Friday 25 March 2011

هم دول محبوسين ليه والثلاثي المرح برة؟

دول محابيس سجن العقرب اللي محكوم عليهم بالاعدام في قضايا فشنك زي العائدون من افغانستان والعائدون من البانيا والعائدون من البوسنة والعائدون من بيت ابوها رايحة بيت الجيران
القضايا دي كانت فساكونيا اخر حاجة، وكانت كلها محاكم عسكرية بامر من مبارك، ما عملوش حاجة، ماحدش فيهم عمل حاجة، كانوا شباب والدولة بتشجعهم في المساجد والتلفزيونات والدنيا كلها عشان يروحوا يجاهدوا، فكانوا بيلبوا الندا ويروحوا وبعد ما يخلصوا يرجعوا، يقوم ابن الواطية بعد ما يبعتهم بنفسه يعمل لهم قضية ويحكم عليهم بالاعدام
والغريب ان الاعدامات ما اتنفذتش.. ما اتنفذتش يبدو عشان ما عملوش حاجة، او عشان كانوا ماسكينهم يقرروهم: شفتوا مين هناك؟ عملتوا ايه هناك؟ طب فيه واحد سعمنا عنه اسمه كذا، تعرفه ده؟ اعصري مخك يا زينب
وكان منهم محمد الظواهري راخر اللي افرج عنه ورجع اتقبض عليه تاني عشان الحكم بالاعدام
طب انا عايزة اعرف دول محبوسين زي ما هم في قضية فشنك، بموجب محاكمة سقطت بسقوط الدستور، لأنهم مش متحاكمين بالقانون، مافيش قانون بيحاكم انسان لما بيسافر يتطوع في اي حاجة - حتى لو تطوع في القتال - ويرجع بلده يقوم يتحبس، خصوصا لما يبقى مسافر بعلم كل اجهزة الدولة مش هربان ولا مسافر بشكل غير شرعي
المواد الدستورية اللي بتعطي الرئيس صلاحيات انه يحول اي انسان مناخيره مش عاجبة سيادة الريس لمحاكمة عسكرية ويديهم اعدام عشان دمهم تقيل على قلبه، سقطت 
سقطت
سقطت
احنا اسقطناها بدمنا
اللي ما سقطش ومش حيسقط هي جرائم مبارك ومراته وولاده الاتنين وصفوت الشريف وفتحي سرور وزكريا عزمي، دي جرائم لا سقطت قبل الثورة، ولا تسقطها الثورة وعايزينهم
وعايزين الافراج الفوري عن دول، او اعادة محاكمتهم، انشالله تحطوهم تحت الاقامة الجبرية حتى، انما اعدام؟ اعدام ومبارك اللي قتل كل دول عايش في شرم الشيخ؟ وبعدين وثائق امن الدولة قالت لنا ان ما عندناش ارهاب، مبارك وجمال وامن الدولة هم اللي كانوا بيعملوا الارهاب (وكانوا بيراقبوا الجيش كمان، وكانوا بيشتغلوا مع السي اي ايه.. جواسيس جواسيس يعني) ... بقى تفتكروا دول وتنسوا اللي كان في النص؟
الا هو مبارك فين؟
مش عارفين تحكموا عليه ليه؟
مش عارفين تحكموا عليه بتهمة الخيانة العظمى؟ واحد خان شعبه، وخان قواته المسلحة، وادا امر للقوات المسلحة بانها تقتل الشعب، وده اللي خلعه من منصبه، مش دي خيانة عظمى ولا ايه؟ 
اولا افرجوا عن دول:

