Tuesday 1 March 2011

لا وقت للاكتئاب، فيه حل ان شاء الله

دلوقت قبل ما اقول الاقتراح اللي اتناقشت فيه مع الشباب على التويتر، لازم احنا نحل المشكلة عندنا ونرجع نتفق على حاجات موحدة بدل التشرذم ده
أولا: كلنا متفقين على يوم الجمعة
ثانيا: كلنا متفقين على التلات مطالب الاساسية: حل امن الدولة، اقالة شفيق وتشكيل حكومة كفاءات، محاكمة رؤوس الفساد وعلى رأسهم صفوت الشريف ومبارك واسرته
ثالثا: كلنا متفقين على ان الشارع المصري هو اللي صنع الثورة وهي ملكه بالاساس
بالعربي، اننا ندي ضهرنا للشارع ونبص للمجلس العسكري سواء بالخناق والاعتصام ابو الفين واحد او بالتفاوض دي قلة عقل، المجلس العسكري ماله ومالنا، هو علاقته بالشارع والشارع هو اللي بيقول هو عايز ايه ويتعمل له
وده اللي بيعمله الحزب الوطني دلوقت، حد سمع عن اعضاء الحزب الوطني بيعتصموا للمجلس العسكري ولا بيروحوا يتفاوضوا معاه؟ بتوع الحزب الوطني ماشيين في الشارع يكلموا الناس - على قد مخ اعضاء الحزب طبعا، يعني برضه كنتاكي وخمسين يورو والشباب والبنات بيعملوا قلة ادب مع بعض في الميدان وبتوع التحرير بيفتحوا مطاوي على بعض وحاجات كده يا عيني، معلش، طول عمرهم خيالهم فقير
يبقى بداية من النهاردة ولحد يوم الجمعة كل واحد يقرا البوست ده، خصيمه النبي يكلم كل يوم عشرة في الشارع
اكتر حاجة بتضايق المصري انه يحس ان فلوسه اتسرقت - ولو ان المصريين ما عندهمش مشكلة مع الفقر، بس عندهم مشكلة مع اللي ياكل حقهم - وانه يحس ان فيه حد بيذله، اللي هو امن الدولة
واظن كده الشارع افهم من كل السياسيين والنشطاء والنخب اللي بيغرقوا في التفاصيل والتنظير، لان هو ده لب الحكاية، مش هو: تغيير حرية عدالة اجتماعية؟ الشارع المصري مهتم بالعدالة الاجتماعية اكتر ما هو مهتم بالوفرة، يعيش فقير لو الفقر على كل الناس آه، يتسرق لا، لان ده ظلم، يحترم القانون ويسمع كلام القوات المسلحة عشان هو مؤدب اه، يتذل من امن الدولة ويتحاصر ويتراقب لأ. 
وبدل التكبر على مخاليق ربنا، والمعايبة على الناس عشان شايلين طبلة، ولا عشان فيه بياعين بياكلوا عيش، هو ده شعبنا يعني، مش عاجبك شوف لك شعب تاني، والبلد دي بلدهم والثورة ثورتهم، وهم اللي اتعوروا وماتوا، وحضرتك عايش وسليم اهو
وبدل ما تزهق الناس في عيشتهم وتحسسهم انك معطل لهم السكة وهم مش فاهمين مالك؟ انت مجنون ولا ايه؟ 
الصح ان كل واحد يتكلم مع الناس، بداية من النهاردة، الشباب اللطيف اللي نزل يبيض ويكنس، الشباب اللطيف اللي قاعد في التحرير دلوقت، الشباب اللطيف اللي قاعد على النت، عشرات الالاف من كل المحافظات، من دلوقت ننزل كلنا الشارع ونتكلم من النهاردة لحد يوم الجمعة الناس، وتحسبها لنفسك، لازم كل يوم تسجل سكور عشر بني ادمين على الاقل، وما تدخلش في مهاترات تضيع وقتك، وما تدخلش في مناقشات بيزنطية:
ارمي الكلمة في بطن الضلمة تحبل سلمى وتولد نور
حنركب ميكروباصات
حنطلع في المترو
حنقف مع الناس في محطات الاوتوبيس
وحنتكلم معاهم بطريقة واضحة:
المسئولين ايام مبارك سارقين منا نص ترليون جنيه، يعني 500 مليار جنيه، انت عارف يعني ايه 500 مليار؟ يعني 200 مليار يوفروا مية ويخضروا الصحرا ويشغلوا سكان العشوائيات في استصلاح الاراضي، و100 مليار يعملوا شبكة الصرف الصحي والمية ماحدش يتقطع عنه المية ولا المجاري تطفح تاني، و100 مليار يعملوا مساكن للشباب وسكان المقابر، والباقي نحطه في البنك وناخد فوايده، يعني لو الفلوس دي رجعت لنا في خلال سنتين مصر حتبقى جنة
بس الحكومة الموجودة دي اصلها بتاعة مبارك، شفيق ده بيقول على مبارك الرئيس، وابو الغيط فضحنا فضيحة المطاهر ايام غزة، وناس كتير من اللي في الحكومة دي بتوع مبارك، عشان كده فيه ناس كتير من الفاسدين بقى عندهم فرصة انهم يحرقوا المستندات ويحطوها في المفرمة، تلات شهور لحكومة شفيق كتير، على ما التلات شهور يخلصوا حيكون هو واللي معاه لحقوا يوفروا فرصة للفسدة في المؤسسات يحرقوا كل المستندات اللي تجيب لنا فلوسنا تاني
ده غير بقى السبعين مليار دولار بتوع مبارك، يعني 350 مليار جنيه
ما المصريين احسن ناس، وعندنا كفاءات كتيرة في كل حاجة، ليه يعني لازم يجيبوا ناس من بتوع مبارك؟ ما عندنا علماء وعندنا كفاءات وييجوا يديروا البلد عشان يعرفوا يرجعوا لنا فلوسنا ويطلعوا المستندات اللي تجيب لنا حقنا
وبعدين الحكومة دي فيها محمود وجدي، مش عايز يحل امن الدولة، شفت مدير امن البحيرة؟ قال بيقولك نقله، ماهو نقله عشان اتفضح على النت، كل بتوع الامن بيفكروا كده، وامن الدولة ده ياما ذلنا وقتل ناس، وبياخدوا ميزانية قد دماغهم، طب مش الجيش اولى بالفلوس دي؟ بدل ما ناخد معونة نسلح بيها الجيش، ناخد فلوس امن الدولة نديها للجيش، وامن الدولة يشوفوا لهم شغلانات تانية، في الجيش بقى، ولا حتى في المشاريع الجديدة اللي حنعملها لما الفلوس ترجع
وبعدين امن الدولة ده لازم يتحل بسرعة، دول ابتدوا يهددوا ناس ويضربوا عليهم نار، وبعدين هم اللي فجروا كنيسة القديسين، والموضوع ده اتفضح واتعرف وهم بيحققوا مع العادلي وبعدين سكتوا عنه ما حدش جاب سيرته، عايزين يولعوا البلد ويعملوا لنا مسلم ومسيحي، واخرتها ياخدوا الشاب السني ده اللي اسمه سيد بلال ويموتوه من التعذيب عشان يلبسوها له وهم اللي عاملينها، وهي ايه شغلانة امن الدولة بالظبط؟ في كل حتة امن الدولة بيراقب الناس، في كل مكتب في قطاع عام او خاص واحد بيشتغل مع امن الدولة وبيكتب لهم تقارير، في كل جامع وفي كل كنيسة واحد مدسوس من امن الدولة وبيكتب لهم تقارير، دول لهم ناس في المدارس يا جدع، وبعدين ما وراهمش حاجة غير المرازية في خلق الله والضرب والاهانة والاتاوات، ويا الغلابة يشتغلوا مرشدين يا يموتوهم زي الواد بتاع اسكندرية، الداخلية بتاخد تلت الميزانية، مش احنا اولى بيها الفلوس دي، طب لو محمود وجدي ده نيته صافية كان حل امن الدولة وشغلهم بقى في المطافي ولا في المرور، انما هو مش صافي، ولسه مخه زي مخ العادلي بالظبط وزي مخ اي ظابط شرطة، عايزين يذلونا
الحل ان حكومة شفيق دي تمشي ويجيبوا لنا ناس بتعرف ربنا وكفاءة عشان يجيبوا لنا حقنا من الحرامية اللي سرقوا فلوسنا ومن امن الدولة، وامن الدولة ده يشوفوا له شغلانة شريفة
الناس رايحة يوم الجمعة التحرير، حتبقى مظاهرة كبيرة، اصل المجلس العسكري عليه ضغوط من كل ناحية وانتوا فاهمين بقى رجالة صفوت الشريف ورجال الاعمال، لكن لو احنا نزلنا يوم الجمعة مش حنبقى بنعطل البلد وفي نفس الوقت يقدر المجلس العسكري يتحجج بعددنا الكبير عشان يساعدنا، هو كويس وعايز يساعدنا، بس محتاج اننا نديله حجة عشان يقول للغيلان اللي كانوا واكلين البلد: ماليش دعوة بقى الناس هي اللي عايزة كده، امال هو بيسبنا ليه يوم الجمعة فكرك؟ 
--------------
ملحوظات: اول ما تغلط في المجلس العسكري اعرف انك خسرت رصيدك عند اللي بتكلمه
ما تيأسش الناس وتقول: احنا كده ما عملناش حاجة، لأن كده حيحبط ويقول مش نازل، قول له، ايوة احنا عملنا حاجة كويسة ومبارك مشي، بس انا رئيس عصابة، مشيتني، المفروض تمشي العصابة بتاعتي كلها
حتلاقي بتوع الحزب الوطني بيهللوا عليك
تعرفهم ازاي:
1- صوتهم عالي ومهللاتية، مش بياخدوا ويدوا في الكلام، حتلاقيه اتشنج كده وقعد يقول لك: حسبي الله ونعم الوكيل فيك.. خربتوا البلد يا بعدا.. خربتوا البلد
تجاهله وما تتكلمش معاه، وما تعليش صوتك عليه، حيبان قصاد الناس ان انت العاقل اللي بتقول كلام موزون وهو اللي عمال يتشنج
2- بيتكلموا كويس قوي على شفيق وابتدوا مؤخرا يتجرأوا ويتكلموا كويس على مبارك نفسه
3- بيروجوا اشاعات، وده المفتاح اللي تعرف بيه اذا كان مجرد شخص مختلف معاك في الرأي ولا هو حزب وطني فعلا، حتلاقيه بيقول: انا شفتهم بعيني بياخدوا فلوس، شفتهم بعيني قاعدين مع اجانب، شفت الشباب والبنات بعيني والبت قاعدة وراسها على كتف الواد ومنظر استغفر الله العظيم
ساعتها تقول له: فيه ناس ماتت واكيد اللي مات ما اخدش فلوس، وعشان بقى ما نسيبش البلد والشارع للناس الوحشة اللي انت شفتهم بعينك دول، لازم ننزل، والا هم كده اللي حياكلوا البلد، انت عارف المجلس العسكري بيسمع اللي الناس بتقوله في الميدان وبيتكلم معاهم، لو سيبنا الميدان للناس دي يبقى ممكن هم يضيعوا البلد
حاجة اخيرة: بعيدا عن ان اللي يغلط في الشعب يبقى ابن ستين كلب الشهادة لله، ويبقى ما يفرقش حاجة عن امن الدولة اللي بيعامل الناس كده لأنه بيحتقر الشعب... لازم وانت بتكلم الناس تديهم فخر وطني، تقولهم المصريين احسن ناس، وعملنا حاجة حلوة، وكل المشاكل اللي كنا فيها دي طلع ان سببها مبارك وعصابته، ولما اتلمينا على بعض في الميدان بان اننا ناس كويسة ومتحضرة، ولازم نحافظ على اللي عملناه وما نسيبش عصابة مبارك تحاول انها تسيطر على البلد، ولازم بقى نساند المجلس العسكري في مواجهتهم عشان يلاقي دعم، وهو مش معقول حيقول لنا انزلوا اتظاهروا، بس هو بيسيبنا الجمعة ولو فيها ضرر ما كانش سابنا، خصوصا انها اجازة ومش عطلة للبلد
دي افكاري الاولية
طبعا ممكن نطور موضوع التخاطب مع الشارع ده اكتر، زي ستيكرات او ورق او اي حاجة، بس احنا من هنا للجمعة ما عندناش وقت، ولازم نبتدي من دلوقت، من يوم السبت كان لازم نبتدي، بس الفكرة ما جاتش على بالي الا دلوقت
الله المستعان

170 comments:

Moataz Medhat said...

عُلم

مواطن مصري said...

منع وزير العدل من السفر
http://www.alwafd.org/index.php?option=com_content&view=article&id=20006:???-????-?????-??-?????&catid=150:????%20?????&Itemid=409


كشفت مصادر رقابية أن المستشار عبد المجيد محمود النائب العام، قرر منع المستشار ممدوح مرعي وزير العدل من السفر خارج البلاد على خلفية تورطه في قضية إهدار 5 مليارات جنيه لصالح رجل الأعمال سليمان عامر الممنوع أيضا من السفر.


الأول

Anonymous said...

Nawara ana methaya2aly el mawdoa3 ashal mn keda aslan. 7ad ye2ol le el nas feah gom3eet el 3'adab 2 we mosh rag3een ela lama 1-2-3. we mosh 3ayezenha fe el ta7rer la2a "Thawra thawra 7ata alnasr, Thawra fe kol shawarea3 Masr"

saso said...

واحد من الجروبز الغير مفهومة المساماه انا اسف ياريس الخ الخ
بتدعو لمظاهرة مليونية- وتم اخد التصريح بيها من المجلس العسكري- يوم الجمعة من امام مسجد مصطفي محمود

المطالب أولها رد الاعتبار لمبارك-رغم التحفظ علي أمواله- وثانيها المطالبة ببقاء حكومة شفيق
حاولوا يوم الجمعة منحتكش بحد مهما كان الاستفزاز وياريت محدش يروح جامع مصطفي محمود أصلا

ayman radwan said...

انا معاكي في كل الي بتقوليه بس في مطلب مهم وانا شايفه الاهم
مجلس رئاسي من واحد عسكري واتنين قضاه.

Anonymous said...

Nawara ana methaya2aly el mawdoa3 ashal mn keda aslan. 7ad ye2ol le el nas feah gom3eet el 3'adab 2 we mosh rag3een ela lama 1-2-3. we mosh 3ayezenha fe el ta7rer la2a "Thawra thawra 7ata alnasr, Thawra fe kol shawarea3 Masr"

Adil said...

بعد هذه السنوات الحبيب بورقيبة استطاع تغيير عقول الشعوب

http://www.youtube.com/watch?v=zB6JnEXNspo

¤¦¤Ebtehal ¤¦¤ said...

ايه الكلام القوي دي؟؟؟ حضرتك وضحتي نقط كتير هتبقي مهمه و تغير فكر ناس كتير حواليا

بعد اذنك هنشر المقال .. و هطبع شويه حقائق منه و اوزعها :)

mohamed serag said...

لازم كمان ندخلهم فكرة ان الثورة بتتسرق وان امن الدولة بدأ ينظم صفوفه وان احنا لازم نضغط ع الجيش عشان خاطر يحله قبل ما يتدور ع الناس ويبدأ الاعتقالات.......الترهيب لازم يحصل مع الترغيب عشان الخوف غريزة اساسية سواء الخوف من المستقبل اوالخوف على انجازات الثروة

Simsim said...

جدعة يا نوارة ايوه كده، بس المشكلة بجد فى الناس اللى زهقت وعمالة تقول كفاية كده البلد حاتخرب وحرام عليكم الجيش تعب وعايز يرجع ثكناته وهما مش حزب وطنى دول ناس عاديين من الشعب ودول دماغهم جزمة ومتربسة ومشعايزين يتفاهموا. دول الواحد يعمل معاهم اية؟؟

~W~ said...

