Thursday, 15 January 2009

حد يقرصني عشان انا مش مصدقة

تحديث:
لعلاج اثار القنابل الحارقة والفسفورية اضغط هنا
يعني كل الهبد ده، وتسيبي ليفني سافرت امريكا، انتوا فاهمين يعني ايه تسيب الحرب والدنيا وتسافر امريكا؟ يعني هم موروطين وطلعان عينيهم وهي رايحة تشوف لها حل
اللي انا مش مصدقاه، ومحتاجة عربية تعدي عليا عشان اصدق نفسي ان اللي بيحاول يلحقها دلوقت هي الحكومات العربية! فيه كده؟ فيه كده في الدنيا؟ ايه اللي مصر والسعودية بيعملوه ده؟ وايه بقية الدول العربية مالها بتلف حوالين نفسها كده وباصة في السقف: امممم عايزين....نجـ...تمـ...ع ......في.........قمة....قمة؟ امممم
آه... نتناقش...امممم...نتناقش بقى.....ااااا...في الموضوع ده....طب نروح فين؟ فين يا ترى؟
امممممم
ااااا....نروح....لا ما نروحش بقى.....انا عن نفسي رايح.....امممم....انا....والله انا كنت رايح......ده فيه قمة تانية اهو....ح تروح؟ امممم.....اما اشوف كده......والله انا بقى لا ح اروح هنا ولا هنا......عشان ما ازعلش حد......انا ح اتغدى في البيت مع ام العيال
حد مصدق؟
حد مصدق ان فنزويلا وبوليفيا قطعوا العلاقات، ونجاد طالع في الجزيرة يقول: احنا نتمنى لكوا كل خير....نتمنى لكوا الكرامة
ودول فاتحين بقهم، مالهم؟ فيهم ايه؟
وماسكين المبادرة المهببة دي، اللي هي عقد اذعان، وعمالين يبصوا فيها، نخليها؟ وللا ما نخليهاش؟
انا باقول نخليها
وانا باقول نستنى شوية
وانا باقول...امممم، لا مش عاجباني
لا والله حلوة....مالها؟
حد من ولاد الكلب دول شاف الرضيعة اللي عندها حداشر شهر اللي رقبتها محروقة وبتصرخ: ماما..ماما..؟
انا بجد مش عارفة استوعب، ثم منين حسني بيقول: ما تقوليش فلسطين بقى دي ارض محتلة
ومنين عايز ينزع سلاحهم؟ يعني مش كفاية بيقول: عشان ما نتفهمش غلط ويفتكرونا بنهرب سلاح؟
طب اصلا اي شعب في الدنيا تحت الاحتلال لازم بيقاوم بالسلاح، امال يعمل ايه؟ ايه اللي ممكن يعمله يعني؟ الناس لما بتحتل بتعمل ايه؟ حد يرد عليا
بتعمل ايه غير تقاوم مقاومة مسلحة، وبدل ما يقعد يسفه فيهم ويقول: بترمي صاروخ ما بيموتش حد ويتقابل بقنابل
ما تبعت لهم صواريخ بتموت يا اخي، انت بعت صواريخ وهم قالوا لا؟ لا ما يبتعش صواريخ عشان ما يتفهمش غلط
طيب الدول اللي بتساعدهم وبتبعت لهم ما قسم بتناصبهم العداء ليه؟ عملوا لك ايه؟
انا مش قادرة اصدق، مش عايزة اصدق، يعني مصر كانت طرف في الصراع ضد اسرائيل، بعد السلام بقت طرف "محايد" بين الفلسطينيين واسرائيل ودلوقت بقت طرف في الصراع ضد الفلسطينيين؟
هو الوضع كده؟ هي كده يعني عشان انا مش مصدقة، حد يقول لي اني فاهمة غلط او اني شكاكة
واللي بيلفوا حوالين نفسهم التانيين دول، دول قاصدين، مش كده، قاصدين يعززوا على اسرائيل ومصر
يعني ده العدوان الاتنين وعشريني على غزة؟
لا لا، ده العدوان التلاتة وعشريني على غزة، عشان عباس كمان طرف في الصراع ضد الفلسطينيين، كده اتنين وعشرين ومعاهم اسرائيل، اه، وامريكا، كده العدوان الاربعة وعشريني على غزة
طب دول لوحدهم خالص
لوحدهم خالص في مواجهة اربعة وعشرين دولة
لا انا اكيد فاهمة غلط
اكيد، اكيد، انا فاهمة غلط
--
حتى لو ح يموتوا، من حقهم يموتوا وهم بيقاوموا باللي يقدروا عليه

85 comments:

الخوجة said...

قصة قطر وخديعة حماس وتضليلها قبل ساعات من العدوان؟ http://alkoga.blogspot.com/2009/01/blog-post_16.html

Anonymous said...

يا خوفى يا بدران لايكونو ناويين يضربو غزة بالكيماوى

حاسس ان فية هبدة جامدة قريب
وهم بيطبخوها مع بعض


احمد سعيد

Anonymous said...

لا يا ست نوارة
مع الاسف
انتى مش فاهمة غلط هى كدة فعلا

احمد سعيد

مواطن مصري said...

هههه متخفيش هتصحي من الكابوس قريب


لابد ان يكون هناك شعاع نور


اسواء شى ان يكون من يرتدي قناع الشرف يكون في الاخر شيطان


دي بقى الي هتبقى اشتغالة كبيرررة

انة زمن الاشتغالات زمن اللمبي



انا مت~أكد ان اول ما السيد اوبما يمسك الحرب هتوقف

بس نشوف موضوع الهجانة و العشوئيات و نشوف الانتخبات الجاية

TAFATEFO said...

عزمي بشاره .. ما الذي يفعله العرب المساخر بعد 20 يوماً على بدء المحرقة ونحن سنجتمع أو لن نجتمع .. هنا هناك هنا وهناك .. قمة خليجية تستنكر المأساة .. قمة المساخر من أهل المساخر .. لعنة الله عليهم أجمعين .. وأكيد لعنة الله هتطولنا معاهم

TAFATEFO said...

-------

الشتيمه حرام

مهندس مصري said...

