وكلمت بتوع الائتلاف وقالوا لي نازلين بس لسه ما نزلوش بيان ولا اعلنوا ولا اتكلموا في التلفزيون ومن قعدتهم مع المجلس العسكري بقوا كل حاجة يعملوها على آخر لحظة فقلت اعمل لهم سياح يمكن يتنحرروا
روحوا كلوا دماغهم بقى عشان يعلنوا في الجزيرة واون تي في ودريم والعربية وينزلوا بيان وكدهون
ولازم يبعتوا حد لبتوع اعتصام ماسبيرو يبلغهم
32 comments:
اعلان متأخر اوي
:(
طب و الشارع اللي قرفان من اللي في الميدان و كل مصيبة يلومها على الميدان و اللي أصلا علقنا المظاهرات علشانهم هيقرفونا و مش بعيد مآسي تحصل بكرة بسبب الموضوع دة. بدليل الفوضى اللي حصلت في الميدان امبارح؟ ماحدش فكر في القصة دي. مع كل مظاهرة بنخسر ناس يا جماعة. أنا فاهم انه الوضع خطير و أمن الدولة بيولع في البلد. بس الخروج بكرة هيقلب ناس علينا و دي آخر حاجة احنا عايزينها
يا نوارة ابقى قوليلهم احنا هنضغط ازاى عشان المجلس الرئاسى والدستور الجديد عشان الحال كده مش نافع
لأول مره من بداية الثورة أحس إن المظاهرات لازم نهدى بس لفتره مؤقته تتعلق اسبوعين لحد ما البلطجه تتهد والأمن يرجع للشارع
كلمة عصام شرف عن هيبة الدوله والاحساس اللى جالى ان الناس ما بقاش فيه حاجه تحكمها قلقنى
أنا خايفه أوى على مصر
لو عايزين يبقى فيه مظاهره تبقى فى أطفيح
أرجو لو هيبقى فيه مظاهره فى القاهره
بلاش فى التحرير عشان حظر التجول ما يتكسرش خلوها فى العباسيه مثلا
احنا كنا بتحدى قبل كده لكن دبوقتى لازم هيبة الدوله ترجع واحترامنا لحكومتنا اللى اخترناها ولجيشنا يرجع
تعمل اللى احنا عايزيته بس والنبى يبقى لنا كبير
اللى مالوش كبير
انا مش مع النزول خالص دلوقتى و مع تعليق كل شىء لان الوضع صعب
فيه اخبار بتقول ان ح يتم دس عناصر من أمن الدولة وسط الناس و ح يضربوا و يحاولوا الوقيعه بين المسلمين و المسيحيين و بعدين يختفوا و يسيبوا الدنيا تولع
الجيش مش طايق حد ينزل و مجلس الوزراء طلع بيان يطالب بتعليق الاعتصامات و المظاهرات
نديهم فرصة شوية
التصويت بلا على الترقيعات الدستورية هو السبيل لدستور جديد غير معيب. الدستور المرقع لا يلزم الرئيس القادم بعمل دستور جديد، يرجى قراءة هذا المقال لعمرو حمزاوى:
http://www.shorouknews.com/Columns/Column.aspx?id=404668
نوارة اخبارك اية ياقمر وحشاني
نوارة هل لديك اي اعتراض علي ان الاخوان هم الاقدر علي حكم مصر في هذة الظروف العصيبة انا اري ان الاخوان هم من اعطوا زخما وهم المنظميين وهم الوحيدون علي الساحة القادريين علي قيادة مصر لبر الامان واية رايك ان خيرت الشاطر يبقي هو رئيس الجمهورية القادم
لو تلاحظوا الجيش بيتابع حشدنا ع النت ودايما بياخد قرارته قبل الجمعه,
احنا ممكن نحشد للتصويت بلا على التعديلات الدستوريه ,بس يبقى حشد جدى ومنظم وإن شاء الله هيسلجيبوا لنا وهيغيروا الدستور
بدل ما نضغط فى الشارع عشان نغير الدستور والعمليه مش متحمله هنضغط لفعل قوى ومن غير ما نأثر على البلد
أما اخواتنا المسيحيين الناس لطلع وبالذات المحجبات ونروح تقف كام ساعه قدام الكاتدرائيه عشان تعرفهم اننا معاهم او عند ماسبيرو
