو إلي باقي

وبعدين إفتكري كويس أني أنت أحتجت علشان تشيلي النظام السابق لوقت كبير جدا

وكنت فيها بتحاربي
الشرطه والأمن المركزي وأمن الدوله والحزب الوطني ورجال الأعمال

ودول كلهم موجودين لسه بشكلهم بغياوتهم بزنانهم بفلوسهم بكدبهم بنفاقهم

وبعدين انت محسساني أن 90 في الميه من شعب مصر فقهاء دستور

وهو أنت ما تعرفيش إن معظمهم مقلد مقلد بمعنى انه شايف حد قدوه امامه لو الحد ده قال نعم يبقى نعم لو الحد ده قال لا يبقى لا

ونيجي نشوف المثقفين والعلماء زي ما تم تحجيمهم وتهريبهم خارج الحدود المصريه في الععهد السابق

بفكرك لو نسيتي ان العلماء والمثقفين في عهد النظام السابق كانوا مكانهم يا في السجون يا برا مصر

يجي الدستور يحجمهم برده في ظل الثوره ويمنعهم من ممارسة حق من حقوقهم السياسيه

وكمان بيمنع أكتر من 8 مليون مواطن
مصري بره مصر ...لحظه هما دول ممتنعيين بمزجهم لا ...امال الدستور منعهم في ظل الثوره ..حتى بعد التعديل .. ايوه حتى بعد التعديل


وبلاش نتلكم في صلاحيات الرئيس علشان انتوا كلكم عايزين فرعون... أزاي .... حد يقنعني ويقولي أن صلاحيات الرئيس تمت تقليلها.. إقنعوني

وبعدين انتم أعترفتم جميعكم بإن الشرعيه شرعية ثوره وأن الدستور سقط

دلوأتي لأ الدستور صاحي ولم يسقط والدليل أنتم رايحين تستفتوا في مواده ... با عم أنت بتقول إيه .. بقول أن أي أستفتاء على دسنور ساقط هو إعتراف من الجميع بشرعيته..
يا عم احنا رايحين نستفى علشان متأكدين إن في ماده بتلزم الرئيس بتغيره بالكامل
هقلكم هتيغير بعد إيه ...
أنتخاب الرئيس هيتم من خلاله وكمان انتخاب مجلسي الشعب والشورى هيتم من خلاله مش بعيد حتى إختيار اللجنه إلي هتبقى مسؤوله عن تغيره بالكامل هتبقى من خلاله برده

يبقى أزاي دستور مترقع .. ياعم بلاش مترقع .. خلاص متعدل ..هيطلع رئيس ومجلس شعب وشورى ولجنه هتغيره كمان وهيكونوا مش مترقعين.... ها وبعدين .. أسف متعدلين

وكمان في حاجه احنا ناسينها الشباب هما كانوا الشعله إلي بدأت وأنارت الطريق لقيام هذه الثوره المباركه
وكانوا أهم أسباب نجاحها ودي طرحت على بالي سؤوال هل هما ليهم دور في الحياة الياسية بعد كده .. قلولي بصراحه ليهم دور ولا لأه ..وفقا للدستور المترقع لأه مفيش ليهم أي دور ... يا عم أحنا قلنالك الدستور هيتعدل ... هيتعدل بعد إيه ..بعد ما يتنخب رئيس جمهوريه ومجلس شعب وشورى ودول كلهم منزوعين الشباب ..ياه فعلا .. ولسه هيتعدل الدستور وهيتكتب من أول وجديد .. يعني أن شاء الله يكون بعد 4 سنين كده ولا حاجه يبقى للشباب دور ممكن وأكيد أكتر من كده

أعذروني كل إلي فوق 40 سنه كان راضي بعيشة الذل لحد لما جه الشباب وفكروه بعيشة الكرامه ... ولسه مصممين تعتمدوا على الفوق 40 سنه إعتماد كلي ياه عليكم فكروا بقى

فكروا بس من غير خوف وهتلاقوا فعلا ناس كتير وحشين لسه موجودين بقائهم مرتبط ببقاء الدستور
وأنتم أحرار في أختياراتكم

لكل واحد مستغرب من موقف الإخوان المسملين من التعديلات شوفوا مقابلة الإعلام المصري لعبود الزمر إيه " وده قتل رئيس جمهورية قبل كده وإحتمال يكون سبب من أسباب تولي الرئيس المخلوع منصبه "
بيقابلوه مقابلة الأبطال لأه وإيه رايح يعمل مقابلة مع القوات المسلحه وكمان مع رئيس الوزراء
موقف غريب بس موقف بيفكرنا دائما إن الدنيا مصالح

وشكرا

hussein014 said...

انتي متأكدة ان المجلس والرئيس الجايين هيكونوا مؤقتين؟
صبحي صالح قال ان المجلس هيستمر المدة الكاملة حتى ولو كان بيخالف الدستور الجديد وكذلك الرئيس
بعد الموافقة على التعديلات وتفعيل الدستور القديم المعدل المجلس العسكري هتكون صفته في الحكم ايه تبعا للدستور القديم المعدل

مهندسة حنان said...

حسام
هل لو تم قبول التعديلات سيتم بعد ذلك تفعيل الدستور القديم وبداخله هذه التعديلات ام سيتم التعامل فقط مع هذه التعديلات كدستور مؤقت لحين عمل دستور جديد؟
الاجابة عن هذا السؤال هتفرق معانا كتير قبل ميعاد الاستفتاء
----------------
المستشار طارق البشرى فى حديثه فى العاشرة مساءً أجاب بوضوح على هذا السؤال
و قال إن هذه التعديلات بمثابة دستور مؤقت لإجراء الإنتخابات و أن المادة 189 مكرر "المُعدلة" تلزم البرلمان فى أول جلساته تكوين الهيئة التى ستقوم بالإعداد للدستور الجديد
و أعاد المستشار كلامه هذا فى حديثه على الجزيرة مباشر و الذى نشرته الشروق هنا

http://www.shorouknews.com/ContentData.aspx?ID=408150

Mohamed Al-Abassy said...

نوارة تحليلك هايل بس معلش يعني اظن ان الشعب المصري أكتر شعب خد وعود و عملوله من البحر طحينة وفي الاخر خد على قفاه واضرب زومبة مش عشان هبل لكن عشان دايما عل نياتنا فمعلش اللي اتلسع من الشوربة ينفخ في الزبادي ميت مرة ..أصل دي ثورة مش يعنى لو الحال ما عجبناش نطلع نعمل واحدة تانية عالسريع دا كل الكتل البشرية اللي طلعت يوم 11 خدت حوال 17 يوم عشان تتحرك و قبليها مقدمات ييحي من ستة لعشرين سنة فاتت و سبحان مين يحركها تاني و مش معنى كدة انهم ناموا بس الاحتياط واجب
رغم اني مقتنع بمنطقية تحليلك لكن ايه الضمانة على البرلمان اللي جاي انه هاييجي عاجب الثورة و ماقصدش ضمانات نزاهة الانتخابات أبدا لكن باقصد ان مرشحين الوطني واللي على شاكلته ما يلعبوش لعبة وسخة من بتوعهم و يرجعوا يفطسونا ...مثلا أعدت أفكر ايه اوسخ حاجة يعملوها لقيت كذا حاجة مثلا
ينزلوا بمستقلين جداد نوفي يقولوا مع الثورة و محدش عارفهم مع رشة فلوس جريئة من بتاعتهم ينجحوا شوية حلوين غير اللي هينزلوا أصلا على انهم من الحزب و غير بقى الميات اللي هتترش و شنط الاكل اللي هيوزعوها ومش بعيد يوزعوا لحمة وغيره عالغلابة اللي مغلوب على أمرهم و أفضل مثال على ده الناس اللي شاركوا في مظاهرات مصطفى محمود و اللي جت من نزلة السمان و غيرهم من الي اتقال عليهم في تقرير لجنة التقصي و اللي اتخدعوا من النواب الكلاب بتوعهم بكام مليم و ده ما يعفيهمش من غلطهم لكن الله أعلم في قدهم اد ايه؟؟... حد يقولي بس هنقدر نوقفهم ازاي و كل جماعات الثورة لغاية دلوقت ما جهزتش
أنا ممكن أغير رأيي في حالة واحدة بس ان قبل الاستفتاء يطلع علينا كدة كل القوى المعارضة من أقصى اليمين الى أقصى اليسار وكل حركات الشباب و البرادعاوية و الاخوان و السلفيين و الاحزاب الجديدة كلها اللي ناوية تطلع بما فيهم بتاع الاقباط وغيرهم انهم هيعملوا ائتلاف واحد يجتمعوا فيه لمرة واحدة فحياتهم عشان يعملوا حاجة عدلة ضخم ينزلوا بيه انتخابات البرلمانية يأشوا بيه كوووول كراسي البرلمان من غير ما يقطعوا على بعض في الدواير المهم يقطعوا على الوطني و أي حد ما يعرفهوش أو مشكوك في أمره بس بلاش و النبي الراجل الخرفان بتاع حزب التجمع رفعت السعيد ده احسن بيرفعلي ضغطي بس لازم كدة يتفقوا من الاول و على بياض عشان احنا شفنا الاحزاب الاربعة اما عملوا ائتلافهم و طلع على فشوش ... المرة دى لازم يحطوا بينهم راجل كبارة مش من أي حزب ولا تبع اي حد هو الي يخلص ما بينهم اذا حصلت مشاكل و لازم كلهم يلموا نفسهم بقى الئتلافات كترت اوى و احزاب زي الرز وكله سداح مداح ما بقلش ان ده وحش استغفر الله لكن قصدى انهم كتير اوي و عددهم كبير لكن مش مرتبين مع بعض و مافيش كيميا خالص رغم ان كل القوى دي عايزة دستور عدل و محترم مش مرقع و حياة ديمقراطية حقيقيةبس اركنولي السلفيين على جنب

