Saturday, 19 March 2011

ناس ضربوا البرادعي في المقطم

تحديث:
انباء عن احالة راجية عمران للنيابة العسكرية.. ليه؟ هي دي بلطجية هي كمان؟
-------
دلوقت واحد اتصل بيا من الجمعية الوطنية للتغيير وقال لي ان البرادعي لما راح يصوت في المقطم ناس رموه بالطوب والازاز من البلكونات، هو بيقول انهم اخوان وسلفيين، وانا مش عارفة مين بالظبط، بس المهم ان تم الاعتداء عليه
واحمد الجوهري اتصاب وهو بيدافع عنه
ودانا وراجية عمران وفيروز كراوية وسيف نصراوي من الجمعية الوطنية للتغيير قبضت عليهم الشرطة العسكرية اثناء محاولتهم لمراقبة الانتخابات
اي تحديثات حنوافيكم بيها

69 comments:

nosseir said...

قلة ادب ..انا مش مرتاح للاخوان والتيارات الاسلامية بشكل عام ...مع انى والله كنت متعاطف معهم جدا زمان

nosseir said...

بس صحيح ازاى الاسلاميين يضربوة ؟..اللى اعرفة انة متحالف مع الاخوان تقريبا
انا قرأت ان اللى ضربوة بلطجية من بتوع الحزب الوطنى ..الكلام دة مكتوب فى موقع الوفد ...واعتقد هو دة الصح

السلام عليكم said...

على اساس انهم عارفين انه جاى فاستنوا فى البلكونه علشان يرموا ازاز عليه وبعديين البلكونات اللى اترمى منها الطوب كانت ايجار ولا تمليك علشان نشوف الاخوان والسلفيين استعدوا ازاى لاستقبال البرادعى

hayam said...

الفيديو بيتزاع على الBBC و واضح انهم ناس عاديين و لا يوجد اى دليل انهم اسلاميين او سلفيين و مفهمش واحد بدقن حتى!

hayam said...

http://www.masrawy.com/news/egypt/politics/2011/march/19/army_baradaae.aspx?ref=rss&utm_source=twitterfeed&utm_medium=twitter

Tears said...

شىء طبيعي ما السلفيين ماشيين فى المساجد يقولوا البرادعى كافر و عميل و من غبائهم طلع واحد عامل فيها امام مسجد فى المعادى و بيقول البرادعى كافر و عايز مصر اشتراكية
!!

صراحة ظهروا على حقيقتهم..تكفير للمختلف و اتهامات و كذب و اشاعات وتضليل و اعتداءات..الاسلام اعظيم كثيرا من هؤلاء المتلاعبون بالدين من اجل السياسة

اللى ضربوا البرادعى سلفيين و ده باين من كلامهم اوى بعد ما كان واقف فى الطابور مع اسرته..اعتقد انهم اثبتوا انهم يصلحوا ارهابيين فقط

على فكرة برضة اعتدوا على اتنين من شباب ستة ابريل و امين التجمع فى الدقهلية...انا ضد خلط الدين بالسياسة بس بعد الثورة كنت بدأت اتعاطف مع الاخوان لكن خلاص شفت سلوكهم المسىء فعلا للاسلام لان ماعندهمش مبدا و كله لمصلحتهم حتى لو يكدبوا و يغشوا الناس

ديل الكلب...

wafaa11 said...

فى محافظة الجيزة بمنطقة بشتيل بلجنة مدرسة بشتيل الثانوية سيطر شباب جماعة الاخوان بمعاونة السلفيين على مداخل اللجان لحث المواطنين للتصويت بنعم.



* وبلجنة مدرسة البشرى بحلمية الزيتون ولجنة الوحدة الصحية يتم توجيه الناخبين للأدلاء بصوتهم بنعم... أمام الصناديق.



* بلجان مدارس النهضة والرشاد وعبد الرؤف عبد العزيز بحلوان رصد مراقبينا تواجد الاخوان داخل اللجان وهم يوجهون الناخبين لادلاء بنعم.



* وفى اسيوط بلجنة المعهد الدينى بالقوصية يقوم رؤساء اللجان بالتصويت بدلا من الناخبين.



* وفى لجنة اسامة بن زيد بشبرا الخيمة البطاقات بلا اختام.



* وفى لجنة ابوبكر الصديق الصديق بالدقى الحبر الفسفورى اختيارى للناخبين.



* وفى اسيوط بسبب الزحام والتباطؤ نشبت مشاجرة اصيب فيها ستة اشخاص هم صلاح جلال عبد اللاه ومحمود جلال عبد الله ومصطفى صلاح جلال ومحمد صلاح جلال وعبد العال محمد عبد الله وعلى عبد العال محمد عبد الله وتم نقلهم للمستشفى العام باسيوط.



* وفى لجنة قرية كرنفيل بالقناطر الخيرية القليوبية قام رئيس اللجنة بالتصويت بنعم فى استمارات الاقتراع للمواطنين.



* فى مدرسة الاصلاح بنجع حمادى بقنا استمارات التصويت بلا اختام اللجنة المشرفة.



* وفى السويس بمدرسة عمرو بن العاص رصد مراقبينا التباطؤ فى الاجراءات والتسويد الجماعى مع عدم تدخل القضاة لمنع ذلك.



* وفى مدرسة الملك فهد فى مدينة نصر يرشد موظفى اللجنة الناخبين الاميين للتصويت على العلامة الخضراء.



* لجنة معهد البساتين الدينى بها اربع صناديق يقوم المواطنين بالتوقيع فى اى كشف من الاربعة ويضعوا الاستمارات فى اى صندوق منها.



* وفى محافظة قنا فى مدينة قفط تجوب الشارع سيارة تدعوا المواطنين للتصويت بنعم من اجل اعلاء الدولة الاسلامية.