هيلاري كلينتون تستبعد بشكل قاطع أي حوار مع حماس

http://www.almokhtsar.com/news.php?action=showgroup&id=4&issus=138

المختصر / دعت هيلاري كلينتون وزيرة الخارجية في ادارة باراك اوباما الجديدة الثلاثاء الى دبلوماسية مهادنة مع العالم، واعدة بان تفتح مع ايران حوارا استبعدته بشكل قاطع مع حركة حماس.
ففي حين كثيرا ما اتهمت ادارة بوش الحالية ب"النزوع الى التفرد" في علاقاتها مع باقي العالم، دعت السيدة الاولى سابقا الى "سمارت باور" (قوة ذكية) تستخدم كل ادوات التاثير التي تملكها الدولة خارج الدبلوماسية التقليدية او دبلوماسية القوة.
وفي ختام رئاسة تركت اعتداءات 11 ايلول/سبتمبر 2001 بصماتها عليها قالت هيلاري كلينتون "لا استيقظ في الصباح الا وانا افكر في التهديدات والمخاطر التي نواجهها" مضيفة "لكن كل تحد يتيح ايضا فرصة".
وبشان النزاع الاسرائيلي الفلسطيني اكدت كلينتون ان ادارة اوباما ستبذل "كل الجهود الممكنة" للتوصل الى اتفاق سلام بين اسرائيل والفلسطينيين لكنها استبعدت و"بشكل قاطع" اي مجال للتفاوض مع حركة المقاومة الاسلامية (حماس).
وقالت "الرئيس المنتخب وانا نتفهم ونؤيد رغبة اسرائيل في الدفاع عن نفسها في الظروف الحالية وعدم التعرض لصواريخ حماس" مضيفة "لكننا ندرك ايضا الثمن الانساني لنزاعات الشرق الاوسط ونشعر بالم لمعاناة المدنيين الفلسطينيين والاسرائيليين".
لكنها شددت على ضرورة "عدم التفاوض مع حماس طالما لم تتخل هذه عن العنف ولم تعترف باسرائيل ولم توافق على الاتفاقات المبرمة

Rania said...

طياره امريكيه وقعت و كان عليها 100 راكب
اخر بركات بوش
مش عارفه الراجل دة هيعمل ايه اكتر من اللى عمله من يوم ما تولى الحكم
************
هى دى الحقيقه العاريه يا نواره
احنا بقينا مسخه و بقصد باحنا العرب كلهم
ما شاء الله علينا
رجاله ووقفنا وقفه رجاله

عليهم كلهم ربنا

أكون أو لا أكون said...

طيب آل سعود عرفنا ليه منصاعين للصهاينه... لأنهم من ملتهم...
بس حسني ليــــــــــــــــــه؟
هو مسجلين له فلم خلاعي مع ليفني ولا إيـــــــــــــــــــــه؟

77Math. said...

العلاج من القنابل الفسفورية

77Math. said...

أول ما أوباما يمسك الحرب حتقف ؟

ههههههههههههههههههههههههههههههه

أكيد أكيد قصدك حتقف على رجلها لأنها كدا نايمة وإسرائيل بتلعب كدا وهي مسترخية !!

جبهة التهييس الشعبية said...

يا مهندس مصري

انت جايب لي الخبر بتاع المرة الوسخة دي ليه؟
هو انا ناقصة حرقة دم؟

ينعل ميتين اهلها هي والرئيس المنتخب بتاعها

ان شاء الله يقصف عمرها قبل ما تعتبها

احنا كنا ناقصينها الساحرة الشريرة دي كمان؟

مهندس مصري said...

لا الخبر ما كانش ليكي يا نوارة
ده لمواطن مصري اللي متفائل بأوباما خير
فكنت بأوريه العينة

و الكتاب بيبان من عنوانه
و أول القصيدة كفر

جبهة التهييس الشعبية said...

لا ماحدش متفائل باوباما ده ابن كلب

بس هم فعلا عايزين يلحقوا يخلصوا قبل اوباما

مش عشان هو لا سمح الله مش بيحب الحرب
بس عشان مش عايز يبتدي فترة رئاسته وفيه حرب زي دي ويبان قدام الناس انه بيساندها

فالظاهر بقى عايزهم يخلصوا بسرعة عشان ييجي بقى على نضيف يقشر لهم اللوزة ويأكلها لهم في بقهم

ان شاء الله ربنا مش ح ينوله مراده
ولا مرادهم

ربنا يقصمهم

Anonymous said...

مسجلينلة فيلم اية يا عم
هو فية حيل

احمد سعيد

مواطن مصري said...

انا بقول توقع انهم عاوزين يخلصو و لما يجي هو ينهي عشان يبان امام العالم انو بتاع سلام


شوفي كاسك يا وطن


http://www.youtube.com/watch?v=W1nEprhQCow

77Math. said...

قالو نفس الكلام يا مواطن قبل ما بوش ييجي

ولما شرّف بسلامته .. هم كام سنة واحتلّ العراق ..


انت متفائل أكثر من اللازم !

المقاومة هي الحل وليس أوباما .. دا اسمه هروب

تحمّل السيء على أمل واهٍ، والقادم للذين يتحملون السيء يكون دائمًا دائمًا وكما لا نتعلم


أسوأ بكثير


لذلك

الحلّ ينبع من الداخل لا من الخارج، كما أن الهزيمة تنبع من الداخل .. كذلك يأتي النصر من الداخل

من داخل أنفسنا أولا .. ومن ثمّ مجتمعنا ومن ثمّ نستطيع أن ننتصر على أيّ قوة في العالم

وعلى فكرة بقى أنا مقتنعة إن إسراطين ضعيفة وأضعف بكثير

نحن الموتى الأحياء ..

تحولنا من شعوب قادرة على النضال والصمود إلى زومبي

وكفاية كدا عشان زهقت

Rasha said...

AHLAN YA Nawara,
I did not comment from a while ago on what is happening , nothing can be said in this conditions.
We are kind of an extinct species (The Arab), we need to be wiped from the face of the earth ,we do not deserve to be a human being any more. ALLAH (swt) need to bring a new good people who are believe in him. People that can raise their children in freedom and dignity, and teach them not to be afraid, not to hesitate, and to do the right thing to help each other, to be able to change the realty, and fix the problems. We do not belong to this world any more. Please start a call to kill the hesitant and weak people to clean and clear the area to the new people, the people who are crazy and brave enough to fight and defend themselves,

77Math. said...

لا تنسوا الموقع دا

VOTE FOR GHAZA

مش لازم التعليق وتسجيل الايميل اللي في الآخر .. مجرد بتكتب الكود التأكيدي

بس

Anonymous said...

