Wednesday 23 March 2011

الاشاعات دي مش مؤكدة وما تخوفش ولا تخض

ده مجرد ميل بيتم تداوله واحنا مش عارفين اذا كان فيه اي شيء من الصحة ولا لا، ولو فيه شيء من الصحة، او حتى كله على بعضه صحيح، فهو ما يخوفش وما يخضش، هو بس يستلزم منا اننا نفضل ماشيين في طريقنا مع مزيد من الالحاح
طيب.. انا بتجيلي ميلات كتير كلها هلاوس سمعية وبصرية، اشمعنى ده اللي نشرته
1- لأني سمعت امبارح على الجزيرة الضابط اللي قال ان فيه خطة اغتيالات لاشاعة الفوضى وانا مصدقة لانها جات لي من كذا مصدر
2- لأن فيه صديقة متصلة بعلية القوم، وصديقة شخصية لجيهان السادات، قالت لنا ان سوزان مبارك بتيجي القاهرة كتير هي وجمال مبارك وشافتها كذا مرة وبتعمل عزايم غدا وعشا مغلق في الاماكن اللي عمري انا وانت ما نخشها عشان احنا جرابيع
حنعمل ايه حيال الميل ده؟
ولا حاجة، حنعمل اللي بنعمله
حنقبض على الناس دي... حنلم توقيعات باعداد مهولة عشان الناس دي يتقبض عليها وتتحط في السجن، ويفوقوا كده لنفسهم ويحاولوا يصدقوا بقى ان اللي بيعملوه ده حيضحك الناس عليهم ويجيب لهم الاذية، وانهم لو قعدوا في حالهم ما كانش حد جه جنبهم بس مدام بيتشاقوا فاحنا حنوريهم جزات اللي ما يسمعشي كلمة الشعب يقولها
احنا اقوى
اليكم نص الميل، انا لا اؤكد ولا انفي الكلام لأني ما عنديش معلومات به، وباكرر، لو جزء او كل الكلام ده صحيح، مافيش حاجة تخوف اي حد غير المذكور اسماءهم في الميل ده




ترددت كثيراً ان اكتب الخطة التاليه التى تسربت من احد صغار الأعضاء بالحزب الوطنى ترددت ان اتكلم لأنه لا يوجد مستندات لأثبات ما تم الأتفاق عليه فى لقاء جمال وعلاء مبارك وسوزان مبارك بقادة الحزب الوطنى اول امس الأثنين 7 مارس لأنهم اتفقوا انهم لن يوثقوا اى اجتماع او تحضيرات حتى لا توجد اى مستندات يتم ادانتهم بها




هام وخطير :: الخطة الرباعية للحزب الوطنى




اطراف الأجتماع الرئيسية
سيدة مصر الأولى السيدة سوزان مبارك
الرئيس المصرى جمال مبارك
السيد علاء مبارك
السيد زكريا عزمى
السيد صفوت الشريف
السيد فتحى سرور
السيد على الدين هلال
السيد مفيد شهاب
السيد محمد ابوالعنين
السيد حسن راتب
السيد عبد السلام المحجوب
السيد ممدوح مرعى
السيد محمد فريد خميس
السيد سيد مشعل
السيد احمد شفيق
السيد ابراهيم كامل
سبعة ظباط من امن الدولة
ثلاثة وثلاثين شاباً من شباب الحزب من جميع المحافظات


اتفقوا على الكثير من الخطوات وتم تسميه الأتفاق بالخطة الرباعية وستعرفون سر التسميه لاحقاً


الخطوط العريضة تنقسم الى تفاصيل يقررها السيد زكريا عزمى والسيد صفوت الشريف والسيد فتحى سرور




اولاً
اشغال الرأي العام الثائر في متابعة محاكمة مسؤولين كبار في الدولة ورجال أعمال بارزين وظباط ليبدو الأمر وكأن هناك خطة إصلاح حقيقية تحظى بتأييد شعبي واسع النطاق على ان تكون محاكمات صورية ويتم الأفراج عن من يتم سجنهم على مراحل مع تولى السيد عمرو موسى او السيد احمد شفيق رئاسة الجمهورية


ثانياً
اعادة ترتيب الاوراق داخل امانات الحزب على مستوى الجمهورية على ان يكون الشباب هم الركيزه ويرشحوا منهم ثلاثة لكل دائره بحيث لايزيد السن على 50 عام ولا يقل عن 30 عام ليتم تجهزيهم لأنتخابات مجلس الشعب القادم ولا يشترط ان يكونوا رجال اعمال بل يجب ان يكونوا من عامة الشعب والطبقة المتوسطة والتمويل للأنتخابات سيتولى امره السيد الرئيس جمال مبارك


ثالثاً
زيادة المرتبات بنسبة 150 % فى كل امانات الحزب على مستوى الجمهوريه


رابعاً
في إطار عملية الإصلاح المزعومة سيتم تقديم دلائل على تورط جهات في الدولة ( لاحقاً سيتم تحديدها ) بتلقي دعم وأموال من دول خارجية تهدف لتخريب مصر ( اسرائيل وايران وامريكا وحركة حماس ) وهذه التهم ستركز على قيادات في جماعة الإخوان المسلمين وعدد كبير من القيادات الشابة التي قادت المظاهرات في كافة محافظات مصر ( شباب الأئتلاف وحركة 6 ابريل والفنانيين والمثقفين المرفق اسمائهم ) وسيتم تقديمهم للمحاكمة بتهمة الخيانة العظمى


خامساً
استخدام المواقع الأخبارية والرياضية الموجود بها تعليقات على الأخبار والمواقع الاجتماعية وعدد من الفضائيات بالأتصالات التليفونيه المجهزه مسبقاً للأيقاع بين الشباب وبين الشباب وقادة الثورة والشباب والحكومة الحالية والتأكيد على الفوضى التى سببتها الثورة وان الرئيس السابق قد حذر من هذه الفوضى الموجودة الأن


سادساً
القيام بحملة إعلامية يترأسها السيد عبد اللطيف المناوى على ان يرشح ثلاث معاونين له بميزانية مفتوحة تركز على الإصلاح وتفتح المجال للتعبير عن الرأي بحرية بحيث اظهار الرأى الأخر المتمثل فى الحزب والدعوة الى فض اى اعتصام او مظاهرات وتفعيل دور برنامج مصر النهاردة بالأبقاء على السيد تامر امين وخيرى رمضان وابعاد السيد محمود سعد والتصدى لأى محاولة للتعاقد مع اعداء الحزب مثل حافظ الميرازى او ابراهيم عيسى او حمدى قنديل او اى اعلامى معارض


سابعاً
إرضاء بعض رموز المعارضة خاصة خاصة حزب الوفد ومساعدته للتواجد الفترة القادمة وسيتم تحديد دوره لاحقاً




ثامناً
التحضير والتجهيز للأستفتاء على الدستور على وجه السرعة بمساعدة المحليات بحيث يتم الموافقة عليه بنسبة تتراوح بين 52
%و65 % لأنه سيكون النواه التى سيتقلد الرئيس جمال مبارك مقاليد الحكم فى انتخابات 2015 وهى التى ستساعد السيد عمرو موسى او السيد احمد شفيق بالفوز بأنتخابات الرئاسة هذا العام
على ان تكون الأستعدادات بالطريقة المعتادة
ولو أدى ذلك لتأجيلها عدة أشهر أخرى بعد موعدها


تاسعاً
يجب ان يتمكن شباب الحزب من وضع يده على ميدان التحرير بحيث يكون الميدان هو عودة للحكم كما كان سبب فى ترك الحكم وذلك بفض اى اعتصامات مستقبليه تحدث فيه وذلك بزرع عناصر من السوابق فى اى تواجد فى المستقبل حتى يعتاد الناس على وجوههم ويكونوا جاهزين لتنفيذ ما يطلب منهم فى المستقبل مع البدء فى وضع خطة شراء عدد 20 الى 30 شقة بالميدان حتى تكون مراكز للحزب فى المستقبل


عاشراً
لايوجد اى محاكمات لأى عضو من اللجنة العليا وما يقال فى الأعلام هو لتهدئة الرأى العام ولن يتجرأ احد على التحقيق او محاكمة السيد الرئيس السابق حسنى مبارك او احد من عائلته او القادة الموجودين هنا فى الأجتماع لأننا خط احمر والدليل اننا لم يتم توجيه اى اتهام لنا حتى اليوم ولن يحدث والسبب سنعلنه فى المستقبل
------------
والله الكلام ده يليق على غبائهم.. اصلهم اغبيا قوي
وممكن يجيبوه لنفسهم
زي ما مبارك جابه لنفسه بغباوته، هم حيجيبوه لنفسهم بغباوتهم
رجاء التوقيع هنا
او جمع التوقيعات على هذا النموذج


والاتصال برقم
0101044264
او ارسال التوقيعات او تسليمها الى
1 ش سوق التوفيقية - مركز هشام مبارك للقانون
------
لو كان الاهبل بينفع كان نفع نفسه.. ما كنتوا في حالكم، لازم تيجيبوه لنفسكم؟ طب التوقيعات الجاية حتبقى مخصصة للحيزبون وابنها عشان تبقى تعمل شقاوة تاني
الشعب يريد يا امورة

92 comments:

Alok Ray said...

الخطاب الى بيتنشر ده ميخرجشى عن حاجه من الاتنين لاما واحد غاوى اشاعات او واحد عايز يغطى على الفاعل الحقيقى فى عمليات التخريب الى بتحصل او الى هتحصل

yasser imam said...

