Sunday 20 March 2011

انتوا عملتوه ماتش الجزائر ليه؟

هو التصويت كان على التعديلات الدستورية ولا على كاميليا شحاتة؟
الحقيقة أنا أحمل الطرفين السياسيين المسئولية الأولى
ليه؟
لأن اول استفتاحنا حصل تدليس اتبنت عليه مواقف سياسية غلط ثم انتقلت الى السلفيين والكنيسة ومنهما الى الشارع
للتذكير:
التصويت كان على التعديلات الدستورية، هل انت موافق على التعديلات الدستورية كدستور مؤقت ثم اجراء انتخابات برلمانية ثم رئاسية ثم كتابة دستور جديد؟ أم انت مش عايز التعديلات دي وبتقول وليه اعمل دستور مؤقت ما ننتخب لجنة تأسيسية بشكل مباشر تعمل دستور جديد دلوقت اهو بعدها انتخابات برلمانية بعدها انتخابات رئاسية، أو نعمل اعلان دستوري بصلاحيات لرئيس محدودة وبعدها نعمل انتخابات برلمانية وبعدين نعمل الدستور، او نعمل مجلس رئاسي وبعدها مش عارفين حنعمل ايه؟ المهم انا مش عاجبني الكلام ده، نعدل ليه في الدستور مدام عملنا ثورة الدستور سقط؟
اذن، الخيار كان ما بين تعديلات دستورية مؤقتة لحين كتابة دستور جديد او نكتب الدستور الجديد من دلوقت
فاكرين؟ 
اه.. طب ايه دخل بقى لو صوتنا بنعم حنجيب الارهاب وحنبقى زي حماس وتقولوا للست اللي بتساعدنا في البيت السنية حييجوا يقتلوكي؟ وايه دخل لو صوتنا بلا المادة التانية حتتلغي وتقولوا للناس الاسلام في خطر انصروا دينكم ويالا نصوت لشرع الله؟ 
ايه ده بقى؟ 
ايه ده؟
الموضوع بالاساس يتحمله السياسيين مش القانونيين
لأن القانونيين كانوا بيتكلموا في القانون وهل المادة 189 ملزمة ولا مش ملزمة
السياسيين لعبوا لعبة قذرة قوي
خصوم الاخوان السياسيين قالوا: احنا مش مستعدين لانتخابات ولو عملنا برلمان دلوقت.. الاخوان حييجوا
الاخوان حييجوا
الاخوان حييجوا
الاخوان حييجوا 
الاخوان حييجوا
راح دول سمعوا الكلمتين دولم وقالوا لك: ايه ده؟ احنا حنيجي؟ طب يالا نيجي بقى.. حنقول نعم
راح دوكهمة قالوا: الحقوا الاخوان بيقولوا نعم.. يبقى الاخوان حييجوا
الكنيسة سمعت الاخوان قالت لك: الاخوان حييجوا؟ يا لهو بالي ياما.. لا الاخوان ما يجوش.. احنا مش عايزين ارهاب
قام السلفيين قالوا: حد بينادي؟ 
وإذ فجأتن حسيت ان وفاء قسطنطين حتطلع لي من صندوق الاقتراع، والموضوع دخل بقى في شرع الله، والمادة التانية، والارهاب، وحماس، وايران، والسعودية، وتركيا، وماليزيا
طب والله العظيم واحدة كتبت لي على الفيس بوك: نعم = ايران والسعودية، ولا = تركيا وماليزيا
مالييييزياااا.. اه.. ماليزيا
الشعب ضرب
طب خلينا نمسك النقطتين الاساسيتين اللي الطرفين صوتوا على اساسهم، الاخوان حييجوا، حنلغي المادة التانية.
مبدئيا: الاعلان الدستوري سواء في التعديلات الموجودة او اللي الجيش حيعمله لو النتيجة طلعت لا، المادة التانية مش حتبقى موجودة، لأن ده اعلان دستوري
ثانيا: المادة التانية مش حتتشال بلا، ولا حتتحط بنعم، المادة التانية تتشال او تتحط بالتصويت على دستور جديد، سواء الدستور اتعمل دلوقت اهو او كمان عشرين سنة، دي مادة اساسية لها علاقة بهوية الدولة موجودة في دستور 23 ومش حتتشال الا اذا الناس صوتت على انها تتشال
فيه دستور جديد حيتعمل، سواء دلوقت حالا، او كمان سنة ونص، المادة دي حتبقى موجودة فيه وحتتاخد كوبي بيست من مكانها كده زي ماهي وتتحط في الدستور الجديد.. عشان نبقى واضحين مع بعض يعني، ماحدش عايز مشاكل
بالذات المسيحيين مش عايزين مشاكل، العلمانيين هم اللي ساعات يلكوا فيها شوية، ومش كتير والله، يعني البرادعي مش معترض عليها، البسطويسي مش معترض عليها، والعلمانيين المتطرفين - اللي عاملين زي السلفيين بالظبط - حيتكلموا فيها، بس مش شرط مسيحي ولا مسلم، لما بتسمع مسيحي بيتكلم فيها بيبقى عشان هو علماني، لكن المسيحيين العاديين اللي ستاتهم بيلبسوا اسود ويقصوا شعرهم دول والله العظيم ما فتحوا بقهم ولا اتكلموا فيها، ومش عايزين يشيلوها، هم عايزينكم تعاملوهم كويس بس، الكنيسة مش معترضة عليها، وماحدش عايز وجع دماغ، ووالله لو عبد المعطي حجازي حب يعمل شوية وجع دماغ آخره يكتب مقالة في الاهرام، ولو حد انطس في عقله آخره ينزل المادة دي للتصويت: نشيلها ولا نخليها؟ وابقى قابلني لو حد صوت على انها تتشال
يعني تصوت بنعم تصوت بلا الموضوع مالوش علاقة بالمادة دي خالص
بالنسبة للاخوانوفوبيا بتاعة: الاخوان حييجوا.. هم كانوا مشيوا فين؟ ماهم موجودين اهم مآنسينا.. موجودين في التحرير ومات منهم ناس كتير، حيبقوا موجودين طبعا في البرلمان، وحيبقوا موجودين في اللجنة التأسيسية اللي حتنتخب لكتابة دستور في حالة التصويت بلا، ولو عملوا مجلس رئاسي لازم يبقوا موجودين
لو اللجنة التأسيسية او المجلس الرئاسي اتعملوا بالانتخاب، الاخوان حينزلوا بسليم العوا.. انت بقى - اي انت في الدنيا - مين اللي عندك تعرف تنزله قدام سليم العوا؟ لو لجنة تأسيسية حينتخب رئيسها باكتساح، ولو مجلس رئاسي منتخب برضه حياخد اصوات باكتساح، وبرضه الاخوان حيشاركوا في كتابة الدستور، كتبته في برلمان، كتبته في لجنة تأسيسية، كتبته في بير السلم، الاخوان موجودين
يعني برلمان فيه نسبة اخوان 35 في المية، ارحم على القوى السياسية التانية من لجنة تأسيسية فيها سليم العوا لوحده وهو كفيل يقوم بالليلة كلها وابقوا قابلوني لو حد معاه في اللجنة عرف يتني له كلمة، هو نفر بألف مقعد في البرلمان، ولو حد زعله وانسحب من اللجنة.. بلاش نتخيل ايه اللي ممكن يحصل، وحيطلع يتكلم وهو لطيف كده وكاريزما، وحيقنع كل الناس
هو انتوا مش عايزين الحق ولا عايزين اللي يضحك عليكم؟ 
طب انتوا حشرتوا الكنيسة ليه؟ زنقتوها ليه المزنق ده هي ذنبها ايه؟ وتدلسوا عليها وتخلوها تحشد للتصويت بلا عشان خايفة الاخوان يقتلوها وانتوا عارفين ان السلفيين مركزين مع الكنيسة ومافيش في حياتهم غيرها اول ما لقوها بتتكلم راحوا ناطين في الليلة.. ليه كده؟ ليه الاذية دي؟
وليه تدلسوا على الناس وتفهموهم ان التصويت في الاستفتاء ده مسألة حياة او موت وانتوا عارفين ان المسألة مجرد اختلاف في ترتيب الاجراءات؟ وليه لما تحاولوا تفهموهم انها مسألة حياة او موت تربطوها بالاخوان وانتوا عارفين ان الاخوان لن يتم اقصاؤهم من اي تشكيل سياسي، حتى لو الجيش عين اللجنة التأسيسية او المجلس الرئاسي ما يقدرش يتجاهلهم؟ وليه الاخوان ما عندهمش حصافة؟ وليه بنوا افعالهم على ردود افعال وتخيلوا فعلا ان مصلحتهم الوحيدة في نعم وان لو حد صوت بلا يبقى قصده يقضي عليهم وينهيهم كجماعة؟ وليه لما يحسوا ان فيه تهديد عليهم كفصيل سياسي يستغلوا السلفيين اللي قعدوا تلاتين سنة في عزلة ويا اما يتحبسوا ويتعذبوا يا اما ماشي وارهم مخبر امن دولة لحد ما جالهم اوتيزم وما بيشغلش فراغهم غير في الكنيسة والكنيسة هي كل حياتهم ومالية عليهم اوقاتهم؟ وليه يفهموا السلفيين ان الموضوع له علاقة بالمادة التانية وهم عارفين ان المادة التانية فكرة متسلطة عليهم وبيتعاملوا معاها طبعا من منظور انها غايظة الكنيسة اللي عمرها ما فكرت تلغيها اساسا لأن الغاء المادة التانية بيقلل سلطات وصلاحيات الكنيسة نفسها؟ 
ليه الاذية دي؟ ليه كده؟ 
ليه مافيش سياسي واحد كان عنده من الأمانة انه يقول للناس ان انا رايي لا بس لو طلعت نعم مش كارثة او انا رايي نعم بس لو طلعت لا مش كارثة اللهم إلا جلال أمين بس هو اللي كان صادق؟ 
وليه الرباعي المرح: الاخوان، والفصائل السياسية المنافسة، والسلفيين، والكنيسة.. ليه لعبوا بالناس وقلبوها طائفية والناس قبل الهلولة دي كانت بتتكلم ما بين "عايزين الدنيا تمشي بقى وحنصوت للاستكرار" او "لأ.. ده الكانون بتاع مبارك الحرامي الوسخ" وفجأة نسيوا الكلام ده وبقوا يقولوا شرع الله او لا للارهاب؟ ليه؟ ليه الاذية دي؟ 
حرام عليكم.. ليه كده؟ ليه كده؟ 
امال انا نشرت مقال بلال فضل ليه وانا فاهمة انه حيصوت بلا وانا حاصوت بنعم؟ 
ما فيش رحمة؟ مافيش خوف من ربنا؟ مافيش خوف على البلد دي؟ مافيش حرص على الثورة؟ 
كل واحد عايز مصالحه الحزبية ومصالحه الشخصية وبيلعب بالناس وبيستغل آلام وأمراض عششت بقالها 30 سنة بدل ما يعالجها او على الاقل يسيب الجرح كانن في مكانه بدل ما يحط عليه ملح؟ 
كل ده عشان مكسلين تعملوا احزاب وتنزلوا تشتغلوا في الشوارع مع الناس؟ هو انتوا عملتوا الانتخابات البرلمانية بكرة الصبح ولا عملتوها كمان سنة ونص ده حيقلل من ثقل الاخوان في الشارع؟ والاخوان راخرين رايحين يتحالفوا مع السلفيين وهم عارفين ظروفهم؟ هم السلفيين فصيل سياسي اساسا عشان الاخوان يتحالفوا معاه؟ كويس كده لما البرادعي ينضرب وتيجي في وشكم؟ وليه كده تحشدوا مع الاخوان وتدخلوا المحلاوي في النص وبعدين ترجعوا في كلامكم وهوبا ايه هوبا اه.. واجب شرعي ايه؟ احنا حنعيده تاني؟
ما حدش يكلم السلفيين ولا الكنيسة.. ماحدش يكلمهم ولا يشتمهم ولا يلومهم، ناس بقالها 30 سنة شافت المرار في عيشتها، وخلاص اتعبت والجرح ملا صديد، تداووهم ولا تستغلوا جراحهم؟ 
وبعدين احنا لسه مش عارفين النتائج.. النتائج الاولية دي ممكن تتقلب 180 درجة دول سبع دواير بس لحد اللحظة اللي باكتب فيها دي. بقى من اول سبع دواير عايزين تعملوا زي فردوس عبد الحميد ومحمد فؤاد بعد ماتش الجزائر ومصر في ام درمان وتقولوا لنا السلفيين دخلوا الازاز في تي شيرتي والاخوان قلعوا لنا البنطلون؟ ولسه ما عرفناش النتائج النهائية والاخوان طالعين يقولوا: مش اي اي ولا زي زي ده احنا احنا ولا اتحتحنا؟
واللي زاد وغطى كام واحد يطلعوا لك زي الخازوق لوحدهم يقولوا: الرئاسية الاول قبل البرلمانية. طب وائل خليل شايف وجهة نظر وانا متفقة معاه فيها: من كتر الكسل مش عايزين يشتغلوا سياسة ويعملوا احزاب، عايزين يجيبوا رئيس تبعهم ويروحوا راكبين على كتافه ويبقوا تبع الرياسة بقى... يا ختيييييييييييييييي.. هزوها شوية.. هزوها وقوموا شوفوا لكم حاجة تعملوها.. اي حاجة: احزاب.. قوائم.. قوانين انتخاب جديدة تنظم عملية الانتخابات والدعاية لها بدل المهزلة اللي حصلت في الدعاية ودخل شرع الله والارهاب في الموضوع .. بعد شوية نلاقي الاهلي والزمالك دخلوا في دعاية البرلمان
وبعدين بقى.. وبعدييييين؟ انتوا ليه مخلييني اتكلم طول الوقت زي السادات: عيب يا ولد.. عيب 
فين روح التحرير يا شباب؟ فين روح التحرير لما كان الشعب ايد واحدة، ولما تحصل اي ازمة كل واحد يغلط نفسه ويعذر اخوه؟ 
احنا اللي بتنا في التحرير مع بعض وكنا بنقسم اللقمة.. احنا اللي كل واحد فينا كان بيرمي جتته على اخوه عشان يموت نفسه ولا ان اخوه يتصاب.. احنا اللي المنقبات وقفوا يصلوا في القداس والمسيحيين صلوا كل الجمع مع المسلمين.. 
وماحدش بيتكلم باسم الثورة.. بس أم الطفل هي اللي ما ترضاش ابنها يتقسم نصين بالسكينة
الاحرص على وحدة الصف هو صاحب الثورة الحقيقي
نضم بقى على بعض
النتيجة لو طلعت بلا.. كلنا شغالين مع بعض عشان نعمل لجنة تأسيسية ودستور جديد
لو النتيجة طلعت نعم.. كلنا شغالين مع بعض عشان نعمل برلمان ائتلافي شبه ائتلاف ميدان التحرير ويعبر عنه
واللي ما يرضاش بالاستفتاء ونتيجته يبقى هو اللي مش مستعد للديمقراطية
واللي يقدم الخصومة على المصالحة يبقى هو اللي عايز يهدم الثورة
وخيركما من بدأ بالسلام
الشعب النهاردة.. كالعادة، مستواه اعلى من النشطاء والسياسيين والكتاب والمثقفين وكل البشريات دولم اللي بيسموهم نخبة، وكانوا واقفين في الطابور بهدوء واحترام، فرحانين، ومطمئنين، وحاسين ان بقى لهم قيمة، وبيراقبوا اللجان، وبيطالبوا بحقهم، ويقولوا الحبر مش عاجبنا، ولما حد بيفرض عليهم رايه بيتخانقوا معاه وبيمشوه، وطردوا فتحي سرور من اللجنة، وطلبوا من عبد العظيم وزير ومرشد الاخوان انهم يلتزموا بالطابور، وكانوا فلة كده
فلة
ادي الشعب اللي مش مستعد لانتخابات ولا للديمقراطية 
والله ما مستعد ينام من غير كوافيل غيركم ياللي قلبتوا لنا عيدنا نكد

142 comments:

xxx said...

انا اسف مش حقبل بنتيجة نعم عشان اللي وصلوا ليها باسلوب مقزز من استغلال الدين والمال والجهل هذه ليست ديموقراطية هذه اسمها الركوب على المجتمع لتنفيذ مصالح ولو حد شاف ديموقراطية في اللي بيصحل اشوف شكل امه عشان اغسله

Widiman said...

ولا كـأن الاخوان تاجروا بالدين و كلوا بعقل البسطاء حلاوة بأسم الدين علشان يضمنوا النتيجة - أنا عن نفسى كنت ممكن أقبل اى نتيجة لو مفيش حركات ندالة من أى طرف - لكن اصحى الصبح ألاقى كل مصر داخلة تقول نعم علشان نصرة الاسلام أو المادة التانية يبقى أحة و -- أم تهييسك اللى بيبرر الموقف و بتتهيمينا ان احنا اللى طيزنا تقيلة و مش عاوزين نتعب - ده احنا 24 ساعة فى الشارع بنفهم الناس و نوعيهم بس للأسف كنا بنتكلم مع الفئة المتوسطة المتعلمة ونسيينا خالص موضوع السكر والشاى و حجز منابر الجوامع

wisdomtooth1977 said...

very good opinion, couldn't be simpler or more direct , another masterpiece nawarrah , bas ya rab elnas tefham

wisdomtooth1977 said...

very good opinion, couldn't be simpler or more direct , another masterpiece nawarrah , bas ya rab elnas tefham

Mahmoud said...