ماعرفش انا مقتنع اكتر برأي البرادعي و ابراهيم درويش وعمرو حمزاوي رغم اني عارف ان فكرة المجلس الرئاسي دي في المشمش

mahmoud said...

انا عارف ان الكون لازم حيكون فيه شر وخير واننا مش حنقدر نقضي نهائيا علي حاجة اسمها شر وان الصراع قائم ليوم الدين بس انا عايز احجم اللي خربوا البلد لحد ما ننقلها نقلة تانية ونغير موازين القوي لصالح الخير وبعد كده لما الشر يعيد انتاج نفسه نهزمه تاني صحيح ان الخوف من فلول الوطني وامن الدوله موجود لكن حسن الظن بالله في انه ينصرنا احنا موجود وبقوة زي ما نصرنا ايام الثورة واعطانا كما ظننا خيرا وسترها معانا عشان كده لو تم التصويت بنعم او لا حنواجه السيناريوهين وعشمنا في ربنا وحنتوكل عليه وبعدين ومن غير كسوف كده احنا عارفين ان الجيش مش ملاك يعني فيه الكويس وفيه الوحش زي ما القوي الوطنية من اخوانوغيره فيها الكويس وفيها الوحش يبقي الشباب يتعامل مع اي سيناريوا ايا كان وربنا بقي يلم الكويسيين مع بعض وينصرهم هو مبارك لما حب يعدل الدستور عدله ولا لا ولما احكام القضاء طلعت اتنفذت ولا لا اذن البشر اهم اكثر الزاما لاي حاكم من الكلام والقوانيين وده مش معناه اننا مانصلحهاش الاخوان بيقولوا ان امريكا واسرائيل اتفاجئوا بالثورة وحنا مش عايزنهم يلحقوا يرتبوا اوراقهم كويس وبعدين الاخوان حريصين ان الشكل الديني والطابع الديني للمصريين ما يتغيرش وان الديموقراطية اللي جاية تكون مقننة بحيث يظل طابع المجتمع المصري واعرافه الدينية كما هي وانا بقول ماحدش عارف الخير فين يمكن ده الصح بس انا عايز الديموقراطية عشان العلم يبقي احسن والصناعة والزراعة والتكنولوجيا ونبقي دولة قوية تلحق بركب مايسمونه العالم الاول بس ايا كان اللي حيحصل انا متفائل ان ربنا حيحرس مصر وحينصر المسلمين عشان كده متحفز بس مش مرعوب

yasere said...

يخرب بيت الصداع بدءا من نوارة اللى بتقول كلام رائع لكن كتير لدرجة انى بافكر الخص مقالاتها واعيد نشرها باسمها برضه وماحدش يقولها وهى هاتنسى هى كانت كاتبة ايه لحد الادلاء بالاراء(مش مناقشة لان ماحدش سامع حد وماحدش ناوى يغير رايه) هو ماقيش ثورة صامتة؟

noha said...

belra3'm men kalamk ana bardo ha2ol la2 le2eny mesh moktane3a ... we ba3den fe 7lol bardo le klmt la2 de 1.Alaa Elaswany fe el tv 2al en feh fe3lan dostor gahez fe koliet 72o2 momkn yostaty 3aleh
2.we ba3den mean 2al en haieb2a ra2es men 3'er dostor e7na bn2oool dostor we ba3den ra2eees we ba3den parlaman bas yeb2a fe asas saleeem nemshy 3aleh ya nawara ma bonia 3ala batel fa howa batel ezay abny 3ala asas mesh saleeem ????
3.we ba3den fe3lan el geash fe program masr el naharda 2al eno 2a3ed le 2a5er el sana we mafesh 7aga esmha mbawez fe weshna welkalam da lazem ba2a kolo yesta7ml we bardo el 5elaf fe wogod el geash ar7am ya3ny law el shorta heia elly mawgoda fe el 5elaf momkn ye3mlo 7arakat watia men bta3thom .. we ba3den el geash 2al hadmanloko tanfeez matalbko wana waska fehom yeb2o homa elly yekmlo ma3ana le7ad mainafezohalna we law 3ala shakl magles re2asy 3ady laken nwafe2 we lesa fe amn dawla sha3'al we nas modana lesa bara we el kalam da ye5awef ... we ba3den el geash fe masr el naharda akar en zakaria 3azmy mawgood fe wazeftoo we maie2darsh yemasheeh le2eno mowazaf fe el dawla ... ezay el 7al ba2a???

noha said...

we yagama3a e7na el naharda fe demokrateia ya3ny a2ol ra2iee el sa7 men 3'er do3'ot wala 5of men ay 7aga wala ay tahded mesh 3alashan amashy el7al wala kona 3amlna sawra leah???

علاء زين الدين said...
This comment has been removed by the author.
folla1990 said...

أن مع ان الجيش يقضل موجود و يبقى ضامن و خصوصا ان الأمن لسة مرجعش بالكامل..و كمان التسلسل بتاع حضرتك ده معناه ان الناس تستفي مرة و تنتخب رئيس و برلمان 4 مرات و يستفتوا على دستوووور كامل كل ده في سنتين؟؟كلام مش معقول..و هو فعلا اللي حيوقف حال البلد..طبعاً الى جانب اني أصلاً من الأصل مش مقتنعة بالتعديلات دي و حاسة انها سطحية و مش كفاية..المجلس كان عايز يحلها..كان خلى التعديلات دي شملت صلاحيات الرئيس و موضوع ال50% عمال و فلاحين و اعتبرها دستور مؤقت..و بالتاي الرئيس اللي جاي مكنش حيبقى منه خوف ..كلامك أقنعني زيادة اني أقول لا..لأني مش معقول أختار حل لمجرد ان اللي بيحكمني دلوقتي ضارب بوز في وشي!و بعدين هو زعلان من بتوع التحرير؟أهم مشيوا.. زعلان ليه تاني؟

folla1990 said...

نسيت أقول حاجة..في اسكندرية العربيات بالميكروفون دايرة في الشوارع تقول"قولوا نعم للتعديلات سا ولاد الحلال.قولوا نعم أحسنلكم"فكروني بأيام انتخابات مجلس الشعب و الشورى..و كل ما يقووا كدة أحس ان موقفي صح أكتر و أكتر

ميرام said...

