Sunday, 20 March 2011

عاجل: نطالب بالقبض على الثلاثي المرح ورقابة قضائية على الأمن الوطني.. وزع

تحديث:
ولتسليم ورق التوقيعات رجاء التسليم لمركز هشام مبارك
1 ش التوفيقية
التليفون
0101044264


تحديث:
الاهرام نشروا البيان 
:)
شكرا


دلوقت الزميل

trying 2 do something

نزل الفورم في مكان للتوقيعات اهو لو سمحتوا وزعوا اللنك ده على قد ما تقدروا عايزين نلم اكبر عدد من التوقيعات، انا مش عايزة اقول مليون توقيع، بس الحقيقة احنا عايزين مليون توقيع

مليون توقيع للقبض على فتحي سرور وصفوت الشريف وزكريا عزمي، والتحفظ على العاملين السابقين بامن الدولة ووضع جهاز الامن الوطني تحت الرقابة القضائية والحقوقية

كمان عايزينكم تطبعوا البيان ده وتجمعوا عليه توقيعات بالرقم القومي وتبعتوها على الميل ده

fegypt20@yahoo.com

واحنا مستنيين رد بقية القوى الوطنية، بس ممكن النشطاء من مختلف القوى الوطنية يساعدونا، ان شاء الله كل ما كان اسرع نلم توقيعات كل ما كان احسن عشان نرفعه للمجلس الاعلى، وعصام شرف، والنائب العام

واشكركم

:)

ولو سمحتوا شيروا البوست ده وابعتوا لنك التوقيعات على اوسع نطاق كل واحد يقرا البوست ده امانة على الاقل يبعته لعشرة عشان نلحق نخلص التوقيعات بسرعة

47 comments:

nour1971 said...

المشكله انه حا يقول لك فين الاوراق اللي تثبت انهم مجرمين ا انهم نهبوا البلد فين اللي يثبت مش هي دي الحجه اللي طول الوقت بيقولواهالنا ولا ايه حا يتحاكموا علي ايه ده طبعا مش كلامي ده كلام النيابه و بعدين النائب العام ده مش برضه موجود من ايام المخلوع و لا ده واحد جديد القضايا اللي عمال يفتحها مش دي حجات كانت عنده و الادراج ولا كده شبيك لبيكي جتله من العفريت اللي جوه اللمبه بتاعه اسماعيل يسن

medoweeedo said...

شكرا نوارة واضح ان كلامي اثر فيكي ربنا يكرمك بجد

medoweeedo said...
This comment has been removed by the author.
nour1971 said...

طبعا انا عايزه نقبض عليهم من الاول لانهم شكلهم من اللي بيلعبوا من تحت لتحت و عارفه انهم نيموا الناس الفتره اللي فاتت في تعديلات الدستور و الفتره اللي جايه حا ينيموا الناس بحاجه تانيه و ثالثه و رابعه لغايه الشعب ما ينساهم بس لازم الدليل علي ادانتهم فيا ريت تدعي اي حد عنده اي حاجه تدين الناس دي يتقدم بيها للنائب العام مع الصحافه علشان يبقي علي عينك يا تاجر

جبهة التهييس الشعبية said...

اكيد ممكن كلامك يأثر فيا
بس انت اتكلمت معايا فين وقلت لي ايه؟

medoweeedo said...

انا صاحب التويت دة يا ناس حد يفهمني فين محاكمة رموز الفساد و قتلة الشهداء انتم اتلهيتو في السياسة ونسيتو الكلاب دووول @oshaokhtmeligi

مى محمد said...

طب انا خلاص وقعت انا وماما بس انا يهمنى اعرف اؤل باؤل عدد التوقيعات وده ان امكن ياعنى

medoweeedo said...

انا صاحب التويت دة يا ناس حد يفهمني فين محاكمة رموز الفساد و قتلة الشهداء انتم اتلهيتو في السياسة ونسيتو الكلاب دووول @oshaokhtmeligi

medoweeedo said...

