Saturday 17 January 2009

اوعى من الخط الاحمر احسن بيكهرب

اهم حاجة بين اي اتنين الحب والتفاهم
بالنظرات...بالصمت الرهيبي

استغفر الله العظيم يارب، والله ما انا اللي قلت، ده ولية في الكنيسيت الاسرائيلي هي اللي قالت كده وماحدش رد عليها، اه وربنا
واسامة حمدان بيقول كركركركرررررر ادتكوا على قفاكوا وخلعت، احسن احسن، احنا بقى ح نقاوم وح نوريكوا البيني ادم لما يبقى محترم في نفسيته يجبر الناس ازاي تحترمه
وطبعا ده كان يستوجب رد فعل شيرز شيرز، وبعد ما قال للفلسطينيين ياما اديتكوا وياما عملت لكوا وقمصاني وشرباتي وبنطلوناتي وفانلاتي، ده غير المساعدات اللي الهانم بتديها للست والدتك

قالك خط احمر احمر احمر، لااااااااا بوش انا، بوش انا اللي يتحمل معاه كده، تدوني الطرشا وتروحوا توقعوا مع بعض اتفاق ولا كأني هجرت الاهل والاصحاب وقتلت في حبكمو الجرحى والمحروقين بجاز؟ تقوموا تنسوني يا است ليفني انت وكوندي؟ هو من لقا احبابه نسي اصحابه؟
احترس نفسك من ابو الغيط الشيرز

شيرز شيرز
وده ابو مرزوق بيقول: ما كانش والله العشم، تعمل كده يا حسين

22 comments:

Anonymous said...

يوة بقى يا نوارة
ماقلنى استرى عليهم
دانتى فضحية اوى


احمد سعيد

TAFATEFO said...

على فكره بقى .. في المره الثالثه للإستماع لكلام أبو الغيط محاولاً نحاولات يائسة لمعرفة التغير الفسيولوجي ده حصل ازاي في السن ده .. مع ان لا صوته اخشن .. ولا شنبه طلع

لقيته قال جمله بليغه جداً "إسرائيل شربت من خمر القوة والعنف" عاجبني جداً التعبير

Anonymous said...

دى حقن هرمونات يا عم مصطفى
هرمونااااات
افهموها بقى


احمد سعيد

Unknown said...

لا الحقيقة
انا اكتر كلمة هزت مشاعري وخلت ركبي تخبط في بعض من الرعب لما قال: وسوف تكشف الايام ان هذه الحرب لم تتسبب الا في المزيد من القتل والشهداء

ياااااااااااااااا

كنت عايزة اصقف بحماس
بس خفت من الحماس احسن يراقبوا الشباك بتاعي

Anonymous said...

رائعة جدا

mado said...
This comment has been removed by the author.
TAFATEFO said...

هو مين اللي بتغني دي؟
بعت لحضرتك ميل

mado said...

نداء الي طفاطيفو العلم مظبوط يا كتور حتي بص
http://www.zajel.org/pictures/palestinian-flag_001.jpg

mado said...

نعتذر عن العطل الفني وجاري البحث عن علم جديد اصلي عملته وانا كونت لسة صاحي.دقائق ونعود

Anonymous said...

اجتماع للجنة الوزارية السرائيلية
بعد ساعة من الان
لاتخاذ قرار بوقف اطلاق النار من جانب واحد


فعلا قبل تنصيب اوباما بيومين بالظبط



ههههه


احمد سعيد

Anonymous said...

هو فية اية ليلى صديقة الطلبة بقت خشنة حبة يعنى عن الاول لية هة يلا ماعلينا اناسامعة الراجل الطيب ابوكى على الجزيرة بيقول كلام كدة زى اللى كنت حاسة بية من اسبو ع ان بالرغم من كل اللى حصل الاانة كان لة فايدة انة صحى الشعوب وانة مستنى مصر تقوم ياريت ياعم احمد ياخوفى بعد دة كلة يرجع ابوك عند اخوك ونرجع كان مفيش حاجة حصلت ونرجع نتخانق مع بعض مين اللى ضيع مصر عبد الناصر ولاالسادات وننسى اللى انكشف وبان----دودو

Anonymous said...

هو عمنا مكتبش لية اى قصيدة كدة عل اللى بيحصل

مواطن مصري said...

طيب الراجل يعني يحلف ع المصحف اهو انا شايفة اتكلمة كويس عن مرة الي فاتت

muslima said...

اختى الجميلة نوارة والاخوة الاعزاء

جاءنا الخبر التالى

عااااجل

من مصادر موثوقة رفضت الكشف عن هويتها


خلى بالكم

أكيد عارفين ان امن الدولة يراقب المدونات والمواقع التى تحرض على زعزعة الامن واستقرار البلاد

مش عايزين خسائر فى الارواح

قصدى فى البومبونى

آآآآآآآه على فكرة
قالوا خبر قصير فى الجزيرة بدون تفاصيل ان فرنسا وبريطانيا ودولة تالتة وافقوا على ارسال سفن مراقبة الى المنطقة تنفيذا لاتفاق ماما امريكا مع اسرائيل

انتهى الخبر

Anonymous said...