أسماء بعض المحكومين بالإعدام والموجودين في سجن العقرب




1. مصطفى أحمد حسن حمزة ، ثلاثة أحكام بالإعدام في القضايا 24/92 ، 11/93 ، 268/97 ( العائدون من أفغانستان، إغتيال صفوت الشريف ، أحداث المنيا ) وهو موجود في سجن العقرب . تاريخ القبض عليه 19/2/2003
2. محمد محمد ربيع الظواهري ، حكم بالإعدام في القضية 8/98 ، العائدون من ألبانيا ،موجود في سجن العقرب ، تاريخ القبض عليه 1999 م .
3. رفاعي أحمد طه موسى – 24/92 جنايات عسكرية – سجن المنيا – مايو 2001
4. حسن الخليفة عثمان علي ، – القضية 419/94 أمن دولة طوارئ – إعدام – العقرب – من 22/4/194
5. أحمد عبد القادر بكري محمد ، قضية 745/93 – أمن دولة طوارئ– العقرب – 8/10/1993
6. غريب الشحات أحمد الجوهري – قضية 745/93 – أمن دولة طوارئ – إعدام – العقرب – 14/8/1997
7. شعبان علي عبد الغني هريدي – قضية 847/96 – إعدام – امن دولة – العقرب
8. عثمان خالد إبراهيم السمان – 24/92 عسكرية – سجن المنيا – مارس 2004
9. عبد العزيز داوود موسى – 8/98 عسكرية – العقرب – من 2002
10. يونس محمد محمود – 664/2004 – العقرب
11. محمد جايز صلاح – 664/2004 أمن دولة عليا – العقرب
12. أسامة محمد عبد الغني – 664/2004 - العقرب
--------
فيه بقى غير دول.. عشان زي ما انتوا شايفين التواريخ، دول خللوا في السجن، زمان سرايرهم زرعت جدور في الارض
فيه بقى غيرهم
عمرو البحيري مثلا.. اللي اتنش خمس سنين حكم عسكري من غير مناسبة 
غير قضايا التعذيب قبل وبعد الثورة
انا سمعت امبارح مكالمة احد القادة في القوات المسلحة اللي ما رضيش يقول اسمه
وقعد يقول احنا جيش وطني
واحنا يا سيادة اللوا ما شككناش في وطنية الجيش 
وعارفين ان الجيش المصري جيش وطني
وعارفين ان اسرائيل وامريكا بيكرهوا المشير عشان ما رضيش يغير العقيدة العسكرية المصرية، وعشان بيرفض اي محاولات للاتصال به من قبل اي حد اسرائيلي، وعشان ما بيرضاش يتعامل ولا يتعاون مع اسرائيل، وعشان داجان بنفسه قال: احنا ما نعرفش اي حاجة عن الجيش المصري خالص، مش متعاون زي... وراح راصص اسامي شوية جيوش عربية انما ايه؟ ما يتقلعوش من الرجل كلهم، كل ده ووزير دفاع الجيش المصري مش راضي حتى يرد على تليفوناتهم
وعارفين ان المؤسسة العسكرية المصرية ولاءها للوطن وللشعب فقط ومالهاش اي ولاءات اخرى 
والاكتر من كده، عارفين ان الجيش فرحان بالثورة لأن النظام البائد كان بيتطاول على القوات المسلحة، وبيتجاوزهم في قضايا الامن القومي، وكان عشان ننوس عين امه جمال، وامورتي الحلوة علاء، بيعرض الامن القومي للخطر وبيخلي الجيش يشد في شعره، زي موضوع ماتش الجزائر ده مثلا اللي الجيش المصري وقتها كان عايز يولع في علاء ده لأن الجزائر من الدولة المهمة للأمن القومي المصري
وعارفين ان الجيش لما اتحط في اختيار ما بين النظام والشعب اختار الشعب وما عملش فينا زي ليبيا واليمن
وعارفين ان قيادات الجيش المصري قالت لامريكا لما هددت انها تقطع المعونة اذا ما غيروش العقيدة العسكرية: خدوا معونتكم وروحوا واحنا كمان حنلغي الاتفاقية، احنا اصلا مش عاجبانا الاتفاقية دي
وعارفين ان لما امريكا قالت لقيادات الجيش المصري: حاربوا معانا الارهاب، القيادات ردت عليهم: احنا مش مرتزقة
والكلام ده موجود في ويكيليكس
وعارفين ان بيريز ونتنياهو ورئيس الموساد بيشتكوا مر الشكوى من الجيش المصري ومن قياداته ومن المشير
عارفين ده كله والله العظيم تلاتة، ونبصم لكم عليه بالعشرة، وماحدش فينا انكر ده كله، وماحدش فينا شكك في الشرف العسكري لاي فرد في الجيش من اول المشير لأصغر عسكري، على عينا الشرف العسكري، وفخرنا الشرف العسكري، وعارفين انكم حافظتوا عليه، وماحدش فينا ناسي ان الجيش حمى الثورة وانحاز للشعب وما جازفش بأمن البلد وما عرضناش للي الليبيين واليمنيين بيعانوا منه 
حد ناسي الكلام ده كله يا شباب؟
ماحدش ناسي اهو.. بس ده كله ايه دخله بكشف العذرية على بنات مصر؟ 
بنات مصر.. 
ماهو زي ما احنا عارفين كل ما سبق، احنا عارفين ان الجيش المصري محكوم بعقيدة ايمانية ومعايير اخلاقية هي اللي بتوجه تصرفاته
يعني ايه الجيش المصري اللي الاسرى الاسرائيليين بيحلفوا بحسن معاملته وبيقولوا عمرنا ما شفنا جيش بيعامل اسراه كده يعامل ولاد بلده كده حتى لو كانوا بلطجية ويعذبهم لحد ما يخرجوا ضهرهم متشرح؟ 
يعني ايه الجيش المصري اللي في 73 ما رضيش ياخد المجندات الاسرائيليات اسيرات لأنه مش من اخلاقه يمد ايده على واحدة ست يقوم يعمل كشف عذرية على بنات مصريات؟ 
كل ده عشان عملوا ايه؟ عملوا ايه يستاهلوا عليه ده كله؟ 
نزلوا يعتصموا؟
طب الثورة ما خلصتش.. الثورة ما خلصتش.. خلصوا لهم الثورة ولكم عندي لو حد فيهم نزل انا بنفسي اللي حانزل واخده للمتحف واكشف على قفاه
الثورة ما خلصتش لأن جمال مبارك امبارح كان في نادي رجال الاعمال
الثورة ما خلصتش لأن مبارك في شرم الشيخ بياكل ويشرب وما اتحاكمش لحد النهاردة
الاكتر من كده قلتوا لنا جمدتوا ارصدته.. طب كام ارصدته بقى؟ مش جمدتوها، احنا عايزين نعرف اللي اتجمد ده كام.. ثم احنا عايزين الفلوس دي، بدل ما كل شوية طالع رئيس الوزرا يعمل اعلانات للبورصة واسراء عبد الفتاح طالعة تقول: سهم قليل يمنع بلاوي كتير
طب ما تجيبوا اللي جمدتوه تحطوه في الاقتصاد.. ايه؟ مستنيين ايه؟
ما هو بسم الله ما شاء الله عمرو البحيري اتحكم عليه في ثانية حكم عسكري، اشمعنى عمرو البحيري يتحكم عليه بالسرعة دي ومبارك هو اللي واخدينه على الحنين كده؟ 
وسوزان مبارك بتعمل ايه في مصر؟ وفين الفلوس اللي عليها؟ وفين محاكمتها؟
بلاش ده كله
فين محاكمة صفوت الشريف رئيس المجلس الاعلى للصحافة واللي ضلل الناس في فترة الثورة وشارك في قتل الناس؟ فين فتحي سرور اللي لحد ما كنا عند وزارة الداخلية - فاكرين؟ لما انضربنا - كان منزل بلطجية من بتوعه وكمان طالع يقول انا حاترشح في الانتخابات؟ فين زكريا عزمي اللي بيشتغل دلوقت في الرئاسة؟ زكريا عزمي ده على درجة وزير.. وزير وهو مجرم وقاتل ناس والمجلس القومي لحقوق الانسان وتحقيقات النائب العام بيقولوا انهم التلاتة شاركوا في مدبحة الاربعاء الاسود؟ 
قلنا بتحبوا تعملوا كل حاجة على مهلكم.. ماشي
اشمعنى ضرب الطلبة في اعلام ما كانش على المهل؟ قرار حظر الاعتصامات صدر الصبح العيال انضربت بالليل؟ ومبارك بقاله شهرين حر طليق؟ واكتر من كده دلاديله نازلين فتنة طائفية وبلطجة وادخال سلاح للبلد وبلطجيتهم بيلبسوا جيش وينزلوا الصيعد يعملوا فظائع وانتوا بنفسكم اللي قبضتم عليهم؟
طيب واللي في المتحف دول برضه لابسين ضباط؟ 
واللي كشفوا على عذرية البنات؟ برضه لابسين لبس العيد؟ 
وكل ما نتكلم تقولوا لنا جيش وطني؟ ما عرفنا ان الجيش المصري جيش وطني
عارفين احنا الحكاية دي تلاتة بالله العظيم، وهو الجيش ناقص ما يبقاش وطني كمان؟ 
اذا كان على وطنية الجيش احنا شكرناه كتير، وبنشكره وحنشكره ليوم الدين يا سيدي
بس برضه الاسئلة اللي فوق دي محتاجة اجابة والله
ومالهاش دعوة بالوطنية.. هو انا لما اسأل صاحبتي ما اتصلتيش قبل ما تطبي عليا في البيت ليه تقوم تقول لي انا اشرف من الشرف وعمري ما خنت جوزي؟ 
الاعتصامات مضايقاكم وعشان كده بتتصرفوا حيالها بسرعة
طب فيه وسيلة الطف، وممكن برضه تتصرفوا حيالها بنفس السرعة وحتخلصكم من الاعتصامات للابد:
هاتوا لنا مبارك هو ومراته وعياله وحطوهم في الحبس، ومعاهم الثلاثي المرح، وظباط امن الدولة اللي بيهددوا امن البلد.
محكمة ثورة تنجز مطالب الشعب
بدل مجهود التعذيب وكشف العذرية.. واطمنوا، بنات مصر اشرف من الشرف ومش محتاجين كشف عذرية، واظن كشفتوا عليهم بنفسكم واطمنتوا انهم ما جابوش لكم العار
-------------
يالا يا شباب، ماحدش حيدافع عن ثورتنا غيرنا، لو نمنا حيبقى مافيش ثورة، ومن ثم ماحدش حيتحرك نيابة عنا، احنا نتحرك يقوموا ينجزوا لنا اللي احنا عايزينه، ومش حنبطل وجع دماغ الا لما مطالبنا كلها تتحقق، مش بس جيش مصر جيش وطني، شعب مصر كمان شعب وطني، احنا مش خونة، ولا عملا، ولا بناخد خمسين يورو، ولا كنتاكي، احنا ضحينا باروحانا عشان بلدنا.. اكتر من اي حد.. اكتر من اي حد في البلد دي، الدم دمنا، والحق حقنا... امضوا هنا