أعادة أعتقال الشيخ محمد الظواهرى
قوات الأمن مدججة بالأسلحة قد حاصرت منزل الشيخ محمد الظواهري بمنطقة المعادي والشوارع المحيطة به واقتحمت المنزل بقسوة حيث لم تراع حرمة المنزل وروعت الأطفال والشيوخ والنساء ثم قامت باعتقال الشيخ محمد الظواهري من منزله بطريقة مهينة وغلظة وقسوة مع ذويه مع التهديد والوعيد إذا تم الاتصال بوسائل الإعلام!http://www.almaqreze.net/ar/index.php!

محمود شلبي said...

معلش ماهو اللي ما يعتبرش بدروس الماضي يبقي اهبل... لازم الناس علشان تعيش في نسيج واحد تقدم مصلحة الجماعة...مش المقصود انه يغير رأيه علشان خاطري....انما اللي حصل النهارده ان ناس بتدلس بإسم الدين علشان تكسب مصلحة شخصية.... ازاي اضمن بعد كده ان أي موقف هيتاخده الناس دي مش سلم لمصلحة شخصية تانيه؟؟ ما ينفعش نقعد نقول كلنا غلطنا يالا نبوس علي راس بعض لأ كل واحد لازم يعرف غلطه فين و يعترف بيه و يعمل جاهدا علي عدم تكراره

من مغربي said...

بالتوفيق يا مصريين. المهم أن تأخدوهاخطوة خطوة، و لا تدعوا أحدا يخاطبكم بفوقية و قداسة لأن هدا لا هو من دين و لا ديمقراطية .. أنتم في الطريق لأمتل

Omadham said...

السلام عليكم و رحمة الله و بركاته
الساعة عندنا دلوقتي اثناشر بالليل, لكن ما قدرتش أنام قبل ما أطمئن على مصر و عليكي
الحمد لله برغم كل شيئ
الحمد لله و الله أعلم أنا حاسة ان اللي بيحصل ده كله كويس
طول ما فيه آه و لأ
طول ما في حد بيسعى لتحري الحق
طول ما حنمشي صح
ربنا ينصرنا كلنا على المفسدين
في كل بقاع الأرض
لا أزكيكي على الله يا نوارة
ربنا يسدد خطاكي يا حبيبتي و يهديكي دائما لطريق الصواب

Eng.Tamer said...

على فكرة فعلا الاخوان لعبوا فى الاستفتاء على موضوع ان نعم دى واجب شرعى بكثافة

يكفى ان انا من سكان المعادى و بعد ما صوتت روحت اشترى حاجة من السوبر ماركت ...البنت اللى قاعدة ع الكاشير شافت صباعى بمبى (( و هى عارفة انى مسلم )) قالت ايه ها قلت نعم ولا لا

قلتلها لا طبعا ... لقيتها بصتلى باستغراب اوى و بتقولى ليه كدة ...دى نعم بتاعة المسلمين و لا دى بتاعة المسيحين

فين بقى عقبال ما اقعد افهمها و اشرحلهاو من هنا لهناك لحد ما فهمتها ان لا و نعم ملهمش علاقة بالدين و ان الاختلاف بس فى ترتيب الاجراءات اللى بتحصل

انا بحكيلك ده لانى ساكن فى المعادى .... فلما واحدة فى المعادى يتأثر عليها بالشكل ده .... فما بالك بقى بالناس اللى فى القري و الاقاليم اللى ممكن يكونوا مش بيشوفوا تلفزيون اصلا و كل اخبارهم بيخدوها و من شيخ الجامع او القهاوى

ده حتى كمان امبارح بالليل قابلت واحد بعد ما عرف ان نتيجة الاولية 75% نعم
قالى عشان تعرف ان المسلمين فى مصر أد ايه ... ال 35% اللى فاضليين دول هما المسيحين و العلمانيين


والله العظيم الموقفين اللى بحكيهملك دول حصلوا

Argenda said...

الأهم إحترام النتيجة و الكل يضغط على الكل في الإتجاه ده مش عايزين مشاكل
في ألف واحد نفسهم الناس تمسك في بعض بعد النتيجة و يقولوا مش قلناالكلام ده مينفعش ديموقراطية مش هقول بلاش نشمت حد فينا بس نفسي أقول دفعنا كتير أوي عشان اليوم ده يجي بلاش نضيعة في لحظة
مش مهم نختلف مش مهم النتيجة مترضيش الناس أهم حاجة إنك رحت و عملت اللي عليك و راقبت و بعدين عايز تختلف إختلف بس بالكلام المحترم و بس كفايه قرف من بتاع زمان

2ensan wnsan said...

متأخر أوي الكلام دا

من أجل حقوق المصري said...

حطي في إعتبارك بجد إن فيه ناس كتير ماكنتش رايحة عشان الماتش، كانت رايحة بقناعتها فعلا

وحاولي تقرأي الأرقام الأولية عادي
تباين الأرقام والله لو قلتي دول السلفية أو الاخوان مش هيعملوا الفرق دا في بعض المناطق ، سيناء مثلا
ماحدش يقدر يعمل الفرق الرهيب دا
الناس مقتنعة فعلا بإختيارها
موضوع الدين مهما كان مؤثر مش هيخلي التباين كدا

لازم الناس تحترم وجهة نظر بعض، واللي هيقول علينا إن إحنا جهلة هديلو بالشبشب
إحنا اللي كنا بنتكلم إنجلش لانجويش في التحرير فجأة يتقال علينا جهلة ومابنفهمش ، وحسان هوا اللي بيسوقنا

مع إحترامي بجد لكل واحد كان له وجهة نظر، العمارة بتاعتنا 80% منها قالت نعم مقتنعة إقتناع تام بدون أي ميول دينية


نشكر الجزيرة بشكر تونس، مافيش ظلم تاني مافيش خوف تاني، مافيش جهل تاني هوا دا شعب مصر واللي هيجيبه لازم كلنا نوافق عليه

marymarmar80 said...

http://www.youtube.com/watch?v=HjNgubJ06Gk&feature=player_embedded
الاستفتاء على الدستور!!! تزوير علنى

Unknown said...

كلام جميل جدا وهادف وياريت الناس تفهم وتقدر الموضوع ونبطل نمشي ورا كلام وخلاص من غير مانفهم

marymarmar80 said...

انا اسفة لان الفيديو بتاع التزير طلع سنة 2007. بس هو 2007 كان فيه نفس الاستفتاء؟!!ز

mona hamdy said...

يسلم لسانك يا نوارة انتى قولتى اللى انا حاسة بية بالظبط مع انى قولت لا ومش خايفة النتيجة تطلع نعم بس خايفة لتكون هى دى الطريقة اللى ها تيجى بيها وخصوصا اننا لسة بنقول يا هادىmona hamdy

mona hamdy said...

يسلم لسانك يا نوارة انتى قولتى اللى انا حاسة بية بالظبط مع انى قولت لا ومش خايفة النتيجة تطلع نعم بس خايفة لتكون هى دى الطريقة اللى ها تيجى بيها وخصوصا اننا لسة بنقول يا هادى

عادل said...

السلام عليكم
انا عيبى الوحيد ان مش بقتنع برأى حد غير رأيك وانت مفيش عندك حاجة تقوليها تبسط ابدا كل ضرب ضرب مفيش شتيمة انا على فكرة بره مصر وكل اليوم الصبح افتح المدونة قبل اى حاجة عشان اشوف رأيك ايه للأسف بلاقى الدنيا ضلمة مفيش مرة فرحة كده على الصبح انا كنت متابع التليفزيون امبارح وحسيت ان الدنيا ان شاء الله هتكون كويسة ايه اللى قلبها عندك كده .عموما ان متفائل خير وما تنسيش ان احنا بعد ماتش الجزاير خدنا بطولة افريقيا

keko said...

فالجون
بس في حاجة لازم ناخد بالنا منها وهي ان الناس البسيطة اللي هما الاغلبية الكاسحة اتأثرت ببتوع المهلبية السؤال هنا بقي هل نستعمل نفس اسلوب المهلبية المرة الجاية واعتقد ان ده هو الحل

ولا نفضل محترمين بس للأسف صندوق الانتخابات ميعرفش البرينسيبالز والكلام ده

مش مهم المرة دي الجايات اكتر من الرايحات


بس اسلوبهم كان زبالة اوي

Talal Hefnawy said...

نوارة.. مستحيل كان هاييجي دستور جديد قبل إنتخابات.. مصر كانت هاتدخل في صراعات سنة واللا سنتين بس عشان نوفق على لجنة تأسيسية ناهيكي عن كل مادة وكل نقطة في الدستور. ومع الأسف، هدف البعض كان عطلة سنة سنتين.. الباقي كانو فعلاً بيحلمو بدستور جديد وخلاص. بس كان فيه لعبة قذرة قوي بتتلعب. والدليل زي مانتي قلتي حشد الكنيسة بالشكل دة ضد الإخوان.

Sherif said...

معلش يا نوارة, ترتيب الأحداث هنا مهم: هو الليبراليين اللى ابتدوا يخوفوا الناس من نعم عشان هتجيب الإخوان الأول, ولا الإخوان اللى دخلوا فى سكة لا معناها إلغاء المادة الثانية وتضييع شرع الله الأول؟ يعنى باختصار, مين اللى ابتدا بالانتهازية والبحث عن أقصر طريق؟

Ahmed said...

لأسف اللي حصل ده بروفة للأنتخابات الجاية! الناس لن تختار الأصلح، ولكنها ستختار الأعلى صوتاً والأطول ذقناً

sadek said...

لازم يكون فيه ا يكونة شير للمقالة اذا عجبتني علشان احطها عندي على الفيس بوك ، ازاي دي معرفهاش ممكن تسالي حد فاهم في المدونات ، لكن مينفعش لو مقالتك عجبتني اخذها نوت وبعدين ممكن يتحسب عليا سرقة فكرية وانا راجل بخاف ربنا
عموما صباحك اشطة وفي رواية اخرى قشطة

الدرويش المرووش said...

يسلم فمك
أنا فعلا كنت هأطق من الهبل اللى الواحد شايفه ده

بس معلهش
الناس لسه مش متعوده على الحريه

Anonymous said...

والله كلامك هايل يا نوارة .. في الحالتين مافيش كارثة ها تحصل ... غير اني خايف من حاجة واحدة بس هي الشماتة م الجهلة اللي من فريق نعم أو لا في الفريق الآخر لما تطلع نتيجة الاستفتاء .. الحكاية اتفلبت شرع ودين وارهاب و غباء و هي و لا ليها علافة بأي حاجة من دول .. ثم لو عايزين فعلا نلم كل الاطراف المتجاوزة باسم الدين و الشرع و كل اللي شعللوا الدنيا .. احنا عندنا كل الجرايد و ارشيف القنوات موجود نشوف مين اللي اخترق قرار المجلس العسكري بعدم توجيه الرأي العام لصالح أي كفة في اليومين اللي فاتو وهما كلهم هيتلموا
بس تقييم تجربة الاستفتاء ككل هي مذهلة من حيث المشاركة و كمان محتاجة لاعادة نظر في الاجراءات الادارية و كمان مدة الاستفتاء بس هي في العموم هايلة لو كل الناس نزلت بعد كدة بنفس الأعداد وانشالله يكتروا البرلمان اللي جاي أكيد هيكون متوازن و مقبول اذا تلافينا المهازل الطائفية و مظاهرالتشدد و التخوين و التكفير اللي شفناها من كل طرف
وشكرا

Unknown said...

لا وقت الان للسباسة
الناس فى الشارع فاهمة حاجات غلط وفي حاجات مش فاهماها
الوضع لواستمر كده لحد انتخابات البرلمان
ليلتنا سودا
الحل marketing
نعمل نت ورك مجموعات من 5 افراد
تنزل نوصل افكار ورسائل لاتتعدى الخمس جمل ممكن اللى عندة 6 سنين يفهمها تبقى مركزة وفيها الشفا و موحدة على مستوى مصر مفيش خطب ولا نقاش و لا احتكاك بحد كل مجموعة ليها 3 ساعات فى الاسبوع وليها تارجت معين ومعاها بوسترات فيها الكلام البسيط دة
عايزين مجموعة عمل خبرا فى marketing و sales و السياسين و الاعلاميين
يحطوا الفكار اللى تنزل الشارع فى رسائل واضحة مصاغة بعناية وتساهم فى خلق جو ايجابى علشان القرف اللى حصل فى تضليل الناس دة ميكررش الحمد لله ربنا ستر لان الاختيارات كلها المرة دية بدايات لنهاية واحدة فمش هتفرق لكن اللى جاى غير كده خالص
وبعد الرسائل اللى هتفيد مسار الثورة وتجنب المجتمع المخاطر تتحدد
نحط تصور للشرائح من المجتمع اللى هنوصلها الكلام دة وايه اللغة والادوات ثم تركيب المجموعات المناسب للشرائح دية واسلوب الوصول وكل اسبوع رسالة واضحة ومحددة تنزل الشارع تعلم فى عقول الناس و بتوع وسائل الاعلام يحاولوا يبرشطوا على البرامج ويرددوها علشان الناس تحفظها

Unknown said...

يا نوارة أرجوكي إختصري مقالاتك شوية .. أنا بحب أقرالك جدا .. سهلي المهمة عليا عشان أقدر أكمل معاكي

Ahmed-Badr said...

التلت أيام الى عدوا اتكلمت مع ناس كتير على التعديلت كنت ببدأ بأنى أقول لا نعم حتخربها ولا لا حتودينا فى 60 داهية هى كلها واحد فى الأخر فلو سمحتم وحياة كل غالى عندكم صوتوا بلى أنتو شايفينو فى مصلحة البلد و متهيجوش و تنفجروا لو طلع غير الى صوتوا بيه و متشمتوش فينا
المخلوع

طبعا يوم الجمعة و الخطب المبدعة شحنة الناس كلام فارغ عن المادة الثانيةو الشريط الإستقرار و تهديدات العريان بالحكم العسكرى(بكره الراجل ده) فزعتنى أنا شخصيا --- و مع أنى قلت لأ ححمد ربنا لو جت نعم عاشان الى فعلا مش فاهم و خايف زى الإخوة السلفيين و الناس المسكينة الى بتركز فى الخطبة متمسكهمش جنونة لأنهم مهما كانوا ناس غلابة
طبعا فى قالو نعم ناس مستنيرة زى سيادتك و أنا شخصيا كنت بقرء قصة على صبحى و عمرو البحيرو و بفكر لازم الجيش يمشى لازم الجيش يمشى بالأضافة لأن فى أسباب كتير لبتوع لا تبان دلع
أماجهة لأ فبالنسبة للأخوة المسيحيين كلمتين بس بيخلونى اسامحهم (عبود الزمر) اييه الراجل دا يا ربى يفتح بقه يطلع فزع و هلع المسيحين سمعوا حكم اسلامى و جزية و الحقينا يا عدرا

أما بتوع لأ(الى كانوا مقتنعين بيها لأاسباب منطقية) فالمفروض أنهم كانوا بيبيعوا كلمة الديموفراطية و الشرعية الثورية و الكلام الكبير أوى دا فلو دول مستقبلوش حكم الأغلبية لوحدهم كده مهما كان وحش يبقى يستهلوا يخدوا على دماغهم

المفروض ان الموضوع دا علم الأحزاب إن التلفزيون-الجرايد و النت مش كفاية على رأيك لازم يهزوها و لازم يبدئوا من دلوقتى يتكلموا مع الناس الى مالهاش لا فى التور ولا فى الطحين

elzahraamegahed said...