نوارة غزة والعزة
مع استمرار القصف الإسرائيلي البربري المتواصل والعنيف لقطاع غزة المحاصر براً وبحراً وجواً، تساقطت الكثير من الأقنعة، أولها قناع الدبلوماسية الزائفة المتوجة في مقري جامعة الدول العربية بالقاهرة والأمم المتحدة في نيويورك، ثانيها أحزاب الرفض العربي التي امتلأت جيوب قادتها بالتمويل الإيراني والسوري، وتلك التي لازالت تعيش على شعارات إلقاء إسرائيل في البحر وترغب في ثورات شعبية تطيح بالأنظمة من الخليج الثائر إلى المحيط الهادر
ومع اقتراب العملية البربرية ضد أهالي غزة المحاصرين من نهايتها أخشى أن يكرر أصحاب الشعارات الرنانة سيناريو النصر الإلهي أو النصر المبين الذي يستعد بعضهم لإطلاقه على جثث الأطفال والنساء والشيوخ والمصابين في غزة
أجد ضرورة للكتابة حول مزاعم "النصر المبين" صحيح أن أهالي غزة دفعوا ثمناً باهظاً من دمائهم ولكن حالهم يقول "يا ريت اللي جرى ما كان" فلاهم يشعرون بالنصر المبين ولا يترقبونه، فهم يعيشون أحلك أيامهم بين النيران الملتهبة والشعارات التي لا تدفئ بردهم في العراء، فقد سقطت أقنعة حماس الكلامية، كما سقطت أقنعة الدبلوماسية العربية والدولية أمام أعنيهم، أنهم
يريدون الحياة لا الموت، وما يقدمه لهم مدعي الإنتصارية الزائفة لن يعيد الحياة لطفل رضيع قتل، إي انتصار مبين الذي يكون الواحد فيه مقابل مائة، نعرف أن العين بالعين والسن بالسن، ولكن هل هذا ما يحدث إن ما حدث مجزرة بشرية وخسارة بالغة لا يجب تحويرها لنصر بأي حال
يجب العمل من أجل حقن الدماء لا لزيادتها مثلما يفعل دعاة الانتصار ومعجبيهم في قنوات الجزيرة والمنار والعالم، إن من يعمل على إنقاذ حياة فرد كأنه احي الناس جميعا، هذه ليست دعوة كما قد يسارع البعض بالقول أنها للتخاذل بل للمواجهة ولكن بحساب المكسب والخسارة بعيداً عن إطلاق الشعارات الرنانة مثل اعتبار ما يحدث في غزة نصراً مبيناً
إن النصر الحقيقي آت عندما نفهم طبيعة الصراع مع إسرائيل بمدلوله الحضاري، فهذا العدو لا تجد لديه ما تجده لدى الشعوب العربية مجتمعة من أمية وجهل واتكالية، والاهم ديكتاتوريات ستزال حتما يوم أن تدرك هذه الشعوب ضرورة الفوز في الصراع الحضاري أولاً مع العدو حتى تتمكن من هزيمته مرة واحدة وللأبد
وجدي

TAFATEFO said...

لقاء خاص مع الرئيس الإيراني أحمدي نجاد

جبهة التهييس الشعبية said...

اتفرجوا


انا نزلت تعليقك عشان افرج الناس عليك
انا مش قلت لك خليك في نفسك؟ ما بتسمعش الكلام ليه؟ ومن امتى بستسشهد بآيات من القرآن؟ اسلمت امتى يعني؟
وياترى قلت لصحابك الاسرائيليين عن موضوع الصراع الحضاري ده؟

هي فين الحضارة دي يا سيد وجدي؟ فين الحضارة في ناس بتلقي قنابل فسفورية على الاطفال؟ والمفروض اننا ننافسهم في تحضرهم ده؟
لا متشكرين
بايعنها احنا المنافسة دي
انهي حياة اللي بتتكلم عليها، الناس لما تبقى تحت الاحتلال بتعمل ايه غير انها بتقاوم؟
انت بتتكلم كده كأن حماس هي اللي جابت الاحتلال وهي اللي فرضت الحرب على نفسها
والنصر الالهي حصل غصب عن بوزك وبوز الناس البضيانين كلهم اللي لو واحد جيص جنبهم بصوت عالي ح يقوموا يجروا
الجرحى بيدخلوا وبيقولوا احنا صامدين فياريت ما تتكلمش نيابة عن الناس انت ما تعرفهمش عشان تتكلم عنهم
هم يقدروا يتكلموا عن نفسهم كويس وهم انتخبوا المقاومة باكتساح
واتعاقبوا عقاب جماعي على اختيارهم بالحصار والتجويع وصمدوا
وكانت اسرائيل وعباس وعوكل مراهنين على انهم لما يجوعوا الفلسطينيين ويجروهم لحرب اهلية الفلسطينيين هم اللي ح يقلبوا حماس لكنهم ما قلبوش حماس ولا حاجة
ولما عباس ومبارك فشلوا في اسقاط حماس طلبوا من اسرائيل انها تدخل
والفلسطينيين لسة بيتعاقبوا على اختيارهم وثابتين
انت بقى تعرف هم عايزين ايه نيابة عنهم بامارة ايه؟ انت ايش عرفك بلسان حالهم

لسان حالهم بيبان في الانتخابات

الدور والبقية علينا اللي مالناش لسان حال خالص

تعرف تخليك في نفسك؟

TAFATEFO said...
This comment has been removed by the author.
TAFATEFO said...

على فكره في ناس بيقولوا كلام (ي*** - يخنق - ينقط - يشل - يعل) على قناة الرحمة

ابن الكداااااااااابه بيقولك أبناءنا راحوا المعبر محدش منعهم .. وهو نسق مع أمن الدوله .. قالوله دي أقل حاجه يا شيخ جمال

وبيهاجموا الجزيره .. وبينتقدوا بيان علماء المسلمين

أحيييييييييييييييه

أكون أو لا أكون said...

إزاي أنزل يوتيوب عندي في البوست...
ياريت تساعديني ياريس.
: )

TAFATEFO said...

يا ناس

الدكتور جمال لا يخاف في الله لومة لائم .. أحييييييييييه

دا تلاقي تشابه أسماء يا فسل يابن الفسل

جبهة التهييس الشعبية said...

اكون او لا اكون

بصي انت بتفتحي عشان تكتبي بوست صح؟

ح تلاقي فوق المربع اللي بتكتبي فيه على اليمين مكتوب

edit HTML

تروحي داسية عليه وبعدين تاخدي كوبي من كود الفيديو اللي ح تلاقيه على صفحة اليوتيوب على اليمين قدام
embed
وبعدين تحطي الكود في المربع اللي بتكتبي فيه وبعدين ترجعي تدوسي على

compose

اللي موجودة جنب
edit html
وتكتب بقى اللي انت عايزاه وتعملي بابليش

TAFATEFO said...

أنا أول مره أعرف ان بلدنا مليانه ولاد عشاق أوي كده

هناك يد خبيثه تعمل لتفرق بين العلماء والحكام .. أحييييييييييه

ربنا يجمع قلب هذه الأمه على قلب رجل واحد .. وكثيرون يريدون أن يفرقوا بين أبناء هذه الأمه .. والكفره بيهاجموا رئيس الدوله

ايه قناة الرحمة دي بقى علشان أبقى فاهم ؟؟ تبع دين ايه دي؟؟

TAFATEFO said...