رائع يا نوارة. كده صح ميه ميه. أنا اتضايقت جداً امبارح بالليل بعد ما شفتك محبطة قوي في برنامج آخر كلام. قعدت أفكر أن لازم يكون فيه خطة بديلة. فكرت في ما قبل ٢٥ ينايروكيفية حشد الناس وحملة طرق الأبواب ووووو. الشارع هو الحل. الناس اللي في الشارع همه الحل..ناخد الحكمة من افواه المجانين ونكلم الناس زي ما قال القذافي شبر شبر بيت بيت دار دار زنقة زنقة فرد فرد . خلينا ندي معنى جديد للهتاف الرائع "ثورة ثورة حتى النصر ثورة في كل شوارع مصر"

~W~ said...

رائع يا نوارة. كده صح ميه ميه. أنا اتضايقت جداً امبارح بالليل بعد ما شفتك محبطة قوي في برنامج آخر كلام. قعدت أفكر أن لازم يكون فيه خطة بديلة. فكرت في ما قبل ٢٥ ينايروكيفية حشد الناس وحملة طرق الأبواب ووووو. الشارع هو الحل. الناس اللي في الشارع همه الحل..ناخد الحكمة من افواه المجانين ونكلم الناس زي ما قال القذافي شبر شبر بيت بيت دار دار زنقة زنقة فرد فرد . خلينا ندي معنى جديد للهتاف الرائع "ثورة ثورة حتى النصر ثورة في كل شوارع مصر"

Unknown said...

Nawara please check your Yahoo mail urgently..we are awaiting your reply. Thank you

Khalid Abdel Rahman said...

http://www.youtube.com/watch?v=9EcdNel3u-A
انشرية يانواره على صفحاتك

Anonymous said...

ادى الكلام
حمدا الله على السلامه
يانواره يانجم

Hossam said...

You are perfect as usual, but:

Why you are not on the TVs?

We need you and all the similar voices on the different channels, the majority will go from the TV, and the Mona El Shazly with Ghoneim is just an example.

I need you to answer me, why you are not speaking enough on the TV?

Anonymous said...

ادى الكلام
حمدا الله على السلامه
يانواره يانجم

Unknown said...

معلش ماهو اصل لو اللي بيتكلم عاقل يبقي المستمع مجنون .. منين 500 مليار او نص تريللون اللي متاخد و الي ممكن يرجع 3 او 4 مليار (حسب كل القنوات ما قالوا)!! ماهي لازم متبقاش فيها مبالغة و بعدين اللي شايف ان ميدان التحرير ممكن يعمل حاجة (الفلوس ترجع) يبقي غلطان، الفلوس دي هتا تلرجع لما نجيب محامين اجانب و ياخدو الشيئ الفلاني و عايزين سنين .. انا شايف بصراحة ان الضغط جايب نتيجة لحد معين يبقى الضغط في الميت حرام .. انا مش شايف ان فيه تواطؤ لا سمح الله من الجيش بس فيه تباطؤ و ضغط الشارع هاينحرر العواجيز بتوعهم شويه بش الشعارات لازم تكون ثوريه مش فلوس و كدة و الله الموفق

Unknown said...

I agree with every word you said and yes unless we uproot all what is left from Mubarak's regime and all his supporters we won't have reached anything. I will post yr article and will talk to people about the importance of why we should keep on the pressure as you mentioned in yr article. Good work and God bless u

Lammers said...

كلام رائع جدا و موافقة على الافكار و ممكن اقول كمان اننا نراسل اللي موجودين معانا على الايميل و ماعندهمش مثلا حسابات على فيس بوك او تويتر لكن ممكن نوصل لهم الفكرة و نطلب منهم نشرها بالصور المطروحة في تدوينتك

او على اقل تقدير اختصار التدوينة لنقاط محددة و ارسالها بالايميل و طلب تدوالها بين الجميع

ثاناي نقطة هامة برضه كل اللي بيتكلم على لسان الثورة مرفوض لان الواضح ان مافيش حاجه بتتحقق غير اللي الشعب بيطلبه من التحرير و بقية المحافظات

اي وفد و لا ائتلاف و لا قوى سياسية بتحشد ليوم الجمعة متحدثة بكلمات مثل احنا و هانعمل و هانسوي

لا مافيش احنا دي تاني ياريت عشان بتعمل تشتت رهيب و انتي شوفتي بنفسك

المطالب تتوحد و تتعرف قبل يوم الجمعة و تتنشر على اوسع نطاق في مصر كلها و المصريين في الخارج كمان

ماننساش وقفاتهم و احتجاجتهم دوليا عملت برضه شيء كويس

ده اللي في بالي حاليا

الجماعة اللي قاعدين على المنتديات و المواقع برضه ينشروا مختصر مفيد للتدوينة لو مش حابين ينزلوا الشوارع او عندهم ظروف قهرية

Early bird said...

على فكره كل اللى بتقوليه ده بنعمله وبالدات فى المترو بس بتوع الثوره المضاده فعلا موجوديين وتلاقيهم صوتهم عالى وبيتكلموا فى اللا منطق وهم الى بيبتدوا
اى الحوار بالحسبنه فعلا وان الشباب دول عالم فاضيه وان شفيق راجل ديسنت ومؤدب ولما تزنقيهم وتقولى لهم على السرقه والنهب وان الديسنت ده سايب اللى يسرق يسرق وساب العيال فى الميدان يتقتلوايوم الاربعاء يقولك اصله مكانش عارف تقولى لهم طيب يعنى احنا ناقصيين ناس مش عارفه مافى غيره يعرف ويشبل المسؤليه

المصيبه بقه نغمه لا للتخويين ونغمه الاختلاف فى الراى

لا لتخويين ده معناه ان اسيب الناس تانى لتامر اميين وخيرى رمضان والصحافه العره يملوا دماغهم باكاديب والاختلاف فى الراى معناه ان مبارك ليه اسلوب سياسى احنا مختلفيين عليه مش انه لص وحرامى وعميل ومص دمنا وجبنا لورا واكلنا للاجانب فعلا لا قولا ودى لا يختلف عليها اثنيين

والحياديه اللى بتبقوا فيها بتساعد ولما تقعدوا مع مقدم برامح حيادى
زى يسرى فوده ده يقولك فلوس الرئيس ممكن تبقى حلال وزياد رد كويس بس المفروض كان يقوله الرئيس بيقول ان مصر بلد فقيره يبقى حلب منها ازاى 70مليار دولار بطريقه حلال و اللى اسمها منى الشادلى
كل اللى بنبنيه فى اى حوار بتهده هى فى قاعده واحده من التقارير بتاعه الفقد الامن والباصات بتاعه المدارس اللى مهدده كأن الثوره هى السبب مش الامن المنسحب بدون سبب واضح هو اللى عمل المشكله هم يا يضربونا بالصرم ييطلعوا علينا الحراميه

الست دى فى برنامحها كان المراسل بتاعهم ايام الثوره روبالدات فى اللقاء مع عمار الشريعى كان بيقول نفس الكلام بتاع الاجانب وانه شاف منهم كثير بسحن افغانيه وبلال فضل فى مداخله تلفونيه قال ان ميدان التحرير فى لوكندات رخيصه ممكن يكون فيها اجانب يعنى مكدبوش رغم انه بيقول نفس الكلام اللى بيقوله التلفزيون المصرى بس د
ه اخطر لانه محسوب على المعارضه

امانه متبقوش حنيين على الناس دى تانى اصلا مبارك وشرزمته ده لا يختلف عليها اتنيين وكلمه ديكتاتوريه الثوره دى حجه علشان الاراء المضاده تبان ويبقى مش حرامى مسكناه بسريقه لا ده انت اللى شايف غلط وكونك بتزعق علشان الناس تمسك معاك الحرامى تبقى انت ديكتاتور ولا تترك فرصه لعصابته ان تنقذه ..يا وحش

ahmed fouad said...

للاسف الناس المعتصمة او اللي بتتظاهر في التحرير فقدوا جزء كبير من مصداقيتهم وحب الشارع ليهم
1- ائتلاف الثورة بيتكلم كانة هوا اللي عمل الثورة وخلص البلد من الفساد وشباب يطلع بيانات ويتناقش مع المجلس العسكري ويطلع بقرارات ومكاسب ومقتنع تماما انة قادر ينزل الناس كلها في اي وقت احب اقول دا غباء متناهي الشارع يتحرك وقت ما يحس انك علي حق متحسسوناش انكم بتستولوا علي تعب الملايين وتشتغلوا علي قفا الشعب في منهم ناس كتير بسيطة ونازلا تطالب بحقوق فعلا وفي ناس منهم زبالة
2- وضحوا مطالبكم للشارع بشكل واضح المواطن المصري مواطن بسيط مش هيفهم الافلام الهندي اللي بدور من ورانا ولكن تقدر تحفزة فعلا بكميات الفلوس والفساد اللي لسة موجود

elzahraamegahed said...

رائع يا نواره ، كده صح
ياريت الجرايد تشترك فى الدعوه الواضحه اليوميه ليوم الجمعه ومواقع الدستور الأصلى والشروق
بيفرقوا برضه

mohamed said...

صح عندك حق ... بس كمان متهيقلى ان الناس اللى فى ميدان التحرير الان بيمثلو ورقه ضغط على المجلس العسكرى اللى بينزل كل شويه يشوف الناس فى التحرير رأيها ايه ... فيه مشكله ان الناس بدأت تتكلم وهى قاعده فى البيت مش عارفه طبيعه الحركه فى الشارع او فى الميدان .. وأوكد ان العدد القليل فى الميدان هو اللى خلى شفيق يهرب من مجلس الوزرا يوم الاحد . وهو اللى خلى المجلس العسكرى يستعجل فى الاجتماع مع الائتلاف .. اما موضوع الناس اللى ممكن تتأثر بتعطيل المرور مثلا فى ميدان التحرير وبتتحجج بيه هما نفسهم الناس اللى كانو قاعدين يتفرجو علينا فى التلفزيون ومانزلوش خالص لينا قبل التنحى يعنى مش هايكون ليهم تأثير فى العدد لانهم عمرهم ماهاينزلو .. واوكد كمان مره المحرك الرئيسى هو ميدان التحرير ومش الناس اللى قاعده فى بيوتها

zara shaishaa said...

That's it, howa da el shoghol. Something else very important, the contact and coordination between the cities from Alex to Aswant, you have to contact and keep connection all the time between you all, so it would be one picture allover Misr. Allah yebarek feekom we yehfazkom. I will share with all my friends, work through the net with fb and t. Talking to people and convincing them that it is not done yet until we get red off all connecting or the old regime, almofsedoon, a lot of people who has nothing to do with NDP but has live comfortably they complained that their lives has been disturbed and they want to go back to normality. Some of them I feel I could not talk to them, some you can and giving them the examples of the thousands who really struggle and who sacrificed their lives. Sometime I feel I touch some of them. Anyway talking to people getting them on board is very important. That's it, howa da el shoghol. Something else very important, the contact and coordination between the cities from Alex to Aswant, you have to contact and keep connection all the time between you all, so it would be one picture allover Misr. Allah yebarek feekom we yehfazkom. I will share with all my friends, work through the net with fb and t. Talking to people and convincing them that it is not done yet until we get red off all connecting or the old regime, almofsedoon, a lot of people who has nothing to do with NDP but have live comfortably they complained that their lives have been disturbed and they want to go back to normality. Some of them I feel I could not talk to them, some you can and giving them the examples of the thousands who really struggle and who sacrificed their lives. Sometime I feel I touch them. Anyway talking to people and getting them on board is very important this is the democracy in practice.
I wish if we could share the stand with you in Tahrir square but we live in the States physically but we are with you all the time tears, heart and souls, we exist with you all, in the struggles praying, praying and praying we alnasr will come be'ezn ALLAH.

FATMA said...

معاكي وحناقش ونحاول ننشر
وكل ما حد تجيله فكرة يكتبها

أحمد البستاوي said...

مشروع مراجعة الحاجات
http://www.facebook.com/profile.php?id=100001273951172#!/note.php?note_id=203864309627041

Anonymous said...

السلام عليكم
كنت قد كتبت التعليق ده أيضا على الفيس بوك
وجهة نظر فى الموضوع ده اقتراح أود أن أرى تعليقاتكم حوله
بما أن قانون الطوارئ لم يتم الغاؤه بعد وبما أنه هناك شرعية للثورة إذا :
1 - احتلال جميع مقرات المجالس المحلية وجميع مقرات الحزب الوطنى وجميع مقرات الحكومات ونزع مديريها وتسليمها بأنفسنا للأشخاص اللذين يمثلون بالنسبة لنا "حكومة انقاذ وطنى" أو "حكومة انتقاليه" وإعلام المجلس الأعلى للقوات المسلحة بهذا الأمر وهذا بدلا من القيام بمظاهرات كل جمعة وبهذا الحل قد أنقذنا بلدنا بأنفسنا
2 - وضع قانون جديد للثورة يفيد بنفي كل من ساعد النظام القديم أو مازال بالنفي خارج البلاد وذلك تحسبا لقيامه بأى عمل مجهض للثورة
3 - الاتفاق مع المجلس الأعلى للقوات المسلحة على تملكه السلطة خلال الفترة الانتقالية على أن لا يسمح بقيام أى عمل من الأعمال المجهضة للثورة
4 - تشكيل لجان حماية شعبية تساعد فى استقرار الوضع الأمنى حتى يتم عمل مسح كامل لجهاز الشرطة وتفنيط الفاسدين وتثنيتهم عن مناصبهم
5 - تعطيل العمل بالدستور كلية وليس تعديل بعض بنوده ثم تشكيل لجنة من المثقفين والعلماء فى كافة المجالات من العلوم والسياسة والدين لعمل دستور جديد كلية
6 - بما أن قانون الطوارئ لم يتم الغاؤه بعد فلنطبقه فعليا مع من يستحق تطبيقه من قياديين بالحزب الوطنى وكبار الفاسدين ثم بعد ذلك نقوم بمحاكمتهم وليس العكس"هل يطبق قانون الطوارئ على الشعب فقط " ؟
7 - بتطبيق البند السادس بالأعلى سيتيح لنا كافة الأجواء المناسبة للقيام بالتطوير الفعلى ونجاح الثورة كلية
8 - وقف كافة المعاملات الخارجية من سياسات وعقود وقروض حتى اتخاذ إجراء فيها من شأنه رفعة البلاد وكرامتها الخارجية بين دول العالم
أرجوا منكم إبداء الرأى وأرجوا من الأخت نواره أن تقرأه جيدا وتناقش بنوده

Unknown said...

احسنت قولا

lo2lo2a said...

بصي أحلى حاجه ان روحك المعنويه مرتفعه ويارب تبقى كده دايما

ثانيا أنا من النوع الجبان اخاف اضرب ومقتنعه جدا بكلامك وعاجبني اوي أسلوبك وأفكارك ما شاء الله عليكي

بس هو أنا أصلا ممكن اتكلم مع مين ؟ أي حد ف الشارع
ولازم 10 كل يوم ماينفعش أقتصر الموضوع ع اخواتي ف البيت اللي عارفه انهم مش هيقتنعوا أصلا

انا قرأت مقالتك للآخر وكان لازم أعلق
لو ضايقك تعليقي أنا آسفة

أتمنى لكم التوفيق

nour1971 said...

كلامك صح و ميه ميه انا كنت حاسه انك امبارح مكنتيش عارفه تقولي كل الي

جواكي امبارح مع يسري فوده و كنت حاسه انك مضغوطه و من ساعتها

مستنياكي تكتبي هنا علشان تقوليلنا الحقيقه ، انا بس مش غايظني غير المخدرات

كتن ناقص يقول حبوب هلوسه بصراحه مفلوقه لا كلام زي ده يطلع من الجيش

بس علي رايك احنا بنحب الجيش

Unknown said...