أحب اعرفك ف الاول ان انا واحده اتربيت فى بيت اعتداله من وجهة نظرى الان غير طبيعى ، يعنى امى كانت بتخلينا نسمع القداس وما ترضاش تقلب التليفزيون وتقعد تحكى لنا عن صاحبتها المسيحيه أيام الدراسه وأد إيه مفتقداها وادالمسيحيين بيحبونا وان سيدنا محمد وصانا بيهم والكلام اللطيف ده ولدرجة إن لما تيجى كلنه للبابا شنوده مامنا تقولى انا بحب اسمع الراجل ده كلامه حلو وبيحب الاسلام ( على فكره امى متدينه والفرض بفرضه) وابويا شرحه وعلاقاتى عاديه باخواتنا المسيحيين وميه ميه

لحد ما لاحظت مواقف وتصرفات من زملاء ومعارف وطلبه عندى ف الكليه وضحت لى انه فيه حاجه غلط، المهم انا ممكن ابقى احكى لك نجاربى العديده فى موضوع التشنج الطائفى ده بعدين

من بعد حادثة اطفيح وانا بدخل مواقع اخواتنا المسيحيين وفوجئت بتعليقاتهم وكلها بتدور فى فلك التعديلات تترفض عشان الماده التانيه تتشال لوى دراع وانهم يعملوا ثوره وانسب وقت للوى الدراع دلوقتى والبلد ضعيف وهشه

يعنى انا خدت رأىى على أساس غير سياسى بسبب الخوف على القلق اللى ممكن يحصل لو الماده اتناقشت دلوقتى مش خوف على الماده

لو نحبى تعرفى نماذج التعليقات اللى بتتكلم عن تدويل القضيه وحق تقرير المصير وملا يين المتنصرين اللى مستنين الللحظه وخايفيين من المسلميين وعن مصر اللى للمسيح زى ما أبوهم قالهم وحاجات من هذ القبيل

بعد اعتصام ماسبيرو التون زاد وأحب اقولك انهم مسمينها ثورة الأقباط ,احب أعرفك وأنتى المفروض عارفه إنهم ما بينقلوش قدم عن قدم الا بإذن البابا و إنهم حزانى على مبارك أو بمعنى اصح حاسين بالضياع وكل تعليقانهم حسره على أيامه

أنا قولت نعم عشان أيقنت انهم
هيعملوا وش والبلد مش هتتحمل الكلام ده دلوقتى

إنتى بتقولى انهم مش عايزين الماده التانيه تتشال ، اللى قال كده الرأى الرسمى للكنيسه وما قالش كده بالضبط قال عايزين ماده للمسيحيين

أنا اللى اعرفه انه حقهم ان يتحكم بينهم بشرعهم فى مسائل الزواج والطلاق والإرث والكلام ده قانون الاحوال الشخصيه ينظمه ، لكن مش فاهمه عايزين يتحط فى الدستور ازاى وده ممكن ازاى لا يتعارض مع زواج المسلمه بالمسيحى مثلا(منتشر اليومين دول ومتاؤوس اللى افرج عنه كان محبوس بسبب موضع من ده)
وممكن يتعمل ايه فى موضوع التبنى ( وطاسونى مريم راغب اللى بيطالبوا بالافراج عنها والا سيعاودوا الاعتصام متورطه فى قضية بيع اطفال مسلمين لاسر مسيحيه بحجة التبنى

المهم تنازل الكنيسه عن الغاء الماده التانيه بتقدمه فى مقابل اضافة ماده خاصه بهم

أخيرا أحب أفسر لك الجمله :
نعم = ايران والسعودية، ولا = تركيا وماليزيا
ده من الاخر حد ذكى او بيتذاكى بيقولك لما تقولى لا مش هتبقى بنبعد عن الاسلام ، بس احنا عايزين اسلام تركيا وماليزيا لكن مش اسلام ايران والسعوديه واللى بيقول الكلام ده مش عايز اى اسلام خااااالص

واخيرا احب اوضح معلومه انا عندى 30 سنه وعمرى ف حياتى ما شفت حد من الاخوان ولا السلفيين ولا اتعاملت معاهم هما بالنسبه لى المقالات اللى بقراها عنهم والفكره السلبيه جدا جدا اللى عندى عنعهم وخصوصا ان ابويا ضابط شرطه لا وايه متصوف فتخيلى السلفيين دول فى ذهنى ايه

فاذا كنت انا اكسدت كده وبنيت رأىى بناء على موقف وتصرفات المسيحيين يبقى الاخوانجيه عملوا ايه

محمد صبرى said...

اللى قالوا لأ بالأساس , قالوا لأ ضد الضبابية , ضد الفهلوة و البنا على أساس مش سليم ,ضد سياسة التخيير بين الطريقة المثلى أو مواجهة الفوضى و الأخطر و الأهم ضد احتكار الحقيقة , و استغلال الجهل سواء بالرشوة العينية أو بالابتزاز الديني , بصراحة أنا شايف انه آن الآوان انه اللى قالوا لأ يتكتلوا لأنه أغلبية ديموقرطية غير ناضجة سياسيا بتعتمد كل المثالب سالفة الذكر وسيلة لادارة حياتنا هى اخطر ما سنواجه المرحلة القادمة , و مواجهتهم استحالة تقدر عليها فصائل متناحرة . لابد من استلهام تجربة التحرير و الاصطفاف سريعا و سريعا جدا تحت لواء تكتل سياسي بينادى بالمهنية بالمدنية ضد التدليس ضد الخيارات الآحادية .

محمد صبرى said...

كنت دايما ضد حزب 25 يناير لانه بالضرورة هيكون هدف لمجموعات السطو على الثورات , اللى بيتلونوا بلون كل عصر لتحقيق مصالحهم الشخصية , و اكيد هيتكون جواه مجموعات شبيهة بمجموعة الضربة الجوية اللى استغلت انتصار اكتوبر -و اللى هى بالاساس متعرفش عنه حاجة- لاحتكار الحق و الحقيقة , و لانه هيكون حزب مفرغ من الايدولوجيا,باعتبار انه القيم اللى جمعت ثوار يناير-كرامة حرية عدالة اجتماعية- مفروض انها قيم مشتركة مفروض تسعى الأحزاب لارساءها من خلال برامجها الفكرية على تنوعها من اليمين لليسار , انما تكتل مدنيي 19 مارس بالاساس ملوش مصلحة شخصية بالعكس هو ضد تيار المصالح الشخصية و كمان قيمه الفكرية واضح انها فى جوهرها متآمر عليها من قوى ظلامية مواجهتها هى الأساس لأى حركة تنويرية برنامجها وطنى , هويتها مصرية , أهدافها نهضوية

Ahmed Mohamed said...

معنديش مشكله في نعم مش هنموت يعني وادينا بنسخن لثوره جديده
يسقط يسقط المرشد العام

حلال دا ولا حرام يا جدعان
يفهمو الناس ان نعم تقوي ولا كفر
والله بسأل عامل قالي
نعم ياشيخ نعم اتقي الله
!؟!؟!؟!؟!؟!؟!؟!؟!؟!؟!؟
عشام لفظ االجلالة مش هغلط

حلال دا ولا حرام يا ناس
عربية المحافظه تخرج في الشارع
نعم للتعديلات نعم للحريه


كل الي كنا بنطلبه اننا نوعي ام الناس ونعمل الدستور بأييدينا
بمشاركة كل الناس
ويجي المجلسس والرئيس يمشو عليه

جتنا خيبه
انا زعلان ومقهور مش عشان الاغلبيه قالو نعم
عشان الي اتعمل
سواء من الاخوان او السلفيه او الكنيسه
عشان هي كمان بعتت ناس بالجمله

شكرا يا جيشنا

الفت سلطان said...

عايزين نحل الحزب الوطني و نمنع اي عضو سابق او حالي من العمل السياسي 5 سنين.

salma dodin said...

allah yesalem tomek we alamek ya nawarah......ana asfeh ene baktob bel english.
ana men falasteen we bamoot fe 7ob masr we mtab3a el thawrabmen awelha we men ablaha kaman.....men ayam 6 april we el shaheed khalid sa3eed we ablo kaman.....ma tetsawaresh 5al3et el alb ele sabatnee wana batabe3 el mawdoo3 el ayam hay!!....sho hada!! wallah 5ofet men el feteneh ele berahen 3aleha 7osnee we shelto!!....bas ana mo2meneh eno el masryeen enshallah azka men heek we ra7 yerja3oo yatadrko el mawdoo3 we yewa7doo el sofoof...albee ma3akee ya masr we ye7meekee beshababek ele fe3lan athbat eno ho el ward ele fata7 fe ganayn masr!
bel nehaya amaneh tewaslee salamee men falasteen la kol masri we masrya....we bosa gamda la 3am negem el gameel el ghaza khayalna kolna we ta7yatee el khasah leekee ya nowaretna!


salma

salma dodin said...

allah yesalem tomek we alamek ya nawarah......ana asfeh ene baktob bel english.
ana men falasteen we bamoot fe 7ob masr we mtab3a el thawrabmen awelha we men ablaha kaman.....men ayam 6 april we el shaheed khalid sa3eed we ablo kaman.....ma tetsawaresh 5al3et el alb ele sabatnee wana batabe3 el mawdoo3 el ayam hay!!....sho hada!! wallah 5ofet men el feteneh ele berahen 3aleha 7osnee we shelto!!....bas ana mo2meneh eno el masryeen enshallah azka men heek we ra7 yerja3oo yatadrko el mawdoo3 we yewa7doo el sofoof...albee ma3akee ya masr we ye7meekee beshababek ele fe3lan athbat eno ho el ward ele fata7 fe ganayn masr!
bel nehaya amaneh tewaslee salamee men falasteen la kol masri we masrya....we bosa gamda la 3am negem el gameel el ghaza khayalna kolna we ta7yatee el khasah leekee ya nowaretna!


salma

salma dodin said...

allah yesalem tomek we alamek ya nawarah......ana asfeh ene baktob bel english.
ana men falasteen we bamoot fe 7ob masr we mtab3a el thawrabmen awelha we men ablaha kaman.....men ayam 6 april we el shaheed khalid sa3eed we ablo kaman.....ma tetsawaresh 5al3et el alb ele sabatnee wana batabe3 el mawdoo3 el ayam hay!!....sho hada!! wallah 5ofet men el feteneh ele berahen 3aleha 7osnee we shelto!!....bas ana mo2meneh eno el masryeen enshallah azka men heek we ra7 yerja3oo yatadrko el mawdoo3 we yewa7doo el sofoof...albee ma3akee ya masr we ye7meekee beshababek ele fe3lan athbat eno ho el ward ele fata7 fe ganayn masr!
bel nehaya amaneh tewaslee salamee men falasteen la kol masri we masrya....we bosa gamda la 3am negem el gameel el ghaza khayalna kolna we ta7yatee el khasah leekee ya nowaretna!


salma

مهندس مصري بيحب مصر said...

هي دي الخلاصة
الاحرص على وحدة الصف هو صاحب الثورة الحقيقي
نضم بقى على بعض
النتيجة لو طلعت بلا.. كلنا شغالين مع بعض عشان نعمل لجنة تأسيسية ودستور جديد
لو النتيجة طلعت نعم.. كلنا شغالين مع بعض عشان نعمل برلمان ائتلافي شبه ائتلاف ميدان التحرير ويعبر عنه
واللي ما يرضاش بالاستفتاء ونتيجته يبقى هو اللي مش مستعد للديمقراطية
واللي يقدم الخصومة على المصالحة يبقى هو اللي عايز يهدم الثورة

الله ينور عليكي
عايزين وحدة الصف من تاني
و مش عايزين ننسى محاكمة مبارك و الثلاثي المرح صفوت و فتحي و زكريا

salma dodin said...

allah yesalem tomek we alamek ya nawarah......ana asfeh ene baktob bel english.
ana men falasteen we bamoot fe 7ob masr we mtab3a el thawrabmen awelha we men ablaha kaman.....men ayam 6 april we el shaheed khalid sa3eed we ablo kaman.....ma tetsawaresh 5al3et el alb ele sabatnee wana batabe3 el mawdoo3 el ayam hay!!....sho hada!! wallah 5ofet men el feteneh ele berahen 3aleha 7osnee we shelto!!....bas ana mo2meneh eno el masryeen enshallah azka men heek we ra7 yerja3oo yatadrko el mawdoo3 we yewa7doo el sofoof...albee ma3akee ya masr we ye7meekee beshababek ele fe3lan athbat eno ho el ward ele fata7 fe ganayn masr!
bel nehaya amaneh tewaslee salamee men falasteen la kol masri we masrya....we bosa gamda la 3am negem el gameel el ghaza khayalna kolna we ta7yatee el khasah leekee ya nowaretna!


salma

Alok Ray said...

الله ينور عليكى انت قلتى الحقيقه فى ناس عايزه تعمل رئيس جديد وتنط على اكتافه هو ده كان جوهر الخلاف الموجود والى مضايقنى ان فى ناس كانت بتقول لا وهى عارفه كده كويس وعارافه النتيجه لو جات بلا مش هيبقى قدام الكل الا انه يعمل البرادعى زعيم ويغنيله فى كل حته علشان نضمن بقاء الناس ملتفه حولين الثوره وساعتها هنعيش من كل التيارات السياسيه تحت رجليه ووهنبقى عملنا مبارك جديد بنفسنا وكل ده ليه علشان الاخوان يعنى نهد المعبد كله علشان الاخوان

negmat lail said...

المشكلة انه عندما يتكلم الواحد مع حد مش فاهم زي بائعة الخضار بتقوللي انها حتروح تصوت عشان بيقولولها اليهود والمسيحيين مش عارفة حايعملوا ايه اما بدات اتكلم ببساطة واختصار حسيت انها تاهت مني انا نفسي مخي ضرب من كتر اللخبطة والدعاية في المنطقة عندي تغلب عليها دعاوي الجماعات السلفية نعم عشان خاطر الاسلام وفي اللجنة واحد سلفي محترم والله بس برضه بيقول النصارى بيحشدوا عشان لا وبعدين لما ما لاقاش استجابة سريعة حول الكلام على نقطة مهمة برضة وانا برضه خايفة منهاوهي خطورة الغرب اللي عايزين ينطوا علينا دلوقتي

أرنوب said...

لو النتيجة طلعت نعم.. كلنا شغالين مع بعض عشان نعمل برلمان ائتلافي شبه ائتلاف ميدان التحرير ويعبر عنه
جميل قوي .. ممكن تقوليلي بأه حتعمليه إزاي ده ؟ .. حتعمليه إزاي وحال النخبة والقوى السياسية هو كما كتبت وأسلفت وتفضلت ؟ حتعمليه إزاي وشباب الثورة ومن ساندهم من شرفاء المعارضة لم ينتظمهم حزب واحد قوي وقادر على المنافسة حتى هذه اللحظة ؟ الناس لما تنزل تنتخب البرلمان القادم مش حتلاقي قدامها غير إخوان وفلول وطني .. إزاي بأه دول حيعملوا مجلس يعبر عن روح الثورة وروح ميدان التحرير ؟ ماهو عشان كده إحنا إتنيلنا وإتهببنا وقولنا لازم نصوت بلا عشان الناس تاخد وقتها وتعمل حزب وقواعد حزبية قادرة على المنافسة .. مش ممكن يا نوارة تعملي من الفسيخ شربات

بساطه said...

بعد ماكنت فرحان امبارح وهيصه والعيد جه .. بقيت في قلبي غصه .. لما شفت ملصقات نعم للاستقرار ولا للفوضى .. والناس الي مش فاهمين هيصوتوا على ايه اصلا .. الست الي بتساعدنا في البيت دايما بتحاول تثقف نفسها من محيطها .. بتقولي ان اخواتنا المسلمين كانوا بيوزعوا ورق علشان يقولوا نعم وناس تانيه مش من ابو زعبل شاكلهم لابسين بدل ومبسوطين كانوا بيقوللهم قولوا نعم .. لتغيير الدستور.. بيضحكوا عالغلابه اصلهم مش فاهمين بس انا جوزى فاهمني ....... طب ليه الضحك على الناس واستغلال سذاجتهم؟؟؟؟؟ هو ده الي يزعل يا نواره ..انا كل الي سمعت عنه كان حشد الناس لصالح نعم .. ماسمعتش حشد لصالح لا خالص بصراحه .. وشكلها هتكون نعم

عاشــــــ النقاب ـقــــة"نونو" said...

برافووووووووووووووووو
تسلمي يا غالية
اقول لا اقول نعم المهم اقول اللي مقتنعة بيه
ونحترم الصندوق حتى لو نتيجته غير راي
بلدنا امانة ةةةةةةة
كلنا حبايب
ربنا يخلينا لبعض ويهدينا لبعض يارب

Roma said...

اعتقد ان الشعب قال للنخبة انتم لا تعبروا عنكم
والملسمين والاقباط قالوا لبعض ان الخﻻفات بينا مش كبيره والرساله التالثة هتبقى للاخوان المسلمين الناس خارجه من التصويت بتقول للاخوان احنا قالنا نعم وفى الانتخابات مش عايزنكوا عادى يعنى شعب مصرى بجد

Roma said...

يل بقى نبدا برامج الاحزاب كده فى حموتها

mutargim said...

http://al-agenda.blogspot.com/2011/03/blog-post_9228.html

حابب تقري المقال ده ياأستاذة

Shafi said...

نوارة نجم : المقال حول السلفيين و الكنيسة !!!! نوارة ما حدث البارحة كان تواطؤا على الشعب المصري باسم الدين أسس له الإخوان إخوان الظلام إخوان من قال مرشدهم : طز في مصر .. كنت أحترمك واليوم أشتم رائحة إخوان في كلامك أشتم سيد قطب و السنانيري و محمود عساف و الصباغ و أشتم مكر حسن البنا أشتم هذا التلوي الواهم و هذا المكر و الكذب لا أريد أن أطيل في كلامي إليك .. الإخوان و السلفيون و أي راديكالي متشدد في الكنيسة كلهم لن يوردوا مصر إلا عصرا من الرجعية .أشكرك

HossamRizk said...

السلام عليكم/ ازيك يا نواره.المقال بجد رائع انا عايز اقولك انى انا مصرى سلفى .وانا متفق معاكى تمام ان الناس اللى دخلت الدين فى الموضوع غلط تماما . بس اللى عايز اوضحه اننا كسلفيين او كمسلميين جميعا لو فيه حد طلع قال يا جماعة الخير المادة التانيه فوق الدساتير وهتتاخد كوبى باست فى اى دستور جديد . مكنش حد من السلفيين طلع ولا اتكلم ولا لينا اصلا رغيه فى اللعبه السياسيه كلها .واديكى شايفه كلام زى الجهول يحى الجمل اللى مشارف الموت بيقول على على الذات الالهيه وبيقول علينا امخاخ مضلمه. اعتقد انه دلوقتى عرف الامخاخ المضلمه اللى بيقول عليها حركت ملايين ووافقت على الدستور بس علشان فيه لغط على الماده التانيه. تخيلى لو فيه حد بقى طلع قال احنا هنشيلها ممكن يحصل ايه. رايى ان ميبقاش فيه خروج على الثوابت.ساعتها السلفيين هيسيبولكو الملعب كله.

Unknown said...