ازيك يانوارة\
بكرة في ندوة في الكلية عندنا اسمها اعرف دستورك\هتقدمها المستشارة تهاني الجبالي
نائب رئيس المحكمة الدستورية العليا
وانتي عارفه ان رأيها للتعديلات هو لا
انا كنت عايزاكي تيجي الندوة وتكوني ضيفة وكلامي ده بتأييد من دكتور في الكلية أصر على عرض الفكر المؤيد للتعديلات
عشان مايبقاش في توجيه للطلبه
ويبقى الاختيار نتيجة قناعة كاملة
بليز يانوارة لو قدرتي او تعرفي تدعي \اي حد يكون على دراية بالموضوع هستنى ردك في أقرب وقت عشان يحصل التنسيق\\

Sameh said...

يانواره
لخروج من هذا اللبس
اقترح ان شباب الثوره يتوافقوا علي مرشح منهم لرئاسة الجمهوريه ليضمن لنا تنفيذ مانصبو اليه, ويتم الاعلان عنه ودعمه في انحاء البلاد ليعرف الشعب انه مرشح الثوره.
كل الوجوه المطروحه الان لاتصلح في المرحله القادمه وكلهم عبء علي الثوره. نريد رئيس جمهوريه شاب وليس كهل مع احترامي للجميع.
انظروا الي رئيس وزراء كندا Steven Harper عندما تم انتخابه كان عمر٤٦ سنه, وايضا رئيس وزراء بريطانيا وغيرهم. عايزين رئيس شاب من الثوار يحقق ويضيف الي مطالب الثوره ولانريد اي من الوجوه السابقه الحاليه لانها عبئ علي الثوره والخوف منهم علي اجهاضها.

محمد نبيل said...

لماذا يتعيّن رفض التعديلات الدستورية المقترحة؟

بقلم : د. حسن نافعة

http://www.almasryalyoum.com/node/350495

Hesham essa said...

نوارة الله ينور عليكى وعلى والديكى
كلام جميل وانا مع اللى بيقولوا نعم يعمى فلول بس والله الاستقرار مفيش احسن منه
مدنى فى مدنى وابعد عن الجيش وخلى الاسود موجودة فى الغابة وعلى الاقل لو حدث شىء لاقدر الله يقدروا يقفوا مع الثورة تانى ويحموها ولكن فى وجودهم لو اطورت الامور حيكونوا مدبسين ولازم يبينوا انه قد الموقف وان مفيش شىء بيتفرض عليهم يعنى مش موقف همه حكم فيه حيكونوا همه خصوم اى فئة من الفئات التى من المحتمل ان تتصارع
خدى عندك اسم حامد قوى عمرة حمزاوى الراجل ده كلام بيدخل فى دماغى جدا وممكن يكون عضو مجلس او وزير فى اى مكان
بس والله بقولك حاجة انا كنت بحبك من زمان بس دلوقتى انا فخور بنفسى انى حبيتك واتمنى من الله ان يرفع راس بلدنا فى السماء بسواعد ابناءها اللى من عينتك

muslium said...

انا برده عايزه البرادعى فى النتقاليه ببرنامجه السياسى وبعديها اى حد
كمان عاوزه الزام ان الناس اللى هيبقوا فى المرحله النتقاليه ميترحشوش تانى علشان نضمن الحياديه

بس البرادعى طلع على اون تى فى مع يسرى فود وريم قريب و متهيألى لازم برنامج يدعوه علشان يطلع مش هيطلع هو من نفسه كده

و بعدين يا نواره فيكى انا مستغرباكى جدا هو مش انتى يا حبيبتى كنتى من البدايه عاوزه مجلس رئاسى أزاى بتقولى ان بعد لأ على التعديلات مفيش مستقبل واضح
طيب ما هو طبيعى انه ميكونش واضح علشان المجلس العسكرى عاوز يزنقنا فى حته معينه

و بعدين مش غريبه ان اهم 3 مرشحين للرئاسه يرفضوا التعديلات ( البرادعى - عمرو موسى - البسطويصى)
و كتاب و مثقفين و مستشارين كبار و انتى عارفه كده كويس

ما نجمع نفسنا تانى و نأكد على مطالبنا و نقدم قوائم من عندنا لأسماء مرشحه للمجلس الرئاسى و اسماء مرشحه للجنه التأسيسيه و نعمل عليها اجماع زى ما عملنا على عصام شرف قبل كده
ايه المانع و ليه الأستسهال فى حاجه ممكن تودينا فى ستين داهيه او على الأقل 30 داهيه

أحنا نضمن منين ان مجلس الشعب اللى جاى هيختار لجنه تأسيسيه محترمه اذا كان الأغلبيه فيه هيبقوا اخوان وحزب وطنى يعنى اللجنه التأسيسه هتبقى كده هى كمان
وساعتها لو حد فتح بقه هيقولوا ايييييييييييييييه : الشعب هو اللى منتخبنا

ده ينفع يبقى دستور لأمه طموحه عاوزه تتحول للديمقراطيه وبسرعه علشان تلحق بركب الأمم

متهيألى لأ
و علشان كده هقول لأ

muslium said...

انا برده عايزه البرادعى فى النتقاليه ببرنامجه السياسى وبعديها اى حد
كمان عاوزه الزام ان الناس اللى هيبقوا فى المرحله النتقاليه ميترحشوش تانى علشان نضمن الحياديه

بس البرادعى طلع على اون تى فى مع يسرى فود وريم قريب و متهيألى لازم برنامج يدعوه علشان يطلع مش هيطلع هو من نفسه كده

و بعدين يا نواره فيكى انا مستغرباكى جدا هو مش انتى يا حبيبتى كنتى من البدايه عاوزه مجلس رئاسى أزاى بتقولى ان بعد لأ على التعديلات مفيش مستقبل واضح
طيب ما هو طبيعى انه ميكونش واضح علشان المجلس العسكرى عاوز يزنقنا فى حته معينه

و بعدين مش غريبه ان اهم 3 مرشحين للرئاسه يرفضوا التعديلات ( البرادعى - عمرو موسى - البسطويصى)
و كتاب و مثقفين و مستشارين كبار و انتى عارفه كده كويس

ما نجمع نفسنا تانى و نأكد على مطالبنا و نقدم قوائم من عندنا لأسماء مرشحه للمجلس الرئاسى و اسماء مرشحه للجنه التأسيسيه و نعمل عليها اجماع زى ما عملنا على عصام شرف قبل كده
ايه المانع و ليه الأستسهال فى حاجه ممكن تودينا فى ستين داهيه او على الأقل 30 داهيه

أحنا نضمن منين ان مجلس الشعب اللى جاى هيختار لجنه تأسيسيه محترمه اذا كان الأغلبيه فيه هيبقوا اخوان وحزب وطنى يعنى اللجنه التأسيسه هتبقى كده هى كمان
وساعتها لو حد فتح بقه هيقولوا ايييييييييييييييه : الشعب هو اللى منتخبنا

ده ينفع يبقى دستور لأمه طموحه عاوزه تتحول للديمقراطيه وبسرعه علشان تلحق بركب الأمم

متهيألى لأ
و علشان كده هقول لأ

أرنوب said...

فرحانة إنتي يا نوارة إن الإخوان قرروا إنهم مش حيرشحوا حد من عندهم للإنتخابات الرئاسية ومش حينافسوا في البرلمانية إلا على تلت المقاعد ؟ يؤسفني يا نوارتي الطيبة البريئه أن أفسد عليك فرحتك لأن قرارهم هذا لا يوجد له - في نظري - إلا تفسير وحيد وهو إظهار النوايا الحسنة للناس وإخفاء أطماعهم في الحكم حتى يطمئن الجميع لهم .. ثم .. يكون لكل حادث حديث في الإنتخابات البرلمانية بعد المقبلة (أي بعد خمس سنوات من الأن) خصوصاً وأنهم سيعملون في النور وبلا حظر من أي نوع فتكون فرصتهم أكبر في جلب مزيداً من الأنصار والمتعاطفين بحيث تأتي إنتخابات البرلمان بعد هذه السنوات الخمس وقد صارت مصر كلها إخوانية فيكون إستحواذهم على كل المقاعد وعلى مقعد رئيس الجمهورية أيضاً أمراً بديهياً وطبيعياً لا يثير أي وجع دماغ .. حينها يقومون بالغاء دستور البلاد (العلماني الكافر) ويمكثون في الحكم إلى أن تقوم الساعة

tarek said...