انا برة مصر و معنديش رقم قومي اعمله يا نوارة

medoweeedo said...
This comment has been removed by the author.
أحمد طـه said...

تم التوقيع

وجاري العمل على طباعته وتوزيعه إن شاء الله

amer said...

الثلاثي الشيطاني

رجاء التكرم بتغيير أسمائهم من الثلاثي المرح الي الثلاثي الشيطاني فأن ما أرتكبوه من جرائم ضد هذا الشعب لا يمكن أعتبارها من قبيل المرح و أنما أفعال و جرائم شيطانية و لكي كل التقدير و الأحترام

raghda zouel said...

فكرة ممتازة وانا وقعت و شيرت البوست وابتديت انشرة على النت دلوقت يامسهل متفائله جدا :))))))

khaled said...

معلش سؤال برئ فين حسني مبارك وولاده الامامير في البيان ده.

khaled said...

نوارة ...معرفش انتي قريتي الكومينتات الي حطيتها على اخر 2 بوست انتي حطتيهم قبل ده , المهم ان البوست ده بيتكلم في نفس الموضوع بس عايز اضيف نقطتين مهمين:
1- فين حسني مبارك وعياله وعيلته من البيان
2- ليه ما ننزلش التحرير ونعتصم لتحقق هذه المطالب
برجاء ردي عليا في سؤالي. انا حاولت اكلمك في اكثر من موضوع على الرقم الي اخره 5173
من رقم اخره 0608
ومعرفتش اوصلك خالص , برجاء ردي على البوست او التليفون

القاهرة الجديدة said...

مبروك يانوارة الف الف مبروك قريت من شوية تحليل بيقول ان نتيجة الاستفتاء دي تؤكد ان الاخوان المسلميين هم من اشعل الثورة وهم اول من استفاد منها وان مجموعة الشباب الاخرين دول كانوا مجرد كومبارس بدليل ان ارائهم لم ترضي الشارع اية رايك يانوارة

أحمد طـه said...

آه نسيت
والنبي تشوفيلنا حل في آل سعود الى حاطين مناخيرهم معانا وبيهددوا بسحب الاستثمارات في حالة محاكمة مبارك

كلمتين كده على ما قسم علشان أنا متنرفز

adel said...

وقعت ونشرت وقادر ربنا نشوف حبيبتي مصر اجمل ما في الدنيا

nour1971 said...

معلش استحمليني انا رغايه النهارده بس فيه كامسؤال محشور جوايا هو مش برضه المجلس العسكري قال ان اي حد حا يعمل اعمال بلطجه حا يتحاكم محاكمه عسكريه و هاري شباب الثوره امال الي اتهجموا علي البردعي دول ايه بالظبط متصورين فيديوا و اتزاعوا علي جميع القنوات الفضائيه علي فكره انا لا مع البردعي او ضده و لكني بكره الظلم و بعدين عصام شرف مش طلع علي الهواد مباشره لما كان الملط عمال يشتكي و شويه شويه حا يعيط في التليفزيون و اعتذر له و قال له حقك علي اما ليه البردعي حقه ناقص < شكرا بس كلمتين كانوا حوا زوري مضايقيني لازم اقولهم

saidmonem_84 said...

law taba3t el forum w gama3t elta2e3at a3mel eh? ezay awsalholko?

Shady Shrif an Egyptian Software engineer said...

نوارة بجد انا بستغيث بيكي
الحقي مصر من الهاش تاج دي
http://twitter.com/#!/search?q=%23y2015
#y2015
وائل عباس بدأها وقلب شتيمة للاسلام و المسلمين و طبيعي ان المسلمين يردوا وهتقلب حرب

بجد يا نوارة لازم نوقف الهبل ده باي شكل

Eldemokraty said...

