Saturday 12 March 2011

لازم يتشنقوا الكلاب دول

يعني احكام عسكرية بسرعة بسرعة كده لناس الجيش قبض عليهم وعذبهم في اعتصامات بدعوى انهم بلطجية
طب ممكن افهم اللي عملوا كده متسابين لحد دلوقت ليه؟

اولا احنا حقنا ان الجيش المصري يعتذر عن التعذيب، وانه يقدم المدنيين لمحاكم مدنية، بلطجي بقى مش بلطجي، انشالله يكون بديل، يتقدم لمحكمة مدنية
ثانيا.. عايزة اوضح حاجة بس، الصدمة العصبية اللي بتصيب اي مواطن مصري لما بيتعرض لتعذيب على ايد ظابط جيش تختلف تماما عن احساسه لما بيتعذب من شرطة
المصريين بيكرهوا الشرطة، وبيحتقروا امن الدولة
لكن بيحبوا الجيش، وعندهم قناعة انه بيحميهم، مش متوقع ابدا، تحت اي ظرف وتحت اي بند، ان ظابط جيش ممكن يمد ايده عليه ويعذبه، والالم النفسي اللي بيفضل معاه اكبر واقوى بكتير من اي الم بدني او نفسي ممكن يتعرض له لما يتعرض لتعذيب من ناس هو بيحتقرهم وشايفهم حيوانات، مش جيشه اللي هو بيحترمه
وفيه حاجة احنا محتاجين لها تفسير
الشدة دي في التعامل بدعوى ان البلطجي بيفزع الناس ولازم الشدة وما يستاهلوش الرحمة
امال الشرطة تستاهل الرحمة؟ يعني الجيش ما قبضش على ظباط الشرطة وعذبهم كده ليه؟ اهم دول اولى بقى اذا كان التعذيب بحجم الجريمة
الشرطة اللي عملت في انسان زي ده كده وضيعت مستقبله.. تستاهل ايه؟
ايوة فيه ناس، يا مجنونة يا مأجورة، بتظيط على الجيش وبتتطاول عليه وبتحاول تخلق حالة من عدم الثقة في الجيش
والناس دي حنجز لسانهم ان شاء الله ما لكوش دعوة بيهم، احنا حنعرف نربيهم كويس
بس مافيش حاجة تجز لسان اي حد بيحاول يشكك في الجيش الا ان الجيش المصري يفضل ملتزم بالصورة اللي له في الوجدان المصري
وعشان بقى اشرح صورة الجيش في الوجدان المصري حاحكي حدوتة، ياريت حد يوصلها للمجلس العسكري، يمكن يصدر تعليمات مشددة بعدم التعرض للمواطنين بالتعذيب وعدم احالة المدنيين لمحاكم عسكرية
دي حدوتة بيحكيها الفلاحين لعيالهم:
كان فيه ملك عنده مشكلة ان فيه شباب كتير مش لاقيين شغل
وابتدا الشباب يتململوا وعملوا ثورة
فقال للوزير بتاعه، اجمع لي كل الشباب اللي عايز يشتغل وخلي كل واحد فيهم يجيب ابوه معاه 
جمعهم كلهم وقال: انا عندي شغل في البلاط بمناصب كبيرة واجور كبيرة على شرط، اللي عايز الشغل ده يقتل ابوه، واللي مش حيقتل ابوه حنقتله، لانه عمل قلق في البلد وثورة وهو مش جاد في انه عايز الشغل
اللي حيقتل ابوه ييجي يمين، واللي مش حيقتله ومستعد يتقتل ييجي شمال
فاتقسموا نصين، نص اختار يقتل ابوه، ونص اختار يموت هو
فالملك قال للوزير: اللي كان حيقتل ابوه شغله في الشرطة
واللي ما رضيش يقتل ابوه ورضي يموت هو شغله في الجيش
---------
ده تصور المصريين... وما كانش العشم ابدا

38 comments:

Nicholas Urfe said...

والله اعلم الجيش مش بيبقى عايز يضرب حد لكن عمليا هيفرق بين المعتصم والمتظاهر ازاي؟

اظن الجيش بيبص لها من منظور الصالح العام وعايز يظهر نوع من الحزم

لكن رغم كل شئ انا ضد التعذيب ، وارفضه ولا يوجد اي مبرر له

Unknown said...

