Sunday 27 March 2011

اسكندرية دايما سابقانا... حتى في حملة التوقيعات

تحديث:
اهم كدبوا تأجيل الرئاسة لسنة 2012
صدقتوا بقى انهم بيستشيرونا؟ اه لو تصدقوني بس.. ده جيشي وانا عارفاه، قلبه ابيض وطيب وحنين، هو عشان بس احنا اول شعب في حياته


شباب العدالة والحرية في اسكندرية بيجمعوا التوقيعات على محاكمة الثلاثي المرح والاشراف القضائي على الامن الوطني
(شباب العدالة والحرية دول مش اخوان، دول غير حزب العدالة والحرية بتاع الاخوان، هم يساريين)
وامبارح فيه منهم شباب اتعرضوا لمحاولات اعتداء بس الحمد لله عدت على خير 
وعملوا فيديو جميل
بس نقوا تسجيل للاغنية ياسمين الخيام كانت ناسية كلمات الاغنية :))



انا حطيت كل حاجة على جنب المدونة هنا اهو
<<<<<<<<<<<<<<<<<
عايزين نخلص بسرعة عشان نتفرغ للبلاغ ضد مبارك واسرته بقى مدام كل حاجة لازم نعملها بإيدنا
الخبر  ده من "مصادر مطلعة" وانا مش عارفة بقى مدى صحته
وعايزة اعرف ايه سر الغموض ده؟ يعني حتى الصحفيين ما بقوش عارفين يجيبوا اخبار
وده خبر برضه من مصادر مطلعة بس انا ظني انه جس نبض، لأني عارفة ان المثقفين والسياسيين والنخبة لهم مصلحة في ان الجيش يقعد، وامريكا كمان لها مصلحة في ان الجيش يقعد لحد ما تحضر البديل، وعشان تلحق كمان تخترق بقى كل الاحزاب اللي حتتعمل جديد، ما احنا اخدناها على خوانة
وانا شخصيا صوت بنعم على الجدول الزمني اللي حطه الجيش، وباطالب الجيش انه يلتزم بالجدول الزمني اللي احنا صوتنا عليه، مش ممكن نصوت بنعم يقوم يتعامل معانا على اننا صوتنا بلا ويقعد برضه
اصلا مافيش فرق كبير بين لا ونعم ولولا اننا مش فاضيين كنت طلبت تحقيق في مين اللي ورا هلولة نعم ولا، وليه اللي قالوا للناس نعم فهموهم ان لا كارثة وليه اللي قالوا للناس قولوا لا فهموهم ان نعم كارثة.. ليه الكدب والتدليس ده؟ 
الاتنين اعلان دستوري، واحد بمواد كنا عارفينها، والتاني بمواد ما نعرفهاش وغالبا كانت حتبقى هي المواد اللي اتعدلت برضه، لأن ما عندهمش وقت يكتبوا اعلان دستوري جديد
في الحالتين ما يقدروش يرجعوا لدستور 71 
في الحالتين ما يقدروش يكتبوا الدستور الجديد لوحدهم
وانا اخترت نعم عشان لو اعلان دستوري يبقى اصوت على المواد اللي اعرفها بدل ما يفرضوا عليا مواد ما اعرفهاش، والاهم عشان الجيش كان حاطط جدول زمني، لأن ما كانش حيحصل ابدا ان حد حيعمل جمعية تأسيسية ومجلس رئاسي وكل الخيالات اللي اتصورت في حالة ما صوتنا بلا، كنا برضه حنستنى البرلمان والرئيس عشان يعملوا لنا الدستور الجديد بس المفروض كنا حنقعد مدة اطول
يبقى ليه بقى يستفتونا في حاجة وبعدين يرجعوا يسمعوا كلام عمرو حمزاوي وضياء رشوان برضه اللي عمالين يقولوا لهم اقعدوا سنتين تلاتة؟ هم بيسألونا احنا ولا بيسألوا عمرو حمزاوي وضياء رشوان؟ وبعدين يحيى الجمل هو اللي معطل الاعلان الدستوري دلوقت، طب يحيى الجمل ايه اللي حشره في حياتنا اساسا؟ اذا كان هو اللي عامل دستور 71 اللي احنا محتاسين فيه ده، واشتغل مع السادات، واشتغل مع مبارك، واشتغل مع شفيق، وكمان مفروض علينا دلوقت في حكومة شرف؟ ويعني ايه نائب رئيس الوزرا؟ ايه اهميته يعني بيعمل ايه غير انه طالع لوحده كده يقول مش عايزين نحاكم مبارك، وعفا الله عما سلف، وعمال يعطل في الدستور ويقول نشيل الالف واللام، هو ايه صفته اساسا؟ ايه شغلته من الاصل؟ بيعمل ايه في حياتنا يعني غير ان زكريا عزمي هو اللي فارضه؟ 
اعتقد ان المجلس العسكري محتاج يعرف رأينا عشان كده نزل الخبر ده، وانا شخصيا باقول اني مش موافقة على الكلام ده، انا ما صوتش على نعم عشان برضه الجيش يقعد، والا الاستفتاء ما كانش له لازمة من اساسه، مصروف على الفاضي
واحنا عايزين من المجلس العسكري انه يوجد الية يعرف بيها راي الشارع المصري بدل ما يقعد يجتمع بالنخب.. النخب دي مش كويسة، ولهم مصالح شخصية ومتعودين على الصفقات، وحملاتهم كلها في الاستفتاء كانت مبنية على المصالح الشخصية، وعشان مصالح شخصية قعدوا يخوفونا من الخيارات اللي تخالف مصالحهم زي سيف الاسلام القذافي ما قعد يخوف الليبيين، اللي حياخد مقاعد في البرلمان قال لو صوتوا بلا حتموتوا بالحصبة، واللي مرشح للرئاسة قعد يقول لو صوتوا بنعم رغيف العيش حيبقى بألف جنيه، كل ده عشان كل واحد فيهم مستعجل على السلطة
طب احنا كشعب يعني.. الشعب ده اللي لا حيبقى عنده مقعد في البرلمان ولا هو مرشح للرئاسة وهو اللي عمل الثورة، ماحدش بيحاول يسأله ليه؟ حتى الاستفتاء اللي اتسألنا فيه طلعت النتيجتين زي بعض كانوا بيخلونا نلعب ديمقراطية عشان ننبسط
على الاقل عشان تبقى النصيحة مخلصة يسألوا ناس مالهاش مصالح، ومافيش حد مالوش مصالح غير الشعب.. طب على الاقل اسألوا اللي شارك في الثورة يعني مش اللي كان قاعد طول الثورة بيقترح اقتراحات زي الطين عشان "يحل الازمة" وفضلوا يقولوا على الثورة "الازمة" طول التمنتاشر يوم
على اي حال المصري اليوم عاملة استطلاع رأي هنا يمكن يكونوا عاملينه عشان يساعدوا المجلس العسكري في استبيان الرأي العام على الاقل على النت
انا مش حاقول لكم اخترت ايه، عشان هم كتر خيرهم منزلين دستور 54 والدستور الالماني عشان تحملوه وتقروه، كده احسن.. عشان نقرا احنا ونفهم بدل ما الناس لعبت بينا الكورة في الاستفتاء اللي فات وكل واحد فيهم قعد يهوبص وفي الاخر طلع الفريقين اللي كانوا بيروحوا لنعم وللا بيضحكوا علينا والنتيجة هي هي
--------
بالنسبة بقى للإعلان الدستوري، هو فين؟ النظر في قضية مبارك حتبقى يوم الثلاثاء الجاي يعني بعد بكرة، ايه؟ مش نخلص بقى؟ 
انا حارجع اوضح المطالب اللي الناس عايزاها من الجيش عشان واضح انه اجتمع بناس كتير والدنيا اتكركبت فوق راسه
1- محاكمة مبارك واسرته 
تجميد ارصدتهم، ومحاكمة مبارك بتهمة الخيانة العظمى لأنه امر الجيش بقتل الشعب، ومحاكمة جمال مبارك بنفس التهمة لأنه امر الحبيب العادلي بقتل الشعب، ومحاكمة سوزان وعلاء بالفساد وتخريب الاقتصاد واهدار المال العام، وسوزان كمان لطشت اثار
2- محاكمة شلل الاطفال والثلاثي
عمر سليمان اللي قاعد في بيته يحرك ناس، وبيحرك مثقفين كمان، وهو اللي بيبخ في ودانهم الكلام اللي بيقولوه للمجلس عشان هو موالي لامريكا واسرائيل وعايزين يستعدوا كلهم للقفز على الثورة واختراق المجموعات اللي نشأت عن الثورة، الراجل ده ارتكب جرائم ضد الانسانية، ومتورط في تعذيب ضحايا كانت امريكا بتجيبهم. وهو ده شلل الاطفال.. كفاية انه بيقول: باط هوين.. براذار موسليمهود
ومحاكمة الثلاثي الشريف وعزمي وسرور، والاسراع بالتحفظ عليهم دلوقت حالا قبل الثانية الجاية لحين محاكمتهم على بلاويهم التي لا تعد ولا تحصى.. ومافيش حاجة اسمها زكريا عزمي بيشتغل في الرئاسة، يترفد ده.. واول ما يترفد مش حنشوف وش يحيى الجمل تاني، واول ما صفوت الشريف يتقبض عليه مش حنشوف المناوي تاني، واول ما فتحي سرور يتقبض عليه مش حنشوف بلطجية تاني
الرحمة بقى شوية، ده احنا لو جبل كان اتهد
3- الاشراف القضائي والحقوقي على جهاز الامن الوطني والتحفظ على الضباط المتورطين في قضايا تعذيب وقتل على ذمة التحقيق، ما يبقوش مطلوقين علينا كده يضربوا نار على عربيات الناس.. ولولا انهم محلفيني كنت قلت بيضربوا نار على مين
4- اصدار الاعلان الدستوري فورا واعلان سقوط دستور 71 ووضع خطة زمنية لاجراء الانتخابات البرلمانية ثم الرئاسية لا تتعدى 6 شهور
5- تجميد الحزب الوطني - فيه ناس عايزة تحله بس ما يهمنيش يتحل، يهمني ان اعضاء الحزب الوطني ما ينزلوش اول انتخابات برلمانية على الاقل
6- وترجعوا بالسلامة تحموا لنا البلد زي ما حميتوها طول السنين اللي فاتت وقمتوا بواجبكم على اكمل وجه وعمرنا في حياتنا مهما حصل ما حننسى انكم حافظتم على مصر وعلى شرفكم العسكري وعلى عقيدة الجيش وتصديتوا لضغوط مبارك وعمر سليمان وامريكا واسرائيل بحزم، بس زي ما انتوا كان لكم معارككم طول التلاتين سنة مع النظام، احنا كان لنا معاركنا، انتوا انتصرتوا في معركتكتم، واحنا لسه
اي حد يقولكم اصلي مش مستعد، اقعدوا معايا ذاكروا لي عشان اخش الامتحان ده صاحب مصلحة... اللي عايز يذاكر يذاكر لوحده، والخايب والله لو جبت له كل الدروس الخصوصية اللي في الكون حيفضل خايب
عيب قوي لما ناس بقالهم سنين بيشتغلوا بشكل قانوني، وناس تانية عملوا ثورة وعندهم قبول لدى الناس يقولوا انهم خايفين من منافسة جماعة فضلت محظورة 30 سنة وقياداتها - مش حتى عيالها، القيادات نفسهم - بيتقدموا لمحاكمات عسكرية، واتعمل لهم مسلسل طويل عريض عشان يشوه سمعتهم
اللي يقول لك كده اعرف انه فاشل وخايب ومستني توازنات عالمية تسنده، من الاخر كده، مستني يربط مع امريكا عشان تسانده
هي كيميا؟ 
- اخطار باعلان حزب
- تحضير قوائم.. ويقدروا يتصلوا بشخصيات عامة من اللي عندهم اخوانوفوبيا وعندهم استعداد انهم يترشحوا عشان الاخوان ما يسيطروش على البرلمان لوحدهم 
- مؤتمرات في المحافظات تتعمل بتلاتة نكلة: صوان، وميكروفون، وكراسي 
الناس عندها استعداد انها تسمع، ومش عايزة حد من اللي كان بيوزع عليها وجبات دلوقت
----------
ملحوظة:
اه الناس واخدة على خاطرها من المجلس العسكري عشان حاجات كتير
عشان التباطؤ اللي بقى مزعج فعلا
وعشان التعامل القاسي مع المتظاهرين والمعتصمين
وعشان احداث التعذيب في المتحف
وعشان التكتم وعدم الشفافية
وابتدا ناس يشككوا، وابتدا ناس صوتهم يعلا، وفيه ناس ابتدت تشتم، وناس بقى عمالة تقول في تحليلات، ههههههه بصراحة بتضحكني
وبقيت انا الوحيدة اللي لسه باقول ان المجلس العسكري حسن النية ولسه مساند للثورة
بس لو استمر الوضع على كده حابطل اقول الكلام ده... اكيد عمري ما حاغلط في الجيش، بس مش حاقدر بقى ادافع بلا ادلة
بس انا باتكلم.. وغيري بيتكلم وبيقول كلام كتير يصل الى حد الشتيمة والتخوين
والناس بتسمع من ده وبتسمع من ده، لكن مخها هو اللي بيحكم، ومخها بيحكم بالافعال مش بالكلام
والافعال دي في ايد المجلس العسكري
هو اللي في ايده، بافعاله، انه يطلعني كدابة ويطلع اللي بيشككوا فيه صادقين، وفي الحالة دي ماحدش حيزعل مني انا... حيقولوا نوارة هابلة طول عمرها، عادي، انا بنيت السمعة دي على مدى سنين وبذلت فيها الغالي والنفيس
او في ايده يطلعني انا اللي معايا حق، بأفعاله برضه، ويطلع اللي بيخونوه ويشككوا فيه كدابين
وفي الحالة دي، وانا متعهدة بده بشكل شخصي، الناس حتمسك كل اللي شككوهم في الجيش والمشير والمجلس العسكري يقطعوه بسنانهم ويخلوه ما يسواش تلاتة نكلة ويعلموا عليه طول عمره، وعمرهم ما حيسامحوه على الايام السودا اللي عيشهم فيها
لأن الناس مش عايزة تشك في المجلس العسكري، مش عايزين، هم عايزيني انا اللي اطلع صح، امل حياتهم ان كلامي يطلع هو اللي صح ويطلع اللي بيشككوهم هم الغلطانين، وحينتقموا من اللي شككوهم انتقام الجبابرة لأنهم عيشوهم في قلق وتوتر طول المدة دي.. انتوا ما تتخيلوش الناس نفسيتها تعبانة قد ايه، وزعلانين ازاي
الاعلان الدستوري واسقاط دستور 71 ينفع يتعمل النهاردة دلوقت اهو.. وما تسمعوش كلام يحيى الجمل، مش كويس والله
محاكمة مبارك وشلل الاطفال والثلاثي ينفع يتعملوا في ظرف اسبوع من النهاردة 
الشفافية ينفع تتعمل دلوقت حالا.. وما تقلقوش من تهديداتهم بأنهم حيحرقوا البلد، احنا واقفين جنبكم والله
كل الحاجات دي حتنقل الناس نقلة نوعية في علاقتها بالجيش وحيرجعوا يتصوروا على الدبابات تاني ويشيلوا العساكر عيالهم وينزلوا فيهم بوس، لأن الناس نفسها، نفسها، نفسها، تستعيد الثقة
وعمرهم في حياتهم ما حينسوا ابدا الحاجات دي
دلوقت حتلاقي ناس بتقول: المحليات.. ادارات الجامعات.. ادارات المصانع.. والمطالب بتزيد بتزيد بتزيد، وبتزداد تفصيلية وكل واحد متضايق من جاره يبقى مطلبه شيل جاري من جنبي، بس ده بسبب التأخر في اجابة المطالب الكبيرة الاساسية
ولو فيه تطاول ده بسبب التعامل بشدة مع المتظاهرين والمعتصمين، الناس ما عملتش ثورة عشان تقولوا لها ننة نام من الساعة اتناشر، يالا، لعبنا كتير واتظاهرنا كتير... ورانا مذاكرة بقى، طب ما تنجزوا لهم اللي هم عايزينه، هم يعني غاويين مرمطة في الشوارع؟
الست مطالب اللي فوق لو تم انجازهم بأسرع وقت ممكن، الناس حتتعامل مع الجيش، والمجلس العسكري، والمشير طنطاوي على انهم قادة تاني انتصار لمصر بعد انتصار 73 وحيعلقوا صورهم في البيوت ويسموا كل مواليد السنة دي "حسين" على اسم المشير، وأي حد حيحاول يشككهم، او يسيء للمجلس العسكر او المشير بأي وسيلة كانت حيقطعوه ويخلوه عبرة، لأن ساعتها ماحدش حيبقى له مصلحة في الاساءة للمؤسسة العسكرية وقياداتها غير مبارك وشلل الاطفال والثلاثي والناس مش بتصدقهم، بس التأخر في تلبية المطالب المتزامن مع السرعة في قمع الاحتجاجات والانتهاكات اللي لحد دلوقت مافيش حتى اعتراف بيها ناهيك عن التحقيق فيها حيأكد كلام كل الناس اللي عمالة تشكك... والتشكك ده مش حلو، ومش بيصب في مصلحة حد، لا بيصب في مصلحة الثورة، ولا بيصب في مصلحة الشعب، ولا بيصب في مصلحة المؤسسة العسكرية... بيصب بس في مصلحة مبارك وفلوله
هو ايه اهمية ان مبارك قتل السادات دلوقت اللي التلفزيون المصري ما وراهوش غير الرغي فيها وهو قاتل الف شهيد وفيه 4 الاف مفقود؟ 
انا خلصت ضميري، وقلت اللي عندي، وبعد كده مش حاقدر اضغط على الناس اللي روحها بقت في مناخيرها واقولهم امسكوا نفسكم وما تهللوش
كمان واضح جدا جدا جدا.. ان اللي بيشكك الناس في المجلس العسكري، هو هو اللي بيشكك المجلس العسكري في الناس.. بطلوا تشكوا فينا، احنا شعب، ومش عملاء، ومش بنهدد الامن القومي، وبطلوا تبعتوا ناس تتقصى، ما تتقصوا على مبارك
هو مبارك اللي خاين مش احنا، والشك المتبادل ده وحش وحش وحش
انا حاقعد اعمل الواجب اللي عليا في ملاحقة الفاسدين وعلى رأسهم مبارك، ومش حاخش بينكم تاني بقى، اصطفلوا مع بعض
انا مش حاقدر اقعد ادافع عن ناس بتكهرب البني ادمين
ولا حاقدر اقعد ادافع عن ناس بتتطاول على المؤسسة العسكرية
انا حاقعد اعمل الواجب واحل المسائل عشان عندي امتحانات

