Tuesday, 20 January 2009

اشمعنى بقى؟

اشمعنى الامريكان في تنصيب رئيسهم بيصلوا اهو وماحدش قال عليهم دولة دينية متخلفة؟ اشمعنى احنا اللي دينا بس هو اللي متخلف؟
اشمعنى بيصلوا صلاة مسيحية وعندهم بوذيين ويهود ومسلمين ولا دينيين وشهود يهوا ومن كل الاديان وما حدش قال لهم انتوا بتتجاهلوا الاقليات ليه؟ امريكا للامريكيين. وللا لازم الصلاة تبقى بالانجليزي؟
طب ترجموا الفاتحة بقى يا شباب

33 comments:

Anonymous said...

يمكن بدهم ياسسو امارة مسيحية كلمي الفقي

Anonymous said...

http://www.youtube.com/watch?v=cWvmy4FC74s&feature=related

~*§¦§ Appy §¦§*~ said...

طيب ودي اترجمها بايه بقى
قوليلى الراجل بجد اللى على الجزيره اللى بيترجم ده ولا مخلينى افهم بالعربى ولا سامعه اللى باعنجليزي اعمل ايه اتفرج فين حد يقولى طيب

مواطن مصري said...

بس انا شايف ان نظرة التعامل مع المسلمين هتتغيرررر
طيب ما احنا عندنا بردو قسم و بنحلف ع المصحف

مواطن مصري said...

و قال علينا نحن جميعا ان المسلمين و المسيحين ان يكون هناك احترام متبادل
و قال كمان نحن امة من اليهود و المسيحين و المسلمين


نعيش معا في امة واحدة ضد الكراهية

جبهة التهييس الشعبية said...

ايوة
بس انت بالذات يا مواطن لو تم تنصيب رئيس مصري ابتدا تنصيبه بانه يصلي ركعتين مثلا ح تشتمه وتقول عليه انه بيضطهد المسيحيين وانه بيعمل دولة دينية متخلفة وان مصر للمصريين

وحماس انتخبت من قبل الشعب الفلسطيني زي اوباما وانت بتكرههم بالرغم من انهم منتخبين لمجرد انهم اسلاميين

طيب هم بيقولوا الله مولانا ولا مولى لهم في حرب

دول بقى بينصبوا الرئيس بتاعهم (كل مرة على فكرة مش مرة اوباما بس) بانهم يبتدوا بصلاة مسيحية لانها ديانة الاغلبية ومافيش حد بيزعل ولا بيقول وليه تبتدوا بصلاة مسيحية وفيه اديان اخرى؟

وانا باسألك بقى انت بالذات بما انك النموذج الحي للكلام ده

ليه اوباما او اي رئيس امريكي احسن من حماس
الاتنين منتخبين
والاتنين دينيين

وللا هي المشكلة مع الاسلام بالذات؟

جبهة التهييس الشعبية said...

واشمعنى الامارة اليهودية الصهيونية والامارة المسيحية البروتستانتية مقبولين والامارة الاسلامية مش مقبولة؟

لو هو الاسلام بالذات اللي دمه تقيل قولوا لنا عشان نبقى على نور بس

مواطن مصري said...

حماس اولا جماعة متطرفة


و حماس مش الدين الاسلامي او الاسلام

انا قولتلك اني بكرة حماس ل اسباب سياسية


و بردو بكرة التطرف الديني سواء تطرف مسيحي او اسلامي

و بعدين
فاكرة السيناتور الاسود المسلم الديموقراطي الي فاز و قال القسم على المصحف ولا دة نسيتية
؟؟؟


و لو كان متطرفين مسيحين في غزة هما الي في السلطة كنت هنتقدهم بردو

مواطن مصري said...

و بعدين هو احنا لازم نقابل التطرف بتطرف
العنصرية ب عنصرية


لو هما بيكررهونا و مطلعين عينا

نطلعع عين المسيحين هنا


اسف انا مبقلش المنطق دة و المنطق دة اغلب الظلامين سواء متطرفين مسيحين او متطرفين مخسلمين بيتعاملو ب المنطق دة

مواطن مصري said...