يا نوارة طيب مين هيوصل صوت حضرتك ده للجيش بس والله الواحد تعب اوي بقي من القلق ده
و بعدين لسه شايفة فيديو عن التعذيب بتاع الشرطة بجد انا مش فاهمة دول اصلا مش شياطين حتي لأن الشيطان له هدف دول بيعذبوا و كمان بيضحكوا و مبسوطين دول بجد لازم يتعذبوا و بعدين يتعدموا انا مش قادرة اتخيل ان دول هم هم اللي هيمشوا البلد تاني بجد نعمل لجان شعبية و نديلهم مرتبات الشرطة لكن دول كلاب و انجس من اي كلب
ازاي التعذيب ممتع كده عندهم

Unknown said...

يا نوارة انا لسه شايفة فيديو في لقطات تعذيب الشرطة بجد دول حتي مش شياطين المفروض كل الشرطة دلوقتي يمشوا و ييجي ناس تانية تتعين لأن دول اصلا مش بني ادمين بجد
مش فاهمة هم ازاي بيستمتعوا بالتعذيب كده؟دول يمشوا من البلد خالص او يروحوا الصحرا
الجيش بقي سؤال احنا بنحبه و كل حاجة بس ايه موضوع ان اي حد بيمثل السلطة لازم يعذب و يهين ليه؟ايه العقيدة اللي بتلزموا يعمل كده؟

مواطن مصري said...

ضد التعذيب لكن ضد الصدام مع الجيش

الجيش هوالطرف الي معانا و مش عاوزين

نخسرة لحد ما يرجع لوحداتة و لما نتخب

رئيس جديد نفتح ملفات التذيب

مواطن مصري said...

انا شايف ان الجيش المفروض يفرق بين

الناشط و البلطجي لكن دول ميعرفوش\

لا ناشط ولا بلطجي

بس فينفس الوقت مطلوب الشدة في

التعامل مع البلطجية في الوقت دة

بس برفض تعذيب النشطاء الي عذب

نحاكمة لما ننتخب حد جديد\\

مواطن مصري said...

ولو الناس واجهت الظباط دول اقصد

النشطاء البسطاء من الناس هيفتكرهم

انهم خونة و اعداء الوطن دي حقيقة

يبقى كدة خسرنا الشارع و الجيش

elzahraamegahed said...

نافذة الجيران تبدو دائما أجمل

طبيعة التعامل مع المجرمين تستدعى الشده والحسم والقسوة أحيانا

الجيش لما نزل واتعامل مع المجرمين اتعامل تقريبا بنفس نمطق الشرطه
واتعامل مع المتظتهريت بقسوه برضه

وده مش غلط، كل حاجه ليها تمن، البلدمحتاجه تتظبط ولازم هيبقى فيه خساير وربتا يسهل ويفك أسر كل مظلوم

أنا عايزه أقول الفرق بين الجيش والشرطه حاجتين:
أننا بنتعامل نع الشرطه على طول ، لكت الجيش من بعيد لبعيد
إنه فيه فرق فى الأوامر اللى بتصدر بمعنى إن ضابط الشرطه لو عنده أوامر إن نا تضربش مش هيضرب إلا القله،
والجيش كمثل
الحاجه التالته القيادات ونظام الشورى المتبع فى اتخاذ قرارات الجيش

من الاخر وبعيدا عن أنجاس أمن الدوله ، ضباط الشرطه ما يفرقوش كتير عن الجيش

واحنا لو الجيش طول معانا همكرهه زى الشرطه

Unknown said...

نوارة.....ايه كم المرارة اللى جواكى ده سببه ايه؟

Unknown said...

حسبى الله و نعمة الوكيل

Unknown said...

ممكن اعرف يا نوارة ليه تعليقاتى مابتنزليهش ؟ هو انا عملت حاجة غلط ؟ لو انا عملت اى حاجه غلط ارجوكى ممكن اعرف ايه هى؟ ولو انت مش عازانى ادخل على المدونة بتعتك . من فضلك اعرف وانا مش هاخش تانى ولا اكتب اى تعليق. شكرا

Unknown said...

على فكرة انا ولا حزب وطنى ولا يهودى ولا تابع ولاد الكلب (امن الدولة) الحمد لله انا من الناس اللى يامه اظلموا من النظام الفاسد.

كيوبيد said...