89 comments:

tahrir said...

كيلوا الطماطم وصل 6 جنيه و بلال فضل اتكلم عن تهريب كميات كبيرة من الارز و فيه ناس في مكاتب البريد النهارده مش عارفة تسحب فلوس من دفتر التوفير , و المجلس لسه حيعمل لجنة علشان توفق بين كلام اللجنتين اللي فاتوا اللي راجعوا التعديلات الدستورية
اللعب على البطون و الجيوب بقى على عينك يا تاجر مش نفوق بقى شوية , لو عوين حسني و الشلة اياها تتمسك اظن من الافضل ننزل التحرير الوقت بيضيع مننا لصالح الثورة المضادة

Abo Maro said...

والله المفروض نمشى طنطاوى و نمسكك المجلس العسكرى ....انا جالى شلل اطفال خلاص

suidreams said...

ويكيليكس": قائد الجيش المصري موال تماما لمبارك ... واستعداد الجيش المصري التكتيكي والعملياتي قد تعفن تحت قيادة المشير طنطاوي http://www.alquds.com/node/325619



الكلام دة صح ولا غلط ؟؟؟؟

Unknown said...

وثيقة ويكيليكس دي قديمة قوي وانا ترجمتها وما عرفناش ننشرها بس هي كانت رسالة من ريتشارداوني لوزيرة الخارجية الامريكية وورد شتايم كتيرة على طنطاوي منها ان طنطاوي ضد "الاصلاح الاقتصادي" اللي عمله جمال مبارك، وانه "عقلية قديمة" وانه رافض يغير العقيدة العسكرية ورافض ان الجيش يحارب في مكافحة الارهاب ورافض "يتواكب مع ثقافة السلام" و"مازال يكره اسرائيل" وانه بيحب مبارك وبيكره جمال وسوزان.. الخ
الوثيقة مافيهاش ادانة لطنطاوي، ريتشارداوني بيشتم على طنطاوي ودي حاجة تشرفه، والاكتر من كده الرسالة تضمنت شتائم بالفاظ مقذعة من قبل ريتشارداوني على طنطاوي ما يصحش اني اوردها هنا عن وزير الدفاع المصري، وكل ده يشرفه، والرسالة دي بالتحديد اللي مخلياني عندي امل في المشير وفي المجلس العسكري، لكن انا شخصيا مش حيفضل عندي امل كتير.. انا في انتظار تحرك المجلس العسكري والمشير والجيش نحو تلبية مطالب الشعب والتوقف عن الانتهاكات والتحقيق فيما سبق، على الاقل حادث كشف العذرية
واظن كده عداني العيب ولو ما عدانيش يبقى اجري على الله

أرنوب said...

عيب عليكي قوي لما تقولي للجيش ماتسمعوش كلام النخبة والمثقفين لأنهم (وحشين) .. أمال يسمعوا كلام مين ؟ شلاطة بتاع الفول وباتعه بتاعة الجرجير ؟ اللي كلمة تجيبهم وكلمة توديهم .. اللي صدقوا السلفيين لما قالولهم اللي حيصوت بلا في الإستفتاء يبقى كافر .. اللي لو إتعملت إنتخابات برلمانية ورئاسية في ظرف سته شهور زي مانتي عايزه حيجبولك عبود الزمر رئيس جمهورية ... ثم إن التأخير ده بيصب في مصلحة إئتلاف الثورة عشان يلحقوا يعملوا حزب قوي ينافس في الإنتخابات .. بتقولي عمايل حزب مهياش كيميا أمال ليه ماتعملش لغاية دلوقتي لما هي مش كيميا ؟

الباهي said...

عاجبني جداا المادة 7 في الدستور الألماني فصل الحقوق الأساسية
مفرديين ماده كده لوحدها جامدة للشئون المدرسية
ياسلام

Hesham Elshipli said...

