Monday 7 March 2011

تبقوا بلد مافيهاش شنب لو نزلتوا تجيبوا الشرطة وقبلتوا ابتزازهم

الشرطة بتلوي دراع الشعب، وبعد ما انسحبوا بشكل مفاجئ وارتكبوا خيانة عظمى في ظل احكام عرفية والمجلس الاعلى كافئهم على خيانتهم وزود لهم مرتباتهم مية في المية، عاملين اضراب من يوم السبت وعايزينا ننزل نجيبهم قال، نجيب لهم بوكيه ورد وشوكولا ونروح نصالحهم
يضربونا ويقتلونا ويذلونا ويخونونا وياخدوا فلوسنا وعلاوة مية في المية وعايزينا احنا اللي نروح نجيبهم
طب احنا نازلين بقى مظاهرة نطالب بتقديمهم كلهم لمحاكمات عسكرية بتهمة الخيانة العظمى 
هو حد مشاهم عشان يرجعهم؟ مش هم اللي لموا شنطتهم وغضبوا عند امهم وخرجوا من غير اذن بعد ما كسروا لنا البيت؟ 
وكمان مش عايزين يرجعوا وبيلووا دراعنا؟
طب خليك عند امك يا شرطة خليها تنفعك.. انت طالق يا شرطة... ومالكيش نفقة كمان ومش حتشوفي العيال
يالا من هنا.. حنجيب ست ستك 
وعلى راي منار الخولي قالت الناس اللي وزيرة الخدامات كانت عايزة تبعتهم خدامين يخشوا معهد ست شهور يطلعوا شرطة زي الفل
واهم ريحونا بدل ما احنا محتاسين فيهم وعايزين نعمل لهم اعادة تأهيل
في داهية

76 comments:

محمد صبرى said...

و فيه اقتراح بانه خريجى الحقوق اخر تلت سنين -اللى عنده رغبة منهم- يتم تدريبهم مدة تلت شهور و نعمل احلال كبير فى جهاز الشرطة

....

بجد مفروض احنا اللى نلوى دراعم و ميرجعش منهم غير اللى نبقى على يقين انه شريف

mona.lashen said...

انا هاقولك عندك حق كبير فى قصه انهم هما مشيو من نفسهم وسابونا ودلوقتى عايزين يرجعو اصلهم زهقو من قاعده البيت بعيد عنك عايزين يعملو زى الجيش الغير مفهوم ايد مع النظام وايد مع الشعب

Unknown said...

مش حيلاقوا غير زوجاتهم يعملوا مظاهرة خايبة زيهم

بس يا ريت المرة دي يبعدوا عن ميدان مصطفي محمود
حرام يبوظوا ميدان الراجل الشريف ده

و يا ريت ماينزلوش تاني
البلطجية و قتالين القتلة اشرف منهم

علي الاقل البلطججي معروف انه بلطجي

ayman radwan said...

ايه مصدر مكالمه زكريا عزمي؟؟؟؟؟؟؟؟؟؟المكالمه دي متسجله ولا لاءه

rahrom said...

فل الفل كده شباب زى الورد يدخلو معهد تاهيل لاهم الحاجات زى المرور والجمارك والجوازات والباقيين يكملوا دراسة مكثفة لتخريج دفعات عاجلة للمهام الشرطية التانية وطظ فى القدام اللى اخدين على الاجرام ما اللجان الشعبية كانت زى الفل ولا الحوجة وكمان لازم نعمل حملة للمجلس العسكرى ياخد موقف بقى منهم هو مش يقدر يطلع قوانين يصدر بقى بيان بان كل شرطى يرفض تادية عمله هارب من الخدمة ويحاكم قانونيا امام مجلس عسكرى بتهمة الاخلال بالامن فى ظروف طوارئ وخليهم يدوقوا شوية بقى من قانون الطوارئ

hossam said...

الحل هو التعبئة العامة

Perfection Seeker said...

بصي يا نوارة : الجروب ده اتعمل من ربع سلعة على فايس بووك للرد على اضراب الشرطة : لو سمحتي ابقي ادخلي شوفي الشباب متحمس قد ايه و ارجوكي تبني بقا موقف لازم يتاخد على المستوى الرسمي من الكلام الفارغ بتاع الشرطة ده
http://www.facebook.com/pages/%D8%B1%D8%AF-%D8%B4%D8%A8%D8%A7%D8%A8-%D9%85%D8%B5%D8%B1-%D8%B9%D9%84%D9%89-%D8%A7%D8%B6%D8%B1%D8%A7%D8%A8-%D8%B6%D8%A8%D8%A7%D8%B7-%D8%A7%D9%84%D8%B4%D8%B1%D8%B7%D8%A9-%D8%B4%D8%A8%D8%A7%D8%A8-%D9%85%D8%B5%D8%B1-%D9%8A%D9%82%D8%AF%D8%B1-%D9%8A%D8%AD%D9%85%D9%8A%D9%87%D8%A7/134936133243701?sk=wall&filter=1

ساعي الخير said...

الحمد لله رب العالمين
الشرطة تنزل في حراسة الناس و تمارس عملها مع الناس بالناس لأن الشرطة أصلا من الناس و ده وفق فرق من الدفاع الشعبي وفق المقترح بأن يصدر المجلس الأعلي للقوات المسلحة أو رئيس الوزراء بيانا ً ( علي أن يضع لذلك القواعد المنظمة في أسرع وقت ) يطلب فيه من شباب كل حي و منطقة التطوع للخدمة العامة في أقسام الشرطة و الأطفاء كل في حيه و منطقته _ لمدة من شهر إلي ثلاثة أشهر _ و ذلك لأنشاء مجموعات دفاع مدني تزاول العمل الشرطي من الضبط و الأحضار و تنظيم المرور و تقديم البيانات عن الحالة الأمنية تعمل تحت أشراف رجال الشرطة و ذلك لخبرتهم الأدارية و يكون لرجال الشرطة الأشراف و التعريف بالمهام و كافة الأجراءات الأدارية الأصيلة في عمل الشرطة أو تقوم الشرطة بعملها في ظل رقابة شعبية كقوة تعضدها و تراقبها في الوقت ذاته و هي متطوعي الدفاع المدني علي أن يكون لهم بطاقات رقمية معتمدة و شارات واضحة كمدنيين و ليس زياً خاصاً يميزهم عن رجال الشرطة و ذلك في أطار تطبيع العلاقات مع الشرطة و التعرف علي مجهوداتها و تقديم الدعم لها في واجباتها و هو أيضاً يعبر عن نوع من الرقابة الشعبية لعودة الثقة لما تسقطي نظام لازم نظام و إلا يبقي الفوضي و طبعاً محدش بيحبها اللي بيسقط نظام فاسد بيحط مكانه نظام سليم علشان يحمي أهداف سليمة و موفقين للخير

أحمد حلمى الشناوى said...

طيب و يا ترى مظاهرات البلطجية أمتى؟
علشان نجيب لهم هدايا سنج و مطاوى و سيوف
...

ayman radwan said...