* وفى مدرسة السادات بالهرم انقطع النور وتم منع الناس من التصويت

meislamic2002 said...

الدستور الأصلي بيقول انهم فلول الوطني وامن الدولة
بغض النظر .. ده يؤكد انه راجل نضيف .. وان شاء الله الموقف ده يزيد شعبيته

http://dostor.org/politics/egypt/11/march/19/38456?utm_source=twitterfeed&utm_medium=twitter

محمد نجم said...

نوارة مش مكتوب علي وشهم سلفي او اخوان او حتي ملحد :S
مواطنين مغسول دماغهم ضربوا البرادعي

انا متدايق من ساعتها والله لانه محترم
وان الحزب قدر يسيطر علي مخاخ الناس دي

emad said...

الناس مش طايقة البرادعي

Mahmoud ElGammal said...

فين قال انهم اخوان ؟ هو شخصيا قال على تويتر انهم بلطجية منظمون http://twitter.com/#!/ElBaradei/status/49136646532239360

يقول أنى امرأة said...

سكان المقطم بيقولو انه صمم انه يروح مدرسه فى منطقه الزلزال الشعبيه فى المقطم وبيقولو ان اهل المقطم كلهم اتجمعو كلهم فى مكان واحد عشان يبعدو عن المنطقه الشعبيه ... وتحليل الناس سكان المقطم ان البرادعى مقدرش يوصل للطبقه دى من الشعب الى لسا الكلام الى الحزب الوطنى كان مطلعه ع البرادعى ماثر فيهم و كلهم اجمعهو ان الى ضربوة سكاتن المنطقه لا سلف ولا اخوان دول سكان منطقه الزلزال بالمقطم ... اصل الناس بتفتى واى عك دلوقتى يبقى اخوان او سلف وفيه حمله قذرة جدااااااااا بيقودها الدستور ع النت ومحدش بيجيب سيرة ان الكنيسه حشدت الناس وان الفنانين حشدو الناس اشمعنى يعنى دول محدش جاب سيرتهم

basbosa said...

ازاى راجل محترم زى البرادعى يتهان الاهانة دى شوية بلطجة ولا يفهموا حاجة لا في الادب ولا الزوق والاحترام ولا اى حاجة في الدنيا وبعدين فين الجيش وفين الداخلية ليه مش بياخدوا موقف جاد وحازم ضد البلطجية دول مهما كان دا راجل كبير محترم مينفعش ابدا يتهان بالطريقة دى واية كل واحد يطلع يقول فلان عميل ومبارك كان ايه والوزراء بتوعه كانوا ايه اية خلاص اتنسي حسبي الله ونعم الوكيل في كل بلطجى ظالم

elzahraamegahed said...

أنا شوفت فيديو ضرب البرادعى ومفيش حد منهم شكله مدى على سلفيين / شباب بلبس كاجوال وكونشيات ماركات / شكلهم مدى اكتر على بتوع انا اسف يا ريس وميدان الكوربه وكده
والله أعلم

وبالنسبه لبتوع الحق والضلال أنا متابعاهم من زمان وأيام الثوره كانوا بينزلوا كذا حاجه كدب وحنى ف أيام اعتصام ماسبيرو كانوا بيشعلللوا وبيكتبوا عن وفيات وجرحى وحاجات كتير ثبت كدبها حنى من مواقع أقل تطرفا زى الاأقباط متحدون
فلو اتقفل الموقع ده يبقى يا ريت لأنه بيسخن جدا

Sharm said...

دي كل المخالفات اللي انا شفتها في الاستفتاء

http://www.sharmlifeblog.com/2011/03/blog-post_5304.html

masry said...

اففففففففففففف انا زهقت من القرف ده والله الصور اللى على بى بى سي بتقول انهم مش سلفيين والاخوان مش مكتوب على وشهم اخوان يعنى والراجل نفسة قال دول فلول النظام السابق كفايه اشاعات ابوس رجليكم كفاااااااااايه
والله العظيم زهقت

MarwaGoogle said...

http://www.masrawy.com/News/Egypt/Politics/2011/march/19/army_baradaae.aspx

قامت مجموعة من البلطجية من فلول الحزب الوطنى وأمن الدولة بمحاولة الاعتداء على الدكتور محمد البرادعى


http://dostor.org/politics/egypt/11/march/19/38456

MarwaGoogle said...

http://dostor.org/politics/egypt/11/march/19/38456

أمل said...

فلول الحزب الوطنى وأمن الدولة يحاولون الإعتداء على البرادعى ويمنعونه من الإدلاء بصوته
قامت مجموعة من البلطجية من فلول الحزب الوطنى وأمن الدولة بمحاولة الاعتداء على الدكتور محمد البرادعى المدير السابق للوكالة الدولية للطاقة الذرية والمرشح للرئاسة مما منعه من الإدلاء بصوته فى الإستفتاء على تعديل الدستور بالمقطم.

وكان الدكتور محمد البرادعى قد توجه إلى لجنة مدرسة الشيماء خلف قسم شرطة المقطم فور وصوله إلى مطار القاهرة قادما من الهند، ووقف فى الطابور إلا أنه فوجئ بمجموعة من بقايا الحزب الوطنى وأمن الدولة يهتفون ضده، ويقذفونه بالطوب والزجاج قبل أن يبدأوا بمظاهرة منظمة هتفوا فيها ضد البرادعى، الأمر الذى منعه من الإدلاء بصوته.

واستمرت الاعتداءات المنظمة على البرادعى بشكل دفع أنصاره إلى اقناعه بالإنصراف حتى لا يتعرض للأذى.

وهذه هى المرة الثانية التى ينظم فيها فلول الوطنى وأمن الدولة هجوما منظما على الدكتور محمد البرادعى عقب الهجوم الذى تعرض له بعد إعلان ذهابه إلى ندوة فى نقابة الصحفيين، الأمر الذى دفعه وقتها للاعتذار عنها بعد وقوف البلطجية له.