كلامك هذه المرة منضبط جدا

أتفق معكى فى كل ما قلتيه

ولكن بالنسبة لمحاكمة مبارك

لا يمكن فصل المحاكمة عن

كواليس ما حدث يوم التنحى

بين مبارك والجيش

انا أتمنى محاكمة مبارك

ولكن لن يتحقق ذلك الا بضغط شعبى كبير

لا يستطيع الجيش مقاومته

أتمنى أن تأتى الأيام القادمة بالخير

كل الخير لمصر

بساطه said...

لا يانواره انتي مش هبله انتي بتستهبلي .. بتقولي كل الي انتي عايزاه وترفعي ايدك لفوق ووالله منا يابيه ده هما اللي جالولي
:)

Rasha Ahmed said...

المشكله ان مافيش حد بيسمع!!وهما عارفين كويس اننا بننسي!!وبنسكت زي بالضبط ما نسينا وسكتنا عن محمد سليمان لما خرج من التحقيقات التي اتهم فيها وزي هروب ممدوح اسماعيل من القضايا اللي عليه!!المشكله فينا احنا

Unknown said...

ابقى قابلينى لوحد رد عليكى



يارب اخلف ظنونى فى المجلس العسكرى


يارب اهديلنا الجيش او حلها بمعرفتك وقدرتك

Rasha Ahmed said...

المشكله ان مافيش حد بيسمع!! والسبب احنا!! احنا اللي بننسي وبنسيب حقنا زي ما قلت قبل كده زي ما سكتنا علي محمد سليمان وممدوح اسماعيل وسكتنا علي احمد وعز وصفوت الشريف....وغيرهم كتير ولسه ساكتين علي كل التواطؤ!!

Unknown said...

أنا ليا رأى يا نوارة و أنا واحد من المشككين فى المجلس العسكرى . كل اللى بيشكك بيتكلم على أساس وقائع حصلت و معندهوش إساعداد اللى حصل فى أمن الدولة و اللى حصل بالتأخير فى الرد على تجميد الأموال و اللى حصل فى التحرير يتكرر محدش بالذات من المشككين هدفه الضرب ما بين الضعب و الجيش . الهدف توعية الناس لأن التحرير هوه اللى بيحقق المطالب و الضغط هوه اللى بيحقق كل حاجة . أتمنى اكونى صح بس أنا شايف إنك تكزنى صح ديه وقتها إتأخر أوى و الناس لازم تفهم إن الثورة فى خطر و محدش حيحافظ عليها غيرهم .
أنا ليا كمان رأى تانى فى موضوع إن المجلس العسكرى هوه اللى بيحافظ على الثورة معلش اللى حصل أنا شايفه تمثيلية كبيرة حصلت على الشعب و الهدف كسب الوقت و تنظيم الصفوف و إضعاف الروح عند الشعب من خلال ضرب الوحدة إخوان و غبر إخوان و مسلميت و مسيحين و بعد الإضعاف و التهدئة الإنقضاض على الثورة و ساعتها إبقى قابلينى لو الناس ديه نزلت تانى .
أما موضوع السادات فأنا مع فتحه مع إنى بكره السادات الخاين لسبب واحد إن الناس تفهم حجم التخطيط و التواطئ اللى كان عامله مبارك و اللى كان داهل فيه أطراف كتير أوى و دقة الترتيب و بالتالى تقهم الخطر اللى بيواجه الثورة و كمان بيطلوا موجة التاريخ بتاعه لأن ده ملهوش تاريخ ده واحد إرتكب كل أمواع الجرايم تجسس - سرقة - قتل - نهب - خيانة عظمى - كذب - نقض عهود شخص إتجمعت فبه كل خصال الفساد
شخص كان بيتجسس على إخوانه السودانيين بالمخابرات الحربية و يبعت المعلومات لإسرائيل عن طريق دول أقريقية و لو مش مصدقة إدخلى على اللينك ده


الحرية للمقدم: أيمن سالم - ضابط المخابرات المصري
http://www.facebook.com/FreeAymanSalem

يا ريت الناس تفوق لأن قعلا الثورة بتضييع و الناس بدأت تهدا

Unknown said...

أنا ليا رأى يا نوارة و أنا واحد من المشككين فى المجلس العسكرى . كل اللى بيشكك بيتكلم على أساس وقائع حصلت و معندهوش إساعداد اللى حصل فى أمن الدولة و اللى حصل بالتأخير فى الرد على تجميد الأموال و اللى حصل فى التحرير يتكرر محدش بالذات من المشككين هدفه الضرب ما بين الضعب و الجيش . الهدف توعية الناس لأن التحرير هوه اللى بيحقق المطالب و الضغط هوه اللى بيحقق كل حاجة . أتمنى اكونى صح بس أنا شايف إنك تكزنى صح ديه وقتها إتأخر أوى و الناس لازم تفهم إن الثورة فى خطر و محدش حيحافظ عليها غيرهم .
أنا ليا كمان رأى تانى فى موضوع إن المجلس العسكرى هوه اللى بيحافظ على الثورة معلش اللى حصل أنا شايفه تمثيلية كبيرة حصلت على الشعب و الهدف كسب الوقت و تنظيم الصفوف و إضعاف الروح عند الشعب من خلال ضرب الوحدة إخوان و غبر إخوان و مسلميت و مسيحين و بعد الإضعاف و التهدئة الإنقضاض على الثورة و ساعتها إبقى قابلينى لو الناس ديه نزلت تانى .
أما موضوع السادات فأنا مع فتحه مع إنى بكره السادات الخاين لسبب واحد إن الناس تفهم حجم التخطيط و التواطئ اللى كان عامله مبارك و اللى كان داهل فيه أطراف كتير أوى و دقة الترتيب و بالتالى تقهم الخطر اللى بيواجه الثورة و كمان بيطلوا موجة التاريخ بتاعه لأن ده ملهوش تاريخ ده واحد إرتكب كل أمواع الجرايم تجسس - سرقة - قتل - نهب - خيانة عظمى - كذب - نقض عهود شخص إتجمعت فبه كل خصال الفساد
شخص كان بيتجسس على إخوانه السودانيين بالمخابرات الحربية و يبعت المعلومات لإسرائيل عن طريق دول أقريقية و لو مش مصدقة إدخلى على اللينك ده


الحرية للمقدم: أيمن سالم - ضابط المخابرات المصري
http://www.facebook.com/FreeAymanSalem

يا ريت الناس تفوق لأن قعلا الثورة بتضييع و الناس بدأت تهدا

noha said...

kalamk 7elw ya Nawara bas law matnafezsh eah el7al ba2a han3ml eah ?

wildthing said...

خليكي مستنيه يا نواره الناس خلاص قايمه اول اسبوع من أبريل اللي ما يشوف من الغربال يبقي أعمي

rahrom said...

النهاردة الاحد ابداوا الحشد لميليونية الجمعة وانزلوا الشوارع كلموا الناس واقنعزهم اننا بنتخدع ولو مانزلوش مبارك هايرجع باى صورة من خلال اشخاص تانيين لازم نتحرك بسرعة الاحوال زفت والغلاء مدمر الناس هاتتجاوب لما نكلمهم عن المعيشة والغلا والفوضى اشرحوا الوضع بكلمات سهلة ولااااااااااااااازم مليونية تانى انا هابدا مين معايا

M.MNS said...

نوارة المفروض التوقيعات دى هتتبعت امتى ؟؟؟
عشان انا عندى توقيعات كتير ومستنى ناس بتجمع تانى وعاوز اجيبهم على بعضهم

Feuercheval said...

لا يوجد عندي أدني شك في ان تطورات الأحداث حتقنعك بالشكوك اللي سبق وطرحتها زي ما طرحها غيري في المجلس العسكري (راجعي مساهماتي السابقة) المشكلة هي متي تقتنعين فالمسألة مسألة وقت واللي خد أي اختبار ذكاء يعرف كويس ان الفرق بين الشخص الذكي و الشخص العادي مش في ان الاولاني بيحل الاسئلة اللي التاني بيفشل في حلها لانك لو اديتي للاتنين كل الوقت اللي عايزينه حيوصلوا لنفس النتيجة الصح الفرق هو ان الامتحان له وقت محدد علشان يفرق بين الذكي اللي حيفهمها وهي طايرة في اقل وقت والغبي اللي حينتهي الدرس (قصدي الامتحان) قبل ما يوصل للحل السليم

وده كله مهم جدا في السياق الحالي لان الحالة الثورية (بالنسبة لجموع الشعب اللي النخبة طلع روحها علي ما قدرت تخليها تخرج) بتبرد بنفس سرعة تجمد الشمع السائل اذا تركتيه في درجة حرارة الغرفة فمثلا في اوائل ايام الثورة كانت الجموع مش محتاجة اصلا حد يقولها عشان تطلع كل يوم بالملايين لكن في أخر مظاهرة اللي كان المفروض تكون مليونية الاعداد ماوصلتش كام ميت ألف (مع اننا طالبنا اننا نعود الناس علي التجمع المليوني ولو كل يوم جمعة تحت بند الوحدة الوطنية مثلا بس ماحدش سأل فينا) دلوقتي حتبقي محظوظة لو لميتي ميت ألف انما بعد شهر من دلوقتي علي مايكون ربنا فتحلك مخك حيكون كل سنة وانتي طيبة

الماساة الي احنا فيها هي اني مش مهم اكون انا او اي حد من الالاف اللي عندهم شكوك زيي مقتنعين بتآمرالمجلس العسكري احنا اشخاص قدرتنا علي التاثير منعدمة لكن انتي بالقبول اللي عندك أولا والظروف اللي دفعتك الي المقدمة ثانيا مسموعة وشئتي ام ابيتي نجحتي فعلا في تحريك الناس عشان كده سرعة فهمك –وفهم الاشخاص المؤثرين مثلك- لتفسير تصرفات المجلس العسكري هي مسالة حياة او موت بالنسبة للثورة

انتي كتبتي من يومين تلاتة انك مايهمكيش الموت بل باالعكس تتمني تموتي شهيدة مش عارف ليه لما قريت الكلام ده افتكرت فيلم جه في نادي السينما من كام سنة عن جان دارك (ذا ميسينجر) و داستين هوفمان لعب فيه دور الضمير (أو الشيطان) حسب فهم كل واحد للفيلم اللي كان بيطلعلها في السجن وهي مستنية حكم الاعدام عشان يخليها تعيد التفكير في كل اللي عملته بغرض التوبة واحلاص النية لوجه كريم قبل لقاؤه (اذا اقتنعتي انه الضمير) او تكفيرها وزرع الشك في قلبها (اذا اقتنعتي انه هو الشيطان) أرجوا انك ماتمريش بتجربة مماثلة لانك واضح من كلامك مؤخرا عن الشعب اللي حيقطعنا لو ثبت ان شكوكنا مش في محلها انك بتبصي لنا علي اننا صوت الشيطان مش صوت الضمير

Tears said...

نوارة بجد مش فاهمة الحتة دى
"
وحملاتهم كلها في الاستفتاء كانت مبنية على المصالح الشخصية، "

يعنى مرشحين الرئاسة لما قالوا صوتوا بلا كانت ايه مصلحتهم اذا كان التصويت بنعم كان ح يخلي الجيش يمشى اسرع حسب ما كانوا مفهمينا و طلع غلط و ده كان ح يؤدى الى انهم يمسكوا الرئاسة اسرع؟

المهدى said...