الكلام ده صح 100% واول مرة اقرأ لنوارة حاجة واتفق فيها تماما معها ..الشارع هو سيد الموقف ..وبالمناسبة احنا الشارع ..يعني لو نوارة كانت قرأت التعليقات علي اعتصام الثلاثاء اللي فات كانت عرفت انه مش حينجح ..وللاسباب الواضحة اللي كلنا قلناها ..وبرضه لو قرأت التعليقات علي باقي الموضوعات كانت عرفت ان الجمعه الجاية جمعه جامدة والعدد قريب من المليون ان شاء الله ..
التوجه للشارع موضوع مهم والتحدث مع الناس وتوضيح الكلام لهم امر اهم ونوارة غطت الموضوع ده كويس ..بس يفضل فيه حاجات تانية مهمة وماينفعش تستني لما نفوق لها ..
1- الحزب الوطني موظف الاف علي الكمبيوترات وطاحنين الناس علي مواقع الصحافة والفيس بوك احباط ويأس وان الثورة حتخرب بيت البلد وكل ما تدخل علي حتة يقولك كفاية اعتصامات وخلاص عملنا اللي احنا عايزينه ..تخيلوا فيه صفحة علي الفيس بوك للدعوه لترشح شفيق لرئاسة الجمهورية ؟؟ وصفحة اسمها اسفين يا عدلي ..وحتي لا نظلم الشرفاء (مقصود المغربي واحمد عز وجرانة والعادلي) ..
الاسوء من ذلك جريدة اليوم السابع -معلومة مؤكده - تقوم بعمل فلتر للتعليقات الداعمة للثورة ويترك المجال لجيش الحزب الوطني ويترك كام تعليق كده لحبك الموضوع ..
هذا لابد من مواجهته واتمني علي رواد هذه الصفحة الموجودين خارج مصر او الذين لا يمكنهم المشاركة في المظاهرات تولي هذا الدور ولكن لابد ان يعلنوا عن انفسهم ويرتبوا مع بعض المواقع والاوقات .
2- الاعلام الموجه خطير جدا ..واذا كنا نستطيع اقناع 10 اشخاص في اليوم ..فان برنامج مثل العاشرة مساءا .. وامثاله يستطيعون حشد العشرات في ساعه .. ولدي اقتراح بعمل مذكرة علي النت توقع من اكبر عدد من الناس وتوجه لاحمد بهجت ضد مني الشاذلي الفاسدة زوجة الفاسد ونطلب منه وقف برنامجها ..وانا واثق انه سيوقفه لانه مش عاوز العين عليه الايام دي .
الشغل اللي عملته نوارة وشباب الائتلاف مع يسري فودة وضح كتير للناس .. بس ليه ما يبقاش علي قنوات اللي عامة الشعب بيشوفها مش بس المثقفين
3- الجرائد القومية لازالت كما هي لابد من الضغط والامر لا يحتاج مليونيات ..ممكن ننظم مظاهرة عبارة عن وقفة لمدة 15 دقيقة اما الاهرام مثلا لعزل القيادة واظهار العين الحمرا للباقيين .. وهذه الوقفة ممكن ننظم لها من المصريين الشرفاء الذين يعملون في اماكن بجوار هذه الجرائد بحيث توافق مواعيد انتهاء عملهم والوقفة تزيد كل يوم 10 دقائق لحين تحقيق المطالب (مجرد وقفة احتجاجية امام المؤسسات الصحفية ..
4- وهده اهم نقطة ..عدم استبعاد اي فصيل من الفصائل الوطنية ..يعني بلاش بقي حكاية ثورة الشباب ..او ثورة الانترنت ..نخليها دايما ثورة الشعب ولكل الشعب ..ولا نبعد الاخوان المسلمون ..لانهم جزء منا ولانهم عدد كبير ومنظمين وهم كما شاهدنا وعرفنا مصريين واشرف مليون مرة من اللي بيدعوا الوطنية 30 سنة ..
المسلمين والمسيحين ..والمسيحين قبل المسلمين لازم نشجعهم.. من كام يوم كنت باتكلم مع حد ..وقلت لهم انه ده الوقت اللي يثبتوا فيه انهم جزء من الوطن ..بس لازم عددهم يزيد علشان يبانوا وسط الناس ..يعني لو كل عشرة مسلمين طلع منهم واحد لازم كل 3 مسيحين يطلع منهم واحد ..
..

hossam said...

اشمعنى تونس عملوا اعتصام مستمر ولم يكتفوا بيوم الجمعة فقط حتى اجبروا الغنوشى على الاستقالة وما زالوا معتصمين لانهم تعلموا الدرس وانهم لو روحوا بيوتهم مش هينفذوا مطالبهم على الاقل بالسرعة المطلوبة وما زالت استقالات وزراء تونس تتوالى تحت ضغط الاعتصام المستمر فى الشارع

hossam said...

اشمعنى تونس عملوا اعتصام مستمر ولم يكتفوا بيوم الجمعة فقط حتى اجبروا الغنوشى على الاستقالة وما زالوا معتصمين لانهم تعلموا الدرس وانهم لو روحوا بيوتهم مش هينفذوا مطالبهم على الاقل بالسرعة المطلوبة وما زالت استقالات وزراء تونس تتوالى تحت ضغط الاعتصام المستمر فى الشارع

hossam said...

اشمعنى تونس عملوا اعتصام مستمر ولم يكتفوا بيوم الجمعة فقط حتى اجبروا الغنوشى على الاستقالة وما زالوا معتصمين لانهم تعلموا الدرس وانهم لو روحوا بيوتهم مش هينفذوا مطالبهم على الاقل بالسرعة المطلوبة وما زالت استقالات وزراء تونس تتوالى تحت ضغط الاعتصام المستمر فى الشارع

Anonymous said...

يسلم فمك يانوارة
فاضلك حبة صغيرة وتبقى قائد طابية
الجزء الاول مفهوم تماما
والباقى جميل لكن احساسك بالانوثة بيخليكى ترغى كتير
ماله
انامعاكى كل جمعة وباقى الاسبوع مع الناس فى اماكنهم باوصل مفاهيم الثورة بالطريقة اللى نتوافق عليها

nour1971 said...

نسيت اقول اخبار المعتقليين ايه محدش بيتكلم عليهم دلوقتي ليه و بعدين وزير العدل ده لازم يتغير مهوا كان موجود من ايام الراجل المخلوع و كان ساكت عل الفساد كله و طبعا وزير الداخليه و الخارجيه كلللللللللله لازم يمشششششششي يا اما حا نفضل في الميدان مش حا نروح ثوره ١٩١٩ اعدت ٢ في الشارع هو احنا ورانا حاجه غير مصلحه البلد دي

zara shaishaa said...

Ahmed Fouad has a point the image of elshabab does not look as before. Where is Ibrahim Isa, where is Elbaradi and Bastaweesy and the other professors they used to conference with. Why el shabab did not join with honorable people to get creditability, with all my love and respect to all the young who ignited and shared the revolution, I feel that the media and holafaaa el shaitan are working to divide elshabab and boost their egos to manipulate them. Please join hands with the elders, and the real people who were sleeping in and around the tanks to prevent them from moving these are the real people who sustained the revolution. Together, not in separate groups, with people in Alex and Seuise till Aswan. It is a revolution and it should grow as one till successes in reaching all the goals it created it.

hossam said...

يا جماعة يوجد فيديو على اليوتيوب ان قائد المنطقة المركزية ذهب امس الى المعتصمين فى ميدان التحرير وقال لهم استعدوا لتشكيل حكومة جديدة
يعنى الاعتصام المستمر بيجيب نتيجة بدليل اننا لم نسمع هذا الوعد يوم الجمعة السابقة او اللى قبلها
ارجوكى يا نوارة لا تحبطى المعتصمين فى ميدان التحرير

Anonymous said...

أنا عن نفسى من بعد خطاب الرئيس التانى قبل يوم الأربعاء المشئوم وأنا شغال على ا لموضوع ده بكلم كل الناس وبعرفهم إيه الى بيحصل لأنى مدرك إن فى ناس كتير ليها مصلحه فى تشويه صوره الثوره مش أمن الدوله وبس .....أى إنسان فاسد كان بيستفيد من النظام السابق هيبذل كل جهده عشان يضر الثوره حتى لو كان ساعى فى محكمه .....عشان كده لازم نعرف الناس ونكلمها عشان ما نسبش أهالينا فريسه للفاسدين

Ebn 5aled said...

البلوج شعبيته زادت بطريقة خرافيه
تكتبي البوست من هنا ، يطلعلك ٣٠ كومنت في ساعتها ، ماشاء الله :D

الكلام حلو بس لازم نعرف صحيح حجات عن شفيق تكون من الكلام المقنع ،عشان محدش يرد عليا يقولي ده عمل المطار و مش عارف إيه.

بالمناسبه ،أول كلامك عن الحزب الوطني نفس طريقة أستاذه صافي ناز بالظبط بالملي يعني .

حسين محمد said...

تمام جدا
انا من الفيوم واحب اطمنك ان كتير معاي ناويين ينزلوا يوم الجمعة ان شاء الله
واغلب افكارك اللي في البوست بنفذها من بداية الاسبوع والحمد لله خاصة اللغة السهلة في الاقناع
بالتوفيق دائما مصر احسن واكبر واقوى

حسين محمد said...

عندي اقتراح
كارثة توقيع اتفاقية مياه النيل كتير بيسوقها على انها بسبب الثورة
محتاجين اننا نفهم الناس ان الموضوع ه شغال من زمان بسبب النظام السابق واللي حصل اخير ده خطوة واحدة جات بعد خطوات كتير كان سببها فشل وفساد النظام السابق
كمان ان مسئولية زي متعلقة بوزير الري والخارجية ودول مش مشغولين بالمظاهرات في حاجة الا حرصهم على ان يلزقوا اكتر في المنصب وخلاص ومصر تولع عندهم

utopia said...

اخيييييرا ايوه كده يا وديع اخيرا
فهمتنا....الحشد ثم الحشد ثم الحشد

"ولا تنازعوا فتفشلوا وتذهب ريحكم واصبروا إن الله مع الصابرين"
صدق الله العظيم

محمد نور الدين said...

ارمي الكلمة في بطن الظلمة تحبل سلمى وتولد نور

معلش ست الكل ولو كلامي فيه تنظير
كلامك هذا حوّلك من ثائرة إلى إصلاحية
من ثائرة في ميدان التحرير تهدف إلى بناء دولة عصرية وأمة عصرية
إلى مجرد إصلاحية وعضو في جمعية خيرية للبر و الإحسان تطالب باسترداد شوية فلوس مسروقة من هنا و هناك
هل تعلمين أن مصطفى بكري يطالب بنفس المطالب
يمكن مطالبه أقوى من مطالبك.
نوارة، لما أبوك قال:ارمي الكلمة في بطن الضلمة تحبل سلمى وتولد نور، أبوك كان يتحدث عن الحرية و الكرامة و العزة ، هذا الحلم الذي دفع أبوك ثمنه غاليا ، سجون وتعذيب وتشريد ونفي أبوك يا نوارة ينتظر منك أن تحققي له حلم العمر.
ملاحظة
ست الكل: يبدو أنني نسيت روحي ،ويبدو أنك تحملتني كثيرا ، ويبدو أنه لابد من عطلة ولو مؤقتة من المدونة التي أحببتها كثيرا بل لقد
أصبحت بيتي الثاني
لك تحياتي الصادقة

noha said...

kolo tamam we garry eltanfeeez awel 5atwa 3amltha kalmt kol shabab el gam3a elly a3rafhom we fahmtohm el 5etta tamam

rahrom said...

السلام عليكم انا برضه قلقانة يانوارة قريت ان مما طرح ان المشير طنطاوى ممكن يمسك رئيس الوزراء بدل شفيق ودى كارثة كبييييرة جدا اولا بعدها لو فتحنا بقنا واعترضنا يبقى احنا مش عاجبنا العجب وبكده تبقى القوى المعادية كلها ضمنت حد يراعى مصالحها لازم نركز ان ده مايحصلش ان شاء الله تانى حاجة لازم تركيز على الحشد فى المحافظات 3 توعية الناس بالاحزاب المتولده عن الحزب الوطنى انشروا اسمائها واسماء اللى فيها سمعت ان كمان وائل الابراشى هايعمل حزب اسمه شباب التحرير والبدراوى شباب 25 يناير ايه ده 4 التنظيم يوم الجمعة ان شاء الله والتركيز على وسائل الاعلام المحترمة ناشدوا الجزيرة ارجوكم وغيرها نعمل لافتات فى كل حى توعية باللى بيجرى وبيان المطالب تبقى قدام الناس وفى المساجد والكنائس وتانى كللللل المحافظات

Unknown said...

فكره رائعه .... ممكن التعميم في كل المواقع الكبيره زي كلنا خالد سعيد وغيرها .... أنا بعد الشغل نازل ان شاء الله وهاكلم على الاقل 10

Unknown said...

إن شاء الله سننزل ..... فكره رائعه ... أرجو التعميم في المواقع والجروبات الكبيره مثل كلنا خالد سعيد

الجبرتوته said...

هم كلمتين وبس ..حكومة شفيق لو ممشيتش يبقي مفيش غير حل واحد بما ان الشعب يملك الشرعيه الثوريه يقيلها هو بنفسه ويشكل حكومه في الشارع ويعلن عنها ..الشعب هو صاحب الشرعيه وهو اللي يقرر لان ممكن الجيش يكون عليه ضعوط احنا مش عارفين حجمها وضغط الشارع ممكن يعفيه من الحرج و يكون مبرر للتنفيذ

a.tarshan said...

انا متهيألى كمان إننا لازم نشتغل شوية على التلفزيون المصرى والمذيعات ربات البيوت اللى بيسمعلهم كتير من الغلابة وعشان كده انا جيبت الميلز والسايتس بتاعتهم نبعتلها ونغرقهم ميلز
حملة كاملة عليهم فى كل حتة

info@nilenews.tv; radioinfo@ertu.org; tvinfo@ertu.org; newsinfo@ertu.org; prodinfo@ertu.org; theminfo@ertu.org; reginfo@ertu.org; enginfo@ertu.org; aminfo@ertu.org; sonoinfo@ertu.org; tvmagazine@ertu.org; econinfo@ertu.org; tvch1@ertu.org; tvch2@ertu.org; esc1@ertu.org; nilenews@ertu.org; niletv@ertu.org; youth-sport@ertu.org; alshark-alawsat@ertu.org; matloob_eltaekeeb@ertu.org; minalkahira@ertu.org; politic_question@ertu.org; zeroone@ertu.org; alboad-alakhar@ertu.org; arabaffairs@ertu.org; virusoftheweek@ertu.org; zawaya@ertu.org; sabahgadid@ertu.org; akhbarnet@ertu.org

وده اللينك تقدر تقول فيه رأيك فى القنوات
http://www.ertu.org/progs_opinions/opinion.asp

وده أخبار مصر
cheifeditor@egynews.net

لإرسال فيديو بحد أقصى 10 ميجا
video@egynews.net

Amirat Hor Aldonya said...

رائعــــ بجد هو دا الكلام الصح ،، فعلا الناس بيتضايق جدا لما تعرف إن في حد سرقها و إن وضعهم دا من الظلم مش عشان البلد فقيرة زي مبيقولوا ،،،، حنبدأ في التنفيذ بس في حاجة غريبة عايزة أسأل عنها::: بالنسبة لسواق الميكروباص اللي الضابط ضربوا جابوه في التلفزيون المصري بتكلم و زي الفل و كل وسائل الإعلام بتقول إنه في العناية المركزة و بيموت طب فين الحقيقة يعني التلفزيون المصري جاب واحد يمثل السواق ؟؟؟ و لا إيه

أنا عارفة إنو موضوه فرعي بس مهم جدا لانهم بدأوا يلعبوا كمان في طرق موت الشهداء و يطلعوا إشعات إنهم انتحروا و حاجات غريبة جدااااا

Amirat Hor Aldonya said...