صباح الخير يا نوارة
اجواء ماتش الجزائر دي بتجيب العصبي بس المشكلة الحقيقية إنها النهاردة على مصر بحالها، واللعب بالنار من كل الأطراف هيقلب على الجميع

الواجب الشرعي مش اننا نقول نعم الواجب الشرعي هو الوحدة بينا
عارفة بعد غزوة بدر اللي هي كانت أول وأهم حدث في تاريخ المسلمين، الآيات نزلت عشان تقول
فأتقوا الله وأصلحوا ذات بينكم، لما اختلفوا على الانفال
يعني الواجب الشرعي الآن فقط في الوحدة وإصلاح ذات بين الوطن

وخيانة دم الثورة مش إني أقول لأ
خيانة دم الثورة في الفرقة، لإن اللي مات كان بيدافع عننا كلنا مش عن مسلم ومسيحي
أنا معاكي تماما خلينا
بلاش عبط البلد مش مستحملة وإذا كنا مش هنعرف نحميها، يبقى غطونا والمسلمين يصلوا علينا صلاة الجنازة، والمسيحين يقيموا علينا القداس

Marwa said...

تسلمي و يسلم لسانك و يخليكي لينا...أنا قلت لأ و لو النتيجه طلعت نعم هبقي مع الأغلبيه لكن فعلا اللي كان حارق دمي مش نعم و لا ,إنما حكايه واجب شرعي و الماده التانيه و إلحقوا الكنيسه هي اللي فقعت مرارتي
إنتي قلتي اللي نفسي فيه وبعد إذنك أنا هطبع المقال ده و أحطه في وش أي واحد مابيفهمش لأن ريقي نشف

بيتنا القديم said...

"هم عايزينكم تعاملوهم كويس بس"
.
.
.
مش كفاية بقا يا نوارة نغمة هم عايزينكم دي...؟!
انت عامله زي مدرس مادة التاريخ اللي دخل يشرح في حصة الفيزيا..المسيحيين مش عاوزين تنظير منك ولا من غيرك..هم ادري يعبروا عن نفسهم بنفسهم..واعتقد otv وغيرها كافية لدوت..اما عن المسلمين وانا منهم فعادي يعني اننا نشوف بيقولوا ايه ونرد على كلامهم وفعلهم..فبلاش بقا والنبي حتة عاوزينكوا والمفروض علينا عشان بصراحة وسعت منك حبتين..!!
وتقبلي رأيي بـ"لا" أو بـ"نعم"..!

Unknown said...

ههههههههههههههههههه
مقال ساخر نمرة ١
اضحك الله سنك :D :D

محمد صبرى said...

ملاحظة أخيرة ,الاصطفاف السياسي مش كارثة فى حد ذاته , و مفتكرش اننا عايزين ديموقراطية توافقية تشل كل قطاعات الحياة بسبب الإصرار على جمع الأضداد, فى كل دول العالم هتلاقى في مرحلة ما بعد مرحلة التوافق الوطنى على المشتركات الكبرى بتبدأ فيها الأحزاب و الفصائل تتبنى برامج مختلفة , و العبرة في النهاية بقيمة البرامج و الأفكار اللى بيتبناها كل حزب


طبيعي فى اللحظة اللى تبدأ فيها الاختيارات تكون بين نعم و لأ يبدأ الاختلاف بخصوص الأصح و الأجدى و الأنجع , رضيتى أم ابيتى مرحلة الاجماع الوطنى تنشق على نصل الاختيارات الحدية , عشان كده انا كنت معترض على استفتاء استقطابي من النوع دا فى المرحلة دى أساسا , و اتصور انه الأجدى مكنش نعم أو لا , الأجدى و الأسلم انه القيادات الوطنية من كل التيارات كانت تسعى للوصول بالتعديلات لصيغة أكثر قابلية للتوافق على قاعدة المصلحة الوطنية فى مرحلة من ادق مراحل تاريخنا قبل طرحها على الجمهور , و كون دا محصلش فأكيد الطرف اللى كان متوقَع رجاحة كفة اختياراته مشبوه اكتر بتغليب مصالحة الحزبية و بعدم نضجه و حنكته السياسية

المشكلة مش ان الاخوان ليهم دور , الاخوان كان ليهم دور و هيفضل ليهم دور لانهم قوة حقيقية عندها شعبية مش بسيطة ,مش مشكلة انه الاخوان يحكموا مدام اغلبية الشعب معاهم وطالما هما بيديروا خلافتهم مع معارضيهم على أسس من نوع رايي صواب يحتمل الخطأ , و رأيك خطأ يحتمل الصواب , انما لما يبقى الترويج لنعم على شاكلةعليكم التصويت بنعم او الفوضى أو على قاعدة التصويت بنعم واجب شرعي؟!تفتكرى يبقى احنا كده لسه فى مرحلة ادارة الخلافات بشكل متحضر, عشان اكون صادق معاكي و مع نفسي انا مسمعتش بنفسي و مشفتش بعينى حد من الاخوان قال التصويت بنعم واجب شرعي,لكنى سمعت احد قياداتهم بيروج لنعم باعتبارها الطريقة المثلى و بخلافها الفوضى و اللاشيء و واضح انه اللهجة هى هى لهجة الديكتاتور اللى خيرنا من ايام بينه و بين الفوضى, هى هى لهجة فرعون اللى بيشوف بعين واحدة , و افتكر دا بيطرح سؤال جوهرى بخصوص مدى نضج الجماعة السياسي لما تقبل انها تستتفه شعبها و تطرح عليه اختيار بين الوجود و العدم-من وجهة نظرهم- و السؤال دا مش هتكون صعبة الإجابة عليه اذا افتكرنا خيارات الاخوان القريبة من مثل عدم مقاطعة انتخابات مجلس الشعب المنحل خروجا على الاجماع الوطنى و ازاى دا كان كارثي على الجماعة الوطنية , مش هتكون صعبة الاجابة عليه لو رجعنا لمقال بلال فضل -اللى انتى اشرتى اليه-و قرينااختياراتهم الحزبية الضيقة ايام ثورة يوليو اللى انتهت بنهايتهم هما انفسهم و نهاية الوطن كله لأجيال, دا بالنسبة للاخوان , اما بخصوص السلفيين فمنشورات الترويج بنعم المنسوبة اليهم بتقول بشكل سافر انه التصويت بنعم واجب شرعى , يعنى اصحاب لا فى حكم الاخوان هم سفهاء مقامرين على اقل تقدير و هم عصاه لله فى راي السلفيين

unitedarab said...

بجد كلام محترم اوى اوى اوى..تقريبا كلامنا فى الشغل هنا عن نفس الموضوع حتى انا قلت لهم انا مش هقول انا اخترت ايه امبارح عشان مش فارقة مين يكسب المهم ننجح فى اول اختبار

unitedarab said...

عندى بعض الكومنتس:اولا كويس اوى انك قلت ان الطرفين غلطوا عشان الاعلام كان مركز مع اسلاميين بس زى ايام حسنى بالظبط...ده بيزود رد الفعل العكسى ..ممكن تشوف الكاريكتير على الدستور حاطين ان امريكا واسرائيل وواحد بدقن مع التعديلات !!! هو فى كدة؟؟

حسين محمد said...

المفروض اني كنت من السلفيين او على الاقل من زي الالتراس كده ليهم
بعد اللي حصل ده منهم محتاج افكر كتيييييييييييير لانه مش ده اللي اتعلمته منهم السنين اللي فاتت
انا اعرف ان السياسة لعبة قذرة بس مش لدرجة انها تصيب اللي يتعامل معاها بالهبل كده

unitedarab said...

اخر حاجة انا بس مش متأكد من ان العلمانين المتطرفين بس زى ما قلتى لان حزب الجبهة واسامة الغزالى من اكتر المطالبين بحكاية المادة التانية...ده خوف الناس زيادة لانه رجل محترم وشارك فى الثورة

unitedarab said...

اخيرا بقى بجد..انشالله الشعب واعى جدا والنتيجة مش عشان دول قالوا حرام ودول قالوا حلال ... بس بجد ابعدوا اشكال مايكل منير اللى طلع امبارح وقال لو نعم هنرفضها وتبقى مزورة

Shoukry said...

امبارح كان في استفتاء هل توافق علي بقاء المادة الثانية من الدستور؟ وطبعا عشان انا ديموقراطي، شيوعي، رأسمالي، اشتراكي، امبريالي، شمولي، توسعي، ليبرالي، برجوازي، ملحد، كافر و فوق كل ده نصراني من بتوع عباد الصليب قلت لااااااااا

انا اعتراضي علي الاخوان كان في طريقة الدعاية و استخدام الدين باسلوب قذر و بعدين يرجعوا ينفوا! و الحشد الديني الرهيب اللي حصل في المساجد
والطائفية الرهيبة اللي سمعتها في الطابور امبارح

انا بحمل كل اللي اتكلم في المادة الثانية من الدستور مسئولية اللي حصل امبارح من اول المسيحيين العلمانيين و الليبراليين اللي فتحوا الموضوع ده دلوقتي ومكنش وقته اساسا مرورا بالسلفيين الاخوان المسلمين اللي استغلوا الموضوغ اسوأ استغلال لتحقيق مصالح و طظ في مصلحة البلد. حسبي الله ونعم الوكيل

مش فاهمه said...

اتبسطى يا ستى النتيجه طلعت نعم اهى ياريت بقى النشطاء ز بتوع حموم الأنسان ياخدوا مواقف رادعه ضد البلطجيه اللى الجيش قال انه حايتعامل معاهم بحسم اللى كانوا داخل اللجان بيأثروا على الناس و اللى ضربوا البرادعى و اللى سجنوا الناشطه راجيه علشان اللى جاى اصعب بقه و حاتبقى البلطجه للركب ولا عندنا نقابات و لا انتخابات بلاقائمه ولا نيله و الناس كلها عايزه تشارك لكن لو لقيت ضرب و قلة قيمه حاترجع بيوتها تانى ياريت بقه يبقى فيه مواقف حاسمه الحمد لله عملنا اللى الجيش كان عايزه و الشعب قال نعم ياريت بقه الجيش ياخد لنا حقنا من البلطجيه و يحاكمهم عسكريا و بالمرة يحاكم اللى قتلوا الشهداء اللى لولاهم ماكناش شوفنا الطوابير دى و المشاركه دى ياريت بقه علشان ماتقولوش اننا بنخون و نقول دم الشهدا ياريت ماننساهومش لأنهم هم السبب فى اللى احنا وصلنا له ده

Unknown said...

النتيجة لو طلعت بلا.. كلنا شغالين مع بعض عشان نعمل لجنة تأسيسية ودستور جديد
لو النتيجة طلعت نعم.. كلنا شغالين مع بعض عشان نعمل برلمان ائتلافي شبه ائتلاف ميدان التحرير ويعبر عنه
واللي ما يرضاش بالاستفتاء ونتيجته يبقى هو اللي مش مستعد للديمقراطية
واللي يقدم الخصومة على المصالحة يبقى هو اللي عايز يهدم الثورة
صح صح صح صح صح صح
ياريت الرسالة دي توصل لليبراليين الفاشيست اللي بيفهمو في الساسة والدستور وكل حاجة ومحدش غيرهم بيفهم

m.elbasyouni said...

طيب خللينى أقولك وجهة نظرى فى الهيستيرية وكمية العند اللى حصلت الأسبوع اللى فات ده..
باختصار النتيجة الفعلية ان قدرة البرادعى وموسى والبسطويسى وعمرو خالد وكل الأحزاب والقوى الليبرالية فى مصر لم تتجاوز 30% من الناخبين وضيفى لهم الكنيسة كمان
بينما الناحية التانية 70% المفروض مين اللى حشدهم ولعب فى دماغهم...الشفيق فريق مثلا!!!!!!!!
الاخوان والسلفيين كانوا واخدين المسألة حياة أو موت والدليل الهستيرية اللى حصلت الاسبوع اللى فات كله واخرها اللى حصل قدام اللجان امبارح وفى خطبة الجمعة
الناس ده عارفه رهانها على مين....بتراهن على ال 16 مليون أمى فى مصر وعلى المتعلمين اللى 90% منهم ماقرأش كتاب فى حياته وعلى اللى بيترعبوا لما يقولولهم احنا بتوع ربنا وكلمة الله على الأرض...حاتعارض ربنا يعنى ياخى!!!!!!

m.elbasyouni said...

طيب خللينى أقولك وجهة نظرى فى الهيستيرية وكمية العند اللى حصلت الأسبوع اللى فات ده..
باختصار النتيجة الفعلية ان قدرة البرادعى وموسى والبسطويسى وعمرو خالد وكل الأحزاب والقوى الليبرالية فى مصر لم تتجاوز 30% من الناخبين وضيفى لهم الكنيسة كمان
بينما الناحية التانية 70% المفروض مين اللى حشدهم ولعب فى دماغهم...الشفيق فريق مثلا!!!!!!!!
الاخوان والسلفيين كانوا واخدين المسألة حياة أو موت والدليل الهستيرية اللى حصلت الاسبوع اللى فات كله واخرها اللى حصل قدام اللجان امبارح وفى خطبة الجمعة
الناس ده عارفه رهانها على مين....بتراهن على ال 16 مليون أمى فى مصر وعلى المتعلمين اللى 90% منهم ماقرأش كتاب فى حياته وعلى اللى بيترعبوا لما يقولولهم احنا بتوع ربنا وكلمة الله على الأرض...حاتعارض ربنا يعنى ياخى!!!!!!

FOR WORLD said...

طيب ومقولتيش الكلام ده امبارح ليه قبل اوخلال التصويت ولا الان بتعملى فيها مصلحة اجتماعية الأن وبتحللى المجتمع السياسي . كله بيغنى على مصالحة الشخصية باسم الثورة وباسم مصر . ربنا يحمي مصر

Shoukry said...

نسيت برده احمل الكنيسة المسئولية عشان اشتركة في المهزلة دي و رفضت التعديلات و حشدت الناس في احيان كتير كان في عدم توعية لاسباب الرفض من عينة "حط صح علي العلامة السودا" ... انسوا الثورة !! الطائفية حتضيع البلد و السلفيين و الاخوان المسلمين اثبتوا ده امبارح بجدارة (معلش الكنيسة مسئولية اقل عشان هما اقلية و محدش هيفهم احساس الاقلية و ردات فعلهم الغبية من المسلمين الا اللي سافروا اوروبا و امريكا ولقوا نفسهم اقلية)...... انا متشائم جدا ربنا يرحمنا ويحفظ البلد دي عشان الطائفية هتحرقها

ساعي الخير said...

الحمد لله رب العالمين
ثورة بلا أهداف وراء الفوضي أنجراف
ثورة لا تهتم بأكل عيش الناس و العمال يعني مسخرة و أستهبال
اذا ما كانش الدستور المزعوم ينص علي حد أدني للأجور ( بمبدأ الأجر الذهبي جنيه و ربع ذهب لمقاومة آثار التضخم ) يبقي منفصل عن الناس
و أذا ما كانش ينص علي فترة زمنية محددة للتقاضي ( لاتزيد عن ثلاث شهور للفصل البات النهائي ) يبقي الظلم لسه أيدة طايلة و خيبة الثورة هايلة
و أذا ما كانش ينص علي نسبة ثابتة من الضرائب يحددها الفرد بنفسه لنفسه بعد أعفاء يماثل ضعفي الحد الأدني سنوياً يبقي ده تهريج مش لضيق الناس تفريج
و أذا ما كانش ينص علي الحرية في التعليم و العمل و تقليل تراخيص المزاولة للمهن و تبسيطها وفق أختبارات دورية يبقي فين الحرية اللي بتدوروا عليها و تتكلموا بأسمها .
و حرية التعليم دي بالأخص مرتبطة بحرية العمل و محدش يتفرض عليه سنوات دراسة معينة (12 سنة قبل الجامعة ليييه..... يقولك متسألش هو كورس كده مش مهم تاخد فيه أيه و لا .. ليه .. هم عشر سنين فول ) ثم ليه التعليم في الوعي مرتبط بالجامعة لأنه بيقيد مزاولة المهنة بشهادات الجامعة و مش بيراعي التعليم الحر الحيوي المكتسب من الخبرات العملية و ليه مفيش أختبارات مزاولة مهنة يجتازها الجامعي و غيره صاحب التعليم الحر الحيوي الغير جامعي و أختبارات مزاولة المهنة دي تعني تغيير قوانين مزاولة المهنة و عدم التقيد بسنوات دراسة معينة و جامعات و مدارس بعينها و مناهج بذاتها و ده يعني تخفيض نفقات التعليم الحكومي _ المدفوع أصلا من الضرائب بما يعني تخفيض الضرائب مما يدعم الأقتصاد و المنافسة التجارية الدولية _ و أعلاء شأن التعليم الحر يعني تحرير التعليم من سيطرة أساتذة بعينهم و استعباد المعيدين و الطلاب يعني الحرية في التعليم و العمل يعني الحرية في الحياة و إذا ما كانش الدستور فيه كده يبقي دستور ايه ده المزعوم هيجيب الحرية منين الحرية لازم تكسر القيود و الجمود و تحترم الحياة و العلم الحقيقي مش الشهادات و أذلال الأساتذة للطلبة الناتج عن غياب الحرية في التعليم و العمل .
و أذا ما كانشي ينص علي حق كل فرد في الأرض و امتلاك منزل و عمل يبقي و لا عزاء للفقراء اللي بيسكنوا عشرة في أوضة و غيرهم يلبس آخر موضة .
و أذا ما كانش ينص علي أن العقود الدولية التجارية تكون لمدة محددة لا تزيد عن ثلاث سنوات يبقي معلش اللي أتباع أتباع و هيقولوا دي ثورة جياع
و أذا ما كانش فيه دفاع مدني من أهل كل حي مع الشرطة و الجيش و القضاء ليهم تواجد في الأقسام يبقي نقول علي..... الأمان .... ده كان زمااااااااان
و أذا ما كانش الكلام ده عاجب فمعلش غصب عني لأن العمال و الغلابة و المساكين و الأيتام و المشردين و بتوع المطالب الفئوية و المظلومين بتوع الحالات الفردية مش هيترشحوا في الأنتخابات و ما يعرفوش الحيل الأنتخابية و لا الدستور بتاع انتخاب المجالس و الرؤساء بيعتبروه كلام ما يأكلش عيش فاكرة الناس دي يا نوارة و لا البرلمان و انتخابات الرياسة و طريقة الأنتخاب خلوكي تنسي عموماً إذا كنت نسيتي هم ليهم رب أسمه الكريم ... و موفقين للخير

Anonymous said...