يا نواره انا معاكي بس امن الدوله بيحاول يشغلنا بيه وبالبلاوي بتعته اهم حاجه نهتم بمطالبنا مع الاهتمام بامن الدوله .
اسقاط الدستور لازم اسقاط الدستور احنا حنبقي في مصيبه لو انتخب رئيس بالدستور ده حتبقي مصيبه بجد ومش حينفعنا ساعتها امن الدوله اتحل ولا متحلش لانه حيبقي في امن دوله وامن قومي وامن رئاسي وستميت تيت جهاز زيه .
الاهم دلوقتي الدستور لازم اسقاط الدستور والبدء في تاسيس لجنه لوضع دستور جديد باي اقتراح للجنه سواء بانتخابها او اختيارها من المجلس العسكري

mutargim said...

الله يخليكي يا أستاذتنا الغالية ..عاوز تعليق حضرتك على الطرح ده
http://al-agenda.blogspot.com/2011/03/blog-post_07.html

mona.lashen said...

هيا الشرطه تنزل لوحدها واو احنا نزفها مش ده المهم المهم ترجع دى يمكن تكون حاجه معناويه بس ترجه واهم حاجه ماننساش نحاكمهم

الجبرتوته said...

لسه كاتبه نفس المضمون علي الفيس بوك
لا وكمان لاحظي زيادة اعداد البلطجيه في اليومين دول وبيحاهجموا الجامعات بعد ما الخونه نسحبوا وبيهاجمو المستشفيات يعني بجد انا نش فاهمه الجامعه والمستشفي هيكون هدفهم منها ايه غير الترويع وكسر ارادة الشعب والله وفعلا لازم يتحاكموا يتهمة الخاينه العظمي دي اقل حاجه

أقول ما قولشى said...

والله العظيم تبقى حكومة اى كلام لو فعلا اضربوا لازم الحكومة تعين خريجى الحقوق وطظفيهم بلا اعادة تاهيل بلا كلام فاضى على الاقل يجربوا يعنى ايه بطالة

الفراغ said...

ايوه انا معاكى
ولازم الجلس الاعلى او وزر الداخلية العيسوى يقول :اللى مش هايرجع شغله يتحاكم ويتحول للتحقيق..
يعنى ايه جهاز شرطه يدلع
هو من امتى دلع حد
اما صحيح حاجه تضحك
لما العورة تدلع

Unknown said...

عمر عفيفي قال :
نطالب السيد الوزير منصور العيسوي تخريج فورا الصف الثالث والرابع من كلية الشرطة برتبة ملازم ثان تحت الأختبار وسرعة توزيعهم علي المنشأت الهامه والحيوية وخاصة المطارات والسجون
علي أن يتم تكملة ما تبقي من مناهج خلال فترة عملهم وأن يرتدوا زي موحد مختلف كنواه لشرطه جديده تحترم حقوق اٌلإنسان المصري وليكونوا مميزين عن الضباط القدامي

Liverpool said...

لالالالالالالا عيب يا استاذة نوارة و ربنا ما هعبـــرهم ودل ولاد ..... و ما يستاهلوش الشتيمة حتى
احنا رجالة بردو

أقول ما قولشى said...

ده نص قانو العقوبات بشان الشرطة وزكريا عزمى يعنى بحكم القانون لازم يتحاسبوا
مادة (124)
اذا ترك ثلاثه على الاقل من الوظفين او المسخدمين العمومين عملهم ولو فى صوره الاستقاله او امتنعوا عمدا عن تادبه واجب من واجبات وظيفتهم متفقين على ذلك اومبتغين منه تحقيق غرض مشترك عوقب كل منهم بالحبس مده لا تقل عن ثلاثه اشهر ولا تجاوز سنه وبغرامه لا تزبد على مائه جنيه,
ويضاعف الحد الاقصى لهذه القوبه اذا كان التلرك او الامتناع من شانه ان يجعل حياه الناس او صحتهم او امنهم فى خطر ,اوكان من شانه ان يحدث اضطرابا اوفتنه بين التاس او اضر بمصلحه عامه,
وكل موظف او مستخدم عمومى ترك عمله اوامتنع عن عمل من اعمال وظيفته بقصد عرقله سير العمل او الاخلال بانتظامه يعاقب بالحبس مده لا تجاوز سته اشهر او بغرامه لا تجاوز خمسمائه جنيه,وبضاعف الحد الاقصى لهذة العقوبه اذا كان التلرك او الامتناع من شانه انيجعل حياه الناس اوصحتهم او امنهم فى خطر او كان من شانه ان يحدث اضطرابا او فتنه بين الناس او اذا اضر بصلحه عامه,

مادة (124)(أ)
:- يعاقب بضعف العقوبات المقرره بالماده 124 كل من اشترك بطريق التحريض فى ارتكاب جريمه من الجرائم المبينه بها ، وبعاقب بالعقوبات المقرره الاولى من الماده المذكوره كا من حرض او شجع موظفا او مستدما عموميا او موظفبن او مستخدمين عمومين بايه طريقه كانت على ترك العمل او الامتناع عن تاديه واجب من واجبات الوظيفه اذا لم يترتب على تحريضه او تشجيعه ايه نتيجه .
ويعاقب بنفس العقوبة كل من حبذ جريمة من الجرائم المنصوص عليها فى الفقرتين السابقتين من هذه المادة او الفقرة الاولى من المادة 124 ويعد على وجه الخصوص من وسائل التحبيذ اذاعة اخبار صحيحة او كاذبة عن هذه الجرائم باحدى الطرق المنصوص عليها فى المادة 171

new said...

هام جدا وعاجل
صفحة أنشأها شباب مصريون لتجميع وتنسيق عمل القوات الشعبية لحراسة أماكن الملفات الحكومية والأحياء وعمل جهاز للنجدة الشعبية ودوريات راكبة أهالي

اشترك وانشر فورا وجهز الناس ليوم الجمعة في كل حي

الصفحة
http://tinyurl.com/6c8q6fb

http://www.facebook.com/pages/%D8%A3%D8%B9%D9%8A%D8%AF%D9%88%D8%A7-%D9%82%D9%88%D8%A7%D8%AA-%D8%A7%D9%84%D9%84%D8%AC%D8%A7%D9%86-%D8%A7%D9%84%D8%B4%D8%B9%D8%A8%D9%8A%D8%A9-%D8%A7%D9%84%D9%85%D8%B5%D8%B1%D9%8A%D8%A9-%D9%81%D9%88%D8%B1%D9%8B%D8%A7-People-Committe-Forces-NOW/185303748177510?


وده النداء القومي اللي كنا كلنا مستنينه علشان يحسسنا بالأمان ويحررنا من احتياجنا لهؤلاء

نداء طواريء تأسيس المجالس الشعبية ولجان القوات الشعبية لحماية مصر

الإيفنت المطلوب طباعته وتوزيعه على المساجد كلها لإعادة تكوين اللجان بشكل منظم وغير عشوائي

http://tinyurl.com/5rvp9a9

http://www.facebook.com/event.php?eid=199056533446247

شير على طول بسرعة ما فيش وقت
البلد وثائقها الرسمية بتتفرم في الجامعات والمدارس ومبنى الحي

وجهة نظري said...

أقسم بالله العظيم، إن في واحدة صاحبة مراتي زوجها من ظباط أمن الدولة المجرمين جداً وحالياً هربان مش عارفين فين، كلمتها وقالتلها هما الناس بيعملوا كدة ليه في الشرفاء، طيب محنش راجعين وخلي الثورة تضرب راسها في الحيطة، هما عايزنا نرجع مواطنين درجة تانية والا إيه؟

مش حيلاقوا غير زوجاتهم يعملوا مظاهرة خايبة زيهم، زي ما تعليق عندك قال.