60 comments:

إعادة التفكير said...

كلامك سليم يانوارة مصر..ومحرج للغاية..وكمان ادى تقرير لجنة تقصى الحقائق طلع ..ها هتعملوا ايه بقى؟؟؟ ده اختبار صعب اوووى

Anonymous said...

من يجيب على هذا السؤال:من المسؤل,عن تأخير تحقيق أهداف الثورة ؟؟..,تأخير النظر فى الإتهامات لمبارك ورؤوس الفساد,عدم حل حزب الفساد,تأخير تغيير المحافظين,تأخير تغيير الإعلاميين,من الإعلام المرئى والمقروء,الذين تسببوا بتحريضاتهم,فى قتل الثوار,تأخير تغيير حكومة شفيق,ثم الإحتفاظ,فى حكومة شرف,بأغلبية من وزراء حزب الفساد,تأخير حل أمن الدولة,تأخير تمكين المغتربين,حوالى عشر ملايين,من التصويت..,من الذى يضع,دائما,قدمه,على فرامل قطار الثورة المصرية,ليبطأه,فى الوصول لمحطاته ؟؟! د. شريف عبد الحكم

kandil86 said...

انا خلاص هاتجنن الجيش يعمل حاجة كويسة النهاردة وبكرة يعمل حاجة زفت مش عارف اية انفصام الشخصية دة وكمان امن الدولة شغال زى الفل رجالتة من اسلاميين واقباط شغالين زى الفل وعمالين يولعوا فى البلد وفى الوقت اللى حضرتك مشغولة بكشف القرف اللى لسة معششف فى البلد القوى السياسية الكرتونية بتتخانق على الكيكة بتاعة الثورة حسبى الله ونعم الوكيل مالناش غير ان احنا نقول يا رب وربنا معاك واحنا كلنا وانا طبعت البلاغ ووزعتة فى الشركة عندنا وربنا يسهل ونشوفهم فى الاحمر قريب هيبقوا فوتوجنيك خالص

Salma Abu El Magd said...

.....

Salma Abu El Magd said...

إجابات الجيش علي اون تي في كانت مش مقنعه علي أسئله علاء الأسواني وبلال فضل

أرنوب said...

المواد الدستورية اللي بتعطي الرئيس صلاحيات انه يحول اي انسان مناخيره مش عاجبة سيادة الريس لمحاكمة عسكرية ويديهم اعدام عشان دمهم تقيل على قلبه، سقطت
سقطت
سقطت
طب لما هي (سقطت .. سقطت .. سقطت) يا ست نوارة .. ليه رحتي وقولتي نعم للتعديلات الدستورية وبناء على هذا حتتعمل إنتخابات برلمانية ورئاسية في ظل هذه الصلاحيات التي لم تشملها التعديلات ؟

Unknown said...

معاكي بس يالا نعمل ايه بالضبط.. تقصدي مظاهرات بكرة قدام ماسبيرو؟ بس دي معمولة علشان تطهير التلفزيون والصحف القومية وحل الحزب الزفت الوطني، ده غير إن الأقباط هما كمان قرروا يرجعوا تاني بكرة لماسبيرو.. مش عارفة ايه اللخبطة دي.. بس كده كده رايحة مادام شباب الائتلاف رايحين

Sameh Elsawy said...

الله ينور عليكي يانواره, انا ليه كام يوم محبط وعايز اقول حاجات كتير لكل الشباب الثائر, بس انت كتبتي كل اللي بافكر فيه , ربنا يحميكي, انا باكتبلك من كندا واحنا هنا مابننامش من خوفنا علي حبيبتنا مصر واحنا شايفين ان شباب للثوره بداو يتفرقو وكل مجموعه بتشتغل لوحديها, وده سئ جدا, لابد من الاتحاد وعلي الاقل تجتمعو كلكم كل اسبوع لمتابعة تحقيق انجازات الثوره, واعتقد ان السبيل دائما وورقة الضغط هي التظاهر. وياريت لو فيه حاجه نقدر نعملها هنا في كندا قولو لينا
سامح الصاوي
sawi@accountant.com

Unknown said...

Nawara 3ndy so2al ya rab tgwbeny 3leh el kalam dah leh mosh bytnshr fl dostor 3yzen nas kter t2rah enty bgad el wa7eda el shayfaha btetklm btwazn mn 3'er 7'of w f nfs le wakt logic w mn 3'er tahyeeg Rabna y7mekybas m7taga radek 3shan afham

suidreams said...

دلوقتى بس عرفنا غلط الجيش معانا مش كنا بندافع عنه على طول الخط بس هنعمل اية ما هو زودها اوى لدرجة خلتنا نتكلم

Argenda said...

عشان نخلص ليه إئتلاف الثورة ميلمش الأسئلة دي و يطلع المجلس
لو رفضوا يقابلوهم يقولوا للناس كلهم
لو رفضوا يجاوبوا يقولوا للناس
لو الإجابة مش واضحة يقولوا للناس برضه
من الآخر شفافية كاملة مع الناس
بس محدش يشد في الكلام على الجيش لأن ممكن ناس تفكيرها قليل يفهموا غلط و هيلاقوا ديول مبارك و أمن الدولة ينفخوا في أن الجيش خان و الكلام الفارغ ده

samysalah7 said...

ربنا يكرمك يا بنت أبوكي، أنا والله عايز أعمل صفحة على الفيس بوك أطالب فيها بإنتخابك نائب للرئيس القادم أو وزيرة خارجية، إنتي والله اللي هتعرفي تلاعبي ولاد الكلب الصهيانة دول على الشناكل.وترجعي للعرب حقهم

samysalah7 said...