نفسى أعرف مين العبقرى اللى عرف يقنعك إن أمريكا عايزة الجيش يقعد لحد ما تحضر البديل .. أى بديل ؟
1- نظام المخلوع قائم بالفعل والمشكلة فى عدم تفعيله هو وجود الجيش
2- الجيش هو المؤسسة الوحيدة ( حسب ردك وتعليقك ) التى تعرف يعنى إيه ثوابت وطنية لاحظى خلال شهر سفن إيرانية تمر - وقف ضخ الغاز -فتح معبر رفح - تحذير إسرائيل من عمل عسكرى فى غزة
يعنى مصلحة أمريكا فى رحيل الجيش وكلفتة النظام بأى صورة يطلع إسلامى يطلع صعيدى هوه ده نظام المخلوع اللى بنوه من مجموعة سرطانية من المستفيدين من العلاقات والمصالح الأمريكية
راجعى عزمى بشارة الضغط الشعبى سيجعل أمريكا تتخلى عن مبارك ثم عمر سليمان للحفاظ على النظام

Hady said...

الجندي لازم يمشي و يتأدب فورا و اللي هيفرط في دم اخوه ما يستحقش ان يعيش و لا يتحسب بني ادم من اصله..ز ناس دفعت دمها لحريتنا و نسينا ان الحرية مش كلمة انما ممارسات
وزير العدل قادم بأيديولوجيات و زمن مبارك

http://dostor.org/politics/egypt/11/march/27/38936

واضح ان الوزير لا يفهم لماذا يريد الشعب تطهير الجامعات يبدوا ان سيادته يعمل وزيرا و لا يعلم ان رؤساء الجامعات و العمداء عينهم أمن الدولة و الكثيرين متورطين في الفساد الذي كان قائم قبل الثورة ا اخشى ان اقول انه مازال قائم..ز الم ينشر الدستور وثائق... تكشف ان القيادات بالجامعة صرفت لأمن الدولة مكافأت من ميزانية الجامعة و التي هي اصلا يجب ان تستخدم للإنفاق على التعليم المتردي الى الحضيض اساس... نسي السيد لوزير ان من اجلسه على الكرسي هو الشعب المصري حقا هذه المرة و ليس شرف لان الشعب هو من اجلس شرف بل و المجلس العسكري نفسه فكافأ الوزير الشعب بالقوانين المشددة على الحريات و اساليب لحل ازمة الاقتصاد و الاستقرار ليس بالمشاريع و حل المشاكل و الحوار و التطهير و الاستماع الى انين الموظفين الاذين قهروا لعقود بل بالحل القمعي و المقيد للحريات و الساعي لاخافة الناس من الاعتراض او التفكير في الاعتراض بأسلوب سلمي كما سبق و كان يطبق من ايام العهد البائد و الواضح انه غير بائد او يابى الابادة و انه يجدد نفسه من خلال رجال امثال الوزير الجندي.. الذي تعجب من الطلبة في حق الاعتراض و هذا من مكتسبات الثورة و دفعنا الدم من اجل ذلك و تعجب من انه يجب رحيل جميع من عمل بأمن الدولة و إقصائهم من العمل بالجهاز الجديد و نسي رجل القانون انه من لم... يثبت تورطه في اية اعمال لا يعني انه لم يتورط اساسا اعني من ضباط امن الدولة السابقين و نسي ان سياسات امن الدولة كانت سياسات ممنهجة و معممة و انهم ظلوا عقودا طويلة يمارسون و يتعلمون و يطورون تلك الاساليب و المطلوب ان ينسوا و ينسلخوا من جلودهم في لحظة... سيادته اظهر التساهل مرة اخرى و رحمة القضاء و العدل على رجال الاعمال الفاسدين او منن استفادوا من الفساد و اصدر قوانين تقمع و تبطش بالغلابة المقهورين الذين لا يجدوا سوى التظاهر ليلتفت لهم الاخرون و يخيف الاحرار الشجعان المطالبين بالتطهير و ابدى شجاعة باسلة في التصدي لمكتسبات الثورة من حرية و نبذ القمع و السياسات الامنية و الباطشة سيادته و بعد ان ابتدع هذه البدع القانونية العبقرية سيجعل الموقف كالتالي الغلابة الفئويين و كأن فئوية المطالب جرم او حرام بالإضافة للطلبة و النشطاء السياسيين و كل من يتظاهر او يدعوا الى مظاهرة في السجون و أحمد عز و ابو العنين و جمال مبارك و يمكن ايضا ان يكون مبارك نفسه خارج السكون... شكرا سيادة الوزير و شكرا لك ياشعب مصر انك اجلسته على الكرسي و الشكر كل الشكر لك يا شعب على سكوتك و هذا حدث في ما لا يقل عن شهرين ماذا سيكون الحال بعد سنة. يارب اللي بيردد كلام مش فاهمه عن ان المظاهرات خربت البلد و ان الثورة في امان يتقي الله و يشوف فين خراب البلد الحقيقي و ثورة ايه في الامان و يفتكر قبل ما يرد او يعلق ان فيه اهالي دلوقتي فقدوا اعز ما عندهم عشان نمارس الحرية و نتحرر و احنا اللي بنحنث بدمائهم و عشان نروح نجيب اللي يقمعنا من تاني

Manmohan said...

"وبقيت انا الوحيدة اللي لسه باقول ان المجلس العسكري حسن النية ولسه مساند للثورة "
----------
للأسف انتى مبالغة جدا فى حبك للجيش ، وفى حين اننا بنحاول نفهم الناس البسيطة عشان يشيلوا من دماغها العلاقة الأبوية بين الشعب وحاكمه ، ييجوا ناس من ثوار التحرير مش قادرين يتخلصوا من العقدة دى !!!!

بساطه said...

بصراحه يانواره مش عايزه فكاكه يعني ان ده جس نبض .. لان الخبر اتقال علي الهادي الاول وبعدين النهارده في الصفحه الاولى للمصري اليوم .. وبكره الجيش قاعد على قلبنا بناءا على رغبة الجماهير .. والناس عايزه الجيش يعد بجد .. ادمنوا القهر بعيد عنك .. انا شفت واحده مثقفه ودماغها نضيفه بتقولي انا عايزه واحد من الجيش يستقيل ويرشح نفسه لرئاسة الجمهوريه .. رقعت بالصوت يااختي .. يانااااس انا ابن ظابط جيش واتربيت في مدينه سكنيه للظباط ... ظابط الجيش لما يستقيل مش هيتحول يبقى مدني .. بيفضل ظابط جيش حتى لو اشتغل خاطبه مالوش دعوه .. ده واحد طلع من الثانويه العامه علي الجيش مايعرفش حاجه تانيه في حياته غير كده وبجد ليهم طريقه مختلفه في المعامله مع الناس وبينضحك عليهم ويتنصب عليهم وهما فاكرين روحهم فاهمين اخر حاجه .. وده لان خبراتهم الحياتيه اقل من غيرهم .. ولو واجهتهم بالكلام ده هيشتموني ومش هيصدقوني وهيقولوا عليه عيل تافه .. انما انا معجون في مجتمع ظباط الجيش منذ الطفوله .. واغلبهم يخرجوا من الخدمه يايعملوا مشروع فاشل يايتنصب عليهم..

Anonymous said...

لماذا تقدمت الاحزاب الى انتخابات نوفمبر الماضى التى كانت قابلة للتزوير و بعد الثورة تتدعى نفس الاحزاب انها غير مستعدة لاجراء انتخابات الان ؟؟؟؟

المهدى said...

أعتقد أن العكس هو الذى حدث ( خدى منى يمكن كلامى يفسرلك تباطؤ الجيش ) تلقى المجلس مجموعة نصائح من أمريكا وأيدها عدد من الليبراليين المصريين ورجال الأعمال إياهم بهدف إستمرار النظام بعد المخلوع ومفادها الأتى
1-لابد من تقصير الفترة الإنتقالية لأن تواجد الجيش سيوحى بحكم عسكرى قادم تهرب منه الإستثمارات ( والبلد تجوع
2-عدم اللجؤ لمحاكمات إستثنائية وتفعيل القانون والدستور القائم لنفس السبب ( الخوف من شبح الحكم العسكرى ) وبرضه البلد حتجوع
3- عدم إجراء تغيرات جذرية فى الهيكل الإدارى مما يؤدى إلى فراغ إدارى وفوضى أضيفى إلى ذلك عامل السن والبعد عن الحياة المدنية والطبيعة الإصلاحية وعدم الرغبة أو الطمع فى الحكم لدى جميع أعضاء المجلس
يعنى مربوطين بثلاث عقد أمريكانى وعقدة محلية ومطلوب منهم إدارة مطالب ثورة جامحة ووضع سياسى تقوده نخب غاية فى الإنتهازية والإنحطاط

المهدى said...

كمان المجلس العسكرى أضاف عقدة خامسة أثناء خلع مبارك وهى التعهد له بالحماية ( يمكن حلفوا له ) وده سبب قمصتهم من هيكل حين حاول أن يحلهم من هذا القيد وتوابعه من حماية بعض الشخصيات التى قد تكون لعبت دور شاهد ملك فى قضية خلع مبارك بدون حرب أهلية بالسلاح الثقيل ( يمكن زكريا عزمى مع الحرس الجمهورى ) يمكن أحمد شفيق لعلاقته بمبارك يمكن كمان المناوى وتمكينهم من الإعلام فى أواخر عهد المخلوع
أيا ما يكون هناك مؤسسة وحيدة قائمة تعرف معنى ثوابت وطنية وأمن قومى وأمامها مؤسسات ونخب فاسدة منهارة ولا تعرف حتى مصلحتها المباشرة يبقى تقعد لحد اللى حواليها مايقف على رجليه خدت يوم خدت سنة تقعد الديموقراطية مش غاية الدولة هى الغاية والديموقراطية هى الوسيلة للحفاظ عليها طبعا بعد قيامها
والدليل على تخبط النخب والقوى الوطنية هو أن الإخوان هم أول من طلبوا من المجلس أن يبقى والبرادعاوية هم أول من طلبوا منه أن يرحل ثم أكتشف الجميع أنهم يسيرون فى الإتجاه العكسى لمصالحهم المباشرة فعملوا البلنس إياه فى إستفتاء كاميليا
بلاش قوى وطنية خلينا فى مفكريين كبار وأرجوك راجعى مقالات فهمى هويدى منذ بداية الثورة وراجعى مع بلال فضل لقائه مع المجلس العسكرى وكيف كان مصرا على ضرورة المحاكمات الإستثنائية للقضاء على فلول الوطنى وعناصر الثورة المضادة ثم إنقلابه الحالى وإنكاره التام لوجود أى فلول أو ثورة مضادة
والنبى العسكر بتوع الحرب والأوامر اللازمة النفاذ والمكبلين بقيود خارجية وداخلية حين يشاهدون ألاعيب النخب الرخيصة ياخدوا أى إتجاه ويسمعوا من مين حيقفوا مكانهم وده اللى كلنا شايفينه وشاهدين عليه

Anonymous said...

ادي بقه آخره اللي ما يسمعشي برامج التوك شو :)
يحيى الجمل مكلف بما لا يقل عن 60 في المية من ملف تغيير الوجوه في مصر، في النلفزيون والصحافة وحقول اخرى، الكورة حاليا واقفة عنده، وهو ما بيشوطش، والمدرب مش راضي يغيره، والحكم ما بيقولش حاجة..!
أظن فاكرة طبعا لما قال تغيير القيادات الإعلامية على يوم الأحد بالكتير، يوم الأحد ده هو اللي بعد الاستفتاء على طول..!
وبخ من ساعتها

Unknown said...

