Friday, 18 March 2011

كله يشيل الباطريات دلوقت

تحديث:
الايفينت اهو

وده اللي مكتوب في الايفينت:
فضيحة شركات المحمول
http://www.facebook.com/photo.php?fbid=110431542368846&set=p.110431542368846&theater
بعد أن قامت شركات المحمول باستخدام البلطجة وضرب الصفحة الرئيسية للحدث لكي لا يتمكن مؤسسها من متابعتها من حسابه على الفيس بوك لكونها وصلت إلى قرابة 300 ألف دعوة وعشرات آلاف الحاضرين لكي تثبت شركات المحمول انهم يتبعون نفس أساليب النظام الفاسد
نؤكد أن الحدث سيظل مستمرا حتى تحقيق كافة مطالب الحملة
من غير لا مظاهرات ولا اعتصامات
الجمعة 18 و25 مارس محدش هيستخدم الموبايل محدش هيكسب شركات المحمول مليم واحد عشان ينتهي عصر سرقة فلوس المصريين .. سيقف شحن الكروت إلا على أضيق الحدود لحين الاستجابة لمطالب الحملة
كيف يعقل أن تكسب شركات المحمول المليارات من جيوب المصريين مالها الملايين م يكسبوا ملايين ويخلوا الشعب يوفر فلوس الاتصالات اليومية دي لالتزاماته اللي بقت فوق الطاقة
صفقة تسليم أموال المصريين لاحتكار شركات المحمول كان فيها أحمد نظيف هو وزير الاتصالات وهى صفقة مشبوهة بكل المقاييس ويجب التحقيق فيها
فساد النظام ليس فساد أشخاص قمنا بتغييرهم فقط .. ولكنه فساد سياسات وأنظمة مبنية على الاحتكار يجب أن تسقط كي يسقط النظام فعليا .. تخيلوا إن فيه دول مستوى الدخل فيها اكبر وتكلفة الاتصالات فيها أقل .. السؤال .. الإعلام ساكت عليهم ليه عشان فلوس الإعلانات اللي بيمصوها من دم الشعب المصري
مطالب الحملة الرئيسية
1 - جعل دقيقة الاتصالات الرسالة داخل مصر لأي شبكة بقرش واحد لا غير
2- دفع تعويض لأسر الشهداء في أيام قطع الخدمة
3 - توجيه اعتذار رسمي من رؤساء الثلاث شركات للشعب المصري عن قطع الخدمة لحساب النظام الفاسد
4 - وهو مطلب وردنا من التجار ( زيادة هامش الربح للتجار لانى الكارت جملتة 975 قرش وبيوصل فى الازمات لاكتر من كدا وعدم انزال خطوط محروقة للاكسات وعدم تشغيل الخطوط بدون بيانات لانهم اليومين دول شغلين فى الهوجة بدون بيانات )
وإذا لم تتم الإستجابة لمطالب الحملة سيتم تصعيدها
وسيبدأ ابتداء من 1 إبريل إسبوع الرنات
وهو جعل استخدام المحمول قاصرا على الطواري واحتياجات العمل الضرورية فقط وتحويل أغلب المكالمات إلى شفرة الرنات القصيرة
رنة وإغلاق .. إزيك يا فلان وعامل إيه والرغي بتاع زمان أنا كنت بأطمن عليك
والرد عليها بنفس الأسلوب رنة وإغلاق
( وانت كمان واحشني وانا كويس الحمد لله )
رنتين ( بمعنى تتصل وتغلق مرتين ) أنا منتظرك على الانترنت للحديث
ثلاث رنات .. ( تتصل وتغلق ثلاث مرات ) أنا في البيت اطلبني على الأرضي
أربع رنات ( اتصالو اغلاق أربع مرات ) سأقابلك في المكان المعتاد
خمس رنات ( اتصال وإغلاق خمس مرات) أنا في العمل وسوف أتأخر
ستة رنات ( اتصال وإغلاق ستة مرات) لن أخرج اليوم من المنزل
سبعة رنات ( اتصال واغلاق سبعة مرات ) للي بيحب حد يقول له بحبك قوي
بس لازم نوقف استغلال شركات المحمول
الرد برنة معناه معناه رفض اي طلب والرد برنتين معناه الموافقة على الطلب




توجيهات لجميع الأعضاء الكرام الذين يريدون المشاركة بفاعلية بعد أن يقوموا بالضغط على أنوي الحضور أو i m attending
أولا : ضع صورة شعار الحملة بدلا من صورتك الشخصية
ثانيا : ضع رابط صفحة الحدث على صفحتك الشخصية واكتب عليه تعليق
ثالثا : ضع رابط صفحة الحدث في كل الصفحات الممكنة وابعثه بكل الجروبات التي تديرها مع تعريف مناسب
رابعا : بلغ الجميغ أثناء حوارتك اليومية بعيدا عن الانترنت بان يوم 18 مارس الجمعة يوم مقاطعة المحمول وبلغ باهداف الحملة
خامسا : أسلوب جميل بيبعت دعوات لجميع الأاصدقاء انسخ الرابط
javascript:fs.select_all();
واضغط تحديد ضيوف لدعوتهم أو inv fri ثم الصق الرابط في مكان العنوان الرئيسي أعلى الصفحة واضغط enter
وفي النهاية اضغط إرسال الدعوات
ونشكر الجميع لحسن تعاونهم


ملحوظة : سيتم إستخدام جروب الشاعر والسينارست خالد الشيباني مؤسس حملة صحوة مصر كجروب دائم لحملة صحوة مصر شارك وتابع آخر أخبار الحملات بشكل دائم
http://www.facebook.com/group.php?gid=8438163339
النهاردة ابتدينا مقاطعة شركات الاتصالات
ما تقفلوش الموبايل
شيلوا كلكوا البطاريات دلوقت
هوبا

19 comments:

Radwa Fathy said...