انا موافق على كل الى قولتية الى انك تحطى شباب الائتلاف فى جملة مفيدة 6 ابريل على رائسى اشتراكين ثورين فوق دماغى شيوعين يا الف مرحب
بس دول لا ليهم شكل ولا صفة دول مجرد متسلقين ومهاويس فضائيات

محمد said...
This comment has been removed by the author.
محمد said...
This comment has been removed by the author.
عندما ينطق القلم said...

ولما هيه إشاعات يا نوارة بتنشريها ليه، أرجوكي مع كامل احترامي وتقديري، والله أستشعر صدقك في حبك لوطنك، بس إنت ما بتفكريش قبل ما تكتبي واللا إيه، أنا آسف، بس كده كتير قوي، يا جماعة المجهود إللي بنخدوا في التعامل مع هذه الأمور التافهة والتي لم تثبت صحتها ممكن نوجه فيما يفيد الثورة.
أتمنى بما أن مدونتك وأنت لكما من الشهرة والانتشار والاحترام القدر الكبير، أن يكون لك من تستشيريه أو تناقشيه فيما تودين طرحه.. إيه ده!!!!!!

بساطه said...

انشاءالله التوقيعات تتلم يانواره ... لكن انا مش زيك .. انا شايف ان الكلام خطير ومخيف خصوصا بعد ما قرأت بلال فضل النهارده .. هو ده الرعب بجد .. الموضوع كبير وهما خط احمر فعلا لان مجموعة الديابه دي انا متاكد ان هما ماسكين ذلل لكل الكبار دلوقتي متورطين فيها .. لان التورط في الفساد كان طبيعة الحال لكل من كان في السلطه للاسف

يقول أنى امرأة said...

نوارة عشان كدة احنا لااااااااااااااازم نركز كل جهدنا ع واحد من الاتنين المستشار البسطويسى او الدكتور البرادعى لو هما الاتنين نزلو الانتخابات اصوتنا هتضيع ما بينهم هما الاتنين وكدة ممكن عمرو موسى او شفيق يجمعو ناس اكتر لكن لو ركزنا كلنا ع حد واحد هيكتسح ان شاء الله

محمد نور الدين said...

"السيد الرئيس السابق حسنى مبارك
يبدو أن من ألف هذه الحكاية خانه الذكاء لما صاغ هذه الجملة
ثانياالحديث عن عودة اركان النظام السابق ينطبق عليه المثل العربي القديم القائل: هذا حديث خرافة يا ام عمرو
نوارة : من سماتك ومميزات وخصوصيتك الرائعة و الجميلة والجذابة ، الذكاء الحاد ،متخلهمش يضحكوا على ذكائك

utopia said...

نوارة
هو انتى كمان مش مقتنعة ان فيه ثورة حصلت؟؟؟وكتاب الله كان فيه ثورة
والقاصى والدانى عارف مين الحرامية فى مصر
ومين الفاسدين ليه بقا ما اتقبضش عليهم؟؟؟هو احنا كل ما نعوز نشيل او نحاكم حد نعمل ثورة؟؟
ما سألتيش نفسك مين لسة بيحمى الفاسدين؟؟؟ وليه؟؟ وليه هما بيتحركوا بالبجاحة دى؟؟؟
انتى عارفة ان بلال فضل مش بيخترف ولما بيقول حاجة بيبقى مقتنع بيها
ياترى امتى هاتاخدى موقف انتى كمان؟؟
الشعب يريد تطهير البلاد
هى دى محتاجة امضاءات؟؟
هو فيه ايه يانوارة هى احتجاجات ولا ثورة؟؟ حرام عليكم

negmat lail said...

طبعا الكلام ده ممكن يكون بجد وممكن يكون تسريبه مقصود يلهونا بيه عشان ما نفضاش للانتخابات الجاية.ربنا يستر كل يوم وكل شوية حاجة تقبض النفس كده

Unknown said...

الكلام ده لو حقيقة حنجيبهم للمحاكمة

الكلام ده لو مش حقيقة حنجيبهم للمحاكمة

حد مختلف على الموضوع ده؟

دلوقت دخلي على البوست ده الفين واحد

لو كل واحد من الالفين دول مضى عشرة حواليه حنخلص

Passant said...

المجلس الاعلى الحاكم لا يحكم بدعوي انها مش شغلته
الاستفتاء على الدستور كان مهزلة ابتدت بالاستعجال اللى ملوش لزمة و انتهت بخلاف شديد بين الاخوان اللى كانوا واقفين مع الثوار فى الميدان و اللى هم بذات نفسهم رفضوا التعديلات ديه نفسها لما سمعوها اول مرة فى الميدان و بعدين قرروا يوفقوا عليها لغرض في نفس ابن يعقوب مع ما صحبه ذلك من توجيه الراى العام للموافقة على التعديلات
محاكمة كل اللى تورطوا فى قتل المتظاهرين و المفسدين و على راسهم مبارك لم تتم بل على العكس النائب العام بيلعب بينا الكورة
المجلس الاعلى بيجرى بالمشوار عشان الانتخابات البرلمانية تتعمل من احزاب مش موجودة اصلا
قانون تشكيل الاحزاب لا ينص على ان لا تشكل الاحزاب وفقا لمرجعية دينية يعنى حتبقى سبهللة و طائفية
المترشحين لرئاسة الجمهورية تقريبا مفيهمش حد ينفع و اللى ينفع مش حيلحق الانفلات الامنى لسة قائم
الحكومة الجديدة لا حول لها و لا قوة
يبقى مفيش قدامى غير انى احضر الشنطة

محمد نور الدين said...

لكلام ده لو حقيقة حنجيبهم للمحاكمة

الكلام ده لو مش حقيقة حنجيبهم للمحاكمة

حد مختلف على الموضوع ده؟
ست الكل أنا راح أزعلك شوي. هذا الكلام يسمى سفسطة عارفة يعني إيه سفسطة يعني كلام خالي من المنطق و من المعقولية
من يحاكم يا نوارة؟ المؤسسات هي التي تحاكم ،القضاء هو الذي يحاكم ، الدولة هي التي تحاكم. و الثورة إلى حد الآن تقتقد لمؤسساتها الديمقراطية المنتخبة التي هي وحدها المؤهلة كما قلت لك في التعليق السابق لفتح ملف الفساد وملف حقوق الإنسان وجميع الملفات
ولهذا الهدف الوحيد في المرحلة القادمة هو تأسيس هذه المؤسسات .أما ما تعدعين إليه فهو أقرب لعمل مليشيات مسلحة

Anonymous said...

بالعكس بأه الكلام ده يخوف,طبيعي جدا وزي اي ثوره انهم يكونوا بيحاولو يرجعوا واحتمال رجوعهم من خلال عمرو موسى كبير,الناس بتموت في الراجل ده,ومش عايزين يقتنعوا انه مايتخيرش عن مبارك

علان العلانى said...

السلطة والنظام

سؤال مشروع أين ذهبت السلطة؟
بعد أن أسقط الشعب النظام ولم يتبقي غير فلوله
وبعد أن قلمت ونزعت" أظافر وأسنان" أدوات النظام التنفيذية من شرطة وأمن الدولة ولم يتبقى غير فلول مندسة أو هاربة
وبعد أن تعطل مجلس الشعب والشورى وأصبحت رموزه أهداف مرصودة
وبعد أن أصبح الجيش "موكل من الشعب" بإدارة فترة انتقالية متفق عليها بوضوح
السلطة الآن في كلمة واحدة هي الشعب يريد
إن من يعتقد انه يستطيع إن يفاجأ الثورة
ساذج ومن يراهن على زمن محدد للثورة موهوم
ومن يعتقد انه يستدرج الثورة سوف تسحقه في اتونها
فهذا الشعب متعطش لحريته بحجم قهر تراكم عبر قرون

نعم هي سلطة مطلقة في قبضة الشعب
استحقها بثورته وأمهرها بدم شهدائه ليس في ميدان التحرير وحسب ولكن على مر القرون
وحتى ويطمأن ويرضي الشعب بآلية جديدة لتداول السلطة التنفيذية والتشريعية
فالويل لمن يستهدف ثورته
فسوف ينتصف منه لقهر السنين

Unknown said...

ربنا يستر لكن مش بستبعد اى حاجة ممكن يعملوها ولاد الافاعى دول

hardway said...

ياأرق نـــــــوارة...من علية القوم
أنت ايه موقفك بالضبط....
من علية القوم
و..لا ..من جرابيع القوم
توهان مش ناقصين
صديقة لكي...وفي نفس الوقت صديقة شخصيةلملكة مصر في سبعينات القرن الماضي
مش راكبة.....ومش اخر حاجة....
حتي ما جاءت به من معلومات
لا...يرتقي الي أن تكون صديقة شخصية......!!
ممكن تكون بتساعد جيهان السادات في البيت
زي بالضبط اللي بتساعدك أنت وماما في البيت
كفاية ..كده...بعدين ..نكمل
البطاطس علي النار..هتتحرق ..وانا معنديش حد يساعدني

Hesham Elshipli said...

بصراحة مش مقتنع بكلمة واحدة من الكلام ده

مستحيل يكون حقيقى

اشاعة ليس لها اى أساس من الصحة

لو الشخصيات دى اجتمعت فعلا للقيام بهذه الخطة الوضيعة

فمن منهم قام بتسريب تفاصيل الخطة

ان تسريب معلومة واحدة تتعلق بهذه الخطة كافى تماما للقضاء عليها

لذلك من المستحيل ان تكون حقيقية

لأن فى هذه الحالة

ستقوم ثورة دموية فى مصر


لن يكون هناك أسوأ مما كان

المصريون لن يسمحوا بعودة هؤلاء

كما قلت سابقا

انا لا أعلم الغيب

ولكنى أقول

عمرو موسى لن ينجح أبدا

وكذلك أحمد شفيق

حفظ الله مصر

nour1971 said...

