Monday, 14 March 2011

اللجان الشعبية للمراقبة الاستفتائية

تحديث:
صفحة على الفيس بوك... يالا اشتركوا في اللجان الشعبية للمراقبة الاستفتائية
هو مين اللي حيراقب الاستفتاء؟ 
هل منصوص على ان الاستفتاء ده عليه رقابة قضائية؟
طب انا ما اعرفش.. ولو فيه رقابة احنا ما نسلمش دقننا لحد ابدا
والله لو جابوا لنا الداظنانور يراقب.. مش حانثق في حد
احنا عايزين نعمل لجان شعبية لمراقبة الاستفتاء
كل لجنة فيها على الاقل اتنين بيراقبوا عملية الاستفتاء، من اول الصبح بدري قوي، من اول ما الصناديق تيجي وهي فاضية، وطول عملية الاستفتاء ويتم تصوير العملية دي وتفضل لازق للصناديق كأنك قيس وهي ليلى لحد عملية الفرز
والله الاستفتاء مشي ميت فل وسبعتاشر، ادي احنا نصور وننزل على اليوتيوب ونتباهى قدام الناس بالاستفتاء المصري النضيف اللي زي الفل والفرز اللي مافيش كده ولا في المنام انا وحبيبي
ونصور عملية النقل عشان بيبدلوا الصناديق من خبراتنا السابقة، بس احنا حنصور بقى الصناديق وهي مش بتتبدل، ونوري العالم اننا ناس زي الفل
انما لو حصل ولا قدر الله حد لعب بديله، فحنعمل فضيحة بجلاجل ونخلي اللي ما يشتري يتفرج
استبينا؟
يالا.. صفحات بقى على الفيس بوك وتنسيق وحركات

53 comments:

أحمد حلمى الشناوى said...

حلوة دى
ياريت يا نوارة

MedZag said...

معلش سوءال ساذج

مين اللي من مصلحته يزور التصويت؟

يعني هل اشلاء الحزب حاتهتم بالموضوع ده مثلاً؟

والاهم, هل عدم وجود اشراف امني في مصلحة ام ضد التصويت النزيه؟ بخبرتي المحدودة كان في الماضي ضد النزاهة!!!!

اسمع ارائكم برضه

dentomaklad said...

الاستفتاء تحت اشراف قضائى كمال وتامينه على القوات المسلحة والشرطة.......واحنا طبعا

ahmed said...

قريت و دمى محروق من كل اللى بيحصل
شباب التغيير و الثوره مشغولين عايزين يلحقوا يعملوا قاعده فى المحافظات
المشير و امثاله بيحموا حاجات كتير اوى منها السرقه و النهب بتاع القيادات الوسخه و مثلا مركز تاهيل العجوزه بدون ذكر اسامى
و الحزب الواطى بيجهز نفسه
و قيادات الشرطه كلها دماغ وسخه و مستنيه الامور تهدىعلشان ترجع ريما
و موافى و اللى معاه بيتكتك من تحت لتحت
مش عارف حتجنن
و اخوتكوا اللى ماتوا
و اللى تصابوا و ضاع شبابهم
ثوره يعنى ثوره
يعنى اباده لكل القيادات فى الدوله
ولا مش فاهمين يعنى ايه ثوره
و لا انبل مافى مصرماتوا فى 25 يتاير
الحل لازم يجى من جوه ضباط الشرطه و الجيش الشرفاء لوضع حل للمسخره اللى حاصله دلوقتى
انضموا مع شباب 25 يناير
ثار ....يثور...........ثورا
ابعدوا كافه القيادات
ارجعوا الحكم للشعب
بحبك يا مصر

Hesham Elshipli said...

صــناديـــق زجـــاجــيــة

أى حد عــايــز يشرف ويراقب الانتخابات

يــســمح له فــورا

كــاميــرات لمتابعة اللجان الانتخابية

الاجراءات دى لازم تكون فى كل الانتخابات الجاية

وربنا يصلح الحال

Vendetta said...

طيب كويس

هل اما احنا نروح نراقب عملية التصويت في شكل لجان شعبية ... الجيش هايسمح لنا يعني مش هانلاقيهم بيقولوا علينا بلطجية و لا مندسين ؟

مريم كرم said...