انا مصدوم بجد الجيش هو كمان مش مرعى ربنا فى الشعب وشغال احكام عسكرية ايه احنا بنبى مصر الجديده وعايزين الجمهورية الثانيه والى هانرجع ايام الظلام فى القرون الوسطى انا ضد ان مدنى يقدم للمحاكمه العسكرى حتى لو قتل الف نفس ده العدالى واعونه مش امام محكامه عسكرى اتقى الله فينا ياجنب المشير الموطن المدنى لا يقدم للمحاكمه العسكرى ابدا وتعذاب الشعب كمان ليه يظهر ان احنا كنا عايشين فى دولة تعذيب مش فى دولة كان بيقول علية انه فيه ديموقرطى ياجنب المشير انت كده بتسواء صورة الجيش فى عيون الشعب الى واقف جنبك ايام 56و67 الجيش لازم يوقف اى نشاط من هذا النوع لا يعذاب حد ولا يقدم للمحاكمه العسكرى اى حد تانى

أرنوب said...

اللي بيحصل ده كله عشان الناس إفتكرت إن الثورة خلصت وبطلوا يساندوها فأدوا الفرصة لبلطجية الحزب الواطي يندسوا ويدوا الجيش فكرة وحشة عن الشعب وفي ظروف زي دي صعب قوي الجيش يقدر يفرق بين الثوار والبلطجية .. عشان كده لو حسيتوا - في أي ظرف - إن عددكوا قليل .. ماتنزلوش .. ماتنزلوش .. ماتنزلوش

Sgheita said...

enty mesh 3arfah teqarary tessar7y el nas be2en el geish beyestahbel 3amdan wala bas te3eb.. mosh moshkelah khody nafas 3meeq we 2olelhom el 7a2ee2a once and for all.. el geish beyestahbel

Alok Ray said...

ياجماعه الظابط عمل العمله السوده بتاعت الدكتور ده من الحرس الجمهورى مش الجيش

Anonymous said...

Pentagon Places Its Bet on a General in Egypt

http://www.nytimes.com/2011/03/11/world/middleeast/11enan.html?_r=4&partner=rss&emc=rss

Pentagon officials remain in daily contact with the new military rulers, who are described as overwhelmed and alarmed that no potential candidate for president, including Amr Moussa, the departing secretary general of the Arab League, has the ability, at least in their view, to unite the country.
----
During his trips to Washington, officials always scheduled a day of shopping for him and his wife, as they did for other Egyptian officers, at the Tysons Corner mall in suburban Virginia, where the Egyptians liked to buy electronics, jeans and other clothing. The couple has three children.
------
He drinks occasionally, according to two Egyptians close to the military, and speaks some English and a little French.

Omadham said...

السلام عليكم و رحمة الله و بركاته
الفيديو كان صعب جدا
ربنا يلطف بيه و بكل اللي زيه و يصبر أهاليهم و أهالي المعتقلين
سبحان الله عندك حق يا نوارة لما تقولي للأخوة الأقباط اللي شاركوا في الثورة و اللي شافوا الشرطة بتضرب المساجد و الظلمة يدوسوا الناس مسلمين و مسيحيين بلا رحمة
يا اخواننا طول ما المصري دمه رخيص في بلده يبقى الشغل ما خلصش
أما المفسدين في الأرض دول... لازم نقاومهم بالصلابه و الوقوف صف واحد ضدهم
العدو هم المفسدين يا إخواني
إحنا لسه ما مسكناهمش لسه
بلاش نعمم و نخلط الحق بالباطل
لازم نركز على المفسدين
ما نقولش الشرطة كلهم مفسدين
ما نقولش الجيش كمان نقول المفسدين في الجيش
لازم نبقى صف واحد ضد الفساد

Sgheita said...

e7nah 3amalna thawrah e7nah hane3mel dusour gedeed (by getting destour experts) because there are previous templates fee 2aqal men 1 week. we ba3dein neddeeh lel maglesss el a3la we ne2olohom howwa dah.. we etha mawaf2oush nesolohom leeiiih ba2aaah?? we kaman hano2olohom e7na hane3mel magless re2assy mo2aqqat te7ottoh feeh ay 7ad men kobaratko wa leyakon tantawy.. we motshakereen awy leghayet keddah. please invite gabhet

nosseir said...