يانوارة الرد على اسئلتك دى مش معناه ان الشعب المصرى العظيم ده اللى مشتاق للحرية والديمقراطية كان محتاج لوقت عشان يفهم الست اللى بتساعدنى يوم السبت الصبح قالت ان فى الوراق كان بيقولوا ان الاستفتاء ده عشان يلغوا الدين الاسلامى من الدولة المصرية وغيره وغيره الاقباط نزلوا الانتخابات لانهم مصريين ومصر كلها رجعت لااصحابها وكل واحد مهم لكن الاهم ان كان المفروض يكون فيه وقت لان الشعب اللى اتهمش كل السنين دى محتاج وقت ومجهود علشان يقهم ايه المطلوب منه الشعب المصرى فيه نسبة امية عالية لكن فيه ايضا احساس سياسى واعى بيقولو ايه اللى فى مصلحته وايه اللى يضره ياناس احنا محتاجين وقت ومجهود واستمرار للكفاح وفتح الافاق امام اللى كل اطياف المجتمع عشان نوصل لتحقيق طموحات الشباب اللى دفع دمه عشان التغيير

Unknown said...

الله عليكى يانوارة ياسلام فمك و حسبى الله ونعمة الوكيل فى كل من يحاول ان تضليل شعب مصر . ربنا يحميكى يا بلدى ويحمى شعبك الاصيل .

PRIEST said...

check my new post 2 ,
http://newpage4us.blogspot.com/2011/03/blog-post_20.html

Unknown said...

انا مش حاعرف ارد على ده كله

بس لازم ارد على مين اللي ابتدا الاول

اللي ابتدا الاول بالاخوانوفوبيا هم الليبراليين خليك حقاني

حنقول نعم عشان الاخوان ما ينجحوش واحنا مش مستعدين

ايوة طبعا الاخوان رد فعلهم كان غبي بس كان رد فعل

وبعدين على رأي واحد كتب على الفيس بوك:
يعني ايه كوك زيرو، يعني الليبراليين يأجلوا الانتخابات ويخلونا في حكم عسكري عشان هم مش مستعدين لها ويطلع الاخوان هم اللي انتهازيين

Unknown said...

معلش يا نوارة استحمليني شوية في الكلمتين إللي هقولهم هو ليه فيه محاولات لتسفيه آراء اللي قالوا لا و حصر تفكيرهم في حدوتة الإخوان المسلمين ؟!! أنا عن نفسي الإخوان آخر همي و علشان أكون واضحة عمرهم مامثلوا بالنسبة لي أي خطر المشكلة إن عشان تلاقي تمثيل حقيقي لشباب الثورة في البرلمان (و متهيألي دة من حقهم) و أطياف مختلفة من الشعب لازم يبقي فيه مدة أطول عشان يقدروا ينزلوا الشارع و يكلموا الناس و إلا و دة رأيي الشخصي هنلاقي البرلمان فيه نفس الوجوه القديمة زي الوفد و التجمع و الإخوان و غيرهم اللي بصفقاتهم مع النظام المخلوع لم يدخروا جهد في إضفاء شرعية زائفة لنظام ظالم و خدي بالك إن الأحزاب دي قياداتها لسة ماتغيرتش القيادات اللي بغبائها كانت هتجهض الثورة أكتر من مرة (مش هما دول اللي رفضوا مقاطعة الإنتخابات البرلمانية الأخيرة؟ و هما برضه أول ناس جرت و قعدت تتفاوض مع عمر سليمان ؟) يا ريت بس يفتكروا أنها ثورة مش ثروة

iman said...

ربنا يكرمك يا نوارة على نفَسِك
الطوييييييل فى المناهدة مع حقائق بقالها
تلاتييييين سنة يا ريييييت يقرا كلامك
لبيب (حد عنده مخ يعنى) و يفهم

ربنا يكرمك بجد

أحمد البستاوي said...

The islamites are playing a very dangerous game .. A game of no winner . The next step will be holding position .. With a sure failure and remember Hamas .. The failed elected government .. The Know how to persuade you to vote for them... , but has no plan for what come next .. Palastinians have found Mazen and the Israelites to blame . . whom will be blamed for the failure of the islamites .. persons or their understanding of the system . or the islamic system or the God himself ..
A very dangerous game baby .. a very dangerous one ..

ولاء علي said...

الله يبنور عليكي يا نوارة هو دى اللي حصل و كان ظاهر جدا يوم الجمعة بالذات بعد الصلاة...لما نزلت اتكلم مع الناس في الشارع و ذهلت لما لقيت الكلام على المادة التانية وناس صحابنا اضربو في وسط البلد و كفروهم في الهرم عشان كانو واقفين يتكلمو و وبيقولو انهم حيقولو لا...و واحدة قالتلي باللفظ كدة اطيعو اولي الامر"..و ناس قابلتهم من منشية ناصر بيقولو طول النهار العربيات بتلف في الشوارع تقول نعم في المكريفون ...انا قرفت من الطريقة دي...هو دة حيبقى النظام في الانتخابات و استفتاء الدستور انشاء الله؟؟؟؟"

ولاء علي said...

معلش يا نوارة الليبراليين ميبينزيلوش الشارع يلعبو في دماغ الناس...ويقلبوها مادة تانية و اطيعو اولي الامر منكم باللفظ كدة زي ما وحدة قالتلي في الشارع...و اهل المنشية قايمين نايمين على اصوات الميكروفونات اللي بتلف في الشوارع...اخرهم يطلعو في قناة الجزيرة لكن مش بيرهبو حد عشان يقول لا...مش بيتهيقلي ابدا ان دة رد فعل

Unknown said...

سبحان الله هو ليه الناس اللى بتقول لا معتقده ان رايها هو الصح بدون شك 1% و الراى التانى يا اما جهله ياما اتأثر عليهم بالدين
كيف سيتم انتخاب مجلس رئاسى و حوالى 100 شخصيه للجمعيه التاسيسيه للدستور الارجح انه هيتم تعيينهم قهل ده هيبقى بيعبر عن الشعب


فى نقطه تانيه انا مش من الاخوان ولا السلفيين
بس نفسى اعرف ليه الهجوم المستمر عليهم
بيقولوا الاخوان عايزين السلطه طب ما ده شىء طبيعى هو الجانب اللى بيهاجمهم بكده مش عايز السلطه !!
وبالرغم من كده قالوا مش هنترشح للرئاسه وهندخل بنسبه 30 % فى البرلمان ومولوا الكنيسه اللى اتهدت ب 100000 جنيه وبتشارك معاهم المسيحيين و كل القوى السياسيه وبرضه مش عاجب مش عارف المطلوب منهم يعملوا ايه ياريت حد يرد عليا

وا نواره دلوقتى بتقول على السلفيين متطرفين عايز فعل تطرفى واحد هما عملوه علشان يتقال عليهم كده وعايز سبب للهجوم عليهم !!!!
واللى هاجم د البرادعى بلطجيه بحسب حسابه الشخصى على تويتر مقالش لا اخوان ولا قال سلفيين والدستور الاصلى قال عليهم بلطجيه وفى وصف تانى انهم فلول الحزب الوطنى
والاخوان نددوا بالهجوم على البرادعى وفرضا جدليا انه كان فيهم اخوان او سلفيين فهما افراد بيمثلوا نفسهم مش اكتر

m.elbasyouni said...

مره تانيه...الانتهازى والحقير هو اللى يستغل جهل الناس وأميته ورعبهم من أى حاجه تمس الدين...
الشرعية لما اخدها من ناس أمنيين فاقدى الأهلية تبقى مش شرعية
لما اخدها بالكذب والتضليل وتخويف الناس من شوية اشاعات هابله يبقى نصب
الموضوع بالضبط عامل زى لما تكونى بتسوقى عربيتك وراكب جنبك واحد غتت بارد ماعاهوش رخصة وكل شويه يقولك سيبنى أسوق روحتى قلتيلوا ما ينفعش مش معاك رخصة...قالك خلاص اركنى على جنب واخد ورقة كتب عليها...رخصة قيادة مركبات خاصة....ونزل خللا العيال اللى واقفين فى الاشارة بيبيعوا فل ومناديل يمضوا عليها وبعدين جالك يقولك يللا بقى خلينى أسوق...عبث فى عبث...
اللى بيعملوا الاسلاميين دلوقت انهم ماشيين يمضوا العيال اللى واقفين فى الاشارة بيبيعوا فل على الرخصة ده علشان يسوقوا ولما حد يقولهم ده مش شرعية يقولك ديكتاتورية الثورة وكلام بطيخ ......
اعتماد الاخوان والسلفيين على الجهلة والاميين اللى مش بيفكوا الخط دعارة سياسية ....لما يبقى لعبى كله وكل الشغل على ال 16 مليون أمى ويبقى بيمثلوا القوة التصويتية بتاعتى يبقى ماينفعش تقول لى ان ده ارادة مصر...

Unknown said...

مين اللي بيقول لي ما قولتيش الكلام ده ليه قبل كده؟

معلش بعد اذنك ترجع للمدونة
وللاكاونت بتاع الفيس بوك
والاكاونتين بتوع التويتر

انا ما بطلتش اقول الكلام ده لما حسيت اني بت رخمة وعاملة زي ضمير ابلة حكمت:

يا ناااااااااااس نعم مالهاش دعوة بشرع الله
يا نااااااااااااس لا مالهاش دعوة بلا للارهاب

وقعدت اتكلم في موضوع المادة التانية والاخوانوفوبيا ده لما صوتي اتنبح

واهدي في دول، واسكت في دول لحد ما في الاخر كتبت لهم على التويتر انا حالم هدومي واسيب البيت وامشي ومش حتعرفوا طريقي

بس هو كان فيه حد بيسمع طول الفترة اللي فاتت؟

ولا حد حيسمع

الكام اخ اللي عندهم اخوانوفوبيا دول

احب اوضح لك ان الاخوان كانوا في الميدان زيهم زيك وانهم في معركة الجمل كانوا هم وبتوع الدويقة في الصفوف الامامية وكانوا بيموتوا

ولا انتوا طول ما انتوا محتاجين حد يموت ساكتين عنهم ولما تأمنوا تنزلوا فيهم شتيمة؟
اذا كنا حنتكلم عن التدليس واعتبار ان النتيجة مزورة بسبب الدعاية الكاذبة

فكمان لو طلعت النتيجة بلا تبقى نتيجة مزورة
انتوا قلتوا للناس صوتوا بلا عشان الاخوان ما يجوش وعشان تكافحوا الارهاب
وعشان كده اللي صوت بلا صوت
طب ده كدب وتدليس، عشان انتوا ما تقدروش تضمنوا لهم ان الاخوان مش حيشاركوا في برلمان ائتلافي، يعني لو طلعت النتيجة بلا برضه حيلاقوا الاخوان في اللجنة التأسيسية والبرلمان
طب انتوا خدعتوا اللي صوت بلا
وهم خدعوا اللي صوت بنعم

وانتوا الاتنين حتقبلوا النتيجة غصب عن بوزكم واللي ما يقبلهاش يبقى بيخون الشعب والثورة

هي دي بقى الخيانة الحقيقية
مش تقولوا للناس اللي يصوت بنعم يبقى بيخون دم الشهدا

اللي يقسم الصف وما يقبلش نتيجة الاقتراع الديمقراطي النزيه عشان مصالحه الشخصية هو اللي خاين فعلا
ولا انتوا عايزين تعملوا لنا سيناريو ما بعد الانتخابات الايرانية وتشرشحونا وتفرجوا علينا الناس

طب اللي حصل ما بعد الانتخابات الايرانية ده كان بتدبير من الموساد وموثق في وثائق ويكيليكس

اللي ناوي يعمل فينا زي ما حصل في ايران مين بقى اللي واقف وراه؟

utopia said...

انا قولت لا ومش من الاخوان ولا معاهم
بس بجد حرام ما شوفتش حد من الاخوان قال قول نعم عشان الاسلام اللى عمل كده السلفيين وبرضه زى ما قلتى انصار لا عاملين زى العيال ومش قابلين النتيجة
ناس اشتغلت على المثقفين ودول مش كلهم قال لا وهما مش كتير
وناس اشتغلت على العمال والفلاحين ودول اكتر وفى منهم قال لا
بس اللى شايفه ان اغلب الناس قالت نعم باقتناع عشان البلد تمشى امورها
ده رايهم طبعا
بلاش شغل عيال واقبلوا النتيجة وارجعوا ايد واحدة تانى عشان دم الشهدا ما يروحش بجد
فعلا معاكى حق يا نوارة الشعب المصرى ده اوعى بكنيييييييييير من نخبته
هى معركة بين نعم ولا فوقوا بقا

elzahraamegahed said...

أنا نموذج من الناس قرر رأيه بنعم بناء على حشد الكتيسه للناس بلا وبناء على تعليقات اخواتنا المسيحيين فى مواقعهم
وانا شرحت ف التعليق اللى فات ان انا ما اتأثرتش باى حد من الاخوانجيه ولا السلفيين لانى اساسا معنديش استعداد لانى اتعامل معاهم وشرحت اد ايه انا نشأتى كانت متقبله للمسيحيين وكانت مشحونه ضد الاسلاميين

أعتقد إذا كنت أنا نوع من الناس كده فماتلوميش فى رد فعل باقى الناس الا على المسيححين تفسهم لانهم يتعاملوا من منطلق انهم مسيحيين وليس من منطلق انهم مصريين ووده الانطباع اللى وصلنى منهم هما وانا ما بلومش على رأ س الكنيسه لكن بلوم على المجحوم اللى طتعه اكتر ماهو طتعان وبقول ان السادات عمل قرارين مهمين فى فترته قرار حرب اكتوبر وقرار اعتقال شنوده الثالث

الخلاصه نجحت الكنيسه فى حشد المسيحيين للتصويت بلا فحشدت معظم
المسلميين فى قول نعم فماذا ننتظر من الاسلاميين الاصوليين والاخوان
انا بقول الكلام ده لان انا ولا اليساريين ولا اليبراليين كان شحنهم ضد الاخوان ممكن يخلينى اغير راىى المعارض للتعديلات لان اساسا الاخوان ما يفرقوش معايا
لكن شحن الكنيسه ضد التعديلات فى صيغة شحن ضد الماده التانيه والاسلام هو اللى خلانى بكل سلاسه انتقل لخانة تعم

ولاء علي said...

معلش يا نوارة دة مش رد فعل و حتى لو كان رد فعل اهو كشف لنا عن شيء مؤسف...الليراليين مش بينزلو الشارع يلعبو في دماغ الناس ويلفو بالميكروفونات في الشارع زي الناس بتوع المنشية ما قالولي...و لا بيقولو اطيعو الله و الرسول و اولي الامر في الجوامع...حد سمع عن حد بيرهب الناس عشان يقولو لا؟؟؟!!! القضية دلوقتي في ان في جماعات لديه هذه القدرة اللي حتكررفي الانتخابات و الاستفتاءات القادمة...صحابي اضربو في و سط البلد و اتكفرو في الهرم و بقو زنادقة!!!دة مناخ نعرف فيه نوصل لنتيجة حقيقية في اى حاجة؟؟؟

ولاء علي said...

معلش يا نوارة كررت التعليق كذا مرة عشان مكنتش فاهمة هو مش بيظهر ليه؟؟؟اسفة:))

Anas said...

فعلا .. أنا كنت قدام اللجنه طول النهار .. الناس كلها حولت الموضوع لمسلم و مسيحي و السلفيينكانوا عاملين شغل و الشيخ محمد حسان كان عامل شغل جاااامد ... و كنت بفرح لما ألاقي حد بيقول لأ و مقتنع عن إني ألاقي حد بيقول لأ عشان مسلم ولا مسيحي ... علي فكره أنا إخوان و كنت بفرح لما حد بيقول لأ و مقتنع بيها لأنه الموضوع كله مصلحه البلد كل واحد شايفها من وجهه نظره .. ليه بقي تدخلوا المسجد و الكنيسه في القصه
!!!!!!!!!!

Anas said...

فعلا .. أنا كنت قدام اللجنه طول النهار .. الناس كلها حولت الموضوع لمسلم و مسيحي و السلفيينكانوا عاملين شغل و الشيخ محمد حسان كان عامل شغل جاااامد ... و كنت بفرح لما ألاقي حد بيقول لأ و مقتنع عن إني ألاقي حد بيقول لأ عشان مسلم ولا مسيحي ... علي فكره أنا إخوان و كنت بفرح لما حد بيقول لأ و مقتنع بيها لأنه الموضوع كله مصلحه البلد كل واحد شايفها من وجهه نظره .. ليه بقي تدخلوا المسجد و الكنيسه في القصه
!!!!!!!!!!