ليس لك من الأمر شئ

معناها ان الحاكم ملوش دور .. وان ربنا اللي ليه دعوه بالمجرمين اللي بيقتلوا الناس دول لو عايز يتوب عليهم أو يعذبهم .. الذي يحدث في غزه أو أفغانستان أو كشمير لن تفت في عضد الأمه ولكن لتستفيق بها الأمه

دين ايه ده؟؟ هو احنا مسلمين .. ولا هما اللي مسلمين

الواجب علينا أن لا نهن .. وأن نتكاتف .. بس الحاكم ملوش دعوه .. ده الظلمه دول منهم لربنا

أكون أو لا أكون said...

شكرا لك حبيبتي.

مواطن مصري said...

الرحمة انا سمعت عن القناة دي من البالتوك

TAFATEFO said...

جابوا في الأول متصلين تبعهم .. وبعدين المتصلين كلهم قاعدين يشتموا في الحكام وفيهم .. وهما يقولوا ربنا يبارك .. فاكرينها عقيقه

TAFATEFO said...

جابوا في الأول متصلين تبعهم .. وبعدين المتصلين كلهم قاعدين يشتموا في الحكام وفيهم .. وهما يقولوا ربنا يبارك .. فاكرينها عقيقه

جبهة التهييس الشعبية said...

المغرب اتخانقت مع فنزويلا

قال ايه عشان بتدعم البوليساريو
بالذمة ده وقته؟

انا مش قلت لكوا الحكام العرب بيحبوا اسرائيل وولاءهم الاول ليها؟

TAFATEFO said...

يا ناس هتشل .. هتشل يا ناس ومش قادر أقفل

واحده بتتصل بتقول عايزه أبشركم ان طائرة غرقت فيها 100 شخص .. وان احنا معانا سلاح هو الدعاء

طب آدي ولا واحد منهم مات يا فالحه .. أكيد صلاتك باطله

ايه الناس دي؟؟

مواطن مصري said...

هي مش البوليسار دي اساسا جماعات على ما سمعت مش شيوعين
؟؟؟

77Math. said...

ماله المذيع اللي بيقابل نجادي قرفان كدا كإنه في محاضرة مش فاهم منها حاجة ؟

شكله مش بيفهم فارسي

هههههههههههههههههه

جبهة التهييس الشعبية said...

http://en.wikipedia.org/wiki/Polisario_Front

البوليساريو يا مواطن

TAFATEFO said...

قلبوا

بيدعوا دلوقتي لاتفاقية الدفاع العربي المشترك .. وأهمية سلاح الدعاء

بس خلي بالكم .. احنا مطالبين بالصبر على ديننا .. يعني منتفرجش عليهم وبعدين نرجع للمعاصي .. ولا الناس تخرج في مظاهرات وبعدين تولع سيجاره

وخلوا بالكم ان الصبر ده للمقاتلين في غزه .. انما احنا واجبنا الدعااااااااااء

فهمتوا؟؟

ومش محتاجين نكرر ان الحكام ملهمش دعوه .. ودول مش كفره .. ولا يجوز الخروج عليهم

دانتوا اللي كفره

مواطن مصري said...

مين دول للدفاع العربي يبقى فية حاجة يبقى هنحاربببببب ولا ايةةةةة داخلين حرب ولا اية؟

TAFATEFO said...

آخر 5 دقايق بيتكلموا كويس .. كلام كويس وحق أريد به باطل

بيثبتوا ان واجبنا بس الدعاء .. وان الدعاء وليس غيره

وبدأوا يتكلموا عن الآلة الإسرائيلية الغاشمه

أنا مش فاهم هما قلبوا كده ازاي؟؟

جبهة التهييس الشعبية said...

احنا ما نقدرش نلتزم باتفاقية الدفاع المشترك عشان اتفاقية كامب ديفيد اللي تجب ما قبلها وما بعدها

حسبي الله ونعم الوكيل

77Math. said...

حد يعرف كيفية الحصول على الجنسية الفانزويلية ؟

TAFATEFO

الريموت بتاعكم بايظ ولا إيه ؟

TAFATEFO said...

اتنين اتصلوا .. واحد شتم الحكام العرب جميعاً .. والتاني دعا للخروج عن الحكام والجهاد بدون إذنهم

الرد في آخر الحلقه .. اسمعوا وعوا

احنا لو خرجنا على الحكام .. الحكام هتسيبنا؟؟ لا داحنا هننقسم على نفسنا .. وده في مصلحة إسرائيل

والحكام ثلاثه

كافر : ليس له علينا طاعه .. ويجب علينا أن نطيعه

الراشد : نطيعه في كل شئ

الجائر : علينا أن نطيعه في طاعة الله ولا نطيعه في معصية .. ولكن لا نخرج عليهم ولا نرفع عليهم سيفاً ولكن ندعو لهم بالهدايه

يا كفره يا ملحدين ياللي بتشتموا مبارك بلدياتي .. الرجل الطيب الكباره

TAFATEFO said...

بيشوبش ويهجص أهو

جمعية أنصار السنه (ولادهم بيخشوا جوه المعبر) .. ووصلوا 160 طن مساعدات دوائيه .. ومولدات كهربا جي ني ريترز (بعطيش اليم وشده على الراء) .. وأمن الدوله بتقولهم دي أقل حاجه

أحيييييييييييييه

طب بكره ان شاء الله لازم نجيب رقم الرجل ده

TAFATEFO said...

اللهم لك الحمد .. خلص

بس جايبين أغنيه حلوه أوي وومناسبه جداً

لا تعجبوا .. لا تعجبوا من فعلهم .. صدقوا مع الشيطان فيما دبروا .. ومش عارف ايه كده

:D:D:D:D:D

والله مناسبه جداً للي قالوه

جبهة التهييس الشعبية said...

يا ساتر
ده انا لسة قالبة عليهم اهو
فيه واحد اخنف ومسرسع بيغني

جبهة التهييس الشعبية said...

هو يوسف معاطي بيغني

ايه يا عم قناة يا ترى انت فين يا مرزوق اللي انت حدفتني عليها دي؟

ما تقلب

TAFATEFO said...

توبي إلى الله يا أخت نواره وامتنعي عن سب ولاة أمورنا وقانا الله وإياكم شر المعصية .. واستغفري الله عن شتيمة الشيخ الإمام حسني مبارك .. والإمام الفاضل أبو الغيط رضي الله عنه .. وكافة ولاة أمور المسلمين

TAFATEFO said...

على فكره بقى علشان تكوني عارفه .. انتي هتخليكي شاهده اني كنت بحب مبارك .. وانك قعدتي تكرهيني فيه بس أنا مرضيتش

وأبو الغيط كمان .. وكنت بقول ده راجل واجب عليا احترامه .. لكن انتي اللي نيتك وحشه وهو الرجل كان قصهد يعزز وميعرفش الألفاظ الخارجه دي .. لكن النيات السيئه بقى كفانا الله شرورها

هتتوبي ولا ايه؟

77Math. said...