شوفي يا نوارة
دلوقتى احنا متفقين ان الدستور ده هيتغير هيتغير يبقى ليه ناجله ماهى ضربة واحدة ونخلص ونفرح بقى بثورتنا وبدستورنا اللى جابته الثورة
ايه اللي يخوفنا من قعدة الجيش وهو كدة كدة راشق 6 شهور وبعدين انتى بالفعل مسلماله 6 شهور وفل ايه بقى اللى مطمنك 6 شهور هنجيب فيه دستور جديد ومش مطمنك لحد الانتخابات اللى هتم بناءا على الدستور وبعدين هو ايه اللى مخللي الجيش فى الشارع اصلا هى مش الوزارة اشتغلت وفيه داخلية وشرطة مؤدبة او متادبة يبقى الجيش ده عشان البحر يحب الزيادة وردع البلطجية ولو فيه ناس مننا اتاخدت هنعرف نسلكهم بمليون طريقة وشخصية عامة
بس ادينى دستور في ايدى السوع بيه اللي يمشي عوج وبلاش تدينى دستور يخللي حد يقعد يلف ويدور بيا ويركبنى فى مراجيح مولد النبي ويخش بيا فى دهاليز الوقت مش مناسب وفوت علينا بكرة ياسيد والصبر مفتاح 13 والحوارات دى

Widiman said...

ان شاء الله هصوت ب (لا) و يارب يطلع اختيارى صح

مع انى مقتنع ان الاختيارين عاملين زى الطريق الزراعى و الطريق الصحرواى الاتنين بيوصولوا لأسكندرية بس واحد طويل و فيه زرع و خضرة و التانى قصير و صحرا.
لو عربيتم عطلت على الطريق الزراعى تقدر تجييب ميكانيكى فى نص ساعة لكن لو عربيتك عطلت على الصحرواى قدامك 3 او 4 ساعات لحد ما حد يعبرك و يمكن يطلع عليك حد يقلبك من غير ما حد يحس بيك.

nora said...

ده نفس الكلام اللى باقوله لزمايلى فى الشغل...حاخليهم يقروا كلامك...اصلهم فى منهم نمره 2 وفى نمره 3 وبرضه فيه نمره 1

FATMA said...

سلطات الرئيس
لو المادة دي اتغيرت يا نوارة
كده الواحد يصوت بنعم لكن غير كده الواحد خايف
انا معاكي في كل الي قولتيه بس يا نوارة الحزب الوطني ده بجح وبيعرف يضحك علي الناس صدقيني
انا شايفة شغلهم الان وفي ناس بسيطة قوي وبتصدق
عشان كده ارجو مادة سلطات الرئيس

okasha said...

باقي المواد المتعدله حضرتك ماتكلمتيش عنها

الاستفتاء عن المواد اللي اتعدلت كلها مش عن اننا نعمل دستور جديد ولا لا او الجيش يفضل ولا لا

nahlakatamish said...

انا هقول لالالا ليه بقه عشان لما محمد لرجب والاخوان هما بس اللى يطلعوا يقولوا انهم مع التعديلات يبقى لازم اخاف لانهم شاربين اللعبه صح
وبعدين لو احنا عملنا دستور فى عدم وجود الجيش اللى لو هو مكنش موجود مكنتش كنيسه صول هتتبنى بسرعه
وخايفين من الحكم العسكرى اللى بيعبنا طيب ما هو لسه امن الدوله موجود ومتهبب مستخبى واللى عايزين يخفوة هيخفوة
واحنا ناسيين الصعيد وتكتلاته وعيلاته زى فيلم الجزيرة كده اكيد مصممين على وجود الشله الفاسدة ولو عن طريق وجوة من الجيل التانى او التالت عشان يستمروا فى الزعامات ويعرفوا يشتغلوا من غير قلق
محتاجين يا نكمل للاخر ونجبر الجيش بالديمقراطيه مش بالنوم فى الشوارع اننا نعدل الدستور وهما كده كده ماخرين الانتخبات لغايه شهر 9 يعنى قاعدين اكتر من 6 شهور فاولى بقه نعمل دستور ما دام قاعدين

Ibrahim said...

متفق معاكي تماما ،،،
بس هأصوت ب لأ ،،
عارفة ليه ؟؟ عشان أدي البهايم اللي شايفين نفسهم ضعفاء مكسوريين الجناح و الشعب جاهل و الحزب الوطني هيأكلهم و الديمقراطية هتجيبلهم الكفية علي وشهم ،، شوية ثقة في نفسهم
و إنهم يقدروا يغيروا و يحركوا الناس
يعني هأقول لأ ،، عشان نسبة نعم تكون 53% فقط
و يفهموا إن الشعب مش أجهل من دابة و إنهم لو بيقولوا كلام معقول يقدروا يجمعوا الناس حواليهم

MaNoOoSh said...

بسم الله الرحمن الرحيم
الاجابة تونس
ماهم مشوا الجيش وجابو رئيس مؤقت
وهيعملو لجنة لتاسيس دستور
وحلو البوليس السياسي والحزب الحاكم
انتي ليه عندك رعب كده من الجيش
وعلى فكرة حزب لا للتعديل مش خايف لا من وطني ولا اخوان
انا من حزب لا
وشايفة اني رافضة علشان التعديلات التفاف على مطالب الشعب
ومش اعجاز يعني اننا نعمل زي تونس

خطانا said...

باختصار .. اكتر نقطة عاملالي قلق من التعديلات:

ان مصر مش القاهرة و اسكندريّة بس

النسبة الاكبر من اعضاء مجلس الشعب من باقي محافظات الجمهوريّة ... وخاصةً القري ... القرى و المراكز سواء في الصعيد أو الوجه البحري

الناس دي مابتنتخبش على برنامج و لا حزب .. الناس دي بتنتخب على اساس قبلي و عائلي

يعني تقولّه حزب وطني .. تقولّه اخوان .. هوّ مالوش دعوة

هوّ ليه دعوة بس لأن دة كبير العائلة/ كبير المركز / عمدة القرية / كبير القبيلة (لو بنتكلم عن سيناء و الواحات)

الناس دي همّ اللي هيمثلونا في مجلس الشعب .. وهتتحكّم في اختيار اللجنة التأسيسية .. و قطعاً لمصلحتها الشخصيّة


طيّب علينا من دة بإيه ؟ ... ليه تعرّض دستور الثورة ..لاحتمال ؟

ما تكوّن لجنة تأسيسية دلوقتي .. اختار القانونيين و الدستوريين و النخبة اللي انت موافق عليها و واثق فيها (ثقافيّاً و فكرياً على الأقل)

و اعمل الدستور من غير شائبة احتمال

أبو هاجر said...

ست الكل مساء الخير

فهمي هويدي متفق معي
قمة الغرور يا النوارة بصراحة مكنتش أعرف انك مغرورة يا بنت،
شيء من التواضع، الذي يقتضي القول: أنني متفقة مع الأستاذ فهمي هويدي وليس العكس هذا فضلا انك ذكرت اسم الرجل حاف بدون أستاذ أو كاتب .
ثانيا لم نعرف الصفة التي دعيت بها لمقابلة وزير التعليم العالي ، هل لكونك من شابات الثورة أو لكونك صحفية أو هناك من أقترحك ؟
أما ثالثا، ولأنني اعلم علم اليقين أنك لا تقرئين إلا صحف بلادك . اليوم خرجت الصحف عندنا تتحدث أن رئيس الجمهورية سيعلن عن إصلاحات جذرية ستتمثل في حل البرلمان وإنشاء مجلس تأسيسي لصياغة دستور جديد للبلاد. وهذا ما قلته لك في تعليق سابق أن الأمريكيين يبحثون عن صيغة أخرى تختلف عن تونس ومصر.
ورغم غرورك ،أجمل التحيات لأجمل نوارة

salwa ibrahim said...

I love you a Nawara I trust everything you said

salwa ibrahim said...

but I will say No, I want new dostour,and Ettameny ya Nawara elguish mosh tam3an fi al7kom they want to leave us today before tomorrow they look at us and as you said see shakal el sha3ab has changed meen al shabab wa elbanat el7lween dool wa malhom labseen kedah akher modah? e3zoreyhom as you said too they have been in the desert for long tim

dardasha_2000 said...