اكيد فكرة حلوة بس انا عايزة اجابة يا ست نوارة هو انت حتعملي برنامج في قناة التحرير اولا و ياريت تردي لان مش ممكن يكون في وعي سياسي في مصر من غير اعلام حر و انا متاكدة انو انت لو قدمت برنامج حيكون من اروع و احسن البرامج في مصر بس جوبيني يا اخت نوارة

Hesham Elshipli said...

تعليقا على تعليق الاخ أحمد

انا مش عارف موافى متقبضش عليه

لحد دلوقتى ليه

ده تاريخه اسود

حتى لما مسك الاعلام المصرى

خلاه زبالة الزبالة

أنا نفسى البلد دى تنضف بجد

ويمكرون ويمكر الله والله خير الماكرين

جبهة التهييس الشعبية said...

ما هو احنا لما نعلن اننا حنراقب ونعمل صفحة على الفيس بوك وكل واحد يعرف حيروح فين ويقف فين مش حيعملوا لنا حاجة
وبعدين الجيش قال قبل كده انه حيسمح برقابة شعبية

Lojaine said...

U-Shahed system howa el7l.. it is experienced before in last election.. monitoring teams report instantly on-line from every where in one portal..

Marwah said...

ننتخب بانتخابات حرة نزيهة إن شاء الله يشرف عليها كومبيتورات القضاة من اول ما نقول بسم الله لحد صدق الله الغظيم مش كومبتورات الحزب الوطني المرة دي الإنتخابات النزيهة حيشرف عليها القضاة مش وزارة الداخلية البوليس بس حيرس من برة ممنوع يدخلوا
جوة خالص
ده اللي قالوه وانا بقول ومافيش مانع من لجان شعبية ايه المشكلة هو حد لي عندنا حاجة

storm said...

ده كلامك يا نواره:

" احنا حنصور بقى الصناديق وهي مش بتتبدل، ونوري العالم اننا ناس زي الفل
انما لو حصل ولا قدر الله حد لعب بديله، فحنعمل فضيحة بجلاجل ونخلي اللي ما يشتري يتفرج
استبينا؟
يالا.. صفحات بقى على الفيس بوك وتنسيق وحركات "


يعني آخرنا نعمل فضيحة بجلاجل؟؟؟

لأ مش استبينا خالص
طبعا لأ
ده موضوع يرجعنا تاني ليوم 25 يناير...
و الا ايه

Mohamed Al-Abassy said...

يا نوارة دي فكرة حلوة بس يا ترى القضاه هيوافقوا على الفكرة و لا هايتقمصوا و يقولوا بنهين القضاه و نخونهم لما احنا نعد نصور كل صندوق .. هوا في فكرة مكملة ان واحد بس عشان ما يتحججوش بزحمة اللجنة يلزق جنب القاضي و الصندوق و يفضل يصوره من أول الاستفتاء لحد آخره بييجي بقى من منظمات المجتمع المدني أو الجمعيات الحقوقية و لا ييجي من أي حتة مش فارقة... و اللي يلوي بوزه على الفكرة نقولو طالما الاستفتاء نزيه و القضاه بشرفوا و معندناش حاجة نخاف منها و غسيلنا أبيض و زي الفل يبقى ننشره و نتباهى بيه عشان نكيد العوازلو الا يبقى غسيلنا وسخ وبنداري عليه وفي جوة الامور امور :)

noha said...

taieb tamam bas enty mota2akeda en el gesh ma3andoosh mane3 ??? tab law keda maho lazem tanseek ma3a el gesh 3alashan mesh ay 7ad ye2ool ana da5el ara2eb we yekon da5el ye3ok aw nas tet5ane2 we kol magmo3a teb2a 3awza tra2eb we tet2elb hargala el mawdooo3 lazemlo tanseek gamed we lazem saf7a wa7da bas fe el facebook we kol elly 3ando est3dad yed5ol feha we heia el saf7a de el admin bta3ha yenasak ma3a el gesh

noha said...

taieb tamam bas enty mota2akeda en el gesh ma3andoosh mane3 ??? tab law keda maho lazem tanseek ma3a el gesh 3alashan mesh ay 7ad ye2ool ana da5el ara2eb we yekon da5el ye3ok aw nas tet5ane2 we kol magmo3a teb2a 3awza tra2eb we tet2elb hargala el mawdooo3 lazemlo tanseek gamed we lazem saf7a wa7da bas fe el facebook we kol elly 3ando est3dad yed5ol feha we heia el saf7a de el admin bta3ha yenasak ma3a el gesh

negmat said...