تمام يا نوارة ;)

SalmaBlogs said...

lih neshil el battareya mesh ne2fil el phone?!

trazan said...

صدقونى كدة بنريح سيرفراتهم ومحطات التقوية بالعكس نشغلها ونستغل كل الخدمات المجانية بس منتصلش خالص وﻻ نرد على تيلفونات بس ابعت كل البليز كول مى واتصل بالارقام المجانية 24 ساعة وكدة

Moustafa said...

انا خلاص شيلت البطاريه
يشوفو بقا هيخسرو كام دول

Ahmed said...

تصدقي. مع أني عايش بره مصر. بس نفذت كلامك وشيلت بطارية الموبايل علشان متغاظ قوي من ولاد الكلب شركات الاتصالات الي اتسببت في موت اجمل وأروع واعظم شباب في مصر ام الدنيا
Ahmed Elsherbini

Ahmed said...

تصدقي. مع أني عايش بره مصر. بس نفذت كلامك وشيلت بطارية الموبايل علشان متغاظ قوي من ولاد الكلب شركات الاتصالات الي اتسببت في موت اجمل وأروع واعظم شباب في مصر ام الدنيا
Ahmed Elsherbini

بساطه said...

هوبااا

بساطه said...

هوبااا

zmmorabya said...

انا بردو مكنتش عارفة
المهم اللي مش عارف, شوفوا الايفنت ده و انتوا هتفهموا
http://www.facebook.com/event.php?eid=129426313796081&index=1

بــــ الخطاب ــن said...

اوك نوارة يارب نكون كتيير علشان نخسرهم كتيير

okasha said...

مش مقتنع بيها ولا هاتجيب فايده
بس انا عايز اعرف ايه الهدف يعني عايزين من الشركات التلاته ايه في الاخر ممكن لو حددنا هدف نلاقي طريقه تانيه مجديه شويه عن دي

احنا شعب رغاي والطريقه دي مش هاتاكل معاه

قرفة said...

اللينك ده ياريت تنشروه
انا حطيته كمان على الفيس
ماقولتيش يانوارة انتي صاحبة الصفحة ياختي ولا ده حد تاني فين الشفافية يانوارة ردي بقى

http://xn--ggblala6cyf.xn--wgbh1c/referendum-map.html

Sharm said...

نوارة لو سمحتى ايه الفرق بين التفويضات و التصريحات في حملة المشاركة على الاستفتاء

يعني واحد اتبعتله تفيض والتاني اتبعتله تصريح .. ايه الفرق ؟؟؟

قرفة said...

انا حضرت ندوة دكتور سليم العوا النهاردة في كلية هندسة
ما اقنعنيش باني اقول نعم
وبردو هافضل اقول لع لع الي ان اقتنع ولو في اخر لحظة

عاشــــــ النقاب ـقــــة"نونو" said...

تمام يا فندم تم بحمد الله

Tamer said...

نصيحة
الشخص اللي ماسك أدن صفحة الدستور الأصلي على الفيس بوك بيسيء للجريدة بشدة باللي بيعمله ده

tamer said...

السلام عليكم ورحمة الله وبركاته
اولا : اقتراح في منتهي الجمال
ثانياً : انا بصفتي محامي قررت رفع دعوى قضائية امام المحكمة الاقتصادية للمطالبة بتعويضات من شركات المحمول الثلاث عن الايام التي تم فيها انقطاع الخدمة ، لان قانون تنظيم الاتصالات بيحظر بكل الطرق قطع الخدمة ولو جزئياً عن المشتركين وبيجعل للفعل ده عقوبة جنائية بالسجن
انا قررت رفع الدعوى واللي عايز ينضم معايا يشرفني

وشكراً يا نوراة مصر !!

M. Faramawy said...

الحمد لله
انا شاركت الجمعة اللي فاتت18مارس
لكن لقيت ناس كتير مش عارفة ياريت كل الناس تنشر الفكرة في كل المواقع

و لازم نحرق قلوبهم زي ما حرقوا قلوب امهات اخواتنا

Yasmine Madkour said...

شوفي ده كمان كده يا نواره:

https://spreadsheets0.google.com/viewform?hl=en&formkey=dF9vMkhHSk8xUnZZU09YcjBXc085Mnc6MQ#gid=0

انا بفكر لو متحققتش المطالب نبعت النتيجه لزين و إم تي إن .. أعتقد إن ده تجاريا بالنسبة للشركات عندنا مرعب