Thursday, 29 January 2009

فتح دول لو جدعان يرموا عباس ودلاديله من شباك الدور السبعة وعشرين

طب دحلان وعرفناه، عم البويس ده ايه؟ مش كفاية اولمرت بيبوسه من خدوده كأنه بيبوس عيل عنده تلات سنين خدوده مكلبظة؟ انا عايزة افهم ناس زي مصطفى البرغوتي، سايبين الصراصير دول على راس فتح ازاي بس؟

21 comments:

Anonymous said...

قصدك مروان البرغوتي ؟

لأنه الدكتور مصطفى مستقل ..ليس من فتح . هو سكرتير عام المبادرة الفلسطينية و ترشح للرئاسة كمستقل ..و وزير في حكومة الأخ اسماعيل هنية . هذا ما أعرفه ..لم أتأكد من معلوماتي .

مواطن مصري said...

طيب استري على الراجل


طيب انا بعتلك صور ل شيمون بيريز و هو في قطر اشمعنى نشرتي الصور دي و منشرتييش بقى صور بيريز
في قطر


انتي عارفة انا ضد فتحو و ضد سياسة حماس في ادارتها للشئون الدولة

مواطن مصري said...

هما اسرائيل خايفين يخرجو مروان البرغوثي عشان مروان هيضربهم ب الجزم كلهم


المفروض يتحط في قائمة تبال الاسرى لو حماس عملتها تبقى حركة جامدة

يبادلو جلعاط شاليط او اي اسيرعلى سبيل المثال بمروان البرغوثي

جبهة التهييس الشعبية said...

لا انا كنت اقصد مصطفى وكنت فاكراه من فتح

اشكرك على المعلومة

مواطن
عشان قطر مش مخبية دقنها
هي بتقول انها على وئام تام مع اسرائيل
ماحدش بينشر صورة حسني مبارك وهو بيبوس اولمرت ما انه بيبوسه كتير
لان حسني مبارك مش بيطلع في مجلس الامن يقول هذا الحصار الظالم كأن امي هي اللي فارضة الحصار ده
ولا بيطلع يتكلم عن العدو الاسرائيلي والوحدة وهو بيبلغ عن المقاومة
حسني مبارك بيبلغ عن المقاومة وبيقول احنا مالناش دعوة بيهم احنا ح نبلغ عنهم وح نسلمهم كمان

وانا بقى عايزة اسألك لو الصورة دي كانت لواحد من حماس كنت قلت استري عليه؟ ده واحد كان بيبلغ عن المقاومة وهم بيحاربوا

مواطن مصري said...

@نوارة انا قولت رائيك قبل كدة الاتنين ان الاتنين لا يمثلو المقاومة الحقيقية الي انا بحلم بيها شعب واحد مقاومة واحدة فريق واحد متحد عشان كدة هما خايفي يخرجو مروان البرغووثي عشان عارفيين انة هيوحد الفلسطينين

e7na said...

مع بداية العدوان يا نواره خرجت أكثر من دعوه من مفكرين فلسطينين زى مريد وتميم البرغوثى والياس خورى وغيرهم وجهوها لقادة فتح الشرفاء ان يخرجوا من صمتهم ويحاولوا اصلاح الحركه
والنهارده فاروق القدومى قال نفس المعنى ان منظمة التحرير بحاجه لقيادات جديده لان هذه القياده لم تعد صالحه وفعلا حماس قالت ان مروان البرغوثى واحمد سعدات اول الاسماء فى قوائم الاسرى لو حصل تبادل
...
شفتى حلقة الاتجاه المعاكس الاسبوع ده؟
...
احب بس اقول لمواطن مصرى ان قطر ماحاربتش اسرائيل ولا لها اسرى اتقتلوا بالطرق البشعه دى ولا اطفال ولا لها اكتر من خمسين مواطن اتقتلوا بعد معاهده لسه باقى الشعب مش عارف بنودها ولابتشحت مواردها
ده حتى ياراجل مفيش سفاره زى اللى عندنا
وبعدين مش مصر ام الدنيا مالها بقى ومال قطر الصغننه هنقعد كل شويه نقول قطر

مواطن مصري said...

احنا بس قطر عندها اكبر قاعدة امريكية ادت اسرائيل قنابل فسفورية

احنا معدناش قاعدة عسكرية


القواعد الامريكية الي في قطر امريكا ضربت العراق من عى اراضيها


شفت هما بقى اية

على الاقل دي حتة سفارة في شقة على النيل

انما مش قاعدة فية طائرات حربية و مارينز امريكي


القاعدة بتمول طائراتها من البترول القطري

شفت ازاي يا احنا

أم جنى said...