علم و سيتم التنفيذ إن شاء الله

بس أنا عايزة أسأل على سواق الميكروباص اللي ضربوا الضباط حي و لا لأ ،، لأن كل وسائل الإعلام بتقول في العناية المركزة و التلفزيون المصري جاب واحد بيقول إن هو السواق و عادي جدااا و زي الفل ،، يعني هما جايبين واحد بيمثل و لا أيه ؟؟؟؟

Anonymous said...

من المعروف أنه,بحكم اتفاقيات كامب دافيد,هناك علاقات وتعاون,أكثر من وثيق,بين قيادات جيشنا وقيادات الجيش الأمريكى.أمريكا,وطبعا إسرائيل,يؤرقهما كابوس إحتمالية انتخاب الدكتور البرادعى,كرئيس محايد ومستقل لمصر,وهم سبب كثير من المغالطات عنه.لماذا لا يريد المجلس العسكرى,مقابلته,وهو الذى لديه,أفضل "روشتة"لمصر؟!

خالد said...

أنا متفق معاكى يانوارة أن المشكلة اللى محدش قادر يستوعبها الآن من الشباب أن المفروض التركيز على الشارع مش على النت ولا على المجلس العسكرى
أنا واحد من الناس شايف الخطورة من عملية البرمجة اللى بيمارسها أذناب الحزب دلوقتى للشارع المصرى أخطر مليون مرة من بقاء شفيق أو محاكمة مبارك
عودة نغمة الأستقرار وأن شفيق راجل حلو والكلام على ترشيح عمروموسى وأحمد جويلى
وأننا نصبر شوية على الحكومة الموجودة دلوقتى دليل على أن الحزب الوطنى لسه بيلعب فى دماغ الناس
أحنا ضيعنا وقت كتير فى الأحتفال بنجاح الثورة ووقت أكتر فى مطالبة المجلس العسكرى الذى يتعامل معنا بطريقة مبارك كلما زادت الضغوط ينفذ طلبا ويترك الباقى
المفروض الأن أن نتجه الى الشارع ونقوم بحملات توعية مستمرة حتى أقامة نظام ديموقراطى حقيقى فى مصر من رئيس وبرلمان منتخب ودستور جديد
لماذا لا نستغل المناخ الحالى لعقد مؤتمرات جماهيرية فى الأحياء الشعبية والقرى والمدن المختلفة نشرح فيها للناس بلغة مبسطة وواضحة معنى الثورة وما هى فوائدها على مستقبلهم ومستقبل أبناءهم
يجب زيادة التواصل مع الناس بشكل أكبر

kooky kak said...

ايوه كده ايوه كده ربنا يحميكي
هو ده الكلام ولا بلاش
اصل انا كان جالي احباط من كل اللي كتبتيه من اول يوم الجمعة اللي فات لغاية دلوقت
بس انتي كده رجعتي تاني نوراة احمد فؤاد نجم صحيح

negmat lail said...

أهم نقطتين يجب الانتباه لهما :

-ضرورة توحيد المتحدث باسم الثورة بناء على آراء جميع الاتجاهات وهذا ليس عيبا بل انه يكسب الثورة قوة

-ضرورة معرفة عناصر وخبايا اي جهاز او حزب قبل حله كي لا تضيع المعلومات و تتوه تلك العناصر بين الناس

ملكش دعوة said...

الكلام ده هايل والناس اللي في الشارع الباعين الشباب اللي علي النواصي اصحابي علي الفيس زمايلي في الشغل الست اللي بتقعد جنبي في الباص هما دول اللي هيساعدوا ويسندوا ويحموا حتي لو كانوا في اماكنهم بس اهم نقطه نركز علي ان العصابه لسه موجوده وان فيلم عاد لينتقم بتاع الحزب الوطني جاري تصويره ولو متلموش وخافوا هيرجعوا اكشر وحشيه وخلاص هما عرفوا مين عدوهم عدوهم الاول الانترنت اللي جمع صوتنا لازم يفضل سلاح مشهور في وشهم وده بيحشد عدد كبير من الشباب اللي ابتدوا يبعدوا شويه عن روح الثوره يعني نعمل فيديوهات بتاكد الخطر المستمر في استمرار النظام القديم وان ده هيسرق مستقبلهم واحلامهم

Feuercheval said...

هل تعتقدي أن كل المضار اللي ذكرتيها لبقاء شفيق او أمن الدولة خافية علي المجلس العسكري؟ المنطق اللي ذكرتيه سهل جدا علي طفل في الاعدادية انه يفهمه فما بالك بلوائات وفرقاء ومشير متخرجين من كلية أركان حرب ومتنقيين علي الفرازة؟

[اختصار شديد دول ينطبق عليهم قول ابن القيم فان كنت لاتدري فتلك مصيبة وان كنت تدري فالمصيبة اعظم وأنا لااشك للحظة واحدة في سوء نيتهم مش هما دول اللي طلعوا البيان التاني اللي كان عايم علي عوم مبارك؟ مش هما دول اللي مخليين كل الوزرا اللي عينهم مبارك راكرين علي قلبنا ومش بيشيلوهم الا بالتيلة؟ مش هما دول اللي يوم ما يعملوا حاجة عدلة يعملوها too little too late زي قرار المنع من السفر اللي ما طلعش الا بعد العصابة ما هربت؟

أنا مش مختلف في الأسلوب الشارع كان الحل وسيبقي دائما لكن فرق كبير بين حبيبك اللي يبلعلك الزلط و يفرح لما يشوفك بتنزل ويتغاضي عن هفواتك وعدوك اللي يتمنالك الغلط ومخنوق منك والود وده مايشوفش وشك تاني في الشارع

ملكش دعوة said...

الكلام ده جميل نبتدي بالبياعيين في الشوارع والشباب اللي علي النواصي وزمايلي في الشغل والست الي بتقعد جنبي في الباص لان راي الناس في الشارع زحماسهم هو اللي دعم الثوره المشكله اني بقابل ناس مش مع اي حاجه ولا مع ولا ضد لكن بتتحول لوحش اذا كان الحاصل في البلد بيعطل مصالحها ثانيه مبعرفش اعمل معاهم ايه وبيجبولي احباط لكن ربنا كبير وهو الناصر وطالما اخلصنا النيه لله ان شاء الله هينصرنا

Anonymous said...

من المعروف أنه,بحكم اتفاقيات كامب دافيد,هناك علاقات وتعاون,أكثر من وثيق,بين قيادات جيشنا وقيادات الجيش الأمريكى.أمريكا,وطبعا إسرائيل,يؤرقهما كابوس إحتمالية انتخاب الدكتور البرادعى,كرئيس محايد ومستقل لمصر,وهم سبب كثير من المغالطات عنه.لماذا لا يريد المجلس العسكرى,مقابلته,وهو الذى لديه,أفضل "روشتة"لمصر؟

Logaina said...

لمنع خلط الأوراق والترويج بان الإنفلات الأمني يرجع إللي الإستمرار في المطالبة بتحقيق مطالب الثورة.
وحتي لا يكون هناك مطالبات مستمرة لفك الاعتصامات و المظاهرات والاتهام بالاستعجال وخلافه
بحجة عودة الحياة الطبيعية واحنا لسة معملناش حاجة

فالأولوية الاولي الآن هي إستعادة الامن في البلد و ذلك للحفاظ علي الأرواح و الأموال
وطالما ان هناك تبطأ من قبل وزارة الداخلية الحالية في محاسبة رجال الأمن المعروف عنهم بممارستهم الإجرامية فهناك ضرورة ملحة بأن تقوم كل منطقة بعمل قائمة سوداء لضباط القسم التابعة له وذلك علي مستوي الجمهورية لهؤلاء المجرمين والمطالبة بالتحقيق معهم و محاكمتهم علانية.
و من هم علي هذه القائمة يجب إبعادهم تماما عن أماكن عملهم فورا
فسواء كان تبطأ الداخلية يرجع إلي عدم رغبتها في تطهير نفسها لأسباب لا يعلمها إلا هم ومن معهم أو يرجع إلي نيتها السليمة ولكن عجزها التام وفقدانها لآلية الإصلاح والتي فقدتها لأنها استبدلت أدواتها بأدوات الحفظ علي النظام.
فإن الأسماء علي هذه القوائم لو تم محاسبتها فسوف يستعيد الشعب الثقة في جهاز الأمن لأنه لا يخلو من الشرفاء شأنه شأن كل أجهزة الدولة.
وطبعا ذلك بالإضافة إلي حل جهاز أمن الدولة ودة يبقي رد للمبادرة بتاعتهم إللي عاملنها لإستعادة الأمن
وهذا الحل هو أقصر الطرق لحل الإنفلات الأمني الحالي لحين اعادة هيكلة جهاز الأمن وتغيير مفهومه السابق والذي أقترح أن تنظم له لجنة من الضباط الشرفاء والعسكريين و ممثلي حقوق الإنسان والقضاه لوضع تصور للهيكل الجديد بمفهومه الامني و الإنساني و الإجتماعي وتكامله مع الجيش لضمان الأمن الداخلي و الخارجي ثم تصاغ لهذا المفهوم والكيان الجديد مواد تضم للدستور الجديد مع وضع قوانين منظمة له.
وأول مهام هذا اللجنة هو تقديم اسم لوزير الداخلية في الحكومة الانتقالية
ثم يحرر بيان للمواطنين يوضح لهم حقوقهم الإنسانية عند تعامل رجال الأمن معهم مع ضمان أن يحتفظ رجال الأمن بصلاحية تخول لهم التعامل مع المجرمين والخارجين علي القانون ويحدد لهؤلاء تعريف لا يشتمل علي الخارجين علي النظام.
ويكون دور المنظمات المدنية والإعلام عندها ليس تجميل وجه جهاز الامن المشوه و لكن إبراز ما به من إيجابيات و نماذج من رجال شرفاء مع تنشيط المساعدة للجان الشعبية للحفاظ علي الأمن خلال الفترة القادمة لحين استعادة الوضع الأمني
كما أن رجال الامن المركزي معلوم بأنهم لا يتحركوا إلا وفقا للأوامر الموجه وبما أن هذا الجهاز قوامه العددي كبير فإنه يمكن أن يساهم في إستتباب الأمن في الأماكن الحيوية فيتم توزيعهم علي للجان الشعبية للمساعدة

إذا فالمطلب للثورة دلوقتي لازم يكون
1. إسقاط الحكومة و تأكيد علي وزير الداخلية
2.محاكمة القائمة السوداء
3. و تعيين مجلس من رجال أمن و عسكريين و ممثلي حقوق إنسان
وقضاة
4.حل جهاز مباحث أمن الدولة
5. نزول رجال الأمن المركزي مع اللجان الشعبية
======
1. كدة الناس هتحترم الثوار إنهم وقفوا مطالبهم وراعوا الناس في بيوتهم
و لو الثوار طالبوا بكدة هيوحدوا المطلب دة مع الشعب يعني مطلب المظاهرات هيجد قبول بدل معارضة من حزب الكنب
2. قطعنا إيد النظام
3.عملنا خطوة لتأمين الإنتخابات في ظل جهاز امن محترم علشان لو الجيش عاوز يسيب بسرع يبقي يتفضل

Unknown said...

اسف ..نسيت اهم نقطة ... حصر الموضوع في التحرير دون الذكر للابطال في الاسكندرية والسويس وباقي محافظات مصر الباسلة ..يخسرنا كثير من رصيد الثورة ... لابد ان تكون الحركة علي ربوع المعمورة لان رجال الاعمال الفاسدين والحزب الزفت ..شاغلين في محافظات الصعيد زي الصاروخ وبيحشدوا للانتخابات ...وخلوا بالكم مصر 85 مليون ...8 منهم بس في القاهرة ..

Nicholas Urfe said...

استاذ ايمن رضوان

انت قلت :

انا معاكي في كل الي بتقوليه بس في مطلب مهم وانا شايفه الاهم
مجلس رئاسي من واحد عسكري واتنين قضاه

------------------------

اولا بحترم رأيك
ثانيا : انا بعلق على كلامك لأن شايف ان ده شايع على الانترنت اليومين الاخرانيين ان في زمايل محترمين لينا بيحولوا الرأي لمطلب

وأنا بختلف معاك:

مش كل اقتراح ينفع يبقى مطلب يا فندم

المطالب لازم تكون عامة وواضحة ،يعني مثلا عايزين نخلص من بقايا النظام ده مطلب عام لن تجد اختلاف حقيقي عليه

لكن نخلص منه ازاي؟
هتلاقي كل مجموعة اصدقاء او ناشطين ليهم رأي..ما ينفعش يدوا رأيهم ده قيمة المطلب العام والا هنخلق اختلاف ونزاعات ونعمل فرقة داخلية ...

تعدد الآراء شئ صحي ، لكن الشطارة ان نجمع الآراء المختلفة تحت مطلب عام يجمعها

Nicholas Urfe said...

الناس اللي ماسكه مكنسة وبتنضف الشارع مقنعة للشعب اكثر من الف مثقف ومتكلم،

اعمل حاجة مفيدة ، وبتلقائية ومن غير مثالية زايدة وبكل صدق، هتلاقي كل اللي حواليك بيحترموك ويثقوا في كلامك

واللهي العظيم ولاد صغيرين بينضفوا الشارع في مدينة نصر كنت عايز انزل اسلم عليهم وابوسهم لأني حاسس من عينيهم وخجلهم انهم مش بيتمنظروا ولا عايزين الناس تشوفهم وتهلل لهم ، دول ناس صادقة بجد ويمكن كتير منهم مانزلش المظاهرات لكن بجد الله اكبر

Nicholas Urfe said...

ويا جماعة مع كل احترامي سيبوا اللي يتكلم يتكلم واللي يقول يقول والبرنامج الفلاني اللي قال كذا وبتوع الثورة المضادة اللي بيعملوا ماعرفش ايه

الالتفات ليهم والخوف منهم هو اللي هيديلهم قيمة

الفساد ضعيف بطبيعته في مصر ، مش نيجي احنا نقويه

Anonymous said...

مرة تلو المرة,أردد,أن قوة أى ثورة,تكمن فى ثوابت أهدافها-"مانيفستو الثورة"-وقوة الإجماع عليه.إذا أحس الجنرالات,بأى عدم وضوح,أو ضعف فى الإجماع,وهذا بالضبط هو الحال الآن,فسيستمروا فى تجاهلهم,لمطالب الشعب.مطالب واضحة,هى خطوط حمراء للثورة,وإجماع من حديد,هذه هى روشتة نجاح الثورة.كفانا مراوحة فى أماكننا,مصر لا تملك ترف الإنتظار,من بعد ثورتها

Anonymous said...

مرة تلو المرة,أردد,أن قوة أى ثورة,تكمن فى ثوابت أهدافها-"مانيفستو الثورة"-وقوة الإجماع عليه.إذا أحس الجنرالات,بأى عدم وضوح,أو ضعف فى الإجماع,وهذا بالضبط هو الحال الآن,فسيستمروا فى تجاهلهم,لمطالب الشعب.مطالب واضحة,هى خطوط حمراء للثورة,وإجماع من حديد,هذه هو طريق نجاح الثورة.كفانا مراوحة فى أماكننا,مصر لا تملك ترف الإنتظار

رانيه said...

انا اكتر حاجة راعبانى ان الانتخانات البرلمانية تبقى كمان تلات اشهر، يبقى كدة قول على الثورة يا رحمن يا رحيم. الاخوان والوطنى. احنا كلنا عارفين ده فيا ريت التاجيل يكون من اهم المطالب

Abo Maro said...