رغم أني الأول كنت مقتنعة أني أصوت لا للتعديلات الدستورية لأني كنت شايفاها غير كافية .. بس بصراحة لما تعمقت و بحثت أكتر في الموضوع لقيت أنه عين العقل أننا نصوت بنعم و نقلص الفترة الأنتقالية و نعمل أنتخابات مجلس شعب و بعدين نعمل تغيير كامل للدستور .. و أهم حاجة أن التعديلات الأخيرة بتضمنلنا أن الأنتخابات هتكون حرة و نزيهة و ديموقراطية فعلا
على بكرة الله يا جماعة "نعم" إن شاء الله

torero said...

بأحبك

HASSAN said...

bgd bnt masrya 7kaya fahma we btbhrene

we na3m llt3delat el dstoria " bas mosh bta3et el akhwan n3am tanya "

Loula said...

تعديل الدستور لأ
البرلمانيه قبل الرئاسيه لأ
الرئاسيه قبل البرلمانيه لأ
الاستفتاء على التعديلات الشهر دة لأ ( انا شخصيا ناوى ارفضها كلها )
الحل
- مجلس رئاسى مدنى ( ومافيش حاجه اسمها الجيش مش راضى )
- دستور جديد مؤقت
- فترة معقوله لتفكيك الوطنى وتجميد نشاط كل من يمت اليه بصله , واحلال وجوة وطنيه جديدة فى الشارع تخاف على مصلحه البلد
- بعد كدة نعمل الانتخابات البرلمانيه وبعدها بفترة الرئاسيه
انما شغل الكروته وسلق البيض دة ميلزمناش
منقول عن مدونه عنبر العقلاء

hossam said...

الى المهندسة حنان شكرا على الاجابة ولكن يبدو اننى لم اوضح كلامى جيدا السؤال هو
هل اذا تمت الموافقة على التعديلات سيتم تفعيل الدستور القديم وبه هذه التعديلات لحين عمل دستور جديد؟
ام ستكون هذه التعديلات بمفردها بمثابة دستور لحين عمل دستور جديد؟

monasoly said...

نواره خلاص ياريت كفايه كلام عن اه ولا للتعديلات الدستوريه النتيجه اللى تطلع مهما كانت تاريخيه احنا بننتخب ياجدعان اما بالنسبه للناس اللى نرشحها من الشخصيات العامه اللى تراقب لنا عمل الدستور الجديد ياريت منهم دجلال امين دابو الغار د محمد غنيم عبد الحليم قنديل حمدى قنديل .

Sameh said...

اللي مهم زيه زي التعيلات هو استئاف موضوع ضخ الغاز الي اسرائيل
انت تعلمي جيدا انها اتفاقيه فساد وعمولات وخيانه لينا وللوطن.
علي اي اساس تم استئناف ضخخ الغاز ارجو التوضيح لنا
اذا كان بنفس الاساس السابق, فهو استمرار للفساد, واعلان واضح عن فشل الثوره واهدار دم شهدائها.

okasha said...

ياريت بس اللي موافق علي التعديلات يكون موافق علي المواد ومقتنع بيها مش عشان الدنيا تهدي والجيش يمشي ويرجع الاستقرار

wafaa11 said...

عارفة مين رشح نفسه لمجلس الشعب؟
مصيلحي وزير التضامن
و حيكسب الدايرة بالفلوس

عارفة صفوت الشريف بره ليه؟
عشان بيعمل حزب التحرير و حيدخلوا بيه الانتخابات

يبقي البرلمان حيرجع تاني في ايد صفوت

اه نسيت
عيشة طلعت
و كمان شوية ظباط من اللي قتلوا المتظاهرين

و زكريا عزمي موظف في الدولة محدش يقدر يفصله زي ما المجلس العسكري بيقول

دول بقي اللي حيعملوا الدستور الجديد

negmat said...

- أنا فعلا حاسة اني حاعيط وانا راجعة من الاستفتاء من كتر الفرحة
- بخصوص التعديلات فين سنة و15 يوم في المواد دي مكتوبة في رؤية القوات اسلحة على صفحتهم
- بخصوص ان كل واحد معترض على مادة ينزل يتظاهر دي غريبة المفروض ان صنودق الاستقتاء بديل عن التظاهر دلوقتي مش حنتخانق تاني المفروض
-بخصوص جمع توقيعات حل أمن الدولة طيب ما هو انتي لك شعبية كبيرة والأحسن تكون من خلالك
-يا ريت تنشري مقالات في جرائد يومية عشان مش كل الناس بتقرا المدونة
- اما عن زكريا عزمي طيب ما الجيش فعلا اعترف انه ما زال يعمل موظفا عادي خالص وحايشوفوا ليه صرفة طيب ما هو حالة الطوارئ دي ما تكونش الصرفة ليه والأحكام العسكرية ما تجوزش عليه؟؟؟

nour1971 said...

لالالالالالالالالالا ده هو ردي انشاء الله . رأي زي رأي (ايمن رضوان) الي كاتب عندك . و كمان بتنحي الرئيس او خلعه يسقط الدستور و بسقوط الدستور يعين رئيس المحكمه الدستوريه رذيس للدوله لحين تظبيط الاوضاع و عمل اللازم فاحنا حضرتك كده الجيش فاكر نفسه هو اللي عمل زي ٥٢ و ده غلط لازم دستور جديد و اهلا بالديمقراطيه انشاء الله يا رب تكون موجوده . امبارح ابراهيم عيسي في صالون ابراهيم عيسي قال احتمال الاستفتاءعلي الدستور يتلغي و التعديلات تتلغي و يتعمل دستور جديد يمكن انشاء الله يكون الكلام ده صح يا رب 

mohamed said...

يا نوارة فيه مرشح مجاش على بالك خالص ولو اترشح حتبقى هناء حذرى فذرى؟

mohamed said...

حسهلهالك(Nothing free in this world)يارب اكون غبى

سخرية said...

هنقول نعم يا نوارة عشان مصر مش مستحملة كتر رغي و مزايدات و عشان نخلص بئه كم المناقشات و الاعتراضات فهمنا من كلام معلومة مهمة جدا ان المادة 189 مكرر ملزمة و هو انا اصلا يعني معنديش اي شك ان لجنة فيها واحد زي المستشار طارق البشري ممكن يخبطنا ف الحيطة هنقول نعم و هنعمل انجاز على ارض الواقع مش هنرغي في الاستوديوهات و بس و بامر الله قبل كل شيء هنعمل دستور جديد و حياتنا هتبقى احسن بس مد ايدك يا مصري بلاش لوية البوز مد ايدك الوشوش دي غير الوشوش الي فاتت طب بص كده ايوه ايوه ها بذمتك اية رايك قول نعم بئه ورااااانا جههها يا سلامة منك ليييييييه يلا يا حبايب مصر على راي عليا التونسية - تاني تونس اية الحكاية دي ده من زمان بئه موضوع تونس ده اللهم ارنا الحق حقا و ارزقنا اتباعه سلام عليكم

مريم كرم said...

هو في خبر انو في قناة اسمها التحرير بقيادة ابراهيم عيسى انا شفت نوارة في برومو القناة بس انا عايزة اسال هو انت يا نوارة حتعملي برنامج في القناة او لا انا حاسة كدة و الله اعلم

storm said...

المادة 189 بكل التعديلات و المكررات لم تحمل إلزاما لأي من الرئيس أو المجلسين بالتقدم بطلب لتغيير الدستور
و الصياغة أتت في منتهى الخبث

فالمادة 189 مكرر قد ألزمت المجلسين
1-بالاجتماع
من أجل
2-اختيار جمعية تأسيسية تنتهي من الدستور الجديد في ستة أشهر...نعم

و لكن في السطر الأخير منها
(وذلك كله وفقًا لأحكام الفقرة الأخيرة من المادة 189)
اشترطت هذه المادة
أن يتم الأمرين-باستخدام كلمة كله-(الاجتماع و الاختيار) بلا أي تعارض مع احكام الفقرة الأخيرة المضافة للمادة 189

و بالعودة لهذه الفقرة الأخيرة المضافة نجد أنها لم تلزم
أيا من رئيس الجمهورية أو المجلسين بالتقدم بطلب لتغيير الدستور
فإن أحجما كلاهما عن طلب تغيير الدستور فليس هناك أي تعارض مع احكام الفقرة الأخيرة المضافة للمادة 189

يعني بالبلدي كده
ح يكون عندنا دستور
كتاب عظيم
نفذته جمعية تأسيسية على أعلى مستوى
و ف مدة سنه على الأكتر(6شهور من انتخاب المجلسين+6 من انتخاب الجمعية التأسيسية)

فعلا ح يكون جاهز و رائع

لكن ابقى قابلني لو حد من الريس
أو المجلسين طلب أنه يكون مكان المرقع بتاع 1971

يعني انت وحظك
و ساعتها ح يكون الحق على الوحشين اللي ماطلبوش
تغييرالدستور

و أنا و انت يا صاحبي نشرب م البحر
و نبقى اشترينا الترماي اللي ح يفرمنا تلاتين سنة تاني.