تاني حماس و الاخوان مش الدين الاسلامي لو حماس حركة اسلامية و وصلت للسلطة انا من حقي انتقدها و مش معني بنتقدها و بارفضها ابقى

خرجت للدين لالائنهم مش رسل ولا مهدين ولا انبياء ولا ملايكة

ولا كهنوت مقدس لازم نقول امين على اي حاجة يقولوها


لو دة منطقك يا نوارة ان لو الاخوان المسلمين وصلو للحكم بعد الشر و الي بيعارضهم يبقى بيعارض الدين يبقى فكر متطرف و عنصري و هيؤدي لحرب اهلية دينية

مواطن مصري said...

و اخر حاجة


مفيش مخلوق في الدنيا و في العالم يقدر يكفر حد عشان قال رائية او بيعارض جماعة او حركة سواء مسيحية او اسلامية انو يكفر حد عشان مش شغلتة ولا مش سلطتة انو يشتغل مكان ربنا و يكفر دة و يصرح باهدار دم دة

mado said...

انا راي اساسا ان الصلاة ملهاش اي لازمة في الاحتفال دا او اي احتفال تاني.خصوصا ان في ديانات مختلفة وفي لا دينيين وفي ملحدين.
الي عايز يصلي يصلي في الجامع او الكنسية او المعبد. او فالشارع هو حر.بس ميخليش الصلاة او القسم الديني شيء اساسي في اي مراسم.

arrow said...

آبى
البى بى سى ترجمتها أفضل من الجزيرة
وتغطيتها للحدث كمان أفضل كتير

~*§¦§ Appy §¦§*~ said...

مواطن مصري
ومين قال اننا مبنحترمش الديانات التانيه احنا مشكلتنا فى عدم التواصل بس مش اكتر انا ليه صديق مسيحى وبنقعد نضحك موت على حاجات عندنا وعندهم وعلى فكر بعض الناس مش كل الناس عندها فكر الكرهه ده
انما انا عن نفسي اكره اي حد يحقر من دينى وميحترموش وده السبب وبعدين اللى بيحصل بقى ان اقليات هى اللى بتعمل كده وهى اللى بتشيع الكره فى القلوب وبتلعب على جميع الاحبال وتسخن هنا وهنا
وبعدين مش عارفه ليه احنا عندنا فوبيا او البعض من احكام الاسلام مع انه دينا يعنى وشايفه انها لو اتطبقت هتكون فايده للجانبين بجد واتناقشت مع ناس مسيحين واقتنعوا بده يبقى المشكله عدم الفهم بس وعدم التواصل صح ولا ايه

~*§¦§ Appy §¦§*~ said...

نواره الاسلام مش دمه تقيل
بس تنفيذه عند البعض صعب مع انك لو قارنتى بينه وبين اي حاجه تانيه هتلاقيه شرع حاجات كتير لكل اهل الكتاب يمشوا عليها وتحفظهم بس تقولى ايه من فوبيا الالتزام والادب لان الاسلام وكمان المسيحيه الصح فيه كم ادب واخلاق ملهاش وصف بس تقولى لمين اعتقد ان اللى بيرفض بيرفض من هنا وهنا

Anonymous said...

من دلوفتى
اقولكو المطبلاتية عندنا هيقولو اية الفترة الجاية

ان عوكل كلم اوباما علشان يباركلة
وان اوباما رد علية فورا وشكرة
وقالة انة حليف كبير ودورة مهم
وانة بيعتبرة اخ اكبر وبيطلب دايما نصايحة وحكمتة
وهيستعين بية فى معضلات الامور


وطبعا الاوشاعات اللى انتشرت قبل كدة من قلة مندسة عن انة نرضيش يرد علية لما اتصل بية وكرتة ونفضلة دى كولاتها اوشاعااات مغرضة
واوهام ومحض افترائات يروجها اعداااااء مصر



سمعتو لما قال فى الخطبة ولمح عن الزعماء الديكتاتوريين


يا ترى يا عوكل عامل اييية دلوقتى
اكيد هدومة مبلولة

ولو انى لا اتوقع خيرا من اوباما او غيرة
بس كونة مداش الامان لعوكل لحد دلوقتى
دى حاجة مفرحانى قوى
فرحان فى عوكل طبعا



احمد سعيد

الخوجة said...