بس بلاش نحتك بالشرطه عشان ما يحصلش هزه ونعرف اقدامها تتثبت وبلاش تروح التحرير عشان ما نكسرش حظر التجول وما نحتكش بحد
وعلى فكرهالضباط اللى هينزلوا دلوقتى هما الشرفاء لأنهم نازين وعارفين إن حياتهم مهدده من البلطجيه ، ده غير إنهم مش هيتشكروا ولا هيحترموا فدول نازلين فعلا علشان مصر وعلشان شرف مهنتهم،
الأنجاس ضباط أمن الدوله محدش فيهم هينزل الشارع يحمى الناس دول دلوفتى قاعدين فى الضلمه مع البلطجيه بيدبروا ازااى يهزوا امن البلد ويروعوا الناس
انا بقول ان النزول دلوقتي هيضر البلد مش هاينفعها مش عايزيين بتوع امن الدوله يصطادوا في الميه العكره خلينا نعطي لحكومه شرف الفرصه علي الاقل البلد تهدأشويه
فكره يمكن تكون قديمه بس عايزه نظر
http://ehabafndy.blogspot.com/2011/03/blog-post.html
مش عارف بين نارين :
1. لازم نعطى فرصة لرجوع و انتظم الدولة حكومة وجيش.
2. الحاجة الثانية لازم امن الولة يتحل
لازم تعديلات الدستور تستكمل قبل الاستفتاء و بالتالى يتأجل الاستفتاء.
المجلس الرئاسى مرة اخرى.
هل الاولى نبين ان الامور بتتحسن و لا نعطى مجال للبلطجية
و دى ورقة امن الدولة و اقرانهم من الحزب الوطنى ,و
اللى لازم يتحل بأذن الله و يتحظر اعضاؤه لمدة لا تقل عن 4 سنوات
علشان لو هو سياسى فعلا و مش بيشغل فلوسه وبلطجيتنه
بنتظر 4 سنوات
و لو مش كده يشوف له شغلانة شريفة بدل الوطنى دى
ازاى نوصل صوتنا :
لا لبقاء امن الدولة
نعم لحل الحزب الوطنى وحظر اذياله
لا لتعديلات دستورية منقوصة
نعم لمجلس رئاسى يتيح تأجيل الانتخابات حتى تستكمل تعديلات الدستور
ينفع نعمل الاثنين مع بعض
أزاى؟؟؟؟؟
من اول يوم فى الثورة وناس بتقول كفاية كدة.. الناس اتخنقت ..الناس اتضايقت.. روحوا بقى.. لو الثورة سمعت كلامهم لاكان مبارك خرج ولا كان شفيق خرج
امس عصام شرف قال وهو يبكى الثورة المضادة بتتحرك يمنهجيه ويفض مبدان التحرير من المعتصمين، وتزيد اعداد المعتصمين فى ميدان مصطفى محمود رافعين لافتات احنا اسفين يا ريس.. وزكريا عزمى يمارس سلطاتة فى القصر الجمهورى والاعلام الرسمى والتلفزيون يبث اكاذيبة وارتفعت اصوات غير برئية بتقول كفاية كدة اعداء ثورة 25ينابر مش خايفين الا من اعتصام فى التحرير ومليونية التحرير لان هذة فعلا هى الثورة وهذا سلاحنا الوحيد ...التظاهر باعداد كبيرة والا ضاعت الثورة تحت شعارات التهدأة
لاتوجد ثورة فى التاريخ تطلب من الجماهير البقاء فى البيوت والنضال من تحت اللحاف
يا جماعه حرام البلد متبهدله والجيش بهدل الدنيا امبارح فى التحرير والاقباط معتصمين قدام ماسبيرو وفى قتنه طائفيه وناس بتموت والدنيا خربت والجيش روحه بقيت فى مناخيره وفقد اعصابه وشكلنا داخلين معاه فى منعطف مهبب بستين هباب لازم ناخذ نفس شويه يا جماعه عشان متخربش على دماغنا
ملك المغرب حا يعمل دستور جديد يعني مصر تعمل الثوره و البلاد الثانيه تاخذ عرقنا علي الفاضي و النبي الدستتتتتتتتتتتتتتتور التصويت فاضل عليه ٩ ايام مفيش وقت