و أنا أتساءل
هل عجزت اللجنة عن جعل الالزام بتغيير الدستور واضحا جليا بلا لبس خاصة أنه المطلب الشعبي الأول؟

و الاجابة
بالقطع اللجنة لم تعجز
و لكن هناك غرضا دفعها لصياغة توحي بالالزام و لكن لا تحققه

معقوله عجزت يا طارق يابشري عن الصياغة الواضحة؟؟
معقوله..دا انت طارق البشري يا راجل!!!

semsem said...

طب دة اسمة كلام اى حد عاقل يرد مادة(190): تنتهى مدة رئيس الجمهورية الحالى بانقضاء ست سنوات من تاريخ إعلان انتخابه رئيسا للجمهورية. المادة دى لم تحذف بعد التعديلات

Ahmed said...

انتي بتقولي
وما اتشالتش لأنك عشان تشيل مادة من الدستور عايزة لها غلبة

على فكرة معلومة بس على فكرة فيه في التعديلات اللي احنا ان شاء الله هنستفتي عليها في مادة اتشالت و هي المادة 179
من غير غلبة و لا حاجة ... سبحان الله

Ahmed said...

المادة 189 مكرر غير ملزمة

انتي بتقولى
يعني المادة 189 مكرر لما بتقول لكل من رئيس الجمهورية،

...معلومة المادة 189 مكرر ما بتقولش كده المادة 189 مكرر بتقول
يجتمع الأعضاء غير المعينين لأول مجلسي شعب وشورى تاليين لإعلان نتيجة الاستفتاء على تعديل الدستور لاختيار الجمعية التأسيسية المنوط بها إعداد مشروع الدستور الجديد خلال ستة أشهر من انتخابهم، وذلك كله وفقًا لأحكام الفقرة الأخيرة من المادة 189

و الفقرة الأخيرة من المادة 189 بتقول
ولكل من رئيس الجمهورية، وبعد موافقة مجلس الوزراء، ولنصف أعضاء مجلسي الشعب والشورى، طلب إصدار دستور جديد. وتتولى جمعية تأسيسية من مائة عضو، ينتخبهم أغلبية أعضاء المجلسين غير المعينين في اجتماع مشترك، إعداد مشروع الدستور في موعد غايته ستة أشهر من تاريخ تشكيلها، ويعرض رئيس الجمهورية المشروع، خلال خمس عشرة يومًا من إعداده، على الشعب لاستفتائه في شأنه، ويعمل بالدستور من تاريخ إعلان موافقة الشعب عليه في الاستفتاء

حيث أن عبارة وذلك كله وفقاً لأحكام الفقرة الأخيرة من المادة 189
تعطي الأسبقية لهذه الفقرة الأخيرة أي أنه إذا لم يتم تنفيذ هذه الفقرة الأخيرة فلن يتم تنفيذ ما يترتب عليها

وحيث يوجد حرف اللام في الفقرة الأخيرة في كلمتي (لكل) و (لنصف) تعطي حرية الاختيار و ليس الإلزام

فماذا سيحدث إذا لم يطلب أي من رئيس الجمهورية أو نصف أعضاء مجلسي الشعب و الشورى خلال ستة أشهر من انتخابهم إعداد دستور جديد ؟

Ahmed said...

انتي بتقولي
يعني المادة 189 مكرر لما بتقول لكل من رئيس الجمهورية، المقصود بها، انه يرجع للمنهج المتبع في تشكيل اللجنة التأسيسية المكتوب في المادة 189

Ahmed said...

انتي بتقولي
يعني المادة 189 مكرر لما بتقول لكل من رئيس الجمهورية، المقصود بها، انه يرجع للمنهج المتبع في تشكيل اللجنة التأسيسية المكتوب في المادة 189

زي ما قولتلك قبل كده المادة 189 مكرر ما بتقولش لكل من رئيس الجمهورية المادة 189 فقرة أخيرة م...ضافة هي اللي بتقول لكل من رئيس الجمهورية

ثانياً انتي بتقولي المقصود بها انه يرجع للمنهج المتبع في تشكيل اللجنة التأسيسية المكتوب في المادة 189
أنا عايز أسئلك هو إيه المنهج ده اللي مكتوب في المادة 189

adel_losh said...

بداية
وما التأنيث لأسم الشمس عيب ولا التذكير فخر للهلال ولو كل النساء كمثل هذى لفضلت النساء على الرجال
بصراحة كلامك كله صح المقال مش فيه غلطةوانا بحس للأسف ان فيه ناس بتعارض لأجل المعارضة المهم ناخد بالنا من حاجة ايه اللى هيحصل بعد أعلان نتيجة الإستفتاء انا خايف مثلا لو نتيجة الإستفتاء طلعت بالموافقة على التعديلات الناس اللى رافضة تعمل مظاهرات والدنيا تتقلب انت ايه رأيك
بعدين عندى سؤال هل لو تم وضع دستور جديد سيتم الاستفتاء عليه مادة مادة

مش فاهمه said...

بصى التعليقات كتيره مش عارفه حد قال كلامى ده قبل كده ولا لأ انتى اكيد عارفه الحزب الوطنى و سيطرة اعضاؤه فى القرى و النجوع ولا مصيبة كوتة المرأة و نص عمال و فلاحين و تقولى لى مجلس شعب و مجلس شورى منتخب احنا بنضحك على بعض الفتره الجايه هى اخطر مرحله اللى حايتعمل فيها الدستور الجديد ازاى بس نقول نعم و ننتظر مجلس شعب و لسه مافيش احزاب و لا نقابات و لا اتحادات طلبه ولا مجالس محليه منتخبه و هم دول اللى حايراقبوا و لا قضاة فسده اتحاكموا ولا بتوع الوطنى اتحاكموا هى الثورة خلصت واحنا مش واخدين بالنا ولا ايه

خواطر المصري said...

aktar 7aga ba7baha fi maklatik, anik batsabtini mish ba3raf afalfas men kalamik :D
3o2bal mashofik tani zay yom 25 fel medan
Ahmed elHamalawy

Ahmed said...

انتي بتقولي
بالنسبة للمادة 190 دي برضه مافيش حد قانوني اتكلم فيها لأن القانونيين عارفين انها مادة معطلة اتعملت مجاملة للسادات وسقطت بانتهاء المدة الاولى للسادات


أعتقد انه عيب جداً إن حد متعلم يقول الكلام ده مهما كان الشخص ده مين

هل المادة دي مكتوب جنبها معلشي يا جماعة أصل أنا يتاعة السادات

هو فيه دستور في الدنيا فيها حاجة يالشكل ده ... لو فيه دستور بالشكل ده المفروض يتولع فيه مش يستفتى عليه

Ahmed said...

على فكرة أنا مقدر كلامك لما كنتي بتقولي أنا ما بفهمش في القانون و انك تحبي تسألي المتخصصين ... ده كلام محترم

بس كنت عايز أقولك استفتي قلبك و لو أفتوك

زكمان كل يؤخذ منه و يرد عليه إلا صاحب هذا المقام

أنا مقدر احترامك للمستشار طارق البشري بس أعتقد إن مافيش حد يؤخذ كلامه كمسلم به مهما كان الشخص ده

aladdino said...