يا شباب انا عندى اقتراح ان شاء الله حنفزه : المقال الجميل ده يتطبع فى ورق و كل واحد يطبع منه على قد فلوسه (النسخه ب 10 قرش و ممكن صاحب المكتبة يصورهم ببلاش) و نوزع الورق ده فى اشارات المرور و اماكن تجمع اعضاء حزب الكنبة , و ياريت اللى ينزل يوزع ياخد معاه حد علشان محدش يغلس عليه ........لو كل واحد وزع 100 ورقة ب 10 جنيه ان شاء الله صوتنا حيوصل لناس كتيييييييييييييييييييييييييييييييييير

Anonymous said...

مرة تلو المرة,أردد,أن قوة أى ثورة,تكمن فى ثوابت أهدافها-"مانيفستو الثورة"-وقوة الإجماع عليه.إذا أحس الجنرالات,بأى عدم وضوح,أو ضعف فى الإجماع,وهذا بالضبط هو الحال الآن,فسيستمروا فى تجاهلهم,لمطالب الشعب.مطالب واضحة,هى خطوط حمراء للثورة,وإجماع من حديد,هذه هو طريق نجاح الثورة.كفانا مراوحة فى أماكننا,مصر لا تملك ترف الإنتظار

رانيه said...

انا اكتر حاجة راعبانى ان الانتخابات البرلمانية تكون بعد تلات اشهر. لو ده حصل قول على الثورة يا رحمن يا رحيم فيا ريت التأجيل يكون من اهم الاولويات

Unknown said...

sa7 ya nawara, ana kol mamshy fe 7etta ba2ol l kol el nas elly ashofoha el fatra elly gaya de el 7war aham 7agaaaaa....3shan el nas ell ghalabana dol yefhmo

Mahmoud ElGammal said...

كلام سليم يا نوارة، مفيش وقت للاكتئاب. دقت ساعة العمل... إلى الأمام ... ثورة...ثورة!

Anonymous said...

إذا لم نطالب,بمجلس رئاسى,يحل محل المجلس العسكرى,,ليوازن قوى الفساد والثورة المضادة,فستكون ثورتنا مهددة

torero said...

اعتقد ان اهم سببين يجعلوا الناس تسخن وتنزل الشارع بقوة هما:
الشرطة و تعاليها على الشعب و انهم لو لم يتم محاكمتهم فسوف يكونوا اقسى و اشد على الشعب من قبل الثورة
الاموال التى تم نهبها من قبل اللصوص و الاراضى عند عودتها للشعب المصرى فسوف يكون نصيب كل فرد كذا الف جم

3 - سوف يكون هناك تكافؤ فرص فى الوظائف

شكرا

Anonymous said...

اذا كنا عايزين نشتغل صح يبقى لازم الجمعة الجاية يتعملها ايفنت و تتسمى بأي اسم بسرعة بس لازم تتسمى اسم يكون معبر و محفز. و نشوف لحد الخميس بالليل هنوصل كام و يتحدد من الأول كدة على بلاطة كل الائتلافات و الأحزاب و الاخوان انها نازلة و لازم كل القنوات تعلن عن ان فيه جمعة مليونية بيتم الدعوة لها .. مثلا في اسكندرية الشباب ناسيين شيء مهم ان الشيخ المحلاوي له شعبية جارفة في اسكندرية ياريت تنسقوا معاه و تخلوه يدعو للاستمرار في الاحتجاجات و كمان سجلو فيديوهات لكل المشاهير اللي مع الثورة بيقولوا انهم نازلين و أكدو على الالتراس أهلي و زمالك دي يعني شوية أفكار و كله يساعد

salwa ibrahim said...

ya nawara you have to beat feloul alnezam alsabek, I live in ny but i send to every body i know to follow you

salwa ibrahim said...

ya nawara we have to beat feloul alnezam alsabek dool kaanhom mosh masreyeen,i send to every body i know to follow you , the only mistake that we made big deal out of feloul alhezb alwatny they just dissapearing day after day but I agree 100% on your bian
all free egyptians has to join Friday protests in big crowds, Ahmed Shafiq has to go with Abu alghait in his arm, and make it clear to people (not everyone has same level of education) that they hepling in burning al adelah on the fassedeen, go on ya shabab continue your road just a little left to achieve your demands

Unknown said...

مش عايزين سمير رضوان يمشي
راجل محترم جدا وواعد جدا و ننتظر منه الكثير حرام يروح مع اللي يستاهلوا يروحوا

salwa ibrahim said...

and to show people this hkoomah is from the time of fassad : Mamdouh Marie wazeer al adl is under tahkikat now because he is one of prevous nezam ya gama3a alshabbab sah follow them

Unknown said...

مش عايزين سمير رضوان يمشي
راجل محترم جدا وواعد جدا و ننتظر منه الكثير حرام يروح مع اللي يستاهلوا يروحوا

Unknown said...

مش عايزين سمير رضوان يمشي
راجل محترم جدا وواعد جدا و ننتظر منه الكثير حرام يروح مع اللي يستاهلوا يروحوا

BT said...

معاكى يا نواره فى الكلام ده و هبدأ النشر ان شاء الله
لكن من النقاط المهمه جدا جدا اللى لازم نركز عليها هى العلام الموجه و ان شباب الثوره اللى يطلعوا فى التلفزيون لازم يبقوا اقويه و ميتكسفوش او يعملوا خاطر للمذيه او المذيعه لأن ده بيضعف موقفك
فرصه وجاتلك على الهوا يبقى تقول كل اللى انت عاوزه فيها و لو البرنامج شرط عليه ميتكلمش فى حاجه معينه يبقى يرفض انه يطلع فى البرنامج احسن
الناس مبقتش تعرف اخبار الثوره غير من القنوات و الجرايد المصريه و اللى هى إعلام موجه
حتى الجزيره مشغوله فى ليبيا و فى ناس بتقول ان فيه ضغوط عليها من امريكا علشان تبطل تغطية الثوره المصريه بالشكل القوى اللى لعبته فى الأول

لازم الإعلاميين و الصحفيين الشرفاء يساعدونا فى الموضوع ده كويس
و بعدين هو فعلا قانون الطوارىء مبيطبقش غير على الشعب الغلبان بس
مبيطبقش على المجرمين الفاسدين اللى افسدوا الحياه السياسيه و القتصاديه فى مصر ليه
عارفين ليه؟ علشان اللى بيطبقوا قانون الطوارىء هم نفسهم فاسدين

نلم نفسنا تانى ونرجع اكبر من الول بس لازم نشتغل على الناس كويس
خصوصا بعد ما التلفزيون لغى حلقات محمود سعد و عمرو الليثى و مش عارفه اخبار وائل الأبراشى ايه

Tears said...

ايه رايك كل اللى يقدر طبع كميات من اللينك اسفل و يوزعها على الناس فى الشوارع افضل من المناهدة و الكلام

http://news2.youm7.com/News.asp?NewsID=359631


و ارجع و اقولك نفس اللى سبق و افترحته الحل فى قناة التحرير تفتح و يتعمل دعاية فظيعه

Anonymous said...

انا مش حزب وطني يابنت حمادة اقرئي سد اثيوبيا واقرئي توقيع بورندي تتك نيلة هو دة المفروض تكلموا فية مع المجلس العسكري

Unknown said...

الشرطة والشعب - الداء والدواء
انتشرت موجة اعلامية واسعة النطاق في جميع القنوات العربية والمحلية وحتى البرامج الإذاعية لمحاولة حل فازورة الشرطة والشعب كيف تنزل الشرطة لأداء واجبها دون تعرض الشعب لها وتجنب حدوث مشاكل بينهما , وفي الطب قبل علاج أي مرض يجب تشخيصه جيدا قبل وصف الدواء حتى يتم الشفاء فإذا أخطأت في التشخيص أخطأت في وصف الدواء فتدهور الحالة , فنبتدي بالتشخيص :
يعاني المجتمع المصري من شبه انعدام للأمن والأمان نتيجة انتشار البلطجية واستفحالها بدرجة كبيرة والحقيقة أن هذا المارد تم تربيته ورعايته بواسطة جهاز الداخلية منذ سنوات حيث كان مفترض بواسطة قانون الطوارئ تمتلئ السجون والمعتقلات بهؤلاء البلطجية فإذا بها تمتلئ بالناشيطين السياسين والمفكرين المعارضين والمصلين 5 فرود في جامع بعينه , ليس هذا فقط بل يتم الإستعانة بهم في كل أشكال الإنتخابات ليرهبوا المواطنين ويخربوا تحت حراسة وزارة الداخلية , وعندما حانت اللحظة الحاسمة لسقوط النظام قاموا بتحضير هذا المارد الضخم بكل ما أتوا من قوة بل وانضموا إليه لينقذوا أنفسهم والنظام بفزاعة الأمن الخطة التي فشلت فشل زريع بل وأنقلبت عليهم فأكاد أجزم بل وأقسم بالله أن 99% ممن يتطاولوا الأن على أفراد الشرطة في الشارع المصري هم نفسهم البلطجية الذين راعوهم وقاموا على تربيتهم وهنا أتذكر المثل الشعبي الشهير ( الي ميعرفش يصرف العفريت ما يحضروش ) فقد انقلب المارد على صاحبه قبل المواطنين فالمواطن المصري العادي متسامح الى حد بعيد لايحتفظ بشراهة الانتقام من المعاملة السيئة التي تعرض لها طوال السنوات التي مضت ولكنه مصر الى حد أبعد مما يتخيله أحد أن ينتفم ممن قتلوا أبنائه خلال أحداث 25 يناير وهنا ننتقل الى وصف الدواء .
الدواء وحل الفازورة :
في العادة لا يتطرق الطبيب لشرح كيف يعمل كل دواء ولكننا سنفعل .
1- المحاسبة تقديم عدد من قيادات و ظباط الشرطة الى المحاكمة بتهمة اطلاق الرصاص الحي على المتظاهرين بناءا على شهدات الشهود والفديوهات الكثيرة المتاحة والواضحة لوجوه الظباط الذين اطلقوا النيران والتي لا تحتاج لشهادة أحد , كيف يعمل هذا الدواء ؟
هذا الدواء سريع المفعول جدا حيث يهداء الرأي العام كثيرا ويعطي ثقة واسعة في وزير الداخلية ( مثلا اذا قام هو بهذه الخطوة بدلا من أن يقول عناصر أجنبية والشرطة أدت ما عليها ) .
يطمأن أهالي الشهداء الأبطال المؤكدين لهذه الثورة ويشعرهم بجدوى العدالة في مصر الجديدة.
يعطي ثقة واسعة لأفراد الشرطة على عكس المتوقع لأنه سوف الشارع المصري أن من يراهم من وزارة الداخلية ويتعامل معهم هم الذين لم تلطخ أيديهم بدماء المصرين وليسوا الفاسدين , سوف يحتفي الشارع المصري بهم ويلتف حولهم.
2- حل جهاز مرعب الدولة أقصد أمن الدولة أو تحويله لجهاز معلومات للوزارة كما اقترح البعض فكلنا يعرف (إلا كبار المسئولين ) ماذا فعل هذا الجهاز في الشعب المصري من تعذيب وترهيب وتحكم في الأرزاق والأعمال وإعتقال وتلفيق تهم وفساد مالي وإداري رهيب لا يعلمه إلا الله بحل هذا الجهاز سوف يختفي جزء هائل من الغضب والكره الذي يكنه المواطن البسيط لوزارة الداخلية ولا يستطيع أحينا أن يعبر عنه.
3- استغلال حالة الطوارئ التي تمر بها البلاد بشكل صيح للمرة الأولى عن طريق اعتقال أغلب البلطجية والمجرمين في كل أنحاء البلاد واستغلال وجود الجيش بجانب الشرطة وهذا بمنتهى السهولة فيوجد كشوف لدى السادة ضباط الداخلية في كل قسم ومكتب بأسماء هولاء وأرقام تليفوناتهم وعنواينهم وهذا شئ مؤكد لن أطيل الكلام فيه .
4- اعادة هيكلة جهاز الشرطة وإعادة توزيع عادل للرواتب داخل الجهاز وزيادة أعداد دفعة كلية الشرطة طبعا مع إلغاء (افتكاسة ) كشف الهيئة فكلنا نعرف لماذا كان كشف الهيئة.
أعتقد والله أعلم اذا تمت هذه الخطوات بصورة عاجلة سوف نرى الأمان في الشارع المصري بصورة أفضل من أي وقت مضى وسف تتحسن علاقة المواطن بالشرطة بسرعة لن يتخيلها أحد .
ملحوظة هامة : قاعدة طبيه وعلميه اذا تأخر الدواء تسؤ الحالة ولن ينفع الدواء متأخرا ولنا في تعامل الرئيس المخلوع مع المظاهرات عبرة .
د. نادر شعيشع

Anonymous said...

مرة تلو المرة,نردد,أن قوة أى ثورة,تكمن فى ثوابت أهدافها-"مانيفستو الثورة"-وقوة الإجماع عليه.إذا أحس الجنرالات,بأى عدم وضوح,أو ضعف فى الإجماع,وهذا بالضبط هو الحال الآن,فسيستمروا فى تجاهلهم,لمطالب الشعب.مطالب واضحة,هى خطوط حمراء للثورة,وإجماع من حديد,هذا هو طريق نجاح الثورة.كفانا مراوحة فى أماكننا,مصر لا تملك ترف الإنتظار

aly said...

موضوع تاني يا نوارة انا شايف انه مستعجل قبل يوم 9 مارس
وده اخر ميعاد لاستخراج البطاقات الانتخابية
أنا عارف أن الكلام اللي الناس كلها بتقوله أن الانتخاب بالرقم القومي لكن الداخلية مدت المهلة ل 9 مارس وانا شامم ريحة لعب
ولما رحت النهاردة القسم عشان استخرج بطاقة قالت لي الموظفة أن الانتخاب بالرقم القومي لكن بشرط ادراج اسمك في القوائم الانتخابية

الاجراءات سهلة صورة البطاقة وصورة شهادة ميلاد لو مواليد 1982 فما فوق

فيه كتير زي حالاتي عمرهم مافكروا يطلعوا بطاقة انتخابية عشان كان مافيش منها فايدة لكن دلوقتي ضرورية ضرورية ونحاول نطلعها حتى من باب الاحتياط تحسبا للعب الداخلية بالالفاظ

مهندسة كريمة said...

نوارة
هوه ده الكلام , و النظرة البعيدة للأمور

Khaled
كلامك صحيح تماماً و أفكارك أكثر من راااااااااائعة

liel99 said...

aiwa ya nwara allah yfta7 3liki

mawdo3 elm7atat we al amken el3ama mohem awi

e7na sha3b lazem ya5od elwa3y fi bibrona

m3aki tab3an

مش فاهمه said...

مش عارفه هو الكلام حلو و جميل و مافيهوش جديد مااحنا طول الوقت بنعمل كده بس موضوع اننا نكلم الناس طيب ليه هى مش الناس دى اللى طلعت برضه فى الثورة مش هم دول الناس اللى عملوا ثقل للثورة
انا بس اللى معكننى موضوع كل يوم جمعه ده انا واحد لسه بيقولى ان بتوع الحزب الوطنى مترستاين 24 قيراط و حاطين فى بطنهم بطيخه صيفى و بعدين ليه مش عايوين البرادعى ولا البسطويسى يتكلموا نيابه عن الشباب مش عارفه ليه الأختيار ده لم يعرض
المهم ربنا يستر و يوم الجمعه يتجمع ناس كتير بس لازم تفكروا فى حاجه كبيره ابتدوا احشدوا الناس من دلوقتى الناس بتتنشأ على وجودك او وجود بلال فضل او ابراهيم عيسى اطلعوا كتير و اتكلموا و اكتبوا رجاء

مذكرات حاحا مصر said...