وعقب انصراف البرادعى حضرت قوات من الجيش وألقت القبض على عدد من البلطجية المتواجدين أمام مقر اللجنة.

وأكدت لجنة المحامين بالمقطم أن الدكتور محمد البرادعى لم يسئ لأى شخص وأن ما حدث له خلال تصويته ما هو إلا أسلوب همجى وأن من هاجموه ليسوا من أهل المقطم ولكنهم من الحزب الوطنى حتى يشوهوا صورته.


http://dostor.org/politics/egypt/11/march/19/38456منقول الدستور

أمل said...

يدرس المستشار الدكتور عبدالمجيد محمود، النائب العام، حاليا عددا من العروض المقدمة إليه من 6 من المتهمين من كبار رجال الأعمال، الذين تباشر نيابة الأموال العامة العليا تحقيقاتها معهم، لسداد مبلغ 2 مليار و375 مليون جنيه مصري و5 ملايين متر بالساحل الشمالي، تمثل قيمة ما استولى عليه 6 من كبار رجال الأعمال، من المال العام بغير وجه حق، وهم كل من أحمد عز ومنير غبور وهشام الحاذق وحسين سجواني ورجل الأعمال الإماراتي الجنسية عمر الفطيم، بالإضافة إلى رجل الأعمال محمد أبوالعينين، الذي عرض رد قطعة أرض سياحية مخصصة له بالساحل الشمالي.

وجاءت العروض المقدمة من رجال الأعمال المتهمين بشأن رد تلك الأموال في ضوء التحقيقات التي تجري معهم تحت إشراف المستشار علي الهواري، المحامي العام الأول لنيابة الأموال العامة العليا، في التحقيقات، التي باشرها المستشار عماد عبدالله، المحامي العام، فيما ينتظر أن يدرس النائب العام تلك الطلبات واتخاذ ما يلزم بشأنها خلال الأيام المقبلة.

وعرض رجل الأعمال وأمين التنظيم السابق بالحزب الوطني، أحمد عز، سداد مليار جنيه تمثل قيمة استيلائه على أسهم شركة «حديد السويس» بالمخالفة لأحكام القانون واللوائح على نحو أضر بالمال العام.

كما عرض رجل الأعمال الإماراتي عمر الفطيم بدوره سداد مليار جنيه تمثل فارق قيمة ما حصل عليه من تخصيص أحمد المغربي، وزير الإسكان السابق، لقطعة أرض له بالأمر المباشر وبسعر يقل كثيرًا عن أسعار السوق في ذلك الوقت.

وعرض رجل الأعمال حسين سجواني، رئيس مجلس إدارة شركة «داماك» العقارية، سداد مبلغ 150 مليون جنيه تمثل قيمة أرض خصصها له زهير جرانة، وزير السياحة السابق ، كما عرض رجل الأعمال هشام الحاذق سداد 150 مليون جنيه تمثل قيمة فرق سعر قطعة أرض حصل عليها من زهير جرانة بمنطقة «جمشة» بالغردقة بالأمر المباشر وبأقل من سعر السوق
منقول....
http://www.almasryalyoum.com/node/364265 المصرى اليوم

ayat2024 said...

مكتوب في الدستور ان فلول الحزب الوطني هما اللي اعتدوا عليه..عموما أنا للأسف مبقيتش أثق أوي في الدستور بس أنا بصفة عامة مش مرتاحة خالص لحكاية سلفيين وإخوان اعتدوا عليه دي

محمد طنطاوي said...

يا جماعة خلو فى مخ شوية إيه مصلحة الاخوان فى ضرب البرادعى بالعكس نقاط الاتفاق بينهم اكتر من نقاط الاختلاف دا اذا كان موجود اصلاً البرادعى كان من أيام المخلوع بينادى بأحقية الاخوان فى عمل حزب ده حاجة
الحاجة التانية إن أمن الدولة بتشكل بكل لون وعايز يوقع الناس فى بعضيها لا وبيقولوا إن فيه سلفيين كمان دا ايه الذكاء دا أيام ماكنا فى الميدان كان واحد من أمن الدولة عامل شيخ ولابس جبه وعمه وحريص على مسك الجرايد كان وظيفة كل شوية يفتن الناس فى بعضيها

بهيج الشرير said...

والنبي ياأبلتي أنا عندي إقتراح! إيه رأييك لو نعيد تأهيل خولات الشرطة ومنايك أمن الدولة على الأعمال الحرفية والتي تعاني نقصا! زي صناعة السجاد والكليم والحصير أو شغل الإبرة وأعمال التريكو، وممكن برضه تأهيلهم لأعمال السمكرة والدوكو زي زعيمهم حبيس العاهري ملك الليمان، وساعتها نقدر نرفع شعار صنع في أقسام أبو النمرس والكيت كات

wafaa11 said...

رصد مراقبو التحالف المصري لمراقبة الانتخابات والتحالف المصري للتوعية الانتخابية ودعم الديمقراطية، عدة ظواهر سلبية وانتهاكات تخللت أعمال الرقابة على الاستفتاء على التعديلات الدستورية، كان أبرزها إغلاق بعض اللجان أمام الناخبين، مما تسبب في عزوف عدد كبير من المواطنين عن المشاركة في الاستفتاء على التعديلات، حيث أغلقت بعض اللجان بمركز سمنود بمحافظة الغربية، وذلك في تمام الساعة الواحدة ظهرًا، ولجنة مدرسة حانوت بمركز زفتى بمحافظة الغربية في تمام الساعة الثانية عشر ظهرًا، ولجنة مدرسة عثمان بن عفان بالعمرانية في تمام الساعة الثانية عشر ظهرًا.