نوارة عمتى مساءا يأختاه
اللنك بتاع

موقع فيه صور واخبار وفيديوهات كتير لدعم غزة عربي وانجليزي


لايفتح على حاجه

عباس العبد said...

يا مفترية
صلوا فين ؟
الراجل قال كلمتين من الكتاب المقدس عن أن الناس كلهم واحد و لازم نستفيد من الكلمة دى و نعمل على التآخى
عملتيها صلوا
طيب ما كل الناس فى مصر بتقول فى اول خطاباتها بسم الله الرحمن الرحيم
حد قال انهم بيصلوا ؟
--
و بعدين سيبتى جملته بأن أمريكا محاطة بشبكة من الأرهابيين و انه لازم حيقضى عليها و مسكتى فى دى اوى ؟

جبهة التهييس الشعبية said...

لا بقى يا رامز انت اللي مفتري
ده قال صيغة الصلاة كلها ما قالش كلمتين من الكتاب المقدس ولا حاجة انت ح تستعبطني؟
انا مش باتكلم عن خطبة اوباما
انا باتكلم عن القس اللي عمل صلاة قبل حلف اليمين يا رامز

لما كتبت البوست ده ما كانتش خطبة اوباما المهببة ابتدت

انت شكلك ما شفتش الاحتفال من الاول

جبهة التهييس الشعبية said...

مواطن مصري

انت فعلا ح تجيب لي استبحس في دماغي

حد جاب سيرة اضطهاد المسيحيين؟

انا باتكلم عن كلامك وكلام ناس زيك بتدعي انها مش قابلة دولة دينية وهم متقبلين امريكا مع انها دولة دينية

ومش ح اقول اسرائيل لان اسرائيل مش دولة دينية دي دولة عنصرية

هي المشكلة بالنسبة لك في الاسلام مش في الدولة الدينية

بدليل انك متحمس لامريكا

وعموما اهو اوباما قال خطبة زي الخرا

على الله بقى تكون عجبتك

بيقول لك احنا على استعداد اننا نقود العالم تاني

جبهة التهييس الشعبية said...

نسيت اقول لك يا رامز

انا شخصيا كواحدة مؤمنة بربنا وعندي دين وما عنديش حساسية لا من ربنا ولا من الدين

ما عنديش مشكلة ان افتتاح تنصيب رئيس امريكا يبتدي بقس بيصلي
(والصلاة كانت طويلة قوي بالمناسبة)

انا عندي مشكلة مع اللي بيقولوا احنا ضد تديين السياسة
وكل ما الواحد يجيب سيرة ربنا يزعقوا له

ووصل بيهم الامر انهم يقولوا ما تتحجبوش عشان الحجاب بيعمل فتنة طائفية

Anonymous said...

أصل اللي عندنا مش طاهرين فصلاتهم لا تجوز شرعا

مواطن مصري said...

طيب هي الحقيقة تزعل الواحد
الاسلامين او الاخوان المسلمين الي رافضين المواطنة و الحريات و اغلبهم و نقول الحقيقة مش بيحبو المسيحين او ان مواطن مصري مسيحي يوصل لمنصب قيادي و ادخلي على المواقع ايها بتاعت المناظرات الخ و الي بيكفرو في الناس


ف اكيد الرد الطبيعي من المسيحين و خصوصا في الغرب انهم يشتمو الناس دول و يجمعو معاهم المسلمين


المفروض ان الناس الي بتيهن الدينات الاخرى و تكفر الناس و تهدر دم الناس

تتغير و تحترم الغير عشان الغير يحترمها و دة الكلام الي قالة اوبما النهاردة

مواطن مصري said...