السلام عليكم
كلامك في محله ويكل اسف الناس مخها بابط وبقت مصلحتهم اكبر بكتير من بلدهم وكرامتهم بس تسمحيلي اضيف حاجة على بعض طلباتكم زي الفساد ليه نسيتي راس الافعي التانية زكريا عزمي وبعدين ليه مش بتكلموا على المحليات لان ديه اس الفساد فهي لازم تتحل وبخصوص فرض الامن في الشوارع المصرية بقت ملحوظة وكلنا عارفين ان الحزب وامن الدولة مش هيتنزلوا بسهولة عن سلطتهم فلازم يكون التعاون بين الثورة والجيش وربنا يعنا ويعنهم وبخصوص امن الدولة انا لية ملحظة ياريت مش يتلغي بس في اجة اسمها اعادة هيكلة الوزارة اداريا ونفسيا وتربويا وعلميا وبخصوص الوزارء ياريت في ناس كويسة جات بس طبعا هناك على الاقل خمسة لازم وضروري يتشالوا وعلى راسهم احمد شفيق اما بخصوص الاموال المسروقة باحب اقولك انك غلبانة جدا ما هرب من مصر خلال العشرة سنوا يتعدي الالف مليون دولار وياريت تسائل اي صحفي اقتصاد قديم هيقولك فضائح ودهه سبب ضعف الاقتصاد القومي بالاضافة الى ضعف قيمة العملة المصرية مقابل الدولار زي ما حصل في 2002/2003 بس دهه للتذكرة
وليه راجاء اخير من اخ بلاش تتكلموا بعصبية لان الناس بتاخد عليكم كده وكل ما الانسان يبقي هادي هيعرف ياخد حقه بهدوء وربنا معنا واسف على الاطالة وياريت اشوف ردك ضروري

مـــحـــمـــد صــــلاح said...

كلام اكثر من رائع بجد يا استاذة جزاكى الله خيرا

ساعي الخير said...

الحمد لله رب العالمين
ثورة بلا أهداف وراء الفوضي أنجراف الرشوة و الفساد و المظاهرات الفئوية حلهم الوحيد في الحد الأدني للأجور مقيم بالذهب لتلافي التضخم (جنيه و ربع ذهب )مع تحديد واجبات كل فرد بوضوح أما ان مبارك يجيب الفلوس او نستني لما يجيب الفلوس او تتصادر الفلوس ده كلام ما لهوش لازمة تتغير الحكومة ما تتغيرش ده مش هو المفيد طالما نفس القواعد و المبادئ و اللوائح الأدارية زي ما هي ... لابد من الحد الأدني للأجور كمبدأ واضح و أساسي و غير كده يبقي هزار و لا حصل ثورة و لا دياولو تصبحوا علي خير موفقين للخير

إيمان said...

الله ينور يا حاجه .. هو ده اللى بقول عليه من بدري .. الناس البسيطه طول عمرها هى سلاحهم والاقاليم ملعبهم .وكل اعضاء الحزب الوطنى الكهنه سواء حزب وطنى او غيرهم بدأو الدعايه الانتخابيه من الجمعه التاليه مباشرة لجمعة التنحي .. وحسام البدراوى كان بيوزع منشورات لحزبه الجديد فى مركز شبين القناطر قليوبيه امام المساجد ووصلنى منشور منهم الكداب اللى بيقول محصلش .. واحنا قاعدين نناكف فى الجيش والشرطه بتلعب لعبه قذره وناشره بلطجيتها فى كل حته يلعبوا على الهادي
انا شايفه ان اهم شئ واهم نجاح للثورة انها تحط دعائم للمستقبل ومنتشغلش بمحاكمة كام كبش فدا وبتجميد ارصدة مبارك ونسيب التعديلات الدستورية تمر عادى ونفرح بشكلها الحلو وهى مصيبه ومشروع ديكتاتور صغنن يكبس على انفاسنا وانفاس ولادنا 50 سنه كمان
اولا التعديلات بتدي الرئيس القادم ومجلس الشعب حق وضع الدستور وانتخاب اللجنه المتخصصه ولا يوجد اى بند يؤكد على ان التعديلات الحاليه لن تتغير يعنى ممكن يقول مش ماشي والمجلس يقول موافقه يبقى الصح اننا
نحط دستور جديد وقوانين رادعه وتصور لمجلس شعب ليه لازمه وبعدين ننتخب رئيس جديد ومجلس شعب على نضافه يشتغلوا وهم عارفين ان فيه سيف على رقبتهم اسمه القانون والدستور والقضاء لن نجيب مجلس وريس يعملوا هم الدستور والقاوانين يبقى بجد ضحكنا العالم علينا واثبتنا اننا مهيصجيه وغير ناضجين سياسيا وغير مؤهلين للديموقراطيه .. ونبقى نفذنا الخطه ب بتاعة اللى ميتسموش اللى هي بلبله وربكه ومرر تعديلات هبله وركب ديتاتور جديد على الكرسي ومشي المصالح تانى وزى الفل يا معلم .. أصله شعب محدث نعمة ديموقراطيه

خديجة said...

ذكرت جريدة "الجمهورية" صباح اليوم 1 مارس ::

أن مصادر مسئولة بمطار شرم الشيخ أكدت منع سوزان مبارك زوجة الرئيس السابق ونجلها "جمال" من السفر على طائرة خاصة إلى خارج البلاد، وعادا إلى محل إقامتهما فى شرم الشيخ، وأن تعليمات مشددة من السلطات المص...رية صدرت بعدم السماح بإقلاع أى طائرات خاصة من شرم الشيخ، سواء إلى مدن داخلية أو خارجية، تنفيذاً لتعليمات المجلس الأعلى للقوات المسلحة

وعلى صعيد آخر نفى مصدر مسئول بالمجلس الأعلى للقوات المسلحة، ما أذاعه أحد المواقع الالكترونية الإخبارية، اليوم الثلاثاء، عن دخول الرئيس السابق محمد حسنى مبارك، المركز الطبى العالمى للعلاج بمدينة تبوك بالسعودية وذلك بعد منعه من السفر
وأن الرئيس السابق كان ينوى السفر هو وعائلته، مساء الاثنين، الى تبوك بالسعودية بالطائرة الخاصة للعائلة، إلا أن برج المراقبة رفض سفرهم طبقا لقرار النائب العام بمنعهم من السفر .

وكان الموقع الالكترونى لصحيفة اليوم السابع قد نسب لمصدر مقرب من الرئيس السابق قوله إنه تم نقل مبارك إلى المركز الطبى العالمى بتبوك تحت حراسة مشددة وقد تم نفى ذلك الخبر اليوممشاهدة المزيد
منذ حوالي ساعة ·

http://www.facebook.com/nofearinegypt?sk=wall

amer said...

للاسف فى ناس كتير مش موافقة على اسقاط الحكومة ياريت نخلى الدعوة الجمعة الجاية حل امن الدولة وحل الحزب الواطى ودى طلبات اهم ومش هيختلف عليها اتنين فى الشعب وبالتالى العدد يزيد فى الميدان مايقلش

محمد طنطاوى said...

أنا شايف يا نواره إن التركيز اليومين دول لازم يكون فى الإعلام أكتر سواء فى التليفزيون أو الصحف بقدر الإمكان توضيح وجهة النظر ، لأنك أولا بتخاطبى ملايين ثانيا بتأمنى الاختلاف ومحاولات المناهضين للثورة من الاعتراض وبث روح الفرقه والتشتيت ياريت نركز حبه على الجزيرة هم عايزين يساعدونا واحنا كمان عايزين نعرف نوصلهم ، يا ريت كمان يا نواره لو نعمل فريق إعلام مسئول عن عرض مطالبنا من 5 أو 10 أو 15 أو أكتر ممن يحسنون التحدث وعرض المطالب لو حصل هيفرق كتير

elzahraamegahed said...

ربنا معاكم يا رب وينصركم ويثبتكم،كان نفسى أوى أوى أبقى فى مصر، فعلا مقهوره إنى مش عايشه الأيام دى فى مصر وإنى مش بشارك مع الأبطال فى كتابة أجمل صفحه فى تاريخ مصر.

مواطن مصري said...

مصدر قضائى: النائب العام يدرس ملفًا بتجاوزات وزير العدل
http://www.youm7.com/News.asp?NewsID=361203
كشف مصدر قضائى عن بدء المستشار عبد المجيد محمود النائب العام فى دراسة الملف الذى قدمه 56 قاضياً ضمن بلاغهم ضد المستشار ممدوح مرعى وزير العدل، والذى اتهموه بالتدخل فى بعض القضايا مجاملة لمسئولين ووزراء سابقين، علاوة على استغلال نفوذه والتربح من وظيفته.

Unknown said...

طيب انا عندى اقتراح اسرع من كدة مع ان كل واحد يكلم 10 اشخاص ما نحاول نطلع فى البرامج على الهوا و نقول الكلام دة لكل الناس خصوصا برامج التوك شو اللى كلة بيشوفها زى العاشرة مساءو لو حتى مداخلات بالتليفون و ياريت تكلموا بلال فضل و الابراشى و ابراهيم عيسى و الناس دى و تضموهم لانهم ليهم برامج محبوبة و شهيرة و لانهم ليهم ناس كتير بتحترمهم و بتسمع منهم

مواطن مصري said...

R.N.N | شبكة رصد
عاجل | غير مؤكد بعد

مصادر تتحدث عن إختيار د.كمال الجنزوري رئيسا للوزراء لحكومة تسيير الأعمال بديلا عن أحمد شفيق المرفوض شعبيا
وإقصاء وزير الداخليه والخارجيه والعدل والبترول والانتاج الحربى من الحكومه الجديده

Abo Maro said...

من هو حسنى مبارك؟؟؟؟؟؟؟؟
اسمه بابا حسنى يا ولد عيب كدة , ده قائد القوات و صاحب الضربة الجوية و البحرية و الملوخية ......عميد لاعبى العالم و قائد سفينة تيتانيك , الحاكم بأمره زعيم الباور رينجيرز و سلاحف النينجا حبيب ال80 مليون مواطن يهودى فى العالم كله (و حوالى 100 زيهم عايشين معانا فى مصر) بطل الحرب و السلام و معركة عين الجمل , هوا اللى رجعلنا طابا علشان تبقى مصيف لليهود , و رجع سينا علشان ندخلها بتصريح سفر و شرم الشيخ علشان يبنى فيها قصره ....صاحب مشروع توشكى العملاق بالتعاون مع الوليد ان طلال(مش حتقدر تغمض عينيك) بغرض انتاج بطيخ من غير بذر و برتقال من غير قشر و موز مش عارف حيتحط فين ...... صاحب كتاب النملة و المواطن المصرى وجهان لعملة واحدة و اخيرا صاحب اغنية اخترناك اخترناك , فى داهية و متخدناش معاك

حسن على said...
This comment has been removed by the author.
حسن على said...

أتبارك اللة عليكى (طفلة )فصيحة برشا. يعنى شابة فصيحة جدا بس باللهجة التونسية عشان موضة السنا دى

TheSane said...

في نقطة قريتها في مقال علي موضوع الحكومة التكنوقراط
فيه مشكلة في نوعية الحكومة لان مش الاساسي في الوزير انه يكون متخصص في مجاله عشان يعرف يدير الوزارة
بالعكس لما بيكون متخصص وبارع في المجال بتاعه ويبقي وزير مابيعرفش يشتغل في مجاله لانه بيقي مشغول بالحاجات الادارية اكتر وده بيخلينا نفقده ونفقد تخصصه
وان الوزراء المؤهل الرئيسي ليهم هو حسن الادارة يعني يكون متخصص في ادارة الاعمال وفي الحالة دي يقدر يجيب الناس اللي متخصصة في مجال الوزارة بتاعته كمستشارين بحيث يقدروا يفيدوا فعلا باللي هما بيعرفوا يعملوه
يعني تخيلي ان احمد زويل مثلا بقي وزير التعليم او البحث العلمي مثلا تفتكري هيبقي عنده وقت يعمل كاميرا تانية تصور بالفيمتو ثانية؟؟؟
انا مقتنع بالفكرة دي الصراحة وحاسس اننا لازم نغير المطلب بتاع الحكومة التكنوقراط لانها هتخلينا نهدر كفاءات باننا نحطها في مكان مش مكانها
ولا انتي رايك ايه؟؟

TheSane said...

مش عارف كلامي وصل ولا لا

حسن على said...

نرجو من المجلس العسكرى الحاكم :سرعة تفعيل اجرائات التحقيق فى القضايا التى تخص( ناهبى )الاموال العامة, وكل يوم يمر دون محاسبة هؤلاء (الناهبين يعطيهم فرصة اكبر فى تهريب اموال الشعب والتخلص من المستندات التى تدينهم

حسن على said...

ثم انهم اساتذة فى السرقة وايداع متحصلاتها فى حسابات خارجية فى دول مجهولة للعامة وبنوك متخصصة فى غسيل الاموال وسرية الحسابات فما هى الالية التى تستطيع بها الدولة معرفة هذة الحسابات واسترداد اموالنا؟؟؟؟؟؟؟

Unknown said...

بسم الله الرحمن الرحيم (ولكم فى القصاص حياة ياأولى الألباب) صدق الله العظيم ,,,,,,,,,,, دم شهداء الثوره يصرخ طالبا القصاص فهل ننساه كما نسينا دم شهداء المقابر الجماعيه فى 67 ,,,أو كما نسينا دم شهداء العباره السلام,,,,,هل نسينا الشهيد سليمان خاطر,,,,,أذناب الحزن الواطى و أفاعى الفساد يعتمدون على أننا ذاكرتنا كالأسماك ,,,أفيقوا وخذوا بالثأر لدم الشهداء قبل ضياع الثوره

الخوجة said...

من شده اعجابى نقلته كما هو ونشرته عندى
استاذة بحق تسلمى لينا ولمصر

Om Masraya said...

السلام عليكم يا نوارتي
الحقيقة الفكرة جميلة نكلم كل الناس بالعقل والهدوء من غير خناق وكمان الإستعانة بالصحف المحترمة والإيميلات للجميع ولكن اكتر حاجة عجبتني هو إعلان wanted
ابحث مع الشعب المصري عن الضباط القتلة اللي قتلوا ورد الجناين اللي فتح وزهزه في بستان حبيبتنا مصر أمثال السفاحين وائل الكومي ومحمد مختار وغيرهم ولو المجلس الأعلى للقوات المسلحةعايز النفوس تهدى يبقى لازم القتلة يتقبض عليهم ويتحاكموا محاكمة عادلة رغم انهم ما يستاهلوش بس احنا رضيين بالعدل لأن ربنا اسمه العدل أنا أم لكل شهيد وحاسة بالنار في قلبي رغم اني عايشة برة مصر لكن مصر عايشة في قلبي والله كنت طول أيام الثورة مابنامش تقريبا وكنت حاسة اني لو فتحت الباب ونزلت ح أكون في ميدان التحرير أو أمام القائد ابراهيم . قصر الكلام دم الشهداء من القتلة ده حق ربنا ومش ممكن نسيبه ولا ايه يارجالة والرجولة صفة وليست نوع

Om Masraya said...

على فكرة الآثار عمالة تتسرق؛ شغلانة شريفة للأمن المركزي يودوهم يحموا الآثار بدل ما هم قاعدين من غير لازمة والشرطة كويس انهم يرجعوا لكن يرجعوا بالأدب يعني من غير مد ايد ورجل ولسان على اي حد لا شريف ولا حرامي لكن يتعلموا أزاي يعملوا البشر وازاي يقبض على حرامي من غير ما يضربه بره مصر فيه حرامية وفيه شرطة بتقبض عليهم من غير ضرب المسألة مش عايزة غير شوية ثقافة ودين ومهارة كضابط علشان نبقى في يوم من الأيام الشعب مع الجيش والشرطة أيد واحدة ونبقى معاهم مش ضدهم لازم يعمالوا الناس باحترام علشان نحبهم ونحترمهم

مش فاهمه said...