مفيش دولة فالعالم فيها كل الظباط دي، 80% صف ظباط هو المطلوب. أصلاً الأمن في معظم دول أوروبا 50% شرطة و 50% أمن محلي له معظم صلاحيات الشرطة بس بيتبع المجلس المحلي لكل محافظة، ناس عادية لابسة لبس أمن يستخدموا في حراسة المنشأت والشوارع وممكن كمان تنظيم المرور.

لحسن يكونوا فاكرين يعني إن شغل الشرطة دا معادلات كيمياء وعايزة عباقرة. كل ظباط الشرطة إلي مينزلوش لحد السبت يترفدوا نهائي ومالوش حقوق، وكل عساكر الأمن المركزي يتصعدوا للعمل في الشوارع سواء تحت وزارة الداخلية أو المجالس المحلية أو حتى رئيس الوزراء، وتدريجياً يجي ظباط من أي حتة مؤهلين نفسياً للتعامل مع الشعب زي البني أدمين.

ahmed ashour said...

واالله بتكلمى فى الصـــح
مالهم يعنى لما يخرجوا أخر دفعه ولا اتنين موجودين فى الشرطه دلوقتى يطلعوا يشتغلوا بتاع 6 شهور...لغايت ما ناخد خريجين حقوق وتجاره اللى مش لاقيين شغل ياخدوا دوره تدريبيه وينزلوا يشتغلو شرطه...هيعرفو يعاملو الناس باحترام

كل عيل وعيله بيقولو خايفين ننزل من البيت ولا نروح الجامعه...اقعد جنب أمك يا عسل..معملناش ثورة عشان نضرب على قفانا

Hamdyyoussef.blogspot.com said...

There Are Good News From Tunis Today About The State Security Police &..
They Are Gone...I Hope The Same For Egypt Soon Inshaa Allah(SWT)

elzahraamegahed said...

أنا مع راى الاستاذ بلال فضل تماما
الغل وشهوة الانتقام هتحرقنا قبلهم

نقط سريعه:
- الضباط مش كلهم رمم والتعميم غلط
- الضباط بينفذوا التعليمات وده جزء من شغلهم ولو اتحط لهم برنامج شغل صح هينفذوه ، وظيفتهم تنفيذ التعليمات
- معظم ضباط الشرطه هيستقيلوا لو فضل تعامل الشعب والشحن عالى أوى ضدهم كده وعندهم اللى يعيشهم ملوك
- اللى هيستقيلوا هيبقوا أكبر خطر علينا

معلوماتت (مش رأى):
- فيه ضباط انضموا للثوره وأنا أعرف منهم كذا حد،
- فيه ضباط كانوا رافضين شغل أمن الدوله وكانوا مستاءين أكتر من الشعب
- بتوع المطافى والترحيلات وتنفيذ الأحكام والسياحه ومديريات الأمن ، اترموا هناك لأنهم محترمييين




أنا أعرف ضابط شرطه اشتغل فتره فى الترحيلات يعنى فى ترحيل المساجين وفى المرات اللى كان بيرحل فيها المعتقلين من أمن الدوله لسجن وادى النطرون كان بيرجع نفسيته منهاره لعدم تقبله فكرة إن شباب زى الورد معملوش حاجه رايحين السجون وكان بيساعدهم سرا بانه ياخد عناوينهم ويبعت جوابات لأهاليهم بمكانهم وبأنه يوصى عليهم، والراجل ده ما كنش بيعدى يوم الا وبيدعى فيه على حسنى الله يذله وكان دايما يقولى البلد مليانه مظالم فوق ما تتخيلى

وأعرف حد كان بيشتغل فى المرور كان بيتجازى علشان بيرجع من غير غرامات مروريه والسبب إنه بيستحرم إنه يعمل غرامه على عربيه شكمانها بايظ أو الأمن والصيانه والكلام ده وكتب تقرير
,انه من الظلم تحميل فقراء الشعب غرامات تفوق تكلفة المطلوب اصلاحهان وان صاحب العربيه لو معاه كان صلحها

وأعرف واحد كان شغال فى وحدة تنفيذ أحكام واتجازى واتنقل الصعيد عشان رفض ينفذ حكم هدم لبيت كامل أربعة أدوار بحجة انهم ما سابوش متر باين حرم للشارع وكتب فى تقريره أين كانت المحليات والأساس يوضع والاأدوار الأربعه واحد تلوه الآخر يرتفع ، ودعا للتحقيق مع المحليات ، وبالمناسبه هو ما يعرفش صاحب البيت ولكنه اتأثر بواحد حط شقى غربه فى بيت وبمنظره هو أهل بيته وهما منهارين

والراجل ده فى المعاش دلوقتى ومن أول يوم مع الثوره ومن يوم ما وعيت وهو بيدعى على العميل المخلوع اللى ربنا يكتب عليه الذل والهوان

أنا بحكى لك مواقف شفتها فى بيتنا من أبويا وزى ما أعرف فى دايره قرايبى ومعارفى ضباط عايشين على الحرام والنتش أعرف ناس المصحف ما بيفارقش ايديهم

مش كل اضباط والله، بكره الشرطه وبحتقر أمن الدوله وعارفه إن فيهم ناس ولاد ستين فى سبعين وبياكلوا سحت
بس مش كلهم وحتى الصنف الجبان ده من أجبن ما يكون، ومنفوخ ع الفاضى وبعداللى حصل وطالما هيبقى عليه رقابه هيتعدل

على فكره أنا أعرف ضباط فى أمن الدوله منأرقى ما يكون فى التعامل بس مش عارفه هو ده فيلم البرىء بتاع محمود عبد العزيز ولا ايه؟

رجاااء، رأيك بيأثر فى ناس غيرك يا نواره وأنا فى أحوال كتير من الناس دى ، اعملى حساب الموضوع ده

Nemo said...

نطالب السيد الوزير منصور العيسوي تخريج فوراً الصف الثالث والرابع من كلية الشرطة برتبة ملازم ثان تحت الإختبار وسرعة توزيعهم علي المنشآت الهامة والحيوية وخاصة المطارات والسجون
علي أن يتم تكملة ما تبقى من مناهج خلال فترة عملهم وأن يرتدوا زي موحد مختلف كنواة لشرطة جديدة تحترم حقوق اٌلإنسان المصري وليكونوا مميزين عن الضباط القدامي

Unknown said...

نوارة..
إنتي إعلامية.. المفروض تاخدي بالك إن الخبر ده منشور في اليوم السابع

اليوم السابع اللي فعلاً ما سابتش حاجة تثير بيها فتنة في البلد إلا وعملتها

اليوم السابع في الخبر ده..
عايزين يصنعوا إضراب.. مش بيعلون عن خبر..

رجاءً يا نوارة.. ما تخديش موقف بناءً على خبر منشور في وسيلة إعلامية.. إحنا في فوضى إعلامية دلوقتي

لو هتاخدي موقف.. خدي موقف بناءً على فيديو شوفتيه.. أو حد قابلتيه بنفسك

اليوم السابع.. نشرت خبر زي ده
عشان كل ضابط.. يفكر في الموضوع..
ولو الموضوع مش جد ومالهوش حقيقة.. هيعملوا حقيقة..
ولو الضباط قروا ردود فعل الناس.. هيفكروا في الموضوع بجد

خالد صلاح شغال تبع أجندة صفوت الشريف يا نوارة

أحمد سيف said...