ايه ده دي الشياطين يتعلموا منهم حسبي الله و نعم الوكيل الكلام ده بيأكدي ان اللي كان بيحكم البلد الناس دي مش المخلووووع و انه كان ستاره للست بتاعتوااا و الشله الفاسده اللي بقالها في الحكومه من السبعينات زي صفوت الشريف و امثاله الفاسدين اللي خربوا البلد حسبي الله و نعم الوكيل فيهم يارب

Sgheita said...

we can't fight back by collecting signatures ya Nawwara there must be somehting to do more powerful.. what if all these signatures are ignored we han2ademha lemeen el magles el 3askary.. come on?!

M. Faramawy said...

و الله يا استاذة باتمنى لأ انا عاوز نقدم الاسرة بتاعة مباروك للمحاكمة و كمان الثلاثي المرح علشان نخلص منهم بقى مش كفاية

مش فاهمه said...

انتى بتصدقى ان الشعب اللى بيمشى اوامره مش خلاص الشعب مشغول فى النزول للشارع و عمل احزاب و الخوف من السلفيين و مكائدهم و خايفين من الليبراليين و مكائدهم .....الشعب مش فاضى با أمامير مش قولتوا نعم ....اشربوا بقه

Abo Maro said...

و تفتكرى التوقيعات دى حتجيب نتيجة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

Unknown said...

بالأمس ليلا قرأ المذيع خبر من النت مفاده أن هناك دعوة لوقفة مليونية يةم الجمعة لرفض التعديلات الدستورية ونتيجة الاستفتاء. لم بعلق المذيع
واعتبره خبر عادي. نرجو أن ننتبه

Unknown said...

بالأمس ليلا قرأ المذيع خبر من النت مفاده أن هناك دعوة لوقفة مليونية يةم الجمعة لرفض التعديلات الدستورية ونتيجة الاستفتاء. لم بعلق المذيع
واعتبره خبر عادي. نرجو أن ننتبه

Anonymous said...

المضمون مفهوم لكن الصياغة باين عليها الفبركة جداً وتوحي بكتب المؤامرات إياها . . . كان ناقص يقول "وكان أمام كل منهم كوباً مليئاً بالدم وجثة طفل رضيع."

وأستبعد أن يكون شفيق - مع أني لا أحبه- جالساً مع الأبالسة بهذه البساطة. . . انطباعي عنه أنه ساكت عن الحق لكنه ليس مشاركاً فيه. . . ليس لهذه الدرجة على الأقل.

كمان أستبعد أن تكون الاجتماعات بهذا التوسع بحيث يشمل من سوزان وجمال وعلاء إلى شباب الحزب من مختلف المحافظات مروراً بكل الأسماء الأخرى. . . هذا يوحي أكثر بمؤتمر "تليفزيوني" للحزب الوطني وليس اجتماعاً تخطيطياً جهنمياً تحت الأرض كما يوحي "الجو".

الزج باسم عمرو موسى. . . أنا لا أحبه هو الآخر وانطباعي عنه قريب جداً من انطباعي عن شفيق لكن ليس لدرجة التواطؤ بهذا الشكل بدوره.

لماذا التمويل من جمال مبارك فقط؟ نقطة تبدو جانبية وسخيفة وغير منطقية بالنظر لثروات و"حماس" كل منهم لإجهاض الثورة والعودة للسلطة.

حكاية التمويل الخارجي هذه مستفزة أيضاً ولن يبتلعها أحد خصوصاً إذا كانت ستطال الجميع بهذا الشكل. كما أنها ورقة احترقت إلى حد كبير في أثناء الثورة وصارت موضعاً للسخرية والتندر. . . وبعدين حماس؟!! باعتبار أنهم يعومون في بحور من المال في غزة مثلاً!!

وكله كوم والحتة الظريفة بتاعة "والدليل اننا لم يتم توجيه اى اتهام لنا حتى اليوم ولن يحدث". . . بجد تموت من الضحك . . . يعني أصحاب الخطة بيحاولوا يثبتوا لبعض أن هي دي نيتهم الحقيقية. . . كأن صفوت الشريف مثلاً بيكلمنا إحنا ويقول خدوا بالكوا الخطاب ده حقيقي. . . والله مش متفبرك!!

بتفكرني بالحتة اللي قولتيها يا "أبلة" نوارة في تدوينة محمد الظواهري :
"فواحد من اللي لابسين اللبس الاسود ده قال له بالحرف: كل السلاح اللي معانا ده ومش مقتنع اننا شرطة وعايز كارنيهات؟
(ههههههههههههههههههههههه دي تضحك قوي، ده كان ناقص يقول له: انت عارف احنا جايبين السلاح ده بكام ومأجرين البدل بكام عشان نقنعك ولسه مش مقتنع؟)"


وحكاية "والسبب سنعلنه في المستقبل" هذه. . . بأمارة إيه؟ من حرصهم على الشفافية يعني؟!

وكمان طريقة الخطاب البلهاء: الذي يدعي أنه نشر الخبر يقول إنه لا توجد مستندات وبالتالي هذه الخطة شفهية. . . لماذا إذن هذه الطريقة الرسمية وكلمات مثل "السيد فلان" و"السيد علان". . . ثم كذلك طريقة التفكير الرغبوي wishful thinking
مثل "الرئيس جمال مبارك" من الآن. . . ولماذا يقول هؤلاء "الرئيس السابق مبارك". . . من حرصهم على الدقة العلمية يعني؟! بينما نحن نقول "الرئيس عبد الناصر" و"الرئيس السادات" حتى الآن بدون أن يعترض أحد!


أنا لا أعارض على الإطلاق وجود ثورة مضادة بل أزداد يقيناً في هذا بمرور الوقت. . . وكذلك مقال بلال فضل اليوم في المصري اليوم بعنوان "معلومات خطيرة عن خطط إجهاد الثورة.. هل سيتعرض البرادعى للاغتيال؟" به أشياء كثيرة تبدو أكثر مصداقية من هذا الإيميل المزعوم.

في النهاية لو رأيت يا "أبلة" نوارة أن هذا الرد مناسب ومقنع أن تنشريه في تدوينة منفصلة لكي يتح للجميع رؤيته. . . مع حذف هذه الفقرة طبعاً. . . بالمناسبة أنا بتاع "هو أنت عايز تنجح من أول مرة" اللي كانت في القاء مع وزير التعليم العالي. . . ويا ريت ما تزعليش من كلمة "يا أبلة" لأني فعلاً حاسس إنك أختي الكبيرة (يا ريت دول كمان يتحذفوا)

شكراً
سليم

ansaretawra said...

ijma3o el milion tawki3 awalan wi law machoftouch istigaba mini naib el 3am yib2a min 7a2okom tikhafo mini e-mail wi takhdouh bi gad moch icha2at

ansaretawra said...

ijma3o el milion tawki3 awalan wi law machoftouch istigaba mini naib el 3am yib2a min 7a2okom tikhafo mini e-mail wi takhdouh bi gad moch icha3at

سميربس said...

لو حد استحمل انه يقرأ التهريج اللى فى الأيميل ووصل لحد النقطه عاشرا يعرف انه مكتوب على انه بيان للشعب- وده طبعا يتنافى مع السرية الرهيبة المزعومة
كلام فشنك مكانش لازم نهتم بيه للدرجة دى-بالمناسبة انا بره مصر ووقعت على طلب المحاكمه وزعلان ان الناس عاملين نفسهم مش شايفينه.

mahmoud said...

بصي يانوارة طول مافيه ملايين مستعدة تموت عشان الحرية يبقي مافيش رعب ولا حاجة وخليهم يتسلوا زي ماقلتيها لمبارك قبل كده جمال مين اللي يمسك انتي تصدقي التهريج ده لو الخطة كلها صح جزء جمال غلط ولو صح يبقي خير وبركة لان ده دليل ان ربنا جابلهم تخلف عقلي ودي مصلحة

esahwa said...

فى كذا حاجة شككونى فى الخطاب اولا
مش معقولة هيركزوا على مصر انهارده للدرجة ده ويختاروا أسماء معينة يمنعوها من الترشح زى الميرارزى وقنديل وبعدين جملة خاصة خاصة الوفد وقعتنى من الضحك على أساس الوفد هو اللى عمل الثورة مثلا
لكن عموما انا مضيت قبل كده على الطلب ونشرتهعلى لافيس بوك

kooky kak said...

أنا رأيي إن الكلام ده لازم يتحط في الاعتبار كويس جدا لأن فعلا دول شياطين ولا استبعد انهم يعملوا أي شئ عشان يرجعوا أو على الاقل ينتقموا تقدري تقولي لي ليه الجيش بيتعامل بمنتهى القسوة مع المتظاهرين وفض الاعتصامات بمنتهى القسوة في الوقت اللي سايبين فيه رموز الفساد في مواقعهم ده كفاية الفساد اللي في الاعلام والتليفزيون المصري بالذات ده غير حاجات تانية كتير تأكد إن الكلام المكتوب ده بيحصل فعلا

طبيب بيطري said...

يانوارة
مع كامل احترامي بانك تحطي التوقيعات علي مدونتك يبقي تحمدي ربنا انها 8 الاف بس
لكن عاوزاهم علي الاقل يبقي ربع مليون توقيع
ايوا طبعا مش كدا
عليك وعلي كلنا خالد سعيد
جروب وائل غنيم
وصدقيني خلال 24 ساعة هتلاقي اعداد التوقيعات زادت بشكل لن تتخيليه

Unknown said...