باختصار علشان الثورة
انا علاء البربري صحفي عايش من ثلاث سنين تقريبا في الكويت
كنت بتابع زي اي مصري اللي بيحصل بحرقة و ملقتش حاجة اعملها غير اني اوثق ما يذاع في معظم القنوات و منها الله يرحمها الفضائية المصرية و النيل الإخبارية و كنت حريص على سماع كلمات المحرضين على الثوار و ليلة ازاحة الكاميرات من ميدان التحرير لم ننم انا و مراتي من الرعب و بكينا كالأطفال و ندرنا ندر ربنا يقدرنا عليه لو جت سليمة و الحمد لله جت سليمة . المهم و باختصار ) آل باختصار آل) عاوز ابعت لك الفيديوهات دي ليعرف الناس الخبيث من الطيب. لأن واحد زي ياسر رزق دفع في اتجاه مبارك بشدة و الآن يرشحوه كنقيب للصحفيين و غيره كتير فاكرين ان الناس نسيت او كانت بتشوف الجزيرة بس و مخدتش بالها من الل قالوه.
ارجوك ادخلي على الفيس بوك بتاعي او اليوتيوب و حملي المقطع و سأجتهد الفترة القادمة لرفع الباقين
aelbarbary

Hany said...

بعد التحليل الجميل ده.. ح اقول نعم بس بشرط.. تشرحى لنا

1. ليه اللجنه حددت مدة الرئاسه فى التعديلات بالرغم انها عارفه ان فيه دستور جديد جى.. طب من باب اولى كانت تقول ان الرئيس المنتخب بعد انتخابات المجلسيين حتكون مدته حتى صدور الدستور الجديد فقط ولا يحق له الترشح لاول فتره رئاسيه بعد صدور الدستور؟

2. ليه اللجنه سابت صلاحيات الرئيس الالهيه بدون تقليص؟ خاصه وانك بتقولى ح يقعد سنه بهذه الصلاحيات على اساس ان بصدور الدستور الجديد تنتهى مدة الرئاسه وكذلك المجلسين؟

3. هى التعديلات ليه مش واضح فيها مدة صلاحيةالرئيس والمجلسيين اللى ح ننتخبهم قبل الدستور الجديد؟ يعنى لازم يبقى واضح انهم تنتهى صلاحيتهم بصدور الدستور الجديد.. ولا ايه

بعد توضيحك لهذه الاسئله واقتناعى اوعدك يا عسل انى ح اقنع كل اللى اعرفهم انهم يقولوا نعم
اما اذا فشلتى فى اقناعى يبقى لازم يكون فيه تعديل للتعديلات... علشان ناس اكتر تقول نعم لذهاب الجيش اسرع الى ثكناته..
يعنى فيه تلات فرق مش فريقين
الفريق الاول نعم
للتعديلات زى ماهيه
الفريق التانى لا للتعديلات الا اذا تعدلت اكثر ح يقول نعم
الفريق الثالث لا لاى شكل من اشكال تعديل دستور 71
تحياتى لك ومصر ح تكسب سواء كان الاجماع على نعم او لا

Heema said...

صوتوا بنعم للتعديلات الدستورية ولا تسمعوا لهؤلاء
http://heema-egypt.blogspot.com/2011/03/blog-post.html

Heema said...

صوتوا بنعم للتعديلات الدستورية ولا تسمعوا لهؤلاء
أتمنى أن ينفض الشعب المصري عن هؤلاء التالين - بقوله نعم على التعديلات الدستورية:

- مجموعة الـ 700 شخص الذين أصروا على التظاهر في التحرير بعد تشكيل حكومة شرف
- الأحزاب الـ 25 المعترضة والتي أغلبها فروع لأمن الدولة البائد، ومنها أحزاب ليس لها إلا اجترار الماضي وكان موقفها مخزيا قبل وأثناء الثورة
- مجموعات من الشباب الذي اعترف أحدهم أنه في سنة أولى سياسة ، ولكنه في ذات الوقت لا يتورع عن بلبلة الناس بحجج سخيفة من مثل واحد حب واحدة أجنبية ازاي نحرمه من الترشيح للرئاسة
- المتربصين بالمادة الثانية من الدستور
- التابعين بصورة عمياء للبرادعي
- أصحاب المصالح الشخصية
- محبي الظهور في الإعلام ، ويتوع خالف تعرف ، ومسايري الموجة الشبابية لكسب المزيد من المشاهدين والمستمعين لبرامجهم التليفزيونية
- وأخيرا وليس آخرا فلول الحزب الوطني وأمن الدولة ورجال الأعمال (الفساد) - أي باختصار رجال الثورة المضادة

المعترضون أغلبيتهم الساحقة:

- لا هم خبراء في القانون ولا في اللغة ـ ورغم ذلك يتحججون بحجج قانونية ولغوية!
- معتزون جدا بذواتهم ولا يعجبهم إلا أنفسهم ولا يستمعون لأي أحد حتى لو كان نوارة نجم أو بلال فضل أو معتز عبد الفتاح أو سليم العوا أو فهمي هويدي أو عبد الرحمن يوسف أو مجموعة الخبراء التي صاغت التعديلات بقيادة طارق البشري.
- لا يقولون ما هي الخطة (ب) أمام إصرار الجيش على رفض فكرة المجلس الرئاسي: هل هو رفع شعار يسقط الجيش؟! أم القفز إلى المجهول.

أي فراغ سيملأ إن لم يكن بالخير فبالشر. وأذكركم بقول اللورد آكتون "كل سلطة لديها ميل (طبيعي) للانحراف. والسلطة المطلقة مفسدة مطلقة". وهذا بالتأكيد هو وضع الجيش بعد سنة أو أقل من الآن.

أقول قولي هذا ولكم الاختيار الحر يا معترضون في تخريب ثورتكم ، وإخراج العفريت من العلبة مرة أخرى - فأرجوا أن تسمعوا لنداء العقل لا للأحلام الوردية/الصبيانية.

(إبراهيم المهندس)

Hany said...

ممكن اطمع فى عرض اسئلتى على قانونيين من اللى تثقى فيهم..

ممكن نقول ان الفقره الحمرا اللى فى التحليل بتاعك ممكن تعتبر دليل على وجود قصور فى التعديلات.. حتى انتى محتارة وعايزه تقولى هى اللجنه ليه ماوضحتش النقاط اللى ذكرتيها.. ايه رايك مش برضه التعديلات عايزه تعديلات

عايز افهم ليه كل القنوات الخاصه والحكومى عمله حملة على الشعب المصرى علشان يقول نعم.. هو الجيش عايز كده امال فين اللى عيزاه الثوره والثوار

وليه الجيش اللى مفروض ماسك التليفزبون دلوقت معملش قناة خاصه او قنوات حتى للثوار.. هو معترف بالثورة واللا فقط بالثورة اللى تمشى على مزاجه..
مش عارف.. من كلامك عن ضباط الجيش وطريقه ردهم انهم عايزين يتعلموا ان الشعب تاريخيا بيغلب اى جيش.. مفيش عضلات فى التاريخ زى عضلات الشعوب مهما كانت التضحيات.. مش عارف الثورة المصريه عرفت توصل المفهوم ده للجيش ولا الجيش وصله مفهوم ان الثورة تعبت ومش قادرة تكمل والشعب المصرى اصيل ورجع لعقله الباطن اللى بيحب الفرعون اللى بيمشيهم بالكرباج.. وعجبى

Iman said...

د.محمد سليم العوا

Hany said...

ايه يا باش مهندس ابراهيم كميه الاتهامات للمخالفين لك فى الرأى.. انت متأكد انك عايز دوله ديموقراطيه فعلا!!!!
الاجدر بك ان ترض الحجه بالحجهالمفحمه وسيب مخ الناس يشتغل ويختار.. اما سيل الاتهامات فممكن يكون دليل على ضعف حجتك مش قوتك.. ومع ذلك يارب كلامك هو اللى فى مصلحة مصر بس تجهز البلدوزر بتاعك فى حالة طلع توقعك خطأ لان عليك تبنى من جديد بدون تخوين الرأى الاخر.. سلام يا هندسه

Hany said...