نوارة معلش السؤال خارج عن الموضوع أنتي تعرفي حد من شبكة رصد أحسن في اشاعات ان موقعهم مخترق من أمس
علي فكرة الموضوع ده مهم جدا لأن الشبكة مصدر معلومات هام جدا
مع المناده برأب الصدع بين المسلمين والمسيحيين لازم ننادى بدستور جديد للبلاد ومنستسلمش للتعديلات الدستورية ، لأن أنا سامع إت تمسك المجلس العسكرى بالتعديلات الدستورية بل فرضه بعض النقاط فيها وإصراره على بقاء بعض الوزراء فى حكومة عصام شرف لأن حكومة عصام شرف لم تكن نظيفة كلها وكنمت أربأ به أن يوافق على هذه الحكومة إلا أنه وافق ، عموما هذه الصلاحيات يبغيها المجلس العسكرى لمن يبغيه فى منصب رئيس الجمهورية مثل شفيق الذى ينوى الترشح ، وطبعا الكلام مفهوم ، ولاز نفرق واحنا بتكلم بين الجيش وبين المجلس العسكرى ، واللى يختلف معايا فى كده يختلف لكن أنا شايف إن تأخير والبطىء فى القرارات دا مقصود عدم الاستجابة فى محاسبة المفسدين فى الأرض دا مقصود هما تركوا البلطجية يكسروا فى الكنيسة ودا برضوا مقصود مش عايزين يوافقوا على مجلس رئاسى ويسلموه البلد ويرحوا يشوفوا هما مصالحم وده برضه مقصود مقدرش أنا أكون حسن النية احنا أمام ثورة وأمام ثورة مضادة أنا شايف إن المجلس العسكرى اداصلاحيات معطهاش للثورة الشعبية ذى إيه مثلا يعنى هو قبض على الثوارة وغداهم أحكام ومكنش بيقبض على البلطجى غير لا نروح احنا نسلمهولو بإيدينا حتى أنا فى بعض المواقف سمعت إن بعد مبنمش بيسيبهم تانى ، فى النهاية الجيش معانه بمعنى القيادات الضغيرة فى الجيش ، لكن المجلس العسكرى لم يثبت حتى الآن حسن النية فى الانضمام للثورة وبتفاخروا إن مبارك هو اللى عينهم.واللى بيقول حموا الثورة زيك يا نواره هما فى الحقيقه كانونا محايدين ن احنا اللى حمينا الثورة واحنا اللى لازم نتمسك بمطالبنا حتى آخر لحظة
واضح يا نوارة ان ناس كتير ضد الاعتصام يوم الجمعة، و دول الناس اللي كانوا مع الاعتصام على طول، يبقي تفتكري باقي الشعب بيفكر ازاي؟ انا ممكن اقول لك بيفكر ازاي ده اذا كان لسة رأيك ان الاستماع لمطالب الشعب شئ مهم و مانكررش غلطة الأحزاب و الكلام ده
أعتقد ان اخلاء الميدان واعلان حظر التجول في الميدان الليلة من 9 مساءا .. رسالة واضحة من الجيش ان الموعد غير مناسب للمسيرة المليونية.. البلد محتاجة الاستقرار بعد صدمة منشية ناصر وصول.. محتاجين برنامج نتعامل مع الشارع وبصورة تلم الناس حوالين اهداف الثورة.. يجب وقف التظاهرات الفئوية .. اطرحوا برنامج للتعامل مع اصحاب الحاجات .. بدل التظاهر والاعتصام يمكن تكوين رابطة لكل فئة وتقدم طلباتها للحكومة التي نثق في توجهاتها نحو التخفيف من معاناة اهالينا اللي لأول مرة حد يقولهم اتكلموا براحتكم احنا الحكومة سمعنا واطعنا .. غفرانك شعبنا .. إننا حكومة تخاف الله
أنها ثورة كاملة ستعبر بالشعب المصري إلى عالم الشعوب الحرة
ودور الجيش مهم ولكن الثورة هي أداة التغير الوحيدة الآن بالشعب وللشعب والجيش ككيان هو من الشعب ولكنه كمؤسسه يتخذ قرار فما هي مرجعية هذا القرار وهنا بمقدار استلهامه و اقترابه من روح الثورة سيكون قرار ا شعبيا وإذا كان الشعب يد الثورة فسيكون الجيش ظهر الثورة الحامي