طشب مش ممكن يكون ده للوقيعة بين الشعب و الجيش - واخدة بالك من كلام شوزي "أنهم خط أحمر و مش ممكن حد يتحاكم - - ده كان ناقص تقول و الجيش بيحمينا من الشعب
ممك يكون كده فعلا ؟؟؟؟

طبيب بيطري said...

وأدي خالد سعيد حطها ايفنت وشوفي عدد الاتندينج كام
http://www.facebook.com/event.php?eid=206260639385776

شوفي لو حط التوقيعات بارقام البطايق
اظن احسن من 8 الاف بكتير
انتي هتوصليلوه اسرع مننا بكتير
يلا بسرعة انتي لسه قاعدة

Sameh Hegab said...

أتمنى قراءة تعليقي على نفس الايميل على الموقع
لأن لطوله لم أتمكن من نقله هنا
http://www.facebook.com/#!/photo.php?fbid=210955892251638&set=a.190091441004750.51519.190089687671592

Sameh Hegab said...

أتمنى رؤية تعليقي على الرابط التالي حيث أنه نقل الايميل عن موقعكم

http://www.facebook.com/#!/photo.php?fbid=210955892251638&set=a.190091441004750.51519.190089687671592

Sameh Hegab said...

السلام عليكم ورحمة الله وبركاته

أتمنى قراءة تعليقي على الرابط التالي

http://www.facebook.com/#!/photo.php?fbid=210955892251638&set=a.190091441004750.51519.190089687671592

عندما ينطق القلم said...

الأخ أبو هاجر من أعقل زائري هذه المدونة، وآرائه تنم عن تفكير عميق ودراية.
يا نوااااااااااااارة، اسمعي لمثل هؤلاء وناقشيهم فيما يقولون، والله هتستفيدي وهتتغير كتير من قناعاتك المتهورة.

mohamad said...

والمجالس المحلية تتقلع من جدورها بالمرة . . هوا عدم وجود المجالس المحلية هتفرق في حاجة ؟ ؟ هيا المجالس المحلية تبتعمل
إيه أساسا . . قصدي إيه شغلانتها ؟؟

(ابن النيل)ibn_alneel said...

"الاشاعات دي مش مؤكدة وما تخوفش ولا تخض"

ماهو اكيد طالما انها اشاعات تبقى مش مؤكده اومال سموها اشاعات ليه

انا متأكد انها اشاعات لسبب واحد وجود اسم ابو العينين روحوا اسألوا عنه فى دايرته و انتم تعرفوا مين هو

Nicholas Urfe said...

من علامات الاشاعة تضمينها ما يجعلها غير قابلة للتحري، مثلا ذكر الايمييل ان المجتمعين حرصوا على عدم وجود اي مستندات للجلسة ، حتى يجعل الاشاعة غير قابلة للتحري عن صحتها ويا تصدق يا ما تصدقش وانت حر !

ومن علامات الاشاعة طرح ازمنة مستقبلية لحدوث حدث ما بدون تقييد او تحديد، على طريقة" سيحدث في المستقبل كذا وكذا" ، ومثلا فجماعة شهود يهوة منذ قرن تقريبا تطرح ان يوم القيامة سيكون في تاريخ كذا ، ثم ياتي التاريخ ولا تحدث القيامة فيختلقون الأعذار ويطرحون تاريخ جديد وهكذا ( بعضهم يقول 2012 ) ، والعجيب ان هناك من يصدقهم وهناك زيادة في اتباعهم ، مما يثبت ان كثير من البشر لا يكترثون لأحكام العقل ويتبعون عواطفهم ومما يثبت انه ليس من الضروري ان تكون منطقيا ليصدقك كثير من الناس !

الخلاصة : هذا الايميل ليس اكثر من اشاعة

نسيم الفجر said...

الايميل عبيط قوي وكاتبه واحد بيحب مسلسلات الاكشن بس خايب وفاشل ... لكن دا مش معناه انه الوقائع كلها مش حقيقية

rahrom said...

ازاى مانخافش والكلام احنا عايشينه مش بنقراه لما جمال مبارك بيظهر عادى فى نادى رجال الاعمال ده يبقى ايه ومصاريف مبارك والعائله غير الكريمة منين ومين اللى بيتحملها ليه ماتطلبش للتحقيق هو وزبانيته لحد دلوقتى واسالة كتير مريبة جدا والكل ساكت بيتفرج فين قانون الطوارئ اللى قرفونا بيه السنين اللى فاتت هو يبقى فيه حد احق منهم بيه وهم بسلامتهم محتاجين ادلة اكتر من كده علشان يجرجروهم على السجن وبعدين ساكتين ازاى على الموبايلات والعيشة الفخيمة اللى عايشنها البهوات المجرمين داخل السجن وبيخلصوا كل حاجة من مكانهم شوية صحصحة بقى وحركة حرام نشغل نفسنا بمعارك السلفيين والاخوان والالاحزاب اللى مش عارف ايه واللى قال لا ونعم وعفريت ازرق والبلاوى دول بيرقدولنا مش كده برضه

Lawyer 2012 said...

خدي ياست الدكتورة الخبر ده وعايز أقول لك إن ذنب البلد وثورة 25 يناير في رقبتك يانوارة ...
=-=-=-=-=-=-=-=-=-=-=-=-=-=-=-=-=-=
العفو الدولية تدعو للتحقيق في اتهامات لجنود من الجيش بانتهاك أجساد معتقلات وتصويرهن

http://elbadil.net/%D8%A7%D9%84%D8%B9%D9%81%D9%88-%D8%A7%D9%84%D8%AF%D9%88%D9%84%D9%8A%D8%A9-%D8%AA%D8%AF%D8%B9%D9%88-%D9%84%D9%84%D8%AA%D8%AD%D9%82%D9%8A%D9%82-%D9%81%D9%8A-%D8%A7%D8%AA%D9%87%D8%A7%D9%85%D8%A7%D8%AA/

Unknown said...

استغفر الله العظيم يعنى طوب الارض بيقول ان اساس كل اللى احنا فيه ده من الثلاثى الحرامية دول ليه بقى ميتاخدوش شروة واحدة كده على السجن والبلد تنضف مستنين ايه ؟؟؟؟ لما كل يوم يعملوا لنا مصيبة واحنا مش ناقصين ولا فاضيين لما نلاقى كل يوم مظاهرات فى حتة وحريق فى حتة الجيش لازم ياخد موقف يا نوارة وميعتمدش على حكاية العدد والتوقيعات دى دى مسألة حياة او موت مصلحة وامن بلد مش هزار يعنى وبعدين فين الاحزاب بتوه شباب ائتلاف الثورة ماهم لازم يظهروا بقى مافيش وقت والانتخابات مش هتتأجل ياريت يتحركوا اسرع من كده

Shawkat Sanad said...

نوارة انا شايف ان الكلام عن المخطط ده واقعي و ملموس حوالينا و لازم الكل يتكاتف علشان ما يحققوش اهدافهم و خصوصا بعد العجن بتاع نعم و لا عموما ازاي اقدر ابعت توقيعي على البيان ده انا شغال بالكويت يا ريت تردي علية علشان الواحد حاسس انه محبوس جوه الغربة دي و مش عارف يعمل اي حاجة لبلده و يا ريت تركزوا على ما بعد الاستفتاء و خصوصا في الاعلام علشان توعوا الناس ضد اللي بيحصل

Unknown said...

ايه رأيكم في الخبر ده:
دعوى أمام القضاء الإدارى تطالب بعدم
دستورية تخلى مبارك عن منصبه
على اللينك دي:http://gate.ahram.org.eg/News/52218.aspx

Anonymous said...

من المسؤل,عن تأخير تحقيق أهداف الثورة ؟؟..,تأخير النظر فى الإتهامات لمبارك ورؤوس الفساد,عدم حل حزب الفساد,تأخير تغيير المحافظين,تأخير تغيير الإعلاميين,من الإعلام المرئى والمقروء,الذين تسببوا بتحريضاتهم,فى قتل الثوار,تأخير تغيير حكومة شفيق,ثم الإحتفاظ,فى حكومة شرف,بأغلبية من وزراء حزب الفساد,تأخير حل أمن الدولة,تأخير تمكين المغتربين,حوالى عشر ملايين,من التصويت..,من الذى يضع,دائما,قدمه,على فرامل قطار الثورة المصرية,ليبطأه,فى الوصول لمحطاته ؟؟! د. شريف عبد الحكم-باريس

an anonymous said...

الكلام ده ماينفعش يتصدق ولو 10% لأن ده معناه انهم هما اللى ماسكين البلد ، وده واضح جدا انه مش حقيقى ، اللهم الا لو خونا الجيش وطلع بيعمل لمصلحة الرئيس ضد الشعب ، وساعتها كان يقدر يعمل حاجات أحسن من كده بكتير
قصدى ان علشان نقدر نسمع-مش نصدق-كلام زى ده معناه ان احنا فى خدعه كبيره جدا ، لا تتفق مع ما نعيشه!!

aly said...