ولو حد اعترض لازم يكون فيه قوة او قرار ملزم عشان محدش ينطق مع الناس اللي عايزة تراقب

nour1971 said...

كلامك جميل .......... بس علشان انا شكاكه هل هيرضوا ان الجان اللي من الشعب تراقب الصناديق . يا رب يوافقوا و ظني يخيب

ayman radwan said...

مستحيل حد حيعترف باللجنه الي انتي عايزه تعمليها:
الجيش قال نعم للتعديلات بالذوق او بالعافيه عشان كده حيحصل حاجه من الاتنين
1- اما انه يحصل تزوير في الاماكن البعيده كالعاده ويكون بمعرفه الجيش
2- او ان حد عايز يحرج الجيش ويبين انه مش قادر يسيطر علي الوضع فيعمل عمليات تزوير بالاستعانه بقضاه معروفين انهم وطني طبعا من زمان.
بس انا رايح وحقول لاءه

Ibrahim said...

فعلا معاكي حق ،،
ده المهم
انتخابات نزيهة ((بجد)) و صندوق انتخابات نظيف
غير كده سفسطة و فلسفة فارغة
و لو فيه لعب في أي انتخابات أو استفتاء
ننزلهم الشارع بلابيص ،،
بالنسبة ليا ده الخط الأحمر ،، مش رئاسية قبل انتخابية و مجلس رئاسي و الناس اللي مقضياها فتي

ماجد منصور said...

ايه راى حضرتك فى يفط الاخوان الى بتتكلم عن ان الموافقة على التعديلات واجب شرعى ..

ماجد منصور said...
This comment has been removed by the author.
hayat ank said...

انا لا جنده ولا نيله انا بس مابحبش حد يضحك عليا ويلبسنى العمه غصب عنى ويقولى تصل الحاله الاقتصاديه اصل الحاله الامنيه لما قرب يجيلى حاله عصبيه وانا مش ناقصه

hayat ank said...

وبعدين هما قالوا عليها الترقيعات الدستوريه وانا لما حاجه بتادم عندى او بتتهلهل بحطها لامواخزه فى صفيحه الزباله ما بحبش ارقع حاجه انا بارف كمان وبتتقلب معدتى من الاكل البايظ الحمضان والطبيخ البايظ برميه فورا على شان ما اطرش اروح للدكتور واعمل غسيل معده

aly said...

اللينك مش صح يا استاذة نوارة
http://www.facebook.com/notes/hosam-othman/لماذا-نعم-ولماذا-من-المستحيل-ان-يكون-الرئيس-/196207773734376

بالمناسبة الموقع الرسمي للاستفتاء باماكن اللجان بقواعد الاستفتاء موجود

اكتبوا بالعربي استفتاء.مصر

أقول ما قولشى said...

اقروا ياجماعة المواد رقم 109 و 112و 145 و 149 و150 و182 و184 و 196 وقولولى بالله عليكم مين الملاك البرئ ابو قلب طيب قوى اللى بعد لما يقعد على الكرسى هيشيل مواد الغراء اللى كانت لازقة غيره فى الكرسى مصر امانة فى ايدكم

Sabertooth said...