لو حد شاف حديث المستشار طارق البشرى فى قناة دريم من فترة

الراجل بيقول ان عمل دستور جديد هو حق للشعب وحدة ..ودة عن طريق ممثلية فى البرلمان

يعنى تتعمل التعديلات الدستورية اللى هنروح نصوت عليها فى 19 القادم

ويتم انتخاب برلمان للشعب ورئيس للدولة بانتخابات نزيهة فعلا

والمجلس دة هو اللى هينتخب لنا لجنة تأسيسية للدستور من مأئة شخصية

ويبقى عندنا وقت نتناقش جميعا فى بنود الدستور الجديد دة فى حوار مجتمعى رائع

فهمتوا؟ ولا عايزين المجلس العسكرى هو اللى يفرض علينا لجنة لعمل الدستور بالكامل؟

طبعا مش مقبول..واللى بيقول نعمل لجنة تأسيسية منتخبة من خمسين شخصية مثلا

هرد عليك واقولك..اية الافضل...مجلس شعب مكون من فوق الخمسمائة فرد

هو اللى يناقش الدستور الجديد وبرضة جاى بالانتخاب

ولا لجنة من خمسين فرد؟

عشان كل دة انا اوافق على التعديلات الدستورية الحالية

اللى هيتعمل لنا من خلالها مجلس شعب محترم ورئيس دولة منتخب... وكمان دستور جديد

Sgheita said...

Sarah Gheita ‎- محمد طارق عبدالرحيم ... صحفى و رسام
2- علي صبحي علي الدسوقي ... ممثل
3- عمرو السيد عيسى ... طالب
...4- دينا عبد الله ابو العزم ... 17 سنة
5- رائف محمد عبد الرازق
6- راجي محمد عبد الرازق
7- ضحى جبر
8- غادة الزناتي
9- لمياء شوقي
10- محمد منتصر
11- محمود شيحة
12- يحيى زكى
13- محمد شعبان الجمال
14- سمير حسن ابراهيم محمد ... 19 سنة طالب
15- هشام عباس عبد الحميد ... طالب
16- هاني رامي
17 - محمد الجندي
18- احمد بحر .. فى اللجنة الطبية
19 - محمود شعبان .. فى اللجنة الطبية

دول ناس محترمه ومقبوض عليهم من 9 مارس ومظلومين

Sgheita said...

http://www.youtube.com/watch?v=ZJOl2m83_Vc&feature=player_embedded

Sgheita said...

fakreen lamma konna ben2oul e7nah mesh hanerga3 betna 2abl ma Mubarak yemshy la7ssan haylem koul elli da3ou lel thawrah.. lazem nefdal thabteen 3alashan ma7adesh feehom yetakhed we yetbahdel.. we meshy mubarak.. wel nas bardoh etakhdet wetbahdelet! konna over optimistic

abdul hamid said...

بما أن الثلاثى المرح مازالوا طلقاء بدون سبب مفهوم - وبما اننا عارفين اسلوبهم فى السيطره على الشخصيات - فأعتقد انهم ماسكين على المشير حاجه مخوفاه منهم - أكيد

shody20 said...

المشكلة ان العسكر مختلفين تماماً في نظرتهم للأمور
الجيش بيوصل للهدف بغض النظر عن الأفراد
ما عندوش طقطان للتحريات و التثبت و الكلام دة
عشان كدة بينجز و بيجيب من الآخر حتى لو فيه ظلم للأسف
مش بدافع عن الجيش
لكن أعتقد ان في بعض الأحيان بنحتاج للشدة عشان الدنيا ما تفلتش
بالرغم ان الكلام دة مش عاجبني، لكني متفهمه بعض الشيء
و عشان كدة نفسي نخلص في خلال الخمس شهور اللي جاية عشان تبقى الدنيا مدنية بشكل شبه طبيعي تاني

Anonymous said...

لا مش هنعرف نربيهم يا نواره عشان كتر كلامنا عالموضوع ده فى الاعلام بيساعد الكلاب دوول انهم يظيطو فى الجيش --الحل هو الكلام مع عصام شرف فيس تو فيس و اظن فى ناس كتير تعرف توصلو و هو يقدر ياثر عال جيش و مش نتكلم معاهم من خلال الميديا--بلاش و النبى سياسه نشر الغسيل دى ألا هتودينا فى داهيه

bahaa said...