انا خنكه مقاطع مش همضي على البيان علشان انا معترض على الدستور كله على بعضه
لأنه زي ما في مواد حلوه ودي قليله بس معظمه مواد معطوبه ودي دايما بتبهت على المواد الحلوه وبتخليها معطوبه

والجبه التهيس أصابها الملل زي الثوره
سلام

من أجل حقوق المصري said...

لسه محتاجين حد يعمل صفحة على الفيسبوك بس يكون من محترفي إدارة الصفحات
ونحط لينك ليها

utopia said...

تماااام كده هو ده الكلام
والايفينت ده فيه ربع مليون واحد موافقين مسبقا
ياريت تسيبى لهم تعليق اكيد هايفرق معاهم

أطالب بمحاكمة صفوت الشريف وفتحي سرور وزكريا عزمي

http://www.facebook.com/home.php#!/event.php?eid=206260639385776

ph_sacha said...

هو احنا عملنا ثوره ونزلنا الشارع وانضربنا بالجزم والنار ووقفنا قدام المخلوع بجبروته وكنا عاملين زى الديك اللى فى عشه فيها ميه فرخه وربنا وقف معانا وعملنا اللى مقدرش عليه حد وفى الاخر تطلع كل فرخه وتعملنا فيها ديك
هو فيه ايه امبارح الشيوخ حرمو اللى بنعمله ومنهم اللى كفرنا دلوقتى يركبو على الثوره وعلى دمنا وعايزيين يشيلو الليله بجد انا بدات احبط

tom_lion said...

وحل الحزب الواطي نسيتوه ولا ايه يا نوارتنا

Eldemokraty said...

عفت السادات : الحزب الوطني قادم بمرشح رئاسي

بصراحة ووضوح . أعلن الدكتور عفت السادات عضو الحزب الوطني ، أن الحزب الوطني قادم .
قال ذلك علي شاشة القاهرة اليوم .
وإستمع اليه عمرو أديب ومحمد شردي . ومارسا معه شوية مناقشات خشنة . لكن الدكتور عفت تحمل الخشونة . وقال قريبا سوف تسمعون عن إعادة بناء الحزب . وبروز قيادات جديدة . نظيفة وطاهرة .

وأضاف لازم تعرفوا إن الحزب يضم عناصر شريفة . وليست ملوثة . وأن الحزب سيتم بناءه بصورة جديدة تماما ..

وربما نتقدم أيضا بمرشح للإنتخابات الرئاسية .

إنتظرو النص الكامل لهذه التصريحات

جريدة بشاير
http://elbashayeronline.com/news-132478.html

mon said...

دلوقتي لازم نعرف العادلي قال ايه لانه اكيد قال بلاوى تودي حسني و جمال في ستين داهيه و طبعا هما مش عايزين كده ووارد جدا يقتلوه

TURKMAN said...

i thank you my best young sister on the earth so let me to thank you about what have you done for egyptian people is a good work. good luck and amically. mohamed from algiers my original is from turkeyfoot its name is othoman old land. (i thank you for zeghrouta)

المهدى said...

سبعين ثمانين ؟مافيش نتائج حتطلع كدة أصلا بالكتير 55 لأى من الإثنين
دى إجابتك على سؤالى لو نتيجة الإستفتاء على التعديلات (آسف الإستفتاء على تصفية الثورة عشان مش فاضيين والمادة التانية)
طلعت 70-80 % نخاف والا منخافش
أنا رأى أجلى كل اللى عايزة تعمليه للثورة الجاية ثورتنا دلوقت أخدت طريقها وحتعرف حقيقة الحسنة اللى فى دقن كاميليا

just knocking said...