دلوقتي يا حاجة نوارة أنا من فلول الاجندات القاطنة بالخانكة ....لو قلت نعم يبقى ده لعبة قمار يا صابت يا اخترناه و بايعناه ، لأن لو الرئيس إلي جي مش كويس سهل الامور ده تتبلف ، و ما تقوليش الشعب مش هيغلط ، الأمريكان وهم أكثر تعليماً منا اختاروا جورج بوش الأبن مرتين ، لو قلت لا مش عرف الانتخابات هتبقى ازاي ، ماهو مفيش معلومات عن اه إلي هيحصل لو تم التصويت بلا ، و أنا عاوز أنبهك لحاجة بقاء المجلس العسكري فالحكم ملوش علاقة بإنتشار الجيش والشرطة العسكرية في الشارع ، احنا عندنا دلوقتي شرطة متمردة أو شبه متمردة أو مش عاوزة تشتغل أو عاوزة تستقيل ، فالجيش ممكن قعدته تطول في الشارع ، يعني ممكن ييجي رئيس جديد ر برلمان جديد و الجيش لسه في شوارع مصر و دة نقطة تانية خالص غير إن الجيش بيحكم . حاجة تانية ائتلاف شباب الثورة بيتحدث بإسم الثورة و أنا أعتقد إنه غير قادر على الحشد وأعتقد إن كثير ممن شاركوا في الثورة أحبوا القيادة و الظهور على الشاشات ، و بعضهم أصبح ساخطاً لأنه لم يظهر على الشاشات (وائل عباس) ، الموضوع أصبح تقسيم التورتة اللي مش في خدمة الشعب ، الشعب المصري تشرذم وتفرق الى اجندات و فلول و اخوان و أقباط و سلفيين و تحرير و مصطفى محمود وبلوفر ...طيب دلوقتي حاجات كتير ما تمتش ، الحزب الوطني لسه حزب (مع اني ضد حله ) أمن الدولة مش معروف موقعه من الاعراب وهل هو لسه فاعل ولا مفعول في أمه ، البلطجية إلي إبتدو ا ينتشروا هل دة عادي ولا عشان ترويع الناس وبعد كدة ييجي واحد يلم الليلة ده و يبقى هو بطل ...الوضع سائل للغاية و ضبابي جداً

Tears said...

و ح تتزور ليه اصلا ما الاخوان و الوطنى ايد واحدة و عايزين الموضوع يمشى يبقى مين اللى ح يزور

كنت بقرا صفحة ضباط من اجل الثورة على الفيس بوك و شفت ده اللى فى اللينك ده ومن ساعتها و انا حاسه ان راسى فيها ميه نار

http://www.facebook.com/notes/muhammad-maza/منبر-العقلاء-اقولها-مجددا-تحرر-من-الخوف-ومن-/190790890960112

سخرية said...

اهدوا يا اخوانا في تسعة عشر الف قاض هيشرفوا على عملية الاستفتاءقاضي لكل صندوق و احنا بنثق في القضاء بتاعنا انما يبقى راجل قاضي و كبارة و يلاقيني واقف متنح جنبة كده مالك يابني ابدا انا من اللجنة الشعبية لمراقبة الانتخابات ده يصح برضو

ayman radwan said...

الصفحه اتشالت من علي الفيس بوك يا نواره اهلا البشاير هلت خلاص
مرحبا بامن الدوله الجديده خليكي مصممه علي نعم بقي
http://www.facebook.com/pages/%D8%A7%D9%84%D9%84%D8%AC%D8%A7%D9%86-%D8%A7%D9%84%D8%B4%D8%B9%D8%A8%D9%8A%D8%A9-%D9%84%D9%84%D9%85%D8%B1%D8%A7%D9%82%D8%A8%D8%A9-%D8%A7%D9%84%D8%A7%D8%B3%D8%AA%D9%81%D8%AA%D8%A7%D8%A6%D9%8A%D8%A9/194615633912554?sk=wall

nashwa said...

شركاء حكم ولبس اقل لذلك سنذهب لنقول لا ونراقب الكل لنعود للاولويات حيث لا يمكن لاحد اقصاء الشعب

جبهة التهييس الشعبية said...

الصفحة حصل فيها مشاكل فنية وعملنا صفحة تانية

http://www.facebook.com/pages/%D8%A7%D9%84%D9%84%D8%AC%D8%A7%D9%86-%D8%A7%D9%84%D8%B4%D8%B9%D8%A8%D9%8A%D8%A9-%D9%84%D9%84%D9%85%D8%B1%D8%A7%D9%82%D8%A8%D8%A9-%D8%A7%D9%84%D8%A7%D8%B3%D8%AA%D9%81%D8%AA%D8%A7%D8%A6%D9%8A%D8%A9/204250516253124?sk=wall

aldarweesh.org said...