أختي اللي بعزها نوارة
في موجة تخويف للإسلاميين من الدولة المدنية والليبرالية
وبعدين موجة تخويف للناس ومنهم الأقباط من الإسلاميين
وبالتالي يصبح الحل الوحيد عند الكل هو الحزب الوطني
بصي الخبر ده
http://www.youm7.com/News.asp?NewsID=377800&SecID=65&IssueID=160
لازم نحذر بعض ونفوق لنفسنا
ده غير إن يحيى الجمل عمال يقول حاجات لوحدها تعمل مشاكل مرة يقول نصالح الفاسدين وناخد منهم فلويس ومنحاسبهمش
ومرة يقول المادة التانية مش عارف إيه
الأهرام وبعض الصحف القومية والخاصة بتلعب دور قذر في الموضوعده
يقولك واحد قطعوا ودنه بيطبقوا عليه الحد
ومفيش حد بالمنظر ده..فالأقباط يزعلوا
وبعدين يقولك الأنبا شاروبيم قال كلام مش كويس ومتطرف .. فالإسلاميين يزعلوا
وبعدين يقولك الناصريين بيقولوا مش عارف إيه
بصي كده نتانة الاهرام
http://gate.ahram.org.eg/NewsContent/5/35/53250/53250/المحافظات/أخبار-وتقارير/ناصريو-قنا-حرب-الحواجب-والشنبات-أبشع-من-قطع-الأذن-.aspx
لازم الغعلام يتطهر لإن القضاء على الثورة منه

بنت من الزمن ده said...

السلام عليكم أستاذة نوارة
أنا عارفة انك بتقري التعليقات اللي بتجيلك كلها
انا ف كلية صيدلة جامعة طنطا.أول ما دخلت الكلية قالوا لنا ان في قسم خاص ف الكلية ب 10000 جنيه ف السنة وبيمنح درجة البكالوريوس ف العلوم الصيدلة الصيدلة الاكلينيكية.ودي شهادة متميزة عن النظام العادي اللي هي بكالوريوس العلوم الصيدلية بس لأن النظام العادي مش بيدرسوا كل مواد كلينيكال.دخلنا وكنا اول دفعة ف الصيدلة الاكلينييكية جامعة طنطا وحاليا احنا ف تاني سنة.
بعد الثورة ومع كل المظاهرات الفئوية اللي شغالة طلبة صيدلة طنطا عاملين اعتصام عشان يتكتب لهم كلمة صيدلة اكلينيكية ف الشهادة زينا.وجمعوا 3000 توقيع على مطالبهم دي.
احنا مش عارفين احنا ايه موقفنا ف الموضوع ده احنا دفعنا فلوس -مع اننا جايبين مجموع صيدلة ف الثانوية العامة-عشان ناخد شهادة احسن وف الاخر هما يتساووا بينا.احنا مش ضد انهم يتكتب لهم كلينيكال بس يدونا فلوسنا اللي دفعناها ومش ندفع فلوس تاني.
أستاذة نوارة انا عارفة ان الكلام ده مالوش علاقة باللي انتي كاتباه
بس انا عارفة انك ممكن توصلي الكلام ده لاي حد مهتم من خلال جريدة الدستور أو .قناة التحرير.لأن ده من الفساد اللي كان حاصل ف النظام السابق واتجاه هاني هلال لخصخصة التعليم

Unknown said...

يا نوارة هى حكاية تاجيل الرئاسة ل2012 دى صح ولا ايه ؟؟؟ ولمصلحة مين يعنى ايه البرلمانية تتعمل فى سبتمبر والرئاسية تتعمل فى 2012 ؟؟؟؟ حالة الغموض اللى الجيش فيها فيها دى جابت لنا ارتكاريا لازم يفهموا انهم بيتعاملوا مع شعب يعنى مدنيين يعنى ناس محتاجة تفهم مش اسرار حربية يعنى وهيخبوها علينا ليه التأخير فى اعلان البيان وسقوط دستور 71 لو مش عايزين قاق فى البلد فعلا يبقى يطمنوا الناس طمنوا الناس وارحموها ربنا يرحمكم

Anonymous said...

http://www.facebook.com/event.php?eid=199483743407705

مليونية انقاذ الثورة , الجمعة 1/4/2011

بهيج الشرير said...

والنبي ياأبلتي أنا عندي سؤال! هل صحيح أن بعد الثورة سوزي بردعة أميرة الشفط الجبار بطلت ترفس وتشخر وهي نايمة بعد ماراحت شرم الشيخ

صمت الحملان said...

ازيك يا نوارة ربنا معاكي يحفظك ويعينك انا شاركت بالتوقيع في الطلب دا مع اني حاسة انها اشتغالة زي موضوع الاستفتاء دا عايزين يهدوا حيلنا وييئسونا علشان اللي حيتحاسب هيوقع اللي معاه كلهم وهيكون عبرة للي ييجي بعده وهم مش عايزين كدا وبالنسبة لتسريبات ويكيليكس انا حاسة انها اشتغالة برضه لانها بتطلع علي حسب مجريات الاحداث هي امريكا مش عارفة بالمظاهرات من زمان بس اتفاجأوا من حجمها الشعبي وهم عايزين تفضل مصر تحت الحكم العسكري علشان كدا لازم نفضل ضاغطين حتي تتحق المطالب كلها بالضبط زي ماقولنا من غير لف ودوران

صمت الحملان said...

ازيك يانوارة ربنا معاكي ومعانا في الاشتغالات بتاعتهم مرة استفتاء ومرة توقيعات ما يجيبوا من الاخر ويقولوا انهم عايزينا ننزل التحرير تاني مش هما عايزين يعرفوا رأي الاغلبية يبقي مافيش غير التحرير تخليهم يختشوا ويحسوا علي دمهم

Unknown said...

لل

Unknown said...

قبل ما أقرأ مقالك قرأت المقالات ده فدمي أتحرق والله
ده أول مقال

وزير العدل:تشريع جديد للتصالح مع رجال الأعمال المتهمين..والدولة سترث الرئيس السابق!

http://dostor.org/politics/egypt/11/march/27/38936

ردي عليه
يا ريتني كنت حرامي كبير علشان البلد دي بتحمي الحرميه
وعلى قانون تجريم التجمهر بيقول عليه انه قانون للقضاء على الثورة المضاده
طيب لما نعمل ثورة مش مضاده ندعوا ليها أزاي أزاي ولا نسكت تاني عن كرمتنا ونقول وهقلوا كمان بدل ما تنزل قانون يحجم المظاهرات زي ما بتقول الأولى إنه ينزل قانون يحجم الأمن الوطني إلي هو متمسك بيه ده بشده أوي كده

ردي عليه انا راجع تاني الميدان تاني
هو السب في كشف الحرميه مش الثورة
والسبب في تهريب الفلوس بره مصر هو مين..حسبي الله ونعم الوكيل

http://www.almasryalyoum.com/node/376425
«الكسب غير المشروع» يتلقى تقارير عن ثروة مبارك وأسرته ومسؤولين سابقين خلال أيام

يا را جل لسه فاكر ده فات شهرين يعني زمان الفلوس بقت في خبر كان
لأ وإيه خلال أيام حاجه تشل والله ... مين السبب مين السبب في عدم تجميد الفلوس لحد دلوأتي مين مين المسئول وفي مصلحة مين
علشان كده انا نازل الميدان تاني

وشوفي ده كمان
http://elbadil.net/%D8%A3%D8%B9%D8%B6%D8%A7%D8%A1-%D8%A7%D9%84%D9%88%D8%B7%D9%86%D9%8A-%D9%8A%D8%A8%D8%AF%D8%A3%D9%88%D9%86-%D8%AD%D9%85%D9%84%D8%AA%D9%87%D9%85-%D8%A7%D9%84%D8%A7%D9%86%D8%AA%D8%AE%D8%A7%D8%A8%D9%8A/
أعضاء بالوطني يبدأون حملتهم الانتخابية في بولاق أبو العلا بتوزيع كراسات عن تطهير الحزب

الحزب ده لازم يموت لازم يموت لإنه كان مموت مصر ومموت شباب مصر وكل إلي عايز يسرق كان بخش فيه علاطلول ...لمصلحة مين بقاء الحزب ده لمصلحة مين ردوو.. مين المسئول مين

وشوفي ده كمان
http://elbadil.net/%D8%A7%D9%84%D8%AF%D8%A7%D8%B9%D9%8A%D8%A9-%D8%AD%D8%A7%D8%B2%D9%85-%D8%B4%D9%88%D9%85%D8%A7%D9%86-%D9%8A%D9%87%D8%A7%D8%AC%D9%85-%D8%A7%D9%84%D8%A8%D8%B1%D8%A7%D8%AF%D8%B9%D9%8A-%D9%88%D9%8A%D9%82/
الداعية حازم شومان يهاجم البرادعي ويقول: دولة مدنية يعني أمك ما تلبسش حجاب
قال إيه أن مصر بتحكم بشرع ربنا فين فين ياعم
أه صحيح دحنا بنحكم بشرع ربنا في الجواز ولاطلاق وإيه كمان والمواريث وإيه كمان .... وإيه ها مش سامع سكت ليه .. هي حيتنا جواز وطلاق ومواريث
متكلمتش ليه علن عقوية السارق في الشرع هو قطع الإيد .. أنما حاليا أحنا بنبوس إيده علشان يرجع الفلوس ..
متكلمتش ليه عن القروض الكتير إلي أتسرق بيها شعب مصر كله وكلها قروض وعارفين طرق سداداها ازاي
يا عم متكلمتش ليه عن الرشوه ومتكلمتش ليه عن الكوسه ومتكلمتش ليه المحسوبيه ومتكلمتش ليه الإحتكار ومتكلمتش ليه عن وعن وعن .... وكل ده تم في وجود الماده التانيه

وشوفي ده كمان
يحيي الجمل يحرض المذيعين علي قتل المناوي
http://elbashayeronline.com/news-133164.html
أهو ده إلي باقي من حكومة شفيق ... لأ تؤاخذوه على كلامه

حسبي الله ونعم الوكيل

بصراحه انا قرأت المقالات دي قبل ما أخش على الجبهة ودمي أتحرق
وعلشان كده أنا نازل تاني الميدان
وأعذريني في مسئول انا سلمته رقبتي
ورغم كده هو مش مقدر كده
ويلا
هروح الميدان وكفني في إيدي
سلام

واحد مش فاهم حاجة said...

احنا اتضحك علينا يارجالة فيه ايه مش احنا قولنا نعم عشان الجيش يمشي ازاي بعد كده في مصادر بتقول على اكتر من موقع ان الانتخابات الرئاسية هتبقى في يونيو 2012 اما ليه عملوا استفتاء امال لوكنا قولنا لا كان ايه الي هيحصل ده يعتبر كان الجيش رما بنتائج الاستفتاء في الزبالة ليه التباطوء الذي يوحي بالتوطىء على راي عبد الحليم قنديل ليه حاسس اني مفيش حاجة اتغيرت كل حاجة زي ماهي كل القيادات زي ماهي ليه الفلوس مرجعتش ليه رشيد المحاكة هتبقى موجهة ليه عشان انه متهم بسرقة 9مليون الرقم صحيح 9 مليون بس والله انا زي نوارة مش يشكك في الجيش انا بس مش فاهم حد والنبي يفهمني ينوبكم ثواب

واحد مش فاهم حاجة said...