نوت كتبتها من 10 أيام
http://www.facebook.com/note.php?note_id=192519927437541

أبوشنب said...

مادة 92 :–
يعاقب بالأشغال الشاقة المؤقتة كل شخص له حق الأمر في أفراد القوات المسلحة أو البوليس طلب إليهم أو كلفهم العمل على تعطيل أوامر الحكومة إذا كان ذلك لغرض إجرامي ، فإذا ترتب على الجريمة تعطيل تنفيذ أوامر الحكومة كانت العقوبة الإعدام أو الأشغال الشاقة المؤبدة ، أما من دونه من رؤساء العساكر أو قوادهم الذين أطاعوه فيعاقبون بالأشغال الشاقة المؤقتة .
مادة

أبوشنب said...

دووول يا ريت يعملو اضراب

ونرفع عليهم قضية

حسب قانون العقوبات مادة 92

عقوبتهم هتوصل للاعدام

اشمعنا محاكمات عسكرية للمتظاهريين المدنيين

دول القانون بيقول اعدااام


مادة 92 :–
يعاقب بالأشغال الشاقة المؤقتة كل شخص له حق الأمر في أفراد القوات المسلحة أو البوليس طلب إليهم أو كلفهم العمل على تعطيل أوامر الحكومة إذا كان ذلك لغرض إجرامي ، فإذا ترتب على الجريمة تعطيل تنفيذ أوامر الحكومة كانت العقوبة الإعدام أو الأشغال الشاقة المؤبدة ، أما من دونه من رؤساء العساكر أو قوادهم الذين أطاعوه فيعاقبون بالأشغال الشاقة المؤقتة .
مادة

elzahraamegahed said...

بمناسبة الارهاب، أمريكا واسرائيل مكانوش محتاجين يتدخلوا فى مصر لأن المخلوع والعادلى كانوا قايمين بالواجب وزياده، وكانوا بيلاقوا اللى يجندوهم يعملوا عمليات ارهابيه وفتنه طائفي

تفتكرى امريكا اللى صنعت القاعده، بعد ما بلدنا تتطهر هيسكتوا ومش هيلاقوا حد يجندوه يعمل اللى كان العادلى بيعمله؟

تفتكرى فعلا ان مفيش خطر ممكن يهدد مصر

أبوشنب said...

وبلاش وحياة ابوكي موضوع الشنبات ده

انا واخواتي مسافرين بره مصر

د. هانى احمد said...

حلو جدا اقتراح طلبة الحقوق ولازم ندعوهم لعمل مظاهرة لطلب خدمة الوطن وحفظ الامن ويتم احالة الشرطه التى ترفض الغمل الى محاكمات عسكريه فورا والعسكريه مفيهاش الدلع ده.. واما الفترة اللازمه لتخريج طلبه الحقوق فتستلم الشرطه العسكريه الامور مع من يرغب فى التطوع وتفعيل دور اللجان الشعبيه الرائع والمعمول به فى الدول المتقدمه حتى بدون امتناع الشرطه عن العمل

iman said...

يا ريت و الله - كل الناس اللى عندها استعداد تطوع تروح تعمل مظاهرة امام وزارة الداخلية علشان يعرفوا ان البلد ديه فيها رجالة كتييييير اوى و مش محتاجين لأمثالهم-حسبى الله لا إله إلا هو عليه توكلت و هو رب العرش العظيم

أحمد المصرى said...

أكيد جماعة اسفين يا مبارك اسفين ياشفيق اسفين يا عادلى هاتروح تعمل مظاهرات تطالب برجوعهم فعلا والحل زى ماانتى قولتى
طب احنا نازلين بقى مظاهرة نطالب بتقديمهم كلهم لمحاكمات عسكرية بتهمة الخيانة العظمى

aladham said...

aladham.ali132@gmail.com

unitedarab said...

المحور اتقفل النهاردة من تظاهرات ضد حرق الكنيسة... هو فى ايه

aladham said...

انا عاوز اشترك في مدونتك يا استاذة نوارة

الحسينى said...

ههههههههههه
طالق بالتلاته
دى حته مرة نكدية وشها يقطع الخميرة من البيت
عزيزتى الشرطة الباب يفوت جمل
والشباب اللى عملوا لجان شعبية بالفطرة ممكن بعد 3 شهور تدريب ودراسة نعملهم لواءات شرطه
:)

محمد رشاد said...

لم أقرأ كل التعليقات بعد
و لكن موافق تماما على كل ما في التدوينة
إذا كانو يريدون فرض رأيهم علينا من قبل عودتهم, فكيف سيعاملوننا بعد ذلك
من لا يحترم الشعب لا يستحق خدمته

aladham said...

انا عاوز اشترك فى مدونتك ومش عارف

Khaled said...

أول كلمة هاقولها :