طيب سؤال رفيّع بس
طيب احنا هنراقب الاستفتاء، هنستفتي إمتى؟
مش اتفقنا اننا ما نسيبش قطة ف البلد إلا اما تدلي بصوتها؟

magdy said...

Edit
لماذا يوافق الحزب الوطني علي تعديل الدستور؟؟؟؟؟؟؟
by Magdy Khames Aly on Monday, March 14, 2011 at 11:22pm

سؤال وعاوزين اجابه ليه الحزب الوطني هيقول نعم واعلن عن ذلك رغم ان نظريا التعديلات دي ضده فيه اجابتان :

اولا: الحزب الوطني ممكن يكون خايف ان يظهر احزاب قويه في الساحه لو الانتخابات اتأخرت وبالتالي عاوز ينافس هو وعدوه اللدود الاخوان بس ودا انا بستبعده لان انتخابات الشعب والشوري كده كده هتبقي في شهر سبتمبر وهيبقي فيه قبليها قانون احزاب والاحزاب هتدخل هتدخل

اذا التصويت بلا يصب في مصلحة الوطني لان كده هتفضل مهاطرات التعديلات الدستوريه دي كتير مما يتجاوز السنه وبالتالي هيقدر يلم نفسه في الفترة دي و ما فيش حد هينفسه لان قانون الاحزاب مش هيكون اتحط

السؤال هو ليه بقي متبني انه يقول نعم مع ان دا ضد مصلحته تماما الاجابه :

ثانيا: الحزب الوطني معتمد حاليا علي كره الشارع المصري ليه فأعتقد انه بيقول نعم عشان الناس العاديه وعامة الشعب يصوتو بالعكس يعني بلا لانهم هيعتقدو ان مصلحة الوطني في التصويت بنعم وبالتالي هما في الاخر هيكونو مبسوطين بعدم الموافقه علي التعديلات دي وهما بيعلنوا انهم موافقين علي التعديلات في العلن واتباعهم هيصوتو بلا

ودا رائي المتواضع

magdy said...

Edit
لماذا يوافق الحزب الوطني علي تعديل الدستور؟؟؟؟؟؟؟
by Magdy Khames Aly on Monday, March 14, 2011 at 11:22pm

سؤال وعاوزين اجابه ليه الحزب الوطني هيقول نعم واعلن عن ذلك رغم ان نظريا التعديلات دي ضده فيه اجابتان :

اولا: الحزب الوطني ممكن يكون خايف ان يظهر احزاب قويه في الساحه لو الانتخابات اتأخرت وبالتالي عاوز ينافس هو وعدوه اللدود الاخوان بس ودا انا بستبعده لان انتخابات الشعب والشوري كده كده هتبقي في شهر سبتمبر وهيبقي فيه قبليها قانون احزاب والاحزاب هتدخل هتدخل

اذا التصويت بلا يصب في مصلحة الوطني لان كده هتفضل مهاطرات التعديلات الدستوريه دي كتير مما يتجاوز السنه وبالتالي هيقدر يلم نفسه في الفترة دي و ما فيش حد هينفسه لان قانون الاحزاب مش هيكون اتحط

السؤال هو ليه بقي متبني انه يقول نعم مع ان دا ضد مصلحته تماما الاجابه :

ثانيا: الحزب الوطني معتمد حاليا علي كره الشارع المصري ليه فأعتقد انه بيقول نعم عشان الناس العاديه وعامة الشعب يصوتو بالعكس يعني بلا لانهم هيعتقدو ان مصلحة الوطني في التصويت بنعم وبالتالي هما في الاخر هيكونو مبسوطين بعدم الموافقه علي التعديلات دي وهما بيعلنوا انهم موافقين علي التعديلات في العلن واتباعهم هيصوتو بلا

ودا رائي المتواضع

nashwa said...

هاننزل نضمن وجودنا الجديد فى مقر انتخابى لكن ها نقول لا اذلا يمكن تعديل الساقط بالضرورة الثورية كما لا يمكنك تجميل جثة متوفى المشكلة الحقيقية فى اقصاء الشعب احنا فى اجواء انقلاب لا ثورة

nashwa said...