شكرًا يا نواره
بالنسبة للطائفية اللي على تويتر انا شايفه نسيبهم لحد ما يهدوا وهما الأقباط طول عمرهم كده يقعدوا يصوتوا ويولولوا على كل حاجة
المشكلة أن ساويريس لما سألوا على تويتر إمبارح الحل إيه في ال77% نعم قالهم هاعمل حزب جديد وكل واحد مسيحي يجيب معاه اتنين مسلمين؟؟
يعني بدل ما يقول يا جماعة إحنا طول عمرنا عايشين مع بعض وإيه لازمة الكلام ده وكلنا لازم نتقبل النتيجة
عايز يكمل حرب على الإخوان؟؟ في صورة حزب جديد
يعني مش كفاية اللي جرنال اليوم السابع والمصري اليوم اللي هما بيمولهم ساويريس عمالين يعملوا فتنة طائفية كمان هايعمل حزب للفتنة الطائفية للأسف

just knocking said...

كان عندي اقتراح يا نوارة لسه بدري عليه لكن جيه في دماغي وقلت اكتبهولك بخصوص انتخابات الرياسة إن شاء الله:
1) إنه يكون فيه انتخابات ترجيحية زي أمريكا بحيث إن الأصوات كلها في الآخر تبقى متقسمة بين 2 مرشحين لإن ممكن الحزن الواطي يدخل بمرشح يعمل حشد وراه وبقية الشعب تتفرق أصواته على 3 او 4 مرشحين تانين فيفوز بتاع الوطني ويبقى كله تمام:)
2) إنه كل مرشح رياسة يقول اسم النايب بتاعه واسامي الوزراء بتوعه في البرنامج بتاعه
يا ريت تقولي الكلام ده للمستشار البسطويسي عشان يبتدي هوه ويقلده التانين ولا إيه رأيك؟

sara said...

انباء عن ان الجيش يتحفظ علي زكريا عزمي
http://www.sawret25.com/news/egypt-news/109-2011-03-20-22-55-23.html

جبهة التهييس الشعبية said...

مافيش حاجة اسمها انباء

ما يكلمونا زي ما بنكلمهم

وفين صفوت الشريف وفتحي سرور

zmmorabya said...

نوارة إعملي معلش كمان تحديث هنا و قولي اللي مش من القاهرة يسلم الورق ده لمين؟؟

مدونة النسر المصرى said...

عاجل: تم الأفراج عن الضباط كلاب الحكومة (وائل الكومى وسعفان والعسلاقى بالاسكندرية)
بضمان محل اقامتهم
شاركوا معنا وقد قمنا برقع قضية للهيئة الدولية لحقوق الانسان حتى لايفلتوا من العقاب وقد قتلوا أكثر 85شاباً سكندرياً

جبهة التوعية said...

دعونا نفكر قليلا:
بصوا بقه وقبل ما تتهموني بالعمالة والخيانة والذي منه، أنا محترم تفكيروا وحماسكوا، ولكن ما هكذا تورد الإبل، وما هكذا تدار الأمور.
هوه إحنا عايزين دولة متحضرة يحكمها القانون والمؤسسات ولا فوضى.
يا جماعة الكلام إللي إنتوا بتقلوه كان هوه الكلام الصح والمنطقي وقت بداية الثورة، وفي أيامها الأولى، وبكل بساطة لأنها ثورة.
لكن وبعد نجاح الثورة وصحيح إن كال مطالب الثوار لم تحقق، لكن الطريق يا جماعة للوصول للمطالب بالطبع هيكون مختلف، أيوه مختلف تمامًا، مش كل واحد مش عاجبه حاجة هيجمع توقيعات عشان يلغيها أو يقضي عليها، يا نهار أبيض أمال ما هو معنى الدولة وما هو معنى القانون؟

إيه يا نوارة ده هتضحكوا الناس علينا!!!
مع اتفاقنا التام على مطالب هذا البيان، لكن السبيل إلى تحقيقها مش ممكن يبقى كده.

negmat said...

هل من الممكن ندخل البيانات على الفورم ونعمل submit وخلاص من غير طباعة ومن غير ما نبعت ايميل يعني ناخد الأرقام القومية وندخلها على الفورم وخلاص ..يا ريت رد عشان اعرف ضروري معلش غشيمة بأة

ام مصريه said...