والله عندك حق ....مش يرموهم من الدور السبعه وعشرين .....يروحوا يحطوهم عند الصهاينه حبيبهم علشان لما يروحوا عندهم سعتها بقى الصهاينه هما اللى هيرموهم بس من فوق برج عالى لان هيبقى دروهم انتهى........

جبهة التهييس الشعبية said...

طب ما تخلينا في حالنا كده زي قطر وما نحشرش نفسنا في اذية الناس ونقعد نقول قمصاني وشراباتي وياما عملنا للفلسطينيين

انا عايزة اعرف احنا عملنا ايه للفلسطينيين غير كل مصيبة مطبلة على دماغهم؟
ومدام حاطين راسنا براس قطر يبقى نتنيل كده زي قطر
مش لما تيجي تركيا تتدخل يروح حسني ينط على كتافه عشان يطلع تركيا منها
سوريا تساعد المقاومة نروح نبلغ عنها في مجلس الامن وابو الغيط يقول: والله مش احنا اللي بنهرب السلاح ده سوريا، بتاخد السلاح من ايران وتبعته لهم عن طريق البحر
ولما تقول بتبلغ عن سوريا يقول: طب ما عندهم الجولان مش بيحاربوا ليه؟
!!!!!!!!!!!!!!!!
طب ايه علاقة انهم مش بيحاربوا بان مصر تبلغ عنهم مجلس الامن وتحرض عليهم المجتمع الدولي عشان بيوصلوا لحماس سلاح؟
يعني مثلا بيعاقبوهم عشان مش بيحاربوا؟

ثم ايه دخل قطر في الليلة؟ ايه دخل قطر وللا السعودية وللا اي دولة مش في المواجهة مع اسرائيل في الموضوع ده

اسرائيل اهي، والفلسطينيين اهم، ومصر اهي وسوريا اهي ولبنان اهي والاردن قالعة لنا ملط من زمان
بس مصر ما تنفعش تقلع ملط في البرد ده لانها عجوزة ومكحكحة وعندها سبعتلاف سنة ولو قلعت ملط البرد ح يدخل في ركبها والروماتيزم ح يقوم عليها

مهندس مصري said...

مواطن مصري
============
و النبي بس ما تتكلمش بثقة كده يا مواطن لأحسن الناس تصدق إن معندناش قواعد أمريكية

كان فيه تحقيق جريدة الدستور كانت عاملاه من سنتين بيتكلم على قواعد أمريكا عندنا بالتفصيل

فيه 900 جندي أمريكي في سيناء من ضمن القوات المتعددة الجنسيات اللي بتراقب الحدود في المنطقة ج و بتراقبنا طبقاً لإتفاقية كامب ديفيد
و ليهم قواعد و معسكرات في سيناء

و فيه قاعدة في البحر الأحمر قرب رأس غارب في جنوب محافظة البحر الاحمر و فيها 3000 عسكري أمريكي
لأغراض التدريب العسكري و متابعة تطور التسليح

و فيه قوة بسيطة العدد و التسليح ليهم في مطار غرب القاهرة العسكري و جميع المخازن هناك هي تحت تصرف سلاح الجو الأمريكي
و تصبح خاصة بهم في أثناء أي حالة طوارئ حربية طبقاً للإتفاقات الموقعة مع أمريكا

دا غير الخبراء العسكريين اللي منتشرين في طول جيشك و عرضه و أنا شفت بعضهم شخصياً في مطار جناكليس الحربي في النوبارية

فاللي بيته من قزاز ما يحدفش الناس بالطوب

دا غير المناورات الحربية المشتركة على أرض مصر و عمرنا ما عملنا و لا مناورة على أرض أمريكا

غير إن مجالنا الجوي مفتوح تماماً للطيران الحربي الأمريكي و ده اللي صرح بيه بوش من سنتين ساعة تجديد المعونة لما قال إن مصر في خلال 3 سنين من الحرب على العراق سمحت بمرور أكتر من 36 ألف طلعة جوية حربية على العراق من مجالها الجوي
و قال إن في نفس الفترة سمحت مصر بمرور أكتر من 950 قطعة بحرية حربية أمريكية من قناة السويس

في حين إن تركيا العضو الرسمي في حلف شمال الأطلنطي لم تسمح بقصف العراق من مجالها الجوي مطلقاً و لا بإستخدام أراضيها لغزوه رغم وجود قاعدة إنجرليك الأمريكية على أرضها

e7na said...