احنا بنبي بلد مؤسسات ودي الضمانة لحماية بلدنا
إذا اتفقنا على كدة يبقى الكلام اللي سعادتك نشرتيه ده كلام عاملا يخرج عن كونه اشاعات ولو جالك من اكتر من مصدر بس كلها انترنت يبقى اكيد اشاعات :)
احنا عارفين النظام السابق وعقليته اللي مابتخرجش عن البلطجة بالسلاح والاعلام

يبقى احنا نعمل ايه؟
الشعب اللي قرر يشارك في حياته السياسية هو الضمان والحزب الوطني مهما بلغ مش هيقدر يزور ارادته
مش عايزين شغل قوانين طوارئ ولو مع زكريا وصفوت والسؤال فعلا هو احنا ماعندناش ضدهم اي حاجة خالص؟
لو المحامين مش قادرين يحركوا ضدهم دعوى واحدة يبقى نسكت ونلتفت للاهم في بلدنا

زيها كل الاعتصامات بتاعة الكليات واللي قلنا انها مش وقتها اللي عنده مشكلة يحرك دعوى قضائية ولو مشاعندوش ادلة يسكت ويركز في بناء المؤسسات اللي احنا مقتنعين انها مع الوقت هتنضف كل الزبالة في بلدنا لان الفساد عرض مش مرض

Unknown said...

كل شيء ممكن ومش مستبعد وانا متأكد إن في أجزاء منه حصلت وفيه أجزاء منه لسه محصلتش

بس في سؤوال والكل عارف إجابته وهو هل تم تنحي الرئيس المخلوع وفقا للقانون

ورغم ذلك تريدين تطبيق القانون على ناس فوق القانون ...طب أزاي

طيب انتي حاليا بتحاولي تتضغطي على القوات المسلحه بالقانون وفقا على عدد التوقيعات على هذا المنشور

طيب القوات المسلحه هتعمل إيه فرضا .. فرضا إنك جمعت مليون توقيع "وانا بحلم والله من كل قلبي انهم يبقوا ملايين مش مليون واحد " وقدمتي هذا المنشور او هذا البيان للقوات المسلحه
هتعمل إيه القوات المسلحه يا ترى هتسمع ليكم ولا لأه
فرضا سمعت ليكم هل ده معناه إن القوات المسلحه هتقبض عليه ...في نظري أنا لأه طبعا ..هي هتقدم البيان للنائب العام وهتقله حقق معاهم ويطلع كزا خبر في الحرائد انه النائب العام بيحقق معاهم " وكلم عارفين النائب العام بقالوا شهرين بيحقق ومفيش حد اتحاسب لحد الأن " السؤوال إلي طرح نفسه حاليا هل النائب العام هيوصل لنتيجه ترضيكم بالقانون مع الثلاثي المرح ...هاسيب ليكم الإجابه ولو انها وضحه زي الشمس

طيب نروح للطريق التاني ان لو حسيتم أن القوات المسلحه او النائب العام صدر بيان بخصوص الثلاثي المرح والبيان ده لم يحسم القضيه او بمعنى أصح لم يتم محاكمتهم لأنهم فوق القانون سعتها هتعملوا إيه .... طبعا كلكم في نفس واحد هتقولوا هننزل الميدان ونخلي كلمة الشعب فوق الجميع ومش هنسمح لحد انه يسلب كرامتنا تاني ..أعذروني علشان أنا هقلكم مش هتقدروا تعملوا كدا تاني ...أنت أهبل ولا إيه ..أهبل ليه ياعم إقرأ بس الخبر ده .. خبر إيه ..إقرأ

مجلس الوزراء يوافق على مشروع قانون «يجرّم» الاحتجاجات التي «تعطل الأعمال»

وافق مجلس الوزراء في اجتماعه الأربعاء على مشروع مرسوم بقانون يجرّم حالات الاحتجاج والاعتصام و«التجمهر» يتضمن عقوبات بالحبس والغرامات المالية التي قد تصل إلى نصف مليون جنيه.

ويسري هذا الحكم أثناء سريان حالة الطوارئ فقط، وينطبق على كل من نظّم أو حرّض أو دعا أو روّج بأي وسيلة لوقفة احتجاجية أو اعتصام أو «تجمهر» أو شارك في أي منهم، بحيث عاقت أو عطلت هذه الأفعال العمل بجهات العمل الخاصة أو العامة.

ويعاقب بالحبس أو بالغرامة التي قد تصل إلى نصف مليون جنيه، أو بكليهما من يرتكب هذه «الجرائم» المشار إليها.
المصدر المصري اليوم
http://www.almasryalyoum.com/node/371350

دي بدايه القضاء على المظاهرات والتجمهر

وإبقى قبلوني بعد كده لو شفتم خلقت الميدان تاني

في الأخر الناس مفكره ان الإعتصامات الفئويه هي إلي معطله العمل ونسيت خالص أن مصر مكنش فيها غير رجل أعمال واحد بس وهو أل مبارك .. مبارك .. دنا نسيتك يا راجل ..انتا فين وفين فلوسك وفين أولادك .. حد عارف مكنهم حتى ..ردوا .. حد عارف مكنهم ..ردوا .....لالالا مش عارفين .. طيب يا ترى مين الوحيد إلي يعرف مكنهم ..جاوبوا انتوا يا معلمين


وكل ده وبتقولي إشاعات .. إشاعات إيه بس ..دي الحقيقه

وشكرا

Unknown said...

The situation is a beat scary. We should be ready, there should be more transparency from the army about this situation. And if they need help they should accept us as volunteer and train us to protect our beloved Egypt. The War from inside Egypt is 10000 time worse than a foreign invasion. The NDP and SS have been there for long time and they know all the weak points in our country and our people. What they don't know and will never understand is our new fearless spirit. We are all Egyptians, and we will defend Egypt by all means. If they kill el Baradii or EL Aswany. We will all be El aswany. There is no way back in our Revolution. Didn't they realize what they got from their brutal murder of Khaled Said. Now I don't' blame Mohamed Ali for massacring the Mumluks. I can see the picture more clear, Mumluk Losers turned into Thugs scaring every one, fled to upper Egypt when Napoleon concord Egypt, Didn't defend Egypt. on the contrary once the French left they popped up from their nests. Mohamed Ali did the right thing...That's how he was able to build a modern Egyptian Empire. We need Truth and Justice, Isn't it the Task of every Hourus( ancient Egyptian king while he is a live) since Mena their job was to establish truth and justice on the land of kemet, Merit taa( the beloved Land), Midger( Misr).

Unknown said...

نسعى إلى تأسيس
NGO Science_Egy منظمة مجتمع مدنى للبحث العلمى فى مصر
شاركونا بدعوة أصدقائكم للاشراك
http://widgets.causes.com/causes/594057-ngo-science_egy

Unknown said...

هو مش كان في نية ان احنا نشد الرحال على شرم ونجيب العيلة الهبلة دي كلها من قفاها , انا عايز اعرف ايه الي غير الفكرة دي.
والله فكرة كويسة وكضبوطة وشغالة مووت.
ما تحاولي تفعلي الفكرة دي ثاني , طبعا بعد التاكد ان الحلوين في شرم فعلا.

خالدة سعيدة said...

جدت هذا التعليق في اليوم السابع وطلب صاحب التعليق المساعدة في النشر
نداء الى كل الشرفاء
بواسطة: حسام فارس
بتاريخ: الأربعاء، 23 مارس 2011 - 23:44
انا من العاملين من اتحاد الاذاعيه والتلفزيون ومن المشاركين فى الاعتصام وكان مطلبنا الاساسى هو اقاله سامى الشريف عضو الحزب الوطنى الكذاب الى طلع ادام الناس كلها فى مصر التهارده وقال انا معرفش حاجه عن الحزب الوطنى وعمرى مكانت عضو فيه وهو بكده كذب على الشعب المصري كله لاتتا معانا الاوراق الى تثبت انه عضو فى الحزب الوطنى وعضو فعال كمان لهذا السبب احنا رافضينها لانها اخذ نفس سلوك النظام القديم ونفس الى كان بيحصل واحنا واقفين فى التحرير مع الثوره وعلى فكره الى قائمين بالا عتصام هما شباب التلفزيون الى كانو واقفين فى التحرير من ضمن الثوار الشرفاء ومعنا ايضا مخرخين و مذيعين ومحاسبين و فنين وعمال شرفاء الذين يريدون تطهير الاعلام من الفاسدين ورموز الحزب الحاكم الفاسد وللاسف يا جماعه احنا قله ونواجه صوعبات وتحديات كثيره واقله اعتقال بعض من زملاءنا وهما خارجين على ابواب التلفزيون لاحضار الطعام لزملائهم ارجو ان تنشرو هذه الكلمات فى كل مكان وفى كل المواقع ورجاء من الشباب الذين عندهم خبره فى الفيس بوك انا يساعدونا والوقوف معنا واحقاقا للحق يوجد بعض الضباط من القوات المسلحه بيساعدونا على قدر ما يستطيعو بما لا يتعارض مع مهامهم الذي يقومو بها وانا اشكرهم على ذلك ولكن للاسف نفوز الفاسدين والذى تسببو فى قتل ابنائنا فى التحرير كان نفوزهم اكبر من الجيش بدليل خروج اللواء طارق المهدى الراجل المحترم الذى نال اعجاب وتايد كل العاملين الشرفاء فى التلفزيون لانه كان يريد فعلا تطهير الاعلام ولكن كل ما اقدر اقوله لان هذه اسرار ان سامى بيه الشريف الكذاب كان سبب فى رحيله ليستشرق الفساد فى المبنى ارجو من كل شاب ورجل وامراه ان يساعدونا فى نشر هذا لنرجع بعض الحقوق للشهداء الذى ضحوا من اجلنا لياخذو حقهم من الذين كانو سبب فى قتلهم وهم رموز الفساد فى التلفزيون والله المعين

خالدة سعيدة said...