هاننزل نضمن وجودنا الجديد فى مقر انتخابى لكن ها نقول لا اذلا يمكن تعديل الساقط بالضرورة الثورية كما لا يمكنك تجميل جثة متوفى المشكلة الحقيقية فى اقصاء الشعب احنا فى اجواء انقلاب لا ثورة

wafaa11 said...

ضباط من أجل الثورة
حقائق عسكرية: كان من الاجدر بالمشير طنطاوي ان يستدعي ضباط الاحتياط في وقت العمليات لاراحة الضباط المنهكة بالشوارع، لكنه راهن على انهاك القوة العسكرية فيضيقوا بالثورة و الثوار و يقمعوهم، و أغدق عليهم بالمال، و يخشى ان يحمل الثوار المستدعيين سلاحا و يقنعوا ضباطنا بعدالة القضية. لقد خسرت الرهان يا طنطاوي!!

wafaa11 said...

ضباط من أجل الثورة
مقال لا يجب ان تتغاضى عن محتواه!
منبر العقلاء .. اقولها مجددا تحرر من الخوف ومن الافكار الزائفة ونقولها تانى الشعب والجيش والشرطة من الشرفاء ايد وحدة ضد الفساد
تانى وتالت ورابع علشان الناس اللى مقرتش البوستات اللى قبل كدة , وعلشان الناس اللى قرت ومفهمتش , وعلشان الناس اللى قرت ونسيت , وعلشان الناس اللى مش عاوزة تقرا ولا عاوزة تفهم وزير الدفاع ورئيس اركانه وهيئه قيادته مكونه من قادة قواته وقادة الجيوش والمناط

http://ahmedsaed.blogspot.com/search?updated-min=2011-01-01T00%3A00%3A00%2B02%3A00&updated-max=2012-01-01T00%3A00%3A00%2B02%3A00&max-results=16

محمد نبيل said...

حديث رائع مع الفريق مجدى حتاتة

http://www.almasryalyoum.com/node/352546

Ahmed said...

د/هشام البسطاويسى على on tv دلوقتى بيدعو لرفض التعديلات

nora said...

نواره ممكن توضحى ايه الاجندات المحتمله للجماعه بتوع لأ على العموم انا حاقول نعم علشان عايزه انفد برئيس ...مش مبسوطه كده وانا من غير رئيس لما ازعل من حاجه الوم علي مين؟...انما لأ حاتأخر الحصول على رئيس...ده لو جه اصلا لأن الفلول حيكون كل همهم تعطيل ولادة دستور جديد وحاتكون حياتنا مظاهرات واعتصامات وعنف الى ان يرحمنا الله وانا موافقه على الدستور المرقع...اهو برضه ستره موقتا احسن من البلبوص..انا برضه مش عارفه ازاى بتوع لأ مطمئنين وفاكرين ان الفلول مش حايعملوا حاجه فى مطبخ الدستور واحنا كده من غير رئيس...دى المركب اللى فيها ريسين بتغرق...طيب اللىفيها مجموعة رؤساء يحصل لها ايه؟

Ahmed said...

الى يفهم ان التعديلات تمثل اعلان دستورى غلطاااااااااانننننننننن
الراجل قالك بوضوح على on tv
ان لو الشعب قال اة هيرجع الدستور القديم كاملللللللل بس معدل
ههههههههههههههه

واحد مش فاهم حاجة said...

افيدني افادك الله انا بجد محتار اوافق على التعديلات الدستوريو ولا لا مش عارف كل ماسمع للمويدين اقتنع بوحهة نظرهم ولما اسمع المعارضين لديهم ححجهم برضة خاصة لا احد يستطيع ان يشكك في كلا من الطرفين فالمويدين مثلا من عينة فهمي هويدي والمعارضين من نوعية ابراهيم عيسى انا بفكر مرحش الاستفتاء ده يمكن ده الحل الامثل عشان انا حترت

بــــ الخطاب ــن said...

كلامك مظبوط
لا ضامن لحريتنا وديمقراطية بلدنا إلا نحن

بهيج الشرير said...

والنبي ياأبلتي أنا عندي سؤال! هو الواد إبن المتناكة اللي كان بيراقب مدونتك لسه عايش واللا خيطوه في الثورة واللا هربان مع خولات الشرطة ومنايك أمن الدولة؛ رجاءا ياإبن المتناكة لو لسه عايش تطمنا عليك

الجبرتوته said...