Unknown said...

الليبراليين ما بيعلبوش في دماغ الناس....

اه..

ماهو طول ما انتوا بتتعاملوا مع الناس بفوقية كده وتكبر كده عمركم ما حتفلحوا ابدا

وبعدين انتوا كمان دينيين

انتوا كل همكم فصل الدين عن السياسة زي ما الاخوان كل همهم ادخال الدين في السياسة والسلفيين كل همهم المادة التانية

الناس عندها حاجات تانية في حياتها تهمها وانتوا بتتجاهلوها

اغلب الناس قبل فيلم شرع الله ده كانت بتتكلم عن انهم عايزين ياكلوا عيش وعايزين الدنيا تمشي وعايزين الاستقرار الخ الخ الخ

مافيش
ماحدش فيكم حاول ياخد ويدي معاهم في الحاجات اللي تهمهم بشكل يومي
ماحدش كلمهم عن التعليم والصحة مثلا ودي اكتر حاجة تهمهم في حياتهم
ماحدش فيكم كلمهم عن الاستقرار اللي انتوا بتتريقوا عليه طول الوقت

ايوة عايزين استقرار
بمعنى انهم عايزين مورد رزق ثابت يحفظ لهم العيشة بكرامة
حتنفعهم بايه علمانية الدولة ولا المادة التانية وهم متهانين؟

قاعدين تتكلموا في حوار نخبوي
الاسلاميين كسبوكم عشان هم عندهم حاجة مش عندكم، هم عندهم الصدقة وزكاة المال والمنهج الخيري

يعني لا انتوا بتتكلموا في توفير حياة كريمة وحد ادنى وحد اقصى للاجور زي اليساريين
ولا انتوا بتتكلموا في وجوب الاخذ من الغني واعطاء الفقير زي الاسلاميين

كل اللي هاممكم ان الاسلاميين ما يوصلوش للحكم
طب خليكم بقى

ابراهيم رزق said...

نوارة يا بطلة

متفق معاكى تماما عشان كده قلت ليكى امس
لو كان الجهل رجل لقتلته الجهل و ليس الامية لان هناك بعض الاميين على استعداد للفهم
اللى حصل حصل و مش كل الموصوع سىء يكفى اقبال الناس من جميع الطوائف مش كل الناس ذهبت لهذا السبب فى ناس بسيطة كانت بتحاول تفهم
يبقى طريقنا واحد سواء من قالوا نعم او قالوا لا طريق مصر الجديدة و حياة بياتنا فى ميدان التحرير

okasha said...

الاستفتاء كان علي عدد المسيحيين والمسلمين في مصر
علي العموم اللي حصل حصل ولازم نقبل ونستعد للانتخابات اللي نفسي حد يدافع فيها عن القوائم المنفرده ويقول هيا الانسب

m.elbasyouni said...

كلام مرسل...
الناس الغلابة لم نزلوا يصوتوا امبارح مانزلوش علشان عايزين مورد رزق ثابت يحفظ لهم العيشة بكرامة لان لو قلتلهم حاعملكم كده وحالغى المادة التانية...حايقولك مايلزمنيش...عادى أموت من الجوع بس ماتتلغيش....
التجهيل والخراب اللى المخلوع عمله فى اخر تلاتين سنة واللى قبله واللى قبله جريمة...افساد شعب كامل وجعل غالبيته فاقدى الأهلية..
الدستور المصري بينص ان اللى عليه أحكام سالبة للحرية أو عليه حكم بالحجر أو مجنون يبقى فاقد للأهلية ولا يجوز له التصويت...ليه مانصيفش ليهم الأمى اللى مابيعرفش يقرأ ولا يكتب علشان مايتحكمش فى مصير بلد كاملة ونقلل من اللى بيروح يمضى على انتخابات أو استفتاء هو مش عارف حايوديه فين؟؟؟؟
الاحتكام الى الفرز الديموقراطى فى مصر غير صالح ورفاهية سياسية ودجل فى حالة مجئ الأخوان.....يعنى فكرة ان أنا أمشى الحاكم الظالم أو اللى لم يحقق ما وعد به غير موجوده فى حالة السلفيين والاخوان لان اللى جابهم بيعتبر ان دول بتوع ربنا وممثلى كلمة الله على الارض...ماينفعش يقولهم لا...ينفع تقول لربنا لااا!!!!

m.elbasyouni said...

كلام مرسل...
الناس الغلابة لم نزلوا يصوتوا امبارح مانزلوش علشان عايزين مورد رزق ثابت يحفظ لهم العيشة بكرامة لان لو قلتلهم حاعملكم كده وحالغى المادة التانية...حايقولك مايلزمنيش...عادى أموت من الجوع بس ماتتلغيش....
التجهيل والخراب اللى المخلوع عمله فى اخر تلاتين سنة واللى قبله واللى قبله جريمة...افساد شعب كامل وجعل غالبيته فاقدى الأهلية..
الدستور المصري بينص ان اللى عليه أحكام سالبة للحرية أو عليه حكم بالحجر أو مجنون يبقى فاقد للأهلية ولا يجوز له التصويت...ليه مانصيفش ليهم الأمى اللى مابيعرفش يقرأ ولا يكتب علشان مايتحكمش فى مصير بلد كاملة ونقلل من اللى بيروح يمضى على انتخابات أو استفتاء هو مش عارف حايوديه فين؟؟؟؟
الاحتكام الى الفرز الديموقراطى فى مصر غير صالح ورفاهية سياسية ودجل فى حالة مجئ الأخوان.....يعنى فكرة ان أنا أمشى الحاكم الظالم أو اللى لم يحقق ما وعد به غير موجوده فى حالة السلفيين والاخوان لان اللى جابهم بيعتبر ان دول بتوع ربنا وممثلى كلمة الله على الارض...ماينفعش يقولهم لا...ينفع تقول لربنا لااا!!!!

Mohammed Hassan said...

أول تجربة ديموقراطية ﻻزم يظهر فيها القصور اللي موجود
والناس اللي تاجرت باسم الدين ونشرت اشاعات ﻻزم تتحاسب
عشان كده ميتكررش تاني
وﻻزم الحساب ده يكون عسير
والتهم بالاجندات الامريكية عاللي بيقول ﻷ والتخويف بحاجات كذب كتير لو قلتوا ﻷ مش هتاخدوا مرتبات وهيمشي الدستور القديم من غير تعديل والاعداء عالحدود مع اسرائيل وليبيبا والسودان
ولو قلتوا اه هتبقوا زي ايران
وبعدين كمان يزيد الاتهامات الاخوان اللي ادعوا ان هما اللي عملوا الثورة وقالوا ان اه رأي كل شباب الثورة
وبغدين ايه عﻻقة ﻷ بالإخوان
م الإخوان بقالهم 80 سنة
عرفوا يعملوا ايه يعني
بس الموقف لما الناس لقت ان الوطني والإخوان بيقولوا اه وبيستعملوا كل مجهودم بما في كده اﻷساليب القذرة
قالوا أكيد دي فيها مصلحة للإخوان
قدامنا طريق طويل للتوعية
ومش بس في المدن زي ما عملنا
ﻷ ﻻزم في القرى كمان

PRIEST said...

بصى يا نوارة، انا بس عاوز اقولك على حاجه... الموضوع من وجهة نظرى وزى ما انا كتبته مش موضوع مسلمين و مسيحيين وليبراليين وشيوعيين ، لا .. الموضوع موضوع طريقه واسلوب ، مش علشان اكسب وابقى موجود اضغط عالجروح وانتى يبقى المطلوب منك متتألميش، مينفعش.. مينفعش علشان اكسب وابقى موجود افضل مستخبى ورا الدين واكلم الناس من وراه.. احنا بنعارض اساليب وليس معتقدات ، احنا عاوزين ننضف شوية بفكرنا علشان نعرف نعيش صح.. التعليم مهم و الصحه مهمه بس لو احنا معندناش مخ نحافظ عليهم ونبنيهم هانموت

amr565 said...

متفق معاكي في البوست ده رغم ان الاخوان في طول اسكندرية وعرضها لم يتكلموا عن واجب شرعي ولا دياولوه لكن كان في طبعا حشد سياسي بحكم انهم بيلعبوا سياسية زيهم زي الاحزاب والقوي الاخري وده فيديو لعينة صغيرة من حشد الكنيسة لاتباعها وهو فيديو للانبا روفائيل عن الاستفتاء وده هدية لكل من يركز عامدا عن الحشد الموجه من اي تيار اسلامي وينسي نفسه اما بقية البوست فده متفق معاكي فيه تماما
http://www.youtube.com/watch?v=DEy4YhV1ZdI

Unknown said...

very will said .. agree with you

محمد الشبراوى said...

الله ينورعليكى يا نواره فعلا كلمتك واضحه بتبن رؤيه واضحه للواقع فى الشارع المصرى ياريت كل الناس اللى بيقولو على نفسهم مثقفين ونخبه تكون عندهم نفس الرؤيه ولكن للأسف معظمهم ما بيشفش حتى تحت رجليه وحقيقى كلمتك دى رائعه

Unknown said...

لازم نبدا فورا حملة توعية لكل المصريىن الغير قادرين على القراءة حتى لا يقعوا فريسة لذيول الحزب الفاسد واعوانهم . الناس دة مش ذنبهم انهم ماتعليموش . و لازم نقف جنابهم و نعرفهم حقوقهم واجباتهم . ياريت نقرب منهم و نعيش معهم هومهم و نحلم معهم و نعرف هم بيفكروا اذى .لازم يعرفوا ان احنا كلنا عائلة واحدة اللى يوجعهم يوجعنا واللى يوجعنا يوجعهم . لازم نروحلهم شوارعهم و حواريهم و يحسوا اننا منهم وهم مننا . لازم نشاركهم و يشاركونا فى كل حاجة عازين نعملها وكل حاجة بنفكر فيها . لازم ايدنا تفضل ايدة واحدة واتجاه واحد وحلم واحد . مصر فوق الكل . ربنا يحميكى يا بلدى . ياام الدنيا كل ثانية وكل دقيقة وكل ساعة وكل يوم وكل شهر وكل سنة و انت طيبة يااعظم بلد واجمل بلد يا بلدى يامصر

arabian_faithful said...

بصراحة أنا و كل العية قلنا نعـــم
مع إننا و لا إخوان ولا سلف ولا يحزنون
و بصراحة أكتر بقى الإخوان قالوا ميت مرة إن التصويت بنعم مش واجب شرعى و إن اللى حيقول نعم مش حياخد حسنة واللى حيقول لأ حياخد سيئة و برده الإخوان لم يتفقوا مع السلفيين والله الخلاف اللى بين الإخوان والسلفيين أكبر من الخلاف اللى بين الإخوان وكل الأحزاب و حكاية الكنيسة أنا ماأقدرش أتكلم عنها بس لما تقولوا الكنيسة وعاوزين تقارنوها يبقى تقارونوها بالأزهر مش بالسلف
إحنــــا حنهزر يعنى أنا أسيب الأزهر و أروح أقول السلفيين

و أخيراً أبوس رجل كل واحد هنا مفكر نفسه العلامة الزعفرانى وإننا إحنا الشعب الغلابة الكروديات اللى مش عارفين مصلحتهم
والنبى بلاش إهانة فينا أكتر من كده إحنا برده بيقولوا علينا بنى أدمين وسبحان الله أكتشفوا إن لينا عقل فياريت مش كل واحد يطلع يقول البسطـــــــــــــاء
البسطـــــــــــــاء

و إنتم مين
العقـــــــــــــــــلاء

وسعوا من وش العقلاء لاء لاء

أخيراً أنا فعلاً بأفرح لما بأقرأ ليكى أى حوار والله أنا من أشد المعجبين بطريقتك فى الحوار بس معلشى مفيهاش حاجة يعنى لو حاولتى إنك مش كل ماتجيبى سيرة الكنيسة تحاولى تدورى على أى طرف يكون فى الجهة المقابلة
إنتى مفكرة إن ده بيحقق التوازن
يمكن إنتى صح
بس أنا شايف ده بيزود الحساسية عندنا
لو عاوزة تقارنى مواقف الكنيسة بحد يبقى الأزهر
أسف على اللك

بساطه said...

تخيلي يانواره .. انا قاعد اقرا التعليقات وبردو مبسوط .... عبيط ده ولا ايه ....لأ مش عبيط.. بس بحاول اشوف الأمور من بعيد .. انا حاسس ان البروفه الصغيره دي كان لازم لازم لازم تحصل ودلوقتي في الحاجه الهايفه جدا بالنسبه للي جاي .. احسن ما نفهم اخطائنا بعد فوات الاوان.. محدش بيتعلم ببلاش ...

Unknown said...

اولا للتصحيح الاخوان ليس لهم علاقة بالسلفيين فهم مازالوا على خلاف
ومشكلة السلفيين ان طول عمرهم ماكان لهم في السياسة عشان كده كل شوية يطلعوا بيان فشنك اما الاخوان فهذه فرصتهم ولا اعيب عليهم حشد الناس لنعم واخشى ما اخشاه ان يختفوا كعادتهم بعد ان ينالوا مايريدون وان كنت لا اعتقد ذلك لان بدا يظهر منهم اشخاص واعيين وديموقراطيين واما المسيحيين فهم في حيرة من امرهم اذا قالوا نعم فهم يخالفون الكنيسة واذا قالوا لا فقد يكون ذلك من الخطا بمكان على الرغم من اقبالهم الشديد على التصويت
اما العلمانيين فهم يكرهون كل ما هو ديني سواء اسلامي او مسيحي يريدون ان يعيشوا بلا رابط
واخيرا اتمنى ان يتحد الجميع لا من اجل المصالح الشخصية او الحزبية ولكن لمصلحة هذا الوطن الذي جاء الوقت النعيد بناءه على اسس صحيحة سواء اخلاقية او علمية وهذا ما يجب جميعا ان نسعى اليه
واخيرا شكرا نوارة

أمل said...

السلام عليكم يا أ\ نوارة تحياتي حقيقي مقال حلو أوى أوى انا ديما بادخل المدونة بتعتك لكن اول مرة اقرأ ليكى مقال جميل اوى كدة يمكن علشان بيمس مصرية الواحد .. فعلا انتى قولتى الى لسه كنت بقوله لزوجى بس قولتيه بطريقة اعم واشمل بجد انتى صح
طول ما هما لسه مشيين على طريقة زمان فى التعبير عن نفسهم او فى الدفاع عن فكرهم بالطريقة دى هيفضلوا انانيين فى تفكرهم كل واحد بيضور على مصلحته مش مصلحت الكل او مصلحة البلد لازم نبطل انانيه ...وانا كنت زيهم فى نقطة ان الناس ممكن تاثر عليهوم لكن بعد الى شوفته من نظام وبالذات النظام فى الطوابير اقدر ا اول ان فعلا الناس دى بتتغير وعوزة تعيش على نضيف وتبتدى على مايه بيضه زى ما بيقولوا لكن مين يسمع ومين يشوف وربنا ينولنا الى فى بلنا .. وشكرا فعلا على المقال الحلو ده وياريت يتنشر فى كل مكان
ويتصور ويتوزع كمان

بساطه said...

كله اشتغل شغل مقرف ... مين عمل ايه والله مش مهم .. المهم نتعلم ان البسطاء لازم حد ينزل يتكلم معاهم ويفهمهم الحقيقه بجد مش على هواه الشخصي ... علشان بعد كده ما نزعلش ونقول اصلهم مش فاهمين اصل الناس اضحك عليها ... لا عشان الناس ما ينضحكش عليها ننزل نفهمها .... وواااااضح ان ده الواجب الوطني الي جاي... وعااااااارف انك قلتى الكلام ده قبل كده لما اتدلدل لسانك .... محدش.. بيتعلم... ببلاااااش

أمل said...

السلام عليكم يا أ\ نوارة تحياتي حقيقي مقال حلو أوى أوى انا ديما بادخل المدونة بتعتك لكن اول مرة اقرأ ليكى مقال جميل اوى كدة يمكن علشان بيمس مصرية الواحد .. فعلا انتى قولتى الى لسه كنت بقوله لزوجى بس قولتيه بطريقة اعم واشمل بجد انتى صح
طول ما هما لسه مشيين على طريقة زمان فى التعبير عن نفسهم او فى الدفاع عن فكرهم بالطريقة دى هيفضلوا انانيين فى تفكرهم كل واحد بيدور على مصلحته مش مصلحت الكل او مصلحة البلد لازم نبطل انانيه ...وانا كنت زيهم فى نقطة ان الناس ممكن تاثر عليهوم لكن بعد الى شوفته من نظام وبالذات النظام فى الطوابير اقدر ا اول ان فعلا الناس دى بتتغير وعوزة تعيش على نضيف وتبتدى على مايه بيضه زى ما بيقولوا لكن مين يسمع ومين يشوف وربنا ينولنا الى فى بلنا .. وشكرا فعلا على المقال الحلو ده وياريت يتنشر فى كل مكان
ويتصور ويتوزع كمان
واكيد الناس هتفهمه بسرعة ..يارب

ولاء علي said...