حــمــــــــرااااااااا
تانى كلمة :
TTTTOOOOOOOOOOOOZZZZZZZZ
الباقى :
فى ستين داهيه ، رضينا بالهم والمهم مش راضى بينا
وكمان :
هما بيستهبلوا ما هم بقالهم 40 يوم فى إضراب عام . هما شرطة على بابا والا ايه والا يفتكروا نفسهم شرطة قطاع خاص .و لازم يتحاكموا بتهمة الغباء السياسي لأنهم بدل ما يهدوا الناس ويعتذرولهم بيستفذوهم أكتر .
وده يثبت إنهم عقلية ضحلة وتفكير متدنى وعنجهى محدود لا يتعدي تفكير عيل مراهق مش متربي وأنانيين وعمرهم ما هايتغيروا. يا سلام عايزنا نتحايل عليهم بعد جرايمهم وخيانتهم وعنهم ما نزلوا طيب ما إحنا بقالنا 40 يوم من غيرهم . والمفروض يتخصم منهم مرتب شهرين ويترفدوا بعد المحاكمة هما ناسيين إنهم بياخدوا مرتبهم مننا . والا نجيب كير سيرفيس أحسن .
وتوجد لديهم قناعة تامة انهم مهمين اوي والحياة هتبوظ من غيرهم ، مع انهم خلال العشر سنوات الاخير انحصر دورهم في تنظيم المرور ومتابعة القضايا شديدة الاهمية فقط وبالتالي رجل الشارع العادي لم يشعر بقوة حضورهم او اهميتهم .
مما ادي بدورة ومن خلال تجربة الفترة اللى فاتت للاحساس بعدم اهميتهم والناس تطوعت بالنسبة للمرور لتفقدهم البقية الباقية من الاهمية المحسوسة لدي رجل الشارع العادي وبالتالي تتصاعد حدة العناد بين مراهق غبي لا يعرف مصلحته واب ثائر علي ابنه الجاحد الذي اهانه وصغره وداس علي كرامته .
ولا يبقي غير الحل الاخير في يد المراهق الجاحد الا وهو تهديد الاب والاسرة كلها ان لم يتاسفوا له فسيفعل ويفعل ويفعل حتي يدركوا قيمته ، وستكون نهاية المراهق الجاحد طردة من البيت وعدم قبولة ليعش بينهم .
وكمان هما أكيد غيرانين من الجيش اللى كل الشعب بيحبه وبيهتف له (الجيش والشعب إيد واحدة) وفاكرين الناس ها تهتف لهم . هأوا هأوا أو أو . الجيش طول عمره إيده نضيفة وما اتلوثتش بدم واحد مصرى ولا فيه خونة وقناصة تقتل بدم بارد . لكن تاريخ الشرطة ما شاء الله إسود ومزفت بستين نيلة من ساعة فيلم أمير الإنتقام (ههههههههههه) بيتهيألى ممكن يكون حسن الهلالى لسة مسجون فى أمن الدولة (بدران) .
يعنى ايه نطالبهم بالرجوع بصوت مسموع, احنا ممكن نعملهم حاجة واحدة بس بصوت مسموع, وهى بتبقى صوت من الفتحات الخلفية لتجويف الأنف مع فتح الفم نص فتحة مع شفط كمية كبيرة من الهواء من الأنف والفم مع ظهور علامات الغضب على الوجه ثم إتباع هذا الصوت بكلمة التعجب المؤدبة المشهورة عندنا ( وعشان الناس ما تدخوش وتفكيرها ما يروحش لبعيد هى كلمة عبارة عن الكلمة اللى بنقولها اما نتلسع من النار ونضيف لها حروف أ كتيره عشان الكلمة تستمر لحد أما الواحد نفسه يتقطع ، عروستى ) . وال عندى إقتراح أحسن عشان الجيوب النفية هاتتعب ممكن نجيب لهم أسد من جنينة الحيوانات يعملهم الصوت ده .
تخيلوا معايا لو دول كانوا ضبابط الجيش وسابوا مكانهم على الجبهة لاعداء الوطن وروحوا بيوتهم . عارفين العقوبة كانت هاتبقى إيه إعدام بالرصاص !!!!!!!!!!!!!!
اذا كانت الوظيفه مش عجباهم عشان ماعدش ليهم نفس السلطة والغلاسة والسماجه والسطوة بتاعت زمان... يقولوا وفيه عندنا شباب زي الورد وايديهم نظيفة ومتربيين صح نأهلهم ويبقوا جهاز شرطة جديد ونظيف
اللى أنا شايفه, أن النوعية ديه من ضباط الشرطة دول ليسوا أصحاب قضية عشان يصروا على رأيهم, لأنهم بكل بساطة, ناس بلا مبادئ و لا أخلاق عمرهم ما هيؤمنوا بقضية معينة و يضحوا بكل غالى و رخيص عشانها, دول -أغلبهم- بكل بساطة عنده استعداد أنه يبيع أى حاجة عشان يعلى و يترقى, و اللى زى دول, أول مايتقرص عليهم, هيصوتوا و يقولوا أى أى أى .

قال, بصوت مسموع قال !!!!!!!!!!!!!!
ومن رأيى نستحمل كمان 3 شهور والشباب المتخرج العاطل كتير هيا 3 شهور فى الأكاديمية ويبقوا ضباط احسن منهم
والمفروض يتحاكموا عسكرياً بتهمة الخيانة العظمى لعدم تواجدهم لمدة 40 يوم . وأكيد فى نصوص فى قانون الشرطة تحاكمهم وتسجنهم .
ويا ريت نخرج ونفاجأهم بالهتافات ديه :
مش عاوزنكوا مش عاوزنكوا
اللجان الشعبيه حامتنا اكتر منكوا
مش عايزين قتله
مش عايزين خونة
مش عايزين مرتشين
عايزين اللى يحمينا يبقى أمين

فاكرين غيابكم عاملنا رعب وأزمة ، إنتوا خونه ومالكوش لازمة

mr_adham said...

فيه ائتلاف لضباط الشرطه وبيدعو لعدم الاستجابه للاضراب وبيطالب رجال الشرطه بالنزول
انا اتكلمت مع واحد منهم ولقيت انه متجاوب جدا وبيسعي لنفس هدفنا
اقتراحي اننا نشكل زي ائتلاف او لجنه بينا وبينهم
ونحط خطوات عمليه لحل مشكله عدم نزول الشرطه للشارع
يعني بمعني اوضح
ننحي العصبيه جانبا
ونسمع لهم ويسمعو لينا
ونتفق علي خطه لتشجيع افراد الشرطه (بدون تذلل طبعا ) للنزول من ناحيه
ومن ناحيه نحاول نخلي افراد الشعب يتقبل فكره نزولهم ونكسر الحواجز دي معاهم
فايه رايك في الاقتراح ده

Unknown said...

هم أصلاً كانوا نزلوا عشان يعتصموا ويقولوا حنقعد؟
حنستعبط بقى؟ البلطجية ماليين الشوارع... لو هم شايفين إنهم رجعوا وشغالين، أمال الخطف والضرب والرعب اللي في الشوارع ده موجود إزاي؟ ما هو إحنا مش حاسين ولا بأمن ولا زفت.. يبقى يا إما هم مش موجودين يا إما زي قلتهم... وفي الحالتين.... يا بجاحتهم الصراحة....
طب خليكو في بيوتكوا... بس من غير مرتبات بقى... مش المرتبات دي من فلوسنا ولا احنا بدفعهالهم على رأي واحد أعرفه ""بدل نطاعة"... ياخي جاتهم القرف بقى

د. هانى احمد said...

رفض التعدبلات الدستوربه والا ستفقد الثورة شرعيتها لازم دستور جديد... انتبهوا انتبهوا انتبهوا.. لو مر ت التعديلات حتشوفوا وش تانى خالص لان النظام سيكتسب اول شرعيه شعبيه له برئيس له طلاخيات الاهيه,,,,, انتبهوا انتبهوا انتبهوا

محمد طنطاوي said...

هما بيقولوا إعادة هيكلة أمن الدولة لكن والله لو احنا عايزين عدل ربنا وفعلا صادقين معاه إعادة هيكلة الرشطة مش أمن الدولة وهو دا اللى أنا سمعت عليه فى التحرير بس يا رب يتنفذ يعنى اقتصار ضباط الشرطة على خريجى كلية الحقوق مع دورات نفسية وسيكلوجية ونحو ذلك ، أما بتوع أمن الدولة دول فدول مكانهم السجن بما اقترفوه من جرتائم فى حق الشعب المصرى ، احنا مش لسه هنفكرلهم فى شغلانه نشغل الناس الشريفة اللى قاعده فى البيوت مش لاقية وظيفة ، دول لازم يتحاسبوا مش يشتغلوا واللى بتقتلى إن فيه واحد من ائتلاف الشباب طلع على قناة الجزيرة اسمه ناصر عبد الفتاح البيه عايل همهم بيقول يشتغلوا فى المعلومات جمع المعلومات يعنى معرفش معلومات إيه دى وبيقول إنها بتأدى خدمات ومش ممكن نستغنى عنها ونحو ذلك حسبنا الله ونعم الوكيل اللى بيقول كدا مش مننا لازم يا جماعة تفرقوا بين شباب ثورة 25 وائتلاف الثورة وإن فيه أكتر من ائتلاف وأنا اتكلمت مع شباب 25 فى المسألة دى على أساس إن يكون فيه متحدث يشرفنا أحسن من الناس اللى بتشوه صورتنا دى

د. هانى احمد said...

رفض التعدبلات الدستوربه والا ستفقد الثورة شرعيتها لازم دستور جديد... انتبهوا انتبهوا انتبهوا.. لو مر ت التعديلات حتشوفوا وش تانى خالص لان النظام سيكتسب اول شرعيه شعبيه له برئيس له صلاحيات الاهيه,,,,, انتبهوا انتبهوا انتبهوا
التعديلات الدستوريه عيزلها مليونيه

Tears said...