جاء ذلك، بعد نفي اللجنة القضائية العليا المشرفة على الاستفتاء، ما تردد من وجود بعض لجان الاستفتاء بدون إشراف قضائي، هذا بخلاف رفض بعض رؤساء اللجان التوقيع على بطاقات إبداء الرأي كبديل عن الختم، وذلك في لجنة مديرية المساحة بالدقي.

ورصد مراقبو التحالف توزيع مبالغ مالية على الناخبين للتصويت بـ"نعم" للتعديلات الدستورية في لجنة مدرسة الرفاعي الابتدائية المشتركة، ولجنة مدرسة سوزان مبارك الابتدائية بالمرج، ولجنة مدرسة المعلمات، والمدرسة الزخرفية بأسوان بمدرسة عمر بن الخطاب بحي أبو هلال بمحافظة المنيا، حيث حصل الموظفون في المدرسة الثانوية بالخصوص على بطاقات الاستفتاء من المواطنين والتصويت نيابة عنهم بالأيدي بعد أن يعرفوا ما يريدون اختياره.

ورفض بعض الناخبين من السيدات والمنتقبات استخدام الحبر الفسفوري، وذلك في لجنة مدرسة محمود صدقي بالإسكندرية، ولجنة مدرسة الخديوي إسماعيل بشارع طوبار بالقاهرة، وفي بعض اللجان تم السماح للناخبين من المنتقبات بالإدلاء بأصواتهن دون التعرف على هويتهن الشخصية، وذلك في لجنة مدرسة حدائق القبة.

في منطقة الكوم الأحمر بمحافظة 6 أكتوبر بمدرسة الابتدائية المشتركة بنين حدثت مشاجرات بالأيدي بين شباب 25 يناير والإخوان، بسبب حث الإخوان المواطنين على اختيار "نعم" وتدخل الجيش لفض المشادات، وتم وقف اللجان حتى تهدئة الوضع

http://www.shorouknews.com/contentdata.aspx?id=412516

rahrom said...

ياجماعة هو الفتنة الطائفية التانية هتبدا ولا ايه هو كل مصيبة يبقوا الاخوان والسلفيين مين اللى عايز يولع الدنيا فى بعضها ده ماندور على الحزب الواطى ولا نسيناه وبعدين الاسلاميين مش عادتهم كده ولا الاخوان احنا هانبتدى نخون بعض ان بعض الظن اثم

nehad_mhlba05 said...

اخوان ايه بس، و الله أنا شاكك بدرجة كبيرة جداً فى مرتضى منصور

أرنوب said...

بما أن ذلك كذلك .. ماتتحمقيش قوي كده على التزوير اللي بتقولي حصل (وهو غير منطقي على فكره) عايزه تتحمقي بجد إتحمقي على الثورة نفسها اللي وقعت كلها في حجر الإخوان الذين إذا وصلوا للحكم - ولسوف يصلون - مش حيسيبوه ولا بالطبل البلدي وحيلغوا الدستور اللي إنتي محموقة عليه قوي ده .. تخيلي سعادتك إن دم الشهدا اللي عمّاله تحلفي بيه راح عشان الإخوان يحكموا للأبد بالحق الألهي .. مش بس الإخوان .. ده السلفيين كمان وسلميلي ع الترماي

ahamd said...

masrawy.com/news/egypt/politics/2011/march/19/army_baradaae.aspx?ref=rss&utm_source=twitterfeed&utm_medium=twitter

wafaa11 said...

بعد ما وضح الحضور القوي للحزب الوطني و انتخابات التكفير و الزيت و السكر

عرفنا الان ان البرلمان القادم نصه حزب وطني و نصه اخوان


لو كان كله اخوان ما كنت قلقت
لانهم بشر

و لكن النص الفاساكونيا الوطني وحوش و سيحضرون وحشا يمسك البلد

و الاخوان لن يكون لهم حول و لا قوة بسبب امن الدولة

و بعد الرئاسة الكميلة سيباد الاخوان و السلفيين بعد ان يمكنوا الافعي من مسك الحكم ثانية

حبيبة said...

اللى حصل ده قلة ادب سواء انا متفقة مع البرادعى او لأ مينفعشى يبقى ده اسلوبى ابداااااااااااا وبعدين انا من شيرا ايون الاخوان معلقين يفط عليها نعم لكن بصراحة مااجبروش حد انه يصوت بنعم مع ان فى ناس كتيييير كانت بتسألهم نكتب ايه لكن كان الرد صوتوا اللى انتو عايزينو ومقتنعين بيه بس انا لاحظت حاجة يا نوارة مش المفروض يكون فى كمبيوتر فى اللجان منعا لتكرار التصويت ؟؟؟ احنا مكنش عندنا كمبيوتر بس كانوا بياخدوا البيانات وبنمضى عليها

طائر said...

اللي حصل مع الدكتور البرادعي غير اخلاقي بالمرة

وبعد اذن حضرتك طمنينا على اللي اتقبض عليهم


وايه اخر اخبار فيديوهات التزوير دي
ربنا يسلمنا

في نقطة تاني رغم ان ده مش مجالها
وبجد يعني انا لو كنت ليبية كنت هابقى زعلانة من مصر اوي

ربنا معاهم احسن من اي حد
اذا اراد شيئا ان يقول له كن فيكون

ayman radwan said...

يانواره دي نتائج الاستفتاء في تلت لجان في مركز ادفو باسوان انا كنت مفوض بالمراقبه لم يحدث اي اعمال تزوير او بلطجه وفتحت اللجان في موعدها واغلقت في موعدها الشكوه من الحبر الفسفوري ضعيف بيزول بسرعه :
1- لجنه رقم 51 ( مدرسه القوميه الابتدائيه)
867 لا
552 نعم

2- لجنه 52 ( مجلس مدينه الرديسيه)
43 لا
649 نعم
2 باطل
3- لجنه رقم 53 (مدرسه الرديسيه الصناعيه)
55 لا
1650 نعم
12 باطل

ملحوظه: اشكر المستشار عمر خلف الله لتعاونه الكامل معي منذ بدايه اليوم وحتي نهايته.

ayman radwan said...