بصو يا جماعة
اللهجة الجديدة للدبلوماسية المصرية اعتقد ان سببها الاتى
مبارك كان يعتقد ان الاحداث الاخيرة كانت ستقضى على حماس بشكل كامل
ودة السبب فى انة كشف عن وجهة القبيح واتصرف بدون حياء او حذر
على اعتبار ان كشف الورق دلوقتى مش هيضر

بس بعد ما اكتشف ان الموضوع بيتقفل وحماس لسة موجودة
اكتشف انة اتكرت على قفاة
وانة طلع خسران فى الاخر
امريكا واسرائيل قالولة اركن يا مدهول فى حتة ناشفة
انتا معدتش لازمنا
لانك عجزت
ومبقيتش قادر تشوف شغلك

وعلى الجانب التانى
فقد سمعتة على الجانب العربى
اينعم كلهم اوساخ
بس بيدارو
انما الزبون فضح نفسة
مما سيدعوهم لعمل اسقاط علية
ليتبرئو امام شعوبهم
بصو هو مبارك الخاين السبب فى كل دة
بصو والله احنا كنا عايزين نعمل حاجة بس مبارك الخاين بيعطلنا
وهكذا
طبعا بما ان حماس مازالت موجودة
فلازم نعدل ورقنا
مش صحيح ان مصر بذلت الكثير من اجل فلسطين
الواقع ان النظام المصرى فى عهد مبارك استفاااااد الكثير والكثير بسبب فلسطين
يكفى انها كانت الورقة الرابحة التى طالما استغلها مبارك فى الضغط على واشنطن لتحقيق اهداف شخصيةولتخفيف القبضة الامريكية علية بحجة قدرتة على التأثير والضغط على الفصائل الفلسطينية لتحقيق المزيد من التنازلات والتنازلات لصالح اسرائيل حبيبة القلب

دلوقتى الورقة خلاص اتحرقت
حماس فقستك
وانت خسرتها

وفقدت قدرتك على التاثير

ومعدتش هتقدر تضغط عليهم تانى لانك ناصبتهم العداء فجعلتهم يلجؤن لاحضان دول اخرى
مثل تركيا
دول يستفيدون من علاقتهم معها ولا تتاجر بقضيتهم

وانت خلاص ضهرك اتكشف

والسبب اللى كانو بيدوك علية المعونة ماعدش لية وجود

يعنى العرب حطوة تحت رجليهم وقدموة كبش فداء لخيانتهم

وامريكا واسرائيل ادركو مدى ضعفة


وحزب المقاومة العربى من ايران وحزب الله وبقيت المجموعة دى

حطوك فى البلاك ليست


تعمل كيف با كعبول تعمل كيف يا كعبول


اييييييوة
نقلب عالوش التانى
حامااااااس يا حباااااايبى

هنهونة حبيب قلبى

شعلولة يا عيووونى
انتو زعلتو منى
اخص عليكم
انتو صدقتو
لالا
دنا كنت بهزر معاكو
تعالو فى حضنى تعالوووووو


دانتو كنتو بتبيضولى كل يوم بيضة دهب

وطبعا كلامهم مايخيلش على زحلفة دكر


وهى دى اخرة كل خاين
يبيع مبادؤة ودينة علشان دنيتة
فى النهاية هيخسر التلاتة


وعموما اليومين الجايين هيوضحو الصورة اكتر من كدة
لانها لسة ضبابية
واحتمال يجد فى الامور امور
لان دة وقت لم الغنايم
كل طرف بيحاول يلم اكبر مكاسب ممكنة
ادعو لعوكل ياولاد ربنا يوكسة كمااان وكماااان

هو والشلة اياها بتاعة هم يستلهلو هو فية حد يقدر على اسرائييييييل



هق هق هق هق
نيااااااااااة




احمد سعيييييد

mado said...

انا عدلت علي التصميم
ودا التصميم الجديد


STOP THE WAR IN GAZA

TAFATEFO said...

نأسف حضرتك

بعت لحضرتك ميل

:D:D

isawi said...

بالضبط زي ما قال
احمد سعيد

TAFATEFO said...

!!!!!!!

3asheg.nawara said...

لسه زعلان
إيش رأيك في ده
اللافت للنظر أن كبار المسئولين الإسرائيليين باتوا يقومون بتعرية الموقف المصري وفَضْحِه. ففي الوقت الذي يَدَّعِي فيه الرئيس المصري حسني مبارك أنه لا يمكن إعادة فتح معبر رفح إلا بموافقة إسرائيل، فإن الجنرال جيورا إيلاند، رئيس مجلس الأمن القومي الإسرائيلي، يُؤَكِّدُ أن إسرائيل لا تمانع في إعادة فتح المعبر، مؤكدًا بأنّ المصريين يتذرعون بـ "رفض إسرائيل "؛ لكي يُصَفُّوا حساباتهم مع حركة حماس.

Anonymous said...

استدراك: صرح ابو الغيط الشريز "ان اسرائيل قد شربت من خمر القوة والعنف"وسقط سهوا من خطابة " وانها مزت ب(جبن)قدمتة الادرة المصرية" وعزف احمد سعيد من مقام الفا ماجير كان جميلا

daktara said...

استري عليهم الله يستر عليكي
دول ساسة غلابة مش لاقين ياكلوا
بس انا عاجبني قوي ان اسرائيل سكرت من خمر مش عارف ايه كده
اول مره اعرف ان الفودكا المصرية تأثيرها باتع قوي كده

انظر حولك
د. خالد عزب