كلمات لاتحال الى الأرشيف
افتكروا ان الايام الاخيرة لامن الدولة مشابهة بشكل متطابق الايام الاخيرة للمخلوع، انا مش خايفة من حاجة، امن الدولة بيطلع في الروح
عايزين نعمل حسابنا ان اخر سلاح هو سلاح الاشاعات عشان يحصل بلبلة والناس تخاف ويا تطلع تبرطع بهبل يا تخاف وتكن، احنا اقوى ومنظمين
وبعدين بقى اللي عايز يعمل حاجة ما بيهددش.. من الاخر كده، نشر التهديدات ده يؤكد ان مافيش في ايدهم حاجة غير يهددوا
مش عايزين هرجلة، احنا الاقوى، وامن الدولة بيفرفر والتارجيت، ايه العمل يوم الجمعة؟ نرتب مع بعض ونوحد صفنا ونقرر
احنا تحركنا معروف، ان شاء الله نشوف حنعمل ايه يوم الجمعة عشان نسقط امن الدولة ونقضي على بواقي النظام ومافيش اي حاجة تقلق ان شاء الله
Posted by جبهة التهييس الشعبية at 13:24 136 comments
لتاني مرة بالبلغك يا نوراة
القاهرة الجديدة ده شكله بيعمل مشاكل وراجعى ردوده في كل مواضيعك اللى قبل ده
ان كنتى تعرفيه يبأة مفيش مشكلة
ولو ماتعرفيهوش يبأة الحرص واجب
وياريت تحذفي البوست دي بعد ماتقريها
أنا أول مرةأشوف الفيديو دة للشيخ الشعراوي يا ريت يا نوارة تنشريه أصله بيتكلم في الجون بالظبط كأنه كان عارف اللي هيخصل .... الله يرحمه
http://www.youtube.com/watch?v=owdmzxzzkPk&feature=player_embedded
النزول للتحرير ليس له لزوم الآن - أعطوا حكومة عصام شرف فرصة تاخد نفسها - ولو إن تلك الوزارة بها وزير شديد السوء هو أحمد حسن البرعى - وزير القوى العاملة والهجرة - وهو شخص لا يمكن إئتمانه على جوز فراخ - وهو من تلامذة فتحى سرور وعبد الأحد جمال الدين المخلصين وباقى أورطة ترزية القوانين - وهو أستاذ بحقوق القاهرة ممن شوهوا وجه الجامحعة المصرية بتلفيق قوانين - قهو الذى أعاد صياغة قانون العمل بصورته الأخيرة لتى تم تقنينها عام 2004 - وقد مارس الاعتداء على حقوق الناس ومرتياتهم فى البعثات والتكبر المرعب على الزملاء والمبعوثين المصريين فى فرنسا عندما كان مستشاراً ثقافياً فى سفارة مصر فى باريس حتى 1992 - ولاتخفى على أحد توجيهاته من أمن الدولة خلال تلك المرحلة - وربما استمرت تيعية الكثيرين من شاغلى تلك المواقع لأمن الدولة إلى ما بعد 25 يناير 2011 - الله أعلم
نوارة الصفحة دي انتي ولا حد هو اللي عاملها باسمك؟\
http://www.facebook.com/nawaranegm?v=wall
نواره من فضلك اعملى تحديث واكدى على المشاركين فى جمعة ايد واحده ضد امن الدوله غدا ان شاء الله اكدى عليهم ان اكبر عدد يتواجد وكمان لازم الجميع يمسكوا اعصابهم ولو لا قدر الله كان فيه مندسين محدش ينساق وراء اى استفزازات او شائعات وضرورى جدا كمان تواجد اكبر عدد من الاخوه الاقباط وياريت المسلمين والاقباط يمسكوا ايدى بعض علشان العالم كله اللى اتفرج علينا اليومين الاخيرين يعرف ان اى الاعيب من الثوره المضاده لن تخيفنا لازم سلوكنا يكون متحضر جدا لاقصى درجه وياريت زى ماقلتى الناس اللى فى ماسبيرو تنضم لان الجميع لازم يعرف ان مهما يحاول الغربان فنحن الاقوى ان شاء الله