بارك الله فيك أخي طفاطيفو

أنت مثال للشاب المسلم الذي ينطوي تحت جناح الإمام ولا يخرج عنه

أكثر الله من أمثالك

مواطن مصري said...

مش جمعية انصار السنة دي الي اجازت التوريث يا طفطف و هو انت عندك تلفزيون ع الكمبيوتر

جبهة التهييس الشعبية said...

هههههههههههههههههه

TAFATEFO said...

@77Math.

بارك الله فيك أختي الفاضله

بس بلاش موضوع الجناح ده علشان حسني مبيستخدمش فيبكس

TAFATEFO said...

بتضحكي على ايه؟؟ ابقي خلي الضحك ينفعك بقى

بكره هروح أحب على ايد سيدنا أبو الغيط .. وبعده أروح أزور مقام الطاهر الإمام حسني بن بهانه وأطلب منه الفو والسماح

مش الست أمه كان اسمها بهانه برضه؟؟

Anonymous said...

عظيمه يا مصروالعظمه لله وحده
لا يزال لدى امل فيكى فلا تخذلينى سانتظر ونفسى طويل ولكن العمر قصير

ويكيبيديا

مقالة مختارة

القوات الجوية المصرية هي فرع الطيران العسكري في القوات المسلحة المصرية. ساهمت القوات الجوية المصرية منذ إنشائها في العديد من المعارك والنزاعات التي دارت أحداثها في الشرق الأوسط، معظمها إن لم يكن كلها كان في إطار الصراع العربي الإسرائيلي. شعارها : "إلى العلا ... في سبيل المجد" .القائد الحالي للقوات الجوية هو الفريق جوي رضا محمود حافظ محمد وهو يشغل هذا المنصب منذ مارس 2008. حالياً تملك القوات الجوية المصرية ما يقارب من 569 طائرة ما بين مقاتلة وقاذفة وحوالى 149 مروحية مما يجعل القوات الجوية المصرية الأكبر حجما في كل من إفريقيا والشرق الأوسط، أما بالنسبة للقدرات القتالية فتعتبر القوات الجوية المصرية الأقوى في إفريقيا و من أقوى أسلحة الجو في المنطقة إلى جانب كل من تركيا وإسرائيل. لديها 17 قاعدة جوية رئيسية من أصل 40 منشأة جوية رئيسية، بالإضافة إلى قواعد الاحتياط والخدمة المنتشرة في أرجاء مصر، وأكثر من 30,000 موظف منهم 10,000 مجند. العمود الفقري للقوات الجوية المصرية هو 220 مقاتلة نوع من إف-16 فالكون الأمريكية الصنع.

Anonymous said...

لدى سوال الى مواطن واصدق فى الاجابه

لو خيروك بان تموت فطيس ولا شهيدا فى سبيل الله ماذا تختار???????????????

حرة المداد said...

لا يانوارة انت مش فاهمة غلط ولكن ما يحدث سيصيبنا حتما بالجنون....من يسمع امريكا بكل تبجح وصراحة وقحة تعلن على الملأ أنها سترسل باخرة محملة بالذخائر لاسرائيل في نفس الوقت تطلب من الدول التي تهرب لغزة السلاح(أي دول تقصد؟)أن تكف عن ذلك فورا!!!!!!!!!!!!والأسوأ ألا يخرج أحد من الحكام الأشاوس المغاوير للرد على ذلك ولا حتى بعلامة تعجب واحدة....ألا تقدر أمريكا أن ترسل ما تشاء في سرية تامة؟!هي تقدر ولكنه امعان في اذلالنا والاستخفاف بنا...من يقفل المعبر ولا يفتحه الا بالقطارة فلا تدخل الا نسبة ضئيلة من المساعدات وهو يرى هذه المذابح البشعة تحدث لاخوانه.... يا نوارة أنا رأيت رضيع متفحم تماما كأنه دمية بلاستيك...ورأيت جثة طفل وجهه قد تلاشت ملامحه تماما...ورأيت أشلاء أطفال على نقالة من ضمنها رأس مفتوح ومفرغ من الدماغ....ماذا أقول؟!
الطفل الفلسطيني المصاب الذي التقت به منى الشاذلي وسألته (ماذا تطلب؟)لم يقل لها أطلب غذاء ولا دواء ولا نصرة ولا فتح معبر ولا طرد سفير ولا قطع غاز...لم يطلب وقف العدوان والقتل...فقط طلب شيئا واحدا...(أنقذوا الشهداء...روحوا خدوا الشهداء....والله بقالهم 12 يوم بين الأنقاض....سيارات الاسعاف مش قادرة توصل...والله رأيت الكلاب تنهش جثثهم!)
هل لديك تعليق؟!!!!!!!!!!!!!!!!!!!!!!!

حرة المداد said...

وصيتان من اهل غزة
أولا: التضرع الى الله بالدعاء ليلة الجمعة ويوم الجمعة وبخاصة في ساعات الاجابة (عند الزوال-عند خطبة الجمعة-قبيل المغرب) أن يغيثهم الله ويفرج عنهم ويربط على قلوبهم ويثبتهم وينصرهم نصرا عزيزا مؤزرا كنصر بدر والاحزاب. وأن يهلك عدوهم وينتقم من كل من عاونه (يقولون في دعائهم: اللهم انا راضون عنك فهل رضيت عنا.......اللهم انا نرضى ان نقطع الى اشلاء في ارضنا ولكن لا نرضى ان تسقط راية الحق في غزة....اللهم اعل راية الحق ولا ترفع راية للصهاينة ولا للمنافقين العملاء في أي شبر من غزة)

ثانيا: أن يكون الغد يوم غضب ونصرة في كل بقاع الأرض وأن ينفر المسلمون للتظاهر والاعتصام عقب صلاة الجمعة للضغط على حكوماتهم بوقف الحصار وفتح المعابر فتحا كاملا وقطع الغاز والبترول عن الصهاينة وقطع العلاقات معهم.


هذه الرسالة أنقلها لكم من قناة الأقصى والمكتب الاعلامي للمقاومة ومن اتصالات كثير من أهل غزة بالعلماء في الفضائيات المختلفة.

ألا هل بلغت .......اللهم فاشهد.

alzaher said...

وانتي مستغربة ليه
مش ايام حرب اكتوبر كان السادات بيسرب لكيسنجر معلومة حربية في نفس الوقت اللي كان فيه كيسنجر بيحضر للهجوم المضاد
التاريخ يعيد نفسه

عـلا - من غـزة said...