يا ست نوارة الجيش لا يفترق عن الشرطة الا في الدرجة وهم يعتبرون مصر والمصريين المصريين وكأنهم غنيمة حرب -العقلية واحدة صدقيني يانوارة وارجوك كفاية تملق للجيش لانه لا يستحق والله - تحياتي

محمد نور الدين said...

ست الكل يسعد صباحك
حدوتة جميلة تعكس المخيال الشعبي حول المؤسسة العسكرية التي كانت بالفعل مؤسسة وطنية وقامت بإنجازات تقدمية في معظم الأقطار العربية ، لكن لم تبق كذلك بخاصة الفئات العليا منها التي أصبحت حامية للأنظمة الفاسدة ، بل أصبحت جزء ا مكونا للفساد. أما رشيد عمار في تونس ، أو سامي عنان في مصر ،وليس المشير طنطاوي، فهذه حدوتة أخرى يا ست الكل، متعرفش تحكيها الفلاحة العربية لأبنائها، لأنها ليست حكاية أصيلة ،لأنها لم تطبخ على نار هادئة، لأنها يا النوارة فاس فود والفلاحين يحبون الأكلة الدسمة بالسمن البلدي مش السمن الصناعي. لكن للضرورة أحكام
ملاحظة:
يبدو أن الثورة أحدثت ثورة في مشاعر ست الكل.لقد عدت إلى القصيدة الجميلة و الرائعة. لكن في حدود ما أعرف النوارة، ومشاعر النوارة ، فهي تبتسم سخرية من أحاديث الليل .
تحياتي الصادقة

Unknown said...

ثقافة التعذيب

للاسف قبل الثورة و فى الفترة التى لحقتها كانت صورة ضابط الشرطة انه رجل قانون فى المقام الاول هدفه حماية المجتمع من الجريمة ( اشخاص و ممتلكات)

و دى الصورة المفروض انها تكون موجودة
الدولة تعطى مجموعات شوية صلاحيات لمواجهة المجرمين ( تحقيق تحريات ...الخ )
ده لحماية المجتمع مش اخراج عقد نفسية و استخدام اساليب سادية و انتهاك لادمية البشر

يا اخى ده استراليا رفضة طريقتنا فى معاملة الخراف و قالت عليها مش مقبولة
طب تشوف فيه ناس مننا بتعامل شعبنا ازاى؟؟

شوية شوية اصبحت السنما تروج لفكرة ان ال ضرب فى قسم الشرطة امر طبيعى
سواء بجد او من ناحية كوميدية و ده كان مقصود

الثورة قامت يوم عيد الشرطة ضد ممارسات الشرطة ضد امن الولة
زى ما الثورة الفرنسية قامت ضد سجن الباستيل و ممارساته

كلنا خالد سعيد و عيد الشرطة و امن الدولة يتربط مع بعض

لا للتعذيب باى شكل و باى تبرير و باى صورة

لا لامن الدولة تحت اى مسمى ( امن دولة امن الشعب بوليس سياسى ....الخ

لا لمحاكم استثنائية و احكام عرفية

حاكموا المخطئين
كلنا مع تغليظ العقوبة للبلطجة
اللى يتعدى على واحد او وحدة
او سرقة بالاكراه
اعدموه بعد محاكمة

نريد قضاء سريع و ليس استثنائى

نرفض التعذيب لا انسان باى تبرير
و نفتح الباب تانى لتبرير ممارسات سادية

الحزم و الامن و القضاء السريع و الاحكام الرادعة شيئ كلنا معاه

اما التعذيب تانى فلا و الف لا

يا أخى اذا من بديهيات دينا ( حب لاخيك ما تحبه لنفسك و اكره له ما تكره لها)

شيل فلان و حط مكانه ضابط شرطة او امن دولة او اى حد تانى تقبل لنفسك او لابنك او لبنتك ده تحت اى مبرر

لازم يتجرم التعذيب بعقوبات مغلظة و يتحط له توصيف و تقوم الجمعيات لمنهضة ده واظهار بشاعته و بشاعة اللى بيمارسة من شرطة او جيش او اى حد

assour said...

القصة حلوة لكن لا اعتقد الجيش مهتم، من يعد و يخلف يسهل عليه اي شئ اخر و هو يعتبر المظاهرات قلة أدب و العيالدي سائبة و عميلة، نفس الفكر المعادي للديمقراطية متمرسين ما تعرفهاش و لا ينفع نعرفها

dahlia.. said...