مع كل احترامى لكل الناس اللى على المدونه بس لما بلال فضل وحسام عيسلى ومنى الشاذللى وعمرو اليثى بياكدوا الكلام ده يبقى الموضع بجد ومش تهديد وكله مسرب من امن الزفت
وكمان المقدم محمد عبد الرحمن فى تعليقه على ولعه الداخليه .....الوضع غريب جدا ولازم نتحرك اسرع من كده لان كمان الجيش لسع بيتكلم فى ملف التعذيب انه ابونا طبعا عشان وصول الملف للعفو الدوليه
انا مبئتش فاهمه حاجه
ارجو توحيد الصف ونتكلم فى الشارع ونوعى الناس

Unknown said...

يا اخوانى لن ينفع شئ مع هؤلاء الناس طالما ان طنطاوى فى الحكم ومسيطر سيطرة كاملة على المجلس العسكرى وبيصرف لهم مكافات كبيرة على كل اجتماع يعملوه بدعم وفلوس من جمال مبارك يعنى باختصار المجلس العسكرى فى جيب المربع جمال وصفوت وزكريا وفتحى نفسى نلاقى طريقة نتخلص بيها من طنطاوى فهو يد النظام السابق ومنفذ كل مخططاته

مهندس مصري بيحب مصر said...

الحل الوحيد لإجهاض الخطة دي سرعة القبض على و محاكمة كل من فتحي سرور و زكريا عزمي و صفوت الشريف
و تحديد إقامة اسرة مبارك في شرم الشيخ و قطع الإتصالات عنهم لحد اما نشوف الجيش مش عايز يقبض عليهم ليه

هو إحنا كنا عملنا ثورة علشان نلم توقيعات ؟
انا وقعت و نشرت الصفحة لكل اللي اعرفهم بس برضه مش مقتنع إن ده حل

الحل هو مليونيات التحرير و زيها في كل محافظات مصر مش في التحرير بس
واضح ان احنا محتاجين نفوق المجلس الأعلى بثورة تانية تمشيه على العجين ما يلخبطوش

Unknown said...

نوارة اقري المقال المصيبة ده
من منظمة العفو

http://www.amnesty.org/en/news-and-updates/egyptian-women-protesters-forced-take-%E2%80%98virginity-tests%E2%80%99-2011-03-23

احلام جوليا said...

معرفش ليه يا نواره انا مصدقاهم سامحيني لان ببساطة حتى الان لم تتقدم الحكومةالمصرية بطلب تجميد الاموال بشكل رسمي للدول سواءالاوربية او العربية او امريكا والدول الي جمدت الاموال عملت كده من نفسها مش بطلب الحكومة مسألة أخلاقية وحتى الان لم يحاكم مبارك رغم ان كل الاصابع تشير إليه ورغم مسؤليته القانونية كمسؤلية المتبوع عن أعمال تابعه قانوناً كده ومسؤلية الاهمال ودول الي لو حتى قدر يثبت انه مسكين غلبان وعدى الثمانين ومكنش يعرف حاجة يعني دول لوحدك مسؤليتان كبيرتان جدا وكذلك الاهمال كل ده غير لو قدرنا نثبت انه متورط وده اكيد بكل الجرائم يعني محدش عاوز يحاكم مبارك وبيسكتونا بالذيول الي مسكينها كبش فدا ومش التوقيعات الي حتقبض على فلول الحزب المفروض الدكتور عصام يحقق وعوده للثوار يقابلو ه ويطلبوا ده بشكل رسمي واكتر يانواره يتعمل محكمة للثورة وتحديد اقامة كل المشكوك بهم بالقوة الجبرية زي اي ثورة قوية زي ثورة 52 ما عملوا في اتباع الملك ومحكمة للثورة وجيش ايامها كان شديد على الظلمة قوي حاكمهم وحبسهم وأعدم من أعدم ونفى من نفى يعني زي ما بنقول بالبلدي قطع عرق وسيح دمه وطاح باعداءه بقوة لكن التباطئ الي احنا فيه مش مرياحني محسسني ان في لعبة اكبر من مخي الصغير بتتلعب في البلد وفي ضغط الجيش مش قادر عليه في حد بيضغط على الجيش ومقيده انا عارفة الجيش بيحاول يحمينا بس الضغط الي عليه لازم حد يلحق ويشيل معاه ويفضحهم قبل ما يقضوا علينا اجمعوا التوقيعات على محكمة للثورة وانا اول الموقعين يا نواره انما تقبضوا على ثلاث صوابع بقيت الايد بتلعب يا نواره

احلام جوليا said...

معرفش ليه يا نواره انا مصدقاهم سامحيني لان ببساطة حتى الان لم تتقدم الحكومةالمصرية بطلب تجميد الاموال بشكل رسمي للدول سواءالاوربية او العربية او امريكا والدول الي جمدت الاموال عملت كده من نفسها مش بطلب الحكومة مسألة أخلاقية وحتى الان لم يحاكم مبارك رغم ان كل الاصابع تشير إليه ورغم مسؤليته القانونية كمسؤلية المتبوع عن أعمال تابعه قانوناً كده ومسؤلية الاهمال ودول الي لو حتى قدر يثبت انه مسكين غلبان وعدى الثمانين ومكنش يعرف حاجة يعني دول لوحدك مسؤليتان كبيرتان جدا وكذلك الاهمال كل ده غير لو قدرنا نثبت انه متورط وده اكيد بكل الجرائم يعني محدش عاوز يحاكم مبارك وبيسكتونا بالذيول الي مسكينها كبش فدا ومش التوقيعات الي حتقبض على فلول الحزب المفروض الدكتور عصام يحقق وعوده للثوار يقابلو ه ويطلبوا ده بشكل رسمي واكتر يانواره يتعمل محكمة للثورة وتحديد اقامة كل المشكوك بهم بالقوة الجبرية زي اي ثورة قوية زي ثورة 52 ما عملوا في اتباع الملك ومحكمة للثورة وجيش ايامها كان شديد على الظلمة قوي حاكمهم وحبسهم وأعدم من أعدم ونفى من نفى يعني زي ما بنقول بالبلدي قطع عرق وسيح دمه وطاح باعداءه بقوة لكن التباطئ الي احنا فيه مش مرياحني محسسني ان في لعبة اكبر من مخي الصغير بتتلعب في البلد وفي ضغط الجيش مش قادر عليه في حد بيضغط على الجيش ومقيده انا عارفة الجيش بيحاول يحمينا بس الضغط الي عليه لازم حد يلحق ويشيل معاه ويفضحهم قبل ما يقضوا علينا اجمعوا التوقيعات على محكمة للثورة وانا اول الموقعين يا نواره انما تقبضوا على ثلاث صوابع بقيت الايد بتلعب يا نواره

احلام جوليا said...

العدل البطئ ظلم يا نواره الثورة لازم يبقى لها اتحاد ائتلاف سموه اي حاجة مجموعة تجتمع وتبقى كلمتها واحدة وقوية تقف وتجبر الكل يسمع لها ويحقق مطالبها لازم يبقى لها حكومة الثورة ومحكمة الثورة وقانون الطوارئ يا نواره اولى به المفسدين دول ولا هو مش بيطبق غير على الغلابة والبلطجية الصغيرين طب والبلطجية الكبار يا نواه ليه ميطبقش عليهم قانون الطوارئ والمحاكم العسكرية

Unknown said...

الناس محجمة عن التوقيع بسبب الرقم القومي .. هو ده السبب الاساااااااااااااسي

واحد عادى said...

ازاى يعنى ما نقلقش وماننخضش اذا كانت الخطه دى بتتنفذ دلوقتى حرفيا - اومال نقلق امتا - لما نلاقى نفسنا فى السجون !!!!!!!!!!!

اللهم اجرنى من النار said...

السلام عليكم

انا رأى المتواضع ان الميل دا فى حد ذاتة ثورة مضادة يعنى مبعوت مخصوص عشان يعمل بلبله وخصوصا ان فى اخر الميل مكتوب انهم خط احمر ومحدش هيقدر يحاكم او يوجة الاتهام للمجتمعين

اعتقد انى لو مجتمعة بناس مش هقولهم كدا احنا بنتفق ازاى نعمل بلبله مش هقولهم متخفوش محدش يقدر يعملوكم حاجة يعنى لو هم خايفين ميجوش من الاساس كمان بيتكلموا وبيدوا قرارات وبيرسموا سيناريوهات وكأنهم هم اللى حاكمين يعنى هم اللى ماسكين المجلس الاعلى للقوات المسلحة وهم اللى ماسكين الوزارة حتى المحليات وكمان الموافقة على الدستور بتتراوح من كام لكام فى المية يعنى هم كل الشعب اللى هيصوت وكمان هم كل المجلس الاعلى للقوات المسلحة اللى بيدى بيانات وكمان هم كل مجلس الوزراء اللى بيسير البلد وهم كل حاجة طيب لما هم كل حاجة بيجتمعوا ويعملو خطط ليه



اعتقد ان الميل دا موجه للبلبة وكسر قوى يعنى اللى مذمومين يكسرهم والمحبوبين يكسرهم دى خطة لضرب الاستقرار فى مصر وقايمة على العناد (عناد المصريين لما جاء فى الاميل )يعنى المصريين لما يقرؤا يقولو طب انتوا عايزين كدا طب مش هنولهلكم وهنعمل عسكوا

والله المستعان

haroon said...

هل المجلس الاعلي للقوات المسلحة علي علم بما يحاك للبلد ..هل رئيس الوزراء عصام شرف علي علم بما يجري ..لماذا لم تتخذ حتي الان خطوات بتطهير الاعلام المصري ؟؟؟

haroon said...

الست سوزان دي اللي رجلها والقبر مش ناوية تعمل حاجة واحدة كويسة ف حياتها يمكن ربنا يخفف عنها درجة حرارة جهنم شوية أو ملايكة العذاب يزودوا حصتها من الزقوم

عادل said...