يا استاذة نوراة .. انا زعلانة جدا :( كنت بشوف من شوية لقاء في برنامج البيت بيتك .. وفي نص الحلقن اتصلوا في زوجة الشهيد المصري .. والست قالت كلام جرحني اوي عن الفلسطينيين :((( بتقول عن الجرحى الفلسطينين "متلقحين" في المستشفيات المصرية .. وعن المساعدات الي بتدخل كأنها حسنة على الشعب الي تحت الحرب :(( هو فيه فعلا مصريين بيفكرو عننا كدة ؟؟ ولا هي بس علشان محروقة على جوزها ؟؟ انا متدايقة .. ليش هيك نجحوا يكرهوا المصريين فينا ؟؟؟ ليش ؟؟

الخوجة said...

اه ياعبقرية انا لسه مكملتش قراية ولقيتك كشفتية استاذة استاذة محدش يلعب عليكى عندك حاجة مش الحاسه السادسة والسابعه الخمستاشر
يابنى دى نوارة محروسة من العين والحسد كشفتك من على بعد
سبحان الله ربنا دايما كشفك
يابنى دى بتصلى الفجر حاضر

dr.lecter said...

ملهاش لازمه حد يقرصك

صدقي وصدقي وصدقي

بصوا كده بالصلاه علي النبي

اسرائيل مش طالعه الا لما تخلص علي ال 15 الف مقاتل بتوع حماس في غزه

هيبيدوا ام حماس واللي خلفوهم واللي يتشدد لهم

طبعا امال ايه لازم نقضي علي الارهاب العالمي المتمثل في صواريخ القسام

ومش مهم ال500 عيل اللي ماتوا لغايه دلوقتي ولا العيل اللي امه ماتت وهي حاضناه

ولا الواد اللي اهله كلهم ماتوا وقعد هو 10 ايام تحت الانقاض

كلهم تيرريوريست ولاد كلب ملاعين ودول خطر علي الكيان العبري وعلي الحلفاء المهمين


كفايه كده علشان انا عندي المراره ومش عاوزها تتفقع

الخوجة said...

تسلمى على التحديث وارجو ان تفردى بحث عن علاج الفسفور الابيض فورا
جزاكى الله الف خير واحنا على الصبح كده

احمد الجيزاوى said...

طبعا بعد اذنك انشر فى التعلقات عندك الدعوة دة

من اجل الافراج عن احمد الكردى المعتقل من اجل غزة

للتضامن مع احمد الكوردى المعتقل ظلما فى سجن طرة ندعوكم لزيارته معنا صباح يوم الاحد القادم 18-1-2009 وذلك حتى نشعره انه ليس وحيدا و اننا جميعا لنا نفس موقفه فى مناهضة العدوان الغاشم على اهلنا فى غزة

ملحوظه الزيارة مفتوحه الى لجميع والتجمع امام سينما فاتن حمامه بالمنيل الساعه 7 الى الساعه 8

الاستفسار

0116217190

0109825523

0225327805

فيلم

احمد الكردى معتقل الحريه منذو 31 - 12- 2008 حتى الان

الدعوة ورابط الفيلم هنا http://iloveyouegypt.blogspot.com/

مصر 30 said...

قرر المغرب اغلاق سفارته في فنزويلا احتجاجا على الدعم الذي تقدمه حكومة فنزويلا الى جبهة البوليساريو وهي الحركة التي تطالب باستقلال اقليم الصحراء الغربية
من البى بى سى
بفرض صدق الأسباب يا ترى التوقيت كان صدفة :))))

مصر 30 said...

اليوم عدى من غير لقاء صحفى مع أبو الغيط !!!!!
أنا محتاج اى لقاء جديد معاه علشان أضحك شوية فى وسط الأيام الغم دى !!!

Dr.Online said...

شوفو كدا البوست دا

فيه فكره كويسه

يا ريت ننشرها


http://letsthinkdeeper.blogspot.com/2009/01/blog-post_16.html

جبهة التهييس الشعبية said...

يا علا

ثانية واحد بس يا علا، واحدة، اولا مرات ظابط امن، انت عارفة ظباط الامن مستوى الذكاء بتاعهم قد ايه وطبعا مش ح يتجوز واحدة انبه منه
ثانيا جوزها ميت والرؤساء بتوعه قالوا لها اللي عمل فيه كده هي حماس والفلسطينيين
ثالثا جبهة علماء الازهر طلعوا بيان يقولوا عليه مش شهيد ومات فطيس ومافيش حاجة اسمها عبد المأمور انت كنت واقف تمنع ناس من انهم يهربوا من القصف وكنت بتعين الصهاينة عليهم

تفتكري بعد ده كله ح تقول ايه؟

مش عشان هي مصرية ولا عشان هندية

جبهة التهييس الشعبية said...

ونسيت اقول لك ان هي لا تلام لانها مكروبة

اللوم على اللي خلاها تتصل واستقبل مكالمتها وخلاها تتكلم كده

البرامج دي ما فيهاش اتصالات عفوية

77Math. said...

عاجباني دي ..

خدو الحكمة

!


لو كنت زعيما عربيا لن أوقع اتفاقا مع إسرائيل أبدا. إنه أمر طبيعي: لقد أخذنا بلدهم. صحيح أن الله وعدنا به ولكن في ماذا يمكن أن يهمهم ذلك؟ ربنا ليس ربهم. كانت هناك معاداة للسامية، والنازيون، وهتلر، و أوشفيتز، ولكن في ماذا يمكن أن يعنيهم ذلك؟ هم لا يرون إلا شيئا واحدا فقط: هو أننا جئنا وأخذنا بلدهم. فلماذا يقبلون هذا الأمر؟






حلوة الفكرة دي .. بجد لو سحبوها حتبقى إنجاز خصوصا ضد الناس اللي بتحب المظاهر
!
بس متهيألي حياخد بدالها جايزة الدولة التشجيعية

هئ

Anonymous said...

الاخ وجدى
اعرف بتفكرنى بمين؟

فاكر فيلم ليلة سقوط بغداد
عارف الراجل بتاع
هننضف
والله لينضفونا
هتيجو امتى يا حبايبى


بس كدة



احمد سعيد

Anonymous said...

الاخت علا
معلش
متزعليش
هى بس محروقة على جوزها
معلش اصل عندنا فى مصر مش زى عندكو فى فلسطين
عندنا لما الست ابنت خال مرات عمها بيموت بتفضل تولول وتلطم علية عشر سنين قدام
ولا تنسى الدور القذر للاعلام المصرى فى حشد
زوى التفكير الضحل من المواطنين

معلش يا اخت علا

مش كلنا كدة

وبعدين انتى بتتفرجى عالبيت بيتك لية
دنا اتفرجت على نص حلقة من سنة وكنت هاتشل
ولسة فاكرها لحد دلوقتى



احمد سعيد

حـنــّا السكران said...