السلام عليكم.. لو سمحتي يا نوارة هو انتي اللي كاتبة الكلام اللي رصد ناشراه ده؟السلام عليكم..لو سمحتي يا نوارة هو انتي اللي كاتبة الكلام اللي رصد ناشراه ده..يرجى الرد للأهمية http://www.facebook.com/notes/rnn-%D8%B4%D8%A8%D9%83%D8%A9-%D8%B1%D8%B5%D8%AF/%D9%86%D9%88%D8%A7%D8%B1%D8%A9-%D9%86%D8%AC%D9%85-%D9%86%D8%AA%D9%83%D9%84%D9%85-%D9%81%D9%8A-%D8%A7%D9%84%D9%85%D9%81%D9%8A%D8%AF-%D8%A8%D9%82%D9%89/195440603824274

علان العلانى said...

متابعات

قصيدة: «وذي رَحِمٍ قَلَّمتُ أظفارَ ضِغْنِهِ» لِمَعْن بن أوس

وذي رَحِمٍ قَـــلَّـــمتُ أظــــفـــارَ ضِــــــغْنِه
بحـــلـــمــي عـــنه وهـــو لـــيس له حِــــلم
* * *
يُحـــاولُ رَغــمـــي لا يحـــاولُ غــــــيـــره
وكـــالمـــوت عـــندي أن يَحُلَّ به الرَّغْم
* * *
فإن أعْـــفُ عـنه أُغــــضِ عَيْناً على قَذى
وليس له بالصــفـــح عــن ذنــبـــــه عِلم
* * *
وإن أنـــتـــصـــر مـــنه أكُنْ مثل رائشٍ
ســهـــامَ عَــــدُوٍ يُــستهاض بها العَظم
* * *
صـــبرتُ عــــلى مــــاكان بــينى وبينه
وما تــســـتــوي حــــربُ الأقارب والسلمُ
* * *
وبادرتُ مـــنه النـــأيَ والمــــرءُ قـــادر
عـــــلى ســـهـمه مادام في كفهِ السهمُ
* * *
ويَشْتمُ عـــرضِي فـي المُــغَــــيَّب جاهدا
وليـــس له عـــنــدي هــــوانٌ ولا شَـــــتْمُ
* * *
إذا ســــمــــتُه وَصْـــلَ القــرابة سامني
قـــطـــيعــتها تلك الســفـــاهـةُ والإثمُ
* * *
وإن أدَعُــهُ للنِّــصـــف يــــأبَ ويَعــصني
ويـــدعُو لحُــــكْم جـــائــــر غَيْرهُ الحكم
* * *
فلولا اتــــقــــاءُ الله والـــــرحـــــــمِ التي
رِعــــايـــتُــها حـــقٌ وتَعـــطـــيلُـها ظُلمُ
* * *
إذاً لعـــلاهُ بـــــارقــي وخَــطَـــمْـــتُــــــــهُ
بـــوســـم شَــــــنَــــارٍ لا يشاكهُه وَسمُ
* * *
ويــســـعــى إذا أبــنــي ليـهدم صالحي
وليس الذي يبني كمـــن شأنه الهدمُ
* * *
يـــودُ لو أنــي مُـــعْـــدِمٌ ذو خَـــصَـــــاصةٍ
وأكــــــره جُـــــهــدي أن يُخالطه العُدْمُ
* * *
ويَعـــتَدُّ غُـــنْــماً في الحوادث نَكبتي
وما إن له فـــــيـــهــــا سَــــنَاءٌ ولا غُــنْمُ
* * *
فــمــــا زلــــت فـــي لـــيني له وتعطفي
عــــلــيه كــــما تـــحــــنو على الولد الأمُ
* * *
وخـــفـــضٍ له مـــنـــي الجــــناح تــــــألفاً
لتـــــدنــــيـــــه مني القـــــرابةُ والرِّحْمُ
* * *
وقــــولي إذا أخــــشى عـــلــيه مـــصيبة
ألا اســلم فـداك الخالُ ذو العَقْد والعَمُّ
* * *
وصــبري على أشــــياءَ مــــنه تُـرِيبُني
وكظمي على غيظي وقد ينفع الكَظمُ
* * *
لأســـتل مـــنه الضِّــغــن حتى استللتُه
وقـــد كــــــان ذا ضِغْنٍ يضيقُ به الجِرْمُ
* * *
رأيتُ انْثلاماً بـــيـــنـــنا فـــرقـــعـــته
بـــرفقي وإحــــيائي وقـــد يُـرقْعَ الثَلمُ
* * *
وأبــــرأتُ غِلَّ الصَّـــــدْر مـــــنه تَوَسُّعـاً
بحلـــمي كـــما يُــشفى بالادْوِيَة الكَلْمُ
* * *
فـــــداويتـــــه حـــــتى ارْفَـــــأَنَّ نِـفاره
فَــــعُــــدنا كأنا لم يــكن بيننا صَرْم
* * *
وأطفـــأَ نــــار الحــــرب بـيـنـي وبينه
فأصــبــح بــعــد الحـــرب وهـــو لنا سَلْمُ