يا نوارة انا قلت لا مش عشان اي حاجة خالص غير اني مقتنعة ان العقد شريعة المتعاقدين...و معرفتش اخد القرار دة غير لما اخدت عهد على نفسي اني مش حخاف من حد او من اي حاجة عشان اعرف افكر...عشان اللي بيخاف مبيعرفش يفكر..دة رايي...عملت بنصبحتك و نزلت الشارع...كل اللي قابلتهم يا نوارة خيفييييييييييييين...صعب عليا قوي...انا بجد منفعلة جدا و يمكن مش حقدر ابقى موضوعية مع اي حد بيستخدم الدين لترهيب الناس و توجيههم ايا كانت الاسباب لان المفروض ان رجل الدين بالذات يكون اخر واحد يعمل كدة....لكن بردو لا يمكن ابدااكون انا كمان رد فعل...انا حقبل النتيجة انشاء الله...و انا واثقة ان كل اللي متدايقين زيي عشان حسو باننا منقدرش نسكت تاني ابدا و احنا شيفين الخداع كدة عيني عينك...محموقين على الحق لكن مش حيولعو في البلد عشان محموقين حيقبلو النتيجة بردو و يكملو الطريق

Unknown said...

قريت تعليق حلو أوى على صفحة الائتلاف بيقول عملنا ثورة نظيفة وناجحة
عملنا استفتاء بطريقة متحضرة
لكن منجحناش فى توعية النااااس .. (.لان مفيش شىء كامل ابدااااا ) ، صح كده هو ده خلاصة الموضوع ، لو كنا نزلنا الشوارع ووعينا الناس و عرفناهم إن الآستفتاء مالوش دعوة بالدين يمكن كانت الناس كلها الوأتى تكون مبسوطة

Unknown said...

ارفض اسلوب الاخ اف 16 , انا ممن صوتوا بنعم رغم اني نزلت فوجدت علي السيارات في شارعنا ورق مطبوع يقول صوت بلا من اجل الوحد الوطنية ورغم ان الاستاذ عمرو خالد ومعز مسعود جم وقالوا لا , ورغم ان الاقباط الي كانوا ورايا في الطابور كانوا يلحون علي الصويت بلا , رغم ان جريدة الوفد التي اتبعها كانت مصرة علي لا بل وعاملة حملة مكثفة , رغم إعلان جريدة الشروق ورغم فيديوهات لا ورغم النداء بتاع ام الشهيد بتقول من حق ابني دستور جديد فلما تحجرون علي رأي بكل هذا الصلف

yasso.97 said...

كلامك جميل فعلا اللي بيحب البلد دي حا يلم الصف و يلم الدور علشان نخلي مصر بلد ديمقراطيه جميله متقدمه احسن من دول اوروبا و الدول المتقدمه يا رب

قارئ مهتم said...

مرة ثانية أهنئ كل مصري وكل مصرية وأشد على يد كل منهم وأقول لهم : ألف مبروك على هذا الاستفتاء الناجح جدا والمشرف بحق والذيأدهش العالم مرة أخري وأثار إعجابه بمصر وأهل مصر
إن كان هناك بعض المواقف والأحداث غير السارة فهذا أمر طبيعي فمن عاش في الظلام لمدة ثلاثين عاما لابد أنه سيصاب بضعف الإبصار إذا خرج إلى ضوء الشمس، ولكن مع مرور الزمن وتكرار التجربة ستعود إله قوة الإبصار
ومع هذا علينا أن نعود إلى الدرس الأهم من ثورة يناير ، وهو أنها ثورة كل المصريين وأن مصر لكل المصريين وأننا جميعا متساوون في الحقوق والواجبات ولا يجوز لمصري أن يتهم مصريا أو جماعة من المصريين بأي اتهام بغير دليل قاطع يصلح دليلا للحكم عليه أمام المحاكم
كما يجب علينا أن نترفع عن لغة السفاف التي يستخدمها بعض القراء الأعزاء في تعليقاتهم
كما أحب هنا أن أعتذر للمواطن الدكتور محمد البرادعي عما حدث له أمس أثناء إدلائه بصوته في الاستفتاء
كما أعتذر للمواطن الدكتور محمد شتا عما حدث له في البرنامج التليفزيوني أمس ، بصرف النظر عن اتفاقي مع كل
منهما أو اختلافي
حقكم على راسي

ساعي الخير said...

الحمد لله رب العالمين
ثورة بلا أهداف وراء الفوضي أنجراف
ثورة لا تهتم بأكل عيش الناس و العمال يعني مسخرة و أستهبال
اذا ما كانش الدستور المزعوم ينص علي حد أدني للأجور ( بمبدأ الأجر الذهبي جنيه و ربع ذهب لمقاومة آثار التضخم ) يبقي منفصل عن الناس
و أذا ما كانش ينص علي فترة زمنية محددة للتقاضي ( لاتزيد عن ثلاث شهور للفصل البات النهائي ) يبقي الظلم لسه أيدة طايلة و خيبة الثورة هايلة
و أذا ما كانش ينص علي نسبة ثابتة من الضرائب يحددها الفرد بنفسه لنفسه بعد أعفاء يماثل ضعفي الحد الأدني سنوياً يبقي ده تهريج مش لضيق الناس تفريج
و أذا ما كانش ينص علي الحرية في التعليم و العمل و تقليل تراخيص المزاولة للمهن و تبسيطها وفق أختبارات دورية يبقي فين الحرية اللي بتدوروا عليها و تتكلموا بأسمها .
و حرية التعليم دي بالأخص مرتبطة بحرية العمل و محدش يتفرض عليه سنوات دراسة معينة (12 سنة قبل الجامعة ليييه..... يقولك متسألش هو كورس كده مش مهم تاخد فيه أيه و لا .. ليه .. هم عشر سنين فول ) ثم ليه التعليم في الوعي مرتبط بالجامعة لأنه بيقيد مزاولة المهنة بشهادات الجامعة و مش بيراعي التعليم الحر الحيوي المكتسب من الخبرات العملية و ليه مفيش أختبارات مزاولة مهنة يجتازها الجامعي و غيره صاحب التعليم الحر الحيوي الغير جامعي و أختبارات مزاولة المهنة دي تعني تغيير قوانين مزاولة المهنة و عدم التقيد بسنوات دراسة معينة و جامعات و مدارس بعينها و مناهج بذاتها و ده يعني تخفيض نفقات التعليم الحكومي _ المدفوع أصلا من الضرائب بما يعني تخفيض الضرائب مما يدعم الأقتصاد و المنافسة التجارية الدولية _ و أعلاء شأن التعليم الحر يعني تحرير التعليم من سيطرة أساتذة بعينهم و استعباد المعيدين و الطلاب يعني الحرية في التعليم و العمل يعني الحرية في الحياة و إذا ما كانش الدستور فيه كده يبقي دستور ايه ده المزعوم هيجيب الحرية منين الحرية لازم تكسر القيود و الجمود و تحترم الحياة و العلم الحقيقي مش الشهادات و أذلال الأساتذة للطلبة الناتج عن غياب الحرية في التعليم و العمل .
و أذا ما كانشي ينص علي حق كل فرد في الأرض و امتلاك منزل و عمل يبقي و لا عزاء للفقراء اللي بيسكنوا عشرة في أوضة و غيرهم يلبس آخر موضة .
و أذا ما كانش ينص علي أن العقود الدولية التجارية تكون لمدة محددة لا تزيد عن ثلاث سنوات يبقي معلش اللي أتباع أتباع و هيقولوا دي ثورة جياع
و أذا ما كانش فيه دفاع مدني من أهل كل حي مع الشرطة و الجيش و القضاء ليهم تواجد في الأقسام يبقي نقول علي..... الأمان .... ده كان زمااااااااان
و أذا ما كانش الكلام ده عاجب فمعلش غصب عني لأن العمال و الغلابة و المساكين و الأيتام و المشردين و بتوع المطالب الفئوية و المظلومين بتوع الحالات الفردية مش هيترشحوا في الأنتخابات و ما يعرفوش الحيل الأنتخابية و لا الدستور بتاع انتخاب المجالس و الرؤساء بيعتبروه كلام ما يأكلش عيش فاكرة الناس دي يا نوارة و لا البرلمان و انتخابات الرياسة و طريقة الأنتخاب خلوكي تنسي عموماً إذا كنت نسيتي هم ليهم رب أسمه الكريم ... و موفقين للخير

أحمد زاهر said...

عندك حق فى كتيير من كلامك
كان فى الفتره اللى فاتت أربع حملات
ناس بتقول نعم بطرق غير مشروعه
نعم علشان الماده التانية استخدموا رجال دين ودول فعلا ما اخدوش بالهم ان نعم بتجيب تغيير للدستور زى لا بالظبط وده سببه الإندفاع السياسى لأنهم أول مره يشاركوا سياسه
وعلى النقيض حمله أكبر وأوسع بتقول لا ولأسباب كتير
نعم خيانه لدم الشهداء
نعم هتخرب البلد وهتضيع الثورة
نعم هتجيب اخوان ووطنى وهما اتفقوا سوا
استخدموا مشاهير ونجوم اعلام وسياسه

وهذان الفريقان أخطئوا فى حق الشهداء والوطن وفى حق الله
وفريقان آخران أحيى كل منهم اختلفوا فى وجهة النظر وفى أى الطريقين أفضل للمصلحة العامة فهم اتفقوا على النظر لمصلحة البلاد وهذان النوعان ما تحتاجه مصر الفتره القادمه
أنا صوت بنعم أمس ودائما كنت أقول لأصدقائى أن من يصوت بلا وهو مقتنع بأسبابها أفضل ممن صوت بنعم لأسباب واهيه

Ms Venus said...

اولا انا مش عارفة ايه دخل الكنيسة فى الموضوع

احنا كمسيحين عارفين كويس احنا قولنا لا ليه


ومش لسبب دينى نهائيا ولا هو خوف من الاخوان

ابسط سبب هو انى هعدل دستور انا رميته واسقطه قبل كده ليه وازاى وبأى عقل ومنطق


غير حاجات كتير اوى واسباب تانية


تقدرى بقى انتى تقوليلى اللى قالوا نعم امبارح دول قالوها ليه ؟

وطبعا تحت الشعار الدينى ؟

nosseir73 said...

كانك بتقولى اللى جوايا بس اتمنى من الفريقين العقل و الحنكة و لو انى كنت اتمنى من الفصيلين ان يلتزموا الصمت وعدم الكشف عن رايهم لعدم المساس بالاراء الاخرى امال احنا بننتخب ورا الستارة لية و كنت اريد الكلام فقط من القانونيين لتوضيح الرؤي فقط ولكن اعتقد ضيق الوقت هو السبب فى كل هذه المهاترات فكل فرقة اتبعت الخطوات الاسرع لجذب الاراء تجاهها وهى خطوات الدين والتخوين

ساعي الخير said...

http://www.almasry-alyoum.com/article2.aspx?ArticleID=291061&IssueID=2080

الرابط ده من المصري اليوم عدد اليوم ..
قدام مسجد الحصري .. بص تعال شوف أهو قوم هههههه
عمال ما لهمش دعوة محدش دعاهم
مشغولين لأن ما فيش .. عيش حداهم
عيش يطعموا بيه أولادهم
عيش بيعيشوا بيه في بلادهم
و أنتوا تقولوا الصوت هيفيدهم
قال و مصيرهم يبقي في أيدهم
طب ما زمان كان فيه دستور
و الدستور هو اللي كايدهم
يا خلق يا بتوع الدستور
هي كلمة كده في النور
العدل بغيره ما يدور
الخير علي كل الدور
مهما تقولوا عن الدستور
فين العدل و ناس جعانين
و فين الصحة و التعليم
هو يا ناس بقي دي التعاليم ..
المادة الثانية
الدورة الثانية
الفترة الثانية
الفرصة الثانية
و أهو كله للناس التانية
معلش ما الدنيا دي فانية
هعملك دستور و في ثانية
تنساه و تبيعه في ثانيه
لو ضحكت بصراحة الدنيا
و بقيت الريس لو ثانية
يا نوااااااااااااااااااااارة ثورة بلا أهداف وراء الفوضي أنجراف
الحد الأدني للأجور الأجر الذهبي يا نوارة حق الناس يا نوارة
يا ناس أدوا الناس حقها يا خلق يا عالم موفقين للخير

Unknown said...

يا نواره عندك حق...شوفى مين حايرشح نفسه للمجلس وياريت انت كمان تترشحى...انت عندك كام سنه؟وياريت تتدخلى علشان المجلس العسكرى يخلى فى الاعلان الدستورى سن الترشح للمجلس خمسه وعشرين سنه ولوحتى بنسبه زى كوتة المرأه ويلغو نسبة العمال والفلاحين علشان دى مرشحينهابيتحايلوا على القانون وحاتسبب طعون كثير ومافيش وقت للطعون كمان المجلس اللى جاى حايناقش الدستور وده محتاج ثقافه خاصه مش عمال وفلاحين...حاقوم بقى اعمل الغدا

Unknown said...

طبعا ردودك فى معظمها جيده بس فى كلامك قلتى

"فيلم شرع الله"

ياريت اذا سمحتى من فضلك خلى بالك ماعتقدش ان الكلمه ديه تليق

Shoukry said...

Comment from Ahmed 3allam

كل الي كنا بنطلبه اننا نوعي ام الناس ونعمل الدستور بأييدينا
بمشاركة كل الناس
ويجي المجلسس والرئيس يمشو عليه

جتنا خيبه
انا زعلان ومقهور مش عشان الاغلبيه قالو نعم
عشان الي اتعمل
سواء من الاخوان او السلفيه او الكنيسه
عشان هي كمان بعتت ناس بالجمله

Add to this reasons that we didn't fulfill one demand of the revolution which is a new constitution and canceling the old one ;(
The same feeling for me

مصراويه said...

انا حزينه ومش هقول اكتر من حسيى الله ونعم الوكيل

علاء زين الدين said...

كالعادة، الكلام كله منطقي ويضع النقاط على الحروف بصراحة. لكن أعترف أني أحسست بغصة من الطريقة التي ذكرت بها كاميليا شحاتة ووفاء قسطنطين. أعتقد أنه من الظلم لكاميليا ووفاء وغيرهما من اللاتي واجهن مصيراً غامضاً أن تُستخدم أسمائهن كعناوين لأجندات متشددة أو قضايا زائفة. بل يجب بعد أن تستقر الأمور في أيدي حكم مدني دستوري في أجواء نتمنى أن تكون شفافة أن نتابع هذه الملفات من خلال قنوات قانونية وحقوقية حتى نصل إلى الحقيقة ونرد عنهن الظلم إن كن ظُلمن. إلى حين ذلك فأقل ما نفعله حين نذكرهن أن نتخيل لو كان أحدنا مكانهن ويقرأ ما يكتب عنهن، ماذا سيكون شعوره؟ بل لو كان أحدنا مكانهن هل يود لو كانت صورته إلى جانب صورة عمرو البحيري وطل الملوحي؟ مجرد رأي.

مصراويه said...

انا حزينه ومش هقول اكتر من حسيى الله ونعم الوكيل

Tears said...

بصى من الاخر كده...اخره فيلم السلفيين دول اللى ماشيين يقولوا للناس اللى يقول لا يبقى ضد الاسلام و مع الكفار ان ح يحصل زى الجزائر و الجيش ح ينقلب و ياخد الحكم...و ده مش كلامى ده كلام راي ضباط فى الجيش و لسه متقال و ناس كتير علقت

بس ده منطقى..لو بتوع التيار الاسلامى مالموش نفسهم ح تولع بالكل و ابقى افتكرى كلامى ده

I7V said...

ملخص الاستفتاء: المجلس الاعلى طرح الاستفتاء لتأكيد شرعيته في حكم البلاد والناس راحت تستفتي على الماده التانيه

Early bird said...

انا زهقت ومتفقه تماما مع ان اللى بيقول على الشعب ده جاهل انه يستاهل ضرب الشبشب
الشعب الحاهل ده هو اللى خرج فى اللجان الشعبيه من اسكندريه لاسوان لحمايه نفسه من البلطجيه
هو اللى وقف فى طوابير علشان يدلى بصوته بطريقه حضاريه

هو اللى اجبر محافظ القاهره انه يقف فى الصف
مين اللى مستحمل اليلاوى علشان يربى ولاده مشكله المثقفيين فى القاهره اعتقادهم انهم لوحدهم اللى قاموا بالثوره وان التحرير هو المكان الوحيد الثائر الثوره دى كانت شعبيه فى كل المحافاظات والتحرير مجرد رمزوالناس اللى خرجت تدلى بصوتها هى برضه الناس اللى انتفضت فى جميع مياديين مصر للثوره وحتى اللى صوت بنعم علشان لا كانت ضبابيه غير مفهومه النتائج واللى كحلها ان العلمانيين ابتدوا يقولوا لا مش عايزيين الاخوان فى البرلمان لانهم كده هم حيكون ليهم دخل فى كتابه الدستور ومننساش الازمه اللى اتعملت على اللجنه اللى قامت بالتعديلات ورئيسها طارق البشرى لمجرد انه معروف بميوله الاسلاميه والنكبه بقى بتاعه صبحى صالح والناس بتوع الجيش يحلفوا انهم من اصلح الناس وان دى مجرد تعديلات وان عليهم النعمه من نعمه ربهم مش هم اللى حيكتبوا الدستور
يبقى ايه بقى وكمان الاخوه المسيحيين ختموها بقى بالحشد المعلن وعلى راسهم قناه اون تىفى كله يا جماعه لامش عايزيين اسلاميين

الشعب الجاهل بقى اللى كان بيراقب مكانش مستنى الاخوان ولا غيرهم علشان يقول كلمته

لان فيه ناس اعرفهم لما امام الجامع اللى على فكره من الاوقاف يعنى لا سلف ولا اخوان قالل لناس قولوا نعم كزميله القس ما قال للمسيحيين قولوا لا الناس مسكوه شرشحوه وقالوله انت مالكش تقول احنا نقول ايه انت تعرفنا التعديلات معناهاايه لو كنت فاهمها وبعدين تسكت

الشعب مش جاهل انتم اللى جاهليين بالشعب وعلى فكره مالقتش حد من الشعب الحاهل اللى صوت بنعم قال حاجه غير ان النتيجه لو جت بلا حنقبلها

Unknown said...