انا عشان خاطرك انتي بس ببعتلك النتائج :
تابع مركز ادفو محافظه اسوان
قريه البحيره
1187 نعم
549 لا

حبعت باقي النتائج اول لما توصلني واتاكدت منها لباقي مركز ادفو.

انا علي فكره من مؤيدين لاءه بس الامل في المحافظات التانيه بقي.

hardway said...

مين ...الواحد..ده...؟؟؟؟؟؟؟؟؟
قلتي أسماء كثيرة ..دانا وراجيةووفيروز وسيف...ماعدا المتصل بك.......
ليه...ليه...ليه..؟؟؟؟؟
في انتظار التحديثات

hardway said...

مين ...الواحد..ده...؟؟؟؟؟؟؟؟؟
قلتي أسماء كثيرة ..دانا وراجيةووفيروز وسيف...ماعدا المتصل بك.......
ليه...ليه...ليه..؟؟؟؟؟
في انتظار التحديثات

white paper said...

تناقلت بعض المواقع الصغيرة خبر
عن إعتداء الاسلاميين على محمد البرادعي اثناء توجهه للاستفتاء في لجنة المقطم
ولكن بعد محاولات بحث .. لاقيت ان مصدر الخبر
هو السي ان ان ورويتارز
http://www.bbc.co.uk/arabic/middleeast/2011/03/110319_baradai_attack_egypt.shtml

ولكن الحقيقة كانت تتنافى مع ما ذكرته سي ان ان ورويتارز
ان المعتدين على البرادعي من المواطنين العاديين الذين استفزهم تجاوز البرادعي للطابور الطويل ومحاولة أنصاره إزاحة المواطنين
وكان من بين من حاولوا منع الاعتداء على البرادعي وأنصاره بعض السلفيين .

ومصدر الخبر الصحيح موقع مصراوي
http://www.masrawy.com/news/egypt/politics/2011/march/19/army_baradaae.aspx

وبعيدا عن فرق الثقة الشاسع عند الناس بين مصراوي وبين سي ان ان
الا ان الفيديو اللي تم تصويرة ونشره على موقع سي ان ان نفسه من مكان الاحداث اكد رواية مصراوي وتكذيب رواية موقع السي ان ان

السؤال حاليا مع افتراض بعض سوء النية
هل هذه محاولة من السي ان ان ورويتارز لزرع فتن جديدة في الشارع المصري

ام هي محاولة جديدة لتشوية كلمة "الإسلام"
واستغلوا في ذلك رمز له اسم وشهرة عالمية مثل د.محمد البرادعي

السؤال دالوقتي .. في ظل الظروف الديموقراطية التي تعيشها مصر
لما كل هذة المحاولات المستميته لتشوية كل ما هو إسلامي !!

أيا كان .. النتيجة واحدة .. ان هناك خبر .. كاذب تم تناقله
ووجب التنبية
خافوا على بلدكم يا شباب

مصدر الأخبار واللينكات أوقد شمعة .. خير لك من أن تلعن الظلام
By.Assistant Administrator .. Ahmed Saif ElDeen
By: برنامج عصير الكتب / بلال فضل

محمد نبيل said...

شهود اعتداء البلطجية على البرادعي

http://www.youtube.com/watch?v=sviPbdx3TqM&feature=player_embedded

rosha said...

ياجماعةمن امتى السلفين والاخوان حاجة واحدة وبعدين انتو ليه بتتكلمو عن تحريض السلفيين للناس تقول نعم وما اتكلمتوش عن الكنائس الى بردوة حصل فيها تحريض لرفض التعديلات دول غلطانين ودول غلطانيين دول كلهم محرضيين وبعدين نجيب ساويرس وشركته موبنيل بتبعت رسايل تحرض على ان نقول لا بلاش نعيب على حد ونسيب الطرف التانى كلهم مجرمين الاقباط الى حرضو والسلفيين الى حرضوا والاخوان حاجة والسلفيين حاجة

Doaa Khayyat said...

Dear Nawwara
Back to the issue of fraud in the 2011 referendum, please compare the 2011 referendum form (see link below)with the one in the video clip streamed through the Christian Dogma website. The circles where you check "yes" and "No" in 2011 form are nearest to the bottom of the page. Those in the video are on the upper quarter of the page.

Link:
http://www.google.com.eg/imgres?imgurl=http://www.egynews.net/wps/wcm/connect/1b7dbc80461fda3e81f98bece0a02a66/Thumbmail2011-03-15%2B19%253A23%253A03.707X.jpg%3FMOD%3DAJPERES&imgrefurl=http://www.egynews.net/wps/portal/news%3Fparams%3D118336&usg=__mZMN63nqjmgOsmg-7-0pGV2wDtA=&h=240&w=360&sz=23&hl=ar&start=19&zoom=1&tbnid=xaeDWAm0pXvrMM:&tbnh=140&tbnw=187&ei=NxuFTf_SM8PMswaiqqyMAw&prev=/images%3Fq%3D%25D8%25B5%25D9%2588%25D8%25B1%25D8%25A9%2B%25D8%25A7%25D8%25B3%25D8%25AA%25D9%2585%25D8%25A7%25D8%25B1%25D8%25A9%2B%25D8%25A7%25D8%25B3%25D8%25AA%25D9%2581%25D8%25AA%25D8%25A7%25D8%25A1%2B2011%26um%3D1%26hl%3Dar%26sa%3DN%26biw%3D1276%26bih%3D594%26tbs%3Disch:10%2C431&um=1&itbs=1&iact=hc&vpx=643&vpy=164&dur=172&hovh=183&hovw=275&tx=127&ty=115&oei=HRuFTYz6AsXrsga-j-WzAw&page=2&ndsp=20&ved=1t:429,r:1,s:19&biw=1276&bih=594

asmaa said...