kiki said...

حتى لو كان بلطجى... مش فيه حاجة اسمها زفت حقوق انسان؟ و الا احنا اتنيلنا عملنا ثورة علشان مبارك ياخد معاش مبكر و يرميله كام كبش فداء و كل حاجة تفضل زى ما هى.

اننا نسيب الجيش يعمل فى اخواتنا و اخواته كده ده حرام....انتى عمالة تلتمسيلهم أعذار و هما حتى مش مكلفين خاطرهم يخاطبوا الشعب. الشعب هما اللى نازلين يطالبوا بالقضاء على الفساد مش البهايم اللى قاعدين فى بيوتهم ياكلو بيدزا و ريش زى عفاف شعيب.

أنا باحترم آرائك جدا... لكن أنا دايما عندى عور ان فيه حاجة ناقصة...يعنى التصويت على لبدستور فى ظل تعتيم و لوى حقائق مش حيوصلنا لحاجة..

Unknown said...

ش فوق القانون
مين ش ومين بيحقق مع ش ومين أصلا ومين إلي هيتحاكم ...كلام فاضي لأن المحكمه سراب

قررت نيابة الاستئناف بالإسكندرية إخلاء سبيل اللواء محمد إبراهيم – مدير أمن الإسكندرية السابق – واللواء عادل اللقاني – رئيس قطاع الأمن المركزي السابق – من سراي النيابة بعد استمرار التحقيقات لقرابة السبع ساعات بسراي نيابة الإسكندرية حيث وجهت النيابة تهم التحريض على إطلاق الرصاص الحي على المتظاهرين والتورط في قتل مدنيين خلال تظاهرات ثورة 25 يناير.

وفى سياق متصل أكدت مصادر من داخل سجن برج العرب بالإسكندرية عدم استقبال السجن للضباط الصادر بحقهم قرارات بالحبس من نيابة شرق الإسكندرية بعد اتهامهم بقتل مدنيين خلال تظاهرات 25 يناير .

وفي الوقت الذي تجمهر مئات الضباط بالإسكندرية أمام معسكر الأمن المركزي للتنديد بحبس زملاءهم أكدت مصادر من داخل مديرية الأمن أن الضباط الصادر بحقهم قرارات بالحبس على ذمة التحقيقات لم يتم إيداعهم في أي من أماكن الاحتجاز القانونية وأنهم لا يزالون مطلقو السراح حتى الآن .

فيما ترددت أنباء عن تورط قيادات أمنية في تهريب الضباط الثلاث وهم وائل الكومي – رئيس مباحث قسم الرمل ثاني – ومعتز العسقلاني – معاون مباحث قسم الجمرك – ومحمد سعفان – معاون مباحث قسم المنتزة ثاني - .
http://dostor.org/crime/11/march/12/37932

لكم الله ياشهداء مصر متم بكرامه وضحيتم بدمائكم من أجل ان يعيش غيركم بكرامه وحريه ولكن للأسف هما نفسهم مش عايزين يعيشوا بكرامه وراضيين بعيشة الذل
وشكرا

dr_abdog said...