ليه 33 شاب ما ينفعش 40 أو 30

علا حسين said...

يا رب يكون الكلام ده اشاعات بس لازم نعمل حسابنا انه ممكن يبقى بجد والموضوع كده حيبقى فى ايد المجلس الاعلى فلازم الشعب يضغط بكل قوته علشان يحبس التلاته زى ما ضغط علشان يشيل شفيق, وبالنسبه للبسطويسى انا شايفه ان حلو عليه قوى وزير العدل بس (بردوعه حبيبى ) ممكن يعمل نقله للبلد ومتهيألى هم (البعدا) فاهمين ده كويس علشان كده بيحاربوه

علا حسين said...

يا رب يكون الكلام ده اشاعات بس لازم نعمل حسابنا انه ممكن يبقى بجد والموضوع كده حيبقى فى ايد المجلس الاعلى فلازم الشعب يضغط بكل قوته علشان يحبس التلاته زى ما ضغط علشان يشيل شفيق, وبالنسبه للبسطويسى انا شايفه ان حلو عليه قوى وزير العدل بس (بردوعه حبيبى ) ممكن يعمل نقله للبلد ومتهيألى هم (البعدا) فاهمين ده كويس علشان كده بيحاربوه

سكوت هنصوت said...

هو محدش هيعمل حاجة على انتهاكات الجيش ضد المرأة
http://www.amnesty.org/en/news-and-updates/egyptian-women-protesters-forced-take-%E2%80%98virginity-tests%E2%80%99-2011-03-23

Unknown said...

نوارة
موضوع مهم أود طرحه عن طريقك علي كل من يملك منبراً لتثقيف الناس وتوعيتهم. ضرورة توعية الشعب زي ماكنتوا بتعملوا أثناء التجهيز لوقفة 25 يناير. برجاء متابعة الاقتراح علي مدونتي. مع الشكر

Unknown said...

ارجوكِ يا أستاذة نوارة ليه ناسية فاروق حسني
هرب اكثر من ثلاثة ارباع آثار مصر
وهدم كل اشكال فنون مصر

واحد عادى said...

نانا - كلمتين بجد لازم ناخدهم باهتمام - فيه فرق كبير بين ان الناس كانت بتنزل ميدان التحرير وتتظاهر وهيه متحاميه فى بعضها وكله ملتحم مع بعضه ويد واحده وبين انك تطلبى من الناس انها تظهر باسمها والرقم القومى - لسه ثقافه الخوف موجوده - مش ح نضحك على بعض - لازم نلاقى طريقه تانيه نوصل بيها اصواتنا - طريقه يكون فيها الكل دايب مع بعضه - لازم نفكر - - ممكن - يتم ترسال رسايل على الميل للمشير ورئيس الوزراء - اميلات لكل وسائل الاعلام المصريه والفضائيات - فى كل حته عدد الميلات بيشكل ضغط - يعنى فى جوجل لو فيه اميلات كتير بتطلب شطب موقع - بيتم شطبه - وبرضه - الحكومه لما تلاقى ضغط من الناس باالميلات ممكن تستجيب - بس هاتوا الاميلات بتاعه الناس دى - انما موضوع الاسم والرقم القومى دى مخوف ناس كتير

موجة said...

مساء الخير ..
بوست شديد الروعة..
اسعدني قراءته..
انتظر زيارتك..
خالص تحياتي
أحمد

مى محمد said...

تحديث يا نواره لجنة تقصى الحقائق اثبتت ان سرور هوه الى وراء موقعة الجمل
عقبال الباقى شوية حراميه
وطلب صغير ياريت تعملى دعوه فى المدونه بتاعتك عشان الكل يشارك فى تدعيم البورصه عشان نبنى اقتصادنا تانى احنا عندنا فى البيت غصبت عليهم عشان يشترو اسهم ولاقينا ان احسن اسهم هيه بتاعة اوراسكوم تلكوم هيه الى بتكسب ياريت كلنا ندعم البورصه المصريه

fawest said...

لا أصدق كلمه من الرساله اللى وصلت لنواره ونشرتها لأن بيظهر من الرساله التى تدعى أنها خطه أى شئ مستقبلى يليق بكونها خطه،بالاضافه أنا تتحدث عن كل حوادث نراها ونعرفها كل يوم وتخوفاتنا

misha و lado said...

indian movie

Doaa El_sheikh Omar said...

ربنا يحفظ بلدنا ويحفظ نجاح الثورة ويجعل كيدهم فى نحورهم ... بس مش عارفة لحد امتى مشاعر الأمل والخوف تتلقفنا

Doaa El_sheikh Omar said...

ربنا يحفظ بلدنا ويحفظ نجاح الثورة .. ويجعل كيدهم فى نحورهم ...بس لحد امتى هتفضل مشاعر الأمل والخوف تتلقفنا

Doaa El_sheikh Omar said...

ربنا يحفظ بلدنا ويحفظ نجاح الثورة .. ويجعل كيدهم فى نحورهم ...بس لحد امتى هتفضل مشاعر الأمل والخوف تتلقفنا

Doaa El_sheikh Omar said...

ربنا يحفظ بلدنا ويحفظ نجاح الثورة .. ويجعل كيدهم فى نحورهم ...بس لحد امتى هتفضل مشاعر الأمل والخوف تتلقفنا

أبو أحمد said...

ياأخت نواره بنحبك لله وفى الله وأحب أنصحك نصيحة أخ وبرضه لله
نرى ما تفعلين من أجل الوطن ومن حرصك عليه وروحك العاليه ولكن دائما أرى فى ماتكتبين تحامل على السلفيين وإن كنت تبرئينهم مما لم ولن يفعلوه ولكن فى الغالب أراك تظهرين كرها لهم وأنا لا أسألك عن سبب هذا ولن أحاورك به فهذا رأيك وأنت حره فى هذا ولكن ما أرجوه ألا يكون شعورك هذا منشور على صفحتك لإن مثل هذا الشئ يأجج مشاعر عدائيه من بعض الناس تجاهك وكذلك تجاههم ويزيدمن كره الناس لهم جميعا حيث من الناس من يقتدى بك وأنت لا تعلمين وهذا ممكن أن يحملك وزر لم تقترفيه ولا تعنيه وأيضا أنا لا أزكى على الله أحدا ولكن من هؤلاء الناس أقصد السلفيين من هم على خير وصله بالله فلا تعاديهم لإنهم لم يعادوك
لك كل الود والإحترام والتقدير

hayat ank said...

الناس بتغلى وخايفه من السلفيين والاخوان الى الاعلان الجديد بتاع المجلس العسكرى بيدعمهم على حساب الاحزاب المدنيه وطارق البشرى واعوانه الى فصلوا التعديلات علشان تمشى مع الناس الى هما عايزينهمالجيش بيماشيهم ليه واللجنه دى بتعمل الاعلان بتاع الاحزاب على مزاجهم ليه هم عايزين يوقعونا فى بعض وتبقى مصر زى افغانستان ولا ايران حرب اهليه ونقطع بعض ولا نبكى على زمن المخلوع ونقول فين يوم من ايامك الجيش بيسمع كلام الناس دول كده وسايبهم يحطوا الى هم عايزينه مش اللجنه دى حطها وزير العدل السابق احد دلاديل مبارك والى هندس له كام دوره برلمانيه وكام انتخابات اللجنه دى لازم تتشال لان نتيجه الى بيعملوه يا اما هيخلصوا على الثوره وهايجيبوا حد نسقف له من نفس النظام القديم يا اما هنبقى زى لبنان طوائف بتقطع فى بعض يا اما زى افغانستان او ايران ده الجيش الى بتدافعى عنه بيحطلنا تعديلات قوانين تخلينا نقطع فى بعض

hayat ank said...

يارب تكونى بتقرى ده مهم وعاااااااااااااااجل التعديلات دى بتاعت تكوين الااحزاب بتنحاز للاسلاميين على حساب باقى طوائف المجتمع اللجنه دى لازم تتشال لازم دول بيوقعونا فى بعض والسلفيين والاخوان شغالين عليناانا خايفه انزل الشارع دلوقتى ارهاب وهاتك يا تقطيع ودان فى الصعيد وفى الاسكندريه بيضايقوا الغير محجبات هو الجيش عايز يسيبنا بس لما يسيبنا نقطع فى بعض ولا النظام السابق عايزنا نقوله ارجع نبوس جزمتك بس بلاش الديمقراطيه بتاعت السلفيين انتى فرحانه علشان كده لا احنا مش هانكون افغانستان ولا ايران ولا حتى السعوديه معرفشى انتى فرحانه ليه

hayat ank said...

الاحسن يشوفوا ناس زى عمرو حمزاوى الى مش عاجبك ولا الناس الى جابوهم على الجزيره مش عايزين طارق البشرى الى حط تعديلات زباله واللجنه بتاعته الى حطها وزير العدل السابق الى زور الانتخابات والى هندس بقاء مبارك والى تبادلوا الجمايل على حساب الشعب ده الله يخرب بيت اللجنه جى الى طيروا احمد زويل الى مش عاجبكوا الراجل الى واخد جايزه نوبل ومترشح يا خدها تانى الراجل الى واخد جوايز علميه والى كان هايعمل فى مصر طفره غلميه تعقبها طفره صناعيه واقتصاديه مش الى عايزين المسحيين يدفعوا الجزيه ويقطعوا ودانهم والى قتلوا السادات برغم اختلافنا مع السادات بس هى دى طريقتهم بيغيروا بالقوه والقتا الزمر واحد قاتل بتلمعوه وتجيبوا تحقيقات معاه وباين ها يرشحوا للرئاسه الى جايه دول ايه بقى ودى دوله ايه وانتى اول واحده هايخرصوا صوتك ولسانك لان صوتالمراه عوره واحنا ها نبقى جوارى للجنس وخلاص شوفى الجيش بقى بيعمل ايه بالزمه بعد كده كلاب مبارك هاتركب وتدلدل رجليها فوق رقابينا واحنا الى هانترجى العدلى يحكمناويدينا بالجزمه كمان وبتوع خربتوا البلد هايحطوا صباعهم فى عين اتخن تخين فينا ومحدش هايقدر يفتح بقه

hayat ank said...