نوارة عايزين موضوع منفصل لموضوع غياب الشرطه ده الموضوع فاق الحد الصراحه الناس اللى بتخاطب المجلس العسكرى مش حاسه بالمأساة لأنهم بايتين فى الميدان المأساة فى باقى الناس اللى مش بتبات فى الميدان و بتبات فى بيوتها و برتجع بالليل مافيش شرطه نهائى و العيال فى المدارس بنفضل حانموت عليهم مش طبيعى غياب الشرطه ده هو فيه ايه بجد

ساعي الخير said...

الحمد لله رب العالمين
حضرات السادة الأساتذة اللي عايزين يحاكموا المفسدين لا مؤاخذة مع أحترامي للكل كليلة .... ما ينفعش تتوضي بمية وسخة .... أزاي تحاكموا ناس بقوانين فاسدة و علي أسس فاسدة و هم اللي حطوها زي صدام حسين بيقولوا لما كان بيتحاكم قالهم القانون العراقي انا اللي حاطه ثم يعني مين قال ان النائب العام فوق مستوي الشبهات _ أنا مقصدش أعيب في الراجل معرفش عنه حاجة _ بس مش الأول تتصلح الأمور و تتغير المبادئ الفاسدة و القوانين السيئة و الأجراءات الفاشلة يبقي ساعتها المحاكمات نظيفة و عادلة مش الأول المحضر اللي بيودي الأعلانمن المحكمة يقبض مرتب كويس بحد أدني للأجور ( الأجر الذهبي ) يتطبق تدريجي علشان ما يرتيشيش و يكتب لم يستدل علي العنوان يا عااااااااااااااااااااالم يا بشر يا نوااااااااااااااااااااااااااااااااااااااااارة ينفع نتوضي بمية وسخة ... ينفع نصلح بقوانين فاسدة يا ناس يا بشر ربنا ينور البصاير و يهدي كل حاير موفقين للخير

elzahraamegahed said...

التكثيف الاعلامى ، البرنامج بيشوفه ملايين ، انتشروا أنتى وشباب الائتلاف بهدف الدعوة لمليونية الجمعه ، حتى لو بمداخله تليفونيه

محمد جمال said...

http://general-bloog.blogspot.com

Doria said...

يا جماعة اللي بتتكلم عنه نوارة هنا هو واحد من أسباب نجاح الثورة دي وشوفوا الفيلم ده
http://www.youtube.com/watch?v=QrNz0dZgqN8&feature=player_embedded
ولو عايزينها تستمر لغاية ما تحقق أهدافها، الحل هو التواصل المستمر مع الناس العاديين، وياريت يكون فيه تنسيق مع المحافظات

mony said...

http://www.youtube.com/watch?v=N8VDeyr7aVs

د. هانى احمد said...

المجلس ح يعمل استفتاء على جميع المواد المعدله دفعه واحة حسب رأى المستشار بجاتو عضو اللجنه فى القناة المصريه... انا حاسس ان اللجنه دى كان فيها ترزيه كتير و مش عارف المستشار البشرى ازاى وافق على تعديل دستور ملعوب فى اساسه.. يا جماعه الدستور ده شكله فيه لغم وسط المواد وعلشان كده عايزين الناس تستتفى على كل المواد مرة واحدة مش مادة مادة.. وطبعا اذا عدى الاستفتاء و عدى الدستور كده لم يعد هناك شرعيه ثوريه ولا يحزنون واصبح هناك دستور موافق عليه الشعب ... يبقى لازم فعلا بكل قوة فرض الشرعيه الثوريه بالتواجد المكثف فى الشارع والاعتصام المستمر وياريت لو فيه احد القنوات الخاصه المصريه توافق على منح الثورة وابطالها ساعه واحدة يوميا.. مش معقوله تبقى الجزيرة هى المنبر الوحيد.. وممكن طلب ذلك من مجلس الجيش بان تمنح القنوات الحكوميه والاذاعه ساعه للثوار.. واعتقد المفروض يوافق اذا كان فعلا مع الثورة

ام مصرية said...

الضابط وائل الكومى حسب معلوماتى - اللى ممكن تكون خطأ طبعا - قتل 13 واحد بس و قتلهم جوه القسم لما كان بيدافع عنه يعنى ما قتلش المتظاهرين و لا حاجة ، ممكن أعرف حضرتك جايبة معلوماتك منين ، و لا أى ضابط شرطة خلاص أصبح من السهل اهدار دمه ؟؟؟؟

د. هانى احمد said...

هل من حق شباب 25 يناير ان يطلبوا من مجلش الجيش ان يكون لهم وقت يومى فى الاذاعة والتليفزيون لنشر افكار الثورة وطلباتها بين الشعب.. طبعا لازم يوافق لانه بيقول انه مع الثورة وعايزها تنجح.. جربوا يا جماعه

فوكيره said...

نواااااااااااره البووست ده بعنوااانه
جه في وقته اووووووووي

بما انك بتسجدلي الريكورد بتاعك
فـ اعتبرينى بدأت التنفيذ

واما اجمع عدد هبعتلك علشان
بجد محتاجين نتمااسك ونثبت بعض

انا هبعتلك علشان تحسي انك اقوى
وعلشان الزم نفسي

فوكيره said...

نواااااااااااره البووست ده بعنوااانه
جه في وقته اووووووووي

بما انك بتسجدلي الريكورد بتاعك
فـ اعتبرينى بدأت التنفيذ

واما اجمع عدد هبعتلك علشان
بجد محتاجين نتمااسك ونثبت بعض

انا هبعتلك علشان تحسي انك اقوى
وعلشان الزم نفسي

mona abdl aziz said...

عااااجل
طبقاً للقرار الجديد بان الانتخابات ستكون ببطاقة الرقم القومي بالنسبة للناس اللي كان معاهم قبل كده بطاقات انتخابية يبقى مفيش مشكله . هيروحوا ينتخبوا عادي بالرقم القومي ، أما الناس اللي ما كنش عندهم بطاقات انتخابية لازم يروحوا القسم اللي هما تابعين ليه (اللي استخرجوا منه البطاقة الشخصية) ، تاخد معاك الآتي :

- بطاقة الرقم القومي و صورة منها
- شهادة الميلاد و صورة منها
- ملىئ الاستمارة

http://www.facebook.com/note.php?note_id=186454401390375&id=710653573
لازم الكل يروح
و آخر معاد تسليم الطلبات يوم السبت 5 مارس 2011
شييييير معدش الا 3 ايامة

mona abdl aziz said...

عااااجل
طبقاً للقرار الجديد بان الانتخابات ستكون ببطاقة الرقم القومي بالنسبة للناس اللي كان معاهم قبل كده بطاقات انتخابية يبقى مفيش مشكله . هيروحوا ينتخبوا عادي بالرقم القومي ، أما الناس اللي ما كنش عندهم بطاقات انتخابية لازم يروحوا القسم اللي هما تابعين ليه (اللي استخرجوا منه البطاقة الشخصية) ، تاخد معاك الآتي :

- بطاقة الرقم القومي و صورة منها
- شهادة الميلاد و صورة منها
- ملىئ الاستمارة

http://www.facebook.com/note.php?note_id=186454401390375&id=710653573
لازم الكل يروح
و آخر معاد تسليم الطلبات يوم السبت 5 مارس 2011
شييييير معدش الا 3 ايامة

El3en Elsehrya said...

محتاج حد يفهمني حكاية الجداول الانتخابية :أنا فاهم إن الانتخاب بالرقم القومي يعني أي حد يحمل بطاقة رقم قومي سارية و سنه أكبر من ١٨ سنة ينتخب . أما إنك لازم تكون مسجل نفسك و ساعتها تقدر تنتخب بطاقة الرقم القومي فما هو إلا استبدال تحقيق الشخصي من البطاقة الانتخابية للرقم القومي و ساعتها يبقى برضو مستبعدين ٧٠-٨٠% ممن لهم أحقية الانتخاب.
دي نقطة حساسة و لابد من الانتباه لها ..

El3en Elsehrya said...

محتاج حد يفهمني حكاية الجداول الانتخابية :أنا فاهم إن الانتخاب بالرقم القومي يعني أي حد يحمل بطاقة رقم قومي سارية و سنه أكبر من ١٨ سنة ينتخب . أما إنك لازم تكون مسجل نفسك و ساعتها تقدر تنتخب بطاقة الرقم القومي فما هو إلا استبدال تحقيق الشخصي من البطاقة الانتخابية للرقم القومي و ساعتها يبقى برضو مستبعدين ٧٠-٨٠% ممن لهم أحقية الانتخاب.
دي نقطة حساسة و لابد من الانتباه لها ..

Unknown said...

حملة ياء، هي حملة توعية، سلوكية سياسية، تهدف إلى الارتقاء ببعض المفاهيم والسلوكيات عند سكان العشوائيات في فترة الزخم السياسي المقبلة

http://www.facebook.com/event.php?eid=190788477618879

Unknown said...

تحية لنوارة قلب الاسد كما يقول عنها دائما د/احمد خالد توفيق :)
ايام الثورة في يناير واول فبراير كنت انتظر شخصين على قناة الجزيرة
نوارة نجم وعزمي بشارة :)

محمود شلبي said...

أنا بالفعل فكرت أكلم الناس في الشارع من ساعة يوم ٢٥ فبراير لما الجيش استقل الناس فضربهم....احنا في أسيوط مجتمع صغير و الكلمة بتسمع...كان نفسي آجي اعتصم في التحرير بس أنا شايف ان الواحد في المجتمعات الصغيرة بيفرق...الجامعه هتفتح يوم السبت و ده هيدينا فرصه نتكلم مع الطلبة اللي هما أصلا نفسهم يعملو حاجه بعد سنين من القمع

Prophet said...

I Tip my hat to you, my lady.You are an inspiration to many young man and women in the Arab world.Your revolution will give a new life to the Arab world.You have earned the world's respect and admiration for the greatest,and most civil revolution ever witnessed. God bless you and all the Egyptian youths . My sympathy goes out to the families of everyone who lost his/ her life at the the hands of the Mubarak regime.

Omadham said...

السلام عليكم و رحمة الله و بركاته
بالله عليكي با نوارة انشري الفيديو ده
http://www.youtube.com/watch?v=Ezv6Odln4wM&feature=related

elzahraamegahed said...

الاعلاااااااااااااام، بدل ما تتكلمى مع واحد واحد هتكلمى الف الف، اعملى يا نواره مداخلات فى البرامج المشهوره ، انتى وشباب الائتلاف، بيتهيألى برامج كتير تتمنى تستضيفكم

omar said...

صباح التفاؤل يا رب دايما

DR smiles said...

shokran awy le afkarek el ra2e3a :D bardo el 3lm noor :D 3la fekra e7na hna fe el mansoura 3amleen yom el arba3 wa2fa btool el kornish wla hn3atal mrooor wla 7aga e7na hansheel manshorat we laftat we 7agat kda bn2ool leh btaleb en shafe2 yemshy we 7agat kda we mn bkra habda2 fe mawdo3 10 afrad kl yom :D

Argenda said...

في كلام إننا لازم نسجل نفسنا في القسم قبل الإستفتاء بالرغم من التصويت بالرقم القومي و في ناس سألت و أكدت ده
إزاي و المفروض الشرطة بس تأمين و كمان يبقى ليه رقم قومي مدام هنروح نسجل
يا ريت توصلي ده للمجلس الأعلى أو حد يوصله و يا ريت بسرعة

عبقرينو said...

طالما مش راضيين يحلوا جهاز امن الدولة وينضفوا وزارة الداخلية خلينا نحله احنا داخليا من داخله
نحط صور ظباط الداخلية بسيرتهم الذاتية وجرائمهم وصورهم على موقع على الانترنت الى جانب فيديوهات التعذيب اللى عملوها المؤكد انهم تانى يوم هايقدموا استقالاتهم من الخوف وكمان يمكن يفاتنوا على بعض علشان يحموا انفسهم ياريت لو نبتدى شغل من دلوقتى على الموضوع ده

Unknown said...

من فضلك شيلى الأغنية العبيطة دى بصوت صاحبها المشروخ ده إللى بتقترحى كمان تكون النشيد الوطنى - ليه خير إن شاء الله هى (بلادى بلادى) بقت كخة والا إيه بالظبط

نوارة أنتى ساعات بتحصلك حاجات مش صح

مش عاجبكم بلادى ؟ - يبقى فيه ألف حاجة تناية بس مش العته ده - وكفاية بقى أغانى هابطة وأصوات ما تنفعش غير فى المراحيض

ما هو لازم ثورة كمان ع العته إللى ملأ البلد فى كل حاجة فى الـ 30 سنة دى فى كل شىء - الأصوات والكلام الأهبل ده زيه زى مبارك وعصابة الأربعين حرامى تمام لأن دول شوهوا ودان الشعب المصرى إللى كان بيسمع عبد الوهاب وأم كلثوم وعبد الحليم ونجاة وشادية يقى بيسمع أبو رجل مسلوخة وأم قويق ويقول لهم زيدوا فى تعذيبنا بالقرف إللى بتغنوه ده

هذا الفن الهابط أيضاً إعتداء صارخ على حقوق الإنسان - والحيوان كمان

عارف إنك لا حاتقرى ولا حاتستجيبى لكلامى

خلاص - حابعت رأبى ده للمجلس العسكرى وهو يتولى تحويل المطربين المزورين دول إلى النائب العام بتهمة تشويه الذوق العام والتحرض على القتل بالقنابل الصوتية التى تخرج من حناجرهم

أرنوب said...

برافو .. كلام جميل وكلام معقول ماقدرشي أقول حاجة عنه

احلام جوليا said...

بصي يا نواره انا بحترمك وبقدرك فعلا علشان كده حساعدك على الرغم اني خارج مصر لكن حرسل البوست بتاعك ده لكل الي اعرفهم من المصريين في مصر وبراها وحطلب منهم ينشروه لكل معارفهم في مصر وحنزله على الفيس بوك كمان والي اقدر اوصله لاكبر قدر حوصله باذن الله بس انا عاوزة اقولك رغم اقتناعي بوجوب ضغطكم على الجيش لاقالة حكومة شفيق انما نزولكم الجمعة دي غلط كبير اسمعيني بس لو نزلتم دلوقت الناس لسه مشحونة ضدكم بسبب الي حصل الاسبوع الي فات وناس كتير صدقت الي اتقال لان الشعب المصري عيبه الاساسي انه بيصدع بسرعة وعاوزين يرتاحه ويرجعه للاستقرار حتى لو كان استقرار فوق بئر مجاري ورغم خطأ ذلك الا انهم صدقوا يانواره فخدي بالك مش في صالح الحركة الثورية نزولكم الجمعة دي وكان الافضل تنتظروا لاسبوعين قبل نزولكم لعدة اسباب :
اولاً: علشان تكونوا لحقتم تنشروا فكرة النزول وتقنعوا الناس وتشحذوا اكبر قدر فيكون صوتكم له صدى ومسموع بدل
ما تنزولوا تلاقوا العدد قليل لان في الحالة دي الناس حتبص لكم على انكم كل شوية نازلين وعجباكم القاعدة في الشارع مش حتفكر في الي بتقوله لكن لما تنزلوا بعد اسبوعين حيقولوا ادوا الجيش فرصة والجيش لم ينفذ مطالبهم
ثانيا : التليفزيون طول النهار بيعلن ان الجيش اعطى الثوار فرصه لوضع اسماء بديلة لاحمد شفيق ووزارته وان الجيش منع مبارك وعائلته من السفر ودي بالنسبة للناس خطوة لو نزلتم تبقوا انتم عاوزين ايه من وجه نظر العامة والناس الي مش واخدين بالهم ان دي مناورة او ان دي مجرد كسب وقت حيلاقوا انكم انتم الي غلطانين لكن لو فوتم الجمعة دي حتقدروا تكسبوا الناس لو متحققش الي الجيش وعد به
نواره انا نفسي تنجحوا وتشيلوا حكومة شفيق وامن الدولة بغير رجعة وتلغوا الدستور وتحاكموا مبارك وعائلته وكل الحرامية لكن ده محتاج تكتيك اكثر خبس من قلوبكم الطاهرة في راي فكري في كلامي وانا بتمنا لك التوفيق وحبعت البوست لكل الي اعرفهم

ahmed essa said...