احنا اتضحك علينا يارجالة فيه ايه مش احنا قولنا نعم عشان الجيش يمشي ازاي بعد كده في مصادر بتقول على اكتر من موقع ان الانتخابات الرئاسية هتبقى في يونيو 2012 اما ليه عملوا استفتاء امال لوكنا قولنا لا كان ايه الي هيحصل ده يعتبر كان الجيش رما بنتائج الاستفتاء في الزبالة ليه التباطوء الذي يوحي بالتوطىء على راي عبد الحليم قنديل ليه حاسس اني مفيش حاجة اتغيرت كل حاجة زي ماهي كل القيادات زي ماهي ليه الفلوس مرجعتش ليه رشيد المحاكة هتبقى موجهة ليه عشان انه متهم بسرقة 9مليون الرقم صحيح 9 مليون بس والله انا زي نوارة مش يشكك في الجيش انا بس مش فاهم حد والنبي يفهمني ينوبكم ثواب

hardway said...

ياأرق نـــــــــوارة..أمنيتها نزول التحرير
انا بشكر بقدونس...مفيش تحرير تاني...
مفيش نزول تاني
بـس خـــــــلاص
لو مذنوقه اوي في نزول التحرير........
ممكن مترو الانفاق محطة أنور السادات......

بنت الصالحين said...

موافقة كلامك جدومعاكي اني لسه مساندة الجيش بس عايزين فعل علشان نفضل نساند كمان فعلا فيه تباطؤ كتييييير اووووووووي


فالله المستعااان

حاسة ان لو طنطاوي مشي هيظهر الجيش المصري بحق

تم المشاركة في حملة التوقيعات

mlk84 said...

يعنى ايه يا نواره الكلام ده انا اعصابى تلفت فين مجلس امناء الثوره وفين الناس الشريفه اللى ملهاش مصالح انا خلاص قفدت الثقه ف شباب الائتلاف وابراهيم عيسى واللى اسمهم نخبه دول لازم ترجعوا انتى وكل الشرفاء تفهموا الناس تانى مفيش حد هينزل الجمعه اللى جيه لان مفيش حد عارف ولا فاهم اللى بيحصل ده

نسيم الفجر said...

انا مبقتش فاهماكي يا نوارة بجد !! وكلامك بقا بيجيبلي شلل زي بطء المجلس العسكري تماما !! ايه حسن الظن المفرط دا وكل حاجة بتقول أنه مش في محله خالص !! دول حتى مبقوش يهتموا يوضحوا حاجة للناس تفتكري دا معناه ايه !! أيا كان المجلس متواطىء ولا بطىء بحسن نية زي ما بتقولي فحسن نيتهم دي هتودينا في ستين داهية دا بفرض حسن النية اللي استبعدها تماما.واخر حاجة يا نوارة ياريت تحطي ملف التوكيل على هيئة ملف وورد عشان الصورة وحشة قوي في الطباعة

Unknown said...

ماحدش فهمني ان امريكا عايزة الجيش يقعد

امريكا نفسها هي اللي فهمتني انها عايزة الجيش يقعد

http://www.diigo.com/annotated/0f2c8a7f74aaa65a0dda457816f139d7#axzz1HpKcM6SI

شمس العصارى said...

" الشعب ده اللي لا حيبقى عنده مقعد في البرلمان ولا هو مرشح للرئاسة وهو اللي عمل الثورة، ماحدش بيحاول يسأله ليه؟"


الشعب ده هو المهضوم حقه وخصوصا اللى شاركو فى الثورة سواء فى القاهرة او غيرها وخصوصا السويس
مستعد اقسم انى اصحاب التحرير الحقيقيين واللى تحملوا عبئ الاعتصام وخصوصا الاربعاء الدامى وليلة الخميس العصيبة ان كل دول محدش يعرفهم ولا بيطلعوا فى اعلام ولا ايدوا الالاتلاف ولا الاتحاد ولا حد يقدر يجمع ربعهم حتى فى مكان واحد .... لانه ببساطة الناس دى من المصريين العاديين الغلابة - مش فى الفلوس بس - الغلابة عموما فى الحياة واللى ميعرفوش نت ولا فيش يوء واللى كلهم مشيوا من التحرير يوم 12/2
الناس دى اصحاب حق كبير اللى دلوقتى النخبة متنغنغة فى حلوياته وناصبه
يلا ربنا موجود

شمس العصارى said...
This comment has been removed by the author.
hardway said...

ياأرق نـــــــــــــوارة.......
أنا حزين..مش مصدق..ولا يمكن أصدق
معقولة..نوارة....نــــــــوارة
تطلب شئ ...ويتأخر التنفيذ الفوري
توقيع 13685
يعني 443 زيادة بعد 24 ساعة......
ده أسلوب..ده أقتناع..ده كلام..
فين ..هوبا شباب
ايه يانوارة فقدت برستيجك....
ولا الناس دي مش ثوريين...ولا تحريريين
أحسن يكونوا مصطفي محموديين....
نــــــــــــــــــوارة
عايزة تريحي نفسك وتريحي اصحابك...
أسالي ست الكل..كل الكل...
هيـــــــــــــــلاري......
جوالك فيه دولي ..تليفونها يبدأ برقم001

hardway said...

ياأرق نـــــــــــــوارة.......
أنا حزين..مش مصدق..ولا يمكن أصدق
معقولة..نوارة....نــــــــوارة
تطلب شئ ...ويتأخر التنفيذ الفوري
توقيع 13685
يعني 443 زيادة بعد 24 ساعة......
ده أسلوب..ده أقتناع..ده كلام..
فين ..هوبا شباب
ايه يانوارة فقدت برستيجك....
ولا الناس دي مش ثوريين...ولا تحريريين
أحسن يكونوا مصطفي محموديين....
نــــــــــــــــــوارة
عايزة تريحي نفسك وتريحي اصحابك...
أسالي ست الكل..كل الكل...
هيـــــــــــــــلاري......
جوالك فيه دولي ..تليفونها يبدأ برقم001

FIFA said...

بارك الله فيكِ يا نوارة و نور طريقك وبصيرتك دايما وجزاكِ خيرا على التوعية اللى بتحاوي تنشريها
--
هاقولك ملحوظه سمعتها من الناس على التوكيلات اللى بنجمعها لمحاكمة الثلاثي المرح :
بيقولوا ان التوكيل لازم يكون فيه شرط ان المحامي ما يعملش مصالحه الا لما يرجعلنا .. ايه رأيك فى الكلام ده ؟

Unknown said...

فلوس مصر ضاعت في انجلترا والفاعل مجهول

محمد الأشول

اصدر جهاز الكسب الغير مشروع بيانا نفى فيه ما نشر اليوم في بعض الصحف عن تأخر الجهاز في إصدار طلب التجميد لأموال الرئيس السابق حسني مبارك .

وكانت صحيفة الأهرام نشرت تقريرا في الصفحة الأولى أكدت فيه على أن بريطانيا قررت إغلاق ملف استرداد الأموال المصرية من البنوك البريطانية بسبب تأخر طلبات التجميد من قبل الحكومة المصرية .

وكان المسئولين في وزارة الخزانة البريطانية أكدوا على أن هذا الواقع سوف يسبب إحباطا لدي المصريين‏‏ ولكن ‏ لم يكن‏ بوسع الحكومة البريطانية أن تفعل شيئا لأسباب قانونية‏.‏ وقال لقد طلبنا كثيرا من السلطات المصرية أدلة قاطعة تمكننا من اتخاذ إجراءات قانونية تتعلق بتجميد الأرصدة لكننا لم نحصل عليها‏ .

المراقب

حسبي الله ونعم الوكيل

http://www.almorakeb.com/sys.asp?browser=view_article&ID=4905

والفاعل مجهول

hardway said...

صحيح نسيت أسالك....................
هو بلال فضل..فـــــــــــــــــين.؟؟
لما تعرفي تكلميه .. سلميلي عليه
تصبحي علي مليــــــــون توقيع
تصبحي علي خير

rahrom said...

الجيش طلع بيان تكذيب لخبر انه قاعد ل2012 الحمد لله بس برضه لازم توعية ومن دلوقتى بكل المصايب اللى احنا فيها محدش عاوز ينزل لان كله رجع يدور فى ساقية المعيشة فين صفوت حجازى وانت وبلال فضل اتكلموا فى اللى بيحصل وفهما الشباب والناس الغلابة اللى اتعشمت بمستقبل احسن لةلادها مافيش فلوس للاننا اتاخرنا فى طلبها خيرى ورمضان ماشيين لكن المناوى وسامى الشريف قاعدين لانهم كالعادة بيضحوا بالجنين علشان ال..غولة تعيش والحزب الواطى راجع اهوه وعمر موسى بينسق معاه واللعب بالمحاكمات ابتدا وخيجة الجمال اتطلقت علشان يتهربوا من الحجز على الاموال ووووووووووووووووو العاب المحامين الرخيصة ابتدات وظهور الملاعين دول كتر وعلى عينك ياتاجر علشان الناس خلاص مفعول المخدر بدا يسرى تانى فى دمهم وانا لله وانا اليه راجعون

Anonymous said...

الاستفتاء كان من أجل تفريغ طاقة الشعب و توجيهها لصناديق الإقتراع عشان يخلصوا من المظاهرات المليونية والناس تنشغل بنعم و لا ويحدث تفتيت و تشرذم فى جبهة الثورة ويطلع فى الآخر أن نعم زى لا مالهمش لزمة واضح أن ترك التحرير كان قبل الأوان.

Unknown said...

الرقم 01517934676
بتاع العاشر من رمضان
مش 37

المهدى said...

معلش اللينك حالف ما يفتح معاى ممكن المساعدة على فكرة أنا قولتلك أقنعك مش فهمك ويمكن يقنعنى أنا كمان ويا ريت تكونى قريتى باقى الكلام لإن ده التفسير الوحيد أمامى لهذا التباطؤ وإلا تبقى مصيبة ويبقى حبنا للجيش فعلا من طرف واحد

أرنوب said...

اهم كدبوا تأجيل الرئاسة لسنة 2012
صدقتوا بقى انهم بيستشيرونا؟
بمعنى أنهم سربوا الخبر كنوع من (جس النبض) كما كتبتي من قبل .. ماشي .. الخبر إتنشر النهارده الصبح ونفوه النهارده بالليل .. يعني مالحقش يوصل لهم أي رد فعل شعبي واسع عليه .. اللهم إلا رد فعلك أنتي الذي كتبتيه في مدونتك رافضة تطويل مدة بقاء الجيش .. يبقى كانوا بيستشيروكي إنتي بس .. الظاهر مدونتك دي حتربيلي الخفيف بدري بدري

iman said...

مممممممممممممموا ديه بوسة كبيرة ليكى يا نوارة

ربنا ينصرنا...يا رب

متغربه said...

الي الاخت بنت من الزمن ده انا صيدلانية بس دفعة 99 و اكتر حاجة سائت التعليم المصري و بالذات الطبي حكايه الاقسام الخاصة دي و علي فكرة الكلينيكال ده لو انتو محروقين عليه قوي و مش عايزين الغلابه ياخدوه في فكره ظريفه جدا روحوا خدوا فلوسكم من اداره الكلية و سيبوا العلم للكل اصله مش للي معاه و بس و اللي عايز حاجه خاصة يا مكتر الجامعات الخاصه انما جامعات مصر لكللللللللللل مصري كفئ مش لكل مصري معاه فلوس و احب ابشركم ان الاقسام الخاصة هتتلغي لئنها غير عادله و اكيد تخل بمبدأ تكافؤ الفرص علي فكره انا و الحمد لله من اسرة ميسورة يعنى ما بنفسنش

Ahmed Mohamed said...