البت صاحبتى لما قامت الثوره قالتلى انتم كمن يستجير من الرمضاء بالنار وقالتلى بكره نشوف وادى دقنى وابقى قابلينى شكلها كان عندها حق بس انا قلتيلها والمصحف الثوره هاتغير للاحسن والنبى يا شيخه زنى على المجلس العسكرى هما حبايبك يجيبوا لجنه عدله مش دى الى عينها وزير العدل السبق الى كان بيهندس الانتخابات لحسنى الهى ما يوعوا التنين شيلوا الجنه الى عماله تفتكس افتكاسات هاتودينا فى داهيه بلاش مش عايزين نقطع فى بعض دول عاملين انهم بيصلحوا وهما بيخربواها يخرب بيتهم بلاش كده ده الخرم الى هاتجيب بيه امريكا النظام الغير ماسوف على شبابه احنا عايزين دوله مدنيه والى عايز يعبد ربنا يعبده بطريقته ما حدش يحاسب حد على اسلامه او دينه او حجابه بلاش ايران بلاش افغانستان بلاش لبنان عايزين حرب طائفيه زى لبنان فى التمانينات ولا عايزين الاضيش حسنى يجوا

Unknown said...

ليه لازم كل شوية نقوم بمظاهرة عشان النائب العام يتحرك و عشان الجيش يسمعنا وهما ليه بيعملوا كده ليه ما فيش ادنى حد من الصراحة حتى ليه كل شىء غامض ليه عايزنا نحس بالياس من انصلح حال البلد ليه حتى اللى كان متؤاطء ما بيرجعش نفسه و يصحى ضميره و يساعد الشعب ولا الضمير مات نهائيا عندهم

hayat ank said...

حذرت صحيفة "الجارديان" البريطانية اليوم الثلاثاء من أن نظام الرئيس المخلوع حسني مبارك لايزال حيا يرزق، رغم رحيل قائده في فبراير الماضي. وأضافت أن المصريين يدركون حاليا أن "مباركستان"، الصرح الافتراضي الذي أنشأه مبارك وزمرته لضمان استمرار الهيمنة من دائرة مغلقة من السياسيين ورجال الأعمال، لم ينهر مع سقوط رئيسه وحاميه.

وتابعت أن :" مباركستان هي في الوا دولة كاملة، وهي القوة الاستعمارية بكل ما للكلمة من معنى، لديها آلة الدعاية الخاصة بها والميليشيا الوحشية التابعة، ورأس المال الخاص بها يتواجد في مدينة شرم الشيخ، حيث النخب الحاكمة تتناول العشاء المستورد، وتقيم في صالة فخمة على الشواطئ الرملية".

وتوضح الصحيفة أن "دولة مباركستان تتواجد في كل مكان بمصر وليس شرم الشيخ فقط، فهي تتواجد في شكل جيوب صغيرة بالمجمعات السكنية المتكاملة في الأماكن الأكثر إثارة في البلد، وتترك 40 ٪ من المواطنين يعيشون تحت خط الفقر، الذي يشكل "جيتو" كبيرا في جميع أنحاء البلاد، فدولة مباركستان تفتخر بأن لديها حتى البنك الخاص بها، وهو المصرف العربي، الذي يقف على أرض مصر، ومع ذلك هو مؤسسة تجارية بعيدة تماما عن يد الحكومة المصرية ولا تخضع لأي رقابة حكومية".
وتساءلت الصحيفة باستغراب عن السبب الذي جعل بنك مباركستان الذي لا يخضع لأي رقابة لا يزال يعمل رغم اكتشاف هويته الحقيقية وأنه وسيلة لتهريب الأموال المصرية المسروقة للخارج.
وتشير الصحيفة إلى أنه رغم تعهد المجلس العسكري الذي تولى السلطة بعد الإطاحة بمبارك بمحاربة للفساد، إلا أنه لم يتحقق شيء على أرض الواقع، ومع ذلك فإن التغيير المطلوب يحدث حاليا ويتمثل في شيء واحد وهو أن مبارك وعائلته أقرب إلى النيابة اليوم مما كانت عليه من أي وقت مضى، وصحيح أنه قدم عددا من كباش الفداء، بما في ذلك وزير الداخلية الذي أعطى أوامر لإطلاق النار على المتظاهرين، لكن المقربين من مبارك الذين تورطوا في انتهاكات صارخة وحشدوا ثروات ضخمة، ما زالوا طلقاء؟!.

وتطرح الصحيفة عددا من الشخصيات الذين كانوا يد النظام ولسانه في البطش بالثوار، وأكثرهم خطورة لا يزالون متواجدين في التليفزيون والصحف التي زورت الحقائق خلال الاحتجاجات، ولا يستطيع المصريون نسيان كيف أن التليفزيون اتهم زورا المتظاهرين بأنهم جواسيس لقوى خارجية يهدفون لزعزعة استقرار البلاد.
وتتساءل الصحيفة لماذا لايزال هؤلاء المسئولون في مواقعهم؟ وعدم الإجابة على هذا السؤال تثير القلق بشكل خاص من أن المجلس العسكري والحكومة الجديدة برئاسة عصام شرف، يستخدمون نفس الإستراتيجية التي استخدمها نظام مبارك.
وأضافت أن هناك ظاهرة أخرى محيرة وهي الوضع الأمني، ففي كل يوم تقريبا نسمع عن السجون التي يتم فتحها عنوة، والحرائق التي تندلع في المنشآت الحساسة، بما فيها وزارة الداخلية والبنك المركزي، وكثيرا ما تكون هذه الحرائق تمويها لعدم تقديم أية معلومات.

واختتمت الصحيفة تقريرها بالقول إن الجيش والحكومة لم يعد بإمكانهما تجاهل الرأي العام، ومواصلة تقديم إجابات غير كافية لجميع هذه الاستفسارات، وأنها إذا واصلت ذلك فإنهم سيرتكبون خطأ تاريخيا، وأعربت الصحيفة عن اعتقادها أن موجة التغيير لا يمكن أن تعود إلى الوراء مهما كان مبارك ونظامه ثابتا ويقاوم التغيير، فقد سقط نظام مبارك ومن الصعب البقاء في السلطة، وأن نظام مبارك قد يسجل بعض الانتصارات المحدودة، ولكن لا يمكن

hayat ank said...

نفسى حد يرض عليا انتو سايبين ليه يحيى الجمل مش عارفين هو بيعمل ايه طيب وليه مش بتاخدوا براى هيكل او ناصر امين بتاع العداله الانتقاليه كل الى بنعمله لف ودوران حول النقطه الاساسيه الى مفروض تتعمل دوله مباركستان على راى الجاردين لسه موجوده جوه وبره الحكومه لازم حد يعدل الميزان ما ينفعش الجيش هو الى يحكم لوحده لازم حد يعدل الميزان حطوا مجلس رئاسى حطوا لجنه حمايه دوله ودستور حطوا لجنه الانتقال الامن للعداله انشالله تحطوا الى مش عايزينهم يترشحوا للرئاسهحطوا حد يعدل الكافه بتاعت الميزان الى مايله قووووووووووووووىالمظاهرات لوحدها مش هاتنفع وهم مش هايتحركوا لازم حد جنب المجلس الاعلى تكون قراراته نافزه حد من عندنا احنا كده مش هانعمل حاجه وكل حاجه بتتخطف دلوقتى كل الى بيحصل هو تمثيليه الناس كلها مش مرتاحه شويه شويه هانلاقى جمال مبارك بيطل علينا بوجهه المقيت لازم حد يعدل الميزان

hayat ank said...

طب نعمله ايه علشان يعرف؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الى اعرفه ان اى رئيس الوزاره اول ما يمسك مفروض انا اولا ما يجبشى اى حد من النظام السابق فى وزارته ثانيا يشيل كل القيادات من كافه مؤسسات الدوله يعنى يطهر المحليات النقابات المحافظين ينزل تطهير فى القضاء والشرطه والاعلام يشيل بتوع المؤسسات الصحفيه الحكوميه رؤساء الجامعات الشركات التابعه للحكومه والمصانع كمان البنوك الحكوميه بتوع قناه السويس والطيران ده اللى انا افهمه تطهير مش عمال يقولنا اشتغلوا وانتجوا وما تعملوش مشاكل على راى القفاص شيلوا النارمن تحتنا الاول وبعدين امنعوا التظاهر مش عايزين نقول ان عصام شرف متواطئ بس هو مش شغال صح طب لو مش عارف كل المتخصصين عمالين يقولوا له وهيكل قال وبتاع العداله الانتقاليه ناصر امين قال طب ونجاح الثوره المضاده مش بيهزوا ويقله فى حاجه غلط طب والفتنع الطائفيه وحركه بتوع المقطم ما فهمتهوش طب والناس بتوع الائتلاف محدش قال له طب وموجات المد الصليبى وكل يوم نصحى على مصيبه نحاول نتغلب عليها ما نورتشى عنده اى نور احمر ان الاليه غلط فى فعل مهم لازم يعمله نفس نظام مباركستان طب نعمل ايه علشان يعرف
By: Hayat Hussein