ياريت مش كل واحد يتشدد و يتجاوز الشرع و القانون نسميه سلفي ونبدأ نلقي التهم بشكل جزافي دون دليل لأني سمعت كبار مشايخ السلفية من أمثال الشيخ محمد عبد المقصود و الشيخ محمد حسان بيتكلموا عن أهمية الإيجابية و المشاركة في الإستفتاء و مع أن رأيهم كان نعم للتعديلات بس أنا مسمعتش حد منهم قال إن قول نعم فريضة و لا قالوا إن إلي حيقول لأ يبقى آثم
و بصراحة أنا مش عاجبني جو الشحن و الكراهية ضد فئات معينة من المجتمع و نظام أنا سلفي و إنت إخواني و فلان قبطي و الرابع علماني و كله بيعادي كله ده كان نظام الحزب ألا وطني إلي كان عايز يقسمنا لشوية حركات بتلعب في العزبة بتاعته
بس دلوقتي ماينفعش الكلام ده إحنا كلنا مصريين و كل واحد فينا ليه الحق إنه يتنفس الحرية بأمان من دون مايخاف إن أخوه حيمارس إرهاب فكري عليه لمجردإنه بيخالفه في الرأي أو منهج التفكير و إلي حيخرج عن القانون اسمه خارج عن القانون و مالوش أي مسمى تاني

بــــ الخطاب ــن said...

هيا كل مصيبة فى البلد هاتلزقوها للإخوان هو الحزب الوطنى نقح عليكم
منى الشاذلى عملت مع اللى ضربوه لقاءات
ربنا يهدى

Mohamed said...

الادعاء بثقه بأن الاخوان و السلفيين هم الذين ضربوا البرادعي كلام كذب و حتى البرادعي نفسه على موقعه على تويتر لم يقل انهم اخزان او سلفيين فلماذا تقولوا انتم مالم يقله صاحب الشأن و لماذا يضرب البراادعي و ما خطره على الاخوان او السلفيين على الاقل الآن و ما فئدة ان يضربوه علما بان ذلك لم يحدث منهم مع أي واحد في مصر و البرادعي أقرب للاخوان و الحركه الدينيه من غيره و تذكروا في بداية الثوره كيف قام الاخوان بتفويضه بالكلام بالنيابه عنهم و التفاوض مع النظام بأسمهم و في المقابل لاحظوا من يعادي البريادعي بضراوه و حقد ألم يقم النظام القديم الفاسد بالقبض على الشباب الذين زاروا البرادعي اثناء الثوره الم تلاحظوا حساسية النظام المفرطه تجاه كل ما يخص البرادعي وأو الحديث عنه و اسألوا ابراهيم عيسى

gg6w said...

السلفيين والاخوان قادمون

بس جايي ومعاهم الخراب على البلد والتخلف والجهللللللل
المصيبه ان المصريين 40% منهم جااااااااااهل ده غير الاميه السياسيه
وهم بيتكلموا بالديييين وده ليه قدسيه عند الناااااس

Mohammed Barakat said...

يا جماعه و الله حرام ده الاخوان كانوا متحالفين مع البرادعي و مش دي طريقتهم في الاعتراض :(

asmaa said...

ياريت مش كل واحد يتشدد و يتجاوز الشرع و القانون نسميه سلفي ونبدأ نلقي التهم بشكل جزافي دون دليل لأني سمعت كبار مشايخ السلفية من أمثال الشيخ محمد عبد المقصود و الشيخ محمد حسان بيتكلموا عن أهمية الإيجابية و المشاركة في الإستفتاء و مع أن رأيهم كان نعم للتعديلات بس أنا مسمعتش حد منهم قال إن قول نعم فريضة و لا قالوا إن إلي حيقول لأ يبقى آثم
و بصراحة أنا مش عاجبني جو الشحن و الكراهية ضد فئات معينة من المجتمع و نظام أنا سلفي و إنت إخواني و فلان قبطي و الرابع علماني و كله بيعادي كله ده كان نظام الحزب ألا وطني إلي كان عايز يقسمنا لشوية حركات بتلعب في العزبة بتاعته
بس دلوقتي ماينفعش الكلام ده إحنا كلنا مصريين و كل واحد فينا ليه الحق إنه يتنفس الحرية بأمان من دون مايخاف إن أخوه حيمارس إرهاب فكري عليه لمجردإنه بيخالفه في الرأي أو منهج التفكير و إلي حيخرج عن القانون اسمه خارج عن القانون و مالوش أي مسمى تاني

moo said...

احى وبشده الاخ ايمن رضوان وادعو الست دموع والست ارنوب لمراجعة مواقفهم السلبية من اهم فصيل معارض للنظام السابق والذين يتمتعون بكثير من الحكمة السياسية وارى ان وجودهم فى الحياة السياسية لن يفسدها بل على العكس ومن يتهمهم بانهم المستفيدين من الموافقة على الاتعديلات فهم ممن يستحقون ان يجنوا زرعهم طوال فترة معارضتهم لمبارك وسجن وتشريد الكثير منهم ولاانكر بذلك فضل من قاموا بالثورة ولكن لا تنسوا انهم ايضا شاركوا فيها وكانوا فى الصفوف الاولى

FATMA said...

توجد ممارسات تمت الان تخيف الانسان علي مستقبل مصر نرجو ان نوعي الناس كي يستطيعوا الرد ومنها 1- دعوة ائمة الجوامع للناس للتصويت بنعم عشان عدم تغيير المادة التانية وحتي لا يكون مسيحي رئيس وغيرها

Widiman said...