نوارة إنتي ليه مرحتيش مع شباب إئتلاف الثورة يوم التلات اللي فات في إجتماعهم مع المجلس العسكري وعرضي الكلام ده مباشرة كده عليهم وخدتلنا منهم عقاد نافع؟ الموضوع طول أوي وبوخ وعمر ما الدنيا هتهدا ومصر تبتدي تتغير بجد ونحس إن في ثورة حصلت إلا بمحاكمة كل هؤلاء الفاسدين وإرجاع الثروات المنهوبة في الداخل والخارج للبلد وتغيير كوادر الفساد في الإعلام والصحف والمحليات والمحافظين إلى آخره

samysalah7 said...

نوارة إنتي ليه مرحتيش مع شباب إئتلاف الثورة يوم التلات اللي فات في إجتماعهم مع المجلس العسكري وعرضي الكلام ده مباشرة كده عليهم وخدتلنا منهم عقاد نافع؟ الموضوع طول أوي وبوخ وعمر ما الدنيا هتهدا ومصر تبتدي تتغير بجد ونحس إن في ثورة حصلت إلا بمحاكمة كل هؤلاء الفاسدين وإرجاع الثروات المنهوبة في الداخل والخارج للبلد وتغيير كوادر الفساد في الإعلام والصحف والمحليات والمحافظين إلى آخره

samysalah7 said...

أنا ليه مش عارف أعمل تعليق؟

samysalah7 said...

آآآآآآآآآآه هي بتتحفظ الأول وبعدين تتعرض بعد الموافقة. معلش مخدش بالي من التعليق ده إلا دلوقتي. آسف لتكرار التعليق كذا مرة

suidreams said...

يا بنتى هنبقى زى ليبيا ازاى والله ليبيا ما فيها مؤسسة عسكرية اساسا عشان تقدر تقف جمبهم ...اضربى امثلة تنفع

Rowaa said...

كلام جميل يا نوارة جزاكى الله عنه كل خير، ومهمتنا احنا قراء مدونتك نشره على اكبر عدد ممكن لتوعية الشعب
، لكن ليه لم توضع اسماء رباعى مبارك مع الثلاثى المرح مرة واحدة؟

وانا ارى انه يجب الاسراع بالتوجه الى الريف المصرى لتوعية ابناؤه، وهم اعدادهم كبيرة جدا. يعنى اذا نزل كل واحد الى قريته وجلس مع اهالى القرية بس مش مرة واحدة وخلاص، لكن على زيارات متواليه بكدة نحمى البلد من استغلال فلول النظام لاهل الريف، وخاصة فىصعيد مصر حيث مازال للحزب الوطنى نفوذ

رواء

محمد طنطاوي said...

تقرير منظمة العفو الدولية : 17 إمرأة ممن إعتقلهم الجيش بميدان التحرير يوم 9 مارس تم تعذيبهن بالضرب و الكهرباء و تم تصويرهن عرايا و فحصنهن طبياً للكشف على عذريتهن إجبارياً و تلقوا حكماً من المحكمة العسكرية بالحبس سنة مع إيقاف التنفيذ
الجيش المصرى يعتقل نسائنا ويمتهن كرامتهن بينما لم يجرؤ على محاسبة من أطلق عليه الرصاص من بنى إسرائيل من قبل

بساطه said...

اااااه اااااااه قلبي ينزف ونفسي تبكي .... امبارح جلست مع صديق عمري وطفولتي ابوانا دفعه واحده ظباط اكفاء حاربوا في73 نشأنا مع بعض مش على الحواديت .. ولكن علي قصص الحرب واهوالها والي بالمناسبه كتير منها مرعب ولا يصلح للاطفال ..الفازات الي بتجمل بيوتنا كانت دانات نحاس بتاعة المدافع .. يعشق تراب الوطن ورفض الهجره مع اخته الوحيده لامريكا .. وجدته بالامس يقول لي ماذا اخذنا من الثوره ... وكانه لطمني على وجهي ... ده مش فلول .. ده بيحب مصر .. وجدت نفسي اتنازل عن الهدوء الذي اتعامل به مع كل من يتحدث بهذه الطريقه .. ولم استطيع التعامل بهدوء مع اعز اصدقائي .. ربما لاني متاكد من حبه للوطن .. وقلت لنفسي لما ده هيقول كده _تربية الحرب_ همال ساب ايه لغيره كتير ..... لم استطع النوم خفت على الثوره كثيرا من مثل هؤلاء .. وكيف ان زادت كل يوم اعدادهم بعد تعطل اعمالهم حيث يعمل بالسياحه .. كيف يكون تاثير ذلك على الثوره؟؟ ومع كل ما يحدث من تباطؤ في كل شئ الناس بتريح وتنام وتزهق ... انا خايف تروح مني احلامي .. خايف واول مره اخاف كان امبارح..... اسف على الرغي

الوصيف خالد said...

صباح الفل..

انتي محتاجة تغيري المسلمات الغلط اللي بتخليكي تستنتجي حاجات غلط..

الدستور ما سقطش والحكاية محتاجة حد بيعرف يقرا عربي ومش بيخدع نفسه بعواطف مالهاش أي أساس، ومبارك الجيش وجه له التحية على دوره الوطني حرباً وسلماً ! وماهواش معترف بشرعية الثورة أصلاً، والهباب اللي بيطلع من شاشات ماسبيرو بأوامر مباشرة من اللي بتناشديهم دول !

فوقي.. تحياتي..

liliy pink said...

نواره ان شاء الله ربنا حاينصر ثورة مصر, بس نفسى من الناس اللى عندها اتصال برئيس الوزراء المنتخب من الميدان وايضا المجلس الاعلى للقوات المسلحة, استحلفكم بالله السرعة مطلوبة احنا عارفين ان التركه ثقيله لكن الشعب حايجيله شلل من البطئ
ناس كثير من المصريين فى امريكا سوف يوقعون وكمان بعضهم عنده اتصال بالقنوات العربيه هناك سوف ينوهون على ضرورة الدخول على مدونتك والتوقيع

مدونه ما كفايه بقى said...

حااااااااااااااضر هدخل أوقع اهو

rahrom said...

انا حاسة انى داخلة على غيبوبة احباط تعبنا من الاوضاع الملخبطة دى والجيش هو السبب والله العظيم الجيش هو السبب عارفه ان ولائه لنا بس مابيعملش حاجة وعصام شرف مش بيعمل حاجه وجايب الجمل اللى هو من الثورة المضاده محكمه فى الصحافة والقوانين يمنع تكوين الاحزاب على اساس دينى ويمنع المظاهرات اللى هى حق دستورى انسانى واقصاء للشرفاء ايه القرف ده احنا عاوزين ثورة للثورة وشفيق يافندم اللى مش مكسوف على دمه وطالع ال يترشح وجمال وامه ووووو ايييييييييييييه ده قولوا لنا نعمل ايه ننزل نصوت فى الشارع ولا نعمل ايه ياااااااااار ب ياااااارب انقذنا مما يمكرون ورد كيدهم فى نحورهم اللهم انهم لايعجزونك فارنا فيهم عجائب قدرتك

حسين العسقلاني Hussein alaskalany said...