شوفى يا نواره انا مستقله مسلمه ماعرفش الاخوان ولاغيره....لكن لما شفت واجب الضيافه اللى اتعمل اول ما عصام شرف مسك...اطفيح وطريق المقطم وحرائق امن الدوله...قلت لنفسى لو بدأنا نكتب دستور من غير ما يكون عندنا مجلس شعب ولا رئيس يبقى الفلول حاتلاقيها فرصه ذهبيه علشان تسخن وتولع فى كل كلمه وكل سطر وخصوصا موضوع الماده الثانيه حيتفتح وهات يا مظاهرات واعتصامات وعنف وده خلال المناقشات يعنى من غير ما تكون حاجه اتكتبت اصلا....ونقعد فى المناقشات سنين وكل ده من غيررئيس ومن غير مجلس شعب ....لكن لو المناقشات دى اتعملت فى وجود مجلس شعب وفى وجود رئيس منتخب الناس بتحبه حايقدر يحتوى الخلاف ويوصل لحلول تمكنا من استكمال كتابة الدستور...علشان كده اخترت نعم...علشان نكتب الدستور واحنا عندنا كبير نحتكم ليه (مجلس الشعب والرئيس)بدل مانقعد نكتب الدستور واحنا فى الهوا مالناش كبير...علشان كده قلت نعم...عايزين بقى ناس كويسه ننتخبهم فىمجلس الشعب

magdy shaheen said...

اى حاجة مش فارقة الي فارق معاية 18 مليون الي شاركو والاثنين حلوين نعم ولا حليم ولا صباح ودى احسن رسالة للى فوق ان الثورة مستمرة بس خلاص

wahaby said...

يا اخت , السلفيون هما اللي عملوا شعبية ل"نعم" و"الاخوان" ... اما الاخوان فهم مجهولون لدى الناس ... ولولا ما اضفاه عليهم السلفيون من شرعية لما كانت هذه النتيجة ... والاخوان لم ينكروا الدعاية الاسلامية لقولة "نعم " وانها في صالح الاسلاميين وهي فعلا في صالح الاسلاميين والاخوان بالذات ... فلما انجح السلفيون الاخوان راح الاخوان يصمون السلفيين بالتطرف ... هو انتوا فكركم انكم لو نزلتم كاخوان للشارع لتقنعوا الناس سياسيا بالتعديلات كنا سنحقق هذا الفارق ؟؟؟ا طبعا , كامكم مافيهوش فارق كبير عن كلام من قالوا "لا" بالنسبة للناس... الناس مالت ل "نعم" حبا للاستقرار وحبا في مصلحة الاسلاميين التي روج لها السلفيون ... ودا شرف لينا ان السشعب بيميل مع الهوية الاسلامية التي تخدم لصالح الوطن .. فاتقي الله في كلامك عن السلفيين

z-sobky said...

ابراهيم عيسى وتلات ضيوف معاه على الجزيرة كلهم قالو لا فى الاستفتاء وسالخين فروة الأغلبية اللى قالت نعم وبيتهموهم بأنهم اجهضو الثوره وان اللى حصل غير ديمقراتى وان اللى قالو لا هما اصحاب الثورة وان الأغلبيه اللى قالت نعم مالهاش فيها..وعمالين يهرو فى فروة اللى قالو نعم وانهم سيقو من قبل التيارات الاسلاميه..وكإن الأغلبيه مش فاهمه ومحتاجه وصايه من سيادتهم..سامع نفس النغمه النشاز الوسخه اللى كان نظام مبارك بيتكلم
بيها
وبيقولو ان اللى اختار لا هو الوحيد اللى اختار عن قناعه ومنطق وان اللى قالو لا منطقهم من المريخ وناس لا يملكو رؤيه
وطبعا مجابوش سيره عن ان الكنيسه كانت بتحشد الناس للتصويت بـ لا هى كمان
"BAD LOSERS"

شمس العصارى said...

هو انتى ملاك بجناحين ولا انتى شيطان بضوافر
هههههههههههههههههههههههههه
والله من زمان وانا بحس انك طيبة
بس اوقات ...... مش على طول
هههههههههههههههه

أحمد طـه said...

توجيهات سلفية
توجيهات كنسية
الى عايز يوجه يوجه

-----

مندهش من التعليقات

wahaby said...

http://www.facebook.com/profile.php?id=100002159327385&sk=wall#!/notes/mohammed-salah/%D8%A7%D9%84%D8%A7%D9%86%D9%82%D9%84%D8%A7%D8%A8-%D8%B9%D9%84%D9%89-%D8%A7%D9%84%D8%AF%D9%8A%D9%85%D9%88%D9%82%D8%B1%D8%A7%D8%B7%D9%8A%D8%A9-%D9%88%D9%82%D8%B5%D8%B1-%D8%AF%D9%8A%D9%84-%D8%A7%D9%84%D8%B9%D9%84%D9%85%D8%A7%D9%86%D9%8A%D9%8A%D9%86/107929902622320

omar said...

يا جماعه ارحمونا بقى وفرقوا بين السلف والأخوان الأخوان لا عمرهم قالوا واجب شرعى ولا ماده ثانيه ولا اى افتكاسات الاخوان حشدوا لرأيهم بمنتهى النزاهه ونجحوا فى جذب الشارع فى نفس الوقت الى انتوا قاعدين تكلموا نفسكم فيه على الفيس بوك والبالتوك وتويتر وبعدين تيجوا تزعلوا
ارحمونا بقى عايزين تفهمونا يعنى ان 80 فى الميه من المصريين جهله ليه احنا عايشين فى بنجلاديش

arabian_faithful said...

معلشى و النبى سؤال من مواطن غلبان

هوا يعنى إيه إسلاميين
و إيه الفرق بين الإسلاميين والمسلمين

يعنى أنا مسلم
طيب الإسلامى دا بقى بيعمل إيه
يعنى سمتوه كده ليه و بتهرشوه إزاى


معلشى لو فيها رذالة بس أهو تكسبى ثواب

و أخيراً رجاء من الجميع
كفاية شتيمة فينا بقى

مش ممكن كل واحد داخل يقول الشعب الكروديات دول إنضحك عليهم

يا سيدى وإنت مالك لو الشعب ده أهطل حنعمل فيه إيه

ما هو أصل مش ممكن حننزل الميدان ونقول الشعب يريد إسقاط الشعب

أو نقول بقى إحنا الحكماء اللى فى البلد نطالب برحيل الكروديات

أهو ده بقى الشعب بختكم كده مش إحنا السبب فى إنكم مطلعتوش تراكوة لو مش عاجبكم الشعب روحوا خدولكم أى جنسية تانية و سيبوه يولع

arabian_faithful said...

أنـــــــــــــــــا لقيت الحل

الظاهر إن السهر ده بيجيب أفكار ألمعية

إحنا نبعت للأخوة الصينين ودول بقى حبايبنا وبيعملولنا حتى السبح وسجلجيد الصلاة و الفوانيس والقفاطين
يعنى مش حيتأخروا عنا

نقولهم والنبى يا أخوة يا صينين_الداهية إن الواحد مش عارف يحلفهم بأيه دول بس_إحنا محوجينلكم فى خدمة رفيعة خالص
إحنا عاوزين جهاز كشف الكروديات
بحيث نقدر نفصل بين الكروديات و العقلاء
بس المشكلة إننا مش ممكن برده نحرم الكروديات من التصويت شفتو الخيبة
بس ممكن نعمل إيه بقى الواحد من العقلاء يبقى صوته بمقام مائة مواطن مصرى كروديا
ولو مش عاجبكم ممكن نبحبحها شوية عادى خالص أنا أهم حاجة عندى مزاج سعادتكم

بس إنتم عارفين إيه الخيبة
لو الجهاز طلكم إنتم الكروديات
يا ترى ساعتها حتقولوا إيه
ما هو أصل أنا بيتهيئالى الصينين لسه موصلهمشى إختراع الإخوان والسلفيين



أخر سؤال والنبى
هوا يعنى إيه مثقف
يعنى برده معلشى لو فيها رزالة يعنى
بتهرشوه إزاى

كيوبيد said...

نواره ها الكلام جميل وزى الفل بس اعزرينى عايز اقول انا راجل من الصعيد وفاهم اهل الصعيد كويس الناس هنا اتعمل لهم غسيل مخ وانتى عارفه المصرين الدين عندهم حاط سد ممنوع الاقتراب منو او التصوير احنا كده من الف السنين كده كانو الكهنه يضحكو على الفلاحين وينهبو باسم الدين والاخوان وجماعات لا دين عملو نفس الحركه مع حرية الناس فى التعبير عن رايهم دول من وجه نظرى باعو الدين بالتين دى وصلت لحد الاتهام بالكفر والزندقه علشان قولت لا وبوعى الناس فعلا كان اسلوب غير حضارى انو يستغلال جهل وامى الناس ويدخل الدين فى اموار هو اكبر واجل منه كتير ثانيا ايه الى يضمن ان الاخوان لما يدخلو المجلس مش هايفصلو دستور على مزجهم؟؟؟؟ هنا الخوف وانتى سيد من يعرف احنا عايشين فى مجتمع دولى عداوء الاول كلمة مسلم واحنا لينا واضع لا نحسد عليه جيران دلعوة البيت الابيض اسرائيل وطالع لينا واحد زى الاخ عبود يتكلم عن جزيه شوفى الرجل فى القرن 21 عايز يدافع الناس جزيه علشان مش مسلمين ده بيخرف وعايش فى زمان غير ها الزمان انتى عارفه ان مصر حبيبه كتير فى الدخل والخارج وكلو عايز ياكل من حلوا العروسه انتى فاهمنى طبعا وربنا يستر علينا وعلى مصر

hosseiny shatat said...

انا من الاخوان يانواره
واسعد اوقاتي وانا بطالع كتاباتك
لاني بحس انك انسانه في منتهى النظافه والموضوعيه والحياد
صادقه وليس لك اي غرض سوى مصر
حتى وانتى بتنتقدينا بحس انك خايفه علينا
بحس انك ام رغم صغر سنك
الله ينور عليك

Unknown said...

حضرتك يا استاذ فهمت غلط

الاخوان قايلين نعم من بدري

و الاخوان مقالوش نعم دي علشان مصلحتهم

لكن علشان مصلحة البلد

الدور و الباقي في اللي خاااايف و مرعوووب من الاخوان

و على فكرة فعلا زي ما قولت الاخوان في حالة لأ مكنوش هيغلبوا

و كان اكييييييد على الاقل واحد فيهم راشق في لجنة التعديلات

و اكيييييد واحد فيهم كان هيبقى في مجلس الرئاسة

انما الاخوان مش بيدوروا على مصلحتهم

بيدوروا على مصلحة البلد

kamal saad said...

الثورة سرقوها
الحقونااااااااااا ...... امسك حرامى سرقوها .....هى اية ياولدى اللى سرقوها؟ .. محفظتك ولا هدومك اللى سرقوها ؟لا اللى اتسرقت ثورتى واتسرق كل اللى عملوها ؟؟ دة انا عملتهابدمى ودم اختى واخويا ..نمنا فى الشوارع وعلى الرصفان وكانوا بالنار يضربونا ..دم اخويا لسة ما برد ولسة ما جف دمع امى وابويا ..كنت فاكرها خلاص فرجت والحرية هنشموها ...ما تعيطش بس قولى اتسرقت منك ازاى ومين اللى نشلوها ؟ عملوا على نصبة بالاستفتاء سموها .. العسكر اقروها وانا لسة كنت بنادى واقول يلا للثورة نكملوها...جابوا عقد ميت وعلى بنودة رقعوها ... وقالوا لى لو ما وقعت العسكر هيضربونا ...هتبقى كافر وملحد وباللاسلام غلفوها ...ياربى انت القادر ترجع لى ثورتى من اللى نهبوها ...

kamal saad said...

الثورة سرقوها
الحقونااااااااااا ...... امسك حرامى سرقوها .....هى اية ياولدى اللى سرقوها؟ .. محفظتك ولا هدومك اللى سرقوها ؟لا اللى اتسرقت ثورتى واتسرق كل اللى عملوها ؟؟ دة انا عملتهابدمى ودم اختى واخويا ..نمنا فى الشوارع وعلى الرصفان وكانوا بالنار يضربونا ..دم اخويا لسة ما برد ولسة ما جف دمع امى وابويا ..كنت فاكرها خلاص فرجت والحرية هنشموها ...ما تعيطش بس قولى اتسرقت منك ازاى ومين اللى نشلوها ؟ عملوا على نصبة بالاستفتاء سموها .. العسكر اقروها وانا لسة كنت بنادى واقول يلا للثورة نكملوها...جابوا عقد ميت وعلى بنودة رقعوها ... وقالوا لى لو ما وقعت العسكر هيضربونا ...هتبقى كافر وملحد وباللاسلام غلفوها ...ياربى انت القادر ترجع لى ثورتى من اللى نهبوها ...

arabian_faithful said...

بصى أنا عارف إنك بيجيلك رسايل ياما بس برده أنا ماليش دعوة
لازم تردى على السؤال بتوعى

يعنى إيه إسلاميون ودول يعنى مش زينا ولا دول زى الشيعة مثلاً؟

wahaby said...

سؤال محيرني لرافضي التعديلات الدستورية..هل لم تسمعوا أن هناك لجنة شكلها مبارك وأقرها الجيش كانت مهمتها القيام بعملية "ترقيع الدستور" و "تعديل 9 مواد فقط دون المساس بالصلاحيات الالهية للحاكم" و"اضفاء الشرعية على دستور باطل" و "احياء ميت بالسكتة الدماغية" ...



لماذا لم يحشدوا (كل) طاقاتهم تلك التي ظهرت متأخرة جدا منذ سقوط مبارك وانتظروا شهرا بأكمله حتى تقر التعديلات وتطرح للتصويت طالما أنهم من البداية مختلفين مع مبدأ تشكيل لجنة ترقيع من الاساس ...



لماذا لم تخرج "مليونية ضد لجنة الترقيع" ؟ و ملصقات "لا للجنة تعديل الدستور"؟ و"لجنة الترقيع خيانة لدم الشهداء " ؟ واعلانات بسمة وحلمي وساويرس " احنا مش عاوزين لجنة الترقيع احنا عاوزين دستور جديد)؟ ... ليه تأخروا كل هذا الوقت ثم ظهروا ليلعبوا في الوقت الضائع ولم يوعوا الناس من شهر ان اللجنة مرفوضة من الاساس ؟..

الجيش كلف المستشار "طارق البشري" بعد سقوط مبارك مباشرة برئاسة اللجنة التي ستعدل 9 مواد فقط في الدستور .... قوى معارضة التعديلات كانت تعلم هذا جيدا ... ان هذه اللجنة ترقع الدستور ولا تبني دستورا جديدا ... فلماذا لم تخرج بمظاهرات في التحرير او تقوم بعمل حملات قوية لاسقاط اللجنة قبل ان تنتهي التعديلات وتصبح واقعا , طالما لا يعترفون بشرعية الدستور واللجنة ؟.... هل هو غباء سياسي ام ماذا؟..

هل صحوا متأخرا مثلا ؟ اوكانوا بيظنوا ان لجنة البشري كانت بتعمل دستور جديد ؟.... حد عنده اجابة عن السؤال دا؟

Bassem Zakaria El-Samragy said...

خايف على الثورة من النخبة بصراحة

hayat ank said...

برضه هاقول تانى كل الى بيحصل بياكد على ضروره انشء لجنه حمايه الدوله والدستور زى ما قال هيكللللللللللللللللللل علشان تكون فيه ورقه ضغط تعدل الميزان

hayat ank said...

لجنه حمايه الدوله والدستور قراراتها تكون ملزمه وبعيده عن تى تاثيرات او توازنات

hayat ank said...

لجنه حمايه الدوله والدستور لجنه مستقله وكمان لجنه الانتقال المن للعداله وغير كده انتوا شايفين العينه بينه والاستاذ الى بعت وقال من كام يوم عن تونس والى حصل وقال فى الاخر يا اما كده ياما سلميلى على الثوره كان عنده حق مليون فى الميه وادينا شوفنا ولسه وحياه ربنا لو قلتوا لى ان احنا ممكن نعمل كده وتكون ورقه الضغط هيه اضراب ن الطعام لااضرب

Amira said...

يسلم فمك يا بنتي
الموضوع ده بالذات جنني
و خلاني بفكر طول الوقت
عاوزة اعمل حاجة مش عارفة احددها
حاجة تخلينا نبتدي بقى ننضج فكريا
ننفض عن كتافنا اللي عمله فينا افساده للتعليم سنين طويلة
و قتله لمحاولة الفهم و تكوين فكر مستقل
نوارة انا بعت لك ايميل

من
hekayat.farida

لما يكون عندك وقت بصي عليه
تحيتي ليك
و احترامي
ربنا يحفظك