أما يا نواره لو عدي الاستفتاء ده بنزاهه وحضايه ورقي .. يا سلااااااام
هندي ناس كتير درس اولهم امريكا وشركائها وحسني فساد وعمر اجندا درس تاني ونوريهم اننا شعب بلغ سن الرشد السياسي من قبل اكتياف امريكا و قبل الجوز التانيين ما يتولدو هههههه

megeldin said...

نوارة كاتبه النهاردة إنها عايزة نعمل قائمة بأسماء كتاب و مفكرين لازم ينزلوا الإنتخابات علشان نضمن إن الناس اللى حتبقى فى مجلس الشعب ناس بتفهم و حتختار الناس اللى برضه بتفهم و اللى حتكتب الدستور ....و كتبت معرفشى أربع خمس أسماء ...أنا بقولها يا نوارة ...حتى القائمة دى لو طالت حتوصل لكام إسم تلاتين أربعين ...مشكلة نوارة و اللى زيها إنها فاكرة مصر القاهرة .. و كمان قلب القاهرة ..التحرير و طلعت حرب و سلالم نقابة الصخفيين ..يا جماعة مجلس الشعب عدد اعضائه 508 و 10 معينين ...اللى برضة مش عارف مين اللى حيعينهم .. يا جماعة فيه ناس فى الريف و فى الصعيد مش عارفة إن حسنى مبارك مشى ...يا جدعان... الله يخرب بيت النخبة اللى مفكره إن البلد كلها نخبة زيها ...الإنتخابات مش فى القاهرة بس الإنتخابات فى القرى و الصعيد و المدن الصغيرة و دى تحت سيطرة قوات مكافحة الديموقراطية من فلول الحزب الواطى و الإخوان ...اللى طبعا خلاص قسموا التورتة ..و لا عزاء للثورة و لشباب الثورة ...و كل ثورة و إنتوا طيبين

Widiman said...

مش عارف ايه العلاقة بين شعار "الحرية لم تخلق الا لمن يحملون ارواحهم على اكفهم" و قول نعم على التعديلات علشان نخلص بدل ما الجيش يضربنا فى الشارع.
اعتقد نقول لأ و رزقنا على ربنا لأن الحق أحق ان يتبع ويبذل فى سبيله أرواحنا

يالا بالشفا يا نوارة

maher said...

تفتكري ممكن يحصل شغب؟؟ فكره ساذجه؟؟ انا خايف على بنتي عندها سنه مضطر اخدها معايا في التصويت....

Shoukry said...

Hope you don't omit this one as well. I am not an enemy because I am saying different perspective!! Stop this dictatorship
Please watch this video and tell me what do you think
http://www.youtube.com/watch?v=iq354QE82zE

Shoukry said...

الدكتور يحيى الجمل نائب رئيس الوزراء في برنامج "مصر النهارده":لو تم التصويت بـ "لا" على الاستفتاء سيكون هناك حديث عن إعلان دستوري مؤقت و جمعية تأسيسية لدستور جديد ده معناه إن رفض التصويت هيؤدي لإسقاط الدستور القديم بأكمله وعمل مواد جديدة بشكل مبدأي لحين عمل الدستور كاملا

These were the demands of the revolution. We asked the resignation of Ahmed Shafiq because of this although there were voices asking him to continue. Shouldn't we accomplish the demands of the revolution or the muslim brotherhood see that it is enough, so be it?!!!

Shoukry said...

Etfadali
http://www.facebook.com/photo.php?fbid=196134790418263&set=a.183820861649656.42297.183818901649852&ref=nf

Ebtadena !!!!

nahlakatamish said...

لو تم التصويت بلا وعلى لسان يحيى الجمل هيبقى فيه اعلان دستورى مؤقت وبعدين لجنه عشان دستور جديد
انا حاسه يا نوارة ان ارائك دلوقتى مبنيه على حاجه انتى عرفتيها ومش عارفه تقولى عنها حاجه وعايزة تجنبى الناس دمار على الابواب صح ولا غلطانه بجد عايزة منك الرد