لا بد من تكاتف كل القوى في الشارع للتوقيع على البلاغ لاعتقال هؤلاء الثلاثة خاصة لأنهم فعلا خطر علينا كلنا خطر على الإخوان وعلى الأقباط وعلى السلفيين وعلى شباب الثورة وعلى الناس اللي في البيوت وخطر على كل شريف في مصر .. شكرا لك أ. نوارة نجم

Magdy El-Serafy said...

كتبت ده و بعثت اللينك للأساتذة اللى أعرف أوصلهم
Dear All
Kindly circulate that there is need for the signature on these fair demands, written by an honorable lawyer working in a human right center. We have to get rid of our fears, and stand for our believes, even by such a small contribution as signing this paper. It is a civilized way of speaking out loud against corruption. University staff should set an example.
Yours
Magdy

Unknown said...

نفسي الناس تبطبل فتي

الاعلان الدستوري اللي متعطل في اشارة عبد المنعم رياض يسقط الدستور

مدام فيه اعلان دستوري يبقى مافيش دستور 71

Rania Lelah said...

بصى انا كنت ضد فكرة اننا نتظاهر بقى الفترة دى - قلت كفاية و ندى فرصة و الكلام العبيط ده - انما بجد انا مش مطمنة و حاسة بذنب انى قاعدة فى بيتنا اه بلم توقيعات و بتكلم و بقول انما مش دة اللى هيخلينا نطلع لفوق
---
انا رايى نحشد ناس و ننزل تانى نتظاهر و بالمطالب دى و ندى فرصة علشان نبقى عدد كبير اوى و فى الوقت اللى بنقدم فيه التوقيعات نتظاهر سليما علشان المطالب دى الاهم ان يكون عددنا كبير -----------

مكدبش عليكى انا مقتنعتش انهاردة بمطالب مسيرة ماسبيرو قولى اى حاجة انما مقتنعتش و معتقدتش ان هى دى المطالب اللى ممكن تنزل ناس كتير -
بردة المهم
يا ريت محاكمة الفسدة دول و محاكمة مبارك يكونوا على راس مطالب المظاهرات الجديدة و بلاش اعتصامات نتظاهر و نروح بيتنا و نحاول بقدر الامكان منعطلش عجلة اى حاجة علشان منخسرش رجل الشارع-

يا ريت نعمل اى ايفنت و نلم عدد كبيرر من الناس ويا ريت نقفل ابوس ايد الكل على ام التعديلات و النتيجة نعم او لا


فكرى و شوفى

Magdy El-Serafy said...

http://www.facebook.com/note.php?note_id=101212436631154

misha و lado said...

الحرية للمعتقلين
والاعدام لاوساخ الحزب الوطني
ولعائلة السفاح مبارك

الوصيف خالد said...

يا نوارة أنا بتكلم على النصوص اللي تحت إيدينا واللي لحد دلوقتي بتقول صراحة إن الدستور رجع للعمل بدليل تعديل مواد وإلغاء أخرى..وانتي بتتكلمي على حاجة لسة حتطلع وعليها خلافات وتكهنات وبتاع ومتأخرة وما حدش يقدر يجزم بمحتواها..

يبقى مين فينا اللي بيفتي :))))
صباح الجمال

Feuercheval said...

The Wikileaks cables you mentioned didn’t describe of Tantawi, or other military leaders as zealot nationalists, who refused to change the Egyptian Army’s Tenet out of concern for national security or independence; they complained of their rigidity, narrow mindedness, and failure to accept suggested modernization plans. There is a big difference between failing to do the bad thing out of morality or ethics, and failing to do it out of cowardness, laziness, or indolence.

What you have been calling for in terms of putting the pillars of the ousted regime up for trial on treason charges makes perfect sense, and should be easy to understand for anyone with even half a helping of brain. The military council’s failure to go along with it is inexplicable, in light of its supposedly patriotic position (according to your hypothesis). A patriotic council shouldn’t need to see million signatures, or million man march to do the right thing. If it does, then we should reach one of three conclusions: either it’s stupid (which it’s not), or indifferent (meaning it doesn’t give a shit about the country, which is also inconceivable), or it serves other agenda (refer to my earlier posts).

I rest my case.

bang887 said...

“If it walks like a duck, quacks like a duck, looks like a duck, ... it must be a duck.

hardway said...

ياأرق نـــــــوارة.....بتخبط في الحلل
حلل كبيرة أوي..أوي...أوي........
اخر مشوار التخبيط........ده
ياأرق النوارات...........
طائرات الناتو علي دماغك...ودماغ
يــــــلا يا شــــــــــبـاب......
صحصحي كده ..وفتحي دماغك..وأفهمي موقعك في العالم الحديث...بل القريةاللي أحنا عايشين فيها....
بلا عائدون من البانيا بلا أفغانستان....
أهدئي كده وخليكي علي مستوي الشوبكي وحمزاوي وبلال و عيسي.....
وحـلـو جدا عليكي 1000 توقيع كل يوم
كفاية..كده..نكمل..بعدين..
بعد صلاة الجمعة

خالدة سعيدة said...

الجيش فيه خونه....ايوةانا بقول زى الايدى الناعمه خونه.....كل يوم بيظهر لينا مصيبه منهم انئح من اليوم اللى قبليه حتى ناس فى الجيش والحرس الجمهورى بياكدوا ان طنطاوى بياخد جزء كبير من المعونه الامريكيه لنفسه وتقارير ويكيليكس ان اسرائيل بتكرهه ايش ادراكى انها مش مزروعه عشان تغطى على اخر ورقه لاسرائيل فى مصلر وفى تعجيز الجيش وتحطيم الشعب...دة فيه معلومات بس مش مؤكده ان الصحراء الغربيه بتاعتنا مقابر لنفايات نوويه من اسرائيل والوااحد لو بيفكر شويه هيسال نفسه هو ليه وقفت توشكى والاجابات كانت مش مقنعه ليه؟كمان ليه وقف مشروع الباز فى الصحراء الغربيه كل المدد دى حاجات غريبه والواحد مش لاقى اجابه عليها غير ان الجيش زى اى مؤسسه فيها فاسدين كتير وعاوزين يفضلوا موجودين زى ما هما .

محمد نور الدين said...