أنا موافقة جدا بس أحنا الناس العادية نساعد أزاى

ام مصريه said...

كويس قوى بس نعملها أزاى

مصرية said...

معلش يا نوارة أنا مش فاهمة.. هو إحنا دلوقتي هنوقع على اللينك اللي إنتي بعتاه ده وخلاص على كده، ولا لازم نسلم نسخة ورقية لمركز هشام مبارك علشان التوقيع يتحسب

elpasha911 said...

نواره لازم نضيف اسم أحمد شفيق معاهم أحمد شفيق اتفرج علينا واحنا نتدبح فالتحرير احمد شفيق اللي ضده 24 بلاغ ولاحس ولا خبر أحمد شفيق بتاع البونبون ما انتي عارفه سناني بتوجعني وبكرهه هههههههه

Andalosy said...

ودي فورمة جاهزة على شكل ملف ووردد لتسهيل الطباعة والنشر و التوقيع

http://www.palsharing.com/qde6abq869yu.html

mezo_mesho said...

سؤال لك يا اخت نوارة:
هل تثقين فى المشير طنطاوى؟
انا شخصيا لا اثق فيه لانه صديق قديم لحسنى مبارك
وهو ذنب اساسى من اذناب الحزب الوطنى
انا اثق فى الجيش ولكن طنطاوى شئ اخر

ganna said...

لى سؤال لكم جميعا لماذا لم تسال انفسنا لماذا المجلس الاعلى للقوات المسلحه يريد ان يسلم السلطه بهذه السرعه دون ان يعلمنا ماهو حقيقه موقفنا السياسى والاقتصادى وما هو حقيقه ما بداخل الصندوق الاسود حتى يتم التغطيه وحتى لو تسلم ونقل الحكم الى اى رئيس بانه يربأ بان يعلن وسوف يتم التعتيم ونسير فى الدوامه ومن جهه اخرى هل سوف نتلرك الساحه للاخوان ولا ان الوقت بان نملا نحن الساحه ونمارس بكتلتنا ولابد من التخلص من الخوف الى بنعالجه بالخوف حتى لو كان من القوات المسلحه هذا الجيش لابد ان نعلم بانهمن الوطن وهو حارس على الشرعيه ارجوكم اضغطوا لكى نواجه الواقع الذى يحمل فى طياته مجهول لابد ان نعلمه

ganna said...

هل لنا ان نتجمع وبكل احترام وترتيب ولا نخشى فزاعات وان نستعين برموزنا اين انت ياكاتبنا الجليل علاء الاسوانى انت بجلسه اقلت شفيق ارجوكم اغيثونا اغيثونا فرصتنا الحين لاتاخذنا السعى وراء المنهوب اعيدوا مصر اولا

HOWUDA said...

اعتذار للشيطان الرجيم من شعب مصر

نعتذر لك عن تحميلك مسئوله ما يحدث للشعب المصرى طوال 36 سنه

وانت بريء منه ظلمنك ظلم شديد و ارجوا ان تقبل اعتذرنا لاننا عرفنا السبب الحقيقى لفساد البلد كلها و هو عائله مبارك و ثلاثى الشر المخلص عزمى و صفوت و سرور فانت برئ من افعالهم بالشعب المصرى لانهم لا يحتاجون لان توسوس لهم فهم عندهم اكتفاء ذاتى من مخزون الشر العالمى يكفى الكون كله سبع مرات أعتذر لك بعد قرائتى لأقوال من ذهبوا للتحقيقات وأحاديث الدكتور فتحى سرور ومكالمة الدكتور زكريا عزمى وأحاديث عبدالله كمال وعبد اللطيف المناوى وتامر أمين وخيرى رمضان والسيد على وتنحى هيئة محكمة رشيد وعز وعسل ( لأن المحامى مناسب القاضى )، بالإختصار أيها الشيطان من حقك علينا جميعا أن نعتذر لك عن عقود الظلم التى تعرضنا لها.