شوفى كام صفحة تعليقات فيها شتيمة جاية على الخبر لما نزل على اليوم السابع

http://www.youm7.com/News.asp?NewsID=365026

ارجوكى لا ننزل مظاهرات و لا اى حاجة خلينا نهدا شوية و سيبك من الشرطة همه خلقه مش بيشتغلوا من يناير و يوم ما بيشتغلوا بيبسوا مدنى و ينزلوا يعملوا بلطجية و يضربوا الجيش

طبعا فيه شرفاء بس دول عددهم اقل او مقهورين من الفسده و تقدرى ترجعى للفيديو بتاع مقدم الشرطة عضو حركة ضباط لكن شرفاء

aly said...

الاخبار دي يانوارة بنسمعها من نص النهار ومش لاقي مصدر مؤكد
كلها فلان عن فلان
الخوف تكون اشاعة مقصودة
هيسمعها ظباط الشرطة هتكبر في دماغهم يصدقوا الكذبة
تكبر في دماغنا بكرة اول ظابط هيصبح علي هاديله بالجزمة
ونرجع لنقطة الصفر

احنا كنا عزلنا أمن الدولة وبنتكلم في الباقي


القصد أن لازم نتاكد تمام ان ده توجه في الشرطة مش اشاعات او حتى اراء فردية من عواجيز الفرح بتوع الداخلية اللي قارفينا بتصريحاتهم من يوم 25 يناير ومازال العرض مستمر


لازم يكون فيه مصدر واضح ومؤكد للخبر
اذا ثبتت هننزل للشارع تاني
عايزين فلوسنا
البهوات اللي مرتباتهم زادت وهم لسة في البيت

لازم نتأكد قبل مانهجم

مراد الباشا عمرو said...

ايوه كده يا نواره ، يعني هم احسن من أمن الدولة ، وبنقلهم لسه فاكر قلبي يديلك أمان ، كان زمان يعني، لسه فاكر أنك فاكر أنك حاجة ، كان زمان قبل 25 يناير .
وأقترح على شباب الثورة أن يشكلوا جهاز شرطة مدنية وسير ، وخليهم يعفنوا في الاحتجاج، هههههه ، أولاد الشرطة ، ويقال عن رسول الله على ذمة الكاتب العربي الكبير عبد الرحمان منيف، أن الرسول قال: من رأى شرطيا نائم فلا يوقضه. مدن الملح . عبد الرحمن منيف

nour1971 said...

انتي مش ملاحظه من ساعه ما اتقال ان عصام شرف هو الي حا يمسك الحكومه و الثوره المضادهشغاله علي ودنننننننننه بالعبيط و البلطجيه في كل حته بالهبل النهارده في المعادي الصبح اتنين بلطجيه سرقوا عربيتين و مشيوا بالعكس و اعدوا يضربوا نار و المحور مقفول و البلطجيه نازله بهدله هناك في خلق ربنا و المسيحيين عملين مظاهرات بالعبيط و الكنيسه بتاعتهم و فتنه طائفيه تاني ما بين المسحيين و المسلمين

Unknown said...

جابوا ورا

http://www.facebook.com/photo.php?fbid=207996545880417&set=a.203781016301970.61592.203682299645175&ref=nf

من said...

ممكن ننزل نجيبهم من شعرهم
السيئه تعم لما يبقوا يستحموا وينضفوا من الوساخه الى فيهم وناخد احنا بقى الوساخه دى نعدمها نعلقها نشرحها نعمل الى نعمله بعدها بقي نبقى نقولهم اعملوا الى تعملوه الى مش هينزل شغله ياحلوين يتحول لمحاكمه عسكريه بتهمة الخنوع والتخاذل والخيانه العظمى
هينزلوا زى الكلاب
يعنى واحد خايف ينزل يحمينى علشان خايف منى امال هيعمل ايه مع البلطجيه فجئه هيبقى راجل يعنى

أرنوب said...

ونعمل مظاهرة ليه ؟ هو مش فيه وزير داخلية جديد جايبه عصام شرف ؟ مايشوف شغله ويرجعهم الشغل ويرفد اللي مش عايز يشتغل فيهم يا إما يسيب هو الوزارة لو مش عارف يعمل كده .. وبعدين فين محاكمة المجرمين اللي ضربوا رصاص حي على أبطال الثورة ؟

حسن على said...

الشرطة فى ثوبها القديم هى على طريقة"خذنى بعارى" يعنى طنش على الرشوة والتلفيق والتعذيب وهتك الاعراض ,يا كدة يا نمشى ونحرق الاوراق اللى تديننا عند اى تحقيق نزية, بل اكثر من ذلك سنطلق عليكم البلطجية والمجرمين ونقول ان انتو اللى حرقتو المستندات,وابقوا ورونى حاتتصرفوا ازاى لو شاطرين

Unknown said...

الشرطة دي اصلا فاسدة وانا مش عارفة ازاي نعرف القلة الصالحة يعني اللي كانت موجودة
المهم براحتهم يرحلوا مع ستين الف سلامة ونكسر وراهم كل القلل اللي في البلد
والظبط الجداد الصغيرين يجوا جيل جديد لم يتم افساده
وكليات الشرطة تفتح بمبادئ جديدة للي يصلحوا من ابناء الشعب
مستنيين ايه من الشرطة اللي تعودت على التعامل الهمجي مع الشعب بل والتواطؤ مع المجرمين علشان تسوية اعمالهم
احنا اللي مش عايزنهم

Yaser Helmy said...

أقدر حماسك و غيرتك على الوطن. و لكني أود أن أفهم ما هي الاستراتيجية المقترحة للرد و إنهاء هذه المهازل؟

بالإضافة إلى ذلك، أود أن ألفت النظر أن هناك إسفين يتم دقه حاليا، و ربما كان الهدف منه لفت الأنظار عن الدستور السخيف و تعديلاته الخايبة.

أفضل رد من وجهة نظري هو التجاهل التام لهذا الإضراب، و عدم تنظيم أي وقفات في ميدان التحرير وفاء بكلمتنا مع الوزارة الجديدة، و لنعلمهم أننا لا نستجيب للابتزاز.

kooky kak said...

بقولك يا نوارة
الدستور ما اتلغاش والمقر الئيسي لامن الدولة ومقرات تانية لسه شغالة وانا قريت ان شباب ائتلاف الثورة ققروا يعلقوا الاعتصام الجمعة الجاية هما والاخوان
وفيه ناس معتصمين وناس عايزة تنزل يوم الجمعة عشان مرعوبة من الدستور
الاختلاف وحش والشل العام حيبقى مش تمام فياريت توحدوا كلمتكم ويكون فيه تنسيق عشان الكل يبقى ايد واحدة ميبقاش كل واحد بمخطط وزي مانتي عارفة ان البلطجية بيهاجموا الاعداد القليلة

حسين محمد said...

السلام عليكم
يبقى امر مستفز جدا لو عملوا كده وهم اللي يبقوا جنوا على نفسهم
عموما صفحة رئاسة الوزراء قالت ان الخبر غير صحيح
ممكن يكون بعض الظباط فكروا في ده فعلا لكن اظن انه مستحيل ان الامر يتم التفكير فيه على نطاق واسع فضلا عن ان يتم تنفيذه فعلا

moo said...

http://www.facebook.com/We.Protect.We.Serve الخبر نزله تكديب على الفيس بوك يا نوارة

dr bakr said...