كل صباح وست الكل بألف خير
عتاب رقيق للنوارة
شوفي يا النوارة، أخطر شيء على التفكير العقلاني لما تمتزج معه العواطف و المشاعر. ولهذا الكثير من المنشغلين بالسياسة يتوجسون من عمل المرأة في حقل السياسة لأنها في معظم الأحيان تخلط بين العواطف و المواقف، ده ما ينفهش في السياسة . قد يصح في الفن لما نسمع الست تقول: اهو من ده وده الحب كده. لكن في السياسة إما ده أو ده. غير أن ست الكل كثيرا ما تخلط بين ده وده وأحيانا تفقدين عقلانيتك وقوة شخصيتك واستقلاليتك إلى حد الاستسلام و التبعية حتى لا أقول الخور أمام بعض ما يكتب هنا وهناك ، بخاصة في المصري اليوم. وهذا ما جعل مواقفك مضطربة أحيانا، ومتناقضة أحيانا أخرى .ومن تعدينهم قدوتك ومثلك الأعلى ، حاسبينها لأنهم يفكرون في نجاحاتهم، يفكرون في أعمدتهم الأسبوعية وسيناريوهات مسلسلاتهم وشهرتهم . أنت الوحيدة اللي مش حاسبتها وفرحانة ب2000 جنيه وتقولين كفاية ومعهم الصحة و الستر أنت اللي غامرت وخرجت إلى وسائل الإعلام تنددين بالنظام ورأس النظام شخصيا وتطالبين برحيله هو وحاشيته كان ذلك قبل نجاح الثورة وبعد الثورة أنت من أطلقت عبارة الرئيس المخلوع . أما أولئك كانوا ولا يزالون يسعون لبناء معادلة صعبة، أن يكونوا ناطقين باسم الثورة وفي نفس الوقت وبنفس المقدار ممثلين للعسكر داخل الثورة. ذلك كله يتم تحت عناوين كبيرة و براقة مثل التروي و العقلانية و المصلحة الوطنية وعدم التسرع وإعطاء الفرصة الكافية و المصالح العليا للوطن
ولما تتحرر النوارة من هذه الهيمنة و التبعية الفكرية عندها ه تزول عنك الغشاوة وستتأكدين أن المؤسسة العسكرية ليست مجمعا للقديسين أو الملائكة بل تضم في صفوفها اكبر الفاسدين و المفسدين و المشرفين على الفساد و الساندين له .
قبل أن تتغير المعطيات الدولية وفي سنة 1988 وفي يوم جمعة أثناء مغادرة المصلين المساجد وهم عزل يرددون. الله أكبر عليها نحيا وعليها نموت وسبيلها نلقى الله حصدت الآلة العسكرية وفي لحظة واحدة 565 قتيلا و استمر القتل حتى بلغ 200ألف قتيل و7 آلاف مفقود وقبل أن تتغير المعطيات الدولية أبيدت مدينة حماة في سوريا و القائمة طويل يا النوارة. العسكر مؤسسة مثل بقية المؤسسات تأخذ رواتبها من دافعي الضرائب ومن الخزينة العامة فهي ليست فوق المجتمع يجب أن تخضع للمساءلة و المحاسبة .

assour said...

و بعدين يا نوارة؟؟؟ المقال ده في الصميم و وسطي و في الجون و لكن و كما في الكرة لو الحكم غشاش كل ده لن ينفع في شئ. إيه العمل و كيف ننقذ مصر بالفكر من أولادها الواعيين والذين سوف يسودون العالم بالحرية الكاملة فقط و لن ينفع اي شي اقل من ذلك نتيجة لستين عتم من التضليل و العسكرة و التدين المظهري الذليل الزائف. أحييك علي المقال و لك كل الاحترام

utopia said...

السلام عليكم
اولا حمد لله على سلامة الوصول للحقيقة
انتى وبلال فضل

تانى حاجة التوقيعات البرادعى جمع منها مليون وماعملش بها حاجة

الشارع هو اللى غير.... التوقيعات ممكن نبلها ونشرب ميتها حتى لو 70 مليون
ومش عاوز اقول نلمها ونلبسها

أرنوب said...

مدام فيه اعلان دستوري يبقى مافيش دستور 71
طب ياست نوارة .. أنا أسف وحابطل أفتي .. هنيالك بالإعلان الدستوري الذي يسمح بإجراء إنتخابات برلمانية ورئاسية بسرعة الصاروخ قبل أن يستعد - بخلاف الإخوان والسلفيين - أي فصيل سياسي أخر .. وكل ده عشان الجيش (اللي راعبك) يمشي .. ماتخافيش حيمشي وحايسيبك لمجلس شعب من الإخوان والسلفيين يعملولك دستور جديد ويجيبولك عبود الزمر رئيساً للجمهورية في الإنتخابات البرلمانية .. يمكن ساعتها تهبطي وترتاحي

نسيم الفجر said...

نوارة من فضلك حطوا الملف بتاع مطالبنا كملف وورد عشان لما يطبع يكون واضح الصورة وحشة قوي ومتنفعش للطباعة مستنياكي يا نوارة بسرعة .

قبس من نور said...

السلام عليكم ورحمة الله وبركاته
انا بحبك فى الله يا نوارة ونفسى اقابلك لانى نازلة مصر لمدة اسبوعين ان شاء الله ونفسى اعمل حاجه لمصر
بالنسبة للتوقيعات الجمعه دى اخر حاجه انا وقعت بس كنت عايزة انزل مصر اجمع توقيعات من كل معارفى
shsaied1972@maktoob.com

elzahraamegahed said...

الحمد لله ان نتيجة الاستفتاء طلعت نعم علشان الجيش يتوكل على الله بس المهم ان الرئيس الجاى يبقى محترم

عندى سؤال محيرنى بخصوص عصام شرف ، ايه اللى عمله مع جودت الملط ده ؟ أنا مش فاهمه ، المراقبين اللى فى الجهاز يعملوا ايه اكتر من كده؟؟ وتطهير الاعلام ورؤساء الجامعات ده برضه من سلطات عصام شرف ؟
وهو قال لو مقدرش على حاجه مش هيبقى هناك وهيبقى هنا فيه ايه بقى؟؟
بدل ما نتظاهر طب احنا جايبين عصام شرف والمفروض انه ينجزز

بأه مش عارفين نشيل المناوى وعميد اعلام وبندور على الشريف وسرور وعزمى؟؟
ده يبقى على كده محاكمة الاسره المالكه محتاج ثوره تانيه

nour1971 said...

الثوره اتسرقت يا نواره و موتوها خلاص حسبي الله و نعم الوكيل انا عايزه اعرف فين كل الحركات اللي قامت بالثوره هي نايمه فين همي ساكتين عن اللي بيحصل ليه ؟؟؟؟؟؟؟؟؟

Sgheita said...

good job and we are supporting you 100% and getting ppl's signatures and spreadng the petition link kaman.. bas dah bas mesh kefaya.. la akhado el emda2at we ramouha eih el wad3 ya3ny.. lazem 7ashd kebeer today and next friday melyouniah these ppl are kidding el watany maye3melsh keddah fee abna2 watanoh.. wala homma fahmeen el wataniyah mo7arbet el 3adow bas

أرنوب said...