لازم نرد الاعتبار لثورتنا
لازم الدنيا كلها تعرف ان كلام عصام شرف مضبوط وان كل اللى بيحصل من تدبير وترتيب الثوره المضاده
احنا اللى لازم نرد الاعتبار لثورتنا ولوحدتنا الوطنيه وكمان علشان نقوى قلب اخواتنا الاقباط ونؤكد لهم اكثر بأن خفافيش الظلام بتحاول بس دى حلاوة روح وكل مانكون متماسكين ان شاء الله النصر لثورتنا
اللهم اجعل كيدهم فى تضليل
اللهم اجعل كيدهم فى نحورهم
نواره فعلا الحفاظ على ثورتنا محتاج عرق ومش ممكن ننتصر واحنا تحت اللحاف
ارجوكم محتاجين اعداد كبيره غدا ان شاء الله اعداد كبيره يقظه حاسبين كل خطواتنا ماسكين اعصابنا جدا عنينا فى وسط رأسنا ماسكين ايدين بعض علشان محدش يدخل بيننا
الكلام ده لينا كلنا اقباط ومسملين
فى الآخر احنا الاثنين فى الهم سوا
اللهم اجعل كيدهم فى نحورهم واكفنا شرورهم
اضيف نقطة مهمة ؛ انه لابد من الدعم المتبادل بين الثورة و رئيس الحكومة الجديدة يعني هو اللي يبقى كبيرنا خصوصا بعد نزوله لميدان التحرير
لازم نركز على التحرك الحذر بدل الصوت العالي و الفوضى
اضيف نقطة مهمة ؛ انه لابد من الدعم المتبادل بين الثورة و رئيس الحكومة الجديدة يعني هو اللي يبقى كبيرنا خصوصا بعد نزوله لميدان التحرير
لازم نركز على التحرك الحذر بدل الصوت العالي و الفوضى
i feel that amn edalwa found theis way to this page .why not going out tomorrow againt amn edawlah and to support our unity as moslems and christians and every one will go home after that, i feel amn edawala are very scared they are sending negative messages on this page
انا ممكن الخص لك اللى حصل بالرغم من اننى ماكنتش عايز اصدق من بدايه الثوره
1- الجيش نزل بهدوء ومش عايز يحتك بالشعب ( انحنى للعاصفه حتى تمر)
2- تعديلات دستوريه هزيله حتى ترضى انصاف العالمين ببواطن الامور (حاجات شكليه)
3- الدكتور عصام شرف شخصيه كانت سابقا فى الحكومه و قد يكون مؤمن بتوجهات الحكومه السابقه وان كان غير مؤمن بالفساد
4- عمر عفيفى يذكر الاغتيالات من امن الدوله (لماذا لا يكون الجيش قد جاء ب د عصام شرف ليضعه فى وجه المدفع ويتركه للاغتيال اذا تم ذلك وساعتها الحكم العسكرى سيتم غصب عننا )
5- تعذيب المعتصمين لكى يتم ارهاب باقى المصريين حتى لا يقوموا بالتظاهر فى وجه النظام
(عايزين تخربوها .. مش احنا عملنا لكم اللى انتم عايزينه )
6- جهاز امن الدول لم يتم حله حتى الان وسيتم تغيير اسمه او توجهاته صوريا
7- الفاسدين اللى طلعت ريحتهم قوى هما اللى اتمسكو واتساب الباقين حتى تمكنوا من حرق ما يدينهم
8- البلطجيه نزلوا عاثوا فى الارض فساد .. واحنا فرحنا بنزول الشرطه والامن المركزى
9- الاغانى للشهداء والتركيز على صورهم حتى لا تقوم مظاهرات اخرى ضد الشرطه والامن المركزى مع ملاحظه ان مرسوم وزارى قوى ضد البلطجه قد تم اصداره
10- من اعتصم وتم الامساك به تم تقديمه الى محاكمات عسكريه بتهمه البلطجه وهى التهمه الذى ستوجه الى كل معتصم من هنا ورايح
المحصله
تمت سرقه الثوره
Post a Comment