الإدارة الامريكية الجديدة ( ادارة أوباما ) أرسلت رسالة واضحة لإسرائيل قبل اسبوعين .قالوا لهم فيها بكل وضوح : خدوا وقتكم بالضرب . معاكم حتى قبل يومين من تسلّم أوباما ..قبل يومين من الموعد لازم تكونوا مخلصين مهمتكم .

هذه معلومات .
...............

ـ طبعاً ..منشان الفاتح الجديد , أمل العالم , محرر البشرية , منقذ الكون . يستلم بعد ما تخلص المهمة .و ما حدا يلومه.. منشان هيك كان ساكت و قاعد في زاوية بعيدة متل الكلب .

و بكرا بيقولولك ..المبادرة الكريمة و المباركة هي اللي أنهت القتل و المعارك .

Anonymous said...

يا جماعة بالنسبة لموضوع جمعية انصار السنة المحمدية

جيمى ماشى فى سياسة انة بكسب التيارات الصغيرة فى صفة ويشتغلهم انة لما يمسك هيديهم مميزات ضخمة
زى

الاقباط فى مصر
تلاقية دايما يحضر اى احتفال كبير ولا صغير بشكل لافت للنظر
طبعا انا مش بعادى اخونا الاقباط ولا حاجة
بس مع الاسف بقى فيهم قطاعات كبيرة حاسة انها مضطهدة فى مصر ومع الاسف الاحساس دة بيغذية ناس كبار فى الكنيسة
وبيأكدة الطحن اللى الشعب المصرى هارس فية بعضة
هم مش بيفهموها على انها ظروف بلد كاملة وناس قرفانة من نفسها
لا هم بيفسروها على انها اضهاد ليهم
يعنى لو مسلم اتخانق مع مسيحى
يقولك اة مضطهدة علشان مسيحى
وماياخدش بالة ان اساسا كل الناس بتتخانق مع بعض وكلة بيخانق فى تيار وشة
ومع الاسف النظام نفسة بيغزى الاحساس دة
علشان يفرق الشعب ويضمن ولاء الاقباط لية لانة هو اللى حاميهم من بتوع التيارات الاسلامية الوحشين
اوووم عمك جيمى استغل الموضوع وركب الموجة علشان يضمن تأييد كام مليون قبطى لية بزعم انة لما يمسك هينغنغهم ويظبطهم
وطبعا دة مش هيحصل


نقابة الاشراف
اولا مع احترامى لكل السادة الاشراف
انا مش مقتنع بفكرة النقابة دى اصلا
الرسول قال لا فضل لعربى على اجمى الا بالتقوى
وقال اعملى يا فاطمة لااغنى عنكى من اللى شيئا
يعنى سيادتك مش هتتميز عن بقيت الناس فى حاجة لمجرد انك من نسل سيدنا النبى
وكونك من الاشراف دة ميمنعش انك تكون نصاب وحرامى
وشفنا عينات من دى كتير
واساسا النقابة دى مخترقة من اكتر من ستين سنة
وشغل التلات ورقات فيها على ودنة
وكل عرس حرامى يروح يدفعلة قرشين ويجيب ورقة انة من الاشراف
وطبعا جيمى لازم يبقى حبيب السيد نقيب الاشراف علشان يكسبهم

بصراااحة انا مش مقتنع بالنقابة دى اساسا
وضررها اكبر بكتييييير من نفعها
دة ان كان ليها نفع اساسا
احنا مش ناقصين عصبيات


جمعية انصار السنة
مؤسسة محترمة اسسها الشيخ السبكى فى العشرينيات على ما اعتقد وكان ليها نشاط اجتماعى وخيرى جميل وان كانت بعيدة عن السياسة

بس مع الاسف سيطر عليها مؤخرا شوية ناس على افضل الاوصاف هقول عليهم زكاؤهم محدود جدا دة ان لم اقل عليهم خونة

ركبو موجة الجماعة بتوع السعودية وقعدو يقولو ان اللى مش تبعهم يبقى خارج عن السنة
وان اى حد مسلم مش تبع اى تيار تانى يبقى تبعهم غصب عنة
ههههه
اة والله
واحد فيهم قال كدة


وطبعا عمنا رئيس الجمعية اصطاد فى المية العكرة من فترة واعلن تأييدة لجيمى

طبعا انا مش بعيب فى التيارات دى لان فيها ناس كتير محترمة بس انا بتكلم على اصحاب مراكز صنع القرار فى هذة المؤسسات


حتى الاخوان مع الاسف النظام نجح فى السيطرة عليهم وتقليم اظافرهم
ومش بعيد نلاقى عمنا عاكف طالع بمظاهرات تأييد لجيمى

فما تستغربوش من اللى بيحصل

فطالما ان المرء على دين خليلة

فلازم البهوات دول كلهم باستثناء الاخوان
يتبنو نفس اتجاة النظام فى قضية فلسطين

طبعا النظام كدة كدة اتكشف
فبيدارى فى دول علشان يتكلمو بالنيابة عنة
لانهم ليهم بعض مصداقية فى الشارع كما ان ليهم سيطرة كاملة على اتباعهم


اة
نسيت اضيف كمان
الطرق الصوفية
دول عليهم برضة لعب كتير قوى
دة حتى امريكا راضية عنهم قوى
وفية مشروع امريكى بنشر التيار الصوفى كبديل للتيارات الجهادية الحالية فى الشرق الاوسط



احمد سعيد

Anonymous said...

قناة الرحمة دى ملك للشيخ العلامة محمد حسان اللىحضرتة كان بشتغل فى قنا الناس وللى هية اصلا كانت قناة هشك بشك وبعدين لقت المتاجرة بالدين اكسب فقلبت قوم اية الشيخ حسان لقى حكاية القنوات الدينية دى لقمة طرية وقام عامل قناتة الخصوصى وهى قناة الرحمة وبالمرة قام شارى فيلا فى 6اكتوبر حط فيها حريمة الاربعة علشان يبقى جنب الشغل ماعلينا فضيلة االشيخ من اكبر عملاء النظام وعلاقاتة برجال الحزن الوطنى فى بلدة الاصلى معروفة وهم من الحرامية الكبار ولاننسى مواقفة ايام حرب لبنان اذ كفر الشيعة وكانت كل خطبة تحث على الكراهية للشيعة عامة ولحزب اللة والسيد حسن خاصة وللاسف هو لة مريدين كثر فاكيد لان حماس سنة مش شيعة قلبو اللعب للطريقة اللىحكى عنها طفاطيفو ومن المضحكات المبكيات على حالنا نحن شعب الزومبى الاحرار ان احد الرسايل اللى مبعوتة للقناة بتقول ان محرر فلسطين انشاءاللة سوف يكون ابن بنت الشيخ حسان *****وعجبى -----دودو

Anonymous said...