.. اكتر من اي حد.. اكتر من اي حد في البلد دي، الدم دمنا، والحق حقنا..
ماهي (معيلتكم) دي وطريقتكم الإستئصالية في التفكير هي اللي خلت الشعب والملايين التي ساندتكم ووقفت جنبكم تنفض من حولكم .. هي برضه اللي مخلياكم لغاية دلوقتي ماندمجتوش مع بعض أو مع أياً من قوى المعارضة الشريفة في حزب واحد قوي وقادر على المنافسة .. هي اللي ضيّعت الثورة التي تبكين عليها الأن

واحد مش فاهم حاجة said...

احنا عايزين نعمل ثورة تاني مش معقول كده والله مع اخترامي لجيشنا الوطني ليه السرعة والحسم والحزم في التصدي للا عتصامات الفئوية والتجمعات الطلابية وهذة الافعال بحق بنات مصر ولماذا التراخي في محاكمة الفاسدين واقالتهم والله كل الحجات دي تخلص في نصف ساعة لماذا نلوم الضحية ولا نقوم باقالة كل القيادات الفاسدة ومصر مليئة بالكفاءات ولن يكون هناك فراغ جيشنا العظيم عذرنا اوشك رصيدك على النفاذ

مواطن مفروس said...

يا نوارة التوقيعات ماشية ببطئ جدا وعلشان نوصل ل100000 معانا مش اقل من شهرين

ساعي الخير said...

الحمد له رب العالمين
ثورة من غير أهداف كلام فاضي مجرد تفريغ عاطفي و تعبير عن شعور بالضيق
من أحساس بالظلم و بعدين فشششششششششش و لا حاجة
الناس ترجع تهدا بعد ما يكون ضاع الي ضاع مات اللي مات و عاش اللي عاش
و ما تدوشوناش و أيه يعني لما يموت مليون أو كل الكون العمر أصلا مش مضمون
و ده من كلام عم نجم و قبله قال بيرم التونسي
يدخل الأفندي ع المكتب يدوق المكسب
و يلتقوه سيد من ينهب أربع تخماس
يدرز جيوبه و منديله
باللي يجيله
و أمه الأروبة تدعي له في أبو العباس
يعني أيه يعني الموضوع محتاج دعوة تصحح الأخطاء و المفاهيم محتاج ثورة ثقافية
إن صح التعبير تعلم الناس البعد عن الرشوة و كرهها و حب الخير و العدل و العمل
و أي دعوة لازم ليها أهداف واضحة مطلوب تحقيقها علي أيدي من يقتنع بهذة الأهداف
ممكن الثورة برضه يكون لها أهداف لكن للأسف الثورة مجرد فورة عاطفية و قرارات غير مدروسة زي ما حصل بعد ثورة يوليو 52 و زي ما بيحصل دلوقتي
زمان مصادرة أموال الباشاوات و أسرة محمد علي محليتش مشاكل الناس بالعكس زودتها و جري الناس علي الخليج للعمل و الهجرة في أوربا و النتيجة ثورة 25 يناير سنة 11 اللي بعد كم سنة هيقولوا ثورة 11 علشان اللي قام بيها 11 واحد الساعة 11 في شهر 11 زي ما قالوا عن ثورة 19 في فيلم الناظر سخروا منها يعني لأن بعد ثورة 19 أكتشفوا أن البلد لسه تحت الهيمنة الغربية و الناس لسه مظلومة يعني ثورة 19 و 52 كانت مجرد شعور بالضيق و الظلم و تعبير عن الغضب زي ما قالوا جمعة الغضب غضب الله ع الظالمين وحدهم آمين يا سادة يا أساتذة يا جهابذة يا حضرات
أن ثورة بلا أهداف وراء الفوضي أنجراف
أحبسوا اللي تحبسوه و حاكموا اللي تحاكموه لكن بعد ما تنضفوا القوانين اللي هم حطوها علشان تطلعهم براءة
حددوا الأهداف و ما تخلوهاش رد فعل علي أفعال الاخرين
أجعلوا الأهداف واضحة قائمة علي العمل و العدل و البناء مش هدم الاخرين
أهتموا بالبناء زي ما بتهتموا بالهدم و موفقين للخير

Unknown said...

بصراحة مش مصدق حكاية كشف العذرية ان الجيش يعملها دة ممكن بكون اكاذيب للوقيعة بين الجيش والثورة من اتباع الثلاثى المرح زى انتى مابتسميهم والحزب اللاوطنى .. وبالنسبة للجمع التوقيعات ممكن روابط مشجعى الكورة التراس الاهلى والزمالك مثلا ممكن يعملوا شغل جامد فى موضوع التوقيعات دة المباراة بيحضرها اكثر من اربعين او خمسين الف شخص ..

Tears said...

اتفضلى عشان تضمى ابوالغيط للقائمة
http://www.youm7.com/News.asp?NewsID=376927

Unknown said...

لم ينفى اى مسئول او غير مسئول شائعة هروب العادلى و جمال مبارك و زكريا عزمى و عبيد فى نادى رجال الاعمال نهارا جهارا و اقاويل كثيرة عن اشتراك ابن المشير فى ادارة اموال جمال مبارك وقانون منع التظاهر وانتهاكات الجيش ضد المتظاهرين اللى تخلينا نقول الله يرحم امن الدولة كان انضف من كده و و و حسبنا الله و نعم الوكيل

بساطه said...

يانواره اه موضوع كشف العذريه ده .. مهو ياتقولي عدل ايه الموضوع يامتقوليش .. انا مش عايز اصدق .. لان التصديق بيثير الغثيان .. يعني هما غرضهم يكسروا البنات ويهينوهم .. طب جابوا النفسيه الوسخه دي منين .. ده شغل جيش .. انا مش عايز اصدق

Unknown said...