بص يا مواطن مش معنى ان قطر زباله ان انا ابقى زيها وابقى مبسوط واتخانق هى ازبل وانا اللى ازبل
احب اقول لك حاجه كمان ودى شهاده من واحد مش اخوان لان شهادات الاخوان بقت مجروحه فى مصر
امين حزب التجمع فى دمياط اسمه صلاح مصباح كان واخد مساعدات من هنا وراح على معبر رفح وطبعا معرفش يدخل فراح من معبر العوجه لقى شاحنات مصريه لنقل الغاز لاسرائيل فى وقت الحرب
واخد بالك

تصدق بالله انا اكتر حاجه بتحسسنى بالعار لما الاقى قاده حماس والجهاد والجبهه مضطرين يتعاملوا مع نظامنا لان مفيش قدامهم حل غير كده

مواطن مصري said...

اولا القوات موجود في قطر قوات دولية تابعة ل الامم المتحددة زي الي كانت موجود ايام عبد الناصر

ثانيا


على الاقل مصر معندهاش قاعدة عسكرية تضرب بيها الناس ولا تمد اسرائيل باسلحة فسفورية

ثانيا المبادرة المصرية باعت مصر مش تحريض ضد جهاد ولا حماس
دة مبادرة لوقف اطلاق نار عشان انقاذ الفلسطينين

e7na said...

نواره فيه حوار مع هنيه على قناة القدس النهارده ومؤتمر صحفى للسيد حسن نصر الله

مهندس مصري said...

مواطن مصري
===========
أمال الطلعات الجوية اللي بتعدي من مجالنا الجوي مش بتضرب الناس

ههههههههههههههههههههههههه


يا راجل بلاش تغالط نفسك

و الطيران الإسرائيلي اللي بيخترق المجال الجوي بتاعنا في سيناء علشان يضرب غزة

و إذا كانت القوات اللي في سيناء أمم متحدة

طيب و البحر الأحمر و غرب القاهرة و بقية الجيش كله

عندنا قواعد بس مش بيسيحوا عليها في الإعلام زي الخليج

المبادرة بتاعة مصر لإنقاذ الفلسطينين

ههههههههههههههههههه

اللي عايز ينقذهم ما كانش حاصرهم سنتين و زيادة
و ما كانش دعم إسرائيل بكل قوته لدرجة إنهم شكروه رسمياً
و ما كانتش كل بنود المبادرة تبقى بتلبي مطالب إسرائيل بس بدون أي ضمانات للفلسطينيين

يارب تشوف الحقيقة بقى

مواطن مصري said...

تاني عشان نفتحلهم الحدود يخشو و ميطلعوش احنا عندنا اكبر تجمع للجيش في القنال

المعبر اتفتح عشان نساعد المصابين و انا قولتك ان سيناء مفيهاش تنمية عشان نساعد شعب تاني في فيها

مواطن مصري said...

و قولتك اي خطوة ممكن مصر تاخدها غلط يكون ليها نتايج ترجعنا 60 سنة وراء


و الحرب كلمة مش سهلة

مهندس مصري said...

و يا بني مين جاب سيرة الحرب هنا
انت خايف من عفريت إسمه الحرب
حد جاب سيرة حرب
انا نطقت كلمة حرب خالص
السلام ما يمنعش إن يكون عندك كرامة

و لا الكرامة دلوقتي بقت من أسباب الحرب

alzaher said...

لسبب بسيط
امثال البرغوثي في سجون الاحتلال او تم تصفيتعم بالفعل
لتخلو الساحة والحركة ومقاعد السلطة
لأمثال الدحلان والعباس

Tamer Diab said...

يا ستي خليكي ريتش امال
يعني هو الراجل باسه من بؤه

دي عالم رمم وبعدين مالنا زعلانين اوي أذا كان أكبر عمة في الاسلام شيخ الأزهر وأسكت يا لساني وخليك محترم كان بيسلم علي بيريز
مش عايزة البرغوتي يعمل كده
لا وكمان كان معترض علي الي انتقده موقفه وقال دول مجانين
مش بقلك شكلي هشتم كفاية كده

مصر تحت الاختلال said...

هو الامل في ان حمايس تربط الافراج عن الجندي الصهيوني الاسير بالافراج عن مروان البرغوثي زي ما حسب الله دخل حرب عشان يفرج عن سمير القنطار الي اكيد حسب الله هيكسب بيه كل الدروز لصفه

جبهة التهييس الشعبية said...

حسب الله ده امك ما تحلمش تخلف ضفره عشان مافيش في عيلتكوا راجل زيه

هي يدوبك تخلف مختل زيك