الاخ حنا السكران
بجد اشكرك على تعليقك لانك قلت اللى كنت هقولة
فعلا لازم العدوان يخلص قبل اوباما ما ييجى
لانة لو جة والعدوان لسة شغال لااااازم غصب عن عين امة هيأيد اسرائيل
وبكدة هيكون كارت واتحرق فى اول ايامة ومش هيقدر يقوم بدور الراجل الطيب بعد كدة

والعالم ميستحملش 2 بوش ورا بعض

لازم نهدى النار عالطبيخ شوية
لازم ييجى واحد يقوم بدور الراجل المعتدل
علشان يلم الدور
ويحاول يهدى اللعب شوية
طبعا اللعب فوق الترابيزة
انما من تحت الترابيزة
دة شغاااااال علطول
هى امريكا كدة
واحد يجى دور الكلب الخاضع المطيع لاسرائيل

وواحد كلب خاضع مطيع لاسرائيل بس بيمثل دور الراجل الطيب العاقل المعتدل
وبعد اوباما هتلاقو نسخة تاااانية من بوش
وهكذا دواليك
لذلك انا اعتقد ان اللوبى الصهيونى هو من اسقط ماكين
لانة مش وقتة دلوقتى
دة وقت اوباما الاسود الغلبان

واشربو ياللى كنتو فرحانين بية
علي الله تكونو اتعلمتو

علشان كدة لازم العدوان ينتهى قبل اوباما مايركب قصدى يمسك

بس المشكلة
بعد ان شاء الله ماينتهى
هل هيفضل القطاع متحاصر
والناس اللى ماتو دول دمهم يروح هدر
اتمنى انة مايحصلش
وكلامى دة لحركة حماس مش لاوباما طبعا
لحسن حد يفهمنى غلط



احمد سعيد

مواطن مصري said...

انيوميس اموت من اجل مصر بعد ان انمي بلدي اولا

Anonymous said...

السلام عليكم ورحمة الله
يشرفني كفلسطيني أن اشارك معكم في بعض التعليقات.

أولاً جزاك الله خير على الغيرة التي تكنيها لاهلك في فلسطين والله لا شك في ذلك غيرتك وغيريت كل أخ وأخت مصري.
يا خسارة كلامك صحيح ١٠٠٪ ومحتاج توقيع من الذين لا نقول فيهم إلا حسبي الله ونعم الوكيل فيهم .
وإلى الذين يقولون اوباما ما اوباما
، يا ابني الله يرضى عليك سيبك من اوباما ومن غيرو وإتكل على الله ثم على ضميرك. وما النصر إلا من عند الله...
السلام عليكم

Free Palestine said...

السلام عليكم ورحمة الله
يشرفني كفلسطينية أن اشارك معكم في بعض التعليقات.

أولاً جزاك الله خير على الغيرة التي تكنيها لاهلك في فلسطين والله لا شك في ذلك غيرتك وغيريت كل أخ وأخت مصري.
يا خسارة كلامك صحيح ١٠٠٪ ومحتاج توقيع من الذين لا نقول فيهم إلا حسبي الله ونعم الوكيل فيهم.
وإلى الذين يقولون اوباما ما اوباما ، يا ابني الله يرضى عليك سيبك من اوباما ومن غيرو وإتكل على الله ثم على ضميرك. وما النصر إلا من عند الله...
السلام عليكم

Free Palestine said...

السلام عليكم ورحمة الله
يشرفني كفلسطينية أن اشارك معكم في بعض التعليقات.

أولاً جزاك الله خير على الغيرة التي تكنيها لاهلك في فلسطين والله لا شك في ذلك غيرتك وغيريت كل أخ وأخت مصري.
يا خسارة كلامك صحيح ١٠٠٪ ومحتاج توقيع من الذين لا نقول فيهم إلا حسبي الله ونعم الوكيل فيهم.
وإلى الذين يقولون اوباما ما اوباما ، يا ابني الله يرضى عليك سيبك من اوباما ومن غيرو وإتكل على الله ثم على ضميرك. وما النصر إلا من عند الله...
السلام عليكم

Anonymous said...

السلام عليكم ورحمة الله
يشرفني كفلسطينية أن اشارك معكم في بعض التعليقات.

أولاً جزاك الله خير على الغيرة التي تكنيها لاهلك في فلسطين والله لا شك في ذلك غيرتك وغيريت كل أخ وأخت مصري.
يا خسارة كلامك صحيح ١٠٠٪ ومحتاج توقيع من الذين لا نقول فيهم إلا حسبي الله ونعم الوكيل فيهم.
وإلى الذين يقولون اوباما ما اوباما ، يا ابني الله يرضى عليك سيبك من اوباما ومن غيرو وإتكل على الله ثم على ضميرك. وما النصر إلا من عند الله...
السلام عليكم

Free Palestine said...

السلام عليكم ورحمة الله
يشرفني كفلسطينية أن اشارك معكم في بعض التعليقات.

أولاً جزاك الله خير على الغيرة التي تكنيها لاهلك في فلسطين والله لا شك في ذلك غيرتك وغيريت كل أخ وأخت مصري.
يا خسارة كلامك صحيح ١٠٠٪ ومحتاج توقيع من الذين لا نقول فيهم إلا حسبي الله ونعم الوكيل فيهم.
وإلى الذين يقولون اوباما ما اوباما ، يا ابني الله يرضى عليك سيبك من اوباما ومن غيرو وإتكل على الله ثم على ضميرك. وما النصر إلا من عند الله...
السلام عليكم

Free Palestine said...

السلام عليكم ورحمة الله
يشرفني كفلسطينية أن اشارك معكم في بعض التعليقات.

أولاً جزاك الله خير على الغيرة التي تكنيها لاهلك في فلسطين والله لا شك في ذلك غيرتك وغيريت كل أخ وأخت مصري.
يا خسارة كلامك صحيح ١٠٠٪ ومحتاج توقيع من الذين لا نقول فيهم إلا حسبي الله ونعم الوكيل فيهم.
وإلى الذين يقولون اوباما ما اوباما ، يا ابني الله يرضى عليك سيبك من اوباما ومن غيرو وإتكل على الله ثم على ضميرك. وما النصر إلا من عند الله...
السلام عليكم

Free Palestine said...

السلام عليكم ورحمة الله
يشرفني كفلسطينية أن اشارك معكم في بعض التعليقات.

أولاً جزاك الله خير على الغيرة التي تكنيها لاهلك في فلسطين والله لا شك في ذلك غيرتك وغيريت كل أخ وأخت مصري.
يا خسارة كلامك صحيح ١٠٠٪ ومحتاج توقيع من الذين لا نقول فيهم إلا حسبي الله ونعم الوكيل فيهم.
وإلى الذين يقولون اوباما ما اوباما ، يا ابني الله يرضى عليك سيبك من اوباما ومن غيرو وإتكل على الله ثم على ضميرك. وما النصر إلا من عند الله...
السلام عليكم