اة كمان انا مسلم بس اي حاجة تخص الوطن انا مصري بغض النظر عن اي دين مصلحة البلد بغض النظر عن اي دين

لما دين يحكم الدولة و يفرض سياست معينة فمن حقي ان اعترض على تلك السياسات و اناقشها و اقول رأي فيها سواء كان الدولة او الجماعة هتعمل بقى دولة دينية مسيحية اسلامية او حتى بهائية
اذا اختلط الدين ب السياسة فانا من حقي اعارض السياسة

77Math. said...

مؤخرًا كنت أتساءل

هل كل هذه تمثيلية ؟

هل الدين هو المحور الأساسي لكل هذه اللعبة ؟؟

الاحتلال ومعتقداته "الطينية" التي يدافع عنها ويحشد لها كل هذه القوى الاقتصادية والإعلامية والعسكرية

أمريكا زي ما قلتِ ..

بريطانيا ورئيس وزراءها السابق اللي مسك منصب ديني أول ما فترة ولايته خلصت ..


هل الله هو السبب ؟

بالأحرى

الاختلاف حول الله هو السبب ؟

77Math. said...

مواطن

"الاسلامين او الاخوان المسلمين الي رافضين المواطنة و الحريات و اغلبهم و نقول الحقيقة مش بيحبو المسيحين او ان مواطن مصري مسيحي يوصل لمنصب قيادي و ادخلي على المواقع ايها بتاعت المناظرات الخ و الي بيكفرو في الناس"


الإسلاميين أو الإخوان المسلمين ليسوا هم الإسلام

الإسلام أرحب وأسمح بكثير جدًا أن يرتدي منظارا ضيقا كالذي يرتديه مدّعوا أنهم الإسلام ولا غيرهم

والدولة الإسلامية زمان كانت تضم كل الديانات، لكن لم يصل غير المسلمين لمناصب مرتفعة لأن نظام الدولة لم يكن نظامًا موزعا يعتمد على مؤسسات متفرقة شاسعة مثل الآن


كان الخليفة هو العنصر الأساسي في الدولة، ولأن الدولة إسلامية كان لابد أن يكون مسلما

في حاجات كثير ممكن تتغير لو احنا بجد بنفكر بأسلوب صح ، وبنطبق الدين كما يناسب هذا العصر

وإلا نروح نقعد في خيام أحسن

مواطن مصري said...

77math
بصي

هتفكري في الموضوع دة هتوصلي لنفس النتيجة لوصلتها
بس عموما اي رجل سياسي يستغل الدين من اجل وهم الناس عشان يوصل و يحقق مكاسب شخصية او حربية ف النتيجة هتكون تشوية الدين

لان زي ما عارفين ان السياسة لعبة قذرة

و بيستخدم فيها لعب قذرة

عمر said...

بدون زعل..بصى ع الخبر ده
http://www.almesryoon.com/ShowDetails.asp?NewID=59107&Page=1

Anonymous said...

ابنى بيتفرج وبيسالنى احنالية مش بيحصل عندنا كدة تفتكرو ارد اقولة اية----دودو

جبهة التهييس الشعبية said...

عمر
انا لسة ما قرتش الخبر
بس نصيحة لوجه الله
ما تجيبش اخبار من المصريون لانها موقع مبدع في تأليف الاخبار وتلحينها وغنائها

يقول أنى امرأة said...

حرام عليكى يا نوارة
الست لبسها مش وحش ولا حاجة
دا انا معجبة بيها جدا هى و البنات عشان البساطة الى هما فيها
و شعرها سيباة على طبيعتة
اساسا لو كانت عاملة فية اى حاجة مع الجو بتاع امبارح و الهوا بتاع طيارة المنيل و هو ماشى كان اتفك و كانت هتبقى كارثة لانة مش ناعم
فدم احسن حاجة لية

بس من ناحية ان هو احلى منها
اة هو احلى الحقيقة و ابتسامتة تجنن الصراحة

Anonymous said...

حماس بتضهد المسيحيين ... حتى شوفوا

Anonymous said...

http://www.youtube.com/watch?v=vgQdJo82sdk
حماس بتضطهد المسيحيين