ايه لا زي نعم ونعم زي لا

اولا محدش كان مفهمنا ان الدستور القديم
سقط
لانه هههه معطل
وبالبديهي كدا لما يعملو تعديلا في مواد
ويطلع لنا ناس تجاهد في سبيل الماده التانيه ويفهمو الناس ان دي حرب الماده التانيه من الكفره المسيحيين
يبقي بديهي بردو نفهم اننا هنرجع لدستور 71 بتاع الفرعون السابق
وقلنا لا عشان ميجيش رئيس يفصل علي كيفه دستور وادينا مثال وقلنا مش هنسلم ذقننا
حتي انتي اتريقتي ع الراجل الي قالك سبعين في الميه تقريبا
ثانيا محدش جاب سيرة اعلان دستوري دي خالص
علي الطلاق ماسمعتها
وكان الاولي
المجلس
ينزل في الاهرام
الاخبار
الجمهوريه
http://www.ahram.org.eg/Egypt/News/67735.aspx
ماذا بعد لا وماذا بعد نعم
مش يسيبنا نلطش في بعض
ونسمع خمسمية الف راي علي القنوات
واذا كان نعم زي لا يبقو عملو ليه الاستفتاح ده اصلا وعايشونا في حالة غيظ من غزوة الصناديق
وعرفنا قدرنا نحن الكفره
واحنا بنغير علي دينا من اكتر واحد بدقن وعامل فيها خضره الشريفه
دا حتي الدقن عنصريه وتميز ومش تدين ولا ليها علاقه بالدين ولما الواحد يكبر بتكون سنه

وننام ونقوم نقول للناس ماهي لو نعم في مصلحة البلد يبقي المجلس مكنش غمل استفتاء اساسا

من الاخر الجيش عايز يخلع وعايز يعمل الصح وعايز الخير لمصر
بس مش عارف يعملها ازاي
والي بيشورو عليه تايهين

Ahmed Mohamed said...

http://www.ahram.org.eg/Egypt/News/69525.aspx

طب والنبي دا هيكون علي علاقه مع فتااااااه مسلمه
دي شوية بلطجيه حبو يصيعو علينا والله وفي ناس بتستغل الظروف
وناس بتاكل عيش من الكلام ده وبالكلام ده

سؤال صعب
هو احنا ليه كمسلمين
بنزعل اوي لما واحد مش مسلم يعاكس بنت مسلمه مع اننا بنتحرش بالمسلمات اساسا
وبعدين البنت الي عايزه تمشي في الحرام مش هتفرق بقي مع مسلم ولا غيرو
المهم انه حرام يبقي نعاقبها علي الحرام مش نعاقب دين بمعتقديه او معتقديه

Sameh Elsawy said...

مديرة مدرسة تمزق صور الشهداء أمام الطلاب وتصفهم بـ"اللصوص"
من اسبوعين تقريبا حذرت من غير محاكمة حسني مبارك وجمال مبارك وزكربا عزمي وصفوت الشريف فعلي الثوره السلام وسياتي يوم يقال علي شهدائها خونه وارهابيين
والان تعالو نقرا الخبر ده
http://klmty.blogspot.com/2011/03/blog-post_9057.html

mohamed said...

اريد فقط ان اعلق على الخبر الذى اوردت المصرى اليوم عن النيه لتأجيل انتخابات الرئاسه ... اعتقد انها كانت تريد توجيه الراى العام وليس لان الجيش تجس بنض الناس ... هى تريد فعلا ان تتأجل الانتخابات وتخلق رأى عام لذلك من خلال طرح الموضوع وابراز اراء لنخبه سياسيه لها وزنها فى الشارع ويعطى مبررات مقنعه لكثير من الناس ثم تتبنى الناس هذه الفكره .. اعتقد ان المصرى اليوم انحرفت عن مسارها الذى نشأت من اجله وهو الاعتدال فى تبنى الافكار وطرح وجهات نظر الناس الحقيقيه واعطاء لكل طرف حجمه الحقيقى..ز انا مقاطع المصرى اليوم .. واليوم السالع ...والتلفزيون المصرى

Sameh Elsawy said...


اذا ماكانش حد قادر يشيل سامي عبدالعزبز واللا عبداللطيف المنياوى, تفتكر حنقدر نحاكم مبارك وابنه وزكربا وفتحي وصفوت.
كل اللي بيتحاكمو دلوقتى همه من حرس ومجموعة جمال مبارك فقط, الحرس القديم اساس الفساد لم يقترب منه اي واحد غير علي صفحات الجرائد وبالتصريحات.

•التعديلات الوشيكة في المؤسسات الصحفية القومية
•تغييرات غير بريئه همه سايببن لينا لمؤاخذه خذوق في كل مؤسسه عشان برضو يسيطرو عليها, يحي الجمل لازم يمشى.

Sgheita said...

انتي بتهزري صح؟! فرحانه قوي بالبيان الخايب ده ! انتي عارفه كويس انهم عايزيننا نفرح انهم ماشيين ده لو ماشيين اصلا و ننسي موضوع مبارك و الثلاثي المرح. مش بعيد يلفقولنا مصيبه بعد شويه و يقولوا نمشي و نسيبكوا إزااااااااااي!!!!! نواره مالك؟

FATMA said...

اعتقد ان الضمانة الوحيدة لكل شئ وعي المصريين وهذا يتم من خلال توعية الناس وجها لوجه لو الناس فاهمة لايهمنا امريكا ولا اي حد

Argenda said...

لو ممكن توصلي للمجلس العسكري صوت أهل محمد الجندي من شباب 6 ابريل معتقل من يوم 9 مارس و هيتحاكم عسكري يا ريت بس أي توضيح لأهله
لينك لصفحة 6 ابريل عملاها له
http://www.facebook.com/?sk=lf#!/pages/%D8%A7%D9%84%D8%AD%D8%B1%D9%8A%D8%A9-%D9%84%D9%85%D8%AD%D9%85%D8%AF-%D8%A7%D9%84%D8%AC%D9%86%D8%AF%D9%8A/198657986831919?sk=info

Unknown said...

الحكومة تُسوّي معاش «مبارك».. وغموض موقف مستحقات «وزراء الأسبوع الواحد»

كيوبيد said...

نواره بجد بجد انا زعلت منك مش ده الى كانت منتظرو منك النخبه هما الى بتوع امريكا؟؟؟؟؟؟؟؟؟؟؟؟؟؟؟؟؟؟؟؟؟؟؟؟ حرام عليكى والله حرام عليكى هو احنا علشان طلبين شوية وقت ان كان فى حضور الجيش او بعد ما يمشى بقينا بتوع امريكا والاجنده؟؟؟؟؟؟؟؟؟؟؟؟؟؟؟؟؟؟؟؟لاانا ضد ها الكلام وخاينا نتكلم بكل صراحه الناس ايه بتوع الجماعه ومن اتبعه بيلعبو لعبه خطر جدا جدا علينا وعلى الاجيال القادمه انا معكى وابصم بالعشره ان المدرسه الاسلامى فى السياسه مدرسه من اهم المدارس فى الشرق بس بلاش تدخلو الدين بطريقه الى هو منه برى وتشحنو الفقراء والبسطاء وكلام عليهم كتير وكل يوم نشوف لهم جريمه تحت اسم الحد والقصاص وانتى وانا اسف بكلامك ده كانك بتقولى على كلامه امين انتو الصح وباقى البشر دى خونه وبتوع امريكا واسرائيل

Anonymous said...

للمجلس العسكرى : الشعب المصرى,لا يهتم بالتحليلات لموقف الجيش..,مايهم هو الأفعال..,أسرعوا,وفورا,بتحقيق مطالبه,لأنه أمنكم عليها,يوم الحادى عشر من فبراير,وإلا فأنتم تخاطرون,بقيام ثورة ثانية.. د. شريف عبد الحكم

utopia said...

الشعب المصرى بيساند الجيش اهو
http://www.facebook.com/event.php?eid=199483743407705

مليونية انقاذ الثورة , الجمعة 1/4/2011
ما عادش ليه حجة

Anonymous said...

للمجلس العسكرى : الشعب المصرى,لا يهتم بالتحليلات لموقف الجيش..,مايهم هو الأفعال..,أسرعوا,وفورا,بتحقيق مطالبه,لأنه أمنكم عليها,يوم الحادى عشر من فبراير..,وإلا,فالخطر هو,قيام ثورة ثانية.. د. شريف عبد الحكم

kbahey said...

ما تنسيش ابراهيم كامل الله يخليكي، مهندس التوريث و قائد القوات في موقعة الجمل

كتبت لك عنه لينكات نفصيلية امبارح

موافقك على يحيى الجمل اللي لازم يسكتوه عشان البلاوي اللي بيقولها على الاقل لغاية ما يخلصونا منه

و موافقك على معظم اللي كتبتيه، بش شوية ملاحيظ

بلاش نغمة لا بتصب في مصلحة امريكا دي و ندخل امريكا في كل حاجة

بلاش نقعد نتخيل فزاعات عمال على بطال

دة كلام مش منطقي و مش كل حاجة نعمل عكس اللي مش بنحبهم، زي ناس ما قالوا نعم عشان الكنيسة بتقول لا
نعمل اللي فيه المصلحة و مش مهم مين اتفق و مين اختلف

بخصوص حمزاوي و رشوان، هم ما قالوش الجيش يقعد سنتين، دول قالوا مجلس رئاسي من مدنيين و واحد عسكري

و ليه ما نقولش ان دة في مصلحة الثورة عشان شباب الثورة ينظموا احزاب، و يقدروا يشاركوا في العملية السياسية، بدل ما تروح للحزب الوطني و الاخوان؟

بخصوص المجلس العسكري و النخب، ما هو برضه بيسمع لشباب الثورة، فهو مش بس بيسمع لناحية واحدة

اكتبي عن الناس اللي عايزة النظام البائد يرجع في صورة احمد شفيق رئيسا، اللي مش عايزينه وزير نقوم نجيبه رئيس قال

Unknown said...

انا شامم ريحة غريبة ريحة المصرى اليوم بتاع ساويرس و مجدى الجلاد

Unknown said...

حاجة غريبة انا شامم ريحة غريبة فى التعليقات مش فى كلام نوارة اليعليقات فيها ريحة المصر اليوم بتاع ساويرس و مجدى الجلاد

Unknown said...

@Nawara

Please watch it again carefully and listen to every word he said. And don't think you can understand the army more than him.

http://www.youtube.com/watch?v=6ft3YhEShfs&feature=feedlik

salma dodin said...

shofi ya nawara el khabar dah!
http://www.dostor.org/politics/egypt/11/march/24/38799

ana et2kedt keda en kalamek sa7 we fe nas masla7etha tsawe2 som3et we soret el geesh el masri we ele ente bet2oleh tamam el tamam.........el atraf deh kolha ba2et masla7etha wa7da..........khodo balkom.

salma dodin said...

shofi ya nawara el khabar dah!
http://www.dostor.org/politics/egypt/11/march/24/38799

ana et2kedt keda en kalamek sa7 we fe nas masla7etha tsawe2 som3et we soret el geesh el masri we ele ente bet2oleh tamam el tamam.........el atraf deh kolha ba2et masla7etha wa7da..........khodo balkom.

qqq said...