مفهوم الثورات هي احداث تغيير جزري في الدوله بكل مؤسساتها من عصر الي عصر جديد لكن ما يحدث واخشاه هو محاوله اجهاض الثوره من فئات معينه بعضها فلول الحزب الوطني وامن الدوله ورجال الاعمال وكل الفاسدين والمستفيدين من النظام البائد
مثلما خرجنا حاملين ارواحنا علي ايدينا للثوره سنفعا ذلك للحفاظ عليها

مش فاهمه said...

اعملى اعلان بقه ان الناس تروح تطلع بطاقات زفت انتخابيه علشان العند بتاع المجلس العسكرى لازم يكون عندنا بطاقات انتخابيه الكل يروح علشان مافيش وقت و بالمره خلى الجميع يوم الجمعه يقول باعلى صوته بلاها البطاقات الأنتخابيه

hossam said...

رئيس وزراء تونس الجديد اللى يادوبك بقى له يومين امر بتاسيس مجلس دستورى مهمته وضع دستور جديد وليس ترقيع الدستور القديم ومنك لله يا شفيق

hossam said...

رئيس وزراء تونس الجديد اللى يادوبك بقى له يومين امر بتاسيس مجلس دستورى مهمته وضع دستور جديد وليس ترقيع الدستور القديم ومنك لله يا شفيق

hossam said...

رئيس وزراء تونس الجديد اللى يادوبك بقى له يومين امر بتاسيس مجلس دستورى مهمته وضع دستور جديد وليس ترقيع الدستور القديم ومنك لله يا شفيق

Abo Maro said...

نواااااااااااااااااااااارة يا ريت توصلى صوتك للناس فى التليفزيون علشان احنا بيتعمل فينا مقلب كبير ......... قالولنا ان الانتخابات بالرقم القومى , بس مقالولناش انه علشان ننتخب لازم نسجل نفسنا فى جداول الانتخاب فى الاقسام(نفس اجراءات البطاقة الانتخابية) و المصيبة الاكبر ان اخر ميعاد للتقديم 8 مارس و مواعيدهم من 8.30-3.00
و واحد حسبها ووصل لانه لو كل الاقسام اشتغلت بكل طاقتها من النهاردة ليوم 8 مارس مش حتسجل اكتر من 900 الف واحد و دول اقل من بتوع الحزب الواطى ..... ياريت الناس كلها تعرف كدة

hossam said...

بصراحة بقى احنا انضحك علينا فى موضوع الدستور واستغلوا اننا بنحب طارق البشرى وهنقبل اى حاجة يعملها

قلنا دستور جديد قالوا ما ينفعش وعاوز وقت وكلام اهبل من ده وادينا شوفنا ان تونس بتعمل دستور جديد

حتى تعديلات الدستور غير كافية وبها ثغرات كثيرة فاين حرية اقامة الاحزاب واين استقلال القضاء واين الحد من صلاحيات الرئيس وهل فيه رئيس هييجى ويوافق على وضع دستور جديد للحد من صلاحياته

وبعد كل ده يضحكوا علينا بموضوع الرقم القومى وبعدين يطلع زى البطاقة الانتخابية ولازم نروح القسم ونقدم طلب ويدونا مهلة يومين بس وطبعا الاولويةفى القسم للمحاسيب وبتوع الحزب الوطنى

hossam said...

بصراحة بقى احنا انضحك علينا فى موضوع الدستور واستغلوا اننا بنحب طارق البشرى وهنقبل اى حاجة يعملها

قلنا دستور جديد قالوا ما ينفعش وعاوز وقت وكلام اهبل من ده وادينا شوفنا ان تونس بتعمل دستور جديد

حتى تعديلات الدستور غير كافية وبها ثغرات كثيرة فاين حرية اقامة الاحزاب واين استقلال القضاء واين الحد من صلاحيات الرئيس وهل فيه رئيس هييجى ويوافق على وضع دستور جديد للحد من صلاحياته

وبعد كل ده يضحكوا علينا بموضوع الرقم القومى وبعدين يطلع زى البطاقة الانتخابية ولازم نروح القسم ونقدم طلب ويدونا مهلة يومين بس وطبعا الاولويةفى القسم للمحاسيب وبتوع الحزب الوطنى

hossam said...

بصراحة بقى احنا انضحك علينا فى موضوع الدستور واستغلوا اننا بنحب طارق البشرى وهنقبل اى حاجة يعملها

قلنا دستور جديد قالوا ما ينفعش وعاوز وقت وكلام اهبل من ده وادينا شوفنا ان تونس بتعمل دستور جديد

حتى تعديلات الدستور غير كافية وبها ثغرات كثيرة فاين حرية اقامة الاحزاب واين استقلال القضاء واين الحد من صلاحيات الرئيس وهل فيه رئيس هييجى ويوافق على وضع دستور جديد للحد من صلاحياته

وبعد كل ده يضحكوا علينا بموضوع الرقم القومى وبعدين يطلع زى البطاقة الانتخابية ولازم نروح القسم ونقدم طلب ويدونا مهلة يومين بس وطبعا الاولويةفى القسم للمحاسيب وبتوع الحزب الوطنى

hossam said...

بصراحة بقى احنا انضحك علينا فى موضوع الدستور واستغلوا اننا بنحب طارق البشرى وهنقبل اى حاجة يعملها

قلنا دستور جديد قالوا ما ينفعش وعاوز وقت وكلام اهبل من ده وادينا شوفنا ان تونس بتعمل دستور جديد

حتى تعديلات الدستور غير كافية وبها ثغرات كثيرة فاين حرية اقامة الاحزاب واين استقلال القضاء واين الحد من صلاحيات الرئيس وهل فيه رئيس هييجى ويوافق على وضع دستور جديد للحد من صلاحياته

وبعد كل ده يضحكوا علينا بموضوع الرقم القومى وبعدين يطلع زى البطاقة الانتخابية ولازم نروح القسم ونقدم طلب ويدونا مهلة يومين بس وطبعا الاولويةفى القسم للمحاسيب وبتوع الحزب الوطنى

Unknown said...

نوارة انا شايفة ان اول واهم حاجة لازم نطلبها دلوقتي تعيين رئيس مؤقت ورأيي ان احسن واحد في الوقت ده البرادعي لاننا ضامنين انه ضد النظام علي شرط انه يقعد لفترة واحده ولا تجدد ... ولازم ناخد ضمانات علي كده...السبب ان في رايي ده لو حصل هنعرف نوصل لكل اللي عاوزينه بعد كده بدل ما احنا بنشحت نقطة نقطة.... اصل حاجة غريبة ان المجلس العسكري مش موافق علي عمل مجلس رئاسي وعاوز كل حاجة تبقي تحت ايده ... وكل شوية يحقق شوية مطالب والباقي لأ....لازم الناس دي يجيلها حد كبير يدي قراراته لعمل دستور جديد و حل الوزارة وانشاء وزارة جديدة و يعطي تعليماته بتتبع الفاسدين وملاحقة الهاربين...مع احترامي للمجلس الاعلي ...لكن معروف اوي ان ولاء كبار الجيش للنظام السابق او قولي علي الاقل لن يتسببوا في اي اذي له ويستخدمون في ذلك اسلوب المماطلة حتي يتم طرمخة كل شئ....العقبة الوحيدة ستكون وجود رئيس في هذه الفترة كلمته مسموعة وليس عنده جمايل للنظام القديم....

يقول أنى امرأة said...

نوارة مهم جداااا وياريت تردى عليا فيه ناس كتير بتقول اننا حتى لو الانتخابات بالرقم القومى لازم ننزل القسم نعمل بطاقه انتخابيه ... الله يخليكى يا نوارة قللنا صحة الموضوع دة لحسن اخر معاد يوم السبت

د. هانى احمد said...

هام جدا
مثالب التعديلات الدستوريه

http://www.ahram.org.eg/459/2011/03/02/4/65305.aspx

Unknown said...

منوره يا نوارة انتي وكل شباب 25 يناير
اوافقك الرائ تماما لازم ننزل بالملايين يوم الجمعه عشان نحافظ علي الثورة وافقك تماما في المطالب دي لازم نكمل الثورة ولو بالدم الشهداء مش ارخس من اي حد وعشان نحلم ببكرة جديد لازم نضحي بكل شي ولو بالروح
حمدي المصري

Unknown said...

منوره يا نوارة انتي وكل شباب 25 يناير
اوافقك الرائ تماما لازم ننزل بالملايين يوم الجمعه عشان نحافظ علي الثورة وافقك تماما في المطالب دي لازم نكمل الثورة ولو بالدم الشهداء مش ارخس من اي حد وعشان نحلم ببكرة جديد لازم نضحي بكل شي ولو بالروح
حمدي المصري

Anonymous said...

إستمرار التظاهر سلميا,كل جمعة,فى كل مصر,وبأعداد مليونية,هو سلاح الثورة الوحيد,لتحقيق كل مطالب الشعب.قوى الثورة المضادة,تملك مالا وفيرا,منهوبا بواسطة مافيا البيزنس,وسلطة,أهمها حكومة شفيق,والأدهى,لديهم انعدام لكل وازع أخلاقى,ينهى عن الشر.الملايين,تقول للجنرالات,الثورة ثورتنا,ومطالب الشعب أوامر.مصر لا تملك ترف الإنتظار

Rowaa said...

يا نوارة مصر الغالية عندى قتراح بشأن الجمعة القادمة
من اجمل ما يميز ثورة مصر ويضفى عليها اجلالا خاصة فى الخارج ،حيث اعيش ببريطانيا، هو منظر التجمع للصلاة باعداد كبيرة ، وكذلك اقامة القداس والتآلف بين الامام والقسيس.

ومن المآخذ التى آخذها على الجمعة الماضية والتى انضرب فيها المتظاهرين هو تعمد الافتراق فى الصلاة بحيث يصلى كل ناس فى مساجدهم المحلية ثم يتجمعوا بعد الصلاة فى التحرير، والمبرر الذى سمعته هو خشية ان تتهم الثورة بانها اسلامية

والحقيقة انا راييى ان احنا لازم نكون احرار بجد فى بلدنا، ولازم نعرف ان الكبير عندنا هو الله فقط، فهو الخالق والرازق وهو الناصر الذى نصرنا وهو الحافظ الذى يحفظنا، لازم نخلص من خوف امريكا والغرب ومن عقدة ارضائهم، ومن الرياء

من المظاهر التى اعطت هذه الثورة قوة ورهبة وجمال هو منظر لجوء المتظاهرين الى الله بالصلاة فى جماعة كبيرة فان يد الله مع الجماعة.
لما ارضيتم الله، ارضى عنكم العالم، لما اظهرتم تألفكم وتوادكم وتراحمكم يدا واحدة مسلمين ومسيحيين رفع الله مقامكم وجمل صورتكم امام العالم، وهذه ليست مجامة، انما واقع عشناة هنا وشهدناه وفى الغرب

ولهذا ارجوكم ان تجعلوا هذه الجمعة جامعة لكل المتظاهرين ويصلى كل الناس فى جماعة كبيرة واحدة، ويصلى المسيحيين قداسهم وتتالف القلوب معا.ويجب علينا ان نحرر انغسنا من خشية احد الا الله الذى يزيدكم قوة ويضفى عليكم رهبة فى عين من يشاهدكم
فان يدالله مع الجماعة " وما يعلم جنود ربك الاهو"
رواء

yara said...

يا ريت يا جماعه نضيف شعارات خاصه بضروره رجوع اخواتنا المصريين من الحدود بين ليبيا وتونس بسرعه لان دول اخواتنا ووضعهم صعب جدا ومنظرنا قدام العالم بقي وحش اوي لاننا كده كاننا رميين لحمنا

yara said...

يا جماعه ممكن نضيف يوم الجمعه شعارات خاصه بضروره الاسراع بارجاع اخواتنا من الحدود الليبيه التونسيه لان الوضع هناك غير انساني بالمره نظرا للعدد الكبير كمان منظرنا قدام العالم اننا راميين لحمنا فياريت يكون مطلب اساسي في الجمعه الجايه

Anonymous said...

إستمرار التظاهر سلميا,كل جمعة,فى كل مصر,وبأعداد مليونية,هو سلاح الثورة الوحيد,لتحقيق كل مطالب الشعب.قوى الثورة المضادة,تملك مالا وفيرا,منهوبا بواسطة مافيا البيزنس,وسلطة,أهمها حكومة شفيق,والأدهى,لديهم انعدام لكل وازع أخلاقى,ينهى عن الشر.الملايين,يقولون للجنرالات,الثورة ثورتنا,ومطالب الشعب أوامر.مصر لا تملك ترف الإنتظار

Anonymous said...

بالله عليكم,كونوا صوتا واحدا,وأحسنوا التحضير,لهذه الجمعة,يجب أن نحسم.مصر,لابد أن يسمع صوتها,بواسطة الجنرالات,كفانا مراوحة لأماكننا,ما هذه المماطلة

ahmedelebyary said...

أستاذ أبو هاجر
طيب اجازة ليه؟
انا بحترم رأي حضرتك جدا
و أبحث في التعليقات علي تعليق حضرتك بالذات
اتمني ان لا تطول غيبتك عنا

duedare said...

كده صح وألف صح...ولا تنسي استمرار ألاعتصام..

اتمني الشهادة said...

كفانا اكتئاب اكثر من 30 عام اعتقد ان الثوره قضت علي مرض الإكتئاب العام عند الشعب المصري وبالتالي فهو عنده القدره علي معالجه اي عرقله تقابله لتحقيق هدفه وباذن الله ستبقي مصر بخير ويبقي الأمل دام شعبنا به امثالكم

فافى said...

(بس الحكومة الموجودة دي اصلها بتاعة مبارك، شفيق ده بيقول على مبارك الرئيس)

على فكره مش معنى انه بيقول كده يبقى خاين وابن ستين كلب على اساس ايه بنخون ؟ماتنسيش انه مبارك اللى معينه وعيب اوى انه لما يتخلع من هنا وشفيق يقول الريس راح فى داهيه وكان ابن كلب وكان وكان انتى نفسك مش هاتحترميه ممكن قوى يقول كده يانوارة وفى نفس الوقت يكون اعتقاده مختلف انا مش بدافع انا بس بعطى كل ذى حق حقه

فافى said...

اعتقد ان لو شفيق فاسد كان مبارك مسكوا رئيس وزراء من زمان وده اعتقادى الشخصى ممكن يطلع صح وممكن يطلع غلط لكن على الاقل منطقى

Early bird said...

للى مش حينزل الحمعه اتفرج على شفيق على اون تيفى

علاء الاسوانى ده راجل بحد مع انى ماكنتش باحبه

Early bird said...

للى مش حينزل الحمعه اتفرج على شفيق على اون تيفى الراجل بيهرتل اخر حاجه وساويرس بيفهمه يعنى ايه امن الدوله وهو مزعل الناس فى ايه .بالدمه ده اخره صبرنا .......بس هو ليه مش لابس البلوفر

علاء الاسوانى ده راجل بحد مع انى ماكنتش باحبه