أهى خربت علشان تبقى تحشدى الناس على نعم

z-sobky said...

استاذه نواره
انا شفت فيديو اللى حصل على العاشرة مساء واللى اعتدو على الدكنور البرادعى مش سلفيين وكان ده واضح لأن السلفيين شكلهم مميز وبرضه واضح انهم مش اخوان
اولا لأن ده مش من اخلاقهم اختلفنا او اتفقنا معاهم وثانيا لأن الالفاظ وطريقة الكلام مش اسلوب ناس ملتزمين اصلا فضلا عن ان الاخوان شركاء مع البرادعى فى الجمعيه الوطنيه
انا اظن ان اللى حصل يا اما من ناس غلابه متأثرين بدعاية النظام السابق السيئه عن البرادعى يا اما ناس بلطجيه متأجرين
وياريت تحطى فى حساب حضرتك ان مساكن الزلزال اللى حصل فيها الموقف من اكثر المناطق عشوائيه واكثرها تدنيا فى المستوى الثقافى فى القاهره
مع احترامى ليهم بس دى حقيقه

Sutty and Betty said...

الشحن الديني لنشاط سياسي لعب بالنار ، لا يقره عاقل، التشويه الإعلامي اغتيال لسمعة رجل هو قامة كبيرة في مصر

Sutty and Betty said...

لا للشحن الديني لأي نشاط سياسي، لا للوصاية على آراء الناس

rosha said...

http://www.facebook.com/home.php?sk=group_110312712382099&id=111691068910930&ref=notif&notif_t=like
تم الافراج عن راجية عمران واختها الحمد لله

asmaa said...

بصراحة أنا مش عاجبني جو الشحن و الكراهية ضد فئات معينة من المجتمع و نظام أنا سلفي و إنت إخواني و فلان قبطي و الرابع علماني و كله بيعادي كله النظام ده كان نظام الحزب ألا وطني إلي كان عايز يقسمنا لشوية حركات بتلعب في العزبة بتاعته
بس دلوقتي ماينفعش الكلام ده إحنا كلنا مصريين و كل واحد فينا ليه الحق إنه يتنفس الحرية بأمان من دون مايخاف إن أخوه حيمارس إرهاب فكري عليه لمجرد إنه بيخالفه في الرأي أو منهج التفكير
إلي حيخرج عن القانون اسمه خارج عن القانون و مالوش أي مسمى تاني

OmNour said...

و الله في منتهى قلة الأدب و الغباء كمان إيه يعني ضربه ده حيفيد إيه و مين؟؟؟؟ هوه مفيش فايدة

ملكش دعوة said...

بطلوا بأه انا اتخنقت منكم كفايه افترا كتير مش عايزين البرادعي وانا واحده منهم وانا مش اخوان ..بلاش غباوه بلاش غباوه والله انتوا كده بتعملوا زي ما الوطني عمل ايام المظاهرات ساعد علي نجاح الثوره بغباوته كل ما كان يعمل عمله تطبل علي دماغه طب ايه رايكوا انكوا كل ما بتكرهوا الناس في الاخوان الناس بتطعاطف معاهم اكتر والله الكلام ده سمعتوا من ناس كتير جدا خليكوا كده قضوها شتيمه وافترا ...انتوا اتعديتوا من الوطني تلفيق التهم والتخوين بقي سلاحكم خلونا نثق في بعض بأه ....يا سااااااااااااااتر عليكوا

كيوبيد said...

اى ما يكون هو مين الى ضرب البردعى ان كان سكان المنطقه مع انى اشك فى ذلك لان دى مش اخلاق ولاد البلد الجدعان وده راجل ضيف عندهم فى المنطقه مستحيل حد يضربو وان كانو اخوان او سلفين من بتوع الجزيه والى حزب واطى من بتاع شرور وعزمى وشريك مش مشكله هم مين والى تبع مين لان التاريخ والناس عارفه مين الانسان ومين البهائم وكتاب التاريخ مش هايجمل حد الى مهم حاليا الشرطه والجيش عمل ايه قبض عليه والى لا ما دى اعمل بلطجه فى الطريق العام اهو وامام لجنه يعنى دى كارثه تانى انا عايز اشوف ناس فى السجن من الى ضربو الدكتور البرادعى والى هابتدى اشك فى الجيش وصدق الكلام الى بتقال عنهم نواره ارجو انك توصلى صوتى ليهم سمعة الجيش على شفى حفره من النار انهم يقبض على النشطاء ويحكمهم عسكريا ومش قدار يمسك بلطجيه ضربو راجل محترم وقدير وله سمعه دوليه ده مش فيه لغز شوى

mohamed said...

والنبى الناس اللى بتقول ان السلفيين ضربوا البرادعى بيشتموا الاخوان ليه ماهو يا اما هما مش عارفين الفرق بين الاخوان و السلفيين يا اما جالهم فوبيا الاخوان

O S A M A said...

ازيك يانوارة واهنيكي انه على عكس رأيي يظهر انه انتي وأنصار نعم كسبتوا وانا خايف من بكرةوبالنسبة للبرادعي ففي كاميرات وموبايلات صورت فياريت نعمل تجميع ليهم ونحدد وجوه اللي عملوا كده ويتقدموا للجيش لأنه دول هما اللي بلطجة بجد ويستاهلو محكمة عسكرية بجد ومامينفعش العالم دي يهزقوا عالم مصري كبير ومرشح لرئاسة مصر بالطريقة دي ع الشاشات وخلاص على كده مهما كان ناس مختلفين ع البرادعي او لأ هيبته من هيبة مصر وده مينفعش يعدي ابدا

wafaa11 said...