للمعلوميه.. من صلاحيات الرئيس والتى لم تشملها التعديلات:
حل مجلس الشعب والشورى

وطبعا هو الرئيس العلى للقوات المسلحه
وهو رئيس منتخب حسب موافقة الشعب على التعديلات.. طيب وده معناه ايه؟؟
ان اى حد يخرج ضد الرئيس المنتخب الجيش ح يقف مع الرئيس المنتخب طبعا
طب لو الرئيس طلب حل المجلسيين.. حيكون محمى بالدستور وبالتالى الجيش لازم يحميه لانه ممثل ارادة الشعب

ده بس كلام للمعلوميه.. واللى عنده اعترض يتفضل يوضحه.. على العين والراس.. وخصوصا نوارة الثورة اللى كلنا بنحترمها مهما كان رأيها

amr said...

انا كنت محتار و مش عارف اختار بسبب المادة بتاعة التعديل اللى بيدى المحكمة الدستورية الحق فى الفصل فى طعون عضوية اعضء المجلسين (بالمناسبة ليه ما يكونوش مجلس واحد؟ أصل مش عارف هو الشورى بيعمل ايه بالظبط ) سمعت النهاردة ان محكمة النقض اصبحت هى المسئولة فاستريحت و بكدة حاقول أه بنسبة 90%. واللى نافصنى بس أفهم هل التعديلات تلزم رئيس الجمهورية باجراء تعديلات دستورية اخرى ولا لأ؟ و هل فى وجود سلطته لحل مجلس الشعب و الشورى انه ببساطة يحلهم و يعمل اللى على مزاجه ولا لأ؟ و بس خلاص...لو تقدرى تفهمينى ابقى قوليلى.

محمد طنطاوي said...

أنا مقتنع بكلامك يا نواره ومبسوط من اسهابك وتحليلك الجميل للمضوع لكن أنا قدام قاعدة شرعية بتقول ما بنى على باطل فهو باطل
أما لوا عايذه اسماء فخدى مثلا حد ذى :
وائل الإبراشى
عمرو الليثى
بثينة كامل
جميلة اسماعيل
نواره نجم
أبوكى كمان يا ريت
دول اللى فاكرهم لين وقت تانى

mlk84 said...

انا هاقول نعم ان شاء الله واول اسم عايزاه للبرلمان وعشان يراقب الدستور هوه انتى يا نواره ايوه انتى وادينى بدبسك زى مانتى عماله تدبسى ف خلق الله

amricayaamrica8 said...

نفسى واحد زى الدكتور الرمز محمد ابو الغار وفى ناس كتيره

thejasmintree said...

انا شايفه انك طيبه فوى وبتحبى المظاهرات وعشان كده عايزه تخلصى من الجيش،لكن فكرى انه مافيش حاجه مضمونه ومش لازم السيناريو يمشى زى مانت عايزه،لأنه لا احد يدرى ماذا يخبئ القدر
فربما لا تمهلنا الاحداث حتى نصيغ الدستور الجديد على راحتنا،ونجد انفسنا مع رئيس له كل الصلاحيات ومضطر يأخذ قرارات مصيريه وفى ظل مجلس شعب الله اعلم حيكون شكله ايه !
عايزين نكسب وقت ونختصر بفدر الامكان الخطوات اللى توصلنا لبر الامان بسرعه.

ahmed el-jazziry said...

كلامك زي الفل يا نوارة

انا بقترح للرئاسة

دكتور كمال الجنزوري او طلعت السادات ولو انه مينفعش طلعت :)

مش فاهمه said...

اسكتوا مش امبارح كان ملك فى او تى فى و كانوا مستضيفين عاطف البنا و قال حاجه لوذعيه قال ان المجلسين حايجوا الأول بعد الأنتخابات و بعدين يعملوا الدستور و يجى الريس بعد كده على الدستور الجديد يعنى حضرتك فيها كمان سنه مع الجيش و انتوا تقولوا لنا حانقول نعم علشان الجيش يمشى طلعت اونطه الأوشاعه دى ده من بق الراجل اللى رقع الدستور سخصيا و قال بيقولك الضمانه الوحيده اننا ننزل الميدان لو التعديلات جابت لنا رئيس مش كويس ياسلام يا سلام هى الثورة بتحصل و تفضل مستمره الى ابد الأبدين و لا بتتعمل علشان نهد و نبنى و مانحتاجش ثورات تانيه
بجد اللى يقول نعم يبقى يستاهل يتقال عليه اه ولا مؤاخذه يعنى ولا بلاش علشان نوارة ما تزعلشض احنا فى مدونتها برضه

maher said...

حلو اوي بس ان هنننجت عالاخر في حته ياريت توضحيها رجاااء ينوبك ثواب يااميره.. يعني ايه البرلمان والرئيس الي هييجو هيعدوا سنه يكتبوا الدستور وهيمشوا... مش هما هيعدوا فتره رئاسيه؟؟ كده دماغي باظت........ تاني حاجه عاجبني انك قلتي مفيش اجابه غلط لان احنا اتعودنا نحفظ ونرص الاجابات مش عارفين ان الستفتاء اتعمل عشان اختلاف الاراء والا مكنش اتعمل...... كمان انتي مجبتيش سيرة الماده75 الي فرساني ان شخصيا وبسببها هقول لا... ابويه مصاب حرب73 لما اتجوز سوريه اخد تصريح من الجيش والمخابرات فضلت هريانا سنين طويله كل شويه ينطولنا في بتنا... وكان ابويه عنده معلومات سريه جدا حرقهم قريب من غير حتى ما يسبنا نلمحها... ومع ذلك كان مجوز اجنبيه والجيش سمحله..... طب ما المخابرات تتعب شويه ولا هما فالحين بس يتشطروا علينا ويرعبونا كل شويه... وده رئيس جمهوريه يعني تصرفاته علنيه.. ومن هنا ورايح هيتحاسب هو واهله لو في حاجه معجبتناش.... يعني من الاخر الماده دي مستفزه لميت سبب ومجبتيش سيرتها

milt15 said...

قال المستشار محمد عطية رئيس اللجنة القضائية المشرفة على استفتاء التعديلات الدستورية إنه في حال رفض التعديلات فإن الجيش سيصدر إعلان دستوري جديد في شكل مرسوماً يحدد مراحل الانتقال إلى سلطة مدنية في البلاد
http://elbadil.net/%D8%B1%D8%A6%D9%8A%D8%B3-%D9%84%D8%AC%D9%86%D8%A9-%D8%A7%D9%84%D8%A7%D8%B3%D8%AA%D9%81%D8%AA%D8%A7%D8%A1-%D8%A7%D9%84%D8%AC%D9%8A%D8%B4-%D8%B3%D9%8A%D8%B5%D8%AF%D8%B1-%D8%A5%D8%B9%D9%84%D8%A7%D9%86/
يبقى ايه اللي يخلينا نتنازل ؟

dr rasha pt said...

فتح الله عليك بكل الخير كلام منظم وبالعند فى كل الى بيقولوا نقاطع انا باقول نعم للترقيعات الدستوريه

dr rasha pt said...

بارك الله فيكى كلام جمييييييييييييييل وموزون

Ahmad atef said...

كلام كويس يانوارة وميك سينس زي مابيقولوا وعمل لي توازن لأني قريته بعد مقال أبي يحيي بتاع النهارده عن رفض التعديلات
بس أنا مختلف معاكي في حاجة واحدة هي افتراضك أن لازم الجمعية التأسيسية تبقي قانونيين
لأن ده مش مضبوط الدستور هو إعلان من الشعب الي الشعب ولا علاقة لأي سلطة كانت به يعني نسبة القانونيين في اللجنة تكون 30 أو 40% بالكتير ويتولون المهمة الفنية (اصياغة أو الصنعة) بس انت لما بتجيب صنايعي بيعملك اللي انت عايزه مش اللي هو عايزه عشان كده لازم اللجنة تضم كل أطياف الشعب شخصيات عامة وعلماء وفنانيين ومشايخ وقساوسة وشباب وممثلات لحركات نسائية ...الخ
ويتوافقوا علي العقد الاجتماعي اللي يرضيهم كممثلين عنا وبعدها يتولي القانونيون الصياغة

cardiologist said...

ما كانش حد بيديني أمل غيرك يا نوارة في احلك ايام الثورة
و ما حدش ريحني غيرك دلوقتي برضه
انت نواره فعلا