لازم نطالب الجيش بمحاسبة الظالم والفاسد منهم
وده مش عيب ولا حرام لأن احنا قمنا بالثوره ضد الظلم والفساد والجيش ده جزء اصيل من الشعب المصري وفيهم الكويس والوحش
ولما احنا نقول عايزين نحاسب اللي عذبوا المعتصمين واللي اعتقلوا الناشطين ظلما وعاملوهم على انهم بلطجيه وحكموا عليهم بأحكام عسكريه ودمروا مستقبلهم ده ما ينقصشي من قدر الجيش
لأن ده منصوص عليه في كل المواثيق والاعراف الدوليه وابسط قوانين حقوق الانسان
بالعكس احنا لو سكتنا ده هايدي شرعيه وقوه للمجموعه الفاسده اللي جوه الجيش وها يتمادوا اكتر والله اعلم ممكن يعملوا ايه تاني ...وكل ده عشان اسمهم ضباط او عساكر في الجيش
لأه...ماينفعشي
لازم كل واحد غلط يتحاسب ...وبالقانون

ولو احنا ما عملناش كده ها يبقى خيانه لحقوق الناس اللي اتظلمت واتعذبت واتسجنت وضاع مستقبلها
ده رأيي وبيتهيألي ان احنا ممكن نطالب بحقوق الناس دي بالعقل وبدون ما نزعل الجيش مننا
وما ننساش كلام النبي (ص):
( ما من امرئ يخذل امرؤا مسلما عند موطن تُنتهك فيه حُرمته ، ويُنتقص فيه

من عرضه ، إلا خذله الله عز وجل في موطن يحب فيه نُصرته ، وما من امرئ

ينصر امرؤا مسلما في موطن ينتقص فيه من عرضه ، ويُنتهك فيه من حرمته

إلا نصره الله في موطن يحب فيه نصرته )

Unknown said...

تفضلوا وشوفوا وتأكدوا

"الوطنى" يعلن خلو منصب "مبارك" ومؤتمر "استثنائى" لاختيار بديل

أعلن الحزب الوطنى الديمقراطى خلو منصب رئيس الحزب، وقال الدكتور محمد رجب الأمين العام للحزب وأمين التنظيم، إنه تجرى حاليا ترتيبات لعقد مؤتمر استثنائى لانتخاب رئيس جديد للحزب الوطنى ليكون خلفا للرئيس مبارك رئيس الحزب السابق، وذلك فى أقرب وقت.

أوضح "رجب" فى تصريحات خاصة لـ"اليوم السابع" أن المؤتمر الاستثنائى سيعقد غالبا نهاية شهر أبريل المقبل، لكنه نفى أن يكون هذا الموعد نهائيا، وعن التشكيل الجديد لهيئة مكتب الحزب، أشار الأمين العام للحزب إلى أنه سيعلنه غدا عقب الانتهاء منه، وذلك بعدما تقدمت هيئة مكتب الحزب الخميس الماضى باستقالتها.
كتبت إحسان السيد
جريدة اليوم السابع
ودي جريده لا أثق في اخبارها إلا بنسبه 50 في المية
http://www.youm7.com/News.asp?NewsID=368007

ممكن أعرف الحزب ده لسه عايش لحد
دلوأتي أزاي ؟

لكم الله ياشهداء مصر متم بكرامه وضحيتم بدمائكم من أجل ان يعيش غيركم بكرامه وحريه ولكن للأسف هما نفسهم مش عايزين يعيشوا بكرامه وراضيين بعيشة الذل
وشكرا

abdul hamid said...

أنا فقدت ثقتى فى المشير والمجلس العسكرى - اعتقد من دلوقت نستنجد بأمريكا وأوربا - حيكونوا علينا أحن للأسف الشديد

Patty said...

يعنى تحت مسمى حماية الدولة يقوم الجيش المصرى الذى وضعنا ثقتنا فيه بتعذيب المواطنين من المعتصمين اللى هما بيعبروا عن رأيهم و لا مانع ايضا من محاكمتهم عسكريا و المطلوب منا الآن ان نظل على ثقتنا فى الجيش رغم ما سبق ذكره و رغم اننا حتى الآن لم نسمع من الجيش ما يبرر مثل هذه التصرفات التى يبدو انها لا تفرق كثيرا عن تصرفات عهدناها فى عصر مبارك على العموم يبدو ان الايام القادمة سوف تحمل لنا الكثير و عشان انا عندى ثقة فيكى يا نوارة حاضر حلتزم بثقتى فى الجيش حتى اشعار آخر

Patty said...

فيه صفحة عل الفيس بوط اسمها ضباط من اجل الثورة ارجوكى يا نوارة اطلعى عليها و قوليلى رايك