نقول تانى من حلول للفراغ الامنى
نعمل كلية لضباط احتياط الشرطة على غرار كلية الضباط الاحتياط بالجيش ودول من الدفع اللى بتاخد تأجيل ودة لها كذا ميزه اولا ان مدة خدمتة هتكون فى حدود تلات سنين مطروح منهم فترة التدريب من ثلاثة لستة اشهر والفترة القصيرة نسبيا دية مش كفاية لصناعة ديكتاتور صغير
طبعا الشباب اللى بياخدو تاجيل مش هيشتغلو فورا يعنى بنحل مشكلة البطالة شوية لغاية مايخلصو فترة الخدمة يكون ربنا سهل الامور فى مصر وترجع العجلة تدور
طبعا كلية الشرطة العادية تستمر فى تخريجة دفعات من الضباط العاملين ومش لازم تاخد نفس العدد ممكن يكون اقل لان ضباط الشرطة الاحتياط هتحل شوية المشكلة وبرضة دة هيقلل تكلفة العد الكبير من الضباط العاملين
طبعا التمويل يجى بسهول كجزء صغير فقط من ميزانية امن الدلة
والله ثم مصر وراء القصد

dr bakr said...

نقول تانى من حلول للفراغ الامنى
نعمل كلية لضباط احتياط الشرطة على غرار كلية الضباط الاحتياط بالجيش ودول من الدفع اللى بتاخد تأجيل ودة لها كذا ميزه اولا ان مدة خدمتة هتكون فى حدود تلات سنين مطروح منهم فترة التدريب من ثلاثة لستة اشهر والفترة القصيرة نسبيا دية مش كفاية لصناعة ديكتاتور صغير
طبعا الشباب اللى بياخدو تاجيل مش هيشتغلو فورا يعنى بنحل مشكلة البطالة شوية لغاية مايخلصو فترة الخدمة يكون ربنا سهل الامور فى مصر وترجع العجلة تدور
طبعا كلية الشرطة العادية تستمر فى تخريجة دفعات من الضباط العاملين ومش لازم تاخد نفس العدد ممكن يكون اقل لان ضباط الشرطة الاحتياط هتحل شوية المشكلة وبرضة دة هيقلل تكلفة العد الكبير من الضباط العاملين
طبعا التمويل يجى بسهول كجزء صغير فقط من ميزانية امن الدلة
والله ثم مصر وراء القصد

Unknown said...

علي فكرة انا مش معاهم بس في تجاوزات من البعض الغير مسئول برضه احنا عايزيين امان وميصحش ان البعض لما يشوف شرطي يضربه اويسبه دي مش اخلاقنا ثورتنا اساسها العدل اللي غلط يتحاسب منهم لكن مش كلهم

Unknown said...

خبر اضارب الشرطه طلع كاذب و عمر عفيفي قال انه هيقدم بلاغ ضد اليوم السابع بسبب نشره لخبر كاذب

Unknown said...

علي فكرة انا مش معاهم بس في تجاوزات من البعض الغير مسئول برضه احنا عايزيين امان وميصحش ان البعض لما يشوف شرطي يضربه اويسبه دي مش اخلاقنا ثورتنا اساسها العدل اللي غلط يتحاسب منهم لكن مش كلهم

ملكش دعوة said...

شوفي انا منزلتش مظاهرات الا يوم التنحي عند قصر العروبه ومبعتبرش نفسي عملت حاجه لكن اقسم بالله ان لو اتعملت مظاهرات تطالب بعقاب الشرطه هنزل وان شالله اموت هناك والعيال ليهم ربنا
بلاش قرف بأه ده منتهي قله الادب والناس دي لازم تتربي وخلي بالك المظاهرات دي عايزه دعايه جامده لان الناس كلها مش طايقاهم حتي اللي بيتحايلوا عليهم يبزلوا بس لازم يكون العدد كبير جدا ونطالب الوزير ان المنقطع عن العمل يترفد في خلال اسبوع واللي خايف علي لقمه عيشه ينزل زي الجزمه

ملكش دعوة said...

يعني عايزين تقولولي ان انتوا قدرتوا علي مبارك وجهاز الشرطه هيستعصي عليكوا مستحيل

nosseir said...

بخصوص الكنيسة واللى حصل فيها
الكل عارف طبعا ان دة من تدبير امن الدولة واذناب النسام السابق
يا ريت بقى فى موضوع المسلمين والاقباط نركز اوى ان دة من افعال فلول نظام مبارك
وبكدة يبقى ضربت عصفورين بحجر واحد
اولا كرهت الناس اكتر فى امن الدولة وفلول نظام مبارك
وثانيا وحدت صف المسلمين والمسيحيين ضد بواقى نظام مبارك
من الاخر اى محاولة لضرب الوحدة لازم نعكسها عليهم على طول...ويبقى امن الدولة سرف مجهود ووقت وفى الاخر دة يذود كراهية الناس لة اكتر مسلمين واقباط
يعنى زى ما مبارك كان عامل الاخوان والتيار الاسلامى فزاعة...احنا نعمل امن الدولة والحزب الوطنى فزاعة ونرمى فى حجرة اى محاولة لضرب الوحدة الوطنية...اشطة كدة؟

Anonymous said...

أكتبها لك,مرة ثانية:يانوارة,أنتى الوحيدة,وهذا يسرى على الكتاب من الجنسين,التى تقول,غالبا,ما لا أقدر,أن أعلق عليه..,والله,ليس فى هذا,أى تملق.كل ما أطلبه منك,.."خللى بالك من نفسك"..,الموساد,أكبر شرا,من أمن الدولة.ربنا يحافظ عليكى

احلام جوليا said...

ايه رايك يا نواره ممكن تتحل المشكلة دي ببساطة لو المجلس العسكري كلم وزير الداخلية الجديد وعملوا نشره مبكرة ودي بيعملوها في الجيش والشرطة مرتين تقريبا في السنة يعملوها دلوقت النشرة دي بتبقى فيها حركة تنقلات الضباط واحاله بعضهم للمعاش النشرة دي يحيلوا فيها بدل دفعة واحدة دفعتين من ضباط الشرطة تتحال للمعاش بعدد اكبر من كل سنة ويتعمل حاجتين تانين مهمين
1- يعمل تخرج لدفعة التخرج لكلية الشرطة برضه مبكر الان زي ما سبق وعملوا ايام الحرب مع الجيش بس المرة دي مع الشرطة يتخرجوا العيال بتوع كلية الشرطة لسه ضباط طازة لا ضربوا ولا قهروا حد ولا حد بيكرهم ويوزعوهم على الاقسام والمواقع كاوجه جديدة مع الصفحة جديدة
2- يتحط عقاب لكل ضابط لن ينزل لممارسة عمله في الشرطة خلال الايام الجاية يتعاقب بانه يوقف مرتبه ما هو مش معقول ندفع مرتباتهم من ضرايبنا علشان يقعدوا في البيت واحنا البلطجية تقتل فينا ولا ايه
لو تقدري توصلي الاقتراح يمكن يفيد في ازمة الشرطة ويأدبهم كمان
علشان ميلوش ذراع المجلس العسكري تاني

صمت الحملان said...