ماشي يا نوارة هانم كلام جميل، أعتقد إن الأمر يحتاج لمليونية في التحرير للإحتفال بأول إستفتاء حر و مشاركة مسؤلة من المصريين الجمال بجد. و يكون الغرض تقديم الدعم المعنوي للجيش و إنهاء قصة اللجنة الثانية و الثالثة دية، لإننا سعداء باللجنة الأولى و تعديلاتها الحكيمةاللي حازت على موافقةالشعب الكبيرة، حركة الشعب و الشارع لازم تكون مستمرة و حية بصورة إيجابية و ليست بالإعتصامات ذات الأجنداتالخاصة الفئوية.كمان لازم الساحة تتطهر من اللي فرضوا نفسهم علينا و بيتكلموا ليل و نهار بإسمنا و هما أساسا كانوا حيقضوا على الثورة مثل لجنة الحكماء اللي كانت عمالة تفاوض النظام و كادت تقضي على الثورة (فاكرين ضياء رشوان على الجزيرة وهو بيقول الريس يتنازل عن صلاحياته لعمر سليمان و يكمل المدة اللي فاضلةله؟؟)، باختصار لازم نظهر تاني و نقولهم كلهم إحنا هنا و بنحمي ثورتنا و مطالبنا و مش مستعدين حد يسرقها مننا، لازم نديهةم درس جديد نعلمهم فيه إنهماتحرقوا من زمان لما استمروا 30 سنة يرغوا على الفضائيات و يشتموا في النظامبالليل و يقبضوا منه في النهار و يخدموا عليه لحد ما احنا ظهرنا و كسرنا المعادلة و صنعنا الثورة بفضل الله، نوارة لابد من مليونية إحتفالية بعد أول إسبوعين على اول عيد ديمقراطي في مصر ، لازم "نعم" و "لا" يتقابلوا و يحضنوا بعض تاني وإلا فالحيزبون و ابنها الحيلة حيرجعوا تاني في شهر او شهرين، أو سنة أو سنتين، أنا قلتها و خلصت ضميري، و أديني دبستك أهه وورينا شطارتك بأه

qqq said...

ماشي يا نوارة هانم كلام جميل، أعتقد إن الأمر يحتاج لمليونية في التحرير للإحتفال بأول إستفتاء حر و مشاركة مسؤلة من المصريين الجمال بجد. و يكون الغرض تقديم الدعم المعنوي للجيش و إنهاء قصة اللجنة الثانية و الثالثة دية، لإننا سعداء باللجنة الأولى و تعديلاتها الحكيمة اللي حازت على موافقة الشعب الكبيرة، حركة الشعب و الشارع لازم تكون مستمرة و حية بصورة إيجابية و ليست بالإعتصامات ذات الأجندات الخاصة الفئوية، .كمان لازم الساحة تتطهر من اللي فرضوا نفسهم علينا و بيتكلموا ليل و نهار باسمنا و هما أساسا كانوا حيقضوا على الثورة مثل لجنة الحكماء اللي كانت عمالة تفاوض النظام و كادت تقضي على الثورة (فاكرين ضياء رشوان على الجزيرة وهو بيقول الريس يتنازل عن صلاحياته لعمر سليمان و يكمل المدة اللي فاضلة له و المعتصمين يخرجوا خروج آمن؟؟)، باختصار لازم نظهر تاني و نقولهم كلهم إحنا لسة هنا و بنحمي ثورتنا و مطالبنا و مش مستعدين حد يسرقها مننا، لازم نديهم درس جديد نعلمهم فيه إنهم اتحرقوا من زمان لما استمروا 30 سنة يرغوا على الفضائيات و يشتموا في النظام بالليل و يقبضوا مرتباتهم منه في النهار و يخدموا عليه لحد ما احنا ظهرنا و كسرنا المعادلة و صنعنا الثورة بفضل الله، نوارة لابد من مليونية إحتفالية بعد أول إسبوعين على اول عيد ديمقراطي في مصر ، لازم "نعم" و "لا" يتقابلوا و يحضنوا بعض تاني وإلا فالحيزبون و ابنها الحيلة حيرجعوا تاني في شهر او شهرين، أو سنة أو سنتين، أنا قلتها و خلصت ضميري، و أديني دبستك أهه وورينا شطارتك بأه. سلام

Unknown said...

تسلموا يا شباب اسكندرية

Unknown said...

رسالة من سوري إلى الآنسة نوارة "ست الكل" و شباب مصر الشرفاء:
انتم شكرتم تونس وأنا أشكر تونس و... مصر.
دعوة عامة:
نتشرف بعدم دعوتكم لاحتفال سوريا القريب باليوبيل الذهبي لفرض قانون الطوارئ في سوريا.
لقد عانيتم أنتم من هذا القانون كذلك، ولكني أؤكد لكم أن القانون عندنا "أظبط بكتير" من عندكم، ففي سوريا مثلاً لا يوجد مياه أو غازات مسيلة للدموع بل يوجد رصاص حي، والشعب السوري يحلم ويطالب بالرصاص المطاطي.
أحبائي:
أنتم الآن مشغولون بـ"الهبات" التي أعطاكم إياها النظام السابق وهذا حقكم وواجبكم، ولكني أود أن أحدثكم قليلاً عن سوريا- فوطني فسيفساء جميلة؛ المسلمون من كل الطوائف والمسيحيون من كل الطوائف، وقد عاشوا دائماً بدون أي نزاعات طائفية أو دينية، ولكن وبسبب قانون الطوارئ وأشياء أخرى يطول شرحها، ضعف تأثير الأحزاب ومنظمات المجتمع المدني، وهذا جو خصب لنمو المشاعر الطائفية والأصولية. إضافة لوجود بعض القنوات المغرضة مثل صفا وغيرها.
أرجو من الجميع تقديم المعونة للشباب السوري من خلال تجربتكم الناجحة في مصر في وأد كل ما هو طائفي من خلال:
1- شتى وسائل الإعلام، فالجزيرة مثلاً كما قال أحد الصحفيين "صامدة في اليمن ونصف عمياء في الشام".
2- الدخول على صفحة الثورة السورية على الفيسبوك،
http://www.facebook.com/Syrian.Revolution?sk=wall&filter=12
والحديث عن الخطوات العملية التي قام بها الشباب المصري لإعادة اللحمة بين مختلف الأديان والطوائف.
3- وسائل أخرى ترونها مناسبة.
"عشمي" أن أجد أذناً صاغية.
تحيى سوريا ... تحيى مصر ... تحيى الحرية

قارئ مهتم said...

أولا: إلى كل من يظن أنه النخبة في مصر أرجو التخلي عن منطق التعالي على المصريين فأنتم لستم بأفضل من شلاطة بتاع الفول ولا باتعة بتاعة الجرجير ولستم أوصياء على أي مصري. هذا الاستعلاء هو نفسه منطق مبارك عندما قال أنه لا يوجد في مصر من يصلح لمنصب نائب الرئيس وهو نفسه منطق عمر سليمان عندما قال أن الشعب المصري غير مستعد للديمقراطية م
ثانيا:اظهر الاستفتاء الماضي أن كثيرا من المثقفين المتعالين على الشعب لا يعرفون معنى التصويت على رأي.فالامر ببساطة أن المصريين- كوحدة واحدة- ذهبوا الى الصناديق ليقولوا نعم أو لا فن كانت النتيجة 51% او اكتر يعني هذا ان كل مصر فالت نعم وإن كان العكس يعني انها كلها قالت لا ولا يجوز ان نقول أكثرية نغم وأقلية لا. ويجب ان تتبنى مصر كلها رأي المصريين م

بساطه said...

دايما كده يانواره جايبالنا بشاير حلوه .... الحمد لله ... يارب .... شفتي عمرو موسى امبارح على العاشره مساء والله كنت هرجع .. المصيبه انو عنده كاريزمه وده الي فارسني واي حد عايز يرشح نفسه لازم يعمل حملتين .. حمله لنفسه وحمله ضد عمرو موسي .. انا خايف من حاجه .. اؤكدلك وانتي عارفه ان لو عمرو موسى رشح نفسه النهارده هيكسب .. منه لله شعبولا .. لان الناس الي ضده مختلفين حول البرادعي والبسطاويسي ونور وصباحي .. لازم لازم نعمل حاجه في الموضوع ده .. لو الراجل ده كسب مش هستحمل

موجة said...

فعلا انا حسيت بان الجيش بيستشيرنا بس بطريقته ههههههههههه
خالص تحياتي
احمد

bilal rashdan said...

الجيش حبيبنا بس العسكر لما بيلزقو ف حاجه والنبى ولا بالطبل البلدى هنقدر نخرجهم و52 تشهد

يوميات شاب منوفى said...

http://www.facebook.com/#!/event.php?eid=144157318983551&notif_t=event_invite

يوميات شاب منوفى said...

مظاهرة مليونية لحماية الثورة

http://www.facebook.com/#!/event.php?eid=144157318983551&notif_t=event_invite

Passant said...

نوارة فيه خبر او اشاعة مش عارفة بتقول ان السلفيين بالتعاون مع بقايا امن الدولة حيعملوا مظاهرات عشان البنات اللى مش محجبة او المحجبات حجاب غير شرعى هو فيه ايه و المظاهرات ديه حتكون بكرة اى تعليق........

hosseiny shatat said...

نواره انتي تستهلي بوسه الكترونيه
انا متفق معاكي تماما للاتي
1- البهوات ال بيشككوا في الجيش مش في ايديهم حاجه الا الصراخ والعويل لان الناس يعني الشعب مصره تديهم فرصه وبيثقوا فيهم وأي حد هيشكك في الجيش هيخسر كتير جدا وبناء عليه الصح نوحد صفوفنا واقصد كل الناس بتوع الثوره ومعاهم الاسلاميين
2- البهوات ال عاملين نفسهم نخبه اول ماجت لهم الفرصه انقلبوا وانقضوا على الاخوان والقوى الاسلاميه مع ان دول كانوا داعم كبير للثوره ومعنى ذلك انهم وضحوا للكل ان الثوار انقلبوا على بعض وقطعوا هدوم بعض وده صغرنا في نظر الجيش وجرأ الفلول تشتغل وجرأ امن الدوله يشتغل وجرأ الثلاثي يتكلم وشفنا سرور مع المنافق عمرو اديب
مش كان احسن لو سبنا الاخوان يقولوا نعم براحتهم ونقول لا براحتنا ونحترم بعض بدل الحرب ال حصلت
أخطر حاجه يانواره ان الشباب ال بيتكلم عن الثوره بيثبت للكل انه مش ناضج
اهم حاجه وحدة الثوار
اهم حاجه وحدة الثوار
وبعدين للناس المعترضين على قانون الاعتصامات اقولهم
انتوا معترضين ليه ؟ هوه انتوا فاكرين انكم هتعرفوا تجمعوا الناس تاني بعد فضيحة الاستفتاء وانقسام شباب الثوره علشان معركه وهميه
وبعد ماعرف الاسلاميين نيتكم السودا معاهم وانكم بتحاربوهم زي مبارك وألعن

drweby said...

واللهِ الجيش معانا بس في 3 4 في المجلس مش معانا