نوارة
الله يكرمك خدوا بالكم من نفسكم شوية
ناس كتير اترمت في المحاكم العسكرية
ده مش لان الجيش مخنوق
ده لان الجيش مقدرش عليكو وسط الملايين انما دلوقت بيبان اشرار الجيش و اخيار الجيش علي اصلهم
رجاء الحذر لان الجيش مش مع الثورة 100%
المجلس العسكري مش مع الثورة و عاوز يسلم البلد لبرلمان قديم بوشوش جديدة و رئيس قديم بوش جديد

انا مش بخوفك و متنشريش التعليق بتاعي
بس كل رجائي الخدوا بالكو من نفسكم و بلاش الثقة العمياني في الجيش

ملكش دعوة said...

واحب اقول لكل اللي بيتهم السلفيين والاخوان اني كنت في الزيتون ليله الاستفتاء وكنيسه العدرا بشارع سنان كانت عامله شغل جامد اوبي للتصويت بلا والراجل اللس اسمه عبد المسيح بسيط عمال يهيج الدنيا ويقول كلام فاضي عشان يشحن النصاري ....طب تفسر بايه ان بوابه العماره بتاعتي مسيحيه وقالتلي هنقول نعم خلي البلد تفوق ونشوف اكل عيشنا ...هاه يكونش السلفيين شربوها حاجه اصفرا واذا اللي بيهاجم هيكون متعصب هيفقد مصداقيته لان الناس بقت فاهمه والله الناس فاهمه كا حاجه بس انتوا اللي بتفترضوا فيهم الغباء

ملكش دعوة said...

واحب اقول لكل اللي بيتهم السلفيين والاخوان اني كنت في الزيتون ليله الاستفتاء وكنيسه العدرا بشارع سنان كانت عامله شغل جامد اوبي للتصويت بلا والراجل اللس اسمه عبد المسيح بسيط عمال يهيج الدنيا ويقول كلام فاضي عشان يشحن النصاري ....طب تفسر بايه ان بوابه العماره بتاعتي مسيحيه وقالتلي هنقول نعم خلي البلد تفوق ونشوف اكل عيشنا ...هاه يكونش السلفيين شربوها حاجه اصفرا واذا اللي بيهاجم هيكون متعصب هيفقد مصداقيته لان الناس بقت فاهمه والله الناس فاهمه كا حاجه بس انتوا اللي بتفترضوا فيهم الغباء

Abeer Suliman said...

إنهم يريدون قتلنا مرة ثانية يريدون سرقة أحلامنا وطموحنا ، يريدون الاستمرار في النهب والسلب والنطاعة ، يريدون معاً (الإخوان والوطني) نشر قيم القبح والطمع وتشويه التاريخ والهوية ، يريدون التسيُّد وفرض الآراء الهدامة وثقافة النفاق " والت..." ، يريدون مرة أخرى أن يفرضوا علينا سياسة من ليس معنا فهو كافر وخائن وعميل ... يالها من صدفة أو صفقة عفنة. ولكننا لن نتركهم ، إن شاء الله لن يضيع دم شهداء مصر ومصابيها من خيرة ابنائها هباءً ابداً .
,فالنصر على وحدتنا وتماسكنا ، وفقنا الله جميعاً لما فيه الخير لمصر أولاً
. السؤال مرة ثانية : أين جمال مبارك ؟ وماذا يفعل الآن هو وعزمي والشريف وسرور ؟؟؟؟لن تنظف البلد إلا بمحاسبة هؤلاء ؟؟؟؟

Hesham essa said...

يعنى ياجماعة مش ننفكر بالعقل
اذا كان البرادعى مرشح الاخوان للرئاسة
والراجل انحاز لهم بعد الجمعية الوطنية للتغيير ما سحبت البساط شويتين من تحته
يبقة عمه اللى حيضربوه
ده اسمه اجهاض نفسى للراجل واللى عمله انصار صاحب البلوفر

عطيه said...

النةنتتاعاغلفبؤب لا ة ومكومومنهت

عطيه said...

السلام عليكم

عطيه said...

الله اكبر

FATMA said...

كنت بالامس الي حد ما سعيدة وبدا يتسرب الي الخوف والحزن اما اليوم فانا اكثر خوفا وحزنا لان ممارسات البعض من كلا الطرفين لم تراعي حقوق الاخر كالمعرفة والاختيار كما لم يراعوا حق الوطن الحبيب هل لهذه الدرجة الوطن الجميل الحبيب مصر لدي البعض ارخص من الانتصار لوجهة نظره

FATMA said...

هل في سبيل الانتصار لفكرة او وجهة نظر فليذهب امن الوطن الي الجحيم وندوس علي الحب والمودة بين الاخوة لماذا التلاعب بالدين الجميل المقدس
كيف اامن لمن لوي الحقيقة وكذب كي ينتصر هذا شحص او مجموعة ارتضي بمكسب غير نظيف لم يراعي دينه ولا وطنه
ماذا سيفعل غدا معنا هل سيكذب ويلوي الحقيقة لما يريده
ما الفرق بين نظام واكاذيب مبارك وهؤلاء
كلاهما يكذب
هل كتب علينا هذه النوعية من البشر

Rowaa said...

ما حدث للدكتورالبرادعى امر محزن للغاية, لكن الاكثر ايلاما وحزنا هو الاشاعات التى طلعت تتهم مجموعات من شعبنا فى الوقت الذى نعلم جميعا بامر الثورة المضادة وبفلول الحزب الوطنى وبامن الدولة وباسلوبهم القذر الساعى دائما الى القضاء على شعار الثورة "ايد واحدة"
فرجاء من شعبنا الحبيب ان يظل وااعيا لكل المؤامرات التى تحاك لكى تبدد توحدنا
كلنا ايد واحدة كلنا مصريين
كلنا ايد واحدة ولن ننخدع بحيل امن الدولة السابق ولا بفلول النظام البائد

رواء