انا مش فاهمة موقف الشرطة دا خالص بس مضطرين منعامل مع اللي بيحصل بصبر بالغ لان دا اللي هما عايزينه يقلبوا الدنيا ويرجعوا العجلة لورا تصليح فساد دام مئات السنين في جهاز الشرطة مش هايتم بين يوم وليلة بس فعلا لازم الوزير الجديد ياخذ قرارات جريئة زي تخرج دفعات نهائي الشرطة والحقوق زي ماقولتوا دا هايصيبهم في مقتل لانهم عايزين يرجعوا اسياد وهو دا الواضح من النغمة السائدة منهم ومن اعوانهم اللي لسه ماشموش هوا الحرية

احلام جوليا said...

على فكرة نسيت اقول لك كان في من كام يوم عارضين في الفضائيات مظاهرات بقيادة احمد بدير ومجموعة من الفنانين اياهم لعودة الشرطة بيستسمحوا الشرطة ترجع وفي مظارهرة يوم الجمعة في اسكندرية للاسف مسمينها مارثون لعودة الشرطة والامان للشارع المصري وحيلبسوا لون العلم وده كان في جريدة اليوم السابع

Unknown said...

موضوع خطير جدا جدا
منقول من نوت من الفيس بوك لو صح محتواه تبقا مصيبة يجب ان نكون يقظين لما يخطط له فلول النظام و مجرمى امن الدولة و الداخلية على السواء و نص النوت هو :

وصلتنا حالا معلومات مؤكده من مصدر موثوق به
أن الأيام القادمه ستشهد مخطط أجرامي لأحداث بعض الأغتيالات لشخصيات عامه لم تتحدد بعد
كما ستشهد أعمال أجراميه ضد كنائس وضد الأقباط لأثارة البلبله والفتنه الطائفيه
محاولة اسقاط حكومة شرف وتقليص دور وسيطرة وزير الداخلية
أحداث بعض التمرد داخل معسكرات الأمن المركزي وفرق الأمن
أغتيال رموز من جماعة الأخوان المسلمين أو رموز اسلاميه دينية لها شعبية
محاولة التخلص من بعض قيادات الداخلية وضباط الداخلية بالأغتيال
أثارة البلبله في الوزارات وتدعيم المطالب الفردية والفئوية
أعدام الأدلة علي كل ما يدين ضباط أمن الدولة واغتيال من لديهم معلومات أو نفذوا عمليات معهم
عدم تواجد ضباط امن الدولة في منازلهم قدر المستطاع وعدم التردد علي الأماكن المعتاد ترددهم عليها مع أرسال أسرهم بعيدا عن محل أقامتهم المعتاده
تدبير خروج بعض ضباط أمن الدولة من الحدود الغربية والجنوبية وميناء السويس وسفاجه ومعبر رفح بشكل منفرد وبجوازات سفر مزورة سيتم تجهيزها بمصلحة الجوازات علي ان تلحق بهم أسرهم بعد نجاح عملية الخروج لهم
نقل عملات مصرية للخارج من فئة 100،200،50 جنيه في كونترات لتدبير معيشتهم بالخارج
التخلص من اللواء حسن عبد الرحمن وهشام ابو غيده وحبيب العادلي ومن يتوقع التحقيق معهم قدر المستطاع وبأستخدام عملاء مدنيين داخل السجون
وانتهي حاليا ومنذ 20 دقيقة أجتماع اجتماع لعدد 42 ضابط بأمن الدوله باحد ضواحي القاهرة وتم خروجهم بشكل منفرد لعدم أثارة الأنتباه
لم يتمكن مندوبنا من التسجيل للأجتماع لأنه علم انه يتم تفتيش كل المتواجدين ومنع دخول الموبايلات لمكان الأجتماع وتم تفتيش الجميع لبعضهم البعض بكل دقه وحزم لأنعدام الثقة
كنا نتابع نتيجة الأجتماع مع أمصادرنا بجهاز أمن الدولة والذي تعاون معنا قبل وأثناء الثورة
وكان من اهم عوامل نجاح الثورة وسنكشف عن بطولاته في الوقت المناسب
وستكشف الأيام القليلة القادمه صحة تلك المعلومات أم لا وأرجوكم طباعة والأحتفاظ بها
العقيد/عمر عفيفي

أحمد البستاوي said...

الناس دي منقطعة عن العمل من أكتر من 15 يوم . . يبقى يتفصلوا و يريحونا بقى

Rowaa said...

نوارة وجدت هذا الراابط فى فيس بوك ائتلاف شباب الثورة
http://www.facebook.com/note.php?note_id=169225983129768#!/note.php?note_id=167875426596729

رجاء شوفى رايك فيه

Unknown said...

الشرطة مش بتلوي دراعنا
دا الشرطة عايزانا نترجاها ونتاسف لها كمان
نتاسف لها على ايه
نتاسف لها لانها من يوم 28 يناير مفيش ولا مصري اتهان
فلازم نتاسف ونترجاها انها تزيد جرعه الاهانه فينا الفترة اللي جاية دي علشان تعوض الايام اللي فاتت اللي محصلش فيها اهانه
ومش بعيد كمان نخدم احنا الشرطة
هتسالوني نخدمها ازاي
يعد ما نبوس رجلها انها ترجع
نسيبها كام يوم تهين فينا
بعدها
هم يقعدوا على مكاتبهم
واحنا بقا يا مصريين يا حلويين
نشوف كام مصري يدخل التخشيبة
وكام مصري يكتب للبهوات المحاضر
وكام مصري يقبل على نفسه كام تهمه
طبعا على نثبت على الاوراق ان البهوات شغاليين
وتامر امين يجي في التليفزيون ويقول لنا عدد المحاضر وعدد المجرمين اللي دخلوا السجن والي البهوات مسكوهم
وكمان نترجا الاستاذ سيد على وهناء السمري ونتاسف لهم ونتاسف لخيري رمضان
اللي كانوا علطول قايلين الحياة جميلة والحياه لونها بمبي

فيا اخت نوارة ياريت تتفقي وانتي ومجموعه من شباب الثورة
على الاتي
مجموعه تعترف على نفسها بالجرائم
طبعا يعني مجموعه تقول انهم هما اللي ضربوا نار على الشرطة
وشرايط الفيديو اللي شفناها للشرطة وهي بتضرب الشعب طبعا هتقولوا انه فيديو ملفق
وبسرعه ياريت تظبطوا المحاضر قبل يوم السبت علشان منتعبش البهوات في الاعتصام



::::::::::::::::::
سؤال اخير
مش الدكتور عصام شرف تعهد بتلبية المطالب
ارجو ان يكون المطلب احالة الشرطة للتقاعد
لا بلاش كلهم تقاعد لانها شيك شوية
في الشرطة يقولون اسمها لبس الجلابية
ان يكون المطلب ان تلبس الشرطة الجلاليب وشكرا

Karma- said...

hAHAHAHAHA walaahy enty gamda awii!

fifi said...

أنا بحبك قوى يا ست البنات تتخيلى كل اللى قلتيه على الباهوات والباشوات والله صح زى ماإختفوا لوحدهم يرجعوا لوحدهم هو حد كان زعلهم ولا دسلهم على طرف هما اللى ضربونا وقتلونا وحمونا بالمايه وقال زعلانين قال على رأى جدتى...ضربنى وبكى وسبقنى وإشتكى ....