نوارة يا نوارتنا ، انا بس خوفي على البلد من الفوضى و بيرعبني اني اتخيل مبارك بيتفرج على التليفزيون و يشمت و يقول " مش قلتلكوا لما امشي هتبقى فوضى" يا نوارتنا عايز بس نفكر بصوت عالي شويه ، هل كل المعلومات اللي عند الجيش لازم يعلن عنها ؟ اكيد لا، طب هل ممكن يكون مستني على الثلاثي المرح لغاية وقت معين ؟؟؟ يجوز ، طب امتى الوقت ده؟ يمكن مستني مجلس الشعب هو اللي بقرر معاهم اي تصرف لانه مش لاقي دليل دامغ و خايف حط يطلع يقولوا ليه الاجراءات التعسفيه دي "اذا كان البلطجيه لما كانوا بيضربوا الناس طلعت تقول ياااي حرام عليكوا و نسيوا ان البلطجيه دول ارهبوا الاطفال و الستات و قتلوا الناس في الشوارع لا و في المستشفيات كمان" كمان في احتمال تاني قائم بشده ان هؤلاء الثلاثي المرح يمتلك دلائل على فساد رموز الجيش و النائب العام كمان . اما بالنسبة للمحكوم عليهم بالسجن في قضايا البانيا و افغانستان و ما شابه فلا شك انهم عانوا بعض الظلم خصوصا انهم سافروا بمباركة النظام الساقط لكن ده لا يعفيهم المسؤليه هو اه مفيش تهمه بس احنا عارفين ان عندهم خلل فكري خطير لا يؤمن عواقبه دلوقتي لكن ممكن يتم احتواءهم لنا تكون مؤسسات الدولة طبعا اقتراحك بتاع الاقامه الجبريه دا رائع بس مش عارف الجيش يعرف يطبقه ولا لا لأن الجيش يتعامل بدون عقل
اما بقى بالنسبة للمظاهرات و الاعتصامات فأظن ان القرار لما طلع كان علشان البلطجيه ابتدوا يدخلوا المظاهرات و يثيروا الفتنه و الفوضى ، كمان اصبح في موضه ان اهالي البلطجيه المقبوض عليهم يعملوا مظاهرات و يقطعوا طرق و ما شابه ، طيب الجيش يتعامل ازاي ؟؟؟ و الجيش معندوش تمييز دول ولاد ناس و دول شكلهم مش مظبوط فلازم ياخد قرار و يتم تنفيذه عل الجميع –المحترم قبل المجرم- علشان لما يقبش على المجرم ميتقالش "اشمعنا ولا الناس مامسكتوهمش في كلية الاعلام و ماسبيرو ، ولا يعني علشان احنا فقراء تعملوا فينا كدا" لازم نفهم ان احنا اه لينا حقوق كتيييييييير اوي لسه مخدنهاش بس في فقه اسمه فقه الاولويات يعني الحرام البين ربنا لا يحاسبك عليه لو كنت مضطر و انا بنفس المنطق شايف ان ممكن الانتظار على بعض المفاسد في سبيل الكثير من الاستقرار لعودة الامن و الاقتصاد ز دايما افتكر موقف الصحابه ساعة صلح الحديبيه و هم بيقولوا "السنا على الحق " لكن رسول الله نظرته كانت ابعد و أصح .
حاجه اخيره انا اه اعذر كل واحد خايف يوقف اعتصامات و خايف يحصل التفاف على الثورة و يلاقي الفلول بيرجعوا تاني للحكم بس انا شايف ان الناس دي مش مصدقين اللي عملووه و اللي يقدروا يعملووع لان اللي عملوه يخلي اي حد يخاف انه ياخد السلطه في البلد دي و اللي يقدروا يعملووه انهم هيشيلوا اي فاسد في اي منصب في البلد دي

Early bird said...

على فكره انا برضه رغم انى مستغربه من الخطوات السحلفيه التى يتعامل بيها الجيش الا انى لا اصدق ابدا ابد حكايه كشف العدريه دى ولو كانت مضبوطه كان الجيش حول البنات دى للنيابه المدنيه وطلب كشف الطب الشرعى عليهم اصلا لوالحكايه دى صحيحه
على فكره انتى مصدر موثوق بيه جدا الحكايه دى انتى شوفتيها بعينك والا سمعتيها من حد من صحابك برضه شافها او حصلت لحد تعرفيه جدااو ايه مصدرها بالضبط وياريت تتحققوا منها
الكلام ده خطير جدا
وبعديين المعلقيين هنا عندهم جرعه تفاؤل عاليه اللى بيقول الثوره باظت واللى بيقول الجيش مع مبارك وادى التحيه ليه ياجماعه الاحباطات دى كنا بنمر بيها خلال الثوره ما فيش يوم الا وكان فيه خازوق طالع لنا بس برضه كان ربنا بيقلبها عليهم انا مصدقه الشعار اللى رفعه الثوار عند سماعهم كلمه عمر سليمان يوم الجمعه لما المخلوع اتخلع قالوا (الله وحده اسقط النظام)
صلوا على النبى واهدوا الحكايه كلها ان الثوره بدات ولسه مخلصتش لان اللى بناه المخلوع فى ثلاثين سنه مش حنخلص عليه فى ثلاثين يوم

EgyptToThePoint said...

هي الصفحة الرسمية للمجلس الأعلى للقوات المسلحة بعد "نعم" الإستفتاء توقفت عن التحديث ليه؟
لعل المانع خير؟

مبروك علينا "نعم"

Unknown said...

اخيرا قلتي الي الواحد عمال يهاتي عليه بقالي اكثر من شهر. بس عندي تعليق البتاعة بتاعت الامضاءات دي, ليه مافيهاش اسامي حسني ونعيمة وعيالهم الثنائي الفضائي؟؟؟
ياريت تكلمي الشباب الي عاملينها عشان يضيفوا الاسامي, وياريت يا شباب , لو اهلكم مش بيدخلوا على النت خدوا بطايقهم ودخلوا بيناتهم على النت.
وياريت يا نوارة توضيح بعد حملة التوقيعات, الخطة ايه, ياريت نعرف, عشان مش معقول هنعيش مغمضين مع مبارك والجيش ومع بعض, انا عايز اعيش في النور شوية.
كمان ما تنسوش موضوع حل المحليات - الله يحل وسطهم - عشان ما ينفعش الهلس والتأخر ده.

Unknown said...

ندك الثورة ماحدش هيمشيها غيرنا وماحدش هيدافع عنها غيرنا بمعونة الله
الله المستعان

Mohamed said...

http://ahmedsaed.blogspot.com/ موقع به افكار واخبار غير عاديه

محمد نبيل said...

من الآخر وخلينا صرحا، جيش مصر هتك عرض بنات مصر وأهان شبابها، جيش مصر اللى مش عارف يفرض سيادة مصر على سينا بيتشطر على بنات مصر المحترمات الغلابة، حطوا نفسكوا مكان البنات اللى اتعمل فيهم كدة وأهاليهم.

احلام جوليا said...

بالنسبة لمبارك يا نواره لو حد قال لك بيجمعوا الادلة قولي له الاتي:
يمكن محاكمة مبارك ب
1- مسؤولية المتبوع عن أعمال تابعه لان مبارك رئيس دولة سابق مسؤول عن فساد من تحت يده
2-خيانة الامانة ودي سهل اثباتها بالتجاوزات المالية الي حصلت بالفعل والتساهل في الاتفاقيات زي اتفاقية الغاز والبلاوي كتير
دول غير قضايا الفساد طبعا وغير قضايا قتل المتظاهرين وبعدين يا نواره انا قلت لك السبب انهم مش عاوزين يقبضوا عليه لان ماما السعودية قالت مبارك ميتقبضش عليه يسرق براحته يقتل براحته دي تكيته وهو حر فيها ولو عاوزة تعرفي ليه قالت كده شوفي حلقة دريم بتاعة برنامج واحد من الناس وانت تعرفي ليه مش عاوزاه يتحاكم ده هي الي حكمته اصلا يا نواره وخالد الاسلمبولي بيحج ببلاش يا نواره